بصراحة بصراحة مش عارفة أعمل فيكوا ايه
يعني عرضت عليكوا تجاربي و قصصي و أفلامي دي كلها ..و مافيش فايده
اللي ضحك و اللي اتريق و اللي عيط..و مافيش فايده
فين يا جماعة القصص و الحكايات اللي تقطع حشايا القلب و المعدة
يعني مكلفة نفسي و عاملالكم بلوج و مكلفاه الشئ الفلاني على حسابي
و قلت ياللا أهم يضحكوني معاهم زي ما ضحكتهم معايا
مافييييييييييييييييييييييش فايييييييييييييييييييييييده
بصوا بأه ..بناءا على إقتراح من قارئة عزيزة من قارئات المدونة
و عشان عارفة انكوا مابتجوش بالذوق
افتحوا الكراريس و اكتبوا من اول السطر
الوااااجب
على كل واحدة دخلت المدونة برجليها اليمين تبعتلي على الإيميل
قصة أغرب عرض جواز جالها في حياتها و اتصرفت فيه ازاي
و على كل واحد دخل المدونة برجله الشمال
قصة أغرب قصة غرامية حصلتلك أو مقلب شربته من الموضوع ده
إذا كنتي خايفه من صحباتك اللي على النت ..اكتبي باسم مستعار و هانشرلك بيه
اذا كنت خايف من المدام
مش مشكلتي يا باشا ان شخصيتك ضعيفة قدام الحريم بتوعك...رجالة آخر زمن
نرحب بجميع القصص ..زواج..خطوبة..طلاق..خلع ..أو حتى قصة حب لم تكتما
انا مستنية جنب صندوق البريد بتاعي
ص.ب..45
يعني اللي يبعت يبقى لابس صندل بني مقاس خمسةوأربعين
آخر فرصة ..بعد كده هاجيب البلدوزر و أسوي بيت العرايس و العرسان بالأرض
و ابعت أكتر ..فرصتك في النشر تكتر
و الله المستعان
34 comments:
هاي يا برايد
اخر مقلب كان في البوست دي
http://amirtelbaltgaya.blogspot.com/2007/02/blog-post_05.html
وسبحان الله
اسمك في اول سطررررررررر
يااااااااااه يا بريد الحكايات كتيره ..بس اللى يسمع
هههههههههههههههه
لو دورتى مش هتلاقى اكتر من قصص الحب اللى مكملبتش ..ولا من حالات الطلاق وله من خطوبه مكمليتش..كتيررررررررررر
بس انت تبقى فاضيه تسمعى :)
ايوه كده يا برايد اظهرى وبانى عليكى الامانى عايزه تسمعى القصص بتاعتنا علشان تجمعيها وتنزليها فى كتاب وتبيعيه وتكسبى شىء وشويات ..عايزه تستغلىالعالم الغلابه مش كده يا برايد؟ ... خصوصا ان الجرايد اتكلمت عليكى....يا اما ابو قسم فيفتى فيفتى يا اما اتصل بشارون وجورج بوش واقولهم مقر تنظيم القاعده هنا فى البلوج
بهزر يا برايد مش تزعلى
طيب مش ابو قسم ولا حاجه التلت والتلتين طيب
:)
انا جاي مستني بالذات قصص الخلع
بما اني معنديش قصص غريبه و لا اي حاجه فقاعد مستني اتفرج علي الناس و افرح فيهم
:))))))))))
ربنا يستر
تحياتي
يا برايد ايه اغرب عرض جواز ده
مممممممممم والله ممكن
طيب هحاول اكتب حاجه لو جه فى بالى وابعتلك
وماله
ينفع تأليف :d
برايد ادخلي مدونتي مليانة مقالب
هو احنا لازم نوصل الطلبات لغاية عندك ولا اية
يالهوي انا من اول 10 تعليقات ايه الهنا ده طب واللي ملوش قصص يقف يتفرج عليكوا يعني
بس بجد محدش بعتلك اي حاجة ع الميل ده انا قلت فيه كتير هيبعتولك بالهبل
آخر فرصة ..بعد كده هاجيب البلدوزر و أسوي بيت العرايس و العرسان بالأرض براااااااااااااااايد!!!!!! اه وقعنا فالمحظور اشمعنى العرايس والعرسان بقى ؟؟؟ غيرة دى يا برايد ولا؟؟؟؟؟؟؟
معنديش صحبات
انا خيبة
D:
:(
انتي عارف المشكلة ايه يابرايد
ان المواقف دي مش بضحك قد ما بتوجع القلب
لكن أكيد هبعتلك بعض القصص
انتي تستاهلي كل خير
تحياتي
انا عندي حكاياااات
على رأي توفيق الدقن
تيشييييييب
:)
بس
باخاف من مراتي
:)
اغرب عرض جواز
من ابن العطار اللى جنب تيتى
كنت حاقتله
الولد فرحان بالدبلون و دماغه الفاضيه
و طقم الروشنه اللى هو فيه
و كمون و فلفل
و سيادتى مهندسه باهتمامات مختلفه تماااااما
اوع تقولى انك فلست خلاص او ان العرسان اتعموا ومابقوش يعدوا عليكى؟
ازعل جدا لان ده معناه ان مابقاش فيه رجاله ويبقى كدة فرصتك تقريبا يعنى ......مش عارف اقول ايه بس يعنى اعتقد ان فيه ....................؟
برايد
انا حكاياتي كلها مؤلمة للغاية
و مش عاوزة أنكد على حد
و بيني و بينك هاتضايق لو حد ضحك على آلامي لأنها ممكن تكون من فرط السذاجة و البواخة مضحكة بجد ..!
