Friday, December 21, 2007

سعيكم مشكور

17_birthday_girl

النهاردة يا جماعة ..يوم تاريخي..يوم لن يتكرر مثله أبببدا في تاريخ البشرية..يوم مهم و فاصل و يعتبر من العلامات البارزة في تاريخ عالم التدوين بل العالم أجمع ..باختصار و من غير رغي كتير النهاردة -للأسف- عيد ميلادي

الكام؟؟؟؟

و ليه الأسئلة البايخة دي بأااااه؟

عموما انتوا مش غربا و اي حد لئيم شوية هيرجع يبص ع البروفايل و هيعرف ..ده غير اللي متابعين أصلا و حافظين

النهاردة و مع الأسف و الألم و الـ,,, مش عارفة ايه كمان

عيد ميلادي ال 29

ياااااااااااااه ..بأه عندك 29 سنة؟؟

مش قلنا بلاش التعليقات البايخة دي؟

زي النهاردة من 29 سنة الست الوالدة قررت ان هو ده الوقت المناسب لتترك بصمتها على وجه الخليقة و تضيف للدنيا إضافة عظيمة و مهمة ..اللي هي طبعا حضرتي

و لأن ال29 رقم مميز جدددددا في حياة أي بنت مصرية..فهو رقم له دلالاته و من اهمها ان خلاص العداد قرب يشطب و احنا بنلعب في الوقت بدل الضايع

و خلاص يا برايد بكره اللي يسوى و اللي مايسواش يديكي اللقب المعروف و اللي بقالك 3-4 سنين بتجاهدي و تكافحي عشان تلغيه من القواميس بدون فائدة ترجى

لكن ليها حل

..البروفايل من بكره هغيره..و هاشيل السنة

و كل البوستات اللي فيها سيرة لموضوع السن هتتظبط

و كل التعليقات هيتعملها مونتاج قبل ماتتعرض

أو على الأقل زي كل الستات على مستوى العالم -جمعاااء- هيفضل عندي 28 سنة لمدة 5-6 سنين جايين (طيبه أنا قوي..ماقلتش 24 والا 25 ولا حاجة)..لكن

لكن مش عارفة ليه ..مش فارقة معايا قوي؟؟؟

مش حاسة ان ال29 دول فارقين عن ال 25 قوي يعني

يمكن هاحس كمان شوية؟؟

يمكن جتتي نحست و أخدت على كده؟؟

يمكن عشان حواليا بنات كتير زيي و كلهم زي الفل؟؟

يمكن عشان لسه بيجيلي عرسان و لسه بارفض اللي مش مناسب و مش حاسة لغاية دلوقتي اني المفروض ألم التعابين بأة و أقبل أي حد؟؟

يمكن عشان فيه نسبة كبيرة من اللي بيزنوا على وداني بطلوا - عن يأس أو إستسلام- انهم يزنوا عليا أقبل أي منظر و خلاص؟

يمكن عشان شاغلة وقتي و مش حاسة قوي بالفراغ؟

يمكن عشان اهلي واقفين ورايا في كل القرارات؟

يمكن لسبب او اتنين ..و يمكن لكل الأسباب دي

بس برضه ..صعب ان حد يقوللي كل سنة و انتي طيبة السنة دي و أقوله و انت طيب

غالبا بارد و أقول

سعيكم مشكور

:-D

123 comments:

mohamed said...

كل سنة وا،تي طيبة يا برايد .. حتي لو هتردي تقولي سعيكم مشكور :)

ويارب يكون عيد سعيد عليكي

وان شاء الله يكون العام تحققي كل أحلامك . باللي في الخير ليكي ايا كانت

زى الهوا said...

كل سنة وانتى طيبة يابنتى , انا كدة هابتدى اخاف على نفسى وبقول اغير البروفايل بتااعى من دلوقتى لحسن الموضوع يتلاحظ ولا حاجة , يابنتى الجواز دا اخر اهتمامتنا , انتى بتتكلمى فى ايه بس ( وش لاوى بوزه ) , يلا كل سنة وانتى طيبة ياقمر

Anonymous said...

كل عام و انت بالف خير و ان شاء الله ما تمر السنه الا و انت محققه كل امااااااااااااااانيكي

islam said...

العزيزة: البقاء لله وكلنا لها ونحتسبك ان شاء الله من الشهداء باذن الله تعالي ويارب يكفيكي شر ال30 ويسترها عليكي ياقادر ياكريم وشدي حيلك بقي وماتعمليش في نفسك كده

امضاء
اسلام

Anonymous said...

السلام عليكم

بما إني أكبر منك بشهرين و عمري نفس عمرك

و طابوري نفس طابورك

و بما أن كلمة (سنة) تقال للسنة الصعبة

و كلمة (عام) تقال للسنة السهلة

فبقولك كل عام و إنتي بخير و صحة و سلامة و استمري في اشغال وقتك بكورسات و حاجات مفيدة و التوكل على الله

و شكرا على المدونة اللي بتابعها من أكثر من سنة
و اللي أشوفها بتعبر كثير ليس فقط عن حال البنت المصرية و لكن عن البنت العربية بشكل عام


دمت لنا و دامت لنا خفة دمك
تقبلي أرق التحايا

Unknown said...

ياحبيبتى استمتعى بكل ثانية فى حياتك

كل لحظة وانتى طيبة ياغادة
:))

Anonymous said...

happy birthday

Anonymous said...

عقبال 100000000 سنة يا برايد
لو حد قال لك كل سنة و انت طيبة قولي له و انت طيب , افرحي باليوم زي كل سنة :D:D:D:D

Anonymous said...

السلام عليكم

كل سنة وانتى طيبة يا بريد
بجد اسلوبك هايل

ورغم انى متزوجة
ومجربتش حتى اعدى سن ال22
من غير زواج

الا انى بتابع البلوج من زماااااااااااان
لان بجد اسلوبك رائع رائع رائع

يا بنتى الجواز دا وجع دماغ
انتى متعرفيش جمال العزوبية

وان شاء الله ربنا يكرمك فى شغلك
وربنا يكرمك وتقبلى الانسان اللى تحبية وتعيشى معاه فى سعادة

واكيد مش مهم السن مدام انتى
بتحققى ذاتك ومرتاحة فى حياتك
بعيد عن كلام الناس

Esmeralda said...

بصي يا بنتي
هى فرره فى البنات
عادي عادي
و بعدين السن ده مجرد رقم مش بيعبر عن حاجه المهم انتي دماغك عامل ازاي ؟ بقي عندك خبرة و لا لأ , ايه اللى عملتيه السنين اللى فاتت و ايه اللى ممكن تعمليه السنين الجايه
لسه الفكرة ديه جايه لى امبارح,الخطط اللى اعملها لما اوصل التلاتين , ده لو لا قدر الله مارتبطش يعني ,

قارني بين حالك و حال واحده فى التلاته و عشرين متطلقه و معاها عيل مثلا او قرفانه فى جوازها
و ده برضه بقي عادي
و مدام اهلك الحمد لله موافقينك يبقي متندميش على حاجه
تخيلي نفسك متجوزة اي واحد من اللى اتقدموا لك
لو اتجوزتيه و خلاص كنتي كملتي معاه؟؟؟
و كانت عيشتك بقت ازاي
مش المهم تتجوزى و بس
المهم كمان تكملي و تكوني مرتاحه
اهم حاجه الواحد يرضي بنصيبه ايا كان
مدام بتعرفي تشغلى وقتك و تستفيدي بيه خلاص و لايهزك
لسه الواحد متعلمش كتير فى دنيته
على فكرة طلعنا بلديات :)

هى التسعه و عشرين بتوجع اوي ؟؟؟؟)

Anonymous said...

كل سنه وانتى طيبه يا برايد وبتمنى ليكى سنه سعيده ومش المهم انك كملتى كام سنه المهم انتى عملتى ايه فى اللى فات وحتعملى ايه فى اللى جى

صاحب المضيفة said...

كل سنة وانتي طيبة على رغم كل ده

ويارب يتكوني السنة اللي جاية برة القاموس خالص

لكن انتي لازم ترضي بقى بواحد من بين كل دول

الكمال لله وحده يابرايسد ومافيش حد كامل خالص


اعرفي الجملة دي كويس وبكرة تعرفي تمنها قوي

ربنا يسعدك ويهنيكي

دمت بكل الود

yas said...

كل سنة وانتى طيبة يابرايد
بصي انتى بتفكرينى بواحدة اخت صاحبتى والله كانت فظيعة بجد جميلة اوى ورقيقه اوى وكنا مستغربيين انها لسه متجوزتش بس احلى حاجة فيها انها مكانتش بتوافق على اي حد اهم حاجة انك مش تتجوزى وخلاص لحد مااتجوزت من سنة وهى عندها 30 واتجوزت واحد فظيع كمان كل واحدة نصيبها هيجيلها فى الوقت المناسب سلام

Anonymous said...

