Thursday, March 08, 2007

أول حجر في البيت

و أخيرا و أخيرا هنملا بيت العرايس و العرسان

انا كنت عارفة من الأول ان انتوا مابتجوش غير بالتهديد

خدوا المترو أو التاكسي انشالله حتى التوك توك و روحوا على هناك
أول قصة اتنشرت

قصة رجالي عشان محدش يقوللي تحيز و بتاع

كل قصصكوا عندي و البقية آتية في الطريق

العنوان أهه لحد ما احطه في السايد بار
أول حجر في البيت اتحط و كل قصة بحجر يبنيه و يعليه
و يجعلوا عامر انشاء الله

اقروا أول قصة

29 comments:

محمد فوزي آل ربيع said...

يا سلااااااااااااااام

شعور جميل إنك أول كومنت في بلوج زي دة

المهم مبروك الإفتتاح

بس فين الشربات

بييتعمله download منين

emad said...

بصراحه عندي اقتراح ماتحاولو تظبطو لقاء بين برايد و حمادة يمكن ربنا يتمم بخير ، وواضح ان حماده فيه الديفوهات اللي برايد بتحبها وبرايد باين عليها بنت حلال تشارك في الاثاث
يلا وهو الاتنين ولادنا ويبقى زيتنا في دقيقنا (يخرب بيت الدايت اللي هايتضرب!)
هاه نكتب الكتاب ونعلي الجواب (نفسي اعرف يعني ايه نعلي الجواب )؟
نقول كتب الكتاب الخميس الجاي ؟؟ (:

esraa said...

ألف مبروووووووووك افتتاح البيت, وصح فين اشربات؟

كراكيب عادل said...

انا من رأي يعني يكتب قصتة بجد زي الاخ دة اكيد هيلاقي فية الي يكون مناسب لية او ليها وربنا يوفقكم


ويا بخت من وفق راسين في الحلال

أحمد العربي said...

ياستي الف مبروك افتتاح البيت السعيد واستنسني بقي انا جاي قريب ابرك واهني واعمل احلي واجب هههههههه علي العموم اللي بيكتب ده لسة مدون جديد نونو يغني عامل مدونة جديدة وبيقول يا هادي وزي ما هازورك في البيت زوريني في المدونة

واحده عاديه said...

الف مبروك على اول حجر فى البيت وانشاءالله تكملوه ونقرا اكتر...صحيح يا برايد الاستاذ حماده شكله راجل كويس يلا بقى فرحونا :D

The Groom said...

احلى شغل و أهلا بالمعارك

أنا يا جماعة بعد اذن صاحبة المدونة بعمل اعلان عن مدونتي الجديدة للرد على برايد

وأهو نتخانق حبتين وكله من أجل المشاهد اللي ماشافشي حاجة

ويجعله عامر

http://be-a-groom.blogspot.com

fad-fadat nour said...

دايما في بناء و تقدم

و يجعله عامر

Akram said...

