بعد تجربة مريرة مع بعض كوادر التليفزيون المصري و بعض الإخوة الصحفيين
و بعد تعليقين تلاتة مالهمش لازمة و إيميلين تلاتة من ناس ظريفة و لطشيفة و تتحط ع الجرح يورم
بجد اتخنقت
يا جماعة نقول تاني من الأول
أنا مش بايرة
و لسه ماحملتش لقب عانس
أنا مش بادور على عريس..مش في المطلق كده
أنا بادور على حاجة صح في زمن للأسف يندر فيه ده
مش قضية البلوج التأخر في الزواج
قضية البلوج الزواج نفسه
فبليز ماحدش يقوللي معاناة و مشكلتك و جراءتك و شجاعتك
أنا يا جماعة عايزة أتجوز ...عادي زي ماكلكم عايزين
ليه فيه ناس كتير مش فاهمين ده؟؟؟؟
أنا مش عايشة حياتي في أزمة و لا باعيط على روحي ليل و نهار
ليه في عز الفرحة تلاقي ناس عايزة تهدم كل اللي عملته
هو أنا غلطت لما كشفت شخصيتي
هو أنا غلطت لما وافقت على نشر الكتاب
عارفة و الله ان معظمكم واقف معايا
بس بجد في الشهر ده اتعرضت لمواقف كتير بايخة جدا
بصوا هما كلمتين واقفين في زوري و قلتهم
مش هاسيب البوست ده كتير
غالبا هاشيله بكرة
بس بجد بجد
----------------------------------------------------------------------------
تحديث
يعني ينفع كده؟؟
كل مرة تطلعوني عيلة و أرجع في كلامي
بعد كده لما أقول هاشيل البوست تاني يوم ماحدش هيصدقني
بالظبط زي القصة التاريخية بتاعت الواد اللي كل شوية يقول حسني عبد ربه رايح الأهلي حسني عبد ربه رايح الأهلي لغاية لما الناس إتأكدت إنه كذاب و بعدها لما حسني يروح الأهلي فعلا ماحدش هيصدقه
و بعدين إيه اللي انتوا عملتوه فيا ده؟
دانا من إمبارح عمالة أقرا التعليقات و أعيييط و أقرا و أعيييط لما خلصت كل الكلينيكس اللي في البيت
يا جماعة انتوا أحرجتوني و أخجلتوني و خلتوني مكسوفة من نفسي و مش قادرة أبص لنفسي في المراية
صحيح أنا إزاي أتخنق أو أتضايق و كل الناس الحلوة دي حواليا؟
أنا يظهر إتحسدت..و مخي فوت حبتين..أصل طنط حشرية كانت عندنا أول إمبارح و عرفت إن طبعة الكتاب خلصت
(هي على فكرة فاكرة إنه كتاب لتعليم طريقة تربية دود القز ..ماحدش يبقى يقولها حاجة ماشي؟)
و الله يا جماعة انا كل اللي خلاني أكتب ده إمبارح هو إحساس الصدمة و الجرعة المركزة من السخافة اللي أخدتها في المدة الصغيرة اللي فاتت
(و ده من أسباب اني هاسيب البوست ..عشان يمكن ربنا يكرم الناس اللي فهمها بطئ و تفهم)
أنا جامدة آه..بس برضه يعني..عندي شوية مشاعر مرهفة كده..بس و الله بتعالج
أنا مش عارفة أقولكم إيه؟؟؟
دي لو عيلتي اللي من لحمي و دمي و دي إن إييهي كانوا لا يمكن يقفوا جنبي زيكوا كده
تعليقاتكم ليا بجد
Overwhelming
مش لاقية مرادف ليها بالعربي
أنا مكسوفة و متشكرة و الأهم
.
.
إني دلوقتي ..سعيدة جددددا
257 comments:
«Oldest ‹Older 201 – 257 of 257غادة النهاردة كانت منورة على مساءك سكر زيادة و الحقو الاعادة بليل النهاردة
OTV
انا اسمى خالد وجدى صاحب تعليق (ايه ياجماعه مالكم فى ايه . شويت كلمتين اتقالوا فى غاده الناس كفرت يعنى ..........)
عايز اقول ل(دادو) بالرغم ان ردك مهذب جدا بس انا مفهمتش اى حاجه من التعليقين بتوعك ومش عارف مين دخل الزيت فى الموضوع دى مش تريقه بس فعلن انا معرفتش اوصل للرساله اللى انت عايز تقولها .انا عايز افهم انت متفق معايا فى رأيى ولا مختلف (انا معرفش نوعك عشان كده بخاطبك بصيغة المذكر )
اما بالنسبه (النوسبه) للملقب بالصمت الحزين . ففى رأى الشخص هناك مواقف الصمت فيها أكثر تعبيرا من أى رد
. شكرا k_wagdi@yahoo.com
المدونه تحفه
وصاحبتها قمر وسكر وعسل
ودايما كده بسطانا وبسطينك..
