Sunday, December 21, 2008

حاجة غريبة




صحيت النهاردة الصبح من النوم على سلسلة من الحوادث الغريبة








أولا بابص لوشي في المراية مالقتش أثر لأي تجاعيد





فتشت في شعري كويس ..مافيش ولا شعرايا بيضا






سناني جامدة (ماشاء الله يعني) ال35 سنة كاملين مش ناقصين ولا واحدة (آه هم 35) و مايتهيأليش هحتاج أركب طقم النهاردة








إبتديت أستعد عشان أنزل الشغل ..و سبحان الله..لا جه في دماغي ألبس قميص كاروهات أحمر في أخضر تحت فستان موف في أصفر في زمردي له رفارف من ع الجنبين ..و لا جالي هاتف إني أفرق شعري من النص و لا هفة إني أنزل أشتري 6 كتاكيت من عند أم إيمان بتاعة الفراخ و أحطهم جوه برنيطة و أشيلهم فوق دماغي







نزلت الشارع و أنا متوجسة خيفة (معلش عندي دي المرة دي) ..كل أما يمر جنبي عيل صغير أتشنج و أستعد عشان أطلق ساقي للرياح (آخر مرة و الله)











الغريبة لا لقيت العيال بيحدفوني بالطوب و لا إتلموا حواليا و إستوحوا لحن من ألحان سلطان الطرب مصطفى كامل و ألفولي أغنية بتقول "الع...أهي أهي"






ركبت الميكروباص..ماحدش واخد باله





روحت الشغل ..برده ما فيش أي حد واخد باله من أي حاجة







لا زمايلي و لا العيانين ولا حتى المدير أصدر قرار بفصلي عشان ما أثرش على الصورة العامة للمستشفى



رجعت البيت و عكس كل توقعاتي ..ماحدش من الجيران رمى عليا جردل ماية مش نضيفة و لا لقيت أهلي محضرنلي شنطة هدومي و بيقولولي إحنا إستحملناكي كتير ..كفاية علينا كده بأه



تخيلوا..مافيش أي حاجة حصلت






ما فيش أي فرق بين النهاردة و إمبارح








أنا ما أتغيرتش و الناس كمان شايفاني ما أتغيرتش






لكن بكره والا بعده هيعرفوا و ساعتها هيعملوا إيه؟..مش عارفة ..بس أنا الأكيد أكيد ..مش هاعمل حاجة..عشان أنا لغاية دلوقتي مش حاسة إن حدث جلل حصل يعني ولا حاجة





باختصار




(بعد الرغي اللي فوق ده كله يعني)









أنا









النهاردة









بـــــــأه











عنــــــــدي







----30---







ســـــــــــــــنــــــة








أنعي إليكم بمزيج من الأسى و الحزن..عامي التاسع و العشرين اللي إنتهى إمبارح .. و نفتكره طبعا بكل خير..





(كان عزيز عليا قوي و الله..إهيء إهيء)








و أخطو اليوم أول خطواتي في عالم الثلاثينيات المرعب ..أو الممتع








(أنا و نصيبي بأه)







و لأن العام الفائت ..كان عمري 29 سنة و برضه ما سلمتش من اللقب اللي انتوا عارفينه على يد أغلبية الصحفيين و المعدين و مقدمين البرامج اللي عملوا مواضيع حوالين الكتاب







فأتوقع إن السنة الجاية هتكون سنة لطشيفة جدا جدا جدا











و لأن بلوغي سن التلاتين ده من أهم أحداث عام 2008 و قبل جواز نانسي عجرم و بعد جزمة بوش على طول





فعشان كده هتلاقوا صور التلاتين الكتيرة دي في البوست..إشمعنى يعني موبينيل دول حياللا كملوا 20 سنة؟






و أوعدكم إن اللي هيبعت 30 تعليق ..هافتحله تعليقين من غير موديريشان مجانا




يااااالا




و دلوقتي قبل ما أطفي الشمع و أفرقع البلالين







خلوني أقولكم أمنياتي للعام الجديد




1- يا رب تبعد عن طريقي كل الطنطات الحشريات اللي لما هيسألوني عن سني و أقولهم 30 أكيد هيضربوا أقفاصهم الصدرية بإيديهم و يشهقوا شهقة إستحضار جني الملوخية و هم بيقولولي ..يا لهوي..و لسه خالية لحد دلوقت على أساس إني كان المفروض أبقى دلوقتي زوجة إيجار جديد





2- يا رب تبعد عن طريقي كل البنات و الشباب اللي لما بيقابلوني في أي حتة يدققوا قوي في وشي و يقولولي غريبة ..و لا باين عليكي السن..على أساس إني لازم أبقى شبه صباح أو نادية الجندي أو فتحي سرورعشان يبقى عندي 30 سنة




3- يا رب تبعد عن طريقي أي صحفي أو معد أو مقدم برامج ما قراش ولا حرف من المدونة و لا الكتاب و نام و صحي و قالهم ماتجيبولنا البنت دي بتاعة "العنوسة"


(اللهم إكفني شر الإعلاميين ..أما أعدائي فأنا كفيل بهم)





4- يا رب تهدي كل صحباتي اللي طول النهار بيتكلموا عن عيالهم (و الإسهال و الإمساك و الترجيع) ..يا رب نفسي أفطر مرة بنفس من غير ما يقلبوا معدتي..ولا يعني لازم أستحمل عشان كل واحدة فيهم عندها 3 عيال و أنا الوحيدة اللي عندها 4 بلوجات و كتاب؟




5- يا رب مافيش أي تباع ميكروباص يقوللي يا مدام..يا رب مافيش أي تباع ميكروباص يقوللي يا مدام..يا رب مافيش أي تباع ميكروباص يقوللي يا مدام




6- يا رب ما أسمعش التعليق عن أي نجاح أو أي حاجة كويسة باعملها بالقول المأثور.." طب كويس إنك لاقية حاجة تشغلك"..يا رب اللي يقولهالي يقعد يتفرج ع البيت بيتك لمدة 6 ساعات و يكون يوميها "تامر أمين " هو اللي بيقدمه ..بس خلاص..ياللا بأه ..هم اللي جابوه لنفسهم



7- يا رب البيه اللي مغلبني ده و مش راضي ييجي و لا حتى يعرفني أول حرف في إسمه و لا حتى يطلعلي في الحلم زي حسين فهمي في خللي بالك من بوزو ..يا رب يكون متشحطط زي ما نا متشحططة و متغلب زي ما أنا متغلبة ....زهقني ..زهقني..إيه الملل و اللكاعة دي ..يا رب يتكعبل دلوقتي في حرف السجادة و يتخبط في سن الحيطة و ياخد غرزتين في دماغه عشان أعرف إني بادور على واحد كان بيتخانق مع ماكنة خياطة و ما يدخلش صالون بيتنا أي عريس ما يعديش إختبار الغرز..و أخلص بأه من موضوع الصالونات ده خالص



هه..هه..هه



معلش إنفعلت شوية




عموما كل سنة و أنا طيبة ..النهاردة بأه عندي 30 سنة ..و السنة الجاية إن شاء الله ..بافكر أرجع و أبقى 29
















249 comments:

1 – 200 of 249   Newer›   Newest»
Unique said...

ياه رقم 30 ده يونيك جدا

كل سنة وانتي طيبة

لقد خلقنا الله احرارا said...

حمدا لله على السلامة وكل سنة وانت طيبة وعقبال 100 سنة يارب السنة دى مش الجاية تكونى اجمل عروسة فى الدنيا وتكونى دايما بخفة دمك اللى تجنن دى يخرب عقلك كنت هاموت من الضحك لما بصيتى فى المراية ولم تجدى تجاعيد ولما دعيتى سواق الميكروباص مايقولكيش يامدام ربنا يستجيب دعائك يابنتى ويريح بالك واهلا بيك فى عالم التلاتين الرائع وربنا يحميك من صحابك بتوع الاسهال ربنا يعينهم طيب والله انت احسن منى انا صحابى فاتحين عيادة ولادة دايما ونفسيتى تعبت من كتر ما بقولهم ارحموا وجودى لدرجة مرة ماما استغربت جدا لما بتحكيلى عن زميلتها فى الشغل عندها 40 سنة وضغطها عالى وحامل لقيت نفسى لا ارادى بقولها يبقى هتولد فى اول التاسع وقيصرى وعلى هى اول طلعة فى التلاتينات بس اللى صعبة لكن بعدكده هتلاقيها زى شكة الدبوس وعندى ليكى معلومة مش عارفة هتشد ازرك ولا هتحبطك بعد الشر انا عندى 34 سنة وعايشة زى الفل والله بس كل اللى منغص عليا عيشتى موضوع سواق الميكروباص ويامدام ده

Anonymous said...

30 , 30
و ايه يعني؟
استخدمي نظام الحذف اللي انا باستخدمه
احذفي اول اربعة علشان دول ماكانش فيهم ادراك و كمان اسقطي كل السنين اللي ماانجزتيش فيها حاجة
و ساعتها هتلاقي الثلاثين بقوا
22

ميشيل حنا said...

بوست يلمس القلب فعلا.
انت بتكتبي عن حاجات كلنا بنحسها لكن كلنا بنتكسف نتكلم عنها أو نبوح بيها.
كل سنة وانت طيبة، والبيه أكيد جاي في السكة بس هو اللي ماشي على مهله شوية.

Abdou Basha said...

بوست جميل جدا
كل سنة وانتي طيبة

لماضة said...

كل سنه وانتي طيبه يا اجمل برايد
عقبال مليون 30 سنه في بعض
فين الجاتوه والحاجات الحلوة يا برايد
ولا ناويه تاكليها علينا

الطائر الحزين said...

كل عام انت بخير
ومع نفسك متصالحة

TiMmY said...



كل سنة و انتي طيبة ..

و إن شاء الله تتجوزي و الكل يتجوز .. على الأقل قبل ما نوصل الـ60 :(

و ..
و خلاص بقى :)

TiMmY said...


كل سنة و انتي طيبة ..

و عموما 30 عادي يعني ..

احنا و رانا ايه يعني ؟؟

آدينا عايشيين ..

المهم نلحق نتجوز قبل المعاش بس :)

تحيتي

Anonymous said...

كل عام وإنتي بخير يا دكتوره
وعقبال العمر المديد والمتوج بموفور الصحه والسعاده
تحياتي
من الكويت
وليــــد

حاسوباتيه said...

الحمد لله طلعت من ال30 كومنت
كل سنه وانتي طيبه ياقمر وعقبال 90 سنه كفايه عليكي هههههه
كل سنه وانتي طيبه وكل امانيكي تتحقق يارب

Raghda Rashad said...

20...30

المهم انى اتبسطت اوى باحساسك بنفسك

انتى مبسوطة...مرتاحة..و شايفاكى حلوة..و جميلة...و متفائلة
و حياتك فيها أحداث مهياش فاضية و لا تافهة

يبقى بييييييييييييييس

و كل سنة و انت بصحة و بسلام و بتحبى نفسك و الدنيا كدا يارب

kochia said...

كل سنة وانتي طيبة

طوبة ذهب وطوبة فضة said...

كل سنه وانتى بالف خير ويارب يارب يجى ابو غرز فى دماغه بس اجلى الغرز لبعد الجواز وانا كلها الشهر الجاى وهتم الاربعه وعشرين والحال من بعضه انتى مش لوحدك يا ماما كل سنه وانتى بالف خير ياقمر

Ahmed Mubarak said...

كل سنه وانتي طيبه
وان شاء الله نرتاح من كتاباتك على خبر خطوبتك يا اختشي

متمو said...

بسم الله

أعزك الله يا أختي وأدام علينا روحكِ المرحة وأثابكِ على تجمعنا المثمر دائما عندكِ وفي بيتك " عايزة أتجوز " الذي حولتيه إالى " مش عايزة أتجوز " .. ولكن دائما نرددها بإختلاف معناها بلسان كل منا " يا بنت الإيييييييييييييييه يا برايد ... ههههه " وأخيرا أدعوكي لتقرأي وقفتي مع نفسي حين أتممت الربع قرن وتعلمي كيف يتفلت العمر منا جميعا

http://tamermtmo.wordpress.com/2008/08/09/%d9%88%d8%aa%d9%81%d9%84%d8%aa-%d8%a7%d9%84%d8%b9%d9%85%d8%b1-%d8%8c/

.. ، لكِ مني كل التقدير يابرايد مع خالص الدعء في ظهر الغيب أن يُقر الله عينكِ بالسكن لمن قدره لكِ الله وله مني غِبطة أنتي أهل لهاااااااا ، جزاك الله عنا خيرا

aboooood said...

كل سنة وإنت طيبة يا أنسة غادة وعقبال المائة والثلاثون 130 سنة الجايين وتفتكري البلوج بتاعك وتحكية لولادك وتضحكي على الأيام دة وتقولي دة كانت أيام حلوة والله (مش حلوة أوي يعني)هاهاها.
وأنا متفائل إن فرحك هيكون في الأستاد ليجمع كل الناس اللي بيحبوكي والأصدقاء اللي إنتي كونتيهم من البلوج الجميل دة .

وومن said...

كل ده علشان رقم 30

ياستي كل سنه وانتي طيبة وعقبال 100 سنه

وان شاء الله السنه الجاية تحققي كل اللي بتتمنية

يااااااااااااااااااارب

انسانةعادية فى عالم مش عادى said...