أهلا أهلا بالشباب، أنا النهاردة ذي ما بعتلك يا برايد في الايميل أول مرة أدخل علي المدونة بتعتك وعجبتني اوي، وكمان اتكيفت زيادة لما لقيت جروم عامل هو كمان مدونة، انتوا الاتنين دمكم خفيف وأظرف 100 مرة من العالم السخيفة اللي بتقعد تعمل مدونات سياسية ومتخيلين بسذاجتهم انهم حيغيروا الكون.... وعلي فكرة من غير تهريج الناس كلها عارفة لية لازم الراجل يكون اكبر من الست، وبالنسبة للبنات الهايفة والنبي تتلهوا بالتعليقات العيانة بتاعتكوا دي اللي البارومة واكلاها، وكلنا عارفين ان الست ابتداء من سن ال 35 سنة بتبدي تنهار من الناحية الفسيولوجية، حلوة تنهار دي، بس الراجل بيكون في قمة نضجة، يعني لو الراجل والست قد بعض او فرق بسيط حيبقي الست نايمة ذي شوال البطاطس علي السرير والراجل قاعد حاضن المخدة والحدق يفهم.... في سؤال مهم جدا بيفرض نفسة يا برايد ولازم تجاوبي عليه وانت كمان يا جروم لازم ترد، طبعا الست من حقها تضمن ان العريس يكون مستريح لضمان حياة كريمة معاه، ماختلفناش، لكن حد يقولي سبب الطلبات المبالغ فيها من مهر مش عارف كام و شبكة كام الف والعفش يكون مش عارف ايه؟؟؟؟ أنا بقي عاوز واحدة عندها ضمير ترد عليا وتقول ايه اللي هي حتقدمه للراجل مقابل كل ده؟؟؟ حتقولي محترمة و متربية و بنت ناس؟ يا فرحتي هو انتي بتمني عليا؟؟ ما انتي لازم تكوني محترمة و كويسة، دي اساسيات مش حاجة زيادة... وبالتالي علي ايه كل طلباتك دي؟؟ هو دهب لموآخذه ولا اية وطبعا الشباب هرشتني في الجملة الاخيرة دي، انا حاروح دلوقتي لكن معاكوا تاني انشاء الله عشان عاجبني مدونات جروم و برايد و عاوز حد فيكو يرد عليا و يقولي اية اخباركوا في الانجليزي لو ينفع اكتب بيه عشان اسهلي كتير

The Groom said...

يا أهلا بالانتقادات

أولا يا برايد ممكن تشوفيلي حبيتين اسبرين عشان الظاهر ان صاحبنا أكرم ده هو اللي عيان مش التعليقات بتاعتنا

سانيا ومش حغيرها و طظ فيك تاني يا عمونا صبري (بتاع العربي) - انت يا عم أكرم عارف كويس ان حكاية فرق السن دي هبل في هبل يعني هو الراجل في كل الاحوال مش حيعرف يتجوز على مراته لما يكبرو في السن و يزهق منها و مادامت تدبيسة فليتزوج من أحب بجد و صدق أحسن ما يتجوز سوبر موديل أصغر منه بكام سنة تتعبه في حياته و بعدين يا أخي انا مثلا 24 سنة لما أتجوز واحدة 19 سنة زي مابويا عايز أولا حتكون منضجتشي أوي مقارنة بيا و سانيا حيكون فيها طاقة انا عجزت عليها خلاص و بلاش بقا نخدع نفسينا بالكلام الفسيولوجي العقيم ده (سيبو الفيسيولوجي جوا الكلية و انتم خارجين)

معاك طبعا ألف حق في حكاية الطلبات المبالغ فيها لكن شوف صحيح من حق المرأة تتدلل و تطلب اللي هي عايزاه لان المسئولية اللي عليها بعد كده ضعف اللي على الراجل يا مان و بعدين هو اللي عايز وبيجري وراها يبقى تدلع كل اللي بنطلبه من السيدات الفاضلات يدلعو بخفية شوية لحسن دلعهم بقى عنيف حبتين و اخره شيكات من غير رصيد

لكن في الاخر هو شر لابد منه

الاقيش عندك حتة صنفرة 5 سانتي؟؟ عشان البارومة بس

http://be-a-groom.blogspot.com

e7na said...

طبعا مش داخلين نعمل دعايه لمدونتنا لان كلكم معزومين على الافتتاح ومنتظرين تعليقاتكم
وعاوز اقول كلمه لبرايد
حقاً عبقريه

The Groom said...

اه و نسيت أقولك يا مان كمان ان أنا عادي بالنسبة ليا الانجليزي بس انا عايز اعرف ماله العربي؟ هو انت الخواجة أكرم؟ اللي جاي من بلاد الرومان؟

انا بهرج يا مان معاك اوعى تديني على وشي تشلفطه و تطير مني العروسة

مين جاب سيرة العروسة؟ لغوش لغوش

سلاااااام

Anima said...

