Thursday, February 28, 2008

آخر التنطورات

فيه مناقشة للكتب التلاتة..كتابي و كتاب رحاب بسام و كتاب غادة محمد محمود في ساقية الصاوي 5/3 يوم الأربعاء القادم الساعة 7..اللي مجاش التوقيع بأه يجي..و اللي جه يجي تاني..تعالوا نقعد مع بعض قاعدة حلوة كده..ليه لأ؟


الأستاذة رولا خرسا كتبت عني و عن بوست "مخنوقة" في المصري اليوم..باوجهلها شكر كبير لأن مقالها فعلا فرق معايا


التعليقات الظريفة بتاع الناس اللطشيفة ماعادتش بتفرق معايا.. التعليقات دي بقت زي معلقة سبانخ في بحر من الملوخية..الناس الحلوة حلاوة خرافية و اللي ردوا بجد شالوا من جوايا أي ذرة تعاسة و رجعت زي زمان..ضد الخبط
على البوست أكتر من 230 تعليق زي الفل..هاعوز إيه اكتر من كده؟..ده أنا لو زعلت بعد كده الصراحة يبقى بطر


مش هاقفل تعليقات الأنونيموس عشان فيه ناس محترمة و زي الفل بتكتب أنونيموس..طب و أنا أحرم نفسي من تعليقاتهم ليه؟


البوست الجديد في الطريق..بس تقريبا التوك توك اتمسك في السكة و هو جاي


هاوقف التعليقات هنا شوية لغاية البوست الجديد ماينزل..أعذروني على التأخير في الرد خصوصا على الميل..بس الدنيا دلوقتي بقت زحمة عندي شوية..سامحوني


كله يجري بأه على بيت العرايس و العرسان عشان تقروا البوست الجديد



32 comments:

فاتيما said...

غادة يا ست البنات
فرافيرووووانا جااااااى
ان شاءالله جاية يا حبيبتى و عشان اشوفك تانى
بس ربنا يسهل فى الظروف يوميها
بس شدى حيلك يوميها و دايما رافعة راسنا يا حبيبتى
تحياتى الخالصة و هجرى أقرى البوست الجديد أهو
باى

بحبها said...

انتى فعلا تضحكتنى من قلبى منتهى الواقعية الممزوجة بخفة الدم

Abd El-Baky Hossam "Bedo" said...

انا قريت كل الردود والبوستات بتاعتك
واتفرجت على حلقة العاشرة مساءا على اليوتيوب
وكمان شوفت التوقيع فى المعرض
اطيب تمنياتى ليكى بدوام النجاح والتوفيق
وصدقينى انتى هابقى حاجة كبيرة فى عالم الأدب الساخر
اسعد الله اوقاتك كما اسعدتينى وان شاء الله تحققى كل احلامك
وتتجوزى انتى وكل البنات الحلوين اللى زيك عرسان يستاهلوكم
واسمحيلى انى ابقى اجى ازورك كل شوية لإنى انبست هنا اوى
وياريت لو تنورينى فى مدونتى اللى لسه عاملها
Bedopasha.blogspot.com
وسلاااااااااااااااااااااااااااااام

Anonymous said...

سلام عليكم ازيك يا برايد واية اخبار الف مبروك ع الكتاب ولو انها متأخرة شوية انتي بجد بنوتة سكر وعسولة وتدوينتك تحفة بجد اول مرة الاقي حد قادر يعبر عن الا جواه والا عايزة بصراحة ووضوح انا ممتابعة التدوينة بتاعتك من زمان بس اول مرة اشارك وعاوزة اقولك ميرسي بجد لانك فعلا بتعبري عن الا جوانا جوي كل بنت لية رأي وشخصية مستقلة ومش عاوزة تبقي مجرد تابع وعاوزة تبني حياة وبيت صح ومش مجرد انها تبني بيت وخلاص انا بجد سعيدة بيكي ومبسوطة اننا بقينا نقدر نعبر عن ارائنا بحرية لا ومش بس كده لا وكمان الناس بقت بتفهم الكلام وتستوعبه وتحترمه
ربنا معاكي ويوفقك
ولاء

Anonymous said...

Hi Ya Bride, congrats for all the great things happening in your life , as for those with nasty comments, just remember, law kol kalb nabah (is it nabah walla awa?)alkamtaho hagara, lasar el hagar bekam delwakty?? , you r doing a great job,
keep up the excellent work
Gem - NewZealand

NOur said...

جمييييييييل

صوت فيروز said...

عايزة ابوسك و ازغردلك و اقولك الف مبروك
و بالنسبه للبوست فده قريب للي حصالي من حماده عزو و مامته
ههههههههههههههههه
و قريب هبعتلك كام قصه جنان كده تفرفشي بيهم الجمهور
سلام يا احلا برايد

Anonymous said...

هاى عليكى غادة
يا رب يبعتلك عريس الغفلة
اللى يستتك ويهنيكى
ويحكمك بقى
ويمنعك تكتبى المدونة دى !!
احب اهنيكى على نجاحك الباهر ويا رب تستمرى
وبمناسبة ان انتى و15 مليون بنت زيك عايزين تتجوزو
احب اقلك انى وبلا فخر
مش عايزة اتجوز!!

just me said...