كل سنة وانتى طيبةيااااااااارب وبالصحة والسلامة والسنة الجاية نلاقيكى بتكتبى والعريس ابو غزتين فى دماغه جنبك بيقرا البوست
ربنا يحققلك امالك
وملكيش دعوةباى حد فى الدنيا دى وخصوصا الطنطات الحشريات اوىىىىىىىىىىى

انسانةعادية فى عالم مش عادى said...

صحيح مش تزعلى عندى 22 سنة وعاملة زى الاقلة ادكده مش باينةمن الارض وبيتقلى يامدام من بتاع الميكروباص الظاهر الناس دى مش بتشوف :(

مصطفي ريان said...

كل سنةوانتي طيبة وبصحة وخير
وعقبال 100 سنة كمان فوق ال 30
ايه كل دة علشان كملتي 30 سنة
على فكرة 30 لسة صغيرة بردو وشابة وفي عز صحتك
وبعدين ليه كل الحزن دة
انا مقدر طبعا الضيق والخنقة اللي جواكي من الحاجات الكتير اللي ممكن تتضاقك
بس انتي ليه ماقولتيش انك عندك كتاب الحمد لله مكسر الدنيا وبيتباع اغلي من سعره لأنه ناجح ( الكتاب بيتباع في وسط البلد ب 17 رغم ان تمنه 15 )اعتقد بياعين الكتب مش هيعملو كدة إلا لوكان الكناب ناجح جدا والناس مقبلة عليه
ليه كمان ماتقوليش انك بقيتي حديث وسائل الأعلام وبصرف النظر ان بعضهم ماقراش الكتاب كويس لكن كون انهم يكتبو عنك او يستضفيوكي في التلفزيون دة في حد ذاته شيء جميل ودليل على نجاحك وانك انسانةمهمة وموهوبة
له ماتقوليش كمان ان صحف اجنبية كتبت عنك وانك اعطيتي لبنات كتير اقدرة على المواجهة وعدم الأستسلام للأمر الواقع
غادة لازم تبصي حواليكي كويس وتعرفي مقدار نفسك وموهبتك كويس اللي انتي عملتيه دة ناس كتير قوي عاشو عمر طويل وماقدروش يحققو نصفه
وان كان يا ستي على موضوع العريس فدة نصيب وانتي نصيبك ان شاء الله جاي
قريب
غادة بلاش لهجة الأكتئاب الواضحة في كلامك دة
انتي حد جميل وموهوب ماتخليش اي حاجة تكسرك
ربنا يوفقك وييسر لك الخير كله

عاشقه وغلبانه said...

قولي يارب ارزقنا الصحه والستر وحسن عبادتك
وبعد كده كله يهون
صحيح كل اللي قولتيه احاسيس صعبه بس مالهاش حل غير الصبر
تحياتي

Shaimaa Zaher said...

Kol Sana wenti tayyeb ya ghada we 3o2bal 300 ys we tedfali tektibi 7elkow keda
:))

موناليزا said...

كل سنة وانتى طيبة
ماتحطيش فى دماغك واستمتعى بحياتك

أحمد أبو القاسم said...

كل سنة وانتى طيبة يا دكتورة غادة
إن شاء الله 2009 تكون سنة سعيدة عليكي
وتحققي كل أحلامك
أنتى ناجحة ومحبوبة وعندك أفكار رائعة
وإن شاء الله تستمري بنجاح دائم

تحياتي

Anonymous said...

كل سنةوانتى طيبة
عارفة انا اول مرة اكتب فى البلوج بتاعك رغم انى متابعها من زمان قوى
بس انا فرحت قوى انك رجعتى تانى تكتبى
وبجد يابختك انك كملتى ال30
يارب عقبال ما اكملها وكمان بنفس حريتى زيك كدة
وعقبال ياستى ما يجى البية الى اكيد دلوفت ياعينى بياخد الغرز فى المستشفى
تصدقى ممكن يشوفك هناك لما يروح ياخد الغرز
قولى ياااااااااااارب
هههههههههههههههههههههه

مهندس مصري said...

كل سنة و انتي طيبة
و ربنا يبارك لك في عمرك و يجعلك تستفيدي بيه الإستفادة القصوى
طبعاً اليوم الفرق بين 29 و 30 مش حيبين لك اي فرق في شكلك فضلاً عن شخصيتك
الفروق دي الواحد بيدركها لما يقعد يتفرج على صوره القديمة
بتاعة الكلية مثلاً و بعدها بسنتين و بعدها ب 4 سنين
صوره في اول شغلانة و تاني شغلانة و تالت شغلانة
صوره في افراح اصحابه و قرايبه
لما يشوف شكله وقتها كان ازاي و يفتكر تفكير و حالته وقتها كانت ازاي و يقارن كل ده باللي قدامه في المراية دلوقت
ساعتها بس حيحس بالفرق
و أخيراً يا بنتي غير نصيبك لن يصيبك و المكتوب على الجبين لازم تشوفه العين

سمكه واحده said...

كل سنه وانتي طيبه ياقمر وربنا يسعدك ويفرحك ديما
ويبعد عنك كل حاجه وحشه ومش عيزاها يارب خد من قلبي وسر

والله انا كنت بكلم اختي وبقلها علي ان الواحد ضيع سنين كتير من حياته من غير اي شئ فتبقي مش محسوبه فبتالي ننقصها من الحسبات والعمر بقي مش بعدد السنين بألي حصل في السنين وبما ان الواحد لسه معملش حاجه يبقي لسه صغيييييير خالص شوفتي بقي الفاكاكه دي الواحد يبص لليوم نفسه ويعيش وميبصش لبكره انا بقول لنفسي يعني بس لقيت مدونتك دفه شويه قلت اجاي اتكلم كلمتين لحد ما اي موصله تكون فاضيه تعدي عليا انط فيها
تحياتي
سمكه

تائهه بين الخيال والواقع said...

كل سنه وانتى طيبه يا غاده ويارب تكون السنة دى سنه سعيدة عليكى

MR.PRESIDENT said...

ألف مبروك .. وعبال البكاري .. وكل عام وإنت بخير ..وعبال الإتحاد الإسلامي العربي .. هو العيد الكبير بيجي الأول ولا الصغير


ميلاد سعيد .. وعبال ماتنولي كل ما تطلبي

Eng. Ahmed Abo El-Ella said...

كل سنه وانت طيبه ياأرق برايد

30 سنه؟ ياختي كميله ياناس

عقبال مليون سنه بالعند في كل الطنطات الحشريه
واللي يتفرس يتنيل على عينه
ولا يهمك من حد

Anonymous said...

كل سنة وانتى طيبة وعقبال 100سنة ياجميل ربنا يحقق لك كل اللى تتمنية

Crystal Lobna said...

كل سنة و أنتى طيبة يا برايد و عقبال ال100 سنة . بعريس أو من غير ، يا ستى مهى معدتش تفرق

ragel keber said...

دمك زى العسل مش عارف الرجالة عندهم قصر نظر ومش بيشوفوا ولا ايه ،ياريتنى قريب بس انا بعيد عن مصر من ييجى 28 سنة ، وبعدين 30 سنة ايه ده انا 54سنة وحاسس اني عمرى كماهو يوم تركت مصر ولم اكبر سنة واحدة وبحاول اقنع نفسي انى كبير لكن مفيش فايدةاحساسي هوه هوه خايف احسد نفسي والله ، عيش ايامك ونجاحاتك ولااحد له حاجة عندك0 ،

Z_Diva said...

kol sana wenty tyba ya gamila, winsha2al mn nga7 lnga7 akbar we all ur wishes to come true :)

Anonymous said...

kol sana wente tayba ya bride , w 3o2bal el 31 bas feee 2fas el zwgya isa , w about el beeh elle m3'lbek f-m3lsh aslo bymshe fel gazma bas hwa gay gay ISAllah :D .
Happy BirthDAaaaaaay.

Sara (menoshet)

رورو said...

كل سنة وانتى طيبة يا برايد
ربنا يجعلها سنة سعيدة عليكى
وتحققى فيها كل احلامك
ويبعد عنك كل الحاجات
اللى انتى مش عيزاها

وليا رجاء عندك
ياريت تحققية فى السنةالجديدة
يارب متغبيش عننا تانى
وتقربى الوقت بين كل بوست والتانى

Blank-Socrate said...

كل سنه و انت طيبه يا
مدونتناالعزيزة يا رب كل احلامك تتحقق فى السنه الجديدة و يا رب تقابل فارش احلامك و يكون كل وشه غرز
:)

Noha said...

Happy birthday dear bride, the 30's are the best, i am more accomplished, more sure of myself and really think about things in a different way and look at people also in a different way, i learned to prioritize and know what is important in life , and no wrinkles yet " i am 35".

srgo mard said...

كل سنة وانتى طيبة يارب وبصى للنص المليان بلاش الفاضى وبعدين على فكرة استنى الجديد فى حياتك السنة دى واول حد يقولك اهوة اوكية انا متفائل بالله خير واكيد فى جديد وكل سنة وانتى طيبة
وبعدين لا فى تورتة ولا جاتوة متخافيش محدش هياكل كل واحد بقة يعزم نفسة بجاتوهات بسلاطاتة وامرنا لله المهم اننا نطفى الشمع

بوسى كات said...

انا اول مرة اقرا كتابك امبارح ده كتاااااااب يجنن قال كل اللى نفسى اقوله وده بجد والله انا اسمى بوسى وعندى20سنه
يمكن تقوليلى لسه بدرى عليا وانى لسه صغيره والكلام ده بس الحقيقه ان اللى جوايا مايفرقش عن اللى جوه واحده عندها 50سنه
والناس عندى هنا كل ماتشوفنى بتتصعب عليا وبياسفوا لحالى تخيلى!
انا بس عايزه اقول ان اللى بيعمل فينا كده هو الناس
انا متخرجه بقالى 5 شهور وكل اللى يعرف انى لسه ماتخطبتش (مع العلم انى كنت مخطوبه قبل كده) يرثى لحالى
شوفتى الغلب
اه والله غلب لما يبقى عندى 20 سنه والناس بتقول كده امال لما تعدى عليا كام سنه هيقولوا ايه
وطبعا مش محتاجه اقولك ان اصحابى تقريبا كلهم متجوزين وبنات عمامى وعماتى وخالاتى والحبايب والقرايب وانا وانت ورقصنى يا جدع
معلش انى طولت عليكى بس فى الحقيقه انا مرارتى مفقوعه وكان نفسى ابعبع مع حد واهى جات فيكى يلا معلش
باى باى يا عسل وعقبااااااااااال 100سنه وحتى لو كنتى ماتجوزتيش ساعتها فانا مش هقولك غير ان الرجاله عميوا فى ودانهم وانتصوا فى خدودهم وهما اللى خسرانين

بوسى كات said...

ازيك يا قمر عقباااااااال 100 سنه ولو ماتجوزتيش يبقى الرجاله دول انتصوا فى ودانهم او طرشوا فى عنيهم
انا اول مره اقرا كتابك امبارح باليل فضلت سهرانه عليه وعجبنى مووووووووت وكنت هعيط من كتر الفرحه ان مش انا لوحدى فى الماساه
تخيلى عندى20سنه ومتخرجه من5شهور والناس كل مايشوفونى يتصعبوا عليا ويرثوا لحالى
could you imagin that
غلب ياختى الواحد نفسيتوا تعبت غلبت اقول يا نااااااس يا هو انا لسه صغيره وملحقتش (مع العلم انى كنت مخطوبه من سنه ومكملتش 3 شهور وفسخت) يقولولى ازااااى بقالك سنه بحالها ماتخطبتيش(ده على اساس ان كل سنه لازم اغيرلى كام خطيب مواكبه لاحدث الصيحات فى العرسان)بس فالمساله مش مساله سن المساله مساله عقول ناس متحجرة محتاجه تتحط فى 13 لتر مايه نار يمكن تعمل فيهم اى حاجه
دبرينى والنبى اعمل ايه
معلش انى طولت عليكى بس كنت عايزة ابعبع مع حد وجات فيكى كده عالصبح
يلا
قلبك ابيض
باى باى

Anonymous said...

كل عام وانتي بخير يا عسل

ايوا هيك ارمي الدنيا ورا ضهرك وارجعي غاده الفرفوشه

ربي يسعدك ويهنيكي على طووول يارب

موفقه
اختك:روز

إيناس حليم said...

كل سنة و انت طيبة يا بربر و عقبال ميلييييون سنة و انشاء الله 2009 هتبقى سنة سعيدة مش زي السنين الزفت اللي قبلها اصل 2008 ده كانت نحس على كل الناس يختي،، المهم أنا قريت كتابك و طبعا مت من الضحك لدرجة اني مكنتش عايزة اخلصو كل يوم اقرا شوية صغيرين عشان افضل مستمتعة بيه :))
كل سنة و انت طيبة يا برايد يا جميلة و انشاء الله الستة الجاية تحققي كل اللي تتمنيه
هو انت برج القوس صح؟

رئـــــيسـة حزب الأحلام said...

كل سنةوانتىطيبة ياقمر
ولا يهمك من كل دة ولا يهمك ان كنا عايشين فى الزمن الغلط ولا يهمك ان كل حاجة متلغبطة
ولا يهمك ان كنتى ضحيه مجتمع لا بيرحم ولا بيسيب رحمة ربنا تنزل على عبيده
ولا يهمك وانشاء الله استنى بس أكيد بكرة احلى من اللى راح
استنى بس بكرة أكيد مستنينا وفى ايده جديد حتى لو ماجاش جديد
ولا يهمك
تحياتى لكى ياقمر

بنت من البنات said...

