Wednesday, February 06, 2008

أخدنا تأجيل





بسم الله ماشااااء الله


مين بأه إن شاء الله اللي نبر في الموضوع؟



لا لا لا ..فيه حد إسود في فحلقي من جوه أكيييييد



مافيش؟..متأكدين؟



طب خلاص مصدقاكوا..يبقى بس هو الحظ و النصيب ..وانتوا عارفينه



إحنا أخدنا تأجيل بس مش إعفا.. م/منى الشاذلي قالت كده في التليفون ..ست ذوق ذوق ذوق الصراحة..تصدقوا كلمتنا بنفسها؟
بلغني انها برضه قالت كده في البرنامج ..أنا طبعا ماشفتوش كنت شاده الرحال من القاهرة المحروسة على بيتنا بعد ماشديت الرحال مخصوص من هنا على هناك من الصبح



طب خلاص بأه إبقوا استنوه يوم الإتنين



اللي هو بعد الخميس ب4 أيام (يعني 5 إلا واحد ;) ماشي)؟



فيه كمان حلقة ال
art
البيوت أسرار الجمعة الساعة 9
وبيتعاد السبت الساعة 1 الضهر
المعدة سحر (العسولة) قالتلي الحلقة حلوة قوي
وم/سهير جودة الجميلة كانت سعيدة جدا بالكتاب و قالت عليه كلام جميل قوي



يوم إيييييييييه؟...أيووووووان الجمعة
اللي هو بعد الخميس على طول ..لحسن بسببي ال
art
تولع والا حاجة
:))



دعواتكم


182 comments:

أحمد منتصر said...

الله يسهله
خللي بالك أحسن منى الشاذلي تكسفك بأسئلة محرجة :)

Anonymous said...

حبيبتى طب لو الحلقة مسجلة ينفع تجيبيلنا الرابط نشوفها :)

wanna b a bride said...

ربنا يستر

دعواتك

و بلاش نظام النبر ده الله يخليك

------------------------
الحلقة على الهوا يا قمر

يعني لا سبيل للتراجع

لا تراجع ولا استسلام

frake_ghost said...

السلام عليكم ..ازيك برايد
الله أكبر
العمليه لعبت معاكى قوى يا برايد
الحمد لله ..ربنا يفتحها معاكى كمان وكمان ..علشان انتى طيبه وتستاهلى
وإن شاء الله هشوفها ..ده أساساى يعنى
أشوف فين القمر اللى بيقولولى عليه فى البوست اللى فات ده
على فكره يجنن بجد
كويس انك كنتى
فرحانه خالص خالص خالص
أتمنالك كل خير وسعاده
* همسه اخيره :ياريت ما تقصريش فى حق البلوج لأنه كان السبب بعد ربنا سبحانه وتعالى
هو وزواره ومعلقيه المدونين إنك تكونى الحمد لله كاتبه مشهوره ويحطك على اول الطريق
عايزين بوستات سخنه
انتى بقالك 5بوستات بخصوص الموضوع بتاع الكتاب..انا بس بلفت نظرك إنى فى قراء فرحانين لك قوى بسش نفسهم يقروا حاجه جديده هنا فى البلوج وجوها ونعلق مع بعض
ما تبقيش ماديه قوى يا برايد وكله لازم يشترى النسخه الاول وبتاع
****
كلمه كده فى السريع
ياريت لو حد اتقدملك كويس ومناسب توافقى ..وما تلعبيش دور زعيمه مرأه ومحاميه العوانس وتطلع فى دماغك زهد وتقشف ورهبنه وتقضيها مناصره المرأه
بجد الأسره ودفأها وكمان الأمومه
مشاعر لا تعوض باى شهره او مال
ربنا يرزقك بكل خير يارب
تحياتى وسلامى

Anonymous said...

1000000 mabroook nag7 elketab
ya rab ykon fe myzan 7asanatek
Ahmed

Anonymous said...

الف الف مبرووووووك
بس انا زعلت قوي لما رحت يوم الجمعه الساعه 5.30 لا شوفتك ولا لقيت الكتاب
الكتاب اتمسح من الفرعين بتوع دار الشروق في المعرض
بس والله بقيت فرحاااااان ان الكتاب نجح
النجاح ده

Pink Unicorn said...

يلا يا عم ..
:-)
مفروض بعد الصور و الفيديو و لقاءات التليفزيون حد بقى يخلى عنده نظر و تفرحى و تفرحينا ..
اكيد حاشوفك النهاردة ان شاء الله ..
مبروك يا قمر

ShahaD said...

وين على اي قناه ؟

أشرف حمدي said...

حشوفك أكيد
ابقى سلميلي علي زميلة لينا هناك اسمها آلاء جاويش مراسلة البرنامج
قوليلها أشرف حمدي بيمسي عليكي يا ندلة
تحياتي

Babyblue said...

أنا موصية حد يجيبلى الكتاب من المعرض النهاردة ... تفتكرى هيلاقوا؟

Ali-7ob said...

مبروك يا برايد
من نجاح لنجاح ربنا يوفقك يا رب وتوصلى اعلى المراتب
بس خدى بالك من نفسك عشان اللى جى على قد ما هو حلو فيه حاجات مرة علقم
طبعا انتى فاهمنى!!!!
ربنا يوفقك يا رب
انا من اول مرة قرايت المدونة قولت ان انتى موهوبة
ربنا يقويك وسلميلى على منى الشاذلى

عـلا - من غـزة said...


عااااااااا
مليش دعوة !!!! عايزة اشوووووف

:(

خمسة فضفضة said...

السلام عليكم ورحمة الله وبركاته

ماشاء الله

الف الف مبروك
بس احنا عاوزين كل الحاجات دي علي اليوتيوب

aya said...

التلفزيون كله هينور باذن الله يا قمر
مستنينك

وربنا معاكى

Anonymous said...

Dear Bride (In Shalaa)
I am from Kuwait..we were reading your blog & was impressed by your sense of humor...I am now in Cairo & went to Book Fair & bought 8 copies of your Book for all my Friends in kuwait..they sent thiier thanks & gratitude to Me & YOU....

أنسانة-شوية وشوية said...

مستنية اشوفك بفارغ الصبر اصل انا حاولت اروح بدري المعرض معرفتش جوزى الله يكرمه اظاهر خاف اقابلك ولا حاجة انما الاعمال بالنيات ودانى المعرض الساعة 7 مساء اعتقد علشان يكون مضطمن انى مش هشوف حد
اه بلاش اسيئ الظن

hanan said...

مساء الخير يا غادة
أنا أول مرة ابعتلك comment
لكن أنا متابعة مدونتك من فترة
لما قريت عنها فى جريدة الدستور لأنى متابعة منتظمة للأعداد الأسبوعية منها
والحقيقة مدونتك أكثر من رائعة وان شاء الله حاشوفك النهاردة فى البرنامج
وعلى فكرة أنا غيرانة منك لأنى بكتب قصص قصيرة وباحلم بيوم ييجى وأوقع للناس على كتابى زيك
ألف مبروك وأرجو انك تعتبرينى صديقة

L.G. said...

طبعا على العاشرة مساء الكل مستنيكي والله فرصة طيبة نشوفك ونسمعك بخير ويارب تتوفقي في كل كلمة قولي بسم الله الرحمن الرحيم 100 مرة في الاستوديو
ربنا يكرمك فرحتيني ربنا يفرح قلبك

لماضة said...

اووووووووووووووووووك

بحبك يامصر said...

اخيرااااااااااااااااا هنشوفك

رضوى عمرو خالد said...

ان شاء الله هتنووووري النهارده وهتشرفينا
مستنينك يا قمر

Nigro said...

go go go go

Anonymous said...

مااااااااااااااااااااااااشى يا دوك
اللى على علىيا ستى
فرحانة لك بجدوالله
اصلي كل حد فينا بيحلم شايف حلمه فيكي
ربنا يسعدك ويوفقك ويطلق لسانك الحلو النهاردة

hussein said...

الاستاذه غاده
الف مبروك على نجاح الكتاب و يارب دايما
انا اللى اديتك الشريط (قرع لابواب السماء) والاسم دا كنايه عن الدعاء
انا بس كنت بفكرك ان انا مقولتش بوزعو ثواب انا بوزعو على ناس معينه (معظمهم من اسرتى و اعز اصحابى
وانتى الوحيده اللى مفيش بينا معرفة شخصيه بس الشريط بجد حلو اوى
تحفه (زيك كده :)

مفلس افندى الرايق said...

على كده بقى بعد الحلقه هتغيرى اسم المدونه الى انا اتجوزت يا باشا لان العرسان هتنزل زى المطر بقى مشهوره وبتظهرى فى العاشره مساء

انا هاشوفك ويمكن الحق اقف ف طابور المعجبين
ههههههههههه

لولا said...

مستنياكي يا قمر

وعلى راي محمود
اكيد هتغيري اسم المدونة بعد الحلقه

Nermo® said...

لماذا تم التأجيل ليوم الاثنين؟

منى قالت كده فى بداية الحلقة

رضوى عمرو خالد said...

استنينا وقالت يوم الاتنين
هنستناكي يوميها ان شاء الله

صيدلي said...

و مالو

نتستنى ليوم الاتنين

فلسطينية said...

استنيت البرنامج اللي انا اساسا اول مرة بشوفه, و تخانقت مع اخوي لانه كان بده يشوف الاخبار, بس الوحيدة اللي شفتها كانت صافيناز كاظم,فحدا يفهمني شو اللي صار!!!!!!!!!!!!

شروق said...

عععععععععععععععععععععععععععععع

انا مسمعتهاش وهي بتقول يوم الاتنين
وفضلت قاعدة للآخر

كده يا بوبو حركات قرعة من أولها ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

Nigro said...

اتنين.. اتنين.. هو احنا بنخاف..ان شالله يكون يوم الاتنين..هنشوفها برده مهما كادوا لنا.. ونحن معك على الدرب يا غادة..سيري على بركة الله

محمود السيد \ مدونة فين الوطن said...

وماله الاتنين الاتنين
ع العموم
مبروووووووووك
وبجد لازم نشوف الحاجات دى يوتيوب

Bint said...

ana etfaragt w seme3t keda fe awel el program bardo :)
bossi de awel comment leya 3andek bas ana i read your blog men zaman :) .. rabena yewafa2ek .. kol ta2khera w feha khera :)

حياتي قنبلة ذرية said...

اولا

اسفة جدا اني مكتينش تعليق في الي قبل دي بس و الله كنت مشغولة خالص

ثانيا

الف الف الف الف مليون مبارك عليكي و نجاح الكتاب بالشكل ده و يا ريتني كنت في مصر كنت جتلك هوا علشان اخد امضاء منك

ربنا يكرمك يا غادة يا رب

علامة استفهام said...

