Tuesday, September 29, 2009

الترجمة الإيطالي

كان يا مكان في هذا العصر و الأوان بنت أمورة إسمها برايد بقالها مدة بتدور على عريس ..أيام ورا أيام و شهور ورا شهور و سنين ورا سنين..لحد ما أخيرا وصلت لنتيجة واضحة..مصر كلها عقمت عن إنها تنجب 3 أشخاص : نائب لرئيس الجمهورية ..مدرب ينجح مع نادي الزمالك..و عريس لبرايد

تسمع كلام طنطها حشرية مافيش فايدة ..تمشي ورا نصايح أونكل ديسكو ماتلاقيش ..تعمل مدونة ..تنشر كتاب..إنها تقابل حد عدل ..أبببدا..نهايته فقدت الأمل في الإنتاج المصري و إبتدت تفكر تخرج خارج القارة بحالها لعل و عسى..قوم إيه أتاري الدنيا ضلمة و المستقبل ملغوش في كل حتة في العالم دار نشر إيطالية محترمة إسمها
Epoché Edizioni
قالت يا بت يا برايد إنتي فاكرة الكلام ده عندكم إنتم بس ..تعالي شوفي السنيوريين اللي عندنا عاملين فينا إيه ..طول النهار قاعدين ع القهاوي ياكلوا كانيلوني و سباجيتي بولينيز و لا حد بيتقدم ولا حد بيتجوز ..و كلهم يا اختشي شبه بتوع لجنة السياسات اللي انتي بتقولي عليهم دول.. تعالي يا بنتي نترجملك الكتاب و نحط همنا على هم بعض..و أكيد السنيوريتات الإيطاليات هيستفيدوا من خبرتك الفظيعة في العرسان الكسر و مين عارف ..

البت برايد ماكدبتش خبر و قالتلهم جراتسي جراتسي..مولتو بيلا..إتكلوا على الله و ترجموا..حد واخد منها حاجة..إحنا مانقدرش نكتم على خبراتنا و مانفيدش بيها أخواتنا في الإنسانية إحنا ناس نعرف
ربنا كويس و مانعملش كده في بنات الناس


و هكذا أزف إليكم خبر صدور أولى ترجمات "عايزة أتجوز" للغات الإفرنكية الشقيقة
"عايزة أتجوز" بالإيطالي تصدر الأسبوع القادم في إيطاليا عن دار نشر
Epoché Edizioni

و ده هو الغلاف..قولوا رأيكم



و دي مدونة موازية عملتها دار النشر بالإيطالي لسهولة التواصل مع القراء و الصحافة الإيطالية مع إني أعدمكم إذا كنت فاهمة منها أي كلمة..لكن حلوة و دمها خفيف


http://cheilvelosiadasposa.blogspot.com/


و العقدة بأه إنهم عايزينني أكتب بوست بالإيطالي أشرحلهم الدنيا هنا ماشية إزاي رسالة من بنات مصر و شبابها لأمثالهم الإيطاليين كل واحد و واحدة يقترح موضوع للبوست ده لأن الكلام على لسانكم أساسا

هاه؟..إقتراحاتكم إيه؟
.
.
.

225 comments:

1 – 200 of 225   Newer›   Newest»
أمانى وياسمين said...

ما شاء الله الف الف مبرووووووووك يا ا/غادة ويارب دايما من نجاح الى نجاح

ياسمين

أمانى وياسمين said...

انا اول تعليق ؟؟؟

انا معرفكيش يا ا/غادة بصورة شخصية لكن بجد بحبك جدااااا وفخورة جدا بيكي

الف الف مبروووووك وربنا يوفقك دايما ويكتبلك الخير

ياسمين

عمرو فهمي said...

ماشاء الله تبارك الله
ربنا يباركلك ويوفقك يا رب

mano said...

الف مبروك ويارب التوفيق ديما
واتمني تزوري مدونتي المتواضعة وتقولي ايه رأيك

UPENDI said...

شكلنا هنتعلم ايطالينو على ايدك يا غادة
على بركة الله
مبروووووووك يا جميلة
:):)

آيوشة said...

الف الف مبرووووووووك ياغادة ربنا يوفقك كمان وكمان يارب

مهندس مصري said...

يا دي الهنا يا دي السرور
بس أنا معرفتي بالإيطالي = زيرو

ربنا يكرمك

candy said...

ألف مبروك...
هو دا النجاح بجد
الناس دى مابتهرزش
فرحتلك لما عرفت أن الكتاب هايتعمل مسلسل
بس زعلت ان معجبينك بعد كدة هايبقوا من متابعى المسلسلات العربى !!

لكن دلوقتى بقالك معجبين ايطاليين...
احسن ناس..
ومش بعيد أبن الحلال يكون قارئ إيطالى

واهى فرصة مايتعبكيش بعد الجواز مافيش أسهل من سلق المكرونة :D


مبروك من قلبى

إيناس حليم said...

هههههههههههههههههههه
انتي عسل والله يا غادة
الف الف مبروك بجد حاجة تفرح اوي :)
مكنتش فاكرة ان المشكلة دي عندهم هما كمان، اتاري ياختشي كل البلاد إتقل خيرها مش مصر بس
:)
على فكرة شكل الغلاف ظريف جدا..
ربنا يوفقك يا جميلة ومن نجاح لنجاح بإذن الله

سومه...مجنونه فى بلد عاقل said...

مبروك هى دى الامثال اللى تفرح مش فاروق سكسونيه
لو حتوصليلهم عننا شىء قوليلهم ان دينا دين تسامح وموده وان الست هنا مش زى ما فكرينها انها مظلومه من الاسلام لا الست الدين نصفها بس الرجاله اللى عاوزين خلاط ويتضربوا فيه :)
وفهميهم اننا مش راكبين جمال :)مع انى اشك اننا حنركبها قريب

زهور الامل said...

الف الف مبروك يادودو
ويارب من نجاح لنجاح
بجد انا فرحانة ليكي جدا
ربنا يوفقك يارب ويصلح حالك

تحياتي

قلب بلا حب said...

الف الف مبروك
قدها يا برايد
انا لو بس مش اصغر منك كنت اتقدمتلك
:)
و بوصي انا ترجمتلك اللي في البلوج الايطالي ده لانجليزي
using Google Translator
عشان بس الامانه العلميه :) وده لينك لـ
word file
فيه الترجمه
http://www.4shared.com/file/136364655/a1e7eaab/translate.html

عشان بردوا تشوفي العالم دول بيقولوا عليكي ايه :)

وربنا معاكي وتلاقي ابن الحلال بس متبقيش تنسي تعزمينا في الفرح

قلب بلا حب said...

sorry the previous file was corrupted
take this link to the new file which contains the English translation for the Italian blog ...

http://www.4shared.com/file/136368199/4b7d40b1/That_the_veil_is_to_be_married.html

dramaqueen said...

مبروك يا غادة

ربنا يوفقك دايما

أميرة علي كوكب مهجور said...

مبروك يا غدغودة انا مبسوطة اوي يا سلام يا ولاد والله و غزونا بلاد الفرنجه:)

الغلاف حلو اوي والوانه جميله جدا

ياريت توصليلهم يا غادة ان البنات في مصر مش قاعدين حاطين ايديهم ع خدهم ومستنين العدل وان حياتهم مش وافقين عند النقطة دي والبنت المصرية بتشتغل و بتتعلم و بتصرف ع نفسها و احسن من رجاله كتير وبتشيل مسؤليه بيت وشغل و اطفال


وياريت كمان توصليلهم ان البنت المصرية مثقفة حتي لو كانت لابسه حجاب ده ش معناه جهل او تخلف والدليل ع كده اني ي غادة وصلتي ليهم صوتك من خلال افكارك وثقافتك


وكمان عرفيهم ان الشباب المصري منهم كتير مكافحين وبيشتغلوا بره تخصصهم وبيعملوا خمسين طريقة علشان بس يكلوا عيش ويبنوا نفسهم

بنات وشباب مصر مش تافهين لا منهم كتير عارفين طريقهم و فاهمين و دارسين و مثقفين


معلش طولت عليكي وربنا يوفقك يا قمرايا

ضحكات الحياة said...

السلام عليكم

ما شاء الله خمسة و خميسة

الف الف ( يعني مليون ) مبروووووووووووووووووووووووووووووووك

و من نجاح الى نجاح يا رب ان شاء الله

ضحكات الحياة said...

و بعدين ايه الحلاوة دى احنا وصلنا لايطاليا

اييييييييييييييه الجمال ده

و يا رب باقي أوروبا

عمرو امام said...

