لما كنت صغنتوتة
كنت باحب أتفرج على حفل الختام قوي
أنا و ماما
نخمن مين اللي هيكسب و مين مش هيكسب
و نراهن بعض على الجوايز
نتفرج ع الفساتين
مين جه و مين ماجاش
ننبسط بالتنظيم لو طلع منظم
و نتعصب لو شوفنا أي قلة نظام
كانت ليلة بتاعتنا إحنا الإتنين بس
من الليالي اللي كنت باحس فيها بحلاوة إننا مش بس أم و بنت
لأ دا احنا كمان إتنين أصحاب
عشان كده في ديسمبر اللي فات
لما كسبت الجايزة دي
(رغم إني ماقدرتش وقتها أروح أستلمها)
ما كنتش فرحانة بس عشان دي جايزة أحسن سيناريو لمسلسل كوميدي في 2010
و إني باخدها عن أول سيناريو كتبته في حياتي
ما كنتش فرحانة بس عشان حلمت من زمان إني أكسب جايزة زي دي و يتقال إسمي على مسرح زي ده
ماكنتش فرحانة بس عشان ربنا عوضني عن تعب سنتين كتابة و إن ربنا أجاب دعائي لما طلبت منه هدية حلوة في عيد ميلادي اللي كان قبل الحفلة دي ب 4 أيام
كنت فرحانة أكتر عشان حسيت إن ماما فرحانة معايا
حتى لو ماكنتش جنبي فهي أكيد حاسة بيا و بتدعيلي كمان
-
ليه ماقولتش من زمان ؟
كنت مخاصمة التدوين شوية
ليه باكتب الكلام ده دلوقتي؟
عشان ده الخن بتاعي اللي باحط فيه الحاجات اللي باحبها و بخاف لانساها أو لاتضيع
و كمان عشان عايزة أنفض التراب و أرش ماية و أرجع أستقرهنا تاني
عشان وحشتني المدونة
وعشان إنتوا كمان وحشتوني بجد
كنت باحب أتفرج على حفل الختام قوي
أنا و ماما
نخمن مين اللي هيكسب و مين مش هيكسب
و نراهن بعض على الجوايز
نتفرج ع الفساتين
مين جه و مين ماجاش
ننبسط بالتنظيم لو طلع منظم
و نتعصب لو شوفنا أي قلة نظام
كانت ليلة بتاعتنا إحنا الإتنين بس
من الليالي اللي كنت باحس فيها بحلاوة إننا مش بس أم و بنت
لأ دا احنا كمان إتنين أصحاب
عشان كده في ديسمبر اللي فات
لما كسبت الجايزة دي
(رغم إني ماقدرتش وقتها أروح أستلمها)
ما كنتش فرحانة بس عشان دي جايزة أحسن سيناريو لمسلسل كوميدي في 2010
و إني باخدها عن أول سيناريو كتبته في حياتي
ما كنتش فرحانة بس عشان حلمت من زمان إني أكسب جايزة زي دي و يتقال إسمي على مسرح زي ده
ماكنتش فرحانة بس عشان ربنا عوضني عن تعب سنتين كتابة و إن ربنا أجاب دعائي لما طلبت منه هدية حلوة في عيد ميلادي اللي كان قبل الحفلة دي ب 4 أيام
كنت فرحانة أكتر عشان حسيت إن ماما فرحانة معايا
حتى لو ماكنتش جنبي فهي أكيد حاسة بيا و بتدعيلي كمان
-
ليه ماقولتش من زمان ؟
كنت مخاصمة التدوين شوية
ليه باكتب الكلام ده دلوقتي؟
عشان ده الخن بتاعي اللي باحط فيه الحاجات اللي باحبها و بخاف لانساها أو لاتضيع
و كمان عشان عايزة أنفض التراب و أرش ماية و أرجع أستقرهنا تاني
عشان وحشتني المدونة
وعشان إنتوا كمان وحشتوني بجد
94 comments:
الف الف الف مبروك ياغادة
اكيد لكل مجتهد نصيب ربنا مش بيضيع مجهود حد
وبجد انا فرحنالك قوي
وفرحانة انك هترجعي تكتبي هنا تاني في انتظارك ان شاء الله
الله يسعدك
صباح الخير غادة
عودة ميمونة باذن الله
عجزت عن التعليق
و إنتي كمان وحشتينا!!! أحلى تحية لكي من الأردن :)
واحنا نحبج وااااايد واييد يا غادة :***
مبروك الجائزة تستاهلين
:)
أصيلة ياغادة ;)
من فات مدونته تاه :))
ألف مليون مبروك ، وعقباال الأوسكار
بس أنا لسة عند رأى المسلسل قلل من التدوينات ... وأن الموضوع مقروء أحسن من الدراما.