هاحاول اكتب لك
دة لو لقيت الشجاعة
أنفال
أنا التعليق الخمستاشر
هأموت من الفرح
أنا ممكن على فكرة أشتري منك حقوق عمل البوستات دي على شكل سهرات فنية صغيرة و حلوة زي بتاعة زمان دي
لو موافقة أو عندك اقتراح في الموضوع تقدري تكلمي مديرة أعمالي-خالتك طبعا-
و آدي الميل عشان تعرفي إن أنا جاد في الموضوع.
mini_892003@yahoo.com
الكلام دة بره الهزار على فكرة
سلام يا برايد
أنا كتبت ليك على مدونتي حكايه غريبه قليلا لكن واقعية و يمكن يكون فيها حل لأزمة الزواج..حاجه إسمها موسم الخطوبة....أرجو إنها تعجبك
تصبحي على خير
أيو جاااااااااااااي
ايه ده يا برايد عايزة تعملي مسلسل على حسابنا و لا ايه؟ طب حاتدينا كام؟؟؟؟؟؟؟؟؟؟؟
ممكن أكون المخرجة أنا باعشق الإخراج موووووووووت
دعوة عامه لكل المدونين المصريين لحضور اللقاء الثالث الذى تحدد موعده من قبل المشرفين عليه والمؤسيسن له
وذلك يوم
الجمعه الموافق 9/3/2007
بدار الاوبرا المصريه
كوفى شوب الابداع
بجوار دار الابداع بداخل الاوبرا
والدخول للمكان من البوابه الخلفيه للاوبرا امام النادى الاهلى
والحضور بالملابس الشتوية
واوجه الدعوة خاصة الى الاخوات المدونات
هنستناكى بجد
ايمن فاروق
Try
http://www.kobool.com/
مجهود رائع حقيقي
ربنا يسعدك ويوفقك
شوية شوية هتقولي ابعتلي موضوعين و خد التالت مجانا !! ايه البرموشانز الجامدة دي ؟؟
:)
برايد انا بعتلك على الميل يالا بقى اللهم كتر من الفضايح
انا بموت فى المدونه بتاعتك بجد بتخلينى اضحك
لكن شر البليه مايضحك برضه
لا يا برايد انت فييييييييين هتعملى ايه بالقصص ......فين قصتى ... انا بعت قصتى اعرف ايه اللى هيحصلهاانا مش مطمن!!!!1
أميرة البلطجية
looooooooooooooool
جامدة
معلش انتي حلوة وهو وحش..انتي امورة وهو حمار
ولا تزعلي يا ست الحلوين اللي مالوش أهل بيت العرايس و العرسان أهله
--------------------
غرشوبة
انا عن نفسي فاضية
اديها و لا يهمك
----------------------
medo
أخخخخخخخخخخخخخخ
كشفتني يابن الإيه
5% كويس
؟
-------------------------
عبد الله
بلاش تفرح في الناااس
ماحدش عارف المستقبل فيه ايييييه
;)
ابقى تعالى اتفرج انشاء الله فيه كتير
-------------------
شيماء الجيزي
ألفي ألفي ولا يهمك
طلعي كل مواهبك و علينا النشر و لا تبقي مع إيقاف التنفيذ أبدا
----------------------
كراكيب عادل
بجد مواقف جااامدة
بس مش ينفع بعد مانشرتها عندك أرجع أنشرها تاني
ابعتلنا حاجة فريش
nouran
منورة يا قمر من اول 10 او من آخر عشرة برضه منورة
ماحادش كان بيبعت بس دلوقتي جم بالتهديد
ابقي تعالي و اتفرجي
----------------------
anonymous
طب احمدوا ربنا اننا دخلنا فيها العرسان انا ماكنتش ناوية اصلا
--------------------
moodysalihamidzic
معلش معلش
انشاء الله هتتدبس في جوازة على طول
----------------------
هدى
الله يخليكي يا جميل
كل اما كانت المواضيع مؤلمة أكتر كل اما ممكن نضحك عليها اكتر
ممكن نرتاح
------------------
اكتب بالرصاص
الإعتراف بالحق فضيلة