انا مش جاى اقترح
انا جاى ادعوا حضرتك لتشريفى مدونتى
انا بتكلم فى موضوع مهم عن الادمان وتجربتى الشخصية معاة وتغلبى علية وعلى من هم يحرضوا على الادمن فىمصر
ويهمنى اكبر عدد من الناس يستفيد ولو بالعظة فقط لاغير
مع فائق احترامى

شمعى أسعد said...

الف مبروك يا غادة
نقلة تدوينية هايلة

أحمــــــــدبــــــــــلال said...

أتوكلى على الله و تواصلى مع من بالخارج
طبعاً ده شئ رائع أن كتابك يوصل للخارج و يحسوا بيه
و يعرفوا المشكلة عندنا كماً و كيفاً
على فكرة البنات فى ايطاليا أبتدوا يمتنعوا عن الصداقات و العلاقات بدون جواز لأنهم وجدن أنفسهن بدون زواج أو أسرة لسن كبيرة

magi said...

الف مبروك عقبال باقى الدول الاوربيه الشقيقه
lol
عموما بقى خدى كورس ايطالى واتكلى على الله

Sweet Revenge said...

الف مبروك غادة برافو عليكي وعقبال ماتترجم لكل لغات العالم

funky girl said...

مبروووووووووووووووووووووووووك :)
بجد انبسطلك اوي مش اي حد باءا
ايطالي مرة واحدة ربنا يوفقك ان شاء الله :)

أبــــو ضـــيــاء said...

ما شاء الله
الف الف مبروك
ويا رب من نجاح لنجاح كده على طول

Ruba Saeed said...

hi ghada, I first read your book when my cousin offered me. it was nice... I was feeling lonely before readin it. ehhehe... guess what? after finishing the read, I felt no loneliness at all as I found many egyptain girls felt the same as I do. really, it's nice book. And for these nice news, I wish you the best :) and keep up

احلام جوليا said...

ماشاء الله عليك ربنا يحرصك يارب هو ده الكلام بقيتي مشهورة عالميا ولا تقولي دكتور فيل ولا اوبرا وكتابك كمان حيترجم ما شاء الله انا مش بحسدك لا سمح الله انا بقر بس مليون مبروك يا غادة وربنا يوفقك

احلام جوليا said...

العيب الوحيد في الموضوع ده يا غادة انك حتنشغلي عننا اكتر وتبعدي اكتر وتقل بوستاتك زي ما حصل من ساعة ما نشروا كتابك وعملوه تمثيلية يا قمر متنسيش المدونين وارجعي لهم بقى مستنينك

jazzylife said...

هيييييييييييييييييييه في احتمال ضئيل نحسن جزء من النسل المصري

الف مبروك علي بنات ايطاليا كتابك

اقترح انك تعملي بوست ان الشعب الايطالي والمصري يتحدوا ويعملوا زي شعب اسبانيا ويجروا الثور ورا الرجالة

طالما بيجروا بيجروا ..يبقي يجروا وراهم ثور :))

عدى النهار said...

مبروك يا غادة العبور الأول للقارات :) قدامك لسّه كام قارة شدّي حيلك

حاجة مفرحة بجد

amanda said...

ana kont bafker a5od course italy lakny enty kda 5altenty lazm a5do w nsa3dk bardo e7naq awelad maser w welad dam wa7ed w 3shan nsa3ed e5watna f el ensanya elly henak dol
لbgd ana fr7nalk mooooooooooot w mamty bgd mestgda3aky w btmoot w feky w 32obal y raba m el ktab ytergm bkol ello3'at w agd3 slam w t7ya mn bnt el bld elly heya m tsm3ona zar3'ot y gd3an d bnt bldna ktbha hytnsher henak

dr/shiko said...

ماشاء الله عليكي ياغادة والله انت مثال مشرف لبنات مصر والف الف مبروك علي دار النشر الايطالي وعلي المسلسل ... ربنا يكرمك بالشخص اللي انتي ترتاحيله وتحبيه ويسعدكم يارب .. بس ماتنسيش تعدي علينا تعزمينا

زهرة said...

لجد يا أ/غادة بعشق كتاباتك وبحترمك

جداااا لانك راضيه وقانعه ومبروك

وللترجمه بتاعه الكتاب ومبروك للمسلسل
وان شاء الله تلاقى حد يستاهل برايد العسوله دى بس ابقى بردوا اكتبى لنا عن الجواز وبلاويه ههههههه ربنا يكرمك يا حبيبتى يارب

اخر ايام الخريف said...

غادة...

انتى ما شاء الله مثل مشرف لأى بنت مصرية...الف الف مبوك ويا رب دايما للأمام

يا مراكبي said...

:-)

أنا مش عارف البوست ده إعلان ولا طلب مساعدة .. إنتي ما بتعرفيش إيطالي وألا إيه؟

هو فيه مصري ما يعرفش إيطالي؟

يكونش ده السبب في إن ما فيش عرسان؟

;-)

Anonymous said...

مبروك اوى بجد يا غاده

ربنا يكرمك بجد تستاهلى كل خير

بس انا زعلانه
انتى انشغلتى

ونسيتينا :(

انا بحب اقرأ لك اوى ، من الحاجات القليله اللى بتبسطنى

وبتضايق اوى لما مش بلاقى بوست جديد

انا عارفه انه مايرضيكيش زعلى ولا اييييييه

:P

Ghada Ali

mydmermaid said...

I am very happy and proud of you ya Ghada :)))

Rosie said...

ألف ألف مبرروك.......انت أصلك تستاهلى كل خير..أكتبلهم أقوليلهم..أن الولاد بيقولوا للصحوبيه آه و للجواز لأ...و إن اللى عايز يتجوز هو اللى ماعندهوش و اللى بيقول فرصة تانية إن شاء الله........

Anonymous said...

الف مبروك يا غاده فرحتلك اوى
هتبقى مشهوره عالميا و يمكن ناخد ميعاد قبل ما ندخل المدونه بتاعتك
ربنا يوفقك يارب و الف مبروك كمان مره

دعاء said...

مبروك يا برايد
بالتوفيق دايماً يا رب


دعاء

wafaa said...

يا رافعة راسناااااا ومشرفاانااا
قولى يا غادة واحنا وراكى
ينفع نروح مدونة الخوجات نكتب كومنت ؟
ولا بلاش فضايح؟؟

ربنا يوفقك يا دكتر ومن نجاح الى نجااااااح

وفاء

Anonymous said...

mabrooooooooooooooooook
I Wish you all happiness and success
And who knows, the happiest guy might be Italian ;)
Laila

Anonymous said...

ألفألف مبروووووووك يا غادة ومن نجاح لنجاح ان شاء الله

Rannon said...

دايما باجي متأخر:(


ألف ألف مبروك يا غادة ودايما يارب نسمع عنك أخبار حلوة

eng.mohamed sabry said...

بجد انا اول مرة اقرا كتابك
بس بجد حاجة رائعة
اكتبلهم وقوليلهم ان مش البنات بس اللى عايزة تتجوز الولاد كمان نفسهم يتجوزوا بس الظروف المادية موقف كل واحد يعنى انتى بتتكلمى انا الراجل بيتقدم على سن الاربعين وبيتشرط انا ياخد بنت 22
بلنه كان نفسه وهو عنده 25 يتجوز بنت 22
بس الظروف المادية مسمحتلوش
فلغاية ما كون نفسه احلامه القديمة فى بنت ال22 بترجعله تانى
هو حلم اشتغل كل السنين دى علشان يحققه وفى وسط الزحمة نسى انه كبر

واشكرك مرة تانية على المدونة الرائعة دى

طهر فؤادك said...

السلام عليكم ورحمة الله وبركاتة
الف الف مبروك وان شاء الله الى الامام دايما بأذن الله و
ياريت تساعدينى فى حملتى "مدونتك هتنقذ طفللك"وهى فكرة بسيطة بس ان شاء الله خيرها كبير وانا عارف ان الى بيحترموكى ويقدروكى كتير فياريت تشاركينى وكل الى يحب فى الحملة دى وعن فكرتها وكل حاجة عنها فى اللينك دة ورجاء تدخلى وتشفيها امانة وجزاكى الله خيرا والمسلمين .
http://rasoulallah1.blogspot.com/

yasmina said...

الف مبروك يا غادة مبسوطة انا ان اول تعليق اكتبهولك يكون مباركة على صدور الكتاب باللغة الايطالية الشقيقة
الغلاف مفتكس ومبتكر جدا وكأننا بنجري من شباب مصر اللي عايز الضرب بالنار

تحياتي ليكي وخليني افكرلك كدا حبة في اللي ممكن تكتبيه للناس دي

مولتو جراتسي سينيورا ;)

ranim said...