بسم الله الرحمن الرحيم

الف الف مبروك يا غاده علي النجاح الكبير ده و علي فرحتك اللي منوره البلوج

ان شاء الله هاشوف الحلقه دي علشان زي ما امتعتينا بكتاباتك....نستمتع برؤيتك و اللقاء معاكي عبر شاشة التلافزيوم

سلام

Sa7bet Nouny said...

السلام عليكم ورحمة الله وبركاته
هو حضرتك ملكيش في القنوات المحلية أو حتى القنوات غير المشفرة وللا إيه؟

Sa7bet Nouny said...

السلام عليكم ورحمة الله وبركاته
هو حضرتك ملكيش في القنوات المحلية أو حتى القنوات غير المشفرة وللا إيه؟

bos bos said...

وانا فتحت التليفزيون وقعدت مستنية وفى الأخر لاقيت منى الشاذلى قالت انك هتيجى يوم الاتنين يالا هستناكى وإن شاء الله هتنورى
ربنا معاكى ويوفقك

تحياتى لكى

drsamoor said...

Hi..ana esmy samar,dentist,25 sana.
ana metab3a modwantek mn zamaaan! w 3gbany gedan bs de awl mara a3laq..

Tb3n mal2tsh ketabeek f el ma3rd! w edy2t awi :D mafesh tab3a tanya wla eh??

mestnyenk yom el etneen isA!

فلاشــــــاوي said...

إنتي شكلك بطلتي تردي على التعليقات.. يلا بقى اللي علي علي يا ستي .. يتولانا الله ..

إنتوا كلكوا كدا ..

بكرا لما كتابي يتنشر .. مش هعبر المدونة بتاعتك دي تاني .. بس لغاية ده ما يحصل .. أديني قاعد ..!!


روحي يا شيخة رب يبتليكي بعريس كويس بن حلال محترم وراجل بجد ورومانسي .. عشان متلاقييش حاجة تكتبيها فالشهرة دي كلها ترووح منك !

Rain man said...

مع انى مش فاهم حاجة _ و ده عادى يعنى _ بس شكلك مبسوطة و هو ده المهم


سلاماتي

aya said...

ههههههههههههه
انا برضه بقول هيا راحت فين

وتكونش هغادة هيا صافيناز كاظم

وفضلت مستنيا ومخليا العيلة كلها قاعدة جنبى

يالا حصل
خير
برضه باذن الله هنستناكى الاتنين يا قمر

ندي ناجي said...

السلام عيكم يا غاده انا علي طول بدخل علي البلوج بس اول مرة اكتبلك انا فرحتلك جدا جدا جدا وربنا يوفقك

Nouran said...

وانا اقول لاخواتي انا حاجزة التليفزيون من الساعه 10 ومدش يقربله افتح الساعه 10 الاقي المعاد اتاجل:(
اخواتي فرحوا فيا اوي بس انا حجزت التليفزيون يوم الاتنين وانشاء الله يبقى يوم جامد ليكوا:)
مبروك يا برايد وعقبال لما نبارك ع الشبكة كدا:D

ساعد نسرين الايمن said...

والنبي يا قمر
متنسايش وانتي ع الهواء
تعملي نداء لنسرين انها ترجع

وعقبال ما تتطلعي في حفلات الاوسكار
او نوبل للادب
او حتي استار اكاديمي

والله يا قمر انتي لو طلعتي ف استار اكاديمي تفوز بالثلاث
ماهو محمد عطية مش احلي منك

وعقبال ما نشوفك في البيت الابيض مع هيلاري يا رب

انا خايف مني الشاذلي تغير منك
لانك كالعادة هتكوني احلي عروسة في الكون

وخدي بالك عشان انا في تلاتة من صحابي حالفين ليتصلوا بيك ويطالبوا ايديك علي الهواء

ربنا يحفظك ويحميك من الحسد
وابقي اقري الاذكار قبل وبعد البرنامج

farida said...

نفسي أشوفك موووت

و حقرأ لك المعوذتين يا جميل

ههههه

يا ختي خمسه و خميسه في عين اللي يشوفك في التلفزيون و لا يصليش على النبي

و يارب الرجاله اللي مبيشوفوش دول ينزل عليهم هداية ربنا و يحطوا في عينيهم حصوة ملح

هههههههههه
ربنا معاكي يا برايد
ان شاء الله حتكون مقابله كويسه
حنستناكي زي ما بنستنى ماتشات مصر في البطوله الأفريقيه
هههههههههه

Anonymous said...

مش عارفة حد حيسمعنى وسط الكلام الكتير ده ولا لا
بس اول حاجة واهم حاجة اعجابي الغير محدود بالمدونة العسل ده اللى فكرتنى باغنية ليالى الحلمية
اقسي همومنا .. تفجر السخرية
المهم ان الكلام جالى على الوجع بس خايفة اتكلم حد هنا يعضنى ولا حاجة
ولو ان صعب حد يلتفت لكل التعليقات .. فقلت استخبي وارغى انا كمان
بس اكيد اكيد مش دلوقتى .. لما اشوف
حلقة منى الشاذلى .. حاسة انى حعرف اتكلم احسن

استنونى

Moon-baby said...

Dear bride :)

الف مبروك الكتاب!!

شدني اسم الكتاب اوي في المعرض...بس للاسف كنت عاملة حسابي على كتب معينة..قولت مش مشكلة هاجي تاني..و ملقتوش :(((( قولنا للشاب الوسيم الي هناك يحجز لنا نسختين..بس مقدرناش ننزل تاني يوم...بس في الاخر جبناه بردو

حرام عليكي ..قعدت اضحك زي الهبلة لوحدي في الاوضة..خاصة لما جات سيرة تويتي و الراجل الي شعر طالعله ملامح ..اه واليّ تكاثر ذاتيًا :))

دمك خفيف و فعلا موضوع مهم..انا عامة بتجنب اي حد جايلي صالونات علشان النفسية و الاعصاب

!!Can't wait to see you on TV

My best wishes ,Bride :)

Rivendell** said...

في تسجيل للتوقيع بتاعك عاليوتيوب وطالع في الحاج اللي معاه بناته التلاتة
غالبا هو
هههههههههههههههههههه
مستنيين البرنامج

أحمد سلامــة said...

الف مبروك عالكتاب يا غادة
تقريبا انا هبدأ فيه دلوقتي لسه مقريتش غير السطور اللي عالغلاف من برة ومعرفتش للأسف عنه غير في اخر يوم في المعرض ان فيه حد زمل من المدونات منزل في المعرض بس الحمد لله لحقته بردو
وعلى فكرة الغلاف ممتاز ولذيذ
بالتوفيق انشاء الله المعرض الجاي تكون الطبعة العاشرة

UNIQUE said...

الف مبروك ليكي تاني يا برايد
انا رحت اشتريت كتابك امبارح على اخر الوقت لما كانوا بيقفلوا لدرجة انهم دخلونا من غير ما نقطع تذاكر
كنت خايفة اوي الاقيه خلص بس الحمد لله قدرت اخطفلي نسخة ومانمتش غير ما قريته كله بصوت عالي لاخواتي لغاية ما صوتي راح خالص وما بطلناش ضحك خالص
مستنية اشوفك على التلفزيون واكيد طبعا هتنوري الشاشة قوي
ربنا يستر على عيوني بقى
ربنا يكرمك يارب ويخليكي لينا

Anonymous said...

برايد انتى كلامك جميل اوى وقريب من قلب كل بنت لانك صريحة اتمنى ربنا يوفقك

3abratalsabeel said...

مبروك اولا يا برايد على الانجاز والكتاب الجديد وياخسارة ما عرفتش غير بعد ما المعرض خلص
عموما ربنا يوفقك ويسعدك وتحققى كل احلامك
وان شاء الله اشوفك فى التليفزيون اكتر من مرة كمان
سلام عليكم

إبـراهيم ... معـايــا said...

حابب أقول : عيني عليكي باااردة يا عاوزة تتجوزي .... تقريبًا بنات مصر كلهم هيسموا نفسهم غادة، بعد كده ، الكتـاب نفد يا فندم، وماخبرش ذا كان فيه طبعات تانية هتطلع منه ولا لأ ! ، أنا عارف إنها كانت غلطتي إني ما اشتريتوش من ساعتها (يوم حفل التوقيع) ، بـــس أعمل إيه بقى ذكااااء !
.
.
نايس إننا هنشوفوكو ع العاشرة مساءً
.
.
أكيد هتنورا

تحيااااااااتي

وضـّاح said...

ربنا يكرمك يا أستاذة يامؤلفة :)

lobnabona said...

برايد للأسف لم أتمكن من حضور حفل التوقيع لكنى اشتريت الكتاب مبروك و للأمام دايماو أكيد حتفرج على الحلقة يوم الاثنين إن شاء الله
لبنى

Anonymous said...

salamo 3likom
-----------
masha2 allah la kwat ella bellah ,
isa rabna yws3 rz2k ya amar kaman w kaman ...
b2olek eh bene w benek kda , elbsy b2a el 7ta elle 3la el 7abl mashy , w shoyt a7mar w a5dar kda w 7rkat mn bta3et el banat deh..3shan el 10 mas2an daa brnamg masha2 allah leeh gomhoro, w rabna yshlha b2a nfsy afra7 feke kda w ente m3a 3aresek allahoma ameeeeeen...w 3la fkra ana 2lby 7ases enne 5alas fat el kteer mab2ash elle el 2lyl el 3arees kadem soooo soooooon isa..bas eftkre t3zmene.
menoshet(soso)

NilE_QueeN said...

انا سعيده جدا بنجاح مدونتك وكتابك وانتشار موضوعك اعلاميا

بس يا تري كل النجاح دا ممكن يعوضك عن رغبتك ف انك تتجوزى
ولا هتفضلي من جواكى عايزه تتجوزى

دوحة said...

بالتوفيق ان شاء الله

whisper_1985 said...

هاي يا برايد.ازيك؟ عايزة أقولك ان الكتاب بتاعك رائع رائع و تحفة.عجبني جدا و موتني من الضحك و مليان مواقف كلها بتحصل فعلا.زميلتي في الشغل قرت جزء من و طلبت مني اجيبلها نسخة.انا وواحدة صاحبتي رحنا المعرض و لقينا كل النسخ خلصت و فضلنا نتصل هناك عشان يحجزولنا نسختين و الحمد لله جبناهم.بصراحة الكتاب يستاهل انه يخلص اول ما ينزل.ربنا يوفقك و عايزين نشوف كتب تانية.سلاااام

واحده بتحبك said...