و رحم الله امرء عرف قدر نفسه
تحياتي للمدام
-----------------
dananeer
طب ادينا التفاصيل
هي دي حكاية تتساب؟؟؟
انا علشان خاطرك الغيها
بس استني فيه حجات كتير لسه متنشرتش
لضيق الوقت كلميني مسنجر وانا اديلك الافكار هتلاقي اميلي في مدونتي اه كمان روحي اتفرجي علي الصور الي هناك
وبعدين انتي ليه معلقتيش هناك حطي حتي شخبطة علشان افتخر بيك قدام الناس طب ينفع تزوري مدونتي ومتسيبيش ذكري مش يمكن بكرة تتجوزي ومحدش يشوفك
يالا بئي حطيلي توقيعك
sokomonoce
العرسان كتييييييييييييييييير
دانا لو بس فتحت خزينة الذكريات اعمللي 24-25 عريس
دع غير اللي لسه بييجوا
بس انا بادي فرصة لبقية الناس يتكلموا في الموضوع بجراه و من غير خجل
و نضحك كلنا مع بعض بدل ما كل واحد يزعل لوحده
والا ايه؟؟؟
-------------------
anfal
مستنيياكي
و اللي يضحك يضحك..ولا يهمك
--------------------
جوز خالتي
هابقى اتكلم مع خالتي في الموضوع ده انشاء الله
-------------------
سندباد
قريت الحكاية و عجبتني جدا
و الله عالم رايقة و مريحة دماغها
البساطة هي اللي بتمشي المواضيع
عقبالنا
-------------------
anima
و أعطيناكي مهمة الإخراج يا ستي
احنا عندنا أعز منك يعني؟؟
------------------
raspotine
هحاول
بس صعب شوية
-----------------
ahmed
i'll try it
thnx
3lool
شكر ليك
يارب يسعد الجميع يااارب
------------------
romantic rose
لا لا لا
موضوع الجوايز ده مش سكتي
البلدوزر جاهز جنبي أهه
مش هتبعتوا ههد..ولا يهمني
--------------------
شجرة الدر
شكرا ليكي على ميلك
و على الحكاية
انشاء الله هتتنشر قريب
------------------
blank-socrate
قريب جدا انشاء الله
------------------
كراكيب عادل
عينيا ليك
طبعا أحطلك تعليق
دانتا غالي علينا
بصي مدام حطيتي تعليقك عندي يبقي خلاص
انتي موضوعك كان مرهون علي التعليق دة
هههههههههه
انا هطبع التعليق دة واحطة علي ازاز العربية من ورا وهلف بية بكرة الخميس وفرصة عندي شبة اجازة تعرفي فية ناس كتير انتي متعرفيهاش كلهم بيحبوك ليكي طابع معين فية حاجة في شخصيتك صعبة تتفسر متشتغلي سفيرة نوايا حسنة
يمكن تهدي النفوس بين الدول
على فكرة أسلوب برايد مش غريب علي أبدا وإن كان فيه تشابه كبير بينه وبين أسلوب صديقة قديمة وأخت فاضلة تعرفناها من خلال منتديات جاده ومحترمة والكلام ده يمكن من أربع سنين تقريبا ولكن بغض النظر عن كونها تلك الصديقة أم لا .... بجد طرحك للمواضيع هنا جيد جدا وبلوج محترمة... جو أهيد
رائع يا برايد انا لسه جديده هنا بس معجبة ب اسلوبك اوي اوي اوي يارب نكون كلنا اخوات وانا سعيده بوجودب جدبده في وسطكم هنا يا ريت تقبلوني
اذا كان على القصصص كتيييير
بس احلى حاجه انك بتقلبى المواضيع لسخريه
والله احسن حاجه بدل ماييجيلنا نقطه بـــــــــــــــعد الشر عليو طبعا
لقد قرأت كتابك " عايزة اتجوز" وحقيقة وجدت فيه واقعية وخفة دم وروح
مرحة .. اسجل اعجابى بالكتاب والكاتبة
وعمار يامصر بأولادك وبناتك اللى دمهم شربات ورد من بتاع ومان.
الشيمى
Post a Comment