Sunday, July 03, 2011

عشان كده




لما كنت صغنتوتة
كنت باحب أتفرج على حفل الختام قوي
أنا و ماما
نخمن مين اللي هيكسب و مين مش هيكسب
و نراهن بعض على الجوايز
نتفرج ع الفساتين
مين جه و مين ماجاش
ننبسط بالتنظيم لو طلع منظم
و نتعصب لو شوفنا أي قلة نظام
كانت ليلة بتاعتنا إحنا الإتنين بس
من الليالي اللي كنت باحس فيها بحلاوة إننا مش بس أم و بنت
لأ دا احنا كمان إتنين أصحاب
عشان كده في ديسمبر اللي فات
لما كسبت الجايزة دي
(رغم إني ماقدرتش وقتها أروح أستلمها)
ما كنتش فرحانة بس عشان دي جايزة أحسن سيناريو لمسلسل كوميدي في 2010
و إني باخدها عن أول سيناريو كتبته في حياتي
ما كنتش فرحانة بس عشان حلمت من زمان إني أكسب جايزة زي دي و يتقال إسمي على مسرح زي ده
ماكنتش فرحانة بس عشان ربنا عوضني عن تعب سنتين كتابة و إن ربنا أجاب دعائي لما طلبت منه هدية حلوة في عيد ميلادي اللي كان قبل الحفلة دي ب 4 أيام
كنت فرحانة أكتر عشان حسيت إن ماما فرحانة معايا
حتى لو ماكنتش جنبي فهي أكيد حاسة بيا و بتدعيلي كمان
-
ليه ماقولتش من زمان ؟
كنت مخاصمة التدوين شوية

ليه باكتب الكلام ده دلوقتي؟
عشان ده الخن بتاعي اللي باحط فيه الحاجات اللي باحبها و بخاف لانساها أو لاتضيع

و كمان عشان عايزة أنفض التراب و أرش ماية و أرجع أستقرهنا تاني

عشان وحشتني المدونة
وعشان إنتوا كمان وحشتوني بجد


94 comments:

just waiting said...

الف الف الف مبروك ياغادة
اكيد لكل مجتهد نصيب ربنا مش بيضيع مجهود حد
وبجد انا فرحنالك قوي
وفرحانة انك هترجعي تكتبي هنا تاني في انتظارك ان شاء الله

بكرى احلى said...

الله يسعدك

بسمة حلمي ( القمرية) said...

صباح الخير غادة
عودة ميمونة باذن الله

محمد عبد الغفار said...

عجزت عن التعليق

سنفورة said...

و إنتي كمان وحشتينا!!! أحلى تحية لكي من الأردن :)

فاطمة الابراهيم said...

واحنا نحبج وااااايد واييد يا غادة :***

مبروك الجائزة تستاهلين

:)

candy said...

أصيلة ياغادة ;)
من فات مدونته تاه :))

ألف مليون مبروك ، وعقباال الأوسكار

بس أنا لسة عند رأى المسلسل قلل من التدوينات ... وأن الموضوع مقروء أحسن من الدراما.

طبعاً رأى دا مالوش لزمة بعد ما المسلسل دخل كل البيوت المصرية والعربية .. :))

ترجعى بالسلامة وربنا معاكى :)

Bola 7elmi said...

مبرووك و تستاهليها , المسلسل بجد كان تحفه .. و منوره من تاني .. إفتقدناكي والله يالا مستنيين جديدك ..

mickey said...

الف مبروك علي الجايزة و يا رب تبقي فرحانة و مبسوطة دايما

الطائر الحزين said...

وفقك الله
و ادام برك بوالدتك

وصف الاحساس said...

حمدلله علي السلامة
والف مبروك علي الجايزة
وكل سنة وانتي طيبه قبلها باربع ايام
ونورتي المدونة من تاني
تحياتي

Unknown said...

مرحبا استاذة غادة
حبين نقلك انا احنا كمان مشتاقينلك كتير وسعداء جدا بكتاباتك الي بنحسها النا مخصوص
وعيد ميلاد سعيد مع انها اجت متاخره بس باذن الله المره الجاية بتكون التهنئة في المعاد
وربنا يخليلك ماما وتضل منوره حياتك وعقبال الجوائز العالمية يا رب

Adham said...

مبروك عالجايزة و حمدا لله على السلامة

Sara said...

