Thursday, September 10, 2009

سبب الغياب



تعاقد الاستاذ ابراهيم المعلم صاحب دار الشروق مع النجمة هند صبري لتقوم ببطولة المسلسل التليفزيونى الجديد ( عايزة اتجوز) وتم الاتفاق معها على بدء تصويره بعد العيد مباشرة بعد أن يتم الاستقرار على مخرج العمل وترشيح باقي الفنانين الذين سيشاركون في بطولته ليكون جاهزاً للعرض على الشاشة الصغيرة في شهر رمضان من العام القادم 2010.المسلسل مأخوذ من كتاب نشرته دار الشروق يحمل نفس اسم الكتاب للمدونة غادة عبد العال


.




http://www.masrawy.com/News/Arts/Stars/2009/september/8/hend.aspx



.
.

81 comments:

ياسمين حميد said...

ألف مبروك
!!
طيب التصوير حيبتدي إمتى؟
وياترى عندك مشروع كتاب جديد؟

تحياتي

moony said...

بجد؟؟بسم الله ما شاااااااااء الله والله اكبر. مليون مبرووووووووووووووووك وربنا يوفقك.. انا مبهورة جدا ومتفاجئة من الخبر، ربنا يوفقك يارب.. بس عايزينك بقى تجتهدى قووووووى فى كتابة التفاصيل وصياغة السيناريو والحوار ومتنسيش انتى دلوقتى مش بتتكلمى عن 15 مليون بنت من بنات مصر.تؤتؤ انتى دلوقتى بتتكلمى عن بنات مصر كلللللهم "اهئ اهئ"
بس اسمحيلى انا شايفة ان اذا كان المسلسل بخفة دمك كتباتك فبصراحة كنت اتوقع ترشحوا "انتصار" مثلا لبطولته هى هند جبارة آه بس مش متخيلاها "فارسيره"يعنى زى ما بيقولوا.

انتى بجد وحشتينى جدا .. ودخلت هنا كتييييييير جدا عشان اشوف الجديد واطمن عليكى ومش لقيت حاجة.. خصوصا انى لسه مش فاهمة اذا كان موضوع خطوبتك ده جد ولا كلام برايدىّ خالص..
طمنينا عليكى وملللللللناش دعوة احنا برضه عايزين بوستات جديدة وفى القرييييب العاجل..منتظراكى على احر من الجمر.تحياتى الجمة.

احساس طفلة محبة للرومانسية بس واقعية said...

مبروك يا برايد
انتى تستاهلى كل خير يا قمر
تقبلى مرورى

Asmaa mahaba said...

مبروووووووووووووك الف مبروك ربنا يوفقك

candy said...

مبرووووووووووووووووووووك
كان متوقع أن الموهبة دى والروح دى تتجسد فى عمل فنى....

بالتوفيق :)

dramaqueen said...

مبروووووووووووووووك يا غادة
انتى بجد مبدعة وتستاهلى كل حاجة جميلة
ربنا يوفقك ودايما فى تقدم

نعكشة said...

ألف مبروووووووووووووووووووووووووووووووووووووووووووووووووووووووووووووووووووووووووووووووووووووووووووووك

:D

ربنا يفرحك كمان و كمان و كمان و كمان و كمان و كمااااااااااان

الف مبروك ا قمر


ِسلام عليك

Lobna Ahmed Nour said...

الف الف مبروك يا غادة ويارب من نجاح لنجاح

رضا الكومى said...

لكل مجتهد نصيب
ربنا يسعد أيامك

ذو النون المصري said...

قريت الخبر عندك علي الفيس بوك و فرحت جدا لكي
كل عام انتم بخير
تقبل الله منا و منكم طيب القول و خالص العمل

ذو النون المصري said...

ياريت تكتبي شيء في المدونة التانيه لاننا اتعودنا علي لقاءك هناك
تحياتي

زهور الامل said...

بجد
الف الف الف مبروك
والله العظيم انا فرحتلك جدااا

ويارب بالتوفيق ان شاء الله
بس عايزين اخر اخبارك انتي ايه
مفيش مشروع جواز اليومين دول ولا ايه

ربنا يصلح حالك ويوفقك يارب

محمد حمدي said...

