Monday, February 19, 2007

هابي فلانطين

كل سنة وانتوا طيبين يا جماعة ..متأخرة شوية معلش ..هو انا يعني اش عرفني بمعاد البتاع ده؟
أنا كل اللي اعرفه اني مرة ماشية في الشارع لقيت دباديب دباديب..قلت جايز يا بت عيد الطفولة
أمشي في شارع ألاقي الناس كلها لابسه أحمر في أحمر ..أقول ايه ده هو الأهلي هيلعب النهاردة..ربنا يقومك بالسلامة يا أبو تريكة
الاقي ناس كتير ماشية شايلة قلوب حمرا..أقول دول لازم بتوع حملات التبرع بالدم


فين و فييين باه قاعده في امان الله في الشغل لقيتلكم مدام سندس-دي واحدة صيدلانية معانا بس متجوزة كلنا بنقولها يا مدام عشان هي تقريبا الوحيدة فينا اللي نالت الشرف ده-كانت قاعدة بتحكي لنهى -فاكرينها طبعا-
دخلت ياختي الشقة لقيت النور مقطوع و الراجل منور شمعتين و حاطتهم ع السفرة و عينك ماتشوف الا النور قعدت أصرخ أصرخ..انت البعيد أعمى مابتفهمش ازاي تحط الشمع فوق مفرش السفرة انت مش عارف ده بكام مش كفاية بابا اللي جايبه على حسابه و الا عشان مادفعتش فيه حاجة ..آآآآه مانت واخدني بالرخيص..لو كنا خليناك كعيت دم قلبك في العفش ماكانش ده اللي جرا
الراجل يا ختشي وقف كده شوية مذهول و بعدين راح رايح مولع النور ببص لقيتلك ايه "حزمة"حاجة حمرا كده على ترابيزة الأنترية ..قال ايه جايبلي ورد..رحت أبص عليهم لقيتلك 10 ورداتقلت له يا راجل يا مخبول مش ده الورد اللي بيتعمل مربى ..ياللا اتفضل قوللي جايبه منين لما أروح أرجعه و أجيب بداله اتنين تلاتة كيلو ينفعوا مربى للتخزين
الراجل بصلي يا ختشي شوية و قال ايه راح واخد شنطته و رايح على أمه...رجاله غريبة ..مش عارف اني هيطلع عيني في عمايل المربى عشان خاطر يطفحها...بس انا اللي فارسني و فاقع مرارتي إني نفسي أفهم هو اتقمص من إيه..هه يا أختشي ..ماتعرفيش؟؟؟
نهى اللي كان باين عليها هيجيلها شلل رباعي بصتلي و قالتلي ..قوليلها حاجة أنا مش قادرة هاطق منها
بصتلها باستغراب كده ..هاتطقي منها ليه؟..الشابة ماغلطتش المفروض لما يعوز يطفـ..قصدي ياكل مربى يقوللها بدل مايشحطتها تفضل تتخانق مع الراجل بتاع الورد على ماتجيب النوع بتاع المربى
يا خراااابييييي"دي نهى بتلطم و بتصوت"..يا بنتي النهاردة الفالانتاين
يا شيييخة أكنه النهاردة ..أتاري الدنيا كلها مدهونة صلصة بررررة؟

المهم فهمنا احنا الباشمهندس شافعي جوز مدام سندس كان بيعمل العمايل الغريبة دي ليه ..طبعا مع فاصل من الدعوات المكن من سندس على أمه اللي ربته تربية خيخة و خلته يفكر في الكلام الفارغ ده

عن نفسي أنا يا جماعة نفسي و منى عيني إن حد يجيبلي انشالله عود جرجير و أقعد أسرح باليل و انا فاتحة الشباك و نور القمر مدلدق على كل حاجة في الأوضة-حلوة يدلدق دي ..رومانسية مش كده؟_و أقعد أفكر في فارس أحلامي و انا باسمع أغنية رقيقة شجية رومانسية من أغاني شفيقة..يا سلام عليكي يا شفيقة عندها شوية أغاني رومانسية جنان
و أقعد أقطع في ورق الجرجير..بيحبني مابيحبنيش..بيحبني مابيحبنيش..بيحبني..إيه ده دودة دي و الا ايه؟..مش كان نقع العود في شوية خل قبل مايجيبه

و بعدين يا جماعة أنا حاسة ان ماعادش فيه رومانسية زي زمان..ماعادش ينفع..شوفوا مثلا أفلام زمان العاطشفية الفيلم ده بتاع شادية و صلاح ذو الفقاربتاع أحماااااااااااد...منااااااااااااااااااااااااا
كل عقدة الفيلم أنه سافر في القطر جت هيا تركب القطر مالحقتهوش قامت سابتله رسالة مع محصل القطر قام الراجل مالحقش يوصلهاله و كانت النتيجة انهم ماتجوزوش و قعدوا عشرين سنة يدوروا على بعض
طب دلوقتي يعملوا فيلم زي ده تاني إزاي ؟
أول ما الإتنين يتوهوا عن بعض و عشان هيا فقرية هتديلوا رنة ع الموبايل عشان يكلمها ..و عشان هو جلدة هتكبر في دماغة و يقوم باعتلها "كلمني شكرا" عشان هي اللي تتدبس في المكالمةو يا إما البت يا عيني تتدبس و تتصل يا إما تكبر في دماغها و تحس انه معفن و ميت ع القرش و تعملوا ديليت من موبايلها و من حياتها
و تبقى دي قصة الحب التي فرقها نجيب ساويرس

طب فيلم البوستاجي ..حبكة الفيلم ان شكري سرحان بيقرا جوابات البنت اللي بتحب الواد و بعدين بتغلط معاه و لما جواب من جواباتها يتحرق و شكري بيقراه الواد مابيعرفش ان أبوها هيقتلها و ساعتها البت بتروح فطيس
طب لو بينهم ايميلات .كان الموضوع هيخلص على انه هيكتشف ان مافيش ينت ولا حاجة وانه واحد صاحبة بيهرج معاه
يا إما كان هيروح يتقدملها و كانت القصة العظيمة دي إتفشكلت بسبب مفتاح الأنبوبة عليها والا عليه..فين العاطشفية بأه؟

حتى فكرة الفلانطين نفسها..مش هتبقى هيا هياها لو كل الناس اكتشفوا انهم كل سنة بيحتفلوا بالذكرى العطرة لجلوس أخونا القديس فلانطين و إعدامه جلوسا على الخازوق
آه و النعمة هو ده العيد

و بعدين أنا بقيت حاسة ان كل الناس بتضحك على بعض
يعني بعد ماخرجت من الشغل قلت أما ألف كده على محلات الهدايا أتفرج من نفسي ..لقيت بنتين شكلهم كده من أصول ريفية ..واقفين بينقوا هدية

-بقولك يا به..أجيبلوا القلب و الا الدبدو..؟
-لأ يا به..جتك نيلة ..دبدو ..إيه ده راااجن و هما الرجاله بيلعبوا بالدباديـ..؟
-أصلي مش عارفة يا به..مش هارشة موضوع القلب ديه..ديه صغير قوي
- طب أقوولك ماتجيبيلوا الاتنين
- يا نايبتي..الاتنين..ليه يا به..هو انا كت هاتجوزه؟
أدي يا عم الفلانطين و اللي بيحتفلوا بيه
يا عم فكك بلا وجع دماغ

108 comments:

Nada said...

ضحكتني يا برايد والله
المسكينة بتشور عليها تشتريلو قلبين مكانت تخليهم ثلاتة احسن

والله الناس عايزة مناسبة تفرح فيها و السلام
ان شاء الله كل اسبوع في عيد معرفش ايه المهم عايزين يتبسطو
الله يعونا جميعا على صعوبة الحياة اليومية
تحياتي

ام العيال said...

جامدهههههههههه
موتيني من الضحك
حتى الفلاحين يا بيه
ال فلانتين ال
و الله ما بتفرق عازبته او متجوزته كله محصل بعضه

Anonymous said...

أهو الفلنطين دة بالذات يا أختشي معرفش ليه كدة بحس إنه عملينه تخريط بصل على القلب الكام مليون بنت اللي مش عارفة من سن كام لكام دة اللي انت بتكتبي عنهم.. يعني احنا كنا ناقصين حرق دم كل يوم يقوموا يعملوهولنا كمان عيد و مش عارف إيه

heba said...

بقى مش عارفه الفلانطين (على رأيك)دول خربوا بيه الدنبا على التلفيزيون وكأنها حاجه محصلتش قبل كده زى مثلا ان الزهره جت بعد الارض
حلوه الطريقه اللى اتكلموا بيها البنات بس سؤال؟؟؟؟
دى كانت على طريقه منى زكى في مسرحيه كده اوكيه (منا استغرا)و(النشيه)اللى اكتشفت ان معناهم انا استغربت-والنشيد
على العموم يوميتك تحفه وطريقه في التعبير اروع وفرجت عنى همى
وعلى طريقه منى زكى في نفس ذات المسرحيه (الله يحظك)....سلام بقى دلوقتى يا برايد

koukawy said...