تهنئة حلوة مولعة **بأعياد حلوة مشخلعة** من غير بمب و فرقعة**لحبايب اخر مجدعة

Anonymous said...

انا برضه مصرع يا برايد
كل سنه وانتى طيبه
ربنا يحققلك كل احلامك يا قمر

Unknown said...

كل سنة وانت طيبة يا غادة
كل ما اتمناه لك هو مزيد من التفاؤل ان بكره احسن من النهارده ان شاء الله

وكما قلت لك من قبل لا تتخلي عن قناعاتك

السن مجرد رقم والاهم الشخصية والروح المرحة واللي افقه ضيق مش هايقدر الحاجتين دول عشان كده ما يلزمناش

لكي ارق تحياتي ودمت سالمة

washwasha said...

كل سنة وانتي طيبة وعقبال مليون سنة
انا برده تميت 25 سنة من كام يوم
اول مرة احس اني كبرت سنة زيادة
كنت بشتغل بمزاج وحاسة ان الشغل ترفيه واهو حاجة كدة بدل قعدة البيت
اول مرة افكر اني احوش من مرتبي و احاول ادور على شغل افضل
لاني حسيت ان الشغل بقى فرض عليا مش حينفع اقعد في البيت و ابقى عواطلية
حسيت ان طموحي بيكبر معايا وحسيت اني بقيت ايجابية اكتر

الكلمة اللعينة الي خايفة منها دي بتتقال دلوقتي
للبنات العواطلية بس

Anonymous said...

كل سنة و انتي جميلة و لذيذة و طيبة زي ما انتي و ربنا يحقق كل احلامك و يكرمك و يسعدك يا غادة يا عسل يا سكر زيادة
إيهاب

Anonymous said...

كل سنة وانتى طيبة يا برايد
مش عايزك تحسى باى مشكلة -المشكلة مش فينا المشكلة فى المجتمع بتاعنا -ياريت بدل ما يجليك عريس على السنة الجاية - يكون دماغ الناس عندنا اتغيرت و ربنا هداهم كل دا السنة الجاية-شكل ان يجيلك عريس جامد حتبقا اسهل -ربنا يرزقك من اوسع ابوابوا

خمسة فضفضة said...

السلام عليكم ورحمة الله وبركاته

برضو هاقول كل سنة وانت طيبه يا برايد
ويارب السنه الجايه تيجي عليكي وانت محققه كل اللي تتمنيه

سلام ياقمر

محمد عبد الغفار said...

كل عام وانت لله اقرب

Amr Ahmed said...

كل سنة وانتي طيبة يا برايد

والسنة الجاية تكوني في بيت العدل

حلوةالعدل دي
ههههههههههههه

Rivendell** said...

كل سنة وانت طيبة يا برايد

استمري يابنتي
وربنا يعينك
انت ماتعرفيش الهمتي بنات قد ايه انهم يقفوا ويختاروا ومايسيبوش حاجة تزقهم على قرار غلط

Anonymous said...

كل سنة و حضرتك طيبة
بس أنا مش عارف موقفك من كلمة حضرتك؟
لو بتزعلك فأنا آسف و حاسحبها فورا

Anonymous said...

السلام عليكم ورحمة الله وبركاته أطال الله بقائك على الحق وأظن أنك لابد وأن تتركى الحزن وراء ظهرك فأنت ما زلت شابه . هناك مثل شعبى لا بأس به يقول اللى يقدر ما يتعبش يعنى لو افترضنا أنك تزوجت من سنه طيار مثلا ثم مات وصرت أرمله وفى مجتمع مثل مجتمعنا كنت ستوسمين بلفظة نحس (وهى لفظه مخالفه للشرع )أيهما أفضل أن تظل بكر أم أرمله ؟ بالتأكيد بكر أفضل , احمدى الله على نعمة العافيه التى أنت فيها يا غاده وكان ليا تعليق على المدونه بس أفضل أقوله بعدين. Yours
Groom

ali said...

كل سنة وانتى طيبة يا برايد
والسنة الجايةان شاء الله تكونى برايد
بس انت جيتى متأخر قوى كده ليه :)
على العموم كل سنة وانتى طيبة متزوجة او مش متجوزة
تعددت الاسباب والجواز واحد

Anonymous said...

فى البداية أحب أقول لك كل سنه وانتي طيبه وبخير وسعاده
بس أحب اقول لك كمان ان الحياه مش بتقف فى سن معين احنا لازم نواصل ولازم تستمر الحياه بحلوها ومرها لحد منوصل للي أحنا عاوزينه وما نيل المطالب بالتمني يابرايد اكيد النصيب موجود بس لسه الأوان مجاش واكيد هتلاقي إلى يقدر يسعد ويكمل معاكي الطريق

رحاب said...

معلش نسيت اسمي رحاب

Pink Unicorn said...

كل سنة وانتى طيبة
يابنتى عادى ... زى شكة الدبوس
سبقتك من 3 شهور .. وعااااااااادى
ادينى عايشة ومش حاسة بفرق

الرقم مش مهم .. 29 , 30 , 35 حتى اهو رقم والسلام
المهم حياتك ماشية صح وللا لأ وانت انسانة صح وللا لأ
الجواز جزء من الحياة ربنا لسه ماأذنش بيه .. المهم باقى أجزاء حياتك الموجودة فعلا تكون ماشية كويس وتعرفى تحافظى عليها
ياللا كل سنة وانتى طيبة وان شاء الله السنة الجاية ربنا يكمللك الجزء الناقص من الصورة :)

Mohamed Kamal Hassan said...

برضه كل سنة وانتى طيبة

((:

Lobna Ahmed Nour said...

كل سنة وانتي طيبة

وبجد الارقام مش مهمة .. ربنا معاكي

وتحققي كل احلامك .. تحياتي

Ma 3lina said...

Happy birthday we 3o2bal 99 sana bs kefia :)

wala yhmek ya 2amr 29 .. 30.. enta lesa shabab

ظل الشمس said...

البقاء لله

Anonymous said...

كل عيد اضحي وانتي طيبة الاول فينك وحشتيني والله ..انا حبيتك قوي يا دودو
تعرفي بقي اني سبقتك من سنة ..وماكنتش اطيق حد يقولي كل سنة وانتي طيبة ..طيبة ازاي وانا نفسيتي تعبانة !!!
لغاية مااتخطبت لانسان كويس قوي الحمد لله وانا عندي 29.5 عام
يعني ان شاء الله هانت يا دودو
وفات الكتير ومابقي الا القليل .. وخلي عندك امل بالله وهو هييجي ان شاء الله .. ان ماكنش جميل جمال مالوش مثال مابقاش انا ناعومي
وكل لحظة وانتي بخير)b(

fofo said...

كل عام وانت الي الله اقرب وعلي طاعته ادوم ومن الجنة اقرب وعن النار ابعد

aya said...

ليه كده يا برايد
مالك
المفروض تزقططى كده وتفرحى
احتفلى بعيد ميلادك
وسيبك من موضوع السن ده
يعنى هما اللى تموا العشرين والاتنين وعشرين كانوا عملوا ايه
ديه كلها مظاهر

وفى الاخر كونى مبسوطة ان كمان سنة عدت
المهم تكونى انجزتى فيها حاجة انتى راضيه عنها

واحسبيها باللى جاى مش اللى راح
كل سنة وانتى بخير
ودايما اطيب واطيب

ويارب يديكى اللى فيه الخير
كل الخير
ويراضيكى بيه

والسةن الجاية تكون فى طاعة ربنا اكتر واكتر

وتكون كلها سعادة ليكى باذن الله

كل سنة وانتى غادة
عشان متهيالى غادة ديه جميلة اوى ومش هتلاقى احسن منها تكونيه

والسلام ختام

الطائر الحزين said...

كل عام انت بخير

يا رب يجعل ايام سعادك واوقاتك عبادة

تحياتى

Anonymous said...

ياااااااااااااه يا غادة( لاحظي أول مرة اقولك يا غادة )
هو انتي من مواليد برج القوس
انت عارفة انتي كسرتي ليا كم تابو في حياتي
لم اشعر ابدا في حياتي باي توافق مع اي حد مولود ف شهر 12 ولا ولاد ولا بنت الا انتي
يمكن عشان انا برجي ناري والقوس ترابي او العكس
لكن لو تتذكري ايضا انا مش كنت بحب شهر 8 زي ما قولت ليك ف الاخر حبيت يوم واحد فيه هو يوم ميلاد برايد وتامر حسني واستقلال باكستان
والان يجب ان اعيد حساباتي في برج القوس حيث اتضح اخيرا انه انجب بعض الشخصيات المحترمة

بعيدا عن الاستطراد السابق كل عام وانتي غادتنا الجميلة
والعام القادم بزواج او بدون ثقي ان الله يختار لنا الافضل دائما
ولو اطلعتم علي الغيب لاخترتم الواقع

وتذكري دائما ان هناك عظماء كثيرون (حوالي 2 مليار )لم يتزوجوا رغم انهم تجاوزا ال29 سنة
اعظمهم ساعد نسرين الايمن

MerMaid said...