كل سنة وانتى طيبة يا احلى برايد ... بجد قلتى كل اللى جوايا بس انا سبقتك من خمس شهور ): .... ماعلينا
ان شاء الله فى عيد ميلادك الجاى تتكلمى انتى كمان مع صاحباتك عن الاسهال والسخونية ... قولى يارب
الظاهر الأفندى بتاعى صاحب الأفندى بتاعك و هما الاتنين شكلهم مقضيينها بلاى ستيشن مع بعض و سايبينا ملطوعين
عموما ولا يهمك
المهم كل سنة وانتى طيبة و عقبال مليون سنة (: يارب

Anonymous said...

كل سنه وانتي طيبة
هو سن ال 30 سنه ده فعلا بداية جديدة جدا في الحياة
انا فاكر اول مرة حد سالني عندك كام وكنت بافتخر اني في العشرينات
ومرة واحدة بحسب لقيت اني 30 حسيت بمسئولية .
اية 30 سنه .
يعني الشباب والفرفشة والشقاوة والحاجات ديه راحت خلاص .
وفاضل لينا الهم والقرف والمسئولية (مع اني متحملها من زمان )
30 سنه عامل نفسي مهم جدا في الحياة .
طبعا بعدها بشوية ملقيتش اي فرق بين 30 و31 و33 و 29 و25 و20 و15
ديه كلها مجرد اعداد
اللي بيفرق بس هو الواحد بيحقق اية في العمر ده .
وايه الحجات اللي هتاثر وتفيد للناس والمجتمع اللي عايش فيه .
والناس هتقدر تفتكر ازاي بعد ما يموت .
مفيش حاجة اتغيرت في الكون انك كملتي 30 ولا 50 .
وديه تقريبا من احسن السنين اللي عدت عليكي في العمر
انجازات ماشاء الله . كتاب جيمل وشهرة وبرامج (من غير حسد )

مدحت محمد said...

ana khayf mn rakam 30 zayek

Anonymous said...

HI
Happy birthday sweety;)

سنه حلوه يارب
والله يجعلها سنة خير وبركه عليك
ويستجيب لدعواتك الطيبه
تحياتي بقدر ودي واحترامي
. السعوديه

Anonymous said...

السلام عليكم و رحمة الله و بركاته
انا برضو اختك ام العيال
اولا يا ستى كل سنه و انت طيبه و نقول باى باى 29 و اهلا بال 30 بس لازم تعرفى ان فى السنه 29 حصلت حاجات كتيره حلوه و يمكن ماكنتش تخطر ليكى على بال اوى كتابك ثانيا انتشارك و معرفة ناس كتيره بيكى و بكتاباتك بسم الله ما شاء الله ربنا دايما يزيد و يبارك و يوفقك .. و اتمنالك سنه 30 سعيده و مليانه بالفرح و يخليكى لاهلك .. و يحميكى و يحرسك ... امنياتى ليكى بالسعاده الدائمه
كل سنه و انتى طيبه و مننا دايما قريبه ... يلا حته من مقطع اغنيه لسه متالفه دلوقتى حالا ليكى اهو ... بنحبك يا غدغوود .. كل سنه و انتى طيبه
اختك ام العيال

chaimaa said...

kol sanaenty tayeba ya ghada..rabna yesaadek yarab we yerayah balek..
و لتانى مرة ..لا لجواز الصالونات.. تعالوا نتحد جميعا و نذل الرجالة

Mohammad Fathy محمد فتحي said...

كل سنة وانت طيبة يا برايد

mohra said...

كل سنه و انتى طيبه
شفتى بقه انها حاجه بسيطه ....شكه ابره :)))))))))

dramaqueen said...

كل سنة وانتى طيبة يا قمر
وعقبال 1000 سنة وتحققى كل اللى انتى عايزاه

صبا said...

كل سنه وأنت بكل خير
كل سنه وأنت تفيضى علينا بالخير
والسنين الجايه ملاينه بالانجازات دايما يا مبدعه
على فكره أنتى المفروض تشكرى الظروف اللى وصلتك للتلاتين من غير جواز لانها هى اللى فجرت الموهبه المدفونه
وأحنا كمان نشكر الظروف ديه لانها عرفتنا على إنسانه جميله
هونى على نفسك أنت فى عباده وصحه وخير
ومن إبداع لإبداع دايما
صبا

انا said...

كل سنه وانتى طيبه وعقبال مليون سنه يارب بصحه وسعاده ان شاء الله
هم يضحك وهم يبكى
جواز ايه يا بنتى يعنى الى تجوزوا خدوا ايه اصحابى وقرايبى المتجوزين بيندمو على اليوم الاسود الى اتجوزوا فيه

الجواز=خنقه وملل +تخلف عقلى-من الزوج طبعا-+قرف ونكد-شر لابد منه-

لكل هذه الاسباب اتضامن معاكى فى شعارك الجديد وانا كمان مش عايزة اتجوز

بنت الريس said...

كل سنة وانتي طيبة يا غادة
وتكون سنة أجمل والى الله أقرب وبقلب أسعد

وبعدين ايه الكلام ده...كدة
هتتحسدي يا بنتي
مافيش شعر ابيض ولا تجاعيد والسنان كويسة
اغزي العين يا شيخة

ربنا يديك الصحة والعمر المديد اللي تقضيه في فعل الخير وتعيشيه متهنية مع ابو غرز ان شاء الله

Anonymous said...

happy birthday do you

Anonymous said...

happy birthday to u welcome to the30th world i am 33 and iam still waiting for Mr right am not worry trust in yourself and go on.....by the way this the first time i write to any blog

m7md3adel said...

كل سنة وانت طيبة يا برايد
عايز أقولك إني أول مرة أقرأ المدونة بتاعتك أول امبارح وخلصت كل البوستس بتاعتك النهاردة _ أخدتها كدة من الأول للآخر _ برغم إني كل يوم بارجع من الشغل مهدود حيلي بس بجد مدونة رائعة ولما شوفت الكتاب افتكرته علي طول لأني شوفت الحلقة بس ساعتها ماكنتش متخيل إن الكتاب هايكون بالروعة دي لما لاقيت عنوان الكتاب ( أنا عايزة اتجوز ) قولت وإيه الجديد يعني ؟ وغيرت علي طول لكن لما قريت المدونة بتاعتك احترمت جدا تفكيرك والناس الممتازين إللي عندك في المدونة ولقيت منهم ناس علي مستوي عالي من التفكير بيكتبوا تعليقاتهم برغم إني والله أنا ماكنتش متخيل إن ممكن يبقي في بنات بالذكاء وخفة الدم دي ( مش معني الذكاء يعني قاعدة تحلي في معادلات شرودنجر طول النهار ) بس قصدي باين عليكي مثقفة جدا ماشاء الله و دمك خفيف جدا يعني بتعرضي فكرة في منتهي الجدية في إطار مشوق ورائع مايخليش الواحد يمل من القراءة .. مع الإعتذار لكل الآنسات اللي هايعلقوا علي تعليقي دا مع كمية من الكعوب العالية هاتتحدف عليا دلوقت بس بجد كل اللي كنت باشوفهم معايا في الكلية يا إماناس مهتمة بآخر صيحات الموضه وهل زيت جلد الضفدعة مفيد للبشرة أكتر ولا ماسك الطماطم بالخيار مع الزبادي؟ دي يبقي ناقصها صباعين كفتة ورغيفين عيش وتبقي وجبة متكاملة عند الحاتي
وناس تانية عايشة عشات تحضر محاضرات وتحفظ الكتب بالغلطات في مواد ماينفعش تتحفظ أساسابذمتك مش حاجة تشل ؟ !!
ماعلينا أنا صدعتك بما فيه الكفاية والظاهر إني رغاي اكتر من طانط حشرية واونكل ديسكو .....
عموما كل سنة وانت طيبة وعندي ليكي طلب .......
أرجوكي أرجوكي أرجوكي ماتبطليش كتابة بعد ماتتجوزي وتخلفي كمان إن شاء الله

ودائما للأمام و بالتوفيق إن شاء الله

Bassem Zaki said...

كل سنه و انتى طيبه.
حمد الله على السلامه. متغيبيش عنا كده تانى لو سمحتي. انا بموت من الضحك من كلامك. ربنا يباركلك و يرزقك بكل اللى بتتمنيه قبل ال ٣١.

بلوجاتي said...

بجد بجد بوست جامد - ايوة كدة ارجعي زي الأول

كل سنة وانتي طيبة

شيماء سعد said...

كل سنة واتنتى طيبة يارب السنة الجاية تيجى وانتى كاتبة على البلوج اتجوزت خلااااااص
ووتكونى بتدعى بالبيبى باذن الله

Ririjackson said...

كل سنة وانتى طيبة يا غادة
والله انتى كلامك بيأثر فيه جدا
ربنا يحقق لك كل اللى بتتمنيه
انتى تستاهلى كل خير
بس انا ليا طلب عندك
ممكن اعرف اميلك لو مش يدايقك..

Rania said...

كل سنة وانت طيبة وعقبال 100 سنة يا جميل وربنا يسعدك ويوفقك لما يحب ويرضى
السن ده مجرد رقم المهم انك تكوني فخورة باللي حققتيه وبنفسك مش احسن من اللي تخبي سنها ولا بتكدب لما تتسال عنه كانه جريمة?

Anonymous said...

كل سنة وانت طيبة يا دكتورة غادة وعقبال 10000 سنة ان شاء الله ونكون احنا برده قاعدين مستنيين البوست بتاعك


:)

Hebat Allah said...

كل سنة وانتى بالف خير يا أجمل غادة فى الدنيا أنا متابعة المدونة بتاعتك من قريب و شايفة انها جميلة أخر حاجة على فكرة فى المجتمعات المتخلفة بس 30 تعتبر سن كبير للبنات الناس بره بتبدأ تفكر فى الجواز بداية من السن ده و يمكن بعده بخمس ست سنين كمان و الحمد لله انك عملتى فرق و نجحتى فى ناس عندها 100 سنة و معملوش اى حاجة

mohamed kamal hassan said...

كل سنه وانتى طيبة
مكنتش اعرف ان الثلاثين يستاهلوا بوست
أمال هتعملى ايه لما توصلى 21
هههههههه
آه 21 مش هزار
لما كنت صغير اكتر من كده
كان كل طموحى انى اوصل لواحد وعشرين سنه وابقى خريج جامعه
ههههههه
الباقى انتى عارفاه
بس على فكره
احسن حاجه حصلتلى يوم عيد ميلادك
انى قريت تدوينتك
كل سنه وانتى طيبه
يا غادة
(:

lola said...

كل سنه و انت طيبة يا غادة
و السته الجايه ان شاء الله يااااااااااااااارب
تكوني قاعدة مع ابو عتريس و عتريس مدوخك
و بتحتفلوا بالعام31
و تقولي و انا كان مالي مكنت عايشه ملكة زماني
انا اللي جبت دة كله لنفسي

gody said...

الاول كل سنة وانت طيبة وعقبال مية سنة بس تكون بصحة وبسعادة انا اول مرة اكتب لاى حد بس على فكرة انا متابع مدونتك اللى فى الاول صدمتنى وبعد كدة غيرت نظرتى فى حاجات كتير وبجد صدقينى انك عروسة لقطة زى ما بيقولوا لاى حد امة دعيالة كفاية خفة دمك وعقلك اللى يوزن عشرة من وزنى (وزن تقيل بعيد عنك)
على فكرة انا كمان مرة صحيت من النوم لقيت نفسى اربعين سنة وخللى بالك انت فى احلى سن اي نعم العشرينات انطلاق وشباب بس الثلاتين بقى بتكون شباب وانطلاق وخبرة وصدقينى اللى جاى احلى وبعدين سيبك من من كلام الناس يعنى هو فية حاجة بتعجبهم يعنى لما تتخطبى ممكن يقولوا شوفم بعد دة كلة اخدت واحد طويل ازاى او هو دة بقى اللى عجبها سيبك انت كدة تمتم التمام المهم انك متصالحة مع نفسك وشوفى كم قضية طلاق او خلع وكام واحدة او حتى واحد ماشين يكلموا نفسهم بسبب الجواز واللة انا قلتها اول مشفتك اول مرة هو لو كانت دى متجوزتش امال مين اللى بيتجوز

ست البيت said...

كل عام وانت بألف صحة وسعادة
و30 أو 50 محدش عوز منك حاجة
اسمعي كلامي اللي يمشي وا كلام النااااااااااااس
يبيع المدااااااااس

كل سنة وانتي منورانا
وبتتكلمي بلسانا وعننا
كل سنة وانتي أحسن ومالية الكتب بكلامك
كل سنة وأنت غادة
يا أحلي وأجمل غادة

Anonymous said...

انا برده من كام اسبوع كملت العشرين كانت ايام الصراحة غريبة كلها رابت انتستن وفران واسيتيل كولين وفارما وزفت قعدت اغني عدت يا يوم مولدي,
في العشر سنين الجاية ان شاء الله تحصل تطورات من ايها نوع نبطل اندفاع برج القوس,ونشوفك في برنامج احمد منصور ونحرق كتب الفارما
ماعلينا
كل سنة وانتي طيبة

Anonymous said...

