Tuesday, September 29, 2009

الترجمة الإيطالي

كان يا مكان في هذا العصر و الأوان بنت أمورة إسمها برايد بقالها مدة بتدور على عريس ..أيام ورا أيام و شهور ورا شهور و سنين ورا سنين..لحد ما أخيرا وصلت لنتيجة واضحة..مصر كلها عقمت عن إنها تنجب 3 أشخاص : نائب لرئيس الجمهورية ..مدرب ينجح مع نادي الزمالك..و عريس لبرايد

تسمع كلام طنطها حشرية مافيش فايدة ..تمشي ورا نصايح أونكل ديسكو ماتلاقيش ..تعمل مدونة ..تنشر كتاب..إنها تقابل حد عدل ..أبببدا..نهايته فقدت الأمل في الإنتاج المصري و إبتدت تفكر تخرج خارج القارة بحالها لعل و عسى..قوم إيه أتاري الدنيا ضلمة و المستقبل ملغوش في كل حتة في العالم دار نشر إيطالية محترمة إسمها
Epoché Edizioni
قالت يا بت يا برايد إنتي فاكرة الكلام ده عندكم إنتم بس ..تعالي شوفي السنيوريين اللي عندنا عاملين فينا إيه ..طول النهار قاعدين ع القهاوي ياكلوا كانيلوني و سباجيتي بولينيز و لا حد بيتقدم ولا حد بيتجوز ..و كلهم يا اختشي شبه بتوع لجنة السياسات اللي انتي بتقولي عليهم دول.. تعالي يا بنتي نترجملك الكتاب و نحط همنا على هم بعض..و أكيد السنيوريتات الإيطاليات هيستفيدوا من خبرتك الفظيعة في العرسان الكسر و مين عارف ..

البت برايد ماكدبتش خبر و قالتلهم جراتسي جراتسي..مولتو بيلا..إتكلوا على الله و ترجموا..حد واخد منها حاجة..إحنا مانقدرش نكتم على خبراتنا و مانفيدش بيها أخواتنا في الإنسانية إحنا ناس نعرف
ربنا كويس و مانعملش كده في بنات الناس


و هكذا أزف إليكم خبر صدور أولى ترجمات "عايزة أتجوز" للغات الإفرنكية الشقيقة
"عايزة أتجوز" بالإيطالي تصدر الأسبوع القادم في إيطاليا عن دار نشر
Epoché Edizioni

و ده هو الغلاف..قولوا رأيكم



و دي مدونة موازية عملتها دار النشر بالإيطالي لسهولة التواصل مع القراء و الصحافة الإيطالية مع إني أعدمكم إذا كنت فاهمة منها أي كلمة..لكن حلوة و دمها خفيف


http://cheilvelosiadasposa.blogspot.com/


و العقدة بأه إنهم عايزينني أكتب بوست بالإيطالي أشرحلهم الدنيا هنا ماشية إزاي رسالة من بنات مصر و شبابها لأمثالهم الإيطاليين كل واحد و واحدة يقترح موضوع للبوست ده لأن الكلام على لسانكم أساسا

هاه؟..إقتراحاتكم إيه؟
.
.
.

225 comments:

«Oldest   ‹Older   201 – 225 of 225
Nouran said...

eh y dr 3'ada anty fen mo5tfya awi y3ny 3nna kda
mbrook 3la el mosalsal shoft el promo bta3o hyb2a 7lw awi isa
eh 3ayzenk tktbi ay 7aga b2a eh dh !!!

نانا said...

مبروك على المسلسل
صحيح عرفت عنك متاخر لكن هاتبعك دايما ان شاء الله

Anonymous said...

وانا عايزه اتجوز كمان :(
المشكله في كل البلدان :(

khaitelharir said...

بسم الله والصلاة علي رسول الله
أولا مبروك وعقبالي ياقمر ..قولي آمين..قولتي..ماشي
نكتبولهم ياشابه بالأيطالي ..ومالوا ياختي..أحنا نفوتوا ف الحديد
كريستيانوا بوكاتو إسباجتي قلولا لخبطينوا كوتينوا كاتوا نيله ا لبعيد
حــــــــــــــــــــــلو مش كده أوعي تنسي تكتبي أسمي عليه...
الجد بقي
يعني اللي أتجوزت عملت أيه

نمقت الورد...أسكنت الهدوء في البيت..أرتديت كما ترتدي الفتيات في باريس..وضعت البارفان ..ورسسمت أبتسامه رغم الأحزان..
لكن زوجي لايراني ولا يذكرني ..لأن شيطان يرقص في بيتي..داخل دولاب ملابسي فوق رأسي وتحت قدمي...
سيسعدني مرورك جــــــــــــدا
باليانوووووووو...
(باي يعني)

ِAsrar said...

الف مبروك يادكتورة غادة ودايماناجحه فى كل شى وبصراحه فرحتلك قوى تستهلى كل خير انتى زى السكر وانا بالصدفة قرأت مدونتك اول مدونه اقرأهاوكانت السبب فى انشاء اميلى ومدونتى بعد طلاقى واشكرك لانك ملهمتى فى التنفيس عن نفسى ربنا يزيدك
اللهم آمين

Mayour said...