من المفروض ان اللي متجوزين او حتي الي بيحبوا بعض يبقي كل يوم فلنتاين 00
بس طبعا ده ما بيحصلش مع تلات اربع الناس معرفش ليه

Ma-3lina said...

صاحبتك المدام دى مسخررررة
مفرش ايه و بتاع ايه تسيب الراجل يفلانتين معاها محدش من الرجالة باه يفكر فى الحاجات دى

حتى فلاحينا الشعب مش لاقى ياكل و يفلانتين

ههه ماااا عليناااااا

قطر الندي said...

يدي الحلق للي بلا ودان جتنا نيله في حظنا الهباب ماحنا حلوين و رومانسيين و مع ذلك يمر علينا كل فلانتين و اخوه مايحدش يفتكرنا بعود الجرجير اللي انتي بتحلمي بيه بس انا باحلم بعود ملوخيه يا برايد صحبتك دي مش حاسه بالنعمه اللي هي فيها!!!!؟

shams said...

متعرفيش كده يا أختشي هم اصلاً بيحتفلوا بالفلانطين ليه .. شكلهم كده شافوا الناس رايحة تشتري هدايا قالوا اما نروح نشتري احنا كمان .. وبعدين لا مؤاخذة مدام سندس تطفش بلد .. ليه حق جوزها ميرجعش البيت تاني .. ال والبنات عايزة تتجوز .. بقى تتجوز وتقلب حياة الراجل جحيم كدهو .. يللا يا برايد عقبال ما يجيلك عود ورد بدل عود الجرجير

كراكيب عادل said...

ازيك يا برايد
انا عن نفسي بكره اليوم ده موت اصل انا في بلد كده مفيش داعي لذكر اسمها بس فيها التقليد الاعمي بكل حزافيره والصبح في اليوم ده الشارع يتسكر كل وحده موقفه السياره بتاعتها قدام محل الورد ونازله تجيب ورد الستات بس الي شوفتهم مش عارف يمكن الرجاله بالليل علشان يكون جاب حاجه تاني مع الورد يعني الست تجيب ورد الصبح وهو بئي وزوقه بالليل ستات شاطره وعلي رأي المثل من قدم صباحا في عيد الفلانطين يلاقي مساءا في نفس اليوم الفلانطين برضو ودمتم

Anonymous said...

السلام عليكم..ايه الكلام الي بينقط عسل ده...و الله العظيم لولا الحاله الماديه و المعنويه الي البلد كلتها بتمر بيها لكنت اتقدمتلك يا ست برايد..هو الراجل عايز ايه غير الست تكون جدعه و تكون حنينه يعني و تحب الفرفشه كده.علشان الست لما تكزن نكديه بتقصف عمر الراجل يا ولدا.بس ما بيد حيله .بس كلامك عسل يا عسل انتي

Beela said...

دستوور يا اهل البلوج...احم احم... بما اني اصغر واحده هنا فا احب اشب فوسطيكو كده عشان اشوف (مع ان طولي 175سم بس مش مشكلة)
ايـــه يا جماعه انتو زعلانين من الفلانطين ليه يعني الراجل اتعدم و اتنيل بستين نيله يعني خد جزاؤه خلينا احنا ف الللي احنا فيه,,, انا عن نفسي احترمت الباشمهندس شافعي ده ..يا ستي كان يبقي ايه الحال لو قلها عندي شغل و قام واخد السكرتيرة و طالع يومين يفلتن (دي بدل يصيف)
و خليكو يا متجوزين زي ابويا و امي كل الاعياد عندهم سخيفه و خلو الحب و التعبير عن الحب للعيال الفاضيه الي زينا ناخد منكو فلوس و نصرفها ع الولاد ,,و نلبس احنا احمر و البسو انتو اسود,,,ده عشان الناس افتكرت بعضها ف يوم واحد ف السنه عملين الغاغة دي كلها علي راي ابله فضيله كده لا لا مش صح..طب محنا مكفرين بعص طول السنه و دهنينها كل الالوان علي بعض لما بيبقي اللون زفتي فالاخر ..ايييه دنيا...احنا ف زمن غريب يعني لو عملوا يوم للكره بلاش الحب كام واحد هيبعت قنبله للي بيكرهو
انا عن نفسي هبعت صواريخ
و النبي بدل ما تتريقوا علينا حبوا بعض شويه طول السنه يا متجوزين و احنا نبطل فلانتين بس لو لاقينا حاجه احسن منه...عموما انا اصلا معملتش حاجه ف الفلانتين يعني قضيته نوم الصبح و دروس بالليل اصلي ف ثانويه عامه بس لاقيت النا كلها بتهاجم قلت اقول ادافع علي اساس خالف تعرف و كده يعني
.......عموما يا برايد واللا اقول ماما برايد وللا ايه مش عارفه انا لو عليا اجيبلك احلي ورده ف الدنيا انا بقرا البلوج بتاعك من زمان انا و صحابي خاصة قبل النوم (ههههه)بس يعني انا قلت اخلي موضوع الورد ده في عيد الام والا حاجه احسن شكلي وحش و انا برياله كده....المهم مرسي انك عبرتينا و حطيتي بوست ..حكم انا كل ما ادخل الاقي ع.ا.ن.س ده اغمض عنيا ....و يجعله عامر
سلسبيل نصر -17 سنه

Anonymous said...

بااااااااااااايخة

جوز سندس said...

جوز سندس يستحق أنه اتجوز واحدة مش رومانسية وفى يوم من الأيام هتبقى فى قلبه منسية وساعتها تبكى مش هرحم عينيك.. تشكى مش هسأل عليك .. الزوجة الذكية اللى تعرف أن الرقة هى اللى هتجيب مفرش جديد مش العكس .

سندس said...

جاتك نيلة
الواد حبيب أوى

Anonymous said...

بجد انتى عسل

Anonymous said...

هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه

جوز خالتك said...

إنتي يا به

إنتي يا به يا برايد

ما تقولي لخالتك الكلام دا يا ختي

ولا انتي شاطرة تقولي الكلام ده للناس اللي برا بس

و النبي ابقي استنصحيلي على خالتك شوية

دي لما شافتني لابس قميص أحمر في الفلنطين فكرت الجلابية بتاعتها خرطت على قميصي في الغسيل

تحياتي من موسكو

Ehab said...

من كتر شطارتك و خفة دمك احيانا بصدق انها احداث حقيقية مش من نسج خيالك السكر النابع من نيل بلدنا و طمي ارضه و حضارة تاريخه لو تعرفي تنشري الكلام ده بين الناس كلها مش بس المدونين صدقيني هايساعد كتير اننا نبطل العادة المقرفة دي و نبطل نقلد زي الحيوانات بدون تفكير و لا شخصية ، اشكرك و احييكي و ارفع القبعه احتراما للأسلوبك يا بنت بلدي العسل و

Om Luji said...

Happy Valentine Bride.
You are so right about romance nowadays. Sondos kaman 3adaha el3eeb. She is practical. What will she do with the roses the next day when they die?
Bas begad gozha se3eb 3alaya awi. Asl el7agat di sa3ba awi 3and elregala. They show their feelings bel3afya, mbalek ba2a lama yegeeb ward wsham3 kaman!
You have a great sense of humour. I think you should write comedies. Walahi agda3 mn Belal Fadl 100 marrah.

Z_Diva said...

to7fa to7fa to7fa, ana asln bmopt fe ur blog, bs kolo ela bta3t saweras da, rbna ysm7o aslha 7asletly ya5tchy ah wrabona, m3fn kn byb3tly klmny shokra brdon, we f3lan 5lst iny msa7to be astika mn elmob weldonya kolha -ah atlto tab3an omal enty fkra eah-
elmohen bas, mesh hatbda2y b2a felblog eltany, bet el3araysh wel3ershan :D
good luk ya basha

mesh2dra said...

السلام عليكم

هابى فلانتين
ههههههههههههه

فكرتينى بواحدة صاحبتى
قعدت تدعى ربنا أن الدنيا تمطر في اليوم ده
إيه البشر دى:d

سيبوا الناس في حالها
كفاية حقد
هههههههههههههه

البشر كلها لابسةأحمرا
لأ والتليفزيون كمان
الديكور والمذيعات
لا حول ولا قوة إلا بالله

emad said...

msh 3arf leh 7ass enk walad wwlad dayer kman ;) msh bent !!
ymkn 3shan mshoftsh khfet dm 7aremi blshkl dh abl kda
ml7osa : de msh mo3ksa wla 7aga blash talakeek :P

wishinh u the best wlblog bt3tek gmila awi fl3n :)

emad said...