يارب يبارك فى عمرك يا غادة وياستى ماتدقيش 30 والا 29 كله محصل بعضه .. العمر مش بالسنين صدقينى العمر بالاحساس اللى جوانا حقيقى .. انا عن نفسى وصلت لسن 37 واحساسي بعمرى بيبقى حسب حالتى النفسية يعنى ايام يبقى عندى 7 سنين وايام تانية 17 وساعات 67 .. ولمعلوماتك ماتجوزتش ومش عاوزة اتجوز عن اقتناع مش قلة حيلة ..ومع ذلك مش تعيسة علشان ناقصنى شنب معقد فى حياتى(كلهم كده على فكرة ماحدش يستنى انه هايعيش فى مسلسل اجنبى) .. باختصار الحياة ماشية والدنيا عليا وعلى غيرى رجالة وستات ساعات لطيفة وساعات بتدينا زى بوش كده ..
بادعيك من قلبى ان السنة الجديدة فى عمرك تكون جايبالك اللى تتمنيه لنفسك ويسعدك ايا كان وكل سنة وانتى بالف خير وصحة وسعادة

Love-Guru said...

حيرتينا معاكي
انت عايزة تتجوزي و لا كنت عايزة تتجوزي ؟؟

اختلف مع البعض.. فسن الثلاثين في عمر الفتاة بمثابة ناقوس خطر و لذلك اعطي العذر لقلق البنات الانسات.

مع وجود اكثر من 10 مليون شاب و فتاة في سن الزواج و لكن بدون زواج فهناك مشكلة حقيقية و غير محتمل انها تجد حلا تقليديا في هذا الجيل. و مما يضاعف المشكلة بالنسبة للبنات ان الوقت ليس في صالحهن و ان الشباب في سن الثلاثينات يفضل فتيات في سن العشرينات و الفتيات الصغيرات و اسرهن اصبحن يتقبلن وجود فارق سني يصل الي 10 - 15 سنة و احيانا اكثر خشية ان تتقدم الفتاة في السن و تقل فرصها في الزواج. و كذلك اتجاه بعض الشباب للزواج من فتيات اجنبيات سواء عن طريق السفر للخارج او من خلال التعرف عليهن في الاماكن و المنتجعات السياحية في الداخل

و اذا استثنينا الفتاة واسعة الثراء او بارعة الجمال - فمال المرأة و جمالها يتكفلان بايجاد عريس لها حسب المقولة المشهورة - فالغالبية العظمي سوف تواجه مشكلة في ايجاد عريس مناسب.

و الحل... الاختلاط غير المبتذل من خلال العمل او الدراسة او النشاطات الاجتماعية او الثقافية المختلفة مع اعطاء قدر اكبر للاهتمام بالمظهر العام و تجنب الزيادة في الوزن و الحرص دائما علي ان تكون الفتاة مبتسمة للحياة متفائلة مرحة حلوة الحديث .. باختصار تقدم تفسها للمجتمع بصورة تدعوا الشباب علي تفضيلها عن بنت العشرين سنة المغرورة بصغر سنها الغارقة في احلامها بطابور العشاق المنتظرين اشارة منها. فتاة الثلاثين يجب ان تكون لديها الخبرة لتظهر نفسها بالصورة التي تجعل الشاب يختارها علي فتاة العشرين الغير مكتملة النضج العقلي و العاطفي رغم تفوقها جماليا. و قد يكون من المفيد لفتاة الثلاثين ان تتسم بالواقعية فيما تتوقعه من مواصفات في شريك حياتها بما يتناسب مع مرحلتها السنية

أما الانسات من فريق "احنا سعداء كده بدون زواج" فاقول لهم اذن لا مشكلة لديكم و لكن اعتقادي ان هذا نوع من الخداع النفسي و انكار الواقع او يعكس حالة نفسية مرضية بكره الزواج اصلا بسبب مشاكل اسرية او حالات خاصة نادرة كان يكون النجاح الوظيفي او العلمي له الاولوية المطلقة

مع خالص دعائي بالتوفيق للجميع
و لبرايد بالسعادة و الهناء

المعتصم said...

بسم الله الرحمن الرحيم
السلام عليكم ورحمة الله وبركاته
كل سنة وانتى طيبة ياد/غادة
على فكرة انا بحسدك عشان انا لما كملت ال30من 6شهور بصيت فى المرايا لقيت عندى 3شعرات بيض (وكل اللى فاضل فى دماغى ياعينى مايكملوش25)شوفتى المصيبه
واللهم امين على كل دعواتك وكمان الدعوات المقابله ليها للرجاله عشان انا كمان واللى زيى ربنا يرحمنا من الناس اللى بالى بالك اللى يقولى معاك كام عيل واللى يقولى انت واخد من عيلة مين واللى واللى واما يعرفو انى مش متجوز هههههههههههه ماقولكيش على اللى بيحصل عارفه يمكن اكتر من اللى بيحصل معاكى شويتين او تلات شويات
ماتحطيش فى دماغك وكل سنة وانتى طيبه
والسلام عليكم ورحمة الله وبركاته
اخوكى المعتصم

مهندس مصري said...

اول مرة آخد بالي دلوقتي من كلمة كنت اللي حطيتها في إسم المدونة
ليه كده ؟
ان شاء الله ربنا حيكرمك يا دكتورة
ليه نبرة اليأس و الملل دي ؟
انتي لسه حطاها في يوم 14 ديسمبر
ياريت تتفائلي خير

Anonymous said...

البوست تحفة جدا , و انتى زى العسل , كل سنة و انتى طيبة

بالنسبة للأخ أو الأخت love guru , أحب أضيف لكلامه أو كلامها الغرييييب جدا :
من المفيد أيضا لفتاة الثلاثين شرب زجاجة كاملة من زيت الخروع قبل النوم
و ياريت كمان تكون بتنور بالكهربا و بتقول بابا و ماما
حتى يقبل بها شباب الثلاثينات , و اللى يتجوز واحدة ياخد معاها واحدة هدية عرض الموسم أوعى تفوت الفرصة

ريم said...

كل سنه و انتي طيبه
انا كملت 25 و بدات اخد اللقب بس صامده الحمد للله :)

Anonymous said...

كل سنة وانتى طيبة يا قمر مش بالسن والله
ولا يهمك من اى كلام
الناس كدة كدة بتتكلم
الموضوع مش جوازة والسلام
كفاية خفة دمك وعبقريتك انتى اساسا مش اى حد يستاهلك وربنا يحميكى يا اجدع بنات المحلة
د- مى حمدى

رضوى عمرو خالد said...

تحفه يا غاده البوست
كل سنه وانتي بالف خير

البت anonymous said...

غاده كل سنة وانت طيبة
احب افولك إنى يوم ماتميت 20 سنة (يعنى من 13 سنة ) كان ده نفس احساسى! لدرجة إنى ألفت قصة فى الفترة دى لكن اسمها عيد الأربعين وبررررررضه أؤكد لك إنها لم تختلف
لسببين أولهم نفسى وثانيهم انطباعى
أولهم إن بداية كل مرحلة هى كأنها قفزه! فجأه كده وبدون تمهيد فبتكون صدمه وخوف من المجهول
وثانيهم إن كل الممثلات والممثلين كمان إدونا فى إيدنا واحنا بنكبر الانطباع إن الثلاثين دى يعنى كركوبه ليييييييه؟
ماهو لما الواحده او الواحد فيهم يبقى فوق الخمسين ولسه طالعلى غندور فى الكليه! ويادوب وهو فى السبعين يعترف إنه تخطى العشرينات فطبيعى احنا نطلع متعقدين طول عمرنا فاكرين الثلاثينات دى الغول اللى بياكل الشباب الصغيرين!
أخيرا عايزه اقولك إنى يوم ماتميت 30 فعلا (مش فى قصه بقى) لم أشعر إلا بالفخر لأنى قست ما حققته، لقيته بجد اكثر بكثير من لو كنت رضيت بمجرد دبله
إنت كمان عايزاكى تفكرى ليه ربنا خلاكى تعملى الكتاب بتاعك وانت عندك 29 بالتحديد؟
عشان يوم ماتخلصى مرحله تعرفى انت وصلت لإيه؟ وبالتالى تعرفى ترتيبك فين من بقية البشر
انت دلوقتى كاتبه وشخصية عامه ومع ذلك إنت شخصية خاصة جدا وقريبة لكل واحد وواحده شخصيا!
أنا والله والله والله كل مره باحس لو قلت لحد على مدونتك هايفتكر انا اللى كاتباها من كتر ما كل كلامك بيجرى على لسانى ومن سنين!
لكن طبعا انت أخف ظلا وأوسع ثقافة
انت ظاهره يا دودو
كل سنة وانت طيبة

Anonymous said...

كل سنه و انتي طيبه يا غاده و عقبال مليون سنه , انا اول مره ابعتلك .. انا حبيت اهنيكي بعيد ميلادك الثلاثين و اقولك متقلقيش ..انا عديت المرحله ديه السنه اللي فاتت و الغريب ان الكل كان بيقول اني كل ما بكبر بحلو :):) اه و الله... اصل انا زيك كده .. مش بحب اعقد نفسي و عارفه قيمة نفسي و بالك ايه اللي جرى..؟؟ قابلته اخيرا و الحمد لله شاب قريب من سني و مهندس و ساكن في المهندسين و امكانياته معقوله جدا و الحمد لله اتخطبت و انا في سن الواحد و الثلاثسن مع انه كان قدامه اكيد بنات اصغر مني بس النصيب يا برايد غلاب المهم يكون شاب دماغه متفتحه و بيعرف ربنا بجد مش عبادات بس.. و حقيقي من كل قلبي بدعيلك و بدعي لكل بنوته حلوه و بنت ناس تقابلو ابن ناس و يخاف ربنا صدفه زي ما انا قابلت خطيبي صدفه رمضان اللي فات... ماهو رمضان كله بركه و لا ابه ...:)
اختك في الله
Miss Egypt

حروف (دلو مرة ثانية وجرح ثاني سابقا) said...

بوست جميل جدا يابريد وكل سنة وانتي طيبة

Love-Guru said...

الي
Anonymous
صاحب وصفة زيت الخروع

أري انك في اتفاق معي و لكن باسلوب ساخر و فكاهي

فشربة زيت الخروع لعلاج اسقام البدن و خاصة الجهاز الهضمي و هي اشارة الي وجوب الاهتمام بالمظهر العام و تجنب السمنة بعدم الافراط في الطعام و المواظبة علي الرياضة حتي لو كانت مجرد المشي او لعب الايروبك في المنزل. و اود ان اسال كم نسبة الشباب اللذين يفضلون الفتاة ذات الوزن الزائد علي الفتاة الرشيقة ؟

أما كونها بتنور و بتقول بابا و ماما فهذا اشارة انها مرحة غير معقدة نفسيا تشيع جوا من البهجة و السرور حولها و اسالك هل يوجد شاب عاقل يريد الارنباط بفتاة كئيبة عابسة تشيع جو من التوتر و الكابة كلما رجع الي البيت بعد يوم شاق من العمل ؟

أما حكاية أن يتزوج واحدة و يأخذ عليها واحدة مجانا فلي تحفظ علي المثال حيث انه يحط من قدر الفتاة الي مرتبة السلعة التي تباع و تشتري. و عموما فانا مضطر ان اقتبس قول ابو لمعة "حصلت يا خواجة" ففي احدي الدول الخليجية افتي بعض المشايخ بتشجيع تعدد الزوجات حلا لمشكلة العنوسة في بنات هذا البلد و في احدي القنوات الفضائية المصرية طالبت الخبيرة الاجتماعية (التي لا أذكر اسمها) بالشئ نفسه لحل المشكلة في مصر. و لكن غاب عنهم ان تطبيق هذا الاقتراح لم يحل المشكلة حيث اقبل الرجال علي صغيرات السن و بقت المشكلة كما هي.

و طبعا لم اذكر ماذا يجب علي الشاب عمله للزواج فهذا موضوع اخر الا ان الازمة الاقتصادية و البطالة و تدني الاجور و ارتفاع اسعار الشقق يجعل من مهمة الشاب مهمة مستحيلة تتطلب الاستعانة بتوم كروز !

و لا اتوقع ان يوافقني كل الناس و لكن هذا هو راي الشخصي الذي لا الزم به احدا من خلال قرائتي لواقع الامور فمن اراد ان يستخلص شيئا مفيدا فمرحبا و من اراد ان يغلق عقله و قلبه و يستمر في حالة الانكار فمرحبا ايضا

عاشقة القاهرة said...

كل سنة وانتى طيبة يا غادة ويارب عيد ميلادك اللى جاى يكون فى بيت العدل مع حد تحبية وعلى فكرة 30رقم مبيخوفش أكبر من كدة وعملوها الأبطال يا ريتنا كنا معاهم
على فكرة أنا عندى 25 سنة وبرج العذراء اللى شكلة أسمة هيفضل ملازمنى بس الحمد لله عايشة عارف لية
عشان بدأت أهمش فكرة وجود راجل فى حياتى من نظريةأن جاه خير وبركة وأن مجاش ميضرش أنا أول مرة أكتبلك بس بتابع من زمان أنا وأخواتشى البنات اللى من دلوقتى بحاول أدربهم على تقبل النظرية

يا مراكبي said...

صح .. المفروض الدنيا مش هتتقلب فجأة من إمبارح للنهاردة

زي ليلة رأس السنة .. مافيش فرق بين يوم 31 ديسمبر وأول يناير

كل سنة وإنتي طيبة والسنة الجاية تكون أحسن وأحسن بإذن الله

Anonymous said...

