أعذروني يا جماعة ..إتأخرت عليكم
كان عندي ظرف..حزين..كئيب ..يقبض القلب
فأنا و من مدونتي هذه أنعي إليكم بمزيج من الأسى و الأسف ..و بقلب يعتصره الألم....و بنفس جريحة كسيرة دامعة..و أدعوكم للوقوف 56 دقيقة حداد على روح الفقيد
الأصيل الصديق الصدوق المتحمل المخلص
الهارد بتاع الكومبيوتر بتاعي
ماستحملش ياعيني كل البوستات دي اللي انا باكتيها و باخزنها عليه
فضل يكتم في قلبه
يكتم في قلبه
لما طق من جنابه ياعيني
إهئ إهئ إهئ
مش قادرة يا جماعة مش قادرة
دموعي غرقت الكيبورد وبدأ يطلع شرار
زززززززز
أي..ماتخافوش دي صدمة كهربائية على خفيف
المهم..أنا لازم أبقى قوية و أكفكف دموعي و أبص للمستقبل
و الحي أبقى من الميت
و إذا كان الهارد القديم سلم النمر..فقد إستلم المسيرة الهارد الجديد
و ده شكله جامد و هيستحمل البلاوي اللي أنا باكتبها و باخزنها عليه
يرجع مرجوعنا لميييييييييييييين؟
أيييييييييوة..لأونكل ديسكو
شاطرين و الله ذاكرتكم حديد..خمسة و خميسة عليكم و ف عيني بدل ماحد يجيلوا الزهايمر و يقول برايد عينيها مدورة
أختكوا بأه واقفة على باب البلاكونة بتلمع في الأوكر بكل براءة و سمعت الكلمة الموعودة..هما الصراحة حرفين إتنين
يييييس
و ده طبعا النص التاني من إسم المأسوف على شبابه العريس
عاديكم...ركبي سابت و دقات قلبي إرتفعت و الدنيا لفت بيا و وشي إصفر و عينيا برقت
آآآآآآآه يا برايد ..عاهة تانية والا ايه؟
ماما خرجت من البلكونة و لقتني مربعة على الأرض رجلي مش شايلاني
راحت رافعاني بإيد واحدة..جامدة ماما و متأسسه::وواخدانا في حضنها
و بوسة من هنا و بوسة من هنا
مبروك مقدما يا بربر
فيه إيه يا ماما بس؟
أونكل ديسكو جايبلك عريس
و فجأة ماما مالقتنيش قدامها
وقعت من وسط دراعتها و ربعت تاني ع الأرض
ياااادي النيلة
نيلة إيه بس يا بربر يا حبيبتي
و هووب.. شالتني من ع الأرض تاني
ده عريس بأه محترم محترم و الحكومة كلها وافقت عليه قبلنا
الحكومة كلها؟؟ليه؟؟ يكونش جيمي فرقع خديجة و رجع لعقله و هيخطبني ..و النبي يا ماما ده أنا أبقى حتة سيدة أولى ؟... أوجه نشاطي الخيري كله للأطفال ضحايا التلفزيون المصري ..و الا أقولك لسواقين المكروباص ضحايا الحزام و الا أقولك..الستات ضحايا عمليات الشفط
ايه يا بنتي حيلك حيلك جيمي مين و خديجة دي تطلع إيه؟؟ده جايبلك عريس أهم من كده بكتير
أهم من كده؟؟قصدك....سيادة الـ...؟؟
يا بنتي هتودينا في داهية ..بصي طرطقيلي ودانك كده..إيه أول حاجة تخطر على بالك لما أقولك...ظابط شرطة
بوكس و قسم و عصاية مقشة
عصاية مقشة؟؟ يا بنتي باقولك ظااابط مش كناس
و النبي يا ماما انتي طيبه ماعادتش فارقة دلوقت الأدوات دي بقت بتستعمل في المهنتين
يا بت بلاش غلبة بأه..بقولك أونكل ديسكو جايبلك عريس مايترفضش..ظابط و من عيلة و متربي تربية عالية
يا سلام
و الله يا برايد يا حبيبتي شكلها كده هتمشي المرة دي
ربنا يستر..و هييجي إمتى
هييجي يوم الإتنين الجاي
يشرف و يآنس..و نبتــــــــــــدي كورس التنضيف
و طبعا بعد كورس النضافة و التلميع بقى البيت بيبرق من بره و من جوه جت الساعة الموعوده
دقت الساعة و معاها جرس الباب
دقة و نظام ..أمال إيه..باحب انا الناس الملتزمة بمواعيدها دي ..كان عندي دايما أمنية دفينة إني أتجوز واحد دقيق في مواعيده ..يمكن لأن أنا مواعيدي بالظبط بالظبط زي مواعيد السكة الحديد..غير موثوق فيها على الإطلاق
دخل من الباب و قعدت أبحلق أبحلق من ورا الستارة اللي دابت من كتر ما ببحلق من وراها
عريض المنكبين رياضي قوي الشكيمة طول قي عرض في إرتفاع في عمق ..عنده كاريزما كده باينه حتى من قفاه
الله يا برايد الله ..هو ده الكلام ..أبقى مرات ظابط بأه و أدخل على أي لجنة و أقول الكلمة اللي طول عمري باحلم أقولها...إنت يا بني آدم مش عارف بتكلم مين...أنا مدام اللوا فلان الفلاني ماتعرفوش
كان عندي ظرف..حزين..كئيب ..يقبض القلب
فأنا و من مدونتي هذه أنعي إليكم بمزيج من الأسى و الأسف ..و بقلب يعتصره الألم....و بنفس جريحة كسيرة دامعة..و أدعوكم للوقوف 56 دقيقة حداد على روح الفقيد
الأصيل الصديق الصدوق المتحمل المخلص
الهارد بتاع الكومبيوتر بتاعي
ماستحملش ياعيني كل البوستات دي اللي انا باكتيها و باخزنها عليه
فضل يكتم في قلبه
يكتم في قلبه
لما طق من جنابه ياعيني
إهئ إهئ إهئ
مش قادرة يا جماعة مش قادرة
دموعي غرقت الكيبورد وبدأ يطلع شرار
زززززززز
أي..ماتخافوش دي صدمة كهربائية على خفيف
المهم..أنا لازم أبقى قوية و أكفكف دموعي و أبص للمستقبل
و الحي أبقى من الميت
و إذا كان الهارد القديم سلم النمر..فقد إستلم المسيرة الهارد الجديد
و ده شكله جامد و هيستحمل البلاوي اللي أنا باكتبها و باخزنها عليه
يرجع مرجوعنا لميييييييييييييين؟
أيييييييييوة..لأونكل ديسكو
شاطرين و الله ذاكرتكم حديد..خمسة و خميسة عليكم و ف عيني بدل ماحد يجيلوا الزهايمر و يقول برايد عينيها مدورة
أختكوا بأه واقفة على باب البلاكونة بتلمع في الأوكر بكل براءة و سمعت الكلمة الموعودة..هما الصراحة حرفين إتنين
يييييس
و ده طبعا النص التاني من إسم المأسوف على شبابه العريس
عاديكم...ركبي سابت و دقات قلبي إرتفعت و الدنيا لفت بيا و وشي إصفر و عينيا برقت
آآآآآآآه يا برايد ..عاهة تانية والا ايه؟
ماما خرجت من البلكونة و لقتني مربعة على الأرض رجلي مش شايلاني
راحت رافعاني بإيد واحدة..جامدة ماما و متأسسه::وواخدانا في حضنها
و بوسة من هنا و بوسة من هنا
مبروك مقدما يا بربر
فيه إيه يا ماما بس؟
أونكل ديسكو جايبلك عريس
و فجأة ماما مالقتنيش قدامها
وقعت من وسط دراعتها و ربعت تاني ع الأرض
ياااادي النيلة
نيلة إيه بس يا بربر يا حبيبتي
و هووب.. شالتني من ع الأرض تاني
ده عريس بأه محترم محترم و الحكومة كلها وافقت عليه قبلنا
الحكومة كلها؟؟ليه؟؟ يكونش جيمي فرقع خديجة و رجع لعقله و هيخطبني ..و النبي يا ماما ده أنا أبقى حتة سيدة أولى ؟... أوجه نشاطي الخيري كله للأطفال ضحايا التلفزيون المصري ..و الا أقولك لسواقين المكروباص ضحايا الحزام و الا أقولك..الستات ضحايا عمليات الشفط
ايه يا بنتي حيلك حيلك جيمي مين و خديجة دي تطلع إيه؟؟ده جايبلك عريس أهم من كده بكتير
أهم من كده؟؟قصدك....سيادة الـ...؟؟
يا بنتي هتودينا في داهية ..بصي طرطقيلي ودانك كده..إيه أول حاجة تخطر على بالك لما أقولك...ظابط شرطة
بوكس و قسم و عصاية مقشة
عصاية مقشة؟؟ يا بنتي باقولك ظااابط مش كناس
و النبي يا ماما انتي طيبه ماعادتش فارقة دلوقت الأدوات دي بقت بتستعمل في المهنتين
يا بت بلاش غلبة بأه..بقولك أونكل ديسكو جايبلك عريس مايترفضش..ظابط و من عيلة و متربي تربية عالية
يا سلام
و الله يا برايد يا حبيبتي شكلها كده هتمشي المرة دي
ربنا يستر..و هييجي إمتى
هييجي يوم الإتنين الجاي
يشرف و يآنس..و نبتــــــــــــدي كورس التنضيف
و طبعا بعد كورس النضافة و التلميع بقى البيت بيبرق من بره و من جوه جت الساعة الموعوده
دقت الساعة و معاها جرس الباب
دقة و نظام ..أمال إيه..باحب انا الناس الملتزمة بمواعيدها دي ..كان عندي دايما أمنية دفينة إني أتجوز واحد دقيق في مواعيده ..يمكن لأن أنا مواعيدي بالظبط بالظبط زي مواعيد السكة الحديد..غير موثوق فيها على الإطلاق