Ehab said...
من كتر شطارتك و خفة دمك احيانا بصدق انها احداث حقيقية مش من نسج خيالك السكر النابع من نيل بلدنا و طمي ارضه و حضارة تاريخه

ya7abeeeeeebbbbbyyyyyyyyy 3la r2ye sa3id sale7 fl3yal kebret

a7ebak ana fe " نيل بلدنا و طمي ارضه و حضارة تاريخه " :D

emad said...

صباح الطمى يا ايهاب بيه

حماكى بكندا said...

يا بريودة .. أحب اطمنك على مستقبلك .. ابنى الكبير - الله يحميه - مواليد فالانطين داى .. يعى فلانطايناوى بالميلاد .. فالانطياناوى أصيل .. و حيخلى ابامك كلها فلانطانية .. بس انتى قولى اه

حماكى بكندا

esraa said...

ايه ده, حد يعمل مع جوزه كده, هي صحبتك سندس دي ايه, وانتو مش عارفين انها متجوزه, مش المفروض قبلها بمده تعرفوها ان الفلانتين قرب, مانتو أكيد عارفين انها مالهاش في الحاجات دي.
بس بقي حكاية القلب ولا الدبدوب دي حكايه تانيه خالص (((:

ftataljanna said...

عسل عسل عسل
سكر سكر سكر
يخرب عقلك ايه ده يا بنتى ده تحفه لا بجد انتى موهوبة واسلوبك زى السكر

وبالذات ( ايه ده دودةدى ) عسل مت من الضحك وكل ما اقراها اضحك و وانا بكتبهالك ضحكت

بصى انتى مالكيش حل

عسلللللللللللللللل

يا مراكبي said...

أولا كلمة فلانطين مش بحرف الطاء .. بتتكتب بحرف الظاء

ثانيا أنا مهتم جدا جدا بموضوع إننا نحط الجرجير في الخل علشان الدود يموت .. إنتي متأكدة من المعلومة دي ولا دي معلومة كفتة؟ نرجوا الإفادة

منتهى الرومانسية .. مش كده؟

نحن والقمر جيران said...

أنا أرفض الحب المعبأ فى بطاقات البريد
إني أحبك فى بدايات السنة
وأنا أحبك فى نهايات السنه
فالحب أكبر من جميع الأزمنه
والحب أرحب من جميع الأمكنة
هو دا الكلام الحب فى كل وقت مالوش عيد وياريته عيد حب بجد دا كمان عيد لقديس نصرانى المهم تلاقى اللى يستاهل حب العمر كله حب كل يوم
اللهم ارزقنا إياه

سندس said...

يا خوتشاى عليكم

أوعوا تصدقوا كل الكلام الكذب
أن الحب أخو الحالة المادية الجيدة

اللى بيحب بيحب سواء حبيبه معاه فلوس أو لأ

واللى كره حبيبه بعدما أفتقر عمره ما حبه أصلا

لكن على الرغم من اقتناعى بكل ده
لكن وحياة أمه لو مجبش مفرش غيره
لخليه يبات عند أمه للعيد الجاى

جوز سندس said...

أتلمى يا مرى

مجهول said...
This comment has been removed by the author.
shiko said...

ربنا يرزقك ويرزقنى باللى يجيب جزمه فجل جزمة كرات بس يجى ويجيب اللى يجيبه
دمك خفيف يا بنت الايه ربنا يسعدك
زى ما اسعدتينى
تحياتى يا برايد

مجهول said...
This comment has been removed by the author.
أميرة البلطجية said...

فى انتظار حزمة الجرجير
ههههههههههههههههه
هابي فلانتين
ويا رب انا وانتي وكل الوظاويظ الحلوين نكون السنة الجاية في بيتش العدل يا اخوتشي
وبناكل جرجير وبنعمل مربى

SEMSEM said...

هاى يل برايد ازيك ؟
دى اول مرة اكتب او اعلق على اى حاجة فى حياتى فأعذرونى لو كان اسلوبى ركيك !
و اللة فى الفلانطين عند المتجوزين يختلف تماما..ازاى ؟ هاقولك : اولا لو جاب هدية و طبعا دى حاجة تفرح (هاسود عيشته) لأن دة معناه تقلص رهيب فى مصروف البيت او فى مصروفه اللى هايخلصه و يرجع يستلف منى . و طبعا لو ماجبش حاجة و دى حاجة تفرح راجع لأولا (هاسود عيشته برضك )علشان نسى يوم مبروك زى دة ... و طبعا جوزى كالعادة كل ما اطالبة بلحظة رومانسية بيرد و يقول : احنا اكبر من اكلام دة و لما يتقال (كلام الحب يعنى أو الطبطبة ) بيفقد معناة ... و طبعا انا بقول فى سرى هو ممكن حد يفقد حاجة ما اخدهاش ؟
على العموم يا برايد نصيحة من اختك . استمتعى بكل فمتو ثانية فى حياتك قبل الجواز علشان بعد الجواز لن تتخيلى كم المواعين و الغسيل اللى هايبقى مافيش حد غيرك ممكن يعمله و كمان فى حد تخيلى عايش معاكى ما بيعملش حاجة فى حياته غير انه يفطر و يتغدى و يعشى !! و كله يا حبيبتشى على حساب صحتك و عافيتك .. و كلمة انا هابقى اساعدك طبعا يا حياتى .. معناها ( فى المشمش يا روحى ) فإلى كل بنت لسة ماتجوزتش باقول استمتعى و اشكرى ربنا .. علشان دى نعمة و اللة نعمة. ليا بس عتاب عليكى يا برايد هو انك بتغيبي عننا كتير .

كراكيب عادل said...

محاولة جميلة لمواصلة سردك في اشياء ممكن تضحكنا بس الاهم من ده كلة انتي من جواكي بتضحكي

تعالي يا برايد لو سمحتي شوفي حصار الاسئله هنا عندي

مش هتندمي


سلام

bluesky said...

ازيك برايد؟؟
كل فلانطين و انت مفنطنة
و على فكرة ما تتقرفيش من الدودة دة كلة بروتين برده

shady said...

الجميل في البوست دا بالذات انه في صفنا .. يعني الراجل المرة دي هو الرومانسي اللي بيحاول يعمل حاجة ظريفة في الفالانتاين والست هيا اللي عاملة فيها عملية .. مش عارف بس حاسس انه لو كان نسي ان يومها الفالانتاين كان هاتبهدل برده .. والله لينا حق ننسي .. أو نتناسي

دمتي ذخرا للجحنس الخشن

Islamist Bloke said...

ماشي يا برايد

فالانطاين بردة؟

ده اللى الاعلام وعمو صفوت وعمو انس الفقي عمالين يعلمونا فيه من سنين؟

اللى يغيظ بأة نهم فى كل عيد برضة يقعدوا يشرحوا نفس القصة ونفس الحوارات ونفسة قصة فالانتاين من اولها لاخرها وفرحانين اوى اوى وفى الاخر يقولك وبعض الناس بيقولوا الاحتفال بالعيد ده مش فى الدين وانت اية رايك يا استاذ عبد السميع ...ويجيب اى واحد كدة بكرش ومنظره يغم والمفروض بأة ان ده بطل التوك شو وهيكلمنا عن كون الفالانتاين حلالا أم حراماً!!

ربنا يهدينا ويرزقنا اجمعين بالزوج او الزوجة الصالحة
امين

Islamist Bloke said...

يا برايد احنا هنبتدي الشغل فى مدونة عرايس وعرسان امتى؟

انا عندي حكايات كتيرة جدا عن موضوع الجواز والخطوبة وقصتين حب كدة يعني ينفعوا يتكتبوا
شوفى ينفع الناس تبتدي تكتب امتى وان شاء الله هتلاقى الانتاج نازل على ودنه

فى انتظار ما بعد الافتتاح
واسفين اذا كنا بنضغط على اعصابك
وشكرا

شجره الدر said...

يامساء العسل على اخف دم لبرايد فى الدنيا كلها
انا باجى هنا كتير لكن مش بعرف اعلق على مواضيعك بقعد اضحكواضحك
وانسى انا كنت ناويه اقولك ايه
المهم
قوليلى ياختشى
هو الورد ده يعنى بيتاكل مثلا
ولا الاخ الللى احنا بنحتفل على اسمه ده
هما مش عدموه فى اوروبا احنا نحتفل بيه هنا
بقى ده كلام
وبعدين هو يعنى عشان سندس تحب شافعى لازم يجيبلها ورد فى الزلانطين
ما الحب موجود فى كل وقت ولا احنا اللى بنتلكك
وبالمناسبه سمعتى اخر شريط للمطربه شفيقه
يوجنن
هابقى ابعتلك نسخه
وتحياتى من البلوج المحتله بالقباقيب

shabfa2re said...

