قاعدين الصبح مع بعض قاعدة حلوة كده يسودها الود و الإحترام و النفسنة بنطلع غلنا في بعض..كل واحدة كالعادة بتعمل اللي يقدرها عليه ربنا عشان تنكد على زميلتها و تحرق دمها.. اللي نلاقيها فرحانة بنفسها شوية نقولها إيه اللون البلدي اللي انتي لابساه ده؟..و اللي لابسه طقم شيك نقولها هو حلو بس هو انتي تخنتي كده ليه؟..و اللي جاية ع الصبح متفائلة و بتبتسم نقولها أسكتي مش "مهند" اتجوز..المهم قاعدين في جو السلام النفسي ده نلاقي بسلامتها داخلة علينا و بترملنا حاجة حمرا طويلة و بفتيل كده على المكتب...آااااه..و أخير نفذتي إنتقامك يا نهى...صباع ديناميت؟..هي حصلت صباع ديناميت..لهو احنا كنا محتضنينك و بنعلمك تلفي صوابع المحشي عشان في الآخر تلفلنا صباع ديناميت؟
لكن يا رييته كان صباع ديناميت ..يا ريتها كانت قنبلة مسامير ..يا ريتها كانت عربية مفخخة
إيه ده؟
دعوة فرحي
فرحك؟..فرحك إيه؟..أمال اللي من 6 شهور ده كان إيه؟
لأ..دي كانت الخطوبة..لكن ده الجواز
جواز؟..إستغربتها قوي الكلمة دي؟..الواحد مسستم نفسه سنين على موضوع الخطوبة ..مين هتتخطب و مين بتفسخ الخطوبة و إمتى يا رب "أحمد عز" يخطبني و اذل كل الناس و الكلام ده..
أقصى أمانينا بتقف عند الخطوبة ..ما جاش في دماغنا إن فيه مرحلة تانية بعد كده
أتاااري..يوم كانت بتسألنا على محلات صيني و نسألها ليه تقولنا باعمل حسابي لعيد الأم..يوم تسألنا على دمياط نقولها إشمعنى تقولنا نفسي في أكلة سمك..الكبيرة بقه يوم ما سألتنا على محل فساتين فرح و قالتلنا إن صورة جواز مامتها إتحرقت و عايزة تأجر فستان تتصور بيه تاني..و إحنا صدقنا؟..هو إحنا هبل قوي كده والا إيه؟؟؟
الدعوة كانت طويلة لونها أحمر ..(مافيش أي احترام لشعور أي حد زملكاوي)..و ملفوفة بشريط أبيض في أسود في أحمر..(مافيش أي إعتبار لشعور بعثة مصر في بكين)..و قال إيه ملفوف معاها سنبلة قمح..يعني إيه بقه سنبلة القمح دي إن شاء الله..دي أسلقها و الا أقليها و الا أطحنها و أعمل منها رغيفين ..مافيش أي إعتبار للناس اللي واقفين ليل و نهار في طوابير العيش؟ (الكلام ده في الصين طبعا مش عندنا ماتودوناش في داهية).. لأ و إيه ..الفرح كان تاني يوم..فاكرة بسلامتها إنها كده في السيف سايد و ماحدش هيلحق يعملها حاجة ..بس على مين..و حيااااة أيمن اللي اختفى في المسافة بين ليبيا و قبرص و ماحدش يعرفله طريق ..ليكون يوم تاريخي يفتكره الناس في الشرق الأوسط الجديد على مر العصور
طبعا هي رمتلنا الدعوة و جرت و احنا بعد مشاورات قررنا إن كلنا نروح ..يعني تقعد تقول علينا غيرانين والا مفروسين و الا تطلع إشاعة ع البت نيفين إنها قعدت تعض في إيد رحاب لما العضم في إيديها إنكشف..والا تقول على أسماء إنها قعدت تضرب دماغها في الحيطة لحد الحيطة ما اتعورت..والا تتطاول و تقول عليا إني قعدت أجز على سناني لما كل الحشو اللي في ضروسي وقع..لأ..مش هانديها الفرصة دي أبدا..و بعدين أدينا هنكون هناك ..و يمكن تجد في الأمور أمور
المهم اتفقنا على الحضور و اننا إيد واحدة و بما إن الموضة السنة دي في الفساتين اللبني و الأصفر..فقد اتشحنا -طبعا- كلنا بالسواد..ما هو إحنا في الحقيقة كنا رايحين نعزي....نعزي في الإنسانية..نعزي في التكافل ..نعزي في مصلحة الدولة العليا..الناس بقالهم 3000 سنة بيقولوا نظموا النسل و دي بمنتهى البجاحة رايحة تتجوز عشان تخلف و تجيبلنا عيال قمامير يلعبوا و يغنوا و ..أممم..قصدي عيال مقرفين يزنوا و يكسروا و يوجعوا دماغنا و يخلصوا على موارد البلد ..لكن لأ..أنا لا يمكن أسمح بكده أبدا..و أنا رايحة على قاعة الفرح لمحت اللوحة الكبيرة بتاع "وقفة مصرية"..(نفركش جواز أختنا..نتشبرق كلنا) و من هنا من هذا الموقف قررت أخرج مخزون التربية الوطنية اللي جوايا كله و أنفذ المطلوب..مش عشاني..لكن عشان مصر
في الفرح بقه المضروبة في قلبها واقفالي بفستان فرح قطره إتنين كيلو (دون أي إعتبار للتكدس السكاني ولا قانون المرور الجديد) ..جنبها الدكتور حسام ترتسم السعادة و الترحاب على كل ملمح من ملامح وجهه, ودانه بتهوي على المعازيم و سنانه كلها خارجة بره بقه بترحب بيهم..باختصار كل الديفوهات اللي أنا باحبها كأنها واقفة بتغيظني و تطلعلي لسانها..يا بنت الإيه يا نهى..مابتقعيش غير واقفة
اجتمعنا على أول ترابيزة قدام الكوشة (إلهي تولع باللي فيها) و مدينا إيدينا فوق إيدين بعض و أقسمنا قسم حزبنا الجديد (كتع) "كيف تقهرين عروسة" بقه المرة دي , و هي طول ما بترقص مع المحروس عينها علينا وعلى وجهها أقسى آيات الفزع و الرعب
الصراحة هي لو تعرف إحنا بنتفق على إيه..كانت إترعبت أكتر
و أول ما الراجل بتاع الدي جي أبو صوت وحش ده قال عايزين أصحاب العروسة و قفنا كلنا حواليها زي شلة صقور حوالين فار أبيض مذعور و استعنا بالله
و بدأنا تنفيذ الخطة
.