واوووووووووووووووووووووو ما شاء الله يا غاده عقبال الفرنسي والأنجلزي ههههههههههههههه لازم طبعا تكتبيبوست تقولهم أن مصر عندها مشكله وتحاولي تشوفي عريس كده من بلاد بره بجددددددد مبروووووووووووووووووووووك جداااااااااااااااااااااااااااااااا

تحياتي لكي

DR/ MOODY MODY said...

انا فرحان ليكى وبيكى جداجداجداويا رب دايما من نجاح الى نجاح وفرحان اكتر لانك شلتى كلمة كنت من عنوان المدونةرجعتى عايزة تتجوزى تانى يعنى لسة فى امل .ورجاء وامنية ومريم وكل اسماء البنات...بس ياريت توضحلنا انا شلتيها ليه تان يا ترى عشان فى عريس بجد.(يعنى مش حسام ولا عصام) ولا عشان المخرج اقصد دار النشر عايزة كده

Bent Men ElZaman Da !! said...

الموضوع وصل لايطاليا كمان
الف مبروك يا قمر
وعقبال الكواكب المجاوره ;)
بالتوفيق دايمااااا

mimi said...

أكتبي كل اللي عاوزة تكتبيه بالعربي ووديه أي مكتب ترجمة يترجمهولك إيطالي

أو إديه لدار النشر الايطالية هما أكيد عندهم مترجمين

أنا مترجمة انجليزي لو تحبي يا دكترة أي خدمة

سلميلي علي محمود عباس كتير وقوليله الصيدلية مضلمة من غيرك

Anonymous said...

بسم الله ما شاء الله
مبروك
ربنا يوفقك ان شاء الله
بجدانتى تستاهلى كل خير واكتر من كدة كمان

تأثير الفراشة said...

ما شاء الله
ألف مبروووووووووووك
و مين عارف يمكن هوليود بعد كده يعملوه سيت كوم

ربنا يكرمك يا غادة دايما

و اعتذر لك إن دلوقتى مافيش أقتراحات معينة فى ذهنى

ربنا يوفقك دايما و ترفعى راسنا فى كل مكان

1041 said...

رينا يوفقك يا بربر من ضمن الاقتراحات انك تصفي المشكله زي ما انتي شايفاها اه لكن اهم حاجه ميسيئش الكلام ابدا عن مصر او ياخدوها حجه عشان يعدوا يعلقوا علي مشكله الفتاه المسلمه كأن بتوع بره لقيين جواز مهو طلعوا زينا اهوه وكلنا عارفين فاكره المقال اللي اتكتب عنك في واشنطن بوست او جريده زي دي المهم دخلوا بحجه المونه لشويه تلاقيح كلام كده علي المعاناه بتاعه البنت المسلمه بدأوا يهجسوا
فخليكي دقيقه في كلامك زي ما انتي واكتبي من قلبك هيوصل للقلب ان شاء الله
المهم انا عايزه اشوف الفرحه في عنيكي كده علي طول زي ما باينه في كتابتك دلوقتي
لحسن انا حاسه ان جالك حاله خوف شويه كانك بايتي خايفه تكتبي حاجه متكونش علي مستوي اللي قابله فقلمك او كيبوردك اتلجم ومجاش اي الهام ليكي ولا نفس انك تكملي كتابه لدرجه اني باه يعدي شهور مدخلش علي المدونه لاني عارفه ان مفيش جديد فيا بنتي اكتبي من جوه ومتخافيش اننا ننقدك او نقول مش حلو ابدا احنا قابلينك زي ما انتي فضفضي معانا واحنا هسنمعك ونكتبلك ونفضفض احنا كمان
مش دا الهدف من المدونه دي اصلا
سلام يا حبيبتي انا بنت علي فكره لحسن تفتكريني ولد بيقولك حبيبتي هههههههه

رضا الكومى said...

ألف مبروك يا غادة

وأعتقد إن دا يديكى دفعة للأمام

ومزيد من الجهد

لأنك مثال لكل الشباب

ومن نجاح لنجاح إن شاء الله

رئـــــيسـة حزب الأحلام said...

الف مبروك
وكل بنات مصر فخورين بيكى لانك قلتى حاجة وناقشتى حاجة كتير بيعانوا منها
وربنا يوفقك وتبقى كمان قدوة حسنة لبنات جيلك الحيارى
تحياتى لكى يابرايد ونجاحك نجاحنا
اختك فى العنوسة

الاسيــــــــر .! said...

الف 100 مليون مبروك ,غاده.. يارب دايما فى تقدم .. عايزين نغزو امريكا بقا..ربنا يوفقك ( الى الامام يا غااااااااااااااده )

Mostafa said...

مبروك يا غاده اعقبال كل اللغات

قارئ said...

وبالايطالي أيضا؟
في الحقيقة جذبني اسم مدونتك منذ أيام حين ظهرت نتائج مسابقة مدونات عربية، حيث تساءل البعض عن غيابك عن الدور النهائي..
اليوم هي زيارتي الأولى لهذه المساحة، وأجدها طريفة وتناقش أمرا حساسا فس مجتمعنا
بارك الله فيك

فيشة بنت كبس said...

Entyyyyyyy aslan zy el 2amaaar el regala entaset f 3a2laha ya benty bgd luuvvv uuu w damek faze3 w kont has2at bsababek :D:D:D:D bs kolo yhoon fi sabeel 7mayet qadaya al mar2a al masrya al mazloma:D

http://www.my-picz.co.cc said...

هههههههههه

انا معايا لغة ايطالية و الحمد لله .. و بكدا هتابع 2 مدونة .. مش واحدة

شكرا ليكي

amiras said...

مدونة رائعة ربنا يوفقك ( وتلاقيلنا عرسان ) هههههههه

عبد من عباد الله said...

الف الف مبروك ، و عقبال الصيني ان شاء الله

بس يا ريت بقى ما تنسيش العربي و تقولي الصين مليار يا عم انا اكتب ليهم و بلغتهم احسن بدل وجع الدماغ ده ...

بس معلش هو انا عندي سؤال ، مش عارف حبقى ثأيل في السؤال ده ولا لأ ..

هل حنفضل عارفين غاده بس بمدونة عايزة اتجوز و كتاب عايزة اتجوز ؟؟ و لا فيه حاجات تانيه ممكن نعرفك اكتر من خلالها اياً كانت مواضيع ، مدونات ، كتب ، مقالات ، هل انتي في حاجه تانيه في دماغ ولا لما تتجوزي ان شاء الله حتفكري في حاجه تانيه ؟؟

امنياتي ليكي بالتوفيق و ربنا يكرمك دائماً إن شاء الله .

مرام said...

صح عندك حق ايه الحقيقة وايه الخيال ما نشغلش نفسنا ناخدها كدة لكشة علي بعضها .
عجبني جدا كتابك برافو عليك خلتينا ارجع اقرأ كتاب تاني برة الكتب الدراسية من بعد الثانوية العامة للكلية .
انا كنت اضربت تماما عن قراية الكتب من المرحلة الثانوية الي أن انهيت دراستي بكلية الهندسة من 10 سنين فاتو. تخيلي قد ايه .
بس انت تستاهلي كل خير مبرووووك وربنا يوفقك وتلاقي اللى يقدرك.
تعرفي ان أنا أصحابي دلوقت بقو ابطال المسلسلات التركية بتابعهم بشغف وبحب جدا أشعارهم اللى بيقولوها من خلال الحوار في المسلسل حتي اني بجمع اللي عجبني منهم وبانشره في مدونة باسم المسافرة في فضاء الحكايات اتمني يكون عندك وقت تشوفيها وياريت تعجبك

جبهة التهييس الشعبية said...

اولا
الف مبروك
ثانيا
انا مقموصة منك
ما بقتيش تهتمي بينا زي الاول
هي اضواء الشهرة ح تاخدك مننا وللا ايه؟
:))

تأبط قهراً said...

ألف مبروك ياغادة :-)
تستاهلي كل خير

أحمد عاطف said...

أولا حمد الله على السلامة

وربنا يوفقك ويزيدك كمان وكمان

ممكن لوسمحتي عروسة ايطالي

لان المصري مش نافع معايا

ذو النون المصري said...

الف مبروك يا سوسه
و ربنا يزيدك
نرجو رجاء خاص الاهتمام بالمدونة الاخري و لو بوست واحد في الشهر
تحياتي

شفـقــة و إحســــان said...