بصراحه يا برايد انتى مالكيش حل بجد ايه الجمال دا والخفه دى والله كنت هموت من الخنقه بس بسببك والله ضحكت من اعماف قلبى بوركت وبعتلك العريس اللى مش عاوز يجى بس متقلقيش اكيد جاى لا محاله متخافيش هيدبس هيدبس ستمونى

Dr. Amr El-Sayed said...

SA
this is my first comment about your blog.
Your writing style is funny but it tells a lot about the problem young girls are facing in Egypt. If you are a successful lady with good health, AL, why do u put such emphasis om getting married and having kids. Just live your life and whenever time comes you will find what was destined for you
Regards

صدى الصمت said...

على فكرة رقم 30 رقم جميل ومافيهوش أى مشكلة خالص أنا مجرباه وهيعدى عليكى ومش هتحسى بحاجة زى شكة الدبوس يعنى
وبعدين اية كمية الدعاوى ال دعيتيها على العريس دى ؟ طب ماهو
كدة مش هيلحق يجيلك أساساً!!
كل سنة وانتى طيبة

مؤنس فرحان said...

كل سنة وانتى طيبة يا غادة .. وان شاءالله السنة الجايا تكونى أسعد من اللى قبلها
...............

هو بصراحة دى ميزة من ميزات الانترنيت ان الواحد بيتكلم براحته من غير كسوف
انتى زى العسلللللللللل

والمتدهول على عينه جاى جاى بس له ميعاد

يارب دايما تكونى سعيدة ومنشكحة علطول (الانشكاح : حالة من الفرفشة الدائمة التى تجعل الناس يظنون الظنون بصاحبها)
............
ولا يهمك من جامعة طنطا هما الخسرانين

صاحب المضيفة said...

كل سنة وانتي طيبة وسعيدة وفي طاعة وهنا يارب


كل سنة وانتي احسن وأطهر وأعلى من كل الناس


ربنا يسعدك يارب ويرضى عنك

Anonymous said...

كل سنه و انتى طيبه يا دودو
و يا ستى احمدى ربنا ان بس التباع بتاع الميكروباص هوة اللى بيقولك يا مدام
انا الحمد لله كل الناس زى متكون متفقه عليه و بتقلهالى كل يوم من السواقين للبياعين حتى الناس اللى فى الشارع
حوشى اللى وقع منك يا مدام و اصحاب المحلات ايوة يا مدام اى خدمه و اللى يقول روح يا بنى شوف المدام عايزة ايه
انا قربت اصدق انى مدام

Anonymous said...

بجد عيني دمعت من اخر بوست ليكي
كل عام وانتى بخير

Anonymous said...

يا بت يا برايد كل سنه وانتى طيبه وتعيشى لنا وتكملى اعمارا عديده وازمنة مديده ونشوفك اجمل وارقى وارفع مدونه فى العالم وبعدين يا بت يا برايد عاوزين نحول المدونه دى الى مصدر من مصادر الدخل يعنى حاجه تأمنك مستقبلك

Anonymous said...

happy birthday ya 7abibty
dont care abt people
el mohem hoa nafssek
ya rab tkon sanat kheer 3aleeeeeki
w t7a99i feeha all wht u want
Happy birthday

relove said...

هههههههههههههههههههه
انا عمال بتكعبل في مدونات زي العسل النهاردة
كل سنة وانتي طيبة
ربنا يسعدك في حياتك كلها

dr_samarmar said...

كل سنة و انتى بألف خير و صحة

ربنا يحققلك كل أمانيكى و أحلامك يارب :)

منوووشة said...

ازيك يا برايد يا عسل, انا مش هقولك كل سنة وانت طيب لانى بقيت بتضايق من الكلمة دى, لكن هقولك ربنا يرزقك بالصحة والسعادة والأمل, أنا مش عارفة هو الواحد بيحصلة ايه لما بيعدى الـ25, انا هتم 25 كمان كام يوم, وحاسة ان الدنيا بتكتم على نفسي وانى مخنوووووووووووووقة جدا من نفسي قبل اى حد, وعندى احساس رهيب بالفشل لأنى محققتش اى حلم من اللى كنت بحلم اوصلهم بعد العشرين,وكمان بيزود خنقتى اني ضيعت سنين طويلة من عمرى بجرى ورا حلم اهلى ونسيت انا عايزة ايه اصلا, عاملة زي اللى رقصوا على السلم بالظبط على رأي المثل, انا مش هقولك خليكي متفائلة وكلام من دة لأنه يظهر الكائنات المستقرة فى كوكب زحل كانت مظبطة الجيل بتاعنا من ساعة ما اتولد, لكن بجد اتمنالك السعادة والصحة وان ربنا يرجعلك ثقتك فى الناس تانى,ونسيت اقولك انك فعلا عروسة لقطة لأى انسان عندة مفهومية,انا مش هطول عليكى هنا لكن هبعتلك قصة حياتى فى بيت العرايس والعرسان ان شاء الله, ولي تعليق على رد الاستاذ love guru اللى كلامة هلكنى من الضحك بصراحة, انا مختلفة مع كل كلامة لأن الانسان المفروض يكون على طبيعتة, انا هعمل فيها نانسى عجرم علشان اعجب حد, اللى اعجبة زى منا ويعجبنى زى ماهو اكيد هيبقى فيه احتمال للسعادة بجد.
تحياتى لك يا برايد وربنا يرزقك باللى تعجبيه زى منتى ويحبك زى منتى ويقتنع انك هتكونى زوجة وام تعرف تحب وتربي بجد مش تخلف وتخلى الشارع يربى ولادها.

بنت الغربة said...

ياستى كل سنه وانت طيبه
انت مزعله نفسك قوى كده ليه
كبرى دماغك - العمر مش بعدد السنين
لالالالالالالا بعدد الايام الحلوة
تحياتى ليك ياقمر

Anonymous said...

كل سنة و انتي طيبة
طب مش تقولي يا شيخة ان عيد ميلادك 21/12
انا كمان عيد ميلادي 21/12

يعني زي بعض

ربنا يستر عليا بقى :P

Anonymous said...

كل سنه وانتي طيبه يا برايد
ورقم 30 دة مش مشكله ولا حاجة لسه بدري
العمر يادوب هيبتدي
بس انا عايزة اسالك ليه غيرتي اسم البلوج وبقى كنت فعل ماضي
انتي مبقتيش عايزة خلاص ولا ايه ؟
متفقديش الامل لسه بدري وبعدين
في ناس كتير معتمدة عليكي متخليهمش ييأسو بسرعه كدة
احنا ورانا ايه ؟


بنوته متبعاكي :)

Thoughts said...

كل سنة و انت طيبة يا احلى برايد و سيبيك من الى يقول اى حاجة ده فراغ بامانة الناس من كتر الى بيحصل فيه طيب بصى يا برايد انا من مواليد شهر العظماء ده بي قبلك بخمس ايام تصدقى يوم عيد ميلادى احد الزملاء الاعزاء يأخدنى على جنب و يقولى انا قلقان عليكى يا ريت كفاية ثقافة و قراية و خلصى الماجستير و كفاية عليكى كده لانى ملاحظ ان دماغك بتكبر ( انا بصيت لقيتها نفس الحجم 12 فى 12 عادى يعنى و انا خايف عليكى مش هتلاقى حد فى نفس المستوى و الشباب مش بيحبوا حجم الدماغ دى على اساس ازمة الاسكان و حجم دماغى بالنسبة لمساحة الشقة يعنى مطلوب ايه اسيب الشغل و الدراسة و اقعد فى البيت اتفرج على القناة التالتة يمكن ده يصغر مساحة دماغى(ملحوظة انا حتة لسة ما عدتش خط النس فى العشرينات انا قبله بياردة) بحد و لا يهمك يا برايد عشان انت اهم من كل دول و احسن منهم مليون مرة

الحرامي said...

مساء الخيييييييييييييير
انا بقي قررت اسرق حضرتك ممكن
عالعموم انا احترت كتير ابدأ بمين
بس قررت اهدد خمسه واسرق واحد منهم
خلي بالك كويس

آرمـــــــــــــــــيا said...

كل عام وأنتي بخير غادة
أود أن أقول أني معجبة جدا بأسلوبك وطريقة طرحك

ويشرفني أن أضيف عنوان مدونتك في مدونتي
كأفضل المدونات التي قرأتها
..................

ولك مني أجمل التحيات
آرميا

Anonymous said...

مش هقلك غير ربنا يصبرك
كويس انك عارفه تضحكى وتضحكينا وتبكينا فى نفس الوقت
انا بقى عندى 26 سنه وبصراحه مبقاش عندى امل خالص وشيله هم السنين اللى جايه وحتى لما بيجيلى حد مش بحس ان هو ده اللى هيخلينى سعيده وطلعنى من الحاله اللى فيها
مش عارفه اعمل ايه اللى عايزاه واتمناه مش عايز يجى وحاسه انه مش هيجى
معلش على كلامى بس انا فعلا مكتائبه وبسال نفسى كتير معقوله ممكن يجى اليوم اللى يجيلى فيه واحد يسعدنى وفيه المواصفات اللى عايزاها وعلى فكره هى مواصفات عاديه جدا والله
بس بلاقى الرد من جوايا ومن اللى حوليا انه لالالا مش هيجى يعنى انا احسن من غاده ولا من اختى اللى بقى عندها 34 سنه ولا غيرهم ربنا يعدى السنين اللى جايه على خير ولو مش مكتوبلى انى اتزوج يارب مفكرش فى الموضوع ده خالص

نووووسة said...

كل سنة وأنت عسل ياأجمل برايد
وعقبال 100 ولا 200سنة يارب
جنب البيه
برايد انا حعمل جمعية عشان نتجوز بس بشرط أنا اقبض الاول
أصل الحكاية مش نافعة كدااا
كلنا بنحبك

ROMANTIC ROSE said...

هقولك حاجة واحدة تعرفك ان الدنيا لسه و بخير ,,انا عمري 28 سنه و من 5 سنين تقريبا سواق المكيف قالي "نازلة فين يا حاجه"!!! فما يهمكيش من موضوع يا مدام ده .. خديها علي انها بشرة خير :) .. كل عام و انتي اجمل و انضج و بكل خير ان شاء الله :)

ستيته حسب الله الحمش said...

دمك عسل وشربااااااااااات ويارب السنه دي تكون كلها سعادة ورضا ليكي. يارب يرزقك سعادة الدارين الدنيا والآخرة. يارب تلاقي فارس الأحلام ابو حمار ابيض وان ملاقيتهوش اهي قاعدة السلامة ولا جوازة الندامة يااختي. انتي جميلة زي كل المصريات ودمك بينقط شربات على طول المدونة. على فكرة انا اول الفين وتسعه ها اتم اربعين سنه اهيء اهيء اهيء يعني انتي لسه صغنونه

barbie girl said...

كل سنة وانتى طيوبة وحبوبة ويارب اللى يرخم عليكى هو اللى يتكعبل فى السجادة وراسه تتخبط فى سن الكوميدينو وياخدله غرزتين تلاته فى نفوخه عشان يتعلم طول عمره انه ميرخمش عليكى

الفراشة الصغيرة said...

كل سنه وانتى طيبه
وعقبال ديشليون سنه

حتحوت said...

ايوه ايوه انا جالي الاحساس ده في احد احلامي بس انا كشخص حتحوتي .. لسه عيل علي التفكير في مشروع انساني عملاق يلقب بـ الزواج
و الحقيقه ان فلسفتك في الموضوع ده وصلت من تالت او رابع سطر رغم انتشار فلسفتك بطريقه شبه مؤكده و لكن داخليا و لا تظهر علي السطح ..
لما المؤلف كلمني عن المدونات اداني فكره عن نوعيه الناس المباشره و الناس الغير
لكن انت واضح انك ضارباها صرمه ..هع
احييكي بكل وضوح
اثرتي انتباهي فخامتي

حتحوت عاوز شويه فلوس

son's egypt said...

السلام عليكم
كل عام وانتي بخير
وعقبال 100 سنة

محمد عتلم said...

كل سنه وانتى طيبه وعقبال ال100
وعلى فكره احلى سنين الحياه هيا الى فوق التلاتين مش العشرينات زى ما الناس بتقول عشان التلاتينات هوا بداية سن النضج والعقل والتفكير السليم والمسؤليه والخبره يعنى لازم يستغل على احسن وجه والا باى باى
وبعدين ايه يعنى 20/30/40/50 ؟؟؟؟
ماكله زى بعضه وكل حاجه متقدره ومكتوبه بالميعاد وبالتفاصيل ان كان جواز ولا سفر ولا فرح ولا حزن
ماهو كله من عند ربنا
يبقى نشيل هم ونزعل وندقق فى حياتنا وحياة غيرنا ليه ؟؟
اكيد اكيد احنا احسن من غيرنا كتير.

فاتيما said...

