Friday, February 22, 2008

بجد بجد ..مخنوقة


بعد تجربة مريرة مع بعض كوادر التليفزيون المصري و بعض الإخوة الصحفيين


و بعد تعليقين تلاتة مالهمش لازمة و إيميلين تلاتة من ناس ظريفة و لطشيفة و تتحط ع الجرح يورم


بجد اتخنقت


يا جماعة نقول تاني من الأول


أنا مش بايرة


و لسه ماحملتش لقب عانس


أنا مش بادور على عريس..مش في المطلق كده


أنا بادور على حاجة صح في زمن للأسف يندر فيه ده


مش قضية البلوج التأخر في الزواج


قضية البلوج الزواج نفسه


فبليز ماحدش يقوللي معاناة و مشكلتك و جراءتك و شجاعتك


أنا يا جماعة عايزة أتجوز ...عادي زي ماكلكم عايزين


ليه فيه ناس كتير مش فاهمين ده؟؟؟؟


أنا مش عايشة حياتي في أزمة و لا باعيط على روحي ليل و نهار


ليه في عز الفرحة تلاقي ناس عايزة تهدم كل اللي عملته


هو أنا غلطت لما كشفت شخصيتي


هو أنا غلطت لما وافقت على نشر الكتاب


عارفة و الله ان معظمكم واقف معايا


بس بجد في الشهر ده اتعرضت لمواقف كتير بايخة جد
ا


بصوا هما كلمتين واقفين في زوري و قلتهم


مش هاسيب البوست ده كتير


غالبا هاشيله بكرة


بس بجد بجد


مخنوقة

----------------------------------------------------------------------------

تحديث

يعني ينفع كده؟؟

كل مرة تطلعوني عيلة و أرجع في كلامي

بعد كده لما أقول هاشيل البوست تاني يوم ماحدش هيصدقني



بالظبط زي القصة التاريخية بتاعت الواد اللي كل شوية يقول حسني عبد ربه رايح الأهلي حسني عبد ربه رايح الأهلي لغاية لما الناس إتأكدت إنه كذاب و بعدها لما حسني يروح الأهلي فعلا ماحدش هيصدقه



و بعدين إيه اللي انتوا عملتوه فيا ده؟

دانا من إمبارح عمالة أقرا التعليقات و أعيييط و أقرا و أعيييط لما خلصت كل الكلينيكس اللي في البيت



يا جماعة انتوا أحرجتوني و أخجلتوني و خلتوني مكسوفة من نفسي و مش قادرة أبص لنفسي في المراية

صحيح أنا إزاي أتخنق أو أتضايق و كل الناس الحلوة دي حواليا؟



أنا يظهر إتحسدت..و مخي فوت حبتين..أصل طنط حشرية كانت عندنا أول إمبارح و عرفت إن طبعة الكتاب خلصت

(هي على فكرة فاكرة إنه كتاب لتعليم طريقة تربية دود القز ..ماحدش يبقى يقولها حاجة ماشي؟)



و الله يا جماعة انا كل اللي خلاني أكتب ده إمبارح هو إحساس الصدمة و الجرعة المركزة من السخافة اللي أخدتها في المدة الصغيرة اللي فاتت

(و ده من أسباب اني هاسيب البوست ..عشان يمكن ربنا يكرم الناس اللي فهمها بطئ و تفهم)



أنا جامدة آه..بس برضه يعني..عندي شوية مشاعر مرهفة كده..بس و الله بتعالج



أنا مش عارفة أقولكم إيه؟؟؟

دي لو عيلتي اللي من لحمي و دمي و دي إن إييهي كانوا لا يمكن يقفوا جنبي زيكوا كده



تعليقاتكم ليا بجد

Overwhelming

مش لاقية مرادف ليها بالعربي



أنا مكسوفة و متشكرة و الأهم

.

.

إني دلوقتي ..سعيدة جددددا

257 comments:

1 – 200 of 257   Newer›   Newest»
Anonymous said...

ازيك غاده فى الاول احب اهنيكى على المدونه الهايله واسلوبك الاكثر من رائع وديما مزيد من التقدم اما بالنسبه لاعداء النجاح ودا احسن اسم ليهم دى ناس تفكرهم محدود وبيشوفوا الموضوع بسطحيه يعنى اللى قال كدا اكيد مش فهم انتى تقصدى ايه اصلا من كتاباتك اهم حاجه بس انتى مش تبقى مخنوقه وافرحى بنجاحك وديما فى تقدماا وسيبك من كل حاجه وعلى فكره مش انتى بس اللى عايزه تتجوزى انا وانتى وكل البنات بس لازم نتمرد على الاوضاع الغريبه اللى مفروضه علينا انا مش عايزة اتجوز علشان يبقى اسمى اتجوزت ومش فاتنى القطر انا عايزه بس انساااان فى زمن فقد انسانيته اكتبى اللى انتى عايزاه عبرى عن نفسك وعن اوضاع شايفنها غلط نفسنا تتغير يقولوا جراءه يقولوا اى حاجه ولا يهمك من حد احنا معاكىى
ميرسى كمان على اد الفيس بووك واتمنى انى اكون صديقه ليكى وربنا يوفقك ويسعدك وديما فى تقدم
rema

Anonymous said...

طبيعي تلاقي في ردود افعال زي كدا
ومو طبيعي وغريب وعجيب وموصيبة اذا ماصار هالشيء
هو الناس من متى فهمت حاجة مضبوط مستحيل ابدن
ربنا اللي هو ربنا الناس اختلفت عليه
اتوكلي على الله

Ahmed Mubarak said...

انا اول مرة اكتب تعليق رغم اني متابعك من اول بوست لان كلامك جميل جدا

بس مش هقول غير كلمة

بعد كل الي قلتيه دة الي يفهم انك عايزة تدوري على جوازة
((((صح

يبقى مش فاهم كتاباتك كويس

وربنا يوفقك

تحياتي

Anonymous said...

ليه بس يا برايد التشاؤم ده كله والخنقة دى
يعنى لما تلاقى 150 الف واحد بيهنيكى ع الكتاب و ثلاتة ولا اربعة يقولوا كلام مش ظريف يبقى ماتحطيش فى دماغك
اعداء نجاح ياستى
وتشيلى البوست ليه مش فاهم مش مفروض قراء البلوج الاعزاء يعرفوا برايد فى السراء والضراء زى مابيقولو
فرفشى كده وماتخديش فى بالك خااااااااالص

وفيها ايه لما تقولى عاوزة اتجوز كوووووولنا عاوزين نتجوز

وبقولك فى الاخر استحملى شويتين ماحدش بياكولها بالساهل
وزى ما الشاعر العظيم قال

ولا تحسبن المجد تمرا انت آكله ....لن تبلغ المجد حتى تلعق الصبر

Anonymous said...

hey bride bgd it's an honur eny yb2aly chance ab3atlek comment wenty meday2a ka2eny one of ur friends(di 7aga tfra7ny moot) ana aslan mtab3aky mn sana wnos ta2reban bas msh kont bacomment bas kont ba7ky lkol el nas 3aliki enk 7aga ma7saletsh bgd:)....ana fe3lan bamoot feeky wf2slobek ...wdelwa2ty kol el 3ela by7boky zayee bel nesba l enak medy2a showaia now bosy ya bride enty delwa2ty msA msh etneen talata by2ro kalamek dol thousands ya3ni mosta7eeeel tenga7y keda mn 3'er ma 7agat fel nos tetla3lek teday2ek msh kol el alaf di bte3raf tetkalem sa7 msh kol el nas di hatfhamek sa7.....sada2eny nas kteeeeer 7ata lao neyethom 7elwa kalmhom byb2a moz3eg awe:S:S ana garbt da kteeeeeer ....bas ykafeeky enek waska fnafsek...wenek 3arfa en kol el banat byfakaro tafkerek .enk sure enek msh case gdeeda...wenek btekteby lhadaff a3la meeeeet mara mn eli ay 7ad 2alo sawa2 da kan hezar aw gad.......bride enty msh fmawkef 7ad ye2olek feh ma3lish wmatz3alish.....bl3aks da e7na kolena bne7sedek 3ala enk banooota momayzaaa wel daleel 3ala keda enek fat7ty pages tetkalmy feha la2ety fansssssss kol youm mstanyenek:)...enty msh 3arfa enty ma7booba ad eh wel nas bte7term ra2yek wkalmek wkolena 3arfen el blog da ezay kol post feh btreflect waqe3 mogtama3 sa3b zay bta3na.....mas2alet 3ayza atgawez di...meen msh 3ayeza :D.......plz ya bride matgesh f stage motakdema awy zay di(msA tab3an) wt5aly kalam yday2ek......ana fahma enek lsa msh wa5da 3ala 7ayat el mashaheer ;).....ana yemken mab3rfsh a3bar awe...bas ya ret tefhamy asdy..wteb2y sure en el majority fahmenek sa7....w3moman a5er 7aga a2olhalek en ana wso7aby wmama wso7bha wba2y el 3ela bnmooooooooot feekyyyyyyyyyy :):):)........mira

Anonymous said...

:D shofty ana da5alt akteb kan mafish ay 7ad rad lsa ..bas 7azy we7sh mal7e2tsh akon awel comment :(:(.....mira

Anonymous said...

بصى انت كتبتى و نشرتى و نجحتى
الحاجات اللى مضيقاكى دى زى الضريبة
بس مش بتاعة بلدنا طبعا
دى واحد حتتدفع حتتدفع
و اظن انك كنت عارفة يوم ما وافقتى على النشر ان الموضوع حيحصل فيه كده
دا طبيعى جدا و مش لازم يخنقك بالعكس دا دليل على انك نجحتى
best of luck

قلب بلا حب said...

2ollyly 3aly za3alek wana 22ata3holek .. wasalet kaman anokom yza3alo el za3ema .. hazolat

مـحـمـد مـفـيـد said...

لا يا غاده
مش عايزين النبره دي
لازم تتعرضي لكل ده لانها كانت مفأجاه
ولكنها مفاجأه رائعه
جعلت الناس كلها تفكر في المواضيع بعمق
وهتلاقي اراء مختلفه
واعتقد ان صدرك رحب يسع كل هذه الاختلافات

Anonymous said...

السلام عليكم يا غاده
يا رب تكونى فى اسعد حال ولا شىء يعكر عليكى نجاحك ..
غاده من مميزات النجاح وجود اعداء للنجاح عارفه ليه؟
علشان هما دول الى هيخلوكى دايما عايزة مصرة على اثبات رايك ووجه نظرك الراقيه جدا واحييكى عليها ..
لو لاقيتى كل الناسمؤيده اقلقى وازعلى فعلا لكن الاثبات الحقيقى لنجاحك هو وجود طرف معارض والى ياكد نجاحك اكتر انهم قله قليله ..
غضى الطرف عن كل الرسائل السلبيه واجليها ليوم تكونى مستعده فيه لسمعها استمتعى دلوقتى بنحاجك وجددى نيتك فى ايصال فكر مؤثر لمجتمعك ربنا يبارك فيكى والى الاماااااااااام دائما :)

فاتيما said...

غادة يا ست البنات
روقى يا حبيبتى ..
كل الى سبقونى وهيلحقونى هيقولوهالك ..
دا نوع من ضيق الافق عند بعض الناس
و من واقع خبرتى فى مجال الصحافة والاعلام لأن والدى عاش ومات صحفى .. ..
مش كل صحفى و اعلامى عموما ...
المهنة دى غايته...
دى بتبقى مجرد شغلانة ..
فيه ناس مخلصة و محترمة جدا
لكن ناس تانية
لأ ...
و أحيانا زى ما كلامهم مزوق و حلو قوى لدرجة تخجلك ..
ساعات بيكون كلامهم برضو غرقان سخرية وتفاهة بشعة
تخليكى تسألى نفسك ..
دا دخل مجال الصحافة والكتابة ازاى؟؟؟
ماتزعليش يا حبيبتى
انت ست البنات
و قمرنا كلنا
و قطم رقابيهم الى زعلوكى كدا
و قطعوا البعدا
واحدة من الفخورات
بعايزة أتجوز ..
عنوانا
شكلا
و موضوعا ..
و كاتبة مصدر
حبنا ...
احترامنا جميعا

Anonymous said...

ازيك يا غادة بصي يا سيتي بقي انتي اكيد عارفة ان مش ممكن هتلاقي الناس كلها بتفقوا علي حاجة واحدة دايما في اراء مختلفة وكماااان في ناس زي ما بتقولي مش فاهمة بس يا جميل اهم حاجة انك تكوني مقتنعة باللي بتعمليه وماتنسيش بقي ان الناس اللي معاكي وبيشجعوكي اكتر من التانييين اللي بتتكلمي عنهم ويا سيتي اعتبريها حرية تعبير وحرية التعبير مكفولة للجميع.نورا.

Unknown said...

سيبك من اي حاجة
وركزي في اللي انت فية واللي بتعملية
ومدونتك تحفة وعمر ما حد يقدر يقول شجاعتك وجرائتك لا يابنتي
انك بس تكشفي عن شخصيتك اكيد هتلاقي ردود افعال كتير
لاننا بلد كبيرة وعمرها ما بتتفق علي واحد
ربنا يوفقك ويكرمك دايما
ومتسمعيش لكلام ناس بيمسهوهم اعداء النجاح
ويارب من نحاج لنجاح
وتقدم
هو لية الواحد مش بيلحق يفرح افرحي بقي وفرحايناااااااسلام

Ahmed Al-Sabbagh said...

لا يا غادة

ما تفوليش الكلام ده

احنا اتعودنا منك انك قوية

وكلنا فاهمين كتابتك صح

فياريت ما تتأثريش كدة

بجد ده يعز علينا

انتى ست الكل

بس الفكرة انك بتبحثى الزواج الصح .. مش عن الجواز زى ما البعض فهم

تحياتى

هوندا said...

سلام عليكم ازيك ياغادة
انا بس عايزة اقلك حاجة واحدة ان انتى موضحتش فى البلوج المعنى الاصلى وده بيخلى ان اى حد يدخل يفتكر انك مش لاقيه عريس
انا عن نفسى كنت اول مرة اعرف هدفك من برنامج العاشرة مساء لما قلتلى عايزة اتجوز صح فطبيعى ان ناس كتير تفهمها بالشكل ده لان البلوج مثلا اسمه عايزة اتجوز بس صورتك النيم بتاعك "وانا بى برايد"
كده يعنى فمتتضيقيش هما ميقصدوش وبعدين لو انتى معنسه مكنتش عملتى المدونة اصلا
معلش لازم تلاقى رد فعل يضايق

Anonymous said...

لا ياغادهة
كملي
وسيبك من اللى بيتقال
اصل فيه ناس كده بتبقى مش عاوزانا نفرح
ولو فرحنا بيسرقوا مننا الفرح
الاهم من كده كله
خليكى عرفه انك ليكى هدف وليكى رساله فى الحياة دى عاوزة تقدميها
وعاوزة تنقلي واقع موجود
ركزى فى هدفك وخلى قدام عنيكى
وحطى الهدف بتاعك قدام عنيكى ودوسي على اى حاجه مش عجباكى من تعليقات وايميلات واعمليها سلم عشان توصلي بيه لهدفك
مببرووووووووووووك ليكى
وفى انتظار الكتاب التانى

Rivendell** said...

يا بنتي
these is our society
اشوفه والع بجاز
قولي امين
معلش طنشي
هتعملي ايه

سكوت هنصوت said...

بر ايد

بصي بقى يا ستي...الشعب المصري ده شعب ظريف ابن ظريفة...

يموت في التريقة والإستلطاف والإستخفاف

الجواز عبارة عن مشكلة شائكة..سلك عريان الي يقرب منه يتكهرب

وانت كسرتي الحاجز....و خليتي شباب عادي و بسيط..و مش لاقي مساحة على قنوات الإعلام المسموعة والمرئية...يلاقي حد يرفع عنه الحرج..و يتكلم بلسانة..منغير خوف او حرجاو كسوف..

لا تلقي بالا لمن ينظر عن بعد...احانا شعب فيه سبعين مليون مدرب ومفيهوش لعيب عدل
يكفي اني اقولك ان كتاباتك مست كل الناس دي عشان قد كده بتمس فيهم قطاعات عريضةو حرجة...في شخصياتهم و احلامهم..مشاكلهم في الجامعة مع الأخر

الييقولك بقى تلت التلاتة كام..طرقعيلة ولا يهمك او شرديلة عندك في البلوج..وخلي الي ما يشتري يتفرج عليه

الف مبرووك على النجاح الباهر..و الى الأمام يا رومل

Anonymous said...

بصي يا برايد الحاجة المهمة مش تعليقات الناس الحاجة المهمة الموهبة الجامدة اللي عندك والناس شافوها عن طريق البلوج ده
عارفة انا برضة عندي مشكلة في الناس بس قررت اني مش هاهتم بتفكيرهم وتعليقاتهم الظريطة هاهتم بالصح والغلط اللي انا شايفهم مش اللي هما شايفنهم من الاخر كده طالما ان انتي عارفة انتي بتكتبي لية والحكاية واصلها عندك يبقي طز في الناس (مش كلهم طبعا )ويا سنتي ربنا يرزقنا الجوازة الصح والشغلانة الصح والبلد الصح

Anonymous said...

الزواج هو حق لكل فتاة و من حق الطيبات أن يطالبن بالطيبين سرًا كان أو علانية
وبدون أدنى شك أنتي طيبة **طيبة جدا والله

أبو الطيب

Anonymous said...