سمعت عن جروب : هعيد وافرفش بدون تحرش؟
ده جروب على الفيس بوك لتوعية الشباب ومناقشتهم وتفهيمهم ان التحرش سلوك خاطىء , وإننا لازم نبطل التبريرات السخيفة لافعالنا زى ان التحرش عقاب للبنت اللى لبسها متبرج ... الخ

الجروب هدفه عمل توعية للشباب قبل عيد الفطر المبارك اللى اتحول لموسم تحرش من ألاف الشباب , اللى كتير منهم –ياللعجب- بيكونو بيصلو ويصومو لحد اخر يوم فى رمضان واول يوم فى العيد بيتحولو لكائنات متحرشه وبتضايق فى خلق الله

كمان الجروب مش بيشتغل على الانترنت وبس , احنا بنخاطب شيوخ الجوامع ينهوا الشباب عن التحرش ويفكروهم بقيم الدين وضرورة غض البصر.. الخ خلال خطبة الجمعة او خطب التراويح وصلاة الليل , وكمان بنكلم معدى برامج التوك شو والجرايد الرسمية والخاصة لعرض حملتنا والتركيز عليها

لو تقدر تشارك معانا ببوست فى البلوج بتاعك تحط فيه لينك الجروب واهدافه تبقا دى خدمه كبيره ممكن تساعد بيها شاب على الهدايه او تحمى بنت من التحرش

ايه رايك ؟

لينك الجروب

http://www.facebook.com/group.php?gid=158203229767

Rosie said...

ألف مبرووووك ي برايد..بس لازم ترجعى تكتبى بوستات تانى...بجد وحشتنا كتابتك أوى..و فرحت بخبر المسلسل جدا..

amanda said...

bgd enty gamda mooooooooooooooooooooooooooooooooooot aslobk to7fa ana m3rfrkesh bs mn 2ol m 2rtlk w ana bmot feky w rbna ywf2k w ykrmk yarab bs el moshklt el gwaz d 3ndnha hena f el share3 bta3na m lhash 7l b2mana share3 f2er rsmy mfsh ay 7aga f bt7sel w mo3zem elly feh mn sn 27 l 35 kda
w feh b2a el 32 bs d etgwzet w etl2t kan bny2adm el mfrod en madyateo kwyesa bs 3dem el a5la2 d 3n klamhom wallah a3lm
ana b2et b5af asln ay n3m ana koly 3l b3dy 21 sana y3ny lsa odamy el donya wardoy bs lma bsm3a d kolo 3la ad m ana 3awza atgwez bdry 3shan ab2a 2oeba mn welady 3la ad mn 5ayfa a5od el 5ta l3nha msh sahla d 2rar 3omrk kolo msh l3eb 3yal
asfa lo kont tolet 3leky w bgd ana nfsy atklm m3aky w rbna ybarklk yarab w isa lo msh konty l2ety el bdwey 3leh w lo l2teh y rab yetl3 a7sn mne elly enty 3ayzah
rbna ye7meky w ye7fzk

آخر أيام الخريف said...

الف الف مبروك يا غدود و يا رب للامام دايما

nor said...

مبروك نسناهلي كل خير

vision said...

ألف مبروك يا جميلة

lonely girl said...

قريت الخبر فى الجروب من يومين
الف الف مبروك

"أحلام حقيقية" said...

الف مبروك ياغادة وربنا يوفقك دايما يارب

Enbee said...

مبروك مبروك .. ألف مبروك وتحياتي وتمنياتي بالمزيد من التقدم

تحياتي العطرة

Darsh Basha said...

الف الف مبروك يا غادة
وياترى انتى كاتبة السيناريو بتاعة؟؟
وكل ينة وانتى طيبة
والف مبروك تانى مرة

Amr said...

مبروك :)
انا عندي تسائلين:
الاول هو هل المسلسل هيكون زي الكتاب والبلوج بالظبط ولا هيناقش قضية تاخر الزواج والاختيار وغيرها بصفة عامة؟
صراحة افضل انك تناقشي الموضوع عموما مع المحافظة طبعا علي الخط الرئيسي للمسلسل انه بيحكي عن تجاربك الشخصية, بس ممكن تتعرضي لبقية مشاكل تاخر الزواج من خلال شخصيات ثانوية في المسلسل, يعني مثلا ممكن يكون ليكي صاحبة متأخر جوازها عشان هي بترفض كتير وبتطلب طلبات غير منطقية, وواحد تانية عشان مثلا ظروفها الاجتماعية وواحدة تانية عشان بابها خايف علي ورثها وفلوسها وواحد صاحبتك من الخليج بابها شارط انه يكون من نفس القبيلة -لمراعاة مشاهدي الخليج :]- وهكذا, دي طبعا شخصيات ثانوية بس هتوضح ان في مشاكل كتير داخلة في بعضها منها اللي عند الولد ومنها اللي عند البنت ومنها اللي في المجتمع نفسه.