.
.
136 comments:
لاحول ولا قوة الا بالله اية ياجماعة دة انتم شلة غلاوية اوى لية
هى متقولوكش انها بتجهز وانتم ناويينلها على شر
مبروك لنهى وحسام وعقبالك ياقمر وانا عارفة ان دة كلة هزار ربنا يوفقكم والبوست رائع
ايه ده
عملت ايه فى البينيه
يلا خير
وعقبالك ياقمر
يعني روحت الفرح من غير متعزمينا
........ماشي........
على أقل قومنا بالواجب معاكي إنتوا تقفوا ورا العروسة وإحنا نقف ورا العريس لاسمح الله دة ولا غل ولاحاجة
بس هوة حقد يعني هاهاهاها.
ربنا بتمم ليها بخير
ويا ترى هتقضي شهر العسل فين
.....بس بعد تنفيذ خطتكم......
يا ستار يا رب
اشتاتا اشتوت
مبروك لنهى وفاااااااااضل
ايوه فاضل انتي يا جميل
اشوف فيكي يوم
:)
ياااااااارب
يارب افرح فيكي يا غاده قريب يا رب
الهي ارزقها رجل صالح يحبها و يحترمها و يخاف بيها الله
وتكون هذه الصفات دائمه يا رب .. لا تزول
(اول مره اعلق في المدونه)
بالتوفيق
أول مرة أعلق بس متابعة كل اللى كاتبتيه..
عايزة احييكى على اسلوبك الظريف جدا، بالرغم أنك أكيد سمعت الكلام ده كتير قبل كده..........
أنت بتحكى عن مآسى بالكوميديا و دى حاجة صعبة جدا و حلوة قوى.......
و بلاش تزعلى من الفرح قوى كده يمكن يكون بفايدة....
و مستنيين الخطة
و عقبالك يا برايد
بليلة
اعملي بالسنبلة بليلة باللبن
دي بت باجسة وما عندهاش احساس وما بتراعيش اي مشاعر من المشاعرين اللي انت رصتيهم
وبعدين
طمنيني
عملتوا فيها ايه؟
ولا يهميك يعني هي نهى خدت الأملة ده حتة دكتور !!!!
يا غادة انتِ كارثة و الله :)))))
أنا عمالة أضحك من الصبح و أجمد حتة بتاعت ""وقفة مصرية"..(نفركش جواز أختنا..نتشبرق كلنا)"
مش عارفة وقفة ايه أكتر من ان كل الناس واقف حالها و واقفين كمان فى طوابير العيش :)))))))))))
و على فكرة الكتاب هايل ما شاء الله
و كل سنة و أنتِ طيبة بمناسبة رمضان
و عاوزين نعرف بقيت القصة على طول ما تسيبيناش كتير كدة :)
LOOL
nice and mean :P
هاهاهاهاهاهاهاهاهاهاهاهاها
اية الشروالحقد دا كلو
هاهاهاهاهاهاهاهاهاهاهاهاها
حرام عليكم البنت
بكرة تكونوا مكانها ان شاء الله
مبروك لنهى
وعقبالكم كلكم
وياريت مش تتأخرى علينا
وتقربى المسافة بين كل بوست والتانى
ده واضح انه في تخطيط وترتيب جامد
فكرتيني بمشهد الحاج متولي في الجوازة الرابعة
لما نشوف ايه اللي حصل ف الحلقة الجاية
هههههههههههههههه شربات و الله دمك شربات ....انا ميمي من ليبيا بتابعك من زمان بس هادي اول مره اعلق
يلا ماتزعليش انشاء الله نشوفوك في مكان نهى قريبا قصدي عروسه طبعا
على فكره بيتهيألي اني شفت ايمن عندنا في ليبيا
سلام
ربنا يفك عقدتنا كلنا بقي
كفايه كده
وكل واحدة تلاقي السكاموز اللي عايزاه ان شاء الله :D
بس طمنيني العروسه عايشة ولا جرالها حاجة LOOOOL
حسرة عليها يا حسرة عليها
حسرة عليها يا حسرة عليها
كيف تقهرين عروسة هههههه
صعبام\نة عليا اوي البت نهى دي
عذبوها بالراحــة ..... اوكي .. بليييز
Amazing you sooooooooo sweet wallahy
لا حول و لا قوة إلا بالله
راحت البت يا عيني في شربة مية
يعني شلتوها و حدفتوها في الهوا هيلا بيلا و لا عملتوا ايه ؟
عقبالك يا ستي بس ساعتها ربنا يستر عليكي من اللي حيتعمل فيكي
عملتى فيها ايه والله العظيم مشتاقه لاعرف قاعدة اتوقع من الصبح
عملتوا ايه في البت يا غادة :S
مستنيين نعرف
عقبالك يا غادة يارب
تلاقي ابن الحلال مش يتعمل فيكي زي نهى :))
عااااااااااااااااااااااااااا
ده فيلم رعب ولا إيه يا برايد
اكتبى عليه فوق
للكبار فقط
علشان الأطفال اللى بتقرا
مش عايزينهم يخافوا من الدم
سيبك منى
دى اقتراحاتى لتبويظ الفرح
1-فضوا كاوتش العربيه اللى هتزف والاستبن بتاعها وياريت باقى الكاوتشات
2-لو فشلتم حد من فرقة "كتع" يقعد فى عربية العروسه ويـ
احم احم
يرجع على الفستان
ولو مانفعش اعملى أى حاجه من اللى اتعلمتيها فى الكليه وشربيها للى هيركب فى العربيه
وادينا نستفيد من الكليه دى
3-خلوا حد من فرقة كتع يروح القاعه قبل المعاد بساعتين
وأى حد يهوب ناحية الفرح تقوله ان الفرح اتأجل علشان العروسه تعبانه
4-والعروسه بترقص وانتم وراها حد فيكم يديها مقص ويكعبلها واهى تتسجل فى الفيديو
5-ممكن نقطع السلك بتاع الفيديو علشان مايتسجلش الفرح
6-كفايه شر بأه
:)
وعقبالكم جميعاً
السلام عليكم ورحمة الله وبركاته
استر يارب
ياتري نهي لسه عايشه ولا نقرالها الفاتحه
:)))))
كل سنة وانت طيبه يا دودو رمضان كريم
يا رب تكون بخير العروسة
طب بزمتك بعد ودانه و سنانه بتحسديها على ايه؟؟؟؟؟
مافيش أي احترام لشعور أي حد زملكاوي)..
