Tuesday, January 08, 2008

أخباااااااار حلوة بنااااار الفرن

بررررضه مش اللي في دماغكم..لسه يا جماعة ..لسسسسه




بصوا بس




عدوا معايا كده على إيديكم...واحد..إتنين..تلاتة ..أربعة لحاااااد 15 ..مش هتكفي إيديكم ..عدوا على رجليكم اعملكم إيه يعني؟؟؟
المهم من هنا لغاية يوم 23 ..15 يوم ..يعني أسبوعين ..يعني نص شهر..يعني 1/24 سنة..عايزاكوا تستعدوا ..نفسيا و معنويا و أكييييد ماديا لمعرض الكتاب عشان هيبقى فيه أخبار حلوة




لأ مش هاتجوز رئيس معرض الكتاب ولا حاجة (قولولي صحيح هو متجوز؟) ماعلينا المهم هيحدث في معرض الكتاب حدث لم يحدث من قبل




أختكم الصغيرة ..طب بلاش ماتزعلوش ..الكبيرة ..اللي هيا حضرتي و لأول مرة في تاريخ الأدب المصري و العربي و الشمال أفريقي هينزل إسمها على كتاب




آه و الله ...عايزة أتجوز اللي انتوا بتقروها دلوقتي دي نازلة في كتاب عن طريق دار الشروق و إسم أختكوا هيبقى منور على الغلاف




حلم كنت باحلم بيه من مدة ...بسبب تعليقاتكم المشجعة ليا و أذكر منها تعليق للأسف مش فاكرة إسم صاحبته كانت بتقوللي فيه
get published .get published.get published




وأنا الصراحة كان نفسي في يوم من الأيام أشوف كتاب عليه إسمي عند عم صبحي بتاع الجرايد (يمكن الراجل يرجع يحترمني بعد مانزلت في نظره يوم ما كنت باسأله على كتاب كيف تصطادين عريسا)




لكن ولا كنت أعرف أروح لمين و لا أنشر إزاي في أي حتة غير بلكونتنا




و جاء الفرج عن طريق لبنى اللي كلمتني عشان بتعمل بحث عن المدونات و اللي وصلتني لرحاب بسام صاحبة بلوج حدوتة و اللي كان ليها دور في وصول نمرتي للأستاذ سيف سلماوي مدير النشر بدار الشروق و اللي أنبأني بالخبر السعيد الي هو رغبة دار الشروق في نشر المدونة في كتاب




لفة طويلة بس ربكوا بيسهلها مع الغلابة اللي زيي عشان أتعامل مع دار نشر بحجم و قيمة دار الشروق و كل الناس المحترمين اللي هناك




نيجي بأه للمفيد....الدعاااااية يا جماعة...يعني مش عايزين حركات من بتاعة ماهي المدونة على النت و ببلاش إيه اللي يخلينا نقول للناس يشتروا الكتاب و نوفرلهم عشان البنزين غلي و الحركات دي
الكتاب فيه كل مواضيع المدونة + مواضيع جديدة لم تنشر من قبل و من ضمنها العريس التاسع و العاشر و بعدين إنتوا عارفين إن الكتاب و اللي فيه هيفيد ناس كتير و هيكون كتاب لا يمكن الإستغناء عنه في أي بيت بعد كتاب" أبلة نظيرة" و كتاب" أهداف الحزب الوطني ..فكر جديد طحن" طبعا




لكن بجد بجد بعيدا عن الهزار ..أنا مش قادرة أوصفلكم سعادتي أد إيه بالخطوة دي ..اللي حاسة إنها هتكون خطوة مؤثرة في حياتي و أكيد هتغير حاجات كتير




و كان لازم أقولكم و تشاركوني سعادتي ..إنتوا كان ليكوا دور كبير بتفاعلكم و تشجيعكم في وصول المدونة للدرجة دي من الشعبية-اللهم أدمها نعمة و إحفظها من الزوال- و بجد باحس بكل واحد وواحدة منكم صديق و صديقة ليا و أتمنى أكون كده كمان بالنسبة لكم




بالمناسبة فيه إحتمال يكون فيه توقيع للكتاب في المعرض..يعني أختكم تقعد كده و تمضي لكل واحد على نسخته زي الكتاب الكبار ..إبقوا تعالوا إتفرجوا..قصدي سلموا عليا..هي صحيح هيبقى فيها تاتش فضيحة كده ..بس ولا يهمكم كلوا فداكم...عندي أغلى منكم أنا يعني؟؟؟..اللي ياخد القطر و اللي يخطفله توك توك و اللي يركب الناقة و يشرخ ..ماليش دعوة..لاااازم كلكوا تيجوا ..و على كل مواطن تدبير و سيلة إنتقاله بنفسه




مش هاوصيكم على الدعاية..و آاااادي غلاف الكتاب عشان ماتتوهووش










نزل شربات يا عم مرسي ..بس كل واحد ياخد كوباية واحدة وبس..و سمعونا زغروتة حلوة ..من نفسي ..ماليش نفس أسمع زغاريط يعني؟

162 comments:

bos bos said...

بجد بجد
مليون مبروووووووووووووك
والله فرحت ليكى من كل قلبى يمكن انا مابعلقش عندك كتير بس متبعاكى من زمان
وفرحت جدا ليكى
ويمكن مش هقدر اجى احضر لانى من بعيييييييييييد
بس ماليش دعوة لازم تبعتيلى نسختى على البيت
ههههههههههه
ان شاء الله هحاول اخلى حد يشوفها ليا وياريت تكون هتنزل فى كل المحافظات
مليون مبروك
ودى طبعا احسن من العريس مليون مرة
بس ياريت بقى تخلى حد يصورك وتورينا الصور

سلااااااااااااام

Ensan said...

ايوة كده , فرحونا , الف مبرووك , لو اعرف ازغرط كنت زغرطت ,
صحيح كان خبر العريس احسن , كنا هنفرح فيه , قصدى بيه
بس الحمد لله كتاب مرة واحدة
ان شاء الله نشتريه من المعرض , بس معلش انا مش هااسلم انا هااتفرج بس :)

يا مراكبي said...

ما هو اللي في الكتاب موجود في المدونة هنا ونقدر نطبعه ونصورة من بعض من غير ما نشتري الكتاب ولا حاجة

ههههههههههه

ألف ألف مبروك .. وعقبال الأخبار الأحلى إن شاء الله

Anonymous said...

مبروك يا برايد على الكتاب .. أنا واحد من إخواتك المصريين اللي يهمهم أمرك و أمر كل اللي زيك و بدعيلك إنت و كل اللي اتأخر نصيبهم إن ربنا يوفقهم لأولاد الحلال

ربنا يكتب لك الخير .. و نصيحة مني .. إنقلي من الحتة اللي انتي ساكنة فيها ( عزلي) لحسن الحتة شكلها ناس حسودية و عاملين لك عمل على رجل نملة في بطن سمكة إنك ما تتأهليش ( تخشي دنيا)

Anonymous said...

بس هتكوني إمتى في المعرض يا برايد ؟ سؤال و يحتاج لجواب

صاحب المضيفة said...

منتظرين الفرج في المعرض

منتظرين على أحر من الجمر يا سيادة الكاتبة الكبيرة

ربنا معاكي ويرزقك أكتر مما تتمني

أمين

Qabbani said...

congratulation :)

i hope this will be a nice step for more success in life :)

عدى النهار said...

مبروك وإنشاء الله طبعات كثيرة للكتاب

Xero said...

congratulations :D

إنـســـانـة said...

لولولولولولولىىىىىىىىىىىىىى

الف مليون مبروك يا برايد ياجمييييييييييلة

يالهوى زغروطة واحدة؟؟؟

مليوووووووووون زغروطة وضرب ناااااار وزمامييييييييير ومراجيييييييييييح وزحالييييييق وحنظبطك انا وكاميكاز

وعقبال يارب ماينجى نهيصلك يوم فرحك يا قمراية ياااااارب

aya said...

مبروك يا دودوووووووو
والله فرحتلك اوى اوى اوى

وباذن واحد احد
ربنا يدينا ويديكى طولت العمر
اعتبرينى اشتريت النسخة خلاص

انا مقتنعة ان الكتب خالدة ميت مرة عن النت

وانا بستمتع بقراءة الكتب اكتر من النت
وبكده جايز اخلى العيالى اصحابى كل واحدة منهم تشترى نسخة

بجد بجد فرحنالك اوى يا غادة
وباذن الله الكتاب هيعمل شغل جامد اوى

الف مبروك يا جميلة
وربنا يديكى كل الخير ويراضيكى بيه

lara said...

I was the one who advised you to publish your experiences. and I am very happy for you and 100% sure that now you will get married soon. Good luck with your book.

عبدالرحمن فارس said...

الف مبروك

mohamed kamal hassan said...

إزاى كل الناس دى سبقتنى

ليكى عندى مفاجأة

ألف مليون مبروك
((:

Ali-7ob said...

السلام عليكم
اولا انا من اشد المعجبين بكتاباتك ومن اول ما قرأت المدونة قلت انتى موهبة مدفونة بجد
اسلوب رائع
سخرية بلا حدود
معنى وقيمة
كل حاجة بجد والله مش مجرد كلام
ثانيا انا فى ايام امتحانات يعنى الحالة النفسية ض ج بس اول ما قرأت الخبر الجميل ده بقيت طاير من الفرحة
بجد
تستهاليها والله
انتى بروفيشنال وتستاهلى فرصة عشان تطلع والناس تشوف كتابتك
ربنا يوفقك والكتاب ان شاء الله ينجح ويكسر الدنيا زى مدونتك الجميلة
وانا هاعملك دعايا محصلتش على الكتاب
بس انا ليا طلب
لو وجه اليكى دعوة عشان تروحى المعرض ياريت تكتبيلنا التفاصيل يعنى الميعاد واسم القاعة وكده
plzzzzzzzzzzzzz
أخوكى على حب

Anonymous said...

مرحبا
مبروك
و اريد اقولك باني اصلا من اول يوم شقت فيها المدونه بالصدفه لما كنت ملانه و كتبت في جوجل اعمل ايه؟
طلعت لي الدونه بتاعتك و من يومها و انا كل جديد ليكي بطبعه و بتشاركه مع اهل و اصحابي لان اسلوبك يجنن و يفرح القلب الحزين لالالا لا تخافي انا مش ببيعه في الشارع
بس كنت بقولك اني بطبعه فقط لاني كنت اريداظهر لك تاثير كتابتك حتى على المجتمع السعودي
موفقه عيني

امنيه

afnan said...

مبروك يا غادة
حقيقى فرحت لك من قلبى انتى متعرفينيش لكن انا بادخل مدونتك كل يوم زى الجريدة اليومية علشان اقرأ جديدك دائما
وعل فكرة دى اول مرة اعلق عندك لان النهاردة تستاهلى يتقال لك مبروك بجد وحتبقى احلى برايد يوم التوقيع للاسف انا حارج الوطن وكان نفسى احضر المعرض واشوفك واخد نسختى لكن حاشتريها لما تنزل المكتبة عندنا هنا(جدة) تحياتى ومبروك الف مبروك مصحوبة بحضن كبير...ملحوظة انا مش مدونة انا بس قارئة للمدونات..افنان 1989

emos said...

lolololololyyyyyyyyyyyyyyyyyyyyyyyyyyyyyyyyyyyyyyyyyyyyyyyy
mabrook mabrook mabrook
isa ma7adesh hayl7a2 yeshtery el ketab 3ashan haykoon 7'eles
wenaby shelelna kam nos7'a 3andek keda 2e7teyaty
mabrook w 3o2bal manbareklek 3ala el 7agat el tanya:)

appy said...

