Thursday, May 01, 2008

تابع..الحاااادي عشر

و أخييييرا جاء...موووعد اللقاء


زي ماقلتلكم المرة اللي فاتت ..اللي هي من زمان دي..اتفقنا على اللقاء في أرض محايدة ..أولا عشان الصالون بتاعنا إتملى بالأشلاء و ماعادش فيه كنبه ولا كرسي ولا سنتي في السجادة إلا و عليه آثار المعارك المتلاحقة اللي خضناها من أجل التحرر من ..مش عارفة من إيه بالظبط لكن أكيد إتحررنا من حاجة..و كمان عشان صاحب البيت هددنا إن لو حصل مننا أي استعمال عنيف للسلم مرة تانية هيضطر آسفا إنه يشيل السلم..و لأن أسعار البراشوت اليومين دول كل يوم في الطالع فقررنا ناخدها من قاصرها و نسمع كلام طنط حشرية و زوزن ونتقابل في كافيتريا أو مطعم. طنط حشرية طبقا لذوقها الراقي عرضت إننا نتقابل في كافيتيريا "عبده الدهل" اللي هو من أرقى المطاعم من وجهة نظر طنط حشرية ..

بالعافية قدرنا نغير مكان اللقاء لمكان أقل شوية في الإعاقة الذهنية و رحنا أنا و ماما في المعاد و احنا في حالة يرثى لها..رجل ورا و رجلين قدام و رجل على جنب عشان جزمتي كانت جديدة و الفردة الشمال ضيقة حبتين..و بنتلفت حوالينا زي اللي عاملين عاملة..طنط حشرية كانت واصفالنا مكان الترابيزة عشان مانتوهش فاتجهنا من فورنا لمكانها


و أنا عمالة أسمع كل اللي أنا عمالة أحفظ نفسي فيه و انا جاية في السكة
انت واكلة و شبعانة في البيت ..مش أي حد يديكي حاجة تاكليها
لو عزموا عليكي قوي خدي كوباية ماية و بس
أكيد طنط حشرية عاملة الواجب و مدياهم صورة عنك زي الطين فلمي الليلة بأة المشرحة مش ناقصة قتلى
اعقلي يا برايد كده و خلي ليلتك تعدي على خير
..
لكن
لكن

و خدوا بالكم من ال3 حروف دول كويس عشان مهمين


في اللحظة دي إكتشفت سبب قعاد نص بنات مصر بدون جواز..لأن بمنتهى البساطة ..نص رجالة مصر كانوا قاعدين قدامي..والمشكلة إنهم متدبسين في بعض..او مضروبين في الخلاط..لأ و مش أي خلاط..دول مضروبين في خلاط أسمنت سعة 12 طن
تخين؟..لكن و مالهم التخان؟..يحيى الفخراني ..عمرو أديب..كمال الشاذلي ..حد طايل؟.


يا حلاوته..عسسسل..و مادام مبطن كده و مالي مركزه..آااكل براحتشي بأة...لكن المشكلة اللي واجهتنا انا و ماما إننا قعدنا حوالي 6 دقايق مش عارفين نوجه كلامنا لأي منطقة بالظبط..كل ما نفتكر إن دي دماغه تطلع رقبته..ندور على عينيه تطلع فتحة مناخيره ..لكن اللي عمللي قفلة في النفسية بجد..كانت كمية الهياكل العظمية اللي بتوحي بوجود مقبرة فراخ جماعية داخل..تجويفه ..مانا مش عارفاله أي أعضاء جسم خالص

فين جمعيات الرفق بالحيوان.. فين وزارة التموين ..طب فين الأمم المتحدة طيب..هي الفراخ دي مالهاش أهل؟

ماما عينيها رغرغت بالدموع و بصتلي و طبطبت على دراعي و على وشها ملامح الإحساس بالذنب..أكيد مر في خيالها إني لو اتجوزته ممكن مرة يجوع يقوم يتسلى في قصبة رجلي والا حاجة

لكن أنا لأه..ثابتة على موقفي..هاتجوزه و لو كان الرجل بتاع موزمبيق ده اللي صحيوا الصبح لقوه واكل دراع مراته


ماما سألته بصوت مرتجف مرعوب

هو..حضرتك الأستاذ حسين؟
فيه رجه بسيطة حصلت في الكتلة اللي قدامنا ففهمنا إنه لأ فتنفست ماما الصعداء


(من بين الأكل و المصمصة)
أنا ممدوح خطيب سوسن

أمال هي فين؟

ببص على الترابيزة فلقيت شنطتها


الله امال زوزن فين..دي لا يمكن تمشي في حتة من غير شنطتها دي مرة دراعها اتكسر جبسوهولها و الشنطة في حضنها
سهمت شوية و بعدين بصتله و الرعب في عينيا و ايدي بتتمد ع السكينة اللي موجودة على الترابيزة
زوزن.. فين زوزن؟..إنت كلتها والا إيه


فيه حاجات بدأت تتحرك و تلعب في بطنه فتأكدت إن دي زوزن بنحاول تستغيث من جوه

زوزن إستني يا حبيبتي..جايالك

و رفعت السكينة لفوووق و ضربتها ضربة واحدة في بطنه وقبل ماتوصل لبطنه ماما لحقتني على آخر لحظة و هي بتصرخ

يا بنت استني هتعملي إيه؟
زوزن يا ماما ..أكلها و لازم أنقذها..لازم
أكلها إيه بس؟..ده شبعان انتي مش شايفة مزرعة الفراخ اللي واكلها..الفصيلة دي مش بتاكل غير لما بتجوع
لأ يا ماما لأ..هي صحيح غلسة وتلمة هي وعيلتها كلها لكن لأ..ده مش معناه إني أسبها تتاكل ..لأ

مد إيده على إزازة البيبسي ال 2 و شفطها مرة واحدة
و انا بحاول أفلفص من ماما عشان أنقذ البنت و يتهيألي إني سامعاها بتتكلم
بلاش البيبسي العادي خليها بيبسي دايت عشان الريجيم
يا ساااااتر.. تلمة حتى و هي بتتهضم؟

لكن بالف ورايا لقيتها واقفة هي و طنط حشرية كانوا واقفين بيسلكوا في سنانهم
آاااااااااه و انا اللي كنت ظالمة العريس أتاريهم مشتركين في مذبحة الفراخ و يمكن كمان هما اللي قاموا بيها لوحدهم..و إيه حركات الخيانة دي بأااااة..و انا اللي كنت ممنية نفسي إني هاكل على حساب ناس تانيين..من المرات القليلة اللي أقابل فيها عريس من غير ماكلف أهلي و يقعدوا يذلوني بعدها..ماشي بس و ديني لو حصل نصيب و عزمناكوا مرة ع الغدا ماهأكلكوا غير عيش الحكومة أبو مسامير اللي محيطة 3 سنتي و نص ده


فضلنا قاعدين شوية أنا و ماما نبصلهم و نبص لبعض و هو مستمر في الأكل و تعداد الفراخ في دول حوض البحر المتوسط كلها مستمر في التناقص و هما مستمرين في التسليك..شوية كده و فاض بيا بأة
انتوا جايبيننا تفرجونا عريس زوزن والا إيه يا طنط؟..فين العريس التاني؟
هه؟..جاي يا حبيبتي جاي هو إتأخر ليه يا ممدوح؟
(برضه من بين الأكل و المصمصة )
جاي في السكة يا طنط
طب طنط يا طنط هو أمور كده زي خطيب زوزن نفس المقاس يعني؟
و الله يا بنتي مانا عارفة..أصلي ماشفتوش قبل كده ممدوح قال عايز عروسة عشان عندي عريس ..فقولنا نعمل فيكي ثواب ..واجب برضه

دي في حد ذاتها ميزة..ماشافتوش يبقى مش على ذوقها ..يبقى فيه أمل ..موضوع الثواب و الواجب ده نتناقش فيه بعدين


نستنى نستنى ..مش راضي يجي العريس لدرجة ان الكافتريا فضيت و بدأ الجرسونات يقلقوا ..شوية و لقينا الأستاذ ممدوح اتنطر من مكانه

بابا


يا سلام.. حمايا
حبك عليا العياط..من زمان نفسي أقول الكلمة دي..(طبعا أظرف بكتير من حماتي)
دي على فكرة أول مرة جيل الرواد يشاركوا في جلسة من جلساتي كل اللي جالي قبل كده جالي مع مامته..الأباهات دول بالنسبالي لسه موديل جديد ماتعاملتش معاهم قبل كده


طب ده طريقة التعامل معاه إيه بالظبط؟..أضحك في وشة و الا أبص في الأرض؟ أروح أسلم عليه والا آخده بالحضن والا اعمل إيه بالظبط؟..آااه خبرات الواحد الحياتية المحدودة بتفرق قوي في اللحظات التاريخية اللي زي دي


بس دي طريقة جديدة في التعارف أنا أسمع عن عريس يبعت أمه تنقيله ..لكن يبعت أبوه دي جديده..بس الرجل شكله بشوش كده و مبتسم و حبوب و بيبتسم خصوصا لطنط حشرية..يظهر يعرفوا بعض قبل كده


إتفضل يا عريس

نعمممم؟

هزيت راسي عايزة أسلك وداني يمكن أسمع كويس

عريس؟...مجازا يعني

لأ طبعا مجازا إيه؟ هو ده العريس

و ده أتجوزه إزاي يعني..ده جاي بتصاريحه و الا أخطف رجلي لمصلحة الآثار؟

طنط حشرية من تحت ضرسها

وانتي يعني كنتي لاقيه


مديت إيدي تاني ع السكينة
هي دي أخرتها..إنتي يا ست إنتي مش هترتاحي غير لما أفتحها في وشك سبع غرز

عريس زوزن اعترض

هي مين د اللي تتجوزه لا لا إنتي ماتنفعيش خالص

يا سلااام ؟

آه ..لو فيه عروسة يبقى المدام

و بيشاور على ماما

نعمممم..مدام مين يا زلابية؟..ماما؟..إنت عايز تجوزه ماما؟..و بابا ده نوديه فين

بابا ..إيه ده يا طنط شكرية إحنا ماتفقناش على كده

لا ماهو يكون في علمك يا إما بابايا يتجوزها يا إما أنا مش هاعملها إحنا متفقين على كده..هي شقة واحدة
يعني إيه؟
يعني انا مش هتجوز فيها و أسيب بابايا لوحده ده برضه في سن خطر ..وا لاإيه يا بابا


يا بني آدم لكن دي ماما..يعني متجوزة بابا..إنت مابتفهمش


الراجل اللي كان مركز في حتة تانية خالص

طب والقمممر ده..جوز مين؟


طنط حشرية بتبص وراها

مين؟أنا؟..لأ ..أنا ماليش جوز..أنا فردة


الرجل فجأة نط و قعد على إيد الكرسي بتاعها.