عيب عليكى بعد كل اللى عملتيه ده شوية عالم تافهة
لو بجد دول دايقوقى يبقى احنا كده اتخدعنا فيك
انا اكتر اجة شدتنى فى المدونة ثقتك فى نفسك
متديش ودنك لحد بصى على كل اللى بيتابعوك
شوفيهم كام واحد
و طلعى لسانك لكل الحاقدين

Amr Ahmed said...

ايه يا غادة بس

شكلك كده عاوزة تغطي علي الفلوس بتاعت الكتاب

ههههههههههههههه
بصي يا غادة ده شئ متوقع
فيه ناس بتبقي غاوية سخافة

يعني بيرمي كلمة علشان يضايق الللي قدامه

بس انتي ولا يهمك
وبعدين امنتي زي القمر اهه ما شاء الله

:))
وبعدين لو عاوزة تتجوزي هتتجوزي

امال انا بقي اللي لسه هكون نفسي في زمن قزازاة الزيت بقت ب 10 جنيه

ههههههههههه

فرفشي كده
وانا اضم صوتي لصوتك

عاوزين نتجوز

ههههههههههههههه
:)))))))))))))))

Anonymous said...

عيب عليكى بعد كل اللى عملتيه ده شوية عالم تافهة
لو بجد دول دايقوقى يبقى احنا كده اتخدعنا فيك
انا اكتر اجة شدتنى فى المدونة ثقتك فى نفسك
متديش ودنك لحد بصى على كل اللى بيتابعوك
شوفيهم كام واحد
و طلعى لسانك لكل الحاقدين
..........
بالمناسبة انا اسمى احمد مجدى
و متابعك من زمان قوى
و اول مرة تستفزينى و تخلينى اكتب رد!!!

Anonymous said...

بلاش كلام فاضى
خلى اللى يقول يقول
الكلاب تعوى و القافلة تسير
عادى يعنى
مشوفتيش حد بيوقف المراكب السايرة قبل كده؟
لو انت بجد مش ضعيفة زى ما اقنعتينا كملى
و احسن من الأول كمان
و بالمناسبة لو مسحتى البوست زى ما بتهددى
هجيلك الصيدلية اضربك!!!! ...انت وصحابك كمان
قال تمسح البوست قال
......
تحياتىg

Anonymous said...

I saw you on TV today ... you were great... keep going girl!! Keep going!!

Unknown said...

ولا يهمك يا غدغود
انا كمان عاوزه اتجوز
وبقول انا وزمايلى نفس كلامك
وبقولهم كمان بعد ما شفتك اخيرا يا جماعه فيه بنات بتفكر ومخها جميل زيك متزعليش يا ست الكل
دي ناس تفكيرها سطحي

Anonymous said...

هممم..
من الواضح إن فاتني كتير.. ياللا حصل خير إن شاء الله

طيب انا مش عارف أوجه كلامي لغادة ولا لبرايد..
الإتنين شخصيات منفصلة بالنسبة ليا..
ويمكن ده الخطأ اللى وقع فيه البعض بالخلط بين الراوى والرواية ذاتها..

عموماً البوست ده نابع من شخصية غادة مش من شخصية برايد.. ودى بصراحة أكتر حاجة خانقانى..
أصل برايد دمها خفيف.. بتعرف تحكى فى قضايا قمة فى الجدية بأسلوب قمة فى التهكم والسخرية..
جايز فيه ناس نايمة فى مية البطيخ ومش بتشوف غير الغلاف الكوميدى بدون النظر لعمق الرسالة.. ما علينا


ليه بتفترضى إن كل الناس لازم تفهمك؟
أكيد فيه نسبة مش هاتفهمك وفيه نسبة مابتفهمش أساساً!
بكل تأكيد إن حد يفهمنى غلط فده شيء بيخنق.. لكن لازم يكون فيه من العينة دى علشان العينة التانية يكون ليها طعم.. هيه الدنيا كدا

ليه بتفترضى إنك لازم تقدمى توضيح للى مفهموكيش؟
ماللى يفهم يفهم واللى مايفهمش يولع بجاز..
بقى كل اللى حواليكى دول ومش مكفيينك يا طماعة؟
يعنى يوم ما تغلبى خالص قيسيهم بالشبر وشوفى كام رأى فهمك وكام رأى مفهمكيش.. جايز تحسى وقتها إنك مدية كفة الميزان الخفيفة وزن أكتر من حقها..


يادى النيلة عليا انا كمان!!
شكلى لقطت منك ومش عارف أهزر.. بذمتك مش حاسة كلامى دمه تقيل..
لا لا لا لا..
إنتى لازم تفوقى بسرعة وإلا العدوى هاتنتشر فى مدونات كتير وتنتاب مصر موجة من السوداوية والغم والنكد.. مش طالبة المود ده ابداً الصراحة

سقطى غيار ودوسى بنزين.. إنطلقى

Shams Elkharif said...

سيبك من الناس دى كلها ولا يهمك

الناس اللى انتى بتتكلمى عنهم ناس بيحبوا يعملو قوالب للشخصيات ، انتى بنت عندك 29 سنة و ماتجوزتيش تبقى عانس و بايرة و بتعانى من الوحدة و الكلام ده ، ومش مسموح لك تخرجى عن الاطار ده ، و محدش بيفهم المعنى اللى ورا كلامك ، و محدش منهم عايز يفهم من الاساس ، فسيبك منهم ، بلا هم

و اصلا انا بيتهيالى كلمة عانس دى اللى طلعها هما الناس اللى اتجوزو جوازات غلط لمجرد ان هما يتجوزوا ، و عشان يبررو تعاستهم و يهونوها بيقولو على كل واحدة ماتجوزتش عانس و يحسسوها انها عندها مشكلة

سيبك منهم ، و ربنا يوفقك

nigro said...

أنا مش عارف أقولك إيه
لإني بجد بجد بجد مخنوق علشانك
احنا مش متعودين ان احنا نشوف برايد كده
بس دا يعتبر جزء من ضريبة الشهرة
ما تعرفيش اللي يقولك حاجة تزعّلك تقومي خبطاه كلمتين في وشه يحرقوه
بس هقولك إيه؟.. ما ينفعش
احنا لازم نبان هاديين و مؤدبين وصوتنا واطي
بالله يا غادة ما تزعليش من شوية الجهلة دول
انت زعلك كبيييييييييير قوي عندنا
روّقي كده يا دودو

Unknown said...

طبيعي ياحببتي

اولا مفيش نجاح من غير اعداء زي مفيش حلاوه من غير نار

وانا سبحان الله لسه بقرا امثال ولقيت مثل بيقول

اذا لم تتلقي طعنات فاعرف انك في الموخره

ثانيا دائما لما تحسي انك مضايقه استعيذي بالله من الشيطان لانه هيوسوس ليكي وهيبوظ عليك اي لحظه سعاده حلوه

ثالثا

منكن اللي يكونوا بعتوا المسجات ده بعتوها عن حسن نيه يعني ناس فاكره انها بتجاملك او فهموك غلط وكل همهم يصبروك او يشيلوا عنك

الامضاء

واحده تانيه عايزه تتجوز

يلا كله فداك يابرايد

:)

Unknown said...

احنا فعلا شعب بيحب الاستلطاف والتبرع بردود جاهزة لمشاكل الغير دون ان يكاف نفسه عناء فهم المشكلة
وكمان انتي طرقتي مشكلة بيعاني منها ملايين الشباب والبنات وكان مسكوت عنها وكان المشكلة ستحل حلا سحريا تلقائيا فجه البلوج بتاعك وكشف المشكلة امام اعين الجميع
فماذا تتوقعي هيكون رد الفعل ايه اكيد في ناس هتفهم وتقدر وناس مخها على قدها هتبعبع باي كلام فاضي سد خانة وخلاص
ارجو ان لا تاخذي كلام هؤلاء القلة بشكل شخصي او تحسي انه انتقص من قدرك كفتاة محترمة عاقلة وواثقة من نفسه لا ني بحس شخصيا كفتاة بعمق الالم الذي تسببه كلمات فارغة ومهينة في نفس الوقت
تذكري ان لك قاعدة عريضة من زوار البلوج وقراء كتابك الجديديحبوا لك الخير وعايزينك اقوى من كل الظروف
وكمان ربنا يباركلك في والديك الي معاك على طول الخط وفاهمين ومقدرين الظروف وهذه ميزة لا تقدر بثمن لا يعرف قيمتها الا من حرم منها
واخيرا انا دايما بقول : مااصابني لم يكن ليخطئني وما اخطاني لم يكن ليصيبني
اتمنى ان تعود روحك الجميلة اليك يا صديقتي

ساعد نسرين الايمن said...

غادة

يا احلي منهم
يا فارقة عنهم
انتي اللي فيهم
وهم فينهم؟

مدونة تجاوزت الحواجز
وكتاب مكسر الدنيا
مكاسب مالية مرتفعة
ظهور اعلامي في برامج
يشاهدها ملايين البشر
اصدقاء في كل الدنيا
وبعض تعليقات سخيفة مغرضة

يبقي ينفع نعمل كده؟
غادة انتي في المعتاد اقوي من كده
اقوي من كده بكتير
والصعوبات يجب الا تقف في وجه الرسالات
قديما قال انيس منصور اللي مش بحبه
لو وجدت من يركلك من خلفك فاعلم انك في الامام
وانتي بقيتي عالية غادة
مش ينفع شوية تعليقات او اشخاص يخلوك تفقدي قدرتك علي ترتيب افكارك او قدرتك
انتي في المعتاد اقوي من كده
اقوي من كده بكتير
يا غادة
انتي جمعتي ناس كتير علي كلمة حق
مش هاقولك طبعا المفروض تبقي فخورة والكلام ده
عشان انتي في المعتاد اقوي من كده
اقوي من كده بكتير
غادة ديه مش مشكلتك لوحدك
كلنا زيك
ومعكي
وكلنا عايزين نتجوز
واللي عنده مشاعر مرهفة وعايز يستعرضها عليكي
ويقالك انه حاسسة بمشكلتك والكلام بتاع كودار التليفزيون المصري ده يبقي لازم يحس الاول اد ايه هو سخيف ولازم يحس بينا كلنا مرة واحدة

وياليت كل المدونات البنات يحطوا بانر ويكتبوا فيه عايزة اتجوز
ونبقي نشوف هيكون رايهم ايه

غادة
لو انتي كنتي كتبت البوست ده عشان
تدراي علي ارباح الكتب والمقابلات التليفزيونية
فانا مش هازعل منك خالص
بس لو انتي فعلا احبطتي من اول احتكاك بقوي الشر
طبعا هازعل
عشان غادة اللي نعرفها في المعتاد اقوي من كده
اقوي من كده بكتير

romalistic said...
This comment has been removed by the author.
Anonymous said...

انا اول مرة اكتبلك تعليق بس انا بقرا مدونتك دى من فترة قصيرة اوى واللى خالانى اقراها انى استلطفتك اوى لما شوفتك فى برنامج العاشرة مساء ومترددتش وقريت مدونتك على النت ولاول مرة اقرا مدونات اصلا بس لاقيتك شخسيم بجد لذيذة مووووت ومحترمة اوى انا عايزة اقولك متزعليش من الناس اللى بيرزعوا الكلام من غير ما يفكروا انا ضيقتلك اوى

romalistic said...

ازيك يا غادة؟
أنا أول مرة أعلق لأنى يدوب عرفت البلوج بتاعك امبارح بس أريت كل اللى كتبتيه على مرتين.
بجد انتى ماشاء الله هايلة و اسلوبك يشد جداً و دمك خفيف مووووووت و لما شفت و قريت اللقاءات معاكى حبيتك أكتر.

و كمان عجبنى تفكيرك أوى فى حاجات كتير و حسيت فى تشابه أفكار بينا.
انتى فعلاً انسانة لازم تدققى جداً فى الإختيار عشان انت تستاهلى واحد شخصيته مختلفة عن اللى سائد دلوئت.

أنا أصلاً مش مع ان البنت توافق على أى واحد بالمقاييس العامة مناسب و خلاص .. كل واحد بيناسبه حاجة غير التانى .. و البنت لازم طبعاً تدقق فى الإختيار لأن ده اللى حتقضى حياتها معاه .. و اللا اشمعنا هما بيدققوا فى الإختيار يعنى و احنا يستغربوا لما احنا ندقق.

و لا يهمك كلام الناس .. أصل انتى عمرك ما حترضى كل الناس .. و لازم فى ناس حتفهمك غلط .. فمينفعش تقفى عند الحاجات ده .. كملّى و لا يهمك.

بجد أنا نفسى نبقى صحاب .. أنا لسة عاملة بلوج جديد و أحب آخد رأيك لو فاضية .. أهلاً بيكى مقدماً هناك.

مستنية البوست الجاى :)

samourai 4 ever said...

غادة
فى ناس كتير اعداء للنجاح
و فعلا من الى تتحط على الجرح يورم
او انك تزورى و حاجه تقف فى زورك من كتر الظرافه ام رقبه طويله
بس كبرى دماغك و خليكى واثقه فى نفسك و فى اللى انتى بتكتبيه
و احنا فاهمين وجه نظرك و اكيد اللى بيقولك كدة
دى مش عرف يوصل للى فى دماغك او يفهم اللى انتى كاتباه
اللى بياخدوا الحاجه من على الوش
هههههههههههههههههههههه
زى معظم الشعب حاليا
فكك يا شيخه
واحشتنا مواضيعك بقه
سيبك من كل دة
و لا
اهبدينا بوست جامد كدة
من بوستاتك يا جميل
و دمتــــــــــــــــــــم

reham said...

بصى هما كلمتين برضة فى زورى يا برايد..اللى انتى فيه ده اسمه عنق الزجاجة..فى رأى انتى كاتبة تحفة وأسلوبك جميل ويضحك فى الايام العجيبة اللى احنا فيها دى..واللى بيضايقك كده الايام دى هم اللى مش حابينلك النجاح..فا يا اما تتمسكى بحبك للكتابة وتدوسى على كل اللى مضايقك وحتعدى كأنها زوبعة فى فنجان..وتطلعى من التجربة دى جامدة وصلبة وتكتبى اكتر وتمشى فى سكة السيناريو الكوميدى..يا اما تستسلمى للناس اللى كارهين نجاحك و تبقى شمعة نورت شوية وانطفت..موهبتك تستحق انك تدافعى عنها..وعادى كله بيعدى متشيليش فى نفسك..بس بجد احنا مش عاوزين نفقد كاتبة ممتازة زيك..اجمدى أومال يا جميل..أول زنقة كده نسلم على طول واللا ايه ؟ احنا دكاترة مش لازم نستسلم مع أول ضربة..على الاقل يا غادة فيه ناس كتير فى الغربة بيقرولك وبتسعديهم ولو لفترة صغيرة..عايزة كل اللى بيحبوكى دول تزعليهم ؟ حتى دى مش من شيم الدكاترة...ضربة فى قلب اللى زعلك يا برايد..عاوزة أشوفك جامدة يا غادة..ومستنيين الكتاب التانى والتالت..انتى مش أقل من أى كاتب اتعرض فى أول حياته لصعوبات بس استحمل ووصل..عادى الكتابة زى اى حاجة تانية..يا تقفى فى وش التيار وتوصلى ..يا التيار ياخدك ومنسمعش عنك تانى ...واحنا مش عاوزين كده..عقبال لما نشوف اسمك قريب على أول فيلم أو مسلسل مكتوب السيناريو بتاعه بايدك..تحياتى ..:)

ساعد نسرين الايمن said...

رحمة بتقول

على الاقل يا غادة فيه ناس كتير فى
الغربة بيقرولك وبتسعديهم ولو لفترة صغيرة..عايزة كل اللى بيحبوكى دول تزعليهم ؟

قالولي ليها يا رحمة يا اختشي والنبي

ساعد نسرين الايمن said...

ونسرين بتقولك

الامضاء

واحده تانيه عايزه تتجوز

يلا كله فداك يابرايد

وانا بسال
شو بدك اكثر من هيك؟

ساعد نسرين الايمن said...