مش عارفة أباركلك على ايه و لا ايه يا غادة
ألف ألف ألف مبروووك الجائزة و العودة للبلوجر =)
هتوحشيني على الفيسبوك جدًا
و في انتظار عودة بوستاتك الجميلة مرة أخرى =)

Unknown said...

انتى كمان وحشتينى جدا يا غاده والف مبروك يا قمر وديما كده ربنا يديم عليكى الفرح ويخلى ايامك كلها افراح وبليز بجد ارجعى بقى انا فعلا زعلانه اوى انك مش بقيتى بتكتبى ولا خلاص مبقلناش حق عليكى

Unknown said...

غاده أجمل حاجه انهارده اني قريت البوست بتاعك بجد انت نورتي البلوجر كله مش مجامله بس انت كنت ملهمه ليه عشان أرجع أكتب تاني و هفضل مدينه ليكي بالحكايه دي دائماً.
و مش أنا بس أكيد انتي أثرتي في حياة ناس تانيه كتير و عشان انت تستاهلي كل خير ربنا حققلك أمنيه حلوه مبرووووك يا غاده و عقبال ما تحققي كل أمانيكي.
و أكيد مامتك فخوره بيكي :)

كريمة سندي said...

الله يسعدك ويوفقك وفي انتظار جديدك

ياسمين said...

مبرووووك ياجميل بجد اسلوب زي السكر وتستاهلي كل خير

أم said...

أهلا بعودتك وفي انتظار جديديك

Anonymous said...

الف مبروك يا أستاذة غادة بجد تستاهلي الجائزة و احنا سعداء جدا انك رجعتي تدوني تاني

Bent Men ElZman Da !! said...

الف الف مبروك يا غاده
انتى تستاهلى بجد
وياريت مش تغيبى تانى عن هنا بقى
ربنا يوفقك دايما :))

Unknown said...

منذ أن بدأت أتابع المدونة وأنت خرجت منها لرحابة الكتابة الصحفية ورحابة الكتابة الدرامية وتركت الخن

مرحبا بعودتك ثانية
وأرجو ألا تنقطعي أبدا

تحياتي

Haytham Kilany said...

أول زيارة
مبروك على الجايزة
تحياتى

Mohsen said...

مليون مبروك
وعلي فكره انتي كمان وحشتينا وبصراحه بصراحه زعلنا منك شويه لما سيبتينا وسيبتي بيتك اللي هو المدونه بس خلاص خلاص حمدالله ع السلامه والف مليون مبروك تاني وتالت

مهندس مصري بيحب مصر said...

ألف مبروك و لو انها متأخرة بس الواحد مش بيتابع الأخبار الفنية و انتي عارفة
:)
و المبروك الأجمد بقى هو رجوعك للمدونة
وحشتي بلوجر و أظن إنه واحشك

هراء لا داعى له ..... said...

ياريت فعلا

واحد من الناس said...

بجد مبروك لينا وليك مبروك ليك الجايزة ومبروك لينا عودتك للكتابة

Rosie said...

حمد الله على السلامة...و أنت تستاهلى كل خير.....عارفة أنا عايزة أعلق على حاجة فى الآخر قولتيها إنك عايزة تنفضى التراب على المدونة و إنك بتحطى فيها الحاجات اللى مش عايزة تنسيها..عارفة انا كنت مضايقة و قعدت أقرا موضوعات قديمة و تعليقات عليها. و بعدين لقيت إن كل اللى بيكتب فى المدونات..و بيحاول يكتب حاجة ليها معنى و هدف..المفروض ميسبهاش أبدا..
لأنك لما يوم تبقى مضايقة و تلاقى ناس متعرفيهومش و لا يعرفوكى و بكتبوا إنك أسعدتيهم أو أفدتيهم..دى تساوى كتييير أوى...كأن طاقة نور اتفتحت لك..حتى لو كان اللى تعرفيهم مضيقينك..ربنا يوفقك لكل خير...
When I was watching your show I felt like it`s my friend is the one who wrote it...I felt like I know you...so even if you missed things you`ve accomplished a lot...

ذو النون المصري said...

حمد الله علي السلامة
بيتك و مطرحك
كلنا نفسنا ترجعي للتدوين من زمان
و ياريت سوسة بتاعة زمان ترجع زي ما كانت
تحياتي

nouna said...

