Monday, April 06, 2009

تابع - الثاني عشر

الكل مستعجل يعرف حصل إيه بعد كده..طب مش تستنوا لما تعرفوا الحكاية بدأت أساسا إزاي ؟

ستوب ..فلاش باك..صور متتابعة بالأبيض و الأسود..أو الألوان مش هتفرق..المهم..من مده كده بدأت حالة من الهدوء تسود صيدليتنا الكريمة ..الأمور هادية و الأجواء خالية من بشاير أي عريس جديد لأي حد و بالتالي أعصاب الكل مرتاحة ..آه مافيش بارقة أمل في المستقبل لكن كمان مافيش أي مناورات تخللي حد يغل في نفسه أو ياكل في بعضه أو يصحى بالليل يصرخ مفزوع "نهى جالها..نهى جالها عريس" ..إحم ..مش نهى بالخصوص يعني ..ده مجرد مثال ..ليه ماعادش فيه مناورات صالونية ..مش عارفة بالظبط..تقولوا عشان الرجالة اللي يعرفوهم معارفنا خلصوا على كده ..عشان طلعت علينا سمعة هباب من كتر اللي بندألجهم على سلالمنا..عشان كلنا عدينا عتبة التلاتين و العتبة دي بالذات جزاز و سلمها نايلو في نايلو و محتاج عرسان ذوي مواصفات خاصة عشان يطلعوا عليه . المهم بعد تفكير عميق و مشاورات مستمرة أفتت واحدة من الموجودين بإننا بما إننا مش بتوع مصاحبة وقلة أدب و واضح كمان إننا مش بتوع زواج و استقرار يبقى أكيد أكيد إحنا نبقى "الديمو" ..وقفنا عند المستوى الأول بتاع مقابلة الصالون و مافيش أمل نطلع المستوى اللي بعده لأننا مجرد "ديمو"..فكرة نميسة و الله!..إرتحنا للنتيجة العبقرية دي و عيشنا في توافق و محبة و ود في ظل هذا الهدوء النسبي و الهدنة المعلنة من جميع الأطراف .. لكن للأسف ماكانش عندنا فكرة إن الهدوء ده كله كان يسبق العاصفة


العاصفة بتاعتنا المسماه بمدام زوزو..ماتعرفوهاش؟..لأ تعرفوها تعرفوها..كل واحد أو واحدة فيكم لو فكر شوية هيلاقي فيه في حياته مدام زوزو ..الست المشرقة دي المبتسمة دايما ماتعرفش ليه اللي دايما بتلبس حاجات فيها ورد كتير كده و ألوانها بتفكرك بالعيال اللي رايحين جنينة الحيوانات يوم العيد الصبح .. دائما و أبدا بتحاول تقنعك إن الدنيا لسه بخير و كيلو اللحمة هيرجع ب3 جنيه و نص و إن وزير التعليم بيموت في العيال بتوع الثانوية العامة و إن أحمد عز قصده مصلحة البلد بس هو اللي مش باين عليه و البني آدم لو بس يصفي نيته و يتسامح مع نفسه يقدر يتفرج على كل أفلام نادية الجندي مرة واحدة من غير مايجيله تسمم ولاحاجة ..حل لكل مشكلة و نظرة وردية للمستقبل تجيب لشخص "متفائل " زيي كمية هلاوس سمعية و بصرية ماحصلتليش من يوم ما رحت أطلع بطاقة إنتخابية من القسم اللي جنبنا
و سبحان الله يا أخي على الرغم من موضوع التفاؤل ده فمدام زوزو كانت كمان بتؤمن بمبدأ الفوضى الخلاقة بتاع مثلها الأعلى الست "كونداليزا رز" ..أي مكان تدخله وتخرج منه لايمكن يفضل على حاله ..من يوم ما اشتغلت في قسم الحسابات و هي عاملة زي الدبانة الرخمة تفضل تلف و تزن على كل مكتب شوية ..فجأة تلاقي المتخاصمين إتصالحوا و الأصحاب بقوا زي الإخوان و أعضاء الحزب تحت قبة مجلس الشعب.. اللي مشيه مش تمام بيتعدل و اللي ماشي طول عمره مستقيم يقرر إنه يتوكل على الله و يبقى مرتشي و تخرج هي من المكتب و على وشها إبتسامة إنتصار إنها قدرت تسيب بصمة في حياة الجميع


لكن كله كوم و اللي عملته في صيدليتنا ده كوم تاني..سيبكوا من إن نهى رفعت على جوزها قضية خلع ..ده حاجة مش غريبة ..كفاية الكام عين اللي خدتهم في الفرح ( منهم لله اللي كانوا السبب)..سيبكوا كمان من إنهم لحقوا مدام سندس على آخر لحظة قبل ما تسقي الباشمهندس شافعي شوب عصير ماية نار ..ده شيء كنا كلنا متوقعينه و كان منتظر من زمان ..لكن 5 خطوبات في أقل من شهر واحد؟..ورا بعض؟..دي تخرج تتكلم في التليفون و ترجع ..مخطوبة ..دي تخرج تشتري سندوتشين فول و ترجع مخطوبة..دي تستأذن و تدخل الحمام و ترجع برضه مخطوبه و كل خطوبه تحمل ماركة مدام زوزو المسجلة ..و مش الغريبة موضوع الخطوبات المتلاحقة دي..بجد مش غريبة..الأغرب إن أنا ما انفجرتش فيهم و في الصيدلية و في المستشفى كلها ..الموضوع تحسوا كده إنه عامل زي البلاستر اللي بتشدوه بسرعة من على الجرح عشان مايوجعش قوي ..و بعدين هاعمل إيه يعني؟..ماهو مافيش حاجة في إيدي أعملها ..يعني لو كانت واحدة فيهم إتخطبت عشان لفت لفتين في فرح كنت لفيت أنا 22 ..لكن أنا ما أعرفش دول بيتخطبوا على أي أساس؟..طيب..يمكن على حسب السن؟..أبدا ..أول تلاتة كانوا 32 -28-35 ..يعني مافيش ترتيب ..يمكن حسب اللون؟ ..برضه أبدا داحنا خرجنا من مرحلة "يا ريتني بيضا بضب ده البياض عند الجواز يتحب" مارين بمرحلة "حتى لوني قمحي لون خيرك يا مصر" لحد ماوصلنا لمرحلة "أسمر أسمر طيب ماله ..و الله سماره سر جماله" ..خلصت كل الألوان و الست برضه ما هوبتش ناحيتي . حسب المستوى الإجتماعي؟ ..حسب الطول؟ ..حسب نوع الموبايل؟..أجيبها يمين شمال.. مش فاهمالها نظام خالص.الله يلعن أبو الذل اللي يعمل في الواحد كده..لما حتى مدام زوزو مش شايفة إن فيه فيا أمل ..يبقى فاضل إيه تاني؟...في وسط الجو ده فجأه لقيت مدام زوزو بدأت تحوم حواليا زي النحلة اليتيمة..بتقدم رجل و تأخر رجل و أنا راسمه البراءه و عاملة إني مش فاهمة هي عايزة إيه بالظبط لكن قلبي بيفرفر جوايا زي الفرخة الدايخة لغاية ما قربت مني و جابتها على بلاطة




-هو انتي يا دكتورة مش ناوية تتجوزي بأه والا إيه؟
- جواز ؟..جواز إيه يا مدام زوزو اللي بتتكلمي عليه ؟ أنا ما بافكرش في الموضوع ده خالص ..أنا لسه صغيرة
- صغيرة ؟..صغيرة إيه يا دكتورة إسم الله على مقامك
-إحم..مش موضوعنا ده يا مدام زوزو و في النهاية يعني كل شيء نصيب و الحاجات دي مش بإيد حد
- مين قال كده ؟..كل حاجة و ليها حل ..إنتي بس ترمي بياضك و كل شيء هيبان
- أرمي بياضي إزاي يعني؟..الله ..إنتي بتعرفي تشوفي البخت؟
- بخت إيه ..يا دي النيلة..كليات "كمة" إيه اللي بتدخلوها دي بس؟..شوفي يا دكتورة..أنا باخد 2 ..واحد قبل و واحد بعد
- 2 إيه ؟..حقن والا لبوس؟
- يا دكتورة 2 ..ألفين جنيه ..ألف قبل الخطوبة و ألف بعد تلبيس الدبل
- نعمآاااه..دلوقتي فهمت ترتيب خطوبة البنات ..يخرب بيوتهم ..دول بيتخطبوا حسب أدوار الجمعية بتاعة مدام عواطف ..اللي تقبض بالشمال تلبس دبلة في اليمين
- إسم الله عليكي ..هاه..نقول مبروك؟



في بيتنا الهادي الجميل ماما كانت في إحدى حالتها المعتادة من السلام مع النفس ..بتدبدب على الأرض و بتشد في شعرها و بتجز على سنانها عشان ما تتهورش و تاكل دراعي من كتر الغيظ



- وقلتلها لأ؟
- طبببعا
- ليه يا نايبتي التقيلة ؟
- و أنا أدفع 2000 جنيه ليه؟
- و ماتدفعيش ليه إن شاء الله؟..مافيش فايدة فيكي طالعة جلدة لجدتك ..كتير ال 2000 جنيه ؟..متسخسراهم؟..إحنا مش لسه شاريين تلاجة ب2000 جنيه ..عريسك ده مش هيبقى زي التلاجة؟
- إحتمال
- و الجزمة اللي سيادتك لسه شارياها ب200 جنيه ؟..يعني العريس ده خسارة فيه 10 جزم؟
- قلبي حاسس إنه هيحتاج أكتر من كده
- يبقى إيه بأه؟
- يا ماما على آخر الزمن هادفع فلوس عشان أتجوز؟..حصلت إني أشتري عريس
- و ماله ..مش ده التطور اللي انتي دايما بتقولي عايزاه ؟..مش بتقولي مش عايزة حد يشتريني بفلوسه ؟..إشتريه انتي ..على الأقل في أي خناقة تبقي انتي اللي كاسره عينه مش هو اللي كاسرلك عين
- يا ماما بس ..
- بس خلاص ..اجري هاتي ألف جنيه من المخبأ و إبقي ادهوملها بكره الصبح ..إجري ياللا


