Saturday, January 26, 2008

إبني










يا سلااااام و الله مافيش زي قلب الأم

الكتاب مسكته في إيدي و ماتتخيلوش شعوري كان إيه...مش عارفة أعيط والا أضحك والا أسجد على الأرض وألا أقوم أقلع الجزمة و أنطقها زي محمد زيدان


المهم آدي الكتاب بيقولوا هينزل في المعرض بكرة الأحد الموافق 27/1

الناس اللي بيقولوا احنا من محافظات تانية و مش هانقدر نيجي المعرض..أقولهم إن انا كمان من محافظات تانية و باجي المعرض كل سنة
أركب القطر و انزل في رمسيس و اعدي الميدان و اركب المكروباصات من جنب الجامع اللي بتقول "المعرض ..المعرض..المعراااااااض"..تقوم توصلني للمعرض أقعد ألف أف جوه المعرض و اشتري كتب و أحطها في الباك باج لما يطلعلي أتب و ارجع أطلع بره المعرض ألاقي مكروباصات بتقول "رمسيس ..رمسيس..رمسييييييس" ..أركبها و أشد الرحال على رمسيس و منها على بيتنا عدل


دي وصفة سهلة..دي وصفة هايلة
مش كده؟؟


الناس التانيين المقيمين خارج حدود القطر المصري ..عادي يا جماعة انتوا توصوا بس أي حد يشتريلكم الكتاب و يبعتهولكم مع البط و المحشي و السمنة البلدي اللي بتتبعت مع أي حد نازل على هناك

وانتوا عارفين طبعا إن العلم لا يكيل بمحشي البتنجان


نيجي بأه لميعاد التوقيع
(لا ياجماعة مش التوقيع بين نهى و خطيبها ..انا مش فاضيالهم دلوقت ..لما أفضالها بس شوية)


التوقيع يا جماعة بتاع الكتاب إن شاء الله و بإذن الله

يوم الجمعة الموافق 1/2 ..أي الأول من فبراير 2008 ..في مقر دار الشروق في المعرض الساعة 3 العصر


مالكوش حجة بأه ..يوم جمعة أهه و بعد الصلاة و كله تمام التمام

هتيجوا يعني هتيجوا..كل واحد من دلوقتي يجهز نفسه و يحوش تمن الكتاب و يجي عشان أمضيله عليه (يا فرحتك ببنتك يا أم برايد)..خلاص..هاستناكم

إوعوا تتأخروا

89 comments:

علا من غزة said...



هييييييييييييييييييييييييييه !!! اول كومنت عند برايد لاااااا مش معقووووول !!

ألف مبرووووك يا غادة ويتربى في عزك ياااارب

يا خسارة والله كان نفسي اجي .. بس الطريق صعبة اوي من عندي لعندكو !! وكمان عندي امتحان يوم 1 فبراير عااااااا

ههههههههه

لا بجد الف مبروك وان شالله يكون الكتاب وشه حلو عليكي وبكرة هاتبقى كاتبة مشهورة بقى ونقعد نقول ايوة احنا كنا زمالاتها في التدوين .. في التختة الي جمبيها على طول ومحدش يصدقنا بقى وبتاع

ههههههه

مع خالص تحياتي وتمنياتي بالتوفيق الداااائم

:))

Anonymous said...

تخيلي
انا لسه كنت بقول هيييه انا اول واحده راح تعلق
بصيت لقيت تعليق البنت علا يلا خلاص عشان خاطر نون النسوه اللي بينا مش راح اتخانق معها
عموما حبيت اقولك مبروك عيني تستاهل كل خير
احتك امنيه - السعوديه

Soooo said...

الف الف الف مبروك وعقبال البكاري يارب

وان شاء الله هكون في معرض الكتاب يوم الجمعه عشان اخد نسختي

ربنا يوفقك يا برايد
وتعيشي وتخلفي .. قصدي تألفي


سلاموووووووووز

MerMaid said...

هااااااااااااااااااي
رابع تعليق؟؟؟
لا مش ممكن
مش ممكن ابدا

تحياتي ليكي يا غادة والف الف مبروك علي الكتاب
هحاول اجي ان شاء الله

تحياتي
:))

همسة قلم said...

وااااااااااااااااو

يارب اعرف اجي ياغادة

دعواتك انتي بس

وألف مبروك على الكتاب ياقمر

وعقبال التاني واالتالت والرابع وهلم جر

:D

محمد عبد الغفار said...

الف مبروك ، وان لم يكن الجسد حاضر فالقلب والعقل معكم

Empress appy said...

حبيبتى ان شاء الله هروح بس بطلى تدوخينا على الميعاد انا جنب ارض المعارض

صاحب المضيفة said...

ربنا يسعدك ويهنيكي بابنك

انا هحاول اجي ان شاء الله احضر حفل التوقيع


دمت بخير

son's egypt said...

السلام عليكم
ان شاء لله يكون كتاب وش السعد عليكي
ويكون كويس جدا
وانا احاول ان شاء الله اروح المعرض واجيبه
وربنا يسهل

Anonymous said...

SemSem
الف مبروك يابرايد او غادة وان شاء الله الكتاب ده يكون فاتحه خير عليكى كان نفسي اكون فى مصر علشان اشتري الكتاب رجاء خاص اشتريلى نسخه ولما ارجع ابقى احسبك بليييييز اخوكي الشاعر

šσяšαяαα said...

جميييييييييل جدااااااا يوم الجمعة الجاى يعنى

انا ان شاء الله هكون موجودة لانه احتمال يكون فى تجمع تدوينى فى اليوم دا

وحتى لو مفييييش انا هااااجى ان شاء الله

وانا برضو يفوتنى توقيع الكتااااب

عاوزين نشوف كتاب بالخلطة البرايدية السحرية عاوزينه يضرب خلطة كنتاكى:)

اشوفك على خيييير ان شاء الله

سلاااااااااام

ا بـن عــمــر said...

ألف مبروك
وان شاء الله أحاول آجى
واشترى الكتاب

ساعد نسرين الايمن said...

مبروك يا غادة
اقصد مبروك يا حضرة الكاتبة الكبيرة غادة عبدالعال

ويارب اشوف اسمك علي كتب المدرسة بتاعة العيال الصغيرين كمان كمان

عندنا مشكلة كبيرة جدا في تهريب الكتب من مصر لهنا

فعمتي واعتراضا منها علي قراءة سلسلة رجل المستحيل والشياطين ال13

اصبحت لا تحملي لي شيئا من مصر

ياليت تشوفي ليا حل بدلا ما اجي والغم حفلة التوقيع


ومليار مليار مبروك

ali said...

هيييه هييييه
هنشوف برايد هنشوف برايد
بصى بقى يا ستى
اولا الف الف مبروك على النجاح الفظيع واللى بجد تستحقيه
ثانيا ربنا يجعل الكتاب فاتحة خير عليكى والدنيا تتفتح اكتر واكتر بس اوعى تنسينا
ثالثا وده الاهم انا عايز توقيع كبير جداوعلى كل صفحة:)
وان شاء الله هاكون موجود فى الميعاد
تحياتى ليكى
والف الف مبروك
على حب

خمسة فضفضة said...

السلام عليكم ورحمة الله وبركاته


الف مبرووووووووووووك

الطائر الحزين said...

الف مبروك
الحاجة الى التقدير من اسمى الحاجات الانسانية

ربنا يوفقك

تحياتى

Anonymous said...