مبروك الف مبروك وعود احمد
ايوة كدة نورتى بيتك ورجعتى لنا ولكل حبايبك وعلى فكرة انتى مكنتيش عنا بعيد الواحد كان يجى البيت يخبط ومايلقاش حد نقول مسافرين وحيرجعوا
ولما جينا النهاردة لاقيناكى منورة
اهلا والف اهلا وفى انتظار ابداعاتك

nouna said...

حمد لله عالسلامة طولتى الغيبة علينا بس معلش اللى بحب واحد بيفضل مستنية
الف مبروك الجايزة ومنها لاعلى منها
فى انتظار ابداعاتك
نورتى البيت

احمد أبو العلا said...

بعثت لك دعوة على الفيس بوك لحضور معرضى سيقام الخميس 7-7 فى قاعة أبجدية 12 طلعت حرب امام فلفلة لازم تيجى... تحياتى

اسم الشهره _nanny said...

welcome back

Nancy Signal said...

مبروك رجوعك للتدوين , احنا مستنيينك على نار و مبرووووووك الجايزة تستاهليها عن جدارة

Anonymous said...

انتي
كمان
وحشتينا
و وحشتنا
نبرة النجاح
في صوتك :)
Bee

Unknown said...

شدى حيلك بقى
عايزين الجزء التانى و التالت
علشان متبقاش الجايزه يتيمه كده ... انتى قلتى ان دى اول جايزه
على امل انك بتحلمى بالتانيه و التالته ....
ربنا يوفقك غاده,,

saragebaly said...

الف مبرووووك :)


:)

sony2000 said...

الف مبروك
الف مليوووووووون مبروك
ويارب من فرح وسعاده لتقدم وحب وجمال ديمن
اللهم امين

مونتي بوكيه ورد said...

الف مليون مبروك ويارب من نجاح لنجاح
و في انتظار نجاح جديد لقضية جديده داخل امراه
عايزه تحب بجد
عايزه تعيش في امان
عايزه ترتقي بنفسها
عايزه تنجح في نجاح رجل
عايزه تنتمي لرجل
وليس لمجرد زواج
بحييكي

Unknown said...

مبروك يا غادة وعقبال الاوسكار بتاع امريكا
واد عمك تايه الساكن الناحية التانية

وشوشات said...

بيتك هنا
أهلك هنا :))

منورة يا غادة.

Enas Satir said...

alf alf mabrook!and welcome back. please don't stop blogging, i've been waiting for ur posts!
keep it up..and i hope many prizes to come!:)

Enas Satir said...

alf alf mabrook!and welcome back. please don't stop blogging, i've been waiting for ur posts!
keep it up..and i hope many prizes to come!:)

Anonymous said...

Pleasant Post. This post helped me in my college assignment. Thanks Alot

لا تسألونى من أنا said...

الف مبروك وبجد تستاهلى كل خير وحقيقى حقيقى وحشتينا ووحشنا كلامك ووحشتنا مدونتك الف حمدلله على السلامه

Saba Bushnaq said...

Allah yir7amha w yi7sen ileha ya Gahda,

Ana bardo bardo ba7is nafs il 2i7sas ma3 ayyi ingaaz fi 7ayati.. Allah yir7am 2ummi w 2ummek w yig3al maswahom il ganna ya Rab..

أبو أمك said...

أنا ؟؟؟

Anonymous said...

1000 1000 1000 مبروك ...
لكل مجتهد نصيب ..
و انتي ابدعتي في المسلسل و بتستاهلي كل خير

Unknown said...

حمداً لله على السلامة ياغادة نورتي المدونة من تاني ...

ألف مبروك للجايزة تستاهلي كل خير

رمضان كريم

فلسطينية said...

الف مبروك يا غادة!!

و كمان مبسوطين لرجوعك للمدونة...عود احمد !!

طفلٌ عاش في جسد رجلٍ كبير said...

ألف مبارك .. تحبي أقولك يا برايد ولا يا أستاذة غادة ؟؟
لأ خلي أستاذة غاده ده برا المدونة للتلفزيون والإعلام والجرايد .. هنا خليكي برابد ..
مبروووك .. من القلب .. وإن شاء عقبال الإبداعات المقبلة والأوسكارات الجايه إن شاء الله .. بس يا ترى حتسيبي المدونة لو حصلت على الأوسكار .. إنشاالله تبقي معانا .. مهما كبرتِ وصرت شخصية عامة ..
تحياتي ..
أخوك ؟؟ ورب أخ لك لم تلده أمك ؟؟ هههه

Anonymous said...