وبقية الناس بتقولك

يعنى لما تلاقى 150 الف واحد بيهنيكى ع الكتاب و ثلاتة ولا اربعة يقولوا كلام مش ظريف يبقى ماتحطيش فى دماغك
اعداء نجاح ياستى

بصى انت كتبتى و نشرتى و نجحتى
الحاجات اللى مضيقاكى دى زى الضريبة

جعلت الناس كلها تفكر في المواضيع بعمق
وهتلاقي اراء مختلفه
واعتقد ان صدرك رحب يسع كل هذه الاختلافات

غضى الطرف عن كل الرسائل السلبيه واجليها ليوم تكونى مستعده فيه لسمعها استمتعى دلوقتى بنحاجك وجددى نيتك فى ايصال فكر مؤثر لمجتمعك ربنا يبارك فيكى والى الاماااااااااام دائما
ماتزعليش يا حبيبتى
انت ست البنات
و قمرنا كلنا
و قطم رقابيهم الى زعلوكى كدا
و قطعوا البعدا
واحدة من الفخورات
بعايزة أتجوز ..
عنوانا
شكلا
و موضوعا ..
و كاتبة مصدر
حبنا ...
احترامنا جميعا

سيبك من اي حاجة
وركزي في اللي انت فية واللي بتعملية
ومدونتك تحفة وعمر ما حد يقدر يقول شجاعتك وجرائتك

خليكى عرفه انك ليكى هدف وليكى رساله فى الحياة دى عاوزة تقدميها
وعاوزة تنقلي واقع موجود
ركزى فى هدفك وخلى قدام عنيكى
وحطى الهدف بتاعك قدام عنيكى ودوسي على اى حاجه مش عجباكى

اشوفه والع بجاز
قولي امين

وانت كسرتي الحاجز....و خليتي شباب عادي و بسيط..و مش لاقي مساحة على قنوات الإعلام المسموعة والمرئية...يلاقي حد يرفع عنه الحرج..و يتكلم بلسانة..منغير خوف او حرجاو كسوف

متديش ودنك لحد بصى على كل اللى بيتابعوك
شوفيهم كام واحد
و طلعى لسانك لكل الحاقدين

فرفشي كده
وانا اضم صوتي لصوتك

عاوزين نتجوز

انا اكتر اجة شدتنى فى المدونة ثقتك فى نفسك
متديش ودنك لحد بصى على كل اللى بيتابعوك

ولا يهمك يا غدغود
انا كمان عاوزه اتجوز
وبقول انا وزمايلى نفس كلامك
وبقولهم كمان بعد ما شفتك اخيرا يا جماعه فيه بنات بتفكر ومخها جميل زيك متزعليش يا ست الكل
دي ناس تفكيرها سطحي

ليه بتفترضى إنك لازم تقدمى توضيح للى مفهموكيش؟
ماللى يفهم يفهم واللى مايفهمش يولع بجاز..
بقى كل اللى حواليكى دول ومش مكفيينك يا طماعة؟
يعنى يوم ما تغلبى خالص قيسيهم بالشبر وشوفى كام رأى فهمك وكام رأى مفهمكيش.. جايز تحسى وقتها إنك مدية كفة الميزان الخفيفة وزن أكتر من حقها

بالله يا غادة ما تزعليش من شوية الجهلة دول
انت زعلك كبيييييييييير قوي عندنا
روّقي كده يا دودو

مازالت اتساءل
شو بداك اكثر من هيك؟
يا بنتي دانتي لو حبتي تعملي حملة لمقاطعة التليفزيون المصري نفسه هتقفليه بعد 3 ايام
حقيقي والله انا مخنوق عشانك جدا ومش عرفت انام بعد ما قرايت البوست ونزلت النت تاني
يا بنتي هو انتي عايزة تخلصي حقك مني ولا ايه ؟
عشان قولت ليكي انك بتفرحيني في الغربة يعني
قولتي لاز اقلق منامه
حاضر يا ستي
انا مستعد اعمل اي حاجة عشان مش تتخنقي كده
لو جبتي ليا اسماء الناس دول
هاخلي الجناح العسكري بتاعي يجبهم ليكي متربطين ومضروبين وخالقين شعرهم يطالبوا السماح
وانا مستني اشارة
يا قمر

ayman said...

دكتورة غادة
صباح الخير
طبيعى لازم تلاقى عالم زى دى انتى مش عايشه فى عالم مثالى
المهم اننا كلنا فرحانين بيكى والله وفرحانين بكتبك وكلماتك الجميلة وبنتمنى لك كل الخير حتى لو بطلتى تكتبى سنتذكر غادة - برايد اللى موتتنا من الضحك على نفسنا - عاوز اقولك هنا فى الخليج كلمة مشهورة جدا معناها سيبك منهم ( خلى ولى ) لا تسمحى لهم ان يسرقوا فرحتك ابدا

karma said...

روقي يا غادة

ماعنهم فهموا!

ببساطه يتفلقوا. بجد والله..

انتي حتحرقي دمك عشان كل واحد عنده كلمتين غل على جهل نفسه يعرضهم.
انتي عارفه نفسك
وتأكده انه في كتير شايفينك فاهمينك وحابينك.

اوعي تتغيري عشان حد. انت اولا.

Anonymous said...

I think after all those comments you can't be sad :) When you have thousands supporting you and undertanding where you stand, why would you be upset with tens who cannot understand or see what's behind the crust?

You do not have to explain yourself to us (the visitors of your blog who love and understand you). And for others, if you sense a sincere wish to understand, then explain to this person your point of view. Otherwise, don't even bother!

Rawa2y enty bass :) (kiss on the cheek) :)

أحمد منتصر said...

ربنا يقويكي يا غادة

بس مدام كشفتي عن شخصيتك تتحملي غلاسة البعض عشان نبل قضيتك

ربنا يقويكي كمان مرة :)

Anonymous said...

يا بنتي ده الطبيعي و لازم تتوقعي الهجوم ده...مش عشان موضوع المدونة غريب...ده لانك نجحتي..و ده تمن النجاح..كبري دماغك يا بربر و خلليكي اشجع من كده...طب تصدقي بايه..انا بمووووووووووووووووووووت فيكي:)

Anonymous said...

غادة
كبري دماغك خالص من كل الحركات المحبطة دى
انا معاكى بكل ما اقدر عليه
تحياتى واحتراماتى
ايهاب الشيخ

Osama Sherif said...

ضريبة الشهرة
ربنا يوفقك

Anonymous said...

لا يفوق خفة دمك الا رقة احساسك..والله انتى بنت هايله..ربنا يوفقك ..سيبك من اى رد سلبى او مش فاهم..انتى صح والله انتى صح وانا مؤمن بكل حرف بتكتبيه. رغم انى ولد مش بنت بس فعلا كلامك كله صح..عن البنت اللى كل ما تنجح في مرحله بدل ما يقولولها الف مبروك يقولولها عقبال ما نشرب شرباتك..المشكله يا د غاده ان دى ثقافه المجتمع اتربى عليها عليها لفترة طويله جدا وبالتاكيد مش هاتتغير بين يوم وليله..انا كنت فخور وانا بشوفك فى دريم ان فيه بنت من المحله تقدر تتكلم بالثقافه دى والحماس ده..ولما اتكلمتى عن حلمك ومعهد السينما اللى المدونه ساعدتك تحققيه..انتى غيرنا كلنا يا د غاده.المجتمع كله او معظمه بيعيش في حالة فصام وازدواج شخصيه غريب..الناس كلها بتتمنى فى الزواج السكن والراحه لكن الولد من دول ييجى يقول ازاىدى كانت بتحبنى قبل الجواز يبقى اكيد اخلاقها مش كويسه..دى كانت بتكلمنى على النت تبقى مش عارف ايه..
هنيئا لكى يا د غاده هذا الصدق مع النفس..هذا هو المهم وهذا هو ما يبقى..دعكى من كدابى الزفه وذوى العقول المتحجره التى لا تفهم ولا تعى..كل الامنيات بكل خير لانسانه جميله تعنى لنا ولى شخصيا الكثير
محمد-المنصورة

Dr.khaled said...

غالبا اللي بيحاول يستظرف نفسه-مع احترامي لكل المعلقين-
في الامور دي
بيكون هو فعلاً
اللي بيعيط على نفسه ليل نهار
وهو اللي عنده مشكلة
--------------
ربنا يوفقك

Serendipity said...

You are a great writer: It's normal to find people who look at the thorns first rather than the beauty of the rose itself. For some people it's a hobby :))

It's pretty obvious that they are jealous. Ignore them and pursue your success!

Anonymous said...

ايه الجديد؟؟؟ و ليه تندمي على انك ظهرتي بشخصيتك؟؟؟ فيه اكتر من تدوينة كتبتيها اتكلمتي فيها عن القوالب اللي المجتمع بيحطها و مصر عليها , هو انت كنت متخيلة ان اللي بتسميهم كوادر التليفزيون و الصحفيين كلهم تخلوا عن كل مفهوم غلط في المجتمع؟؟؟:)

القالب المعتاد لبنت بتقول "عايزة أتجوز" (حتى لو كانت دي جملة جوة الناس كلها زي ما بتقولي) هو صورة زينات صدقي , مبهدلة و لاسعة و كبيرة في السن و مش جميلة , عشان كدا زي ما بتقولي كان فيه ناس في توقيع الكتاب بتيجي تشوفك و تقول ماهي كويسة اهي , قالب ناس كتير مهما ادعوا العقل بيظهر في موقف زي الكلام عن كتابك مثلا

كان متوقع ان كل ردود الأفعال تكون مرضية؟؟؟ لأ طبعا و الا ماكانش الكتاب يبقى ناجح

سيبك من كل دا يا غادة , ماهو لو كانت نظرة الناس هي أهم حاجة عندك ماكانتش المدونة دي ظهرت عشان بتقولي انا مش عايزة اتجوز حد مش مقتنعة بيه

الطائر الحزين said...

استاذة غادة
اعتبرى اى تعليقك يجيلك عادى
ونصيحة وسعى قلبك علشان لا تتعبى

منا من يعرف مقصودك ويناقشة من وجهتة العامة ومشكلته المجتمعية
ومنا من يقصرها على صاحب المشكلة

وفقك الله

بسمه عبدالباسط said...

لالالا
ولا تزعلى نفسك
طبيعى لما حد بينجح بيلاقى ناس فرحانة له وبتشجعه وناس تانية بتحبطه
أرجوكى لا لليأس والأحباط وأستمرى

تحياتى لكى

Anonymous said...

ازيك يا غاده ايه يا بنتي
ليه بس كده
ولا يهمك من كلام اي حد احنا معاكي

(( قيثارة الأحلام )) said...

ولا يهمكككككككك احلمى بس انك تبقى اكبر كاتبه فى الدنيا ويمكن للاسف فيه ناس استغلت نجاحك غلط لاغراضهم الخاصه بس انتى ليكى جمهورك وقرائك انتى ناسيه اللى حصل لعبد الحليم حافظ اول ما بدأ يغنى روقىىىىىى وعادى وطبيعى اللى بيحصل بس المهم انك تتصرفى مع المواقف دى بصبر وذكاء ومش تخلى حد يسرق منك فرحتك بالكتاب وصدقينى العيب مش فينا علشان احنا بنحاول نعبر عن نفسنا العيب فى المجتمع اللى بيفهم كلامنا غلط بس المهم اننا فاهمين بعض صح مش كده

Anonymous said...

كنت حبعتلك كلام كتيير زى ما تزعلييش و نادى اعداء النجاح و البوقين المحفوظين دول،
بس لما لقيت حوالى 60 تعليق على البوست الأخير بتاعك، ليقيت كلامى مالوش لازمة و انك لوحدك مفروض تعرفى الناس دى بتحبك اد ايه و اكيد ده ممكن يعوضك شوية
ربنا يقويكى

Unknown said...

السلام عليكم ورحمه الله وبركاته .علي الرغم من انى من معجبيكي الشديدين في الكتابه بس ده اول تعليق ليا علي بوست لاني بحب اقرا بس لكن اما احس بانك مخنوقه يبقي فعلا محتاجه ان حد يتكلم بالامانه .بصي انتى ماشيه كويس وكويس جدا كمان وبجد اصداء المدونه بتاعتك بدات تاخد صدي عند كثير من الناس مش مهم مين مش فاهمك المهم ان فيه كتيييييييييير معاكي فده لازم يديكي امل انك مش لوحدك في ده وان فيه كتير بيحترموا عقليتك جدا واحترامك لذاتك وكمان حاجه طلبك في الحياه انا اسمي الزواج حياه ليه متطالبيش بيه حتي لو من خلال البوست انا مش بقول انك بتطلبيه لكن انتي بتناقشي مشكله فعلا بقت موجوده في مجتمعنا وفعلا فعلا عاوزه حل وحل عملي وسريع .وبجد فيه مقوله حلوه بتقول القافله تسير والكلاب تعوي فمتاخديش في بالك من اي حد ينتقدك او يهاجمك لان ده اساسا لازم يقولك انك ماشيه كويس وكويس جدا كمان وعامله تقدم فهما خايفين من التقدم ده وخايفين من نجاحك وهما دول اعداء النجاح .
تحياتي واسف للاطاله بس كان لازم ارد اما احس ان كاتبتنا الجميله مضايقه وشكرا

مــحـــمـــد

Anonymous said...

مش عارف الكلمتين دول هيفرقوا معاكي واللا هتزعلي منهم

انا اسا على عكس كثيرين ضد حاجات في طريقة السرد - مش السرد نفسه - ويمكن سبت تعليق من سنة على حاجة تانية ومجاوبتيش عليها- كون انك بتدوري على جوازة صح بس مش منفذة -مش مش عارفة انتي عارفة -كيف تكون مثل هذه الامور


لكن البوست ده بالذات المفروض ما يتمسحش عشان اللي مش فاهم وجهة نظرك دي ....لازم يفهمها كويس...وده حقك ان كل الناس يفهموا كده

Anonymous said...

مساء الخير
أنا بصراحة مش متابعة البلوج ده...بس اتعرفت عليه من خلال العاشرة مساءا وبدأت اقرا البوستات من الأول من يومين تلاتة بس من خلال الجروب بتاعك اللي على فيس بوك واللي اتخبطت فيه بالصدفة. وبصراحة شدني جدا ما شاء الله لدرجة اني خلصت قرايته كله في ساعات معدودة.. خلسةكل يوم.
المهم...آخر بوست ده زعلني بجد لأنه خارج عن طبيعتك المتفائلة وعادي يعني لما يبقى فيه ناس بايخة وحقودة وغيرانين من نجاحك ده ويحاولوا يكسروكي بكلام سخيف. ومهما قلتي وعدتي فيه ناس كتير مش هيغيروا نظرتهم اللي اتكونت من خلال المجتمع والبيئة اللي احناعايشين فيها واللي بتبص للبنت اللي بتوصل لأواخر العشرينات بنظرة معينة. ده انا مرة واحد زميلي قالي يا عانس وانا عندي 27 سنة. ربنا يسامحه بقى...عادي الواحد اتعود بس المهم انه ما يتنازلش عن حقه في الإرتباط بالإنسان اللي يتمناه ويتقي ربنا فيه.
ربنا يكرمك ان شاء الله وcheer up :))

رانيا

Anonymous said...

ياااااااااااااااا اخت غادة
يعني انا بقي حسدتك ولا ايه
يعني اشرب كونك سلفيوريك
ولا كونك اتش سي ال
ولا تحبي اخد كلوروفورم واتريح
يعني انا مصدقت
الاقي واحدة بنت مثقفة
وبتتكلم بكل
ثقة ورافضت انها
تبقي زي اي منتج
شافه واحد
في فاترينه
عجبه فراح قال
مااااامي انا عايز من ده
انتي عمله بالضبط زي اللي
بيقول انا عايز
اشرب ميه نضيفة
قامت الناس قايلاله
دا فسق وفجور
دا رجز من عمل الشيطان
اشرب من الموجود
من مية الترع

Anonymous said...

ولا يهمك منهم
انا اول مرة اكتبلك بس انا متابعاكي من زمان من قبل ماتعملي كتاب ولا اي حاجة
وماكانش يفرق معايا اعرف اسمك
ولغاية دلوقتي انا ماعرفش شكلك ولا انتي مين
بس بجد كأنك (أنا) أو واحدة من صحباتي
باسلوبك السهل الجميل ده اللي كلنا بنتكلم بيه وبنفكر بيه فعلا
كلنا اكيد عايزين نتجوز
بس للاسف في اسباب كتير بتخلينا نستنى عالجواز شوية
وبصراحة انا مش مدايقة اني لسه ماتجوزتش
لان بحمد ربنا اني ماعملتش زي صحباتي اللي اتجوزوا عشان يبقو متجوزين وخلاص كده وبعدين بيحصل طلاق وبيبقى في أولاد !!!!
فسيبك من أعداء النجاح دول
انتي عبرتي عن حاجة انتي حاسة بيها وبنات كتير من جيلك حاسين بيها
واحنا مش متخلفين
احنا ماشيين في حياتنا وشغلنا عادي جدا وناجحين الحمدلله وحياتنا مش واقفة على الجواز يعني
واكيد يوم ما هنلاقي (الراجل المناسب) -وحطي تحت راجل دي الف خط - اليوم ده بس هانتجوز ان شاء الله ونحتفل كلنا مع بعض :)

Z_Diva said...

la ya 3'da, u shouldin let some ediots upset u
dol tl2ehm aryeb el3rsan we mt3'azeen ink kashftyhom loooooooooooooool
come on girl. u r way bigger than this
cheer up :D

دنـيـا محيراني(ايناس لطفي said...

بص يا جميل الناس دول يا اما مش فاهمين انتي عايزه تقولي ايه يا اما ناس غيرنا و حقده عليكي مش اكتر من كده يا ستي خلي الاي في نفسه حاجه يقولها هو الكلام بفلوس الاهم الاغلب فهمينك و لا انتي يا غادة بتعبري عن مشكله حقيقه موجوده في مجتمعنا اما الاي عايزي يهميش و يضحك منها يبقي دماغه فاضيه
نفضي يا بنتي و لا يهمك النجاح لازم كده يكون له ضريبه امال لما تبقي كاتبة مصر الاولي هايحصل ايه
تحياتي لكي يا جمل برايد
سلام

Anonymous said...

وبعدين حتي يا ستي
لو واحدة عايزة تتجوز مش
ستنا خديجة
طلبت بكل شياكة
الرسول للجواز
يا زميلتي العزيزة
الناس بتنسي
اننا كلنا طفل يتمني
اي شخص
يحضنه
وبعدين انتي
انسانه استثنائيه
فلازم تتجوزي واحد استثنائي
بكل بساطه
ويا ستي طالما رقصت
علي جثث الاسود كلاب
فما علت علي
اسيادها
تظل الاسود-زيك- كده
اسود والكلاب كلاب

أميرة محمد محمد محمد said...