فعلا هو لازم يحط الشمعة فى بؤها

khaled said...

انا لو من الشافعى احرقلها المفرش و اوديها عند ابوها بالورد ده
و تقوليلى انها الوحيدة اللى خدت اللقب؟
هههههههههه
اهى يا اختى هايتاخد منها تانى
بس الحمد لله اطمنت على نها من ساعة البوست اللى قبل اللى فات
الحمد لله لسة عايشة و بتتكلم كمان
وموضوع الفلانطاين ده بقى عبط عن كل الناس و بيحتفلوا بيه من غير ما يفهموا كلهم فاكرين ان فالانطاين ده واحد حبيب زى روميو و بلكونة كده و بتاع
بس عايز اعرف البه اشترت ايه القلب و الا الدبدوووووو؟

soosa el-mafroosa said...
This comment has been removed by the author.
wanna b a bride said...

nada

يا ستي خللي الناس تفرح

هيبقى احنا و هما

أي حد يلاقي فرصة للفرح أحسنله ينتهزها احسن مايطق

-----------------------
أم العيال

أيوة كده ادينا فكرة عن مستقبلنا المشرق

هي ناقصة اكتئاب

يا ستي خللي الفلاحين و العمال و كل اعضاء المجلس يفرحوا
حد واخد منها حاجة؟؟
------------------
anonymous

أيوة يا أوختشي و النبي

لا و إيه كمان ..بعد شهر يقوللك عيد الأم

و تلاقي اللي في سنك كلهم و عندهم عيال يشرطوا على جوازهم يجيبولهم هدايه

يعني فلانطين و عيد أم و قبليها في الخطوبة المواسم

بيلموا لم ولاد الإيه؟

------------------
heba

و الله ماخدت بالي

اصل اختك ساعات تتوه كده
و لا اعرف النهاردة إيه و الا شهر كام

يا دوب باعرف ان ده فصل الشتا لما ألاقي نفسي سقعت

مش هما الي بيتكلموا بطريقة منى زكي

دي منى زكي هي اللي بتتكلم بطريقتهم

لا و الدباديب كانت كلها إيه

بروووووبروق
:)
--------------------

koukawy

من المفروض ماحدش يحتفل بالفلانطاين غير لما أنا اتجوز

--------------------
ma-3alina

مسخرة مسخرة ..بس على الأقل مدام

الرجالة و الستات اتبدلوا مع بعض..من زمان
----------------

قطر الندى

معلش بأه ماهيا الرجالة تستاهل اللي بيجرالها
مش لو انت اللي متجوزة الباشمهندس شافعي دلوقتي كان زمانكم مفلطنين سوا

هوا يستاهل

خللي مدام سندس تنفعه
----------------
shams

أنا عارفه و النبي؟

عرفوه منين ده؟

جيل الدش و النت بأه

جتنا نيلة في حظنا الهباب
------------------
عادل

آه و الله ستات ناصحة

ماينفعش تشوف لسندس إعارة في البلد دي

أصل أبيه شافعي ده صعوب عليا قوي و الله
--------------------

anonymous

"لولا الظروف المادية و المعنوية"


تلاكيك بأه

wanna b a bride said...

beela

إيـــــــــــــــــــــــــــــــــــه؟

ماما برايد؟؟؟؟؟؟؟؟؟؟؟؟؟؟؟؟؟؟؟؟

معلش هامسك أعصابي المرة دي

عيلة و غلطت يا برايد..ماتزعليش

ماما قال؟؟
----------------------

anonymous

ياسم
------------------

جوز سندس

باشمهندس شافعي

خطوة عزيزه

بس تفتكر الرقة هي اللي هتجيب مفرش جديد

والا حماتك؟؟؟
-----------------
سندس

بلاش يا مدام الخناقات العائلية تبقى على الملأ كده
-------------------
anonymous

و الله إنت اللي سكر
-------------------

جوز خالتي

طيب ماهي خالتي عندها قميص أحمر أهه

يعني الست عاملة اللي عليها وزيادة
بلاش ظلم بأه
--------------------

ehab

أخجلتم تواضعنا يا فندم

شكرا ع الكلام الجميل
-----------------
om luji

فعلا و الله أبيه شافعي صعب عليا
بس سندس برضه معذورة

يعني طول النهار بيقولوا البنات تافهيين و دماغهم فاضيه

يوم ما الست تحاول تبقى عملية يقوم أبيه يسيبلها الشقة و يروح عند مامته الحجة؟

شكرا ع المجاملة الرقيقة
إحنا فين و فلوس و شهرة بلال فضل فين
----------------------
z_diva

يا سلاااااااام
أكن فيه بني آدمين بتبعت كلمني شكرا للجو برضه؟؟

ده أنا كنت بهزر

بس كويس برافو عليكي
لا يسلم كات الموبايل من الأذى حتى يراق على جوانبه الدم

البلوج الجديد

الكل بيشكر فيه و بيشجعه و في الآخر مافيش حد بعت حكاياته

وانا مش حمل بلوجين لوحدي

انا كنت عامله التاني ليكوا

بس شاكلكوا مش عايزين

لو عندك حاجة إبعتيهالي يمكن الباقي كمان يتشجعوا و يبعتوا
تحياتي
----------------------
mesh2adra

الدنيا يوميها مشمسة و الجو صافي و جميل

بالغيظه فينا و في اللي زينا

جاتنا نيلة في حظنا الهباب

محض روح said...
This comment has been removed by the author.
محض روح said...

ياختشى بلا فلانطين بلا وجع قلب خدنا ايه من الحوار الفاشل ده غير خرب البيت وبعدين يبانتى حتى لو جيه المحظوظ الى هيخدك مننا نتتوقعيش انه مكن يجبلك حاجه ياختشى جوز صحبتك ده طفره جينيه النوع الى موجود دلوقتى بيعتبر الحب بدعه والتعبير عنه نوع من انواع الكفر والزندقه وخده بالك من الزندقه ديه
يالا ياختشى
هنعمل ايه رجاله اخر زمن

Ironcobra said...

مدونتك من أجمل المدونات التي أحرص على متابعتها بأستمرار منذ أن تعرفت عليها و دائما ما ترسم البسمة على شفتي عند قراءة كل بوست جديد و لم تخزلني حتى الأن و لو مرة واحدة .

Blank-Socrate said...

انت ممتعه جدا جدا و بتعرضى حاجه بتمس كل بيت و اسرة فى مصر بطريقه السهل الممتنع ... و انت اعيلى الحق اكون نفسى قبل سن 70 علشان اقدر اشارك بشكل عملى ...ز بزمتك لو بطلنا الشبكه و البنت وافقت على بدايه بسيطه متواضعه و بطانا فشخرة و رسم و كدب على نفسنا ة الناس كان الموضوع هيفرق
كتير

Anima said...

هههههههههههههههههههههه
بوست أكثر من رائع و الله
أنا كمان ما جابليش و لا حد هدية في الفالانتاين
ألاقيش عندك واحد عريس سلف و بعدين أرده ليك؟
هابي فالانتاين

Anonymous said...

u go girl hilarious!!!!!!

أبوفارس said...

أقرء بأهتمام كل ماتكتبين..وكل الردود..وأضحك من خفه دمك ولكن وبجد ياعنى انا مش قادر أتصور أنه البنات فى المجتمع المصرى لسه قاعدين مستنين العٌدل فى بيوت أهاليهم..والا أنا اللى بقاللى كتير بره مصر..تعرفى يابرايد أنا وأم فارس أتجوزنا أزاى...؟؟؟ والله العظيم بالبنطلونات الجينز ف الشهر العقارى فى القاهره ومعانا أتنين أصحابنا.."نائله" مراتى فرنسيه من أصل جزائرى أو جزائريه مفرنسه زى ماتشوفى..قابلتها قبل مانتجوز بسنه مع مجموعه أصدقاء فى البحر اﻷحمر..كانت تعمل فى المركز الثقافى الفرنسى....وطبعا كان حواليها سرب من المعجبين ﻷنها خلطه محترمه شرقى غربى...اللى أبوه مليونير واللى عندهم ماأعرفش شركه أيه واللى غاوى سيما ..وأنا مجرد صيدلى مفلس كالعاده..ولمده سنه علاقتنا بتتطور..الجواز كان ضروره وحطوه طبيعيه عشان نعيش مع بعض... وطبعا ماينفعش أخدها معايا السعوديه وأقولهم الجيرل فريند بتاعتى..الكلام ده كان سنه ١٩٨٨ ولسه عايشين مع بعض.. وعندنا ساره ١٧ سنه والجحش الصغير فارس ٩ سنوات.. ولم أندم يوم على أنى أتجوزتها...هل اللى قلته ده له أى معنى بالنسبه لك أو للبنات اللى بيقروا عندك..أرجو ذلك.....تحياتى..ومودتى...خالد

free soul said...