تحياتي
الكاتبه العزيزه صاحبة المدونه ارجوا أن تقبلى تهنئتى لك على صدور أول طبعه من الكتاب الذى يحوى مضمون مدونتك الشيق ، وبهذه المناسبه ترغب المجله التى أعمل لديها فى اجراء حوار صحفى حول هذا الانجاز ،على أمل أن تشرفينا بتعاونك معنا
للتواصل معنا بهذا الصدد يمكنك مراسلتى على البريد الالكترونى التالى:
Sh_press2007@yahoo.com
الرجاء التفضل بالرد ولك جزيل الشكر
شيماء مهدى
يا غادة سيبك منهم انا لسه مقراتش الكتاب بس هقراه هقراه :(...وبعدين يا بنتى هما فى ناس كدا يحبوا يقفوا زى اللقمة فى الزور ...مبيعرفوش يعيشوا غير كدا ...سيبك منهم بجد...
بجد مدونتك جامدة جدا
السلام عليكم
ازيك ياغادة ؟ يارب دايما تكوني بخير
ياجماعة القضيه باختصار اننا مهما كنا مؤيدين لرأي او معارضين لفكرة مش بنعرف نعبر صح .
الأخت بتاعت بطوطة . شكرا لظهورك مرة تانيه . والحقيقة ان تعليقاتنا
علي ردك - علي الاقل تعليقي - مش مقصود بيه تجريح ليكي ابدا بس احنا ليه لما نعارض حد نجرحه ونضايقه ؟
ايه لزومه اننا نقول كلام جارح زي فضحتي نفسك وكلام كتير فيه
استخفاف ؟ وفي الاخر نرجع نقول خايفين عليكي وبنحاول ننصحك .
ليه مانحاولش اننا نراعي كلامنا شويه لما نحب نرد علي حد
مفيش حد بيعجب الناس كلها
وكل واحد من حقه يعلق علي اي كلام سمعه او حاجه قرأها او شافها بس المفروض لما نحب نعارض
فكرة او وجهة نظر نبدي علي الاقل احترام لصاحب الفكرة دي
يعني حاجه كده زي " مع احترامي لوجهة نظرك بس انا مش معاك "
لأنه زي ماحنا بنعطي لنفسنا الحق نعارض وننصب نفسنا حكام
علي افكار الاخرين هما كمان من حقهم يتكلموا وابسط حقوقهم الاحترام
احنا مش صغيرين اوي كده عشان كل شويه نقعد نجرّح في بعض ونهاجم بعض بصورة مستفزه
انا باعتبره صديق من يهديني عيوبي بس مش هاقبل انه
يرميها في وشي ويخليني طول الوقت اشعر اني ارتكبت خطيئه او جنايه
بصوا من الاخر كده وحدوا الله واطردوا الشيطان من بينا . في الاخر احنا كلنا
اخوات وواجب علينا نحترم بعض ونتعامل بشكل متحضر شويه
وبعدين بالنسبه لأنها بتتشرط . غادة وكل بنت وكل شاب واي مخلوق من حقه انه يكون ليه مواصفات لشريك
حياته ومش معني ان شخص بيرفض شخص تاني انه بيتبطر
احنا شفنا نماذج كتير حكت عنها غادة عيوبها اكتر من
مزاياها . هوا فعلا مفيش حد خالي من العيوب والكمال لله وحده
بس ايه يجبرها تقبل بشخص بخيل او كداب ومزور او جايب زوجاته يخطبوا له زوجه جديده
وفي الاخر نقول بطر .. دا كلام ؟
عموما مش شرط اللي يناسبك يكون بالضروره مناسب للآخرين وكل واحد أدري باللي يناسبه واللي هوا محتاجه
فبلاش برضه نغلط بالطريقة دي
عموما ياريت بجد نكون أكبر من اننا نختلف ونهاجم بعض باسلوب مستفز
ياريت نكون كبار في تفكيرنا وردودنا وتعاملنا مع الاخرين
وبعدين اختلاف الرأي لا يفسد للود قضيه . يعني ممكن نختلف بس بلاش نفسد للود قضيه
وده امره سهل لو راعينا اللي حوالينا وحاسبنا علي كلامنا شوية
بصراحة الكلام عن الهجوم واعداء النجاح كتر اوي والموضوع اخد بجد مكانة اكبر من وضعه الطبيعي
خلونا بقي نتناقش بشكل حضاري وواعي
وياغاده
ياريت ماتضايقيش نفسك وزي ماقلت قبل كده مفيش حد بيعجب كل الناس
كفاية تكوني عارفة انك صح وان في ناس جنبك ومعاكي وبيسعدها دايما انك تكوني مبسوطه
وانتي حرة في افكارك ووجهات نظرك طالما بتعرضيها بشكل مهذب
ومن حقك كمان ان التعليقات سواء معاكي او ضدك انها تتعرض برضه بشكل مهذب
ياريت تظهري بقي وبلاش الغيبة دي
ويارب دايما تكوني سعيده
lyssandra
ولا يهمك يا ست البنات وهي دي ضريبة النجاح ومش كل الناس فاهمة وفيه اللي بيتكلم لمجرد الكلام عموما ركزي على المستقبل زخططي حياتك صح والطريق اللي هترسميه لنفسك اكيد ربنا هيوفقك فيه لانك واخدة الحياة جد وبعمق رغم الاسلوب الساخر وأهنئك مرة اخرى على الكتاب وعلى انك ما مسحتيش البوست
Zianour
كل ده يا بنتي عشان الحسد انتي
تنزلي تجيبي رجل نملة ع شوية مستكة وحبهان
وتلفيهم يومين ع رجل فرخة بكرية
مكنش اتكسر ريشتها
وتفكيها
وتتبخري بيها
يعني لازم تقولي ان الطبعة التانية ع وشك الاصدار