اللي يتجرأ ويقول الكلام ده يبقي مش فاهم حاجه
انا كتبت عندك قبل كده وقلت انا هكتب عنك مقال وبالفعل كتبته وياريت تقرأيه هو علي موقع الجزيره توك
انت بالنسبه لي بطله لانك عملت حاجه كان نفسنا نعملها انا بعتبرك المتحدثه باسم ملايين بنات الوطن العربي كله اللي مش مجرد عايزين يتجوزوا وخلاص انما هدفهم انهم يجدوا الحب والحنان
الموضوع في موقع
aljazeeratalk.net

Anonymous said...

وعايزة اقولك
ان فيه ناس بتبقي
عايشة علي جرح الناس ناس ملهاش في الاحساس يا ست الكل يا زميلتي العزيزة لا يستطيع احد ان يقول ان هناك شي يعيش من اجله الا اذا كان مستعد للموت في سبيله وانت عايزة تبقي مميزة مش حاجة زي اي حاجة
#####
سيبك انتي احمد منصور زمانه قرا الكتاب ونشوفك بقي علي الجزيرة.ابقي افتكريني ساعتها وادفعلك تلات اربع عمري وتبعتيلي الفلوجة عليه الاهداء
اموواه

DR/adham serage said...

السلام عليكم ياغادة
اولا انت ليكى حق تتخنقى وتكتبى انك مخنوقة لكن الأهم ان الاحساس يؤدى الى ابداع انت فنانه موهوبه والفنان دائما يصهر فى بوتقة الحزن ليذوب ويتحول الى ابداع .ولكن ان مات من اول جولة فهذا شئ مؤسف حقا ان يكون الفنان بهذا الضعف.الضعف الحقيقى ان تتركى الميدان والقوة ان تحولى هذا الاحساس بالألم الى ابداع.
حنانيك قيس واستبقى الندم
تفردت بالحزن العبقرى...وخير مافى الدنيا الالم(ليلى)
انت فى نعمه تحسدى عليها وهو حب كل هؤلاءالاصدقاء .انا بهرت بتفاعلهم معك فى نفس يوم اصدار البوست
يقولون:-لايشعر يالحزن ابدا من كان بجوار قلبه قلب ينبض له بالحب
وانت اصبح عندك الاف من المحبين.
اكتبى عن احزانك عن الامك عن سعادتك عن حيرتك عن رفضك .فالحزن والسعادة يثبتان اننا أحياء. لكن اياكى ان تتركى القلم يسقط من يدك ليحتفل الاغبياء والحاقدون والعرسان ايضا.

DR/adham serage said...

على فكرة لا تتصورى ان اهل الاعلام مش فاهمين انت قصدك ايه لكنهم يحاولون استثمار نجاحك لمصلحتهم الشخصيه واستغلالك لطرح قضايا براقه تلفت لهم الانظار وبريق الشهرة والمال بالطبع لأن مسألة انك عاوزه تتجوزى صح بالنسبه للاعلام شئ غير مثير وقضيه عاديه ومطلب عادل.لكن قضية العنوسه وما يتبعها من مسائل اقتصاديه وقضايا كثيرة سياسيه الخ الخ موضوع براق لافت للانظار وبه الكثير ليقال ويملأ الجرائد لسنين ويعمل الف برنامج تلفزيونى يتملى اعلانات وفلوس .
عذرا هذه لعبة قذرة وانت تم اقحامك فيها رغم انفك ولكن لك ان تدافعى عن نفسك فى مكانك فهو الان مقروء وصوتك واصل لاجهاد هذه المحاولات للنيل من قضيتك وتشويها الى قضايا اخرى عقيمه

nouna said...

غادة
تحياتى
من غير المعقول او المقبول ان تصدمى ويكون رد فعلك كدة..مش ممكن متكونيش عارفة ان اعداء النجاح كتير خصوصا ان الناشر هو من سعى اليك ولست انت..هناك ايضا من السطحيين من المتلقين واللى طبيعى مش حيفهموا قصدك اية لا من المدونة ولاحتى اخذوا بالهم من كلامك لمنى فى البرنامج وقد قلتها عدة مرات
مهما كتبت ومهما تكن كلماتى فقد تكون مكررة لكل ما سبق وكتب ولكن..."اسمع هنا وفوقى" فكرى بهدؤ وروية وستوضح الصورة...دع الكلاب تعوى

Anonymous said...

No need to delete this post. All you need to do is to delete those people who hurt you from your memory.

Anonymous said...

Ghada, you've met them and will meet them..as all of us will do!

don't mind such people..just keep who you are!!

Enjoy your victory moments..for you deserve it masha Allah :)

Anonymous said...

انا معاكى انك ليكى حق تضايقى وتتخنقى بس كمان يا برايد من كتابتك واضح انك فاهمه كويس طبيعه المجتمع الى احنا عايشين فيه
دى ناس بتبص هلى كل حاجه بنظره سطحيه واكيد انهم لو كانوا فهموا الى انتى كتباه مكنوش عمروهم هيقولوا كده فعشان خاطر كل الناس الى بتحبك ماتخليش حد يبوز عليكى فرحتك وفرحتنا كلنا بيكى

عبدالله said...

اوعي تتخنقي من حاجات صغيره في طريقك ان ده معناه انك ماشيه في الطريق الصح ومش تنسي مفيش حد يقدر يرضي كل الناس في اي حاجه كفايه جدا الناس الكتيره الي شجعتك و اتبسطت من طريقة كتابتك و كفايه ان طبعة الكتاب الاولي خلصت في ناس كتير بتحتب كلامك وبنات كتير معترضين علي المجتمع زيك بيشجعوكي
وفي النهايه الجرأه في انك ظهرتي مش في موضوع عاوزه اجوز في موضوع انك كتبتي حاجات شخصيه كتيره عنك وطبيعي الي بيكتب عن نفسه بدون ما يظهر شخصيته يبقي صعب يظهر
والخنقه دي تلاقيها عين الحسود بس ولا حاجه الناس حسدوكي علي الكتاب
الاشاده الجامده بيه من من كل حته \

:)))))

بحبك يامصر said...

غاده او برايد
لو انتى كنتى مفكره ان كل الى هيقرالك هيفهمك صح يبقى انتى كنتى بتفكرى غلط لان مش كل العقول زى بعضها فى تفاوت فى التفكير طبعا وعشان كده بقولك روقى يا دكتوره وعيشى فرحة النجاح .ولا هتسبينا احنا نفرحلك وانتى متعشيش افرحه معانا؟

مهندس مصري بيحب مصر said...

طيب يا ستي في يوم واحد 75 تعليق أهوه و لسه
عايزة ايه تاني
انتي زعلك غالي علينا يا غادة
دا الواحد بيحس انك زي أخته
و بيفرح لفرحك و يزعل لزعلك
ناس حقيرة مش فاهمة أو فاهمة و مغرضة قالوا لك كلمتين يحرقوا الدم
يا تحرقي دمهم يا تطنشيهم
استهدي بالله كده و اقري قرآن و فكري في حب الناس الكبير ليكي و إعجابهم بيكي

أنا شايفك فتاة مثقفة قوية واثقة من نفسها ساخرة من أحلك الظروف
انتي أقوى من كده بكتير يا غادة
أوعي تتهزي و لا تزعلي و لا تتخنقي

انتي دلوقتي رمز و قدوة لبنات كتير

ثم ما أنا عايز أتجوز
بس العين بصيرة و الإيد قصيرة
يا فرحتي مهندس و بيبني شقق و معاهوش يجيب شقة ولا يتجوز
:)

عادي كلام أعداء النجاح ضروري علشان تحسي بنجاحك

افرحي كده و زقططي و ابتهجي بنجاحك و افتكري اللي جولك من آخر الدنيا في معرض الكتاب

عايزك تكتبي البوست الجاي و تسميه
الحمد لله أنا فرحانة

ثم فين حكاية التاسع و العاشر

أنا ما قريتش الكتاب مش حتكملي البلوج و لا ايه ؟

Anonymous said...

بجد يا غاده مدونتك افضل مدونه انا زورتها وانا متابعها بشكل دائم

وبطلب منك انك متتلفتيش لاى حد بيقول كلام يضايق لان دول اعداء النجاح

ومستنين توبيك جديد جامد زى ما عودتينا وسيبك من الحزن لاننا اخدتا اننا بتدخل المدونه علشان نضحك ونقرا كلام يعجبنا لكن الحزن ده مش مكانه هنا ولا وقته دلوقتى بعد نجاح كتابك نجاح رائع

مع تحياتى سعيد العزب

Anonymous said...

مش عارف اقولك ايه وجبنة ايه من عندنا وقديمة اوى حكاية تكسير المقاديف دى واللى عاوز عيش يقف فى الطابور ويتحمل رزالته واللى هيرفض يقف فى الطابور ويقول مش عاوز عيش يبقى مش هياكل وهيخس ومش هيكبر وهيفضل طول عمره طفل
وانتى حطيتى البذرة لاكبر شجرة فى بستان الكتابة العربية والمدونة كانت وسيلة مجرد وسيلة للتعبير وفكرة المدونة كانت ساحة لاخراج الموهبة
لكن المدونة مش هية الوسيلة الوحيدة للتعبير عن واقع شبابى عايشينه فى شكل طلبات واحوال العرسان والعرائس
واللى هياخد فكرة المدونة على انها كانت اداة اعلان عن طلب عريس يبقى لا يستحق ان يكون من قرائك لان ماوراء السطور اكبر مما تحتويه من كلمات ماوراء السطور هو كاتبة مثقفة تكتب بلغة العصر التى يفهمها الشباب بشكل مثير بلا ملل ولا ثقل الكتب التى ربما لا يدرك الكثير من شباب اليوم كيف يقرءوها لضعف لغتهم العربية
انا عن نفسى قريت اللى كتبتيه لكن بعد الاعلان ونشر الكتاب رغم انى لم اشتريه ولكنى تعرفت عليه من احد المنتديات فقد جمعت احدى الفتيات ممن احبوكى ماكتبتى فى المدونة ونشرته حتى يقرؤه الاخرين وقد اعجبنى كثيرا ما تعبرين عنه من واقع قد لا يتصوره الاخرون
ولكنك اثبتى انك صادقة فوصل الاحساس الى القلوب
وفى النهاية أتمنى ان اجد فى اى فتاه بعضا مما عندك من دماثة الخلق والثقافة والجمال ( لان البعض قد ظن انك تبحثين عن عريس لانك مش جميلة)
لكنك اجمل بكثير مما يعتقدون
فى النهاية لا تخلطى بين برايد الكاتبة التى ولدت يوم ان تم نشر اول كتاب لها وبين غادة عبد العال بحياتها الاجتماعية
فنحن قراءك اشد احتياجا لبرايد الكاتبة من احتياجنا لغادة وحياتها الاجتماعية وخصوصياتها
وانت احق بان تختارى من سيشاركك انفاسك فى الحجرة الواحدة
فان لم تجديه فلا تتزوجى ولا تلقى بنفسك
الى التهلكة
ويتغير اسم البلوج بتاعك من عايزة اتجوز
الى عايزة اتطلق

مع تحياتى
صبرى رخا

almasry said...

ازيك آنسه غاده
انا اسمى عبدالله عادل من بلد جنب بلدكم ايوه صحيح انا معرفش بلدكم لكن اعتبرينى اخوكى طبعا مش فاهمه حاجه عارف وكمان عازرك
بقولك ايه انا شوفت البرنامج (القصه ومافيها)للإعلاميه اللى اتمنى أكون فى مستواها "رولا خرسا" وانا بأيدك فى وجهة نظرك ليه الولد مش بيفولوا عليه عانس؟ سؤال لازم ندور ليه على جواب واتمنى تزورينى على المدونه بتاعتى
www.sahafy.blogspot.com

Lobna Ahmed Nour said...

ده شيء متوقع جدا انك تلاقي ناس تفهمك غلط .. لكن مش لازم تسمحيلهم ينتصروا عليكي .. خلليكي واثقة في نفسك وفي موهيتك اللي اسعدتنا كلنا ولامست معاني كتير داخل كل بنت باسلوب رائع وظريف
كلنا معاكي وربنا معاكي

ابتسمي

mona said...

عزيزتي غادة

أنت بتطلبي المستحيل

عايزة الناس كلها تفهمك صح؟؟

احمدي ربك لو فهموكي اتنين تلاتة

وانت الحمد لله فهموكي كثير جدا

أما أضحكك
أنا مرة كنت باخد دبلومة بعد البكالوريوس
وكان عددنا كبير رجالة وآنسات وستات
وإذ بدكتور من الدكاتير يقول في وشنا كل البنات جايين الدبلومة دي علشان يجوزوا
تخيلي؟؟
ما تزعليش!

WiLdBiRd said...

هاقولك الكلمة اللى قولتيها
فى العاشرة مساء
المفروض يبقى اسم المدونة
عايزة اتجوز صح
لا عيب ولا حرام ولاغلط

ومتوقع زى الناس اللى اتقدمولك كده
تلاقى ناس مخها ضيق

بسيطة على قد كده

انا قولت طنط حشرية ولا حد من ابطال القصة رفع عليكى قضية ولا حاجة

وبلاش خنقة يادكتورة برايد
احسن انتى حرة احنا جنب المحلة ومكن نيجى نعملك مظاهرة تشجيع

عاشــــــ النقاب ـقــــة"نونو" said...

اول زيارة للمدونة ومش الاخيرة ان شاء الله واتمنى التواصل
انا مش فاهمة حاجة
بس اللي فهمته ان فيه ناس مفكراكي بتبحثي على عريس او ما شابه وبتعتبرك بتتجرأي
يعني فاهمة غلط حطي وجهة نظرك وانسي اي تعليقات مش هيجي من وراها فايدة
دمتي بخير

dr_nour said...

ازيك يا غاده

انا اول مره اكتب علي فكره في مدونتك

انا لسه عارفه قريب عن المنتدي من عمود الاستاذ العبقري احمد بهجت (صندوق الدنيا) قولت ادخل اشوف من البرايد دي

بس بجد المدونه تحفه واسلوبك تحفه جداااااا

والموضوع مش مجرد مواقف مضحكه وخلاص بالعكس اكبر من كده بكتير

وبعدين يا بنتي احنا في مصر لازم تلاقي ناس بتهاجمك وناس مش عاجبها وناس تقول دي عانس وعاوزه تتجوز

بس مفروض انك ولا يهمك من كل الكلام ده

دول اعداء النجاح يا بربر (بدلعك اهوه) انشالله محد حوش

المهم انتي سيبك من الخنقه دي انتي هتبقي كاتبه مشهوره يا قمر

وربنا يوفقك يارب

Anonymous said...

هاى يا برايد انا بنت فى نفس سنك وعايزه اقولك ان اللى كتلبتيه بيمثل حال بنات كتير وانتى عارفه وكلهم بيتعرضوا لنفس الضغوط والسخافات
لسه من كام يوم حد تبرع يقولى مش عشان اتاخرتى فى الجواز تزعلى كده رغم انى كنت بحكى عن انى مضايقة لانى عندى مشاكل فى شغلى
ونصايح انى لازم اعيش حياتى وانبسط مع انى فعلا بعمل كده بس اى شوية زعل يبانو عليكى يبقا السبب (اتاخرتى
كلمه سخيفه لكن بتستحملى
يمكن انتى اخدتى جرعه مركزه اليومين دول
ربنا يكون فى عونك وعوننا كلنا
انا عامله دعايه هايله لكتابك بين اصحابى قصدى صحباتشى البنات
مش عايزه نسبه يا ستى

مزجانجى said...

انت المفروض تتوقعى ردود افعال من النوع دة
مش كل الناس بتفهم ولا انتى هتقدرى ترضى كل الناس يعنى من الاخر ريحى دماغك وسيبك من الناس

يمكن انا اول مرة ابعت كومنت لحد بس لاوزم انت تكمللى

لو كنت حاسة انك عملتى حاجة غلط انا بقوللك لا

انتى صح

وبعدين الياس دة يجيلك منين هو كلام الناس دة يجى زى امتحانات الدكتور شمس ولا امتحانات دكتورة سوزى

سيبك كدة

كبرى دماغك

وشوشات said...

عادي يا غادة.. لما الواحدة اللي لسه ما اتجوزتش جت تتكلم عن الجواز، صعب حد يفهمها صح.. هي الناس كده دلوقتي.. بس برضه و لا يهمك.

Anonymous said...

بصي يا غادة أنا مخنوقلك بصراحة..
يعني لما ادخل الاقي 86 كومينت ومعرفش اعلق كدة..

أوف بقى..بصي، ابدأي مدونة جديدة..واختميها بكتاب تاني..وتقفليها وتبتدي كمان واحدة وهكذا دواليك..

Anonymous said...

bosy ya gameel..bgad bgad enty nawarty 7ayatna b tare2tek el zareefa fel ta3beer 3an nafsek w 3anny w 3an banat keteeer..kefaya ennek ro7ek 7elwa mesh mekalka3a zay ely bey2oololek comments bay7'a.. 3ashan e7na fe mogtama3 kol 7aga feah beteta7'ed habal w hezar sa7'eef..even law 7aga 7assasa zay deah..w ely may7sesh b mashakl ely odamo mayestahlsh yeb2a ensan zay ma 3abd el WAHAB motawe3 2al...keep up ur success w nawary 7ayatna kaman...