طبعاً رأى دا مالوش لزمة بعد ما المسلسل دخل كل البيوت المصرية والعربية .. :))
ترجعى بالسلامة وربنا معاكى :)
مبرووك و تستاهليها , المسلسل بجد كان تحفه .. و منوره من تاني .. إفتقدناكي والله يالا مستنيين جديدك ..
الف مبروك علي الجايزة و يا رب تبقي فرحانة و مبسوطة دايما
وفقك الله
و ادام برك بوالدتك
حمدلله علي السلامة
والف مبروك علي الجايزة
وكل سنة وانتي طيبه قبلها باربع ايام
ونورتي المدونة من تاني
تحياتي
مرحبا استاذة غادة
حبين نقلك انا احنا كمان مشتاقينلك كتير وسعداء جدا بكتاباتك الي بنحسها النا مخصوص
وعيد ميلاد سعيد مع انها اجت متاخره بس باذن الله المره الجاية بتكون التهنئة في المعاد
وربنا يخليلك ماما وتضل منوره حياتك وعقبال الجوائز العالمية يا رب
مبروك عالجايزة و حمدا لله على السلامة
مش عارفة أباركلك على ايه و لا ايه يا غادة
ألف ألف ألف مبروووك الجائزة و العودة للبلوجر =)
هتوحشيني على الفيسبوك جدًا
و في انتظار عودة بوستاتك الجميلة مرة أخرى =)
انتى كمان وحشتينى جدا يا غاده والف مبروك يا قمر وديما كده ربنا يديم عليكى الفرح ويخلى ايامك كلها افراح وبليز بجد ارجعى بقى انا فعلا زعلانه اوى انك مش بقيتى بتكتبى ولا خلاص مبقلناش حق عليكى
غاده أجمل حاجه انهارده اني قريت البوست بتاعك بجد انت نورتي البلوجر كله مش مجامله بس انت كنت ملهمه ليه عشان أرجع أكتب تاني و هفضل مدينه ليكي بالحكايه دي دائماً.
و مش أنا بس أكيد انتي أثرتي في حياة ناس تانيه كتير و عشان انت تستاهلي كل خير ربنا حققلك أمنيه حلوه مبرووووك يا غاده و عقبال ما تحققي كل أمانيكي.
و أكيد مامتك فخوره بيكي :)
الله يسعدك ويوفقك وفي انتظار جديدك
مبرووووك ياجميل بجد اسلوب زي السكر وتستاهلي كل خير
أهلا بعودتك وفي انتظار جديديك
الف مبروك يا أستاذة غادة بجد تستاهلي الجائزة و احنا سعداء جدا انك رجعتي تدوني تاني
الف الف مبروك يا غاده
انتى تستاهلى بجد
وياريت مش تغيبى تانى عن هنا بقى
ربنا يوفقك دايما :))
منذ أن بدأت أتابع المدونة وأنت خرجت منها لرحابة الكتابة الصحفية ورحابة الكتابة الدرامية وتركت الخن
مرحبا بعودتك ثانية
وأرجو ألا تنقطعي أبدا
تحياتي
أول زيارة
مبروك على الجايزة
تحياتى
مليون مبروك
وعلي فكره انتي كمان وحشتينا وبصراحه بصراحه زعلنا منك شويه لما سيبتينا وسيبتي بيتك اللي هو المدونه بس خلاص خلاص حمدالله ع السلامه والف مليون مبروك تاني وتالت
ألف مبروك و لو انها متأخرة بس الواحد مش بيتابع الأخبار الفنية و انتي عارفة
:)
و المبروك الأجمد بقى هو رجوعك للمدونة
وحشتي بلوجر و أظن إنه واحشك
ياريت فعلا
بجد مبروك لينا وليك مبروك ليك الجايزة ومبروك لينا عودتك للكتابة
حمد الله على السلامة...و أنت تستاهلى كل خير.....عارفة أنا عايزة أعلق على حاجة فى الآخر قولتيها إنك عايزة تنفضى التراب على المدونة و إنك بتحطى فيها الحاجات اللى مش عايزة تنسيها..عارفة انا كنت مضايقة و قعدت أقرا موضوعات قديمة و تعليقات عليها. و بعدين لقيت إن كل اللى بيكتب فى المدونات..و بيحاول يكتب حاجة ليها معنى و هدف..المفروض ميسبهاش أبدا..