الامر التاني هو هل هينتهي المسلسل النهاية السعيدة :), ولا هيكون بيحاكي الواقع بالظبط وهينتهي ان لسه مافيش نصيب, او -ودا اللي بفضله بصراحة :]- هو انه ينتهي بوجود شخص مناسب جدا متقدم وانت مستريحاله وهو برده مستريح والمسلسل ينتهي من غير ما يقول حصل ايه, نظام النهاية المفتوحة اللي بحبها :)

علي كل الاحوال, ربنا يوفقك :)

koko said...

غاده عادل كانت هتبقى اشد اوى .. جميله و مجنونه .. هند صبرى هتدى القصة شكل تانى

hend mossallam said...

مبروووووووووك


انا امبسط اوي لما قراءة الخبر


اتمنا تكوني فكراني

تحياتي

محمد عبد الغفار said...

الف مبروك

سبمبوت said...

ألف ألف ألف مبروك يا غادة

والله فرحتي واصلة لك من الكويت من قلبي لقلبك الجميل المليئ بدفئ الموهبة وروعة الطموح

تستاهلين كل خير

وبانتظار المسلسل

مدحت محمد said...

الف مبروك

ويارب المسلسل كمان ينجح ويلاقى صدى زى الكتاب والمدونة باذن الله

Anonymous said...

shklek mesh mabsota, leah..?

بـيـان آل دخيل said...

ما شاء الله

بالتوفيق ..

كنت متابعة منذ زمن ..

مخبر قمل دولة said...

الف الف مبروك يا دكتورة
انا من رأيي على فكرة ان ياسمين عبد العزيز أنسب بكتير :D

basma aboelazm said...

يا سلام يا سلام يا سلام
لوووووووووووووووووووووولوى
الف مبروك يا قمر .....وهند صبرى كمان يا معلم اش اش
اصلا انا بموت فى هند وفيكى
اكيد هيبقى مسلسل جااااااااامد جدا
ربنا يوفقك يا رب

احمد أبو العلا said...

الف مبروك يا دوك. وربنا يوفقك دايما

UPENDI said...

مليوووووووووون مبروووووووووووك يا غاده
Can't wait 2 c it
بس اشمعنه هند صبرى يعنى
انا ف رأيى المتواضع نشوى مصطفى دمها اخف بكتيييييييير

Anonymous said...

كان نفسي أقول مبروك... بس ربنا يعافيكي من أن تُسألي عن ناس يضيعون من فضل رمضان في مشاهدة المسلسلات.

فلاشاوي said...

المسلسل مش في رمضان
بيقولك هيتصور بعد العيد

يا مراكبي said...

زي ما قلتلك قبل كده .. حاولي إنتي تستأثري بالبطولة .. هتكوني مقنعة أكتر

:-)

hasona said...

السلام عليكم

رمضاااااااان كريم
وكل سنة وانت طيبة


والف مليون مبروك

وان شاء الله يكون مسلسل ناجح ويعبر عن الصورة التي كانت في مخيلتك قبل طباعة الكتاب

كائن الإبداع .... محمد said...

ألف مليون مبروك


بس متهيألي هند مش هتقوم بالدور كويس


ليه ما تعمليهوش انتي يا بربر؟

Ayat Elshami said...

ردًا على فلاشاوي:
هيتصور بعد العيد بس هيعرض في رمضان 2010. أنا نفسي الإعلام يبطل العادة السيئة دي ويوزعوا المسلسلات على السنة كلها ويمتنعوا عن عرض أي مسلسل في رمضان.

إيناس حليم said...

مبرووووووووك
هيبقى مسلسل جامد ان شاء الله

Anonymous said...

الف مبروك يا برايد بجد خبر جامد اخر حاجه انتى تستاهلى كل خير .وربنا يوفقك

Anonymous said...

الف الف مبرووووك

وان شاء الله يبقى جامد جدا ويكسر الدنيا


وربنا يتم فرحتنا بقى

متابعة قديمة ليكى

أبو أمك said...