يخرب عقلك


انت جامدة جدا و خليتينى أضحك بجد!!

كان نفسى تشوفى الكابلز اللى اتخانقوا فى الشوارع فى اليوم الأحمر ده.. كان شكلهم فى الشارع يفطس من الضحك

كويس انك مروحتيش الجامعة كان جالك نقطة و انت واقفة!!

ody911 said...

ههههههههههههه

مش بقولك فقرية

مش عارف مرة أدخل ومضحكش على تعبيراتك وكلامك إللى زى السكر

بجد الرجالة عميت

أقول إيه بقة

عادى بقة
أودى

جوز خالتك يا به said...

محيتي الكومينت يا ختي

فرحانه بتداري على الناس

طيب ماشي

قال منبر حر قال

دلوقتي فعلا حسيت إنك عانس

إية العقد دي

بس ما دام محيتيه و الله ما ني كاتبه تاني

Anonymous said...

السلام عليكم
مش عارف ايه اللي شاددني في مدونتك ومخليني كل ما اكون عالنت اخش اشوف لو فيها جديد

Anonymous said...

السلام عليكم
مش عارف ايه اللي شاددني في مدونتك ومخليني كل ما اكون عالنت اخش اشوف لو فيها جديد
وحقيقي انتي هايلة ويارب دايما نجحة ومنسيه الناس همومه واحزانة
ويارب اشوفك في الكوشة

علي سليمان

Dark Knight said...

معلش يا أخت برايد, الا انتي قلتي البلوج التاني ده نبعت فيه ازاي؟

لأ لأ , سامعك بتشتمي , معلش معلش , آخر مرة

Dark Knight said...

على فكرة المدونة جميلة جدا وانا بافكر اعمل مدونة عكسها تماما ... حاجة زي الجمعية الاولى لحقوق الرجل مثلا

اصلي بيني و بينك كده , متضايق من صنف الحريم قوي
مش منهم بالظبط , بس باحس ان دماغهم راكبة شمال ... احم , ده مع احترامي طبعا
اوعي تزعلي مني انتي زي أختي , قصدي أختشي

Anonymous said...

برايد اناا بأه لو كنت منك كنت نطيت فكرش صاحبتك سندس دى ماهى شكلها كدا من اصحاب الكروش والاوزان دا ما كانش فالانطين ده دى خلتها طيييين بس بردو جوز صاحبتك غلطان كمان بعد العمر ده معاها ولسه معرفشى مراته بتفهم فالورد ولا فالملوخية!!!!!!!! هقولك نصيحة تقوليها لشافعى الغلبان ولا توصليهاله خليه يعملها فعيد جوازهم اللى جاى ولا الفلانطيييين اللى جاى يجيب لها حلة فتة وجوز كوارع ويعزم الجيران والقرايب وبالمرة يجيب واحد شيخ يقرا جزئين قرأن اهو ده اللى ينفع معاها

Anonymous said...

برايد اكيد صاحبتك دى هى اللى جوزها قالها النهاردا الفلانتين لا مؤاخذة الفلانطين عاوز رومانسية راحت لامها قالتلها تطلع ايه الرومانسية دى ؟؟؟ امها قالتلها مش عارفة بس احتياطى انقعى شوية رز هههههههههههه

جوز سندس said...

أنا لازم أعترف ليكم بالسر

العيب فيا أنا مش فى سندس

أنا بطلت أحبها من زمان و بقيت حياة روتينية تماما .. كام مرة حاولت بأسلوبها الحلو أنى أرجع رقيق زى زمان
لكن الشغل خدنى ونسيت أن الحب أهم
وبعد كده أهنتها أكتر بأنى أفتكرتها فى يوم من أيام السنة وكمان الناس اللى قالولى عليه فكان طبيعى أنها تعمل كده
لأنها خايفة أنى أحبها فى يوم الحب وأرجع أنساها اليوم اللى بعده وده هيألمها جدااااااا لأنها مخلوق رقيق .. تخينة أه لكن فى رقة الفراشات و هفضل أحبها مهما تخنت لأنى بحبها وبس

بموت فيكى يا سندس و أنا أسف

سندس said...

أهى أهى أهى
خلاص يا روحى فى ستين
داهية المفرش وكويس أنك
فهمت أنا ليه عملت كده

جوز سندس said...

الحمد لله نسيت المفرش

Sokomonoce said...

اولا وقبل اى شيء الاخ فالنتاين ليس قديسا بالمرة يا اخوة افهموا بقى الموضوع وما فيه انه راجل كويس وخلاص مش قديس لقب قديس لا يطلق هكذا على من هب ودب رجاء

الموضوع جميل جدا يا عروسة عقبال ما نمشى فى فرحك عن قريب قولوا كلكم آااااامين
اكثر حاجة عجبانى جدا هى البنتين الريفيتين فعلا كل الناس بتعمل زيهم يعنى باختصار بنقلد الاخرين دون فهم لمغزى الموضوع
الناس الاوروبيين عملوا عيد الحب دة وسموه فالنتاين مجرد قصة ربما تكون وهميه او ليست كل التفاصيل حقيقية انما لانهم ادركوا قيمة المحبة بين البشر كلهم وليس الراجل والمراءة فقط فاختاروا يوم يحبوا بعض فيه وينسوا البغضة والالام والاساءة وسموه كدة.


هل احنا عملنا حاجة من دة؟ ابدا كل اللى عملناه شوية قلوب حمرا وفيونكات وشمع وخلاص وبقت موضة او هوجة للمحلات لرواج تلك البضائع كذلك محلات الورد كذلك ايضا وليس خفى علي احد فتايات الليل تزداد اعدادهن فى المواسم كذلك الفزيتا بتزيد لانه يوم واحد وعقبال عندكم بقى الشباب مش لاقى حق الشقة هيقطع نفسه يعنى

الاهم هو المعنى يا اخوة احنا فعلا زى القرود بنقلد دون فهم اذا كلنا من الرئيسيات ولا اكثر ولا عزاء للانسان

Naglaa said...

جميلة جدا انتى يا برايد وموضوعاتك تموت من الضحك وعلى رأى المثل شر البالية ما يضحك
أما بقى بالنسبة لسندس فجتها نيلة فى خيبتها خلى جوزها يدور على واحدة تانية رومانسية وتعرف فلانتين قصدى فلانطين ده يا ختش وتضحك عليه وتاخده منها وتبقى تخلى المفرش ينفعها جتنا نيلة فى حظنا الهباب اللى ما لاقيين حد يعبرنا ولا يرمينا حتى بطوبة مش ورده حتى يلا مسيرها تتعدل ويمسيكى بخير يا ختش

wanna b a bride said...

emad

ليه يا عم الظلم ده؟
البنات معظمهم زي العسل و دمهم خفيف

بس فيه ناس بيتكسفوا يبينوا ده عشان المجتمع مابيحبش كده
لازم البنت تبقى رومانسية كده و طول الوقت هيمانه في الدنيا
اللي دمها خفيف مش دايما بتبين ده

و بعدين ماله كلام إيهاب يعني

كلمتين حلوين من نفسي
هي الكحكة في إيد اليتيم عجبة
-------------------
حمايا
آآآآآآآآآآآآآآآآآآآآآه

-----------------
esraa

واحنا ايش كان عرفنا إحنا كمان؟
ماحدش عندنا مترقبه عشان عارفين ضمنيا اننا هنطلع من المولد بلا حمص
------------------

ftataljanna

آه و الله هنعمل ايه
مافيش عود جرجير في البلد كله خالي من الدود
بيقولوا فيه بس في كارفور

تحياتي
-----------------

يا مراكبي

هابي فلانظين

أنا معلوماتي كفتة انا

دي معلومة مؤكدة رأسا من الآنسة حلاوتهم بتاعة الجرجير

شفت و النبي حتى حلاوتهم آنسة
الرجالة عميت والا إيه؟
--------------------
نحن و القمر جيران

مش عارفة أقول ايه
أصل أنا بصراحة ماعادش عندي وقت أحب

يا دوب ألحق أتجوز و أجيبلي عيلين أقعد أربي فيهم
عشان كده تلاقين مسنتحة شوية في موضوع الفلانطين ده
-------------------