لأنك لما يوم تبقى مضايقة و تلاقى ناس متعرفيهومش و لا يعرفوكى و بكتبوا إنك أسعدتيهم أو أفدتيهم..دى تساوى كتييير أوى...كأن طاقة نور اتفتحت لك..حتى لو كان اللى تعرفيهم مضيقينك..ربنا يوفقك لكل خير...
When I was watching your show I felt like it`s my friend is the one who wrote it...I felt like I know you...so even if you missed things you`ve accomplished a lot...
حمد الله علي السلامة
بيتك و مطرحك
كلنا نفسنا ترجعي للتدوين من زمان
و ياريت سوسة بتاعة زمان ترجع زي ما كانت
تحياتي
مبروك الف مبروك وعود احمد
ايوة كدة نورتى بيتك ورجعتى لنا ولكل حبايبك وعلى فكرة انتى مكنتيش عنا بعيد الواحد كان يجى البيت يخبط ومايلقاش حد نقول مسافرين وحيرجعوا
ولما جينا النهاردة لاقيناكى منورة
اهلا والف اهلا وفى انتظار ابداعاتك
حمد لله عالسلامة طولتى الغيبة علينا بس معلش اللى بحب واحد بيفضل مستنية
الف مبروك الجايزة ومنها لاعلى منها
فى انتظار ابداعاتك
نورتى البيت
بعثت لك دعوة على الفيس بوك لحضور معرضى سيقام الخميس 7-7 فى قاعة أبجدية 12 طلعت حرب امام فلفلة لازم تيجى... تحياتى
welcome back
مبروك رجوعك للتدوين , احنا مستنيينك على نار و مبرووووووك الجايزة تستاهليها عن جدارة
انتي
كمان
وحشتينا
و وحشتنا
نبرة النجاح
في صوتك :)
Bee
شدى حيلك بقى
عايزين الجزء التانى و التالت
علشان متبقاش الجايزه يتيمه كده ... انتى قلتى ان دى اول جايزه
على امل انك بتحلمى بالتانيه و التالته ....
ربنا يوفقك غاده,,
الف مبرووووك :)
:)
الف مبروك
الف مليوووووووون مبروك
ويارب من فرح وسعاده لتقدم وحب وجمال ديمن
اللهم امين
الف مليون مبروك ويارب من نجاح لنجاح
و في انتظار نجاح جديد لقضية جديده داخل امراه
عايزه تحب بجد
عايزه تعيش في امان
عايزه ترتقي بنفسها
عايزه تنجح في نجاح رجل
عايزه تنتمي لرجل
وليس لمجرد زواج
بحييكي
مبروك يا غادة وعقبال الاوسكار بتاع امريكا
واد عمك تايه الساكن الناحية التانية
بيتك هنا
أهلك هنا :))
منورة يا غادة.
alf alf mabrook!and welcome back. please don't stop blogging, i've been waiting for ur posts!
keep it up..and i hope many prizes to come!:)
alf alf mabrook!and welcome back. please don't stop blogging, i've been waiting for ur posts!
keep it up..and i hope many prizes to come!:)
Pleasant Post. This post helped me in my college assignment. Thanks Alot
الف مبروك وبجد تستاهلى كل خير وحقيقى حقيقى وحشتينا ووحشنا كلامك ووحشتنا مدونتك الف حمدلله على السلامه
Allah yir7amha w yi7sen ileha ya Gahda,
Ana bardo bardo ba7is nafs il 2i7sas ma3 ayyi ingaaz fi 7ayati.. Allah yir7am 2ummi w 2ummek w yig3al maswahom il ganna ya Rab..