يبقى خلاص انا عاوز دي


لاااااااااااء ..عايزني إيه؟؟أنا لا يمكن اتجوز بعد توفيق الله يرحمه..و بعدين انا أصوم أصوم و أفطر على تحتمس؟..لا لايمكن


يبقى خلاص مافيش

سوسن على بعد 3 دقايق من إنها يغمن عليها

ما فيش.. ما فيش إيه؟

مافيش جواز.. ماهو يا إما إحنا الإتنين يا إما مافيش جواز


ماما..باقولك إيه؟..أنا مش هاسمحلك تضيعي الفرصة دي من إيدي..باقولك إيه ياللا ياللا إتكلي على الله


لا يا حلوة هو مين ده؟..و أنا هاضيع نفسي عشان خاطر مين؟

عشان خاطري مش انا بنتك؟

و لو ..بنتي تقومي تضيعي مستقبلي؟

و هوب نطت زوزن على طنط حشرية و اندلقوا مع بعض على الأرض و سامعاها و هي بتنضرب

باقولك إيه هتتجوزيه يعني هتتجوزيه..

لايمكن أبد
ا
حرام عليكي يا ماما أنتي عايزاني أقعد قعدة برايد؟



آدي تفاصيل المشهد اللي شغال على الهوا
ماما اتفتحت في العياط ..طنط حشرية و زوزن بيضربوا في بعض و هما بيتمرمغوا ع الأرض..الجرسونات اتلموا عشان يتفرجوا و ابتدوا يراهنوا و أنا من كتر البلادة اللي بقت عندي و جتتي اللي خلاص نحست ما تأثرتش و قلت أسلي نفسي و اشتركت معاهم في الرهان.كنت في صف زوزن طبعا ضد طنط حشرية لكن الجملة الأخيرة خلتني مديت إيدي من ورا الجرسونات و رميت السكينة لطنط حشرية..العريس أخيرا و لأول مرة من أول ماشفناه بطل أكل و قعد يبص لطنط حشرية و زوزن و هما بيقطعوا في بعض و على وشه تعبير غريب كده خلاني أخدت ماما و أخدنا ديلنا في سنانا و طيران ع البيت


تكالبنا على جراحنا و نسينا الموضوع خالص ..عادي يعني متعودين على كده
مافكرناش بيه غير خبر صغير ناشرينه جيران طنط حشرية و زوزن في صفحة الحوادث بيطلبوا من أي حد عنده معلومات عنهم إنه يبلغهم لأنهم مارجعوش بيتهم من يجي شهر


تفتكروا يكونوا محجوزين فى مستشفى؟
والا يكون العريس يوميها ..كان لسه ماشبعش


لو كانت الحكاية كده
يبقى انا و بنية صافية و ضمير مستريح
و من أعمق أعماق قلبي باقوله





بالهنا و الشفا

________________________________________
ملحــوظــة
التعليقات يا جماعة مفتوحة..متتخضوش لو ما شفتوش التعليق منشور على طول..فيه حاجة إسمها موديريشان للتعليقات..يعني التعليق بيتحط عليه طابع بوستة و يتبعتلي على الإيميل و بعدين انا انشره ع المدونة..إنتوا مش هتتعبوا في حاجة..أنا اللي هاتعب..بس تعبكم طبعا راحة
حركة الموديريشان و كمان الشات بوكس اللي اتشال دي بسبب بعض البشر اللي ماحدش رباهم وعلمهم يعني إيه أكتب بطريقة محترمة و لو أختلف مع حد أختلف معاه بأدب ..بس هنعمل إيه ..الدنيا كده و كده

156 comments:

محمد عبد الغفار said...

احسن حاجه موضع المديوريشن ده ضريبه الشهره بقى معلش

بس انت هتتواجهى بإشاعات منع التعليقات اللى مش على مزاجك حتى لو كانت محترمه فهبقى اتفق انا وانت انى ابعتلك تعليقات محترمه بس ضدك بأسامى ناس تانيين عشان تبانى انك ديموقراطيه

wanna b a bride said...

أمممممم

بأسامي ناس تانييييين

إنت حزب وطني والا إيه؟

شكلك هتطلع في الآخر سياسات

صحفية روشة said...

تانى تعليق مش مصدقة نفسى
بحجز مكان وجايه تانى
__________________________________
ميفوتكش البوست الجديد (شيوخ على ما تفرج)
______________________
للى عاوز يزور لوحه شرف يدخل مدونتى وهتلاقو لينك لوحة شرف فيها
لوحة شرف هى لوحه شرف لكل من دون فابدع وينشر بها افضل بوستات كتبها البلوجرية

Anonymous said...

ياااااااااه
وحشتينا يا بنتي كنتي فين

بس لووووووول

سيبتيهم يتاكلوا يا برايد

هههههههه
حرام عليكي

Anonymous said...

هههههههههه

بس لأ

كمال الشاذلي يا برايد
:0

حرام عليكي
:))

ولا يهمك من العالم اللي ماتربتش

احنا معاكي

ظل الشمس said...

على فكرة حلوة جدا جدا جدا حكاية الموديريشن دى بجد احسن من بعضهم اللى كان بيكتب كلام مقزز
نيجى للمهم
وحشتينى
لا بجد بجد وحشتينى وكل يوم باشقر عيكى والاقى البلوج متشيشة والنهاردة لاقيت الشباك اتفتح اخيرا
بالله عليكى متغيبيش كدا يا شيخة
بتوحشينا وربنا
بصى خليها كل سبوع (حلوة سبوع دى:))
المهم مترميناش وتمشى كدا
وخيرها فى غيرها
بس انتى كدا هاتقفليهم دستة
ربنا ييسر بقى

Anonymous said...

برااااااااااايد

مش مصدقة نفسي

وحشتيييييييييييينيييييي

إوعي تغيبي كده تاني

بس شفتي بأه طنط حشرية ما رضتش تضحي عشان زوزن

و اللي مالوش خير في زوزن هيبقاله خير في برايد
:))

باقولك إيه

كويس إنها إتاكلت
:D

حاجات جوايا said...

السلام عليكم
ازيك يا قمر
أولا مبرووووك على الكتاب الجميل اللى اتنشرلك وعقبال يارب باقى الكتب
انا شفتك فى العاشرة مساءا مع منى الشاذلى وغاده ورحاب بجد انتوا التلاتة زى القمر ودمكوا زى السكر وان شاء الله هتابعكوا دايما

مدونتك دمها خفيف جداااااااااا
ومواقفها سكرررررررر

بس يارب لما ربنا يرزقك بابن الحلال قريب ان شاء الله متقفليهاش

وسيبك من اى ضغوط واثبتى على مبداك
" انك تتجوزى جوازة صح

اصلها مرة
يا صابت
يا ....حاجة تانية

البوست جميل جدا كالعادة
ربنا يوفقك دايما يا غادة

دمتى بخير
سالى

صحفية روشة said...

يا بنتى موتينى من الضحك والله
بس هو انتى بقيتى بتسيبى الواقع وتلجأى شويه لخيالك
لانى معتقدش انهم كانو بيضربوا بعض على الارض
بس كده ولا كدة
القصة حلوة
ومتتاخريش كدة تانى
وسيبك من الناس اللى بتضايقك فى التعليقات والشات بوكس
__________________________________
ميفوتكش البوست الجديد (شيوخ على ما تفرج)
______________________
للى عاوز يزور لوحه شرف يدخل مدونتى وهتلاقو لينك لوحة شرف فيها
لوحة شرف هى لوحه شرف لكل من دون فابدع وينشر بها افضل بوستات كتبها البلوجرية

صحفية روشة said...

انا عارفة انك نايمة على الموقع وبتنشرى تعليق تعليق
يلا ربنا يلهمك الصبر على التعب اللى هتتعبيه عشان الاشراف على التعليق اللى انتى عملاه
__________________________________
ميفوتكش البوست الجديد (شيوخ على ما تفرج)
______________________
للى عاوز يزور لوحه شرف يدخل مدونتى وهتلاقو لينك لوحة شرف فيها
لوحة شرف هى لوحه شرف لكل من دون فابدع وينشر بها افضل بوستات كتبها البلوجرية

حاسوباتيه said...