دخل من الباب و قعدت أبحلق أبحلق من ورا الستارة اللي دابت من كتر ما ببحلق من وراها
عريض المنكبين رياضي قوي الشكيمة طول قي عرض في إرتفاع في عمق ..عنده كاريزما كده باينه حتى من قفاه
الله يا برايد الله ..هو ده الكلام ..أبقى مرات ظابط بأه و أدخل على أي لجنة و أقول الكلمة اللي طول عمري باحلم أقولها...إنت يا بني آدم مش عارف بتكلم مين...أنا مدام اللوا فلان الفلاني ماتعرفوش
يا سلااااااااام السلطة حلوة و الله.شكلك كده سرك باتع يا أونكل ديسكو يا جميل
.واقفة انا ورا الستارة و سرحانة في اللجنة و البرستيج و باضرب بعيني كده لقيت لكوا عينه راشقه في الستارة و أنا من وراها ..يا ماما
جوز عيون إيه؟..دا غالبا بيبص للواحد كده يقر و يعترف على طول..طب كويس مش محتاج يعني أدوات الكناسين ولا السمكرية و لا حاجة من دي خالص..بس برضه مشكلة ..و انا هاخنصر مصروف البيت إزاي إنشاء الله..دا لو بصلي بصة واحدة هجيب كل اللي عندي على طول..مش مشكلة مش مشكلة مش هاغلب يعني أكيد هحلها
ماما جابت لي الصينية الموعودة و دخلت بيها قام وقف على طول ..مؤدب و الله ..و كان فاضله 3 سنتي و نص و يخبط في السقف..و ماله الطول هيبه برضه ..بعد ما قاعدنا بأه بدأت المعاينة ..أنا طبعا راسمة الهدوء و باصة في الأرض و كل شوية أضرب بجنب عيني كده و ألمحه ثانية أو إتنين ..لا و الله شكله من قدام الستارة أحلى من وراها بكتير..مش حلو حلو يعني ..بس ملامح رجالي كده عليها مسحة وسامة معقولة
هو بأه راشق عينه في وشوشنا كلنا ..كل أما حد يتكلم يتعدله كده و يبصله بصة عمييييييقة أوي ..ماما جت تتكلم إدير بصلها لقيتها فصلت في وسط الكلام و قامت جري كأنها عاملة عاملة
بابا بأه جامد ..مش بقولكم بطل بلاي ستيشان..فضل و هو بيتكلم باصص للعريس و هو باصصله .ده يبص و ده يبص ..برافو يا بابا ..إديلوا نظرات خليه يخاف..بس مين بابا يا عيني ماقدرش يكمل ماتش البص الدولي ده ..شوية و فصل زي ماما..بابا صعب عليا صحيح بس برضه فرحت قوي بأخينا ده ..جامد جامد يعني ..و الله كويس هي دي الحيطة اللي كنت بادور عليها من زمان ..حاجة كده الواحدة تتسند عليها و تدخل في أي مشكلة و هيا قلبها جامد ..يا سلام هوده الكلام ..هو ده الـ..في اللحظة دي رشقت عيونه في وشي..أي..و الله حسيت إن وشي وجعني ..طب أروح فين و الا اعمل إيه..قلت أقوم أجري ورا ماما ..بس قلت عيب يا بت..لازم تثبتيله برضه إن إنتي بنت جامدة"أنا مش بتاعت الكلام ده ..أنا كنت طول عمري جامدة""..بس بس مش طالبة أغاني هو ده وقته
بصلي و فضل باصصلي ..و لأول مرة من أول ما قعد فتح بقه و إتكلم
إسمك إيه
برايد
ثلاثي
هه؟
إسمك ثلاثي مش فاكرة إسمك والا إيه؟
فاكراة فاكراة..إسمييييي..إسميييي؟..إيه؟..أونكل ديسكو..ماترد إنت
أونكل ديسكو مات على روحه من الضحك ..يا بنت يا عكروتة مش عارفة إسمك؟..إسمها يا سيدي
رفع إيده في وش أونكل ديسكو و خلاه بلع بقيت الكلام
أنا سألتها هيا..و المفروض هيا اللي ترد عليا
يا دي النيلة ..إيه الدهولة اللي أنا فيها دي..مش عارفة أتكلم ..و لسه هافتح بقي لقيته مطلع حاجة بتلمع كده من جيبه ..يا حلولي يا حلولي ..خاتم ده والا إسورة ..يا سلام راجل ذوق برضه الناس الشيك دايما لازم تدخل في إيديها حاجة دهب..مسكها بطراطيف صوابعة و إدهالي
..إيه رأيك؟
مديت إيدي ألحقها قبل مايغير رأيه و يرجعها في جيبه تاني
أول مامسكتها في إيدي إتذهلت
إيه ده..دي ولاعة
آه ..حلوة؟..عجبتك؟
بس أنا مابادخنش
عارف عارف ..أنا بس بافرجهالك ..عجبتك؟..شوف كده يا عمي؟
بابا بص من بعيد ..آه كويسة
لأ إمسكها كده شوف تقيلة و الا خفيفة دي دهب 24 قيراط
بابا مسكها و قلبها في إيده شوية و قاله
يس أنا برضه مابادخنش
كويس و الله أحسن حاجة عملتها ..ممكن تنادي طنط تتفرج عليها
خلاص يا إبني و الله مصدقين إنها دهب
معلش معلش ناديلها برضه
خلاص يا إبني قلنا
من فضضضضلك ناديلللها
الجملة الأخيرة دي قالها بأسلوب خللا الدم يتجمد في عروقي ..معلش يا برايد..بكره تبقي تعلميه يبقى حنين شوية في الكلام..مش عايزين نفركش الموضوع من أول قاعدة..معلش يا بابا ماهو بكرة يبقى نسيبك و ماحادش هيقدر يكلمك
ماما جت بعد ما بابا نده عليها و دخلت و ..شكلها كانت خايفة و بصت على الولاعة
حلوة قوي تعيش و تجيب
قام جري و أخدها من إيدها
لا ..دي بتاعتي..أنا بس كنت عايزكم تتفرجوا عليها
أونكل ديسكو قام و قاله
..ممكن أشوفها
لأ..مش لازم إنت يا أونكل
و مسك الولاعة بطراطيف صوابعة و حطها جوه جيبه و إتجه ناحية الباب
أنا هاستأذن بأه ..أنا سعيد جدا إن أنا إتعرفت بيكم..إنشاء الله هابقى أتفق مع أونكل و هو هيقولكم على الميعاد الجاي..عن إذنكم
و هوب لف و خرج من الصالون و فتح الباب و مشي..و أحنا واقفين مش فاهمين حاجة خالص
بابا بص لأونكل ديسكو
حاج ديسكو..إيه النظام ده؟
أونكل ديسكو و هو بيضحك
هههه..خير يا أبو برايد خير..ده راجل ليه هيبه و مالوش في الدلع..و مادام قال انه هيتفق معايا يبقى ماتقلقش مبروك مقدما
و هوب لف هو كمان و خرج
ماما ياعيني أعصابها ماستحملتش و إترمت على الكرسي و هيا بتنهج
أنا لا يمكن أوافق على الجوازة دي أبدا..يا لهوي ..ده إيه الرعب ده
جرى إيه يا ماما و إنتي خايفة من إيه..تكونيش هربانه من حاجة و خايفة تتقفشي؟
إمشي يا مهروشة إنتي ..يعني بتدافعي عنه..يا بنتي ده ممكن في أي خناقة يجرك ع المعتقل إنتي ماشفتيش كان بيبصلنا إزاي
يا ماما حمش شوية بس
حمش ؟؟..بكرة لو إتجوزك ده يكسر دماغك..يا بنتي ده بيفكرني بأحمد زكي في زوجة رجل مهم
يا أم برايد أدينا هانستنا لما نشوف أخرته إيه ..بلاش نوقف إحنا المراكب السايرة و خلينا ورا الكداب لباب الدار
هو ده الكلام يا بابا...شكله مش عاهة قوي..مش كل يوم هامشي عريس ..أنا عايزة أخلص بأه
يا سلام ياختي؟؟..أما نشوف أخرتها معاكي إيه
طبعا أنا ليلتها ماجاليش نوم عماله أحلم بالظابط و اللجنة و النجوم اللي علي كتفه و أنا و انا بمرمط في خلقالله وانا مسنودة بأه..و من كتر التفكير مانمتش غير بعد الفجر بعد ماقمت صليت الفجر و استغفرت ربنا و قلت خلاص يا رب مش هامرمط في حد و لا هاكسر أي إشارة و هاكون مواطنة مثالية تلتزم بالقانون..بس طبعا نتيجة السهر ماقدرتش أروح الشغل تاني يوم و قعدت في البيت و طول النهار ماما تبصلي و تتنهد ..زي ماتكون بتقوللي اما نشوف هاتودينا فين وراكي
عدى اليوم على كده و تاني يوم رحت الشغل ..أول مادخلت من باب المستشفى عم محمد الأشكيف البواب بتاعنا اللي كل يوم بيستقبلني بتلات أربع دعوات أول ماشافني دير وشه الواحده التانية..خير اللهم أجعلة خير ..يظهر المدام صبحته بخناقة أو مسته على أنغام الشبشب أبو وردة..ماعلينا مانا مش هاقف أقرره و يشكيلي حاله
قلت أطلع على شغلي أحسن قابلتني مدام عواطف على السلم
دكتورة برايد
أيوة يا مدام عواطف فيه حاجة
أيوة يا دكتورة لو سمحتي عايزاكي في مكتبي شوية
دلوقت؟
يا ريت
رحت معاها على مكتبها في شؤون العاملين و كل أما أعدي على موظف يبصلي و يهز راسه
فيه إيه يا جماعة ؟..كلكم نايمين على أنغام الشبشب أبو وردة والا إيه؟
أيوة يا مدام عواطف خير
أستاذ حسين ..أستاذ فتوح ..لو سمحتوا شوية كده
إيه القلق ده بأاااه ..ده الموضوع خطير بأه..طب لو إختلست حاجة كانوا حولوني الشؤون القانونية لكن شؤون العاملين