كل سنة و انتي طيبة يا حبيبتي

و ان شاء الله السنة الجاية تكوني في بيت جوزك اللي نفسك فيه
و تاكدي طالما لسة بيجيلك عرسان يبقي هيجيلك واحد مناسب
ان شاااااااااااااااء الله

بس انتي ادعي ربنا كتير قوي

انا بحبك خالص والله و ربنا يعلم

Mermaid

Anonymous said...

من غير جواز السعادة فى الحياة مش كاملة , و بالجواز برضة السعادة مش كاملة , المهم جد منسيبش نفسنا للاحباط او المشاعر السلبية لان نعم ربنا كتيرة , الجواز نعمة و عطية من اللة العلى الكريم نسأل اللة ان يتم النعمة علينا مع من يسعدنا و يتقى اللة فينا

Anonymous said...

ولا سعيكم مشكور ولا كلام فاضي مش هانقول غييييييير كل سنة وانتي طيبة يا احلي برايد ويارب تحققي كل اللي تتمنيه

بسمه عبدالباسط said...

كل سنه وانتى طيبة برضة
ويابنتى بلاش تفكرى فى الحاجات دى
المهم ما تعلميش غير اللى انتى مقتنعة بيه

Empress appy said...

يا حبيبتى ولو انها متأخرة بس كل سنه وانتى طيبه وعموما كلنا سعينا مشكور يعنى اللى عندها 31سنه دى تعمل ايه تروح تنتحر بس على مين وحياتك اللى بيشوفنى يقول عندى 24 سنه مع انى ليه سابقه قبل كده وخرجت بربع المده وخلعته من جذورة وارتحت

Bride Zone said...

كلنا لها يا غادة..
انا قبلك بشهر بالضبط كان عيد ميلادي وبقى عندي 28 سنة..
عينيا دمعت وقعدت ابكي كالعادة في كل يوم ميلاد بيمر عليا من أول ما دخلت مرحلة الياس لغاية النهارده..
بس يعني احنا حنقدر نغير الواقع ونوقف الزمن...؟ للاسف لا..

كل سنة وانتي طيبة يا غادة :)

Doba said...

يالا حالن بالن بالن
هنو ام الفصاد
هتكون عيد ميلادها الليلة
اسعد الاعياد

هنو ام الفصاد
هييييييييييييييييييييه

كل سنة وانت بكل الحب والخير
تحياتى
هبة

cinderella said...

كل سنه وانتي طيبه يا قمر
حتى لو سعينا مشكور اهو احسن من مافيش برده
ان شاء الله السنه الجايه احسن واحلى وانتى عارفه
احنا معاااااااااااااااكي للاخر
وربنا يسهلها بئى عن قريب
قولي انشالله
عقبال 100 سنه يا بريد وتبئى جده واحفادك يكملوا المدونه
ويحكوا فيها عن تجاربهم هما كمان
:D :D :D :D :D

الدرويش المرووش said...

كل سنه و إنتى طيبه
و رمضان كريم و هابى نيو يير والعاقبه عندكم فى المسرات و الشباب شباب القلب و اللى يحبنا ما يضربش نار

علشان تبقى عارفه موضوع السن ده مش مشكله فى مصر بس
نو
أبسيليوتلى

ده موجود فى كل الدنيا
إمبابه
الديزه
و ميدان عادين

و مع السلامو عليكو

ftataljanna said...

سمعت لقاءك على اسلام اون لاين ولا غلس ولا دمك تقيل ولا حاجة

عسل

وحسيت انى اعرفك من زمان وكانها مش ااول مرة اسمع صوتك

غريبة صح :)

على العموم
السن مش مقياس لاي حاجة فى حياتك وممكن تتجوزى العام ده ان شاء الله

وفكرى فيها على ان فى غيرك بيتجوزوا وما يخلفوش سنين كتييييييير

جايز ربنا يعوضك وتتجوزى وتخلفى اول ما تتتجوزى

مش عارفه انا احساسي ناحيتك غريب جدا يعني ساعات لما افك انتى ممكن تكونى حاسه بايه صدقيني بقدر جدا وفى نفس الوقت بلاقى ان كل انسان فى الدنيا جواه هموم برضو

فكرى فى واحدة اتجوزت وجوزها بلاء وذريتها غير صالحة بلاء تانى وكانت بتتمنى تتايم فى بيت ابوها اكرم لها زى ما معظم الستات بيقولوا
وبتندم علىاليوم اللى اتجوزت فيه

كمان فكرى فى ان البنت المسلمة اللى تتايم فى بوت ابوها و تموت بيكون لها اجر الشهيد وتزوج يوم القيامة لمن تحب

فكرى فى نص الكباية الملان

ماحدش كبايته نصها مش فاضي صدقيني

Anonymous said...

Happy BirthDay Bride...
el sana elle gaya fe nafs el w2t dah w el tareee5 dah tkone mtgwza isa ... ay5dma m2oltsh ma5toba 7ata..la2 gwaz kda 5abt laz2 :D

sara

dr.a7med rabi3 said...

انتى برضه ما بتتعلميش مش قلتلك قبل كده ما تقوليش سنك فيه طرق تانى من غير كدب . يعنى انتى من النهارده قولى انا عندى تسعة عشر عاما وبضعة اشهر ولما حد يبقى يقولك كم شهر ابقى قوليله 120 شهر 0 وبعدين هسالك سؤال هو ايه اللى هتستفيديه لو وافقتى على اى حد وخلاص وبعدين طلع ما يستاهلش ساعتها الناس مش هتنفعك وبعدين بصراحة اللى انتى فيه ده احسن من لقب مطلقة لا قدر الله ويا ستى رزقك جاى جاى مش هتقدرى تهربى منه 0 بجد كل سنة وانتى طيبة وسعيكم مشكور 0مش عارف ليه حاسس انى فى عمر مكرم0 يالا كفاية رغى بأه انتى ما بتزهقيش 0سلام

Anonymous said...

كل سنه و أنتي 10000000000000000 طيبه :)......بجد من قلبي و كأني بقولها لأختي بالظبط .....و ربنا يخليكي بخفه دمك و طييييبه قلبك اللي ..بجد بتبان من كتاباتك....علي فكره دي أول مره في حياتي أعلق في اي مدونه رغم اني متابع مدونتك منزمااااان...بجد كل سنه و انتي طيبه و بخير ان شاء الله ياااا رب و عقبال 10000000000000000000 سنه :)

Anonymous said...

كل سنه وانتي طيبه يا ست الكل
وعقبال 100 سنه سعاده
وبمناسبه اول جمله كتبتيها
النهارده يوم تاريخي
انا كنت كاتب لنفسي قصيده بالعنوان ده بمناسبه عيد ميلادي
هابعتهالك عالميل
اتمني تعجبك

مروة الزارع said...

كل سنة وانتى طيبة وعسول كدة

يابنتى العرسااان كتييييييييييييير

بس
الـــــنــــــفـــس

lol

سنة جديدة سعيدة عليكى كمان

Anonymous said...

كل سنه وانت طيبه يا برايد وعقبال ميت سنه وتكونى حققتى كل اللى نفسك فيه وربنا يحققلك كل اللى بتتمنيه ان شاء الله السنه الجايه تلاقى حد غيرنا يقولك كل سنه وانت طيبه يا حبيبتى

son's egypt said...

كل سنه وانتي طيبه
ويكون عيد سعيد عليكي

Soooo said...

هابي بيرزداي تو يورز
هابي بيرزداي تو يورز
هابي بيزداي تو برايد
هابي بيرزداي تو يوووووووووووورز

يلا حالا بالان حيو ابو الفصاد
هيكون عيد ميلاده الليله اجمل الاعياد
فليحيا ابو الفصاد

.. كان يوم

كان يوم زي الفل
مصر فيها ملايين متجوزين لكن مافيهاش غير برايد واحده
برايد واحده بس بدخل على مدونتها باضحك من كل قلبي

ربنا يهني بالك دنيا واخره
ويكرمك ويسعد قلبك زي مانتي بتسعدي ناس كتير عن طريق انك بترسمي على وشوشهم ضحكه صافيه طالعه من القلب
كل سنه وانتي طيبه



سلاموووووووووووووووز

Dalia said...

كل سنه و انتى طيبه يا برايد
عقبال مليون سنه يا عثل
و السنه الجايه تكونى فى بيت العدل ان شاء الله
و هتقولى اختك داليا قالت

Anonymous said...

كل سنه وانتى دايما احلى برايد انا اول مره ادخل المدونه بتاعتك وكان احلى موضوع هوه عيد ميلادك ويارب ربنا يكرمك بالزوج الصالح اللى يستاهلك ويكرم كل البنات اللهم امين

سارة بندارى said...

كل سنة وانتى طيبة يا عثل

Anonymous said...