وحشتينا وحشتينا جدا بشكل وحش بصراحه ماتغبيش كده تاني بقى

والبوست رائع كالعاده طبعا واحسن حاجه انك زوزن وطنط حشريه خدوا جزائهم
بالنسبه للشات بوكس الي شيلتيه بجد احسن حاجه انك شيلتيه لانه كان فظيع وكان بيضايق فعلا
حاجه تانيه عايزه اقولهالك انا قرات على بص وطل السبوع ده ان كتابك خد المركز الخامس في الكتب الاكثر مبيعا وكان الاسبوع الي فات المركز الاول واللينك اهو
http://www.boswtol.com/aldiwan/nkasakees_193_05.html

وده طبعا حاجه متوقعه لان كتاب جميل جدا وانتي اجمل طبعا و
وبالتوفيق ليكي يارب ومش تغيبي عننا كتير بقى ارجوووكي

جبهة التهييس الشعبية said...

يا وكستي ياما
وانا ح اعرف اعيش من غير طنط حشرية ازاي
لا ارجوكي خدي ميكروفون من بتاع محمد عبد القدوس اللي بيقف بيه على سلم النقابة وعربية ميكروباظ ولفي شوارع العاصمة واضواحيها والقرى والنجوع وانت بترددي بصوت متهدج متأثر: عودي يا حشرية
في داهية زوزن
دي حتى بت رخمة
ارجوكي يا حشرية
لا تتركينا للالم يعصف بقلوبنا

وارصدي جايزة سبعة صاغ ونص للي يلاقيها سليمة حتة واحدة
وخمسة صاغ للي يلاقيها مفرطة معلش
احنا نبقى نركبها
ارجووووووووكي
ارجوووووووووووووووووووكييييييييي
انا ما اقدرش اعيش من غيرها
ما اقدرش ما اقدرش ما اقدرش
آه
كوعي كوعي كوعي
ح اموت
الاسعاااااااااااف

Anonymous said...

يابرايد ده انا ريقي نشف افتكرت ان رمضان جه بدري السنه دي من كتر ما
استنيت البوسط الجديد
صوما مقبولا وافطارا شهيااااااااااااااا
البوسط تحفوووووووووووووفه
تفيق بقي هو الكسبان في المرحله دي ربنا رحمه
اما زوزن وحشريه فهما محشورين اكيد
في معده العري يومين كده وتلاقيهم
راجعين اصل النوع ده مبيمضغش ولا بيهضم
بيزلط كده علي طول
واما بالنسبه للكومنت اللي كانت في الشات بوكس فيا حبتشي ولا تزعلي نفسك يابربر دي طنط حشريه مسلطه عليكي الكلاب تعوي وغاده تسير وتنح ولا يهمك
ده انت اللي قايل ليه احنا بقينا تيفال

Lobna Ahmed Nour said...

على الاقل كدة مش هتتفضل طونطك حشرية بانها تجيبلك عرسان عاهات تاني .. بس صعبت عليا والله بقى دي اخرتها تبقى وجبة للكائن المريع ممدوووح ..
رائعة كالعادة يا برايد

Anonymous said...

ايه دة 11 تعليق قبل منى هى الناس دى جت امتى ومنين دة انا ببات على باب المدونة
ما علينا :)
اه صحيح انا نسيت سلام عليكم اولا
انا بتابع البلوج بتاعك على طول بس دى يمكن اول او تاننى مرة اكتب تعليق مش فاكرة بالظبط (زهايمر بقى) المهم كالعادة البوست دة دمة خفيف زى اخواته يعنى :)
بس حرام يا برايد مكنتيش سبتيها اهى برضة نفعت وطلعتلك بعريس صحيح هو طلع هربان من المتحف المصرى بس مين عارف يمكن المرة الجاية تيجى فى الجون ;)

Qabbani said...

:)

نهارك سعيد

عبد الرحمن الشريف said...

على فكرة ده اول تعليق ليا , قبل كده كنت باجى اقرا واجرى , بس لما عملت مدونة ولقيت الناس بتقرا وتجرى لقيتها بتوجع قوى , وقلت لااااااااازم اكتب تعليق , بس والله انت كده خلاااااص هتنافسى بلال فضل والله, وبعدين انا كنت خلاص هتهور واشترى الكتاب بس رجعت فى كلامى فى اخر لحظة وقلت النتانة حلوة برضه, وادينى بقرا ببلاش الحمد لله

مدام كعبولة said...

اولا

الف مبروك علي نفادك من هذه الاشكال من البشر

ثانيا
الحمدلله انك حطيتي البوست و الله يكرمك متتأخريش عننا تاني

ثالثا
مبارك علي موضوع المديوريشن ده
و بجد خطوة رائعة في ظل انتشاؤ نوعيات غريبة من البشر في المدونات

و كالعادة فطستيني علي روحي من الضحك

ربنا يكرمك يا برايد

فاتيما said...

غادة يا ست البنات
حمدالله على السلامة من الغيبة و من الجوازة المتعوسة دى
أنتى كمان جالك عريس قد عمو عزيز بتاع إين عمرى
دى شوطة و ماشية فى البلد بقى
المهم حصل خير
و انا من زمان بقول أصبر على طنط حشرية و سوسن يا يرحلوا يتجيلهم مصيبة تشيلهم
و اهى جت و إستريحنا
تحياتى يا حبيبتى

الطائر الحزين said...

وجنت على نفسها براكش
والجزاء من جنس العمل


ومحمد بيقول باسماء ناس تانيين


انا هبقى الناس التانيين



ربنا يوفقك

رامى اشرف said...

بم انك بنت بلدى فرحان بدماغك اوى ممكن تلفهالى فى سندوشت لول بهرج
اسلوبك فى الكتابه ساحر جدا ويخلى الواحد يستمر فى القارءة يستمر ويستمر ويتزغل وينتشر كمان
مستقبلك فى الكتابه هيبقى باهر ان شاء الله اوعى يكون فى عريس جه اسمعه باهر لول

la3lahakhier said...

ايه يابرايد
دا انا قلت اتجوزتى ولا حاجة كل دى غيبة يا جميل
بس انا عجبتنى ردود افعالك المرة اسرع من كل مرة
كل التحية

دكتور بهــدوء said...

غــــــــاااااادااااااه
ازيك وحمد الله ع سلامتك
وحشانا واله العظيم

وعلي نفسها جنت سوسن
دا اللي ممكن يتقالّها
وربنا يرحمها يارب
دي اولا
ثانيا ودا الاهم

المدونات اتملت ياختشي عيال عمالين يلعبوا
ويعكّوا الدنيا في بعضها ولاهم فاهمين هما بيعملوا ايه
اهم بينيلوا أي حاجه ف أي حاجه
وبقت حاجه تقرف
كده اريح يا شيخه
عشان يتلموا وكل واحد يلعب قدام بيته
وبس
وحشتينا تاني مره
ع فكره معزومه عندي ع الغدا انهارده وش هقبل اي اعذار
امي عامله كل الاكل اللي ف البيت بس شرفينا في مدونتي
و...
البيت بيتك

son's egypt said...

السلام عليكم
المهم ممدوح يكون شبع من الاكل قبلا العركة اللي حصلت بين طنط حشرية وزوزن
وبعدين راجل عاوز عروسة وخلاص مش يحدد هو عاوز ايه بالضبط علشان الواحد يقدر يشوف اللي تناسبة مش اي حاجة والسلام

بحبك يامصر said...

برايد
وحشتينا بجد متغبيش كده تانى جميله تكملة القصه بس انتى رد فعلك كان هادى اوى
منتظرين الباقى

Lyssandra said...

تحياتي يا برايد

بجد دي أول مرة تترد ليهم نتيجة أعمالهم

زوزن وطنط حشرية

عموما الحمد لله انك ووالدتك طلعتوا منها سالمين

دي مدبحة يابنتي

تحياتي ودمت بكل خير

lyssandra

دكتور بهــدوء said...

هاااي غاده
انا عارف ان فيه موديراشن
بس كنت عاوز اكلمك بسرعه لقيت دي الطريقه الاسرع
والله جربت اضيفك ع الايميل ومش نفع الايميل اللي هنا
والاسمسل اللي ع الفيس بووك لسه انتي مش اكدتي الاضافه
ما علينا الاخ بتاع الشات بوكس طلعلي وكاتب رد وراكي ارد عليه واعرفه مقامه ولا اشيل الرد احسن انا بقول ارد وانتي رايك ايه

عامه هتلاقي ريكويست م ايميلي عشان نتواصل

دكتور بهــدوء said...

يوووووه نسيت
ده ايميلي
moon_m_88 ع الياهو


والهوت
m_gamal_nada
ربنا يهدي العسال اللي بتلعب دي انا ع الميل وايتنج يور ريبلاي دوك
اني سيرفيس

$$Dado$$ said...

السلام عليكم و رحمة الله و بركاته
ادخل برجلي اليمين و اقول الف مبروك لبرايد انها تخلصت من عم تحتمس و طنط حشريه و زوزن ومندوح في وقت واحد من غير متلوث ايديها بدماءهم
و الحمدلله جت سليمه برضك ان برايد عرفت تهرب بجلده هي و ولدتها قبل ما يتكلو..........
ازيك يا غاده وحشاني اوى اولا في الوقت الذي احسست في براحه تجاه عدم رؤيت الهمج و اشباه البني ادميين الذين كانو يدلو بتعليقتهم السخيفه
احسست اني افتقدت الشات بوكس الذى كنا نتقابل عليه كل يوم كل لحظه و كل دقيقه حتى في عدم وجود بوست
على العموم قضا اخف من قضا

Anonymous said...