بكل بساطه حال شباب مصر
من خبرتى أقدر أقول أن الشباب هنا مسكين
بيروح يشتغل شغلنتين عشان يعرف يجيب الشقه و بعدين لما يروح يتقدم يلاقى ابوا العروسه طالب الديب من ديله .. على .أساس أن الى جاى ده جاى يشترى لحمه

عندى واحد قريبى راح يخطب واحده فا أبوها قاله مقدم5.000 و مهر 100.000
و مأخر نص مليون
فا كان رده لأبوا العروسه... هوه كيلو اللحمه عندكوا بكام
فا رد أبوا العروسه ... أنت بتتكلم عن إيه
قاله... عن الجموسه الى أنت بتبعها
فا ده حال شبابنا
معندوش الأسعار الخياليه دى
يعنى أنا أهه أتخرجت و قاعده مفيش شغل
وحتى لو لقيت هاخد ايه يا حسره
عندى زميلى متخرج قبلى بسنه لحد دلوقتى مش لاقى شغل
وأدينا قاعدين لحد ما يلاقى شغل وبعدين يكون نفسه قولى قدامى 6 7 سنين كده
و ده لما يلاقى الشغل

حكايه تانيه لواحد قريبى تانى فى ال 30 برضوا
كان بيدرس بره, بس رجع مصر وبيشتغل دلوقتى شغلانه محترمه وعال العال
ومازال عازب .. ليه .. عشان الأبهات الى بيطلبوا أسعار غريبه
ولا الشقق دلوقتى المتر فيها ب 450 على المحاره وشطب أنت يعنى الشقه تدخل فى أكتر من نص مليون
و هوه أحنا بنقبض كام مليون :D

يعنى حلنا واقف واقف
و هيا دى الدنيا هنا فى مصر
من جانب واحد مش من كل الجوانب
و ألف مبروك على الكتاب
و المسلسل
بس أنا بحب الكتاب أكتر :)

Anonymous said...

اوعى يا اختشى تفضحينا قدام السنيوريين الايطاليين قوليلهم ان الدنيا عندنا ماشيه زى الفل وان العرسان كتيييييييييييييير بس النفس نجيب منين النفس بس ؟ وانك يعنى كنتى بتهزرى وكده بلاش فضايح ارجوكى احسن يطلع على بنات مصر انهم عوانس ربنا يسامحهم بقا شباب مصر ..انا عارفه ليه كل ده مش لو كان زيتنا فى دقيقنا مكوناش اتفضحنا قدام الاجانب وعرفو اننا قربنا ن .. ن.. مش قادره اقولها نعنس وان شبابنا زى القرع بيمد لبره اهئ اهئ يلا ربنا موجود يا برايد ( نونى

abir said...

مش عارفه اقول غير انك فنانه بجد انا قرات كتابك واصلا هو جالى هديه عشان يفرفشنى والحقيقه فرفشت جدا لكن حزنت برضو لان فعلا بقى عندنا ازمه اخلاق على رايك يا دكتورة
ربنا يوفقك يارب ويكتبلك ابن الحلال اللى يهنى قلبك
جدتى بفالها سنين بتدعى بالدعوه دي ومفيش فايده :((((

Alaa Shaer said...

انا كونت بسمع كتير عن الكتاب بس عشان انا مش بحب القراءة مش فكرت انى اقراءة بس بعد شوية لايت الدنيا كلاها ملهاش حكاية غير عيزة اتجوز و شوفت كذا حلقة من المسلسل قولت مبدهاش لازم الواحد يقرا الكتاب
ربنا يوفق كمان و كمان ان شاء الله و من نجاح الى نجاح

شبكة سيدات مصر said...

اختي بجد انتي انسانه مبدعه وربنا يوفقك يارب وندعوكي بتشريفنا في شبكة سيدات مصر وبانتظار ابداع قلمك لينور طريق اخواتك بنات وسيدات مصر ولو عايزه نعملك قسم خاص بالمنتدي لدينا بنعملك وده رابط المنتدي واول ما تشتركي بلغيني فوراً

شبكة سيدات مصر

www.egyptladys.com/vb

تحياتي smsm مديرة شبكة سيدات مصر

amir said...

مسلسلك هايل ياغاده ربنا يوفقك

om_maram said...

مبروك يا قمر ... انا كنت بدخل من زمان بس ما كنتش بعلق

om_maram said...

الف مبروك يا قمر المسلسل و الترجمة الايطالى و عقبال منقول مبروك على الجواز ... بس امانة عليكى ابقى اعملى مغامراتك بعد الجواز ... و مغامراتك مع الاولاد ... على فكرة انتى عسل خالص و انا حبيبتك فى الله

do3aa El-Shoprawy said...