عزيزتى برايد

عودة للتعليق من داخل اراضى الامارات المباركة وبعد ان ودعت اهلى مع وعد صريح منى باتخاذ قرار بخصوص الارتباط فى الاجازة القادمة ان شاء الله

اولا يا دكتورة كل سنه وانتى طيبة و وبخير وسعاده ومش هاقولك غير نفس كلام صديقى العزيز ساعد نسرين الايمن ان الله دائما ما يقدم لنا الافضل فربما ارتبطت بانسان غير مناسب لك وساعتها يكون الندم

عزيزتى برايد نصيحة لك استمتعى بكل ثانية من حياتك وخليكى دائما متفاءله بروحك الجميله دى ومتعينا ببوستاتك الظريفة وصدقينى نصيبك مستنيكى وهايجيلك فى الوقت المناسب

سلام بقى احسن انا عندى كمية شغل مؤجل من الشهر الى فات محتاج شهرين كمان بس اول ما شوفت البوست بتاعك ما قدرتش ما اعلقش عليه

سلام

Desert cat said...

كل سنة وانتى طيبة
كلنا لها

جبهة التهييس الشعبية said...

ههههههههههههه
كل سنة وانت طيبة يا حشاشة
ههههههههههههههه
بما انك حضرتك صيدلانية فانا نفسي اعرف النوع اللي بتستعطيه عشان اخد منه باصيني وانا ح اشوفك

Anonymous said...

بسم الله...للمرة الاولى التي اكتب فيها تعليقا على موضوع في مدونه....الدكتورة الفاضله غاده او برايد (لو اطلعتم على الغيب لاخترتم الواقع)ولي فقط ملاحظه واحده هي ان لا تمري بتجارب خير الف مره من ان تمري بتجربة تعانين من عواقبها طول العمر ....يقينا اعلم ان لكل شيء اوان قدره الله لا يقع في غيره....و كل ميسر لما خلق له و ليس الانسان يعيش فقط ليتزوج....اعلم سيدات كثيرات بلغن من العمر اكثر مما بلغتي و لم يحالفهن التوفيق في العثور على شريك الحياة و ماذا حدث لهن؟ لم يحدث اي شيء ...هل تضمنين اذا تزوجتي حياة سعيدة؟ لا اعتقد لاني لا اضمن سعادة حياتي و انا بمفردي المتحكم فيها فكيف اذا شاركني غير في التحكم في نفسي و مستقبلي؟ و ختاما اعتذر عن هذه اللغة و لكني لم اعتد الكتابة بالعاميه و ادعو الله لك بالخير حيثما كان و وقتما كان

Amr said...

كل سنة وأنت طيبة.

وإنشاء الله العام القادم يكون عام الحسم :)

Anonymous said...

كل عام وانت طيبة انت زعلانة
انا عندى 47سنة ومركز احتماعى خطير ولم اتزوج مع العلم باننى جميلة نشيطة مرحة ممتازة فى عملى واهلى كلهم فى صفى
بالعربى مستخسريننى فى راجل ونسيت اقول انى غنية جدا من عملى بالخارج وماوراثته عن ابى وانا اعرف ان كل اخوتى يرفضون زواجى لمصلحتهم ومصلحة اولادهم لكن انتظر النصيب المكتوب عند الله ربنا يوفقق

Anonymous said...

ألا من وقفه ... لنا جميعاً للتضامن مع إخوتنا المدونين والتدوين ....
دعوة للتضامن مع :
(1) المدون المصري الدكتور أحمد محسن المعتقل من قبل السلطات المصرية ..
(2) المدون السعودي فؤاد الفرحان المعتقل من قبل السلطات السعودية ...
(3) مدونة يلانفضحهم التي تم تجميدها من قبل بلوج سبوت وجوجل لنشرها فيديوهات التعذيب ...وتم عمل مدونة أخري زوروها علي الرابط : http://www.yallanefdahom2.blogspot.com/
يا سادة إنما أكلنا يوم أكل الثور الأبيض .. ودول ليسوا ثورين إنما ثلاث ثيران ... !!!
زوروا مدوناتهم ... وزوروا مدونة إتحاد المدونين العرب علي الرابط :
http://arabictadwin.maktoobblog.com/
وأعلنوها غضبه لحرية التدوين وحرية العالم العربي والإسلامي ....
الحرية للكلمة ...الحرية للقلم ....
مهندس :هيثم أبوخليل
عضو الهيئة الإدارية لإتحاد المدونين العرب

Shimaa Gamal said...

Happy Birthday ya 3'ada, antom el sabkoon wa na7no el la7koon :)
I am still 28 but I can't wait to be 30 :) I am looking at the age of 30 as the age of freedom.
I love being single :) sebek enty a7san 7aga el wa7ed yekoon ra2ees gomhoryet nafsoh. la wa7ed ye2olek e3mely wala mat3mleesh. teshta3'ly we tekhrogy we te3eeshy 7ayatek ma3 as7abek ... 3andk 29, 30, enshallah 100 :) eh el far2 ... el mohem en el wa7ed yestamte3 be7yatoh
isa rabena yedeeky kol elly nefsk feeh
kol sana wenty tayeba mara tanya
manglkeesh fi 7aga we7sha abadan :)

s said...

كل سنه وانتي طيبه يا غاده وعقبال مليون سنه ويارب السنه اللي جايه تبقي احسن واحسن .... وياريت تدخلي علي الايميل ولا استخدم الايميل الغبي ؟؟؟ ههههههههههههه

Polka Dotted said...

kol sana wenty tayeba ya gameela
b2alee keter magetsh ur blog

w sa3yokom mashkoor w yeg3alha a7'er el a7zan :)

wanna b a bride said...

mohamed

سعيكم مشكور

عيد سعيد على الكل و سنة جديدة سعيدة إن شاء الله
----------------------------------
زي الهوا

خطوة البروفايل دي يمكن أأجلها 5-6 شهور
بس مش أكتر
----------------------------------
anonymous

ياااااااااااااارب
----------------------------------
islam

إهئ إهئ إهئ

شكرا و مانجيلكش في حاجة وحشة
-----------------------------------
دينا

شكرا على ذوقك
فرحت جدا لما عرفت اننا دفعة واحدة

و كل عام و انتي بخير و منورة البلوج على طول
----------------------------------
إنسانة

كل فيمتو ثانية و انتي طيبة يا قمر
---------------------------------
anonymous

thank you

wanna b a bride said...

bluerose

مش قادرة و الله

بس صدقيني بحاول
وانت..وانت..وانت طيبه
-----------------------------------
anonymous

شكرا ليكي يا قمر
انا سعيدة ان يه قراء للمدونة من على البر التاني

أهو برضه تفيدونا بخبرتك
----------------------------------
esmeralda

بلديات؟؟؟؟؟

يا أهلا وسهلا ..طب مش تقولي من زمان؟

التسعة و عشرين
لا أبدا

زي شكة الدبوس

بس في عيني
----------------------------------
anonymous

كل سنة و انت طيبة
و عقبال السنة الجاية نحتفل بعيد ميلادي

بنفس الإجتماع ده ..بس بقى زايدين واحد

ادينا مستنيين
--------------------------------
صاحب المضيفة

و الله ولا ليك عليا حلفان

لو تعرف المجهود اللي بابذله لما يجيني حد

و كميةاللمون اللي باعصرها على نفسي عشان أقبل

هو أنا يعني عاجبني الوضع ده

بس أعمل ايه؟

يالله أكيد هو كمان متغلب غلبي ده

و ديني لاخلص منه القديم و الجديد

بس لما يجي
تحياتي
---------------------------------
yasmine

أدينا في إنتظار الأستاذ فظيع ده

أنا و الله حاولت كتير أضغط على روحي و أقبل أي حد

بس ساعتها كان الموضوع بيتفشكل لوحده

الحمد لله

تحياتي ليكي و لأختك و لصاحبة أختك

إبقوا تعالوا
-----------------------------------
mahmoud

بادور على حاجة حلوة أرد بيها ع الكلام الحلو ده

آه

بسبوسة

wanna b a bride said...

myself

كل سنة و انتي بخير

و ربنا يحقق أحلام الجميع

ربنا كريم
---------------------------
rania

شكرا ليكي يا قمر

و فعلا اللي مايقدرش
مع ألف سلامه
إحنا ورانا حاجة يعني؟
-------------------------------
bestic

السنة ال25 دي هي سنة الحسم

أول ماتبتدي تفكري انك تحوشي أو تدخلي في جمعية في شغلك

تعرفي انك وصلتي لسنة الحسم

---------------------------------
إيهاب

ايه الكلام الجميل ده

يا جماعة بتكسف
:)
------------------------------
شاب مصدوم في التفكير المصري

المجتمع و تفكيره
أاااااااه

قلبت عليا المواجع

ربنا يستر
--------------------------------
خمسة فضفضة

و انتي طيبة

يااارب السنةالجاية كل الناس تحقق أمانيها

يااااارب
----------------------------------
mohamed a.ghaffar

شكرا ليك
صحيح
خير الكلام

wanna b a bride said...