البوست فيلم هندي خفيف نوعا ملئ بالتحبيشات قليل منه الواقع
:)



مش مهم التعليق ده يتنشر او ما يتنشرش لكن هي دردشة معاكي


عارفة...مشكلتك هي مشكلة بنات كتييير جدا الآن..... بعضهم بيفلتوا وبيعدوا بجوازة وبعضهم لا ......عايزين تتجوزوا جوازة صح....طب ازاي وانتوا اساسا مش صح على مستوى الجوازة اللي انتوا عايزين تتجوزوها
؟؟

لا اتكلم هنا ابدا عن الجانب المادي وانا من طبقة متوسطة.....وما باتكملش عن الاستاذ بتاع السبايكي...فالتكافؤ والارتياح عامل مهم واساسي ايضا مفيش مشكلة....لكن باتكلم عن الجانب السلوكي ..والديني لمن يريد جانب ديني صحيح


الجماعة السلفيين يقولون...كي تتزوج فاطمة يجب ان تكون عليا


هنقول ان تفكيرك وتفكير عدد كبير من البنات الآن ليس هكذا وليس على مستوى علي وفاطمة......عايزين متدين....أحيانا كثيرة فقط عشان ما يبصش لبرة ولكن في نفس الوقت يكون تدين كول ....ومش عايزين واحد متدين "خنيق" على حد تعبير بعضكن...بمعنى -زي ما قلتي من قبل - بتمسكي العصاية من النص...تحطي مكياج خفيف جدا...ففي حالة الأخ المتدين اللي ما بيحبش مكياج لكن يعجبكن...يبقى تمسحوا المكياج او تبدون ولا كأنكم حاطينه...وفي حالة الأخ الكول يبقى ادينا حطيناه وشكلنا حلو ومية مية


طب فين المبدأ....فين الهدف....فين الطريقة


مثلا....هل ياترى اسلوب السخرية من طوب الارض ممن حولك يعبر عن شخصيتك الحقيقية ودخائل نفسك

طب هل الجوازة الصح تتضمن طرف ينظر للآخرين ومن حوله ويصفهم بالطريقة دي والاسلوب ده

هل كل من مررت بهم معوقين هكذا.....ام ان الخيال يتدخل لتحقيق السلام والاستقرار النفسي.....بدلا من ان نقيم اي تجربة نمر بها ونرى ان كان اخطانا نحن انفسنا في شئ ولكن ايضا دون جلد للذات وتحميلها فوق ما تحتمل


هل اخلصتي النية في الزواج..ولم تريدين الزواج...وليه ربنا شرع لنا الزواج....وما ستفعلينه وكيف ستربين اولادك


بصي..... فيه ناس كتير هنا بتخش وتهلل وتطنطن ....لكن من وجهة نظري المتواضعة ارى ان هذا لا يفيد...ورحم الله من اهدى لي عيوبي ...ده افضل كي استطيع تداركها ان اردت فعلا تصحيح مسار ما


اللي عايز اقوله أخيرا الكلام هنا ليس موجه لكي وحدك لكن فيه زيك كتير ...تفكيرك وتفكير كثير من البنات كده.....عايزين جوازة صح...طب وانتم
؟

مش عايز كلامي يسبب ضيق او ازمة نفسية لكي ولا لاي أحد ...اتمنى فقط ان تعيدي التفكير وتغربلي الكلام اللي اتقال واحدة واحدة وتخلصي نيتك لله وتستخيره في حياتك باكملها بجد


على فكرة انا مدون...بس فضلت ان اكتب مجهولا ...وليس خوفا من احد لكن رأيت ان النصيحة من مجهول كده افضل


السلام عليكم

يــوم جــديد said...

كمال الشاذلي ... وعيش الحكومة

والله وهتوحشينا يا برايد


طولتي أوي بجد يا برايد المرة دي
ما تبقيش تعمليها تاني
وابقي طمنينا على طونط شوشو
كانت ست طيبة برضه وبيننا عيش فينو وجبنة نستو

كنت عايزة أسألك يا برايد
هو اللي عايز يكتب في بيت العرايس و العرسان يعمل ايه؟

Anonymous said...

ازيك يا غاضة
هههههههههههههههههههههههااااااااي

Z_Diva said...

heeeeeeeeeeeeeeeh
a5iran 5lsna mn tamt 7osharya we zawzaw
l3lmk elly 7asl kaltaly:
zawzaw bma inha mnsr3a, kataly mamtha, l2nha knt 3yza tkaf fe tareek mstkblha, somma b3d zalk, lma shaft dam ommha 3la edinha el7lwa, galha elheshes, wehya mashya mnkousha elaan feltreek elzora3yy we 3mal tsar5 zay nilly fe filmha m3 3mad 7mdy we hnd rosto5 da "dam mama dam mama..." :D

دكتور بهــدوء said...

وكـــــــان ردي كالتالي
=============================
الاخ الغير معرف
=======================
فين الحياء والاحترام والادب؟؟؟؟؟
السؤال ده بتسأله لمين؟
لدكتوره غاده بتاعت مدونه عايزه اتجوز
لا اعتقد تسأله لنفسك احلي...
هيه لما كتبت مدونه عايزه اتجوز تقصد(واللي انت مافهمتوش)انها عاوزه تتجوز صح
مش جوازه والسلام
واعتقد دي فكره جديره بالاحترام
من اي بنت تفكر بالمنطق ده
كلنا نفخر بأن وسطينا موهبه زي موهبه غاده عبد العال في الكتابه
اعتقد انت مادخلتش مدونتها
او دخلت وماقريتش
او قريت وأكيد عجبك الكلام وده اللي مايختلفش عليه اتنين
بس ليه وليه
ليه وليه؟؟؟
هيا تتشهر وانا لا
ركز ف حاجه تانيه وسيبك منها بقي
هيا عاجبانا كده ومدونتها تحفه ورائعه
وانا مش معاك ف ولا كلمه م اللي انت بتقوله عليها
سوري يعني اختلاف الرأي لا يفسد للود قضيه

01 مايو, 2008 07:54 ص

بس عاوز رأيك في البلوج؟دا اولا وثانيا الرد ده بصدق ومافيهوش اي مجامله مش مجامله احنا مش اخوات ولا ايه

Anonymous said...

السلام عليكم ورحمه الله وبركاته
ازيك يا غاده يا قمر ايوه كده ارجعي نوري المدونه من تاني
وبجد بجد حلوه قوووووي فكره المديوريشن ديه
والاحلي البوست ولو ان طنط حشريه برده عشره ومتهونش علينا
ومتتاخريش علينا تاني

Anonymous said...

شكرا على كتاباتك
بس عايز اقولك شى مهم انتى على طول كدة مطلعة القطط الفطسانة فى الرجالة
يعنى انتى معندكيش عيوب وكل البنات ال منتظرين عريس معندهمش عيوب
الدنيا كلها بنات ( ملائكة ) وكل الرجال ( شياطين )
لازم يكون فى الراى والراى الاخر
ولا كلة حزب وطنى والباقى ......................
ابن مأذون
http://abnma2z0on.blogspot.com
abn_ma2z0on@hotmail.com

عبد من عباد الله said...

و الله انتي تنفعي تكتبي في السياسه جداً بالاسلوب دا ... بس اقولك بلاش لحسن حتكوني زي اسراء كدا و تطلع مظاهرات بقى افرجوا عن برايد عايزين برايد هههههه

ــــــــــــ

لكل من قرأ التعليق ارجوا ان تعملوا ان النيه صافيه و لا اقصد شئ والله العظيم

المـــفـــــــقــــــــوعـــــة مــرارتـهــا said...

يابنتي ماعلهش السخفا ماليين الدنيا
ده انتي جاتلك رسالة موجهة ليكي
في مدونتي
بس انا لاغيتها
ماعاش اللي يزعلك

علي فكرة أحنا مش بنجاملك وانتي فعلاً أسلوبك حلو

Anonymous said...

و دينى يا قمراية الرجالة عايزة تخزيق عينيها,هو حد طايل واحدة زيك,ده كفاية خفة دمك و طعامتك.تسلم إيديك على البوست الجديد

maiosha said...

ياااااااااااااااه .. حمدلله على السلامة يا برايد .. إيه يا ستى كل دى غيبة
تعرفى فعلا إن موضوع الشات بوكس ده كارثة كبيرة .. ده غير الإخوة الظرفا اللى بيحاولوا يبينوا أد إيه هم أغبيا وكل ما تستغبى أكتر كل ما تبقى ظريف أكتر.. عالم ما يعلم بيها إلا ربنا
المهم البوست الجديد جامد أخر حاجة .. ومتتأخريش علينا بقى .. بلاش تتقلى على الرز أوعى كده يعنى

سلام يا جميل

Pink Unicorn said...

حمد الله على السلامة يا برايد
اولا عشان اخيييييييييييرا نزلتى البوست الجديد
وثانيا عشان ربنا طلعك انتى ومامتك بالسلامة من موقعة الكافيتيريا دى

:))

بقى طنط حشرية و زوزن خلاص اختفوا
والله يا شيخة حيبقى لهم وحشة

مين يجيب عرسان قمرات بعدك يا طنط حشرية؟
:(

kogi said...

على فكره انا قريت الكتاب قبل ما اوصل للمدونات
اصل خبرتى مع النت زى خبرتك مع العرسان بالضبط
واحب اهنيكى على اسلوبك المميز والساخر
ولولا فارق السن كنت هكون عندكو ف الصالون من بكره
هههههههههههههههههههههههههه

Anonymous said...