ههههههههههههههه انتى مش ممكن
ربنا يحرسك ويرزقك بزوج صالح ونفرح بيكى فى فستان قطره 10 كيلو وساعتها يلعن التكدس السكانى ههههههه المهم الفرح يا ستى
بس متنسيش تعزمينا هاا
تحياتى ليكى سومه_87
بصراحة بوست رائع
غادة ...... انتي مش ناوية تحترفي بره؟؟؟
أسلوب كتابة روووعة والله
وربنا يستر على نهى
احنا جايين نهدي النفوس
انا بقرأ مدونتك اول بأول من زمان اول مرة اعلق تقريبا
بجد عجبنى جدا البوست ده
و حاسس بنضج فى اسلوبك
الى الأمام دائما
ramos
عقبالك يا غاده
نفرح بيكى قريب
بس هيه نهى فى اى مستشفى؟؟
افترا
انتوا حقيقي بنات غلاوية و مفترية
و يوم ما واحدة فيكم تتجوز
الباقيين برضه هيطلعوا على عينها البلاء و البلا
منتظريين نعرف عملتوا ايه
ههههههههههههههه
سكر يا برايد سكررررررررر
حلوة اوي كتع دي كيف تقهرين عروسا علي فكرة انت اخدتي تصريح بالحزب ده ولا لأ؟
اصل احنا برده نحب نخدم
الله يكرمك متتأخريش في افشاء اسرار الخطة الحطامية الجهنمية
يا خبر اسود
كلتوها ولا ايه يا غادة؟
:)))
ايه يا بنتى فيلم الرعب ده
شكلكوا مسكتوا البنت ضربتوها
:))
ياستى خليها تتجوز
اهى واحدة تعدى من عنق الزجاجة
وعقبال الباقى
:))
بدل ماكنتوا مركزين كده معاها
كنتوا ركزتوا فى اصدقاء العريس يا سذج
:))
شكلك الحاسة الثامنة بتاعتك باظت بجد يا دودو
:)))
المهم كملى باقى الحكاية مبحبش الساسبينس
رحاب احمد
leeeeeeeeeeh kda ya bride feeen b2eeeet el story ,waiting el goz2 el tane bsor3aa b2a ,3wza a3raf 3mlto eh fel bnt ya 7aram , bas i know en ente albek kbeer ya bride w mesh hat3mle feha 7aga kberek to2fee tno2ee 3leha w bardo el na2 w el ar dah mesh haygeeb natiga fel a5er :D
3o2balek y abride ya raaaab
menoshet
موتيني من الضحك يا برايد ، و على فكرة البت نهى دي تستاهل اللي بيحصلها ، مالها بأة قاعات الافراح المصرية ،لاوم الفشخرة الكدابة ، وصيني ، و لفة حمرا ، يني يا عوازل فلفلوا ، و لا كانت عملته في ديسكو تك ، ياااااي فكرة جنان ، عشان اما الكل يتنطط و تقوموا عليها ماحدش ياخد باله،
عموما و لا يهمك كويس انك اتفكيتي ، انت و صاحباتك ، بس الخوف يا ظريفة لو حد من اصحاب دكتور حسام كان بيدور على عروسة ، و جه الفرح عشان ينقي ، ما هو انا اعرف كتير بيعملوا كده ، و يطلعوا من كل فرح بوزهم شبرين لادام ، كل واحده شافواها فيها القطط الفاطسة ..
بس عارفة اللي انا متأكده منه ان نهى مش هتنسى اللياة دي ابدا . و كل اما يعدي عليها عيد جواز تفتكر العلقة ..
و اخر الكلام سلااااام ...!!!
Sorry as there are no Arabic letters on My keyboard. Your book is lovely and your articles are lovely. You are really attacking the core of a great problem in our society. Corruption is one of the usual consequences of this problem.
However,Please tell me if your book is real or not. I believe it is real as the pain in between the lines of humor stands vevified.
It was my very good honor to read for you.