قوليلي يا دكتورة..إنتي عندك مشاكل في حياتك و الا حاجة؟
مشاكل زي إيه يعني؟
يعني حالتكوا المادية كويسة ..باباكي بيصرف عليكوا كويس
في إيه يا مدام عواطف إيه الأسئلة العجيبة دي..مانتي عندك ملفي و عارفة بابايا بيشتغل إيه
طب معلش ..أنا زي والدتك ..صارحيني..حد من صاحباتك مشيها بطال و حبت تجر رجلك معاها
إيه أنتي إتجنيتي يا ست إنتي والا إيه؟
أمال بس المخبر بتاع الآداب ده كان ماشي يسأل عليكي في المستشفى إمبارح ليه
آداب؟..آداب؟..آداب إيه يا ست إنتي ..أنا ماعرفش حد بتاع آداب
أمال يا دكتورة يعني بيسأل عليكي ليه
مخبر ؟..آداب؟...يخرب بيييييييتك ياللي في بالي
ماقدرتش أستحمل و الا أفكر جالي شلل في مخي أخدت شنطتي و طيران ع البيت
إلحقيني يا ماما..شوفي المصيبة ..أنا ضعت ..،أنا إتدمرت...أنا إتبهدلت بهدلة الزمالك في الدوري يا ماما
عاااااااااااااااااااااااااااااااااااااا
طبعا ماما لما عرفت رقعت بالصوت و اتصلت ببابا و جابته على ملى وشه و لما حكتله نزل عشان يجيب أونكل ديسكو من قفاه وأونكل ديسكو بعد ماخد دش محترم من بابا قرر عمل مؤتمر قمة و بعت جاب سيادة وزير الداخلية مستقبلا
الحديث كله بيدور بيننا و احنا مولعين و بينه و هو أسقع من أطول لوح تلج قابلتوه في حياتكم
إيه يا بني آدم اللي انت عملته ده
إيه عملت إيه
إنت باعت واحد من الآداب يسأل على بنتي في شغلها
عادي أمال يعني هانزل أسأل بنفسي أمال المخبرين دول لازمتهم إيه
هو انت بتتحرى عن مجرم دي عروسة ..و بعدين مالاقيتش غير مخبر من الآداب يسأل عليها و في شغلها
طبعا ماهم مخبرين الآداب دول خبرة في السؤال عن البنات..المخبر بتاع حضرتك بأه من قسم المخدرات
يا سلام سلم إنت كمان بعت مخبر يسأل عليا شوية شوية تقوللي إنك بعت مخبر يسأل على مراتي
طبعا..بس ده بأه تبع التموين
إنت يا بني آدم إنت بتستهبل ..إنت فضحتنا كلنا
يا عمي النار ماتحرقش مؤمن
يا عيني يا عيني ع العقل و الحكمة و انشاء الله التحريات اللي انت جمعتها دي أثبتتلك إن إحنا مجرمين يعني هتيجي تجرنا ع القسم إمتى إنشاء الله
لا يا عمي لا.. التحريات أثبتت إنكم ماشاء الله لا غبار عليكم خالص و الفيش كمان جاي نضيف خالص
أفندم؟..فيش؟؟..إنت إستخرجت الفيش بتاعنا و فتشت عليه
لا يا فندم و دي تيجي..أنت عارف ان الفيش لازم يتجدد كل 3 شهور..أنا عملتلكم واحد جديد
يا سلام و انشاء الله أخدتنا نعمل فيش و احنا مانعرفش ..خدرتنا يعني
لا يا عمي مانا عندي بصامتكم
بصينا لبعض
بصامتنا؟
أه..من ع الولاعة
يا خراااااااااااااااااااااابي
دا أنا بصوت ..مافيش داعي أقولكم ع الباقي كفايا تعرفوا إن لولا وساطة أونكل ديسكو كنا إترمينا كلنا في المعتقل بتهمة إهانة ظابط أثناء تأدية وظيفتة
كانت إيه وظيفته؟
جمع تحريات عن خلية إرهابية مكونة من 4 أشخاص..إحنا التلاتة.....و أونكل ديسكو
118 comments:
لا مش ممكن يا برايد يا حبيبتى انا هموت من كتر الضحك بس بجد احمدى ربنا انك متجوزتهيوش دة مع اول خناقة كان هيوديكى المعتقل بس متخيلة شكلك وانتى بتعرفى ان فية مخبر اداب بيسال عنك المهم حصل خير وتعيشى وتاخدى عريس تانى والسابعة خير ان شاء الله
جمييييييل اوى البوست
هههههههههههههههه
انا متابعك من مده كبيره اوى تقريبا من اول ما بدأتى
بجد اسلوبك رائع
OH MY GOD!!
بجد يا برايد لو كتبتي مسلسل عن الأشكال اللي بتتقدم لك هاينجح و تحققي ثرووووة كبيييييرة!!
بس بجد إيه الناس دي وإزاي يعني بتحصل لك الحاجات دي، بس بيني و بينك حلوة كده الحياة بالأكشن
La22222222222222. Noooooo way!! .7ad basmatko men 3la el wala3a!!!!!!
e7mdy Rabna, da enty konty hat3ishi tool 3omrek fi ta72i2 we shak zay el motahmeen bzabt.
Mesh mohm .7ales el solta wel lagna we el 7eeta ely 3aiza tetsndy 3leha, t.3ooor ya bride walhi:):). Rabna yr7amek ya benty men el nas el .3areba di!!! Rabna ykrmek bel zog el sale7 ISA:)
Just a reader.
يا نهار أزرق
تصدقى وتآمنى بالله
اول ما قلتى ظابط قفزت فى دماغى مباشرة صورة احمد زكي فى زوجة رجل مهم...ولما انتى قلتى ان والدتك قالت لك الشبه كبير وذكرت الاسم انا قلت الحاجة والله عندها فراسة زي العبد لله ونشوف الموضوع هيكمل على اية
بس بجد الكلام ده حقيقى؟
يعني كان بيناولكم الولاعة عشان ياخد بصماتكم من عليها؟
اية ده؟
واية الغباء ده انه يدور عليكي بالاسلوب القذر ده
ده على فكرة يدل اكبر دليل انه معقد وجبان جدا ومعندوش ثقة بنفسه
الواحد من كلمتين مع البنت اللى رايح يتجوزها بيعرف هى اية وتاريخ حياتها اية كمان
المحترمة بتظهر والخجولة بتظهر واللى بتتصنع بتظهر واللى حبت قبل كدة برضة بتظهر
والموضوع مش عايز خبرة ولا دروس خصوصية...كل ما فى الموضوع ان الأنثى مجبولة بفطرتها على الحياء وما شابه وليها طباع معينة فلما تبقى واحدة منفتحة ومتحررة اوى وبتاخد وتدي فى الكلام معاك عادي-انا مش بقول منفتحة على الحياة عموما وممكن تتكلم مع اى بنت...انا بتكلم عن كلامها مع الرجال عشان اخواننا اللى بيفهموا غلط-اللى تلاقيها بتهزر وتضحك وتنكت برضة هتعرف المود بتاعها اما هى كدة اصلا واما هى بتخرج وبتصاحب
بس نصيحة اخوية يا برايد.....انسى الجوازة دي تماما...واحمدى ربنا انه ما أجبركيش انتى وأهلك على الجواز منه غصب عنك ولا انه عمل معاكي مشكلة و اترصد لاهلك بعد ما رفضتوه
ربنا يبعد عنكم الشر دايما ونفرح بيكي قريبا فى جوازة شيك ومحترمة ومع بنى ادم يحافظ عليكي ويحترمك ويشيل تراب أهلك على راسه
و الله انتي اختراع اختراع اختراع بكل المقاييس .. انا شبة سورقت من الضحك و تمالكت نفسي بأعجوبة علشان اكتب الكومنت ده .. مش ممكن يا بنتي .. انا بصراحة مش مصدقة .. أكيد ده محض خيال ثري و عبقري .. مفيش حد علي وجة الارض يعمل كده مع ناس ممكن يبقوا نسايبه و اخوال عياله ف يوم من الايام .. صعب بصراحة ..
بس المهم .. من حشرية لديسكو يا قلبي لا تحزن .. ولا عزاء للسيدات !!
للأمام يا برايد .. ربنا معاكي ..
أولاً:أحب أقولك شدي حليك كده و كلنا لها .. مفيش هارد بيعيش أكتر من عمره
بس و النبي تقولي لي العزا هيتعمل في أي سايبر علشان أجي و أعمل الواجب
ثانياً: تسلم إيدك عالبوست بتاع انهاردة
بجد إنتي مش ناقصك غير منتج بيفهم و تعملي مسلسل في رمضان.. و تلاقي نفسك إتشهرتي
و مين عارف مش جايز كريم يشوفك و يطلبك للجواز
بس على الله ما يطلعش العاشر
---------------><--------------
يعنى انتى متأكده انك مش يوسف معاطى ....
ولا فيصل ندا ....
و لا السيد بدير طيب ... ؟
ياعالم انا هاتجنن ...بقى دى واحده هاويه دى ؟؟
بس و الله عريس تمام .... حلاوتك كده يا بربر و انتى بتتزفى فى البوكس المتزوق ....على انغام موسيقى الشرطه و هى بتعزف ... لو كان عالقلب مافيش غيرك .... :) :) هههههههههه
ربنا يحظك ياشيخه ...
تحزير مزدوج :
1. حسك عينك تغيبى علينا كده تانى .
2. تسيبى اللى فى ايدك دلوقت ...و تاخدى تاكسى العاصمه ... و تروحى البلوج بتاعى ..تقرى اخر بوست ...هاتلاقى فيه لينك ...تدوسى عليه ...هاتلاقى دهليز ...اا قصدى هاتلاقى بلوج تانى ... تدخلى فيه ...هاتلاقى بوستات ...تقريها و تقولى رأيك ... ده بالامر ...لاحسن و الله ابلغ فيكى بوليس الاداب ....انا اعرف دلوقتى ظابط هناك و يتمنى يخدمنى فيكى .....
