أخييييييييرا ..و بعد طول إنتظار ....حفل توقيع نواحينا..أي و الله
تدعو إحدى بنات الأقاليم اللي هو حضرتي ...بقية أبناء الأقاليم اللي هما سيادتكم لحضور حفل توقيع بمكتبة
books & beans
بالمنصورة
(المشاية السفلية ..أمام نادي جزيرة الورد)
يوم الجمعة الموافق 25 يوليو في تمام الساعة الثامنة مساءا
يعني الدقهلاوية ..يعني الغرباوية..يعني الكفراوية..يعني البحاروة..يعني الشراقوة ..يعني المنايفة (ياللا إشمعنى هما يعني) وكل أبناء المحافظات الشقيقة اللي بيشتكوا إن الكتاب مش موجود عندهم و كل اللي إشترى و عايز توقيع للمستقبل ..يمكن يغلى ولا أحمد عز يحتكره و ماتلاقوهوش
نحن في إنتظاركم
(زيارتك تسرنا و سيجارتك تضرنا)
و دمتم
49 comments:
لازم يعني سيجارتك تضرنا دي
طيب ابان انا مثقف وسط الخلق ازاي ان مكنتش اضرب لي كام سيجارة وانا حاطط رجل علي رجل
راجعي نفسك من اجل المدخنين المساكين المغلوب علي امرهم
وهاقول ايه
الله يرحمك يا أبا الشيخة يوسف اللي خلتني نشرب سجاير المكنة بدل سجاير اللف
اكيد مش محتاجة اني اقولك ان مدونتك تحفة واكتر شهرة سواء علي النت او في المكتبات
طيب واهالى الصعيد بالصلاه على النبى مالهمش نصيب لا فى الكتاب ولا فى التوقيع
انا بحب مدونتك جدا , ودورت زماااااان ايام معرض الكتاب على كتابك مالقيتوش
هو الكتاب بكام عشان الواحد يعمل حسابه بس
احنا لازم نقوم بالواجب بقى ما دام جايين لنا في بلدنا ، قولي بس انتي جاية من أنهي طريق و أنا أفرشهولك ورد
;)
على فكرة يا غادة حتنوري المنصورة
انا حاحاول اكون هناك في يوم اجازتي الجمعة
انا من هناك لكن اعمل في القاهرة
حتنوري بجد
يا سلام يا اختى يا سلام
يا احنا مالناش نفس ولا ايه
دا حتى اسكندرية اليومين دول هواء وبرد وفااااااااااااااااااضية وتتمشى فى خالد بن الوليد كدا متلاقيش صريخ بن يومين
(بهزر طبعا خالد بن الوليد ولا يوم الحشر:)
المهم مستنيينك عندنا
نحاول نرتبلك حاجة فى مكتبة اسكندرية:)شغب على كبير بقى
مبروووووووووووووك
انتى مش كنتى شيلتى الموديريشن:(
اعرف معنى واهميه الحدث ، خطوه جيده جداً يؤسفى الا استطيع المشاركه فيها
احلى خطوة
من احلى بنوتة
انا كنت زعلان جدا انى مالمحلة
ولسة لحد دلوقتى مشوفتكيش او اخدت توقيعك عالكتاب
بس اهى الفرصة جات
تقصدى ايه يابقى يا انسة غادة ب (المنايفة (ياللا إشمعنى هما يعني))
مالهم المنايفة بقى
دة انا عملتلك دعاية عندى فى الشغل كدة برضة
مكانش العشم
(انا بهزر طبعا:) )
عموما تنورى اى مكان تروحيه يا قمر
ازيك ياغادة
انتى تنورى المنصورة انا طبعا ان شاء الله يعنى هحضر
انا كنت شفتك فى حفلة توقيع علاء الاسوانى فى مكتبة books&beans
انا كنت متوقعة ان تكون حفله بعديه علطول هى اتاخرت اوى
لكن المهم انها جت وخلاص
سلام
هتنوري المنصوره يا احلي غاده
مبسوطه قووووووووووي اني اخيرا هشوفك ان شاء الله
ياسعدهم ياهناهم بجد أنا بحسدهم لأني من القاهرة ومروحتش معرض الكتاب ياريت ننول الرضا بس ونعرف نحصل على الكتاب وإمضائك للذكرى الخالدة .