amr ahmed

حلوووة قوي
-------------------------------
rivendell

اهم الكلمتين دول خلوا الدمعة تفر من عيني بصحيح

ربنا يكرمك رفعتشي معنوياتشي
---------------------------------
واحد مكسوف

حضرتك؟؟

إلا حضرتك دي

إرجع حضرتك للعريس التاني و إقراه بتمعن و انت تعرف ايه تأثير حضرتك دي عليا

مش هاغششك ..لااااازم تقرا
-----------------------------------
groom

حقيقي جددت

الكل بيقول مش أحسن ماتبقي مطلقة

انت الوحيد اللي قلتلي مش أحسن ماتبقي أرملة

فكرة برضه

أهلا بيك و باقتراحاتك على طول يا جروم
---------------------------------
ali

و اله دايما باقول لماما

مش كنتي مسكتي نفسك ال10 أيام دول و جبتيني في أول السنة

لكن نعمل ايه بأه
أمهات خرعة
:)
--------------------------------
رحاب

و ما نيل المطالب بالتمني

بس دي بالذات ماينفعش تتاخد غلابا

أدينا في الإنتظار
عادي ..احنا ورانا حاجة؟؟
---------------------------------
pink unicorn

زي شكة الدبوس

بس الدبوس شكني في عيني

في انتظار العام اقادم

يمكن يكون خير بصحيحي

wanna b a bride said...

mohamed kamal hassan

مااااشي

و انت طيب
-----------------------------------
unique

شكرا على الدعم المعنوي
----------------------------------
ma3alina

يا ستي الشباب شباب القلب
كحححححححح..كححححححح

تحياتشي
---------------------------------
ظل الشمس

مانجيلكوش في حاجة وحشة
----------------------------------
ناعومي

بذمتك ؟
يعني أستنى 5 شهور و أشوف؟؟

طيب يا ستي سهلة
فات الكتير مابقى الا القليل
------------------------------
fofo

ألف شكر يا جميل
-------------------------------
aya

و مين قال اني مش مزقططة؟

انتي مش شايفة المدونة بتتنطط ازاي؟

و الله غادة و برايد الإتنين مزقططين

يابنتي احنا جامدين قوي و مابيهمناش

عبدالرحمن فارس said...

الرائعون كالأحجار الكريمه لا نصنعهم ولكن نبحث عنهم لنهنئهم بالعام الجديد ... كل عام وأنتم بخير
عام مضى وعام يأتي ويارب السنه دي تكون أحسن من الي قبليها ونشوف نفسنا و بلادنا أحسن .... بدري بدري كده قبل الزحمه

سهر الليالى said...

كل سنه وانتى طيبه يا برايد
كل سنه وانتى اجمل بقلبك الجميل دة

ويارب السنه اللى جاية تكونى مش برايد بس لا وأم العيال كمان

بس بجد ربنا يرزقك باللى يستاهلك إن
شاء الله

تحياتى يا قمرة

ايمو said...

كل سنه وانت طيبه وانا اول مره ادخل مدونتي بس ما علهش ما تتكلميش بلغه الياس دي علشان اخل تاني
وادعوكي لزيارة مدونتي
http://ino-this.blogspot.com/

Mohamed Kamal Hassan said...

معلش
عارف إنك هتضربينى


بس ممكن تبعتيلى إيميلك اللى بتستقبلى عليه الحكايات تانى عشان حفظته عندى من غير اسم وطبعًا مش عارف ألاقيه

آسف جدًا على تعبك

Anonymous said...

السلام عليكم و رحمة الله و بركاته,

جملة قريتها و عجبتني,
كل ما نرزق به في الحياة هو اختبار للشكر وكل ما نحرمه هو اختبار للصبر,

ربنا يرزقك بالراجل اللي بيه يسعدك و يقر عينك و يعوض صبرك خير

على فكرة مدونتك جميلة جدا و انا متابعها من فترة

mohamed said...

كل سنة وانتى طيبة يابرايد وزى ما قلت لكى فى تعليق سابق حتتجوزى حتتجوزى وتلاقى راجل تعكنينى علية , بس انا عايز أقولك أن الرجالة مش هما الى بيجوزا البنات ,البنات هما الى بيجوزوا الرجالة , شوفى أنتى تحطى عينك على راجل ينفع تتجوزية وبعدين نبدأ مراحل الاستطلاع والمنا وشات والهجوم والخداع التكتيكى والاستراتيجى وبعدين هوب الراجل من دول يلاقى نفسة مجوز من غير ما يحس ولا أحم ولا دستور وتبقى تدعيلى ولو عايزة استشارة قولى ليا, فى النهايةأنا راجل قرفان من رجالة اليومين دول وبالرضة مش حجوز

Anonymous said...

سلام عليكم


ازيك يا برايد

بجد البلوج تحححححححفه جدا

يسلم ايدك يا قمر


وكل سنه وانتى طيبه وان شاء الله السنه الجايه اقولهالك وانتى متزوجه من الانسان الى يملى علي حياتك حب وحنان وسعاده







سلااااااام

simple girl.. ..simple dream said...

يا ستى كل سنة وانت طيبة واللى يحاول يقولك انك كبرتى او كدة حطى صباعك فى عينه
ايه اللى هيتغير فيكى لما تتمى التلاتين
ولا الخمسة وتلاتين حتى
هتفضلى زى مانت
شابة وبصحتك
هتفضلى نشيطة وناجحة
هتفضلى حلوة
عقدة التلاتين دى موجودة عندنا احنا بس
برة بيكونوا فى عز شبابهم وقمة عطائهم فى الاربعين
احنا الوحاد فى الدنيا اللى بنربط الشباب بسن العشرين
ارجوكى ارفضى دة ويلا كلنا نغيره
التلاتين هو بداية النضج والشباب وليس نهايته

wanna b a bride said...

الطائر الحزين

شكرا جزيلا

تحياتي
------------------------
ساعد نسرين الأيمن

سعيدة غنكناديتني بإسمي

عشرة بأه و كده

و سعيدة اكترفي كسر التابو بتاع شهر 12 ده

فيهناس طيبين و الله ده حتى مامتي كمان مواليد نفس الشهر

2
مليار

مش عارفة أفرح عشان مونسين بعض
و الا أزعل من إحتدام المنافسة
--------------------------
mermaid

الحب متبادل

و ياااارب يرزق الجميع الخير

تحياتي
---------------------------
anonymous

ما فيش حاجة كاملة

أنا متأكدة من كده

لكن الإنسان مايقدرش غير انه يسعى دائما وراء مايعتقد أن فيه سعادته

اييييييه
دنيا
----------------------------
noura

كل سنة و انتي طيبة يا قمر

شكرررا و يارب الكل يحقق اللي بيتمناه
----------------------------
bos bos

و انتي طيبة برضه

أديني ماشية على مبدأي لما نشوف هيوصلنا لفين
-----------------------------
appy

29
31
هي هي نفس الفئة
سيبك انتي بلا رجاله بلا بتاع

ما فيش أجدع من البنات الحلوة

تحياتي

wanna b a bride said...

bride zone

28
29

زملاء كفاح يعني

أنا ماعيطش لسه

يمكن كام يوم كده و أستوعب و أتفتح في العياط
--------------------------
doba

كل سنة و انتي طيبة يا هبه

بتحرجيني قصاد الإستعراض بتاعك ده

كان المفروض ينوبك حتة من التورتة

السنة الجاية ان شاء الله و لو اني أشك ان هيبقى فيه إحتفال أصلا
--------------------------
cindrella

خليكوا معايا للآااااخر

بس لما نشوف يارب بس تختم على خير

أحفادي هيورثوا المدونة طبعا

غنتي ناسية اني باشتغل في الحكومة

ماحلتيش حاجة تانية أورثهالهم
---------------------------
الدرويش المرووش

طب ماهو لازم يلاقولنا حل

يايوفرولنا عرسان

يايوفرولنا الكلة عشان ننسى بيها اللي جرا

أو يوفرولنا
dvd
---------------------------
ftataljanna

كويس قوي ان الحوار عجبك

أصلي كنت مستغربة نفسي فيه قوي

لما تحسي انك مش أول مرة تسمعي صوت حد و انك تعرفيه من زمان

ده دليل على انه قريب من قلبك ..أعتقد

فده شئ بيسعدني جدا

صدقيني أنا مش دايما بافكر في نص الكوباية الفاضي..بالعكس

لكن ده مايمنعش ان فيه أوقات بتطلب مع الواحد نكد

ربنا يصبر الواحد على نفسه أولا

تحياتي
----------------------------
sara

ده العشم برضه

و بعدين ماعادش فيه وقت لخطوبات و حاجات من دي

عايزين ندخل في المفيد و نلحق نخلف العيلين اللي هنتلخم فيهم بقية عمرنا
---------------------------
dr.a7med rabie3