أنا ليّ عندك توقيع من معرض الكتاب اللي قبل اللي فات
المرة دي بقى تصوريني مع هند صبري
إلا صحيح هند صبري دي غير هند رستم ؟

MǿиY El-Shreef said...

مبروووووك يا دودو

والله فرحنالك اوي ربنا يوفقك ياااارب

:)

ROMANTIC ROSE said...

بس تفتكري هند صبري هتقدر تتعامل مع كم الكوميديا اللي ف المواقف اللي حصلت معاكي ؟؟ و الله ده لو ماري منيب متهيألي برضه هيبقي صعب عليها .. ما تروحي تمثلي انتي يا بريد !!

الف الف مبروك و عقبال ما ربنا يكرمك كمان و كمان يا رب

أميرة علي كوكب مهجور said...

مبروك بجد يا غادة انا مبسوطة اوي بجد كتابك يستحق اكتر من كده وانتي تستاهلي كل خير وياريت ترجعي تكتبي بوستات جديدة...وياتري مين هيعمل دور طنط حشرية و اونكل ديسكو :)الف مبروك يا قمر

فاتيما said...

مبروووووووك يا ست البنات
الخطوة دى حتمية و لازمة
لأن الكتاب و الحكايات اللى فيه تستاهل و إنتى كمان تستاهلى كل الخير
هند صبرى إختيار موفق جدا
و اكيد إنتى هتوصلى لها كل الحدوتة و لو إن الكتاب فيه كل حاجة
أنا فخورة بيكى جدااااا
و أوعى تسمعى كلام المراكبى يا بنتى
إنتى تركزى فى السيما
هاه
رمضان كريم و كل سنة و إنتى طيبة يا غدغود يا مشرفنا و رافعة راس المدونين و المدونات فى البلد دى بإجتهادك

Beram ElMasry said...

الهم تقبل صيامكم وقيامكم وأجعله في ميزان حسناتكم وعيد سعيد أعاده الله عليكم باليمن والخير والبركة أنتم وجميع الأهل

** بيرم المصري

Anonymous said...

ألف ألف ألف مبروووووووك ،، وربنا يوفقك يا رب ،، كل سنة وأنت طيبة وعيد سعيد عليكي إن شاء الله

aboooood said...

ألف مبروك ثاني مرة على فكرة أنا بتاع الإيميل ولا إنت إيميلاتك كتير طبعا............

Ranim Ayman said...

ألفففففففففففففففففف مبروكككككككككككككككككك وعقباللللللل كل كتاب يارب وبجد أنتي وحشانييييي أوي أنتي ممكن تكوني نستيني بس أنا فكراكي أنا رنيم جات في حفل التوقيع الكتاب وجبتلك ورد كده واكيد افتكرتي بجد أنتيوحشاني أوي ونفسي يبقي فيه كتاب تاني علشان يبقي فيه حفل توقيع علشان اشوفك ومدونتي كمان نفسها تشوفك

shabfa2re said...

انا لسه ما قرأتوش والف الف مبروك

بسنت صلاح الدين said...

الف مبرووووووووك بالتوفيق ان شاء الله

مهندس مصري بيحب مصر said...

ألف مليون مبروك
بس يارب يكون فيه مقابل مادي كويس يا دكتورة و مش دار النشر اللي تكوش على كل حاجة
:)

هبة المنصورة said...

تصوري كنت باعمل بفتيك وبامارس هوايتي ف قراية الجرنال القديم اللي فارشاه على رخامة المطبخ
وقريت الخبر
وفرحت لك ياغادة
وهند صبري تمثيلها جميل
وأكيد هيبقى مسلسل حلو ينتشلنا من المسلسلات الشلل أمثال أفراح إبليس

ربنا يتمم على خير

funky girl said...

????????
مممم مبروك بس مش عارفة اقولهالك اوي عشان انا ضد اي مسلسل في رمضان
بس ربنا يوفقك و ابقي طمنينا عليكي و بلاش الغيبة الطويلة دي كلها :)

Bent Men ElZman Da !! said...

الف الف مبروك يا غاده بجد
وان شاء الله تبقى احسن واكبر من كده كمان يا جميله
ربنا يوفقك

http://www.my-picz.co.cc said...

قريت الخبر فى الجروب من يومين
الف الف مبروك

رانيا said...

مبروك يا دودو الف مبروك
ربنا يوفقك وبجد من احسن لاحسن وتعلي لاعلى المراتب
تلكي ويانسن وكل الماركات
الف مبروك يا بت وسلام مربع للجدعان

رانيا said...