برايد
غادغوده
لوسمحتى لو سمحتى بلييييييييييز
تكونى سجلتى حلقة البيوت أسرار وتحطى لنا اللينك بتاعها
للأسف مش عرفت أشوف الحلقه ياعسل

وبرضه معلش يعنى تسجلى حلقة العاشره مساءا وتحطى اللينك
أنا ناويه أشوفها
بس برضه نحب تكونى معانا علطول

)واحده بتحبك (

mostafarayan said...

انا فتحت قناة عين في المعاد لكن مالاقتش حاجة كان في برنامج بيتكلم عن غزة لكن مالاقتش حلقة البيوت اسرار لعل المانع يكون خير

الطائر الحزين said...

ربنا يوفقك

الطائر الحزين said...

بس كدة بقى يا غادة مش هيبقى ليكى حجة


يعنى 75 مليون هيشوفوكى ده غير الوطن العربى والقمر الاوروبى

يعنى تفاءلى العريس فى الطريق

تحياتى

أمـ حـنـيـن ــ said...

مبرووووووووووك يا دودو
النهارده الاتنين هتفرج على العاشره مسائا يارب يكون الاتنين بتاع النهارده يااااااااارب .. نفسى اشوفك اوى موت

ومبروك يا قلبى وعايزا اقولك ميرسى موووت على انت جيتى وسبتى رد فى البلوج عندى

وربنا يوفقك دايما يا سكره

بت خيخة وأى كلام said...

الف مبروك يا غادة
والله انا كنت موجودة يوم التوقيع فى المعرض
بس بصراحة كان زحمة اوى فى دار الشروق
معرفتش ادخل
عموما الف الف مبروك
وان شاء الله مبروك الجاية هاقولهالك على العريس
الا اخبار نهى ايه
سلام يا سكرة
اختك خيخة

امنية said...

سلام عليكم
الحلقة لسه خالصه حاااااااالا

بجد ما شاء الله
تجربه رائعه
وكنتى واثقه من نفسك ما شاء الله

بصراحه الكتاب يستحق..
رغم انى قرأت فى المدونه
بس للكتاب متعه اخررررى

الى الامام دائما يا برايد..

:)

fatima said...

غااااااااااااادة
يا ست البنات
ايه القمر ده ..كنتو تجننوا وربنا يحرسكوا ..
عقبال الكتاب المائة يا حبيبتى
تحياتى وقبلاتى وسعادتى وفخرى الشديد بيكى

Emad said...

mabrouk elketab :)

ana b2ralek mn zman bs de awl mra a3l2

wkman konti hayla fe programme el 10 msa2an lsa mtfrg 3leh

btawfee2 daymn ya Dr. Ghada ...

لولا said...

ازيك يا غاده
الف الف مبروك نجاح الكتاب
ومن نجاح لنجاح ديما
انتى وحدوتة ومع نسفي غادة ورحاب
انا شوفتك النهارده في البرنامج

وفرحت انك من المحله
طلعنا من محافظه واحده وكمان بلد واحده

بجد فرحنالكم اوى

هستناكى في مدونتى المتواضعه

مهندس مصري said...

لسه شايف الحلقة دلوقتي
عظمة على عظمة يا بنتي
ثقة ايه و جرأة ايه في الكلام
و منى الشاذلي كانت بتحبكم و بتضحك في وشكم

ربنا يوفقك يا غادة انتي و رحاب و غادة
بس يا ترى حتتأكدي ازاي ان العريس الجاي ليكي بعد كده مش حيبقى داخل على طمع

تلفزيون و شهرة و كتاب و مدونة و سيناريو ومبيعات الكتاب بسم الله ما شاء الله

:)
تلاقيكي عملتيهم على قلبك قد كده
ههههههههههههههه
و ما بصيتيش و لا علقتي عندي ماشي براحتك يا ستي ما انتي خلاص عديتي
:)

مهندس مصري said...

ربنا يوفقك يا برايد
أنا بقيت واقف قدام التلفزيون و بأقول لبابا أنا أعرفها و سلمت عليها و كاتبة اسمي في المدونة عندها
و هوا مش مصدقني طبعاً
ابقى عرفينا بأول سيناريو ليكي حتكتبيه
و ربنا يوفقك لأحسن مشتقبل في المستقبلات الكتير اللي قدامك دلوقت
:)

Nigro said...

مفيش كلام يتقال
BRAVO

mady said...

بسم الله ماشاء الله
واكرر بسم الله ماشاء الله
عشان بس ما تقوليش العين صابتني ورب العرش نجاني ههههههههه
كنتي قمر ياغاده وربنا يوفقك

wsa507 said...

ألف مبروك
وكنت رائعة في التليفيزيون
وأنا كمان عاوز أتجوز
عرفالي عروسة
تحياتي
د/ وائل

Wael said...

ألف مليون مبروك
ولك تحياتي
وبصراحة
كنت منورة شاشة التليفيزيون
ربنا يوفقك
تحياتي
د/ وائل

Anonymous said...

مبببببببببببررررررررررررررررررررررررررررررروك يا باشا انا صيدلانية زيك بقولك ايه انت هتروحي المعرض السنة اللي جاية ولا لا وبعدين بصراحة يا بختك انك وفتي احمد منصور دا انا ادفع نص عمري يا بنتي بس مبببببببببببببببببببببروك

Anonymous said...

كنت زعلانه جدا لما قريت انك هتيجى يوم الاربعاء اللى فات


قريت الكلام يوم الاربعاء باليل بعد ما كان النص الاول من حلقة العاشره مساءا فاتنى


و قعدت يوم الجمعه استنى اعادة حلقات الاسبوع يمكن اشوفها و بردوا مشوفتش حاجه

و لحد النهارده مكنتش أعرف ان الحلقه اتأجلت


بس النهارده كنت بتفرج كالعاده على العاشره مساءا و سمعت المقدمه و عرفت ان أكيد غاده هتكون موجوده النهارده


وشفتك و شفت غاده محمد و رحاب بسام


كانت حلقه حلوه و روحهم كانت أحلى

مبروك عليكم!!

AbdElRaHmaN Ayyash said...

ههههههههههه
انا شفتك
لقيت ماما بتنادي عليا بتقوللي في مدونين في التليفزيون
طبعا جريت
و شفتكم يا فندم
بجد كانت حلقة جميلة اوي
:D:D اوي يعني
سلاام

Anonymous said...

كنت زعلانه جدا لما قريت انك هتيجى يوم الاربعاء اللى فات

قريت الكلام يوم الاربعاء باليل بعد ما كان النص الاول من حلقة العاشره مساءا فاتنى

و قعدت يوم الجمعه استنى اعادة حلقات الاسبوع يمكن اشوفها و بردوا مشوفتش حاجه

و لحد النهارده مكنتش أعرف ان الحلقه اتأجلت

بس النهارده كنت بتفرج كالعاده على العاشره مساءا و سمعت المقدمه و عرفت ان أكيد غاده هتكون موجوده النهارده

وشفتك و شفت غاده محمد و رحاب بسام

كانت حلقه حلوه و روحكم كانت أحلى

مبروك عليكم!!

eng.shosho said...

انا شفت العاشرة مساءا ودى اول مرة اتعرف عليكى واول مرة اخد بالى من موضوع المدونات اصلا بس بجد انتى رااااااااااااااااائعة انا مش بس ماقدرتش اغير القناة انا اول مرة اعرف يعنى ايه مش هتقدر تغمض عنيك وبعد الحلقة جريت ع النت ادور ع المدونة بتاعتك وان شاء الله مش هسيبها مع انى مخطوبة يعنى من جيش العدو

aya said...

هههههههههههههههههههه
دودو يا قمررررررررررررررررر
مانتى زى القمر وزى العسل اهو
والله وبقينا على الفضئيات يا دودو

بسم الله ما شاء الله

غادة غادة

ماما دلوقتى بتقرى الكتاب

وانا متاكده انه هيعجبها

بجد بجد
ربنا يديكى كل الخير يا قمر

والف مبروك لدريم انها نورت انهاردة بوجودك

تحياتى

noha said...

غادة انا متابعة بلوجتك من زمن الميكروباص

وكان نفسى اشوفك اوووى

والنهاردة شوفتك وقولت لازم اعلق

:)

بجد كان حلقة فوق العادة وانتو ( انتى ورحاب وغادة )

ناس زى العثل بجد
وتجربتكم فريدة جداً
جايز موضوع الكتاب جه صدفة .. بس انتو تستحقوا ده
:)

ومبرووك على الكتاب ومبروووك على ظهورنا فى الفضائيات

:)

نوسة من السعودية said...

مساءك ورد
انا شفت لقاءك في العاشرة مساء وكنت مستنياك من ساعة ما اعلنت عن اللقاء الاستاذة الجميلة منى لاني من متابعي برنامجها الجميل العاشرة مساء مع اني بصراحة ما كنت اعرف مدونتك قبل كده بس شفتها على طول وعجبتني وجاتني فكرة جهنمية تجي نتبادل مصالح انا ابعتلك عريس من السعودية وانت تبعتيلي من مصر بس لحظة انا ليا شرط يكون بكرتونه زي ما بيقولوا عندنا- يعني عمره ما اتجوز- مافي مانع عنيه يكون لونها بني او عسلي مش عايزة اعقدها عليك هما مش بس الي من حقهم يتشرطوانحنا كمان ها ايه رايك ويارب يفرجها علينا ويفرحنا بيك عن قريب

Nesreen said...

مش منكن يابرايد بجد عثل ياخواتي :)

انا فعلا اول مدونه شفتها كانت مدونتك انت ومن بعدها اتعرفت علي العالم ده

وبصراحه كنت بستني البوستات الجديده ولا الناس اللي واقفه في طابور العيش

انتي فعلا تستاهلي الكتاب الجميل ده

بس انا عايزه نسخه وموقعه اول مرجع مصر باذن الله الاسبوع ده اخذها منك


شكلي هحمل الرايه من بعدك

وانا بقولك بلا جواز بلا وجع قلب ياشيخه

مبروووك ياعثل


بس تعرفي انا لما شفتك طلعتي غير اللي في خيالي

بصراحه انا مش تخيلتك اصلا بس مش عارفه
بس في كل الحلات ليك حضور خفيف جدا ولذيذ

استمري

أبوشنب said...

يا بنتي انتي كلتي الحلقة

وما خلتيش حد يتنفس اصلا

ومنى الشاذلي يا ولداه مش ماسكه روحها من الضحك

وحاسس ان رحاب بسام وغادة محمد منشيين

وانتي عمالة

لك لك كلك لك لك لك

يقولشي مولودة في استوديو

عموما

نجمة يا غادة

على فكرة

انا اضطريت اوقف الشغل في الموقع

واسرح مية وخمسين عامل وفني

عشان ارجع اتفرج عالحلقة

يلا يا ستي

اعتبريه نقوط الكتاب

والعاقبة عندنا في المسرات

mohamed said...