Hello Bride,

Very funny as usual and spontaneous. However, I was offended by your description of the obese groom. I think it is a bit harsh making fun of people's physical flaws.

I hope you won't find my remark annoying. It's just that I am a fan of your writings and I would want to remain so :)

P.S.: I am slim :)

Anonymous said...

بسم الله...اسمحي لي بداية ان احييك تحية ملؤها الاحترام و التقدير على اشياء كثيره على الاستمرارية بتلك الكفاءة ..على هذا الاسلوب الرائع ...على روح الدعابة العالية و خفة الدم ...ولكن اسمحي لي و ليكن صدرك رحبا متسعا لقبول ما سأقول.... كان السبب الاساسي وراء نجاحك هذا النجاح المستحق عن جدارة هو صراحتك المتناهيه فكنت اقرأ لك واحس اني اراك امامي شخصا متحركا متكلما كتلك الاشخاص التي اعرفها عن قرب حيث انك جعلت من نفسك كتابا مفتوحا يكشف عما انطوى عليه من اسرار و دخائل و نوايا ولكن هذه المره اختلف الاسلوب تماما فلم تعودي قاصة للواقع بل تحول الموضوع لشيء لا هو بالواقعي ولا بالخيال فيمكن لي ان اتقبل ما كتبتيه في هذا الموضوع على انه نوع من القصص الساخر المستوحي من الواقع مع بعض الزيادات او لنقلها صراحة المبالغات و ليس ضربا من الواقع المحض فان كان ظني صحيحا فاسمحي لي ان اهنئك على انتقالك من طور السارد للواقع الى طور المستمد منه و ان شاء الله الى طور الكاتب المنشئ لكن المشكلة التي امامك الان هي تقبل الناس لهذا الثوب الجديد ...ربما لم يفطنوا اليه هذه المره لانهم لم يتخيلوا منك الا الصراحة المفاجئه الجريئة دائما...و بصراحه لقد احببت كتاباتك لاني كنت احسها فيما اخالطه من اشياء و اناس ولكني لست ادري هل سأتأفلم مع ذلك التغير ام لا....على كل حال لا يمكن ان تستمري ساردة للواقع ابدا بل كان من المحتم هذا الانتقال والترقي و لكني لست اعرف هل سينالك التوفيق من البدايات ام انه يحتاج منك الى مزيد من الجهد؟ واسمحي لي ايضا ان اسدي اليك بنصيحه ولك حق القبول او الرفض قد يكون من الضروري ان تقرأي كل ما يكتب عنك من نقد ادبي فارجو منك ان تجعلي المراقبه على من يوجه نقده في غير منطق الى غير هدف الا السقاط و الاسفاف....واعذرني على الاطاله و الفصحى ثانية و تقبلي رأيي مع تحيتي الخلصة

Anonymous said...

ana 3andy so2al, bas mo7reg shwea:

hwa kol elqesas 2lly 2nty bet2oleeha de 7a2ee2ya??

asl ana mesh mesada2 2n kol elnas el3'reeba de we2e3et fe taree2ek we magalkeesh wala wa7ed 3edel we makansh fee qabool ya3ny?

NilE_QueeN said...

بحس ف كل مدوناتك بمبالغه
بس دا كان نسبة الخيال فيه عاليه

انا من النوع اللى بيصدق اى حاجه تتقاله
فا ياريت توضحي ايه حقيقي وايه اللى انت حطاه تحابيش من عندك

احمد أبو العلا said...

كعادتك متميزة ياغادة
اسمحيلى استغل شعبية مدونتك واعلن
تضامنا مع حركة كفاية اقدم شعارات مصورة للنشر على المدونات لمن يرغب
http://7arfwaw.blogspot.com/

yomna said...

يوه جتك ايه يا برايد...وانا اللي قلت ان الكتاب هيبقى فاتحة خير عليكي و تلاقي رجالة عدلة تتقدملك...لسه برده مش لاقية غير تحف ..ههههههه

يلا خيرها في غيرها...احسن ما كنتي تتجوزي يا جميل و تسيبينا كده لا يصين

صحيح نسيت اقلك مبروك على الكتاب و لو انها جت متاخر

مبرووووووووووووووووووك

mostafa rayan said...

وانا وبكل ضمير مستريح بضم صوتي لصوتك وبقوله بالهنا والشفا
تحياتي ليكي

Anonymous said...

مصرى متغرب

غادة تحياتى

اولا طولتى الغيبه علينا وكنت خايف ان التعليقات السلبيه تكون أثرت عليكى بس اهو انتى رجعتى تانى وببوست يجنن كالعاده وباسلوب رائع برده كالعاده وبسؤ حظ عجيب مع العرسان كالعاده برده بس المرة دى نحسسسسسسسسسسسسسسس عجيب انا شايف ان انتى تتكلى على الله وتعملى اى حاجه تفكى بيها النحس ده يعنى تدبحى خروف وتحطى ايدك فى الدم او تعملى زار او تعلقى 8987570458 خرزة زرقا المهم تعملى اى حاجه وخلاص لان كده بصراحه حرام
بس انتى عارفه احسن حاجه فى الموضوع ده لو تم ايه ان زوزن كانت هاتقولك يا ماما او يا تنت كده يعنى ما انتى كنتى هاتبقى فى مقام حماتها

جربى طريقتى ومش هاتندمى

تحياتى

Misrdream said...

فى سؤال محيرني
انشاء الله بعد ما تتجوزي يا برايد
هيفضل اسم المدونه عايزه اتجوز

Anonymous said...

هوه ليه دايما كل العرسان اللي بيتقدمولك كده تحف على طول

فعلا سؤال غريب

هل انت يا غادة فيكي عيب ما ؟؟؟؟؟؟؟؟؟

ميرا ( وومن ) said...

عزيزتي غادة
اول مرة اعلق في مدونتك مع اني بدخلها علي طول
كل مرة اقرا موضوع منموضوعاتك احس انك بتتكلمي علياالموضوع المرة دي فاق كل التوقعات جامد جامد يعنى
تحياتي لموقفك الشجاع وياريت البنات تشوف وتسمه
لكي تحياتي ومودتي

Anonymous said...

يااااااااااه يابرايد اه انا تعبتلك ايه ده كل مره كده حرااام بقي
والهي تعبت تعبت تعبت يانااااس
اعملي اعلان انك لن تقبلي اي عريس بعد اليوم وريحي نفسك وريحينا بقي يابرايد
اما بخصوص طنط حشريه وبنتها زوزن ف الحمد لله خلصنا من 2 عقبال الباقي

3omda said...

هاي برايد..اولا احب اقولك ان المدونه بتاعتك جامدة جداً..ومعلش انا لسه جديد معها وكنت عرفت انك بتكتبي قصص حقيقيه عن اللي بيحصل معاكي في رحله الخطوبه بس انا عايز اعرف لو كانت قصه عريس لمامتك دي حقيقيه ولاااااااااااااا.

3omda said...

بعد اذنك لو مش عندك مانع انا ضفت رابط للبلوج بتاعك علي البلوج الجديد بتاعي

المحرر said...

http://oma2008.maktoobblog.com/982440/%D8%B9%D8%A7%D9%8A%D8%B2%D8%A9_%D8%A3%D8%AA%D8%AC%D9%88%D8%B2_%21%21

totaa said...

أذا كان موضوع المديوريشن ده هايريحك ,اوك انا موافقه ,بس متخديش فى بالك من الناس اغبيه ..دماااااااااااغك.وبعدين إذا كان من حق الراجل يقعد على اجدع كرسى وهو متفشخر وينقى العروسه اللى على مزاجه..يبقى من حقنا كبنات نقد على أتخن كنبه ونشاور على اللى يعجبنا ..دى عشره ياماما,,واذا كان الموضوع هيبقى راجل والسلام يبقى قله الرجاله أحسن ..يبنتى اختارى اللى على مزاجك..دى هتبقى تدبيسه مدى الحياه

broken flower said...

ازيك يا برايد وحشانا يا بنتى انا يمكن اول مره اعلق على مدونتك بس انا من متابعيها من قبل ما تبقى كتاب وبقولك بجد ربنا يوفقك وانا مبسوطه منك لانك مش عايزه تتجوزى وخلاص وعايزه تتجوزى صح ومتضليقيش من اى تعليق سخيف لان كل شخص ليه مؤيديه ومعارضيه وكفايه ان معظمنا بيايدك وكنت عايزه منك تعملى زياره للمدونه بتاعتى وكنت عايزه اعرف رايك فيها لو مش يضايقك يعنى

Anonymous said...

بجدوالله المدونه تحفففففففففففه
حلوه اوى اوى اوى
انا اول مره اشوفها وان شاء الله هتابعك

وانتى عسوله اوى ولذيذه بجد

Anonymous said...

ههههههههههههههههههههه
والله هموت من الضحك

وصدقينى المواقف دى بتكرر مع اختلاف الشخصيات والنوعيات

تحياتى لكى

aboooood said...

مش معقولة بجد بس أحلى حاجة فيكي
إنك بتعرفي تغيري رأيك مع المصلحة علطول ههههههههههه
أول ماتقالك جايبالك عريس علطول بدل ماتضربيهم (لازم تتغدوا معانا)...
كانت أحلى حتة الحقيقة ...
أخوكي الصغير اللمبي....

ROMANTIC ROSE said...

انا لله و انا اليه راجعون .. حتي مامتك يا برايد لقت عريس و انتي لآ .. ايه يا بنتي النحس الدكر ده ؟؟ بصي بقي .. سلمي امرك لله و ربنا يجعله في ميزن حسناتك !!

asmaa said...