و تاني يوم الفلوس اللي ماما مخبياها تحت أنبوبة البوتجاز بعد ما بابا إكتشف المخبأ القديم ورا عداد الكهربا كانت في إيد مدام زوزو.. بصتلها بازدراء ورمتها في شنطتها بإهمال وسط رزم تانية كتير ..مصري على خليجي على يورو على دولار..الست طلعت معروفة على الساحة الدولية..و أنا كنت نايمة على وداني كل ده ؟ .. عموما أما نشوف أخرتها إيه
ميلت عليا و قالتلي بأسلوب مغري كده

..
-

و بالنسبة للعريس ده بأه ..إنتي محتاجة تشوفيه؟
- نعم ؟..أمال إنتي واخدة 1000 جنيه ليه ؟..هتسمعيني صوته على نجوم إف إم؟
- لا يا دكتورة ماهي كل حاجة بتمنها ..أنا لغاية دلوقتي لا قلتلك إسم و لا وظيفة..ممكن قوي أجيبلك صورة شريف إبن أختي و أقولك هو ده.. آه..خدي بالك إنتي بتشتري سمك في مايه
- عايزة إيه يعني؟

- مش كتير 750 بس

- حاضر..الله يلعن أبو الذل اللي يعمل في الواحد كده

و دفعت زي الجز..الشاطرة طبعا و طلعتلي صورته ..إستعديت بأه عشان أقول سنانه زي شريط السكة الحديد و مناخيره شبه عمر أفندي و عينيه بتحدف يمين و كل الأشياء اللطيفة اللي أنا باقولها على عرساني دي بس بصراحة فرملتني الصورة المرة دي
شوفوا هو باختصار شكله إبن حلال مبتسم إبتسامة سهتانة كده شوية و متصور في بوز سخيف قوي و هو حاطط إيده تحت دقنه قال يعني بيفكر في حل لمشكلة أنابيب البوتجاز بس شكله متربي يعني ..وسيم آه ..بس بشنب ..رغم إني ماباستظرفش الشنبات لكن واضح إنه حاسس إن مناخيره مهمه فالراجل حب يشد تحتها خط عشان البشرية كلها تاخد بالها منها ..حقه برضه..شعره بني كده شوية و في مرحلة متوسطة بين الموكيت اللي كان مركبه راغب علامه أيام مغرم يا ليل و التنده اللي كان رافعها كاظم الساهر في سلامتك من الآه ( الحلوين مواليد التسعينات اللي هيقولولي مين دول يا طنط و أغاني إيه دي يا أبله هاشوطهم بره البلوج ..عندك اليوتيوب يا شاطر منك ليها و بلاش أسئلة مستفزة يا إما كل واحد يروح يلعب قدام بيتهم ..آه) ..و بغض النظر عن إنه ماعداش إختبار الغرز ..لكن قلبي إنشرحله و حسيت إن ربنا هيكرمني المرة دي ..خلاص..الإتناشر تابتة ..ماهي أربع تلاتات بأه..و موضوع الغرز ده نبقى نتصرف فيه بعدين..في إيدنا يعني


- هاه ..تقابليه؟
- طبعا
- طب تدفعي كاااام؟



الست زوزو الله يكرمها دبرتلنا معاد لقاء على أرض محايدة ..لا صالوننا ولا صالونهم ..صالونها هي و كتر خيرها نظرا للأزمة الإقتصادية العالمية ما أخدتش في الموضوع ده غير 750 جنيه ..جه هو و أخته الكبيرة ..ست طيبة و لطيفة و بنت حلال و رخمة و تلمة ..الأفريدج بتاع أهل العرسان يعني ..مالحقناش نقعد و مدام زوزو راحت شاقطة ماما تحت دراعها اليمين و أخت العريس تحت كوعها الشمال و سابولي ساحة المعركة ..قعدت قدام الباشمهندس عصام كالعادة عرقي مرقي و هو زي وكيل النيابة اللي وقع تحت إيده حرامي أهبل ناوي يعترف بكل حاجة ..أسئلة.. أسئلة ..أسئلة..أحلامك طموحاتك هواياتك طبخاتك صحباتك إسمك سنك ..مدفع سريع الطلقات ..بس أنا منشكحة جدا ..التدقيق ده معناه إنه بيتوخى الحرص و داخل جد جدا ..مش قاعدة طياري و خلاص..يا سلاااام ..أيوة كده ..وداعا للديمو و أهلا بمستويات المحترفين
خلصت القاعدة و روحنا ..طبعا بعد مادفعنا لمدام زوزو 400 جنيه تانيين و أول ماحطينا رجلينا جوه الشقة رن التليفون


- مبسوط ..مبسوط قوي ..أمال ..بس عايز يشوفها مرة كمان

ماما اللي الضربات اللي ماكسرتهاش قوتها و اللي اتعلمت من جروح معارك القسمة و خدوش حروب النصيب فحبت تعمل واعية
- ما فيش مقابلات تانية ..إحنا هنفضل ندخل و نطلع ؟
- و ندفع ؟
- بس عايز يعرفها أكتر
-و ال7 ساعات اللي قعدهم معاها دول مش كفاية؟
- و الله هو ده نظامنا يا حاجة ..مش عاجبكم يبقى...
- لأ ..عاجبنا عاجبنا..الله يلعن أبو الذل اللي يعمل في الواحد كده


و استمرت المقابلات خلال شهري يناير و فبراير على التوازي ..18 مقابلة في شهرين لغاية ما خلاص ..برايد حفظت عصام و عصام حفظ برايد ..كل أحلامي و طموحاتي و أحلامه و طموحاته ..و هواياتي و صحباتي و هواياته و صحباته ..كلهم إندمجوا مع بعض و قربنا خلاص نبقى زي بيرت بلاس ..اتنين في واحد..لكن برضه لسه عايز يدرس و يدقق و لما طلب يقابلني للمرة التسعتاشر ماما كانت خلاص روحها في مناخيرها

..هي كلمة ..لازم يبقى فيه إرتباط ..عايز يشوفها تاني يتفضل في بيتنا ..و يقرا الفاتحة و بعدين يبقوا يتعرفوا على بعض لغاية لما نلبس دبل
- أيوة بس..
- ماتخافيش جمعي كل اللي كنتي هتسلكيه و احنا هندفعهولك جملة مرة واحدة ..بس بعد قراية الفاتحة
- مش تقولي كده م الصبح يا حاجة..لولولولولي..مبروك مقدما إن شاء الله..أنا هاكلمهم و أحدد معاد ..بس باقولك إيه يا حاجة ..أصل أنا رصيدي خلص ..يعني عشان أكلمهم محتاجاكي تحوليلي 600 جنيه



و جه اليوم الموعود و ماما خلتهم قروا الفاتحة على عتبة باب الشقة قبل ما يحطوا رجلهم جوا الصالون اللي قربنا نتشائم منه خلاص ..و حصلت الموقعة اللي حكتلكم عليها المرة اللي فاتت دي

قاعدة جنب الحلو الأمور اللي كان عامل نيولوك بمناسبة قراية الفاتحة كان شكله غريب شوية شعره بقى شبه فروة علي حميده أيام لولاكي (إياكوا حد يسأل) و لابس قميص برتقاني و حاجات دهب كتير كده


- نعمممم ؟..إسمي إيه يعني إيه؟..هو الشريط سف والا إيه؟..ما انت عارف إسمي و عارف كل حاجة عني و عن كل اللي أعرفهم ..دي حتى مقاسات جزم أصحابي انت حافظهم دلوقتي يا عصام


- إحم..بس أصل..
- أصل إيه؟
- أنا..
- إنت إيه عصام ؟
-
أنا مش عصام..أنا حسام



وأنا أصوووت..و مدام زوزو تهديني.
- يا دكتورة ما هي هياها ..دول توأم يعني مافرقتش كتير

و أنا أصوووت و أخته تفهمني
- أصل عصام مهندس له مكانته برضه و بعد تفكير قرر إنه مش هينفع يتجوز واحدة فوق التلاتين لكن حسام دبلوم صنايع يعني نفسه حلوة و ماعندوش مانع يشيل

و أنا أصوووت ..و ماما تحاول تقنعني
- يا بنتي خلصينا بأه ..عصام حسام..كفاية اللي احنا كعيناه ده كله ..طب إتخطبيلك بيهم أسبوعين

و أنا أصووووت و فجأه بابص حواليا لقيت كل جيراننا اتلموا عشان يطقسوا و الشماتة في عينين البت هند هي اللي خلتني كلبشت في إيد عصـ..حسام و طلعتلهم لساني قد كده


- إيه ؟..بتبصوا على إيه ؟..عمركوا ماشفتوا واحدة مبسوطة ؟
.
.
.
ياللا أسبوعين يفوتوا ولا حد يموت



الله يلعن أبو الذل ..الله يلعن أبو الذل..الله يلعن أبو الذل




ألف مرة

200 comments:

عمرو فهمي said...

يا بنت الايه؟؟
أما حته حكايه

حسام وعصام

يلا اسبوعين يفوتوا ولا حد يموت

بس جامده بجد

احساس طفلة محبة للرومانسية بس واقعية said...

و الجزمة اللي سيادتك لسه شارياها ب200 جنيه ؟..يعني العريس ده خسارة فيه 10 جزم؟

لا مش ممكن خالص يا برايد
العريس دا بال11 اللى عدو قبل كدا
مش ممكن بجد انا موووت من الضحك

استحملى اسبوعين
ربنا يصبرك عليهم

تقبلى مرورى

رحلتنا في الحياة said...

ههههههههههههه ايه ده لالا مش هعلق الا لما اشوف النهاية للاخر

حاسوباتيه said...

ههههههههههههههههههههههه معلش ياقمر احمد زي الحاج احمد مشيها عصام من حسام مش هتفرق
ياه عليكي يابرايد بتدققي على حاجات تافهمه قوي يا شيخه

Ahmad Hendy said...

ولا فاهم اى حاجة


ايه ده؟؟؟؟

هلاوس سمعية بصرية على رأي د.رفعت اسماعيل؟؟؟؟؟؟؟

نرجو التوضيح يا فندم
!!

حاجات جوايا said...

ايه ده ؟
الكلام ده بجد ولا بتهزرى ؟

بتهزرى اكيد
ههههههههههههههههههه

جواز بفلوس وكمان البضاعة مضروبة
ههههههههههههه
دى واقعة فحقلى غامق
ههههههههههههههههه

ربنا يصبرك يا بنتى
اكيد الاسبوعين عدوا من زمان
ولا ايه ؟؟


سالى

Anonymous said...

supper, the best in this year, thank u. #Nagdi

Anonymous said...