انت تجوزت ولا لاء ؟؟؟؟؟؟؟؟؟؟؟؟؟؟

فراشة said...

كل فتره ادخل لبمدونه واقول يارب تدخل هنا من تاني وتكتب حاجات حلوة من تاني

مبروك ليكي الفرحه ويارب من فرحه لفرحة يارب :)

زهرة said...

حقيقى وحشتينا بجد ..

ومبروك الجايزة ومبروك ليكى كل حاجة حلوة .. مستنينك تانى بجد يا دكتورة .. كل سنةو انتى طيبة ورمضان كريم :)

heba atteya youssef said...

مبروووووووووووووووووك ياغاده

عود حميد لمدونتك .. لبيتك

ياريت متغيبيش تاني

فيلسوف زمانه said...

ربنا ؟؟؟؟؟ هو انتى فاكرة اللى كتبتيه ولا حصل فالمسلسل بيرضى ربنا..... انتى متصورة انك اولا بمسلسل ضد الحياء غير كمية التبرج اللى فيه وبعد كدة تنتظرى جائزة من ربنا سبحان الله له فى خلقه شئون

Noha Saleh said...

اولا كل سنة وانتى طيبة
ثانيا الف مليون مبروك بجد تستحقى كل خير
المسلسل كان جميل جدا ومبذول فى مجهود كبير
بس منتظرين الجديد بقى

موقع زواج اسلامي said...

انشاء الله تنولي الي في بالك

موقع زواج اسلامي said...

الف الف الف مبروك ياغادة

basma bahaa said...

حبيبتى ألف مبروك!
انتى كمان وحشتينا قوى

Crochet Beirut said...

الف مبروك طبعا" على كل حاجة انا سعيدة اني شفت مدونة حضرتك وطبعا" ان شاء الله لي عودة بعد التمعن والقراءة يا ريت شفت مدونتك من زمان بس انا شفت المسلسل واكتر من رائع

zikoniss said...

ألف مبروك
أنا سعيد من أجلك
أتمنى لك التوفيق في حياتك
إنت تستاهلي كل خير

aboooood said...

مش هيكون أكتر ما أنت وحشااااانا أوووووووووى.

عصام منصور said...

مستنيينك يا غادة .. و لا أقول يابرايد :))

Anonymous said...

أنتي اديتيني أمل أن ممكن روايايتي اللي أنا بنشرها على المدونة بتاعتي تتعمل في يوم من الأيام كتاب و فيلم كمان , شكرا ليكي يا برايد

Anonymous said...

مش عارف فكراني ولا لأ.
أنا د.محمد السباعي
من أقدم المتابعين لمدونتك. و كان ليا كومنتات من زماااااااان.
طبعا حمد لله ع السلامه غيبتك طولت. و إن كنت قريت مقالاتك في الشروق و كمان اتفرجت على بعض الحلقات من المسلسل.
و اسمحيلي أقول لك بعض الحلقات و تحديدا أول تلات أو أربع حلقات لكن بعدها مقدرتش أكمل لعدة أسباب:
الأول: عنك قدره عاليه جدا على رسم صورة المكان اللي انتي موجوده فيه و الأشخاص إللي حواليكي. و كل واحد فينا ظبط الصوره دي في خيالهحسب اللي شايفه حواليه و رسم ليكي عالم يتفق مع كلامك و خياله. طبعا المسلسل اغى موضوع الخيال ده. و بقينا مجبرين على قبول صورة تانيه غير اللي عشنا مع قصصك فيها لمدة سنتينن
الثاني: المدونه كنا بقرا كلامك بنحس بأحاسيسك منك أنتي و بتلمسنا من جوه. لكن المسلسل: هند صبري كانت مفتعله جدا. و هدفها الكوميديه لدرجة انها ساعات كانت بتفكرني بالاراجوز.
الثالث: في المدونه عشنا معاكي سنتين بحالهم أكننا من أهل البيت لكن في المسلسل الحبكه الدراميه اقتضت إدخال شخصيات جديده (الأخ و الجده) طبعا تغيرت التركيبه اللي احنا وخدين عليها و حسيت إن قدام إنسانهمختلف غير إللي عشنا معاها سنتين.
الرابع: التليفزيزن طبعا عمل حاجز بينا و بين العالم إللي كنا بندخله في المدونه و بينا و بينك.
معلش عملتها على رأيك زي أمير الانتقام.
يا ريت متسيبيش المدونه تاني لأن بتوحشينا جدا جدا.