Mona Shereif said...

مش هقول غير بسم الله ماشاء الله وربنا يبارك فيكى ويحبب كل الناس فيكى
انا مبحسدكيش والله بس ماشاء الله الموضوع لسه النهارده وكتييييييييييييييير ردوا عليه
يبقى تتخنقى ليه
فيه ناس بتحبك وتتمنالك الخير
كبرى وانسى
انتى عسوله خليكى دايما كده
وعلشان خاطرى لما تقرى ردى تضحكى
ها
اضحكى بقولك
وروقى كده

هاااااااااااااااااااا ضحكتى ولا لسه

بجد مبسوطه انى عرفت مدونتك من زماااااااااااااااااااان اوى
وكنت بقراها ومتبعاها وببعتها لاصحابى من غير ماعرف اعمل مدونه بس اخيرا عملت واحده
ورديت عليكى
ده انجاز يا بنتى بالنسبه ليا

ههههههههههههههههههههههه
انا قلت الكلام ده ليه

المهم كبر يا قمر وعيش حايتك بالطول والعرض ولا يهمك

ali said...

ازيك يا برايد
ايه يا بنتى احنا هنزعل ونتخنق من اولها
كل اللى حصل واللى لسه هيحصل طبيعى جدا
وكويس فعلا ان هى جت على قد ايميلن تلاتة زى ما اخ قال
امال انتى متوقعة هتعملى كتاب وتروحى لقات وخلاص كده هيه
لا طبعا انا فاكر انى مرة قلتك اللى جاى على قد ما حلو على قد ما هو مر علقم
فمتزعليش نفسك وما تحطيش فى دماغك
اقولك على تجربة واحد جميل هو الاستاذ عمرو خالد
شوفى على قد ما هو مشهور ومعروف انما كل شوية واحد يقول عليه حاجه
هو بقى بيبقى موقفه ايه
اولا
عدم الرد تماما
ثانيا
الاستمرار فى طريق الرساله وعدم الالتفات
ثالثا
العمل على تصليح الاخطاء ان وجدت
ده مجرد مثال باقولك عليه
وانا نفسى باعمل كده
تحياتى ليكى
على حب

مزجانجى said...

مش مصدق انك تاخدى كلام الناس على محمل الجد انتى عارفة ان اللى يمشى ورا الناس
مش هيخلص ونانك مش هترضى كل الناس وبالتالى ريحى دماغك ومتبقيش حساسة زيادة عن اللزوم

وحتى بعد ماتتجوزى بإذن الله عايزينك تكلملى المدونة ومتغيريش اسمها

DiLLi O MiLLi said...

ســـلامات يا أختي العزيزة
وما تشوفيش شــر

هذي ضريبة الشهرة

:)



موفقة أنشاء الله

Kuwaiti Blogger
DiLLi

Anonymous said...

الاول ازيك عامله ايه الطبيعي ان الناس لازم تعلق علي كل حاجه ده مش جديد دول يموتوا لو ماعملوش كده ماتزعليش كلنا معاكي وكل البنات فاهماكي وبعدان فين سخريتك علي كل حاجه متخليش حد يزعلك وربنا يكرمك باحسن واحد ان شاء الله

محمد عـنـانـى said...

علطول الطريق النجاح ليه اعداء بس علطول ضعفاء وحيلتهم غير مذكورة
سيبك من كل الى الناس علشان مفيش حد خلقو ربنا صح للنهايه ولا حد غلط للنهايه
والى يكتب كلام ممكن يجرحك دورى فى كلامو هترتاحى اصلو بيكتب من غير ما يفهم
سيبك وكبرى دماغك
والف الف مبروك على كتابك

L.G. said...

عزيزتي غادة
ربنا قال وإذا خاطبهم الجاهلون قالوا سلاما
احتسبي عند الله كل من يسئ اليك
وأنا مع الرأي ان اللي بيضايقك بيكون من غيرته انك نجحت وهو لأ

وفقك الله لزوج صالح أهم من كل مايدور حولك صدقيني

Anonymous said...

السلام عليكم

رغم انى بتبعك من فتره طويله الا انى اول مرة اكتبلك
انت بجد خليتى كتير يبصو على عيبهم فى التفكير لكن من الواضح ان فى قله مش فاهمه الموضوع وبتبصله بسطحيه

يااااا عالم لمشكله مش فى الجواز المشكله من هو الصالح للجواز
سواء الولد ابو البنت دى اللى حدش فاهمها

معلش انت اقوى من كده
وعلى راى ياسر عرفلت
(( ياجبل ميهزك ريح ))


الى لقاء

Anonymous said...

أيوا كدة
برافو يا دودو...ولا أقولك يا بربر؟
that's my girl
رانيا

Ramos said...

ايوه مده هى ديه الروح اللى كنت عايزها منك

اول مرة استفزيتينى خليتنى رديت لأول مرة
انهردة عملت حساب جديد
الله اعلم ممكن بكرة اقولك تعالى البلوج بتاعتى
:D

Anonymous said...

انا سعيد جدا انى كنت اخر واحد بعتلك تعليق
وبعده مباشرتا انتى نزلتى التحديث
يعن تقدرى تقولى ان التحديث نزل بعد كلمتى مباشرتا
وده مخلينى سعيد سعاده الهداف
ايوة الكل بيشترك فى احراز الهدف لكن بيقال هدف فلان
هههههههه
معلش نكته بايخه
وده مخلينى اول واحد بقول مبروك رجوعك لينا
وفعلا (( يا جبل ميهزك ريح ))

الى لقاء

Anonymous said...

ازيك غاده
أولا أنا من الجزائر و متابع المدونة من زمان بس أول مرة يستفزني بوست و يخليني أطلع من حالة الكسل و أكتب رد و بما انو أول رد ليا

أحب أشكرك و اهنيكى على المدونه الهايله واسلوبك الاكثر من رائع و يا رب ديما مزيد من التقدم و النجاح

و الف ألف مبروك على صدور كتاب "عايزة أتجوز " و النجاح الكبير اللي حصل معاه

بس الصراحة انا لما أريت البوست ده
بجد بجد أنا كمان اتخنات

بصي يا غادة أنا من المتابعين و القراء الدائمين . . . فأنا من خلال متابعتي للمدونة إكتشفت برايد الفتاة القوية اللي دمها خفيف و بتعبر على نفسها بطريقة مسلية و تحكى فى قضايا قمة فى الجدية بأسلوب قمة فى التهكم والسخرية

و لما شفتك في التليفزيون إكتشفت غادة عبد العال الفتاة المصرية الجميلة المثقفة و شخصيتها قوية و عندها فكرة و رسالة عايزة توصلها للمجتمع

بس لما اريت البوست ده اكتشفت جانب أخر من غادة و هو رقة الإحساس و سهولة التأثر بالآراء السلبية

فبلاش كده يا غادة و فرفشي و متخليش شوية آراء سلبية تفسد عليكي فرحة النجاح و التميز

و أنا أكيد انو طول ما إنتي مخنوقة و زعلانة فكل القراء مخنوقين و زعلانين

فتوكلي على الله و ربنا يوفقك و يا رب مزيد من التفوق و النجاح

**الجزائري **

رجل من غمار الموالى said...

السلام عليكم ..يا أخت غادة
........................
ألف مبروك ..ربنا يصلح حالك يارب ويوفقك ..
....................
بخصوص الفيلم الجديد ..والسيناريو اللى بتشتغلى عليه زى ما قولتى فى العاشرة مساءاً ..ربنا يوفقك ..
.....................
عاوزينه قصة تتحث عن واقع الحياة والشباب والناس ...تحاول تعرض امشاكل بعمق من غير زواق ولا تخفيف
...........
احنا مجتمعات لا نملك رفاهية الفن للتسلية ..لازم يكون الفن لخدمة قضايا المجتمع الأساسية.. الفساد والبطالة وقلة الدخول والأجور والمرتبات ..والهجرة ..وكده يعنى ..
.........
خليكى عميقة يا ست الكل ...وماتكونيش سطحية ذى الأفلام التافهه اللى ساعات بنشوفها
...............
ربنا يوفقك
وألف مبروك

شريف طلال said...

انا متعاطف مع قضيتك جداً
و مشكلتك و الازمه الى أنتى عايشه فيها
ههههههههههههههه
لا بهزر
انا اول مره اخش مدونتك و فهمت قصدك
و مش محتاجه فكاكه يعنى
هههههههههه
شكراً يا ست الكل و عجبنى جداً مدونتك
تحياتى

Anonymous said...

ازيك يا غادة

Anonymous said...

مهندس معماري اسكندراني

ازيك يا غادة
انا زعلان جدا منك وعلى فكرة انا كنت فاكر ان عقلك اكبر من كده بكتيييييييييييييييييييييييييييير
بس للأسف لتضح لي ان معظم الجنس الناعم مهما كان تفكيرهم كويس الا انهم بيشتركوا في ان عقلهم صغير جدا ومحدود

وانا زعلان ومضايق انك طلعتي بالشكل ده يعني ايه تقفلي البلوج

يعني انتي عايزة تفهمينا انه عشان 3 او 4 او ان شالله 100 رسالة تافهة جاتلك . . . يبقى خلاص اقفل البلوج
وطظ ف الناس التانية اللي متبعاكي وبتقرالك من زمان او من قريب وفاهمينك كويس جدا وبيشجعوكي
بصراحة انا اتصدمت فيكي لما بتقولي انا خلاص اتخنقت وحاقفل البلوج ده

Anonymous said...

انتِ بتتطلعى جبل مجدك .. واللي بيطلع جبل أى جبل بيدوس وهو طالع على حصى وطوب وشوك وبتألمه أوى .. والحصى والطوب المؤلم دة هيفضلوا حصى وطوب وهو هيفضل يطلع الجبل لغاية ما يوصل لمجده إلا لو قعد وقرر انه مش يكمل عشان يتفادى ألم الحصى والطوب والصخور اللي فى طريقه ...

وبعدين دى ضريبة التعامل مع "بعض" البشر لكن مش لازم الضريبة دى تنسيكى ابدااااااااااا الاستمتاع بنصرك ونجاحك والنجاحات اللي مستنياكى بعد كدة ان شاء الله .. دة انتِ لو شفتى الفرحة فى عيون كل مدون ومدونة شافوكم فى حلقة العاشرة مساء مش هاتفكرى ابدا ولا تزعلى من شوية كلام من بعض البشر لايودى ولايجيب

ساعد نسرين الايمن said...

مبروك انك انتصرت علي نفسك
ويابختك بكل الناس اللي بتحبك ديه
لسه معرفتش هاستلم الكتاب ازاي ؟

nigro said...

أيوا كده يا جميل
روووووووق
أحنا معاك
اللي بعده

Anonymous said...

3aliah ya ghadghoud ma yehezek ta3likat

(original is: 3aly ya gabel ma yehezek ree7)


Love

Ahmed

أم أحمد said...

قطع لسان اللي يزعلك بكلمة

Lets.Live said...

هموت من الضحك وربنا

معلشي بجد

بس وربنا أنتم كلكم بتضحكوني

عايزة أقولكم حاجة بس

الجواز ده عامل زي ملك الموت

ربنا بيبقي كاتب امتي وازاي وليه

الجواز مكتوب عند ربنا

وربنا كريم وبيدي

واللي مش اتجوزوا في الدنيا . . هيتجوزوا في الآخرة

أولا عايزة أحييكي ع أسلوبك الرائع

أنا دخلت هنا باي لاك وشيفاكي عمالة تتكلمي عن كتاب وحلقات ومستغربة مش فاهمة حاجة

بس الحمد لله فهمت خلاص و إن شاء الله هكون من متابعينك

ع قدر ما أنتِ قولتي إنك مش زعلانة ولا متضايقة ولا ولا ولا

أيوة اصبري وبكرة ربنا يكرمكوا

وفيه كتير ناس كويسة ومحترمة وملتزمة وووو

وغن شاء الله هييجي اليوم اللي تلاقي كل المواصفات اللي انتِ عايزاها في إنسان ما

بس مش كل الناس وحشة

ريللي فيه عنوسة جامدة جدا في ايجيبت

بسبب زيادة المواليد البنات عن الأولاد أو ان الشاب مقضيها ليل نهار ع القهوة وعامللي سبايكي وبنطلونه نازل ولا البنات اللي لبسها بقي مش يتوصف ( برضه حاجات طالعة ونازلة ) ولا الأخلاق اللي في النازل

والبنات عايزة شقة واسعة وواد بعيون خضر

والواد أكيد هيقول مش هتجوز بنت مش محترمة ولا بتمشي مع كذا ولا كذا ولا كذا

الحكاية حكاية أخلاق

بس بجد اللي يتقي الله في كل حاجة ربنا بيوفقه وبيهديه للصح

وما علينا إننا ندعي لربنا يكرمنا بابن الحلال اللي يخاف علينا ويصوننا ويتقي الله فينا

وربنا كريم وبيكرم

في حلقة للشيخ محمود المصري اسمها ( لقاء مع زوجين ) بجد بجد بجد روعة

الجواز الحاجة الجميلة اللي ربنا بيهادينا بيها

فلازم نصبر ونختار صح علشان مش نندم في يوم إننا اتجوزنا

امال مشاكل الطلاق بتييجي منين

واللي يطهق بجد إن كتير من الأمهات لما ييجي أول عريس لبنتها تقول مفيش جواز ولو الراجل مش متدين تقول عليه متدين ولو الراجل مش كويس تقول عليه كويس

وتحسس بنتها انك خلاص . . قهري عليكي لازم تتجوزي أحسن ما القطر يفوتك

والبنت ترجعلها بعد كام شهر بشنطة هدومها

واللي يصدمهم أكتر يكون واحد معاه فلوس ومتريش وفي الاخر يطلع بخيل

والبت تروح تشكي لأمها . . مش بيصرف ياماما عليا

احنا اللي بنوقع نفسنا في كل حاجة غلط

بايدينا نختار حياة صح وطبعا بإذن ربنا

وربنا ادالنا عقل

وبايدينا نختار حياة أشبه بجحيم

والحمد لله ع كل شئ

أختك في الله : جنة Beautiful Soul

mesh2dra said...

السلام عليكم

بصي يا غادة
لو اتفهم انك بتكتبي وعاملة البلوج ده عشان تتجوزي كان زمانك اتجوزتي وقفلتيه وسبتينا

كل واحد يفهم بالطريقة اللي عاوزها
المهم انا عاوزة ايه وبتكلم ف ايه وقصدي ايه
والمهم الاغلبية فاهمانى ولا لأ

طبيعي تلاقي في اى مكان عالم المفروض يقام عليهم الحد في ميدان عام
ولا تضايقي وتزعلي نفسك

يارب دايما نجاح :)

سلاماتي

Pink Unicorn said...

ايه ده؟ فيه ايه
اغيب يومين اتنين ارجع الاقى ضرب نار ؟ الحرب قامت وللا ايه

طبعاً مفيش كلام اقوله بعد كل اللى الناس قالوه فى التعليقات بس اهو اديكى عرفتى اد ايه فيه ناس فاهماكى صح يبقى لو فيه كام واحد فهم غلط فالقيامة ما قامتش يعنى
وللا انتى كنتى فاكرة اننا فى الجنة؟ يا بنتى مكنش ده بقى حالنا

Anonymous said...

ايه ده
ايه ده
انا اتخضيت كل دي بشر
شوية وية والاقي احمد منصور بيعلق
علي البوست ولا هيكل
انا عارفة ان
ممكن يكون اللي بنعمله ده ضغط عليكي بس يعني لو كل واحدة عاوزة تتجوز هتعمل مدونة يا لهههههوي دا كانت البلد عصروها نزلت مدونات ...يا ستي ناس فاكرة الراجل محور الكون مدونة ايه اللي هعملها عشان اتجوز يعني هنتجوز من علي النت عشان اخلف لاب توب ليه هوانا عجبه ولا حاجة انا عندي 46 كروموسوم عادي يعني هههههه بايخة صح؟؟يا زميلتي دي ناس عندها 98 كروموسوم اعتبريهم يا ستي اي كولاي ولا استربتوا كوكس حد يزعل من استربتوا كوكس..ليذهبوا الي الجحيم كباكيدج...

Anonymous said...

نسيت اكتبلك اسمي بس انت اكيد عرفتيني من عم احمد منصور ايه يا شيخة انتي شكلك برج الاسد
هههه-اذا رايت نيوب الليث بارزة-
طب ياشيخة دا زكريا جاد ذات نفسه ومعاه حمدي السيد وفوقهم حاتم الجبلي هيتجننوا عليكي ..اقلييلي مين اللي مزعلك وانا اديله انجيكشن فلاكسيديل واخليه عامل زي الضفدعة اللي واخده استريكنين

حسن العزازي said...

لازم يبق في شوية شطة عشان نحس بطعم النجاح وليه تقفلي البلوج ,البلوج ده مش لازم يتقفل لان كلنا عايزين نتجوز و ان شاء الله لما تتجوزي ما تقفليهوش لانه بيعبر عننا
و مبروك علي النجاح و ربنا يوفقك

Anonymous said...

في معرض الإسكندريه الكتاب موجود و لكن مغلفينه بسوليفان عشان محدش يبص فيه و يشتريه على طول

تائهة فى أرض الأحلام said...

كل انسان عمل حاجة جديدة بيواجه الى انتى بتواجيه ده
متخافيش دول بس العوازل

حمامة said...