ونبي ياختي انتي منظورة وحاجتك مبصوص فيها ده ايه ده
ابقي داري ع شمعتك يام احمد
اقصد ياختي
الله و كسرنا حاجز ال 200 كومنت يا نجم
ما شاء الله و الله اكبر
بقالي سنة بعلق عندك
مش هنول بقى شرف كتابة كومنت منك عندي بما انك بقيتي من المشاهير كدة خلاص
شاه
بسم الله
دي مش اول مرة ادخلك ، لكن اول مرة اتضايق من بوست كده ، لقيتني حاسس ان عندك حق ، انا نفسي قلت ان كتير من الناس هيبصوا للبنت دي كده وطلعت نظرتي صح بس والله انا كنت فاهمك كويس خصوصا بعد ما شفتك في العاشرة قلت لنفسي مش ممكن بنت كده تكون بايرة دي اكيد عايزة حاجه تتوافق معاها في اشياء كتير ه ،
عموما علشان خاطر شاب تأثر بيكي وكتب قصه قصيرة في مدونته - ال هو انا عيني - تعبر عن فكرة طرأت عليه من جراء قراءته لبعض بوستاتك عودي يا ال عايزة تتجوزي لان انا كمان عايز اتجوز ، هحط لك مدونتي روحي اقرأي قصتي القصيرة وعنوانها " لعله خييييييير " وقولي لي رايك ، بس لازم تبتسمي الاول ،
يلا ابتسمي
ايوة كده .... الابتسامة جميله ايه ..... ههههههه
tamermtmo.wordpress.com
يابنتي أستهدي بالله حقك علي راسنا من فوق بلاش تكتبي عن العرسان قطع العرسان وسنينهم بس بجد وحشتينا انتي يابنتي لو دخلتي بس واتكلمتي عن اي حاجة بتبسيطينا ارجعي بقي
عزيزتي غاده
كان طبيعي أن تتعرضي لمثل تلك المضايقات
لأنك تكلمتي بصراحه عن أمر لم يتطرق اليه كثيرون غيرك
فكثيرات يستعففن عن ذكر رغباتهن الحقيقيه في مجتمعنا الشرقي المنغلق
جميل ان يساندك كل هؤلاء
و هذا لأنك و حقا تستحقي هذه المسانده
أمس استمتعت بمشاهدتم على
otv.
أدهشني سؤال المذيعه لكم عن لقب مطلقه أم لقب عانس؟؟
في البوست الأخير عندي وصف لمشاعر المرأه المطلقه
أتمنى ان تقرأيها
عزيزتي
انا اعلم تماما أنك تعلمي هذا
اننه مش مهم الجواز
المهم السعاده
المهم الرضا
و قد عبرتي أنتي عن هذا بصدق
فقلتي بمنتهى الوضوح
أنك
آه عاوزه تتجوزي
بس كمان
انتي مش صفر على الشمال
و ترفضي لقب عانس
أحييكي يا غاده من كل قلبي
و الله معكي عزيزتي
انا زعلانة منك اوي يا دوددة.لأ زعلانة فعلا عشان اهتميتي بأراء سخيفة ومش فاهماكي واهملتي اراء الناس اللي بيحبوكي فعلا من قلبهم.غادة انت مش عارفة انت عملتي فيا ايه انت حسستيني ان انا مش لوحدي في الدنيا دي.كل اللي اعرفهم عايزين الجواز لمجرد الفرح والفستان والزفة والشبكة.بس انا عايزة اتجوز بني ادم مش شنطة فلوس.اسمعي صوت قلبك ومدام انت مأثرة في ناس يبقى مايهمكيش اعداء النجاح
keep up the hard work girl!
mona
بس انا عايزة اسألك سؤال محيرني جدا.انا مش عارفة هاعرف اجابته منك ازاي؟انا هاسأله والسلام
انت واحدة زي القمر ودمك خفيف ومثقفة وتجذبي اهتمام اي بني ادم مش معقول محبتيش قبل كده ياابن خالتك يابن الجيران يا زميلك في الجامعة؟ ولا انت ضد الجواز عن طريق الارتباط؟
يعني ماكانش في احمداو محسن في حياتك؟
ولو ماكانش في انت اييه رأيك في الحب المؤدي للزواج؟
انااسمي غادة==انثى
انا مش بتفلسف و لا حاجة, انا بس كان قصدى ان اي كاتب لازم يعبر عن معاناة الشعب و اكيد معاناته هوه كمان.
و لو كانت غادة مش حسة مبعاناة ملايين البنات مكنتش هتعرف تكتب الكلام الحلو ده.و بعدين كون ان دار الشروق تطبع لها كتاب ده شرف كبير كتير نفسهم ينالوه فاكيد بالضرورة الاعلام هيركز عليها و يظهرها ,هل المفروض انها تستخبه؟؟؟
اعتقد لو الفرصة دى جت لاى بني ادم عمره ما هيفوتها.
انا اختصارا و توضيحا لكلامي المفروض نقف جنبها يااما بموفقتنا يا اما بالنقض((((((((البناء
ارجو ان الاستاذ خالد وجدى يكون
اولا فهم قصدى ايه
ثانيا يعرف اني انثثثثثثى
هههههه
سلام
momkn talab ya bride ya gamila
sibk mn elnas le7akouda di
mashy?
w 2hm 7aga 2nk trg3i tktbi 3ady zay el2wl
2bl melkttab ynzl
bgad 27na 3wzink trg3lna bktbtk elto7fa dih w sibk mn 2y 7ad y2oul 2y 7aga
enta yapasha 2kbar mn 2y 7ad :)
mstnyink ba2aaaaaaa
المشكلة الحقيقية هي في عدم التواصل بين الأطراف المختلفة .. فطريق السعادة يبدأ بالمصارحة حتى يعلم كل طرف ما يريده الطرف الآخر..