ايه ده ايه ده هو انتوا هتعملوا ايه ف البت يا عينى عليكى يا نهى بس تصدقى يا برايد هى تستاهل آل جواز آل لأ وكمان ايه حسام وفاضل كمان لالالالا إوعي تسيبيها ولو عايزه مساعدة انا مستعده
كل سنه وانتى طيبة يا دودو ورمضان الجاي تبقى بتقضى احلى الأوقات مع زوج المستقبل بس ياريت تصومي بقى السنه دى ما تكسفيناش مع الناس زى كل سنه
الحمد لله في واحده من الشله اتجوزت ، أكيد حتفك عقدتكم ، وعقبالك يالي في بالي لما اشوفك في الكوشه ، وطبعا حيتعمل فيكي إلي عملتوه في صحبتكم
تقبلي مروري
مجنووون
الحمد لله في واحده من الشله اتجوزت ، أكيد حتفك عقدتكم ، وعقبالك يالي في بالي لما اشوفك في الكوشه ، وطبعا حيتعمل فيكي إلي عملتوه في صحبتكم
تقبلي مروري
مجنووون
بجد عجبنب اوي اسلوبك في الكتابه فعلا قعدت اضحك من قلبي :)
ومتشوقه اعرف عملتوا ايه في البنت في الفرح
ايوه كده هو ده الرد المناسب ..لازم الناس المتجوزين جديد دول يعرفوا مقامهم
و بالرفاء و البنين
لوووووولي
برايد... عملتي ايه في نهى
مش محبه في نهى لا سمح الله بس خوفا عليكي من اي مسائله قانونيه ولو شكلكم كده قمتم بضربه راجل اقصد ست واحده حتي يضيع دمها بين القبائل
مبروك لنهى وعقبالك
حرام عليكي يا شيخة، كله ماشي بس جملة ان الكوشة الهي تولع باللي فيها دي صعبة اوي ، يا ريت تغيريها
هو اسلوبك كاريكاتيري ساخر، بس زاد اوي اوي المره دي
متزعليش مني ، ده رأيي
حب لأخيك كما تحب لنفسك ...الحسد حرام يا غادة والغبطة حلال ...
مبرووك لنهى و عقبالك و عقبالنا كلنا
هههههههههه
يلا ربنا يقويكوا عالشر
والف مبروك لنها وحسام وعقبال كل اعضاء جمعية "كتع" الموقرة
وانا قبلكم طبعا ;)
yasmeen
أن آآآن .. وبعدين؟
هو باين من عنوان البوست إن العريس لسه فاضل .. فاضل منه حته
يخرب عقلك
خفة دم ما حصلتش
وصراحة كمان ما حصلتش
ربنا يرزقك بابن الحلال يا قادر يا كريم
..
أصلا كونها تقول لكم على معاد الفرح قبلها بيوم ده معناه إنها منفسنة و نيتها وحشة , و مع مين؟ شركاء المشوار , و بالبتالى فهيه تستحق كل اللى يجرلها منكم و ده أقل واجب تعملوة " و أنتم طبعا أدها و أدود , عالعموم و عشان خاطر إنها صاحبة برايد بس هقول مبروك , بس ما تتأخريش علينا والنبى يا برايد فى التفاصيل علشان عاندى واحدة صاحبتى و ناوية أطبق عليها الخطة , و ياريت تستعجلى عشان رمضان داخل , و برضة هيبقى الواحد يعنى اللهم إنى صائم و عاوز يركز النية و الدعوات فى إتجاه تانى خالص , و أكيد أنتى فاهمانى طبعا ! و سلام
زيزى
قال يا قاعدين يكفيكوا شر اللى ....
خييييييييييييييييييييييييييييييير؟؟؟؟؟؟
انا قاعدة بتخيل اللى انتو عملتوه
ههههههههههههههههههههههههههههههههههههه
اوعى بس تسيبنى لتخيلاتى لاحسن هروح بعيد اوى
كل سنه وانتى طيبه يا قمر
عقبالك يا برايد
ان شاء الله غت ما قريب
يادى الحوسة
عملتوا إيه فى البت
دوستوا على طرف الفستان و طرحتوها أرضاً و لا إيه ؟؟
شوقتينا يا غدغود
بس هيا بصراحة تستاهل اللى بيجرالها
تحياتى يا غادة
أخذت لينك المدونة من المتالقةدوما داليا يونس على سبيل التجربة... والحمد لله جظى طلع حلو المرة دى.... على غير العادة !!!1
:)
تعالت ضحكاتى كثيرا اثناء قرائتى للموضوع... اسلوبك فوق الوصف بالفعل
بالتاكيد سوف آتى قريبا
تحياتى يا غادة
ملحوسة : لا ادرى لماذا احب اسم غادة كثيرا
انتهت الملحوسة
شكرا
تتجوزيني ؟؟؟؟؟؟؟؟
لا مش للدرجاتي
هههه بس حلوة
السلام عليكم يا برايد بجد اسلوبك جميل جدا انا اول مره اعلق علي المدونه بتاعتك
هز لسة فى حد بيتجوز فى البلد دى
عقبالنا يا رب
اولا:السلام عليكم ورحمة الله وبركاته وكل سنة وأنتو وكل الناس بخير
ثانيا :أنا من أشد المعجبين بالمدونة بتاعتك يابرايد ودايما بتابعهاويارب دايما في تألق
ثالثا :أحب أحييكي على الحس الوطني العالي اللى عندك(طبعا مش خايفة على مصر من الزحمة والتكدس السكاني )وإنا لله وإناإليه راجعون(الله يرحمك يانها)بس تستاهل إيه اللي يخليهاتغلط الغلطة دي وتتجوز