برايد انا أتفرجت عليكم فى العاشرة
مساءا بجد أنا فرحت بروحكم المرحة وخفة ظلكم

وأنا متهىء لى أن منىالشاذلى كانت يتقول لنفسها هو العيال دى طلعت منين
أية طلاقة اللسان والحضور القوى الى عملتوة , بأختصار أنتم سرقتم الكاميرا من منى الشاذلى

تانى حاجة أنتى نبهتينى لآقتراح مهم جدا


لابد صدور تشريع من المجلس الشعب بفرض رسم زيارة على أى حد يتقدم لاى بنت
للمصا ريف الى بيعملها أهل العروسة
ومفيش مانع يحط مبلغ أمانة لدى خزينة المحكمة , يتم مصادرتة فى حالة زوغانة من الجواز



الاقتراح التانى

لما تتجوزى المدونة بتاعتك نغير أسمها
الى أسم عايزين نجوز البنات لحسن يحمضوا
ويرطبوا


مبروك ليكم كلكم وأدينا بنقول من دلوقتى المدونون قادمون , فأنتبهوا
أيها السادة , فنحن على قلوبكم جالسون وبأنظارنا لكم فاحصون
وبلساننا مش ساكتون

مع تحياتى
محمد

Anonymous said...

الف مبروك علي الكتاب

انا الحقيقة مكنتش اعرف ازاي ادخل علي المدونات غير بعدما حضرت برنامج العاشرة مساء"الي كنتي منورة فية
tetech

سجدة said...

شفتك يا قمرة فى البرنامج والله كنتى منورة انتى والبنات والواحد فرح بفرحتك جامد اوى
عقبال كتاب كيف تكسبين حماتك

barbie girl said...

بصراحة يا برايد كنت فاكراكى شكلك وحش وملخبط بس فؤجئت بيكى فى العاشرة مساء زى القمرررررررررررررررررررر
والله بجد امورة ومثقفة ودمك خفيف مووووت

Anonymous said...

يعنى مش وحشه بس الحجاب موحش شكلها جدا لو قلعته هتكون اجمل بكتييير

بس الأول تقلع من دماغها عمرو خالد إللي هي عضوه في المنتدى بتاعه

Anonymous said...

كنت هايلة امبارح يا دكتورة

nefertiti said...

ازيك مدونتك اكتر من رائعه انا مجتش المدونه قبل كده بس شوفتك ف العاشره مساء امبارح و بجد كنت مبسوطه منكوا جدا ف البرنامج كلكوا
ياريت تزولى مدونتى هى مدونه صغنتوته خالص الصراحه مش حاجه جنب مدونتك

بس وزريه كده و قوليلى رايك لو فى عندك مقترحات برضه مستنياها
www.crazynemo.blogspot.com

نبضات said...

الف الف مبروك انا شفتك امبارح فى العاشره مساء وكنت سعيده بكلامك وسعيده انك من اسرتنا الفضائيه اسرة المدونين ولو كنا كلنا كمدونين مش نعرف بعض ولكننا نتكلم نفس اللغه... لغه الحب والتلاقائيه وتبادل الافكار والثقافه و حرية التعبير من غير رتوش تجميليه
سعيده ان تكون مؤلفه هذا الكتاب الذى لاقى نجاحا فرد من افراد اسرة المدونين

تحياتى ....وفى انتظار المزيد

تحياتى
ومبروك نجاح كتابك

Anonymous said...

غادة انا شفتك ابمارح في العاشرة مساء ....بجد كنتي زي السكر ...ربنا يوفقك يارب ...على فكرة انا كلمتك مرة على المسنجر وبحنس الناس بقا اني كلمتمك ...بس انت اكيد نستيني ..حتى لو فكرة قلتلك انت جبتي خفة الدم دي كلها منين ..قلتي جبتها من ماما...ربنا يوفقك يارب ...وتطلعي كتب كتييييييييير اوي ..بس مش تسيبي المدونة بقا

nouna said...

غادة
انا شفتك امبارح فى العاشرة مساء ,ربنا يحميكى وينعم عليكى بكل الخير,حقيقى كنت فرحانة واتفرجت عالبرنامج مع زوجى لانى حكيت لة على المدونة وتطورها لكتاب وكنتن اكثر من رائعات, ايوة كدة يا بنات مصر
على فكرة طلعتى بالظبط زى ما تخيلتك..عفوية .خفة دم .وجه مصرى حميل واصيل
ربنا يوفقك دايما وامتى الكتاب يجى لنا هنا (جدة فى الانتظار
افنان1989

NoHeal said...

الأخت غادة أو برايد
لم يتح لي الوقت لزيارة المعرض لظروف العمل الا يوم واحد
ولكني استمتع كثيرا بموضوعاتك وأتوقع ان يكون كتابك اكثر جودة من هذه لانه هيدفع فيه فلوس

DayDreaming said...

كنتي منوره البرنامج امبارح يا غاده
انا قعدت البيت كله يتفرج على البرنامج
بس ايه الجمال وخفة الدم دي

Shreif fahmy said...

اتفرجت على الحلقة وطلعت بالنتائج التالية
عاقلة
راسية
خجولة
محترمة المظهر والملبس
نصيحة إياكي والغرور والكسل فهم أفة الشهر
عاوزك تشرفيني في مدونتي المتواضعة
وتقري يوميات محتار في وسط البلد
http://sfahmy78.blogspot.com/2007/05/art-1958.html

لماضة said...

بجد بسم الله ما شاء الله عليكيى يا غاده
كنتي عسسسسسسسسسسسسل وسكر كمان
جمال وادب وفكر عالي وخفة دم كالعادة
على راي واحده من المتفرجين بتقولى
لما دي متجوزتش امال مين هيتجوز
:))
خلي ماما تبخرك يابنتى وترقيكي

§a§a said...

جميل جدا انا شوفت لحلقه وتشوقت لقراة المدونه


تحياتى

totaaaa said...

ياغادة
كنتى عسل على شربات على كل حاجة حلوة انا شفتك امبارح فى البرنامج وكنتى والله عسل وقعدت اقولهم فى البيت انا عارفها وباقرا مدونتها
وكنتى قمر والله ايه العيال اللى مش بتشوف دى ربنا يستر علينا بقا
احلى سلام ليكى ياجميلة
تحياتى

برغوتة said...

الجميلة غادة
بجد زى العسل وزى القمر
انا لحقت الجزء الاخير من الحلقة كان نفسى اتابعكوا من الاول ياريت ترفعوا الحلة على اليوتيوب علشان اللى ماشفهاش
مبروك ياغادة
يا سفيرة المدونين

girl live in that life said...

السلام عليكم ورحمه الله
شفت الحلقه وجميله جدا زيك يا غادة
وبجد انتوا التلاته زى العسل
والسكر كمان انت عارفه انت قبل ما تخلص الحلقه كنت فتحت النت الحمد لله وعملت سيرش على المدونه والحمد لله
لقيتهااااااااااا
بجد حاجه تحفه
ماشاء الله
ربنا يوفقك

Fruitgirl said...

rabena yewafa2ek :)

~ شيمى ~ said...

انا مكنتش عارفة انك حتطلعى فى التلزيوووم
دى ماما جابت العاشرة مساء وبالصدفة البحتة
وبعدين جابت سيرة المدونات والنت رحت افتكرتك على طول
وقلت فرصة اقول لماما على الحاجت اللى بعملها على مدونتى
اصلهم مش طايقنى فى البيت طول الناهر قاعدة عالمدونة بكتب واظبط فيها
وافتكرت حاجة حلوة
انى اعتبرتك سفيرتنا فى العالم الخارجى يا
دودو
وبجد كنتو انتو التلاتة قمرات ما شاء الله عليكو
وبعدين ماما قالتلى ماتبقى زيهم كدة يا بت وتشتهرى واشوف اسمك ملعلع عالكتاب
اصل انا بكتب قصص وماما عايزانى انشرها عالمدونة وكدة
بس بجد فرحلتك اوى اوى كانى انا اللى فى البرنامج وكانى انا صاحبة المدونة
بجد كانت حاجة روعة
وكنت محظوظة انى اشوف الحلقة كلها الحمد لله

سلسبيل المغربي said...

ألف مبروك يا عروسة الصيف المقبل
أنا توفيق من المغرب بتابع مدونتك من سنة تقريبا واندهشت لما شفتك مع منى الشاذلي مديعتي المفضلة ، ما شاء الله ما انت حلوة برضو ومافيش حاجة تخليكي تستغيتي بالصرخة الكبرى عايزة اتجوز بس الظاهر ان مرورك في التلفزيون هيفتح عيون اللي متنيلين على عيونهم ويجو يخطبوك ، ساعتها بأه إنت تحطي رجل على رجل وتبصي لهم من فوق لتحت ومن تحت لفوق وتقولي سبني أفكر يمكن يطلع حظك أحسن من التلتاشر التانيين اللي رفضتهم
مبروك عليكي يا عروسة الصيف المقبل
عايز أقول ليكي إنك مع زميلاتك التلاتة امبارح في العاشرة مساء كرهتوني في المدونة بتاعتي اللي طلعت دمها تقيل ومكسوف منها خصوصا ان زوارها بيخوشو عليها بالصدفة ، نفسي أنا كمان يجيلي حد من اي مكان ويتبنى مدونتي ويفتح لي طاقة القدر هنا في المغرب
يا ريت يا عروسة الصيف المقبل تخوشي على المدونة بتاعتي وتسيبي لي رسالة تصبريني فيها باسلوبك الساخر على الأقل ترفعي من معنوياتي ، أنا ممكن أقول عليك من خلال شكلك انك مش من النوع اللي بيركبوا الغرور بسرعة بعد ما نزلت عليه النعمة من السماء من غير موعد مسبق
ممكن تكوني مغرورة لكن مش دلوقتي
سيبي لي رسالة على البلوغ ده والنبي عشان الفال الحلو مش أكثر والنبي
WWW.taoufo71.maktoobblog.com
مش عارف هيطلع حظي زي حظك وحظ صحباتك اللي كانوا معاكي امبارح في العاشرة مساء ولا هتديني الطرشة ؟
حقيقي مش عارف

MerMaid said...

مبرووووووووووووووووووووووووك

انا الحقيقة بموووووووووت في مني الشاذلي
و النبي يا شخية تبقي تكتبي لنا بوست عنها و عن اسلوبها معاكم

الست دي انا بموت فيها

كنتي منورين امبارح والله

بس ليه رحاب بسام مبتكتبش من زمان كدة؟؟؟؟؟
ع العموم تحياتي ليكم كلكم

ومتنسيش تحكيلنا عن مني الشاذلي

سلاااااااااااااااااااام

قلب أحب الأمل said...

bgad fr7tlk gedan 7'sosan ba3d mashoftk embar7 fel3ashera masa2an we batmanalk kol ettawfe2 mn 2alby we go on 3ala nafs elmnwal we yaret t2balene za2era da2ema llblog bta3k

My Hope$ said...