مبرررررررررررررررروك بجد فرحت لكو ومتخافيش مش هستخسر فيكة البنزين ولا تمن الكتاب بجد والله انا فرحانه ودى حاجه حلوووة جدا وهتشرى كتابين كمان مش واحد

Anonymous said...

الف مبروك يا غادة وربنا يرزقك بالزوج الصالح يارب من قلبى والله ادعيلى بقى انا كمان وزغروطة من عندى كمان لولولوليييييييييييييييييي

عبدالله said...

الف مبروك يا غاده
خطوة جرئيه جدا منك ان نعرف شخصيتك الحقيقيه
:)))

بجد خبر جميل جدا و ان شاء الله يكون في اقبال كبير علي الكتاب و نشوف بدايه كاتبه ساخره محترمه

تحياتي

Mohamed A. Ghaffar said...

خبر رائع ، الف الف مبروك
سعيد بك كزميلة تدوين وكبلديات

خمسة فضفضة said...
This comment has been removed by the author.
خمسة فضفضة said...

السلام عليكم ورحمة الله وبركاته


الف الف الف مبروووووووووووووووووك

لولولولييييييييييييي

عقبال ما نزغرط في فرحك قريب ان شاء الله

e7na said...

غاده

مبروووووووووووووووووووك

بجد والله فرحان جدا

انا حاجز اول حوارصحفى من دلوقتى لاحسن يبقى فيها زعل

الطائر الحزين said...

جعل الله ايامك كلها سعادة

ويفرح قلبك دوما


يبقى لازم تعملى لنا خصم على الكتاب

ولا ايه


تحياتى

Anonymous said...

الف مبروك يا غادة

ان شاء الله ها شتريه من المعرض

وربنا يوفقك دايما

Amr said...

أخبار ممتازة, مشاء الله.

هحاول ابقي اطبع البوستر واوزعه في الجوامع و علي محطات الاتوبيسات :D

ربنا يزيدك كمان وكمان.

Amanyِ said...

و الله ان انتي سكرة يا غادة و دمك زي العسل...ربنا يكرمك و يجعل كل ايامك سعد و فرح يااااااااا رب

الغلبـان said...

الف الف مبروك
وبجد انتى تستاهلى اكتر من كده
كنت اتمنى انى اكون فى مصر عشان احضر حفل التوقيع ..لكن الظروف بتحكم
ومبروك مره تانية

ارحم دماغك! said...

إيييييييييييييييييه؟
مش هنقرا التاسع والعاشر يعني؟
دي آخرتها؟..لازم يعني انزل مصر عشان أجيب الكتاب؟
مفيش خدمة توصيل الطلبات لبلاد مخاليق ربنا اللي متمرمطين فيها؟

لأااااااااااا..مكنش العشم ياغادة!
:(

heba said...

الف الف مليووووووووووون مبروك يا برايد ياقمر

انا متابعه كل تدويناتك بس اول مره اكتب تعليق

عقبال يارب ما اعلق كمان علي خبر فرحك يارب

واللي من بعيد ياست برايد ومش هيقدر يحضر المعرض يعمل ايه؟؟؟

بس عشان عيونك يا قمر هروح المعرض وادور علي الكتاب

هتفرج بي مش هشتري

اوعي بقي الكتاب ينسيكي المدونه ومتنزليش تدويناتك هنا

اه ماانتي من اولها استندال وبتقولي العريس التاسع والعاشر في الكتاب

ربنا يكرمك يا برايد وعقبال العريس

Anonymous said...

ساعد نسرين الايمن يقول

الف مليار مليار مبروك يا غادة
عقبال ما تكتبي كتابك يا رب
وتوصلي دار العدل مش الشروق بس
عارفة ؟
كان نفسي اخليكي توقعي لي ع نسختي ف المعرض واهمس ف ودنك واقولك انا ساعد نسرين الايمن
فتديني نسخة مجانية
لكن للاسف انا هاكون في وقت المعرض في جدة اتبع تطورات الجرد واقفال الميزانية وحسابات العملاء الله يخرب بيوتهم جميعا

صدقيني انتي اهم بالنسبة ليا من دار الشروق والمفروض ان دار الشروق هي اللي هتبقي فرحان انها نشرت ليك يا قمر

بس يا ليت وعد باعطائي نسخة لما انزل مصر مقابل الدعاية اللي هاعملها ليك هنا

بجد والله من غير نسخة انا دايما لما اخش سايبر واجي امش باسيب الجهاز مفتوح ع الصفحة بتاعتك عشان اللي ورايا يتفرج عليكي

بج كان نفسي اشوفك ف المعرض انتي ومصري مغترب والاستاذ حمادة والكلام نوعان والحصان الاسود وكل القراء الدائمين
وادعي لي ان قارئات مدونتك يفضلوا مش متجوزين لغاية لما انزل مصر عشان انا ناوي بعد تفكير عميق اني اقدم ع خطوة الخطوبة

والف مليار مبروك يا عسل

ساعد نسرين الايمن

اسكندراني في الغربة said...

مبروووووووووووووك

sharlishablin said...

ملياااااااااااااررررررررررررررررر
مبروك , احلى خبر فى بداية 2008 و عقبال يارب ما الكتاب يبيع مليون نسخة و طلعى منه 1000 طبعة و يارب ده يكون بداية الطريق لكاتبة و اديبة متميزة .

Rania said...

الف مبروك يا غادة والله فرحتلك من قلبي

ويارب يكون الكتاب الجديد فاتحة خير عليكي

تستاهلي كل خير وربنا يفرح قلبك كمان وكمان

يا صديقتي لقد خلقت قصة نجاح تستحق الاشادة

hanen said...

بجدالف مبروك على الكتاب انا فعلا مبسوطه ليكى انك قدرتى تحققى ولو حاجة واحدة من اللى كنت عايزة تعملية عقبال الجواز يا رب ولو ان ده احلى بكتير ربنا معاك

مهندس مصري said...

ألف مبروك يا غادة عقبال ما الكتاب يطبع كتير و تكسبي منه وراه شئ و شويات
هههههههههههههههه
لا باهزر مش بأقر
اللهم لا قر و لا حسد
ربنا يكرمك يا غادة بس حددي الميعاد بالضبط بتاع التوقيع علشان الناس اللي حتيجي من محافظات تانية زي حالاتي
:)

ROMANTIC ROSE said...

الف مبروك يا عسل .. بجد فرحتلك .. عقبال الطبعه العاشرة من الكتاب .. بس يعني اللي مش هيقدر يدبر وسيلة انتقال هيعرف قصة العريس العاشر و الحداشر و العشرين منين ؟

hamsa said...

الف مبروك يا برايد يا قمر
اسمك منور الغلاف
اكيد هيبقى كتاب نار
ان شاء الله نبقى هناك زى كل سنه بس مش اى سنه
دى برايد هتكون معانا
لازم نشوفك مش هقبل بنسخه مش ممضيه

Mai Mohamed nagib .. said...

مبرووووووووووووووووووك يا قمر وفي إنتظار الكتاب القنبله ده ..
وياريت تعرفينااا معاد وجودك في المعرض عشان أنا جايه توقعيلي ع الكتاب ...
وعلى فكره يا ستى مدونتك نزلها موضوع في جريدة العاصمه النهاااااارده طبعا مش هوصيكي تشتريها وانا اللى كاتبه الموضوع يعني هستناكي تجبري بخاطري وتجيبها لحسن دي جريده جديده وعاوزه وقفة جدعااااااااااااان
مبروك يا جميله وفي إنتظار ردك ..

Bahz Baih said...

مش عارف ليه معلقتش عندك رغم انى مش بس متابع البلوج ... لا و كمان قيت كل اللى فات منًه.. يمكن ده علشان مبحبش اعلق وسط تعليقات كتير ... بس مقدرش غير أنى ابركلك و اتمنى ليكى كل توفيق فى حرفه الكتابه و ربنا يرزقنا على حسكم

انشرى بقى يوم التوقيع علشان نيجى ناخد نسخه موقعه يا غادة

نوسه said...

لولولولولولولولولولولولىىىىىىىىىىىىىىىىىىىىىىىىىى
زغروطه من بتوع زينا اهو
اى خدمه
الف مبروك بجد والله العظيم فرحانه اوى انك فرحانه
ربنا يفرحك كمان وكمان ياااااااااااااااااااااااارب
من قلبى والله العظيم عشان بحبك اوى وانتى عسل اوى
ربنا يكرمك يااااااارب

الحشرى said...

ألى صاحبة الفخامة / جناب الفيلد مارشال : غادة..... قائدة جيش البنات التى قررن هزيمة الرجال والاستيلاء عليهم كغنيمة حرب ,وتغير مسماهم من أسير مهزوم الى زوج تحت التصرف.... الف مبروك بكتابك الاول مع تمنياتى بحصولك على جائزة نوبل لمجهودك الخارق فى الحفاظ على النظام الاسرى فى عالم متفكك , ولسوف تحصلى كما سبق أن بشرتك بزوج تعكننى علية , وأنتى ردتى وقلتى أمتى بقى , أنى أشعر بقرب هذا الحدث التاريخى , أما عن نصيحتى الاولة فهى- بعد تحديد الهدف المراد الاستيلاء علية , ان تعبرى عن أعجابك بأحد صفاتة بشىء من المبالغة للطرف ثالث فتان يقوم بنقل الحديث الى الهدف , وبرضة حبقى اكمل بعدين ومش حجوز .

نوراى said...

بصى انتى بنت زى العسسسسسسسسسسسسسل بجد خفة دم ماشوفتش زيها
حاسة انى بحبك اوى وقريبة منى ااوى
اما عن الكتاب ملييييييييييييييييون مبروك
واول ما هنزل مصر هجيبة علطول لانى دلوقتى مش فى مصر
واتمنى للك يتنشر كتاب تانى بس بعد ما تتجوزى
ويبقى اسمة واخيييرا اتجوزت

Anonymous said...

الف الف مبروك با برايد بجد فرحتلك جدا جدا

انا متابعك من زمان ومعجب جدا جدا بكتاباتك وان شاء الله ربنا هيوفقك والكتاب هيحقق نجاح هائل

وعقبال العريس يااااااااارب

( سعيد العزب )

E L A Z A B said...

الف الف مبروك با برايد بجد فرحتلك جدا جدا

انا متابعك من زمان ومعجب جدا جدا بكتاباتك وان شاء الله ربنا هيوفقك والكتاب هيحقق نجاح هائل

وعقبال العريس يااااااااارب

( سعيد العزب )

Mouslim Combatant said...

طيب بما إن فى توقيع والذى منه، لازم نعرف اليوم اللى هاتيجى فيه والمكان اللى هايكون فيه الكتاب عشان التصوير و الكاميرات والصحفيين و المذيعيين وال بي بي سيخ و كده

ألف مبارك عليكى ومنتظرين التفاصيل

noha said...

بجد بجد مبروك على الكتاب وانا فعلا مستنياه ينزل عشان اشتريه
فرحت جدا جدا وربنا يوفقك يارب

Pink Unicorn said...

الف مبروك يا غادة
بجد تستاهليها و بجد فرحت لك من قلبى
كان نفسى احتفظ بالبوستات بتاعتك مطبوعةوالحمد لله اهو حصل
ربنا يوفقك ان شاء الله وانا متوقعة ان الكتاب حيكسر الدنيا
بس بجد قوليلنا امتى حتكونى موجودة علشان نشوفك و توقعيلنا على الكتاب

koky said...

hi 1000000000000 mabrok

koky said...

i wate this book and see you

Noony said...