اه نسيت اقولك وافطمك اوعي يا بت يضحكوا عليكي ويقعدوا يقولوا اكتبي كده ولا ما تكتبيش كده خدي بالك ده ابنك حاجي على ضيناكي

Anonymous said...

بلاش هند صبرى محدش بيحبها

مهرة سالم said...
This comment has been removed by the author.
ماجد الجلاد said...

الف مبروك يا غاده والى الأمام دائماً

Unknown said...

مبروك

Anonymous said...

برايد

انا بحب مدونتك

و بتمنالك الخير

لفت نظري كتر التعليقات على البوست ده اللي فيها ذكر الله سبحانه و تعالى
و الدعاء بالبركة و التوفيق

يا تره يا برايد

يرضي ربنا تطلع هند صبري (هو ايفر ذات از) عالتلفزيون و اكيد مكياج و خلافه و الناس تتفرج عليها؟ وللااا..؟

يرضيكي يكون ليكي نصيب من كل اثم الرجال كلهم اللي حيشوفوها؟

طيب نصيب من اثمها هي؟!

طييييب

يرضيكي بعد ما ربنا ياخد امانته و المسلسل يتزاع كمان 20 مرة بال 100 سنة القادمة

توصلك سيئاته كمان؟ و سيئات كل اللي بتفرجو عليه؟

طييييييييب...

نباركلك وللااا..؟

ربنا يبارك في عمرك و يزيدك حسنات و يصرف عنك فتن الشهرة و المحيا و الممات


توقيع: اخوكي المبتلى بالشهرة من زمان

مسكات طبيعيه said...

لولولولولولولولولوى
الف الف مبروووووووك

Anonymous said...

السلام عليكم
أتفق مع معظم ما قلت يا (أنونيماس) ، كمان أحب أضيف اضافة هاحاول أختصرها بقدر الامكان:
- احنا لية خلينا المرجعية هي المجتمع و مش الدين؟
- البنت اللي بتزعل من المجتمع اللي بيسمح للولد بعلاقات و يمنع البنت هي نفسها اللي بتقبل الولد ال (بلاي بوي). ليه مش بترفضه زي ما الولد بيرفض البنت اللي بتعمل علاقات قبل الجواز؟
- الأفضل ان الجنسين يسمحوا لبعض بكده و لا ان الجنسين يرفضوا ده من الطرف التاني و يبقي ال(بلاي بوي) أو ال(بلاي جيرل) مرفوضين من المجتمع زي ما الدين بيرفض ده؟
- مشكلة الجواز للولد و البنت أساسها اقتصادي..العصر الحالي البنت بقت بتشتغل و في الغالب بتقبض أكتر من الشاب.. اللي يا اما مش لاقي شغل يا اما مش معاه فلوس للجواز.
- في الغرب حاولوا يحلوا المشكلة اللي هما اخترعوها عن طريق الاباحية فزاد أبناء الزنا و زادت ال (سينجل ماذرز)لأن الولد في الغالب مش بيكون عاوز أطفال، مبقاش فيه حاجة اسمها أسرة.
- طبعا زي ما كانت غادة بتقول في البوست الأول و التاني ان حال البنت زمان كان أفضل لما كانت بتبقي في البيت معززة مكرمة و كان بيجيلها العريس .. و أضيف ان كان الدين هو اللي بيحكم الموضوع للبنت أو للولد.
( اظفر بذات الدين).. ( اذا جاءكم من ترضون دينه و خلقه فزوجوه).
- زي ما قالت غادة كمان ان البنت الغلبانة دلوقتي بقي عليها عبء ان هي اللي تدور علي العريس .. أضيف ان فيه بنات كتير بقوا يرخصوا نفسهم في رحلة البحث عن العريس دي..
- التدريج اللي بيحصل في المجتمع دلوقتي ان بنات مصريات كتير قربوا قوي من الطريقة الغربية.. و أصبحت البنت بعد ما كانت بتدور علي عريس أصبحنا بنشوف بنات بيدوروا علي (بوي فرند)، و لما يسيبها تبتدي تدور علي غيره.
- ده هو اللي اتعلمناه من الغرب لما بعدنا عن ديننا.
- اللي بيحصل في الأفلام أو المسلسلات انهم بيدافعوا عن البنت اللي بتعمل علاقة مع ولد من غير جواز علي أساس ان دي حرية و مساواة مع الشاب في الخطيئة.
- في خطوات متقدمة السينما و التيفزيون أصحو بيدافعو الآن علي الشذوذ.
- أنا شايف ان اللي بيحصل في المجتمع ده نتيجة ان حد زي هند صبري و نانسي عجرم و تامر حسني أو غيرهم هما المثل العليا للولاد و البنات.
- أضم صوتي لصوت (أنونيماس) لأني فعلا مش شايف أي خير في اللي بيحصل ده طول ما احنا عندنا الشيزوفرينيا الفكرية دي.. ندعي ربنا و احنا مافيش حاجة من اللي بنعملها بترضي ربنا و لا حتي بنفكر نعرف ديننا و تعاليمه كويس و ننفذ اللي ربنا أمرنا بيه علشان فعلا يرضي عننا..
- يا ريت أي حد يقرا الكلام ده يفكر فيه و يراجع نفسه كويس.
مسلم مصري

