Saturday, August 02, 2008

في الطريق

البت نهى عملتها و إتجوزت عااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااا
أنا كنت نسيت خالص موضوع الجواز ده ..من كتر تركيزي على الخطوبة نسيت إن فيه مرحلة تانية بعدها
المهم بعد الشفاء من الصدمة النفساوية دي سنوافيكم بالتفاصيل
البوست جاي في السكة بس إتقفش في كمين من اللي بيطبق قانون المرور اللي طالعينلنا بيه في المقدر جديد ده
المهم
عندنا نقص حاد في الحكايات الرجالي في بيت العرايس و العرسان ..كل الحكايات اللي بتجيني بناتي..و أنا مصممة إني أدي الفرصة كاملة للطرف التاني ...عشان ماحدش يقول عليا منفسنة و باضطهد الرجالة ( مع إنهم الصراحة يستاهلوا الإضطهاد .. مش كلهم يعني عشان ماحدش يزعل ) ما علينا ..المهم هاعمل بأصلي برضه و في انتظار الحكايات يا إما نلغي موضوع العرسان ده و نخليه بيت العرايس و خلاص ..يا ساتر آدي آخرة عمايل الخير و بعد كده يشتكوا و يقولوا الجنس الناعم بيظلمنا و يطالبوا بالمساواة
ياللا يا باشا إنت و هو
مواقف مضحكة مقالب سخنة انهيار عصبي ..كله مطلوب ..كا ما نرجوه بس إننا مش عايزين نسمع نهايات سعيدة عشان ماتقلبش علينا المواجع
و نحن في الإنتظار
________________________________________________
في إستجابة سريعة من السادة المسئولين


إليكم رائعة بيت العرايس و العرسان الجديدة


ماحدش يسألني يعني إيه ..روحوا شوفوا بنفسكم

64 comments:

د/اجدع بنوته said...

مبروك لنهى

وعؤبالك ياغاده يارب

الطائر الحزين said...

خلينا نرجع بالذاكرة لورا ونفتكر اللى فات
وان كنت نسيتوا اللى جرى هاتوا الدفاتر تتقرا
مبروك لنهى

lara said...

I am first. Have a nice day

إيما ( أم البنين) said...

ألف مبروك لنهى ..وعقبالك ياجميل ...لما تنضمي لطابور المدامات ..السعيييييييييييييداااااات....والأمهات المرتاااااااحاااااات
تحياتي

Pink Unicorn said...

نهى اتجوزت؟
طيب معلش ماهى لازم برضه كانت حتتجوز فى يوم من الأيام
:))))

معلش يا غادة
ان شاء الله انتى العروسة الجاية
وعقبال كل البنات

عمو عزت من روما said...

مبروك للكتكوتة نهى وانتى يادكتورة غادة عقبال مايجيلك ديك تور وتريحينا ياست البنات

السعادة said...

يا ألف نهار ابيض
ومليون مبروك
وعقبى للبنات كلها
بصراحة يا بنات انتم مساكين
والله أعلم

برغوتة said...

مبرك لنهى

وعقبااااااااااااااااااااااااااااااااااااالك

ونيجى نزغرد

بس لو كنت قولتيلى كنت بعت شوية براغيت الفرح


ما تفهمنيش غلط


براغيت الست

تحياتى

وفى انتظار فرح نهى

رضوى عمرو خالد said...

يااااااااااااااااااااااه يا غاده
اخيرا رجعتلنا عودا حميدا وعقبالك وعقبالنا

aboooood said...

كان نفسنا نتعزم على فرح نهـــى وأجيبلها ورد أنا مش بغيظك ولاحاجة .
بس أنا بحب أحضر الأفراح
وعقبال ماحضر فرحك يارب وهيكون فرح كبيــــــر مليان كل معجبينك من النوعين ياررررررررررررررب.

قررت أكون عانس said...

الف مبروك لنهى

انا اول مرة ارد بس اسمحيلى اعبرلك عن اعجابى الشديد بمدونتك المصونة

و فى جملة خالتو دايما تقولهالى من يضحك اخيرا يضحك كثييييرا

مع إنهم الصراحة يستاهلوا الإضطهاد

ايوه يستاهلو الاضطهاد دول محتاجين محرقة زى محرقة الهولوكوست

kareem said...

ولله حرام عليكي عايزه تبهدلي الناس معاكي انتوا مش مقدرين النعمه الي انتوا فيها
متساليش انا مين
لاني اكيد واحد مطلق و انتوا و علي راسكم مامتكوا سوزان طلعتوا عين اهلي
كريم (مدونه يوميات مطلق)

إنسان صادق said...