يا عيله سوابق يا بتوع الولاعه
هههههههههههههههههههههههه
يا برايد حرام عليكي
بجد و الله عايز اجوزك بس انتي عارفه البلد بتمر بازمه اقتصاديه و نفسيه و منعويه و دستوريه عامله تاثير علي الشباب ادعي ربنا يفك اسرنا
علشان ربنا يكرمنا جميعا
دنيا كلنا لها يا عيني عليكي يا برايد ياختي ده انتي ليكي الجنه
وعلى رأي Aisha
أعملي مسلسل هتكسبي دهب وسيبك من الرجاله دول بلا قرف
ههههههههههههههههههههههه
مش عارف اقول ايه يا برايد
حقيقي تعيشي وتاخدى غيرها لا بجد يعنى انا عينيا دمعت من كتر الضحك يخرب بيت كدة يا جدع بقولك ايه بلا جواز بلا وجع دماغ يعنى اللى اتجوزوا عملوا ايه .... مع انى نفسي اتجوز بس لما شوفت اختى وجوزها والمولودة الجديدة قلبي هفهف على حتة عيل بس من غير جواز ما هى مش ناقصة حوارات زى الحوارات اللى بتحصل معاكى دى .... بجد احييكي على المدونة بتاعتك دى بجد كتاباتك تحفة
انا معايا ولاعة بنص جنيه خدى شوفيها كده
لووول ثانكس يا
shermen
على التأكيد على الفكرة.. تخيلوا كده مسلسل و طول الوقت البطلة بتطبع للبلوق على الكيبورد و بتفتكر و المخرج ياخدنا فلاش باك على الحدث نفسه، وكل شوية نشوف وشّها وهي مركزة على اللي بتكتبه و الكيبورد بيتنرفز و يطلع شرار و ترجع تفتكر ههههه...في بالي ممكن حنان ترك تكون بطلة هايلة
ظابط .. اهو ده الي مش ممكن ابدا
دول ناس مالهمش امان دلوقت خصوصا بعد كريم نبيه وصحابه
حتى لو بان انه طيب وابن حلال و مش شايل ولاعة ماضمنش بيعمل ايه في الشغل
ده انا حاسة انه باعت مخبر عالبلوج ده
ربنا يستر
ابقي اسالي عليا لو ملقيتنيش البلوج الي جاي
وابقو تعالواا زوروني ده لو عرفتوا 0
انا فيين
:-)))))))))))))))
ينيل يا بعيد ضحكتني و أنا مليش نفس
هههههههههههههههههههه
ههههههههههههههههههههههههههههه
الحكاية دي تحفة
هههههههههههههههههه
برايد .. حكيت لماما علي القصه دي .. تصدقي اول ما قلتلها ظابط و سأل عليكي بمخبر أداب قالتلي يبقي اكيد كان بيوريهم الولاعة علشان ياخد البصمات و يشوف الفيش !!!! ايه الحكاية ؟؟ هو الموضوع ده منتشر قوي كده ؟؟
dear bride
the man has right to take your figureprint because none knows what dark secrets everyone have , he had to select carefully the girl that he would marry, I know that he shouldnot send somebody at work but think you do the same when guy propose to you so donot be double standard. Byway I donot mean that you have dark secret but the girls and men in general
بجد .. بجد
ده حصل؟؟؟
أنا بجد متعجبة جدا
هو ممكن فى ناس تعمل كده فعلا ؟؟؟؟
الله يكون فى عونك يا برايد
حرام عليكى يا برايد
الراجل كان بيسأل عليكو
هو سأل بزيادة شوية بس حقة يعنى
و لعلمك كل الظباط بيعملو كدة بس محدش بيعرف من اهل العروسة انتو بس اللى عرفتو و جبتوة من قفاة
ربنا يرزقك بأبن الحلال
بس انا شايفة انة معملش حاجة تستاهل اوى يعنى هو عبيط شوية بس
او ممكن بيحب شغلة بزيادة
يمين بالله انتى كارثه ماحصلتش
الجدع اللى قالك إطلع من دول يا يوسف يا معاطى كان عنده حق
حوارات والله
بتجيبى الكلام ده منين
حاجه من اتنين
يا اما
يا اما
مافيش احتمال تالت
بس ابقى اختصرى شويه الواحد عينيه مققت من كتر القرايه
اعمليها على حلقات صغنونه كده
وابقى سلميلى على اونكل ديسكو
بالحق
ليكى استدعا فى مدونتى عندي أمل
تعالى بسرعه بقى قبل ما ابعت ليكى مخبر من القلم السياسي
فاهمه ولا لا؟
اشطات يا برايد
ههههههههههههههههههههههه
لا بجد انتى مش معقوله يا بريد انا
مووووووت من الضحك.
ده فى اول اليوست قلت شكلها كده برايد حتتجوز وتخلى بينا ومفيش عرسان تانى خلاص.
بس ان شاء الله خير وان شاء الله ربنا يرزقك بعريس كويس كده
برايد انتي بتتكلمي بجد ؟؟؟؟
في بني ادمين كده و للا ده خيال ؟؟
معلش الحكاية جامده مووووووت مش قادرة اصدق !!!
سوسو كعب الغزال
حمد الله على السلااااامه
يا بنتى انتى ربنا بيسترها معاكى بشكل
اكيد دعا الوالدين
هو ماجابش معاه الكلاب اللى بتشمشم على المخدرات ليه عشان يتاكد برضه؟؟؟؟
على فكرة يا شاور نسيت لينين الرملى؟؟؟؟؟؟؟
انت مين يا شابه ؟؟؟؟؟
عايزة أعلق بس على life صاحب التعليق عن المعايير المزدوجة
يمكن مش غلط اجتماعيا انه يسأل عنها في شغلها , و ماظنش انها رفضت دا
لكن يبعت مخبر يعرف شغلها كله انه بيشتغل في الآداب؟؟؟؟ فين ازدواجية المعايير لما اقول ان دا تصرف وقح ؟؟؟
الأهم انه تصرف مالوش معنى
يعني الناس لما بتسأل عن حد في شغله بتكون عايزة تعرف ايه؟؟؟ لو عايزة تتعرف على أخلاق الشخص دا في الشغل هاتسأل زمايله أو مديره , لكن يسأل في شئون العاملين؟؟ هايعرف ايه بالظبط؟؟؟ هي درجة تانية ولا تالتة؟؟؟
من حقه ياخد بصماتها؟؟ مش قادرة افهمها دي , أنا كنت باعتبر فكرة ان جهة عملي طلبت مني فيش عند الاستلام سخيفة لأنها بتتعامل معايا على اني لازم أثبت اني مش مجرمة , ماعرفش بقى لو كان دا سخيف من جهة عمل , يتصنف ايه لو من عريس
بركاته شالت في وشها الهارد ومش بعيد يكون هو اللي ضربه
:)
هي دي آخرة معارف انكل ديسكو
:)
كله بفايدة متزعليش أديك تأكدت ببلاش ان ورقك تمام
:)
معلش محدش بيفرح بالساهل استحملي كمان شوية
to romancerose
I may hit a sensitive wire for you, it is common procedure to ask for criminal record for anyjob and the same should happen in the marriage, because you could marry criminal without knowing that and I knew guy married to girl with record without knowing it for he trusts her big family name without asking about her and you can't trust her coworkers for they can lie but the employer's records couldnot lie. It says everything for her personility and attitude and how she reacts with other. Byway my comment was for bride not romanaticrose and life is female not male and my last words for you the world is danger place and you never know the type of man you end with you so take care of yourself because you marry once only in life.
I can't believe what I have just read, not even 20% of it! I mean, can such things happen? You know, I have always hated cigarettes, but I have seen some nice lighters. After reading your post, kol mashouf wala3a, ana fi sekka, we heya we sa7ebha fi sekka tanya.
We ba3din heya 7asalet adab? We mo7'adarat? We Tamween? We feesh? We fingerprints? Mabrouk ya o7'tah.. da7'altom al tari7' men awsa3 abwaboh.
You made me laugh like a lunatic.. thank you.
Rabbena yekremek. Enty 3arfa, el bent elkebira bet7agar shewaya, ma3lesh, it's a fate ba2a.
3ala el3omoum, there is a theory I hold. There is an effort to do before you get what you want. So, doing the effort, and you will have your spouse coming to you so soon, maybe even wrapped neatly and nicely.
يا لهويتينى !!!!
موش ممكن يا برايد خفة الدم دى اللى ما حصلتش ولا ها تحصل تانى انا لو مكانك كنت عملت عليه شغل الصيدلة بقى زى ما عمل عليكى الحبة بتوع البوليس بتاعه ده كنتى عملتيله قهوة بالزرنيخ موش ها تغلبى فيه والله قليل عليه بجد بجد الناس اتعمت علشان موش شايقينك المفروض يقفوا قدامك طوابييييييييييييييير تحياتى
دمك زى العسل
all i wanna say, enek fa2ryaaaaa moooooooooooot fel de7k we fel luck
شكلو الهارد ديسك فقع من كتر الضحك
آخر مرة دعيتلك الله يبعتلك ابن الحلال
مش مخبر شوية مخدرات على آداب
الله يعينك
بس شو حصل بالشغل بعديها؟
كالعاده انتى متألقه يا برايد وأسلوبك مترابط أدبيا ... ولكن فيه جمله واحده اتكررت مرتين ما أقدرتش الا انى انبهك ليهم
انتى كتبتى انشاء الله وأنتى تقصدى ان شاء الله
الفرق كبير أرجو انك تنتبهى للغلطه دى
..شكرا برايد على جو البهجه وأنا بقرأ البوست بتاعك
:))))))
enty to7fa begad.
:))))))
enty to7fa begad.
ازيك يا برايد.بؤلا ايه في تحقيق صحفي على موقع محيط و كاتبين كلمتين حلوين في حقط بصراحة بيقولوا انك في سبيلك لتفير بعض العادات و التقاليد المورثه روحي شوفيها هناك على الموقع ده
http://www.moheet.com/
معلش اصل ملوش لنك هتحتاجي تدوري عليه حبة..هو منشور النهاردة و له عنوان كبير بإسم
البلوجرز..حرية و تنفيس وشتيمة"واللي ما يشتري يتفرج" ؟
ايه يابنتي كل ده مش ممكن انتي عثثثثثثثثثثثثثثثثثثثثل بس خدي بالك للاحسن يكون عمو الظابط باعت وراكي مخبر مدون وكلنا نروح في 0000000000000000
يا نهار كستنائى !! أنا مشفتش كده قبل كده. أوعدك أول مفتح شركة أفلام تكتبيلى أول سيناريو.
و لا أقولك، نعمل مجموعة قصصية مشتركة، عشان أنا قصصى كئيبة موت و إنتى قصصك كوميدى موت نعمل بلانص إجتماعى تحفة يكسر المونيتور.