حرام عليكى يا برايد على كمية الاحباااااااااااااااط اللى اتسببتيلى فيها
ده انا كنت قلت ان لسه فيه امل

Unknown said...

actually, i have bee through this so many times, but it was tante zozo, it was el ostaz 3atif and he took money every time he got a man to our house :))) nezan el 7'atba ya3ni.

just take it easy and be strong, you will get used to it.

Anonymous said...

Hamoooooot min el de7k

thanks,
Tamer

محمد حمدي said...

تحفه بجد

تحياتى

Anonymous said...

أول مرة أقرا بوست عندك والاقينى بعيط بدل ما اضحك. فعلا الله يلعن أبو الذل مليون مرة.

Blank-Socrate said...

سورى يا برايد
كان نفسى النهايه تكون افضل من كدا
تحياتى

emos said...

heyya el set zozo bayen 3aleha enaha nasaba men el awel
w 7osam w 3esam dool yeb2o welad 2a7'oha elly beye3melolha el sho3'l :)
w ba3deen lazem yensa 2esmek maho 3adet 3aleh asma2 keteer
ma3lesh 7'erha fe 3'erha isa

نعكشة said...

ينهار اسوح
هههههههههههههههه

اية العالم المسخرة دية

بتفكريني بفيلم سيد العاطفي

سينا من سونيا مش فارقة

ههههههههه

ربنا يصبرك يابنتي

بس الست زوزو دية مش زي ما وصفتيها في الاول خالص
دية ست طماعة قوي

يلا خير

خيرها في غيرها

سلام عليكِ

Anonymous said...

يبدو ام موهبتك فى التاليف و التريقة وصلت الذروة اية الحوار دة يابنتى تؤاءم ولا مهندس و لا دبلومجى طب الاول كت اقرا البلوج واصدق القصة عشان منطقية و ممكن تحصل انما دلوقت اختلط الواقع بالخيال متخفيش مش حنحسدك لو اتخطبتى بس فرحينا انما بلاش مبالغه ودفع وفلوس ومصاريف وابتزاز وحاجات غير منطقية تخطت معنى التعبير الساخر عن موقف زى ما متعودة منك وبقت مواقف غير منطقية ومبالغ كبيرة بجد بجد حازعل جدا لو عرفت انها حقيقة وانك دفعتى المبالغ دى عشان تتعرفى على حد او تتخطبى والادهى انك تقبلى حد اقل منك فى المستوى التعليمى والانيل انها تبقى حقيقة مش خيال ولا تاليف دى علاقة مش صحية وخصوصا ان مفيش حب اصلا يخليكى تقبلى باوضاع زى دية !!!!!!!!!!

Nouran said...

ههههههههههههههههههههههههههههههههههههههههه
انتِ ليكي الجنة يا برايد

شاب كــ طخين ـــــا said...

هههههههههههههههههه
لا بجد مش خسارة فيه 100جزمة
هههههههه
بوست تحفة

بس لية دموع شيكابلا ده حتى كان بيمثل وتانى يوم قال عايز فلوسى :D
خليها دموع تريكة حد نصدقة يعنى :D

مدونتك جميلة اوى
سلام

مهندس مصري بيحب مصر said...

أنا كده إتأكدت إن الحكاية المرة دي خيال
:)

MǿиY El-Shreef said...

هههههههههه

ياعيني يابرايد

بجد حرام كده

اللهم لا شماته يارب :D

لا يابنتي انا لو منك استحمل الشماته وامسك ف خناق زوزو دي واخد كل فلوسي

وابلغ عنها السلطات كمان :D

ههههههههههههه

حمدلله ع سلامتك ياقمر

مستنيين الجديد

shimaa said...

والله ياغاده الواحد مش عارف يقول ايه بس اتمني بجد انك تكوني بتتكلمي بجد ومش بتهزري لان مشاعر الناس كلها معاكي لاننا عدينا وبنعدي باالحاجات المقرفه ده كتير
غاده اوعي تعملي حاجه مش مقتنعه بيها انتي ولا وحشه ولا كبرتي هما استخسروا فيكي عصام الانسان الكويس وجابلوك اخوه ده اهانه ليكي وغير كده انت عندك فكر وعلم حرام تهدميهم مع انسان يمكن بيكون بيختلف عن تفكيرك
الانسان مش بياخد الا نصيبه وادعي ربنا بجد يكون نصيبك هو الانسان الي تتمنيه

nana said...

هو عنجد في هيك قصص يلا مش احسن من عريس الريشة بتاعي

وعلى قولت ماما خليك اسبوعين اتفشخر بيهم واهو بدل الفلوس اللي دفعتيها

يخرب بيت مدام زوزو لو اشوفها

AyA said...

ههههههههههههههه فظيعة فظيعة فظيعة

بجد بجد خيالك ده مالوش حل!,, لا وكله كوم وحكاية مناخيره المهمة فبيسحب تحتها خط دي خطيييييييييييييرة
بجد من بداية البوست وانا رافعة حواجبي لحد ما قربت اختناتق المرتفعات :) ,,, الحكاية كلها جدييييييدة وخيالية وعاملة زي قصص احمد خالد توفيق, من اول مدام زوزو الغريبة واللي مذكرتش مصدر عرسانها بالمناسبة :) ووصولا لعرضها الاغرب وعرسانها الاغرب والاغرب :)

واضح فعلا انك ومامتك كنتوا على حق لما ماماتك حست بقلب الام انه هيحتاج عشر جزم ان لم يكن اتناشر :)عشان خمسة لحسام وسبعة لعصام اللي فاكر نفسه مهندس العام!! ده المعهد اللي في اخر الشارع بيطلع منه تلتماية كل ... يعني شهر شهرين حسب التساهيل :) وكلهم حاملين لقب مهندس ومنهم بيخرج بباشمهندس كمان اي والله :)


كتاباتك جميلة ياد.غادة..... استمرييييي

زهقانة said...

يا عيني عليكي وعلى اللي جرالك يا بنتي
انا لو منك كان يغمى عليا على طول
ولما افوق اجيب اقدم جزمة عندي وانسرها على دماغه ودماغ اخوه ودماغ طنط زوزو واخد منها كل الفلوس وعليهم الفوايد كمان
وبعدين نفسه حلوة ويشيل ايه شالته عربية لوري

هبة said...

حكايات ظريفة جدا و مش قادرة أشبع منها خلاص

H.Kamal said...

معقولة الى بيحصل ده من كتر المقالب اللى انتى خاتيها مش قادر اصدق

معقول كل ده حصلك

ربنا معاكى و يللا حسام من عصام مفرقتش

المهم النية

b0nb0n said...

لله يلعن أبو الذل مليون مرة

ebn roshd 777 said...

لكشه ايه اللي اخدها؟؟؟
بجد انتي يابتهرجي يا ام احنا مش ماليين عينك وبتستكردينا
وعايزه تقنعينا ان فيه ناس بالسفاله دي وان كل الدنيا عامله مؤامره عليكي شخصيا
بجد لازم تفرقي بين الواقع وبين موهبتك الفريده في التاليف والحوار
انما اخدها لكشه ؟؟
كلا والف كلا

Lyssandra said...

هههههههههه
أنا باضحك وأنا كاتمه نفسي والله
موقف ماينفعش فيه ضحك
بس أسلوبك تحححححفة
:)


تصدقي بالله ؟
أنا كنت جاية المرة اللي فاتت أقول مبروك
بس خفت
توجست خيفه
قلت ربنا يستر
خليني لما أتأكد من باقي الحدوتة الأول

لأ بس بجد أنا اتفاجئت يا بنتي

و12 .. و4 تلاتات
ياللا
خير

إن شاء الله تكون ال13 تاتبته بقي
ونقول مبروك بقلب جامد

تحياتي يا جميلة

Lyssa

رضوى عمرو خالد said...

جااااااامده جدااااااااا ياغاده

حاجه مش تقليديه بالمره

محدش كان ممكن يتوقع ان ده باقي الحكايه

الى الامام

بلوجاتي said...

جزمة ب 200 جنيه !!!!!
دانتي الفولس جريت في ايد
متقلقيش طالما البنت دخلها كبير بيجيلها عرسان كتير
يعني حكايات اكتر

دكتور بهــدوء said...

ههههههههههههه
قليل البخت يلاقي حسام ف عصام

Punny_Punny said...

لو كان كلامك بجد *
يبقي لازم تبلغي الشرطة عنهم لأنهم غالبا عصابة مع بعض , و علي الأقل هاتكوني سجلتي ضدهم واقعة نصب في الشرطة عشان لو كرروها مع غيرك يتمسكوا
و بعدين طالما انها معاكي في الشغل سها تعملي لها فضايح حتي لو ما قدرتيش تثبتي عليها حاجة
أما لو كانت تأليف *
فبقول لك الله ينور ممتااااااااازة

$$Dado$$ said...

السلام عليكم
يخرب عقلك يا غادة ايه قصصك دي
انت شردتي برايد خالص
يا بنتي سيبيها في حالها بقى
مش كفاية العقد اللي عندنا في الحياه
هتعقدى البنت في الخيال كمان
سلامي ليكي يا غادة
ربنا يزيد موهبتك الجميلة دي ان شاء الله

$$Dado$$ said...

بس صحيح كنت عايزة اسأل بجد
لسه في خاطبة دلوقتى زي زمان كده
وكمان بتاخد فلوس؟؟؟
لو حد يعرف بجد يقول اصلى بصراحة اول مرة اسمع عنها الايام دي

Magi Mostafa said...

برايد
انا قولتهالك مره سيبك من الجواز والكلام الفارغ
وبعدين يعنى لازم تاخدى تعويض من الست دى
يعنى خساره عريس وكمان خساره فلوس

mohra said...

حسام ..عصام
كله برتقال

koketa said...

ههههههههههههههههههههه
ههههههههههههههههههههههههههه
هههههههههههههههههههههههههه
هههههههههههههههههههههههههه
هههههههههههههههههه الله عليكى يابرايد هايل هايل هايل
عصام وحسام كنتى خديه لكشة كدا واتكلى على الله

عاشقه وغلبانه said...

يعني انتي عايزه تعملي ايه في الاسبوعين دول ..؟؟؟؟؟؟؟؟؟؟؟؟؟؟


هاتلبسي دبله تتمنظري بيها شويه ولا ايه

كل الفلوس اللي دفعتيها دي ماجبتش غير اسبوعين.؟

ROMANTIC ROSE said...