السلاآآم عليكم

كيف حالك أخت غادة؟

بكل صراحة انا من المتابعين لمدونتك ، منذ أن دخلت عالم التدوين

واستمتعت كثيراً


فكرت أن أكتب لك بـ قصتي

فقط أنا حالياً متردد بعض الشئ في كتابة قصتي


أنتظر لها نهاية سعيدة

:)


هل يتحقق ذلك الحلم ، عن طريق مدونتك؟

خاصة إذا علمنا بأن كافة الأطراف
المشاركة في تجربتي (التي لم تنتهي ) ، تتابع مدونتك

:)

لا أعلم حقيقة ، هل أبدأ وأتجرأ وأتحدث

هل سوف أتحمل عواقب كتابتي

أو هل هناك عواقب ؟

أم كل ما أتخيله وهم.!

حقيقة أنا متردد كثيراً

لا أعلم ما أفعل


حقيقة أنا

عاجز

!

اتخاذ قرار ،،،، الكتابة

Anas said...

شكراُ لك


بارك الله لهما وبارك عليهما وجمع بينهما بخير

tulip_rose said...

عقبال كل البنات يارب
واللي في اللفة عقبال ما يجيلهم عدلهم
ويرتبطوا من دلوقت يا دووووب علي ما يكوموا نفسيهم تبقي كل واحدة اافشالها واد في ايديها
وعقابلك يا برايد
الف مبرووووووووووك

mhsharawy said...

ألف ألف مبروك لنهى و عقبال كل البنات
www.amwal2008.blogspot.com

BASMA said...

يالهووووى
هى مش كفايه اتختطبت كمان هتتجوز

WEDA said...

الف مبروك لنهى ولعقبالك

Ahmed Al-Sabbagh said...

وحشتييييينا جدا

rovy said...

مبروك لنهى و عقبالك يا غاده ان شاء الله قريب جدا و تبقى تكتبى لنا مذكرات زوجه سعيده جدا جدا ..

تحياتى

*الخاتــــIraqi Ladyـــووون* said...

هههههههههههههه، أنا لحد الآن يا غادة ما عندي قصة، يعني لو عندي ممكن أفيدك و تحطيها ببيت العرايس..
إدعي لي تيجيني قصة (و نهايتها سعيدة) علشان أدعي لك بقصة زيها..

تقبلي تحياااتي

المهاجر الى الله said...

المدونة بصراحة جميلة والاجمل ان صاحبتها تمتلك حضور عالى وقدرة على التحكم فى الاداء لم اعهدها من قبل .
وعموما الف مبروك لكل البنات اللى اتجوزت بشكل عام ولنهى موضوع الرسالة بشكل خاص ،وعقبال كل البنات بالزواج السعيد بشكل عام وانتى بشكل خاااااااااااااااااص. و ادعوك لزيارة مدونتى التواضعةوالاسهام بمشاركاتك وتعليقاتك
www.eyuon.blogspot.com
وشكرا

Anonymous said...