بونجورنو سنيوريتا....
أطاليا يا برايد ؟؟؟
أطاليا ؟؟؟
طيب لو عايزين حد يوزع الكتاب هناك
أنا قتيل شوارع روما ومكتبات روما وبنات روما
أروح أشرفلك على التوزيع وارجع على طول
مش هاخد أكتر من سنتين ونص بس
ومش هاوصيكي بقى على شفشوقتي
عايز أرجع مالقاهاش
ده لو رجعت أشاسا
ههههههههه


لأ حبة جد بقى
ألف وخمسميت دشليون مبرووووووووووك
ومن نجاح لنجاح ان شاء الله
تحيـــــــاتي
إحســـان الطولياني

أم بتول said...

الف مبروك غادة ، ويارب من نجاح لنجاح
و أن شاء الله تكونى واجه مشرفة لينا كلنا كمصريين كفاية خيبتنا فى كل حاجة ندخلها حتى لعب الكورة ياربى مش فالحين فيه ، ربنا يوفقك يا جميلة .

Anonymous said...

الأخت الفاضلة
السلام عليكم ورحمة الله
مدونتك أكثر من رائعة
تحياتي وأتمنى لك المزيد من التقدم
وأتمنى منك ومن الجميع زيارة مدونتي التي وجدت لتكون جسرا يلتقي عليه كل الراغبين في الزواج
مدونتي
shereekhayati.blogspot.com

لمياء ممدوح said...

مبروك مبروك مبروك
ماشاء الله يا غادة
ربنا يكرمك كده دايما

Rossana said...

Sorry, unfortunately I can't read your blog because I don't speak your language, but I'll read your book...I've seen it in a book shop in my town. I love arabic world very much.
Good luck!

Rossana said...

Sorry, but I forgot to tell you that I'm italian and so "Che il velo sia da sposa" by Epochè Edizioni is in my language. Bye!

Memo said...

الف الف مبرروووووك
يا د/غادة وإلى الأمام دائما
ـ ـ ـ ـ ـ ـ ـ ـ
وحاولي تدوري على كتاب تعلم الإيطالية في ساعة وخمس دقايق وثانيتين او ثلاثة مش فارقة كتير.

Kontiki said...

مبروك يا غادة فعلا فرحانة لان الهم بقى دولى :)

Alé Eddine Almia said...

Un joli blog qui devrait te rendre fière!
Visite mon blog à l'adresse:
http://presidentiellestunisiennes2009.blogspot.com
et n'oublie pas de me dire ce que tu en penses!
Merci beaucoup!

تامر حسين said...

الف مبروك ويارب التوفيق ديما
واتمني تزوري مدونتي المتواضعة وتقولي ايه رأيك

فاتيما said...

إيه بقى
عاوزة إيه ؟؟
بتبصلينا كدا ليه ؟؟
و يعنى ايه متعرفيش اوطالى ؟؟!!!
دا زى المية
يا ماما
انتى قولى تشاو
و جراتسيا
و باقى الكلام هيكر علطول
و بعيييين نجرب !!!
يمكن ييجى عريس من هناك و لا حاجة
مهم شبهنا برضو
فى شوية حاجات
اللى يعرفوا طلايين بيقولوا كدا
بس يقولوا شبهنا
فى الصياعة و الادب و هز الاكتاف ... لكن جواز قطعوا ملهموشى برضو ؟؟؟
أحنا عاوزين حد شبه
آل باتشينو الله يكرمك
عشان بحبه و كنت بتوحم عليه فى يوسف
اتارى حياتى بقت شبه فيلم الأب الروحى بعد ذلك
و اصلاً أصلاً يتوكسوا
كلهم عرسان مصرين
و لا عرسان طليان
الف مبروك يا حبيبتى
مش بقولك
دايما مشرفنا
و رافعة راسنا
تستاهلى كل الخير يا ست البنات

Anonymous said...

مبرووووك ألف مبروك انتي بتستاهلي كل خير


سارا

Dr. Kafy said...

ما شاء الله
على البركة
كده أصبحت عالمية

Marooooo said...

Ghadaaa mabrookkk ya gamillll, ana ba2aa ya o7'tii bashta3'al ba2alii kam shahrrr fe mashro33 ma3 italyeennn we a7eb a2ol enoo shababb italiaa sa7i7 amoorr bas ma sha2 allahh 7alet el baladaaahh we elettt el estergall montasheraa 3alamyannnn. Begadd ya3ni anaa el medabasahh fe kol el sho3'll we homaa eshrafff 3amm we adinii ba2oll ahoo badey sorahh moshareff le banatt masrr ell be 3ashar regalla men ayy dawlaaa

احمد said...

مدونه جميله وانا سمعت عنها كتير قبل ما ادخلها
ياريت يا جماعه تزوروا مدونتي وتفيدوني برايكم
http://mypenwithme.blogspot.com/2009/10/blog-post_4444.html#links

shimaa said...

ربنا يوفقك ويوفقنا ياغاده اتمني بجد انك توصلي للعالميه باذن الله وتحققي وتشوفي الحب الحقيقي في حياتك انتي وجميع بنات المسلمين

Anonymous said...

الله عليكي يا داكتورة غادة يا مصيتانا ( من الصيت يعني وكدهون) ابقي قولي للاخوة الاشقاء الطليان ان مصر عمار وحاجة حلوة خالص ربنا امر بالستر
)

Rossana said...

Thank you very much for your message in my blog! I will start to read your book very soon ;)
As-salam alaykoum :)

الشجرة الأم said...

العرسان على قفا مين يشيل بس القرش ساغ واقف بينا وبينهم

Heba said...

ألف مبروك يا دكتور غادة

بجد أنتي تستحقي كده وزيادة

ربنا يوفقك دايما

تيوليب said...

ما شاء الله
الف الف مبروك يا جميلة
بجد الكتاب رائع و حقيقى انا مقدرتش ابطل ضحك لحد ما خلصته
ربنا يوفقك

ريمان said...

مبروك

الف الف مبرووووووووك

ربنا يبارك

فادي حليسو said...

مبروك كتير. من كام يوم بس خلصت قراية الكتاب. حاجة حلوة قوي خليتيني أضحك من كل قلبي. مبروك تاني من مدون سوري.

Anonymous said...

مبروك يا غادة بجد انتي ليكي طريقة أكثر من رائعة في الكتابة وبتوصل للقارئ بأسرع من سرعة الصوت...:]
وإلى الأمام دائما ومن نجاح لنجاح يا برايد

همس said...

اولا مبروك
ثانيا .. انتي طلبتي ابداء الرأي في الغلاف , لا ادري اذا ابدى احد ما الرأي به او لا , لكن البوستس التي قرأتها لم يكن فيها شيء عن الغلاف
هوالاعتراض على الغلاف بسيط .. ويمكن غيري ناس اعترضو عليه
هي بس صورة البنت المحجبة ..
انت تمثلي كذا مليون بنت فهل كلهم محجبات؟ نصهم ؟ ربعهم؟ لا نستطيع القياس
لذاك ياريت يكون الغلاف مختلف شوية
تقديري

tagskie said...

hi.. just dropping by here... have a nice day! http://kantahanan.blogspot.com/

shemo said...

السلام عليكم.......
اول مرة اجى المدونة وما شاء الله جيت ع خبر جامد جدا.....الف مبروك يا ا\غادة ع الكتاب المترجم وعقبال باقى اللغات .. حقراه ان شاء الله واقولك رايى بس طبعا بالعربى عشان ثقفتى انجليزش وشوية فرنش هههههههههه ......وعن الاقتراح بتاع البوستات اقترح تتكلمى عن مفهوم العنوسة ف المجتمعات الشرقية او بداءل عدم الزوج لبنات هذا الجيل.......دومتى بخير.....فى رعاية الله.
shemo

ابوزياد الفاتح said...

مدونتك اكثر من رائعه
وجميله جدا
ورايت البرنامج المسجل على قناة انا والذى سجل فى ساقية الصاوى
لكن لى سؤال
هل صحيح ان البنات الى يومنا هذا لم ينالوا حقوقهم ولم يجدوا احد يتحدث عنهم؟
والله الشباب غلبان
اصبح الشباب الاولاد فقط دون البنات هم من يريدون من يتحدث عنهم
مش البنات
الرحمه حلوه يا استاذه غاده
ياريت تناقشى موضوع المهور برضه وعدم استنزاف موارد الشباب الجافه اصلا عند الزواج
وتقبلى فائق الاحترام والتحيه

ody911 said...