لولولولولليييييييي
لولولولولولوولييييييييي

مع إني مش بعرف أزغرط في الحقيقة ونفسي أتعلم الزغروطة بجد :)

مبروووووووووووك يا اجمل برايد (قريباً إن شاء الله)

تاني قبل ما أمشي
لولولولولليييييييييييييي
هههههههههههههههههه

Anonymous said...

و بكام الكتب بأه حضرتك

Mo93abS said...

ألف ألف مبروك
صراحة خبر صاعقة
أتمنى أحصل ع الكتاب بس الظاهر صعبة شوية أصلي من بعيد شوية
وبعدين دي أول مرة أعلق بس من زمان بتابعك
خطوة حلوة يا برايد
وبس عشان لازم تسمعيها من واحد تاني
YOU DID IT.. YOU DIIIIIIIIIIID IT.. =)

Bestic said...

مبرووك الف مبروك
و بالتوفيق دايما
بس نفهم من حكاية التاسع والعاشر دي انك مش حتنشري حكايات تاني في المدونة
عااااااااااااااااااااااااااااااااا

its me said...

eh daaa
begad?
alf alf mabrook ya bride
:d
ana wllah mabsotalek k2enn elketab beta3i:)))))

the pheonix said...

الف الف الف مبروك والله فرحت لك خالص وعقبال كتب اكتر ان شاء الله وانا فعلا كان نفسي ابقي موجودة في المهرجان بس الموصلات بقي

د/محمد السباعي said...

السلام عليكم هذه هي المرة الثانية التي اكتب فيها تعليقا لك و من الواضح ان وشي حلو عليكي (يعني من الاخر عايز الحلاوه ) لكن فعلا اسلوبك مميز و من الواضح ان المدونات اخذت تتقدم يوما بعد يوم واخذت تلفت الانظار....بصراحه اول مرة دخلت على هذه المدونة كان شيء لاول مرة اراه وهو ان تنشري افكارك على الملأ .....صحيح اني تحدثت مع كثير من زميلاتي في العمل ووجدت منهن نفس الكلام عن مواضيع الزواج و لكن ما ادهشني هو سعة القاعدة التي تتحدثبن اليها و تجاوب الناس معكي و اصارحك القول اني قرأت كل ما كتبتيه في هذه المدونه و لاحظة تطور المدونة مع الوقت و تطور اسلوبك معها ....بداية كانت مجرد افكار تبث الى الكمبيوتر و منه الى الناس خوفا من المواجه و مع الوقت تحول اسلوبك الى اسلوب شخص يعي انه يتحدث الى اناس كثر و اتجهت بحديثك اليهم ....لا اطيل عليكي و الف مبروك تستحقيها عن جداره و اكرر اعتذاري عن الفصحى...د/محمد السباعي

UNIQUE said...

الف الف مليون مبروك

مبسوطة اوي علشانك وهحاول اشتري الكتاب ان شاء الله

حسام مراد said...

الف الف مبروك

بجد انتى تستحقى

وللاماااااااااام

وخلاص انا ليا نسخه ممضيه وجاهز ومركونه على جنب اجه معرض الكتاب ع طول اخدها
ماتخافيش هادفع حقها
ههههههه

تقبلى ارق تحياتى وسلاماتى
حسام مراد
شغال

شاب مصري مفروس said...

والله بجد فرحتلك اوي يا برايد

الف الف مبروك

بس على فكرة حلوة الحركة بتاعة حفلة توقيع الكتاب دي

حاسس انها اصلا حفلة توقيع عريس (:

يالا يا ستى الله يسهلك

الف مبروك مرة تانية يا كاتبة يا متميزة

وعقبال اللي بالى بالك

ومنتسيش حفلة التوقيع

الا هي امتى صحيح وفين

سلام

سمية-بنت البنا- said...

السلام عليكم ورحمة الله وبركاته

مبااااااااااااااااااارك لحضرتك

واعقبال باقي الكتب والعريس الصالح

ربنا يبارك في حضرتك





اللهم فك اسر والدي وجميع اخواننا المعتقلين

أنسانة-شوية وشوية said...

احلى زغروتة لاحلي غادة والله مش بعرف ازغرد بس طلعت منى من الفرحة والله فرحانة لكى جدا يا غادة والغلاف شكله جميل يا اختى كمييلة واسمك منور شكله كده اسم سنيمائى اخدتى بالك
المهم بجد الخبر حلللللللللللللللللللللللو ناااااااااااار وميهمكيش الحاضر هيبلغ الغايب وهنيجى نعملك احسن شو بس متتالطيش علينا قوى ماشي

رسامة said...

والله خبر جميـــــــــــــل جدا ، ألف ألف مبروووك
يعني الحمد لله في الحياة حاجات تانية مفرحة غير الجواز :)

ربنا يسعدك يا رب

Amr Ahmed said...

مبروووووووووووووووك


عقبال العريس ان شاء الله

zemoo said...

Bride 7atb2a famous person ya regala,za3'rty ya ely enty mesh sam3ena,
ALf Alf Alf Million Mabrwek 3ala el a7'bar el 7elwa dy
W 3o2bal keda lama neshoufek in ur own Tv program
Do u wish to have ur own program on tv? is it one of ur dreams?

Ur Blog is really hayel gedan and reached many persons since its simple,honest,funny,everyone feels that its from ur heart and the most important thing that it copies our realistic life.

i don't know about ur intention in the next period but I hope that u can go into collecting ideas and filtering them about how to make all or most of girls being involved into marriage

See u fy el ma3ared ya bride , bas balash tygy bel bodyguards 3alshan ne3ref na7'ed amdetek :))))
salams

بحبك يامصر said...

كويس ان الواحد بيجى على اخيار حلوه كده مبروك بجد ويارب الكتاب ينجح واسمك يعلى

mesh2dra said...

السلام عليكم

الف مبروك برايد
الف مليون مبروك

فيه سؤال دلوقتى المفروض تسأليهولي- ده على اعتبار انك عارفانى ومتابعة اخباري- ايه يا بنت اللي مدخلك عالم المدونات دلوقتى اجري شوفي وراكى ايه وذاكريلك كلمتين ينفعوكى
حقولك انا حتة فشر
انا بدخل مدونتك على طول برايد
بس انهاردة بالذات قريت ريبورت عن مدونتك في جورنال اسمه العاصمة
هو جورنال جديد.. ده العدد الرابع تقريبا بيصدر كل يوم اربعاء
يالا جيبيه وشوفي مكتوب عنك ايه

ومبروك يابنتى
الله يوفقك دايما

سلاماتي

ra7eel said...

بجد الف مبرووووووووووك
انتى فعلا اسلوبك رائع وجميل جدا

يارب بس لما تتشهرى متبعييش اصحابك بتوع النت والمدونات
ههههههههههههههههه
هتنشغلى بقى وتنسيبنا ربنا يوفقك يارب

Soooo said...

الف الف الف مبروك
وان شاء الله مايكونش اول واخر كتاب ليكي وتفضلي من ابداع لابداع

وان شاء الله هشتري منه بتاع عشر نسخ عشان اوزعهم على معارفي لاني بجد والله ومش مجامله شايف انك من افضل المدونين والكتاب اللي بيتناولو قضيه ساخنه جدا باسلوب ساخر جدا جدا جدا

بس على فكره .. مش هشتري العشر نسخ دول غير لما تمضي عليهم بنفسك وتكتبي اهداء



سلاموووووووووووووز

لماضة said...

الف مبروك يا غاده
انا هشتريه طبعاااااا
وهقريه لناس كلها
والله فرحتينى جدا
حاسه ان الكتاب اللى نزل ده بتاعى انا
يارب اشوفك بس للاسف احنا بنروح عرض الكتاب زياره واحده بس عشان اسكندريه وسفر
يارب اقابلك

Dentina said...

مبروك يا برايد انا بجد سعيده بيكي علي فكره احنا بلديات
ياريت تحديدي اليوم ال هتكوني فيه في المعرض علشان نحضر
تمنياتي لكي بالتوفيق

Ma 3lina said...

الف مبرووووووووووووك يا دكترة
\و عقبال فرحك ان شاء الله

لازم تقوليلنا على اليوم اللى رايحة فيه علشان ان شاء اللع اجى و اشوفك و توقعيلى على الكتاب بنفسك


و زغروتة منى لولوللىىىىىىىىىىىىىىى

اسما said...

لولولولولولولولولولولولولولولولولولولولولولولولولولولولولولولولولولولولولولولولولولولولولولولولولولولولولي

احلى زغرودة لاحلى غادة فيكي يامصر

حات الشربات ياعم مرسي

ده انا لو مش نزلت معرض الكتاب هانزل مخصوص بس علشان اجيب الكتاب ياغادة :)

الف مبروك ياقمر على الخطوة دي .. ويارب عقبال ما نعمل الفرح اللى بحق وحقيقي على كل مدونات المنطقة

:)

SAHAR said...

ياه ه
مبروك ألف مبروك
الصراحة تستاهلي انا متبعاكي من اول مابدأتي تكتبي في المدونة والصراحة من زمان بقول البنت دي كان لازم تكتب في الجرايد
يعني مثلاً أيامنا الحلوة لأخبار اليوم دايماً أقارن بينك وبين كتابها وبلاقيكي تستحقي تكتبي فيها اكتر من كتاب كتير هناك
واللهي بجد فرحتيني

الارهاب المنزلى said...

الف مبروك ياغادة
واكيد باذن الله هكون معاكى فى المعرض زى ماتفقنا
بس متنسيش الغدا عليكى

Anonymous said...

الف مبروك يا غادة ... بجد فرحتلك ..رغم اني مكتشفة المدونة حديثا َ ...
بس بجد تستاهل ...
الكتاب ده عاوزين نوزع نسخ منه على الرجالة مجانا ...الرجالة اللي هم بيدورا على عرايس .. ويقرفونا معاهم ... يمكن ربنا يتوب علينا ويرحمنا بقى :)
ربنا يكرمك يارب وينجحك كمان وكمان
ياسمين

ظل الشمس said...

ياريت من القاهرة انا
كنت جيت عشان ابقى م اوائل الناس اللى تقرا الكتاب
وكمان اشوف برايد اللى بقالى سنة باستناها كل يوم بحكايتها وضحكتها
بالتوفيق يا غادة
بجد تستاهلى دا واكتر
ربنا يوفقك
وهاحاول اجى بردو
^_^

alexandrany said...

Ghada
this is my first comment on your blog
Congratulations
Bilion Congratulatiuons
وأخيرا ولله الحمد زغروطة حلوة رنت في مدونتك با برايد
وعقبال الزغروطة الكبيرة يا رب

تحياتي

مصرى متغرب said...

مبروك يا برايد وعقبال الفرحة الكبيرة ان شاء الله ايوة كده ها قعد مع اصدقائى واتمنظر عليهم واقولهم صديقتى مؤلفه ولها كتب فى معرض الكتاب وان شاء الله هاخليهم يشترو نسخة ويبعتوها لى او ما الكتاب ينزل .

ياريت تقوليلى عنوان المكتبة الى هاتاخد حق التوزيع لو ده حصل قبل معرض الكتاب

ها استنى منك اميل باسم المكتبة

تحياتى

Ahmed Badr said...