مافيش نصيب
السلام عليكم ورحمة الله وبركاته
ازيك يادكتورة غاده
انا مش عارف الحكاية دى تندرج تحت اى بند كوميدى دراما انهيار عصبى ولا ايه بالظبط
بس انا هحكى وانتى تبقى تشوفى ياترى تنفع ولا ماتنفعش وياريت تبقى تعيدى صياغتها لانى مش بعرف اكتب كويس
الموضوع ابتدى بعد ماخلصت الجيش جالى تدريب فى احد البنوك طبعا كنت معشم نفسى انى هتدرب شويه وبعد كده هيعيننونى وطبعا كالمعتاد محصلش (مش دى القضيه) المهم وانا بتدرب فيه يوم لقينا واحد بيزعق ويقول ازاى ده يجيله تدريب وبنتى انا لأ انا هكلم مش عارف مين فى الادارة وكده وبعدها باسبوع بنته جالها التدريب انا طبعا واخد موقف ( اااااااااااد كده ) منها ومن ابوها وطبيعى جدا ان التعامل يكون فيه تحفز ويكون فيه تلاكيك واى حركة غدر المطوة جاهزة فى جيبى وهغزها على طول
بعد شهر من عدم الكلام الا فيما ندر ابتديت اكلمها كويس والحقيقه هى من اول يوم وهى كانت بتتكلم معايا باسلوب كويس خالص وشويه شويه بقت لما تحتاج اى حاجه فى الشغل كانت تسالنى الاول وانا لقيت نفسى مش بقدر اقولها لأ فى حاجه هى عاوزاها وفى يوم كان فيه شغل يتطلب انى اقعد على المكتب اللى جنب منها وفعلا حصل وابتدينا نتكلم مع بعض اثناء الشغل وشوفت اجمل ضحكة فى حياتى ساعتها ماقولكيش كنت مبسوط خالص وسعيد جدا ومش عايز الشغل يخلص وهى لما حست بكده قالت لى سبحان مغير الاحوال ولما بقولها ايه فيه حاجه قالت انى الاول مكنتش طايقها انا طبعا انكرت ده بس هى اكدت انها كانت حاسه بكده وع العموم فتحنا صفحة جديده وابتدى المشوار كل يوم كلام وضحك واسأله منى واجابات منها والعكس لغاية ماعرفنا كل حاجه عن بعض تقريبا فى فترة قصيرة جدا وفى يوم كنت متضايق شويه وهى بتسالنى مالك وكنت فى غرفة الحاسب لوحدى فلمحت لها انى عاوز ارتبط بواحده ومكسوف اقولها قالت لى قولى مين هى وانا اكلمهالك وضحكت واحنا ماشيين اديتها ورقه وكتبتلها انى معجب بيها جدا وانى عاوز ارتبط بيها وكنا قبل كده بنتبادل بعض الروايات وانا كنت كاتب الميل بتاعى فى كل روايه بتاخدها وبالليل لقيت منها ايميل بتقولى انها كانت حاسه وعارفه وانها موافقه
بعد كده عشنا فى اجمل قصة حب فى العالم لمدة وحصل العادى وهو انى سيبت البنك (كان فيه نقص حاد فى الكوسه فى كل الاسواق حتى السوق السودة مالقيتش فيها ) فضلنا على اتصال وكنا كل يوم نتكلم بالساعات وبالليل نتكلم على النت واتفقنا انى اتقدم لوالدها وانا ماكدبتش خبر قلت لوالدى فرفض خربت الدنيا وطلبت انعقاد عاجل لمجلس الامن وجبت اخواتى كلهم وقولت لهم انى عاوز دى ومش اى واحده تانيه وتحت الضغط والدى وافق بعد كده روحت لابوها اجس النبض واقوله انى انا وبابا عاوزين نقابله قالى طب يومين وارد عليك ونحدد معاد استنيت يومين وكمان يومين وكمان يومين تانى لا بقى كده مش هينفع روحت رايحله ايه ياعم الحاج رفض وهو اصلا ماكنش قالها انى قابلته من الاساس وقالى انه فيه واحد وكيا نيابه مكلم اخوها وانهم مديينه كلمه ومش عارف ايه هو كان بيتكلم وانا مش قادر اقف من الصدمه بقى ياناس اول مرة فى حياتى اتعلق بواحد وابقى هموت عشان ارتبط بيها وتبقى مراتى بحلال ربنا يرفض ابوها كده مااقولكيش حالتى كانت عامله ازاى بكيت يومها بحرقه على الرغم من انى من ناس البكاء عندهم بالنسبة للراجل حاجه كده شبه مستحيلة مهما حصل بس مقدرتش كلمتها على النت وحكيتلها بس للاسف احنا من بلد ماينفعش فيها انها تاخد اى موقف والا العواقب هتكون وخيمة عليها وهى وعدتنى انها هتحاول مع مامتها وان عشت على الامل ده فترة بعد كده فجأة قاطعتنى كنت هتجنن وكنت احيانا بشوفها فى البنك صدفه لما بروح هناك باى حجه وكانت مش بتوافق تكلمنى وبتتهرب منى وبعد فترة كلمتنى على النت على انها واحده زميلتها وانها كلفتها تقولى كل سنه وانت طيب يوم عيد ميلادى انا عرفتها على طول بس محبيتش اكسفها واتفقت مع زميلتها اننا بنقى نتكلم كل فترة عشان تبقى تطمنى عليها وبعد كده وفى مرة وانا وهى بنتكلم قولت لها بس انا مش عارف هى زعلت منى ليه وقاطعتنى فجأة قالت لى انها سمعت من حد انى بقول عليها كلام وحش طيب بالذمه ده كلام واحد هيتجنن عشان يرتبط بواحد وبيحبها اكتر من نفسه يبقى ممكن يقول عليها كلام زى كده ازاى هى مش دى ممكن لو ربنا اكرمنى وارتبطت بيها هتبقى ام اولادى ؟؟؟ يبقى ازاى اعمل كده المهم من هنا لهناك كلمتنى بعد كده على انها هى مش زميلتها وابتدت الامور ترجع لطبيعتها تانى وكانت بترفض تقولى ايه الكلام اللى سمعته عليا او مين اللى قالها كده وانا احترمت رغبتها وسكت وكنت بحاول احفزها تاخد اى خطوة مع والدتها يمكن يكون فيه امل بجد ولكن تاتى الرياح بما لا تشتهى السفن امها رفضت رفض قاطع وبعد كده وافقو على عريس جاى من طرف اخوها بيشتغل معاه فى احدى دول البترول ومش من بلدنا بس اخوها قاله انا اختى كويسه ومؤدبه وهو زى مايكون مستنى وراح متقدملها وجايب شبكه بمبلغ وقدرة وطبعا ابوها وافق بكل سهوله وهى مقدرتش تتكلم انا عرفت انها خلاص مبقتش ليا
الدنيا اسودت فى وشى وسيبت الشغل وحاولت انتحر بس للاسف المحاوله كانت فاشله لانى استهنت بالانتحار يادوب اخدت 38 كبسولة مضاد حيوى مشكلين بين ال500مم وال1000مم وطبعا تعبت شويتين بس للاسف كان فاضل فى العمر شويه
الموضوع ده بقاله دلوقتى سنه وهى فرحها بعد كام يوم وانا حياتى اتدمرت ومش عارف اعمل ايه لانى باختصار شديد جدا مش بس بحبها انا بموت فى الهوا اللى هى بتتنفسه وبعشق التراب اللى بتمشى عليه انا كنت بشوف الدنيا حلوة بعنيها هى ومش بسمع الاغانى الا منها هى بس للاسف مافيش نصيب وبدعليها ربنا يكرمها ويسعدها ويكون العريس ابن حلال ويقدر يصونها ويحفظها ويحافظ عليها وعلى مشاعرها
على فكرة انا مش شاب مراهق ودى قصة الحب الاول بالنسبه ليا انا عندى 30سنه وهى اصغر منى بسنتين ونص
ااااااااااااااااااااااااااااااااااااااااااااااااااااااااااااااااااااااااااااااااااه
انا عارف انى طولت ورخمت عليكى خالص بس برضه الواحد لما بيتكلم مع اى حد بيرتاح ولو شويه
واعتقد ان دى ماتنفعش تتحط فى بيت العرايس والعرسان دى ممكن تتحط فى بيت المنفصلين والمنفصلات
ماعلينا
سلام ياغادة
انا هبعتلك الحكاية دى على الميل بس لو موصلتش هبعتهالك كتعليق
سلام
مصطفى