ايه يابنتى

انتى مش عارفه ولا ايه ان دول اعداء النجاح كتير اوى من الناس تسيب الحاجة الحلوة وتدور على اى معنى وحش ليها علشان تسوء صورتها يابنتى انتى اقوى من كده سيبى اللى فهمه بطىء وان شالله عنه ما فهم حتى
ربنا معاكى يارب ويوفقك :)

المـــفـــــــقــــــــوعـــــة مــرارتـهــا said...

ولا يهمك من كلامهم
انتي مش لواحدك كلنا معاكي
وبعدين عاوزاكي تزوريني وتتأكدي من حاجة
الجواز ده عشرة عمر ولو مافيش حد عدل تتجوزيه يبقي قلته أحسن ياريتني ماتجوزت كان ماله بيت ابويا

barbie girl said...

معلش يا غادة أصل فى ناس كدا نكدية وحقودة وجوها حاجات كتير مش كويسة وانتى بنوتة زى العسل ..كبرى دماغك..وكملى..الكلاب تعوى والقافلة تسير

mowaten said...

هى دى غاده اللى احنا نعرفها

ايوه كده عايزينك بتضحكى ومبسوطه على طول ومفيش اى حاجه تضايقك

لانك دايما بترسمى البسمه على وجوهنا وعايزينك على طول مبسوطه

بالتوفيق ان شاء الله

Anonymous said...


والله العظيم وانا كمان عايز اتجوز انا ولد مش بنت ونفس المشكلة الى عندك حضرتك
اننا حاليا فى زمن الجباية وليس زمن الهداية زمن انا بحبك بكام والرجل يتوزن بالفلوس مش بالعقل ولا وبالاخلاق ولا بالعلم
نفرض ان واحد راح يتجوز وحدة وراح يتقدم لها وحافظ القران الكريم كاملا هل يرضوا بيه اكيد لا
بس لو راح لهم واحد فيه كل عيوب الدنيا بس معاه فلوس فلوسه تحل كل مشكلة
لان ده زمن الجباية وليس زمن الهداية انا فاهم كويس انك بتحولى تقيمى الاشخاص دول من منظار غير منظار ومنطق العصر ده وهنا هى نقطة العذاب الحقيقية انك تعيشى وسط الناس وانت وحيدة وفى بلدك وانت غريبة
اكيد اكيد لما تثبتى على رأيك تلاقى الى انت عايزه وانا كمان الاقى الى انا عايزه بس بلاش يأس
قوة الشعب المصرى انه بيقدر يسخر من الالم ودى قوة فى الشخصية المصرية

ذو العقل بعقله يشقى في النعيم ..وأخو الجهالة بالشقاوة ينعم
وربنا معاك

Anonymous said...

مصرى متغرب

عزيزتى برايد

طبعا انا قريت البوست متأخر بعد التعليقات ماشاء الله وصلت 122 تعليق وطبعا كل الاصدقاء الى علقوا خلصو كل الكلام واعتقد ان كثر التعليقات ده يؤكد لك ان انتى صح وحواليكى ناس كثير فاهمينك وعارفينك وبيحبوكى وطبعا لو سيبتى البوست هاتلاقى التعليقات اكثر من كده بكثر

برايد استمرى وما تحرميناش من احد مصادر البسمة فى غربتنا وبعدنا عن حبيبتنا مصر وعن الناس الى بنحبهم

برايد والله بنحبك وفاهمبنك فاهمبن ان انتى مش عاوزه تتجوزى وخلاص انما زى ما قولتى لمنى الشاذلى انتى عاوزه تتجوزى صح

استمرى وسلام بقى علشان الدوام خلص

مصرى متغرب

Anonymous said...

أنا مبسوطة أوي يا غادة انك بقيتي مبسوطة الحمد لله
...............
بس كنت عايزة أقوللك ان الناس اللي بيحبوكي كتيير...........وعلى فكرة حبناكي أكتر لما شوفناكي في التليفزيون............
ربنا يكرمك ويوفقك
وتكتبلنا أكتر وأكتر وفي مواضيع متنوعة ان شاء الله

مهندس مصري بيحب مصر said...

لولولولولولولولولولوليييييييييي
زغروطة يا جدعان
عادت لكم برايد مبسوطة

أحمدك يارب

طيب ادخلي للماضة و شوفي حكايتها ايه لأنها امبارح برضه منزلة بوست حزايني زيك كده لما حسستني ان فيه عدوى كأبة على البلوجر

Overwhelming
يعني غامر او ساحق في القاموس
و بلاش الإنجليزي احنا مش كلنا دكاترة و الواحد بعد الكلية ما بيستعملش الإنجليزي كتير

ثم برضه مش حتزوغي
فين التاسع و العاشر
نزليهم بسرعة علشان تبتدي في الجديد
و ربنا يسعدك دايماً يارب

مها said...
This comment has been removed by the author.
مها said...

غادة
كتابك بيقاوم سلبيات كتير أوى فى مجتمعنا وبيحاول يلفت النظر ليها
أرجوكى حافظى على الرسالة دى واستمرى فى مقاومة كل أشكال السلبية
وكونى متأكدة إنه فى يوم من الأيام وعى الناس الزائف هيتغير ويبقى وعى حقيقى

قلبى معكى

Layal K said...

I've been a silent reader of your blog for a while..and now I only want to tell you that people like those don't even deserve the time wasted to write that post...
Don't even think about them!!

Lyssandra said...

ازيك ياغادة

بعد كل الكلام ده مش عارفه اقولك ايه

بصي ياغادة كفاية عليكي تبقي عارفه انك صح وكفاية ان كل الناس دي حواليكي

ماتضايقيش نفسك أبدا . عموما الشجرة المثمرة بس هيا اللي بتتحدف بال..... انتي معايا ؟

خليكي دايما مثمرة ودايما مبتسمة
انا معاكي انه الواحد بيتخنق من الناس دي وان هجومهم بيوجع بس ابكي زي مانتي عاوزه لكن داري دموعك عنهم وكفايه عليهم ابتسامة رايقه تفسد عليهم لحظات السعادة من انهم ممكن يكونوا عكروا مزاجك او قدروا يضايقوكي

بالتوفيق دايما يارب

علي فكرة انا ماشفتكيش ولا مرة لسوء حظي بس هاحاول احصل علي الكتاب

انا كنت كتبتلك علي الايميل وياريت كلامي مايتوهش وسط الزحمة


يارب دايما تكوني سعيده

lyssandra

Anonymous said...

الحمدلله انى جيت بعد ما بقيتى كويسه يا غادة يا عسولة والله اول مقريت البوست من اوله زعلت جداااااا" مش من الكلام اللى بيتقاللك لاء علشان انتى زعلانة... انا كمان زى العشرات اللى كتبوللك بقراللك من زمان بس مبعلقش بس كان لازم اعلق على البوست ده بالذات علشان تعرفى اد ايه الناس معجبة بيكى وفاهماكى مش زى التانيين وبعدين الغل بيعمل اكتر من كده وعرفتى كمان اد ايه ناس بتحبك وانتى متعرفيهمش بيتهيألى التعليقات دى لوحدها اقوى حافز لأنك تكبرى دماغك وسيبك من الفاشلين او سميهم زى ما تسميهم لكن ملكيش دعوة بيهم
انا والله بحب مدونتك جداااا وبحبك انتى كمان
وحطى ف دماغك المثل اللى بيقول
" ملقيوش ف الورد عيب...قالو أحمر الخدين
يا أجمل وردة فى بستان التدوين
سلاااامى ليكى
مستـــ ج ــــدة

Anonymous said...

يا دي الهنا
ويادي السعد
اللي انا فيه
غادة رجعت يا ولاد
بس سيبك انتي احسن
حاجة
عجباني فيكي انك سبيشيال
بالفرنصاوي سبيسيال
بالامانة انا مبقراش
لستتات بس
انا ضميتتك
للنادي بتاعي يللا
يا ستي بس يا ريت تستريحي معاهم
ماركيز بقة علي مارك توين
وساعات علاء الاسواني
بييجي محفوظ بقه
بيجي بس بيمشي بدري

خمسة فضفضة said...

السلام عليكم ورحمة اله وبركاته

ايوه كده يا غاده ولا يهمك من اي حد يقول كلمه كده ولا كده ، دي ناس حقوده واعداء نجاح

وزي ما بيقولوا الكلاب تعوي والقافلة تسير

:-)

أنسانة-شوية وشوية said...

بصي يا غادة مش مهم الناس تقول ايه لان الناس كده كده بتتكلم امال يعنى هيعملوا ايه في حياتهم الفاضية المهم انت عاملة ايه النجاح الحمد لله اللي انت حققته بموهبتك الجميلة والقصية اللي انت بتتكلمى فيها اللي محدش عنده الجراءة انه يفتحها بين نفسه اصلا واللي بيستسلم سواء بنت او ولد ويقول ضل ... ولا ضل حيطة واهى جوازة والسلام ومن لم يمت والكلام اللي ميجبش همه انت بموهبنتك وصلتى حاجات كتير لناس عمرها ما كانت فاكرة ان الكلام ده ممكن يخرج من باره الشخص نفسه
متخليش حاجة تضيع عليكى فرحتك بالنجاح واحساسك بموهبتك
دايما الي الامام يا قمر ونسمع عنك كل خير ان شاء الله
بس انت بقيتى ايه مشهور خاااااااالص كل لما اروح عند ماما او حماتى او اصحابي يقولولي برايد اللي انت بتحبيها كان امبارح في التليفزيون!!!!!!!!

Anonymous said...

اااه نسيت اقولك عم جورج برنارد شو بيمسي وبيقولك انهم يقولون ماذا يقولون دعهم يقولون
فيه واحد معرفلوش اسم بيقولك ايه عندما انتههيت من
بناء سفينتي جف النهر-نحس بقه-ولكني
ساقاوم حتي تجف بحور العالم -ولو النحس متفكش-ساصنع لسفينتي اجنحة لاطير بها لاعلي حيث يجب ان تكون-غادة عبد العال-
#####
الصمت الحزين

rona said...

مبروك يا غده على النجاح ده ومزيد من النجاح انا بحترمك اوى وشخصيتك حلوه جدا فعلا كلنا عايزين نجوز بس يا جوازه صح يا بلاش المهم الصح مش جوازه والسلام

فاتيما said...

يا فندم أى خدمة
انتى بس ازعلى و احنا نخربلك بيت الى يزعلك
بنحبك موت يا غادة
ام يوسف

Anonymous said...

انا اول مره اكتب تعليق برغم اني بقرا البلوج من زمان جدااااااا..

عارفه ليه محبتش قبل كده اسيب اي تعليق؟؟

عشان حسيت ان كلامي فعلا مش هيوضح مدي احساسي بكتابتك..فقلت السكوت احسن من اي كلام مش هيعبر عن اللي جوايا..

استمري ف كتابتك.اللي يفهمك غلط يخبط دماغه ف الحيط يمكن يفوق ويفهم..

سيكولوبيا *حكايات من العيادة النفسية said...

اسمعى يا ست غادة
طنش تعش تنتعش
سيبك من الحاقدين وانطلقى
خليكى زى ما انتى طبيعيه لاقصى مدى

متهتميش باللى بينقال
خدى الكويس منه بس وادرسيه كمان
وشوفى ايه اللى يناسب طبيعيتك
وخدى باااالك
طبيعيتك
طبيعة غادة قبل الطبع والنشر واللقاءات

طول ما انتى طبيعية هتكسبى
فهمانى حبيبتى

وتحياتى ليكى يا قمر


نيرفانا

Anonymous said...

Bride

don't care about these narrow mind people, There is not shame about wanting you to get married. It is the halal. There isnot to be SHAME about HALAL.

Anonymous said...

السلام عليكم ورحمه الله
ازيك ياغاده عامله ايه انا عايزه اقولك على كذا حاجه ياما اولا انابحبك اوى اوى موت خالص من يوم ماشوفتك فى العاشره مساء عارفه حسيت كده انى اعرفك من زمان وبعدها ابتديت ادخل على المدونهوقريت كام موضوع كده وعجبنى اسلوبك جدا لانى بحب الاسلوب الساخر وحسيت كده اننا حاجه ضعيفه وصغنونه بس ممكن نعمل حاجه برضه ومحستش ان كلمه عايزه اتجوز دى حاجه غلط والدليل انه لما المذيعه منى الشاذلى قالت انك صاحبه مدونه عايزه اتجوز قلت لنفسى (وانا كمان) اعتقد ان ده حق مشروع لينا كلنا بنات وولاد ومن حقنا نحط رجل على رجل ونتشرط ونرفض او نقبل من حقنا نعيش حياتنا زى ماحنا عايزنها مش لازم تكون زى ما الى قبلنا عاشوها ومتهيالى برضه اننا من حقنا نستنى العمر كله منتظرين الحبايه الى يضر الناس فى كده بس للاسف احنا اترسملنا خطوات واثار اقدام لازم نمشى فوقها حتى لو كان مقاس الى قبلنا صغير علينا انا قصدى من كل المحاضره الطويله العريضه دى _ والى اتمنى انى مكنش ضايقتك بيها_انك صح وانك مش جريئه ولا حاجه انتى صاحبه حق انتزعه منك ومننا كلنا مجتمع اختلت معاييره وموازينه كلها وصارت الماده والقيم الغربيه هى اساس البيتوانتى بالنيابه عننا بتدافعى عن حقك الى هو بالضروره حق لكل بنوته عسوله زيك ويكفينا احنا البنات ان فى واحده لسه موجوده حاسه بينا وبتتكلم عننا من قلبها بس انا زعلت منك اوى خالص لانك كنتى حتياسى بسرعه كده وتنهى الجيم من قبل ما يبتدى انتى كنتى فاكره النجاح مالوش اعداءلاوالف لا اسالينى انا بس رجعت وفرحت لما هديتى ورجعتى لعقلك وقلتى نكمل ولنل بالنيابه عن نفسى بقولك انا معاكى حتى لو مش قدرت اعمل حاجه انا معاكى بقلبى وعقلى وهذا اضعف الايمان يارب اكون فهمت الى انتى قصداه من المدونه ويارب كمان يكون وصلك احساسى وافكارى وبجد بجد بجد انا معجبه بيكى وبافكارك ياريت تتحفينا كل يوم بكتاب ولا يهمك من اى حد انتى الى فيهم

Unknown said...

إلى الأمام يا روميل قصدي يا دكتورة

بجد انتي عقلك يوزن بلد ولو هتقفي على كل كلمة تتقال مش هتخلصي

ربنا يوفقك

مزجانجى said...

WELCOME BACK TO EARTHمرحبا بعودتك الى الارض

LOST said...

اقول ايه بس و اعاكسك ازاي :D
بصي معنديش تعليق غير سيبك من الناس اللي فهمهم بطئ في كل الاحوال مش مهميين في حاجه، يا بنتي انتوا حاليا حديث كل الناس اللي بيفهموا، 3 بنات قمرات و سكرات نزلهم كتب زي العسل و في نجاح ساحق و الحمدلله، و معنى النجاح ده ان في ناس كتيييييير فهمهم مش بطئ او على الاقل مش بيستخفوا دمهم.. سيبك انت منهم و خليكي في نجاحك و ان شاء الله من نجاح لنجااااااااااااااااح

انا هاجر الي في facebook :D :P
وراك وراك يعني

Anonymous said...

غادة
بصى انا عرفتك من خلال العاشرة مساءا
وبصراحة انتى مفروض ممتجوزيش حد خالص
لسبب بسيط
لان مفيش حد يستاهلك
لانك انسانة بكل ما تحمل الكلمة من معنى
بس معلهش انتى الكبيرة
وسيبك من اى تعليقات بايخة نبعت من كيس قطن

اكياس القطن كترة فى البلد
منفوشين
بس للاسف ملهمشى لازمة
غادة
يكفيكى كل القلوب ال حوليكى
وان شاء الله هتجدى انسان صاحب قلب يستحقك
متصفح جديد لمدونتك
مهندس محمود

Esraa Hamed said...

ازيك يا غادة ..
اولا احب اهنيكي علي مدوناتك الأكثر من رااائعة انا من المتابعين ليكي من زماااااان بس يعني شوية كنت خلف الأسوار
أو بمعني أصح يعني كنت بتابع القصص من زمااان بس علي منتدي مكنتش اعرف بالمدونة بتاعك
بس بجد انتي رااااااائعة يمكن دي كلمة قليلة اويييييييي عليكي

انا عملت مدونة جديدة او يعني تقدري تقولي عليها مشروع مدونة لسة
dr-esso.blogspot.com

و يشرفني جدااااااا اني اعرف رأيك في كتاباتي المتواضعة و انقدي براحتك يعني انا لسة بتعلم
و ميمنعش بردو شوية تشجيع كده ع الماشي يعني لأختك الصغيرة
هههههههههه

ربنا يوفقك يااااارب و دايما في نجاح مستمر
و سيبك من كلام الناس اللي لا يودي و لا يجيب ده هما دول اعداء النجاح و الشجرة المثمرة هي اللي بيحدفها الناس

بجد استمري و ربنا يكرمك و يوفقك ياااااارب

جميز said...

شىء غريب أوى إن الانسان يلاقى نفسه دايما مضطر يقول مقدمة عن نفسه عشان الأمر مايلتبسش عند توضيح أو محاولة توصيل فكرة معينة

متهيألى كلنا أو بعضنا بيتعرض للموقف دا, لكن الشىء الجميل و المبشر إن زيادة الوعى و الفكر أصبحت أكثر فى الانتشار بين الشباب , و شوية شوية مش هنحتاج للمقدمات من النوع دا

تحياتى

Anonymous said...