مدام سندس
و الباشمهندس جوزها

قلنا بلاش المواضشيع العائلية دي قدام الناس
انتوا هتشمتوا الناس فيكوا و الا ايه؟

ربنا يخليكوا لبعض و تجيبوا مفرش سفرة جديد كل سنة
أقل منها والا إيه؟
----------------------

shiko

آآآآآآآآآآآآآآآآآآآمين

انشالله حزمة جعضيض حتى
-------------------

أميرة البلطجية

أوعدك ان حتى الجرجير هاعملهوله مربى

بس هو يجي ابن الإيه
--------------------
semsem

شوفوا كلام الناس الخبرة

أيوة كده

ادينا الخلاصة

وورينا صورة للمستقبل المظلم

تحياتي ليكي و للأستاذ بتاعك

----------------------
عادل

اللي في القلب في القلب

الضحك عدوى

و انتوا لما بتضحكوا أنا بافرح
-----------------
bluesky

هابي فلانطين على الكل

دودة دودة حد لاقي
------------------
shady

هو انتوا فيكوا الا الباشمهندس شافعي

ده لو فيه اتنين تلاته منه ماكانش ده بأه الحال
--------------------
islamist bloke

مانا قلت في الآخر
يا عم بلا وجع دماغ

بذمتك مش سندس عندها حق؟
ربنا يرزقنا و إياكم
--------------------

wanna b a bride said...

islamist bloke

المدونة بتاعتكم

و التأخير مش مني أنا

الكل شجع الفكرة و قعدت أستنى الحكايات و ماحدش بعت حاجة

ياريت لو عندك حاجة تبعتهالي على الميل

و انا هانشرها فورا

-------------------

شجرة الدر

عندك آخر شريط لشفيقة و النبي؟

طب ابعتهولي ينوبك ثواب

داحنا بنحبها قوي

و يمكن نقعد نحفظ سندس غنيوة رومانسية كده تغنيها لأبيه شافعي
------------------------
shabfa2ri

هاقوله ع الإقتراح ده

يمكن يعجبه

و يابخت من وفق راسين في الحلال
----------------
khaled

أبيه الشافعي متربي و مش يعمل كده

نهى حية ترزق ..ماتقلقش عليها
إيه هاكلها يعني؟

أنا الصراحة ماقدرتش أقف أشوف البه جابت القلب والا الدبدو

كرامتي وجعتني قوي

حتى هي عندها فلانطين وانا لأ

حكمة ربنا باه هنقول إيه؟
--------------------
محض روح

مش عايزة حاجة منه

لما يجي هابقى أجيبله أنا

مالاكش حجة بأه ياسمك ايه؟
------------------

ironcobra

أهلا بيك دايما

و يارب دايما تقدر بوستاتي ترسم البسمة على وجوه الجميع
-----------------------

blank-socrate

تصدق ان اللي مامعاهوش هو اللي عايز يتجوز

واللي معاه مش عايز

بطر بأه هنقول ايه؟

تحياتي..إبقى تعالى على طول
-----------------
anima

افتحي التلاجة و خديلك جتة من الجتت اللي جوه

أصلهم زحمولي الفسحة قلت أشيلهم في التلاجة ليرطبوا
-------------------
anonymous

thnx>>keep coming
------------------

ody911 said...

أنتى مدعوه لتشاركى فى الحوار

عندى فى المدونة

يا مراكبي said...

على فكرة .. الناس مصياتالك جامد على موقع محيط

http://us.moheet.com/asp/show_f2.asp?do=1906009

مبروك .. وعقبال مبروك الكبيرة

amany said...

بجـــــد عســـــــل وكلام من القلب والله كنت هافطس من الضحك ربنا يكرمك ياااااااارب امين ويفرحك ويسعدك يااااااارب امين ونسمع خبر حلو عنك قريب يااااارب امين خدى الفاتحة

nehad said...

صدقينى بلوج جميل جدا و انتى عسل قوى وكلام شربات بكسر الشين وبعدين ولا يهمك بعد كده ابقى قوليلى وانا ابعتلك لو رضيتى يعنى ابقى صاحبيتك ورده حمرا ودبدوب كل فالنطين

عين ضيقة said...

نا لو من جوز زميلتك دى هدور على غيرها

الناس بتحلم تحب وتتحب ويبقى فيه فى حياتها لحظة حلوة وهى بتفكر فى المربى

والنبى ده كلام؟

أما انت فيارب قريب يجيلك محل ورد بحاله

دمك خفيف كالعادة

سلام ياقمر

Anonymous said...

تصدقى يا برايد خفة دمك دى ماحصلتش انا امنت دلوقتى ان الناس اتعمت علشان مش شايفين خفة الدم والروح والعقل ده خسارة لو كنت شفتك من عشر سنين فاتوا ماهو انا كمان واغلب المصريين كدا كلنا واقعين الوقعة السودا مع اخوات سندس ماهو كل المصريات سندس وااخواتها وبنات عمها جاتنا نيلة فى حظنا الهباب

حما برايد said...

اه كلنا الشافعى ..

الربان said...

تحياتي يا بريد...

اولا الفلانتين او عيد الحب كما يزعمون لا يتناسب معنا كشرقيين.... لاننا اهل حضارة و دين....و كل الاديان حضت علي الحب ...و حتي لا يفهمني أحد بالخطأ أقول ان المفروض كل أيامنا تكون حب و محبة...بين الاولاد و امهم و ابيهم و بينهم و بين انفسهم... ثم بين الزوج و الزوجه... و الحب و المحبة بين الاهل و الجيران....

ثانيا: احنا أخدنا الحب علي اساس انه بين الرجل و المرأة فقط....
ياريت كنا أخدناه بمعناه الاوسع و الاشمل... ياريت كنا تبرعنا بثمن الدبدوب او حزمة الجرجير...اسف بوكيه الورد...لصالح مرضي السرطان ...و الكبد...و القلب.... ياريت كانوا شعروا باننا بجانبهم نحبهم و نساندهم...

أما بالنسبة لك أنتي يا بريد...فالفرج قريب ان شاء الله....أدعو الله العظيم أن يعطي لكل سائل سؤله...وان ييسر لك و للاخرين الاسباب و يفتح لكم الابواب... و يسبغ ستره و عفوه و رضاه علي الجميع...اللهم آمين

محمد العنانى said...

الفلنطين مش عيد ولا يصنف كد وازى انا مهديش حبيبتى زوجتى ورد وهديا الافى الفلانطين علشان ده العيد بتاعو كلام سخيف بدعو الغرب الجاهل الفاقد اللحب والحنان هو من قضى على الرومانسيه التى يبحث عنها الناس التى اوصانا بها الرسول عليه الصلاه والسلام ونحنو نقلده ونملك ما نبحث عنه نحنو وهم الرمانسيه كلمه تقودنا الى نهر عازب من المشاعر الفياضه تجاه الحبيب كفانا تقليد اعماء ودعونا نرجع من جديدا
تحياتى ليكى ولمدونتك الرائعه وكلامك الى خفيف على قلبى

wanna b a bride said...

أبو فارس

مستنيين مستنيين في بيوت أهالينا و في الشغل
يعني الموضوع ماختلفش كتير عن زمان

ربنا يخليلك المدام و الولاد

بالجينز في الشهر العقاري

عشان كده بيطفشوا مننا و يجرا على المستورد

ليهم حق و الله
تحياتي
-------------------

free soul

عقلي مخروب خلقة

أنا جاللي نقط كتير و شرط و علامات إستفهام زي ما تحب
------------------

ody911

فقرية فقرية

طب اعمل إيه

شفلي علاج ينوبك ثواب

الرجالة عميت و اتطرشت كمان

ربنا يستر
-----------------
جوز خالتي

طب قليل الذوق
و عرفناها

كمان أعمى

الكومنت بتاعك موجود

و انا رديت عليه

معا إنك ماتستاهلش

فعلا قلة ذوق
-------------------
علي سليمان

أنا عارفة

ياااارب
------------------
dark knight

من غير شتيمة و لا ضرب

إبعتلي الحكاية على الميل بتاعي
wannababride@yahoo.com

و قوللي أنشرها باسم مين
و انشرها إزاي

يعني باسلوبك والا باسلوبي

و ياريت يكون باسلوبك عشان التنوع

بس خلاص

يا أهلا بالمنافسة

الميدان واسع و فارس لفارس

و انا اختشك برضه
-------------------
anonymous

إحممم

إنت عرفت منين ان عندها كرش؟
انا ماقلتش حاجة

هو برضه غلطان لأن التصرف اللي قام بيه ده
يبين انه مايعرفش الست اللي اتجوزها خالص

و ماله قراية جزئين قرآن ؟؟؟؟

مش أفيد من الشمع و الورد؟؟؟؟
------------------------
anonymous

ههههههههههههههههههههههههه
هههههههههههههههههه
ههههههه

جامدة موت
-------------------

الكلام نوعان :كلام فارغ وكلام مليان كلام فارغ said...

هابي فالانتين داى.....او عيد حصبه سعيييييد جدا على كل الامه ماهو العيد ده عيد الحصبه الحمرا والدنيا كلها بتبقى حمراااااا مش بمبي على راى السندريلا
على فكره انا بدخل على مدونتك كتيييييييير جدا وبحاول انى اعلق بس التعليق مش بيوصا مش عارفه ليه
على العموم مدونتك هاااااايله

الكلام نوعان :كلام فارغ وكلام مليان كلام فارغ said...