المهاجر الى الله said...

ادعوكى لزيارة مدونتى التواضعة والاسهام بمشاركاتك وتعليقاتك
www.eyuon.blogspot.com
وشكرا

صدى الصمت said...

الحقيقة أنا أول مرة أعلق عندك لأن بجد المدونة شدتنى لأن فكرتها جديدة وكمان بيت العرايس والعرسان فكرة جنان أهنيكِ

Walaa Elshamloul said...

غادة الجميلة
من ابداع لابداع استمرى دائما
ارجو زيارتي فى مدونتى للأهمية
لدى لك واجب تدويني
كل حبي وتقديرى

cse student said...

السلام عليكم
العزيزة برايد
صراحة اول مرة اشوف مدونة بالجمال ده
واعذريني على عدم متابعتها رغم سماعي عنها منذ زمن طويل من ساعة طابور العرض والبصارة والحوار ده ( وش بيبتسم )
ثانيا : مبروك على الكتاب هي جت متأخر جدا
ثالثا : حبيت اقول لك اني حققت رقم قياسي اني قريت المدونة دي في يومين
رابعا : سيبك من اللي فات (وش بيبتسم )
بجد استمري انتي تستاهلي كل خير ومبروك لنهي عشان التعليق ده في البوست ده
وعقبالك قريب ان شاء الله
تحياتي وتمنياتي بالتوفيق

Marta said...