والله ولا لكي علي حلفان انا كنت امبارح هنا والنهارده يادوبك بافتح لقيت البشر دي كلها معلقة!!! المهم انا ام نور ومحافظات برضه بس لازمن هاروح المعرض واشتري الكتاب تشجيعا لك يا جميل بس هاسيب العيال بقى مع جدتهم شوفي التضحية!! لا بس انا مبسوطة لكي والله بجد حقيقي لانك تستاهلي واسلوبك جميل رغم ان انا لا اعلق عليكي كثيرا بس متابعاكي وربنا يوفقك ، على فكرة انا بعت لك ايميل بعنوان "الريف هو الحل" مش عارفة قرايه ولا لأ؟ وسلامي للجميع

Desert cat said...

انا جاية الجمعه
لوووووووول
مش قولتى لى حتبقى لابسه ايه
اقولك ابقى علقى وردة حمرا
نياهاهاهاها
طبعا هعرفك
هو مش انتى برضه اللى هتبقى بتوقعى على كتاب عايزه اتجوز
ان شاء الله جاية الجمعه يا قمر واشوفك هناك
وتوقعى لى على الكتاب
والف مبروك على ابنك
وعقبال لما يبقوا اكتر من 12 ابن

Anonymous said...

غادتى الجميلة الف مبروووووووووووووك وبالتوفيق وعلى فكرة كنت ف المعرض وسالت ع الكتاب وكان لسة منزلش يارب اعرف اروح تانى عشان اجيبة ودايما يتقالك مبروك كدة علطول ف الافراح ان شاء اللة يا دكتورة

محمود السيد said...

100000
مبروووووووك
وعقبال البكارى
طيب احنا من المحافظات بس عندنا شغل
ياريت بجد نعرف امتى ممكن هيبقى متوفر فى المكتبات
وبجد مبرووووووووووك

Moustafa` said...

ياهووووووووه
الف مبروك..انتى مش مخيله اديتى أمل قد ايه لمجتمع المدونين
ممكن كل واحد فينا يعمل كتاب فعلا
انا مش بحسد انا بنق بس
ع العموم بجد ألف مبروك وأكيد هيكسر الدنيا يا حضره الكاتبه الكبيره
بس شوفى بقه مين اللى هيرد على ال 9 و ال 10
اتحرقوا خلاص
بكره أول يوم على دار الشروق علطووووووول
تحياتى وسلامى
والف مبروك للشعب المصرى كله

Anonymous said...

الف الف الف مبرووووووووووووووووك يا غاده
وان شاء الله ربنا يسهل واعرف اجي ونتقابل

Eman Eltaher said...

مبروووووووووووووووووك

بجد فرحة جميلة يارب يوعدنا بيها
انا برضه نفسى أنزل كتاب
انا هسيبك تدخلى مدونتى و تقوليلى رأيك و لو كان ينفع تساعدينى انى أعمل كتاب ساعتها بجد هتبقى عملتى جميل كبي فيا جدا مش هنساه عمرى
ربنا يكرمك و يحققلك كل طموحاتك ان شاء الله و مدونتك على فكرة فعلا ف غاية خفة الدم و الاستفادة كمان


ممكن لو كان ينفع انى أتواصل معاكى و تقوليلى ازاى أبدأ الخطوة الأولى ف مشوار الألف ميل

هستناكى ان شاء الله

Anonymous said...

السلام عليكم و رحمة الله و بركاته ... انا قولت ادخل و اقول الف الف مبروك ليكى يا برايد انا من قراء البلوجات بتاعتك والله العظيم انا ح احاول اجى اول الشهر مصر عشان اشوفك انا بحبك جدا و الله يا برايد ربنا يوفقك و يكرمك و يخليكى لوالدتك .. بس على فكرا انا لو مقدرتش اجى مصر انا مستنيه الكتاب ينزل عشان اجيبو ووصيت صحابى كلهم يجيبوه ان شاء الله لما ينزل ... بس انا ليا نسبه بقه ولا ايه ... الف الف مبروك

Unknown said...

اناهحاول جى ا شاء الله عشن اشوفك ب يا غادة
اصلى انا كمان من محافظات تانيه
اخويا الى على الوصفه الهايله بتاعتك دى ان شاء الله ازق ى اول قطر واجى باذن الله
بس مش هشترى كتاب انا هدبسك فيه
وعليه امضائك كمان
شغل عافيه يعنى

Anonymous said...

السلام عليكم. ألف مبروك ليكي و عليكي يا برايد. على فكرة دي اول مرة أبعتلك تعليق و كمان تعتبر أول مرة فعليا أزور مدونتك. بصي يا بنتي انتي مش هايلة و بس انت هايلة فعلا. ربنا يبارك فيكي و يرزقك باللي بالي بالك. على فكرة انا عندي مدونة كده لسه حديثة عهد جدااااا. عاوزك تبقي تيجي. و تقوليلي رأيك و اقتراحاتك نحو مشوار الألف بوست ان شاء الله. والا خلاص بقى هتعلي علينا بعد الكتاب و التوقيع و الذي منه. ما اظنش. وسلام بقي و مبروك للمرة ال 17 مليون

nigro said...

السلام عليكم. ألف مبروك ليكي و عليكي يا برايد. على فكرة دي اول مرة أبعتلك تعليق و كمان تعتبر أول مرة فعليا أزور مدونتك. بصي يا بنتي انتي مش هايلة و بس انت هايلة فعلا. ربنا يبارك فيكي و يرزقك باللي بالي بالك. على فكرة انا عندي مدونة كده لسه حديثة عهد جدااااا. عاوزك تبقي تيجي. و تقوليلي رأيك و اقتراحاتك نحو مشوار الألف بوست ان شاء الله. والا خلاص بقى هتعلي علينا بعد الكتاب و التوقيع و الذي منه. ما اظنش. وسلام بقي و مبروك للمرة ال 17 مليون...آسف لهذا الجهل الفني

Ahmed Al-Sabbagh said...

الف الف الف الف مبروووك يا غادة

انتى تستاهلى كل خير والله

انا هحاول اكون هناك بكرة

ربنا يوفقك ويكرمك

أحمد الصباغ

Anonymous said...

ان شاء الله انا هكون هناك يا برايد و ربنا باذنه هيكتب للكتاب ده النجاح لأنه عكس حاجات كتير فى حياتنا صادق

والله الموفق


على فكرة عشان لو مش عارفانى ... انا العانس الحقود

ظل الشمس said...

برايد انتى منين؟
انتى من اسكندرية؟
مبرووووووووووووك
وان شاء الله اجى اجى اجى
^_^

خالد المصري said...

الف مبروك يا غادة/برايد وعقبال ما تشوفيه موسوعه قد الدنيا

ملاحظة: معرض الكتاب بشكل عام وحفل التوقيع بشكل خاص فرصه ممتازة لتعرف على سعيد الحظ للي امه دعياله فلا تفوتيها

تحياتي

مي بهاء الدين said...

مبروك يا جميلة وعقبال ماتخاويه

:)

cinderella said...

مبرووووووووووووك
الف مبروك يا برايد يا قمر
وده اول ابنائك عقبال الباقي
قولى يارب
الف مبروك مره تانيه ياسيادة الاديبه العظيمه
واكيد هاجي واشتري الكتاب
ما انتى اولى من الغريب دلوقتى
ههههههههههه
مبروك يا قمرايه

فاتيما said...

برايد يا حبيبتى
أنا حبيتك قوى ..وفرحانلك قوى قوى..مدونتك قدرت تخرجنى من حالة الحزن الى بمر بيه كل شويتين ..ومدونتك شجعتنى أكتب أنا كمان مدونة ولو ان الموضوع مختلف لكن برضه موضوع انسانى ونسائى برضه ..
مبروك
و شكرا
..و طبعا هشترى الكتاب يا ست البنات

Anonymous said...