Ahmad Mohamed Saied said...

ألف مبروك يا غادة انا اول مرة أشوف مدونتك بعد بحث جوجلي بس ربنا يوفقك انتى أسلوبك حلو جدا ربنا يوفقك دايما

MOmO said...

Bride ana bamoot fiki we 3ayza ashkorek , la2en My cousin who lived most of her life in The states , bete2ra ketabek 3ashan tet3alem 3arabi 2a7san , we betmoot men el de7t , la2enek zay el 3asal , e7na ben7ebek awi awi awi

MOmO said...

Ah sa7ee7, Allf Mabrook 3ala el TV show , we 2ew3i yekoo akalo 3aleki el Copy rights ?? dih fekretek we Blogek , we salamu 3alikum

إيمان محمد said...

مبروك يا د. غادة

أنا بحبك جدا جدا

ومنتظرة كتبك الجاية بفارغ الصبر ربنا يوفقك دايما

أتمنى انك تشرفيني في مقالاتي المنشورة - والقراء الاعزاء- في
بص وطل قسم التنمية الذاتية
وان شاء الله ربنا يعينني واكتب عن شريك الحياة

منتظرة تعليقاتك يا قمر
رابطة المقال
http://www.boswtol.com/self-development/personality-self-help/10/february/22/8705

رابطة مقال تاني

http://www.boswtol.com/self-development/personality-self-help/10/february/15/8325

إيمان حسني

صحفية في بص وطل

Unknown said...

Ghada, I just finished reading ur book "3ayza atgawez" and it is really amazing, and it is very realistic and true.
It is really good that it will be a TV series, and I believe it will break the world "7aykassar el donya ya3ni". Good luck, and waiting for more books insha2allah.

gfjghjghghj said...

مشكوووورة
متى الكتاب القادم
..............

shemois said...

انا مش متابعه قوى لمدونتك بس انا حضرت حفله اصدارك لكتاب عايزه اجوز وعجبنى اسلوبك جدا فى الكتابه
وعجبتنى شخصيتك
وكمان عجبنى انك صيدلانيه زى
ربنا يوفقك ياقمر

Hamza matar said...

congratiolations ya '3ada, i published this news on my facebook page. and good luck

محتاره said...

مدونتك جميله وانا عامله مدونه زيها بس عايزه عريس بجد
واسمى ناديه حمدى
ارجو زياره مدونتى

www.ayzaarees.blogspot.com

Rory said...

اولا الف مبروووك
ثانيا انا عايزة اقولك انتي بجد من الحاجات القليلة اللي تخليني احس ان مصر لسه فيها كويسة
والله بدون مبالغة ايام امتحاناتي كنت باجي اقرا المدونة بتاعتك كنت بعيط من الضحك في وقت ماكانت اعصابي مشدودة عالآخر
ربنا يحميكي يا بنتي


بس هند صبري؟؟
حرام بجد هتبوظ المسلسل
غادة عادل , ياسمين عبدالعزيز , دنيا سمير غانم
كل دول ممكن يعملوا الدور احسن 100 مرة

basma bahaa said...

الف مبرووووووووووووووووووووووك يا غااااااااااااادة!!:))

noha musad said...

المسلسل اكتر من رائع ربنا يوفقك ابرايد ومن نجاح لنجاح اكبر

Anonymous said...

نونو~
مسلسل روووعه آستمتعنآ بكل حلقآته.
لأننآ كلنآ نعآني اللي تعآنيه(علآ)