يمكن أكون متأخر أوى فى إنى أقولك ألف مبروك يا غادة

أسمحيلى أقولك يا غادة

إنتى حقيقى أخت عزيزة يمكن تكونى مش فكرانى بس أنا واحد من ضمن الناس إللى بجد عاجبهم كتاباتك وبجد ألف مبروك ليكى وتستاهلى كل خير وأكيد الخير جاى جاى هيروح فين يعنى

ولو مجاش إللى عاوزينو

يبقى عادى بقة
أودى

Maria Chiara said...

Hi I'm an italian girl, I read your book, it's so beautiful! I suggested it to all my friends.
I wish you'll find a good man who can appreciate you humor and intelligence. You're very smart! Good luck! (in italian we say "Buona fortuna!")
Maria Chiara from Italy

الآء said...

ماشاء الله لا حول ولا قوة الا بالله

بجد انا فرحانالك قوي وبالتوفيق يا غاده ومن نجاح لنجاااح

أحــدهم said...

ألف ألف ألف مبــروك ..

أنتى تستـاهلى كل خيــر ..

أنا متابع جديد للى بتكتبيه , وعجبنى جدا ..

بس ياريت تعـرفى أن المسئوليـة عليك كده بتكبــر , يارب تكونى أدهــا ..

شدّى حيلك وبالتوفيـق

wenda said...

يا عاااااااااااالمي
ايه ده بطلياني
يا اختي ده انتي كده وصلتي كاس العالم ده انتي اجدع من حسن شحاته ورفاقه

مبروووووك
مدونه وكتاب وكتاب للايطالي ومودنه ايطالي

المره الجايه مش هنقبل اقل من نوبل في ادب المدونات
بجد ربنا يباركلك ويحفظك ويفرحك ويعوضك
اختك ويندا

moustafa said...

ba2olek eh ya Ghada
it seems eno el italian translation for 3ayza atgawez "che il velo sia da sposa" targamto el7arfeya heya " al7egab howa alzawga"
mesh 3aref da eh 3elakto bas yemken
elmohem
ana 3ayez a2olek enaha awel marra tes3ab 3alaya elbent elmasreya heya we ahlaha 3la elra3'm eny dayman shayefhom massasseen dema2 lelshabab elmasry ely byesta3'al we beykafe7 3ashan yebny nafso we homa kol ely 3ayzeeno shabka we 3arabeya we sha2a we mahr we mo2a7'ar we nafa2a we nagafa we botagaz we safayet mawa3een lama elwa7ed menena yetsafa abl ma yebtedi 7ayato we rabena yostor men ely ba3d elgawaz
ba3d kol ely ana zakarto a3lah da bardo ba2olek en elbent elmasreya kanet awel marra (first time mesh ely fe balko) tes3ab 3alaya men 7'elal weghet nazarek
we 3la fekra bardo enty sa3abty 3alaya awy sa3et lama eta7'ed menek el 220 geneih :D

Anonymous said...

هو ايه المقصود ب sex المكتوبة على الشنطة دي

Timo.. said...

اول مرة اجي هنا والسبب انه استفزني عنوان المدونة فا قولت ادخل اهديكي وانصحك واوعيكي بكلمتني عشان مش ترمي بنفسك للتهلكة وبعدين سرحت في البوستات بتاعتك وقعدت اكتر من 3 ساعات لحد ما عيني وجعتني بس بجد استمتعت بكل لحظة فيهم..وقلت لنفسي.. (انا ونفسي يعني) انا ازاي ما جتش هنا قبل كده..؟؟

المهم اديني قلت لك انت كده في افضل حالاتك وسيبك من موضوع الجواز ده..
وعقلك في راسك تعرفي خلاص..
اتنصحتي اتنصحتي..ما اتناصحتيش..ما اتناصحتيش.. :)

Timo.. said...

آه ...نسيت اقولك مبروك (';')

hdoban said...

الف مبروك يادكتوره
بجد انتى تستطيعى وبثقه ان ترسمى البسمه على الشفاه

وفقك الله ورعاك
مع انى باحمد ربنا انى اكبرمنك بكتير والا كنت اتقدمت لحضرتك واتفضحت بكل اللغات

حصان المرجيحة said...

يا ريت المدونة بتاعتي تبقي زيك
مدونة حصان المرجيحة

Mo7ammed.Tal3at said...

الف الف مبروك يا غاده
انا استفدت من المدونه بتاعتك دى كتييييير جدا مش بس المدونه العربى لا والايطالى كمان لانى بدرس ايطالى ومن حبى للمدونه بحاول اترجم الايطالى
بس زعلان منك لانك مش بتفتحى الميل عاوزين نتواصل معاكى
والف مبروك مليون مره

Take Care said...

دكتوره برايد ياقمر ياجميله
اولا الف مبروك ومش عندى اقتراح لدار النشر الايطاليه دى
بجد اسلوبك خطير وراءع ومصيبه
فى النهايه لو حصل وربنا كرمنى صدقى مش هرتاح الا لما اجوزكوربنا باذن الله
لاممكن انساكى
كلامك منطقى وصح وبالعقل وتمام جدا
والسلام خير ختام ياجميله

مكرووونة said...

لولولولىىىىىىىىىىى

انا مبسوطة بيكى اوى
وممكن ابقى احكيلك حكايتى لما تخلص

بجد انتى جامدة

فارس أ حزانه said...

السلا م عليكم .


والله يا استاذه غاده انا سعيد جدا لانى دخل مدونتك الجميلة دى .


وانا دى اول مرة ليا ادخل عمدونه اصلا لانى لسه عاملها النهارده .


وكلامك يستااااااااهل والله انك تاخدى جائزة نوبل من اوباما .

ههههههههههههههههه

ده انتى عملتى حاجة هو ما عملهاش اصلا غير انه بيتكلم فى الفاضى .


اما انتى طبقتى عملى ورفعتى راسى كمصرى
لانى نفسى احس مرة فى حياتى انه احنا هنتقدم فى اى مجال حتى ولو كان فى مجال التعارف الشعوب التانيه .


يعنى هنفضل امتى نسمعهم ونقلدهم واحنا ناااااااااايمين فى العسل .

فسيادتك اليوم كسرتى الحاجز ده بجد عندى اولا وعند المصريين كلهم .

فارس أ حزانه said...

وهذه وجهه نظرى اتمنى تصل للشعب الايطالى عن الشباب المصرى .


- الشاب المصرى من اكفاء الشباب فى العالم ومن احسنهم خلقا ايضا والمصرى يعرف بشهامته فى اى مكان وزمان .

ولكن المشكلة التى يتعرض لها الشباب المصرى فى الوقت الحالى هى عدم تكافؤ الفرص على الاطلاق . وعدم توافر الامكانيات . وقلة الوعى الدينى والاخلاقى .

- الشاب المصرى شاب طموح جدا وفى نفس الوقت شاب جاد جدا وهو رجل بمعنى الكلمه .

لان احلام اى شاب مصرى هى عبارة عن انه يجد فرصة عمل مناسبة تناسب طموحه او اهدافه وتعليمه .
واذا حصل على هذه الفرصة فانه يفكر فىالزواج ولا يلجا للصداقه الغير محترمه طالما انه قادر على الزواج .


لكن الان /

- لا توجد فرص عمل مناسبة للشباب وذلك لعدم تطوير النعليم وتاقلمه مع سوق العمل وبالتالى لاتوجد فرص عمل الان فى مجال دراستك الا لاصحاب الخبرة فقط .

وبالتالى كثير من الشباب حديثى التخرج يبحثون الان عن اى فرصة عمل عوضا عن انه بنمون قدراتهم التدريبيه بالدورات وغيرها

ولكن هيهات هيهات مع وجود عهد الوساطة والمحسوبيه .


اما عن الشقة التى تمثل العائق الاساسى لاى شاب مصرى .
فقد تكون الوظيفة امرا هينا لانه من الممكن العمل فى اى وظيفة حتى لو غير مناسب المهم انه يجد مسكن مناسب .


فمن المفروض انه اى مواطن فى اى دوله يكون له العديد من الحقوق ومنها حق السكنى كما هو فى القانون المصرى . الذى يتحدث عن المسكن مواصفاته وشروطه.

وطبعا اى شاب مصرى لا يملك ثمن هذا المسكن وبالتالى يظل هكذا الا ان يفوته قطار الزواج.

لانه الجميع يعتقد ان القطار يمر على الفتيات فقط وهذا خطاء فكل شى مشترك على وجه الارض مثل التروس فى المكاينه تشترك فى العمل فان تعطلت احداهما تعطلت الاخرى عن العمل وان مضى على احداها عهد من الزمن فانه تؤدى لتلف الاخرى.