يجعله عامر إنشاء الله

و النبي يا برايد دوري لي على عريس ههههههههههه

Akram said...

صباح الخير أو مساء الخير يا عم جرووم، أولا يا باشا شكرا علي الرد بتاعك بس اعذرني اذا ماكنتش متفق معاك ان موضوع الفسيولوجي ده هبل في هبل، مع احترامي ليك اذا ده كان كلام دكاترة يبقي ما ينفعش شاب حلو في سنك كدة يقول عليه هبل، صحيح بالمناسبة انت بتشتغل ولا لسة طالب وبتاخد المصروف؟؟؟ متفق معاك ان البنت اللي حتكون اصغر منك مش حتكون ناضجة زيك وعلي فكرة ردك دة يعتبر رد علي البنات اللي كانوا بيقولوا ان البنت بتنضج قبل الولد، سبحان الله رأيك طلع زيي اهو، طب ليه بقي قعدت تتريأ لما انا قلت انا البنات بتتكلم كلام عيان و اكلاه البارومة؟؟؟ تفتكر ممكن نسمي اللي حصل دة انه نفاق أو نسميه انك مش عارف اساسا ترتب افكارك أو ممكن نعتبرك داخل تهيس وخلاص؟؟؟ وبعدين انت اتفقت معايا ان البنات مبالغين في طلباتهم شوية بس قلت ان من حقهم يدلعوا شوية و اهو حقهم برضة ماهو الراجل هو اللي بيجري وراها وعاوز يتجوز !!!! ممكن اسئلك سؤال وتجاوب بصراحة؟؟ انت متأكد انك عرفت بنات قبل كدة؟؟ ماهو يا اما معرفتش يا اما معرفتش تفهم اللي عرفتهم !! ومين قالك انهم كمان مش عاوزين يتجوزا؟؟ انت يابن الحلال متعرفش لية البنات بتهتم بالافراح وان كل واحدة فيهم بتروح الفرح بالهدوم اللي ع الحبل عشان تجذب نظر الشباب اللي في الفرح؟؟؟ ولا حتي عمرك سمعت شلة بنات بيتودودو لما ولد وسيم يدخل عليهم في قعدة؟؟؟ وعلي عمرك شفت بنت اعجبت بواحد وفضلت تتحنجل عليه عشان تجذب انتباهه و اول ما الزبون يتنيل و يحس انه مشدود ليها يقوم قايلها بصراحة انا حاسس انني ميال ليكى واتشرف اننا نرتبط ببعض تقوم هي قايله احم احم والله انت فاجئتني بالموضوع دة و تقوم قارصه خدودها لأضافة بعض الاحمرار للوجه قال يعني مكسوفة وتقوله اديني وقت افكر !!!ولا متعرفش كمان انهم لما بيتعاكسو ف الشارع بيكون رد فعلهم التنفيض و قال يعني قرفانه من كلام اللي بيعاكسها و اول متروح بيتها بتفضل واقفه قدام المراية نص ساعة اقل واجب تتملي في نفسها وتقول يا حلوتك كانوا حيتهبلوا عليكي ف الشارع الي جانب ان بعد وصلة المراية في بعد كدة مكالمة طويلة لصاحبتها الأنتيم اللي ماكانتش معاها عشان عيد ميلاد صاحبها و تقولها انا اتعاكست النهاردة كتير؟؟؟ يا عم والله انت شكلك غلبان و صدق اللي قال اذا طفئت الانوار تساوت النساء و في مقولة اخري كلهن فالظلام ... !!!! أخيرا وليس اخرااحب اقولك ان موضوع الانجليزي ده بسيط بس بكل بساطة انا دايما شغلي في شركات بتتعامل بالانجليزي بس في معاملتها وبالتالي بطىء في الكتابة بالعربى مش اكتر واللي اكتبة بالعربي في ساعة بكتبه بالانجليزي في عشر دقايق لكن في الكلام لبلب متقلقش، سبعة وعشرين سنة بتكلم عربي..... وسلام يا ريس

Akram said...