من حقك و حق كل الفتايات أن تطالبن بالزوج المناسب .. و الذي يقرأ كتابك و يتصفح كثير من المدونات الشبيهة يرى بأن الأصرار هو على أخلاق الرجولة و التي يبدو أنها قلت في زماننا هذا.. فعلينا نحن الرجال أن نرى الخلل و نسارع بإصلاحه.. و عليكن أنتن الفتايات الإصرار و الاستمرار على المصارحة و المطالبة
لأن (الطيبات للطيبين .. و الطيبون للطيبات)ـ
معلش يا برايد . الشجر المثمر بس هو اللى الناس بتحدفه بالطوب . فى النهايه انت انسانه ناجحه و مؤثره فى ناس كتير منهم ماشافوكيش لكن برده مؤثره فيهم . فطبيعى تلاقى منتقدين و مهاجمين كتير . المهم انك تستمرى فى طريقك و الحقيقه ان تحقيق السعاده و النجاح فى الحياه مع رضا الانسان عن نفسه صعب جدا . فما يهمكيش و الى الامام دائما .
سيبك من النكد ده و بقى و ارجعى . و ممكن تكتبى لنا شعرك الظريف تانى ؟؟
ربنا معاكى
اهو بصى كدة على التعليقات
تلاقى كل واحد كاتب سيبك منهم وقطعوا سيرة العرسان وسنينهم وهى متجوزة !!!!!!!!
امال انتجوزتى لية مدام قطع سيرتهم والله اغرب مخلوق على وجهة الارض وقمة التناقض هم النساء
وتيجى تقول سيبك من العرسان اهم حاجة تكتبى علشان احنا عايزين نقرأ
مش ملاحظة حاجة فى الجملة دى
هى اخدت ال عايزاة ال هو العريس وبتقولهم قطعوا
وفى نفس الوقت عايزة تقرأ وتضحك وتغير جو وخلاص !!!وكلة بيقول كدة اصلا عايزين مصلحتهم وخلاص اكتبى علشان هم يقراوا ويضحكوا وانتى منظرك يبقى وحش فى الاخر ..
فكرى وربنا يهديكى
ربنا يهدى الجميع هى الهداية وحشه ......يا استاذ قاسم
لا حول ولا قوة الا بالله العلى العظيم
أستاذة غادة .. أكتب اليك من كندا لأحملك المسئولية كاملة عن سوء ظن جيرانى بقواى العقلية فقبل أسبوع و فى ظلمة الليل البهيم والحرارة بالخارج تدنت حتى قاربت من الصفر المطلق، قرأت مدونتك بعد سماعى عن كتابك ولابد أن صوت ضحكاتى قد أيقظ نصف سكان الحى الذى أسكن به ففى صباح اليوم التالى رأيت فى عيون الجيران نظرة اٍشفاق على المجنون الذى يقهقه وحيدا وقد انتصف الليل.
أريد أن أذكر نفسى واٍياك أن هناك أناسا نذروا أنفسهم لاٍحباط البشر واٍقناعهم أن أحلامهم مستحيلة وأن صرصارا فى اليد خير من المانجو على الشجر، فلا و ألف لا .. فتفاءلى بالخير تجديه وتمسكى بالحلم تحصلى عليه. مع خالص تقديرى واحترامى للصراصير و شكرا
Please stop anonymous comments from your blog settings
mesh momkn ykoon feah dema3' keda..7aga teda7ak moooot...el comments deah tadol 3al en el wa7da mennena to3od mo3azaza mokarrama keda badal matedabes ma3a dema3' keda w tet3edy mn morakab el 3o2ad...
ya gama3a simply gedan, kama tadeen todan....so watch ur words if this means anything to you....
يا غدغود ولما أنت تعتزل أمال مين اللي يبقى في الملعب
عوزين دودي عاوزين دودي
عارفة لو ما لقيتش تعليق فمدونتي بكرة حعمل فيكي ايه؟
لأمش حقولك ....
عاااوزييييييييييييين
دووووووووووووووووووووودي
مروة
فى حكمة بتقول "الكلاب تعوى والقافلة تسير"وانتى لازم تشوفى حاجات زى دى فى مجتمع مريض نسبيا زى مجتمعنا لكن المهم انك قوية والأهم من كل ده الموضوع الأساسى ان انتى موهبة أدبية كبيرة وصاحبة اسلوب راقى وممتع ونادر فى هذا الزمن إنك تلاقى اسلوب كوميدى راقى ويلمس الواقع .