اية دة ياغادة
انا ماشفوتش الحلقة
عايزة اشوفها بليزززززز
حاولي تجبيها
ومبروك ياحببتي علي النجاح الفظيع دة عقبال
يارب ما نفرح بيكي
في بيت العدل
وتحكلنا ببقي المغامرات الزوجية
مع سعيد الحظ
سلام ياجميل

دنــــيــــــا مـحـيـرانـي said...

الف مبروك ك ك ك ك
كنتي زي القمر ماعندهومش نظر الرجال و الله يا غادة بس ابشري اكيد هاتفرج عن قريب
ههههههههه
الف مبروك و عقبال الكتب الاي جايه ان شاء الله
انا ارسلتلك ايميل مهم بالنسبه لي اتمني انك تعرفي تساعديني بمعلوماتك
تحياتي

غراب & حمامة said...

انا شوفت الحلقة امبارح يا غادة
بجد الف مبروك وربنا معاكى يارب ويوفقك
تعرفى انا كنت مبسوطة جداً
عارفه ليه لأنى شوفت حد حقق الحلم اللى انا كنت بتمنى ومازلت بتمنى انى احققه
ربنا معاكى انتى وزميلاتك يارب
:)

Sara said...

انا عاملة اعلانات فى البيت من قبلها بكام يوووم
انا حاجزة التليفزيون يوم الاتنين عشان اتفرج على العاشرة مساء

حاجزة انا التليفزيون
تليفزيون انا حاجزة

عشان محدش يجى يقول عندى برنامج متابعة

ماشاء الله الحلقة تجنن
و منمن (منى الشاذلى فرحانة بيكو جداا)


نيجى للجد
هتوقفى كتابة فى المدونة بعد لما بقيتى كاتبة بينزل لها كتب؟؟؟

ان شاء الله لما تتجوزى و دة قريب جداا ان شاء الله(و ابقى قولى سارة قالت) هتعملى اية فى المدونة

اية رد فعل الناس اللى حواليكى بعد ما قرو الكتاب تحديداا
نهى ,انكل ديسكو ,طنط حشرية

Anonymous said...

http://www.youtube.com/watch?v=ZVVGgU9g3R0

Mabrouk

Seeker4Happiness said...

السلام عليكم...انا اول مرة اسمع عن المدونة بتاعتك من اخويا اللي قال انه شافه في برنامج العاشرة مساءا على دريم لاني انا خارج مصر حاليا...فقررت ان ادخل على طول وأقرا المدونة....بصراحة بصرف النظر عن موضوع المدونة اللي هو ظريف جدا ومهم جدا في نفس الوقت...انا ضحكت من كل قلبي لكلامك وانت بتوصفي شعورك وانت في معرض الكتاب وانتي بتستقبلي الناس وكمان اصحابك من اصحاب المدونات... قدرتي فعلا ترسمي على وجهي ابتسامة افتقدتها منذ زمن بعيد وانا بعيد عن بلدي في ظروف صعبة...لغتك بسيطة وجميلة وتدخل القلب على طول...واعترف انك انسانة ذكية لانك قدرتي توصلي صوتك وتعرضي مشكلتك اللي هي مش بتاعتك بس طبعا وتهم قطاع عريض من قتياتنا....واتمنى لك التوفيق ..في ان تجدي العريس المناسب الذي يستحق كل ما فعلتيه لحد الان لكي تجديه..وانك تكوني قد وجدت الحل ايضا لكا من هم في نفس المشكلة...
والسلام عليكم

sameh fawzy said...

الف مبروك انا مبسوط جدا انى شفتك اخيرا
على فكره انتى كنتى بكتاباتك نور نورلى فى ظلمة مشكلتى النفسيه وطلاقى

كان اول مره اضحك من قلبى من سنه كامله اول مره اقرا ليكى

عجبتنى الفكره جدا وكمان اسلوبك

ممكن ابقى احكيلك عن حكايتى علشان انتى متحامله على الرجاله شويه
احنا كمان بنتعب لما نروح نشوف عروسه مش زاى ما انتى بتقولى

مش عارف اللى ما عندوش ماما تغسله ولا اخت تكويوله يعمل ايه
وكمان ما انا لازم اخد معايا هديه يجى قولى كده 100 جنيه وكتير الموضوع بيطلع فشنك

رضوى عمرو خالد said...

asalam 3alikom
konti zay al2amar
rabena yo7rosek begad sharaftina
w ya rab daiman naga7at mostamera

akeed said...

اول زيارة للمدونة فعلا مدونة رائعة ومبروك حلقة التليفزيون .....


تحياتى

أكيـــــــــــد

سلمــــَى said...

على فكره
انا أول مره أدخل على المدونه وعجبتنى جدا ما شاء الله عليكى ،،،
ونفسى أشوف الحلقه بتاعتك ،،
إن شاء الله هتطلع كويسه ،،
وربنا يكرمك يا رب بالزوج الصالح ،،

Anonymous said...

الف مبروك وعقبال الكتاب ال20 والاكتر من كده كمان بس ياريت فعلا تنزلي روابط الحلقات بتاعتك علشان ملحتقاش الشغل بقي
ربنا يوفقك يا قمر

Anonymous said...

كان نفسي اشوف الحلقة
يارب تكوني سجلتيها و ترفعيهالنا ضرووووري يا برايد

Rena said...

عايزين الرااااااابط

lonely man said...

احساس حلو لما تشوف حد من النت على التليفزيون وتعرف ان الاشخاص دول موجودين

Anonymous said...

أنا كنت من أول الناس التابعوكي وعملت لمدونتك دعاية بمليون جنيه وفرحتلك أوي وكان نفسي أشوفك في المعرض وأشتري الكتاب وأمري لله بس أما روحت مرتين وما لقيتوش افتكرتك خدتي صابونة من دار الشروق ما النحس له ناسه في البلد دي بس اتبسطت أما شوفتك في العاشرة مساء ووصيت صاحبتي في الشغل اللي هي متجوزة أساسا والمفروض أن القضية مش قضيتها أنها تسهر وتشوفه وبصراحة أنت طلعتي أحلى كتير مما كنت متخيلة . على رأي إعلان ميلودي الرخم "أكيد مامي نحلة علشان تجيب العسل ده"، المهم من كل ده أوصيكي تشغلي صورة البقرة يوميا في البيت لأنك مستهدفة من مديرتي في الشغل اللي بقالها بتألف من سنة 1901 ومتستجراش تعدي من قدام دار الشروق من ساعة ماحكينالها عن أن كتابك خلص من المعرض والتوقيع والحركات وهي حطاكي أنت ورحاب وغادة في دماغها . أنا حذرتك وعملت اللي عليا وربنا يستر إلى اللقاق يا برايد والله كنت طيبة
من رفيقتك في العنوسة دينا

Rym said...

Ena Rym min Tunis, chouftik fi dream TV, kount 3omri ma dakhalt 3ala Blog masrii, lekin ba3 mé chouft il 7al9a et le blog, bravooo, blog sympaaa.

Inchallah dima far7ana :-D

myself said...

شوفت ال10 مساءا
مبروووووووك يا غاده
ربنا وفقك يا قمر

رعدالسماء said...

هاى برايد
انتى انسانة جميلة خالص
وربنايحميكى

أنا وهي said...

انا شفتك ياقمر في البرنامج انتي ومؤلفتين تانيين وعرفت انهم عاملين مدونة برضه بس للاسف مازرتهاش قبل كدة
مبروك وعقبال العريس

Anonymous said...

انا اول مرة اعرفك كان من العاشرة مساا لكن حسيت انى اعرفك من زمانوجريت ع النت وقريت البلوج كله تقريبا وطبعا ضحكت ضحك ماضحكتوش فى حياتى وكمان حسيت بكل كلمة انتى قولتيها لان دى مشكله واضحة ف حياتنا انا كنت عايشة فيها واختى عايشة فيها لحد دلوقتى وفعلا الله يخرب بيت المجتمع ده خلا البنات يحسو بالرعب والضجر من تأخر الزواج من وهما ف سن ال20 او اقل ورأيي ان احنا فى مأزق فعلا انك تلاقى البنات شبه مطالبين انهم يوقعو العرسان او يصطادوهم واللى متعرفش تعمل كده اللى زى حالتنا يعنى يبقى كل سنة وانتى طيبة

عايزة أقولك انتى كمان حطيتى ايدك على نقطة مهمة جداى فى البوست الذى يحمل عنوان "حب اه .. حب لا
وهى ظاهرة الكوبل اللى فى الكليات اللى دلوقتى يبقى غريب ان واحدة مش مرتبطشة بجد حرام كل القيم اللى كنا عايشين عليها ينداس عليها بالشكل ده ربنا ينجينا من الزمن ده

اخيرا احب اقولك انتى عسوله ودمك خفيف وأسلوبك ف الكتابة أكثر من رائع يشبه توفيق الحكيم ودار النشر التى نشرت لك الكتاب هى اللى فازت واتاحت الفرصة للكثير من الناس بقراءة كتاباتك



(شموسة)

shabfa2re said...

1-فرحان ليكى موووووووووت
2- حزين على نفسىىى موووووت لانى بحب الكتابة اوى واشتغلت فى جورنال قبل كده
بس ظروفى اليومين دول مخليانى مبطل كتابة وده اللى خانقنى
:(

shabfa2re said...

اشترى الكتاب طيب والمعرض خلص ؟

Anonymous said...

مصرى متغرب

عزيزتى برايد الف الف مبروك على نجاح الكتاب وعلى البرنامج الرائع مع الاعلامية الأروع منى الشاذلى

بجد كنتى رائعه خفة دم وثقافه ولباقة وشياكة ومش عارف اقول ايه تانى بس بجد كنتى هايله

اتمنى لك التوفيق من كل قلبى

Emma said...

اقول ايه بقىظ؟؟
دى اخرتها؟ بتكتمى زى البنات اياهم؟؟
عموما مبروك .. انا متأكدة انها كانت تحفة

solm said...