ولا يهمك ..طبيعي انك تشوفي الغباء في كل مكان
لازم تصبري و تستحملي و تكملي كتباتك الرائعة

على فكرة أنت تنافسي الكاتب الكبير محمود السعدنيو كذلك يوسف معاطي
و أتنبألك أننا حنشوف مسلسل كوميدي من تأليفك عن قريب .

Anonymous said...

مهندس معماري اسكندراني

ازيك يا غادة وان شاء الله النهارده تكون نفسويتك احن من امبارح
ويا ريت تكوني قريتي التعليق بتاعي ويا ريت لو تردي عليا
او تبعتيلي ايميل على

mhmorsy@yahoo.com

انتظر ردك وانا على فكرة مكنتش مؤيد خالص موضوع ظهورك للإعلام كنت افضل عدم الظهور , اعتقد كان حيكون افضل مش عشان حاجة طبعا انت جميلة جدا , بس كنت اقصد الحاجة النادرة كل لما تكون بعيدة وفي مكان عالي كل لما كانت افضل واغلى

وتمنياتي بالتوفيق وبالزوج الصالح ان شاء الله
وعلى فكرة احنا نعتبر جيران برده اسكندرية جنب المحلة مش بعيدة يعني
وسلام وفي انتظار ردك

Anonymous said...

انا دلوقتى سعيدة جدا لانى بجد كنت مخنوقة علشانك جدا..دى اول مرة ابعت لحد حاجة على النت..ربنا يوفقك دايما فى كل حياتك وارجوكى عيشى كل يوم بيومه وبس ماتفكريش فى اللى كان ولا فى اللى ممكن يكون ...طلتك فى العاشرة مساء كانت اول تعارف لية بالمدونات ..وبسببك عملت مدونة لسة ماحدش عتبها ياريت تكونى اول (من يطرق الباب)a-lover-wife-stories.blogspot.com

محمود على said...


صباح الخير
ازيك يا برايد
الف مبروك علي نجاح كتابك
انا كنت عايز احضر التوقيع بس للاسف معرفتش

معلش علي الكام اي ميل والكام تعليق
لما يكون في عشرين واحد فهمينك غلط
وسط عشرين مليون مش مهم ابدا

احنا فاهمينك صح
كلنا بنحترمك وبنحترم رايك وكتاباتك
هما دول حزب اعداء النجاح
ربنا يوفقك من نجاح الي نجاح

صاحب المضيفة said...

من الطبيعي ان كل ناحج يقابله شوية من المعوقات

ده طبيي ولو مش حصل كان هايبقى في مشوارك حاجه غلط


كملي وان شاء الله هاتوصلي وساعتها هاتفتكري الايام دي وتضحكي عليها

تحياتي

مجرد إنسان said...

لغة العيون أسرار و بحر ماله قرار
و إنتي عيونك ليل من اللي ماله نهار
عملت فيها بطل و سهرت علي رمشك
رماني رمشك بقسوة بقيت غريب الدار

مجرد إنسان said...

السلام عليكم
يا أحلى البنات
يا ست البنات
سيبك من اللى فات
خليكى فى الجايات
لا الناس ها تسكت فى يوم
و لا تنتهى السخافات
قولى لكل العوازل
أبوكو السقا مات
و عجبي!!!!

EMI said...

هاى بربر
انا ابتديت اقرا فى المدونه بتاعتك من اسبوع تقريبا . و الحقيقه انى شفتك فى العاشره مساءا و سمعت عن كتابك اللى نزل بس مش عارفه ليه ما قرتكيش من ساعتها ؟؟ فعلا ساعات بتبقى الحاجه الحلوه قدامنا و احنا مش شايفينها .و ما تتصوريش مدونتك و الكلام و الحكايات اللى فيها كانوا مصدر سعاده ليه اد ايه و حطيتك على الفيفوريتس بتوعى. و لكى ان تتخيلى ان موظفه كده قاعده متنحه فى شاشه الكومبيوتر فى الشغل و بعدين فجاه تلاقيها بتضحك و عينيها تدمع . قالوا عليه مجنونه فى الشغل بس انا ما همنيش و فضلت اقرا .اثر فيه اوى اخر بوست ليكى بس المفروض انك تقدرى تعدى فوق كل ده .
و عايزه اسالك سوال يا برايد , ما فكرتيش تحولى الحكايات دى لمسلسل حلاقاته منفصله متصله ؟؟ بجد حيبقى يجنن

EMI said...

عايزه اقولك حاجه بس خايفه تزعلى منى و ترفضى انى ابقى صديقه . الحقيقه انا متجوزه من 7 شهور , و عندى حكايات و مواقف احب انى ابعتهالك لو كان ينفع . اعذرينى ما شفتش مدونتك قبل ما اتجوز

مدحت محمد said...

دايما اعرفى انى مفيش انسان ناجح الا ولازم يقابله اعداء نجاح
اما تقويه اما تكسره
اتمنى انها تقويكى
وكونى دايما على ثقة فى الله
ثم ثقة فى نفسك
دمك خفيف جدا
حتى وانتى بتكتبى بوست حزين
تحياتى ليكى

Anonymous said...

عادي و انت زعلانة ليه
بالمناسبة أنا لما شفتك على الدريم، كانت اول مرة باخد موضوع مدونتك بجدية، و لغاية دي الوقت أنا مش مقتنع انك انت عازبة فعلا

لكن مش مهم، يكفي انك انسانة صادقة مع نفسك، و امتلكت الجرأة لتتحدثي بلسان 15 مليون بنت كما تعرفي بنفسك

مرة تانية ، و لا يهمك كل الكلام البايخ اللي بتاخديه، و كملي طريقك و انشري تجربتك، ممكن وحدة تانية، تستفيد منها، و تحميها و تفتح عينيها ازاي تلاقي ابن الحلال الصح في زمن الخداع الحالي

أنا بالمناسبة مش مصري، لأ سوري، بس أظن ان مشاكلنا كلها زي بعض

بتمنالك التوفيق

$$Dado$$ said...

يا باشا خللي اللي يقول يقول انتبه انت بس لبوستاتك و اكتبلنا كتتتتتتتتتتتتتتير و حشنا كلامك الحلو

Anonymous said...

I said before and I'm saying it now:
Bride = Pride.



visit me at:
blog.iwaleed.com

Anonymous said...

السلام عليكم
والله بدون ماتوضحى كلامك انا عارفة كل اللى قولتية بس للاسف بعض الناس عقولهم صغيرة وبتاخذ الاشياء بشكل سطحى
لو الواحدة تبغا تتزوج لمجرد الزواج
مش صعب بس الصعب انك تلاقى شخص يستحق انك تكملى عمرك الباقى معاه
.........
وبعدين اية هماكل اللى بيعلقو عندك مش ملين عيونك الحلوة
رغم انى للاسف ماشفت المقابله
لانى عايشة فى ماورا عالى البحار
بس اكيد انتى فى قمة الجمال لانك تملكى روح وخفت دم رهيبة
وشيلى من راسك فكرت تقفلى المدونة
انتى ماتتخيلى قد اية بستمتع لما ادخل مدونتك وبعدين احناايةذنبنا نتاخذ برجلين
دي فترة وانشاءالله تعدي
وراح تفتكري وتضحكى عليها
بحبك فى الله

Anonymous said...

طلعت فوق السطوح اشكى لربنا همى
كل الشباب اتجوزو وانا لسة عند أمى

الاول انا مبسوط انك خرجتى من العين الحسودة اللى كانت ضرباكى ضربة جامدة
بس ياريت تشوفى اقرب صاحبة لكى وتجيبلها هدية بمناسبة نفاذ الطبعة الاولى من الكتاب
انا عارف ان الطبعة الاولى على ما اظن بتكون 5 نسخ
واذا مشى الحال بيكملوهم 50 فى الطبعة التانية( ياناس ياشر
بورررررريه منكم ايوة الطبعة الاولى 5 نسخ
فى عين العدو

لكن انتى اكيد بعد كده هتعوزى مستشار قانونى ونفسشى و عاطشفى
وانا موجوووووووووووووووووووود تحت امرك
بس بشرط توفقى راسين فى الحلال وزى ماجوزتى اصحابك تشوفيلى عروسة ا
يكون لها خير فى اهلها لان اللى ملوش خير فى اهله ملوش خير فى حد ولا سبت ولا اتنين


عاوز اتجوز بنوتة اسكندرانية جميلة وعنيها حلوة ودمها خفيف وتعيش معايا اجمل ايام حياتها بحلوها ومرها
انا مش غنى ولا فقير
لكن ربنا اللى خلقنا مش بينسانا
خيره مغرقنا وعمرى مانمت من غير عشا
انا مش كبير ومش صغير عديت 35 سنة بشوية لكن اللى يشوفنى يقول 27 بس طويل وسيم برج العقرب
وعاوز اعيش فى اسكندرية على طوووول

صبــــرى

واحدة و خلاص said...

ر

بقالي كتير جدا ما كتبتش حاجة هنا، تقريبا حوالي شهرين ،كنت باتحجج بالإمتحانات وبحث التخرج -اللي لسة ماحتطش فيه قلم وربنا يستر عليا السنة دي-لكني في الحقيقة كنت زهقت من التدوين وتقريبا مش لاقية حاجة أكتبها وقلت لنفسي خلاص مفيش فايدة انتي اللي عندك خلص وكفاية بقي علي كدة ونفض المولد دة لكني في الوقت نفسه كنت متابعة كتير من المدونات الي محطوتين في ال favorites واللي باعتبرهم أصدقائي الحقيقين أو الخيالين يمكن حتي من غير ماهم يعرفوا لأني مش باعلق كتير واحب أكون قارئة في صمت ،ولما عرفت ان دار الشروق نشرت ثلاثة من المدونات في كتب طبعا نشر الكتب الثلاثة خلاني أتعرف علي المدونتين التانين والي لقتهم يستحقوا النشر فعلا ،كانوا فين دول من زمان وازاي ما كنتش أعرفهم ،أما بقي مدونة عايزة اتجوز فأنا باعتبرها صديقي الصدوق -علي رأي تيمون وبومبا -لأني قارئة مستمرة ليها و أول ما أخلص قراءة التدوينة أقول أمتي بقي تنزل التدوينة الجديدة وعشان كدة كنت متابعة موضوع الكتاب من عندها وكان نفسي قوي أشوفها في المعرض في حفلة التوقيع لكن معلش خيرها في غيرها ولما قالت إنها هاتطلع في العاشرة مساء برضة ما اشفتهاش لكني قلت لنفسي إنها أكيد هتنزل في المدونة لينك للحلقة وكل يوم أفتح وأبص علي الصفحة كأني مستنية النتيجة لكن بالقيها زي ماهي وأخيرا شوفتها،طبعا شكلها كان مختلف عن اللي في خيالي والشهادة لله شكلها هي أحلي ،كنت فرحانة بيها قوي كأنها بنتي ،أو كأني أنا الي في مكانها وقعدت أقول في سري ربنا يوفقك ،يمكن يكون دة كلام معجبين أحمد السقا وكريم عبد العزيز بس هو دة احساسي

واحدة و خلاص said...

معلش أنا رصيت الكلام زي ما هو مكتوب عندي في البلوج،عشان بس تعرفي تجاوبي لما يسألوكي في التلفزيون بوسي كات كتبت عنك إيه...هاهاها
ربنا يوفقك ودائما للأمام

mohamed said...

غادة أولاأزيك وثانيا عين الحسود فيها عود لالالالالالالالالا شجرة آيك ولاد الذين دول يتلموا ويبطلوا حقد على الناس الى
زيك الى كلهم طيبة ووضوح وطيبة
وسيبك منهم فى حقدهم وقلبهم الاسود
الى أنشاء اللة حيسود عيشتهم زيادة ما هى سودة وربنا حيوريهم جزاء عملهم ثانيا انا عملت تعليق ليكى فى جروب محبى عايزة اتجوز تحت عنوان الرقة ,انا عارف انك عايزة وكل البنات الى زيك تتجوزى صح مش جوازة وخلاص وكلها مظاهر ونهايتهامشاكل وعقد يطلعها كل واحد على التانى,
بجد يا غادة الناس بقى قلبهم اسود من سواد الفضاء , ربنا يهديهم
مع تحياتى لغادة اخت وحبيبة الكل.
أخوكى محمد
الى مش عايز يتجوز

Diyaa Ahmed said...

بعد التحية والتهاني من أعمق أعماق قلبي
من زمان بتابع المدونة وبيمنعني من التعليق العدد الكبير من التعليقات اللي بيخلي للتعليق المتأخر أهمية محدودة وكمان بيزود الحمل عليكي فقلت أكتفي بالمتابعة وإن كنت بعت لك ميل مرة أو أكتر
أنا حاسس بالأسف لأني مكنتش متابع المدونة في يناير وأخر السنة اللي فاتت فمعرفتش بموضوع الكتاب بس هيحصل وأشتريه وكنت أتمني أخد توقيع
هشتريه مش عشان أقرا كلام قريته لأ بس عشان أبين لدار النشر إنها عملت حاجة صح ...اه ناس بتتاجر وتكسب ومش هستبعد لو كانوا طلعوكي من المولد بنص كوباية حمص بس علي الأقل أثبتوا لي إن في ناس في مصر بتملك القدرة علي اتخاذ القرار ومن موقع قوة ومع ذلك مش متخلفين لأن حد تاني كان هيعتبرك مجرد واحدة عايزة تكمل برواز حياتها المرسوم مقدماً ( شفتي أنا كمان بقول تشبيهات أهو شكل تشبيه التتر نقح عليا ) اللي عجبني أوي في موقف دار النشر إنه شافك ظاهرة تستحق متابعة أكتر من مجرد 90 أو 100 مستخدم للشبكة العنكبوتية ولو أضفنا القراء اللي مش بيعلقوا فهيكون بالكتير ألف
وبصراحة كتابتك وسخريتك واراءك حتي اللي بختلف معاها ..تستحق تتعرض علي أكتر من الرقم المحدود ده
أتمني لو كان ليا نص قدرتك علي صياغة أفكارك أكيد كنت هقطع عليكي في مشاوير النشر والكاميرات بتاعة التلفزيون
:))
joking
بس فعلاً لما هوصل لمرحلة معينة مع نفسي كده هبقي عايز أتمدد وأحاول أتواصل مع الناس بشكل واسع وساعتها ممكن أكتب في البلوج أو أيا كانت الوسيلة

المهم في نقطة غير إعجابي بخطوة دار النشر واستحقاقك ليها عايز أتكلم فيها قبل ما أنهي تعليقي

متخليش كلمة عانس أو أسلوب مذيعة أو كاتب صحفي يخلوكي تتضايقي يعني متبقيش حساسة لأنك لو بقيتي حساسة كأنثي من موقعك دلوقتي ككاتبة في طريقها إنها تبقي أشهر من نار علي علم مش هيسمحلك بالهدوء والضعف والحساسية الأنثوية دي
لأنك دلوقتي زي ما قلتي كتير ممكن تكوني بتعبري عن بنات كتير ولو عايزة تغير مفهوم كلمة عانس في مجتمع كامل فالسيناريو اللي بتكتبيه أو أي مشروع تاني هتمشي فيه ممكن بالمحسوس كده تحطي وجهة نظري بشكل تلقائي مش محاضرة أو مقال أو رد فعل في برنامج تلفزيوني
مع الوقت هتلاقي جماهير أكتر انضمت ليكي ووقفت معاكي
ميجلكيش أحباط من تعليق أو من سوء فهم مذيع أو كاتب أو حتي غباء أي منهما
لأن مجتمعنا زي باقي المجتمعات ما هو إلا مجتمع منقوص وعشان يكمل ما ينقصه لازم نصبر عليه كتير أوي ومنتهزش بسهولة
استمري بقي ومش عايزك تتخنقي تاني
وإلا والله ما هدخل مدونات بعد كده

نشوف تدويناتك قريباً بإذن الله

some one

Anonymous said...

ايه يا ست البنات انا والله زعلت لما عرفت انك مخنوقة - انشا الله الي يقول عنك كلمه تزعلك -وبعدين ايه عايزة تخلعي من الاتفاق ... يكون مالقيتي العريس؟!!!بلاش ياستي وخليك دايما
منوراااااااااااااااااااانا
وعلى فكرة كلنا بنحبك

عريس جديد said...

اسلوب سهل ممتنع
قدرة رائعة في الوصف
علي فكرة لي امنيه ان نعمل يومياتك دي مسلسل
تمنايتي بالتوفيق
ربنا يهدي سرك
تحياتي من الدوحة

Anonymous said...

مش من حقك تقفلى البلوج او تبطلى هو احنا لحقنا نلاقى حدنقرالة لما تقفلى انا معاك من اول بلوج براحة كدة وافهمى النخلة اللى طرحة بلح جمييل لازم تتحدف بالطوب وهو دة ثمن النجاح والشهرة اعقلى احسن احدفك بطوبة مع حبى واحترامى

Anonymous said...