صحيح يا مان، نسيت اقولك كمان ان اذا انت كنت بتقول ان لما يبقي عندك اربعة وعشرين حيبقي صعب عليك انك تتماشي مع بنت تسعتاشر سنة يبقي اقدر أقول يا حسرة علي الرجالة و صدقت واحدة صحبتي لما قالت يا خسارة ماتوا خلاص فى تلاتة وسبعين !!! أظن فهمت قصدها ايه

The Groom said...

يا عم انت داخل شمال ليه؟ انا غلبااااااان هاهاهاها وبعدين انت شكلك متحامل على البنات اوي اوي اوي

على العموم وانا مالي انت و انت حر في نفسك - بالنسبة للرد تعالى بقا

أولا برضو قلتلكم من الأول سيبو الفسيولوجي برا الكلية يبني العلم على راسي من فوق بس قوللي انت لما تتجوز بنت اكبر منك و لا اصغر منك و لما يكون عندك 70 سنة و هي 80 او 50 في رأيي مش حتفرق لان لو انت بتحبها بجد خلاص والله تفضل في عينك حلوة للابد أما بقا حوار تتجوز عليها و مش عارف ايه انا اطمنك ان في ظل صحتنا المدهورة دي انا شخصيا مش حطول في الملاعب كتير :) يعني انا لما بتكلم مش بعمم أوي و ابقى خلي العلم ينفعك لما تلاقي واحدة تحبها أوي و يجي والدها يديك زومبة عشان أكبر منك بشهرين هاهاهاها شكلك وحيييش (حصلتلي)

سانيا (عشان خاطرك بس يا نهاااد)
انا يا سيدي بشتغل الحمدلله و بصرف على نفسي من وانا في سانوية عامة و اول محاولة جواز ليا (وكنت اقدر افتح بيت ساعتها الحمدلله) وانا 19 سنة وكانت البنت 19 برضو اما دلوقتي انا خلاص تقريبا قربت اطلع معاش و للاسف محوشتش حاجة - يللا بقا حسن الختام

وبعدين مش عيب اتجوز وانا طالب و باخد المصروف هنا في امريكا و الدول المتغدمة بيعملو كده عادي تعالى شوف الولد بيع... اوالبنت لو وصلو 25 بدون جواز يعني انا على وشك

وبعدين ماله لما اهيس سالسا بقا؟ يعني ولا اتريق؟ ولا انافق؟ احنا جد هنا ولا ايه؟ يبني اضحك الصورة تطلع وحشة و فتح ملبن تاكل عينك لكن بقا لو حنتكلم بجد يبقى لما البنات تقول كده اه كلام عيان وواكلاه البارومة لكن الظاهر حصل سوء تفاهم انا كنت فاكر انك بتقول على كلامي انا عيان و واكلاه البارومة انا وبرايد (هو الصراحة اه على الاقل كلامي مصدي على الاخر - فين يبني حتة الصنفرة؟)

شوف انا ياما عرفت بنات بس في كل مرة مكنتش بطول و أسبل كل بنت عرفتها ماعدا بس من سنة كنت بتقدملها بعد يومين تلاتة و ميحصلشي نصيب في الاخر يعني كنت بنجز لاني مبحبش السبسبة و التسبيل و في الاخر اخد الشلوت من ابوها و الاقي اثار جزمة على البدلة الغالية أوي دي

اما بقى على ودودة البنات يا مان انا عندي 5 اخوات بنات في عين العدو يعني اعرف كويس اوي اوي اوي بيفكروا ازاي و عيلتنا كمان فيها البنات دولا ما شاء الله حاجة بتتكاثر ذاتيا زي البكتيريا يعني ما شاء الله في اجمالي 30 حفيد و حفيدة في جيلي منهم 20 بنت
يعني اغلبية - يعني انا عارف انا بتكلم عن مين و صدقني اسأل مجرب و لا تسأل طبيب (برة الكلية يا فيسيولوجي)