نرمي السلام الأول على أحلى بنات ف مصر

سلاام عليكم ورحمة الله تعالى وبركااته

شوفي بقي يا برااايد

بصرااحه بصرااااحه

انا متابعاااكى من زمااااان

لكن ف صمت مطبق ومعرفش ليه بصرااحه

لقيت المدونه بالصدفه البحته

وبدات اقرا ف حكايات العرسااان

ومش عاوزة اقولك على شكلى وانا بقراهم اكيد انتى متخيلااانى

وبعدين لقيتك ماشاء الله طلعتي ف التلافزيون وعملتى الكتاب

ماشاء الله ماشااء الله

وبعدين ماشاء الله برده اهو
نزل المسلسل اللى عامل شغل جامد جدا

ماششاااء الله يعنى

وماااشاء الله بقيتي انترناسيونال وبدانا نترجم الكتاب للغات

الله اكبر الله اكبر

حد ينفوخ ف وشي يا جدعااان

بس بجد فعلا تستااهلى كل خير

ربنا يحميكي

ومن تقدم لتقدم يارب

وعقبال ما نشوفك بقي وانتى بتستلمى نوبل

يلا بقي شدي حيلك المشوار طويل واحنا نفسنا مقطوع

تقبليني اخت ليكي ف الله

ويارب دايما اسمع عنك كل خير

تقبلى تحياتى
دمتى بخير

السندباد المصري said...

بسيطة يا د/غادة
انت ادخلى على جوجل ترجمة واختار الترجمة من اللغة العربية للإيطالي

جامد جدا وعبقري فى الترجمة

http://translate.google.com.eg/?hl=ar&tab=wT#

اي خدمة يا كتورة

Anonymous said...

مبروووووووووووووووك يا عسل انتى تتستهلي كل خير وماشاء الله المسلسل نجح جداااا اساسا و عايزين حاجة جديده قريب

ريم من اليكس

gigi said...

أنا ماكنتش أعرف التدوين بس بعد مسلسل عايزة أتجوز حاسيت أننى عايزة أكلمك وأشكرك على المسلسل الجميل ده وأنا بحب طريقتك جدا لآنك بتدخلى القلب على طول

العاب said...

مبرووك وعقبالي اتجوز وتدوينة رائعة بالفعل وانتي بأستحقاق هاذا الكم من المتابعين

new said...

i found this blog and it's really have a different thoughts about Adam and Eve ... join it .... i hope u will enjoy as i did
http://www.betn-adam-and-eve.blogspot.com/

Anonymous said...

ههههههههه الله يسهلو برضه

RodZy said...

السلام عليكم. أنا سعيدة بيكي جدًا يا غادة. على فكرة أنا بعرف ايطالى كويس جدًا وممكن أساعدك في موضوع الحاجات اللي عايزة تبعتيها لدار النشر دي، انتي بس محتاجة تقوليلي انت عايزة تبعتلهم ايه بالضبط؟
ربنا يوفقك

ياسمين said...

مبروك على نجاح كتابك في كل انحاء العالم ويارب من نجاح لنجاح بس انا نفسي اسالك سؤال ممكن؟

Miss.LetMeBe said...

المشكلة والله ولله كلها في الاهالي بتوعنا الي خنقونا بعادات محددة وكانها شرائع دينية لازم نمشي عليها عشان نتجوز
انا بجد مش عارفة اقول ايه
بس من الاخر كدة .. جواز الصالونات ده فاااااااااااااااااااااااااااااشل فاشل فاشل من كل قلبي بقولها فاشل
وبدعي ربنا من قلبي يارب ما اتجوز جواز الصالونات ده
لان ببساطة العريس جاي وهو عريس مش مجرد شاب عادي
واهل العروسة بيستقبلو العريس ده كأهل عروسة مش مجرد بيت مضياف عادي
طيب فين المصداقية هنا يا جدعان؟؟؟!!!!!!!!!!!
غير لما بنت وولد عادي جدا اتقابلو في ايها مكان (جامعة ، شغل ، قطار...) وكل منهما على طبيعته وحقيقته ( انا مجرد فلانة وهو مجرد فلان) نظرتنا لبعض مجرد اشخاص عاديين وليس نصفي الاخر. هي ده المصداقية سهل جدا انو كل واحد يعرف التاني في وقت قصير بجد مش معرفة نص كم وبعدين تبدا المفاجئات تطلع للنور بعد ماتقع الفاس في الراس ... يارب اكون واضحة في النققطة الي بتكلم فيها

وتسلمي يا غادة

Dalia Bayoumy said...

congratulations Ghada ... koooolena tab3na el mosalsal ,, we tb3n nal e3gab el nas gdnnnnnnnnnnnn .. bas 3ndy comment 3leeh .. hoa y3'leb 3leeh mood el " tawator " wel " 3sabya " ,, bas da maymn3sh enno soooo comic .. wish you be the first who see my blog

غدير said...

برايد حبيبتى مبروووووووووووك .. بس غلاف الكتاب بصراحة مش عاجبنى .. دة ينفع غلاف لواحدة عندها مشكلة الشوبنج .. من كترة الاكياس اللى فى ايديها مش واحدة عاوزة تتجوز .. كان فية افكار كتيرة للغلاف ممكن تعبر عن روحة وتكون احسن ياريت لو تقدرى تغيرية

«Oldest ‹Older   201 – 225 of 225   Newer› Newest»