اللهم عليك بإعداء الدين

اللهم دمرهم تدميرا

اللهم اسحقهم

اللهم اجعل حياتهم نار وجحيما الى قيام الساعة

اللهم احرقهم

اللهم اجعل من فوقهم نار ومن تحتهم نار ومن خلفهم نار ومن امامهم نار

واجعلهم من حطب جهنم بل هم اسفل الاسفلون

اللهم عليك بكل من اساء الى خير الخلق

وسيد الناس اجميعن

اللهم احرقهم واحرق قلوبهم وعقولهم وشل ايديهم وارجلهم واجعلهم عبرة لمن يعتبر

فداك نفسى وما املك وابى وامى يارسول الله

ياحبيبى ياخير خلق الله

ياسيد الخلق وامام المرسلين

خلى الدعاء نابع من القلب ومن حبك لرسول الله وغيرتك عليه وليس للنقل فقط ارجوكم

http://lazmaish-solm.blogspot.com/2008/02/blog-post_13.html

Ahmed Al-Sabbagh said...

صديقتى العزيزة برايد

انا بجد سعيد بيكى اوى

واليومين دول شغال فى الكتاب

لانى ما كنتش قريت المدونة اوى

خلصت تلات اربعة

بجد ايه الفظاعة دى

انا بموت فى الكتابة الساخرة

وكاتبى المفضل احمد رجب

وكمان الكتاب كل اصحابى بيستلفوه بالدور


بس اعملى حسابك فى اقرب فرصة هتوقعى لى على الكتاب تانى

بدل اللى اتسرق

تقبلى تحياتى
احمد

moony said...

غاااااااااااادة بما أن الحلقة اتعرضت فعلا ,فيارب تتجوزى قبل ماتقومى من ع الجهاز تنزلى الحلقة بتاعة العاشرة المساء والتانين كمان مفيش مشاكل يعنى ع اليوتيوب ووتنزلى اللينكات فى بوست ,بليييييييييييييييييز.بسرعة عشان خاطرى

حسن ارابيسك said...

غاااااااادة
مبروك من القلب
ولكل مجتهد نصيب
مبروك على اصدار كتيبك المميز جداً
وأن شاء الله تكون خطوة تضعك بين مصاف الأدباء العالميين والمشهورين...يارب

كانت إطلالتك علينا من خلال برنامج العاشرة مثل قمر اربعتاشر كان لك حضور مميز جداً يعادل تميزك وجراءة مواضيع الجميلة والجريئة
وان شاء الله دايما نسمع كل خير عنكي
تحياتي
حسن ارابيسك

waleed said...

part1: http://www.youtube.com/watch?v=syLZOpGVn3o

son's egypt said...

السلام عليكم
انا للاسف مشفتش الحلقة
بس اعتقد ان التجربه حتفيديك في حاجات كتيرة بعد كده قدام

gannah said...

مبروك بجد وعقبالى زيك....فهل من مكتشف يدلنى على الطريق؟

واحد مكسوف said...

ما شاء الله
إبتسامتك جميلة
و روحك أجمل
ربنا يحفظك و يحميكى

Anonymous said...

ألف مبروك ومستقبل باهر إن شاء الله

Anonymous said...

http://haza-ana.blogspot.com/

مدونة يلا نفضحهم said...

ما أروعه محراب التدوين الذي جعلنا نعرف ونتعرف علي الكثير من المدونين الشرفاء الذين إمتلأت قلوبهم وعقولهم بحب هذا الوطن والعمل والسهر علي رفعته وعزته والقضاء علي الظلم الذي يستشري بين جنباته ....

=======================

إنضم معنا في حملة الألف مدون للإفراج عن المدون الدكتور إبراهيم الزعفراني
علي مدونة يلانفضحهم : http://www.yallanefdahom2.blogspot.com/
الدكتور الزعفراني الفارس النبيل

marwaaa said...

لسا حالا سمعه البيوت اسرار
بجد حسيت انو فى كلام كتير اوى انتى كنتى عاوزه تقوليه لكن مدوناتك فيها اجابه لكل اسئله الحلقه
وانتى روعه وقمر ربنا يوفقك يارب

الثائر دائما said...

بقى كده
نسيتي ان احنا استضفناكى عندنا الاول
مااااااااااااااااااااااشي يا غاده
اما وريتك
هشام علام
صباح دريم
واخده بالك
صباح دريم

sa7afia_rwsha said...

اتشهرتى ونستينا
وحشتنا بوستاتك
انتى مش هتكتبى تانى ولااية؟

Anonymous said...

دكتورة غادة انا عمرى 65 سنة ... شفتك فى برنامج منى الشاذلى وبرنامج البيوت اسرار ... صدقينى فرحت بيكى جدا وحسيت انك بنتى ربنا يخليكى ويديكى العريس اللى يستاهلك

منير said...

دكتورة غادة انا عمرى 65 سنة ... شفتك فى برنامج منى الشاذلى وبرنامج البيوت اسرار ... صدقينى فرحت بيكى جدا وحسيت انك بنتى ربنا يخليكى ويديكى العريس اللى يستاهلك

Anonymous said...

shosho

اولا احب اقولك مبروك ع النجاح العظيم اللي وصلتيله وبجد انا ناوية اخدك قدوة ليا ونفسي اعمل زيك نفسي اكتب واطلع اللي جوايا بدل ما افرقع
ثانيا انا زعلانة لانى مشفتش ليكي ولا حلقة زعلانة بجد ولو سمحتى لو ينفع تبعتيهملنا ابقى ابعتيهم هموت واشوفهم
ثالثا انا عن نفسي بقى مش لاقي مكان احسن من ده واعرف افضفض فيه ع راحتى
انا مشكلتى انى بحب واحد ومش عارفة احسسة ازاي انى بحبه انا حاسة ان معجب بيا كلامه معايا بحس انه كمان معجب بيا بس مش متاكدة
نفسي حد يقولي اعمل ايه علشان احسسه بيا هتجنن خلالالالاص

Anonymous said...

يا ترى اخدتوا كام بقى على الكتاب دة من دار النشر؟ (-:

ولا ضحكوا عليكم ومأخدتوش حاجة !!!!

حبة حاجات (ايمان) said...

يامعلم ايه بس الجمال دا الله اكبر الله اكبر

شفتهاااااااااا الحلقه
جميله جدا وحقيقيه جداااا


اخيرا شفتك ياغاده

بجد انتى زى العسل ومبروك على الشهره ها من غير نق يعنى


هههههههههههه

Anonymous said...
This comment has been removed by a blog administrator.
Anonymous said...

عاوزة اقول كل الكلام اللى قالتة صاحبة تعليق توقيع شموسة انى اول ما شفتك دورت على البلوج وقريتة واضح انك صيدلانية فهو مركب من الصراجة السهلة الممتنعة مضاف لها خفة الدم ممزوج بواقعية الزمن والمجتمع ليعطينا فى النهاية كبسولة مضادة للاكتئاب وتنير بصيرتنا ان كل شى بيد اللة سبحانة وتعالى و لو علمتم الغيب لاخترتم الواقع وعلى رأى المثل القائل تجرى جرى الوحوش غير رزقك ما تحوش واللة الواحد فرحان ان بلدنا فيها شباب زيكم عندة كل الثراء النفسى دة و ربنا يوفقك باقولها لك من قلبى انت وكل اللى فى سنك وفى السماء رزقكم و ما توعدون

shirry said...

بجد كنتي منورة الشاشة
انا اتفرجت عليكي يوم الحلقة وفي الاعادي كمان
والله زي القمر
وفرحت اوي اما عرفت انك من المحلة بلديات يعني
وكنت مبسوطة اوي ان في واحدة زيك كدة طلعت من مكان زي دا
اتمناك التوفيق الدائم

wanna b a bride said...

frake_ghost

الله يخليك

إيه الكلام الجميل ده
و شوفتها بأه والا لأ؟
----------------------------
ahmed

شكرا ليك

آدي الدعاوي الحلوة والا بلاش
----------------------------
anonymous

الحمدلله لكن الكتاب دلوقتي في كل فروع دار الشروق

ياللا إلحقه قبل مايخلص
-----------------------------
pink unicorn

هاه؟
شوفتيني؟

تصدقي لسه ماعملش تأثيره
بس عموما
مش مستعجلة
براحته خاااالص
------------------------
shahad

ولا يهمك هينزل على يوتيوب
------------------------
أشرف حمدي

دورت عليها يا أشرف

بس مالقتهاش
-------------------------
babyblue

معرض إيه حضرتك؟

المعرض خلص 4/2
--------------------------
ali-7ob

الله يبارك فيك

فاهماك و شكرا للنصيحة
--------------------------
علا-من غزة

هاينزل على يوتيوب
مش عايزة عياط
هتبليلي المدونة
--------------------------
خمسة فضفضة

كله في السكة يا فندم

أي خدمة
---------------------------
aya

الله يخليكي يا عسل ده بس من ذوقك
--------------------------
anonymous

آااادي الدعم العربي والا بلاش

هو ده التضامن ..هي دي الأخوة

أفورت شوية معلش
تحياتي ليك أو ليكي

و لكل الأصحاب
---------------------------
إنسانة شوية و شوية

إن بعض الظن إثم

معلش عديهاله المرة دي
شفتي طيبة انا إزاي؟
إحنا بس جايين نهدي النفوس
-------------------------
hanan

مش طالبة غيرة ولا حاجة

إن شاء الله اللي ليه نصيب في حاجة هيشوفها

ككله بتاع ربنا
و بعدين يا بنتي هي الكحكة في إيد اليتيم؟
---------------------------
l.g

ميرسي ليكي جدا

انا لسه فاكرة الدعاية اللي انتي عملتيها للكتاب

ربنا يخليكوا ليا يااااارب
------------------------
لماضة

أوووووووووووووووووول رايت

Anonymous said...

الكاتبه العزيزه صاحبة المدونه ارجو أن تقبلى تهنئتى لك على صدور أول طبعه من الكتاب الذى يحوى مضمون مدونتك الشيق ، وبهذه المناسبه ترغب المجله التى أعمل لديها فى اجراء حوار صحفى حول هذا الانجاز ،على أمل أن تشرفينا بتعاونك معنا

للتواصل معنا بهذا الصدد يمكنك مراسلتى على البريد الالكترونى التالى:
Sh_press2007@yahoo.com

الرجاء التفضل بالرد ولك جزيل الشكر

شيماء مهدى

wanna b a bride said...

بحبك يا مصر

و شوفتني؟
--------------------
رضوى عمرو خالد

الله يخليكي يا عسل
ده العشم برضه
--------------------
nigro

حاضر حاضر حاضر
--------------------
anonymous

مابلاش العلي علي و النظام ده

يااااارب كل واحد له حلم يحققه
ياااااااااااارب
---------------------
hussein

شكرا ليك جدا

أنا فعلا سمعت الشريط

جميل جدا

شكرا ليك لوضعك ليا في قائمة إهتماماتك
-----------------------
مفلس أفندي الرايق

أدينا مستنيين المطر

دانا بافكر أصلي صلاة الإستسقاء
------------------------
لولا

انظر الرد السابق
------------------------
nermo

قليل البخت
نعمل إيه

بس كل تأخيره و فيها خيرع
-------------------------
رضوى عمرو خالد

كنت حاسة بكده برضه
--------------------------
صيدلي

هو ده العشم يا زمل
--------------------------
فلسطينية

معلش أديكي إتثقفتي برضه
--------------------------
شروق

وده احسن

أكيد طلعتيلك بمعلومتين والا حاجة

أهو كله بفايده
--------------------------
nigro

مش كده برضه؟
-------------------------
محمود السيد

أماااال
كله يوتيوب
--------------------------
bint

آدي كلام الناس العاقلة
-------------------------
حياتي قنبلة ذرية

ربنا يخليكي يارب

أنا ماشية بدعواتكم دي بعد توفيق ربنا

مروة جمعة said...