أنا ؟؟؟
1000 1000 1000 مبروك ...
لكل مجتهد نصيب ..
و انتي ابدعتي في المسلسل و بتستاهلي كل خير
حمداً لله على السلامة ياغادة نورتي المدونة من تاني ...
ألف مبروك للجايزة تستاهلي كل خير
رمضان كريم
الف مبروك يا غادة!!
و كمان مبسوطين لرجوعك للمدونة...عود احمد !!
ألف مبارك .. تحبي أقولك يا برايد ولا يا أستاذة غادة ؟؟
لأ خلي أستاذة غاده ده برا المدونة للتلفزيون والإعلام والجرايد .. هنا خليكي برابد ..
مبروووك .. من القلب .. وإن شاء عقبال الإبداعات المقبلة والأوسكارات الجايه إن شاء الله .. بس يا ترى حتسيبي المدونة لو حصلت على الأوسكار .. إنشاالله تبقي معانا .. مهما كبرتِ وصرت شخصية عامة ..
تحياتي ..
أخوك ؟؟ ورب أخ لك لم تلده أمك ؟؟ هههه
انت تجوزت ولا لاء ؟؟؟؟؟؟؟؟؟؟؟؟؟؟
كل فتره ادخل لبمدونه واقول يارب تدخل هنا من تاني وتكتب حاجات حلوة من تاني
مبروك ليكي الفرحه ويارب من فرحه لفرحة يارب :)
حقيقى وحشتينا بجد ..
ومبروك الجايزة ومبروك ليكى كل حاجة حلوة .. مستنينك تانى بجد يا دكتورة .. كل سنةو انتى طيبة ورمضان كريم :)
مبروووووووووووووووووك ياغاده
عود حميد لمدونتك .. لبيتك
ياريت متغيبيش تاني
ربنا ؟؟؟؟؟ هو انتى فاكرة اللى كتبتيه ولا حصل فالمسلسل بيرضى ربنا..... انتى متصورة انك اولا بمسلسل ضد الحياء غير كمية التبرج اللى فيه وبعد كدة تنتظرى جائزة من ربنا سبحان الله له فى خلقه شئون
اولا كل سنة وانتى طيبة
ثانيا الف مليون مبروك بجد تستحقى كل خير
المسلسل كان جميل جدا ومبذول فى مجهود كبير
بس منتظرين الجديد بقى
انشاء الله تنولي الي في بالك
الف الف الف مبروك ياغادة
حبيبتى ألف مبروك!
انتى كمان وحشتينا قوى
الف مبروك طبعا" على كل حاجة انا سعيدة اني شفت مدونة حضرتك وطبعا" ان شاء الله لي عودة بعد التمعن والقراءة يا ريت شفت مدونتك من زمان بس انا شفت المسلسل واكتر من رائع
ألف مبروك
أنا سعيد من أجلك
أتمنى لك التوفيق في حياتك
إنت تستاهلي كل خير
مش هيكون أكتر ما أنت وحشااااانا أوووووووووى.
مستنيينك يا غادة .. و لا أقول يابرايد :))
أنتي اديتيني أمل أن ممكن روايايتي اللي أنا بنشرها على المدونة بتاعتي تتعمل في يوم من الأيام كتاب و فيلم كمان , شكرا ليكي يا برايد
مش عارف فكراني ولا لأ.
أنا د.محمد السباعي
من أقدم المتابعين لمدونتك. و كان ليا كومنتات من زماااااااان.
طبعا حمد لله ع السلامه غيبتك طولت. و إن كنت قريت مقالاتك في الشروق و كمان اتفرجت على بعض الحلقات من المسلسل.
و اسمحيلي أقول لك بعض الحلقات و تحديدا أول تلات أو أربع حلقات لكن بعدها مقدرتش أكمل لعدة أسباب:
الأول: عنك قدره عاليه جدا على رسم صورة المكان اللي انتي موجوده فيه و الأشخاص إللي حواليكي. و كل واحد فينا ظبط الصوره دي في خيالهحسب اللي شايفه حواليه و رسم ليكي عالم يتفق مع كلامك و خياله. طبعا المسلسل اغى موضوع الخيال ده. و بقينا مجبرين على قبول صورة تانيه غير اللي عشنا مع قصصك فيها لمدة سنتينن
الثاني: المدونه كنا بقرا كلامك بنحس بأحاسيسك منك أنتي و بتلمسنا من جوه. لكن المسلسل: هند صبري كانت مفتعله جدا. و هدفها الكوميديه لدرجة انها ساعات كانت بتفكرني بالاراجوز.