Dear Ghada,
can you please send me your email? I'd like to know more about your book. I read about it today at the BBC website. I'd like to tell you about a project I'm doing, about women and men in the Middle East, from a western perspective.
Looking forward to hear from you,
Marta

MINO.. A cat on FIRE said...

hello bride
fere7t l noha walahi
w 7azant 7ozn shadeddddddd 3ala tante 7eshareya .. etaklit fetees keda.. yama kan nafsy asalat w 3ala eli zayaha teneeeeen kabeeerr yanfoth (7elwa yanfoth di ) hehe
men monkharo w ye7r2ha 7ar2a kebeeera te3raf beeha 3azab el naaaaar :)))

alf mabrook 3al ketab b edaya dol eshtareet talat nosakh .. l sa7baty eli f nafs mawake3na .. w al 7ala al gameela .. weli yama etrazo b 3ersaan men naw3eyet tweeetyyy
w ekhtarna 3adam el takhmees fel ketab .. tashgee3an l okht daktora ..

mabrrrrrooook ..lolololiiiii w 3o2bal el zaghroota el kebeera .. wel sharbaaat :))
mestaneya el note el gedeeda b faregh el sabr ..

yasmine .. dr zamila men alexandria al balad al shakeek ..

w ya reet ab2a sa3eeda wa masroora .. law 2areety awel note fel blog beta3y ..

howa menafsen shewaya bas 7anfokaha w nedeeha comedy orayeb insha2alah

wal salam khetam .. wa domtom ..

jasmine mino .caton fire . al shaheera b yasmine

http://jasminemino.blogspot.com/

http://www.facebook.com/profile.php?id=653286534

فاتيما said...

نهى إتجوزت ؟؟
عاااااااااااااااا
كل دى عيوطة با غدغودة ؟؟
يا حبيبتى أحسن
سيبها تستاهل اللى هيجرالها
خليها تاخد الهدر لحد آخره
و بكرة تبكى دماً لا دموعاً
و هتقعدى تتفرجى عليها و تصعب عليكى كمان
دى إتجوزت يا بنتى
يعنى ربنا يتولاها برحمته بقى
المهم إنتى عاملة إيه ؟؟
و تحياتى للوالد العزيز
ربنا يسعد أيامك يا ست البنات
و متغينيش علينا بقى
بتطولى قوى و تتقلى جامد
و كدا مينفعشى خالص

Bastawisi said...

ألحقى ياأخت أسراء البي بي سي كاتبة عنكو بيقولوا انك بتكتبي حلقات سيتكوم للتلفزيون كمان
http://news.bbc.co.uk/2/hi/middle_east/7554892.stm

almasry said...

مسز غاده

أحنا نستاهل الاضطهاد ورحمة ست ستى احنا طيبين جدا والدليل اننا سابنكم تشتمونا ..... بس على فكره بنفوت بمزاجنا ... هو مش بمزاجنا قوى لكن بمزاجنا بردو




على فكره انا شوفت حلقتك مع لميس الحديدى ومحمد صلاح وكانت فى غاية الجمال لكن انتى هاديه جدا كان الأخ محمد مستحوز على معظم الحلقه وده اعلاميا مينفعش

أتمنى الزياره
تحيـــــاتى
المصــــــــــرى

Ellithy said...

يشرفني ان ادعوك للكتابة في

منتديات نجوم اف ام

Mahdi Bourini said...

مرحبا اخت غادة
انا من المتابعين الصامتين القدامى "لحضرتك" في المدونة الخاصة بك
تعجبني روحك المرحة وايجابيتك البسيطة.

انا على عكسك تمام... "انا عاوز ارجع عزابي" ليس لاني غير متفاهم مع زوجتي التي لم يمضي على زواجي بها سوا الشهر فقط ولا لاني اسات الاختيار ... فانا احبها وهي افضل وارق امراة عرفتها في حياتي ولم يصدر منها ما يستحق ان ننفصل... ولكنني اعيش فترة اضراب نفسي قد ابرره بالمرحلة الانتقالية من عالم العزوبية الى عالم الزواج.... وهنا اود ان انوه انني عندما كنت عازبا لم اكن من الاشخاص الذين يمارسون حريتهم بانتهاك حرمات الله او فعل المنكرات بل على العكس فانا شخص طبيعي هادئ رزين ملتزم باداب الاسلام والاخلاقيات العامة.
قد يكون السبب كما ذكرت سابقا هو المرحلة الانتقالية التي امر بها او الاختلافات الفكرية بيننا ووضع مبادئ اساسية سابقة لبعض المميزات التي تتصف بها الانسانة التي افضلها والتي لا تتوافر في زوجتي... واتوقع ان اول ما قد يدور في ذهنك هو الم تتعرف عليها بفترة الخطوبة؟ قد يكون البعد الجغرافي اثناء الخطبة او قصر فترة الخطوبة او اية امور اخرى ساهمت بشكل كبير زواجنا سببا لعدم التواصل المطلوب للتعرف على هذه الاشياء.
على كل حال فانا لا افكر بالانفصال ابدا وانا احمد الله على كل شئ ولكن اود ان اقول ان للحياة نكهة خاصة عندما تكون ملك نفسك... ولا يعني كوني من الجنس الذكري اننا نستمتع بالحياة اكثر او يحق لنا ما لا يحق لغيرنا... فكل يستمتع بعالمه الخاص... وبتحقيق طموحاته بشكل او باخر... تبقى الحرية الشخصية الدفينة في كل شخص والتي تسجن بمجرد الدخول الى قفص الزوجية... هي الدافع وراء الحنين الى عالم "رايح فين يابني... متركزلك بحته... مش عارفين نتلايم عليك"
قد لا يعجبك ما ذكرت او تصفيني بالشخص المتشائم الذي لا يقدر ما بين يديه ولكن اود ان اذكر لك انني وجدت لنفسي هنا مكان مريح لاعبر عما يجول في خاطري بكل شجاعة وصدق كما فعلت... فلك جزيل الشكر
مهدي البوريني