صباح الفل يا جميلة
اما اضحكك بقى
انا كنت فعلا منتظرة الحلقة وماعنديش وصلة في البيت قلت اروح عند جدي هههههههه فوجئت بالتأجيل..:(( بس الحمد لله ما عرفتش اروح يوم الاتنين تاني فشفت جزء من الحلقات على اليوتيوب
بس حلقة تحفة وربنا يحفظ لك موهبتك
تحياتي ..

شريف طلال said...

التلفزيون هينور
مستنيين الحلقه
تحياتى

Anonymous said...

هههههههههههههههههههههههه

Anonymous said...

مهندس معماري اسكندرية
ازيك يا برايد انت ليه ما بترديش على الكومنت اللي بتجيلك انا قريت كل الكومنت هنا وملقتش ولا كومنت عليه رد منك ابدا نهائي يا ريت لو تقدري تردي على بعضها

dr.a7med rabi3 said...

طبعا أنا عارف من غير ما تقولى انك كنتى بتدورى عليا فى معرض الكتاب
بس المشكلة ان كان عندنا امتحانات ستة طب ( وما أدراكى ما ستة طب ) ومقدرتش أجى رغم انى كنت عايز أشترى الكتاب ( قلت أعملك دعاية قال يعنى انتى ناقصة )
المهم لقيت واحد صاحبى رايح المعرض فقلتله يجيبلى الكتاب ( بس طبعا لو غالى بلاش هو احنا لقينا ناكل ) المهم قالى ان هو جاب الكتاب وقراه وادهولى هدية تخيلى ( اه هدية ببلاش مش بقولك صاحبى )
بس خلى بالك صحيح أنا مدفعتش حاجة فى الكتاب بي عملتلك دعاية جامدة فى العيلة كلها
دى ماما كل يوم تفقعد تقرى فيه شوية والقاها قاعدة تضحك أقولها فيه ايه تقولى البت برايد دى هتجننى ( عجبتها أوى جمعية كتع دى )
وبعدين تقولى ما تتجوزها يا احمد أقولها يا ماما دى دكتورة وانا لسه مشروع ( مشروع دكتور مش ميكروباص يعنى ) تقولى وايه يعنى ( الا صحيح وايه يعنى )
وحتى ماما كانت عند خالى وحكيتله على كتابك قالها لما تخلصيه هاتيه ( أمال يعنى فاكراه هيشتريه احنا عيلة موفرة يا بنتى ) بس انا برضه مش عارف هو عايزه ليه ده بنته لسه فى ابتدائى
المهم بأه لازم تحاولى تنزليلنا الحلقة هنا عشان أنا ما شفتهاش والا هاعملك مقاطعة ( بهدد مش هزار )
ايه ده انتى لسه قاعدة تقرى روحى ادعيلى يالا النتيجة لسه مظهرتش
اه صحيح قبل ما أنسى ايه أخبار تويييييييييتى

ليهات said...

السلاام عليكم ورحمة الله

اول مرة اكتب في المدونة بتاعتك بس انا متابعها من يجي شهر يعني قبل التليفزيون والمعرض شوفتي بقى وشي حلو ازااي هههههههههههههه
طبعا انا اتجريت جر لحكاية المدونات دي
ده في الاول وبعدين دلوقت باجرب
ادخل بقى في الموضوع

احم احم
استحملوني ياجماعة ...........
ايه حكااية عايزة اتجوز دي
لا والله الواحد بدأ يصدق
الواحدة تتأمر على ده واصل ده مناخيره طويله وده مااعرفش شكله عامل ازااي والاخر تقول عايزة اتجوز
واللا الهانم والدتها
عاوزين وعاوزين وعاوزيين
ولا كان الواحد هيتجوز أميرة واللا ملكة وهو مش دااري
على اييه ده كله
لاو الفكرة والغريب ان الحكاية دي في اغلب البيوت المصرية يعني البنت ماتتجوزش ولا انهم يدوها لواحد فقير او لسه ادامه مستقبل
تلاقيهم عاوزين صالون ازاي وسفرة ازااي طب انا عاوز اسأل سؤال بس السفرة دي في البيوت بتستعمل كام مرة في السنة ؟؟؟ ايه لزمتها المصاريف
في اوروبا وامريكا وحتى روسيا الجواز اسهل بكتير والمهم شخصية الانسان مش معاه كام ولا تجهيزات الحكاية عندهم اسهل من كده بكتير
لكن هنا استحالة مع ان الحديث بيقول اذا جاءكم من ترضون دينه وخلقه
واللي كان مهرها كام جزء من القرآن

طبعا النتيجة : الا تفعلوا تكن فتنة في الارض وفساد كبير
غيير كده ان الكويسين فعلا بيبقى ادامهم غالبا لسه كتير وبالتالي النسبة بتقل
ولما يبقى جاهز ساعتها الواحد يبيع ويشتري على مزاجه مادام الاهل قلبوها بيع وشرا وليس جوااز

وتيجوا في الاخر قال اييه عاوزين نتجوز والبنات بيشتكوا من مفيش عرسان واللا الناس اللي بتتقدم مش مناسبة
انتم اللي عملتم كده في نفسكم تحت مسمى تقاليد وان كل واحدة بتبص للتانية

ولذلك صرااحة انا باقول يستاهلوا خليهم يتعلموا الادب

كان مرة دكتور عندنا في الجامعة بيقول عاجبني اوي جيلكم ده
زمان كان الواحد بيتعب نفسه وبيموت نفسه عشاان ييقدر يتجوز ويعمل لهم اللي هم عايزينه
دلوقتي ولييه مش عاوزيين خلااص سلامو عليكم
لما ابقى اجهز بقى
ولا في دماغهم تماما ومريحين نفسهم على الاخر
لحد ماالحكاية الحمد لله بدأت تتقلب هههههههههه ههه

طبعا اسف للعريضة االلي انا كاتبها دي بس انا قلت اني باجرب ثم انا كاتم في نفسي من زماان بقالي يجي شهر وقلت اقول دلوقتي وهي فرحاانة احسن هههههههههه

مرة تانية الف مبرووك على الكتاب وعقبال العاشر والالف بإذن الله
وخلي بالك انتي دلوقتي بقيتي صورة للمدونين يعني اللي مايعرفش حاجة عنهم بيقيس عليكم
لازم تشرفينا

والسلاام عليكم ورحمة الله

ليهات

poor said...

شش

poor said...

بجد انتي دمك خفيف واسلوبك بيعبر عن حياتي وحياتك فعلا وحياتها وحياتنا كلنا

Anonymous said...

عسل اية وأمورة اية

يا عجان انتوا كلوا كدة ولا اية

دى خبطها قطر مرتيين قبل كدة !!!!

ههههههههههههه

عندهم حق فعلا انهم مش عايزين يتجوزوا

ربنا يكون فى عونة ال هيتجوز دة

wanna b a bride said...

علامة إستفهام

شكررررررا

ده بس من تشجيعكم و دعواتكم
-----------------------
sa7bet noony

و هي دريم مشفرة؟؟

لأ نصحى مع بعض
-----------------------
bosbos

شكرا
هو ده العشم برضه
------------------------
drsamoor

الكتاب موجود في دار الشروق

ياللا بسرعةإلحقيه
-------------------------
فلاشاوي

لييييييييه بس يا عم

مانا هنا اهه

و بلاش نظام النق ده الله يخليك

-------------------------
rain man

شكرررررا
و هو ده اللي يهمني
انك تبقى مشاركني فرحتي
-------------------------
aya

ههههههههه
أنا؟
ههههههههه
صافيناز كا
ههههههههههه
-------------------------
ندى ناجي

شكرا ليكي يا قمر
ابقي تعالي على طول
------------------------
nouran

شكرا يا قمر

و سلامي الخاص

لاخواتك
------------------------
ساعد نسرين الأيمن

تصدق كنت ناوية

قالولي إوعي
دي منى الشاذلي بتغير من نسرين موووت

محمد عطيه؟
و إيش جاب لجاب

على رأيك هي الخطوة القادمة على هيلاري عدل
:)

اصحابك فين

إستنتهم و الله
هو ماكانش كلام رجاله والا إيه؟؟
--------------------------
farida

آه و حياتك لحسن العكوسات شغالة

بس بذمتك بذمتك

مش أنا أحلى من دروجبا؟
-------------------------
anonymous

كللي آذان صاغية

حلوة ليالي الحلمية دي

شديدة
--------------------------
moon-baby

أشكر لك مثابرتك حتى شراء الكتاب

أيوة كده
لا تراجع ولا إستسلام

آه اسكتي ده تويتي ده تعبني قوي

إفضلي تجنبي جواز الصالونات كده على طول

ياختي بلا هم
--------------------------
rivendell

علم و شكرا

كله جاي على يوتيوب إن شاء الله
--------------------------
أحمد سلامه

شكرا ليك

و مستنية رأيك بالتفصيل بعد ماتخلص قراية

أنشأتها و أنشأتنى said...