حلوة قوي موضوع 19 سنة و بضعة أشهر

لأ بجد عجبتني قوووي

أنا ماعنديش استعداد أتجوز لمجرد الجواز

و لا أرضي الناس على سبيل راحتي

و عشان كده انا لسه معاكوا أهه

أنا مابازهقش من رغيكم على فكرة

ربنا يصبكم إنتوا بأه على رغيي

wanna b a bride said...

skywalker

يا أهلا بالقراء السريين

شكرا ليك و كل سنة و انت طيب على الكلام الجميل

أتمنى أن أكون أستحقه
-----------------------------
anonymous

وصلتني القصيدة

جميلة جدا

بس تفتكر أنهي يوم الأترخ؟؟

يوم ميلادي و الا يوم ميلادك
----------------------------
مروة الزارع

أهي هي النفس دي

هي اللي فيها كل المشكلة

تحياتي
------------------------------
snow white

ياااااااااااااااارب

السنة الجاية ألاقي حد "معاكوا" يقول كل سنة و انتي طيبة
معاكوا مش غيركوا

انا أقدر أستغنى عنكم أبدا؟
----------------------------
son's egypt

كل سنة و انت طيب

شكرا ليك
-----------------------------
soooo

ما كانش فاضل غي
أجمل ما في الحفة مين؟
عشان أوبريت أغاني عيد الميلاد يكمل

ميرسي على ذوقك و على الكلام الحلو
و الدعاوي اللي ان شاء الله ليك نصيب فيها

و فعلا كان يوم زي الفل
--------------------------
dalia

و انتي طيبه يا قمر

و ساعتها و الله هافتكرك و أقول
أختي داليا قالت
---------------------------
anonymous

يا رب ماتكونش آخر مرة في دخولك المدونة

و يا رب يكرم الجميع

ياااااااااارب

wanna b a bride said...

سارة بندري

و انتي طيبة يا قمر
--------------------------
مصري متغرب

برضه عرفت تفلت منهم؟؟

و بعدين يعني و اللي مستنياك و انت نصيبها دي ذنبها ايه يعني؟

ولو هاتروح فين يعني؟

برضه نصيبك و هيصيدك

و انا كمان في يوم من الأيام متأكده انه هيقع

هو بس محجر شويه

صدقني انا مش عايشاها دراما خالص

و بجد بحاول أستمتع بكل لحظة في حياتي

تحياتي
--------------------------
desert cat

كل سنة و انتي طيبة

مانجلكيش في حاجة وحشة
--------------------------
جبهة التهييس الشعبية

عينيا ليكي

تعاليلي بس بعد الساعة 3 الفجر و انا أظبطك

يا سلااام..إحنا بس عايزين نخدم
--------------------------
anonymous

عامية أو فصحى

أهلا بيك أو بيكي مش عارفة

انا عارفة كويس كل اللي مكتوب ده و فاهماه كويس و هو ده اللي بيصبرني و بيخليني انقي براحتي و ما ارميش نفسي في أي جوازة و السلام

ربنا بس يباركلنا في اي شئ قاسمه لينا في الدنيا

تحياتي
-------------------------------
amr

و انت طيب

يا إما هيبقى عام الحسم

أو النكسة

ربنا يستر
----------------------------
anonymous

النصيب زي ما قلتي مكتوب عند ربنا

و أدينا في الإنتظار

ربنا بس يستر و ينتهي الإنتظار على خير
ان شاء الله

تحياتي
--------------------------
هيثم أبو خليل

علم و ينفذ

wanna b a bride said...

shaimaa gamal

الحرية مش بالسن

المجتمع هو المجتمع في العشرين أو التلاتين
مع فارق فقط في درجات الزن


لكن برضه عدم التحكم من الطرف التاني ده ميزة

ماحادش أبدا هيعاملك زي ما أهلك يعملوا معاكي

التاني بيبقى جاي زي مايكون فيه تار بايت بينك و بينه

ربنا يستر

و ربنا يجعله آخر الأحزان
-------------------------------
memo

كل سنة و انت طيب يا سبعاوي

يا رب يبارك في السنة دي

مع إنها خبيثة

الإيميل يرحب بالكل

اما الشات

و الله هحاول

بس مش عارفة ليه باكرهه؟
عايزة حد يفسرلي سر العقدة دي

فييينك يا فرويد
----------------------
batabeet

أهلا بيكي مرة تانية

عود أحمد

و مانجيلكيش في حاجة وحشة أبببدا
------------------------
عبد الرحمن فارس

إيه الكلام الحلو ده

كل سنة و انت طيب

و ربنا يجعل السنة دي خير من السنة اللي فاتت

يااارب
--------------------------
سهر الليالي

أم العيال؟

في سنة

طب عيل واحد بس أنا موافقة

شكرا ليكي يا عسل

تحياتي
-----------------------------
ايمو

لا مكان لليأس في مدونة برايد

و إسألي الناس و هما يقولولك

منورة المدونة

و زيارة مردوده إن شاء الله
-----------------------------
mohamed kamal hassan

ولا يهمك
wannababride@yahoo.com

-----------------------------
tamer

جملة جميلة فعلا

أهلا بيك دايما في المدونة

اللي هي جميلة بس بتفاعلكم و تعليقاتكم
------------------------------
mohamed

إمتى بأه

نفسي أبتدي العكننة بأه

الخداع و الإستراتيجيات دي ماليش فيها خااااالص

خايبة جدا في الموضوع

باصيلي شوية نصايح ينوبك ثواب

و كويس انه شهد شاهد من أهلها
--------------------------
not mee

البلوج تحححفففة بس بالناس الحلوة اللي بتيجي تعلق

شكرا على الدعوة الحلوة

تحياتي
---------------------------
simple girl.. ..simple dream

صوابعي العشرة و حياتك

سيبك انتي

الشوباب شوباب القلب

بس مين اللي يغير أمخاخ الناس؟

Anonymous said...

مش عارف هتصدقيني لو قلتلك اننا متابعينك من اكتر من سنه ، وقرينا كل مدوناتك ، انا وكل صحابنا في صيدله الزقازيق ، والله يا برايد انتي بيتضرب بيكي المثل في البنت اللي مبتيأسش وثابته علي موقفها برغم ان دلوقتي كل الظروف المفروض انها ضدك ، انا سعيد ان اول مشاركه ليا تكون في عيد ميلادك وده بعد اخيرا مشتركت عالبلوج سبوت ... عيد ميلاد سعيد برغم ان هوا ال 29 :))

Anonymous said...

كل سنة وانتي بالف خير يا بوبو وعقبال 100 سنة وانتي بكل خيروسعادة

وان شاء الله الشهر اللي جاي اشوفك في بيت الزوجية

آمييييييييييييين

شوفتي يا بوبو ؟ عملو اغنية على اسم مدونتك اسمها انا عايز اتجوز بتاعة كريم ابو زيد
انا لو منك اطالب بحقوق الملكية

Anonymous said...

ازيك يا احلى غاده فى مصر
والله ياغاده كلامك حكم ومتكيفه منه اوى
بس ياغاده والله عايزه اسالك هو الكلام الى بيحصل ده مش بيخليكى تفقدى الثقه فى نفسك؟
طيب ازاى تقدرى تتغلبى على كلام الناس وتلميحاتهم الرخمه دى انك لسه مش مخطوبه
اصل الواحده مننا بتلاقى فى حياتها كده ناس تخصص نكد لو شايفينك مبسوطه بسرعه يلحقوا ينكدوا عليكى كانه سباق للنكد

Love & Friendship,this is my life said...

كل سنة وانتى طيبة يا برايد من غير سعيكم مشكور
وعقبال سنتين ونص كمان :]

مهندس مصري بيحب مصر said...

كل سنة و انتي طيبة و عقبال 100 سنة و يكونوا أحفادك حواليكي

VioLotus said...

Hi
Happy Birth Day , and you should be happy because 29th bd is a new stage of life , exactly like when you got 18 and had your first credit card & driving licence ( oh , well , not exactly ... ) but , still , it's the last 2x bd you would ever have, it gotta be special ^ > ^

P.S: why do you wanna get married so badly ? do you hate your life that much!? anyways, it resulted in a very cool blog , so it's not totally bad after all :lol:

محمد الوكيل said...

كل سنة وحضرتك طيبة..وطول ما حضرتك بخير ولا يهمك أي شئ في الحياة ^^ وبلاش سعيكم مشكور ^^

شكراً..
محمد المصري

ROMANTIC ROSE said...

كل سنة و انتي أطيب و حظك احسن ان شاء الله ..

السنة الجاية هنقولهالك و انتي ف بيتك ان شاء الله ..

لا تقلقي و كوني سعيدة :)

akeed said...

كل عام وانتى طيبة وعقبال 100سنة وعقبال ما تسيبى انتى كمان بصمت فى الدنيا زى ممامتك .
أكيـــــــد

أنا مسلمة said...