الف مبروك يا غادة / او برايد زى ما تحبى .. اختارى انتى يعنى

بجد دى خطوة مهمة جدا , وبعيد عن فكرة المكسب المادى .. اكيد هتاخدى فلوس اد كده , أظن ان دى طريق جديد ومهم وتجربة انا شخصيا كان نفسى اشوفك بتخوضيها من أول مرة شفت فيها مدونتك .. على العموم يا برايد الف الف الف مبروك, وعقبال ما تكملى السلسلة ببيت العرايس والعرسان , بس يكون ربنا فرجها عليكى بقى واتجوزتى

وتتقاعدى وتكتبى مذكراتك

تحياتى ومبروك مرة اخرى

مواطن من بني مقهور said...

مبرووووووووووك ألف مبروووووك
عقبال منباركلك على اللي نفسنا كلنا نسمعه ويارب متبقيش زي البنات اللي بتطنطط علينا لما نطلب أيديها

Hadota .. حـدوتة said...

الف مبرووووك
لولولولولى

ادينى ضغرطت اهو

هاتى نص جنيه بقة
:P

ربنا يوفقك دايما
والكتاب يضرب فى السما وتطلعلى فى العلالى بس يارب ساعتها تفتكرينا

:)

تحياتى

sosa said...

الف الفين تلاتة مليون مبروك ياغادة
عقبال العريس يارب
بس قوليلنا هتبقى موجودة فى المعرض امتى واحنا نجيلك
برضه لما يبقى عليكى زحمة نعملك برستيج جامد كده ومش بعيد يحصل زى الافلام بقى وتقابلى الاعمى على عينه لحد دلوقتى وتتلاقى الاعين والنظرات ويقع فى حبك وعلى اخر يوم فى المعرض نعملك حفلة خطوبتك هناك فى اكبر صالة كمان

Anonymous said...

النهارده اول مره اقرالك
خلصت الشغل وفاضيه فخطيبى بعتلى البلوج بتاعك و قالى اقريه
فقريته كله لانى بحب القرايه
و كان اول حاجه خالص انك حيتعملك كتاب و بالتالى اباركلك و اقولك الف مبروك تقدم رائع للشباب
و بعد كده انا كملت و قريت باقى الصفحه لاسباب كتير حبقى اقولهالك بعدين لو كان عندك فضول انك تعرفى واحده زيى حتكمل الصفحه ليه
ماعلينا
المهم
انا كملت لغايه موصلت لجزئيه ان فى عريس جيلك و انك حتنزلى لنهى تغظيها قصدى تفضفضيلها
و بدات اشعر بغيظ و زعل غريب كده
طبعا حتقوليلى ليه
حقولك الن الواقع غير كده تماما
و ليه يكون جوانا كده اساسا
لكن فى نفس الوقت لقيت صرصار من صراصير افكارى بيقولى هى اساسا بتكتب على اى اساس
يعنى انت بتتكلمى بشكل سطحى عن حياتك اليوميه فى شكل مذكرات
انا عيزاكى تكتبى بشكل خواطر بشكل اكثر عمق
بالى بيحصل بينك و بين نفسك
ايه الى بيدور بينكم
لازم تكونى مميزه عن اى اسلوب و طريقه كلام اخرى
و لازم تعرفى ان فى شباب بيقرالك لازم تفتحى عنيهم على الحاجات الضلمه الى مش شيفنها
خليكى انتى العفريت الى بيطلع من مصباح علاء الدين
مش عارفه اذا كان كلامى وصلك و لا لا انما ربنا يوفقك
و انا بقولك الحاجه الى حستها
مش بعترض عليكى و لا بنقدك
بس

م/نور

son's egypt said...

السلام عليكم
الف مبرووك علي الكتاب
وعقبالي يارب لما يكون لي كتاب باسمي

mohammed alsha3r said...

هو بدايه ياست الكل

الف مليون مباااااااارك لالالا الف مليون بركه

على الكتاب

ثانيا

أخوكى شغال فى دار نشر ونازلين المعرض

فى صاله 4

دار اجيال

لو تبقى تشرفينا وتجيبى لنا الكتاب

هنكون سعداء

واهو تسويق اهو للكتاب

وعلى الاقل هتشوفى نوعيه كتابنا
اللى بتتكلم فى العلاقات الزوجيه

والتنميه البشريه

يعنى ان شاء الله لما اللى عاوزة تتجوز تخطف لها عريس من المعرض

تيجى تاخد كتاب من عندنا ازاى بقى تتعامل معاه


دمتم على خير


ومنتظرينكم فى المعرض ان شاء الله

Hisham said...

أولاً مبروك

وفرحت جدا بالخطوه الجميله دى
لآنى من زمان وانا متابع مدونتك الجميله البسيطه فى تكوينها وأسلوبك المرح فى كتاباتك

تحياتى ليكى
وانا سمحت لنفسى دون أستئذان
بعد أسف طبعاً
أنى أضع غلاف الكتاب فى مدونتى

ربنا معاكى وان شاء الله نشوف خطوات تانيه كلها أفاده وأستفاده ..بالتوفيق

حياتي قنبلة ذرية said...

لولولولولي

متظعليش يا برايد ادي زغروطة جلوة يارب ترن في بينك قريب ان شاء الله

حقيقي انيت تساهلي كل خير بس لولا اني في الكويت كنت جيت طبعا و هنيت و باركت و اخدت نسخة و توقيع كمان بس ما باليد حيلة

الف الف الف الف مليون مبارك عليكي يارب

Sa7bet Nouny said...

Congrats
the most important thing
don't forget the quote at the top of the blog.. the hazz elhawa komek thing :D
Mabroook Mabrook

ftafeet said...

اول حاجه عايزه اقولها مدونتك تحفه بجد اول مره اشوفها بس عجبتنى جداااااااااااااجداااااااااا
تانى حاجه مبروك الف مبروك على الكتاب
وربنا يوفقك ان شاء الله

مروة said...

الأهم من الكتاب
ان الناس هتشوفك
وهتلاقى عرسان كتير
ومش بعيد تطلعى من المعرض متجوزة
جتنا النيلة فى حظنا الهباب
مروة

mohammad said...

مدونة رائعة وفكرتها جميلة، جديرة بالمتابعة مررررررات ومررررات، لم استطع أن اقرأ الكثير من البوستات اللي فيها،و اترك تعليقي،بس على العموم الكتاب بيبان من عنوانه، مبرووووك على الكتاب، وللأمام دومًا،
المطحون

L.G. said...

عزيزتي
مبروك حلمك الجميل فرحتي قلبي شوية
المهم تعالي عندنا في مدونة كلام بنات حتلاقي ما يسرك وببلاش ياستي
http://kalamalbanat.blogspot.com/
خطوة على الطريق الصحيح

Anonymous said...

الف مبروك يارب يفرحك كمان وكمان الهم امين
وعقبال بقى من بارك على اللى فى بالك اللهم امين يارب العالمين

Anonymous said...

الف مبروك يارب يفرحك كمان وكمان الهم امين
وعقبال بقى من بارك على اللى فى بالك اللهم امين يارب العالمين


رفقه عمر

ibfathy said...

لاء والله العظيم فرحتلك من كل قلبي والف الف مبروك وعن نفسى هساعدك في الدعايه وده هديه لأختي الرائعه غاده شوفي اعلان كتابك في موقعي الشخصى من هنا

http://ibfathy.com/main/index.php
هديه من أخوكى إبراهيم فتحي

وألف ألف مبرووووووووك وعقبال مليون كتاب يارب

ibfathy said...

رابط صفحه الإعلان

http://ibfathy.com/main/index.php?action=pages&id=4

وألف مبروك مره تانيه

Anonymous said...

نصيحة
إقلعى الحجاب لأنه
1 كلام فاضى
2 هيمثل صدمة لقرائك لما يشوفوكي بالبس المقرف دا و يطير صورة الفتاة العصرية من دماغهم
3 نفرض إن الكتاب ضرب و هيتعمل مسلسل , فليه متكونيش إنتى بطلته ؟ إذا لازم تكونى مستعدة من بداية الظهور الأول و التعامل مع الجمهور

ارحم دماغك! said...

يااااااه يا بنتي!
معلش..دي ضريبة الشهرة بقى..كل واحد معدي في الشارع من هنا ورايح هيتحشر في أمورك الشخصية ومفيش مانع يلبخ ويقل ذوقه عليكي..ويعمل فيها الأب المربي والناصح الأمين..

يللا معلش ربنا يكون في عونك :)

yasmine Bashaar said...

الف مبروك ياغادة

انتى فعلا تستحقى انك ينزل لكى كتاب لان اسلوبك فعلا تحفة ودمك خفيف فحت

بس قولى امتى هتروحى معرض الكتاب علشان نروح فى اليوم ده

وعقبال الكتاب التانى والتالت والرابع والالف

نور said...

الف مبروك يا غادة انا اول مرة اقرا مدونات وتجبني بجد جدا زي مدونتك لان اسلوبها شيق جدا وقريب لينا
ربنا يوفقك كمان وكمان

okht-muslima said...

ألف مليوووووووووووون مبروك يا برايد

عقبال العريس يا حبيبتي يارب

انا بتابع مدونتك من زمان

بس ده اول تعليق

من فرحتي مااقدرتش امشي من غير ما أعلق

ان شاء الله هحاول أنزل واقابلك

الف مبرووووووووووووووك كمان مرة

لولولولولولولولولولولولولوللولولوىىىىىىىىى

Bride Zone said...

يا الف نهار ابيض يا الف نهار مبروك...

حلم جميل جدا تحقق لك يا برايد ويارب يكون فاتحة خير عليكي يارب..

من زمان اوي وانا نفسي يبقى عندي كتاب كدة والناس بتقراه..

ربنا يوفقك ويكتب لك الخير.. كان نفسي اكون موجودة هناك انا كمان عشان ناخد نسخة موقعة بس بقى خيرها في غيرها..

سلام مربع

شيكابالا said...

على فكرة انتى هايلة جدا وربنا يوفقك بستمتع بزيارتى لمدونتك

مذكرات حاحا مصر said...

الف مبروووووك يا برايد
فرحاتي لا توصف وربنا يوفقك ان شاء الله ونري ليكي عمود اسبوعي في الاهرام او الاخبار مع الاستاذ السعدني او احمد رجب وربنا يوفقك ان شاء الله .... لانك فعلا موهبة جذابة واتمني ان تستغليها احسن استغلال وتنميها .....نصيحة يارايت يا بريد تنوعي كتابتك وخاصة في الكتب يعني مش لازم عايزة اتجوز .... على فكرة انا صحفي بس بكتب في مجال الاقتصاد يعني بقينا زملاء وربنا يوفقك واتمني لكي التوفيق لكي ولكل بنات وشباب مصر ام الدنيا

هشام علام said...

مبروك يا غادل
اولا مدونتك اكتر من رائعو وانا بتابعها من فترة طويلة بس يمكن ما كنتش بعلق لان كان مروري سريع
بس النهاردة وبعد الخبر الهايل اللى حمله البوست ده انا بهنيكي بجد
لكن اسمحى لى احتفل بيكي على طريقتي
وبما انها اول زيارة ليكي
فاسمحى لى اعرفك بنفسي
وطبعا هاتعرفي الجزء الأكبر من خلال مدونتى المتواضعة "الثائر دائما" وباختصار انا هشام علام صحفى فى المصري اليوم ومعد برنامج صباح دريم
مستني ايميل منك فيه الكونتاكت بتاعك
الميل بتاعي على بروفايلي فى المدونة
مبروك يا غادة للمرة التانيه والالف

merayat said...