انا ما فهمتش ف الاخر ايه اللي حصل ؟؟ رضيتي علشان ما تشمتيش فيكي الاعادي ولا رفضتي و فضلتي تصرخي و ترفضي ؟؟ منه لله اللي كان السبب !!

عــــــــلي said...

هقولك كلمة إتقالتلك مليون مرة قبل كده
.
.
.
.

والله العظيم دمك زي العسل وشربات

إنتي بتجيبي التعبيرات دي منين .. مناخيره مهمة فشد تحتها خط .. إيه نوع الوحي اللي أوحالك بتعبير زي ده

ربنا يحفظك
ربنا يحفظك

ويرزقك بزوج يقدر موهبة زي دي

------------------------

طبعا يا جماعة معظم القصص خيالية او جزء بسيط منها حقيقي
انا مش متوقع ان حد فيكم كان فاكر ان ده كله حقيقي

Khokha said...

مش عارفة ليه مضحكتش يابرايد المرة دى....بجد الموضوع مش ممنطقى وخيالك فتح منك عالبحرى شوية

ليل said...

ربنا يسامحك يا شيخة أنا كنت قربت أصدق أنه الدنيا حلوة والحياة بقى لونها بمبي ، والعرسان على قفا من يشيل ، على كل ربنا يديكي ويدينا وينصرنا على مين يعادينا ، آآآآآآآآآآآمين

Mohamed Mostafa said...

انتي فعلاً تحفة
مش معقول بنت ممكن توصل طريقة تفكيرها للدرجة دي
المهم اني بجد معجب بكتاباتك
www.easyseo4all.blogspot.com

يا مراكبي said...

طيب تصدقي لو قلت لك إني كنت مصدق إنك إتخطبتي وقلت البلوج ده خلصنا منه خلاص؟

بس بجد حكاية جديدة وغريبة جدا

خسرتي كام بقى في العملية دي؟

Anonymous said...

You still engagaed to him??

Nan

Anonymous said...

اقول يا غادة ولا يا برايد ؟؟؟؟؟؟؟؟؟
انا غالبا وانا بقرا مدونتك بتبقي غادة هي برايد وبرايد هي غادة لكن المرة ديه لازم تفصلي بينهم وتوضحي الصورة؟؟؟؟؟؟؟؟؟؟؟؟؟

Soma said...

هههههههههههههههههههه
انا مش هقولك غير جمله واحده
الله يكون في عونك

moony said...

غادة هو فين الهزار من الجد او الخيال من الواقع؟؟؟؟!!!!
انا معدتش فاهمة وبصرف النظر عن ان البوست فى اوله ضحكنى كتيييير ومن ساعة موضوع التوأم وجعنى , بصرف النظر عن ده انا عايزة اطمن عليكى انتى.. يارب تكونى بخير وربنا يكتبلك كل خير ان شاء الله . ولا يجعل حاجتك الا اليه ويغنيكى بفضله ورزقه عن من سواه وبأجمل مما تتمنى ان شاء الله. تقبلى معزتى واحترامي

-_- said...

يلعن ابو الذل بجد

ظل الشمس said...

لا بجد مضحكتش
فعلا مضحكتش
انا جالى اكتئاب
معقولة الموضوع مآساوى كدا
اللى انتى مش متفهمة ليه ان فيه ناس هنا بتحبك ونفسها بجد تفرح بيكى وتشوفك فرحانة وانتى بمنتهى الغلاسة كل بتديهم امل وتنزليهم على مفيش
وبعدين المرة دى انا اتمنى انها تكون خيال
لانها لو حقيقة تبقى كارثة
ولو فيه حاجة شبه كدا تبقى القيامة قربت تقوم
جواز بالفلوس واستنزاف ثروات عشان عريس
ما ان شالله ما حد اتجوز

العنكبوت النونو said...

شكرا
:)
لأ بجد شكرا
دي زاطت قوي
دبلوم صنايع؟!!!!!!!!!!
وكمان نفسه حلوة

صحصح said...

جميل .. فعلا موهوبة.

Mohaly said...

I am fed up with marriage. I succeeded in everything in life and failed in finding the right person. I will follow your new slogan:

KONT 3AYEZ ATGAWEZ!

زهقان said...

إنتي بتتكلمي بجد ولا بتهزري الكلام ده حصل فعلا

Neno said...

ايه يابرايد
ده اول مرة اكتب تعليق ليكى
بس انا بالامانة مش متخيلة ان ممكن لبنى آدم انه تحصل له الكوارث ده
وعلى ايه انا موش قادرة افهم بيتشرطوا علينا الولاد ليه ؟؟ ارجوكى يابرايد ماتقلليش من شأنك وشأننا و الجواز اصلا يعتبر هبة من ربنا يهبها لمن يشاء من عباده ومش لازم ال24 قيراط بتوعنا يكون منهم اننا نتجوز المهم اننا نعيش بكرامتنا
وطظ ف المجتمع اللى بيعتبرنا بضاعة تباع وتشترى.
وطظ ف كل التقاليد اللى بتهين البنات وترخصهم

بس بالله عليكى قوليلنا الكلام ده حصل لك ياغادة ولا ده من وحى الخيال؟؟

ومازلتُ أتعلم said...

ياخبر
الكلام ده بجد؟
لازم اعرف النهاية بسرعة
يارب يعدوا الاسبوعين بقى.

Anonymous said...

Does this belong to the tragic comedy? I didn't laugh at all. I just got shocked... and offended.
I know this doesn't happen exactly the same... but, most probably, many believe that girls at 30 should accept anything!!!

محمد الشيمى said...

يا بنتى خديها نصيحة منى سمعتها من الخالة زوزو
بتقولك يا بنتى ضل راجل ولا ضل حيطه
ههههههههههههههههه

قيس بن الملووووح said...

ماعرفش اول ما قريت القصه رنت في اذني اغنية الفور ام
ما تصدقوش يا بنات ان الجواز راحه
وما تزعلوش يا بنات لو قلنا بصراحه
ان الجواز عمره عمره ما كان راحه

Hossam said...

hahahahahahahahahahahhaha
really woooooooooooooooooow
what a such a very pretty cool ancedote
جامدة جامدة جامدة اخر حاجة بجد تحفةةةة
حكاية ملهاس حل
يلعن ابو الذل
ههههههههههههههههههههههه
واو
قصة تحفة
تحياتى لكى يا رائعة
على فكرة زعلان منك عشان مش بتخشى تسائلى عليا.

قلب بلا حب said...

mesh m23ol ..
el kalm dah bgad :D ..

rabna y3wad 3lyky felly 7'deto mdam zozo ..

lw 3yza bgad rgala,, t3aly askndrya 3andena menhom kteeeeeeeeeer :D

قلب بلا حب said...

som 7aga tanya ..

leh 3'yrty el blog title w b2a
"كنت .. عايزه اتجوز

blash tsha2om ya bnty .. el mktob mktoob .. w isA tra2y abn el 7lal w yb2a el blog b3d kda
" اتجوزت خلاص

chaimaa said...

انتى خليتينى عايزة أعيط...اية القصص المأساوية ديه...:(

Anonymous said...

فعلا يارب البلوج دة يتغير اسمه قريب ل"اتجوزت خلااااااااااااااااص " انا وانت وكل البنات ياااااااااااااااااارب

nor said...

ههههههههههههههههههههههههه
تجنن ,.معكيش نمره طنط زوزو

Tofy said...

enty ghltanah aslan men el awel we hatghlaty akter law kamalty khatwa kaman

Rehab Mostafa said...

كده 60% خيال ولا ايه ؟ :))
موضوع الدفع وعصام من حسام ده مش ممكن بجد :)) لأ لأ ماتقنعنيش انه يكون حقيقي
ربنا يوفقك مع حصام أو عسام :)) لأ بجد ربنا يكرمك يارب ويتمملك على خير ان شاء الله
على فكره من فتره شوفتك في برنامج 90 دقيقه (أعتقد انه 90 دقيقه أه) وبجد كلامك عجبني أوي وثقتك وكل حاجه بجد ربنا يكرمك يارب

new one said...

مؤلم قوي اللي انتي حكيتيه ده ..
طب و ليه و على ايه ... على فكرة عاوزة أقولك على حاجة
انت انسانة مش تقليدية .. و ماينفعش تتجوزي جوازة تقليدية ..
و ضل راجل مش ضل حيطة أوقات الحيطة بتكون احسن

Anonymous said...

ya nhar abyaaad....elkalam da bgd:D:D???....msh adra asd2k

Anonymous said...

السلام عليكم يا برايد انا اول مرة اعلق عندك لكن انا متابعة من اسبوعين كدة وخلصت كل اللى بلوج وبقرا الكتاب كمان بجد انتى تحفففففففففففففة ورااائعة واللى عجبنى اكتر ان اسلوبك مااتغيريش قبل الكتاب عن بعده اقصد قبل الشهرة عن بعدها
تعليقى عن اخر بوست: يلا خيرها فى غيرها واهو اسبوعين كوويس حد طايل
واديكى تلاقى حاجة تنططى بيها على العيال فى المستشفى....يلا سلام وربنا يسترها معانا

مشمشة

حسن said...

مرحبا أختي الكريمة ، مدونة جميلة ومواضيع رائعة أرجو لك التوفيق، بإمكانك استخدام قوالب جميلة جدا و معربة بشكل كامل فقط ادخل على المدونة وانتقي متها ما يناسب مواضيعك
تحياتي

IBlueSun said...

ماله دبلوم الصنايع


المفروض تقفى جنبه و تخليه ياخد شهادة عليا :)

انتى بس اللى عاملالنا فيها دكتورة على الفاضى :)

توقيع
مرفوض حتى اشعار آخر


-----------
على أى حال انتى دمك زى العسل :)

القلب الحزين said...

قصة بجد جميلة
بس الست زوزو دي
عاملة ولاا سمسار الشقق
وانا اسف في التعبير
حياة اية دي ادفعي تتجوزي ياسلام
انا اسف بس حاجة تنقط صراحة
تقبلي مروري

امـنــيــتــي said...

دنتي زغايه اوي

ايه دهــــ

اتمنالك حياه سعيده وممتعه يارب

اتمني مرورك بمدونتي ومتواصله بصفحتي

Feda said...