تحياتى و إوعى تزورينى عشان قصصى متنضحش على قصصك، عالأقل لغاية متخلصى مجموعة العرسان دول و تقفلى دستة و لا إتنين :)
وياترى المدونة متراقبة ولا اية النظام
مش مستريحلك يابرايد
شكلك هتجرجرينا كانا على القسم
وانتى عارفة سمعة الشاب مننا زى عود الكبريت
--------
ملحوظة على جنب
خلى طنط لما تدلعم تقولك اى حجة غير بربر... الاحد مش ناقص قرف
ررررررررررائع جدا" مافكرتيش ليه تعملي مسلسل و تسميه "مغامرات برايد و العريس المجهول".دي هتبقي خرافة
في الحقيقة لم استطع أن أضحك هذه المرة...ربما لأني في حالة مزاجية لا تسمح لي بالضحك وربما لأني أشعر أنه إذا كان كل هؤلاء الرجال قد طرقوا بابك وكلهم من هذه النوعيات الغريبة... فهذا يعني أننا لدينا مشكلة حقيقية وليست على وشك أن تحل.
ربنا يقدر لنا جميعًا الخير حيث كان.
طب أنا أعرف عريس محترم في البوليس السياسي لو عايزة
بس بصراحة خايف يجيبلكوا عربية أمن مركزي
بيسأل عليكوا ، فيها حاجة دي؟
أهو ساعتها ممكن تختاروا بين اللومان أو الواحات الخارجة
إية رأيك؟
بصراحة انا كنت متابع مواضيعك من فترة كدة..وعلى اد ما هى مسلية بس كان من الواضح انك مزوداها شوية و عاملة حبكة كوميدية كويسة و طبعا مش انا لوحدي البقول كدة لأ ناس كتير من البتدخل عندك..بس كولوا مطنش عشان عاوز يتسلى وخلاص و ينسى الهم...بس بصراحة المرة ده مقدرتش اسكت,عشان الموضوع وسع منك قوي فوي...مش هكلم كتير بس في كام ملاحظة..: هو الظبوطة ده اكيد سنه صغير يعني اخره نقيب.طب اليسمع كلامك ده يحسه مساعد وزير الداخلية..اليخليه يتحكم في ثلاث اقسام مرة واحدة الاداب و المخدرات و التموين كمان ده غير البحث الجنائي كمان عشان البصمات و غير بتوع الفيش..هو ايه مالتي سيستم ولا اخواته ظباط برضه في كل مكان, ومحدش يقولي اصلهم الظباط بيخدموا بعض..مش قوي كده يعني..و كمان ولاعة ايه اليتاخد من عليها 3 بصمات ده غير ايدة..طراطيف صوابعه يعني و الفصل ما بين البصمات كمان..ده ليلة..و كمان حطها في جيبة مش في كيس و لا غلبة عشان البصمات متتمسحش...معاش فكري تاني كده و راجعي قلبك و سلينا بس متتسليش بينا
شوفى يا بت ياللى عايزه تتنيلى
الحاج ابو جمال من اسبوعين بس عمل فى العزبة مسابقة ملكة جمال العزبة
اتقدم سته واربعين بنت زى لهطة القشدة ولبسوا الاحمر والاخضر والنبيتى والفوشيه وعدوا ع الرشاح والنسوان هاتك يازغاريط وفجأة طلع الواد سند ابن عبد الحق جوده وده واد تقوليش حتة خريه ملهاش جره تلمها، حاجة كده زى ما بلبع قاللى بلبع بيحلف انه الوحيد اللى امه كرهته اول ما شافته نزل من بطنها
المهم الواد طلع يجرى ورا البنات بالنقز وهاتك تدوير ضرب فى العرايس هميت اجيب داغه لقيت البعيد نط فى الترعه وقلع بلبوص قلت الله يابلد هو الوله انخبل ولا ايه
قالولى الواد ده مخرب
مفهمتش الصراحة قمت باعت جايب عبحق من داره مربوط ع الحمارة 64 بتاعة سعد المنادى وقلتلهم يلفوا به حوارى البلد قبل مايجينى الدوار عشان الناس سشوفوه وهو مربوط
المهم الواد انخفى قطره ولا رجعش العزبة وابوه انى حبسته لحد ما الواد يرجع
مفهمتش برضه ليه دور الضرب ف البنات وليه قلع بلبوص ونط فى الترعه ماكنتش مستريح لحكاية انه اتج دى ولا لكلام عبحق من ان ابنه راكبه عفريت
عفريت ايه فى عزبتى والله مايرضى يهوب هنا م الفقر والناس العفشه دى ده حتى يقرف يركب ايتها حد فيكى يا بلد
المهم فاتت اللايام وعدت ايام ولقيتلك الواد جاينى خاير مختار الدوار وفارد طوله لا كأنه عمل عامله ولا عك ولا ايتها حاجه
قلت ياد سيبه على راحته وخش له دخله حنيه يمكن يقولك السر
قلتله يابن الكلب تعمل كدهه برضه مش تعقل بقى يابن عبحق
قاللى والله يابا العمده انى ماكت فى وعى وكت عاوز افرج الخلق على ابويا
ابوك ودى تيجى برضه ياسند
قاللى اصل انت يافخامة العمدة
قلتله وانى مبسوط من كلمة فخامة دى ها قول ياسند
قاللى ابويا مش عاوز يجوزنى هنومه
هنومه مين ياد
مفيش فى البلد عيله اسمها هنومه
هنومه دى ياحاج تبقى هند رستم بتاع يوسف شاهين
قلتله فز قوم جاك خابط عيل ابن كلب واطى
وقلعت البلغه وزقلته بيها
الواد قام قالع وقعد يتنطط قدام الدوار وقاللى بحب التفاحه ياولاد
باحب التفاحه ياولاد
ادينى تفاحه من تفاحك ياهنومه
وراح واقع محطش منطق
قلت للغفر غطوه وخدوه ع المركز وبعدين بلغوهم انه انخبل
وبرضك ماستريحتش
حشيت كدهه انى زى البغل المربوط فى قطر بضاعه قمت نافض هدومى وهابب فى الغفر شاتمهم وقلتلهم تقبوا وتغطسوا وتشوفولى حكاية الواد ده ايه
وبكره هاقولك بقية لحكاية عشان انى دلوقتى لزمن اشوف المصونه عاوزانى ف ايه
سلام مؤقت يا عسل
....
باينى نسيت
فكرى كدهه فى انك تتجوزى الوله سند ومتخافيش ده طلع زى الفل اصل انى مكملتلكيش
لما اكملك الحكاية هاتحبيه وهاتقوليلى جوزهولى يابا الحاج
جوزهولى يابا الحاج
hayel
bossy bema 2ennek doctor
forget about it
بجد بجد
انتي ملكيش حل
اسلوبك فيه تلقائيه غريبه
و دمك زي السكر
بيخلي الواحد يقرا للآخر
و ميفوتش كلمه
بعد اذنك طبعاً
خليتك عندي في المدونات اللي شدتني
و خلي شعارك ديماً بقي
عايزه اتجوز .. متفوتش كلمه
تحياتي
يعنى يا برايد شوفتى بقى اخرة لهفتك على الجواز كانت هاتعمل فيكى وفينا اية ماهوطبعا كلة هايتلم وهنتجررجر من قفانا
بس مامتك دى عسولة بتفكرنى بماما لما كان برضة جايلى عريس ظابط تقولى لا يا بنتى دة هايضربك لو اتنرفز عليكى
الامهات دول دماغ واحدة
هههههههههههههههههههههههههههههههه
ههههههههههههههههههههههههههههههه
ههههههههههههههههههههههههههههه
مينفعش كدة
إنتى مصيبة من مصايب الزمن
لاء بجد
تموتى من الضحك
ههههههههههههههههههههههه
بت يا برايد انتى زي العسل يخرب عقلك
حتى الظباط
ده انتى جامده بقى اوى على كده
بس بصي يا بنتى خلي عندك امل
والله أنا حاسه إنك أصلا متجوزه وبتضحكي علينا
كده بردو يابرايد, مش هتبقي مرات وزير الداخليه مستقبلا.
بس علي فكره انت السبب, عشان بهدلة الناس والكمين اللي تدخلي عليه.
بس كده خلاص حتي أنكل ديسكو عرسانه مش نافعين.