انا عايزاكى تستمرى وميهمكيش حد وشاوريلى بس ع اللى يزعلك وانا أقطعهولك
(((((شموسة)))))
يا غادة انتى موهوبة و أسلوبك كويس و أظن انك ممكن تبقى كاتبة ساخرة ناجحة
أما عن موضوع الجواز فمحدش يقدر يلومك على اٍنك عايزة تتجوزى واحد تكونى مقتنعة بيه وأتمنى اٍن ده يحصل قريب اٍن شاء الله
بس مش تفتكرى اٍٍن أى واحد عاوز يتقدم لك دلوقتى حيراجع نفسه لأن ممكن تانى يوم يلاقى مقال على المدونة بتاعتك وانتى نازلة فيه تقطيع
يعنى الواحد برضه لازم يفكر شوية من وجهة نظر الطرف التانى وبعدين فيه فكرة عند بنات كتير اٍن أى واحد بيتقدم لها معناها أنه عاوز يتجوزها خلاص والأمر فى ايدها تقبل أو ترفض بس الحقيقة اٍن العريس ده برضه عنده متطلبات و ممكن بعد كام لقاء يحس انها مش موجودة فى البنت اللى اتقدم لها
معلهش ما تزعليش منى أنا حبيت أقولك وجهة نظرى و مبروك الكتاب و اٍن شاء الله دايما فى نجاح و سعادة
دوقتي بس صعبتي عليا برايد
ازاي هتردي علي الجيوش ديه كلها
الله يكون في عونك
واضخ ان الهارد التاني هيضرب قريب اوي
تشجعي
ديه ضريبة الحب
أول زياره ليا عندك رغم أني علي بلوجر من فتره كبيره
بس أحييك جدا علي الفكره ووالله بحلم وأقول برده أنا عايز أتجوز ... الموضوع يستحق فعلا لأن لو استمرينا كده هنتجوز والسلام ونبقى أخدنا أكبر مقلب
إن شاء الله مش هتكون اخر زياره .. واسيبك بقه عشان أتسلى في بوستاتك القديمه
انتى عاوزة تتهربى من دفع الضرائب؟؟؟!!!
السلام عليكم الاول
بصى يا سكره انتى دلوقتى بقيتى على سلم الشهره ومدام وصلتى السلم ده لازم تدفعى ضريبة الشهرة بس أوعى الاقيكى تانى واقفه تعيطى وتضربى برجليكى فى الارض وتزرزرى كده .....
انتى فرحتى واحنا فرحنامعاكى وفرحتينا بكتاباتك وفرحتينا بفرحك أوعى تزعلينا بعد كده كفاية حال البلد اللى مافهوش حاجة تفرح
وربنا يكرمك ويوفقك
mdalsayed
بالحق يابرايد سورى نسيت اسألك هوه أنا لو عاوز توقيعك على الكتاب حدفع كام اوه سورى اقصد اجيبه إزاى ؟؟؟؟!!!!
عزيزتي غادة
رولا خرسا كتبت تحديدا عن هذا البوست في المصري اليوم هل قرأتي المقال ؟
كل واحد حر في رأيه بس المهم انه لو عنده انتقاد أو مش عاجبه شي ينتقد ويعلق باحترام انسانية الانسان الي بيوجهله النقد مش يقوله كلام جارح ويقول انا بانصحك وبعدين غادة عملت الي شافت من وجهة نظرها انه صح ومن الافضل اننا نحترم وجهة نظرها ولو عندنا وجهة نظر مختلفة نبعتها ليها على ايميلها مش نضحك ونهرج قدام خلق الله ونقول نحنا بننصحها ...
أنا رأيي انك تمنعي التعليقات المجهولة من اعدادات الضبط الخاص بالمدونة
امنعي التعليقات المجهولة و اللي يغلق لازم يكون ليه اسم أو صفة يترد عليه بيها
قرأت مقالة رولا خرسا في المصري اليوم عنك في الرابط ده
http://www.almasry-alyoum.com/article.aspx?ArticleID=95240
ربنا يوفقك دايماً
مش عايز اكون متحامل واعمم يس 99% من الجنس "اللطيف " اللى فى مصر عنده نفس السلوك المتحدى و العدائى و الذى يتعارض مع الأنوثة يمكن عشان معظم الآباء كانو ا راضخين لزوجاتهم امام بناتعم و نادرا لما تلاقى واحدة فاهمة دورها فى الحياه و دور شريكها، ياريت تقدرى تغيرى مفاهيم بنات جيلك و يعرفو ان لما البنت بتفقد انوثتها بتتحول ل ند للرجل، و ياريت يعرفوا ان ربنا خلقنا عشان نعيش مع بعض مش لوحدينا ن السكن و المودة و الرحمه ن الجواز الصح (الإختيار المناسب هو اجمل ما فى الحياه)
written by The knight
على فكرة overwhelming يعنى ساحق او شىء غامر
c u insha alah
ازيك يا غادة