مدونتك جميلة جدا
والف مبروك لصاحبتك وعقبالك ان شاء الله
بس مقلتيش حصل ايه بعد كده
يا عينييييي عليها
بجد بجد خايفة عليها اوي
عملتو فيها ايه ها هاهاها؟؟
كل عام وانت بخير بمناسبة شهر رمضان المبارك
شكرا
برايد
كل سنة وانت طيبة ورمضان كريم
مستنية اشوف عملتوا اية..قال ياخبر بفلوس بكرة يبقى... بس خليكوا رحيمات بيها معلش العفوعند المقدرة وبعدين خدى بالك ده الزمن دوار
السلام عليكم
طبعا انا مش محتاج اقول على جمال الاسلوب
بجد المدونه دمها خفيف جدا جدا
واتمنى انك تزورى المدونه بتاعتى
نفس الكلام كده
كوميدى عالاخر
http://3eeshayamak.blogspot.com/
مستنى زيارتك
وتشريفك ليا
nice post makes me smile
kamely bsor3a :D
بصراحه انتى كاتبه الكلام بالعاميه وانا فى حاجات مفهمتهاش انا بس عايزه اعرف ايه القصه دى دى قصتك مثلا
بجد موووووووضوع جميل ورقي
ومدونه جميله
جداااااا
بالتوفيق سا غاده
أنا كل أما أدخل المدونة دى أفضل أقرا أجرا أجرا
وف الآخر أنسى أكتب تعليق
أنا فعلا معجب جدا بطريقتك فى سرد الأحداث
بس بلاش الغل اللى جوانا دا
أصل أنا مرة قلت لواحد هيتجوز أوعه تعزم شباب لسة متجوزش
عشان ميحقدش عليك
بس ان شاء الله على حس مدونتك
هتلاقى أمم بتتجوز
ربنا يكرمك ويوفقك
تقبلى تحياتى
أخوكى الصغير: رامى
انتم بتهزروا لكن المواضيع دي مافيهاش هزار هي ممكن تزعل بجد
هههههههههههههه
زى العسل كالعادة بس عايزة اعرف العروسه حصلها ايه
ياالا هى اللى تستاهل
و عقبالك يا قمر
غادة يا جميلة
كل سنة وانتي طيبة بمناسبة رمضان والأيام الجميلة دي
وبخصوص البوست فطبعا زي العسل كالعادة
ربنا يوفقك وتحياتي ليكي
وبخصوص اللي بالي بالك بقولك تاني كملي
وماتخافيش
بنت مصر القرن 21
سوري يعني بس هي هتفرق معاكي في ايه
ان كانت قصة حقيقية او من تأليف غادة في كل الأحوال هي كتبتها بأسلوبها اللي زي العسل واللي ماحدش يقدر يتكلم فيه
وبخصوص ان اللأسلوب بالعامية فلأن الموضوع دة يتطلب كدة انه يتكتب بالعامية متهيألي لو اتكتب بالفصحي هيكون سمج ولن يحقق كل هذه الكوميديا والضحك العالي جدا عند المتلقي
في مدونة غادة الأخري هناك موضوعات بالفصحي يمكن ان تتطلعي عليها فهي ايضا تجيد الكتابة بالفصحي
غادة كاتبة لا احد يختلف عليها
بدليل نجاح المدونة والكتاب
السلام عليكم ورحمة الله وبركاته
ربنا يتمملها بخير وعقبالك يا جميله
وعقبالنا كلنا بابن الحلال الى يتهلنا ونستهله
اول مره ادخل المدونه
شوفتك فى العاشره مساء عجبتنى تلقائيتك ودمك الخفيف
انتى زى السكر
وربنا يوفقك
كل عام وانتى بخير والى الله اقرب وفى طاعته ادوم
ورمضان كريم عليكى وعلينا
والسلام عليكم ورحمة الله وبركاته
افترا على كل لون
هههههههههههههههه
ليه كده ده بدل ما تقرصوها فى ركبتها عشان تلحقوها فى جمعتها
ههههههههههههه
بس بجد واضح انكم عملتوا معاها عمايل رهيبة
مستنين الاقى عشان نعرف كيف تمت عملية الانتقام
السلام عليكم و رحمة الله و بركاته
كل سنة و انتى طيبة يا برايد
أو غادة
و رمضانكريم و يعوده عليكى بخير
دا أول تعليق لكن مش أول زيارة
ربنا يكرمك ياغادة يارب
و يرزقك بابن الحلال
و كل بنات المسلمين
بس ماقلتيش
فين مقر الحزب عشاناللى عاوزين يشتركوا فيه؟؟؟
خالص تحياتى لكى
كل سنة وانتي طيبة والسنة الجاية ان شاء اللة اشوفك متجوزة وعندك 7عيال
قولوا امين
ههههههههه ايوه هى دى الاصول يعنى ينفع هى تتجوز وانتو واقفين تتفرجوا
ده حتى عيبه فى حقكم
انتى كده بتفكرينى بعائله الحاج متولى فى يوم جوازه الرابع
وربنا يحفظك ويجبلك عريس على خير
(ياجماعه اكيد اللى اتجوزت دى عامله عمل للعريس اصل ماشاء الله كل فين وفيييييييييييين ما مظموظيل تلاقى عريس(وكل عام وانتم بخير بمناسبه رمضان وارجو منكم زيراة مدونتى الحزينه لان مافيش حد بيزرها فارجوكوا ارفعوا معنوياتى شوى
وسلامى للجميع
تحفه بجد.عاجبني اوي استخدام احداث الفرح في التعبير عن كل احداثنا الجاريه.