مش عارف اقول ايه لكن اسمحيلى اقولك
" يخرب بيتك البوست بتاعك غاية فى الروعة "
لكن على فكرة احنا كلنا عايزين نتجوز اللى يقولك الشباب مش عايزة تتجوز يبقى غبى ومبيفهمش حاجة
لكن الشباب خايفين من كل حاجة
خايفين للعروسة تطلع بطيخة قرعة
خايف احسن الحج مخيمر ابو العروسة ينتف ريشه لما يروح يتقدم
خايفين احسن بعد الجواز يسرحوا مع بعض ببطاطا مشوية على الكورنيش
ياريت تقدرى من خلال المدون بتاعتك يكون فيه حل جزرى للمشكلة دى
ورش عمل - خطط - توفيق راسين فى الحلال
يعنى الانتقال من الجزء النظرى الى الجزء العملى

Anonymous said...

الف مبروك يا جميل
واحنا مش بنزعل لماانت تتأخري في الرد احنا عارفين ان الدنيا بقت زحمة عندك ويارب تتزحم اكتر واكتر بالخير
ويارب تحتفلي بامضاء الطبعة العشرين للكتاب
لأنك بجد تستاهلي كل خير
وان شاء الله نشوفك في القريب العاجل كاتبة سيناريو جامدة جداولا يوسف معاطي _لانه كاتب ساخر وكوميدي جامد جدا زيك كدة -
متهيألي يابرايد ان العرسان بتوعك دول ينفعوا يتعملو مسلسل ويبقي مسلسل جامد جدا كمان
في كل حلقة بنت يتقدملها عريس وهي ترفض مش بقي دلع ولكن لأنه ماينفعش زي الأخ مجنون الزمالك دةولا التاي اللي بصمكوا علي الكوبيات
بجد هيكون مسلسل جامد جدا فكري في الفكرة وربنا يكرمك

مصري بالغربة said...
This comment has been removed by a blog administrator.
مصري بالغربة said...
This comment has been removed by a blog administrator.
مصري بالغربة said...
This comment has been removed by a blog administrator.
مصري بالغربة said...
This comment has been removed by a blog administrator.
مصري بالغربة said...
This comment has been removed by a blog administrator.
مصري بالغربة said...
This comment has been removed by a blog administrator.
مصري بالغربة said...
This comment has been removed by a blog administrator.
مصري بالغربة said...
This comment has been removed by a blog administrator.
مصري بالغربة said...
This comment has been removed by a blog administrator.
مصري بالغربة said...
This comment has been removed by a blog administrator.
مصري بالغربة said...
This comment has been removed by a blog administrator.
مصري بالغربة said...
This comment has been removed by a blog administrator.
مصري بالغربة said...
This comment has been removed by a blog administrator.
مصري بالغربة said...
This comment has been removed by a blog administrator.
مصري بالغربة said...
This comment has been removed by a blog administrator.
مصري بالغربة said...
This comment has been removed by a blog administrator.
مصري بالغربة said...
This comment has been removed by a blog administrator.
مصري بالغربة said...
This comment has been removed by a blog administrator.
Meero Deepo said...

غدغودة الجميلة

مدونتك أكثر من رائعة
صحيح فضحتينا كلنا..بس يلا ...صاحبتنا برضه

ربنا يوفقك....وتتجوزى
وتصبح مدونتك الجديدة... كنت فين يا لأ لما قلت أأأأأه

تحياتى وتقديرى-أميرة الديب

mishooo78 said...

السلام عليكم ورحمه الله وبركاته
في البدايه أحب أشكر صاحبة المدونه وأدعو لها بالتوفيق والتقدم وأهنيها على النجاح الكبير
وبدون مبالغه أنا شايف إنك إن شاء الله ليكي مستقبل كبر فالكتابه ويا رب أشوفك كده زي لنين الرملي ويوسف معاطي وكان في واحده بتكتب في ملحق جريده الأهرام إسمها جيهان الغرباوي وإسلوبها قريب من إسلوبك وإن شاء الله نشوف كتب تانيه كتير وتعملي مسلسلات كوميدي زي راجا وست ستات وتامر وشوقيه وتوصلي فكرتك بإسلوبك الرائع ده وبجد بهنيكي من كل قلبي وألف مبروك عالكتاب وعقبال منباركلك عل أعمالك الجديده سلام

معلهش !!! said...

اسلوب جميل رشيق .. طبعا ً موضوع الكتابة بالعامية تعبنى شويه ولذلك انا شايف اننى نحاول نساهم شوية فى ترقية الالفاظ.. طبعا ً مقالاتك 10/10 بس لو حصل والغادة اللطيفة اتجوزت هيكون وضع المدونة ايه ؟!! ممكن طبعا تستلمها واحدة تانية عايزة تتجوز.. بس دى هتبقى مدونة تانية ...... بصراحة المدونة جميلة لدرجة انى عملت مدونة بعد تردد وكمان كتبت عنها مقال .. اشوفك بعدين ...محمد

slayer said...

ما شاء الله (حضرتك)موهوبة
و ان شاء الله لما يجي ل(حضرتك)عريس صح متنسيش تبقى تعزمينا
:P