غدغود
يا ست البنات
كل سنة و إنتى طيبة و زى الفل و منورة مدونتك
بصى دعينا نتحدث بروية و منطق
(و خليها علي المرة دى )
متنكريش أن التلاتينات دى حقبة اخرى خالص و ليها تبعات خطيرة
وأنتى الحقيقة قولتيها كلها مسبتيش حاجة
و متزعليش من بتوع الميكروباس
أحمدى ربنا اللى بيقولولك يا مدام
أنا بقى بيقولوى يا حاجة
يعنى طلعونى بعد الخمسين بشوية
و لا يهمك منهم و لا من أى حد
و نفسى الناس تفهم ان الجواز مش دايما نهاية الضيق و بداية الرحة
دا ساعات كتير بيبقى العكس تماما
لدرجة أنك بتبقى تتمنى لوفضلتى بطولك كدا احسن
بس انا قلبى حاسس أن مستر رايت زمانه جاى فى السكة
متقلقيش
أنا مش قلقانلك لانى عارفة أن ربنا بإذن الله شايلك خير
لأنك إنسانة جميلة و مميزة
و خسارة بصراحة فى اى عريس كدا يدخل الصالون و دمتم
تحياتى و حبى يا حبيبتى
كل سنة و إنتى بألف خير

Sharm said...

كل سنة وانتى طيبة
خدي بنصيحة انونيموس تالت تعليق

lyssandra said...

كل سنة وانتي طيبة يا غاده

وكمان سنه سعيده عليكي يارب

Lyssandra

Anonymous said...

كل سنه وانت بخير.
فى عيد ميلادي 30ذهبت انا واحدي صديقاتى لمشاهده تيتانيك وىومها صاحبتى عيطت عياط.
عالخيبه اللى احنا فيها.
ود

MaGn0liA... said...

كل سنه و انتى طيبه يا غاده

و ميهميكيش من الناس

و عقبال ما الكتاب يبقوا 10

Anonymous said...

يارب يسر كل أمرعسير

بعيدا said...

كل سنه وانت طيبه يا جميله، متابعاكى وبحبك فى الله وان شاءالله السنه دى تكون سنه مليئه بكل خير... ضحكتينى وفكرتينى بواحده صاحبتى عندهااربعه وتلاتين سنه قابلت واحد صالوناتى واول ما شافها قالها شكلها صغير..فقالتله هو إنت كنت متوقع ادخل عليك على كرسى متحرك ولا إيه؟؟ :):) برافو عليكى..بلوجتك بتساهم فى تغيير الافكار الباليه الغير إسلاميه فى مجتمعاتنا الشرقيه..
ثانيا..مين اللى إخترع الهليله دى كلها على سن التلاتين؟؟؟ ليه مش تسعه وعشرين او واحد وتلاتين ونصف؟؟؟
And as they say in the U.S., thirty is the new twenty :):)

إذن نرحب بالتلاتين والاربعين والخمسين

إستمرى :)

بعيدا said...

على فكره انا تزوجت فى الواحد والثلاثون وييه مقولكيش على الى شفته...أصعب تعليق واجهنى كان يا بنتى شهاده الدكتوراه مش هتونسك بالليل زى زوج وعيال!!! آل يعنى فيه اى بنت طبيعيه بترفض الزواج لله فى الله ...فا إستمرى، الناس لازم ترجع تؤمن بمشيئه الله سبحانه وتعالى وتكف عن إيذاء المرأه التى كرمها الله سبحانه وتعالى

بعيدا said...

This is a comment for Dr. Amr Elsayed's entry. I don't think bride is the one putting an emphasis on getting married, but society and its expectations...

dreem said...

كل سنة وانتى طيبة غادة وربنا يحقق لك امانيكى وتكون سنة جديدة وسعيدة عليكى ان شاء الله
تحياتى

Nagdi said...

i am the 117 and that is a very good number.


hapy berthday to you, from the heart.
alles gute zum geburtstag, ich wünche dir alles gute und auf alle fälle Gesundheit alles kann man bearbeiten und manipulieren,

kol sanah we enti taiebah.
Nagdi

Nagdi said...

ich wollte sagen da ich 60. geburtstag gefeirt habe dann bist du glücklicher als ich oder?
Nagdi

أحمد حشمت said...

كل سنة وانت طيبة

farida said...

كل سنه وانتي طيبه يا برايد
و يارب كل سنه تكون أفضل من اللي قبلها و تفضلي بخفة دمك اللي تجنن دي

غادة said...

كل سنة وانتى طيبة يا احلى برايد فى الدنيا وان شاء الله السنة الجاية تبقى احلى من السنة دى وبجد فرحت اوى اوى اوى لما لقيتك كتبتى حاجة جديدة ومتغبيش كدة تانى

momken said...

طيب ياستى كل سنه وانتى طيبه
ويحقق كا امانيكى السنه الجايه

بس عارف يا غاده يا بنت عبد العال
لو اكتشفت فيوم انك متجوزة وبتشتغلينا زى شعبان عبد الرحيم ما بيشتغلنا هتبقى وقعتك اى لون من الغوامق الى انتى عارفاهم

لكن انهارده عيد ميلادك وموسم بقى وكده
هنيجى عندكوا ناكل فراخ وبط وحركات بقى
ولا عيد ميلاد ارديحى ده ولا ايه

مع خالص امنياتى بعام ملئه السعاده والحب والاستقرار

تحياتى

momken said...

ايه ده اول مره اخد بالى من كلمه كنت

(كنت عاوزة اتجوز) امال دلوقتى ايه ياختى

تحياتى

رضوى said...

ما شاء الله مصر كلها هنتك بعيد ميلادك يا غادة , مش فاضل غيرى...
كل سنة و انتى طيبة و عقبال ال 130سنة ان شاء الله
أنا مريت بنفس الحالة اللى أنتى كاتباها فى البوست لما تميت ال 23 و على فكرة كنت بالعب ايروبكس و سباحة و باشرب ليمون مش زيت خروع (لأن زيت الخروع...بلاش ما انتواأكيد عارفين) و برضه مفيش فايدة
بس برضه مازلنا صامدون حامدون عابدون
و لله الحمد

حنـــــــ وردهـ ـــــــــــــــــان said...

ياربي تبقي اسعد سنه في حياتك ويارب يكفيك شر الصحفيين الغلاس
ويكفيك من صحباتك وارف عيالهم
ومن العميان بتوع الميكرو باص
ومن تعتير البلوقات وغبار الكتب :(
ويجوزك حسين فهمي والا واحد شبهوه
اشتريلك تذكره من الصيدليه للتجاعيد
وبطلي تبصي في المرايه الا كل اسبوع مره واسمعي كلامي انا اختك الكبيره اللي اكبر منك ب3 اشهر بالضبط واذا كنت عاوزه نصايح تانيه انا حاضره هنا جالسه على عتبة الثلاثين وببص شوي لورى وشوي لادام:( :( :(

انا حرة said...

كل سنة و انتى طيبة
انا متابعة مدونتك من ساعة ما كانت عايزة اتجوز و بصراحة و بعد تغيير اسم البلوج بقيت بشجعك اكتر و بشدة الحقيقة
قال جواز قال :D
على فكرة ال30 ده احلى سن..بجد نفسي اوى اوصله بسرعة
و يا رب كل اللى بيحشر نفسه فى حياة الناس و خصوصا البنات اللى ما اتجوزتش باختيارها و ارادتها الحرة يعنى من غير ما تبقى بايرة يلاقى نفسه محبوس مع تامر امين فى اسانسير واحد فى الدور ال35 بيتهيألى ده هيكون عقاب احسن من البيت بيتك

Amr said...

It is not the years in your life that count, it is the life in your years that really count :), and remember that age is a mind over matter, if you don't mind, it doesn't matter :)

بحـــر الدموع said...

السلام عليكم ..
يا حي يا قيوم برحمتك نستغيث
يا واحد يا احد يا فرد يا صمد
اللهم كن مع اهل غــزة ، اللهم فرج همهم
اللهم عليك بمن ظلمهم من اليهود واعوانهم من العرب
اللهم ايقظ الضمائر الميتة من امتنا
اللهم انت حسبنا ونعم الوكيل
ولا حول ولا قوة الا بالله العلي العظيم

اخرجوا ايها المسلمين اخرجوا من بيوتكم اهتفوا كفى ظلما كفى قتلاً لاهل غزة ، اخرجوا وأشعروا اهل غزة انكم تقفون معهم ، ولو بالكلمة ..
اخرجوا بارك الله فيكم

لا تنسوا اخوانكم في غزة من دعائكم

||..بحـر الدموع..||ِ

MaNoOoSh said...

انتى بتغيبى كدة ليه ياغادة, انا منوووشة وأخيرا عملت مدونة واتمنى تبقى تطلى عليها

Anonymous said...

مش عارفه اقولها ازاي بس لما شفتك غيرتي اسم البلوج بتاعك الى كنت حسيت بغصه في حلقي مش عارفه ليه رغم ان انا و انت اغراب بس لما الواحد يشوف حد بيحبه لو بس ف الله يتخلى عن حلم حلو و يكون زعلان باي طريقه كان يزعل عشانه قوي
برايد مالك فيكي ايه ؟

يوميات زهره في الصحراء said...

كل سنه و انت طيبه و ان شاء الله نهنيكي بكل شي تحلمي فيه

funckydoctor said...

ما الموضوع كله عشرين سنة وكام شهر
حوالى 120 كده
وعقبال ما ربنا يسهل باللى هيتكعبل ده :D

sara said...

كل سنه اونتي طيبه ياغاده . هههههههههههههه يارب تكون سنه سعيده عليكي ، تواصلي فيها نجاحاتتك ودايما يارب متميزه

مديحه said...

شوفي بقى يا ستي

أولاً كل سنه وأنتِ طيبه وعقبال 61 سنه زي حالاتي بعد ما تمتهم من كام يوم

من اكثر من 30 سنه كنت بقول نفس الكلام ألي أنتي بتقوليه ده يوم ما تميت الـ30

كنت بصراحة حزينة و زهقانه وطهقانه

ومش هكذب عليكي يومها خاصة كان جايلي عريس ومشي

وفاكرة كويس قوي إني أتنرفزت على زوجة أخويا ألي أصغر مني بـ4 سنين وكان معاها 4أولاد

و قلتلها أوعي تنسي أني تميت 30 سنه لما حاولت تراضيني علشان العريس مشي

النهاردة بعد أكثر من 30 سنه

ومعايا شابه زي العسل زي حالاتك كده بس هي أصغر منك بونت صغير قوي عندها 28 سنه

بس بتقول نفس كلامك ده

و معايا شاب متخرج

فمتخافيش هايجي عليكي يوم وتعملي مدونة زي بتاعتي مش علشان تكتبي فيها عن برايد لا علشان تكتبي أنك طهقانه في أنا و زوجي والمعاش

تحياتي الحارة وأشوفك في سن الـ61 و معاك أتنين مغلبينك زي بتوعي.

magy said...

كل سنة وانتي طيبه يابنوته..... وبما اني (سوابق) أصدي سبأتك في هذه المرحله العمريه الحرجه ب4سنين كامله(: أحب أطمنك أنك مشهتحسي بأي فرق خالص انتي زي منتي يادوب شكت دبوس صحيح الفرق الوحيد أللي هتلاحظيه هوه نظرات التعجب!!مع فتح الفم قليلا مصحوب بشهقه و شفقه "أحيانانا" في عيون الناس وبعض التعليقات اللطييييفه خالص لما ترفضي عريس
لكن أنتي عارفه أن الحجات دي ولا تهمنا كل سنه وانتي طيبه

Anonymous said...

كل سنة و انتي جميلة و رائعة و طعمه زي ما انتي و متنسيش ان اجمل خمس حاجات في الدنيا ثلاث حاجات الصحة و الستر
إيهاب

المعتصم said...

ghorBty يقول...
السلام عليكم ورحمة الله وبركاته

قال رسول الله صلى الله عليه وسلم: من لم يهتم بأمر المسلمين فليس منهم

الرجاء دخول الرابط ضروري جدا

http://www.rekaaz.com/vb/showthread.php?p=141435#post141435
يلا يا مسلم ورينا بصمتك

وجزاكم الله خيرا

غربتي

31 ديسمبر, 2008

Ashraf said...

السلام عليكم ورحمه الله وبركاته
الحاجة الغريبة حصلت لكتير منا
كل سنة وانتى طيبة يا غادة.
وعقبال 100 سنة
سلام

م/ الحسيني لزومي said...

غزة تحترق..غزة تباد
عجزة الأنظمة علي إنقاذها
أو تواطئوا علي إبادتها
من أجل سلطانهم الزائل
نحن ماذا نقدم حتي لو كنا مكبلين بالحديد والنار
شاركنا مقترحاتك العملية لنا كشعب من أجل
نصرة إخواننا الذي سوف نسأل عنهم
أمام الله وأمام التاريخ وأمام الإنسانية جمعاء
نتلقي اقتراحاتكم علي مدونة مواطنون ضد الشعب
www.moatnondedelsh3ab.blogspot.com

مهندس مصري said...

آه صحيح
كلمة على جنب كده
بابا و ماما اتجوزوا بعض في سن 37
الإتنين كان عندهم 37 سنة
و كانوا اول مرة حد فيهم يتجوز
و إتأخروا كتير علشان بعض الظروف و القسمة و النصيب
:)
فبلاش كلمة كنت دي اللي حطتيها في اول المدونة

batates_777 said...

happy birthday girl :)

ammar said...

الانسه غاده ذات الدم الخفيف والعقل الثقيل وليس التخين
:)
كل عام وانتي بألف خير 2009
بالمناسبه متى نستخدم كلمه عام ومتى نستخدم كلمة سنه ؟؟؟؟؟
يعني لماذا نقول كل عام وانتي بخير ومتى نقول كل سنه وانتي طيبه ؟؟؟

ماجد said...

على فكرة انا مش عاوز اعلق على حاجة النهاردة بس حبيت اقولك كل ونت طيبة وهام جديد سعيد

$$Dado$$ said...