I am waiting when your book turned to TV sitcom. That is your next step.

Anonymous said...

I am waiting when your book turned to TV sitcom. That is your next step.

مدام كعبولة said...

و الله يا برايد انتي زي السكر و بجد كان نفسي اكون في مصر و اشوفك الف مبارك غليكي يا حبيبتي الكتاب و ان شاء الله السنة الجاية يكون عندك 10 مش كتاب واحد بس و عقبال ما نشوف اللي اتأخر في المجي ان شاء الله

أنا حره said...

شوفى بقى يا ستى.. البلوج بتاعك من احلى البلوجرز اللى بشوفها على طول يمكن دى أول مره يبقى ليه تعليق عندك بس كويس انه جه فى الموضوع ده بذات.. اولاً الف مبروك على الكتاب و خصوصاً انه تبع دار الشروق و دى حاجه هايلة و الف الف مبروك مره تانيه..

طريقتك فى كتابة المواضيع لطيفة جداً ربنا يرزقك ان شاء الله قريب بعريس يخليكى تغيرى اسم البلوج لـ "انا اتجوزت".. انا عارفه ياختى الرجاله نظرها راح فين.. :)

أما بقى عن يوم التوقيع ان شاء الله ابقى موجودة اصل انا معرض الكتاب ده لازم ازوره اكتر من مره لان مره واحده مش بتنفعنى.. فان شاء الله اول مره تكون من نصيبك..

مبروك مره تالته و بالمناسبة تصميم الغلاف رائع.. تحياتى للمصمم و لكِ طبعاً

إيمان said...

الف الف الف الف مليار مبروك....انا علطول متابعكى وعملك انتشار بين اصحابى واهلى وعلى فكرة انا سالت على الكتب فعلا لما أخواتى كانوا فى المعرض يوم السبت بس هنروح تانى ونجيبه ويارب يكون لنا نصيب ونشوفك يا قمر

Unknown said...

تعرفى ياغادة انى حنزلك المعرض يوم الجمعة عشانك مخصوووووووص

لا حشترى ولا حلف ولا حعمل حاجة خالص .. اسلم عليكى واشوفك وبس لانى بجد بحبك فى الله اوىىىىىىىىىىىى


مليون مبروك يا احلى عروسة فى الكون
:D

Anonymous said...

You changed the article بنت التلاتين!
Why?
So aggressive to be handled by the hard-copy audience?
Congrats anyway.. I laughed my heart out :D

Anonymous said...

الى صاحبة الدم الخفيف والروح المرحة التى تملئ كل اركان المدونة

الف مبروك على الكتاب

وعقبال ما نبارك كلنا على كتب الكتاب

اول مرة اقوم بالتعليق فى المدونة التى بحثت عنها كثيراً حتى وصلت الى صاحبة القلم الرائع غادة ( برايد)


الف مبروك

77Math. said...

ألف مبروك يا غادة وعقبال الرواية إن شاء الله : )

Roushdy said...

السلام عليكم
الأخت برايد ،،، ألف ألف مبروك ليكي ، دا صحيح أول كوممينت ليه عندك بس أنا كنت متابعك كقارئ من زمان
ألف مبروك وإن شاء الله يكون وش السعد عليكي

أحمد رشدي

aya said...

دودو الغالية
باذن الله اكون موجودة يوم الجمعة عشان احظى بتوقيعك يا جميلة

والف الف الف مبروك يا دودو
بجد انا فرحنالك اوى
ربنا يباركلك ويجعله فتحت خير عليكى
ويديكى خيره ويكفيكى شره

روح شرقيه said...

بجد الف مبروك
كان نفسى اكون موجوده علشان احضر يوم التوقيع بس انشالله يكون احلى يوم ليكى وتقضى وقت حلو انا فرحانه اوى بفرحتك يا غاده انشالله تحكيلى احساسك ايه يوم التوقيع
انا بحاول اجيب الكتاب
من مصر
ربنا يوفقك وتكتبى ديما كل اللى بيفرحك
سلام يا كريزه
المدونات

qwert anime said...

الف مبروك بس الكتاب
توزيع انهى دار

Bella said...

اشتريت التلات كتب اول امبارح

مش عارفة لو ح اروح يوم الجمعة ولا لا علشان اشوفك في بث حي ومباشر

الف مبروك

مهندس مصري بيحب مصر said...

ان شاء الله جاي
و حاشتري الكتاب و اخليكي تمضي لي عليه امضا كبييييييييييييييييرة قوي

soso said...

مبرووووووووووووووووك يابرايد


























































ادعلنا بقى
لينا دور فى النشر والدعاايا
ها هتفعى كام يابنتى قولى بسرعة
بجد بارك الله لكى ياحبيبتى
ويارب يكون فاتحة خير ان شاء الله عليكى

Anonymous said...

السلام عليكم ورحمه الله وبركاته
ازيك يا غاده عامله ايه؟؟؟
ينفع كده ابعت اجيب نسخه النهارده من الكتاب يقولولي خلص وهيبقي موجود تاني بالليل
بجد مزعلتش فرحت جداااااا
مش مشكله نحاول تاني
سلام ياقمر

Anonymous said...

مــــــــ يبرايد ــــــــبـروك
انا حبيت مصر واهلها لانك منهم
اختك من اليمن السعيد اقصد اللى كان سعيد

ساعد نسرين الايمن said...

طب
وبعدين يا غادة
رضوي قلقتني اوي
ايه حكاية الكتب الالي بتخلص ديه
كمان انا روحت فرع دار الشروق هنا
قالوا لي لسه مش نزل
مصيبة ليكون حد اشتري الطبعة كلها
وهيحتكرها ويبعها في السوق السوداء
علي العموم انا برضه مش زعلت
عشان بصدور الطبعة الخامسة يبقي انتي كده لازم تحققي وعدك
وتديني نسخة موقعة
زي ما اتفقنا
يارب
تتشهر وتملا السوق البيضا والسوداء وكل الالوان
لو عملتي معي اتفاقية اعملك دعاية وتديني واحد علي مائة الف من الدخل
انا واثق انني ساكون ميلون بعد 17 ساعة

بجد والله مبسوط ليكي من قلبي
نجاحك يا غادة نجاح لينا كلنا
شكرا علي كل البسمات اللي انتي منحيتها لينا

Anonymous said...

يالهوووووى .. انا بجد فرحتلك جداااا
انا بجد مش اعرفك ولا اعرف طنط ولا اعرف حسام ولا اعرف نهى والله والله ما اعرف نهى
بس بجد حقيقى حبيتك والله وانا اصلا داخله البلوج صدفه بحته بحته يعنى
بس بجد عايزا اقولك من وسط الملاين
مبروووووووووووووك مبروك يا غاده
اسمك على اسم خطيبة اخويا
ولا اقولك بلاش السيره دى هنا ههههههههه
يارب دايما فى توفيق وياريت بعد اذنك انا هضيف مدونتك عندى فى البلوج بتاعى ويافرحتك يا لولو لو غاده جت وسابت رد عندك يا سلااااااام
ياريت بجد تنورى مدونتى اللى بكلم نفسى هناك فيها وتيجى تسيبى فيها ردود مع انها مش فيها حاجه كويسه يعنى بس بجد هفرح اوى
استجب دعائى ياااارب
والاقى عندى رد من غوده حببتى

aya said...