هاي يا برايد عاملالك حصار هنا وفي الانستانت ماساج.
بصي يا بنتي زي ماسبق وقلت هما دول اعداء النجاح اللي مستكترين عليكي الفرحة يا بنتي اللي جوزها واخدها غسيل ومكوى واللي جوزها واخده مبولة لعقد نقصه, واللي حاسس انه لو فكر فيكي حاتقلعي اللي في رجلك وتديله بيه واللي عارف انه اخره يقولك نكتة وجايز تطلع بايخة واللي فايوم ما تطلعي كده قدامهم وانتي جامده وقوية والكل بيتكلم عليكي وانتي شيك وبنت ناس شيك وكلامك شيك لازم يشوفوا نفسهم عليكي سيبيهم دول هبل واوعي تديهم الفرصة اللي يقول يقول واللي يطق يموت .اه قاعدة من غير جواز واه عايزة اتجوز واه مش حاتجوز جوازة والسلام لازمن ولابدن من جوازة بمواصفاتي وماحدش له عندي حاجة والي بيديني حاجة يبطل .عالم زبالة ولا يهمك يا برايد كلنا برايدز وربنا يبعتلنا الغروومز اللي تغيظهم اكتر واكتر

Anonymous said...

هاى على فكره انتى فضحتى نفسك انا كنت بقرى ليكى من زمان وكنت معجبه باللى بتكتبيه بس كتاب وتظهرى فى التليفزيون على انك بتدورى على عريس عيب يعنى مش مقبوله من بنت مش كل حاجه تهريج يابطوطه عيب انتى كبيره الدنيا معظمها جد وحبه صغيره تهريج لكن مش هنعيش سبهلله ونضحك على نفسنا ونضحك الناس علينا ارسى واعقلى انتى كبيره متستظرفيش نفسك عشان بوختى

Anonymous said...

ولايهمك احناجمهورك وان شاء الله مذيد من التقدم والتفوق

شهرزاد said...
This comment has been removed by the author.
شهرزاد said...

أولا ألف مبروووك يا برايد على الكتاب
بجد سعدت جدا لما صديقتي قالت لي ان صاحبة بلوج عايزة أتجوز عملت كتاب
ثانيا أي كلام يتقال اوعي يضايقك مادام انتي عملتي حاجة أسعدتك خلاويص محدش له دعوه ;)

$$Dado$$ said...

تسمحيلي يا غاده ارد بالنيابه عنك عن البني ادم او الهانم اللي كتب الكلام ده ( هاى على فكره انتى فضحتى نفسك انا كنت بقرى ليكى من زمان وكنت معجبه باللى بتكتبيه بس كتاب وتظهرى فى التليفزيون على انك بتدورى على عريس عيب يعنى مش مقبوله من بنت مش كل حاجه تهريج يابطوطه عيب انتى كبيره الدنيا معظمها جد وحبه صغيره تهريج لكن مش هنعيش سبهلله ونضحك على نفسنا ونضحك الناس علينا ارسى واعقلى انتى كبيره متستظرفيش نفسك عشان بوختى ) و الله عيب اوى الكلام اللي ان اتكتب ده و اللي ميعجبوش المدونة من وجهة نظرى ميدخلش عليها او ميكتبش كلام ملوش لازمه
يا جماعه في حدود بين الناس للكلام مش نغلط و نجرح فيهم بعدم احترام

$$Dado$$ said...

و للاسف اللي كتب الكلام ده من الناس يا غادة فعلا اللي يخلو الواحد يتخنق عندك حق
بس ارجو من كل زوار مدونتك الجميلة لو وجدوا انسان يتكلم بالطريقة الخارجة دي لاززززززززززززززززم يردوا زي ما انا عملت و ما يبقاش الرد ملقى على عاتقك انت بس

$$Dado$$ said...

و لا ايه يا جماعه
ارجوووووووووو الرد من زوار المدونة

$$Dado$$ said...

ارجوووووووووووووووكو ردوا عليه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

مهندس مصري بيحب مصر said...

الحاجات دي اقل من انها يترد عليها
حاجة زي كده غادة تمسحها و خلاص
مش مفروض ندي للاشكال دي قيمة بردنا عليها

Anonymous said...

ana ma3aky tab3an ya dado...el comments ely mn el no3 dah te3rafy ennaha tal3a mn nas ofokha daya222222222 w fe ra2ey en a7san 7aga wala ka2ennaha et2aret aslan...w b3den ya 3'ada w tany ba2olk kefaya ennek bet3abbary 3an wake3 marreeer 3aysheeno ba3d ma konna tool el wa2t fakreeno 7elm gameel mestanyyeno yet7a2a2..wala yehmekkkkkkkkk...fokek mely yshokek:)))))

Anonymous said...

ana 2wl mara aktb comment in a blog bs bgd da mn gamal aslobk w tlq2ytk elgamda 2wyyyyyyyyyyyy , enty bnt qwya 2wy 3ashan 2derty tetl3y elly gwaky belshakl da ana 3andy 31 w lsa msh mtgwza w galy nas kteer bs ml2tsh m3ahom elly ana 3ayzah , hwa e7na lama nfkr kwys f mawdoo3 elgwaz yb2a m3nah en e7na msh l2yeen 7ad ntgwezo AKEED LA222222 W ELMOS7F LA2 bs meen b2a yfham w meen y7sssss , enty gd3a 2wyyyyy w ana lsa m2rtsh elktab bs hgybo 7aln , w bgd nfsy to add u on my facebook , PLZ GO ON enty ft7ty nfsy ya 3'adaaaaa w plz e7na bnstmed elqwa mnnk 2w3y ty2sy aw tzh2yy mwaaaaahh

Lyssandra said...

البني ادمة الغريبه العجيبه بتاعت بطوطة وسبهللة لما مايعجبكيش كلام غادة او اي حد تاني ماتبقيش تقريه وماتبقيش تسمعيلها
لكن سخافة واهانة مش من حقك
وبعدين ياظريفه يالطيفه ياذات القلم الجرئ لما تبقي تقوللي كلام بلاش تستخبي عموما دا غباء منك انك تقولي الكلمتين دول لأن الكلام اللي غادة بتقوله سواء في بلوج او كتاب او علي الملأ كلام لا يشين ومش حاجه طبيعيه يعني انك تقريه علي البلوج وتتابعيه ويعجبك وتمانعيه في كتاب
حاجه مش منطقية يعني

وبعدين لما تحبي تنقدي حد بلاش توضحي غلك كده
والنقد يكون بطريقه محترمة وإلا لو مش قد الكلام بلاش تقولوه

Anonymous said...

السلام عليكم غادة
بصى يا غاده انا من سنك عندى 28 سنه ومتزوجه من 4 سنوات والحمد لله الامور ماشيه كويس جدا بس مفيش اولاد وغيرى عندهم اولاد وعايشين عيشه مئندله وغيرى عندهم الاولاد والزوج المناسب بس عندهم مشاكل امراض الله اعلم بقى بس والله والله يا غادة نفسى ارجع بنوته تانى صدقي اللى انتى فيه عمرك ما هتعوضيه بس بجد نفسى كل البنات تتجوز ويعيشوا سعداء وانتى ان شاء حتلاقى العريس المناسب ليكى

t3ban said...

انا متابعك من زمااااااان قبل متنشري و قبل متغسلي اساسا
حألك حاجة كانت ماما بتقلهالي كتيير
الشجرة المثمرة هي الي بتترمي بالطوب
و كلمة تانية
المطرقة كما تهشم الزجاج فهي تسقل الحديد
دا شيء يقويكي ويخلكي احسن و أحسن وهما الي اديهم حتوجعهم
و قلك بقي شهادة من بابا لما شافك
قالي دي عايزة تتجوز
دول رجالت العالم يجرو ورا ضفرها
استمري وولا يهزك اي حد

محمد عبد الغفار said...

اقلك الكلاب تعوى والقافلة تسير انما مينفعش ده انت ما شاء الله التوربينى بتاع دمياط اللى بيروح المحله على طول من غير منغير فى طنطا

وبعدين ولا بايره يعنى حد له عندك حاجه 29 سنة(انت اللى قلتى فى العاشره مساء) وصيدلانية وكاتبه عندها كتاب منشور فى اكبر دار نشر وشغال ماشاء الله وعاشره مساء واى ار تى وطبعه اولى خلصت فكام يوم

عاوزه نجاح اقوى واعرض واقيم من كده ايه عشان يديكى الحق تحطى صباعك فى عين البهيم مع الأعتزار للبهيم

Anonymous said...

بسم الله الرحمن الرحيم
السلام عليكم
ايه ياستى مالك زعلانه ليه يعنى هو انتى مش عارفه ان دى طبيعه فى الناس اللى مش لاقيه حاجه تعملها الا انها تضايق خلق الله
ع العموم الحمد لله انك اتخلصتى من الحاله دى بسرعه
اقولك على حاجه ده انا راجل اهه وعشان لسه مااتجوزتش يووووووووووووووووة مااقولكيش
المهم حمدالله على سلامة مزاجك
سلام
معتصم

Anonymous said...

a7eb 2a2olik nafady li ay 7ad e3mly ely enty moktn3a bih malkish da3wa bihom sebek menhom ma7dsh lih 7aga 3andek wi ya sety ely msh 3agbo tar2itk msh yrd5ol 3andek wala ye2ralik ay 7aga
wi bgad bravo 3aliky wi rabna ma3aky
Ahmad3tkh®

Anonymous said...

ايه ياجماعه مالكم فى ايه . شويت كلمتين اتقالوا فى غاده الناس كفرت يعنى . واللى داخل يقول الناس دى مبتفهمش ومعلش والناس دى ..... . امتى بقى نتعلم ثقافة الرد على الغير بهدوء من غير عياط وياناس الحقونى . اللى ميقدرش يتواصل مع الناس فى الحاجات السلبيه والأيجابيه وعايز بس الناس على طول تقولوا ياه برافو عليك دا انت حلو دا مفيش زيك . يبقى مينفعش يتحط فى مكان الناس تسمعلوا أو تقرالوا . دا أخره ياخد اصحابه الجنينه ويعد يحكيلهم و ميصدعناش لما حد يناقشه .

روح شرقيه said...

يا حبيبتى الف مبروك
ويارب ديما من نجاح لنجاح
على فكره الكتاب مافيش منه نسخ جت الامارات
مفروض دار الشروق تبعت شويه نسخ هنا
التدوين ظاهره علميه مش بس فى القاهره
او حتى فى المحله
مش كده ولا ايه
تحياتى

تــــايه ومش تـــايه said...

انتى الحوالله يا غاده ده العادى انتى نجحتى .وفيه ناس عندها عقدة من الموضوع .يموتو لو حد نجح .وبعدين مفيش حد مؤيد من كل الناس .لازم ناس تغلس وناس تضايق .ده العادى.واللى ميفهمش قصدك من كلامك والله دى مشكلتو .المهم انتى تبقى مقتنعه بنفسك .

Anonymous said...

ياجماعه انا صاحب تعليق ((ايه ياجماعه مالكم فى ايه . شويت كلمتين اتقالوا فى غاده الناس كفرت يعنى . واللى داخل يقول الناس دى مبتفهمش ومعلش والناس دى ..... . امتى بقى نتعلم ثقافة الرد على الغير بهدوء من غير عياط وياناس الحقونى . اللى ميقدرش يتواصل مع الناس فى الحاجات السلبيه والأيجابيه وعايز بس الناس على طول تقولوا ياه برافو عليك دا انت حلو دا مفيش زيك . يبقى مينفعش يتحط فى مكان الناس تسمعلوا أو تقرالوا . دا أخره ياخد اصحابه الجنينه ويعد يحكيلهم و ميصدعناش لما حد يناقشه)) انا بس عايز اضيف حاجه صغيره بعض الناس فى تعليقاتها بتقول اللى مش عاجبه ميقراش وميعلقش . بذمتكم فى ناس مثقفه تقول كده يعنى لو مثلا البلد بتاعتنا فيها مشاكل نقوم نسيب البلد ونهرب ولا نحاول نحل المشاكل ونقول رأينا .انا قصدى لو حاجه مش عجبانى اقول انها مش عجبانى مش اقول مليش دعوه طالما خدت من وقتى وقريت اى حاجه وكان عندى حاجه عايز اققولها يبقى لآزم اققوله والا كنت بضيع وقتى . ياشباب المدونه مش ملكيه خاصه طالما صاجبة المدونه سمحت للناس تقراها تبقى مش ملكيه خاصه ومن حق اى حد يقول رأيه . اخيرا ان ماكنش عندى اى تعليق على غاده او مدونتها مع كل احترامى ليها لأنها مجتهده. انا تعليقى كلوا على الناس اللى تبنوا الدفاع عنها عن طريق محدش يقول رأى وحش . اللى هى اكيد نفس الناس اللى بتشتكى ان مفيش ديمقراطيه فى البلد. سلام

Anonymous said...

المدونة اكتر من رائعة ربنا يوفقك
ممدوحhttp://www.m3mdou7.blogspot.com/

$$Dado$$ said...

الاساتذة اللي فكرنا اعضاء مجلس الشعب اللي بنصقف و نقول امين لكل اقتراح الحكومة تقدمة ,لأ احنا مش كده و الرد اللي انا الحمد لله ابتديت بي لعدة اسباب اولا:لما يكون لحضرتك راى معارض و مفيش على فكرة اى مشكلة في كده يبقى تقوله باسلوب محترم مفوش اللفاظ خارجة و تجريح و (بطوطة و ظريفة)و الكلام اللي لا ينم على الثقافة اللي حضرتكم بتدعوها بالمره
ثانيا: اعتقد لما كاتب يقول ان زجاجة الزيت غليت مش معناها انها غليت على الناس الفقرنين بس و هوه اغنى اغنياء العالم.......و هكذا غادة لما طرحت المشكلة دى كان لازم تظهر مش هتكتب الكتاب يعني و تستخبه و حاجة تانية لحد امتا هانفضل نهرب من المشاكل القاتله في مجتمعنا ده مفيش بيت في عمارة الا و كانت عندهم بنت تاخر بها سن الزواج يبقى مشكلة زي بتاعت الزيت و لا لأ

$$Dado$$ said...

الهروب من المشكلة يا اساتذة مش هيحلها ده هايزودها
و بعدين الحمدلله غادة كاتبه واعده و هي كانت بجد اقدر واحده تفجر المشكله دي

عشششششان كده كلنا دافعنا عنها و محطناش راسنا في الرمل
و على راي فؤاد المهندس الله يرحمه))
مش كده و لا ايه؟؟؟؟؟؟؟؟؟

Anonymous said...

http://www.stevepavlina.com/blog/2006/05/how-to-make-money-from-your-blog/

;)

انين الحزن said...

غاده

ازيك اول مره ازور المدونه بس

من يومين كدا واحده صاحبتي هيا ملهاش علاقه بالتدوين بس انا بحكيلها علي المدونات وكدا لقيتاه بتقولي انها شافتك في برنامج في التلفزيون بتتكلم عن المدونه

عاررفه انا كان نفسي انا الا اشوفك

.........

اه متزعليش من كل الا اتقال دا يئكد انك الاحسن دا حقد طبقي بعيد عنك


سلامووووز ياسكر تقبلي تحياتي


انا وزة

Anonymous said...

هما كلمتين هقولقهم واروح اشرب لتر سيانيد بالنوسبة للخت بتاعة الفيحة ام جلاجل انا عايزة اشرب*************
#############
يا فضيحتي يا فضيحتي يا سنة سوخة يا ولاد.
بالنوسبة لنفس الاخت الشرب زي الجواز
بالنوسبة للاخ التاني المدونة مش ش م ع
دي بتعبر عن راي صاحبها
بالنوسبة للاخت تاني بعد ما هتتجوز جوزها هيقول لاصحابه ايه لا لذيذة اقصدي رهيبة قصدي عزززززيزة
الصمت الحزين

Anonymous said...

ثانية واحدة بالنوسبة لنفس الكابل لله في خلقه شئون وشجون
غدغودة كنتي قمرعلي الاو تي في
واي مكان بتظهري فيه بتبقي السنتر اوف اتراكشن

حبيبتي كنتي زعلانه شوية لكن كنت منور يا باشا

♥SaViNgThe LaSt DaNcE 2 YoU♥ said...
This comment has been removed by the author.
♥SaViNgThe LaSt DaNcE 2 YoU♥ said...

MMM hwa el comment dah shaklo mt25ar bs hytktb y3ni haytktb

bs ana 3wza 2a2olk bgd rabena ykrmk wel enti ktba dah mafhoosh ay 7aga 3eeb aw 7'alat ana lsa 17 sana w hatgwez aw hant7r
lol
bs bgd enti 32la kda w daktara w set zy el fol w akeed 3rfa en mafeesh 7aga kolna hantf2 3liha sa7 ya gameel wla eh ?
w kman ana lsa shayafi mot2lka ma shaa alah 3la OTv W MNWAR EL TV YA BASHA :)
w mtb3ak mn dream l feen w feen (ma shaa alah )
lih b2 ael 5an2a

Ma7moud So3ody said...

ياللي هنا
حد هنا؟؟؟؟
احب احييكي على اسلوبك ف التعبير
فعلا مالكيش حق تزعلي
الناس دي احسن فرحه ف حياة الواحد
انا لما باكون مخنوق وادخل الاقي كام تعليق روشين كده...بطير من الفرحه

ده كان التعليق
_____________________
وده فاصل اعلاني....في مدونتي باعمل فكره جديده في التدوين

سعوديات

بوست مجرد سطور..عباره عن رأيي ف قضيه
انتو هتكتبوا القضيه كلها
ياريت تشوفيها
تحياتي

«Oldest ‹Older   1 – 200 of 257   Newer› Newest»