والتشبيهات الجامده اللي بتستخدميها
ياريت تزوري مدونتى
www.naksh-frakh.blogspot.com
هههههههههه
طيب آني منتظرة الخطة، علشان أتعلم للمستقبل
هتعملوا فيها ايييييييييييه ؟؟؟؟
ربنا يستر
:D:D:D:D:D
مدونه و كتاب تحفه
بجد ربنا يوفقك
انتظر معرفة الخطة بالفعل
كالعادة يروقنى جدا اسلوبك هذا
كل سنة وانتى طيبة ورمضان كريم
ولو انك ماقلتيهاش لينا :)
بانتظار اكتمال الحادثة
فعلا جو جميل
وانتم ناس جميلة
ههههههههههه والله دمك زى العسل ا
انا لسه مكتشف المدونه من قريب وبصراحه انبهرت بيها اوى
غادة كل سنة وانتي طيبة يارب السنة الجاية تحققي كل اللي انتي عاوزاة
بس اية التخطيطات الجامدة دي ربنا ما يحكمكم علي عروسة
وممكن اعرف كيفية الإنضمام لجمعية ( كتع )
دي مصر يا برايد
بكره تتعدل ان شاء الله
وتلبسي الفسان الابيض
وتلاقي عريس
وتخلفي عيال مدونين صغيرين
وتزهقي من الجواز ومن العيال ومن اللي عملتيه في نفسك
هي دي سنة الحياة
بس الكلام دا ميغنيش اني عاوز اعرف عملتوا ايه في البنيه
رميتو في عبها فار
ولا رشيتوا عليها ميه مقري عليها تدوينة حسد وقر
ربنا يستر
أمال بقى لو شفتي مدونة زي المدونة دي
http://romanciyat.blogspot.com/
تقولي على الناس الرايقة دي إيه؟
ورينا بقى الشغل
اللهم ارزق كل بنت بعريس هدية.. وكل شاب بوظيفة وشقة وعربية واضرب الحرامية بالحرامية ونجح أي طالب في أي كلية حتى ولو كان في خدمه اجتماعيه اللهم نجنا من الوقفه للعيش في الطابور ومن اكل الفراخ ام انفونزا الطيور آآآميين
اليوم كان هناك حوار فى اذاعة البى بى سى حول فكرة ان تقوم الفتاة بخطبة الفتى و جاء ذكر المدونة و اخذت جزء كبيرا من النقاش ..
انا متابع من زمن طويل تحياتى على مدونتك التى احدثت اثر كبير . فى نفوس الناس
اولا اسلوبك جميل قوى
ثانيا مبروك لنهى
ثالثا عقبالكوا كلكم
قولوا امين بسرعة
الظاهر والله أعلم
داريتوا على البنيه ومخلتوهاش تطلع في الصوره
صح مش كده
.
.
.
.
.
صح
ولا عملتوا أيه ؟؟؟
هي القصه دي ليها جزء تاني ولا كل واحد يخمن مع نفسه
تحياتي يا برايد
ورمضان كريم
مدونتك حلوة
انا مدونة جديدة وعايزة اعرف رأيك
هههههههههههههههههههههههههههههه
ما بلاااااااش يوم ليك و يوم عليك محدش عارف ممكن يعملولك إيه أنتى كمان.....عقبالك إن شاء الله بس منغير خساير و كل سنة و انتى طيبة
والله أنتي عسل
اشكرك على خفة دمك
اناعارف ان فى كتير اوى حاولوا يعملوا مدونة يردوا فيها على اللى بتكتبيه
انا بقى منهم و مش منهم
الموضوع مفهوش رد ...الموضوع وجهات نظر و مساحات للتقاطع و التماس و التنافر
يا ريت تدخلى على مدونتى المتواضعة
اعتقد انها حاجة مختلفة شوية عن اللى اتكتب
و ربنا يرزقك يا بنتى بابن الحلال اللى .... ينشر مدوناتك و كتبك الجاية و رمضان كريم
حسام الدين فاروق كات قصة قصيرة على اده و صاحب و مدير
مدونة عاوز اتجوز
و ليس لنا فروع اخرى
http://3wezatgawez.blogspot.com/
منتظر تعليقاتك
و عندى اقتراح لحفلة توقيع فى القاهرة
بس عاوز اعرف بالضبط انتى عملتى حفلات التوقيع فين؟
امممممممممممم
........أكيد هجمتوا عليها وفجأة
قرصتوها ف ركبتها
!!علشان تحصلوها ف جمعتها
هههههههه
أتاااري..يوم كانت بتسألنا على محلات صيني و نسألها ليه تقولنا باعمل حسابي لعيد الأم..يوم تسألنا على دمياط نقولها إشمعنى تقولنا نفسي في أكلة سمك..الكبيرة بقه يوم ما سألتنا على محل فساتين فرح و قالتلنا إن صورة جواز مامتها إتحرقت و عايزة تأجر فستان تتصور بيه تاني..و إحنا صدقنا؟..هو إحنا هبل قوي كده والا إيه؟؟؟
ههههههههههههههههههههههههههههههههههه
دمك مش شربات وبس يا بنت دمك مليهش زي ابداااااااااا
لالا انتو مش هبل انتو طيبين ومن طيبتكم صدقتوها ياستي ولا يهمك هي راحت لقضائها بايديها بلا جواز بلا هم
دمتي بالف خير يا اروع واخف دم
ربنا معاكي يا سكر
انا قريت الكتاب الاول حاجه تفرح بجد
تسلمي انا بدور علي القصص الحلوه بملقاط
انا كمان شوفت مدونه عجبتني جدا
بس قصص رعب
يا رب اشوفها زيك كده
http://nehadstory.blogspot.com/
تسلمي يا سكره
انا شوفت الكتاب رووووووووووووووووووووعه
ما شاء الله
انا بحب القصص مووووووووووووووووووت
و لاقيت لنك حلو اوي لقصص الرعب جد خيااااااااااااااااااااااال
http://nehadstory.blogspot.com/
ههههههههههههههههه
حرام عليكوا
ليه الحقد ده
هههههه
طبعا كنت بهزر
ازاي نهى تسمح لنفسها
تعدي مرحلة الخطوبة
اتموا الخطة بنجاح
هههههههههههههههههههههههه
مقال حلو قوي عنك و عن الكتاب
http://www.myegyptmag.com/index.php?name=News&file=article&sid=714
ههههههههههههههههههه
البوست كان عمال زى المبارة العنيفة
اللى بين الصابون و الليفة
بجد استمتعت جدا بتعليقاتك
بس ياترى لو انتى مكان نهى
كانوا اصحابك هيعملوا معاكى ايه.