غادة
معلش رجعت تانى

غادة الكتاب مالوش حل
بجد انا شايفة انه ده من اروع الكتب اللى اشتريتها
انا اساسا اليوم كله كنت بدور عليه
لقيته خلص من دار الشروق اللى فى اول المعرض بسم الله ما شاء الله
رحتله اللى فى صالة 66
وتهت بقى فى المعرض وكانت ليلة
بس مكنش هينفع امشى من غير ما اجيبه

وبجد خلصته كله فى ساعتين

وبكتبلك الكومينت ده بعد ما خلصته

بجد تسلم دماغك وتسلم خفة دمك
وكله كوم وقصة تويتى ديه كوم تانى خالص
بجد ماما افتكرتنى اتجننت من كتر مانا بضحك وهيا مش فاهمة انا بضحك ليه

بجد كتاب بسم الله ما شاء الله حلو اوى اوى

ربنا يكرمك ويباركلك يا غادة يا رب
ويديكى كل الخير

Anonymous said...

الف الف مبروك يا برايد والله فرحنالك وعقبال الفرحه الكبيره والله كنت فعلا هاجى بس اديكى شايفه الجو عامل ازاى كان نفسى اجى علشان اشوفك واعرف اللى عايزة تتجوز دى شكلها ايه وطبعا اجيب الكتاب واعرف بقيه اخبارك ايه يالله تتعوض فى الكتاب اللى جاى ان شاء الله

فاتيما said...

ايه دا بقى
يا غادة ..
الرجالة عميت يا أخواننا
أنتى طلعتى قمرين موش قمر واحد... فيه حالة عشى ليلى ونهارى جماعى و الا ايه ؟؟..موش عارفة متهيألى كتابك عامل التشريح الأدبى الساخلر للمرض الشائع ده..
أنا خدت أمضاءك على نسختى وعقبال ما تمضى عقد الجواز ويبيعوكى الى وراكى والى قدامك..
تحياتى و حبى
أم يوسف

أبو أمك said...

مع إني ماروحتش معرض الكتاب من أكتر من عشر سنين
بس النهاردة روحت في المعاد بالظبط..مش بالظبط قوي يعني بس روحت الساعة أربعة
لقيت خير اللهم اجعله خير طوابير على التذاكر
أول مرة أعرف إن إحنا شعب مثقف قوي كده
بصراحة فضلت واقف شوية وبعدين انسحبت بهدوء وروحت على معرض الكمبيوتر في قاعة المؤتمرات
بقولك إيه..ماينفعش توقعيلي على الكيبورد ؟

Anonymous said...

غاده


دريم كنت منوره يا جميل

wanna b a bride said...

علا -من غزة

منورة يا لولو
أيوة كده العصفورة الشاطرة تلحق اليوم من اوله على رأي ماما

و لايهمك يا قمر دا انا اجيبه و اجيلك مخصوص

هو انا عندي اعز منك يعني؟؟
ربنا معاكي في امتحاناتك

و ما تخافيش لو اتشهرت مش هتغر..يمكن بس آخد في نفسي قلم
:)
تحياتي
------------------------------------
أمنية السعودية

والله يا قمر مانا عارفة أقول إيه

أول تعليق من فلسطين و التاني من السعودية و لو نزلتي في الاخر هتلاقي اليمن

أهي هي دي الوحدة العربية اللي بيقولوا عليها

ربنا يخلينا لبعض

بجد سعيده بيكم جددددددا
------------------------------------
soooo

يعني استنيت كتير

و في الآخر ماجتش

مااااااشي
:(
-----------------------------------
mermaid

ميرسي ليكي

بس استنيتك و بررررضه ماجيتيش
:((
-----------------------------------
همسة قلم

الله يبارك فيك
أو فيكي مش عارفة
-----------------------------------
محمد عبد الغفار

شكرا ليك

و فعلا قلوبكم كانت معانا بس كان نفسنا تبقوا معانا كلكم
-----------------------------------
appy

ان دوختكم؟
هو انا أقدر؟

هو انا أساسا ليا غيركم؟؟
---------------------------------
صاحب المضيفة

شكرا ليك

تحياتي
----------------------------------
son's egypt

و عليكم السلام

يا رب يكون وش السعد بحق و حقيق
---------------------------------
semsem

و أديني عاينالك نسخة

ارجع بس و قول فين نسختي يا غادة و انا اطلعها على طول
---------------------------------
sorsaraa

نورتيني يا قمر

سه البوست الجاي هاشكرك انتي و بنت خالتك

امااال

انا البنانيت الأمامير دول يجوني و ما اشكرهمش؟؟
----------------------------------
ابن عمر

الله يبارك فيك

هو انت جيت؟؟
-----------------------------------
ساعد نسرين الأيمن

الله يبارك فيك

تصدق لسه امبارح حد بيسألني عليك

قاللي هو ساعد نسرين ده قريبك؟؟

قلت له طبببعا
:)

نسختك عندي و شايلاهالك

تعال بس و قول هاتيها يا غادة و انا اطلعهالك على طول
------------------------------------
ali-7ob

و قعدت أستنى أستنى

و اقول على جاي هو قاللي هيجي

يقولولي على مين

اقولهم هييجي

و في الاخر ماجتش
:(
-------------------------------------
خمسة فضفضة

الله يبارك فيكي يا قمر
----------------------------------
الطائر الحزين

الله يبارك فيك

و الله نورتني

رغم انك ماوعدتش تيجي

بجد بجد اتشرفت بلقاءك
---------------------------------
أم نور

وصلني الميل بس النت عندي عنده كالو و بيعرج

ده غير الكابل ده اللي انقطع في لبحر
الظاهر كان عندهم في البحر حملة مصنفات

انا مقدرة تضحيتك جدا جدا

أبناء المحافظات لاااااز يقفوا جنب بعضشيهم
أمااااااااااااال
----------------------------------
desert cat

كنتي فييييييييين؟

دورتي عليكي كتير و مالقتكيش

فضلت شايلالك نسخة على جنب و أقولهم دي بتاعت ديزرت كات هتيجي تاخدها

و في الآخر ضحكوا عليا

عاجبك كده؟
:(
----------------------------------
شيكابالا

شيكابالي الوسيم

الكتاب نزل منه نسخ و خلصت و بعدين نزلت منه نسخ تانية و خلصت
و النهاردة نزل تاني و خلص
الحقه بكرة هينزلوا شوية تانيين

الحقه قبل مايخلص
--------------------------------------
جندي الدعوة

الله يبارك فيك

هو دلوقتي زي ماقالولي موجود في المكتبات
--------------------------------------
frake_ghost

مبروك علينا كلنا

دي الخطوة الولى و ان شاء الله المدونات بعد كده هتكر

من غير نق و لا بتاع

مين قال التاسع و العاشر هينزلوا هنا أصصصلا؟
شكرا جزيلا
و الشعب المصري كله بيقول الله يبارك فيك
--------------------------------
رضوى عمرو خالد

الله يبارك فيكي يا قمر

استنيتك و ماجيتيش
:((
----------------------------------
eman eltaher

الله يبارك فيكي

و الله يا بنتي لو أقدر أساعد عينيا ليكي

مش هاتأخر

إن شاء الله أزور مدونتك و نتواصل
-----------------------------------
anonymous

طبعا ليكي نسبة بس حددي الول صحابك قد إيه

يعني 5 فيما فوق ليكي نسبة..10 فيما فوق ليكي كتاب هدية..2-3 ..ماعرفكيش
:)
باهزر
دا أنا عينيا ليكي يا قمر
---------------------------------
لماضة

محافظات محافظات

مافيش حد جه غير بتوع اسكندرية و دمنهور

بس معلش
عذراكي
-----------------------------------
محمد النجار

الله يبارك فيك

و شكرا على الكلام الجميل
و انتظر مني ان شاء الله زيارة في المدونة

من غير تكبر ولا بتاع
احنا بتوع الكلام ده؟؟
-----------------------------------
ahmed al sabbagh

انت جيت...صح؟؟

انت جيت والا أنا بيتهيألي؟؟

عموما شكرا ليك لو كنت جيت و الله يبارك فيك في الحالتين
------------------------------------
emma

ده انتي نورتيني يا قمر

عارفة؟؟

حاسة اننا هنكون بجد أصحاب

ايه رأيك؟؟

و لسه بدري يا بنتي على ماتحملي اللقب

ماتستعجليش ماتستعجليش
-------------------------------------
ظل الشمس

لا انا مش من الإسكندرية

و انتي ماجتيش
و انا زعلانة منك
--------------------------------------
خالد المصري

الله يبارك فيك

انا كمان كنت فاكرة زيك كده


لكن للأسف ماحصلش

أو يمكن لحسن الحظ؟؟

مش عارفة

el kazzafi said...