مش معقول!!!!!
هو الكلام ده بجد يعني ولا هزار
ولا هزار ولا جد






بس بجد والله انا اول مرة اقرا كلامك واحس انك حزينة بجد
يارب ما يكونش احساسي صح

Anonymous said...

يا بختك بالاسبوعين دول ممكن اخدة اسبوعين بعدك

رضوى said...

"أصل عصام مهندس له مكانته برضه و بعد تفكير قرر إنه مش هينفع يتجوز واحدة فوق التلاتين لكن حسام دبلوم صنايع يعني نفسه حلوة و ماعندوش مانع يشيل"

حلوة حكاية (نفسه حلوة دى) ..
عندنا فى الشغل مدامات كتير زى زوزو دى بس ما بياخدوش فلوس و على الرغم من كده متعرفيش هما بيختاروا البنات اللى بيجيبولهم عرسان على أساس ايه

meroooo said...

بجد اسبوعين وبعدين هتسيبه؟
وبعدين انتى شوفتيه ال18 مقابله ع اساس انه عصام وطلع حسام فى الاخر ورغم كده كنت فرحانه بحسام ع اساس انه عصام يعنى الانسان مش بشهادته ابو شهاده طلع تفكيره متخلف اما حسام عرفتوا تقربوا من بعض انتى مش هتعيشى بشهاده انتى هتعيشى مع بنى ادم يابرايد وربنا يوافقك

mohamed said...

بارك الله فيك المواضيع هادفة جداو احب ان اشارك معك بالموضوع الاتى
www.abccompulearn.blogspot.com

dr.ahmed ibrahim said...

السلام عليكم ...... اولا احب اهنيك على المدونة اللى مكسرة الدنيا ...... واحب ادعوكى لزيارة المدونة بتاعتى
http://seartelhob.blogspot.com/
بجد عايز اعرف رائ انسانة ناجحة زيك ( اكمل - اقف )
وشكرا لو دخلتى وقالتى رايك

بسنت صلاح الدين said...

ههههههههههههههههههه مش قادره اقولك حصلى ايه لما قريت البوست ده ، البيت كان كله ساكت و انا رقعت ضحكه، ماما يا حرام اتخضت وقالت البت اتجننت لا حول ولا قوه الا بالله، بس بجد برافو عليكى ماشاء الله ،معلش بقى عصام حسام اهو اللى يجيبه ربنا قال جات برايد تفرح.....

DantY ElMasrY said...

أول مرة آجى هنا
بس شوفى

مامتك احسان القلعاوى
الخاطبة ليلى فهمىأو زينات صدقى
عصام رضا حامد
حسام محيى الدين عبحميد

الباقيين اتصرفى فيهم
تحياتى

Anonymous said...

ya bnt el lazena :@@@@@ , 7tet mokef to7faaa , y3ny bardo afham mn kda ennek now engaged walla eh nzamek 7irteny :DDDD
sara

خمسة فضفضة said...

السلام عليكم ورحمة الله وبركاته

ههههههههههه
مش قلتلك يا خوقي يا بدران

معلش بقي منها لله مدام زوزو

المره الجايه ابقي خلي بالك من زوزو

Queen Diamond said...

انا حاسه ان ده صدق او لا تصدق بجد

برايد هي القصه دي حقيقيه بجد
؟؟؟؟

؟؟؟؟؟؟؟؟؟؟؟؟؟؟؟؟؟؟

Asmaa mahaba said...

لا انا لازم اشوف حصل ايه بعد الاسبوعين
خد سوسو وبلاها ناديه:)

rourou said...

انتى بجد تحفة يا غادة , انا لسه مخلصة الكتاب بتاعك النهاردهواحدة صاحبتى اديتهولى اقراه بالصدفة و قعدت ادور على الموقع بتاعك على النت

بجد اسلوبك يجنن و بتتكلمى على لسان بنات كتير و بتقولى الى جواهم بالضبط
اصل انا ابو زمل يعنى و تقريبا مريت بكل المراحل الى انتى قلتيها في كتابك , بس فخورة بده و مش بتكسف لما حد يغلس عليا ,ايه المشكلة يعنى . و على راى المثل ياختى " قعاد الخزانة ولا جوازة الندامة " ولا ايه يا برايد ؟

aboooood said...

أراهن إن عصام واخد دفعة من من اللي دفعتيةلماما زوز ودفعة من أخوة حسام وممشيها قبض فلوس بلا جواز بلا نيلة..............

بلاش فضايح said...

لا حول ولا قوة الا بالله
أتارينى عمالة اقول ازاى اتخطبت وازاى كانت قاعدة فى برنامج المحور ولا باين عليها
علشان الموضوع اللى فات مكتوب قبل الحلقة

عموما اللع يعينك ويعينا جميعا ويهد حيل كل العرسان اللى قاعدين فى بيوت أهاليهم عاملين نفسهم مش واخدين بالهم

الحلقة كانت جميلة على فكرة

Anonymous said...

just becuase we know who the author really is doesn't mean that we can judge her writing and DEMAND that she be realistic. The post was hilarious and creative and describes an existing phenomenon. Get over it and stop being so over-serious.

الله يلعن أبو الذل

Anonymous said...
This comment has been removed by a blog administrator.
Anonymous said...

هاى ددكتورة ازيك
انا متابعاكى من زمان وطبعا عجبانى المدونة جدا انا وبنات كتيرة جدا
كنت عايزاكى ضرورى جدا ياريت نتواصل لانى محتاجللك بموضوع جدا

M Al3wady said...

لله يلعن أبو الذل ..الله يلعن أبو الذل..الله يلعن أبو الذل


ألف مرة

don don said...

حقيقى المدونة كلها جااامدة ما شاء الله

والبوست دة رائع
بس انا عندى سؤال هو فعلا فى دلوقتى خطوبات بفلوس كدة ولا ايه؟؟؟؟ انا بجد مش مصدقة

وعلى فكرة انا والدى من النوع اللى مش بيحب المقابلات ابداااااا وعلشان كدة طفشلى كام عريس كدة برضة

ساعات بحس انه غلط بس هو عنده حق اكيد وشايف اللى فى مصلحتى

وربنا يرزقك بابن الحلال يارب امين ويسعدك

اهلاوى صعيدى said...

السلام عليكم ازيك يا برايد كالعادة دمك خفيف ومواقف جميلة بس انا مفهمتش هو يعنى وافقتى على اخو العريس التؤام و لا لا؟.؟؟ انا بعت رسالة على الايميل واتمنى تقريها وتقبلى مرورى
عمرو

ragab said...

انا بجد مبطلتش ضحك من اول ما دخلت ربنا يخليكى لينا يا دكتورة ومستنيين المزيد طبعا

لسه فى أمل said...

فعلا انا الى الآن مش مصدق المواقف اللى بتحكيها يا دكتوره
وفى تخيلى انها مجرد ردود أفعال لا إراديه للعقل الباطن فخرجت فى شكل لا يتقبلها العقل الظاهر
ههههههه
بس أنا لى ملاحظه
من خلال قرائتى لكتاباتك بشوف انك محمله الشباب أوزار المجتمع المتخلف اللى عايشين فيه
احنا كلنا شباب وبنات للأسف ضحيه لأفكار وموروثات بعيده تماما عن دينا وعن أخلاقنا وقيمنا

mimi said...

مش مهم يا برايد يا حبيبتي هوا حد لاقي ... دبلون صنايع ولا بياع بصل حتي ولو مش عاجبك اديله اميلي واحدفيه النواحيدي

Anonymous said...

الفكره والموضوع اجمل من بعض وبجد قصه جميله جدا
وده مدونتي ياريت تشرفوني بزيارتكم ليها

بقول اللى اعرفه said...

هههههههههههه
جاااااااامدة موووووووله يا برايد المرة دى
اسبوعين يفوتو يلا شيلى

Anonymous said...

بالأمس كتبت تعليقا لا أزال لغاية هذه اللحظة انتظر بأن يتم نشره ،هل تنتقين التعليقات يا برايد وتنشرين ما يحلو لك وما يوافقك فقط ؟ على ما أذكر تعليقي لم يكن سوى إبداء وجهة نظر لا أقل ولا أكثر،لم يحتوي على أي كلمة جارحة،ولم يتخط حدود الأدب.
المدونات يا برايد وجدت لتبادل وجهات النظر، في محاولة منا للإرتقاء بالمجتمعات التي نعيش بها وحتى للإرتقاء بأنفسنا .
ولكن أعود وأقول أنت حرة وهذه مدونتك، ولكن أحلم بأن تُطبق الديمقراطية الوهمية حتى ولو على صفحات المدونات.
سيكون لقبي الباحث عن الحرية

Anonymous said...

شكرا لك يا برايد لأنك نشرت تعليقي ، بالرغم من أنني كنت غاضبا جدا هذا الصباح لإهمالك تعليقي ، ولكن الآن سعيد جدا ، وسعيد جدا بهذه المدونة .
لا أخفي عليك بأنني حديث العهد بها ، والصدفة البحتة قادتني إليها ، وها أنا أتجول بين صفحاتها وأفاجأ بموضوعاتها الثرية، وبتعليقات زائريها.
صدقيني يا برايد ، لا يعيب الفناة أبدا أن تبقى بغير زواج ، ليس الزواج هو من يرفع من قيمة الأنثى ، المهم نظرتها لنفسها ونظرة الخالق لها
الزواج ليس لعبة ، الزواج مسؤولية وسؤولية كبيرة جدا ، والمعظم لدينا يستعد لحفلة الزواج وينسى ماذا سيكون بعد الزواج وماذا ستكون عليه الحياة بعد هذه الليلة .
كثيرة هي القيم التي بحاجة إلى تغيير في مجتمعاتنا ، وشكرا لك لأنك قد خطوت الخطوة الأولى نحو التغيير ، فهنيئا لك وهنيئا لمن سيسعده الحظ ويقترن بك .
الباحث عن الحرية

daktara said...

تسه
انا مش فاهم حاجة
يعني ده حصل ولا محض خيال
يعني في عصام ولا حسام ولا حصان
واتخبطتي يعني ولا لسه
نقول مبروك ولا نفضل ستاند باي

شكلها باظت
انظر حولك
د. خالد عزب

ASO1980 said...