اما انا فعلا بقا غلبان رابعا فدي شهادة اعتز بيها و يا بخت مين بات مظلوم ولا باتشي ظالم - وحسنة قليلة تمنع بلاوي كتيرة

وخامسا البنات اللي بيعملو زي مانت بتقول كده في مقابلهم على الاقل الضعف طيبين اوي ومالهومشي في كده بس الرك على التربية يا مان و صدقني في بس انت تلاقيك مدورتش يعني الغالب فيهم البنات انهم طيبين و مالهومشي في البيضة و الحجر و السبع ورقات منكرشي طبعا ان فيهم من هن اخبث من الثعبان لكن في النهاية بحسن نية و لو عايز تصدقني تعالى هنا و شوف بنات امريكا عاملين ازاي؟ ولله البنات في مصر و العرب عموما احلى مليون مرة قلبا (وده الأهم) و قالبا كمان بس مين يصدق

أما بقا حكاية الانجليزي دي فعادي يا مان مش عيب انك 27 سنة بتتكلم عربي و بتكتب عربي و كام سنة بس بتتكلم انجليزي و بتكتب انجليزي ويكون الانجليزي بتاعك اسرع من العربي؟ يا عيب الشوم - خلاص مستعد اديك كورس عربي مجانا في الجامعة الامريكية هاهاها عشان تاخده بالانجليزي - والله سعيد بالحوار ده معاك يا سيدي لكن في حاجة انا نسيتها صحيح:

البنت ام 19 سنة و انا 24 في بيني و بينها فرق هيافة؟ يعني انا بكون هايف في حاجة و هي هايفة بطريقة تانية و كمان فيها طاقة أدي مرتين و غيره يعني دي حاجة نسبية ليا أنا لكن ممكن غيري يكون لازم عنده بنت زي كده هو حر لكن انا عايز بنت على نفس التون العقلي او حتى اعلى مني فيه عشان اعرف اتعامل معاها يعني افهمها و تفهمني مش افهمها و هي يمكن تفهمني و يمكن لا؟ وكمان عشان متزهقشي مني كمان يومين و هي بقا 23 و لا حاجة تكون نضجت و اكتشفت انها تسرعت في الارتباط بيا بالاضافة لان الحمل في السن ده سمعت كلام انه مش كويس على البنت يعني الاحسن و هي 20 او اكتر و ده بيختلف من بنت لبنت و نفض بقا للي بيجوزوا بناتهم من 14 و 15 سنة يعني بيجوزو عيل لعيلة


وسلاااااااااااااااااام

wanna b a bride said...

محمد فوزي آل ربيع

يا أهلا بيك

يا عم عايش في دبي و عايزنا احنا اللي نجيب شربات؟؟

عيب عليك و الله

داحنا غلااااااااااااااابة

-----------------------
emad

يا للا يا عم ايدي على كتفك

بس أبيه حماده ماينفعوش النوع بتاعي

هو عايز فراشة و حاجات

و احنا مش بتوع الكلام ده

----------------------

esraa

الله يبارك فيكي

الشربات احنا اتفقنا باه

هيجلنا من دبي
------------------------
كراكيب عادل

يا للا ادعيله و دعيلي معاه
-----------------------
أحمد العربي

مبروك ع المدوتة الجديدة

و الله يبارك فيك

و تنور في أي وقت

و انا كمان هنور عندكوا قريب انشاء الله

--------------------

واحده عادية

الله يبارك فيكي

هو بس فيه فرق 15 سنة

كتير شوية مش كده؟؟
----------------------
the groom

يا اهلا بمعسكر الأعداء

بس و الله طلعت طيب

و ابن حلال

ياللا بكره الكل يدعيلك انت كمان
و تطلع من التدوين بعروسة

--------------------
fad-fadat nour

ألف شكر

عامر باصحابه اللي هم انتوا
---------------------

akram

سعيدة بزيارتك و اهتمامك و باشكرك كمان بالنيابة عن
the groom
و متابعة و مستمتعة بحواركمالعلمي الفسيولوجي ده