ههههههههههه
ده ايه الحظ الهباب ده
الحمد لله انك دلوقتى مابتنشريش البوست من خلف القضبان
برايد انتى بجد تحفه
والله العظيم انا ضحكت لغايه ماقالت ماما عليا مجنونه
ربنا معاكى ياختشى دانتى فى كرب هههههههههه
تحياتى
أيوية
و النعمة ده انا كان شكلي يتقطع عليه تذاكر
ربنا يرحمنا يا رب و يهدي الرجالة لعقلهم
------------------------
mohammed eltaher
الله يخليك يا فندم
منورنا على طول
2 شاي هنا يا عم عبده
----------------------
aisha
إيدي على كتفك
تعرفي حد ينتجلي؟
--------------------
just a reader
بس الصراحة كان نفسي قوي في موضوع اللجنة ده
ياللا خيرها في غيرها بقة
---------------------
islamist bloke
هو الصراحة ورانا اللي ماشوفناهوش في حياتنا
بس أهو خد الشر وراح
ربنا يبعت غيره و يكون راجل بجد لحسن الواحد تعب م الأشكال دي ع الآخر
---------------------
romantic rose
و مازال البحث جاري عن متعهد عرسان جديد
قولنا بلاش طنط حشرية و خلينا مع الرجالة هيطلعوا عاقلين و حكماء ومجايبهم حلوة
بس تقولي إيه المنحوس منحوس
----------------------
sameh
العزا خلاص كان الإسبوع اللي فات
تعيش و تفتكر
ماتفكرنيش باه الدمعة هتفر من عيني
كريم؟؟؟
كريم خلاص بأه متجوز بنت عمو بتاع الدم الملوث و انا مش خطافة رجالة ياخويا
ممكن أستنى لما يطلقها ...قضاءا و قدر
---------------------------
shower mirror
يا سيدي الله يخليك ..أخجلتم تواضعنا
بس تصدق أنا برضه فيا شبه من الناس دي هابقى اجيب شجرة العائلة من الجنينة و أقعد أشوف الشبه ده جاي منين
بس تصدق زعلتني
أهي برضه الزفة على إن كان ع القلب مافيش غيرك دي كانت تستحق الواحد يستحمل شوية
و الله كان يبقى منظر برضه
بالنسبة للتحذير
حاضر مش هغيب إنشاء الله إدعي للهارد بتاعي بس بطول العمر
مجهول
مش فاهمة عايز تجوزني والا تتجوزني؟؟
تفرق
ربنا يفك حال البلد يا سيدي عشا يتفك حالنا معاها
-----------------------
shermen
ياللا إنت و
aisha
طلعوا اللي تحت البلاطة و إنتجولي
-----------------------
brokenheart
و الله على رأيك هو موضوع العيال ده اللي كاسر عين الواح
ماهو لو ينفع يجوا بالإنقسام الذاتي والا حاجة
كان زمان الواحد دلوقت عايش بكرامته
------------------------
khaled
لا يممممممممكن
يا ولاعة دهب يا بلاش
إنت فاكرني عبيطة؟
------------------------
aisha
فكرة برضه ياللا باه إنتي و شيرمين شوفوا هتعملوا الشركة إمتى
و إبقوا قولولي
--------------------------
bestic
لا ماتخافيش متهيألي مايعرفش حد في مكافحة الجرائم الإلكترونية
والا كان قفشني من زمان
------------------------
anima
أنا بس يهمني إن إنتوا تنبسطوا
أتبهدل أتبهدل مش مشكلة
كله علشانكم
------------------------
romantic rose
و الله مامتك دي ماشاء الله عليها ناصحة
ممكن المرة الجاية أبقى اعزمها عندنا تعاينلنا العريس
الناس لبعضشيها برضه
life
وجهة نظر برضه
----------------------
maialghrory
يا ما دقت ع الراس طبول
---------------------
emos
وجهة نظر برضه
--------------------
الملاح التائه
يا إما يا إما؟
معلش فهمي تقيل شوية
ممكن أستعين بصديق؟
أعملها على حلقات؟؟
مممممممممم؟
ممكن برضه أجرب
وصلني الإستدعاء يا فندم ورحت
شكرا ليك
------------------
مجهول-2
انا برضه أتجوز و أسبكم
لا إطمنوا أنا قاعدة جنبكوا أهه
ما تقلقوش
------------------
سوسو كعب الغزال
الدنيا مليانة
ربنا يعافينا و يعافي الجميع
------------------
esmeralda
الكلاب كانت تقريبا في المرحلة اللي بعدها
و يمكن كان بعدها يبقى فيه تفتيش ذاتي
أنا مين
انا مين
أنا مين
أنا ميييييييين؟
مع تحيات حسن الأسمر
--------------------
bluerose
يسلم فمك يا جميل
ربنا سلمك منه الحمدلله
ويرزقك باحسن منه
ربنا يصلح الحال يا رب
متغيبيش علينا تاني
شكرا لك بجد
ضحكتيني في يوم اسود
تحياتي من ماناساس البلد
ده عند امه يا ادهم
وحياتك عندى لو كنت هتنفى
بالقديمة على دماغه
ياله شوفتى الجواز هيوديكوا فين
وبعدين انتم معارفكم شورك كده ولا مؤاخذة
من حشرية لديسكو يا قلبى لا تحزن
برايد ..حمد الله على سلامتك يا جميل
انتي يا بنتي موعودة بالناس الغريبة دي!؟
ربنا ييسر لك الحال
ويرزقك بابن الحلال
بعيد عن الضباط
:)
سلامات
نوني
اولا حمدلله ع السلامه
ثانيا....
مالهم يعنى الظببابيط.....ده هما اللى واكلينها والعه دلوقت....
:D
اداااااااب!!!!!!!
وبصماتك كمان....!!!!!!!11
خلى بالك بقى لحسن يكون البلوج متراقب....
ربنا يجعل كلامنا خفيف عليهم
بأقولك إيه يا برايد ماتتحججيش بالعيال
العلم اتقدم دلوقتي
و ممكن تعملي استنساخ و تجيبي كذا برايد يملوا عليكي البلوج
و مش بعيد كل واحده منهم تعملها بلوج
و نلاقي بعد كده
عايزة أتجوز 1
و عايزة أتجوز 2
و عايزة أتجوز 3
;-P
شديييييييييده
حماكى بكندا
انتوا بتضحكوا, ايه اللي يضحك في اللي احنا فيه ده, يا جماعة رغم اني ضحكت انا كمان اول ما اقريت البوست
بس بعد كده بصيت له بنظره تانيه, و ما تزعليش يا برايد مني
لو برايد كانت شخصيه بجد بتقابل كل ده, و لو قلنا اننا من المواصفات اللي عرفنها منها انها دكتوره و بالشخصيه التحفه دي
و ان بالرغم من ده كله بتقابل الاشكال دي
تفتكروا ان دي حاجه تفرح
لما بنت تبقي بمواصفات جيده و تقابل كمية العقد و مركبات النقص الرهيبه دي, مش ده اكيد نوع من انواع الخلل, في حاجه غلط في ده
بلاش ده,,,كلكم بتحبوا اسلوبها و انا اولكم بس ما فيش حد فكر انها نوع من الدرامه الساخره لحالها, محدش فكر ان كل صدمة لبرايد ممكن تعمل فيها ايه من عذاب و الم نفسي
ما فيش حد فكر ان سخرية برايد دي ناتجة عن الم فحولت تقلبه لنوع من التهريج
كل بوست لبرايد بشوف دموعها فيه قدام ضحكنا احنا
ما تزعليش يا برايد و ما تزعلوش كلكم مني
بس بجد لازم نلاقي حل
بدل ما نفضل كده نتفرج علي نفسنا و نضحك من روحنا من غير ما نوجد حلول
بالرغم من اني متاكده في ان الحل في الدين
و كلام النبي عليه السلام من ترضون دينه و خلقه فزوجوه, بس المشكلة ان الدين و الخلق بقوا حاجه نادره
ههههههههههههههههههه
لنا كنت باسنع كتير ان البلوج دا جااامد مووت بس بصراحة دى اول مرة ادخل اشوفه بنفسى..بجد بجد عجبنى اووى
طمنينا عليكي يا بنتي انتي بره السجن و لا اتبعتي علي طول
بوست جميل و اسلوب رائع
بس نقول ايه ربنا يكون في عونك انك شوفتي العاهات دي كلها ولسه مش انتحرتي او دخلتي السرايه الصفرا
تحياتي
بصي يا بريد لو الموضوع حقيقي فالله يكون في عونك.. ولو تهريج فانتي خيالك خصب.. وفي امكانك التاليف.. ويمكنني التعاون معك في موضوع التأليف دة أنا بتكتب سيناريو وممكن أننا نعمل شغل حلو سوا.. هتلاقي ايميلي في مندونتي
ده انتى تحفة ودمك خفيف جدا
واسمك غريب مش فاهم معناه!!
تحياتى
بنت من مصر ومش عانس يا عاااااااااالم
هاى يا برايد بجد انا مخنوقة ومالكتش مكان غير هنا بقى افضفض فية علشان انا طول اليوم مخنوقة وماسكة دموعى بصى يا ستى انا بنت زى الف مش امر يعنى بس كويسة حلوة كتير بيقولولى انى شكل مى عز الدين بس شعرى اسود يعنى مش وحشة عندى 25 سنة وفى شهر 6 هاكمل 26 ودة يعنى بداية الندب اللى ماما عمالة تندبة يا بنتى انا لقيتنى تخينت شوية عملت دايت وظبطت نفسى وقلت اية لما اعمل نيو بوك بقى قصيت شعرى وعملتة لون رائع بقيت تحفة وكام طقم ضيعنا مرتب الشهر واللى محوشينة قلنا مش مهم ورحت الشغل من اول البواب لحد المدير اية يا نونى فى اية اخبار حلوة انا قلت الحوافز كويس الحالة تعبانة بعد النيو زفت دة يقولولى لاء انتى يعنى هاتتتخطبى او حاجة قلت لهم لاء لية يقولولى امال دة كلة واللى يقولى خبى براحتك واللى تقلب وشها ووتغمز واللى تقولى بس شكلك بتحبى قلتلها لية علشان بسمع اغنية بحبك يا حمار كتير لاء عادى انا رومانسية شوية قالتى لاء احسن تكونى فاكرنى مش فاهمة شاكلك فى حاجة
وحياة امى لاااااااااااااااااا
مافيش حاجة وانتو مالكو انتو
وازاى بقى مافيش الحلاوة دى مافيش وماما بقى ازاى يا بنتى مافيش طب واحد زميلك فى الشغل قلتها فى واحد عندة 40 سنة تتجوزبة يا ماما قالتى 40 40 اهو يدلعك
خلالالالالالالالالالالاص اتفرست اوافق على اى حد وخلاص وانتو مالكو انتو بتصرفو عليا مثلا هو انا علشان اهتميت بنفسى ابقى هاتنيل يعنى النظافة ن الايمان
مش هاتجوز الا اللى نفسى فية وارحمونى بقى بجد انا طول اليوم بضحك بس والله دموعى دلوقتى غارقت الكيبرود وفعلا زى مالاخت اللى هنا قالت قصاد كل ضحكة بجد بيبقى فعلا فية دموع كتير فعلا بجد ارحمونا والله نفسنا يبقى لينا بيوت واولاد ومش بنطبتر بس اهو النصيب نعمل اية
سورى بس بجد حسيت انى عيزة استريح وفعلا مالقيتش غير هنا
تصبحى على خير با برايد احسن المدير يعملى بكرة نيولوك ويرفدنى
باى بقى
نونى المقهورة
مش عااااااااااااانس
فعلاً انت محصلتيش
ازيك يابرايد
استمتع بالقراءة لك
ياريتني شفتك ابل ماجوز الوليه اللي معاي دي
اهو النصيب بقى
قال ايه ساعة القضا يعما البصر
لو عندك استعداد يعني
يبقي ياسعدي ياهناي
سامي
برااااااااااااااااااااايد
وحشتينىىىىىىىىىىىىىىى مووووووووت
حتى الظباط ياربى
عادى ياحبيبتشىهو سى عبده قسم و سمعنا موعود ياقلبى بالعذاب من شىء شوية
بس فعلا دودو او صوت فيروز معاها حق و الله
يابنتى الموضوع كوميدى للناس و بتضحكى معالناس بس اهى حاجة تحزن و تقطع القلب وبيقلب مواجعنا معاكى و الله
اللى صايبك صايبنا ياحبيبتشى
وايموس و صوت فيروز وانا و نونا
كل واحد بلوته شكل
ان مكنش الفرج من عنده هييجى منين
ربنا يبعدنا عن الاشكال دى و يرزقك و يرزقنا بابن الحلال
سلام يا قمر
يا خسارة برايد دا انا قلت خلاص هنطمن على البنية و نستتها
بس حصل خير و الحمد لله انت وباقي الخليـ..اقصد العائلة كويسين
بس حطي اونكل ديسكو في البلاك لست بتاعتك ده ممكن المرة الجاية يوصلكم امن الدولة مش اداب و بس
بصو بقى يا جماعه انا قررت ابطل كتابه بعد ما شوفت الشغل اللى على (بلوج سبوت) ده .ماشاء الله ماشاء الله ماشاء الله ... ( بصراحه يعنى )
ظهر ان فيه مصريين بعقليه ديه .