اولا ...الف مبروك ع الكتاب...وعقبال ما تعملى الف كتاب ع غرار(الف ليله وليله )

ثانيا بجد انا يمكن ما شوفتش البلوج غير مرات قليلة ايام ما كنت بشتغل وطبعا ع جهاز الشغل فى الاوقات الفاضية (بينى وبينكم عشان المدير ما يسمعش) المهم بجد بلوج رائع ..احمم اقصد المواضيع بجد اكثر من رائعة وفعلا اسلوبك تحفة بجد ...يارب ما يحرمنا من كتاباتك ابدا ....وياريت تنورينى وتشوفى بلوجى المتواضع جدااا انا برده كنت ناوية آخد الشكل ده من الكتابات بس ع مواقف من الحياة بتعرض الجوانب اللى عايزين نعالجها بس بشكل ساخر ...طولت عليكى ...ربنا يوفقك يارب فى كل حياتك

اسماء ستيت

Anonymous said...

السلام عليكم
هو بس التعليق علشان بحبك وبحب أتكلم معاكى وعليكى مع أصحابى
الاسلوب الواقعى أجمل يعنى النهايه كانت بس مضحكه لكن مش هى النهايه اللى بنعشها دايما مع أنى أحب أنها تكون نهايه لكل طنط حشريه
أما بالنسبه للاخ الغير معروف صاحب المدونه فأسمح لى أن
أتجاوب معك
غاده ليس شخص يتكلم عن نفسه أويبحث عن عريس
هى تتحدث بلسان الكثير و الكثير من بنات مصر أشياء كثيره تراها الفتاه فى من يتقدم لها تدعوها للتسأل أزاى أقدر أكمل معاه وبتكون فى شده الالم أن فرحتها بالعريس والجواز أنتهت قبل ما تبدأ
ودوا اللى بيخليها تحول ألمها الشديده لدعابه تهون عليه الموقف)مصريات بأه
وبعدين كلنا نتمنى أن نكون فاطمه
لكن إحنا مش بنعيب على الشخص أخلقه أو علمه أو نسبه
بس بنقول عدم توافق
كنت أحب أعرف المدونه
علشان أذورها
بس
صبا
)

Anonymous said...

بشوف فى برايد
المتحدث الرسمى عن 15مليون فتاه
بشوفها مبدعها
قدرت تنتج من حاله عامه
إبداع خاص
وفقك الله

أشجان الربيع said...

السلام عليكم
ازيك برايد
حلوة مدونة ساخرة قوي واسلوبك لذيذ
أنا قرأتها من فترة بس معلقتش وجا في خاطري أعلق ليكي عليها
المدونة شكلا حلوة مضمونا أسلوب سلس وراقي وفي نفس الوقت ساخر ..
مبارك ألف على الكتاب وإن كانت متأخرة..
في انتظار الجديد ((متغيبيش علينا )) سلملم

جميما said...

هاى برايد

أنا جيجى وحشتينا يا بنتى

البوست رائع وعاوزة أقولك سيبك من اللى بيهاجمك ولازم الكل يفهم إن إحنا مش بنسخر من أى شخص لكن الحقيقة الناس دى نفسها هى اللى بتحط نفسها موضع نقد قد يصل للسخرية يعنى لما جدو يجى يخطب واحدة قد أحفاده يبقى مين جاب لنفسه الكلام؟ مش كفاية مستحملين الغلب ده كمان بنسمع تعليقات سخيفة عموما اللى متربى بس هو اللى يكتب فى البلوج وأنا واثقة إنك هتعرضى أى رأى حتى لو كان معارض ليكى طالما مكتوب بأدب
على فكرة أنا نشرت قصة علبة سجاير فى البلوج بتاعى بس من منظور تانى وياريت أسمع رأيك الشخصى يا برايد

ياسمين حميد said...

حرام عليكي الراجل يا غادة... زمانه في المستشفى بيعملوا له غسيل معدة
ده إذا ما كانش فعلاً مات بالتسمم

وكل عريس وأنت طيبة

محمد فوزي said...

إزيك يا غاده
منوره العالم البلوجري طبعا

معلش إسمحيلي أعلق على المعلقين مش على البوست نفسه لأن بعضهم إستفزني قوي الصراحه

يا هادي يارب

إلى الإخوه المعلقين

من المعروف في فن الكوميديا أن الأشياء ( الأحداث والأشخاص) لابد أن يحدث لها نوع من الإكساجيراشن أي التضخيم أي المبالغه وذلك لإبراز المعنى , وأي حدث شديد الفكاهه ممكن يفقد فكاهته لو بيحكيه شخص ثقيل الظل بينما ممكن حدث عادي جدا ممكن حد يحوله بفنه وموهبته إلى أقصى درجات الكوميديا

طب أنا بقول الكلام ده ليه ؟

لأنه بيستفزني جدا اللي داخل يقول : هو كل العرسان اللي بتتقدملك مضروبه
هو مش ممكن يكون انتي اللي مش عاجباهم ؟
هو مش عارف إيه حصله ايه؟

وبعدين برده مفيش داعي نسأل إيه اللي حصل فعلا وايه اللي حصل نص نص وايه اللي محصلش , لأن في النهايه إحنا داخلين نستمتع بموهبه موجوده بينا ع النت بدون تعب أو أعباء

أنا شخصيا ميهمنيش هما إتخانقوا ع الأرض ولا تحت الترابيزه

آسف أنا عارف إني رزلت شويه بس كلمتين كنت معذور فيهم

كلام على بلاطة said...

شوفى يا برايد
خدى النصيحة دى مع انى باحبش ادى نصايح الظاهر انك واخدة الموضوع تسالى
والتسالىمش هتنفع فتوكلى على الله واختارى احسن الوحشين ومفبش حد وحش خالص ولا حد جميل خالص
ناجح يوسف فهمى

Anonymous said...

هاي برايد ازيك اولا الموقف كان تحفة انا مكانك كنت خدته وخليته يكتب الشقة باسمي واطرد زوزن والقبيلة اللي متجوزاها. ما عليناانا ليا تعليق على الموديريشين ده اللي هوا انتي كده كده حاتقري الكلام اللي ينرفز واللي طالع من عالم ماتربتش فا ليه تحرقي دمك لوحدك وليه ما تخليهومش يفضحوا نفسهم بنفسهم ويوروا العالم تفاهتهم وتربيتهم وخلي اللي ما يشتري تفرج عليهم ويرد كمان مش بس يتفرج ده دول حيبقوا ملطشة وبعدين عارفة حاتقولي بس هنا مكان محترم وانا عاملاه للفضفضة المحترمة بس وماله ده مايمنعش انه يكون في خلق استغفر الله بهايم وانا لما بقول بهايم ده مش تجني الواحد لما بيتصف بصفة من البهايم يقال له هكذا وده لفظ الرسول في حديث القبله المشهور عشان محدش بس يقول اني باشتم ولكي تحياتي

محمد مصطفى عبد الظاهر said...

بعد اذنك تعليق كتبته على المقال عنك فى موقع لوس أنجلوس تايمز وحبيت احطه هنا برضو للإفادة
-
-
إلى الاخت الكريمة د/ غادة . أقول لك أن الحراك الذى احدثته مدونتك وكتابك وظهورك على الشاشات ، وكمية الآراء والتعليقات هى اكبر دليل على نجاحك عمليا . ولأن الكمال لله وحده فإنى أرى (وقد أكون مخطئا) أنك اخطأت بازدرائك لمن تقدموا لخطبتك ويجب عليك نشر اعتذار ولو صغير عما قيل فى حقهم.
وإلى من هاجموها أقول : يا أخوانى كفانا تفكيرا من منظور "هذا يحدث للآخرين فقط" فضع نفسك ولو للحظة مكان من تهاجمه قبل الشروع فى الهجوم
واقرأوا ماتكتبه على انه ليس كلامها شخصيا وانما تعبيرا عن مشاعر مشتركة وآراء عامة بين من تأخر زواجهن.
قل لى بربك لو ان ابنتك أو اختك هيا التى تأخر زواجها .. هل تفضل أن تقبع فى بيتها إلى أن تموت ؟ أم تتبرج وتعرض نفسها فى الشوارع والمحافل ؟ أم تعبر عن مشاعرها بوسائل اعلامية اختيارية ؟ بمعنى انها لا تفرض على احد ان يسمعها فإن لم يعجبك ما تقول فلتغلق المدونة او لتغير القناة او لتمتنع عن شراء كتابها. لكن ارفق بالقوارير
ولست أرى ما يناقض الحياء والشرف فيما تقول الكاتبة وانما كمية السباب والاهانات التى رأيت فى الردود هيا حقا مما يهدر الحياء
ما العيب فى أن تعبر المرأة عن رأيها بغير اختلاط مبتذل مع أجانب ؟ هل رأيتموها تعرض نفسها للزنا والعياذ بالله حتى توصم المسكينة بكل ما قيل فى حقها؟ ان عنوان مدونتها أنها مثلا جميعا تريد الزواج .. السكن .. شرعة الله . فلا ينبغى نلصق بدويتنا وعاداتنا المستمدة من اصول قديمة بالاسلام تبريرا لما نشعر
ان شعرت بالحمية فقل لها عيبا أو أظهر اعتراضك بأسلوب عقلانى متحضر أو لتصمت ، لكن ان قلت (حرام) فقد وجب عليك ذكر مساوغ وتأصيل تحريمك لأنك لست اهلا للفتوى
ويعلم الله اننى لا أعنى بكلامى هذا شخصا معينا ممن هاجموها ، انما هو أيضا من غيرتى على هذا الدين وهذا الوطن بابنائه وبناته الانقياء
وفقك الله يا اخت غادة وهداكى وجميع فتيات وشباب المسلمين والحمد لله رب العالمين

د. إيمان مكاوي said...