ما شاء الله

مدونتك جامده وأسلوبها رائع

حبيبتى

كل عام وإنتى إلى الله أقرب وعلى طاعته ادوم ولعمل الخيرات أسبق

وتذكرى أن الزواج رزق بيد الخالق
وكل إنسنا بياخد نصيبه
فلا تحزنى ولاتيأسى
وإستمرى فى الدعاء
والتوسل إلى الرحمن الرزاق

S H A H said...

كل سنة وانتي طيبة و عقبال السنة الجاية تبقي مع العريس اللي هحسده عليكي

Anonymous said...

عزيزتى برايد

والله انا مش عارف الناس الى حواليكى دول ايه ؟ ما عندهومش نظر بقى حد يسيب واحده بخفة الدم دى وكمان صيدليه يعنى مثقفة
صحيح العلم لا يكيل بالباذنجان

اما بخصوص الى هى نصيبى ما تقلقيش زمانها عندها شغل ولا دراسة يشغلوها بس السنه دى لحد ما انا ارجع وبعدين ما فيش اسرع من الايام ده انا نمت فى اول يوم الاجازة بالليل صحيت قالولى قوم اجازتك خلصت

مفلس افندى الرايق said...

كل سنه وانت طيب يا قمور
زمان كنا بغنى هابى بيرث داى
والنهارده هانقولك سعيكم مشكور

ازيك يا بنتى اخبارك ايه
كل سنه وانتى طيبه

DR.HAMAS said...

ربنا يجعل أيامك سعادة

و تكون الأيام دى طاعة لربنا

و الجواز مش هو استقامة الدنيا يعنى

ربنا بس يرضى عنا

و نضمن الجنة

و انشاللا نعيش 100 سنة متجوزش

بس يتختم لنا بالجنة يا رب


ياااااااارب


و هناك بقى جواز مش اى جواز

و اللذى منه

ههههههه

ربنا يكرمك يا أختنا

انا أشكرك على كلامك عن موضوع السن ده بالفكاهة دى

و انك تكلمينا عادى كدة و بضحك

ربنا يجزيكى خير

و يمن عليكى بمن يناسبك

و يسعدك

و يأخذ بيدك للجنة



جزاكم الله خيرا


د.حمـــــاس

wanna b a bride said...

lekorika

يا أهلا بكل الزملا بدولة الزقازيق الشقيقة

و أهلا بيك على البلوج سبوت

أمانة تبلغ تحياتي لكل الإخوة الزقازيقيين
-----------------------
شروق

بوبو ؟
أممممممممم
ماشي و ليه لأ
و الشهر الجاي لو بجد حصل هاعملك بوست بحاله ليكي إنتي بس

كريم عبد العزيز
قصدي كريم أبو زيد ده أنا هابهدله

بس أما أفضى شوية
-------------------------
anonymous

سعيدة جدا إني باكيفك

هو ده هدفي من المدونة كلها

تهذيب و إصلاح و تكييييف

الناس دول تقومي بسرعة تدوريلهم على حاجة تنكد عليهم و تقومي سابقاهم و منكده عليهم إنتي

الهجوم خير وسيلة للدفاع
--------------------------
love&friendship,this is my life

ليه سنتين و نص؟؟

شهرين و نص كفاية
--------------------------
مهندس مصري

ياااااااااااااااااااااارب
--------------------------
violotus

oh it's special

it's veeeeeeery special

إهئ إهئ إهئ
--------------------------
محمد المصري

كمية حضرتك فعلا تدوخ

شكررررا

wanna b a bride said...

romantic rose

لا يمكن أقلق

كل شئ بأمر الله

و المكتوب على الجبين لازم تشوفوا العين ياأحمد

كل سنة و انتي طيبة
تحياتي
-------------------------
akeed

فعلا موضوع البصمة ده مهم جدا

وانا بصمتي مش هتكون أي بصمة
إن شاء الله
--------------------------
أنا مسلمة

سعيدة إن المدونة عجبتك

و هي في الحقيقة منورة بقراءها

يا رب يرزق كل إنسان الخير له إن شاء الله
--------------------------
shah

حلوة قوي هاحسده عليكي دي

عجبتني صحيح
--------------------------
مصري متغرب

أهي الغلبانة تلاقيها مستنياك و اللي حواليها برضه مش سايبينها

بيزنوا على ودانها كل يوم

ربنا يصبرها
--------------------------
مفلس أفندي الرايق

حلوة

أخباري زيمانت شايف

إيه أخبارك إنت؟
--------------------------
dr.hamas

شكرا علىالكلام الجميل ده كله

و فعلا ربنا يكملها على خير

و يختملنا جميعا بالجنة

يااااارب

Unknown said...

كل سنة وانتى دمك خفيف يا برايد
وكل سنة وانتى بتضحكى وتضحكينا
وكل سنة وانتى كل حاجة

Anonymous said...

السلام عليكم


أطال الله في عمرك وحسن في عملك

L.G. said...

أمال لما تقلب صفر حتعملي ايه مدونة طيبة للغاية ومنتشرة في المفضلات عند أغلب المدونين
عمر مديد ان شاء الله في خير وصحة ورضا يارب وربنا يعوض صبرنا خير

Unknown said...

كل عام وانت بخير يا آنسة غادة
آنسة وإن شاء الله قريبًا نقول يا مدام، موضوع السن ده المفروض المرأة لا تخجل منه، المهم الإنسان و الشخصية، الكلام ده مش للاستهلاك المنزلي، ده بجد، كفاية إن سيد الخلق تزوج السيدة خديجة وهي بعد سن الأربعين، وكانت أحب أزواجه إليه حتى بعد موتها، كانت أحب إليه حتى من عائشة البكر الصغيرة الوحيدة التي تزوجها الحبيب المصطفى
تحياتي

Anonymous said...

كل سنة وانتى طيبة يا برايد وبعدين ايه اللى بتقوليه ده هو ضل راجل ولا ضل حيطة المهم انك زى ماقلتى لسة بترفضى ولسة مرغوبة ومش محسسانى ان الرجالة دول اخر المطاف وقاعدة مستنياهم وشاغلة وقتك ده المهم طب عقبال ما ابقى عندى 29 سنة ومتألقة زيك كدة
كل سنة وانتى بالق خير

حمامة said...

كل عام وانتى بخير يا جميلة :)
وان شاء الله السنة الجاية تبقى برايد بجد :)

Anonymous said...

بسم الله الرحمن الرحيم
اولا كل سنة وانتى طيبه يابريد ( زى مااصحابك بيقولولك )
ثانيا انا اول مرة ادخل على البلوج ده بصراحه وبصراحه هو دمه خفيف خالص
بس عارفه انا ليه كتبت تعليق على الموضوع ده تحديدا على الرغم من انه بقاله تقريبا شهرين ؟؟؟؟؟؟؟؟؟؟؟؟؟؟؟؟
اقولك فى اليوم ده 21/12/2007 اخويا الصغير اتجوز وكان يومزى العسل يوم فرح فيه البيت كله وده موضوع مش بيحصل كتير
اه على فكرة انا اكبر منك ب 6 شهور ويوم وانا مش متجوز
ياريت تقبلى انى اكون من اصدقاء المدونه وتسمحى انى امر عليها كل فترة
تقبلى تحياتى
معتصم
سلام

Anonymous said...

كل سنه وانتى طيبه يا احلى برايد لو انها متاخره شويتين
بس انا كنت متابعه البلوج من زماااان وبحب اقرالك اوى بس عمرى ما بعت وبعدين بعدت عن النت فتره طويله
المهمه انا مبسوطه اوى بيكى وبالكتاب وحاسه بكل الى بتكتبيه ومبسوطه كمان انك مواليد 21-12 زى انا كمان

Eman said...

,kmمتقوليش كده انا هتم 25 اهوه عادى مش هتفرق زى منتى كاتبة المهم تبقى حسة ان السنين دى مش بتضيع عليكى وانك بتعملى فيها حاجة اى حاجة بدل متضيع ومش تلاقيها بعدين

hamssah said...

كل سنه وانتي طيبه يا برايد
وبعدين خدي الموضوع ببساطه كده وخليكي منشكحه
الحياه حلوة وجميله ولذيذه اهيء اهيء اهيء
همسه

Anonymous said...

السلام عليكم.. أنا إتفرجت على جزء من حلقة شبابيك... و بصراحة كنت عايز أسألك سؤال صريح: هل كل من تقدموا إليكي كان الرفض يأتي من طرفك و ليس من الطرف الآخر؟..... النقطة التانية هي أن تهدي جرعة اليأس قليلا.. فأنا أصبحت غير متحمس للتقدم لفتاة في مثل سنة ال27 و ما فوق لأنها تكون مشبعة بأفكار عدم مسؤولية الشباب و تفاهته التي تحدثت عنها... و أعتقد أن الموضوع ليس أكثر من عدم وجود السياق الإجتماعي المناسب لتعارف كلا الجنسين على يعضهم البعض بشكل مقبول فما قد يجده شخص ما تفاهة يجده شخص آخر مرح.. و ما قد يعتبره شخصا ما تشددا قد يجده شخص آخر إلتزاما طيبا......... و ربنا يرزقك بالزوج الصالح إن شاء الله..و يرزق الجميع الزيجة التي تملأها المودة و السكن و الرحمة..