وانا طول عمرى كنت اكره القرائه لحد ما استمتعت بقراءة المدونات وحاولت كثيرا انى اعمل مدونه على بلوجر لكن ما عرفتش لحد ما عملت على مكتوب ولكننى بتشائم من نفسى جدا لما بقرء للناس اللى بتكتب فى بلوج سبوت بحس انى جنبهم ولا حاجه مع انى لما بعييش فى المجتمع مع اصحابى فى الجامعه بحس انى عقليه عاليه عليهم لكن لما قرئت لبرليت ولناس كتير اصدقاء برايت حسيت ان الفرق بينى وبينكم سنوات ضوئيه .
بجد بقيت بتشائم جداااا ...
وادعوكى برايد تقرئى مدونتى خاصة انها تهتم بالمرأة .
http://alayam.maktoobblog.com/
من فضلك يا ريت لو اسمى عندك على الجهاز والا حاجة ياريت تمسحيه اه الواحد يادوب ماشى حنب الحيط اليومين دول
اوع يكون عرف انك عامله مدونة؟
تبقى مصيبة
بس تعرفى كنت هتبقى عسل فى الزفة والمخبرين ماشيين وراك لا وايه موسيقى الشرطة كمان اما بقى الامن المركزى كله حاضر الفرح زى ماتشات الكورة بس الفستان غالبا هيبقى جلابية بيضة بافتة وايشارب جميل كدة واما الجزمة تبقى كوتشى اصل فى السجون ما بيسمحوش بالجزم الجلد
اكيد ده حصل؟
سكينة
آه صحيح دا أكيد موضوع الهارد ده من بركاته
أدينا مستحملين
ربنا يسهل
-----------------------
roudie
اللي يعيش ياما يشوف
إحترس من الولاعات
محجرة ع الآخر ربنا يفرجها إنشاء الله
أدينا بنتعب ربنا يستر و يبقى تعبنا على خير
-----------------------
reham
هو ده العشم برضه
لازم نقف جنب بعضشينا
-------------------
مجهول
عدتني موضوع الزرنيخ ده
العريس الجاي إنشاء الله
-------------------
الأرموطي
تشكر يا أبو الأراميط
إنت اللي سكر
----------------
ahmedthatsit
نصيبي أعمل إيه؟
---------------
فاقد الذاكرة
طب ماهو ممكن يكون مخبر الآداب ده راجل إبن حلال فعلا
إبقى خليك محدد في الدعوة لو سمحت
في الشغل الست بتاع شؤون العاملين الله يكرمها
قفلت على الخبر و ماذاعتهوش و الحمدلله
-----------------
medo
أشكرك جدا على التنبيه
طبعا هو خطأ غي مقصود و الله أعلم بالنوايا
----------------
engy
شككككككككككرا
----------------
يعقوب
شكرا ليك على التنبيه
مش عارفه لما حد بيكتب حاجة عن البلوج مش بيقولولي ليه
شكرا ليك و للصحفي برضه اللي كاتب كلام كويس جدا
------------------
posycat
حاااضر
-----------------
loving girl
ايه ده؟
هو فيه مخبرين كمان بيدونوا؟
طب و الله كويس ده البلد في تقدم اهه
---------------
misho
أوكي إحنا نعمل شراكة سوا
أنا انكت و إنت تنكد
حاجة كده زي سويت&ساور
-------------------
الأباصيري
مش عاجبك بربر..يا سيدي دي حتى ماشية معالصور اللي في مدونتك بتاع بوستات المقالب
والا إيه؟
-------------------
memo
إنشاء الله
aisha
وعدتني إنها تعمل شركة إنتاج و تنتجلي
------------------
مجهول
ولا يهمك برضه نضحك بدل مانطق
النوعيات اللي مش غريبة بقت نادرة جدا جدا جدا
ربنا يسترها معانا يا رب
------------------
محمد فوزي آل ربيع
إيه ده هو لسه فيه بوليس سياسي في البلد والا ايه
والا ده عندكم هناك؟؟؟
بالذمة ماوحشتكش قوات الأمن المركزي بتاعنا
فيه منها في اي حته في العالم
مافتكرش
---------------------
محمد
يبقى الحال على ماهو عليه
و على المتضرر اللجوء للقضاء
يا أستاذ محمد..كشكشها ماتعرضهاش
--------------------
الحاج أبوجمال
البقية بعد الفاصل
عروستى
--------------------
مجهول
forget about what exactly?
this groom
or all of them??
----------------------
pro-id
شكرا ع الكلام الجميل
اخجلتم تواضعنا
و حلو الشعار
عايزة أتجوز...ماتفوتش كلمة
-------------------
مجهول
ربنا يخليلنا أمهاتنا
بس مانقعدش جنبهم
----------------
ody911
ماشي يا عم
أنا أتبهدل و إنتوا تضحكوا
فداكم
---------------
الكلام نوعان
و الله نفسي يبقى عندي أمل
و عمر
و مهيتاب
بس في الأول لازم ألاقي أبوهم
--------------
shermen
ليه التهم ووقف الحال ده ع الصبح؟
---------------
esraa
هو أكيد ده عقاب من ربنا عشان كنت ناوية أفتري على الناس
سامحني يا رب
----------------
شجرة الدر
قليل البخت يلاقي العضم في الكرشة
سلميلي على مامتك و خليها تدعيلي
بئي علشان حتة هارد تتاخري كدة
طيب دنا لسة جاي من مصر ولو بس اعرف كنت جبتلك مية هارد علشان تكتبي مية بوست كل هارد ببوست بجد من كتر الي فية يدوب علية
حبيبتي برايد
انا اول مرة اكتبلك و تاني مرة ادخل مدونتك
و مقدرتش المرة دي اني امشي من غير ما اقولك اني بجد فرحانة بكل حاجة بتكتبيها و بجد حسيت اني مش لوحدي و ان في ناس حلوة زيك عايشين بروح مرحة كدة مهما حصلهم من مواقف تغيظ
و كمان حسيت اني اعرفك من زمان و كاننا اخوات بيعيشوا نفس المشاكل و نفس المواقف
شكرا ليكي و الحمد لله اني لقيت انسانة زيك تأثر فية و تمحي احساسي بالوحدة
ههههههههههههههه ياخرااااااااابى
ايه ده بجد انا هاموت من كتر الضحك
بجد ايه الجمال ده
على فكره انتى تنفعى سينارست تحفه جااامد
وانا سعيد جدا بزيارت مدونتك الرائعه
حسام مراد
شغال
اتمنى انك تنورينى فى شغال
http://7ossampts.blogspot.com/
سلاااااام
مساء الخير ياست العرايس,
متشكر جداً جداً فانا ضحكت كتير قوي وانا بنقراء القصة الحلوة دي وأرجوك إسمعي كلام المدونه
Aisha
فهي عندها حق تماماانت
لازم تعملي كتاب من البلاوي اللي بتتحدف عليك من عرسان الغفلة
تحيات إسكندراني في بلاد الله الواسعة
والله يابرايد إنت زي السكر وفعلا عندك حق أنا رتقدملي ٣ ظباط شرطة ورفضتهم مشأنا طبعا بابا وقال إيه كنت زعلانة قوي علشان بابا رفضهم معرفش المصايب إلي بيعملوها وكان عنده حق بابا بيقولي يابنتي إنت لسة صغيرة ومتعرفيش حاجة عن الدنيا
البقااء لله في الهارد بتاعك ياقمر
تاني حاجه مش عارفه اقولك ايه علي الشخص اللي بتقولي عليه ده دا تقريبا مريض بعقله او حاجه والحمد الله انك خالصتي منه بالسلامه يعني
وانا هموت واعرف الحج والحجه ام برايد عملوا ايه معا ومع عمود ديسكو وانتي احساسك كان عامل ازاي لما دخلتي اوضتك وفكرتي في ايه وقولتي ايه لنفسك مش معقوله الموقف اخدتيه بسطحيه؟
انا اسفه لو سؤالي في تدخل
الموقف ده اتكرر بتنويعات تانية مع ناس أعرفهم.
على فكرة معظم الضباط بيتصرفوا بنفس الأسلوب ده، العروسة اللي بيتقدملها بيبعت المخبرين يتحروا عنها ويكشف عن جرايمها في الآداب في باقي الإدارات.
لغاية ما تبقى سمعتها زي القطران.
لأ مش ممكن يا برايد
حرام عليكى
انا وقعت تحت المكتب
وعملت زيك لميت عليا زمايلى
انا هاستلف دى كمان منك
انا صفحتى بقت تجنن بقصصك
مروة
جميله اوى اختى
أيوه اضحكوا اضحكوا ...
أشوفكم بكرة كلكم ورا الشمس . كل ده و مش فاهمين ؟؟؟
يا بنتى الموضوع إن ماما ديدى سمعت عن البلوج أو دخلته ... حست انك ممكن تخلى بابا جيمى يعيد نظر ..خصوصاً بعد البوست بتاع لجنة السياسات و تلقيح الكلام بتاعك ده. و شوفوا انتوا ماما ديدى بأه .. يعنى صاحبتنا كانت فاكرة نفسها حاتكون حرم حاظابط و ما صدقت طاحت فى اللجان و البشر كلهم .. ما بالكم بـ ماما ديدى ممكن تعمل أيه .. بس والله ماما ديدى طيبة و بنت حلال .. قالت تلم الموضوع و تبعتلك عريس و تزيحك من طريقها ... بس طلعتى مش بتيجى بالزوق ... لا حول ولا قوة إلا بالله ...