Orora said...

بجد وحشتينا اوى
وياريت ماتغيبيش كتير
بجدبجد وحشنى كلامك
مع انى ماكونتش بعلق
بس مافيش حاجة فوتهالك
ربنا يكرمك كمان وكما زى ماياما ضحكتينا

Lilli said...

إيه يا غادة كنتي فين ؟!!! بقالي شهور اعدي أشوف المدونة فيها جديد ولا لأ .. أخيرا لقيت بوست جديد ..
مبروك الجايزة
وعاوزاكي ترشي مية كويس وترجعي .. أنا لسة عاملة كده بالضبط في المدونة بتاعتي .. رشة مية وعلقت تعاليق
:))))

Sally Ahmed said...

الف الف مبروووووووووووك يابريد بجد تستحقيها

يا مراكبي said...

ألف مبروك يا دكتورة ولو إنها متأخرة

بس خليكي دايماً محافظة على موضوع توثيق كُل حاجة في المدوّنة

نفسي نرجع لعصرنا الذهبي للتدوين اللي كان من 4 و 5 سنين

بس أنا عارف طبعاً ان الحياة مراحل، ولكل مرحلة أدواتها المُختلفة

مبروك مرة تانية

Mostafa Hammad said...

we really missed you, please come back to write on the blog, i do check it on weekly basis for months now to find any update from you :)

all the best !
Mostafa

لحاف وبطانية ومخدة said...

مبروك ياغادة بس بحب مدونتك اكتر من المسلسل انتي دايما أحلى وايه الاخبار مفيش عاهة جديدة من عاهات الزمن اتقدمتلك وعلى فكرة ربنا يسامحك مسميني في البيت علا عبدالصبور يرضيكى كده :dd

Rosittanita said...

بصى عايزه أقولك ان مسلسل عايزه أتجوز ده لو جه ملياااااار مره بتفرج عليه

عشان أنتى سكرررررر وعشان أنا جبت الكتاب من قبل المسلسل بفتره وكنت قارفه أهلى بالكتاب وبفضل أقولهم الكاتبه دى سكر بصوا لما بتقول كذا كذا كذا

والغريب بقى ان المسلسل مهما شوفته افضل اضحك يعنى مره شوفت حلقه الساعه 2 صباحا ورجعت شوفت نفس الحلقه الساعه 6 او 7 الصبح واضحكككككككك كأنى مشوفتهاش من كام ساعه

اللى عايزه اقولهولك وخلاصه اللت والعجن ده ربنا يوفقك بجد عشان انتى ماشاء الله والله أكبر عليكى كاتبه شاطره جدا جدا وموتتنى من الضحك حاجه من اللى انتى كاتباها هناوبتقولى (أااحبيبتى يامصر)هههههههههههههههههه

بتمنالك كل التوفيق ولأنى الحمد لله وصلت لمدونتك اللى مش هقطع رجلى منها أحب أوصلك اعجاب واحده صحبتى الشديد برده بالمسلسل لدرجه اننا فمواقف كتير تحصلنا نفضل نقول زى المسلسل لما حصل كذا فاكره لما معرفش ايه؟أنتى لخصتى كل اللى بيحصل فحياتنا بمنتهى الروعه

مبروووووووووووووووووك

أرق تحياتى
Rosittanita

ريري كربكه said...

البوست حلو واحنا كلنا شفنا المسلسل هي فعلا قصة رائعه وواقعيه
ربنا يوفقك
تقبلي صداقتي

remy said...

wa7ashtena gdn gdn ya 8ada <3 w alf milion mbrouk 3 gayza w testahleha bgd..pllllllllllllz ergy ektby tany l2nk wa7ashtena :)

Anonymous said...

Congratulations & welcome back

Enas Eldiasty said...