الف مبروك يا برايد وربنايوفقك دايما يارب
يااااااااااااااه
أخيرا يا غادة .. إيه الرضا ده كله
إن شاء الله هتلقينى هناك.. ما هو مش هسيبك المرة دى
سلام يا جميل لغاية ما أقابلك هناك
مالهم المنايفة بقى يا ست برايد
هههههههه
من نجاح لنجاح ان شاء الله
تحياتي
اشكرك بجد لانى ضحكت جدا من القلب
للامانة انا مكنتش اعرف حاجة عن مدونتك
لما قريت الكتاب فى مكتبة ( البلد)
موت على روحى من الضحك
و لكنه على راى اللى قال
ضحك كالبكاء
بس هو على اى حال ضحك
احسن من النكد
و على راى خالتى بهانة
هم يبكى و هم يضحك
المهم
بجد كتابك استفزنى
قريت اكتر من تلات تربعه
و اللطيف فى الموضوع انى استفزيت اوى
و قررت قرار خطير
انى اعمل معارضة
انا قصدى معارضة ادبية
انا نادرا ما بكتب بالعامية
انا بكتب قصة فصيرة
انتى طبعا سرحتى منى
انا قررت اعمل مدونة زيك
و اسمها عاوز اتجوز
و نشوف بقى مين اللى يكسب
الجنس الناعم ناعم و لا الجنس الخشن خشن
نسيت اعرفك بنفسى
انا حسام
34 سنة
عااااااااااااااا
عااااااااااااااازب
و تخيلى عاوز اتجوز
مش غريبة دى
مش حاقولك
اصل الامكانيات المادية و الحاجات دى لكن فى حاجات كتيرة فقعت مرراتى
و انا سالت مرة دكتور لو مرراتى اتفقعت يحصل ايه قام قالى
تموت بعد الشعر يعنى
علشان كده قررت بجد اعمل المدونة دى
كنت عوز اسميها فقع المرارة
بس لقيتها مش ناقصة مرار
اسميها احسن عاوز اتنيل ..اسف قصدى عاوز اتجوز
عموما مستنى تعليقك على تعيقى من رقبتى
http://3wezatgawez.blogspot.com/ اشوفك على خير و الف مبروك على حفل توقيع المنصورة
انا متابعة المدونة من زمان اوي
و انا من الكويت و حبيت اسأل عن الكتاب متى يكون متواجد في المكتبات؟
مجهود رائع يا برايد ربنا يوفقك
ومبروك علي اهالي الاقاليم انا بحسدهم عليكي
ويا تري حتشرفينا في اسكندرية امتي يا برايد مستنينك علي نار
الحقي قبل الصيف ما يخلص
هييييييييييييييييييييييييييييييه
أنا انشاءالله جاي على طول
افتكرى بس
أوسس أو اسامه يوسف
بتاع
خليك واقعى
ومافيش فايده
هيييييييييييييييييييييييييييييييييه
اه
هاخد احمد منصور في ايدي
واجيلك
يا عثل
هااااا أخيراااا يا غاده هشوفك وأقابلك بجد كنت منتظره اليوم ده من زمان علشان احصل على الكتاب وأهديه لصديقاتى اللى مقرأهوش ،،منتظرينك كلنا ان شاء الله بس متتأخريش بجد المنصوره وشارع المشايه كله هينور بيكى
ربنا يوفقك
السلام عليكم
بجد
انتى هتنورينا
انا مش مصدقه
بس مينفعش المعاد يبقى بدرى شويه
يااااااااااااااارب اعرف اجى
ادعيلى بقى علشان بجد انا هموت واشوووووووووووووووفك
واااااااااااااو
انا من المنصوره وان شاء الله هاكون موجوده يا برايد
المشايه بينها وبين البيت ربع ساعه
اشوفك على خير يا جميل
تنورى بادكتورة وانا هجمع صيادلة على اد مااقدر من زمايلى وزميلاتى عشان نرحب بيكى لانك بجد رفعت راس الصيادلة كلهم وخصوصا المهتمين بالادب لاننا كنا بنتعاير بمصطفى محمود ويوسف ادريس وابراهيم ناجى والمخزنجى من بتوع طب اخيرا ياناس فيه صيدلانية اديبة اخيييييييييييييييرا احمدك يارب
عمار
المنصورة
تنورى بادكتورة وانا هجمع صيادلة على اد مااقدر من زمايلى وزميلاتى عشان نرحب بيكى لانك بجد رفعت راس الصيادلة كلهم وخصوصا المهتمين بالادب لاننا كنا بنتعاير بمصطفى محمود ويوسف ادريس وابراهيم ناجى والمخزنجى من بتوع طب اخيرا ياناس فيه صيدلانية اديبة اخيييييييييييييييرا احمدك يارب
عمار
المنصورة
يا سلام
المشاية السفلية ..أمام نادي جزيرة الورد
دا فين وازاى
يعنى هنزل آخر خط المكروباظ
ولا ايه
أفيدونا
هاي يابرايد
ازيك عاملةايه؟
والله انتي زي العسل
وعلي فكرة انا بعد اذنك طبعا
نزلت المدونة بتاعتك في منتدانا
وده اللينك
http://www.3rbcafe.com/vb/t7962.html#post68156
وياريت تكلملي