Rannona said...

noha etgawezet mara wa7da..sebek heya elly hate3ya :))

Steel BeaUtY said...

thx 3ll post

Anonymous said...

السلام عليكم
انا اسمى ايات الحبال محرره بموقع اسلام اونلاين حابه اتعرف عليك وخصوصا انى معجبه بالمدونه لو فى اميل اقدر اتواصل معاك عليه عموما انا اميلى ayaat_elhabbal@hotmail.com

New Generation said...

سلام عليكم
الاول انا احب اعرف نفسي
انا اسمي عمرو 29 سنة من اسكندرية مبرمج كمبيوتر
و الله جامدة موت فكرة البلوج دي و احي صحبتها علي جرائتها انها تطالب بحقها الطبيعي
لكن في نقطة مهمة بما اني راجل احب اطرحها
انتوا مش معاية اننا يا مصريين معاويج شوية
يعني بنقول عاوزين عاوزين و لما تجلنا الحاجة نعد نتأمر
اديكوا مثال انا قريت فتحة مرة و اتقابلت من تاني مقابلة بسيل من الطلبات و الشروط و الورق المفروض امضي علية من اول القايمة الي حتي فيها كل حاجتي الي جايبها من فلوسي حتي المؤخر
فككوا من دي
اتقدمت فوق 6 مرات و في كل مرة اترفض لاني مش موظف حكومة او مش موظف في شركة مع ان عندي عملي الخاص فتحوا من 6 سنين و الحمد لله بيكسب زي الفل
مش عارف اعمل اي بس محتاج تفسير
و علي فكرة انا عاوز عروسة بس تكون من اسكندرية

New Generation said...

سلام عليكم
الاول انا احب اعرف نفسي
انا اسمي عمرو 29 سنة من اسكندرية مبرمج كمبيوتر
و الله جامدة موت فكرة البلوج دي و احي صحبتها علي جرائتها انها تطالب بحقها الطبيعي
لكن في نقطة مهمة بما اني راجل احب اطرحها
انتوا مش معاية اننا يا مصريين معاويج شوية
يعني بنقول عاوزين عاوزين و لما تجلنا الحاجة نعد نتأمر
اديكوا مثال انا قريت فتحة مرة و اتقابلت من تاني مقابلة بسيل من الطلبات و الشروط و الورق المفروض امضي علية من اول القايمة الي حتي فيها كل حاجتي الي جايبها من فلوسي حتي المؤخر
فككوا من دي
اتقدمت فوق 6 مرات و في كل مرة اترفض لاني مش موظف حكومة او مش موظف في شركة مع ان عندي عملي الخاص فتحوا من 6 سنين و الحمد لله بيكسب زي الفل
مش عارف اعمل اي بس محتاج تفسير
و علي فكرة انا عاوز عروسة بس تكون من اسكندرية

Anonymous said...

http://news.bbc.co.uk/hi/arabic/middle_east_news/newsid_7556000/7556497.stm

nor said...

الف مليوم مبروك
بس مين نهه؟
و بعدين تصدقي اه و الله يا غدغد انا كمان نسيت ان في مرحله جواز ده كمان الايام دي في ماحل تانيه انه يتجوز تاني او مرحله الطلاق
و احنا يا خبر ابيض و مالوشش لون لسه بنفكر في الخطوبه
بجد موتني من الضحك
تحياتي

ساعد نسرين الايمن said...