دليل المدونات العربية
مدونة كل المدونين العرب .. جريدة كل العرب

انت مدعو للكتابة في مدونة كل العرب
مشروع الجريدة العربية
تكمن فكرة هذه المدونة في جمع اكبر قدر من المدونين العرب واقدرهم وافصلهم لكي يكتبو في مكان واحد
ذلك للحصول في النهاية على مدونة اشبه بالجريدة العربية تناقش القضا ياالعربية وخلافات العرب حيث ان كل الطوائف والبلاد مدعوة للكتابة
وقد تكون نقطة انطلاق للتفاهم والنقاش حول القضايا العربية المختلفة وتقابل وجهات النظر

للمشاركة ارسل ايميلك (بريدك الالكتروني) في تعليق على هذا المقال وسوف تتلقى دعوة للكتابة في هذه المدونة

مزايا الكتابة هنا :
للكاتب :
1- عدد اكبر من القراء
2- تحسين نتايج البحث لعناوين المقالات
3- انت كاتب وفي نفس الوقت قارئ تقرأ ما يكتبه كبار المدونين العرب
4- شهرة اكبر .. ودائما اقول ان في الاتحاد قوة وهذا هو اتحاد المدونين العرب

للقارئ :
1- القراءة للمدونين الكبار تحت صفحة واحدة
2- تجميع المدونات وجعلها مث ل جريدة الكترونية
3- سهولة الوصول للمقالات المرادة

شروط الكتابة (لن يتم التعديل لو مسح اي مقال ):
1- عدم الاساءة للاديان السماوية
2- عدم نشر مقال من اجل ربح المال او التنفع المادي ولكن الشروحات مقبولة ومرحب بها
3- عدم كتابة كلام خارج او الفاظ اباحية
4- الكتابة باللغة العربية

الفكرة تتلخص في ان كل مدون له حق الكتابة فقط بارسال ايميله في تعليق على هذه المدونة
اذا كانت لك مدونتك الخاصة فلا مانع من نسخ مقالاتك الهامة والتي تراها ترقى كي تكون في الجريدة العربية الالكترونية او مدونة كل العرب

وانا شخصيا ساكتب في مواضيع مختلفة وساهتم بتحقيق افضل نتائج للبحث والحصول على اكبر قدر من الزوار حتى تصل مقالاتك لاكبر عدد من القراء
كما ان تجمع المدونين سيجيئ بقراء اكثر وهكذا

برجاء ارسل لنا بريدك الالكتروني كي تستطيع الكتابة في هذه المدونة
ادعو الله ان تكون هذه المدونة ملفتة لنظر القراء ومحط انظار الراي العام العربي
مشروع الجريدة العربية الموحدة

كما يمكنكم اضافة مدونتكم في
دليل المدونات العربية
والله ولي التوفيق

Anonymous said...

ازيك يا غاده
انا عارفه انك ليكي حق تزعلي بس والله كنت ناويه اجي بس حصل ظروف يوم الجمعه ومعرفتش اجي
متزعليش مني وان شاء الله متعوضه المره الجايه
بس انا بعت اختي علي فكره تجيبلي نسخه من الكتاب هيه جابتهالي بس لسه موصلتنيش
يلا طولت عليكي
المهم متزعليش بقه

HimAz said...

ana ro7et elma3red 2 times abl keda we ro7t elgom3a just 2 c u .. well2asef .. meshety .. 2loley lesa mashia mn 1 min :S ..7'regt ba2ol 3'ada 3'ada eftkrony bdwer 3ala 3ayela tayha :D .. yenfe3 keda 7aram walahy :'(..ana 2aret en konty fi 10 masa2an .. 7ad ye7otaha 3ala youtube ba2a .. h3mel a ya3ny :$

مدحت محمد said...

الف مبروك الكتاب
طبعا دى وصفة سهلة
دى وصفة هايلة
وان شاء الله نشتريه
بقلك
هو الكتاب بكام؟؟؟؟؟؟؟؟
ههههههههه
لا مهما كان
باذن الله نشتريه
بس لو تهت هتكونى انتى السبب

Anonymous said...

مبروك مبروك مبروووووووووك

انبسطت اوى لما عرفت ان دار الشروق طبعت الكتاب و ان انتى خلاص بقيتى كاتبة كبيرة و مهمة....

الف مبروك بجد...انا عمرى ما علقت هنا فى المدونة عندك...بس انا و اختى بنحب مدونتك اوى و متابعينها....انتى هايلة و الله

و خسارة انى عرفت متأخر انك هتوقعى على الكتاب....كان نفسى اخد توقيعك انتى و الرائعة رحاب بسام...زعلت جدا والله...كان نفسى اشوفكم و اسلم عليكم و طبعا اخد نسخة موقعة من الكتاب....

عايزين الصور بقى....و الف مبرووووووووك

Sarah el eskafy said...

ايه القمر اللى كان قاعد منور دار الشروق وعامل ازمة فى دخول المعرض من كتر ما الناس متكدثة ادام الباب
3 طوابير من ادام باب المعرض لحد رمسيس كلهم بيقولوا برايد برايد
ويقولولى نرجع وانا اقولهم ابداااااااااااااا
لازما وحتما ولابد اشوف برايد النهاردة وطلعت زى القمر
والكتاب طلع تحفة طبعا ومش خسارة فيه القلم الجاف اللى رهنته عشان اشترى بيه الكتاب فى ظل حالة الافلاس اللى منتابة شباب مصر دلوقتى
الف مبروك يا غدغد وعقبال كتب الكتاب يارب
قولى امين

تــــايه ومش تـــايه said...

مبروك على الكتاب .وشكلك لقيتى عريس علشان كده عايزه نسبت التوزيع تعلى علشان الجهاز .ولوكنتى لقيتى عريس بجد يبقى دبل مبروك

NOur said...

واااااو .. ألف مبروك
عايزين بأة تنقليلنا صور من الحدث : )

Anonymous said...

لولولولولولولولولولىىىىىىىىىى

يا الف نهار ابيض
يتربى فى عزك وتفرحى بيه وعقبال ما تخاويه ياختى يارب)
الشربات عليا للحاره كلها

(الف مبروك يا جميل)
منار

أُكتب بالرصاص said...

مبروووك يا برايد

طيب واللي مش هايقدر يركب قطار رمسيس وبلا فيش مواصلة توصله رمسيس


بأقولك
انت اختاري نسخة حلوة كدا وطازة ووقعي لي عليها
وابعتيهالي بالدي اتش إل على الامارات

والحساب

حين ميسرة
:)
مبرووووك
وعقبال ما تخاويه

Anonymous said...

هاللو غادة: كدة برضة؟؟ انا جيت يوم السبت ما لقيتشى ولا نسخة فى دار الشروق !!!!