السلام عليكم
بجد مجهود رائع و الف مبروك ليكى و عقبال ما نفرح الفرح الكبير يوم ما تلاقىء نصفك الاثنى عشر (الثانى يعنى)

wanna b a bride said...

unique

ربنا يخليكي يا رب

بس الحمد لله انهم دخلوكي من غير تذاكر

كنت هازعل قوي لو كانوا خدوا منكم فلوس

أنا موصياهم مايخدوش حاجة من حبايب المدونة

و سلاااامي الخاص لاخواتك

تحياتي
-----------------------
anonymous

يا رب يوفق الجميع

شكرا لذوقك
-------------------------
3abratalsabeel

الكتاب في دار الشروق
حود عليهم و قوللهم غادة اللي قايلالي و هما هيدوهولك على طووول
------------------------
إبراهيم...معايا

انظر التعليق السابق

و شكرا يا فندم عشان قلت عيني كولد و الحركات دي

و الله مقدرة
--------------------------
وضاح

ياااااااااااارب
-------------------------
lobnabona

شكرا ليكي على الدعم المعنوي

بس ابقي قوليلي رأيك بأه في الكتاب

ماشي؟
-------------------------
menoshet(soso)

إيه رأيك بأه في الحتة اللي ع الحبل و الحركات

انا عملت بنصايحك أهه و لما نشوف
--------------------------
nile_queen

من جوايا

و من برايا و حياتك
--------------------------
دوحة

شكرررررا
-----------------------
whisper_1985

ربنا يخليكي يا رب

إيه المجهود الجبار ده
و الله يا جماعة بتحرجوني

تحياتي ليكي و لكل أصحابك
جمعاااااااء
-------------------------
واحدة بتحبك

العاشرة مساءا في السكة

البيوت أسرار لسه شوية

وانا كمان و الله من أول ماشفت الكلمتين دول بحبك
-------------------------
mostafarayan

البيوت أسرار كان الجمعة اللي بعد موضوع غزة ده
---------------------
الطائر الحزين

أدينا مستنيين

بس مش ذنبي بأه لو ساعتها كان البيه بيتفرج على مصارعة المحترفين

أدفع أنا تمن قلة وعيه السياسي و الثقافي و الإجتماعي يعني؟؟

و الله حرام
---------------------------
أم حنين

أنا شرفني إني زرت مدونتك
حقيقة جميلة

و دعواتك
---------------------------
بت خيخة و أي كلام

نهى بتسلم عليكي
مووت مووت مووت

و الدار ماكانتش زحمة قوي ولا حاجة
انتي من فصيلة البسكوت والا إيييه؟

سكــر said...

مبارك عليكى الكتاب
ومبروك ظهورك فى التلفزيون
بس رجاءا عاوزين الرابط

Anonymous said...

hey bride um one of ur many fans...my whole family liked u moooooooooot even ma mum she read ur book n says she's more than mazed...kol youm te7ky lso7abha fel sho3'l 3aliki wkolhom there bada2o ytab3oky....wkman shayfa enk as3'ar kateba o3gabet beha w eslobha el gameel el saree7 wbgd rabna yewafa2ek....mira

Anonymous said...

الصديقة (بعد اذنك طبعاً) برايد
الحقيقة كنت قاعد أدام التليفزيون وباتابع منى الشاذلي في العاشرة مساءً وحواليا والدتي واخواتي
وفجأة .. ظهرتي حضرتك قدام الشاشة انتي واصحابك الاتنين بعد مقدمة جميلة من منى على كتبكم اللي اتنشرت في معرض الكتاب ..
ولأن الجماعة عندنا في البيت بيفضلوا يضحكوا عليا ويتغمزوا ويتلمزوا لما باكتب في المدونة الصغنونة بتاعتي
لقيت البنات الحلوين التلاتة(مش باعاكس والله) قاعدين حلوين وشكلهم يفرح وعماله منى تشكر فيهم وتكلمهم
وفي نفس اللحظة صاحبك(اللي هوا انا وبعد اذنك طبعا)اتعدل في القعدة
ورفع راسه.. وبص للي حواليه بقرف
وقالهم شوفوا.. شوفوا زمايلي عملوا ايه(معلش باتمسح فيكوا) عشان تعرفوا ان التدوين مش اي كلام
وفجأة وبدون سابق انذار لقيت والدتي بتبصلي البصة اياها
قالتلي مانت عمال تكتب شفنالك حاجة
ضحكت ضحكة صفرة كده وعديتها
اعمل ايه بس
المهم عشان ماطولش عليكي
لما سمعت اسم مدونتك
قلت في نفسي ايه الهبل ده
بقى انا قاعد ممقق عيني في القراية ليل نهار(بالمناسبة انا في 6 طب بشري) وعمال اكتب بالفصحى والاخر اللي تتنشر مدونة اسمها عايزة اتجوز
ايه الفوضى دي
وهممت بالانفعال في وجه الشاشة
قلت دا تهريج
طب ما كانوا يسموها أريد زوجاً
لكن كدا
عايزة اتجوز
قمت بعد اللقاء القصير بتاع منى
وفتحت الجهاز ودورت على المدونة بتاعتك
بصراحة مقدرتش امسك نفسي من القراية
حاجة وان كانت اسعدتني جدا
الا اني حسيت اني عاوز انقلك شعوري الرافض جدا لمتابع جيد لمدونتك واللي اظن انها ستزدادا انتشاراً
وبجد مليون مبروك ومش غريب انهم يختاروها
لانها بجد صااااادقة جدا
تحياتي يا بنت بلدي

محمد عبد السميع
zeiky.ektob.com

جمهورية مصر العربيه said...

اول زياره ليا بعد ما شوفتك فى التلفزيون
ومبروك واتمنى ان احنا نكون وراكى كلنا

semsema said...

هستنى عشان اشوف الحلقة وربنا معاكى

Anonymous said...

كدة يا برايد انا وعلانة منك مردتيش ع التعليق بتاعى انا عارفة ان صعب عليكي تردي ع كل التعليقات بس بجد محتاجة مساعدتك انا صاحبة التعليق اللي عندى مشكلة انى بحب واحد ومش عارفة احسسة بيا ازاى

wanna b a bride said...

أمنيه

شكرا ليكي

كنت حلوة؟
اتكلمت كويس؟
------------------------
fatima

شكرا ليك

و الحمدلله انك شاركتينا سعادتنا
-----------------------
emad

شكرا
و يارب مايبقاش أول و آخر تعليق
------------------------
لولا

يا أهلا بالبلديات يا أهلا

منوراني و انتظري مني زيارة قريبة
إن شاء الله
-----------------------
مهندس مصري

ياااادي النيلة
عملتيهم و على قلبك

ليه كده بس
دانا بعززززك

اللي جاي عشان تعرف هيبقى خايف
هيحس اني بقيت قوية وورايا ناس

سلامي الخاص لبابا

و يااارب حاجة من المستقبلات دي تمشي و ربنا يوفقني ان شاء الله
-------------------------
nigro

و مافيش رد يتقال غير
شكرا
------------------------
mady

الله يخليك
وفرت عليا الكلمتين دول

--------------------
wsa507

موجود يا دوك
إبعت بس انت السي في و أنا صحابي كتير

تتجوز نهى؟؟
---------------------
wael

شكرا ليك

ده بس من ذوقك
---------------------
anonymous

و ليه يا بنتي بس

خللي عمرك كله
أقولك إبعتيلي انتي بس 32 جنيه و انا أبيعلك الكتاب

بالإهداء كمان

إنشاااااله ماحد حوش
----------------------
شكرا ليكي يا قمر

و آسفين على التعب في الإنتظار

إحنا و الله كمان أخدنا مقلب محترم يوميها
بس كل تأخيره بأه
----------------------
abdelrahman ayyash

بجد بجد ميرسي جدا

لمامتك طبعا
امال فاكر إيه؟؟

تحياتي
---------------------
eng.shosho

اهلا بيكي

حتى لو من جيش العدو

هنا فيه تعايش سلمي
طول ماحنا حلوين مع بعض

يا رب دايما منورة المدونة
---------------------------
aya

آه شفتي

يعني مش أنا السبب
عشان تعرفوا بس

ابقي قوليلي مامتك عجبها الكتاب والا لأ
-------------------------
noha

ياااااااااااااه من أيام الميكروباص

دانتي من زمان قوي
:)
أهلا بيكي يا قمر

و ماتخافوش

رقبتنا

wanna b a bride said...

نوسة من السعودية

و ماله

سلم و استلم

بس تسلمي انتي الأول

----------------------------

nesreen

أبو شنب

mohamed

tetech

سجدة

barbie girl

anonymous2

nefertiti

نبضات

anonymous3

nouna

noheal

daydreaming

sherif fahmy

لماضة

sasa

totaaaa

برغوتة

girl live in that life

fruitgirl

شيمي

سلسبيل المغربي

mermaid

قلب أحب الأمل

my hopes

دنيا محيراني

غراب & حمامة

sara

anonymous4

seeker4happiness

sameh fawzy

رضوى عمرو خالد

akeed

سلمى

anonymous5

anonymous6

rena

lonely man

دينا

rym

myself

رعد السماء

أنا و هي

شموسة

shabfa2re

مصري متغرب

emma

solm

ahmed al-sabbagh

moony

حسن أرابيسك

waleed

son's egypt

gannah

واحد مكسوف

anonymous7

يلا نفضحهم

marwaaa

الثائر دائما

da7afia_rwsha

منير

shosho

anonymous 8

حبة حاجات

anonymous9

shirry

شيماء مهدي

مروة جمعة

شريف طلال

مهندس معماري اسكندرية

dr.a7mad rabi3

ليهات

poor

أنشأتها و أنشأتني

سكر

mira

محمد عبد السميع

جمهورية مصر العربية

semsema


anonymous10



شكرا ليكم على تفاعلكم اللي فاق كل حدودي

قريت كل تعليق و حسيت باللي فيه

اعذروني اني مش قادرة أرد على واحد واحد..انتوا عارفين ظروف النت عندي ملخبطة حبتين و حسيت اني لو أجلت الرد أكتر من كده يبقى شكلي مش لطشيف

شكرا ليكوا و الله يبارك فيكوا

و يارب دايما مع بعض

تحياتي

صيدلانية said...

د/غادة
عارفة انى متأخرة اوى فى الرد بس انتى عارفه المواصلات هنا فى مصر بطيئة اوى
بس انا بجد اول مرة افتح المدونة من كام يوم
وعجبتنى اوى ماشاء الله حاجة تجنن
وشفت حلقة العاشرة مساء وكانت حلقة تجنن ماشاء الله

ياريت ياغادة لو تقبلى صداقتى
انا عارفه ان دماغك حلوة اوى ومحتاجة اوى نبقى اصحاب

مستنية ردك

Samar said...

ازيك يا سكر عاملة اية انا اول مرة اكتبلك على فكرة بس قريت الكتاب من شهرين كدة اصلى مش بقرا مدونات بس علشان الكتاب انا دورت على المدونة علشان حسيت انى عايزة اخد الجرعة قصدى يعنى وحشنى اسلوبك عايزة اقولك ان الكتاب يتاكل اكل واللة بجد حلو اوى انا جبت نسخة واتقشتت منى من واحدة صاحبتى زى كدة وجبت نسخة تانية امبارح ايوة ياعم بس اوعى تتغرى وتتفشخري بنفسك كدة المهم خلى بالك من نفسك يا سكر واكتبى باة

سمر

Anonymous said...

اللة ينور عليك واللة فقرية بجد ربنا يفتح عليك كمان وكمان وصدقينى انت كدة احسن هما المتجوزين عملوا اية يعنى وعلى راى اللى قال احنا الفلوس اللى تجوزنا بيها كانت حرام ولا اية
برافـــــــــــــــــــوا