كل سنةوانتي طيبة يا برايد

لم انسي هذا اليوم مطلقا

14/8

عيد ميلاد العزيزة برايد

اللي علمتني يعني ايه تدوين ومدونات اساسا

عارفة ؟
انت عاملة زي ابو تريكة
كونتي تاريخ كبير جدا في فترة قصيرة جدا

خلال عامين
اسعدتني بتحقيق الكثير من النجاحات
كتاب كسر معرض الكتاب
ظهور اعلامي مكثف
والله انا كنت بشاور عليكي
واقول لاصحابي هنا
والله انا اعرفها

برايد
اقسم لكي صادقا انني اتمني لكي كل خير
وازدهار
انت عارفةده بالطبع

برايد
فقط
اريد ان احييك
واشكرك
علي كل لحظات السعادة التي منختها لي وللكثير جدا من الناس
وان شاء الله السنة ديه تكسبي جايزة افضل مدونة عربية وعالميا

دمتي بالف خير

Anonymous said...

انا النهاردة مش هعلق على شئ
لانى جاى اقول لغادة
كل سنة وانتى طيبة
المدونة كملت سنتها الاولى
عقبال السنة ال10 بس تكونى فى عش الزوجية يا دكتور

Anonymous said...

انا النهاردة مش هعلق على شئ
لانى جاى اقول لغادة
كل سنة وانتى طيبة
المدونة كملت سنتها الاولى
عقبال السنة ال10 بس تكونى فى عش الزوجية يا دكتور

Anonymous said...

انا النهاردة مش هعلق على شئ
لانى جاى اقول لغادة
كل سنة وانتى طيبة
المدونة كملت سنتها الاولى
عقبال السنة ال10 بس تكونى فى عش الزوجية يا دكتور

Anonymous said...

http://news.bbc.co.uk/hi/arabic/middle_east_news/newsid_7556000/7556497.stm

Anonymous said...

Dody

Your Pic in BBC

http://news.bbc.co.uk/hi/arabic/middle_east_news/newsid_7556000/7556497.stm

Your father in law ( Canada ) :-)

حامد سليمان said...

السلام عليكم ......................
اختى الغالية غادة .................

مدونتك فعلا من المدونات التى جعلتنى احب عالم المدونيين

تم اضافة مدونتك فى … مدونة اعجبتنى ” دليل المدونات المفضلة للمدونين والقراء العرب ” بناءا على رغبة احد (المدونين / القراء)

نرجوا ربط مدونتك معنا …..
shofha.blogspot.com

تشرفنا زيارتك ويهمنا رايك فى المدونات المفضلة لك …

بالتوفيق دائما
ادارة المدونة

poor iraqi said...

اتمنى ان تلتقي بالرجل المناسب , الذي يقدر , ثقافتك وعقلك وأدبك .

ولكن بعد زواجك هل تستمرين في مدونتك الجميلة؟

Ahmad Eddeeb said...

ألف مبروك
قريت المقالة على بي بي سي
وبجد فخور بيكي
:)

دكتوره المستقبل said...

هاي دكتوره غاده

انا باهنيكي من قلبي علي المدونه والكتاب انا سمعت عن الكتاب واشتريته من شهر يمكن وحفظته من كتر ماعدت قرائته
دمك خفيف موووووووووووووووت
ربنا يوفقك في حياتك
ويعينك علي المجتمع بتاعنا
دا كل اللي يشوف الكتاب معايا يقولي مستعجله علي ايه لما تخلصي الكليه
امال لو كنت انا اللي كتبته كانوا عملوا ايه

Anonymous said...

هاي دكتوره غاده

انا باهنيكي من قلبي علي المدونه والكتاب انا سمعت عن الكتاب واشتريته من شهر يمكن وحفظته من كتر ماعدت قرائته
دمك خفيف موووووووووووووووت
ربنا يوفقك في حياتك
ويعينك علي المجتمع بتاعنا
دا كل اللي يشوف الكتاب معايا يقولي مستعجله علي ايه لما تخلصي الكليه
امال لو كنت انا اللي كتبته كانوا عملوا ايه

Dr. Mohammed Reda said...

غاده ..

صديقي الاستاذ عمر

عامل قرائه كامله وموضوع كامل عن الكتاب بتاع حضرتك

دا الرابط بتاع الموضوع

http://www.ebnmasr.net/forum/t72129.html

هبقى سعيد جدا بوجودك هناك

انا وعدته ان احاول اخلي حضرتك

بحق اني زميل مدون وكاتب وزميل فيس بوك ايضا


يبقى شيء جميل من حضرتك تواجدك

وشكرا


محمد رضا
شخصية عامه

ريرو said...