الثالث: في المدونه عشنا معاكي سنتين بحالهم أكننا من أهل البيت لكن في المسلسل الحبكه الدراميه اقتضت إدخال شخصيات جديده (الأخ و الجده) طبعا تغيرت التركيبه اللي احنا وخدين عليها و حسيت إن قدام إنسانهمختلف غير إللي عشنا معاها سنتين.
الرابع: التليفزيزن طبعا عمل حاجز بينا و بين العالم إللي كنا بندخله في المدونه و بينا و بينك.
معلش عملتها على رأيك زي أمير الانتقام.
يا ريت متسيبيش المدونه تاني لأن بتوحشينا جدا جدا.
بجد وحشتينا اوى
وياريت ماتغيبيش كتير
بجدبجد وحشنى كلامك
مع انى ماكونتش بعلق
بس مافيش حاجة فوتهالك
ربنا يكرمك كمان وكما زى ماياما ضحكتينا
إيه يا غادة كنتي فين ؟!!! بقالي شهور اعدي أشوف المدونة فيها جديد ولا لأ .. أخيرا لقيت بوست جديد ..
مبروك الجايزة
وعاوزاكي ترشي مية كويس وترجعي .. أنا لسة عاملة كده بالضبط في المدونة بتاعتي .. رشة مية وعلقت تعاليق
:))))
الف الف مبروووووووووووك يابريد بجد تستحقيها
ألف مبروك يا دكتورة ولو إنها متأخرة
بس خليكي دايماً محافظة على موضوع توثيق كُل حاجة في المدوّنة
نفسي نرجع لعصرنا الذهبي للتدوين اللي كان من 4 و 5 سنين
بس أنا عارف طبعاً ان الحياة مراحل، ولكل مرحلة أدواتها المُختلفة
مبروك مرة تانية
we really missed you, please come back to write on the blog, i do check it on weekly basis for months now to find any update from you :)
all the best !
Mostafa
مبروك ياغادة بس بحب مدونتك اكتر من المسلسل انتي دايما أحلى وايه الاخبار مفيش عاهة جديدة من عاهات الزمن اتقدمتلك وعلى فكرة ربنا يسامحك مسميني في البيت علا عبدالصبور يرضيكى كده :dd
بصى عايزه أقولك ان مسلسل عايزه أتجوز ده لو جه ملياااااار مره بتفرج عليه
عشان أنتى سكرررررر وعشان أنا جبت الكتاب من قبل المسلسل بفتره وكنت قارفه أهلى بالكتاب وبفضل أقولهم الكاتبه دى سكر بصوا لما بتقول كذا كذا كذا
والغريب بقى ان المسلسل مهما شوفته افضل اضحك يعنى مره شوفت حلقه الساعه 2 صباحا ورجعت شوفت نفس الحلقه الساعه 6 او 7 الصبح واضحكككككككك كأنى مشوفتهاش من كام ساعه
اللى عايزه اقولهولك وخلاصه اللت والعجن ده ربنا يوفقك بجد عشان انتى ماشاء الله والله أكبر عليكى كاتبه شاطره جدا جدا وموتتنى من الضحك حاجه من اللى انتى كاتباها هناوبتقولى (أااحبيبتى يامصر)هههههههههههههههههه
بتمنالك كل التوفيق ولأنى الحمد لله وصلت لمدونتك اللى مش هقطع رجلى منها أحب أوصلك اعجاب واحده صحبتى الشديد برده بالمسلسل لدرجه اننا فمواقف كتير تحصلنا نفضل نقول زى المسلسل لما حصل كذا فاكره لما معرفش ايه؟أنتى لخصتى كل اللى بيحصل فحياتنا بمنتهى الروعه
مبروووووووووووووووووك
أرق تحياتى
Rosittanita
البوست حلو واحنا كلنا شفنا المسلسل هي فعلا قصة رائعه وواقعيه
ربنا يوفقك
تقبلي صداقتي
wa7ashtena gdn gdn ya 8ada <3 w alf milion mbrouk 3 gayza w testahleha bgd..pllllllllllllz ergy ektby tany l2nk wa7ashtena :)