كل سنة و انت طيبه يا غادة ربنا يديم عليكى صحتك و نجاحك يا اجمل و الذ كاتبه ساخرة
و كل سنه و انت طيبه بمناسبة راس السنه الهجريه و الميلاديه
انا عارفه يا ختشى, ايه ده, كل المناسبات الحلوة اتجمعت مرة واحدة فقلت اجمعهم في تعليق واحد نظرا لغلاء الاسعار و الازمة الاقتصادية العالميه و انخفاض اسعار البترول........
ههههههههههههه

Anonymous said...

يا حرااااااااااااااااااااااااااام

حــالة مــلل said...

Happy birthday Ghada and Happy new year

wish You the BEST

FalFola said...

كل سنة و انتى طيبة ده اولا، و ثانيااهلا بيكى فى نادى الثلاثين مستعدين لتقديم الاستشارات لغاية ما تتوديكى على السن الوضع الجديد، ثالثا ممكن احسدك انا عيد ميلادى الثلاثين اللى كان - من فترة قريبة ما تفهمنيش غلط- اسواء بكتي بس بدل ماالعيال تحدفنى بالطوب و ... الخز كان عنددنا فرح فى العيلة لحد من اصحاب العمر 19 سنة و لاقيت التلفونات تنهال علية و التعليق هو هو
احضرى يا منيلة يمكن نلاقيلك حد تتجوزية بدل ما انت ل سة قاعدة لغاية دلوقت
وده طبعا لانى الوحيدة فى العلية اللى لسة ما اتجوزتش وكمان اكبر واحدة فى بنات العليلة
المهم عدت على خير ولا تنسى مستعدسن لتوصيل الطلبات لغاية المدونة

يوميات نائمة في الأرياف said...

غادة
اسلوبك رائع كالعادة
انا كنت فاكرة ان سن22 هو اللي صعب اوي
اصل كل الخيالات دي جات لي يوم عيد ميلادي اللي فات
بس جات لي عن طموحي
22سنة
ولسة محققتش طموحي
اهئ اهئ اهئ
كل سنة ونتي طيبة ياغادة
ويارب تتكعبلي في ابن الحلال
رنا

enjy said...

ياااااااااااااااااااه كل الصداع دة وعندك 30 سنة بس؟؟؟؟
اومال عايزة اتجوز ايه بس دة انتى لسة طفلة يا بنتى ربنا يمتعك بشبابك ولا يقصفش عملرك بدرى بالقرف المدعو مجازا جواز....بلا نيلة

(( قيثارة الأحلام )) said...

كل سنه وانى طيبه وجميله وناجحه وسعيده ومبسوطه فيه ناس عندها 30 واكنهم 60 وناس تانيه عندها 30 ولسه بتلعب وتطير زى الطير قولى بس انتى يااااااااااااااااااارب ارزقنى الخير

Anonymous said...

السلام عليكم ورحمه الله وبركاته
ازيك يا بريد وكل سنه وانتى طيبه مع انها متاخره شويه
انا على فكره تقريبا اول مره اكتب كومنت عندك مع انى متبعاكى من زمان
ربنا يكرمك يا غاده ياااااارب ويرزقك بالزوج الصالح قريب جدا انتى وكل بنات المسلمين اجمعين يارب
ماتزعليش يا غاده يا حبيبتى ان شاء اله ربنا هايعوض صبرك خير وهاتفتكرى كل المواقف الى مضمونها محزنه وبتطلعيها فى صوره تضحكنا بيها بخفه دمك دى وانتى كمان هاتضحكى اووووووووى من قلبك ساعتها لما يكون عيال جمبك ان شاء الله
اوعى تزعلى يا غاده وافتكرى ان اى يوم فى حياه الانسان نعمه وهديه من ربنا ليه لازم يحاول يستغل النعمه دى فى طاعه ربنا ويزود بيها رصيد حشسناته و الدنيا دى فانيه ومش باقيه لحد
الى اتجوز والى ماتجوزش كله مصيره واحد عند رب العباد
خليكى مع ربنا دايما واحمدى ربنا على نعمه اى يوم جديد ادهولك
اسفه طولت عليكى بس حقيقى انا بحبك فى الله وبدعيلك من كل قلبى ان ربنا يفرحك ويفرحنى ويفرح كل البنات يارب
سلام عليكم ورحمه الله

ريم said...

برايد
لو سمحتي ردي علينا. احنا بجد قلقانين عليكي جدا و الله انتي اللي بتساعدينا اننا نستحمل و نجمد قدام كل الكلام السخيف اللي بنسمعه.
اضحكك بقي. من يومين جاتلي رساله علي الموبايل من رقم ماعرفهوش بتقول: معوجه علي ايه يا فقريه هو انتي ماعندكيش مرايه دانت مافكيش حاجه حلوه يا عانس(: , شوفتي الهنا اللي انا فيه مع اني عندي 25 سنه و شكلي حلو و الله بس شفتي قله ادب الناس
ارجوكي ارجعي.

العزاء واجب said...

لا حول ولا قوة الا بالله .....وكتاب القراءة الجديد كان عزيز عليا
كان لسه صغير يا عينى ماكملش سنة و هب اتكل على الله......

بس ما قولتليش يا برايد هو ايه اللى موته هو كان تعبان ولا حاجة؟؟؟!!!
و لا يكون الشيطان وزه - (او بطه عادى يعنى )- وركب اتوبيس من مرافق النقل العامة - فى امريكا الغربية طبعا مش عندنا-

و بعدين مش كنتى تقولى امتى و فين العزاء عشان نيجى نشرب قهوة كده ولا كده (عشان البن غالى قوى والازمة الاقتصادية مبهدلة العالم)

اخر حاجة احب اقولها بمناسبة وفاة العام 29 هى ان لله وان اليه راجعون وربنا يعوض صبرك خير و البقية بجد فى حياتك
وربنا يباركلك فى البيبى الجديد رقم 30
ويارب اشوفك عروسة فى الكوشة ويكون العريس خف من الغرز اللى فى دماغة دى قبل ما يموت البيبى و يلحق اخوه 29 (و ما تنسيش تعزمينا على الحاجة الساقعة)

eng_lamy said...

كل سنة وانتى طيبه ياجميل
سيبك انتى اهم حاجه اسلوبك الروعه دة
عقبال ماتوصلى للميه وتتحفينا باسلوبك الروعه دة
ويكون حواليكى ولادك واحفادك كدة

Anonymous said...

kol sana wenty tayeba ya ghada :)

ayoy said...

kol sana w enty taiba y bride..w isa 09 tb2a a7san l kol el nas
w bgd mn nga7 l nga7..w happy birthday 30 mara.....ayoy

مش من هنا.... said...

كل سنة وانتى طيبة
انا عارفة انها متأخرة بس انا مرضيتش اعلق الا لما اظبط المدونة بتاعتى يمكن ربنا يكرمنى وحد يعبرنى ويدخلها.
المهم يا غادة انا عرفت عريسك اتأخر ليه ، تلاقيه جاى فى اتوبيس الشركة الازرق اللى بيعمل دماغ جاز انما ايه.
ادام انتى من المحلة تبقى اكيد عافة اتوبيس الشركة.
ما تقلقيش زمانه جاى

david santos said...

FREE PALESTINE!!!

"Israel's war in Gaza , 450 killed and 2200 injured ... What's next ?"

SIONISM TERRORIST, NO!!!

FREE PALESTINE!!!

الباز افندى said...

عاوز اقولك ان حظى ان عيد ميلادى كان من ايام

وماتتخيليش رغم زعلى عشان عمر كتير مر عليا وما افتكرش انى استفدت بيه صح ولا عملت اللى كان مفروض اعمله

انا لسه فى العشرينات ولكن حاسس انى شيخ


شيخ حكيم في صباي أردت أن أكـون
فوجدت أيـام الصبا قد هرولت بجنون
لم تأتني حكم الزمان كما أردت وإنمـا
امسيت شيخا شائبا...وعمره العشرون



فكل سنه وانتى طيبه وانا كمان طيب

Anonymous said...

وبعدين يا غاده معاكى والله نفسى ابوسك على خفة دمك ارجوكى عاوزين نشوف البوست الجديد انا بحبك اوى وعلى فكره انا ولد مش ينت

ياسر said...

غادة

من فضلك طمنينا عليكى

إبـراهيم ... معـايــا said...

5- يا رب مافيش أي تباع ميكروباص يقوللي يا مدام..يا رب مافيش أي تباع ميكروباص يقوللي يا مدام..يا رب مافيش أي تباع ميكروباص يقوللي يا مدام


******************

كل سنة وإنتي أحلى وأجمــل يا غادة

عجبني قووووي البوست ده
***********
المره الجاية هتقولي يارب محدش يعلق يقول (عجبني قوي البوست ده) ، إسمها "تدوينة" يا بني آآدمييين


تحياتي

سمو الامير said...

كل سنة وأنتي طيبة

وإن شاء الله تكون سنة سعيدة عليكي يا رب

Anonymous said...

كل سنه وانتى طيبه يا غاده
انا بحبك اوى ومتخافيش هحصلك قريب
والله انتى السبب فى سعادتى واحساسى بان المستقبل مشرق
يااااااااااارب تتكعبل بسرعه يا ابو غرزززززززز

Anonymous said...

كل سنة و انتى طيبة يا رب
انا لسة مخلصة الكتاب بتاعك و فعلا تحفة خالص
فطستينى على نفسى من الضحك
لدرجة انى كنت بضحك و انا قاعدة لوحدى و الناس بيفتكرونى اتجننت
انتى صحيح مش تعرفينى بس بجد انا حاسة ان احنا اصحاب من زماااااااااااااااااااااان من كتر الحاجات اللى متشابهة بيننا
ربنا يكرمك يا رب و يحققلك امنياتك كلها ايا كانت و يرزقك كدة ان شاء الله بالحج السنة اللى جاية و متنسيش تدعيلى

عمرو عز الدين said...

ولو أنها متأخرة جدًا
لكن كل سنة وأنتي طيبة

محمد فوزى said...

متأخره مش مشكله كل سنه وانتي طيبه
وبضم صوتي لصوت اللي بيقول شيلي كنت دي إلا إذا كان ده تكتيك جديد بتجربيه يبقى ماشي
بجد ربنا يسعدك ويحقق امنياتك في عامك الجديد
تحياتي

Anonymous said...

انا عندي سؤال
مفكرتيش مرة وحده في حياتك انك تطلبي
من ربنا انه يوفقك مع ابن الحلال؟؟؟؟
اطلبي منه بعد صلاتك وربنا كريم

اتمنالك حياة سعيده

احمد من السعودية

shawkat said...

للأسف انا لن أعلق على تدوينتك رغم روعتها لأن بالي مشغول بما يحدث في فلسطين و ارى من واجبي العملي أن أجمع لها الأموال فشارك معي و ساعدني في حملة لا تنفق و انما جاهد بمالك و تقديم الأقتراحات بحيث نحاول أن نجمع مبلغ عشرة الاف جنيه كمرحلة أولى من شباب المدونين و شباب الفيس بوك و من المعارف و الأقارب و الأصدقاء ساهم معنا و شاركنا و لا تتردد .. وانتظر ثواب الأجر
اماكن الجهاد بالمال: نقابة الأطباء المصرية ، اتحاد أطباء العرب و مكانهما في دار الحكمة في شارع قصر العيني و اقرب محطة مترو لهما هي محطة السيدة زينب .. و من لا يتطع الوصول هناك يمكن أن يراسلني على الايميل به طريقة التصال به و انا ساقوم بارسال المال نيابة عنه و اذا أراد ايصال رسمي بذلك فلا حرج
الأيميل : ashahinonline@yahoo.com
اسرع و بادر و ردد في اعماقك مش هنسيبك يا فلسطين

" و سيتم عمل لوحة شرف لكل من ساهم بماله فياريت أي أحد ساهم بماله أن يذكر قيمة المال حتى و ان استحقر قيمته و الأحرف الأولى من اسمه لنسجلها في لوحة الشرف
و لا تنسوا ان عثمان و عمر و ابا بكر و غيرهم قاموا بمجاهرة الصدقة و بقيمتها في العلن للتشجيع و التحفيز و هذا لا يتنافى مع الأخلاص " و الذين انفقوا مما رزقناهم سرا و علانية
اشترك في جروب الحملة : http://www.facebook.com/topic.php?uid=46491321470&topic=7479#/group.php?gid=46491321470

http://shawkat85.blogspot.com

mydmermaid said...

كل سنة وإنتي طيبة يا غادة وكل سنة جميلة ورائعة وبتبتسمي زي مانتي


:))

RolyQaseM said...

كل سنه واٍنتى طيبه وان شاء الله يشرف بس ساعتها ما تجيش تصرخى منه استحميله
وعلى فكره انتى كده عايشه فى راحه
بس ان شاء الله ييجى
وكلنا أكيد ان شاء الله هانكمل 30 ونيجى للحظه دى ربنا يسهل
كلنا لها

zainab elmosalamy said...

بجد والله انا مبسوطه بقراءة وضوعك ده

كل سنه و انتى طيبه

وربنا يحقق كل أمانيك يا قمر

بجد ده كفايه خفة دمك يا عسل

يا بخته يا ستى اللى هتكونى من نصيبه

ربنا يرزقك بالزوج الصالح بس مايكنش واقع و مخبوط و واخد غرزه
يكون زى الفل

تحياتى يا قمر

3aziz 3eni said...