ماتسمعينا زغروتة يا زغلللة
متسالنيش مين زغللة دي او اسمها كده ليه
ده على راي الراجل ابو تامر (احمدالفيشاوي) في مسلسل رمضان الشهير تامر وشوقية مش اكتر

المهم انا عارفة اني يمكن اكون معلقتش عندك هنا قبل كده بس انا من زوار مدونتك الدائمين ومعجبة جدا جداجدا بيها وبالتطور
اللي فيها وانها مش بس بتعبر عنك لا ده عن الاف والاف البنات المظلومات في هذا الوطن الشاسع
المهم سيبك من الكلام
ده
حتروحي المعرض امتى تمضي الكتاب
ضبطي يوم كويس كده عشان انا من اسكندرية بس ان شاء الله جاية امعرض
فياريات يكون في اليوم اللي حاجي فيه
والله يا غادة يا بنتي عايزة الحق ؟
الشهرة انك تحققي نفسك احلىمن الجواز وزهقه ومسؤلياته هو مش كده اوي اوي يعني والجواز برده فيه مميزات كويسة بس
كده
بعد ماتتجوزي ان شاء الله تقدري
تقولي بالفم المليان اانا حققت ذاتي تمام ووصلت لحلم جميل وعملت اللي في نفسي ومستعدة ادي بيتي وقتي بمزاج وطيبة خاطر
تحياتي ليكي وعقبال الزغروتة الكبيرة
بجد انتي تستاهلي كل الخير

علي said...

ضيف جديد وسعيد لكل نجاح ومن انصار اصحاب الهدف والغايه ولكل انسان هدف يسعي له والدنيا بدون غايه او هدف
نكون نحنا وجميع المخلوقات
سواء بسواء الف مبروك بس المفروض اول نسخنه تكون هدايه مجانيه وياريت يكون مع كل كتاب حتته لمه عشان يكون عذا الروح مع غذاء المعده وهو ده التكامل وهو ده العبور الجديد والفكر الجديد
وشكر لساتكم
علي
واخر امنيه اتمنها اني اشوفك في الكوشه قبل ما اطلع معاش مبكر لاني عندي 33 سنه
يارب يختي يا رب
علي

tafida said...

مبرووك يا انسه برايد
ايوه كده ارفعي راسنا
انا علي فكره كتبت بلوج برضو اسمه وا اسفااه علي الرجال
ممكن تقرئيه و تقوليلي رايك
http://tafida.blogspot.com/
و الف الف مبروك
بس انا علي فكره اول مره اعرف ان اسمك غاده.
حسب ماهو مكتوب علي غلاف الكتاب

Mahmoud said...

ألف مبروك يا غادة
وربنا يوفقك دايما
وان شاء الله الدعاية هنعملها
وربنا يسهل واعرف اخد التوقيع فى المعرض
ولو ما عرفتش هاروح اجب واحد من عم صحبى واخد توقيعه فى المحلة - غلس بقى
وبالتوفيق وربنا معاكى

reham said...

انا لازم اقرصك فى ركبتك عشان احصلك فى جمعتك..الف مبروك فرحتى قلبى بحاجة حلوة من ريحة الدكاترة..مليون بوكية ورد من الغالى وعقبال ما بقية الابواب اللى مقفولة تتفتح فى وشنا كلنا يا رب..تحياتى

islamist bloke said...

حيث كدة اقدر اقولك على مشاعري المتأججة من زمان تجاهك يا برايد


تتجوزيني يا برايد؟

حيث بأة ان العملية هتزهزه وتنغنغ معاكي يا عم ...... اسمحي لى أكون أول الواقفين بالباب ممن يطلبون شرف المعالي للفوز بك يا بدر الليالي (والكلام ده) بس قولى لى ناوية تعملي اية بأرباح المشروع - ما شاء الله طبعا - اية رأيك تروحي تركيا ...... أو اقولك ..... اتبنيني ونروح ايطاليا ونغرق في البحر ........ اتجوزيني يا برايد الله يكرمك ....... اتجوزيني وروحي انتي الشغل واكتب انا اوتوجرافات فى البيت
:)


فعلا انا مبسوط جدا وما شاء الله عليكي وربنا يفتح عليكي من النعيم ويكرمك ويزيدك ...... انتي بنت حلال وتستاهلي كل خير ....... بس خليكي على التراك ومتروحيش يمين او شمال ...... خلي بالك انك بدأتي المدونة بتقولى انك بتتكلمي بلسان 15 مليون بنت ....... اعلمي ان لحظة ما هتتكلمي بلسانك الشخصي لوحدك هتلاقي الاهتمام قل ........ اليومين دول كل نجم بيصعد فترة وبيخبو تاني زي شعبولا شوية واحمدي نجاد شوية لكن احنا عايزين نجم برايد يطلع ومينزلش

مينزلش ازاى بأة ........ فكري فيها لان دي بتاعتك انتي

يا برايد نصيحة فكرى فى الكتابة على انها كارير حياة كامل مش مجرد حدث عابر مر وانتهى ......... استفيدي لأقصى قدر من الفرصة دي ومتضيعيهاش ....... انتي ما شاء الله عليكي ممتازة فى الكتابة والشروق مكان هائل ويمكن فى يوم من الايام - وانا حاسسها وشايفها بعيني -انك تكوني أنيس منصور او يوسف معاطي ........ انيس منصور مش احسن منك ويوسف معاطي دمه مش اخف منك ....... لما تقارني عظماء زي دول بنفسك متقارنيش وضعهم الحالي ........ قارني نفسك بيهم وهو فى نفسك سنك ....... هتلاقيهم كانوا صفر بالنسبة ليكي دلوئتى

انتي عبقرية واكيد هتوصلى يا برايد

باذن الله هييجي يوم نقرأ لك عمود فى اكبر جريدة مصرية - ويا حبذا لو معارضة

عموما

باذن الله هحاول احضر معرض الكتاب عشان اتشرف بتوقيع حضرتك على الكتاب ...... بس صحيح هو المعرض امتى؟ انا رايح الجيش يوم 17 يناير -اصلى خريج دفعة السنة دي ترجمة فورية انجليزي جامعة الازهر - ورايح المعسكر احتمال قبل معرض الكتاب

عموما

هحاول اشتري نسخة من الشروق اليومين دول وربنا يفرجها


تحية تقدير واحترام وطموح


والسلام

ghalia said...

أحلى خبر
الف مبروووووووووووووك يا غادة
بجد فرحتلك من قلبى
أنا متابعاكى علطول وبموت فى اسلوبك اللى بيموتنى من الضحك برغم انى أول مرة احط تعليق
حسيت إن لازم اباركلك
وأكييييييييد ان شاء الله حشترى الكتاب وحخلى كل العيلة تشتريه
سلام يا قمر ويارب بقى البوست الجاى نبارك لك عاللى بالى بالك ;)

mydmermaid said...

Hello Bride :)

Alf mabrouk begad :) Agmal 7aga is how people are happy for you and how they all believe you do deserve to be published :)

You said this book would be a big step in your life. Indeed it is. I hope it would make you stop for a while, consider everything in your life, evaluate it and see in which direction you want to go.

Rabena yekremek inshallah :)

TigerEye said...

مبروك يا غادة نشر الكتاب
وبإذن الله يكون ناجح زي المدونة وأكتر كمان

totaaaa said...

ماينفعش مااعلقش
اول مرة اعلق عندك رغم انك المدونة الوحيدة اللى بادخلها كل يوم على امل انك تكتبى حاجة
الف مبروك يااجمل برايد فى الدنيا دى كلها والله العظيم فرحت لك جدااااااااااااااااااوعقبال الفرحة الكبيرة يارب بس اوعى تنسينا يابرايد والشهرة تغيرك
ربنا يوفقك يارب ومليون مبروك ياقمر

saso said...

بينى وبينك دى اول مرة ادخل فيها على مدونتك بس ايه العظمة دى والله حاجة تفرح اهى دى المدونات ولا بلاش
وبنقول
الف مبروك لفرحة النهاردة
وسمعنى سلام على حق
للى يبارك واللى يطق يطق
ومبروك ياستى وعقبال كدة مانباركلك يوم فرحك
لىلىلىلىلىللللللللللللى

Anonymous said...

أنا اسمى مكتوب ؟

حماكى بكندا

Anonymous said...

طبعا مبروك كبيره قوى

حماكى برضه

reri said...

لولووووووووووووووووووووي
زغروته جامده أهي
أنا هبدأ من دلوقتي أحوش في تمنه
بس راعي بقي المدونين وإعمللهم تخفيض
ألف مبروك يا غاده
أنا ممفيش حد أعرفه إلا وحكيت عن المدونه
وبالتالي عن الكتاب
دعايا ببلاش أهي يا ستي

سلاماااااااااات

wanna b a bride said...

أحلى سلام لأحلى زغاريط مالية الطبقات الجوية من أسوان للإسماعيلية

هو ده العشم يا جماعة

ما هي الفرحة ماتبقاش فرحة من غير لمة


تحية لكل الناس اللي بيعلقوا من زمان و تحية للقراء السريين اللي من زمان بيقروا و أول مرة يعلقوا

تحية ل لارا اللي نسيت اسمها في البوست و تحية لرضوى من موقع عمرو خالد و
l.g
و
ibfathy


على بوستات و مجهودات الدعاية على مدوناتهم و مواقعهم
ربنا يخليكوا لكل البنانيت الحلوين اللي زيي

بجد حاسة ان ليا عزوة و ورايا رجالة و بنات ياكلوا الزلط و يحلوا بالجرانيت

ربنا يديم المحبة يااااااارب







مقدمة واجبة و استهلال لابد منه قبل الرد على التعليقات واحد واحد وواحدة واحدة

wanna b a bride said...

bosbos

الله يبارك فيكي

من بعيد؟..و إيه يعني انا كمان نت بعيد و باروح المعرض كل سنة

نطي في القطر و انزلي رمسيس و عدي الميدان تلاقي الميكروباصات عند الجامع بتقول معرض معرض معرااااض

و بعد ماتطلعي من المعرض هتلاقي المكروباصات بتقول رمسيس رمسيس رمسيييييس

سهلة بس انتي اتشجعيو تعالي

التصاوير ممنوعة..احنا مابنظهرش بالساهل كده
(ده سر حرررربي)

:)

تحياتي
-------------------------------
ensan

زغروطتك وصلت ضمنيا و كفاية النية

و الفرجة ببلاش..بعد ماتشتري الكتاب طبعا
:)
-------------------------------
يا مراكبي

من أولها كده

لييه دانا بحببببك

عموما مقبولة منك انت اخويا الكبير
------------------------------
anonymous

و الله عزلت السنة اللي فاتت

يظهر ان النحس اتفك في موضوع الكتاب

يمكن يجي وراه حاجات أحلى
-------------------------------
anonymous

انا لو اعرف أقول على طول

لسه مش عارفة لما هاعرف هاعمل بوست و أقولكم
---------------------------------
صاحب المضيفة

منتظرين فرج أو أي حد من أصحابه

مش هنتشرط

هستناك
---------------------------------
qabbani

thank you very much
---------------------------------
عدي النهار

يااااااااارب
---------------------------------
xero

thnx
---------------------------------
إنسانة

يا سيدي ع الزغاريط الحلوة

أيوة كده

مستنياكوا انتي و كاميكاز
"مين كاميكاز ده؟"

و في فرحي باه هيبقى شغل على كبييير

هاعزم كل البنات و نعمل الحنة في الإستاد

wanna b a bride said...