على العموم بجد, ألف مبروك على الكتاب وربنا يوفقك دايماً ويسعدك زى ما انت وكتاباتك مصدر سعادة لناس كتير قوى

(ده أول تعليق لى بس انا بقرالك من فترة كبيرة)
شيماء

Anonymous said...

انا صراحه اول مره اسمع عن الكتاب كان في قناه تلفزيونيه و عجبتني فكره الكتاب جدا و دخت على بال ما عرفت اجيبه
شكرا على الكتاب الرائع ده و على الموهبه الجميله اللي خرجت من مصر

و شكرا م\ احمد رزق

nigro said...

مبروووووك للمرة الــ17 مليون و اتنين.. تفسري بإيه فرحتي بيكي يا غادة.. أنا عن نفسي مش عايز تفسير.. أنا بجد فرحانلك قوي قوي قوي يا برايد و برغم إني - للأسف- معنديش اخوات بنات بس أنا حاسس أن زي ما تكون اختي هي اللي نجحت.. عارفة أنا مسكت الأرشيف بتاعك من أول بوست و فضلت معاه بوست بوست و كمان سمعت الحوار اللي كان معاكي في صوت المدونين.. إيه يا بنتي العسل ده.. يا ختي الرجالة المحترمين اتعموا علشان يسيبوا البنوتة العسولة دي لحد دلوقتي.. جاتهم خيبة أكتر م اللي فيها.. ربنا يوفقك يا غادة ويبارك فيكي و(الدعوة اللي سمعتيها دشليار مرة) يرزقك بابن الحلال اللي يقدرك بجد و يحترم عقلك بجد يا بنت و طني الغالي (المحلة), و مستني زيارتك ليّا في مدونتي الرضيعة و بجد زيارتك و كتابة اسمك بس.. شرف ليّا بدووووون مبالغة... اني أحبك في الله
محمد النجار (اللي بقى نجرو)

اللؤلؤة Nehal H Hamza said...

أهلا ياغادة انتي متعرفنيش بس انا مش قادرة اوصفلك كتابك اد ايه راائع..رااائع بجد انا من اسكندرية ولحقت المعرض امبارح وكتابك بالذات لحقته قبل ماخرج من المعرض بالظبط والكميات كانت بتتسحب بسرعة ماشاء الله
عارفة انا مسكته قلت هقرأ صفحتين قبل منام وكمل الصبح هوب لقيت نفسي في ع.ا.ن.س اسلوبك رائع ياغادة وانا سعيدة واتشرفت بقراءتي ليكي...
انتي عسولة وبجد حبيتك
جزاكِ لله خيراً ياحبي
في انتظار المزيد
اكيد
اكيد
إن شاء الله

الملاح التائه said...

ألف مبروك ياغاده على الخطوة الكبيره دي وان شاء الله نشوفك من أكثر كتاب الأدب الساخر انتشارا
وممكن كمان تبقى زي بلال فضل وتكتبي سيناريوهات
وأفلام تكسر الدنيا

بس تفتكري هل الهدف الحقيقي لكتاب زي ده ممكن يتحقق
ممكن تتغير النظرة
ولا ممكن تظهر حلول مبتكره للمشكله
ولا الوضع هايفضل زي ماهو؟

سيبك انتى
الف مبروووووووووك عالكتاب
وانا بما انى فى الدوحه حاليا مش فى مصر يعني لازم اركب طياره مش قطر عشان اروح المعرض وأقدر اشترى الكتاب
باقولك انى حاجز نسختي من الطبعه الخامسه للكتاب من دلوقتى
اتمنالك التوفيق
دايمااااااااااا

Ahmed Al-Sabbagh said...

اختى العزيزة برايد

عااااا

بعد ما جبت الكتاب ووقعتى لى عليه

بتوع المكتبة وانا خارج لخبطوة وادونى واحد مش متوقع عليه

عاااا

بس تعرفى كتاب بجد هايل

انا بحب اوى الكتابة اللى من النوع ده

تحياتى ليكى

واتمنى لكى التوفيق

أحمد الصباغ

wanna b a bride said...

maii bahaa

الله يبارك فيكي يا قمر

عقبال عوضك
:)
-----------------------------------
cindrella

عقبال أبو أبنائي الأول
:)

ياااااااااااارب
-----------------------------------
fatima

وليه حزن
افتحي البلكونة و امسكي الكتاب و اقفي في الشموسة الحلوة كدة و اقريه

هتلاقي الحزن راح على طوووووووووول
مبروك على المدونة الجديدة ..عايزين نشوف الشغل الجامد
-----------------------------------
lara

انتي الدافع ليا يا لارا ووشك دايما حلو عليا
و طالما قلتيها
يبقى ان شاء الله هتحصل

انتي خلاص بقيتي الخرزة الزرقة بتاعتي يا لارا
-----------------------------------
حياتي قنبلة ذرية

مابلاش موضوع "مبارك" الكتاب دي ..ماتودوناش في داهية
:)

ياااارب الكتاب و كتب الكتاب
;)
----------------------------------
أنا حرة

أولا أهلا بيكي في مدونتي المتواضعة
ثانيا انتي فين يا هرابه ماجتيش في المعرض يعني؟
ثالثا الغلاف تصميم وليد طاهر و طبعا غلاف عبقري

تحياتي
-----------------------------------
إيمان

شكرا يا عسل على الدعاية

أيوة كده احنا كبنانيت حلوين لازم نقف جنب بعضشينا
أمااال؟
----------------------------------
إنسانة

هاي يا سمسم(مش سمسم برضه؟:)

واستنيتك استنيتك ولااااااااااا جيتي

زعلت قوي
بس أكيد كان فيه سبب

خلاص سماح المرة دي
-------------------------------
the anonymous who wrote the post

مش هي دي الحكاية
الكاية ان الجزء بتاعك..بتاعك..يعني ماكانش ينفع انشره من غير ما أستأذنك

وانتي بتدخلي أنونيموس

مافيش بلوج و مافيش ميل ولا لينك
أستأذنك إزااااااااااااااي؟

سعيدة ان الكتاب عجبك
و اعمليلك بلوج بأه عشان نعرف نوصلك
-----------------------------------
برغوتة

أهلا بيكي
نورتي المدونة
الله يبارك فيكي
و شكرا على ذوقك يا قمر و ابقي تعالي على طول

wanna b a bride said...

77math

الله يبارك فيك
حلو موضوع الرواية ده
ممكن افكر فيه
-----------------------------
roushdy

شكرا ليك

و يارب يبقى ال بس مش آخر كومنت
------------------------------
aya

اني جيتي؟

أنا مش عارفة
جيتي؟

لو جيتي شكرا ليكي
لو ماجيتيش

هات الفلكة يا جابر
-------------------------
روح شرقية

حلووووة قووووي كريوة المدونات دي
عجبتني صحيح
أموت انا في التسميات المبتكرة دي

شكرا ليكي يا قمر و الله حاسة بفرحتكم علشاني
و ان شاء الله الكتاب يوصلك
تحياتي
---------------------------
qwert anime

دااااااااااااااار الشروووووووووق

أي خدمة
---------------------------
bella

شكرا ليكي على الدعم الجاااااااامد ده

و كمان باشكرك بالنيابة عن رحاب و غادة
أمممواه
----------------------------
مهندس مصري

يا أهلا يا اهلا

نورتني يا باشمهندس و الله
أيوة كده الرجل يعرف من كلمته

شفت ماضيتلك امضا كبيرة ازاي؟
----------------------------
soso

الله يبارك فيكي

عليكي انتي بس الدعاية و ليكي نسبة
بس




في الطبعة العاشرة
;)
--------------------------------
رضوى عمرو خالد

و انتي ليه مش تيجي بنفسك

و الله كنت جايبالك نسخة هدية

انتي حرة بأه

بكره يجي تاني
ماتزعليش
:)
---------------------------------
ساعد نسرين الأيمن

ايه ده ه ه

إيه الصورة الألاجة دي؟

اكتاب
اللهم صلي ع النبي و بسم الله ماشاء الله و بدعواتكم
عمال يخلص و ييجي تاني

انت ليك نسخة زي ماوعدتك

بس انت تعال خدها
هينزل عندكم أكيد بس لما الهوجة بتاعة المعرض دي تخلص
الطبعة الخامسة

يا عن طب قول الرابعة

احلم على وسع

و الله حاسة بفرحتك ليا
أدام الله الود
----------------------------
أم حنين

شوفي مادام ماترفيش نهى

يبقى أهلا بيكي
:)

و رب صدفة خير من ألف معاد

و آجي طبعا مدونتك من عينيا

أنا ليا غير الناس الحلوة؟

Anonymous said...