و طبعا بما ان ده بلوج غير ديمقراطي فانا متفقة مع the groom
في كل آراؤه

بس من غير تحديف طوب لوسمحت

سلام
-----------------------
e7na

الف مبروك ع المدونة

زرتها

شغل جميل جدا بصراحة

بالتوفيق
--------------------
anima

بيكوا انشاء الله

أدور لنفسي الأول

ادعيلي بس و انا أجوزك أخوه

و لو مالوش أخ مش هاتجوزه غير لما يلاقيلك عريس الأول

ياللا يا ستي

زقططي بأه

Shower-Mirror said...

برايد الله يسامحك .... كده تخلينى اموت من الضحك و انا فى بلد جديده و شغل جديد ؟؟ و تفرجى عليا الناس من كل جنسيات الارض ...!! :) طبعا مدوناتك مش محتاجه تعليق و لو انى اخدت وقت عشان اقرا كتير و اعوض اللى فاتنى منها .... انا رجعت اكتب تانى ياريت تيجى تزورينى و هاتعرفى انى خلاص طفشت من البلد و اوعدك انى هادورلك على حته عريس خلاصه هنا فى دبى ... تحياتى و مستنيكى و هاتى حماده معاكى يلعب مع الولد ... :)

R2K said...

: )

R2K said...

: )

Akram said...

أزيك يا عم جروم، أول حاجة مش عاوزك تفتكر اني راجل فسيولوجي اوي عشان مليش فيه يا ريس، أنا خريج تجارة اساسا و قعدت 3 سنين شغال فرونت دسك في فنادق ما بين دهب في مصر و أبو ظبي في الامارات بس الحمد لله ربنا تاب عليا من الشغلانة دي و دخلت مجال تاني خالص، المهم يعني مش عاوزك تفهم من كلامي اني بقول انك لازم تتجوز واحدة اصغر منك بس هو علي اي حال يكون أفضل، و أكيد انا متفق معاك ان لما الواحد يحب ساعتها مش بتفرق معاه موضوع العمر ده، انا عن نفسي محاولتي الوحيدة اللي فكرت فيها اني اتقدم لواحدة و الحمد لله انها المرة الوحيدة، كانت البنت اصغر مني بعشر شهور بس و أعرفها كمان من تسع سنين من ايام الكلية و البنت لما فتحت معاها الموضوع طلبت مني اني اديها وقت تفكر تلات شهور !!! متخيل الهبل، المهم بعد محادثات شرق أوسطية اديتني ديسكونت و طلبت شهر واحد تفكر، مش عارف بصراحة كانت محسساني انها بتاخد قرار هجرة، المهم صبرت عليها الشهر و جت في الاخر قليتلي معلش خليهم شهرين كمان، طبعا قدامها خدتها علي حجرى و بعديها بكام يوم حلقتلها و قلتها اعتبري اني مقلتش حاجة!! أما بقي يا معلم اني اكتب عربي سريع أو بطيء و اني بقيت في الانجليزي أسرع والبطيخ ده فأنا ميهمنيش في حاجة العربي لأنه ميلزمنيش أما بقي ان البنت العربية أحسن من الاجنبية بصراحة مش عارف انت جبت الكلام الغريب ده منين بس بدون دخول في تفاصيل كتير أنا اتعس قرار ممكن اخده في حياتي هو الجواز من مصرية، طبعا دي مكانتش فكرة واردة علي بالي ابدا بس للأسف ظروف شغلي بتحكم عليا اني اتجوز مصرية لاني بشتغل في أبو ظبي في موقع بترولي تلات شهور و بنزل مصر اجازة شهر وبالتالي لازم تكون مصرية لأنها مش حينفع تقعد معايا في الموقع و طبعا لو اجنبية صعب تستحمل تقعد لوحدها تلات شهور في مصر لحد ما ارجعلها و ده الي جانب اني مبحبش في اجازتي اروح مصر اساسا بس بكون مضطر انزل عشان اهلي ميزعلوش و انت طبعا عارف ان اللي ملوش خير في اهلة ملوش خير في حد، أما بقي بالنسبة لأخواتك البنات فربنا يخليهوملك يا سيدي وانا عن نفسي مليش غير اخت واحدة بس اكبر مني و مفيش صبيان، الحمد لله ان ابويا مسك نفسة علي كدة ماذا والا كنت ممكن البس سنة جيش، علي اي حال يا مان ربنا يوفقك و يهديك لبنت الحلال مع اني اشك انك عشان تلاقيها اليومين دول في مصر كأنك بالظبط بتدور علي حطام هيكل ديناصور مات من خمسة و تلاتين مليون سنة، انا مش عارف اشحال اما انت عايش بره و شفت بني ادمين تانيين و جنسيات ربنا كنت حتقوا ايه لو كنت قاعد في مصر طول عمرك.... سلام