الف مبروك وبجد بضحك من قلبى اما بقرأ ليكى...وانتى فعلا تستحقى اكتر من الجايزة دى وهوه حب الناس ...عايزة اقولك انى مش متابعة المدونة من البداية بس الاهم انى مافاتنيش انى اتابعها...كان عندنا معرض للكتاب فى المنصورة وحصل موقف طريف وانا بشترى كتب وفجأة وانا بتصفح الكتب لقيت واحد من المشرفين على المعرض بيضحك وبيقولى حضرتك شرفتيناهنا قبل كده؟قلتله بصراحة دى اول مرة ..رد وقالى:ازاى انتى مش كنتى هنا من كام يوم وطلبتى كتب رسم وتلوين انتى مدرسة رسم؟...قلتله الحقيقة انا مدرسة انجليزى ...وطبعا بعد حوار كان عجيب حبتين قالى تعرفى انك شبه غادة عبد العال...ضحكت وقلتله بس انا مش عايزة اتجوز قالى لا انا اعرفها ربنا كرمها واتجوزت خلاص...حسسننى انه من الشخصيات اللى كنتى بتتكلمى عنها واحد من الجيران ولا من الناس اللى كانت مستنية برايد تتجوز عشان تسكت بقى بس الظاهر ان الناس فى الحالتين مابيسكتوش

ياسمين خليفة said...

ألف مبروك ولوا اني حبيت المدونة والكتاب اكتر من المسلسل بكتير ياريت تقرأ لك بوست جديد قريب

Anonymous said...

وحشتينا قوى قوى ياغاده ووحشتنا كتاباتك ارجعيلنا بقى الف مبروك وربنا يخليلك مامتك ويسعدك دنيا واخره وياريت بقى تعمليلنا يوميات الازواج

yasmeen gamal khodeer said...

الف الف الف مبروك يا غاده و عقبال منشوفك فى هوليود كمان :)) وحشنى اقرالك فى المدونه جدا يلا مستنيه بسرعه متتاخريش ;)

Anonymous said...

ألف مبروك يا قمر

صحيح "فضحتي" صيدلة طنطا .. بس برده كل ما اقابل حد اقوله .. كانت قبلينا بدفعتين على فكرة
تماحيك يعني.. من كثر ما حبيت المدونة

قلتي هترجعي للمدونة و مرجعتيش لسة
يا رب خير

على فكرة واحدة صاحبتي لفتت انتباهي لسبب مهم جدا بيجيب العرسان!!!! ا

ان ايدك تكون خفيفة في الحقن
عرفانا بالجميل .. و ربما سعيا لمصلحة شخصية -تديهم حقن ببلاش على مدار الساعة مثلا - لازم تجيبلك عريس

مش عارفة فات عليا ازاي الموضوع ده

مستنيينك يا قمر

فاتيما said...

وانتى كمان يا غادة

وحشتينى قوى

Unknown said...

لسه!؟!

The Gladiator said...

Alf Mabrook ya Ghada, Da Awl Comment lya fe Elblog bas 7a2i2y ana mn your Big Fans .... Best Wishes w yarab dayman mn Naga7 l Naga7 :)

Wendy said...

I just finished reading your book "I Want to Get Married!" and I loved it!

Zawag alnaddy زواج النادى said...

السلام عليكم ورحمة الله وبركاته
جزاكم الله خيرا على هذا الموضوع الجميل
والله موضوع جميل ومشوق بارك الله فيكم ياشباب

Dolarandgold said...

مشكوووووووووووووووووووووووور

Ketabat Menna said...

الف مبروك يا غادة:)

rema said...

بصراحة فعلا تستاهلي ومبروك عليكي ولو انها جت متأخر..بس تقريبا انتي مثل اعلى بالنسبالي مش عشان انا بكتب زيك برضو.. لا انا عندي هوايات تانية..بس انتي مثلي الاعلى ف انك وصلتي وحققتي حلم كان نفسك فيه وانا كمان مؤمنة بنفسي اني هوصل ف يوم ان شاء الله

Anonymous said...

مدونه رائعه بالتوفيق لكي

Noha Saleh said...

المسلسل كل مابيتعاد على اى قناة بشوفه
بس عاوزين حاجة جديدة

سكوت هنصوت said...

ارجعي بقى...دهدي

BassamWannan said...

اتفق معك تماماً

aboooood said...

كل سنة وإنت طيبة