هههههههههههههههههههههههه
بجد انتى زى السكر يا برايد
اولا البقاء لله فى الهارد القديم
ومبروك عل الجديد
بس بجد انتى عسل مووت
ولو اتجوزتية بقى العريس دة
هيقولك الصبح طابور نظام
والغدا عدس
هههههههههه لا بجد حاجة تحفة
عجبنى البلوج بتاعك اوى
اولا انت دمك زى الشربات , زممكن تكتبى مسرحيات من العيار التقيل جدا , بس والله حكاية جميلة جدا ومضحكة جدا , وممكن لو جمال قرا المدونة دى , انا واثق انه هيفلسع خديجة وهيدور عليكى , بس مش هيبعت مخبر الاداب , الله اعلم ممكن تلاقى المخابرات الحربية والموساد والسى آى اه والدنيا رأفت الهجان , احمدى ربنا انها جات على قد كده
وياريت تبقلى تشرفينى على المدونة بتاعتى
انا عرفت بيكى من خلال مدونة زميلة اسمها عابرة السبيل
سلام عليكم
برايد انا مش هقولك ان دمك زى العسل ، انا هقولك انك شرباااااااااات
انا عارفة انك نفسك تقدميه للى يستاهله زى ما انا نفسى برضه
بس نقول ايه ،ياما فى الدنيا بنات بس اللى بيفهم مات
انا عايزة انا كمان احكى حكايتى فى بيت عرسان وعرايس بس ازاى ؟
انتى عارفة انا حطيت مدونتك عندى وسميتها:
عايزة اتجوز ...ومين سمعك
انا صغيرة صحيح بس ما بيفرقش السن وحياتك يا برايد ،كلنا فى الهوا سوا
المرة دي لازم احيكي يا برايد
واضح ان اسلوبك بيتحسن اوي لدرجة اقتربت من الاحترافيه في كتابه المواقف الكوميدية
ما تسيبيش نفسك و تخلي الموهبة تضيع اثناء بحثك عن عريس
بلا عريس بلا نيله ده غير ان في شيء مهم جدا انتي مش واخدة بالك منه
ان كل اما موهبتك زادت و احنا استمتعنا بكتاباتك انتي يا حبيبتي مش هاتشوفي جواز في حياتك ابدا
لان كل دول هايدعوا عليكي انك مش تتجوزي خوفا من انك لما تتجوزي تبطلي كتابه
ماهو هاتكتبي ليه بقا سبب الكتابه هايكون انتفى خلاص ياختي
سلام
أنا بدأت أقلق على برايد
بقالها مده مادخلتش البلوج
ربنا يستر عليها و ما تكونش اعتقلت و لا حاجه
البوست الأخير ده دخلت بيه في المنطقه المحظوره
ما إنتي كنتي ماشيه جنب الحيط .. إيه اللي يخليكي تلبخي في العالم دي
ربنا يستر و مانلاقيهاش طالعه في خلف الأسوار
;-P
انا اول مره أدخل على البلوج ده بس جميل ما شاء الله وربنا يعدلها لك بابن الحلال
لكن بأمانه انا مش مطمن للظابط ده خالص شكله كده من وصفك ليه هيبهدلك كل يوم
فيه حاجه كمان انتى تعرفى الأشكيف منين
الأشكيف ده محدش يعرفوا غير عيلتنا
برايد باين كدا اتقبض عليكى مش كنتى تقولى انتى فى قسم ايه علشان نجهز العيش والحلاوة ونيجى نزورك انا سامع ان البلوج ده متراقب وكل اللى بيدخلوه هايشرفوا قريب فالتخشيبة
هم يضحك وهم يبكى
بجد والله ياما بتشوفى وهتشوفى ودى عادى يعنى هبقى ابعتلك حكاوى قهاوى لو تحبى لشخصيات حقيقيه وتضحكى براحتك مهو لو مضحكتيش هيحصلك حاجه تانيه
الحمدلله
بجد انتى عسل وروحك حلوه وربنا يكرمك يارب
لأ يابرايد مش ممكن
لألأ انا زعلانة
يرضيكي اعد اضحك لغاية لما اعيط وامي واختي يقولو عليا مجنونة وهبلة
اضحك الله سنك
استمري استمري
حيجيلنا يوم ونسمع خبر فرحك بأذن الله
eh dh...hoa enty kman doctora :D:D:D
:D:D:D:D:D
el dactra malyeeeeeen el blogger :D
قصة رائعة
تمتلأ بروح الفكاهة
تحياتي
ابنتى العزيزه/برايد
اول مره اكتبلك....قرات مدونتك قبل كدا وبقول مش معقول حد زيك دمه خفيف بالشكل ده لسه ما تجوزش اكيد ماحدش فى الرجاله يستاهل زيك
لازم يلاقى اللى تنغص عليه عيشته ....اه والله ماهو من نيتهم السودا بيقعوا فى شر اعمالهم
سيبك وقوليلى انت فين وحشتينا من 5 ابريل ما كتبتيش يا ترى بتقضى شهر العسل فين يالئيمه ربنا يسعدك انت وبناتى يارب
It's so obvious this is not a real blog, but a fictional one. Still, it's so funny.
هههههه أنا أنكّد؟ أخخخ شكلك قريتى آخر 24 بوست كتبتهم :)
بس صدقينى كتبت 1 كوميدى :)
شوفي يا أستاذة برايد، أنا بعد انقطاع طويل مع البلوجز رجعت تاني و شفت البوستات الجديدة بتاعتك، انتي بجد فشارة قوي، يعني انتي بدون شك اسلوبك في الكتابة ممتاز لكن الهرتلة الزايدة عن اللزوم دي شكلها مش ظريف، ماهو يا اما تكوني فعلا متعقدة من الجواز و تكتبي اللي بيحصل معاكي بالظبط يا اما تنجزي و تجيبي من الاخر و تقولي ان بتحبي الكتابة و الناس تهرش انك بتهيسي عليهم و خلاص و اهم حيقروا و هما متكيفين، انا علي فكرة في الاول كنت بضحك علي اللي بتكتبيه لكن مع الوقت بطلت اضحك عشان حفظت اسلوبك اللي مش بيتغير انك تقولي ودخل العريس من الباب و ساعتها قبل ما اكمل قرايه بتوقع عشر سطور من التهييس و بعد كدة سطر جد و عشرين غيرهم تخيلات من دماغك و بغض النظر رأيي مش حيعجبك انتي او غيرك ف ده رايي الشخصي في النهاية و الاختلاف في وجهات النظر لا يفسد للبلوج قضية
hahaha..sharbat ya bride walahee ...to7fah :D :D
يخرب عقلك يا بت انتي..وربنا اول مرجعت دخلت عندك على طوووووووووول...وحشتني يا بت انتي وربنا ليك واحشة بجد...وحشني الكلام العسل بتاعك انت يا عسل...تعيشي وتاخدي غيرها ..والله بقالي كتير مضحكتي زي كدة من اخر مرة بتاع الخامس دا...ربنا يخليكي لينا يا رب ويرزقك بعيريس لقطة كدة وحليوة زيك يا قمر......سلام مؤقت
هههههههههه ههههههههههه والله هموت من الضحك انتى اكتر دكتوره فقريه فى الدنيا مع انى اعرف ان الدكاتره دمهم واقف على حيله بس انتى افضلى اتريقى كده على عباد الله لحد قطر الجواز ما يدوسك ومتلقيش غيرى وقتها مش هينفع تريقه هيبقى قدرمك (ممكن) ووراكى الحيطه
يانهاااااااااااار ابيض انا والله مش مصدقه بقى معقول فى حد يعمل كدا
بقى احناا وصلنا لدرجة اللاااااااثقه دى
,:سلام عليكم يا برايد انا بحبك اوي انا كنت متابعة موضوعة في منتدى عمر خالد مع مروة .بس من بعيد وقعدت اسال واطقس ولا بتوع الاف بي اي عشان اوصلك والحمد لله اهو حصل ربنا بقا ينفعنا ببركتك ههههه..
انا اشتركت هنا بس عشانك .لما لقيت .الفصص التانية فرحت انتي العرسان دول بينزلو عليكي من انهي كبسولة .خدي بالك دول يمكن مستقصدينك.وعيزين يحدوكي معاهم لبلاد
العجايب ولا كانكك اليس
mahis ..
على فكرة انا حرشحك عشان تخدي جايزة جنيس. بالكلام الدبش قصدي العسل الي بتقوليه. يلا ربنا يكرمك ويرزقك بابن الحلال الي يسعدك
coooooooool i love it
enty raheeeeeeeeeeeeeeeeeeeeba
السلام عليكم اانا بردة كنت كدة فى الجامعة وادينى قاعدة
ya nharyyyyyyyyyyyyy mesh m32ol begad mas7'ara begad ely by7slk dh dh lw 2na kan zamany galy sakta 2albya rabena m3aky ya benty wt7'lfy isa zababet yb2o zayo kda isa lama ttgwzy isa 3shan ya7'dolk 72k b2nzillah
3ala fekra it happend to me. mara zaman we ana fe el gam3a, kont mortabta bewa7ed fashar moot. he told me that because i tried to call him once late at night, his dad el safeer, got the complete records of my family min 2am el dawla ;))) can you imagine?!!
ما كتبتة شئ ممتع ورائع ومثير للأهتمام
صباح الفل
طبعا مدونتك جامدة وانا عن نفسى عملت مدونة علشان اكتبلك التعليق ده بس بعد ما كتبته وقبل ما احفظه الكمبوتر ..هووب.. فصل !! معلهش !! علشان كده
عملت مقال عن مدونتك عندى .. وكمان مبروك الكتاب.. وهكذا ايها السادة نكتشف ميزة اخرى للزواج : وهى ان السعى ليه بيولد فى المخ افكار شديده وبيورينا فى
نفسنا حاجات ما نعرفهاش.. سلام . محمد.
صباح الفل
طبعا مدونتك جامدة وانا عن نفسى عملت مدونة علشان اكتبلك التعليق ده بس بعد ما كتبته وقبل ما احفظه الكمبوتر ..هووب.. فصل !! معلهش !! علشان كده عملت مقال عن مدونتك عندى .. وكمان مبروك الكتاب.. وهكذا ايها السادة نكتشف ميزة اخرى للزواج : وهى ان مجرد السعى ليه بيولد فى المخ افكار شديده وبيورينا فى نفسنا حاجات ما نعرفهاش.. سلام . محمد.
أنا جيت متأخر شوي .. بس فعلاً الليلة كانت مليانة ضحك ..
وكما يقال "شر البلية مايُضحك
Post a Comment