Congratulations & welcome back
الف مبروك وبجد بضحك من قلبى اما بقرأ ليكى...وانتى فعلا تستحقى اكتر من الجايزة دى وهوه حب الناس ...عايزة اقولك انى مش متابعة المدونة من البداية بس الاهم انى مافاتنيش انى اتابعها...كان عندنا معرض للكتاب فى المنصورة وحصل موقف طريف وانا بشترى كتب وفجأة وانا بتصفح الكتب لقيت واحد من المشرفين على المعرض بيضحك وبيقولى حضرتك شرفتيناهنا قبل كده؟قلتله بصراحة دى اول مرة ..رد وقالى:ازاى انتى مش كنتى هنا من كام يوم وطلبتى كتب رسم وتلوين انتى مدرسة رسم؟...قلتله الحقيقة انا مدرسة انجليزى ...وطبعا بعد حوار كان عجيب حبتين قالى تعرفى انك شبه غادة عبد العال...ضحكت وقلتله بس انا مش عايزة اتجوز قالى لا انا اعرفها ربنا كرمها واتجوزت خلاص...حسسننى انه من الشخصيات اللى كنتى بتتكلمى عنها واحد من الجيران ولا من الناس اللى كانت مستنية برايد تتجوز عشان تسكت بقى بس الظاهر ان الناس فى الحالتين مابيسكتوش
ألف مبروك ولوا اني حبيت المدونة والكتاب اكتر من المسلسل بكتير ياريت تقرأ لك بوست جديد قريب
وحشتينا قوى قوى ياغاده ووحشتنا كتاباتك ارجعيلنا بقى الف مبروك وربنا يخليلك مامتك ويسعدك دنيا واخره وياريت بقى تعمليلنا يوميات الازواج
الف الف الف مبروك يا غاده و عقبال منشوفك فى هوليود كمان :)) وحشنى اقرالك فى المدونه جدا يلا مستنيه بسرعه متتاخريش ;)
ألف مبروك يا قمر
صحيح "فضحتي" صيدلة طنطا .. بس برده كل ما اقابل حد اقوله .. كانت قبلينا بدفعتين على فكرة
تماحيك يعني.. من كثر ما حبيت المدونة
قلتي هترجعي للمدونة و مرجعتيش لسة
يا رب خير
على فكرة واحدة صاحبتي لفتت انتباهي لسبب مهم جدا بيجيب العرسان!!!! ا
ان ايدك تكون خفيفة في الحقن
عرفانا بالجميل .. و ربما سعيا لمصلحة شخصية -تديهم حقن ببلاش على مدار الساعة مثلا - لازم تجيبلك عريس
مش عارفة فات عليا ازاي الموضوع ده
مستنيينك يا قمر
وانتى كمان يا غادة
وحشتينى قوى
لسه!؟!
Alf Mabrook ya Ghada, Da Awl Comment lya fe Elblog bas 7a2i2y ana mn your Big Fans .... Best Wishes w yarab dayman mn Naga7 l Naga7 :)
I just finished reading your book "I Want to Get Married!" and I loved it!
السلام عليكم ورحمة الله وبركاته
جزاكم الله خيرا على هذا الموضوع الجميل
والله موضوع جميل ومشوق بارك الله فيكم ياشباب
مشكوووووووووووووووووووووووور
الف مبروك يا غادة:)
بصراحة فعلا تستاهلي ومبروك عليكي ولو انها جت متأخر..بس تقريبا انتي مثل اعلى بالنسبالي مش عشان انا بكتب زيك برضو.. لا انا عندي هوايات تانية..بس انتي مثلي الاعلى ف انك وصلتي وحققتي حلم كان نفسك فيه وانا كمان مؤمنة بنفسي اني هوصل ف يوم ان شاء الله
مدونه رائعه بالتوفيق لكي
المسلسل كل مابيتعاد على اى قناة بشوفه
بس عاوزين حاجة جديدة
ارجعي بقى...دهدي
اتفق معك تماماً
كل سنة وإنت طيبة
Post a Comment