aya

خلاص أول نسخ محجوزة لآية و أصحابها

هاوصيهم على كده في المعرض

تحياتي يا قمر
--------------------------------lara

سوري اني مافتكرتش إسمك في البوست

الزهايمر يا بنتي ...معلش حكم السن بأه

ميرسي ليكي جدا بجد كلمتك أثرت فيا جامد

وآدي النتيجة

انتي بالذات ليكي كوبايتين شربات

ياااالا إن شالله ماحد حوش
---------------------------------
عبد الرحمن فارس

الله يبارك فيك
--------------------------------
mohamed kamal hassan

فيها حق عرب دي

فين المفاجأة دي

قوللي بسرعة
---------------------------------
ali-7ob

إيه الكلام الجميل ده كله

و الله وشي إحمر

يا رب اكون أستاهل اللي انت بتقول عليه ده كله

و إن شاء اللهانا و انتوا شركا دايما في النجاح

المعاد اول ما اعرفه هاقوله إن شاء الله
--------------------------------
أمنيه
...مراسلتنا من السعودية

احلى تحية لكل بنات السعودية

خلاص عليكي و على الدعاية بأه لأجازات نص السنةو على الصيف

اللي نازل مصر يحود على مكتبة دار الشروق اللي في ميدان طلعت حرب و يجيب الكتاب

كلامك بيسعدني ان كل البنات في أي مكان حاسين ببعض

وصلي سلامي للجميع
----------------------------------
afnan

منورة المدونة و التعليقات لول مرة يا أفنان

سعيدة قوي بشعورك
و تحياتي لكل الطيور امهاجرة
-------------------------------

emos
الله يبارك فيكي

و يسمع من بقك ربنا

عايزين طبعتين تلاتة كده و للكتاب يعمل فرقعة

تحياتي يا قمر

---------------------------------
appy

ايوة كده

آااادي الوقفات الجامدة

طب خدي كتابين و التالت هدية من عندي او خدي عليهم جيركن بنزين

يااااالا

أنا عندي أغلى منك؟؟
---------------------------------
anonymous

يا سلاااام ع الزغاريط الحلوة
ده اتاري الزغاريط دي حلوة قوي و الواحد مايعرفش

wanna b a bride said...

عبد الله

شكرا ليك

وانا هتكسف ليه تعرفوا شخصيتي الحقيقية

و بعدين مش يمكن ساعتها ربنا يسهل؟؟
---------------------------
mohamed a.ghaffar

إيييه ده

بلديات؟؟

بجد

ولا كنت اعرف

اتشرفت يا فندم كزميلة و كبلديات
---------------------------------
خمسة فضفضة

يا رب دي تبقى بداية

و تكر بعدها المناسبات و الزغاريط
--------------------------------
e7na

اكيييد

ليك السبق

انا أقدر على زعلك
-------------------------------
الطائر الحزين

طب خللي الخصم الكتاب الجاي

خليني أفرح بده شوية
--------------------------------

anonumous

الله يبارك فيك

هو ده العشم برضه
----------------------------------

amr

و الله فكرة جامدة

عدت عليا ازاي دي؟؟
-------------------------------
amany

شكرا ليكي يا قمراية
--------------------------------

الغلبان

شكرا ليك

ربنا يرجعك بالسلامة و تشترية
--------------------------------

ارحم دماغك

طب اعمل اييه؟

مش لازم يبقى فيه عنصر دعاية كده عشان الكتاب يعمل منظر و يبقاله اسم؟

بس ماتقلقش ال11 و ال12 هنا

و بعدين ممكن تخللي حد يشترية و يبعتهولك على هناك زي مابيبعتولك المحشي و الملوخية

و انت عارف

العلم لا يكيل بالبتنجان

Anonymous said...

الف الف مبروك
لجنه الشباب بنقابه الصيادله

S H A H said...

الف الف الف مبروك يا برايد
عقبال شربات فرحك يا قمر ان شاء الله

wanna b a bride said...

heba

لا لا لا

إزاي يعني انسى المدونة؟؟

ده بيتي و مطرحي

و اللي مالوش أهل ..أهل بلوجر يبقوا أهله
-------------------------------
ساعد نسرين الأيمن

اييييييييه ده

خبر حلو يا بنات

ساعد نسرينالأيمن قرر يدخل القفص
من مانتعلم كيف نصطاد عريسا ولا حاجة

مبروك على التفكير الجميل ده
أيوة كده ..الغلبانة اللي انت مكتوبلها أكيد ملت الإنتظار

و بجد اخجلتني بالكلام الحلو ده كله

انت بجد لو كنت موجود في المعرض كان لازم لازم ليك نسخة هديه

عموما ملحوقة

ادعيلي الطبعة تخلص و هيبقى ليك نسخة هدية من الطبعة اللي بعدها

انت عارف معزتك عندي
----------------------------------

اسكندراني في الغربة

الله يبارك فييييييييييك
----------------------------------
sharlishablin

ياااااارب

دايما و انتوا معايا و حواليا
----------------------------------
rania

الله يبارك فيكي يا رانيا

و الحمدلله دي بارقة أمل

ربنا يجيب الخير لكل اللي بيتمناه
----------------------------------
hanen

الحمد لله و يااارب تبقى دي البداية

و تكر الحاجات الحلوة ورا بعضها
----------------------------------
مهندس مصري

لا لا أنا عارفة ان قراء المدونة عينيهم باردة

واول ما اعرف المعاد ان شاء الله هاقول

اصل أنا كمان من محافظات تانية
----------------------------------
romantic rose

الله يبارك فيكي يا قمر

اللي مش هيقدر يدبر وسيلة انتقاله يوصي حد قدر يدبرها
او يبعتلي حوالة و انا هاتصرف
:))
----------------------------------
hamsa

أنا كمان نفسي أبقى معاكم

بجد نفسي أشوف كل واحد و واحدة فيكم
---------------------------------
mai mohamed nagib

ميرسي ليكي جدا يا قمر على الموضوع و لو اني ماشفتوش

دورت على الجريدة كتير بس الحقيقة ماقدرتش ألاقيها

يمكن عشان لسه جديدة

بليز لو عندك سكان للمقال أو نسخة مكتوبة يا ريت تبعتيهالي على الميل
أو حتى في تعليق هنا

تحياتي

wanna b a bride said...

bahz baih

المدونة منورة يا فندم بتعليقك

ماتبقاش تحرمنا تاني من النور ده

يو التوقيع أول ما اعرفة ان شاء الله هاقول على طول
----------------------------------
نوسة

أييييوان

هي زغروطة زينا دي اللي كان نفسي فيها قوي

و الله انتي اللي عسل
-----------------------------------
الحشري

ولا فيلد مارشال و لا بتاع

دانا غلبااااااان

بس عموما استمر في النصايح

انا باجمعهم واحدة ورا التانية و قريب هانزلهم و يبقوا دول كتابي الجديد

و ليك نسبة
-----------------------------------
نوراي

و الله انتي اللي قمر

و الحب شعور متبادل

لما تنزلي مصر مش بس تشتري الكتاب لأ كمان لازم أشوفك

تحياتي
---------------------------------
elazab

شكرررا على الدعاوي الحلوة

الله يبارك فيك
----------------------------------
mouslim combatant

لسه ماعرفش هيبقى فيه حفلة توقيع في المعرض والا لأ

ان شاء اله اول ما اتأكد هاقول
----------------------------------
noha

شكرررا يا قمر على شعورك

انا عارفة ان ورايا بنات
----------------------------------
pink unicorn

الله يبارك فيكي

انا كمان كان نفسي المدونة تتنشر و تتقرا من كل الناس اللي مابيعرفوش في نظام النت و المدونات

المعاد ربنا يسهل أول ما اعرف هاقول على طول
----------------------------------
koky

ميرسي يا كوكي

الله يبارك فيكي يا قمر
----------------------------------
noony

و الله وانا كمان زيك بالظبط نفسي اتعلم ازغرط

بس عموما الزغروطة الإلكترونية وصلت يا قمر

رضوى عمرو خالد said...

شكرا يا غاده
ربنا يكرمك ويعزك ويحققلك كل اللي بتتمنيه

3ala asm masr said...

الف الف الف مبررررررررررررررررررروك
عقبال الكتاب المليون يارب وعقبال العريس كمان
تحياتى

wanna b a bride said...

anonymous

و الله ولا ليك عليا حلفان لسه ماعرفش

بس أكيد مش هايبقى غالي و هيبقى في متناول الجميع
-------------------------
mo93abs

فكرتني وانا كنت مش واخدة بالي


i did it

i diiiiid it

عقبال الجواز بأه
------------------------
bestic

ازااااااااي

لأ طبعا المدونة لاااايمكن تتقفل

الا في الحالة اللي انتي عارفاها

ساعتها هاعمل واحدة تانية زي ما اتفقنا
-------------------------
its me

شكار ليكي يا قمر

و بعدين كل القراء ليهم في الكتاب

احنا شركاء
------------------------
the pheonix

مواصلات ايه يا جماعة اللي تمنعكم عن المعرض

انا كمان مش قاهرية بس بقالي 6 سنين مابافوتش المعرض

خللي عندكم شوية احساس بالمغامرة و شجاعة و اقدام
-------------------------
د/ محمد السباعي

أهلا بيك دايما و بالفصحى أكيد

التعليق بالفصحى بيدي المدونة وزن كده
بجد عاجبني جدا

شكرا على الكلام الجميل

وواضح متابعتك من تحليلك لأسلوب المدونة

و طبعا ليكالحلاوة
بس ابقى تعالى
--------------------------
unique

الله يبارك فيكي

و ان شاء الله تنجح المحاولة
--------------------------
حسام مراد

الله يبارك فيك

ده بس من ذوقك

و النسخة هاجهزها أول ما اروح

بس انت تعال
------------------------
شاب مصري مفروس

تفتكر في حفلة التوقيع يجي عريس؟؟

تفتكر؟؟
جايز
أدينا هنشوف

بس انا لسه مش عارفة امتى و فين

اول ما اعرف هاقول على طول
--------------------------
سمية بنت البنا

مابلاش موضوع مبارك ده
خليها مبروك و خلاص

مروة said...

مبروووووك يا برايد يا قمررررر
بس كده هنسترد كرامتنا إزاي لما نروح لعم عبده ونشتري منه أريد عريساَ ... إنتِ هتستردي كرامتك بعد الكتاب .. وإحناااااااااا

šσяšαяαα said...

السلاااااام عليكممم

الف مبروووووووووووك على الخير الجميل دا

انا بروح معرض الكتاب على طول بس انتى قولى هتكونى فين بالظبط احسن المعرض دا زى متاهة برامج المسابقات:))

وان شاء الله نقابلك هناك وتوقعيلنا عالكتاب

ودايما يارب بالتوفيق

سلاااااااام

Anonymous said...

ألف مبروك. والله تستاهليها

بيقولوا سايكو said...

مبروك ليكى ألف مبروك .. اول مرة أعلق عندك بس متابعاكى من أول ما بدأتى تكتبى .. بجد بجد مبروك .. و لما تعرفى امتى توقيع الكتاب طبعا لازم تقولى الميعاد و المكان هنا علشان نيجى :)

Sifo said...

السلام عليكم ... مش عارف أنا كتبت لك قبل كده و لا لأ ...
بس بجد إنت أجمل و أحل بلوج شوفته ..
أنا يمكن ما اشتريش الكتاب لأني مش في مصر ... لكن أنا متأكد من إنك عامله أحلى شغل ..
في دماغي كلام كتييييييييييير ...
بس ألف مبروك ... و عقبال الديوان الشعري الجامعي ...
إن شاء الله .. أفتكر و أدعيلك في الحرم .. ربنا ييسر لك الخير ...

mado80 said...