معلش يا برايد انا لسة مستجدة ف موضوع المدونات ده انا ممكن ابعتلك حكاياتي انا كمان لو حبيتي بس انا مش عارفة ابعتها عن طريق كتابتها كتعليف و الا ايه اعذري الجهل بقى

واحدة من الناس..... said...

المدونة دى حلوة جداااااا
ومبروك للناس اللى اتجوزت وعقبال العايزين
واللى مش عايزين كمان

Anonymous said...

يخرب بيت الجمال الفظيع اللي بتكتبي بيه انا اول مره ادخل بلوج لواحده واتشد للدرجه دي يمكن تكوني مشهوره يمكن مافيش حد يعرفك لكن الحقيقه انت موهبه مجتمعيه فذه وشايف في التعليقات مبروك لنهى مبروك لنهي وانا كمان مبروك لنهى وعؤبالك يا غاده وعؤبالي انا كمان يا رب

هانى سعيد said...

مبروووووووووووووووووووك
بس عايز اعرف برضو
ح م م
يعنى ايه؟
مدونتك حلوة يا غادة بتفكرنى مدونتى الاولى
تحياتى

alaa said...

تحية عطرة لكي
قرأت كتابك وشفت فيه انسانة جميلة وطيبة جدا ((ماعدا مع نهى مش فاهم ليه كل هالحقد عليها)) وبالصفحة الاخيرة من الكتاب ذكر ان عندك مدونة فدورت عليها بس دخت وانا بدور كل مرة يطلعلي مدونة كنت عايزة اتجوز وانا بدور على عايزة اتجوز كنت طلعتلي من وين مش فاهم
المهم اتمنالك كل توفيق يارب وان شاء الله بتنالي مرادك وما حدا بعرف وين الخير كل الاحترام والتقدير لاسلوبك البسيط الساحر

samira griche said...

في الحقيقة انا سمعتك اختي غادة عبر بي بي سي اكسترا عن الموضوع الزواج فمن حقك ان تدافعي عن حقي في الزواج و ليس ببجاحة انما هو حق لكي كالحرية كانه حق لكل قتاة عربية الستر والعيش الكريم في هياتها الزوجية الله يسعدك انستي العزيزة رافعة راس كل بنت عربية
مع تحيات كريش سميرة مدونة مغربية
future1.maktoobblog.com
near-friend@hotmail.fr

احلامى انا said...

جميلة جدا

smithe said...

hello friend. you want to come race Blog Design, Read more. Can you be a friend again

سهير عناني said...

ادعوكم لزيارة مدونتي

بعنوان حينما أطلق عناني

http://sananii.blogspot.com/

بقلم سهير عناني

Anonymous said...

خالتي بتسلم عليكي وبتقول لك هي حاسة إنك بتتكلمي عنها. وبتدعيلك!

PS: أنا مش باهرج

نــ عصفورة الشجن ــون said...

غادة
فتيات الوطن العربي كلهنّ فخوراتٌ بكِ.
فخورةٌ أنا بهذا المخزون الثقافيّ الذي اندسّ بعفويّةٍ ببن سطور هذا الدفق الفكاهيّ.
لو كنتِ تزوجتِ قبل عشر سنوات لكبرتِ كائناً مستنسخاً عن كثيرات ، خلفة و طبيخ و ولاد و جري ورا تحويشة العمر .
لكنكِ منحتِ ذاتكِ وقتاً لتنمو ، و تُصقَل و تتفرّد و تتميّز

هكذا الروح الإيجابية ، تصنع من مشاكلها مادّةً للفكاهة و الترويح عن الذات ، بل و تخلق من التعاسة موادّاً خام للسعادة

الزواج فاكهةٌ جميلة تُضاف على موائد السعادة ، لكننا لا نموت جوعاً إذا نقصت

أمتعنا هذا الحسّ الفكاهيّ ، و ضحكنا معه و هو يقترب من أوجاعنا كثيراً ، و هززنا رؤوسنا موافقاتٍ معه كثيراً ، و ضحكنا من الأعماق ، و كأنكِ تتحدثين بألسنتنا

شكراً لأنكِ علمتِنا كيف نحكي قضايانا و نستمع إليها بفكاهةٍ راقية

فتاة مثلكِ ، قادرة على خلق الضحكة لمن حولها ، قادرة على خلقها في بيتها
هنيئاً لمن ستكونين وردة بيته

استمري ، و اكتبي حياتكِ فكاهةً تُطبّب الناس و تسعد أرواحهم ، قبل الزواج و بعد الزواج ، و سيلهمكِ العيال حكايات ما بعدها حكايات

برافو و إلى الأمام

أختكِ
د/نوال