هيييييييييييييييييييييه التعليق وصل الحمد لله

جوز خالتك تاني said...

طب أنا عايز أعرف إية قلة الذوق اللي فيها

جوز خالتك جوز خالتك

ولا حرام أتكلم يعني
أنا لا شتمت ولا قلت كلام فيه قلة أدب

بنقولولك استنصحيلنا على خالتك

كراكيب عادل said...

برايد

انا عايز اضحكك فية قصه حقيقية بجد تموت من الضحك عندي تعالي شوفيها بس هي مرعبة حبتين موجوده في مدونتي بنردلك الجميل يمكن نعرف نضحكك شوية

لغايه ما يجي فلانطين تاني

munshie said...

كنتي تيجي تشوفي عندنا في الجامعه كلية اداب .. كانت مبدعه .. الهدايا مرصوصه رص كده .. دباديب وقلوب و... كنت ببص عليهم واقول ياريتني كنت دخلت اداب وعشت حياتي

ياالا ما علينا

سندباد said...

هـــــــااااااا...طنط شكرية (أو حشرية ) بتحتفل بفلانطين و ل لا
????

Anonymous said...

السلام عليكم
بوست جميل وخفيف موتنى من الضحك مع ان شر البليه ما يضحك
تعرفى ان اليوم ده هو عيد ميلادى طبعاالهانم بتضحك على وتجيبلى هديه واحده وانا بجيبلها هدية( طبعا مش ورد لانى عارف ان الورد بيتعمل مربى وانا مش بحب المربى )
على فكرة احنا اتعرفنا على بعض واتجوزنا عن طريق الانترنت والحمد لله بنحب بعض كل ايام السنه

Anonymous said...

اسال الله العظيم رب العرش الكريم ان يشرح صدرك و ان يسعدك و ان تكوني من الفالحين الناجحين
انت عارفه انتي لسه مش متجوزه علشان اكيد ربنا بيحبك
ربنا يكرمك بمن يتقي الله فيكي

oceaneyes said...

هههههههههههههههههههههههههههههههههههههههههههههههههههههههههههههههههههههههههههههههههههههههههههههه
u r just amazing...u made me laugh like crazzzzzzzzy...
but still u r just sokr sokr sokr ...sugar sugar sugar sugar ..mn hna lbokra al sob7...rbna y7meki ya rab..we y7`leki lena...amen

مادو said...

ههههههههههههههههههههههههههه
خطيييييييييييييييييرة

Blank-Socrate said...

و انا عاوز مواضيع جديدة علشان اسلوبك حلو لكن بتأخرى علينا

رجل من غمار الموالى said...

very nice post

Nile.prince said...

Very intersting story, but i have a question mol7 3leya awy, eih 7ekayat elward eli byt3mel mebarba dah!! , dah bigad wela est3'ela

السندريللا السعيدة said...

هههههههههههههههههههههههههههههههه.....

والله ولا انا عارفة انتي بتكلمي على ايه دلوقتي من اصلو ..0هههههههههههه ..عالعموم ادينيا عرفنا والسنة الجية يبقى نعمل حسابنا بقة ..

hana said...

الفلانتين دة بقى حدوتة
وهوة كله بيجيب هدايا بقى
بس عارفة لو نتكلم جد
لو الحب بحقيقى
مش هيحتاج ليوم منعرفش اصله ايه اسمه فلانتين
الهدايا للمحبين فى الكلام والمعاملة اللى كلها حب
والهديا حتى مش وقتها هتحتاج لوقت ولا ميعاد
ووووو هوة انا بقيت فبلسوفة ولا ايه
شوفتى يابرايد
اعمل ايه الوقت
تحياتى لك

مصري بالغربة said...

يا جماعة ارحمونا احنا الشباب المصريين

بدول الخليج

والله بنتعاير لما حد منهم يقرا لوحدة زي ديه

انا باشييد واوجه كلامي ده للمصريين الرجالة في مصر

تبرعوا لكرامة المصريين بالخارج

حد يتبرع ويتجوزها ويخلصنا يا جماعة الخير

ارجوكم

واحنا ممكن كمان نجمع من بعض ونجيب لكم الشقة والعفش وكل حاجة كمان

بس خلصونا وحد يلمها ويتجوزها

شوفي انا عارف انك بتحذفي راي ده

بس ميهمنيش انك مبتحبيش النقد

او الراي الاخر ومش بتحترمي ان حد يقول رايه فيكي

زي ما انت بتقولي على الرجالة اللي بيتقدمولك عاهات

ده انت واللي زيك اللي عاهات لينا

وهو ايه اللي جاب مصر ورى غير المراة وحقوق المراة

دلوقت كمان المراة بتطالب انها تتجوز وتطلب ايد الرجالة كمان

مصري بالغربة said...

يا جماعة ارحمونا احنا الشباب المصريين

بدول الخليج

والله بنتعاير لما حد منهم يقرا لوحدة زي ديه

انا باشييد واوجه كلامي ده للمصريين الرجالة في مصر

تبرعوا لكرامة المصريين بالخارج

حد يتبرع ويتجوزها ويخلصنا يا جماعة الخير

ارجوكم

واحنا ممكن كمان نجمع من بعض ونجيب لكم الشقة والعفش وكل حاجة كمان

بس خلصونا وحد يلمها ويتجوزها

شوفي انا عارف انك بتحذفي راي ده

بس ميهمنيش انك مبتحبيش النقد

او الراي الاخر ومش بتحترمي ان حد يقول رايه فيكي

زي ما انت بتقولي على الرجالة اللي بيتقدمولك عاهات

ده انت واللي زيك اللي عاهات لينا

وهو ايه اللي جاب مصر ورى غير المراة وحقوق المراة

دلوقت كمان المراة بتطالب انها تتجوز وتطلب ايد الرجالة كمان

مصري بالغربة said...

يا جماعة ارحمونا احنا الشباب المصريين

بدول الخليج

والله بنتعاير لما حد منهم يقرا لوحدة زي ديه

انا باشييد واوجه كلامي ده للمصريين الرجالة في مصر

تبرعوا لكرامة المصريين بالخارج

حد يتبرع ويتجوزها ويخلصنا يا جماعة الخير

ارجوكم

واحنا ممكن كمان نجمع من بعض ونجيب لكم الشقة والعفش وكل حاجة كمان

بس خلصونا وحد يلمها ويتجوزها

شوفي انا عارف انك بتحذفي راي ده

بس ميهمنيش انك مبتحبيش النقد

او الراي الاخر ومش بتحترمي ان حد يقول رايه فيكي

زي ما انت بتقولي على الرجالة اللي بيتقدمولك عاهات

ده انت واللي زيك اللي عاهات لينا

وهو ايه اللي جاب مصر ورى غير المراة وحقوق المراة

دلوقت كمان المراة بتطالب انها تتجوز وتطلب ايد الرجالة كمان

مصري بالغربة said...

يا جماعة ارحمونا احنا الشباب المصريين

بدول الخليج

والله بنتعاير لما حد منهم يقرا لوحدة زي ديه

انا باشييد واوجه كلامي ده للمصريين الرجالة في مصر

تبرعوا لكرامة المصريين بالخارج

حد يتبرع ويتجوزها ويخلصنا يا جماعة الخير

ارجوكم

واحنا ممكن كمان نجمع من بعض ونجيب لكم الشقة والعفش وكل حاجة كمان

بس خلصونا وحد يلمها ويتجوزها

شوفي انا عارف انك بتحذفي راي ده

بس ميهمنيش انك مبتحبيش النقد

او الراي الاخر ومش بتحترمي ان حد يقول رايه فيكي

زي ما انت بتقولي على الرجالة اللي بيتقدمولك عاهات

ده انت واللي زيك اللي عاهات لينا

وهو ايه اللي جاب مصر ورى غير المراة وحقوق المراة

دلوقت كمان المراة بتطالب انها تتجوز وتطلب ايد الرجالة كمان

مصري بالغربة said...

يا جماعة ارحمونا احنا الشباب المصريين

بدول الخليج

والله بنتعاير لما حد منهم يقرا لوحدة زي ديه

انا باشييد واوجه كلامي ده للمصريين الرجالة في مصر

تبرعوا لكرامة المصريين بالخارج

حد يتبرع ويتجوزها ويخلصنا يا جماعة الخير

ارجوكم

واحنا ممكن كمان نجمع من بعض ونجيب لكم الشقة والعفش وكل حاجة كمان

بس خلصونا وحد يلمها ويتجوزها

شوفي انا عارف انك بتحذفي راي ده

بس ميهمنيش انك مبتحبيش النقد

او الراي الاخر ومش بتحترمي ان حد يقول رايه فيكي

زي ما انت بتقولي على الرجالة اللي بيتقدمولك عاهات

ده انت واللي زيك اللي عاهات لينا

وهو ايه اللي جاب مصر ورى غير المراة وحقوق المراة

دلوقت كمان المراة بتطالب انها تتجوز وتطلب ايد الرجالة كمان

مصري بالغربة said...