فعلا هي حقيقة على خيال انا اتعرضت لنفس الموقف لما واحدة من صحباتي مش متجوزة كلمتني من سنه وقالتلي على واحدة من شاكلة مدام زوزو عندها معرض تكييف في المهندسين وبتاخد 300 جنيه مقدم و 700 بعد كتب الكتاب، انا اترددت في الأول لكن بعد ماخدت راي بابا قالي ان الست دي بالشكل ده تبقى نصابة وتجارة وبعدين الزواج مش محتاج سبب فعلا ده كله قدر ورزق من عند الله وفعلا رفضت وصاحبتي اللي دفعت لها ال200جنيه لحد النهارده لسه ما اجوزتش فعلا وما تدري نفس ماذا تكسب غدا ،

ميسووو said...

السلام عليكم
هم الشباب اتعموا ف عنيهم ولا ايه
*صبراال ياسر*

عالم ماريونت said...

وفي الاخر يعني اتخطبتي له الاسبوعين ولا اية؟

بجد مش فهمت؟
يعني انتي دلوقتي مخطوبة يا بربر؟؟؟؟؟؟؟؟؟


متوتوروناش يا ناااااااااااااااااس

هههههههههههههههههههههه

رنا

Anonymous said...

السلام عليكم ..سمعت عن مدونتك لاول مره من حوالي تلات شهور وكان منشور عنها في مجله عاملاها اسره عندنا في الكليه ( بالمناسبه طب بشري ) وبعدين من حوالي شهر سمعت سيريتها تاني ودوورت عليها وخلصتها كلها وعجبتني قوي كتابتك
لكن بصراحه جبتيلي اكتئاب هي الدنيا بقت وحشه قوي كده بجد
طيب اقلك على نص الكبايه المليان , اتي ع الاقل تقدري تولي اتقدملي كتير ورفضتهم عشان كانوا مش مناسبين ..في بنات كتير وانا منهم بلا فخر انضموا لقائمة لم ينجح احد او سوري لم يتقدم احد مع انهم كويسين وزي الفل ,دول يعملوا ايه بقى
عاااااااااااااااااااااااا
د/ احلام

بقول اللى اعرفه said...

انا ليا عندك سؤال يا برايد
هو انتى ليه مش بتدخلى وتردى على التعلقيات ليكون فى تواصل بينك وبين جمهورك دة مجرد اقتراح !!!!!!!!!!
اتمنى انك تزورى مدونتى المتواضعة

Anonymous said...

عصام او حسام متحبكيهاش بئه يا دودو احمد زى الحاج احمد متعلقيش على الحاجات الصغيرة دى

Anonymous said...

ههههههههههههههههههههههههههههههههههههههههههههههههههههههههههههههههههههههههههههههههه للصبح الحكاية دي جامدة اخر حاجة هههههههههههههه بس معلش استحملي انا لو منك اشتغله خلال الاسبوعين واطلع منه كل الي دفعتيه لمدام زوزو وبعد كده بخ ما هو مش هيبقي موووت وخراب ديار .......... علي فكرة حلوة جدا فكرة الفلاش بالك وجديدة مش بشوفها غير في افلام خالد يوسف الايام دي هههههههههه ربنا معاكي ويصبرك
ولاء

تأثير الفراشة said...

كل اللى عايزة أقوله لك
Goooo On
أقصد بالنسبة للكتابة مش بالنسبة لحسام:)))
بجد ربنا يوفقك،انت ماشاء الله كتابتك رائعة و أسلوبك جميل. ما يهمكيش من أى حد، الناس الناجحة هى اللى بيتركز عليها النقد، و على فكرة انت ربنا جعلك سبب فى خير لى (مش جوازة على فكرة،حاجة تانية بس بإذن الله خير برضه):)) ربنا يكرمك و جزاك الله خيرا

Anonymous said...

i was really happy when i thought you were engaged but now I'M depressed.

ريرو said...

بصراحة يا برايد انت محصلتيش . انا معجبة بجرأتك جدا أنا مستنية أعرف اللي جاي بعد كدة رغم ان الكتاب أحرجني جدا و أنا باشتريه تخيلي ان الراجل اللي باع لي الكتاب بحلقلي اوي و قالي ايه اللي مانعك قلتله لأ ده مش انا بس أنا قلت أعرف الظروف اللي أدت لكدة ايه .

إيمان هلال said...

بجد تحفه
دى مدونتى لسه جديده
اسمها يوميات قلم قرر الانتجار
http://kot-cha.blogspot.com/

NaiRa said...

هههههههههههههههههههههههه بصراحه عجبانى اوى المدونه يا قمر
بجد حلوه
وجيمله اوى القصه دى بس يلهوى اوعو حد يجرب يعملهاههههههههههههههههه

Anonymous said...

وكمان بتدرسى سيناريو
يعنى ما حدش حيعرف يكلمك بعد كدة
ربنا يوفقك ونشوف اول فيلم ليكى

أحمد عاطف said...

أنا أول مرة أعلق على مدونتك رغم متابعتي ليها من سنة أو أكتر

ماشوفتش حد بيوصف مرارة الواقع بسخرية مبكية زي سخريتك

مش واقع فردي انتي بتتكلمي على واقع ناس كتير اوي مش عايز اقولك جيل بحاله لربما ساعتها حد يفتكرني من بتوع جريدة الدستور

ممكن طلب صغير

عنوان مدام زوزو عشان انا بقيت فوق ال 30 خلاص

تحياتي

مـحـتــــاس أفـنـــــــــدي said...

واللهي انا خايف يا مفعوصه انتي لما تتجوزي شهر والتاني واعتر فيكي وانا بتدألج بين المدونات والائيكي عاملالي مدونه ومسمياها عاوزة اتطلق

سحابة said...

متغيبيش كتير كدة :)

Anonymous said...

مش الاسبوعين خلصوا و لا لسة يا دكتورة... أنابجد مستنية أعرف ايه اللي حصل و هل بجددفعتي فلوس عشان تتجوزي؟؟؟ ما تتقليش علينا اكتر من كدة !!!

أُكتب بالرصاص said...

الف مبرووك
لا ألف أيه

تلتمية وخمسين كفاية ، على قد الاسبوعين

احلى حاجة
انك فكرتيني بعلى حميد ولاولاكي و مغرم يا ليل وسلامتك من الاه

ياسلااام على دي أيام

سلامي للحاج والحاجة
وبعد كده ابقي

خلي بالك من زوزو

100fm6.com said...

كملي انت رحت فين

محمد القبانى said...

حبيت اسجل تقديرى بموضوعاتك

Anonymous said...

طب اعميلها بجميله و اعرفي عصام و شخصيتة مش يمكن يكون هوة دة الفارس النبيل الي مستنياه بس متخفي يعن علشان محدش يعرفة

و من كلامك واضح ان عصام متكبر اما حسام فواضح انه طيب و ابن حلال و هيعمل علي اسعادك قدامك فرصة كويسة اسبوعين كاملين تعرفية و تعرفي طباعه و حياتهو تشوفي اية الموقف و تقيميه

الشارده said...

بغض النظر عن ان الموضوع ده حصل فعلا ولاى فيه شئ من الخيال فانا صدقت كل كلمه فيه

الموضوع مش حكاية فلوس اندفعت ولا العريس طلع دبلوم لا ن المهندس استسخسر نفسه فيكى الموضوع ان المفروض فى مجتمعنا ان البنت كل اما تكبر المفروض انها تتنازل لان القطر فاته وصلاحيتها انتهت والمفروض تبوس ايديها وش وضهر ان حد رضا بيها ولغاية دلوقتى مش عارفه ليه الناس بتفكر بالطريقه الغريبه دى

احييك على كل كلمه واقعيه قلتيها

Bola 7elmi said...

إيه دا :|
يخرب عقلك دا بجد .. ولا بتهزري
هههههههههههههههههههههههههههه
ههههههههههههههههههههههههه
بجد إنت عسل أوووووي

كفاية اللي احنا كعيناه ده كله ..طب إتخطبيلك بيهم أسبوعين


ههههههههههههههههههه,,
بس على فكرا حسام إسمو أحلى من عصام :/
يالا ربنا يعينك ..أسبوعين يفوتو ويارب هند تتبط
:))


تقبلي مروري,,
أول زياره ليا عندك بس عجبني بلوجك

:)

rania said...

Rania Kamal Rania Kamal مدونة (بكلم نفسى)00 http://raniaa-rania.blogspot.com/بكلم نفسى

منظور شامل للحياة السعيده said...

رائعه

انسان وبس ! said...

hhhhhhhhhhhh'
wana asawt we madam zozo thdeny "

ana 3aref en al gawaz b2a moshkela bs mkontesh a3raf enha b2et balshakl dh rabena yrzoek bensan sale7

ta7eyaty leky

Anonymous said...

وينك .. وايد تأخرتي علينا!

كائن الإبداع .... محمد said...

لو قلنا لكشة واحدة يبقى لازم نتكلم عن آراء كمان

آراء في اللي بيحصل في أيامنا المتنيلة دي

و لو ده مش هدف المدونة ..




معلش ده هيبقى أول رد...علشان كده لازم يبقى رد جامد مش هزار



سؤال حد يجاوبني عليه

http://arabs4arabs.blogspot.com/2009/05/blog-post_27.html



سؤال محيرني بعد كل اللي حصل ده ؟


أرجوكم حد يفهمهولي .... علشان أنا ..





















اتجننت

wafaa said...

انتى تقفشى فى رقبة مدام زوزو وتاخدى منها كل فلوسك
صحيح كان المفرض وانتى بتدفعى تاخى شهادة ضمان ، بس ممكن بالعنف تاخد حقك

Anonymous said...

please marry me and forget this misrable story

Unknown said...

hhhhhhhhhhhhhhh
wallahi bte7sal ya 3'ada
w tant zozo mwl3aha m3aya

Anonymous said...

ازيك يا برايد
بجد انا بمووووووووت فيكي بجد نفسي شخصيتي تبقي زيك كده
ما علينا
وبعدين يا ستي حسام ولا عصام ولا هشام و لا عبد الجليل حتي
يا ستي اهو كله برتقال
ههههههههه
يعني المهندسين كانو عملو ايه
انا عن نفسي عايزة افرحك بيا واقولك اني طالبة في كلية قمة لسة عاملة الواحد وعشرين النهاردة
وواحد جيرانا عايز يخطبني لابنه
ابه بيشتغل ايه يا اختي
بيشتغل ايه؟؟؟؟؟
بتقولو بيشتغل ايه يا ولاد؟؟؟
ميكانيكي؟؟؟؟؟؟؟؟؟؟؟ عشان مظلموش هو عنده ورشة دوكو_دهان عربيات يعني)
واي خدمة يا برايد
والحمد لله عندي ثقة كبيرة اني باذن الله هتطور قريب
سلام

احلام جوليا said...