هكذا الشباب الان يمضى القطار امامه سريعا ولا يكاد يلحق به الا تضيع منه فتوته وقوته .


والحلول التى قد تساعد الشباب المصرى وتمثل له معجزة وطوق نجاة هى /


- ان يكون احد الابوين او كلاهما من الاثرياء .

- ان يوجد لدى هذا الشاب فرصة عمل ذات دخل كبير قد تساعده فى الايجار ان لم يملك مسكن .

- ان توجد الزوجه الغنية التى تشترى هى المسكن . هههههههه
وبالتالى لايكون للشاب المصرى حينها وجود .



هذااااااا هو الشاب المصرى طموح وامل وقدرة .


ولكن كل هذا الان خارج نطاق الخدمة .




هذه رسالتى للشباب الايطالى من شاب مصرى .

hasona said...

السلام عليكم
ألف مبروك وان شاء الله في تقدم دايم والي لغات أخري وجتمعات مختلفة

بحبك يامصر said...

حقك وتاخديه
بجد الف مبروك
وان شاء الله فى تقدم اكتر واكتر
ان بقترح انك تستغلى الحدق ده وتكتبى فى البوست الايطالى اننا كلنا كشفنا راسنا وبندعى على الجزائريين
عشان خلاص مبقاش حيلتنا غير كده

آخر أيام الخريف said...

بحبك يا مصر....

لو بتحبها حقيقى مكنتش قلت الكلام ده اللى مع احترامى يعنى لا يودى ولا يجيب ولا يصح فى حق شعب تعداده 33 مليون اكيد مش كلهم راحوا السودان يوميها وقف معانا فى حرب اكتوبر ولا حتى مكانه هنا فى المدونة

بس الحقيقة ان هنا فى فكرة مش بطالة: لا يا غادة متعمليش قصة جديدة من قصصك تكون احداثها ليها علاقة بالماتش؟؟؟

JanuskieZ said...

Hi... Looking ways to market your blog? try this: http://bit.ly/instantvisitors

م/محمود فوزى said...

السلام عليكم
جزاكم الله خيرا وواضح ان موضوع الكتاب جامد
وعلى فكره يعنى مشكله الجواز عند الطرفين الاولاد والبنات
لكن بعون الله اللى يدور يلاقى وربنا يوفق
باذن الله
وعلى راى المثل الطيور على اشكالها تقع
رغم انه مش بيحصل دايما

اما عن اللغه الايطاليه فانا عن نفسي متقنها جدا زي ما انا متقن لغه اهل المريخ
رغم انى بصراحه معتقدش ان فيه حد هناك اساسا فى الجو الغريب هناك
ربنا يكرمك ويسعدك

Sharm said...

مبروك

عالم الحب said...

مرحباً يامن تمثلين أروع وأجمل المخلوقات
مدونتكي رائعة وجميلة يدي فوق يدكي وإلى الأمام دوماً في كل ما يخدم ويسمو ويرقى بالأنثى إلى الأعلى وإلى الأمام دائماً بإذن الله.
.................
لكي أرقُّ المُنى من عالم الحب:)
http://WWW.al7ob1.blogspot.com

سارة said...

هههههههههههه مدونة جميلة مووووت و الف مليووووون مبروك انا حبيت المدونة دية اوووووي والله

أم .. بوبه said...

ألف مبروووووووووك يا دودو بجد أنا بحبك جدااا وفرحنالك بجد
بصراحة معنديش اقتراحات لأنى والحمد لله وقعت فى الفخ إللى انتى بتدورى عليه مش عارفة ليه واتجوزت ولو عايزة تعرفى معلومات كاملة متكاملة عن الجواز ممكن تشرفينى وتدخلى مدونتى .. علشان تعرفى إن ربنا بيحبك

واحده من الناس said...

مبروووووووووووك
ماشاء الله عليكي
لكل مجتهد ومبدع نصيب
ربنا يوفقك

اقصوصه said...

من زمان ما دخلت مدونتك

بالتوفيق يا رب :)

إنسانة said...

حلوو ... :)
بالتوفيق حبيبتي ...

و استمري ... ^_*
تيك كيير ...

Sahar said...

Mabroooooooooooooooooooook

dar said...

خلاص مش تكلمينا تاني

Anonymous said...

الف مبروك وبجد انتى تستاهلى كتير ومش عارف ازاى على خفه دمك دى ازاى متجوزتيش انا قريت الكتاب بتاعك وكان ممتع جدا

ionised said...

mttehaya2ly enena m7tagin khalifa liky fi mal3ab el3ozobya,ana 3n nafsy ragel 29 sana w '3ayran menik moot ,eshme3na heya tetkheteb wana la2a :(:(
ismail monem

الرومانسى said...

الف مبروك يا غاده تسمحيلى اقولك غاده كدا وبجد انتى تستهلى كتير اوى ومش عارف ازاى انتى متجوزتيش مع ان دمك زى العسل وعلى فكره كتابك يمكن يحكون من احلى الكتب اللى انا قرتها.

Moon Light said...

ألف مبروك وعقبال العريس احم احم إذا كنت لسه ملقتهوش
وأرجو منك زيارة مدونتي فأنا أبحث عن متابعين وقولي رأيك إيه في التصميم لأنه مش عجبني

http://1-cooking-recipe.blogspot.com/

adel ghaly said...

للاسف معرفشى ايطالى

S H A H said...

ew3aaa weshaak

shahrazad said...

اولا احب احييكى و ابارك ليكى نجاحك الجامد الف الف مبروك ، من اخت ثلاثينية لأخت ثلاثينية بقلك إلى الأمام يا همام
على فكرة انتى تعتبرى اول معرفتى بالبلوج انا عمرى ما خطر على بالى ابداً انى ازور بلوج او ابحث عن اي مواضيع معروضة فى اى بلوج اى كان
بص بصراحة انتى لا تقاومى
كتابك ان شاء الله جيللى الناهردة ، صحبتى الأنتيخ نازلة تشترى لنفسها نسخة و وصتها تجبلى معاها نسخة
تعرفى انك حتكونى سبب رفدى من الشغل و كما دخولى السرايا الصفرا
ان من ساعت ما قريت اول حرف من البلوج منذ بدايته و انا فشتى عايمة ، انا عارفة انك بتزعلى ان الناس تاخد الكلام بتاعك بضحك و تريقة بس صدقينى انا مش بضحك عليكى والله انا بضحك على نفسى و على حال البنات ، و متنكريش انك اسلوبك ساخر جداً انا مفتكرش انى قريت سخرية زى اللى فى اسلوب كتابتك ،،،،،
بصراحة انا عجبانى موت الأسلوب الساخر اللى بتكتبى بية اسلوب يمس القلب و بتحطى قدام عنين الجميع كل العيوب و الغلاطات سواء فى الرجال او البنات و المجتمع ككل بكل طبقاتة و اشكاله، جايز لما الناس تخلص ضحك مخها يكون سخن شوية و تطلع اول طلعة تفكير و تعرف ان الموضوع مش كوميديا تافهه الموضوع مشكلة بتواجة مش بس البنت لا كمان الولد و امهتنا و ابهتنا و كل بيت فى مصر و العالم على فكرة كمان
مع انى مشفتكيش بس بموت فيكى
الف مبروك النجاح الباهر و اشوفك قريب

عادل الفونس said...

عقبال التركي يا رب ...واضح ان عندهم مشاكل كتيرة و مستنيين كتاب زي ده ..ان شاء الله قريب ..الف مبروك

بنت النيل said...

عزيزتى غادة
انتى فين بقالك مدة
انتى اتجوزتى والا ايه
ههههههه
طيب هتسيبينا لمين
يارب نسمع عنك كل خير
دمتى بود وسعادة

dr_motaleb said...

أنا لسة راجع من الندوة بتاعتك فى المكتبة
أول مرة أسمع عن المدونة بتاعتك بس كنت بقرا مقالات سوسة المفروسة
مبروك على الكتابين و المدونة و يا رب دايما من نجاح لنجاح
و تتجوزى بقى عشان تكتبى فى موضوع تانى
:P

اسمي أحمد .. لو مخانتنيش الذاكره !! said...

ما شاء الله .. كلامك راقي و تحففففففففففه بجد

شجعتيني اني أعمل مدونة أنا كمان ..

يا ريت تشرفيني فيها

عنوانها

http://ra7alaat.blogspot.com/

متشكر اوي يا غاده

Anonymous said...

Hi Ghada,
yuor book is very nice...
Ciao dall'Italia...
Ti auguro di trovare presto un marito.
Tienici aggiornate.
Ciao

mythoughts said...