أحمد المصري

مصري بالغربة said...

يا جماعة ارحمونا احنا الشباب المصريين

بدول الخليج

والله بنتعاير لما حد منهم يقرا لوحدة زي ديه

انا باشييد واوجه كلامي ده للمصريين الرجالة في مصر

تبرعوا لكرامة المصريين بالخارج

حد يتبرع ويتجوزها ويخلصنا يا جماعة الخير

ارجوكم

واحنا ممكن كمان نجمع من بعض ونجيب لكم الشقة والعفش وكل حاجة كمان

بس خلصونا وحد يلمها ويتجوزها

وقال بتقول

يا حلولي يا حلولي

فاكرة نفسها لسه نغة ولا ايه

ايه الهطل

والعاهات ديه

يا اخوانا ارحمونا , مش كده يعني خالص

والكارثة انها صيدلانية كمان

امال خلت ايه للي مش متعلمين بس

هي مصر ف النازل من شوية

مصري بالغربة said...

يا جماعة ارحمونا احنا الشباب المصريين

بدول الخليج

والله بنتعاير لما حد منهم يقرا لوحدة زي ديه

انا باشييد واوجه كلامي ده للمصريين الرجالة في مصر

تبرعوا لكرامة المصريين بالخارج

حد يتبرع ويتجوزها ويخلصنا يا جماعة الخير

ارجوكم

واحنا ممكن كمان نجمع من بعض ونجيب لكم الشقة والعفش وكل حاجة كمان

بس خلصونا وحد يلمها ويتجوزها

وقال بتقول

يا حلولي يا حلولي

فاكرة نفسها لسه نغة ولا ايه

ايه الهطل

والعاهات ديه

يا اخوانا ارحمونا , مش كده يعني خالص

والكارثة انها صيدلانية كمان

امال خلت ايه للي مش متعلمين بس

هي مصر ف النازل من شوية

مصري بالغربة said...

يا جماعة ارحمونا احنا الشباب المصريين

بدول الخليج

والله بنتعاير لما حد منهم يقرا لوحدة زي ديه

انا باشييد واوجه كلامي ده للمصريين الرجالة في مصر

تبرعوا لكرامة المصريين بالخارج

حد يتبرع ويتجوزها ويخلصنا يا جماعة الخير

ارجوكم

واحنا ممكن كمان نجمع من بعض ونجيب لكم الشقة والعفش وكل حاجة كمان

بس خلصونا وحد يلمها ويتجوزها

وقال بتقول

يا حلولي يا حلولي

فاكرة نفسها لسه نغة ولا ايه

ايه الهطل

والعاهات ديه

يا اخوانا ارحمونا , مش كده يعني خالص

والكارثة انها صيدلانية كمان

امال خلت ايه للي مش متعلمين بس

هي مصر ف النازل من شوية

مصري بالغربة said...

يا جماعة ارحمونا احنا الشباب المصريين

بدول الخليج

والله بنتعاير لما حد منهم يقرا لوحدة زي ديه

انا باشييد واوجه كلامي ده للمصريين الرجالة في مصر

تبرعوا لكرامة المصريين بالخارج

حد يتبرع ويتجوزها ويخلصنا يا جماعة الخير

ارجوكم

واحنا ممكن كمان نجمع من بعض ونجيب لكم الشقة والعفش وكل حاجة كمان

بس خلصونا وحد يلمها ويتجوزها

وقال بتقول

يا حلولي يا حلولي

فاكرة نفسها لسه نغة ولا ايه

ايه الهطل

والعاهات ديه

يا اخوانا ارحمونا , مش كده يعني خالص

والكارثة انها صيدلانية كمان

امال خلت ايه للي مش متعلمين بس

هي مصر ف النازل من شوية

مصري بالغربة said...

يا جماعة ارحمونا احنا الشباب المصريين

بدول الخليج

والله بنتعاير لما حد منهم يقرا لوحدة زي ديه

انا باشييد واوجه كلامي ده للمصريين الرجالة في مصر

تبرعوا لكرامة المصريين بالخارج

حد يتبرع ويتجوزها ويخلصنا يا جماعة الخير

ارجوكم

واحنا ممكن كمان نجمع من بعض ونجيب لكم الشقة والعفش وكل حاجة كمان

بس خلصونا وحد يلمها ويتجوزها

وقال بتقول

يا حلولي يا حلولي

فاكرة نفسها لسه نغة ولا ايه

ايه الهطل

والعاهات ديه

يا اخوانا ارحمونا , مش كده يعني خالص

والكارثة انها صيدلانية كمان

امال خلت ايه للي مش متعلمين بس

هي مصر ف النازل من شوية

مصري بالغربة said...

يا جماعة ارحمونا احنا الشباب المصريين

بدول الخليج

والله بنتعاير لما حد منهم يقرا لوحدة زي ديه

انا باشييد واوجه كلامي ده للمصريين الرجالة في مصر

تبرعوا لكرامة المصريين بالخارج

حد يتبرع ويتجوزها ويخلصنا يا جماعة الخير

ارجوكم

واحنا ممكن كمان نجمع من بعض ونجيب لكم الشقة والعفش وكل حاجة كمان

بس خلصونا وحد يلمها ويتجوزها

وقال بتقول

يا حلولي يا حلولي

فاكرة نفسها لسه نغة ولا ايه

ايه الهطل

والعاهات ديه

يا اخوانا ارحمونا , مش كده يعني خالص

والكارثة انها صيدلانية كمان

امال خلت ايه للي مش متعلمين بس

هي مصر ف النازل من شوية

مصري بالغربة said...

يا جماعة ارحمونا احنا الشباب المصريين

بدول الخليج

والله بنتعاير لما حد منهم يقرا لوحدة زي ديه

انا باشييد واوجه كلامي ده للمصريين الرجالة في مصر

تبرعوا لكرامة المصريين بالخارج

حد يتبرع ويتجوزها ويخلصنا يا جماعة الخير

ارجوكم

واحنا ممكن كمان نجمع من بعض ونجيب لكم الشقة والعفش وكل حاجة كمان

بس خلصونا وحد يلمها ويتجوزها

وقال بتقول

يا حلولي يا حلولي

فاكرة نفسها لسه نغة ولا ايه

ايه الهطل

والعاهات ديه

يا اخوانا ارحمونا , مش كده يعني خالص

والكارثة انها صيدلانية كمان

امال خلت ايه للي مش متعلمين بس

هي مصر ف النازل من شوية

مصري بالغربة said...

يا جماعة ارحمونا احنا الشباب المصريين

بدول الخليج

والله بنتعاير لما حد منهم يقرا لوحدة زي ديه

انا باشييد واوجه كلامي ده للمصريين الرجالة في مصر

تبرعوا لكرامة المصريين بالخارج

حد يتبرع ويتجوزها ويخلصنا يا جماعة الخير

ارجوكم

واحنا ممكن كمان نجمع من بعض ونجيب لكم الشقة والعفش وكل حاجة كمان

بس خلصونا وحد يلمها ويتجوزها

وقال بتقول

يا حلولي يا حلولي

فاكرة نفسها لسه نغة ولا ايه

ايه الهطل

والعاهات ديه

يا اخوانا ارحمونا , مش كده يعني خالص

والكارثة انها صيدلانية كمان

امال خلت ايه للي مش متعلمين بس

هي مصر ف النازل من شوية

Anonymous said...

فرق كبير ان نتناول الكتابة على انها شىء شخصى وعلى انها عمل ادبى 00 ياكل الناس حاولوا ان تفهموا انه لاتوجد بنت او ولد حتى يقبل ان يتكلم عن نفسه بهذاالشكل 000 ولكن الاسلوب الادبى له مبرراته
هذه الدكتور الصيدلانية تحظى باحترامى وانا فى مقام جدها لانها لذيذة الكلمة وساخرة بالمعنى الحرفى للكلمة وهى تقول مايحدث فعلا فى كل البيوت بلا خجل او تزويق رغم اننا كلنا نفعل الاشياء نفسها
عيب البنت انهاقامت بتعريتنا جميعا ومسحت التزويق من على وجوهنا وواجهتنا بشجاعة فى موضوع نعيشه كلنا كان البنت عار يجب محوه مع العلم ان البنت سعادة فى البيت بيت الاب وبيت الزوج
تحياتى ياابنتى ولايهمك من كلام لايقدم ولايؤخر والاخ بتاع الخليج ياريته يشوف الخلايجة بيعملوا ايه قبل مايتكلم عن بنت بلده بهذا الاسلوب الفج

كل التحية والاحترام لك يابرايد اسف ياغادة اسف يادكتور غادة
بابا جلال