نهى أنا قريت كتابك... ودلوقتي بتابع مدونتك... انتى موهوبة... وفعلا ألهمتينى
غادة ... انتي مبدعة بكل المعاني
واسمحي لي أكون أول عضو يحمل رسالتكم السامية (كتــع) في الامارات...
great blog
:)
رائع يا غادة وربنا يسعدك
السلام عليكم ورحمة الله
على فكرة انا اول مرة ادخل البلوجر دا
بس بجد والله
حضرتك رااااااااااااائعة بجد
اسلوب اكثر من رائع
دمتي بخير
اختك في الله (شمس)
كنتى منوره نهارده فى برنامج بيت شريف فى نايل لابف واحنا كنا من يومين رحنا المحله نزور ناس اصحابنا قولت اهو جاتلى الفرصه اشوف غاده
بس انا ماعرفش مكانك فين
هو االمستشفى اللى انتى فيه اسمه ايه؟؟؟؟؟؟؟؟؟؟؟؟؟
انتوا زي الفل
بس افتكروا قبل ما تحرقوا فستانها "كما تدين تدان "
رائع واكثر من رائع تحياتي
مدونه رائعه لانسانه اكثر من رائعه.
بعيد انا عن مصر من 5 سنوات ومنعزل تماما عن الحركه الأدبيه والكتابات الجديده. بالصدفه عثرت على مدونتك وأخدت يومين اجازه قريتها من الأول للآخر . شفت لقاءاتك على اليوتيوب . حقيقى جرعه غريبه من السعاده والفخر بيكى كمصريه . نظرتك ورأيك جدا صائب
المشكله مش الجواز انما الانسان (الانسانه) المناسب
ضحكت من همومنا و طباعنا كما عودنا أ:محمود السعدنى والرشيق بلال فضل
تحياتى لك ومزيد احترامى
السلام عليكم غادة
وبجد البوست جميل وعقبال ما نفرح ببنات مصر كلهم متجوزين كده زى نهى هههههههه
وبلاش العمنايل اللى بتعملوها فى الناس دى علشان كما تدين تدان ههههههههههه
دمتى لنا بخير ويلا سلام
ضحكتينى
ماهى الحياة ماشية كدة
where are you girl....
what did happen ????????????
متخفيش لا العمشةبتبور ولا ام الشعوروانت قمر خلي بالك الدنيا قصاص خفواعليها
بصي انا أول مرة ادخل عل بلوج و بجد بقالي كتير مدحكتش كدة, انت هايلة بجد و الاحلى روحك حلوة قوي و الاحلى الاحلى انك بتعرفي توصلي الحاجات ببعض بطريقة مبتكرة قوي تخلي الواحد مش بيحود عينه عن الكلام إلا لما يخلصه
beeeeep beeeeeeeep
happy eiiiiiiiiiid
المدون الزميل المحترم
بعد التحية
ندعوكم لحضور ملتقى مدوني الشرقية الأول
يوم الأحد 5-10 الساعة الرابعة مساءً
بمقر النادي الإجتماعي بالزقازيق بشارع مدير الأمن أمام حزب الوفد
و الدعوة عامة لجميع المدونين من أي حتة ف مصر
وللمزيد من التفاصيل يرجي زيارة اللينك التاااااالي
http://goharyblog.blogspot.com/
و كل عام و انتم بخير
أنا أول مره قرأت فيها المدونه بتاعتك
أعجبت بموضوعها جدا لانى أعتقد انه موضوع
العصر والمشكله اللى بتقابل كل فتى وفتاه
وبيعجبنى كتير اسلوبك الفكاهى اللذيذ فى عرض الاحداث وبيغير من الواقع المأساوى للموضوع
وفى النهايه لازم أهنيك عليها
مروى سعده
اغيب لظروف خاصة وأعود كل مرة لأجدك في ازدياد من حلاوة الروح وخفة الدم وظرف الخلق ..