واضح ان تعليقي الي فات معجبكيش علشان كده منشرتيهوش بس مش مشكلة انا فعلا حبيتك وحبعت لك تاني وحقولك المرة دي بجد بقى عسى ان تكرهوا شيئا وهو خير لك يمكن لو كنت اتخطبت واتجوزتي بجد كانت اتقودت باقي احلامك كلها لان الجواز بالنسبة للمراة الشرقية هو عقد تنازل عن حياتها كلها للزوج ولو لك اخت او صديقة مقربة متزوجة حتقول لك بعد الزواج بتلبسي وتاكلي وتشربي وتنامي على مزاج زوجك علشان تبقي زوجة صالحة وبتعيشي احلامه هو وتودي وتصلي اقاربه هو وبتتلغي كل حاجة حلوة كنت بتحبيها لو هو مش بيحبها وفي النهاية مش بتبقى انت وياريت تعجبي فالرجل الشرقي في النهاية يؤمن بان امراة واحدة لا تكفي واي تضحية منك واجب عليك
سامحيني بس دي حقيقة امراه محبطة

Anonymous said...

شكلك يا عكروتة تجوزتي أو إتخبطي خطبة رسمية ترد الروح ..

فرحينا يا مختفية

Anonymous said...

اه لعلمك هيا خانت العهد واتخطبت وخايفة تقول احسن نسلط البت هند عليها
ارجعي يابرايد سليني ده انا كنت بقضي وقت فراغي معاكي
لو مرجعتيش هنحرف واشرب مخدرات
وحشاااااااااااااااااااااني

lolaaa said...

يا بنت الاية والله الذ على الاقل هتعرفى تتنطتى علية براحتك

انسانه عادية said...

بجد انتي زي العسل يادكتور برايد وشجعتنيني اتكلم عن نفسي بس مش عارفه ابدأمنين لاني بجد محتاجه لاصدقاء حقيقي

العين الجارية said...

:D:D :D :D

مش ممكن انتى بجد تحفة وطريقتك جميلة جدا انا من اول سطر لأخر سطر مش قادرة امسك نفسى من الضحك
ربنا يدخل على قلبك السرور كما ادخلتيه على القراء

هداية said...

ما شاء الله دمك خفيف اوى
انا اول مره اقرالك بس عجبنى
اوى اسلوبك الجذاب
وبقولك لسه فى امل طول ما البنى ادم عايش
بس قولى يا رب

Anonymous said...

مش محتاجة أقول ضحكت أد إيه بعد ما قريت البوست دا واللي قبله، ومش محتاجة أقول أد إيه موهبتك ما شاء الله عليها.
بس اللي عاوزة أوضحه للقراء إن فيه من مدام زوزو كتييييييييير رجالة وستات. أقل فزيتا 50 جنيه. وكل ما يجيب عريس ياخد زيهم. ولما ربنا يتمم بخير ياخد 500 جنيه من كلا الطرفين، دا على الأقل.
لو بصينا للموضوع من الناحية العملية المسألة مش مسألة فلوس. في بنات كتير بنات عائلات ما بيخرجوش أو جد في تعاملاتهم في الشغل فماحدش بيفكر في الإرتباط بيهم. وفي الحالة دي طنط زووزو بتبقى الحل.
وعشان ما أظلمش حد، أغلب الناس دي بتعمل اللي عليها وبتجيب عرسان كويسة فعلاً،وأنا مجربة دا.بس المشكلة في العرسان نفسهم
من واقع تجربتي مع 7 عرسان تقريباً مع أكثر من واسطة_ودا الإسم المودرن للخاطبة_ إكتشفت إن الشباب هو كمان بيمشي مع أكثر من وسيط، بس حتى لو شاف واحدة كويسة وفيها كل اللي يتمناه بيفضل جواه سؤال: إيه اللي يجبرني أتسرع وأتجوز دي وممكن أي وسيط تاني يجيبلي عروسة أحلى، ويمكن أغنى.
الشعور اللي بينتابني دلوقتي هو إن أغلب الشباب اللي بيلف مع وسطاء مستكتر نفسه وشابف إنه لقطة.
يعني مش كفاية إننا بندفع فلوس طلباً للحلال، لأ رضينا بالهم والهم مش راضي بينا.
مفيش قدامي غير إني أدعي وأطلب منكم الدعاء إن ربنا يرزقنا جميعاً بالأزواج الصالحين اللي يعوضوا صبرنا خير ويحفظوا كرامتنا...آمين

باربي

Anonymous said...

سلام يا جميل

هو إنتي مطنشة الناس هنا ليه

المفروض ما تنسيش أصحابك بعد ما تلاقي أحبابك

Anonymous said...

heyyyyyyyyyy bride !
where r u ?
we r waiting 4 ur news !!

hasona said...

السلام عليكم

الاستعجال أفة هذه الزمن
وخصوصا في موضوع الزواج

محمود خاطر said...

دي أول مرة لية هنا
بس مشعارف هي الحكايات دي حقيقية ولا قصص
علي العموم هي ظلها خفيف جدا وزي العسل

هوبتي said...

ههههههههههههههههههههههههههههههههههههههههههههههههههههههههههههههههههههههههههههههههههه
الف الف الف الف مبروك

أسماء علي said...

هههههههههههههههههه
لأ أنا واقعة من الضحك حاليا
و في قمة غيظي في نفس ذات الوقت

قال عصام توأم حسام
يا سلااااااام

يا نعميييين

Anonymous said...

والله انتي رهيبه ههههه الله يوفقك يارب وتتزوجي ويطلع نصيبك احسن من الخيبه بتاعتي انا اتزوجت من شهرين بالضبط وعمري 35 وعريسي متنيل بستين نيله
ان شاء الله اكتبلك حكايتي

سارا

Anonymous said...

الاسبوعين كل ده مخلصووووووووووووووش
؟!!!!!!!!!!!!

رضا الكومى said...

جميلة جداً الأحداث
إنت موهبة فعلاً
برايد
تقبلى مودتى

Anonymous said...

معقول يا برايد فيييييييييييينك يا بنتى من يوم 6 ابريل مفيش ولا كلمة
هى الخطوبة غيرتك بالشكل ده
نسيتى المدونة واهلها
ماشي يا عم الله يسهله

نور الجمال said...

والله انتى عندك طنط زوزو انا عندى عموا زيزوا بس اخف واحن من طنط زوزا اصلوا محلى ومش دولى ولسه فى بدايه الانتشار بس مقولكيش اعتقد ان انتشاره مش ناوى يجى ابدا

إيمان عزمي said...

جميلة جدا حلقاتك متتأخريش علينا و كمليها
دمتي مبدعة

Anonymous said...

وحشتينى انتى فييييييييييييييين بقى

RaMa My 1st BABY said...
This comment has been removed by the author.
Rodi said...

انا عايزه اتخرج
وعايزه اتجوز وعايزه اشتغل
تفتكري ادور علي بلد تانيه؟؟

الراهبة said...

بجد انتى زى العسل بس عايذة اعرف وبعدين يا دكتور واهه على الاقل انتى لقيتى حسام احنا بقى مش طايلين حتى عتريس اصل مش لاقيين حد ذى مدام زوزو

saleh said...

قريت كتابك انتي فعلا موهوبة

بالتوفيق انشاء الله

الفهامه said...

للاسف مجتمعنا بيفكر غلط و الاغلب بيتعامل مع الجواز و كانه هدف استراتيجي لازم يتحقق .. مع ان الوحده خير من جليس السوء و الاغلبيه دلوئتي منيليين بنيله عموما انا هروح دلوئتي العب شويه العاب كده
العاب للبنات و بس
و ابقي اكمل كمان شويه .. قطيعه محدش بياكلها بالساهل

ياريح هدي said...

مدونتك رائعه جداً وأعجبتني ،ووالله ضحكت أكثر من مره ،وكأني أمام مسرحيه بدون ستائر بس .
إسلوبك جميل وسردك لواقع الكوميديا السوداء أجمل .
سوف أتابع مدونتك بإستمرار، وإوعدينا بجديدك.
تمنياتي لك بالتوفيق،وبعريس كامل الوصاف ،ههههه.
سلامات.

Unknown said...

مبروووووووووك يا غادة سيناريو مسلسل أنا عايزة اتجوز :)

http://www.masrawy.com/News/Arts/Stars/2009/september/8/hend.aspx

PRINCESS said...

غااااااادة
دي اول مرة اكتب فيها كومنت عندك ودي اول مرة اكتب كومنت عموما في اي مدونة
انا كنت متابعة المدونة بقالي تقريبا سنة
ولاقيت انك فجأة اختفيتي .. وبجد بدأت اقلق ياااارب تبقي بخير وياااريت تطمنينا عليكي حتي لو بكومنت
انا بجد حبيتك وحبيت شجاعتك وحبيت غادة قبل برايد
اختك اميييرة من اسوان

Saadya Arafat said...

مش هقولك غير انك شربات
اسلوبك شيق وممتع مش ببطل ضحك لما بقرألك كل ما اكون على مشارف الاكتئاب افتح كتاب عايزة اتجوز واقرأ
بحس كأنى عايشه معاكى

بجد ربنا يوفقك والى الامام دائما
ومنتظرين الجديد منك
سبتى بصمه بجد فى عالم الواقع وسط الكتاب الجدد

dr/shiko said...

بصراحة يابرايد انا مش عارف اقلك ايه .. كان نفسي اقلك الف مبروك من نفسي وبدون نفسنه والله .. بس نقول ايه الرك علي النصيب .. اينعم حسام من عصام مش حتفرق كتير .... بس ولا يهمك بكره يجيلك سيد سيده.. هههههه بس اوعي تمشي ورا مداد زوزو دي تاني

dr/shiko said...

المهم بجد كنت عايز اسالك سؤال من غير ما تزعلي ... هو مين اللي بيغني لولاكي دي ؟؟؟ هههههههههه

AyMaN said...