عايزه أقلك إنك إنت وغاده ورحاب السبب في وجودي في عالم التدوين
أسلوبك سلس وبيخليني أشوف الموقف بيحصل أمامي وأضحك من قٌلبي
ربنا يسعدك ويوفقك
ياريت تشرفيني بالزياره وتقوليلي رأيك في إللي بكتبه

ياأبت...إني رأيت said...

الموضوع اللي انت بتتكلمي فيه ما لوش حل
انا اشتريت كتابك وعقبال الكتب الباقية
اه انت باقي اللي ربنا مسلطك ع الرجال
بطلعي فيهم القطط الفطسانة
ومش كده وبس انت بتفضحيهم ع النت
حرام الرجال دول والله غلابة هيلاقوها من الغلا ولا منك
هتخلي كل ابنات تعمل زيك

.:.-=- ELGaZaLy-=-.:. said...

للاسف انا كنت برة مصر ولسة راجع قريبا ...

بس جبت الكتاب الف الف مبروك...


بجد فرحتلك جدااا لما لقيتة فى اون ذا رن ...


الف الف مبروك

Anonymous said...

مبروك عل الكتاب وعقبال الكتاب الجديد اللي يكون اسمه بعد الجواز
وعلى فكرة الحادي عشر ده جميله جدا وطنط حشريه وزوزن يستاهلوا اللي حصل لهم من بعض وعلى راي المثل لا يفل الحديد سوى الحديد
مستنيه الثاني عشر

Unknown said...

جميل اوي البوست
انا قرأـه كله وهتابع ان شاء الله من الاول

اتمني تشرفيني


سلام

Anonymous said...

Its very nice story , and don’t care about people whom wright in bad way on your chat page , الشجره المثمره هي من تلقه بالحجاره
But I have 1 question and I wish u don’t be angry from me
R u don’t afraid your marriage chance decrease by this book or u remove marriage idea from your mind and u live only form your books , if u don’t like to answer that ok , but I want only say your writing is very nice and try to Write comedian movie
او اعملي الكتاب حلقات تلفزيونيه في رمضان بس متنسنيش في نسبه من الارباح

كلام على بلاطة said...

شوفى يا برايد
اذا كان لسه عايزة تتزوجى ومصممة انصحك تقابلى مراتى وهى هتعقلك يا بنتى فاصرفى نظر احسن

يوميات فنانه مفروسه جداا said...

غااااااااده
***************
مش مصدقا نفسي وربنا ما مصدقا انا بعلق عند غاده برايد مره واحده ايه دا كله ايه دا كله
اكتر حد يا غاده بيموتني من الضحك والله ربنا يديم عليكي نعمة خفة الدم يا رب
احسن يا رب طنط حشريه ما ترجع تاني
واللي اهله مربوهوش نربيه احنا ولا يهمك يا باشا واراكي ناس ياكلو الظلط
هبقي سعيده اوي لو شرفتيني في المدونه يتاعتي تاني بلوج علي ايدك الشمال شارع المفاريس
مستنياكي تاخدي قهوتك معايا
تحياتي

wanna b a bride said...

أحمد

سألت عليك العافية
:)

كان لازم يتاكلوا أعمل إيه
على نفسها جنت براكش
-------------------------
anonymous

و ماله ده
حد زيه؟
:)
-------------------------
ظل الشمس

شباك و باب مفتوحين

إتفضلوا
:)
كل أسبوع دي صعبة قوي
طب و هو انا بيجيلي عريس كل أسبوع؟؟؟؟؟؟؟؟
------------------------
رؤى

وحشتيني يا رورو إنتي كمان

الغياب بيبقى غصب عني

طنط حشرية مالهاش خير في حد
و لا حتى نفسها
:)
----------------------------
sally

الله يبارك فيكي
و ان شاء الله مش هنقفل

بس يمكن نير اليافطة
ادعيلي
--------------------------
صحفية

استني لما أعدل النضارة الكعب كوباية بتاع الكتاب الكبار و أقولك

الحقيقة أحيانا بتبقى أغرب من الخيال

يعني إيه مش عارفة
بس بصي على النصيحة على بوكس التعليقات و اعملي بيها
------------------------------
حاسوباتيه

انتوا بأه وحشتوني بشكل حلو
:)

الحمدلله الكتاب من أول مانزل و هو في قايمة أحسن الكتب مبيعا

اللهم أدمها نعمة و احفظها من الزوال ياااااااااارب

و ميرسي جدا على اللينك
----------------------------
جبهة التهييس الشعبية

فكرك هيا كده انتهت؟
مايتهيأليش

هو غالبا هيجيله تسمم و هي برضه هتستمر
دي طنط حشرية مش أي كلام
------------------------
mady

نفس النظرية بتاعتي

لا يمكن يتهضموا

والا إيه؟

فيه حد برضه أكدلي ان أكيد الموضوع فيه تسليط بس مش عارفة يكون مين

طنط حشرية؟
نظرية برضه
-------------------------------
unique

فعلا بس هي كانت المورد الأساسي

عاهات آه بس كان فيه رجل رايحة و رجل جاية كده

ربنا يستر ع المستكبل بأه
:)

Anonymous said...

الصراحة ده اللحظة الحاسمة للتخلص من طنط حشرية للابد و عودة الحياة الى طبيعتها

حسبي الله ونعم الوكيل said...

ازيك ياقمر

Eldebug said...

طول عمرى اسمع عن برايد ... والناس تدوشنى عن برايد بس اول مرة ادخل ...انتى بتفكرينى ايام ماكانت اختى برضه بيجيلها عرسان كده والحركات القرعة اللى كانوا يقعدوا يعملوها وانا اقعد اضحك عليهم واتريق عليها هيه كمان ... ايام واللهى

الا قوليلى ياختى ... شكلك كده من المحلة برضه ... اصل طنط حشرية دى موجودة عندنا فى كل شارع وفى كل حارة ... ايوة زى البانجو كده بالظبط

تحياتى وتقريرى

Michael said...

البوست ده مشكلة .... جامد جدا
اه انا لقيت البلوج بتاع حضرتك بالصدفة كده وانا بنام قلت اعمل كومنت
بس بجد بوست دمه خفيف موت
---------------------------
بس خلاص

nor said...

بجد تحفه اخر بوست
واله يا برايد انتي برغم اللي بتكتبه دمه زي العسل بس بيفكرني بنفسي
و اقعد اقول هي بتبقي معايا و انا بقابل العرسااااااااااان
هههه
كملي ..مستنيه تقولي لي العريس الجاي بتاعي شكله ايه هههه

nor said...

بوست يجنن
طكأنك بتكتبي عن اللي بقابلهم و الله يا برايد
ممكن تكتبي بوست جديد..يمكن يطلع العريس اللي هقابله قريب

funckydoctor said...

كان تخين قوى كده
ماده وأمثاله اللى خللى الحكومة تفتكرنا شبعانين
المهم البوست كالعادة مش محتاج واحد زى يقول انه جامد

Anonymous said...

هاى غادة,

والله وحشتينا كتير و بلاش تتاخرى فى البوست تانى و كلعادة البوست دمه خفيف قوى بس انا اتفق مع د.محمد السباعى انه فيه مبالغات كتير مش زى كل مرة كنت بلاقى الاحداث حقيقية و منطقيه.
على فكره احنا دفعه واحدة صيدلة طنطا 2000

Unknown said...

wt 4 u on my blog
urs is so nice
dont b late

Anonymous said...

First I wanna congratulated u abt ur book … I know it's late but u really deserve the best. Also it's so real, I can find one or two grooms passed by me like u. also ur comments abt ppl around exalty like what I face too .. forget to tell u I'm single & 30 years old :)keep it up :)

Anonymous said...

انا كنت هموت علي روحي من الضحك يا ست أنت ولا بلاش يا ست انتي لا تزعلي مني وأنا بصراحة في قمة السعادة أني تعرفت علي مدونة زي العسل كدة

بالتوفيق إن شاء الله ولو بالنسبة لموضوع بس انا في انتظار اخبار طنط حشرية علشان صعبانة عليه والله ونفسي أعرف ايه اللي حصل معاها

محمد شوشة said...

بجد والله انتى بنت حلال انا كنت لسه بدور على عروسة على ادى انا عندى عشرين سنة بحالهم انتى ايوه اكبر منى بس فرق السن مبيقفش ادام الحب
برضه هو ايوه مفيش حب بس برضه
كله بييجى بعد الجواز
يووووووووووووووووووووه
من الاخر انتى هايلة والتدوينة دى جامدة جدا بس مش غريبة عليكى
بس المرادى هى جت من الاخر
والله العظيم انتى كنتى هتموتينى من الضحك وانا بقرأها واللى حواليا مستغربين بس يالله هى دى الدنيا


على فكرة يا زعيمة فى حركة تمرد اعلنها بنتين كده فى مدونة سموها قررت اكون عانس

مستنيين الاوامر وانى اطربجها على دماغة الكل ياكبيرة


بصى بقى لو حذفتى التعليق ده انا هدخل الحزب الوطنى مخصوص علشان اشتكيكى



ولا بلاش انا هشتكيكى لربنا احسن





سلام يا كبيرة

7oda star said...