ألف مبروك يا غادة

أنا متابع قديم

ANGEL HEART said...

الف الف ميرووووك وعقبال مايترجم الكتاب لكل اللغات :)

yasser esmail said...

nice blog

i wanna from you to visit this blog

http://blogging-money-123.blogspot.com

you will find

blogging tips

blogger tricks

earn money from your blog

blogger templates

seo lessons

all about adsense, adbrite, bidvertiser, clickbank

and more

we have new post every day

مصطفي يحيي said...

ألف مبرووووووووك يا برايد ..
عقبال باقي اللغات الحية ..

خبر جميييييل جدًا .. وبجد فرحت لك قوي ..

مبروك :)

dandana said...

مبرووووووووووووك يا برايد
من نجاح الى نجاح

dandana said...

مبروووووووووووك يا غاده
انا بحبك اووووووى
ومن اشد المعجبين بالمدونه
وعقبال باقى اللغات

eman mohamed said...

زوروى مدونتى الجديده

NOHA RADI said...

انا معجبة جدا بيكي و اتمنالك انك تنتقلي من نجاح لنجاح ز
و اتمنى انك تشلركينا بعد كده

ELMOSTAFZ said...

الموضوع كله خليط ذهول و فرحة ثم احترام خصوصا بعد ما شفت الحلقات للعاشرة مساء ع اليوتيوب بجد حاجة تشرف و تفرح اوي...

dreamwithtariq said...

بصراحه احلى دونه شوفتها والله يلا بقه عايزين حاجه جديده

الأرمـوطــي said...

مبروك ليكى وتحياتى ليكى على خفة دمك واتارى موضوع برايد دة علامى بقة واحنا منعرفش يعنى ايه مفيش حل
تحياتى

غاوي مدونات said...

برافو عليك ومبروك الانتشار ، وبالمناسبة هناك مدونة رأيتها بالمصادفة جابت سيرة مدونتك وهي : http://beware-of-egyptian-woman.blogspot.com/
هاهاهاهاهاهاها برافو عليكم

zeinab said...

مبروووووووووووووووك بجد انا قرات الكتاب ومبطلتش ضحك
انا كمان صيدلانية ومبسوطة ان فيه زملاء للمهنة مبدعين زيك
ربنا يوفقك

مسكات طبيعيه said...

لولولولوولولولولولى

تستهليها ياجمييييييييييل

ربنا يوفقك

وعقبال ماتترجم لكل اللغات

Anonymous said...

ازيك ياغاده انا متبعاكى من زمان بس اول مره اكتبلك اولا الف مبروك وربنا يوفقك ثانيا انا طالبه ترحيب مخصوص بمناسبه انضمامى الرسمى لحزب العنس ونس ثالثا ياريت ترجعى تكتبى تانى ومتخليش حاجه تبعدك عن المدونه بجد انتى وحشتينا جدا
سكر مر

Anonymous said...

ازيك ياغاده انا متبعاكى من زمان بس اول مره اكتبلك اولا الف مبروك وربنا يوفقك ثانيا انا طالبه ترحيب مخصوص بمناسبه انضمامى الرسمى لحزب العنس ونس ثالثا ياريت ترجعى تكتبى تانى ومتخليش حاجه تبعدك عن المدونه بجد انتى وحشتينا جدا
سكر مر

ELMOSTAFZ said...

هو الكومنتات باظت ولا العيب من جهازي...في ايه ياجدعان :s

amany said...

أنا متابعة مدونتك من زماااااااان بس دي أول مرة أكتب لك تعليق
مدونتك جميلة جدا جدا وأنا من أشد المعجبين بيها ربنا يوفقك ومن نجاح لنجاح بإذن الله

amany said...

فينك ياغادة من زماااان
يارب تكوني إتخطبتي صحيح إحنا هنضايق شويتين بس هنفرحلك كتيييييييييييييير

ELMOSTAFZ said...

يشرفني زيارة حضرتك لمدونتي و لو مرة بس انا تقريبا اسلوبك طبع عليا
http://egymig33.blogspot.com

scroveez said...

انا قريت كتابك وامتعنى جدا بس عندى تسؤل هما رجالة مصر اتعمو ولا ايه؟

(-_-)

بنـوتــــة said...

غايبة بقالك كتير
فينك و فين بصماتك
بالتوفيق دايماً يا غادة
و ربنا يكتبلك الخير دايماً

عمر علي said...

الف مليون مبروك يا برايد علي الترجمة .. ومع انها متأخرة ومع اني متأكد ان الكتاب والمدونة دلوقتي مكسرين في ايطاليا زي ما كسروا الدنيا في مصر . بس ماعلش كان لازم برضه اهنيكي . انا بجد فرحان بيكي جدا .. ومستني بقي اشوف المسلسل في رمضان

رنداالجنوبية said...

الف الف مبروك ياغادة تستاهلي كل خير والله

ويارب من نجاح لنجااح تمنياتي لكي بالتوفيق والسعاده سعدت بزيارة مدونتك والاشتراك فيهاا

تائهه بين الخيال والواقع said...

alf mabrooook ghada 3obal kol el lo3'at beltwfik dayaman ya rab w dayman mota2lka

Anonymous said...

الف مبروك ..تمنياتي بالمزيد من التألق

حيزية سليمي

Anonymous said...

I read this forum since 2 weeks and now i have decided to register to share with you my ideas. [url=http://inglourious-seo.com]:)[/url]

الكاتب الاسلامى محمد يوسف المليفى said...

شكرا على المدونة

ياسر said...

ربنا كرم الزمالك و حسام حسن نجح معاهم

و السيد الرئيس اوكل مهامه لرئيس

الوزراء .. اخبار عريس برايد ايه؟

how to do said...

شكراااااا على مدونتك الرائعة

4mp4.net said...

thank you very much

ندى الياسمين said...

مبروك يا غاده ربنا يكرمك
انتى تستاهلي كل خير بجد
طبعا انتى ما تعرفنيش لكن انا من آن لاخر باجي ابص عليكى

ربنا يوفقك فى كل حاجه يارب

سومه...مجنونه فى بلد عاقل said...

ماشاء الله الف مبروك

الغاردينيا said...

الف مبروووووووووك

ولو انها متاخرة

وصحيح دي زيارتي الاول هنا

بس فخوووووووووووووورة بيكي

Anonymous said...

مبروك يا غدغد .. حماكى بكندا

Anonymous said...

مبروك يا دودى .. عقبال جايزة نوبل و قلادة النيل .. مش بعيد على ربنا
حماكى بكندا

eman mohamed said...

انا بقه عامله مدونه جديده بتتكلم عن مشاكل الشاب فى الجواز وليه رافضين الفكره واسمها
احنا مش عايزين نتجوز
واتمنى زيارتها
http://entoeah.blogspot.com/

فشكووول said...

انااول زياره آجى هنا ..
بس لقيت حاجات تفرح وكلام حلو

الف مبروك وعقبال ما تبقى كبيرة كتاب الاهرام

محمد الشوادفي said...

أنتي قدها وقدود وربنا يوفقك
أتمنى زيارة مدونتي
www.adpsakher.blogspot.com

فلاشاوي said...

من حق الناس اللي بتابع مدونتك
إنك تبلغيهم أنك خلاص مش ناوية تكتبي تاني في المدونة

ويكون في بوست جديد كوداع وإعلان رسمي لإغلاق المدونة

ده من حقهم كناس دعموكي طول فترة كتابتك هنا

جديد المواقع said...

اشكرك على هذة المدونة الرائعة

Anonymous said...

where are you ??????????????????????????????????????

بحث الويب said...

شكرا على مجهودك الرائع

ابحث said...

شكرا جزيلا على هذة المقالة الجميلة

boda_style said...

بسم الله الرحمن الرحيم

ألف مبروك يا أستاذة ومن نجاح لنجاح إن شاء الله
طبعا أنا عارف إن إنتي مش فاكرة مين أساسا اللي واضع التعليق بس انا متابعك من زمان جدا وصحيح مكنتش بحط أي تعليقات وتوقعت ليكي الشهرة والله

إنت الثالثة بعد كريم عبد العزيز في إمراة من زمن الحب وتامر حسني في أول ألبوم ليه

الثلاثة توقعت ليهم الإنتشار والشهرة وفعلا صدق توقعي

وكان نفسي أخدمك في موضوع الإيطالي ده بس للأسف

ثقافة أخوكي ألماني

elsan said...