وبنجاح علي طول ان شاء الله
مبروك
أهلا بيكي يا برايد هتنوري المنصورة وانشاء الله الكتاب بتاعك ينجح
وربنا يكرمك وتلاقي ابن الحلال اللي يستاهلك
سلام مربع من كل أهل المنصورة الكرام
مصرى متغرب
اهلا برايد ازيك
ممكن تأجلى الحفل لحد الاجازة الجايه
انا نازل منتصف سيبتمبر
والا تعملى لى حفل توقيع خاص بى
كان نفسى اكون فى استقبالك فى المنصورة انما ما فيش نصيب
اتمنى لك حفل موفق ان شاء الله
عزيزتى غاده
-----------
انا حضرت اليوم حفل توقيع الكتاب
المنصوره كلها كانت منوره بيكى انتى
ورحاب
وكنت سعيد جدا بحوارك وتلقائيتك فى الكلام
وكنت اسعد عندما تفضلتى بالتوقيع على نسخة الكتاب
فيه ناس اول مرة نشوفهم نشعر اننا قابلناهم او نعرفهم من قبل
انا قولت اكيد من كثرة مرورى بمدونتك
تحياتى
برايد
:)
الحفله كانت تحفه
وبجد بجد ربنا يخليكى
انا مسكت الكتاب اكلته اكل وخلصته فى ليله
وكل خمس دقايق ابص على الاهداء
مع انى اصلاً كنت قاري البلوج كلها قبل امتحان الإعداديه
كنت باتسحب واقراها فى الخباثه
الدلتا كلها كانت منوره
وللأسف الزقازيق مافيهاش حته عدله نستضيفكوا فيها
تحياتى
ملحوظه:أنا آسف انا مشيت بدرى علشان مواصلاتنا ضايعه
ظروف قهريه
:(
مع انى كان نفسى اطول
رابط البوم حفل التوقيع علي الفيس بوك
http://www.facebook.com/album.php?aid=5483&id=1032382678
عقبال الكتاب رقم 300ويكون له
برضه حفلات توقيع
هو حفلات التوقيع دي يعني توقيع بين الناس وبعضها؟
ربنا يوفقك
الف مليون مبروك ياغادة وعقبال الكتب اللي جاية
الف مبروك وعقبال الف كتاب
وعقبال حفلة توقيع في الصعيد
انا شفتك ف التلفاز
قمورة ما شاء الله
انا كنت مش عارفه ليه متخيلاكى طويله اوى ولست بجميله
بس طلعت ما شاء الله النور فى وجهك
مش عارفه بس حبيتك لما شفتك ف التلفاز
ربنا يكتب لك كل الخير يارب
الف مليون مبروك على الحفلة التانية
انا بتابعك من زمان قوى
بس للاسف اتأخرت فى تعليقى عندك
بس لما سمعت حلقة لميس الحديدىمعاكى انتى ومحمد فى برنامج اتكلم اتأكدت انى كنت غلطان من الاول
ولو كان بأيدى كنت حضرت حفلتك بس الظروف بقى
وعقبال الحفلة الجاية
sorry Ms. Bride bs 7a2i2i enty edetini ma2lb mo7tram !! i thought i would find new stories in the book, w kol elli fih belzabt goz2en godad bal3dad , wel ba2i kolo fil blog ....
maknsh fi da3i t2oly ro7o eshtro el ketab . .wala hoa maksb w 7'las???
''يعني الدقهلاوية ..يعني الغرباوية..يعني الكفراوية..يعني البحاروة..يعني الشراقوة ..يعني المنايفة ''
........ ألف مره
مدونة جميلة ومواضيع رائعة ... واصلى تميزك اختى ... اتمنى لك السعادة
عرب بس http://arabbas.blogspot.com
تعليم كمبيوتر تعليم انترنت دين ممتع ثقافة لذيذة برامج هامة للنساء فقط من هو؟ سياسة وصراحة أجهزة حديثة تكنولوجيا غريبة كلام أبكانى وأحيانى شاهد ولن تندم إضحك من قلبك
مدونتك توووحفه
هههههههههههههه
انا مش عارف بس انتي هتطقي ليه من ناديه الجندي ؟
انتي شايله ليه منها يا بنتي ؟
إكمنها يعني متوفيه من سنتين ؟ واللي مبتعملش عمليات تجميل ؟
اينعم هيه بتروح للدكتور وتقوله شيل وركب جديد علاطول اصلها بتعمل احلال وتجديد مش تجميل
بس يا مفعوصه انتي وسيبي النجـ ـقـ ـمه تكمل مسيرتها دحنا مهما كان شعبنا يستاهل اللي بيجرالوا برضوا
انا اتجوزت واحدة وقبل الدخلة وبعد كتب الكتاب
راحت رومانسيتها الكاذبة وبدات تعمل بنصيحة جوزك على ما تعودية
يعنى اكتشفت اها مبتحبنيش لذاتى بل لتخليصها من شبح العنوسة
يا خسارة
انا كنت ماوى اشترى الكتاب + التوقيع
لكن للأسف أنا قرأت البوست داه الساعة 2 : 30 صباحا بعد الميعاد بـ ستة ساعات تقريبا ..
ان شاء الله اشترية من المدينة او الشروق
رائع كالعاده
Post a Comment