رغم ان انا ولد بس انا معاكى فعلا عشان انا بشوف شباب كتير خايب جدا وماعندوش احلام ولا طموحات وكل همهم انهم يسخروا من بعض بحجة الهزار .. وفاكرين ان دمهم خفيف لما يشتموا بعض ويقولوا الفاظ خارجة عن الدين والعادات والتقاليد ..

http://www.my-picz.co.cc/ said...

ايه ده ؟
الكلام ده بجد ولا بتهزرى ؟

Anonymous said...

موضوع جيد

Anonymous said...

انا مت من الضحك
بجد الدنيا اتقلبت واللى تحت طلع فوق واللى فوق نزل تحت

lostlove said...

برايد او غاده
حقيقه او خيال
المهم انو صح
يلعن ابو الزل بجد الي يخلي واحد راجل يتحكم ويتامر
انا مش لقيت الكتاب في مكتبه قربيه مني
بس نزلتو من النت
مش عارفه هو صح ولا لاء
بس هشتريه بجد لاني بحب القريه من كتاب
وبعدين بقي تعالي هنا
ردي علي الكومنت كل الناس بتقول انك مش بتري
هو اي نعم انا اول مره اجي
بس جيبت المدونه حته حته
وقريت الكتاب زي ما قلت لكي فواق
مش عاوزين اضواء الشهر تاخدك مننا
وبعدين مفيش بوست جديد ليه
ولا برايد اتجوازت وسبتنا نعاني
لالالا مينفعشي كده
خيال او واقع المهم انو صح
خالي برايد تجي تحكي عن العريس الجاي
بس يستهال 13 جزمه
ههههههههههههههههه مش 10 بس
وبعدين ايه يا بنتي الجزمه بي 200 جنيه
شكلك مش غلبويه ولا بتعرفي تفصلي
المهم بقي انا برغي كتير
بوصي علي التعلقيات
وردي عليها
حتي لو بوست كبير من غير اسامي ولا انك تردي علي شخص
بس حسسينا انك متبعانه
ولا شكلك بطلعي عين عصام اوس حسام
ههههههههههههههههه
اسبواعين يطلع عينو وهو خلتو زوزو كعب الغزل ديت
الي عاوزه ضرب القبقيب في مدان عام
وتحرق غرقانه
ههههههههههههههههه حلال فيها المفتريه
الف قبل والف بعد
جراحت تجميل حضرتها
يلا يلعن ابو الزل يا اختشي
وبعدين ضل حسام ولا ضل عصام
ولا اول اشتري شمسيه اوفر اهي ضل بردك
ما علينا ابقي بوصي علي التعليقات
مع اني حاسه انك مش مركزه خالص
المهم دي اول مره اسيب تعليق
وسبت عريضه مش تعليق
تحياتي بقي
واتمني التوافيق
يو دنا طلعت رغايه بشكل لا يطاق

Eman Awad said...

انتي عثل

Unknown said...

السلام عليكم
انا دخلت مدونتك عن طريق مدونة خطيبتي وعجبتني جدا
لدرجة اني اول مره اكتب تعليق على مدونة بتاعت حد
انتي انسانه موهوبة حقيقي وان مكنتش موهبتك حقيقية مكنتيش وصلتي لان يبقى ليكي كتاب وتكتبي في جرنال
وموقع ايطالي كمان يهتم بيكي ويطلب منك تكتبيله
طبعا جايز كلامي ده ميفرقش معاكي كتير عشان سمعتيه كتير
بس عموما عايز اقولك اني عجبني اسلوبك بشدةومش شايف حاجه في اسلوبك اللي يتقال عليها جرأة او عين مكشوفة زي ما الناس قعدت تقول عليكي
انتي قولتي في العاشرة مساءا ان الاسم عايزة اتجوز ده طبيعي ان اي انسان عايز يتجوز
وانا معاكي في الرأي ده
في الاخر احب اقولك حاجه انا شوفتك ومن شاب لبنت يعني انتي امورة مش شكلك وحش
وكمان انسانه متعلمة تعليم عالي
دمك خفيف جدا وده واضح من كتاباتك
بتتكسفي وده كان باين عليكي في الفديوهات اللي شوفتهالك في معرض الكتاب والعاشرة مساءا
اكيد بنت ناس لان واحده بترفض جوزات كده يبقى واحده مش عايزة تتجوز وخلاص دي واحده عايزه واحد مترستأ راسي يقدر يشاركها الافكار ( على حد تعبيرك ) انا مجبتش حاجه من عندي
في النهاية احب اقولك لو كان الموقف اللي بتحكيه ده حقيقي فا انهي خطوبتك دي باسرع وقت ممكن عشان اكيد هتتعبي
وتمنياتي بالتوفيق واتمنى اشوف بوست جديد منك قريب تطمنينا عليكي

Unknown said...

لاول مره في حياتي ادخل مدونة غير مدونة خطيبتي واللي جبت منها لينك المدونة بتاعتك
عموما انا قريت المدونة بتاعتك كلها من اول بوست لاخر بوست
فرحت جدا ان ربنا كرمك وطلعتي كتاب وبتكتبي في جرنال اهو ومواقع ايطاليه
يعني بقيتي انترناشيونال اهو ما شاء الله
عموما يعني انا تابعت كل الفديوهات والمقالات وكل حاجه
واحب اقولك يعني كلمة معرفش ممكن تفرق معاكي ولا لاء
بس يعني من شاب لفتاة انتي امورة مش وحشه خالص
وكمان خفة دمك وثقافتك بتزيدك جمال فوق جمالك
عشان مطولش عليكي كاتر من كده بس احب اقولك ان لو موضوع العريس الاخير ده بجد وان كنت متاكد طبعا انه داخل فيه خيال اكيد
لان ده شئ واضح من كل كتاباتك اللي فاتت
بس عموما يعني اوعي توصلي بنفسك لمرحلة ضل راجل ولا ضل لانك لو أسأتي الاختيار هتفضلي عايشة طول عمرك في عذاب وهتلعني اليوم اللي قولتي فيه عايزة اتجوز

mero said...

بجد بجد تحفه
انا عجبنى كتابك مووووووووووووت
جامده الحدوته دى ودمك زى العسل

mero said...

كان نفسى موووووت ابقى كاتبه يابرايد
بس لسه موصلتش للدرجه دى
انتى بجد موهبه فوق الخيال
انا عرفت المدونه بعد ما اشتريت الكتاب
بس بصراحه طلعت احلى ممكا كنت متخيله بكتيييييييييير
تسلم ايدك ياقمر

كككككككك said...

هههههه .. اول مرة افتح المدونة دى لكن جميلة وده اول موضوع اقرأه لكنه مضحك جداً وأسلوب سرد القصة مميز وجذاب
بالتوفيق

.........................
مصر ام الدنيا
http://hadartmisser.blogspot.com/

KeMoOo said...

ههههههههه تحياتي يابرايد
بجد اسلوبك جامد جدا
وميتشبعش منه

وبعدين صحيح عصام زي حسام
على الاقل حسام دايما ليه مشاكل مع لجنة الكورة وكده هههههه

gfjghjghghj said...

شكرا على المدونة الرائعة
..............

Kotkot said...

OMG..Girl,,you made me laugh so hard,,Thank you :)

Rose said...

يا عينى يا برايد يا حبيبتى عصام ولا حسام ولا حسام ولا عصام

قلبى معاكى

Anonymous said...

انت حته عسلايه ودمك زى السكر والشربات مع بعض مضروبين فى الخلاط

basbosa said...

رووووووووووووووووعة تجنن
بس بجد خطيرة الخطابة ماحبت تعبك وفلوسك يضيع هدر قالت توأمه مش بعيد عنه يعني خخخخخخخخخ
اسبوعين زفت اللي هيمروا دول
بس استحملي
انتظر جديدك

منتديات كل النجوم said...

انا ليا عندك سؤال يا برايد
هو انتى ليه مش بتدخلى وتردى على التعلقيات ليكون فى تواصل بينك وبين جمهورك دة مجرد اقتراح !!!!!!!!!!
اتمنى انك تزورى مدونتى المتواضعة

emmykhan said...

الساعه سته الصبح والناس كلها نايمه بس انا متأكده انهم صحيوا كلهم دلوقتي علي صوتي من الضحك
وبعدين ولا ذل ولا حاجه انتي تقعدي وتحطي رجل علي رجل واحسن واحد في الدنيا يجيلك وانت تتشرطي عليه كمان
امال ايه هو احنا شويه..........اختك في الكفاح قربت تدور بره القاره كلها

dandouna.hisham said...

جميله جدااا

اسلوبك حلو اوى وشوقتينى اعرف الباقى

محمود فهمى said...

لا انتى بتهرجى هو ده ممكن يحصل

Ayah Raouf said...

heheheheheheheee :D LoL ya Bride ,, ma7adesh byakolha bl sahel :D:D:D

وظائف said...

تحفة وجديدة وما أكثر مقالب الجواز واللي خايف منها ما يقربش ويشتري دماغه

solo said...

بصراحه مكن كتر مسمعت عنك قلت لازم ادخل المدونة بتاعتها عارفه طول المدونة مبطلتش ضحك بجد انتي فظيعة في اسلوب الكتابه ربنا يكرمك ودايما تكوني للامام صحيح تستاهلي كل النجاح الا انا سمعته عنك

Anonymous said...

هههههههههههههه دا القواز بفلوس؟
يادي النيله حاقه تقرف الله يعين
انا عايزه اقولك انو المدونه بتفطس ضحك ماشاء اله تبارك الله
عقبال مانفرح بيك في ار المسلسل والواقع دنا حزغرط لاني ساكنه في اللمدينه ربنا يسسعدك ^^

Unknown said...

والله انتي عسل اووووي يا برايد

انا لما سمعت عن البلوج دا قلت لازم ادخله
ماشاء الله عليكي كتاباتك عسلو ودمك خفيف وكومنتاتك عسسل

بجد انتي موهوبه

Anonymous said...

wana kont fakra eny el bent el wahida ely mar 3aleha 3ersan keter we mo3zamhom 3ahat :)
ely ye2ra modawanet ghero tehon 3aleh balweto :)

اسعار الذهب اليوم said...

i love your blog
where can i get your book?

اسعار الذهب اليوم said...

gongrats for your book

صندوق الدنيا said...

حلوة بس الحلقات او الاجزاء اللي فاتت فين؟

Unknown said...

حلوو كتيييييير....استمري

ام ديما
www.umdeema.com

Anonymous said...

:)