جبهة التهييس الشعبية said...

القصاص لأسرانا الشهداء رجاء التوقيع وارسال الرسائل

The Groom said...


أكرم حبيب قلبي
يبني انت عايش في الامارات يعني عرب برضو لكن انا عايش وسط جنسيات العالم يا مان و صدقني تعالى هنا يوم و انت تحلف بجمال البنات العرب أما بقا حكاية المصرية انا مش عايز اتجوز مصرية انا أؤمن بالوحدة العربية و نفسي في فلسطينية الصراحة عشان انا معشتش في مصر كتير و مبطيقشي ان مراتي تكون مصرية لكن ده انا بس مش تعميم لان المصريات يبني يتحبو والله و تعالى شوف العرب بيموتو عليهم ازاي يبني المكسيكان اللي في واشنطن البلد هنا معرفوش انا منين من اول مرة و لما قولتلهم انا من مصر قالو اه جوود جيرلز قلتلهم عرفتو منين؟ قالو بيلي دانسرز في الدي سي وانا الصراحة عمري ماشفت رقاصة في الحقيقة و لا عمري رحت نايت كلب عربي و لا اجنبي الحمدلله وربنا ما يورينا لكن بس حبيت اسبتلك ان العالم كله بيموت في المصرية حتى لو كانت رقاصة يعني عرة المجتمع

وبعدين انت غلطان انك مش عايز تنزل مصر لانها بلد جميلة جدا جدا جدا يبني دي أم الدنيا بس انت ادي نفسك فرصة تستمتع بيها متعملشي زيي تنزل اسبوع بس تندم عليه عشان مفيش وقت حتى تقول سلاااام

ربنا يوفقك يا رب و انا كمان الحمدلله اني مدخلتش الجيش بس كان نفسي في اخ ولد وكنت مستعد ادخل الجيش عشان خاطره

وتعالى هنا لما مالكشي في الفسيولوجيا داخل فيا شمال ليه؟ يبني سيب الكلام ده للعالم الفاضية و برايد تقولك لكن وخليك رايق كده العلماء دولا بياخدو فلوس عشان يكلكعو حياتنا و يحذرونا من كل حاجة

وصدقني انك تدور على بنت متدينة و جدعة هنا برا دي سواء مصرية او غير يبقى انت بتدور على الديناصور اللي انت بتقول عليه ده و صاحي كمان يبني كتير من البنات هنا والولاد كمان بيغيرو الفريند بتاعهم زي ما بيجيبو جزمة جديدة ربنا يعافينا يا رب

ربنا يوفقنا جميعا و شكرا على مشاعرك

مساء الخير عليكم بتوقيت ماناساس البلد
سلاااااام

david santos said...

Hello, wanna!
This work is very good, thank you
have nice week

سكينة said...