يا جماعة ارحمونا احنا الشباب المصريين

بدول الخليج

والله بنتعاير لما حد منهم يقرا لوحدة زي ديه

انا باشييد واوجه كلامي ده للمصريين الرجالة في مصر

تبرعوا لكرامة المصريين بالخارج

حد يتبرع ويتجوزها ويخلصنا يا جماعة الخير

ارجوكم

واحنا ممكن كمان نجمع من بعض ونجيب لكم الشقة والعفش وكل حاجة كمان

بس خلصونا وحد يلمها ويتجوزها

شوفي انا عارف انك بتحذفي راي ده

بس ميهمنيش انك مبتحبيش النقد

او الراي الاخر ومش بتحترمي ان حد يقول رايه فيكي

زي ما انت بتقولي على الرجالة اللي بيتقدمولك عاهات

ده انت واللي زيك اللي عاهات لينا

وهو ايه اللي جاب مصر ورى غير المراة وحقوق المراة

دلوقت كمان المراة بتطالب انها تتجوز وتطلب ايد الرجالة كمان

مصري بالغربة said...

يا جماعة ارحمونا احنا الشباب المصريين

بدول الخليج

والله بنتعاير لما حد منهم يقرا لوحدة زي ديه

انا باشييد واوجه كلامي ده للمصريين الرجالة في مصر

تبرعوا لكرامة المصريين بالخارج

حد يتبرع ويتجوزها ويخلصنا يا جماعة الخير

ارجوكم

واحنا ممكن كمان نجمع من بعض ونجيب لكم الشقة والعفش وكل حاجة كمان

بس خلصونا وحد يلمها ويتجوزها

شوفي انا عارف انك بتحذفي راي ده

بس ميهمنيش انك مبتحبيش النقد

او الراي الاخر ومش بتحترمي ان حد يقول رايه فيكي

زي ما انت بتقولي على الرجالة اللي بيتقدمولك عاهات

ده انت واللي زيك اللي عاهات لينا

وهو ايه اللي جاب مصر ورى غير المراة وحقوق المراة

دلوقت كمان المراة بتطالب انها تتجوز وتطلب ايد الرجالة كمان

مصري بالغربة said...

يا جماعة ارحمونا احنا الشباب المصريين

بدول الخليج

والله بنتعاير لما حد منهم يقرا لوحدة زي ديه

انا باشييد واوجه كلامي ده للمصريين الرجالة في مصر

تبرعوا لكرامة المصريين بالخارج

حد يتبرع ويتجوزها ويخلصنا يا جماعة الخير

ارجوكم

واحنا ممكن كمان نجمع من بعض ونجيب لكم الشقة والعفش وكل حاجة كمان

بس خلصونا وحد يلمها ويتجوزها

شوفي انا عارف انك بتحذفي راي ده

بس ميهمنيش انك مبتحبيش النقد

او الراي الاخر ومش بتحترمي ان حد يقول رايه فيكي

زي ما انت بتقولي على الرجالة اللي بيتقدمولك عاهات

ده انت واللي زيك اللي عاهات لينا

وهو ايه اللي جاب مصر ورى غير المراة وحقوق المراة

دلوقت كمان المراة بتطالب انها تتجوز وتطلب ايد الرجالة كمان

مصري بالغربة said...

يا جماعة ارحمونا احنا الشباب المصريين

بدول الخليج

والله بنتعاير لما حد منهم يقرا لوحدة زي ديه

انا باشييد واوجه كلامي ده للمصريين الرجالة في مصر

تبرعوا لكرامة المصريين بالخارج

حد يتبرع ويتجوزها ويخلصنا يا جماعة الخير

ارجوكم

واحنا ممكن كمان نجمع من بعض ونجيب لكم الشقة والعفش وكل حاجة كمان

بس خلصونا وحد يلمها ويتجوزها

شوفي انا عارف انك بتحذفي راي ده

بس ميهمنيش انك مبتحبيش النقد

او الراي الاخر ومش بتحترمي ان حد يقول رايه فيكي

زي ما انت بتقولي على الرجالة اللي بيتقدمولك عاهات

ده انت واللي زيك اللي عاهات لينا

وهو ايه اللي جاب مصر ورى غير المراة وحقوق المراة

دلوقت كمان المراة بتطالب انها تتجوز وتطلب ايد الرجالة كمان

مصري بالغربة said...

يا جماعة ارحمونا احنا الشباب المصريين

بدول الخليج

والله بنتعاير لما حد منهم يقرا لوحدة زي ديه

انا باشييد واوجه كلامي ده للمصريين الرجالة في مصر

تبرعوا لكرامة المصريين بالخارج

حد يتبرع ويتجوزها ويخلصنا يا جماعة الخير

ارجوكم

واحنا ممكن كمان نجمع من بعض ونجيب لكم الشقة والعفش وكل حاجة كمان

بس خلصونا وحد يلمها ويتجوزها

شوفي انا عارف انك بتحذفي راي ده

بس ميهمنيش انك مبتحبيش النقد

او الراي الاخر ومش بتحترمي ان حد يقول رايه فيكي

زي ما انت بتقولي على الرجالة اللي بيتقدمولك عاهات

ده انت واللي زيك اللي عاهات لينا

وهو ايه اللي جاب مصر ورى غير المراة وحقوق المراة

دلوقت كمان المراة بتطالب انها تتجوز وتطلب ايد الرجالة كمان

مصري بالغربة said...

يا جماعة ارحمونا احنا الشباب المصريين

بدول الخليج

والله بنتعاير لما حد منهم يقرا لوحدة زي ديه

انا باشييد واوجه كلامي ده للمصريين الرجالة في مصر

تبرعوا لكرامة المصريين بالخارج

حد يتبرع ويتجوزها ويخلصنا يا جماعة الخير

ارجوكم

واحنا ممكن كمان نجمع من بعض ونجيب لكم الشقة والعفش وكل حاجة كمان

بس خلصونا وحد يلمها ويتجوزها

شوفي انا عارف انك بتحذفي راي ده

بس ميهمنيش انك مبتحبيش النقد

او الراي الاخر ومش بتحترمي ان حد يقول رايه فيكي

زي ما انت بتقولي على الرجالة اللي بيتقدمولك عاهات

ده انت واللي زيك اللي عاهات لينا

وهو ايه اللي جاب مصر ورى غير المراة وحقوق المراة

دلوقت كمان المراة بتطالب انها تتجوز وتطلب ايد الرجالة كمان

مصري بالغربة said...

يا جماعة ارحمونا احنا الشباب المصريين

بدول الخليج

والله بنتعاير لما حد منهم يقرا لوحدة زي ديه

انا باشييد واوجه كلامي ده للمصريين الرجالة في مصر

تبرعوا لكرامة المصريين بالخارج

حد يتبرع ويتجوزها ويخلصنا يا جماعة الخير

ارجوكم

واحنا ممكن كمان نجمع من بعض ونجيب لكم الشقة والعفش وكل حاجة كمان

بس خلصونا وحد يلمها ويتجوزها

شوفي انا عارف انك بتحذفي راي ده

بس ميهمنيش انك مبتحبيش النقد

او الراي الاخر ومش بتحترمي ان حد يقول رايه فيكي

زي ما انت بتقولي على الرجالة اللي بيتقدمولك عاهات

ده انت واللي زيك اللي عاهات لينا

وهو ايه اللي جاب مصر ورى غير المراة وحقوق المراة

دلوقت كمان المراة بتطالب انها تتجوز وتطلب ايد الرجالة كمان

Anonymous said...

طبعا بعد الهنا بسنة

و لكن هذا الموضوع مع وجود الفكاهة فيه أعتقد إنه هام جدا الفالنتين أو كما تسمية البرايد الفلانطين هو عبارة عن تجارة و سوق و مبيعات و شغل ضحك على العقول التافهة و الغير تافهة في كثير بيقولوا ما يلا ما هي بنتسلى أو كمان فرصة نظهر حبنا أو إجت علي أنا ما كل الناس بتحتفل ، لكن لوفكرت شوي حتلاقي إنه بحجة إنها تشتري ورد بهذا اليوم المصورن، بدل ما تدفع 5 درهم سعر الوردة الحمرا، حتدفع 15 درهم، بدل ما تدفع 40 درهم سعر الدبوب حتدفع 100 درهم، يعني كلها تجارةو إستغلال فقط لا غير

بعرف انه ما حدا راح يقرأ اللي كتبته، بس قلت أشارك لو لنفسي