مش هقولك بقة ضريبة النجاح واعداء النجاح واي حاجة بييجي بعدها نجاح. سيبك من كلام الاسطوانات ده . انا بس هقولك "فكك من العالم العوأ دي" صحيح انا مقدر المواقف البايخة اللي ممكن تتعرضيلها كبنت نتيجة لفكرة مدونتك. بس ده قدرك يا عزيزتي، انتي تعيشين في مجتمع يغلب عليه طابع الغباوة. ربنا يوفقك
احمد/ مشروع مدون جديد :-)
علي فكرة انا مش هضيف اكتر من اللي قبلي ضافوه
اجمدي كدة مش بقي هنقف من اول ضربة دة ياما اللي قبلينا اتهاجموا وكملو ده حليم بذات نفسه اول ماغني اضرب بالبيض والطمام وبعد كدة اللي ضربوه هما اللي شالوه علي الأعناق
انت لو استسلمتي هتأكدي للي هاجموكي انك غلط بدليل انك وقفتي لكن لما تكملي هتثبتيلهم انهم كانواغلطانين
بصي هقولك زي الشيخ زكريااحمد ماقال لأم كلثوم لما الناس هجموها في البداية بردة هاتي الهجوم دة واقفي عليه هتلاقي نفسك بقيتي اعلي واطول
ماتخليش مشروع الكاتبة الساخرة الكوميدية الجامدة دي تقف علشان شوية حشرات
اوك يا جميل ربنا يوفقك
الرواد دوماً ما يدفعون ثمن ما سيتمتع به من سيأتون بعدهم .... هذا قدر كل رائد في أي مجال
خالص التحية على فكرة المدونة وعلى جرأتك وحسن اختيارك لكل كلمة تكتبينها
والله دا مش اسلوب واحده عندها عقد ولا حاجه
احنا كلنا معاكي وفاهمين قصدك ايه باللي بتكتبيه
هو انتي مش عارفه بعض المصريين اللي يكتبوا و يحكوا و هما مش عارفين الهدف الاساسي من الحاجه دي
ربنا يوفقك
بجد انا فخورة بيكى اوى اوى ..وفرحت بيمى لما نزلتى الكتاب و فرحت اكتر لما طلعتى فى التلفزيون ..انا بتابع المدةونة من ساعة حادثة السرقة بس ماحصلش انى رديت ودلقوتى انا عايزة ارد عشان اقولك ربنا يوفقك..انتى تستاهليها
بجد انا معجب جدا بصراحتك واتمني لك التوفيق في الرجل اللي يستحقك . ويا ريت كل بنت في مصر تبحث عن ابسط حق من حقوقها وما تكتمش صرخة بين ضلوعها ممكن تخنقنها. ربنا يبارك لك ويوفقك. م/أحمد
الرجوع للحق فضيله وانت منورانا وكلنا سعداء انك معانا
إنتي إنسانه جميلة و مثقفة و ألف مليون واحد يتمنوكي ..
متلوميش الناس مهما قالوا هما للأسف مش فاهمين
ربنا يكرمك بكل حاجه حلوه زي ما بترسمي الضحكه على وشوشنا حتى لو على حساب نفسك
تشير أب جيرل .. أنت لها .. فعلاًً فعلاًً الله يحميكي ..
أنا راجل بس أعترفلك إنك أشجع مني و من مليون راجل جنبي ..
كفاية جدا جدا ثقتك فنفسك و انك مش بتعملي حاجه غلط المفروض تتحاسبي عليها ..
الدنيا فيها الحلو و المر .. و بالنسبالنا إنتي فعلاًً فعلاًً من النص الحلو .. لأ و كمان بتهوني علينا النص المر ..
أنا فرحي بعد كام شهر و أتمنى إنك تشرفيني .. فعلاًً حضورك مش عزومة مركبيه قد ما هو هيفرحنا و سيعدنا
أولاً كده ربنا يبارك لك يا رب في المدونه بتاعتك
رائعه جداً أنا لمن وصلت مصر إشتريتها على طول مامتشي مصريه و أول ما قرأتلها المدونه اللي كنت أساساً متابعها في الفيس بوك بكيت من الضحك
لأنها بتوصف حركاتها في بعض المواقف
و بتقول كل الكلام صحيح ميه في الميه عن الزواج
ثانياً: ما تصدقيش أي حد بيقول عليكي بايرة
إنتي إنسانه ناجحه و حققتي نجاح ما أعتقدش حد حققه و في سنك داه
أنا نفسي أعمل حاجه زي كده لكن للأسف مش عارفه أبتدي إزاي و هل الناس حيتقبلوها أولأ
و أخيراً
overwhelming معناها بيختلف من مكان لمكان لكن عموماً في حالتك دي غالباً معناها إنو التعليقات دي مغرقاكي و مضايقاكي
ولا تفرق معاكي خالص، أعتقد بعد تجارب طونط حشريه و عرسانها اللي زي الفسيخ لازم يبقى عندك تبلد حسي
بالتوفيق يا رب و أشوف لك الجزء التاني و العاشر كمان للمدونه
:)
sarah sue.