ألف ألف مبروك بجد بفرح اوي لما الاقي حد من الشباب بيقدر يحقق جزء من أحلامه بحس ان فيه أمل

عقبال الطبعه المليووووووووووووون

وعقبال الجواز ، علي فكره أنا عاوز أتجوز برضه تفتكري الواحد ممكن يعمل ايه علشان يحقق الحلم ده هههههههههههه

دنيتى الجميلة said...

لوووووووووووووووووووولى
الف الف مبروك يا دودوا
اخيرا خبر حلو من عندك
عقبال يا ستى لما ابعتلك تهنئه بمناسبة زفافك
مش انتى هتبلغينا بيه ولا ايه؟؟؟؟؟؟؟؟؟

محمد ياسر said...

الف مبروك و بالنجاح دايما لانك تستحقيها فعلا


تحياتى

أشرف حمدي said...

تصدقي بقى انا زعلت جدا جدا جدا
آه بجد ، عشان انا من زمان بقولك تعملي كتاب وسيبيني أعمل لك الغلاف
كده يا غادة ؟؟؟
اخص عليكي
عموما كنت حابب اخدم

نور الأزهر said...

ألف مبروك على الكتاب
بس عايزين نعرف تمنه الأول
وياريت يبقى في تخفيض للمدونين
حتى عشان الدعاية والتعليقات بعد كده

Ellithy said...

نت مدعو للكتابة في مدونة كل العرب
مشروع الجريدة العربية الموحدة
تكمن فكرة هذه المدونة لجمع اكبر قدر من المدونين العرب واقدرهم وافصلهم لكي يكتبو في مكان واحد
ذلك للحصول في النهاية على مدونة اشبه بالجريدة العربية تناقش القضا ياالعربية وخلافات العرب حيث ان كل الطوائف والبلاد مدعوة للكتابة
وقد تكون نقطة انطلاق للتفاهم والنقاش حول القضايا العربية المختلفة وتقابل وجهات النظر

للمشاركة ارسل ايميلك (بريدك الالكتروني) في تعليق على هذا المقال وسوف تتلقى دعوة للكتابة في هذه المدونة

مزايا الكتابة هنا :
للكاتب :
1- عدد اكبر من القراء
2- تحسين نتايج البخث لعناوين المقالات
3- انت كاتب وفي نفس الوقت قارئ تقرأ ما يكتبه كبار المدونين العرب
4- شهرة اكبر ودائما اقول ان في الاتحاد قوة وهذا هو اتحاد المدونين العرب

للقارئ :
1- القراء للمدونين الكبار تحت صفحة واحدة
2- تجميع المدونات وجعلها مث ل جريدة الكترونية
3- سهولة الوصول للمقالات المرادة

شروط الكتابة (لن يتم التعديل لو مسح اي مقال ):
1- عدم الاساءة للاديان السماوية
2- عدم نشر مقال من اجل ربح المال او التنفع المادي ولكن الشروحات مقبولة ومرحب بها
3- عدم كتابة كلام خارج او الفاظ اباحية


الفكرة تتلخص في ان كل مدون له حق الكتابة فقط بارسال ايميله في تعليق على هذه المدونة
اذا كانت لك مدونتك الخاصة فلا مانع من نسخ مقالاتك الهامة والتي تراها ترقى كي تكون في الجريدة العربية الالكترونية او مدونة كل العرب

وانا شخصيا ساكتب في مواضيع مختلفة وساهتم بتحقيق افضل نتائج للبحث والحصول على اكبر قدر من الزوار حتى تصل مقالاتك لاكبر عدد من القراء
كما ان تجمع المدونين سيجيئ بقراء اكثر وهكذا

اذا كنت مدونا كبيرا فانت مدعو بشدة وان كنت صغيرا فابدا معنا

فهيا ننطلق لوحدة المدونين العرب

برجاء ارسل لنا بريدك الالكتروني كي تستطيع الكتابة في هذه المدونة
ادعو الله ان تكون هذه المدونة ملفتة لنظر القراء ومحط انظار الراي العام العربي


والله ولي التوفيق

كل المدونين العرب ... شارك في الجريدة العربية

كازانوفا said...

مبرووووووووووووووك من هنا لحد بلدكم يا غادة والله فرحان من قلبى يا اعز اخت ليا

semsemah said...

مــــــــبروك
ياريتنى كنت فى مصر والله كنت جيتك
انا بحبك فى الله جدا
وبعدين ليه الاسراف كمان شربات مش كفاية دمك العسل
الله يوفقك ويسعدك ويكفيكى شر من فية شر

الجعرّ و أبورمّانة said...

الف الف مبروك
انا أنول مرة ادخل على المدونة .. وبجد مش عارف ازاى ملقيتش البلوج دى من زمان
مستوى اكثر من رائع بجد

وربنا يفوقك بس اوعى تنسينا وتفضلى تكتبي عالنت عشان انا بقولك اهوه زز انا ماعييش فلوس ومش هاشتري الكتاب :p

هههههههههه

MaYoYa said...

آنسة غادة و اللى أتمنى أقلها مدام قريب جدا
أنا مبسوطة لأنى ربنا كرمنى ولقيت مدونتك اللى كنت سمعت عنها كتير
و يا ريت يا فندم لما أجيلك وأقلك وقعيلى ع الكتاب بلاش بقى البصة بتاعة المشاهير دى بقى و الغرور
اللى يا رب ربنا يبعده عنك
حكم أنا متعقدة منه
و ربنتا يوفقك كمان و كمان
و يا ريت تشوفيلى معاكى عريس



مى

zordeak said...

ألف ألف ألف مبروووووووووك يا غااادة


هنيجى ونشتريه ان شاء الله هو وكتاب غادة وكتاب رحاب بس انتو بس اتفقو تنزلو فى يوم واحد علشان توقعو الكتب كلها مرة واحدة

وقولى هتكونى موجودة كل يوم ولا ايه النظام


مبرووووووووك كمان مرة

:)

المدير said...

مبرووووووووك
هو ده التطور الطبيعى للمدونين الموهوبين

reri said...

كنت النهارده في المعرض يا غاده
وأول ما دخلت دار الشروق
سألت عن كتابك
وقالوا لسه هينزل كمان يومين
واللي سألته قالي إن رحاب بسام كانت لسه هنا وقالت إنهم خلاص بيغلفوا الكتب
هي كمان ليها كتاب
فرحت بيكوا والله أوي
وطبعا هروح تاني علشان كتابك إنتي ورحاب

لسه الزغاريط متواصله
سلامااااااااات يا جميل

bos bos said...

مدونة جديدة البنات عايزة ايه
http://elbanatayzaea.blogspot.com/
تسعدنا زيارتكم ومشاركتكم

حبة حاجات (ايمان) said...

الففففففففف مبروك يا غادذه
بجد والله فرحتلك
دا حتى من فرحتى كتبت اسمك غلط غااااده

انا حسه ان النجاح الىل انتى فيه دا نجاح لينا احنا كلنا وبوتصلى صوت المدونين لجمهور القراء بس من نوع تانى
بجد تستاهليها
مبروك

wanna b a bride said...

إنسانة شوية و شوية

أنا اتآلط أنا؟
أنا ماعرفش اتآلط..اعرف اتكبر
:))

يل ستي ده كله من خيركم
دعواتكم هي السبب
هي الصحيح راحت إتجاه تاني
بس كتير خيركم برضه
--------------------------------
رسامة

آه و الله
تصدقي ولا كنت أعرف
-------------------------------
amr ahmed

الله يبارررررررررك فيك

ياااارب
---------------------------------
zemoo

وعد مني
هادي البودي جارد أجازة يوميها يروح يقضيها مع عياله
ياللا

برنامج تليفزيوني؟؟؟
تصدقوا فكرة حلوة

يا قرحتك يا ام برايد و برايد قاعدة منورة التليفزيون

بيقولوا معتز الدمرداش بيدور على حد
تفتكروا أتقدمله؟؟
أذيع معاه ..مش اتجوزه
---------------------------------
بحبك يا مصر

وشك حلو

يااارب ينجح يااارب
----------------------------------
mesh2adra

ربنا يوفقك

يالله جري ع المذاكرة

الجورنال ماعرفتش أجيبه
لو عندك صورة منه أو حتى ابعتيلي ميل و قوليلي كانوا بيقولوا ايه
ميرسي يا قمر
----------------------------------
ra7eel

لا لا لا

أنا وش ذلك؟؟

دا أنا ذلك وش
-----------------------------------
soooo

فييينك؟

انت بس اشتري العشر نسخ
وأنا أغرقهوملك توقيعات
-----------------------------------
لماضة

ماتقلقيش
ان شاء الله نتقابل

و الكتاب طبعا كل واحد فيكم له فيه
----------------------------------
dentina

يا أهلا بالبلديات

أيوة كده نبقى عزوة على البلوجر

ان شاء الله المعاد البوست الجاي
---------------------------------
ma 3alina

الله يبارررررك فيكي يا دكترة

آدي الزغاريط المغمسة بالعضوية و الثيوتكس والا بلاش
---------------------------------
اسما

أحلى زغروتة في مصر

هو ده العشم برضه

كوبايتين شربات يا عم مرسي

يااااالاا مش خسارة فيكي يا قمر
--------------------------------
sahar

ده بس من ذوقك يا عسل

و الله يبارك فيكي
كل حاجة و الله سببها دعاكم و تشجيعكم ليا
---------------------------------
الإرهاب المنزلي

المدونة منورة يا باشا

إيه النور ده؟؟

الغدا عليا
و الكوكا عليك
-----------------------------------
ياسمين

نوزع من الكتاب على الرجالة آه

لكن مجانا

حاشا و كلا

دول لازم يدفعوا فيه دم قلبهم
عقابا ليهم

wanna b a bride said...

ظل الشمس

أنا كمان مش من القاهرة انا
بس باجي المعرض كل سنة بقالي يجي 6 سنين
و الله سهلة بس انتي اتشجعي

لازم تحاولي
---------------------------------
alexandrany

يااارب مايبقاش آخر تعليق

و اخيرا زغرودة في مدونة برايد

يارب ماتكونش الأخيرة
----------------------------------
مصري متغرب

الكتاب هيبقى موجود في مكتبة دار الشروق اللي في ميدان طلعت حرب قريب من الجامعة الأمريكية

و هيبقى في المعرض اللي هينتهي في 4 فبراير
---------------------------------
ahmed badr

الله يبارك فيك
من غادة و برايد مع بعض

يا عم دا هم قرشين على قدي
بس فعلا هي تجربة جميلة ياارب تبقى فاتحة خير
---------------------------------
مواطن من بني مقهور

لا من غير تنطيط و لا حاجة

و ياارب كل الخير للجميع
--------------------------------
حدوتة

لا هي كوباية شاي من عم مرسي
و ابقي حاسبية عليها بعدين
ب2 جنيه باين

و ماتقلقيش دايما فاكركوا بالخير
مهما مر الزمن و تكالبت العصور
"مين فتح التليفزيون"
----------------------------------
sosa

و الله فكككرة

تصدقي ممكن يجي و يقع من أول نظرة
دانا هانزل أشتري طقم جامد بأه
يمكن يحوق
---------------------------------
م/نور

الله يبارك فيكي

هوني عى نفسك الموضوع هزار
و بعدين دي مشاعر بتمر بينا كلنا مهما كنا كويسيين
انا بس باحطها تحت العدسة و أكبرها حبتين