كل سنة وانت فالف خير وسعادة من غير عكننة زواج

Anonymous said...

والله لولا امتحان التوكسو اللي مانعني
دا حتي منصور ما بوفهوش
هو ليه كل واحد عمال يقول ربنا معاكي ربنا ييسرلك امرك
هو ليه الناس بتعامل البنت الي م متجوزة علي انها عندها كارثة قدرية ليه هه؟

الحرامي said...

كل سنه وانت طيبه وعقبال 100 سنه
اما بالنسبه للعمر اللي بيمر ومحدش بيحس بيه انا ساعات بفتكر اني عدي من عمري سنين ماحسيتش بيها بس والله مافيه حاجه بتتغير

Anonymous said...

وأنا أوافق صاحب التعليق السابق بتاع امتحان التوكسو (توكسولوجي؟؟) في استغرابه تماماً. لا ينبغي أن يجعلنا تركيز الناس على معاني المواساة والحزن والبلوى الخ ننسى أن لحظات الفرح – واللحظات المحايدة التي لا فرح فيها ولا حزن- أكثر بكثير من لحظات الحزن. إن الله خلق في الإنسان القدرة على الإفلات – بإرادته أو رغماً عنه - من براثن أكثر لحظات الحزن فتكاً التي مر بها، بل وإنه يتنساها تماماً، حتى أن هناك بعض المبتلين ممن ينسون همومهم تماماً، حتى أبناء غزة المُحاصرين الآن.

لقد كنت أعيب على أمي أنها تبكي بشكل يثير انقباضاً مؤلماً في صدري عندما تشاهد مشاهد مؤذية في قناة الجزيرة لأطفال أو جرحى مبتوري الأطراف، وكنت أقول لها إن هذه أحزان مؤقتة، وكل منا يرى أحزانه أنها فاقت أحزان الآخرين، بمعنى أن لو درجة الحزن من عشرة، ساعتها نقدر نقول إن درجة حزن من فقد حبيبته لأنها تزوجت بغيره هي عشرة من عشرة، وأن درجة حزن من فقد أطرافه في غارة جوية في غزة هي أيضاً عشرة من عشرة وفي كلتا الحالتين، فالهموم والأحزان تتبع منحى أي مشاعر أخرى تسير في قنوات الجهاز العصبي، بمعنى أنها كلما اقتربت من ذروتها كلما اقتربت من موتها. أي كلما اقترب الإنسان من العتبة التي يقول عنها إنها تمثل اليأس المطلق أو لحظة الاكتئاب العميق، وهي اللحظة التي يصل فيها انقباض الصدر واعتصار القلب لذروته، كلما قربت اللحظة التي سيصل فهيا مصدر الحزن نفسه إلى مرحلة التناحة، حتى أن مصدر الحزن الذي كان مجرد التفكير وورود خاطر به يدفعك للبكاء أو يسبب انقباضة مؤلمة في قلبك سيصبح ذات يوم "متنحاً"، حتى أنك بعدها تستشعر قوة أكبر مصدرها أنك استطعت أن تتخطى هذا الألم الذي حسبته يوماً سوف يهلكك وأنك ستعيش العمر كله تحمله بين أضلعك (بينما في الواقع نجد الله سبحانه وتعالى يكيد الشعراء في مقولاتهم المطلقة تلك، ويجعلك تعبر الغم وكأن شيئاً لم يكن، إن من رحمة الله بنا وبالبشرية أن الأحزان لا تسير على هوى الشعراء، وإلا لقضينا بقية عمرنا ’نسقط في هوة سحيقة من الاكتئاب‘ و ’تكوينا سياط الألم وتعتصر قلوبنا‘ و ’يعصف بنا الحزن‘!!!! وذلك بالرغم أننا أحياناً ما يعجبنا أن نصف أحزاننا بهذه الكلمات، كنوع من حب الإنسان الغريزي للرثاء لذاته وكذا لاستدرار مشاعر الشفة والتعاطف من الآخرين وهو إحساس نراه لذيذاً ومريحاً نفسياً– وليس بالضرورة مفرحاً - بين الحين والآخر) كذلك فإن من رحمة الله بنا أنه لم يجعل الحزن معدياً (إلا إذا اختار الشخص نفسه ذلك بملء إرادته بتعريض نفسه بصفة مستمرة لقنوات الإعلام المرئية والمقروءة التي لا هم لها سوى تناول المشاكل والهموم والأحزان) وإلا لعاش الإنسان في غم أربعة وعشرين ساعة.

وبالفعل، وفي مثال غزة السابق، رأيت منى الشاذلي بعد زيارتها الشخصية لعدد من جرحى غزة في برنامجها، تقول أنه من طبائع الأشياء عندما يذهب المرء إلى المستشفى أن يقصد مد يد العون والفرحة للمرضى، ولكن بعد زيارتها وجدت أنها هي التي استمدت منهم الأمل!!

من اللطائف التي أودعها الله في قرآنه الكريم آية (وأنه هو أضحك وأبكى)، وهي آية في غاية الأهمية، فهي تعنى أنه ليس من طبائع أي شيء في العالم أن يضحكك أو يبكيك، وإنما الله هو الذي يثير في الإنسان الضحك أو البكاء، وذلك مثلما أن أي إنجاز تحققه في العالم هو بإذن الله، وذلك مصداقاً لقوله تعالى (وما رميت إذ رميت ولكن الله رمى)، كما أن الآية تعنى بشكل خفي أيضاً أن ما قد يبكيك اليوم قد يجعله الله مصدر ضحكك في المستقبل، وهو ما لابد أن الله فاعله في الآخرة مصداقاً لقوله (وجوه يومئذ مسفرة * ضاحكة مستبشرة). وهذا الضحك والاستبشار يصيب من؟!! المؤمنين الذين هم أكثر الناس حزناً وابتلاء في الأرض.

لقد خلق الله الفصول الأربعة وخلق الأمزجة المختلفة ليلاً ونهاراً وخلق مشاغل الحياة اليومية وجعل هناك برامج التليفزيون المملة ورذالة زوزن وتناحة طنط حشرية وخلق الأحداث العالمية التي تأخذنا في فيضان معها كل حين وآخر من انهيار اقتصادي عالمي وغارات على غزة واعصار كاترينا وتفجيرات الهند و و كل هذه الأحداث لكي تعمل على تقليبنا وتقليب أمزجتنا وقلوبنا حرارياً ومقاديرياً وتركيزياً، حتى لا تتسلط علينا فكرة أو شعور أوحد مدى الحياة.
وفي النهاية، أهدي لكم جميعاً هذا الرابط الجميل:
http://www.majdah.maktoob.com/vb/majdah21656/

القبانى said...

مررت على هذه المدونة فاردت ان اشيد باسلوبك الرشيق واحبب ان ان ابعث اليكِ تلك الكلمات داعياً الله عز وجل ان ينعم عليكِ دائما بالتوفيق والسداد انه سبحانه وتعالى هو رب ذلك والقادر عليه

norahaty said...

ولا يهمك ولا يكون عندك ايتها فكر خالص
طنشى واعملى نفسك ما شايفة ومش عارفة
طنشى تعيشى سعيدة ياوجيدة!!:)

norahaty said...

هو انا اغيب اغيب والاقيكى دمك زى الشربات زى ما انتى .. زى ما قلتلك طنشى وعيشى سعيدة ياوجيدة

Anonymous said...

كل سنة وانتي طيبة يا احلى غادة
وعقبال 100 سنة
ويااااااااااارب تلاقيه الواد الخنيق اللي بيتلكع بقاله بتاع خماشر سنة ولسه مجاش بس __كل تاخيرة وفيها خيرة__ وان شاء الله
بكرة تتجوزي وتقولي فين ايام ما كنت انسة (حرة نفسي) ايام الروقان وراحة البال ايام ما كنت كاتبة قد الدنيا (على اساس ان جوزك والعيال خدوكي يعني)....وبعدين يقطع تفكيرك ابنك بيقولك مامي الواجب صح
من قلبي يا غادة يارب تلاقي الزوج الصالح اللي يحبك وتحبيه وتعيشي معاه في سعادة وهناء وود وحب طول العمر
ويارب انا كمان الاقيه
يارب ارزق كــــــــــــــل البنات بالازواج الصالحين والذرية الصالحة اميييييييييييين
صفاء\القاهرة

مصري جدا said...

كل سنة وانتي طيبة

اصبري اما توصلي لسني

نهــــــــــار said...

HAPPY BIRTHDAY YA 3ASAAAAL

Forgotten Galaxy said...

انا الي اعرفه اننا كشعب عربي بنثبت عند سن 30 يعني فرجت خلاص..ماتزعليش انك بقيتي 30 من الآن فصاعدا هتكوني 30 على طول
كل سنة و انتى طيبة وعقبال 130 سنة :)
ان شاء الله السنة دي تكون احلى من السنوات الي قبلها
و على فكرة دي اول مرة اكتب عندك كومنت بالرغم اني من القراء القدام للمدونة الفوق الرائعة دي

Love-Guru said...

يعني هم يهود اسرائيل متأمرين عليكي و لا أيه؟ هو ده وقت يعملوا فيه حرب و يخلوا الشباب يخرج في مظاهرات تأييد و ينسي خالص قكرة الزواج و بدل ما يفكر في الزواج يفكر في السفر لغزة. هو انتي ناقصة اسرائيل كمان مش كفاية العرسان متنيلين علي عينهم و مشتتين خلقة

daktara said...

كل سنة وانت تلاتين طيبة
النهاردة لقيت واحدة زميلتي مشاركة في جروب المعجبين بمدونة عايزة اتجوز قلت لازم ازورك
لأني مجتش هنا بقالي فترة
وكويس اني جيت في مناسبة احم احم سعيدة
كل سنة وانت تلاتين طيبة

انظر حولك
د. خالد عزب

ody911 said...

التعليق رقم 193


تفتكرى ممكن يفرق ؟؟

تطيب ممكن تقريه

طيب لو حتى قريتيه

أكتبلك إيه يرضيكى أو يرضينى أو يرضى أى حد هيقراه


هتصدقينى لو قلتلك حتى التعليق مش عارف أكتبو

كلامك مينفعش علية تعليق لأنو هوة نفسو تعليق



كل سنه وإنتى وأنا طيبين

أنا هانت أهيه كلها سنه وشهرين وثمن أيام وأبدأ فى الثلاثين


وصدقينى مبقتش تفرق


عادى بقة
أودى

Anonymous said...

ايه يا استاذ الجمال ده
انا بتاعة التوكسو ان شاء الله
بس انت شرقت وغربت
كل الحكاية ان الناس لما تشوف واحدة لسة ما اتجوزت يبدا الرثاء وهو امتي بقي نفرح بيكي وعايزين نيشيل عياليك طب انا مش عايزة عيال الله...لذلك بصراحة البنت بتحس شوف بقي الجملة دي/ان هي مش ليها/تحي لاخر او لاخرين
انا مش عارفة ليه الواحد معلق حياته علي طرف السنة الناس

دعاء said...

متأخره جدًا بس لازم أقولك كل سنه وأنتي طيبه

وعقبال الـ300 مش الـ30 بس

Heba said...

كل سنة وأنتي طيبة

أميرة الجنة said...

كل سنة وانتى طيبة والسنين اللى جاية تكون احسن ونسمع الخبر السعيد قريبا ونشوف صورته وهو متخيط 3غرز.دمتى بخير

dondon17 said...

غادة انتس نسيتي دي
يارب محدش خفيف يسألني وهو بيضحك الضحكة اياها مفيش حاجةاية هما عميو ولا ايه
وانا بردو أرد بنفس السمجة وأقول آه عميو مبقاش في حد مفتح
انا يااختي عديت الثلاثين من فترة قصيرة خير كله بيعدي حاجة كدة زي شكت الدبوس مش هاتحسي بحاجة
اللهم انك هتزدادي تبلد وتناحة لما حد يرخم علي سنك
آل يعني مش هاممني
بالمناسبة آخر تعليق رخم كن من زميل اتعرفت عليه عن طريق أصدقاء مشتركين ولما عرف الأنشطة بتاعتي قالي بإندهاش برافو ان عندك طموح طيب الناس كلها عندها طموح اشمعني انا
اما موضوع اللي مش راضي يجي
كان ليه صديقة قبل ماتتجوز كانت بتقول البنات كلهم واقفين قدام ربنا واللي ييجي عليها الدور وتقف قدام ربنا يبعتلها نصيبها في الجواز احنا يظهر ربنا بيحبنا كل مايجي علينا الدور في العرض نرجع الطابور من أوله
الغريبة والسخيف في نفس الوقت ان ناس كتير مش مصدقة ان احنا عايزين نتجوز زي بقيت البنات طيب نعمل ايه علشان يصدقة اعمل اعلان والزقة علي قفايا

s.m said...

http://gazasuffering.blogspot.com/

nor said...

لالا مش موافقه انك مش عايزة تتجوزي
و ان شاء الله تتجوزي و يطلع الراجل ابو غرزتين ده عينيك
و تجيبي اولاد و بنين و بعدين مش باينه ليه و لا بتزورين يليه في مدونتي التواضعه ..علي فكره انا عيد ميلادي قرب بش بعيد عنك بقي مش هقولك هبقي كام .....و انا بقي وقتها هقول مش عايزة اتجوووووووووووووووووز

«Oldest ‹Older   1 – 200 of 249   Newer› Newest»