معلش يا غادة استحملي شوية هنعمل ايه..ما هو اسهل حاجة الكلام..ربنا معاكي و ملكيش دعوة بالناس اللي بتتشدق بالكلام اللي ييجي على بالها من غير ما تفكر
اتمنى تزوريني في مدونتي قريبا انا رايك يهمني....انا بكتب برده من زمان و اتمنى اكون اعلامية .. و ان شاء الله انتي اول حد هعمل معاه لقاء
lol
سلام يا جميلة
راوية
http://pen-over-20.blogspot.com/
t3alo naftared 2fterad gamil fy mogtma3na 2lgamil da naftared 2n kol regalet masr 2tgawezo 7ayeb2a lesa fy banat mesh metgaweza 3lsh 3dad7oum 2ktar 2l3ayzeen yetgawezo men7oum y3melo e7 b2a, yoftarad 2no7om 7aytegawezo 7ad metgawez 3lshan kol 2lregala metgawezeen zay ma2olna, le7 b2a 2lmabda marfoud 7ata wel zorouf 2s3ab men 2l2fterad da
بصى يا دودى (ينفع الدلع ده ولا رخم؟) دى اول مرة فى حياتى اقرا مدونة لانى كنت معزولة عن العالم فى احراش السعودية لكن شوفتك على دريم و بحثت عن مدونتك وتعليقى على مبدئك انك تتجوزى صح اللى انا فاهماه انك عايزة الزوج اللى فى خيالك مش ناوية تتجوزى لمجرد انك تحملى لقب مدام لكن عمرك سالتى نفسك اللى فى خيالك ده موجود اصلا او لاء؟رايى انه موجود فى خيالك بس وفى خيال اغلب البنات اللى عدت 25 بدون زواج وكان موجود فى خيالى لكن من خبراتى مع الجنس الاخر وهى بصراحة مش كبيرة اؤكد لك ان الصورة اللى فخيالنا مش موجودة على ارض الواقع ولو بصيتى شوية للجوازات حواليكى هتلاقى اغلب البنات سابقين ازاوجهم عقليا و على مستويات تانية كتير وبرضة فى بنات تعبانه بتقع واقفة وتاخد اللى سابقها بكتييييييييييير ودول جنس المحظوظين اذا كنتى بتعتبرى نفسك منهم(المحظوظين )يبقى كملى على دربك وربنا يوفقك واذا كنتى تعرفى عن نفسك قلة البخت زيى و زى بنات كتير وستات اكتر نصيحتى لكى انك تتخلى عن بعض شروطك فى شخصية جوزك وعقله لان اغلب الرجاله تافهين او صعب عليهم يوصلو لمستوى تفكيرك ووعيك ودى قضية جيل مش هتحليها انتى لكن لازم تتمسكى بشورط مهمه او على الاقل يكون عنده الحد الادنى منها لان مش معنى كلامى ان اى واحد زى التانى لكن قصدى دورى على احسن الوحشيين لان حلمك مش موجود وده مش تشاؤم لكن صدقينى انا دورت حولى فى عشرات الزيجات زمان ودلوقتى لقيت ان اللى كانت مقتنعه بزوجها بدرجة 100 فى 100 قبل الجواز متزدش سعادة عن اللى اخدته من باب ضل راجل ولا ضل حيطة
امضاء: واحده متجوزة وعندها عيل
السلام عليكم,
بصراحة يا غادةأنا عاوزه أهنيكي لأنك نجحتي و بجدارة في التصييح لكل البنات و التقليل من شأنهم و قيمتهم جدا جدا جدا..........
مش عاجبك إن أي واحد لما ييجي يتجوز بيكون فاكر نفسه لمونة في بلد قرفانة و قاعد يتشرط هو و مامته, طب ده هو لو دخل على المدونة بتاعتك و قرى الكام بوست اللي في الأول, مش هيتعب نفسه و يروح يخطب, ده هيستنى العروسة تجيله لحد عنده تطلب إيده,
و بعدين بتقولي إن كل البنات عاوزة تتجوز و ده هدفها في الحياة مهما كانت ناجحة في دراستها و عملها و بتتعقد و تموت لو ما اتجوزتش و تبقى كدابة لو قالت انا مستنية احقق ذاتي, و بعدين ترجعي تقولي أنا مش صفر على الشمال, سوري يعني ده انت كده خليتي نفسك و كل البنات عشرين صفر من غير حتى رقم على
الشمال.
و انا في رايي إن في بنات كتير مبيكونش موضوع الجواز قالقهم اوي حتى لو اتأخر, لكن المشكلة بتكون في المجتمع اللي حواليهم اللي مبيسيبهمش في حالهم و مبيرحمهش و اللي المفروض ينفضوله و مياخدوش كلام الناس الفاضية في عين الاعتبار,
و بعدين لازم الشباب الحلوين يفضلو فاكرين ان زي ما البنات بيعنسوا هما كمان معنسين, انا بيصعب عليا اوي لما الاقي شاب زي الوردة عنده 39 سنة و لسة متجوزش, بس لاننا في مجتمع تفكيره على قده مبيبصش للراجل المعنس و بيصيح للست المسكينة اللي اتأخرت في الجواز,
انا عندك عمري 19 سنة, لسه معنستش, و لا ايه؟؟ و باذن الله مش ناوية أتجوز الا بعد تسع عشر سنين, لان ده هو المفروض لما يكون الواحد حقق ذاته و بأكد على حقق ذاته دي, و ساعتها بقول لكل حد يتساءل أنا ليه لسة متجوزتش (GO TO HELL)
بس لازم تفهمي أنا مش بهاجمك و لا حاجة انتي واحدة ناجحة و ربنا يوفقك بس انا اللي قريته استفزني و خلاني اكتب الكومنت ده و ما تتخنقيش..
على كل حال و رغم اختلافنا في الاراء مبروك على المدونة و الكتاب و ياريييت مترميش الكومنت بتاعي في التراش......