تحياتي
--------------------------------
son's egypt

الليه يبارك فيك

و عقبالك
---------------------------------
mohamed alsha3r

أول ماخطف أي حد
هاجي ىخد الكتب الخبرة دي على طول

بس يحصل بس ان شاء الله
---------------------------------
hisham

الله يبارك فيك

و شكرا ليك على وضع الغلاف في مدونتك

بس يا ريت كنت سيبتلي اللينك بتاعها
---------------------------------
حياتي قنبلة ذرية

الله يبارك فيكي

و تحياتي لكل الطيور المهاجرة

بس ممكن على فكرة حد يشتري الكتاب و يبعته على الكويت
زي الملوخية و البط و المحشي

مع الأخذ في الإعتبار أن العلم لا يكيل بالبتنجان و لا بمحشي الكرنب
---------------------------------
sa7bet nouny

الله يبارك فيكي

تصدقي ماحطوهاش

ياللا بأه المرة الجاية ان شاء الله
----------------------------------
fatafeet

يا أهلا بيكي
أول مرة إن شاء اله ماتبقاش آخر مرة
----------------------------------
مروة

آااااااه هنبتدي النق بأه

لييييه كده ه ه ه ه؟

دانا كنت باحبك
----------------------------------
mohamad

ماتقلقش الكتاب فيه كل التدوينات + تدوينات جديدة

و اهلا بيك دائما في المدونة

و الله يبارك فيك

wanna b a bride said...

l.g

شكرا ليكي على ذوقك

ميرسي جدا على الدعاية و التشجيع

تحياتي
------------------------------
رفقة عمر

الله يبارك فيك

و ياااااااااااارب
------------------------------
ibfathy

شكرا جداجدا ليك على ذوقك

انا شفت الإعلان

شكرا ليك على الدعايا و التشجيع
و ده العشم برضه
------------------------------
anonymous

يا عم أنا زي مانا
ماباتغيرش عشان أي حد

و مش من حق حد يوصف لبس حد انه مقرف
حتى لو استثنينا البعد الديني
دي حرية شخصية أولا و آخرا

شرفت
--------------------------------
ارحم دماغك

ولا يهمك
أنا متعودة على كده

مش اول مرة تحصل
----------------------------------
yasmine bashaar

الليه يبارك فيكي

أول مرة حد يقوللي دمك خفيف فحت

عموما أنا باشكرك شكر كتير مولة

ان شاء الله معاد التوقيع البوست الجاي
----------------------------------
نور

شكرا جزيلا

أخجلتم تواضعنا

و الله يبارك فيكي و يا رب ماتبقاش آخر زيارة
-----------------------------------
okht-muslima

الله يبارك فيكي

آدي الزغاريط الحلوة ولا بلاش

وانا مستنياكي
-----------------------------------
bride zone

الله يبارك فيكي يا قمر

و طالما اتعملي كتاب هنا

يبقى ان شاء الله يتعملك واحد هناك

سلامات مش سلام واحد بس
-----------------------------------
شيكابالا

شكرا لذوقك

و دايما منور المدونة ان شاء الله
-----------------------------------
مذكرات حاحا المصري

شكرا ليك جدا على التهئة و على النصايح الغالية

و من دلوتي و انا محتارة
يعني هايبقى كتاب واحد و خلاص؟
لازم أحاول أكتب واحد تاني
بس المشكلة عن إيييييييييه؟

تحياتي
----------------------------------
هشام علام

الله يبارك فيك

سعيدة ان المدونة عاجباك

و شكرا ليك لاهتمامك

الميل بعته
و ان شاء الله نفضل على اتصال

تحياتي
---------------------------------
merayat

يا أهلا بالقراء السريين

و ياريت ماتبقاش أول و آخر مرة المدونة تتشرف بتعليقك

ان شاء الله معاد التوقيع البوست الجاي

و الله أنا الحمدلله دلوقتي سعيدة جدا و مش متخيلة حاجة تسعدني أكتر من كده

إلا نجاح الكتاب طبعا

و شكرا على الزغاريط منك و من زغللة
----------------------------------
علي

يا أهلا بالضيوف الجدد

ربنا يزيد من الحبايب و يبارك فيهم

و يارب تشوفني في الكوشة قريب ان شاء الله

و من ناحية اللحمة
عيييييييييب
دا العلم لا يكيل بالبتنجان
-----------------------------------
tafida

الله يبارك فيكي يا مدام تفيدة

وتشفنا بالمعرفة و أكيد أكيد هازور البلوج

تحياتي

wanna b a bride said...

mahmoud

بس خد بالك عشان عم صبحي بيبيعه بالزيادة

انا قلتلك اهه و انت حر

تعال خدوا من المعرض أحسن

هاستناك
---------------------------------
reham

أي

طب ليه كده..بكره تورم و يمكن ماعرفش أروح المعرض بسبب القرصة دي

بس برضه فداكي
كفاية بوكيهات الورد الغالية دي

تحياتي
--------------------------------
islamist bloke

آاااااه هنبتدي بأه في إستغلال الفرص

ما الكحكة في إيد اليتيم

بس تصدق فكرة ايطاليا دي عاجباني قوي

طول عمري نفسي اشوف البحر المتوسط..من تحت

و بتقولهالي بالفم المليان و انت دفعة السنة دي

طب ده كلام؟؟


عموما الله يبارك فيك و ياريت اكون عند حسن ظيك و ظن الجميع و اكون أستاهل الكلام الجميل ده كله

ادعيلي
الخطوة الجاية أهم من الخطوة دي عشان هي دي اللي هتقول هيبقى فيه إستمرارية والا لأ

تحياتي

و دعواتك
---------------------------------
ghalia

كتيبة القراء السريين ماشاء الله بتكبر يوم بعد يوم

ماتبقيش تحرمينا بأه من تعليقاتك بعد كده

الله يبارك فيكي

و مستنياكي انتي و العيلة
-----------------------------------
mydmermaid

شكرا ليكي على الكلام الجميل و على النصايح الجميلة برضه

اكيد خطوة زي دي تخللي نظرتي تتغير لحاجات كتير في حياتي

يكفي انها دخلت هدف جديد في قائمة اهدافي

و حلم جديد بأه مسموحلي احلمه

و بجد فرحة الناس هنا بالكتاب مخليياني سعيدة سعادة تفوق الوصف

تحياتي
-----------------------------
tigereye

الله يبارك فيك

و ان شاء الله ربنا يكتب له النجاح
-----------------------------
totaaa

يا رب مايكونش التعليق الأول و الخير

الله يبارك فيكي

و يارب دايما تكونوا حواليا

ولا شهرة ولا بتاع
أهم حاجة الصحبة الحلوة
-------------------------------
saso

ان شاء الله ماكونش اول مرة و آخر مرة

سعيدة ان المدونة عجبتك

و الله يبارك فيكي

كوبايتين شربات يا عم مرسي

يااااالا

بنجر رجلك بس
:)
-------------------------------
حمايا بكندا

حمايا مع إيقاف التنفيذ
:))

الله يبارك فيك
-------------------------------
reri

هي دي الزغاريط المكن اللي عايزة أسمعها من زمان

عينيا للمدونين لو للناس التانية ب 10 ليكوا ب10 و نص
أمااال
دانتوا غاليين عليا قوي
:)

عليكي بس انتي الدعاية الجامدة
و ليكي عندي نسخة ببلاش
يااالا يا ستي
--------------------------------
لجنة شباب الصيادلة

الله يبارك فيكوا
--------------------------------
shah

الله يبارك فيك

و الشربات عندي في الحالتين
--------------------------------
رضوى عمرو خالد

الشكر ليكي يا قمر

انتي مسؤولية الدعايا الأولى

تحياتي
---------------------------------
3ala asm masr

الله يبارك فيك

ياااااااارب اسمع منه و تقبل
----------------------------------
مروة

اللي يبارك فيكي يا مروة يا عسل

عقبال لما كل واحدة فيكوا تكتب كتاب

او يتكتب كتابها و بكدة المشكلة تتحل

wanna b a bride said...

sorsaraa

التوقيع في مقر دار الشروق في المعرض

هاستناكي
---------------------------------
anonymous

الله يخليك
ده بس من ذوقك
---------------------------------
بيقولوا سايكو

الله يبارك فيكي
و ان شاء الله مايبقاش آخر تعليق
و اول ماعرف هاقول على طول
---------------------------------
sifo

ألف شكر ليك

و يارب أكون استاهل الكلام الجميل ده

و اهم حاجة دعوة الحرم دي
-------------------------------
mado80

يا رب كل اللي ليه حلم يحققه

و انت شد حيلك
ما العرايس كتير

هو فيه اكتر منهم
------------------------------
دنيتي الجميلة

الله يبارك فيكي

أيوة كده مادام الزغاريط عرفت طريق المدونة

يبقى اكيد فيه أمل
----------------------------
محمد ياسر

الله يبارك فيك

ده بس من ذوقك
----------------------------
أشرف حمدي

طب و هو انا الي عملت الكتاب

و الله ده هم

و انا ماقدرش على زعلك أبدا

سماح
----------------------------
نور الأزهر

تمنه ان شاء الله
في متناول الجميييييييييييييع

عليكوا الدعاية و عليا التخفيض
---------------------------
ellithy

ان شاء الله أقوم بالزيارة

و ربنا يسهل و أشارك
---------------------------
كازانوفا

الله يبارك فيك

أيوة كده
لازم آجي أجيبك بنفسي يعني؟
:)
---------------------------
semsema

الله يبارك فيكي
محلولة أي حد يبعتهولك على هناك مع برطمان السمن البلدي

و كمان كوباية شربات

هو انا عندي أغلى منك يعني؟؟
----------------------------
الجعر و أبو رمانة

ان شاء الله ماتكونش أول زيارة

سعيدة ان المدونة عجبتك

اعمل جمعية بس و انا عليا التخفيض
:)
-----------------------------
mayoya

سعيدة يا مي بقدومك

ان شاء الله ماتكونش آخر مرة

تعالي انتي بس و مالكيش دعوة
هاقوم آخدك بالحضن على طول

بس انتي تعالي
----------------------------
zordeak

الله يبارك فيك

انا و رحاب و غادة ان شاء الله هنكون موجودين في معاد واحد هاقولكم عليه

بس هو يوم واحد و بس

هاستناكوا
----------------------------
المدير

الله يبارك فيك

ده بس من ذوقك

اتنين فيروز يا عم مرسي

Anonymous said...

الزواج نعمة من عند ربنا ..لكنه مش كل حاجة..
النجاح الشخصى برده نعمة و زى ما الواحدة بتفرح اما تتجوز برده بتفرح اما تكون ناجحة فى حياتها العملية..

الف مبروك..

gannah said...

مدونتك عجبتنى كتير اوووووووووووووووووى

Ethan said...

بجد عندك كلام كتيييييير و كبير يهز جبال ... طول الوقت و انت بتشوفى و تسمعى و جاه الوقت اللى فيه تتكلمى و تصرخى ...انا عايزه اتجوز .... لحد امتى هنفضل مشتخبين و موش باينين امتى هنطلع و نقول لأ ... امتى هنطلع و نقول عايزين نبنى بلدنا و نحش الفساد ... انتى فتحتى الباب لكتير من اللى حايشين الكلمة فى حلقهم و موش عارفين بنطقوا... انتى عملتى حاجة اكبر من اى حاجة ممكن تتخيليها ... ثورة الخرس جاية ... و هينطقوا و ده كله بفضلك ...
ُE T H A N

Anonymous said...

mabrooooooooooooooooooooooooooooooooooooooooooooooooooooooooooooooooooooooooooooook o 3ogbal ma nshofelek moslsel telvsyony mra wa7dah..

mwaf8ah(;