السلام عليكم ورحمة الله وبركاتة
انا صحيح معرفكيش ياغادة لكن حبيت اكتبلك لما قراءة كتابك لاقيته ممتع وهو اللي عرفني المدونة بتاعتك وبيعبر عن حاجات كتير جواياوجوابنات كتير قربواعلي الثلاثين او عدوها حاجات نفسي اقولها لكن بنكسف حتي من اقرب الناس ليا مبقدرش اعبر عنهالكنك اظهرتيهابطريقة ظريفة من غير تجريح معليش انا رغيت كتير لكن انا كنت عايزة اهنيك علي الكتاب واقولك مبروك علي ترجمتة للايطالية فهو يستحق الترجمة ويا رب دائما من نجاح لنجاح

adam said...

الف الف مبرووووووك يا غاده ويارب مجهوداتكم تحقق اعلى ارباح ياااارب اخوكم

Noha Saleh said...

مبروك وربنا يوفقك ان شاء الله ودايما من نجاح لنجاح

Anonymous said...

انتى روحتى فين بطلتى كتابة ليه
شكللك كدة اتجوزتى ههههههههههه
مبروووك (:

HEAVY RAIN said...

يسيييييييييييييييييطة يا يرايد اكتيبلهم فيفا لا سوستا و خلي حمزاوي يقوم بالباقي هههههههههههههههه
يقالي زمان ما ما دخلتش هنا! اختي الصغيرة من سنة لاقيتها جايبة الكتاب بتاعك. فقلتلها لا يا ماما اوعي تقريه دة هيركبلك النحس هههههههههههههههههههههههه

بهزر. يعد ما خلص امتحانات هبقا ازورك كتير انتي اكيد مش فاكراني بس انا زبون ادييييم اوي ابل دار الشروق :)



عليكي بمترجم ايطالي******

HEAVY RAIN said...

good luck, i have some questions so please leave me your contact details so i can get in touch with you. salam blessed from above

نسر الشرق said...

اهم حاجة ان العرض يكون معاه عريس ايطالى الف مبروك عقبال يارب ما الجماعه بتوع نادى الزمالك يجيلهم عرض انجليزى وبتوع الرياسه عرض زى العرض العسكرى بتاع السادات

Anonymous said...

غاده ياقمر سمعت عنك من قبل
ورحاب الطحان ارشدتنى على مدونتك
ولازلت ااقراء
كل الدعوات الطيبه لكى ياااقمر
ياما كلمات رفعت اصحابه لانها من القلب
هكذا كلماتك

وكلمات عصفت بااصحابها كفانى واياكى

شرها
وانتظر لقاءك مع رحاب الطحان

شهد الحياة

صدفه بعضيشي said...

mabrook, we ba3dain e7na emafrood nefra7 lemogarad en 3andena moshela we tel3et 3almya a5eeran be7a2 we 7a2ee2

فاتيما said...

نظراً لأن المدونة بتاعتى بترخم
و البوستات الجديدة
مبتطلعش ف الريدر
فلو سمحت تقرى البوست دا
و لو تقدر تساعد متتاخرش
و شكرااااا مقدما
من قلبى

http://nonoymm.blogspot.com/2010/06/blog-post_16.html

أم الخــلـود said...

اصحى يا نايم ووحد الدايم ..

(حملة الجسد الواحد)

أرجوا من المدونين الموقرين أن يضعوا شعار الحملة واسمها في الشريط الجانبي لمدوناتهم كدلالة على وحدة صف أمة محمد

لمزيد من المعلومات

http://dndanh111.blogspot.com

جعله الله في ميزان حسناتكم .. آمين

بنوتة توتة said...

النهاردة اول مرة اشوف مدونتك بالصدفة البحتة لاني كنت مغيبة عن عالم التدوين و ماليش اهتمامات بالكتابة.
لكن عجبني جدااااااااا كل الي كتبتيه
وبيني و بينك كأبني حبتين و بجد بجد خايفة اني ما الاقيش الانسان المناسب يعني بمعنى اصح خلتيني افكر في عظم المشكلة
طبعا انا عارفة ان الجواز ده رزق و الرزق بيد ربنا
و ما تقوليش ايه البت دي الي خايفة لا يتاخر جوازها و هي لسة عندها 22 سنة
لكن الي انا اقصده اني كنت واحدة من البنات الي بتتكلم عن مستقبلها على انها اكيد اكيد هتتجوز و يكون عندها اولاد كئن ده قانون

و نسيت زي ما كل البنات الي في سنها ناسيين انهم يدعوا ان ربنا يرزقهم بالزوج الصالح..

كان ليا واحدة صاحبتي قالت لي مرة انها بتدعي ان ربنا يرزقها بالزوج الصالح و هي في اعدادي!!
طبعا كلنا ساعتها اتريقنا عليها و ايه مستعجلة على الجواز كدة ليه و الكلام الخيبان بتاع البنات ده.
لكن هي كانت حكيمة جدا و عقلها يوزن بلد.
قالت انتوا مش مقدرين خطورة الموضوع؟؟هو اي عريس و السلام؟
لازم عشان ربنا يستجيب الدعاء يتاكد اننا بندعيه باخلاص
لازم ناخد وقتنا في الدعاء

و فعلا اتخرجنامن هنا و هوب جالها العدل من هنا.
ربنا يهنيهم ببعض
سبحان الله عمري ما شفت عروسة لايقة على عريس ولا عريس لايق على عروسة زي الاتنين دول.

طولت عليكي..
اتشرفت جدااااااااااااا بقراءة مدونتك الرائعة الي قعدت اقراها من الصبح لحد الساعة 2:25 am
رغم اني عندي شغل بدري و لازم اصحى الساعة 6 الصبح.
بحبك اوي
و الف مبروك على كل حاجة حصلتلك و مكنتش هنا عشان اقولك عليها مبروك

واحد من قراء مدونتك الرائعة (ابوخليل) said...

السلام عليكم ورحمة الله وبركاته
دكتورة غادة ربنا يوفقك مبروك على الكتاب ولو انها متاخرة
ومبروك اكتر واكتر على على المسلسل الجديد ربنا يوفقك وعقبال العريس
.......
بس فى حاجة مهمة ياريت تهتمى وتردى على انلاس وترجعى تهتمى بالمدونة تانى ومتنسيش انها كانت سبب شهرتك فى البداية
احنا طبعا مقدرين مشغوليات الحياة بس معلش برضوا قراء المدونة ليهم حق عليكى
وشكرا وربنا يوفقك لانك تستاهلى كل خير

Anonymous said...

انا شفتك امبارح في التلفزيون الايطالي
ولحقت صورت صورتين

ملك الشقق و العقارات said...

الف مبروك و أكيد الشقه من عندى
:)

السندريلا said...

الف مبروك وعقبال الصينيه يارب هههههههه بجد والله يارب يتنشر بكل لغات العالم عشان الكتاب تحفه والكاتبه كمان تحفه
بس في سؤال محيرني معقول كل الطعامة دي وبرضو مش لاقيه حد ومال نحنه نعمل ايه ؟
مح تحياتي السندريلا

Teen said...

اكيد طبعا هاقول مبروك يا برايد
بس الاهم
انى عايز احكيلك موقف
انا اول مره سمعت عن
عايزه اتجوز
شوفتها فى ايد راجل من هولندا فى ساقية الصاوي
و لما قولتلو ايه ده ؟؟
قالى انها قصه حلوه بالعاميه
و هو بيقراها على شان يتعلم منها اللىغه المصريه
:)
من ساعتها و انا بدور ع الكتاب
لأنى قررت اني لازم اقراه
و لما لقيته اخيرا
بجد
الناس افتكرتني اتجننت
من كتر ما كان صوت ضحكي عالى من ساعة ما قريت اول سطر
لأخر سطر
و بعدها ابتديت اتابع المدونه ع النت
نا سكتير اقولها اقرو الكتاب يقولو جواز ايه و بتاع ايه
مش عايزين
اقولهم طب قرو
الاستفتاحه
و هوووووب
الضحك يطلع
و الاستفتاحه تكر وراها باقى الكتاب
بجد ربنا يوفقك
و انتي تستاهلى كل خير
لأسلوبك البسيط اللى لا يخلو
من القوه
:)
و ياريت تعتبريني صديق
للقنا...احم
للمدونه
:)

Anonymous said...

Hi Ghada, i'm Sophie from Switzerland, and I loved your book. Actually "loved" isn't the right word here, I was ALARMED by your book. Thank you for writing this, and I wish you all the good luck in the world with whatever your dreams and goals may be.
Sophie xxx

«Oldest ‹Older   1 – 200 of 225   Newer› Newest»