15/8/08 21:36
edit comment
دي ناس لا قرت الكتاب و لا المدونة اصلا...هما تلاقيهم شافو العنوان و سمعو في الأخبار في بنت في مصر بتقول عايزة اتجوز...:-)
بيا ن رقم 1
بيان تأسيس العصابة
يشرفني انا الاستاذ / حرامي لص نشال
ان اعلن لكم عن تأسيس اول عصابة لسرقة المدونين
واحب اعرفكم اني خلاص بقي عندي عصابتي
واسلحتيومفاتيحي وطفاشتي واعلن لكم جميعا عن ميثاق الشرف لتأسيس هذه العصابه
ويتضمن المواد الدستوريه التالية
1- ان لا يتم سرقة الا ما هو نفيس وغالي وعلي المدونين اللي أي كلام انهم يتطمنوا لاني مش هقرب ناحيتهم
اما المدونين المتميزين فيعرفو اني هسرقهم هسرقهم
2- اي عملية سرقة او سطو مسلح لن تتم الا بعد التهديد والوعيد يعني هبعت رساله للزبون اقوله اني نويت اسرقه
3- يتم ترك بصمات(تعليق ) علي كل مدونه تمت سرقتها عشان تعرف انها اتسرقت
4- يتم عمل نقطة بوليس (عندي في المدونه ) لتلقي البلاغات والشكاوي والتعليقات
5- لن يتم نشر اي موضوع الا اذا كان مسرووووق يعني انا مش هكتب حاجه من عندي
6- ان جيت في يوم واتقفشت فسوف اعلن توبتي وابطل سرقه واحل العصابه
وعشان تقفشني لازم تعرف اسم المدونة الاصليه بتاعتي اللي هيه مش سرقه يعني
- يتم نشر هذا البيان علي اكبر عدد ممكن من المدونات للعلم فقط
اعلانات مبوبه
اعلان لكل الجرايد الرسميه والغير رسميه
مطلوب مساعدين لحرامي.... علي ان يكونوا خبره لا تقل عن عام في السرقه والنصب والتدوين وعلي من يرغب في التقدم للوظيفه ارسال cv وصورتين او تعليقين
امضاء
الحرامي الكبير
والله العظيم انتى ست البنات لعلمك الراجل مبيدورش بس على الحسب والغنى والجمال فى العروسه كمان بيدور على القلب والعواطف والثقافه والتفتح والنجاح بس نعمل ايه ياعينى الحاجات دى معدتش بتبان فى زمن المظاهر والمجاملات السخيفه والزيف والتناقض فى نظره المجتمع لعلاقات الشباب والبنات عشان كده العريس بيستسهل ويقولك اخد الجميله بنت الناس الطيبين عسى انها تطلع زيهم ولان صعب الولد يتعرف على شخصيه البنت الحقيقيه فى مناخ سوى وبدون مجاملات فبتلاقى فيه تخبط وتاخر فى مواضيع الجواز واللى بتنهى فى الغالب بالطلاق نتيجه صدام الطرفين
على فكره انا بسجل اعجابى باسلوبك اللى سحرنى وافتخر ان انا ابن نفس البلد اللى انتى منها ومش بس كدا دا انا كمان خريج نفس الكليه بس دفعه 2003 ,بجد بتمنالك كل التوفيق فى حياتك العمليه واوعى اوعى تبطلى كتابه
اخوكى /تامر محمد عواد
سلام و تحية
ولله أنا قريت الكتاب و جميل أوي أوي وي ارب باركلك يا رب ولله كلامك كلوا واقعي و جميل و بحسيسني أني أنا بتكلم أا عنجي 20 و بحس بنفس الحاجة و حتي صحباتي المتجوزين بيبصولك بصت كدة مش عارفة بس فيه خبئ و تقرفي عشتك مهم أنا من غير مصر من بلد تانيمن لبنان و بحس نفس أحساسك و نظرت الناس ليكي تحسسك أنك عندك 35 سنة و انا لسة 20 ولله أنا نفسي أتكلم معاكي و أتعرف بيكي أكتر يا غادة ميرسي علي الكتاب و أنا قريت جزء متحمل من علي النت بس مش عارفة أذا كان كامل ميرسي ليكي
غادة لسةامبارح بس خلصت كتابك انت صادقة جداومفيش بنت ما مرتش بالمشاعر دة المشكلة ان الناسمش فاهمةانك اختى حالتك الخاصة وانطلقتى بها لتناقشى حالة عامة وموجودة فى كل بيت من صحفية دخلت الممهنة وهى عندها 19سنة اوعى تتوقفى عن الكتابة فتعبيرك عن مشاعرك بهذه السلاسة موهبة جديرة بالمواصلةوييييييييييييياريت الاقى بنت زيك وفى وعيك وعقلك لاخوية اللى دايخين له على عروسة بس علشان تعرفى ان كمان مشكلتك احيانا بتواجة الشباب فى انتظار اصدار جديد للك
Ana awl Mara akteblk wkman I am late but I am really impressed about ur blog. I live in the US and I wasn't into Arabic writings but to be honest n to give u all the bride ya "bride" 7elwa dy, u just made me attached to ur blog and I really want u to know that I am supporting u here from the other part of the world and just ignore all tts silly comments Just please keep going n continue what u doing, u r on the right path. Btw I am proud to be on ur blog n to have an Egyptian with mentallity :)
hi ya dodo don't say that you are a strong women don't listen to those people and don't let them effecting in your mode we all understand you. go forward like you are. with all my respect
emy:)
انا بقي نفسي ربنا يخدني ويريحني هو الواحدة لازم تكون هيفاء وهبي علشان تتجوز بجد حاجة تقرف يعني معرفش انا مش عارفة البنات بتتجوز ازاي بس كل اللي انا عارفة اني خلص كرهت كل الرجالة من قبل ما اتجوزهم ومش عايزة اتجوز اصلا علشان مش شايفة اي راجل يستاهل اني اتجوزه ويارب كل البنات الوحشة تنقرض علشان مش عايزة عقد كفاية اللي الواحد فيه
Post a Comment