برايد انا مكنتش اعرف ان ليكي كتاب نزل انا بقالي كتير مزورتش المدونه بتعتك اصلي
ععععععععععععععععععععع
لا مليش دعوه بقي انا عوزه اقابلك وان شاء الله هشتري نسخه من الكتاب
والف مليون مبروك وربنا يوفقك دايما يارب

بصي المعرض لسه هيخلص يوم الخميس او الجمعه اللي جي مش فاكره حاولي تظبطيلنا ميعاد كده عشان الناس اللي ملحقتكيش يوم الجمعه اللي فات
ااااه اتصرفي بقي

soso

wanna b a bride said...

aya

تنوريني

دانتي تيجي تاني و تالت ورابع و أفتحلك البوج بعد مواعيد الإغلاق الرسمية كمان

أنا فرحانة جدا ان الكتاب عملك
و مقدرة جدا المجهود و اللف

ربنا يخليكي ليا يارب

تويتي؟

اسكتي ماتفكرنيش

دي كانت ليلة
:)

سلامي الحار لمامت آيه
-----------------------------
snow white

الجو يوميها كان جميييييييييييييييل

بلاش الحجج دي

و ليه تتعوض الكتاب الجاي؟

ما الكتاي لسه موجود في السوق

هو خلص؟

لسه
-----------------------------
fatima

ده بس من ذوقك يا قمر

ايه الكلام الحلو ده؟
و الله وشي احمر
:)

سعيدة بوجودك و انك شاركتيني فرحتي اليوم ده

و سلامي ليوسف
------------------------------
أبو أمك

إنت لسه ماغيرتهاش
:)

بأه كده؟

تقرب كده و ماتدخلش؟؟

معلش
المرة الجاية بأه
-------------------------------
أحمد خير الدين

انت الوحيد اللي كنت صاحي و شوفتني
:)
-------------------------------
elkazzafi

حاضر
-------------------------------
رضوى عمرو خالد

سماح المرة دي

بس عشان بحبك
-------------------------------
mohamed

أنا قلت هابقى هناك 3 و قعدت لغاية 6 أعمل ايه أكتر من كده؟؟

و الله كانوا من الساعة 4 بيقولولي ياللا و انا أقولهم
لأ لأ محمد لسه ماجاش
يعني عداني العيب أهه

أنا ماكنتش في العاشرة مساءا..كنت في صباح دريم

أول ماتوصلني هابقى أرفعها على يوتيوب و بعدين أدلقها في المدونة هنا
----------------------------------
دوحة

الكتاب ب15 و عليه خصم في المعرض و تاخده ب12
عشان غلاوتك عندي بس

ياااااالا
ان شالله ماحد حوش
---------------------------------
سمر عبدالله

يا أهلا بسمر و أخت سمر

خلاص بأه ماتقطعوش التعليقات

ادعي الكتاب يعمل طبعة كمان و احنا نعمل حفلة توقيع كمان

و نمضي لكل اللي ماعرفش يجي

الصور في الفرن و طالعة حااااالا
--------------------------------
sosa

الله يخليكي

باتكسف
:))

و معلش قلبي عندك على موضوع القلم

طب كنتي جيتي جنب ودني و قلتي مزنوقة يا برايد

ولا كنت هاتأخر

wanna b a bride said...

محمود سعيد

و ايه اللي جاب السيرة دي دلوقت؟؟
ماتقلبش عليا المواجع

مانا قلت لو لقيه هاغير البلوج و أعمل واحد جديد

طالما أنا لسه هنا

يبقى لسسسسسه
--------------------------------
nour

حاضر

طلباتك أوامر سيادتك يا فندم
--------------------------------
منار

الله يخليكي يا أوختشي

عقبال عوضك
:)
---------------------------------
أكتب بالرصاص

الله يبارك فيك يا أستاذي

أكيد فيه فرع لدار الشروق عندكم

و أكيد هتلاقيه هناك

مانت عارف "السلف تلف"
:))
---------------------------------
شيماء

هو خلص السبت يا شيماء

بس نزل تاني الأحد

لو وصيتي حد هيجيبهولك

ما تقطعيش التعليقات
:)
---------------------------
م/أحمد رزق

شكرا ليك على الكلام الجميل

و كويس انك كنت صاحي و شفت البرنامج

أصل مصر كلها كانت نايمة
:)
تحياتي
----------------------------
nigro

و الله كلامك كله أصاب كبد الحقيقة..و معدتها كمان

ايه يا اخي الرجالة دول؟؟

خلاص
مافيش خالص

مافيش حد عنده نظر

فينك يا دكتور مغربي تعالج عيون الناس دي كلها

طب انت قريت الأرشيف كله و سمعت الإذاعة طب ليه ماجتش يوم الجمعة

دا القاعدة كانت ناقصاك و الله

أدام الله الود
:)
تحياتي
--------------------------------
اللؤلؤة

انتي طمنتيني ان الكتاب لسه موجود

و انا بابقى سعيدة جدا بالناس اللي من خارج القاهرة
عشان باقدر تعبوا أد ايه على ماجابوه

ربنا يخلينا ليعض

تعالي على طول
زورونا تجدوا مايسركم
:)
تحياتي
----------------------------------
الملاح التائه

الله يبارك فيك

دعواتك

أدينا بدانا الطريق و كل واحد اكيد هيساهم بدور ولو صغير في حل المشكلة

ليه كلكم مركزين على الطبعة العاشرة

احلموا أحلام أكبر من كده

الطبعة العاشرة مثلا

و ليه لأ
:))
-------------------------------
أحمد الصباغ

أيوه أنا فاكراك و مضيتلك

ليه غيروا الكتاب؟
خسارة

معلش امسحها فيا المرة دي

سعيدة جدا ان الكتاب عجبك

دعاية بأه و كده
ماشي؟

تحياتي
-------------------------------
soso

الله يبارك فيكي

شوفي انتي بس لميلنا نفرين تلاتة 10 والا 20 و أضمن بس ان الكل هييجي وانا انزلكم الخميس مخصوص

عندي أغلى منكم يعني

بس عشان بعد كده ماتبقيش تغيبي عن البلوج كتير

Anonymous said...

ازيك يا غاده مبسوطه علشان قولتي انك خلاص مش زعلانه الحمد لله
انا بعتالك حاجه علي المايل لو وصلت
ابقي عرفيني
سلام يا قمر

جسر الى الحياة said...

مبروك يا غادة وعقبال الكتاب المئوى

مصري بالغربة said...