كذلك قرائك ومتابعيك ِ يزدادون .. أما كتابك
فأكثر ما يحزنني أننى كنت اعمل في استاد القاهرة وقتها وكنت أزور معرض الكتاب ولكنى لم أكن اطيل الزيارة لظروف الدراسة والعمل والمرض ايضا لذا لم اعرف فقد غبت مده طويلة في المشفي
تحياتي وتمنياتي بالتوفيق
ايه ده أعوذ بالله كده هصدق بجد ايه الحقد ده بس افرحوا للناس علشان ربنا يسهل ويفرحوا فيكو قصدى بيكو:D
بس عموما حزب كتع ده هنشوف هيعمل ايه
Hii everyone, this is Farah a student doing research about blogging and is amazed by the work of BRIDE, Would you please all help me and fill out this survey for my research? i would be more than thankful
http://FreeOnlineSurveys.com/rendersurvey.asp?sid=3my3gf38kl7dwn4514955
Thank you very much
bgd ana mmo3gba b tr2tek fie sard afkarek bgd u make me laugh w ana fie 3ez za3ali w nakadie w ana bgd tol 3omy ba2ol en el bnat mnfsna 3ala ad ma ana bent bs ana m2drsh ykon lya best frnd girl momken friend 3adya bs best friend l2 ana ba2tamen el welad aktr bkteer men el bnat 3ala 3ks en fie nas tigie t2olek dah el wlad dah low 2oltelo 3ala haga yzlk w yfdahk l2 ana b3trd 3ala el tfkeer dah l2n ana 3ndie best friend boy from 6 years mosh ha2olek 3aref blawie kol haga w 3omro ma zalnie 3ala el 3aks dah kan aktr wa7ed gad3 m3aya enma ta3ali ba2a w e7kie lie bnota gamila 3ala haga tl2eha 2alet lie s7btha w t2olha mt2olesh l7d w s7btha die t7kie ls7btha w t2olha mt2olesh l7d ....l7d ma tla2ie el shela kolha 3rfa dah low mknsh el kolya kolha 3rft ..... hehehehehe hya sdaket el girls 2 each other bs harga3 w a2ol m2drsh agm3 3shan mosh kol el nas w7sha w mosh kol el nas kowysa ana btklm 3n tagroba lya bs aked fie bnat kowysa bs i didnt c then yet fa aked ana m2drsh agm3 kolo fie tb2 wa7ed
bs ur z best that i saw bgd
el mohem a5deto el entkam wala l2
ياريت تشاركونى ارائكم فى مدونتى http://msnarabia.blogspot.com/
الكبيرة بقه يوم ما سألتنا على محل فساتين فرح و قالتلنا إن صورة جواز مامتها إتحرقت و عايزة تأجر فستان تتصور بيه تاني..و إحنا صدقنا؟..هو إحنا هبل قوي كده والا إيه؟؟؟
هههههههههههههههههههههههههههههههههههههههههه
bs bardo lsa 3za atgawezzz ana 7asa eny 3naest m3 eny lsa 20 sana bs
maho akeed lazem a7es bkeda we fe banat tanya asta3'fr allah el 3azeem ya rb fahmeeen asdy tb3n byt5etbo we bytgwezo
wana lsa a3da
shakl el a3da hataweeeel keda
بصراحة المدونة لذيذة ولكن كان من الممكن تكون أكثر تنسيقا وترتيبا
وعندي سؤال هو في فريق عمل بيشتغل معاكي في المدونة ولا هي بمجهود شخصي ؟
بس بجد شئ جميل إنه يكون في واحده عندها الجراة إنها تدخل في مجال زي ده كله تلطيش
الرجاله بتخاف منه والأحسن إنك تكوني فهماه ربنا يوفقك ويرزقك بإبن الحلال
وأتمني تزوري مدونتي وتقوليلي رايك
محاسب/ محمد الجريدي
eglibrary.blogspot.com
كنت بحس كتير انى نفسى اقول اللى بتقولية بس اللى حساة اكتر دلوقتى بعد تجربتين ارتباط فاشلين انى مش المهم انى عايزة اتجوز المهم اتجوز من حد انا عيزاة .
..will i get what i want
will i want what i get ..
تلك هى المشكلة بجد يا برايد
العرسان كثير وببلاش
بس انتي اتاشري
الكتاب هايل ما شاء الله..
عايزاحييكى على اسلوبك الظريف جدا، بالرغم أنك أكيد سمعت الكلام ده كتير قبل كده
سيبك انتي يا بربر يا حبيبتي,اما انا اكتشفتلك كام طريقة للمصايد الصحزكل مرة حقولك علي طريقة انقح م الى قبلها بس يا رب اسلم من لسانكز
صاحبت صحبيتى محنة.....اقصدى منة بتشتغل ف مكتب زواج و توظيف ع اساس ان الوحدة لو ماسترزقتش بعرس تطلع بشهرية........اقصد شغلانة
وايشى خيال يا برايد!!!! قال ايه الخمس عرسان بخمسين جنية....اه لحد مئتين جنيه وقولتلها و ايه الفرق قاللتلى ع حسب المستوى؟؟؟؟!!!هو يعنى ف واحدة حتنتن ع المىة وخمسيين الزيادة...و تاخد واحد نص كم.....
الخولاصة....انا ححكيلك حكا ية محنة و عرسانها ......الى بخمسين ....و الى بمتين. تبعتيلى ميل تقولليلى يا سارة .....احكى يا شهرزاد......اصلها كل حكاية انأح من التانيةو انا يا اختشى مش جاوجع ف صوابعى و ماعرف الكلام ده رايح ف التراوة.
Ghada......u r great....keep going
اللهم زوج بنات وشباب المسلمين واغنهم بحلالك عن حرامك اللهم امينhttp://radionoureleman.blogspot.com/
بجد شىء رااائع ومدونه رااائعه وأفكار أروع
وانا دخلت عالم المدونات وبعمل مدونه جديده ليا بس بجد هاتجنن ومش عارف اضفها على جوجل ادخل واجبها من جوجل زى اى مدونه او موقع عادى ياريت حد يقلى يا جماعه اعمل ايه او ادينه رابط المدونه ويضفهالى على جوجل
http://ba7arya.blogspot.com/
ياجماعه عادي نهي اتجوزت مش مشكله انتو اكيد الامور ديه مش بتفرق معاكو خالص انتو ارقي من انكو تفكرو في الجوازوالكلام الفارغ ده
ايه ده...فين بقيه القصه؟؟؟
جميله جميله المدونه ربنا يكرمك ويبارك فيكى يارب
دى احلى مدونه شوفتها نتمنى المزيد يا استاذه غاده
بجد انتي بنوته زي العسل و جتي علي الجرح مظبوط و ضغطي ربنا يكربمك و يكرمني و فعلا المشكله انك بنت ليكي شخصية و علي فكره انا لو كنت ولد كنت خطفتك و اتجوزتك يا أعقل و اجمل بنوته
http://fatmabloogger20.blogspot.com/ atmna t2olely ra2yk fktabaty 3shan ana mo3gaba bktabatk gedn wyhmny ra2yk
مدونة جميلة
Post a Comment