صدقيني انا عرفت متأخر بس انك عايزة حد يشاركك حلقاته مع فرسان الزمان الأغبر
يوه بس كده
من العين دي قبل العين دي
خدي اللينك ده مبدئيا يعني على ما قسم
http://sa3atsakiena.blogspot.com/2007/02/blog-post_24.html
وأوعدك كل ما أفتح صندوق الكراكيب أو اطلع غرفة الخزين هجيبلك معايا نسخة مما مضى
اصل الحمد لله ربنا كفانا شرهم
هروح اشوف حكاية البيت الجديد واعتبري اللينك اللي فات ده هدية متواضعة للمنزل الجديد
وخليكي فاكرة
محدش بياكلها بالساهل
:)

wanna b a bride said...

shower-mirror

ياااااااااااااه
انت فين من زمان
حمدالله ع السلامه من بورسعيد يا بابا

مستنيين عرسان دبي
ربنت يستر بس و مايطلعوش زي عرسان الرياض

-----------------
r2k

:0

------------------
akram&the groom

شكرا يا باشاوات على المناقشة الفسيولوجية الهايلةدي

اجيب شاي و لا نفتح حاجة ساقعة؟
-------------------
جبهة التهييس الشعبية

انشاء الله
--------------------
david santos

thank you for visiting

have a nice week
-------------------
سكينة

شكرا على اللينك

و أهو على رأي المثل
اللي يشوف بلاوي غيره تهون عليه بلوته

Akram said...

Ezayak ya 3am groome, sorry ya man i wasnt able to reply to u fast but i was really feeling lazy to write back to u plus that i was having a course for the last 3 days n i was outta my office, any way, i just wanted to comment on u when u said that i live in Emirates so i still live among Arabs, ya man wade7 ennak u donno anything, dont u know that these Gulf countries are nothing but a big collection of Nationalities from every where all over the world, ya man if u come to UAE u will realize that u are coming for USA, it's even more clean than USA, very civilized and u can find all the colors of people, except that when u see those local people with theri local cloths then ur gonna realize that u are in Arab country, i was surprised when u said that ppl prefere Egyptian ladies even if they were belly dancers !!! Man are u sure that u are not outta ya mind? i can tell u ba2a en here in UAE it's very open country, ya3ny share3 el Haram dah fi masr maygeesh 7aga gamb UAE, and i can tell u that the cheapest Hoor here among arabs is the Egyptian one, where u can find that the Morrrocian & lebanese ones are on the top of the list, ya man even the Syrian is better than her & more expensive, ana besara7a msh 3aref enta betfakar ezai, i even have one colleague with me in IT section, he is Egyptian Canadian, he moved to Canada during secondary school, finished high school in Canada & university also, and he got married also to Egyptian Canadian lady but she was born there already, he dont like Egypt any more since he immigrated, and his wife doesnt like egypt as well, and both dont like to go Egypt for vacations and when i asked him why your wife doesnt like Egypt, he said that his wife's definition of Egypt is the place when u get yourself humiliated !!! yabny ana msh 3aref 2a2olak eh walla eh ! I am really fed up of this country wi mn sha3baha !

Akram said...
This comment has been removed by the author.
ahmed3lam said...

مشكلتك ليها حل وبسيط خالص بصي انتي تقفي في وسط الشارع والناس رايحه وجايه ولا يهمك اي عادات ولا تقاليد ولا حتي تقاليع انتي تقفي وبعلو صوتك وتقولي.....يا شباب مصر الكتااااااار انا عايزه اتجوز ولد مؤدب وعلي خلق ومتربي احسن تربيه واقدر اعتمد عليه في وقت الحاجه ومش شرط الفلوس والله مش شرط انتو سامعني بقولكم مش شرط الفلوس هاااا قلتو ايه ..وبس
والله اعلم بقي ايه الي هايحصل بس اكيد هنزورك في الموستان ومين عارف يمكن تلاقي واحد هناك عمل زيك كده بردو وتتقابلو هناك والكميه بتاعت دماغه تكون متظبطه علي قد كمية دماغك وربنا يتمم بخير