انا احب ارد على اللي ردت عليا وبتقول مفيش داعي لتكرار

تعليقي

عاوز ارد عليها بان الاخت غادة صاحبة المدونة المحترمة

للاسف بتحذف جميع الردود اللي بتجلها وبيكون فيها نقد ليها حتى لو الاسلوب محترم

مش عايزة اي نقد

وانا براي ان ده غلط انها تحذف تعليق لاي شخص وده من احترام الشخص لنفسه اولا

ثانيا : ليه متقبلش النقد هي يعني مش زينا بشر ولا هي ملاك

ولما ارسلت لها للاسف حذفت تعليقي نهائيا وبدون اي كلمة عذر حتى

وعشان كده كررت كل تعليق لي

عشان حتى لما تحذفه تحس بالتعب شوية وتقدر ان اللي كتب الكلام ده

بني ادم زيها وله راي

يا ريت بس تفهم هي وغيرها الكلام ده

بدل ما بيعملوا كده حتى بالجروب اللي على الفاس بوك

اي راي معارض يتم وقف عضويته مباشرة
وانا متأكد هي عرفت دلوقت انا ابقى مين بالظبط
وبامثل مين من شباب مصر العاملين بدول الخليج

وبارسل دعوة لشباب مصر تبرع ولو بجوازة
حد يتجوزها ويخلصنا منها واحنا متبرعيين بجميع تكاليف الجواز يا جماعة

بس يا رب محدش يطلع لنا تاني في المقدر

مصري بالغربة said...

انا احب ارد على اللي ردت عليا وبتقول مفيش داعي لتكرار

تعليقي

عاوز ارد عليها بان الاخت غادة صاحبة المدونة المحترمة

للاسف بتحذف جميع الردود اللي بتجلها وبيكون فيها نقد ليها حتى لو الاسلوب محترم

مش عايزة اي نقد

وانا براي ان ده غلط انها تحذف تعليق لاي شخص وده من احترام الشخص لنفسه اولا

ثانيا : ليه متقبلش النقد هي يعني مش زينا بشر ولا هي ملاك

ولما ارسلت لها للاسف حذفت تعليقي نهائيا وبدون اي كلمة عذر حتى

وعشان كده كررت كل تعليق لي

عشان حتى لما تحذفه تحس بالتعب شوية وتقدر ان اللي كتب الكلام ده

بني ادم زيها وله راي

يا ريت بس تفهم هي وغيرها الكلام ده

بدل ما بيعملوا كده حتى بالجروب اللي على الفاس بوك

اي راي معارض يتم وقف عضويته مباشرة
وانا متأكد هي عرفت دلوقت انا ابقى مين بالظبط
وبامثل مين من شباب مصر العاملين بدول الخليج

وبارسل دعوة لشباب مصر تبرع ولو بجوازة
حد يتجوزها ويخلصنا منها واحنا متبرعيين بجميع تكاليف الجواز يا جماعة

بس يا رب محدش يطلع لنا تاني في المقدر

Anonymous said...

ربنا يوفقك ويرزقك بابن الحلال

bedsere said...

السلام عليكم
ازبك يا برايد؟انا دخلت على المدونه بتاعتك بالصدفه وكنت قيلها متضايقه جدا يس لمل دخلتها ضحكت و فرفشت احب اشكرك جدا و ابشرك بحديث عن الرسول صلى اوقال (عليه السلام): (من أدخل السرور على مؤمن فقد أدخله على رسول الله، ومن أدخله على رسول الله فقد وصل ذلك إلى الله، وكذلك من أدخل عليه كرباً).

no name yet said...

السلام عليكم
ازى حضرتك ارجو ان تكونى بأفضل حال
بصراحة اسلوب المدونة ملفت فعلا للنظر لأنه اسلوب موش جديد بل هو قديم وعمره هو عمر العامية المصرية ...الجديد هو طريقة طرح القضية وطريقة عرض الفكرة...فكرة حضرتك ...انك بصراحة عايزة تتزوجى ...هاقول لحضرتك حاجه بصراحة كده اللى بيحب او بيختار بنى ادم بيحبه او بيختاره كله كده على بعضه بعيوبه ومميزاته لأن العصمة اتدفنت فى قبر واحد مع نبى الرحمه صلى الله عليه وسلم ...
واظن هو ده غالبا الجزء الاكبر فى المشكله...كل الفتيات بيدوروا على الانسان الكامل وبيشوفوا فى الرجال عيوبهم ده سمين هذا نحيف ده اصلع هذا غلبان ده .... وفقط طيب ما الفتيات مليانه عيوب وبدل ما يدورا على تصحيح عيوبهم تراهم يبالغوا فى التزين واسف يعنى "التبرج" وكل ده علشان يلفتوا النظر وهم فاكرين ان بكده المشكلة هتتحل .. وانا عنى نفسى ارى ان فيه بعض العيوب صعب تحملها حتى لو كانت الفتاة بارعة الجمال او عذبة الحديث لأن الزواج موش جلسة او صحبة عمل دى واحده هتبقى فى وجهى العمر كله ان شاء الله بس لو نظرنا بشكل منطقى الى باقى المميزات ووجدنا ان المميزات اكثر فما يمنع ثم انه ربما توجد ميزة واحده تعدل عيوب كثيرة انا ارى انها مثلا التدين ولو اقترنت مع العقل ارى انه كل شىء بعدها قابل للإحتمال والتكيف....
واخيرا ادعوا الله ان يوفقكى الى ما يحبة ويرضاه وينعم عليكى بنعمة الزواج والصحة والعقل والدين ...
اميييين

Unknown said...

السلام عليكم و رحمة الله و بركاته

لا أكتب لأجد حل و لكنى أكتب من باب الفضفضة لأنى سأفتح موضوع قد قتل بحثا و مناقشة حتى مل الجميع من المناقشة و عصر الدماغ لإجاد حل و تركونا ظنا منهم أن مشكلتنا بسيطة و أن النصيب آت زى القضاء المستعجل و أن كل المشكلة أننا مستعجلين حبتين.. و لكن اللى إيده فى النار زينا و اللى بيتعرضوا كل يوم لمواقف تحرق الدم هم فعلا بس اللى حاسين بجد بالمشكلة.. من غير خجل هأتكلم عن جواز الصالونات اللى أصبح كابوس و جلاد بيضرب كل بنت عايزة ترضى ربها و تختار زوجها زى ما ديننا بيقول.. مش عايزة خروجات و مكالمات و كلام يرضى غرور كل بنت .. بنمشى عكس غريزيتنا و حبنا للتجمل و بنقول لأ للتبرج و نعم للحشمة.. لا للصحوبية و الخروجات المختلطة و نعم للعذاب و المهانة .. نعم لزواج الصالونات.



طب لنفترض أننا صح أمال بنترفض ليه..و ليه فيه إجماع على الرفض ليا و الله بدأت أشك فى نفسى.. يمكن أنا بأربع رجلين أو حتى بتلات عيون .. أنا عارفة نفسى كويس و عارفة أنى كويسة و عارفة بنات كتير زيى و بيتكرر معاهم أساليب التلاعب و الرفض و اللى يغيظ أنهم ناس بيقولوا أنهم متدينين أمال لو كان بعيد عن الدين كان عمل ايه؟؟





أنا عايزة أطلب طلب يمكن يريحنى.. أنا نفسى أسمع وجهة نظر الطرف ألآخر من اللى خاضوا تجربة جواز الصالونات كان أيه أسباب الرفض وأد ايه كانت الجدية فى الموضوع





معلش يا جماعة انا آسفة على الكآبة و تأليب المواجع بس أنا لسه واخدة خازوء طالع من نافوخى فيا ريت يا جماعة تساعدونى أنا هطقققققققققققق :(