يا ريت اعرف حكاية المودريشان لو مفهاش غلاسة منى انا حودة من اسكندرية 20 سنة مش بدور ع عروسة ولا حاجة لحسن تتطمعى فيا المهم يا ريت لو حضرتك ميكونشى فيها غلاسة منى تبعتيلى شرح حركة المودريشان ع اميلى new_7oda@yahoo.com و اكون شاكر اوى اوى اوى و يا ريت ميكونشى فيها غلاسة منى يا ريت يعنى

Anonymous said...

انتي عارفة انتي فكرتيني فعلا بأيام ما كان فعلا بيشوف عجب العجاب

بس إسألي المتزوجون لو وضعهم أفضل

Unknown said...

جميل اوى اسلوبك يا برايد ربنا معاكى وتلاقى ابن الحلال او ما تلاقيهوش مش مشكلة كبيرة يعنى المهم انك تعرفى تستمتعى بحياتك صح وللا ايه؟ تعالى زورى المدونة بتاعتى يمكن تعجبك وللا حاجة..

ماتت منى said...

هههههههههههه
انت فظيعة يا بنت انت .
طنط حشريه دي موجوده في كل مكان
بصراحة انت مشكلة .الله يكون في عونه لو قالك كلمه هتفرجي عليه امة لا اله الا الله .
كفايه طريقتك في التعليق
بصراحة انا اخاف اتجوز واحده بطريقتك دي
بس جميله المدونة
يا ريت تزوريني انا لسه فاتح مدوننه اللي هي تصغير مدونه

ebn sina said...

mohawww.pillar-of-wisdom.blogspot.com

هنادي said...

ازيك يا برايد يا عسولة ربنا ينولك كل اللي في بالك يارب

واثقة بربها said...

الف مبرووووووك على كتابك الجديد
البوست جامد قوى
و عجبتنى طنط حشرية قوى موجود فى كل مكان و بنفس الصفات
هى فعلا حشرية

ام يحيي said...

يابنتي ماانا قولتلك من اول الموضوع .. سيبك من زوزن وفكري في يحيي ابني

انا عرضت عليه الموضوع وهو وعدني انو يفكر .. فكري انتي كمان براحتك
هو مش مستعجل .. بس ادعيله عشان الامتحانات انتي عارفة رابعة ابتدائي وصعوبتها

شيماء الجيزى said...

طول عمرك قمر
يااااااااه
دنا كنت مفكره مش هوصل هنا تانى والاقى بوست جديد
خلاص عرسانك خلصو ولا ايه يا برايد
دى الشهرة دى هتحدفلك عرسان بالهبل
:p
احلى حاجه بقى
انى فرحانه فى طنط حشرية
بس كان نفسى تقبل العريس

وعلى فكرة ميهمكيش من اللى يتقال
مودريشن مودريشن
المهم راحتك يا قمر

سلاماتى

محاولات مخنوقة said...

هاى برايد .... وحشتينا موووت ياريت مش تتاخرى علينا كدا ... وبليز انا عاوزه ابعت لك بوست في قصة حقيقية بس مش عارفه ابعت ازاى وسورى لانى جديدة على المدونات ومش عارفه فيها اى حاجة

nana said...

ياااااااااه وحشتينا

فينك من زمان


فين الجديد برضو
ما تتأخريش علينا

!!! عارفة ... مش عارف ليه said...

مش عارف تعرفي خالتي بمبه ولا لأ عموما دي شخصية كانت بتقدمها ملك الجمل في برنامج إلى ربات البيوت ونوادرها كانت اكثر من رائعة وبصراحه مش عارف مين اللي كان بيكتبها أنما حقيقي فكرتيني بأسلوب مؤلفها

وبصراحه بردو معرفش ليه افتكرتها دلوقت يمكن يكون السبب طنط حشرية

تحياتي

Mohamed Anwar said...

السلام عليكم
أنا لقيتلك مقاله حلوه عنك علي محيط
http://www.moheet.com/show_news.aspx?nid=126384&pg=1
تحياتي وتقديري

حبيبـــــــة القمـــــر said...

ازيك ياقمر
انا زي اللي واقفه في طابور عيش
كان لازم اجي بدري شويه عشان الحق رد في الاول
ما علينا
البوست هايل ويجنن وكالعاده يفطس من الضحك
ربنا يسعد ايامك زي مابتسعدينا بكتاباتك

Anonymous said...

مدونه ولا احلى من هيك انا بشكر مياسي اللي عرفت مدونتك من خلالها
خليك مصره على موقفك ويعني هم المتزوجين عاملين ايه في الدنيا ؟؟؟

مـ~ـاجدولين said...

على فكره اسلوبك ممتع ويموت ضحك

لو عندي اكتئاب بدخل اقرالك

شفتك على youtube

دمك شربااااااااااااااات

كريمة الفاسي said...

سأعترف بالحقيقة التي فعلاً مرة .
للأسف أنا لم أتعرف على مدونتك (عروستنا غادة) الا من فترة قريبة، عندما عرض لقاء لك مع صديقاتك في برنامج العاشرة مساءاً على قناة دريم المصرية، وأعجبني في وقتها خفة ظلك،وشاءت الاقدار أن أغادر الاراضي الليبية يوم27/2/2008 الى بريطانيا، تاركة وطني واهلي ورائي، لاحقة بزوجي،ولانني مفتونة بكتابة يومياتي، بدأت ادون ما يحصل معي على الاراضي البريطانية وبين احضان حضارة الانجليز، خاصة واني فتاة عربية مسلمة، فاقترح زوجي أن أضع موضوعاتي على الشبكة العنكبوتية في مدونة، وحينها قفز الى ذهني فوراً حديثك عن مدونتك وتجربتك التدوينية في برنامج العاشر مساءاً، لا أبالغ لو قلت أنه كانت لك يد خفية في الموضوع ، حثت همتي على المحاولة وخوض التجربة،
ولا أنفك أردد
طلعت ارض الانجليز هف الهوا كمي
كل البنات ويا اهلها وانا سبت امي

Anonymous said...

السلام عليكم يا غادة وحشتينى جدا جدا و من زمان اوى مكتبتيش ارجوكى اكتبى تانى و لو حتى وحشتونى

أم زياد وأنس said...

علبة الكشرى الاخيرة ...عقبالكم يا حبايب
ادخلوا كوللكم معلقة

Unknown said...

العزيزة

wanna b a bride

سعيد بزيارتى الاولى واتمنى ان لا تكون الاخيرة ان شاء الله ..مدونتك ظريفةوطبعا انا شاهدت حوارك من قبل فى دريم واتمنى ان نتواصل وتعزمينى على الفرح لما يحصل
شكرا لك سعت صدرك

رانيا منصور said...

عارفة يا بنتي..

أول مرة أعدّي نواحيكي
من كتير عايزة أدخل ابص بصة..
بس غلطة عمري اني فتحت البلوج بتاعك وانا في الشغل

ليه بقى؟؟
نسيت اني صوتي بيعلى في الضحك جداااااا

هم يضحّك وهم يبكي بجد يا بنتي

تسلم يدّك..

مودة،،

واحد وبيتكلم said...

والله يا غاده رائعه بكل ما تعنيه الكلمات انا بقرا المدونه من سنه تقريبا وكل بوست بتثبتي انك بجد موهوبه

Ahmed Al-Sabbagh said...

انا جاى اسلم وادألج التماسى وازعق لى شوية
(قال يعنى زعلان )

ايوة انا زعلاااان وبزعق ما جيتيش ليه استنيناكى

(قال يعنى ما كنتش عارف انك مش جاية كدة وكدة عشان العيال هيضربونى )

والله افتقدناكى اوى يوم حفلة التوقيع

وطبعا مفتقدينك على طول
:)

تحياتى
احمد

mora_227 said...

بربر ازيك يا بربرة
البلوج اكتر من رائع ، انا مش رضيت اكتب تعليق الا لما اقرا كل اللى كتبتيه كده انا عرفت غادة الجميلة من جوه و من بره ، اغلب البنات عندها نفس مشكلتك ان الناس مش عايزة تقتنع ان مش اى عيوب تتبلع و تقدر تنزلها المعدة بـ كوباية ماية ، ممكن تفضل واقفة كده فى زورك لحد ما تخنقك و ان جيلنا مش بيفكر بطريقة الجواز لمجرد الجواز بيدور على حاجات تانية كتير منها الامان و الاستقرار النفسى و الحب اللى معاه احترام و توافق .
بقوم ييجى حضرته و هو نافش ريشه و هو كله عقد و كلاكيع و بلاوى زرقا و يقول بالنسبة لها دى فرصه استغلها حتلاقى زيى فين دا انا لقطة ، و يفتكر انها ستخر مقبلة قدمية شاكرة انه حيتجوزها(حلوة
برضه الجملة دى).
بس يا اختى بيت العرايس و العرسان مش طالع له حس من زمان باين اللى اخدوا خوازيق خلصوا و الا ايه ، الظاهر انك لازم تهددى تانى انك تجيبى البلدوزر و قرار من الحى بالازالة صحيح ناس ما تجيش الا بالعين الحمرا علشان نقرا حاجات حلوة تانى .
تحياتى و و دعواتى ان ربنا يحققك كل اللى تتمنيه و اللى فى بالك و بالى هه

انسانةعادية فى عالم مش عادى said...

مش هقول غير ربنا معاكى ومعانا يارب
انتى عايزة تتجوزى وانا عايزة اتجوز وكل البنات عايزة تتجوز
ربنا معاانا ياااااااااااااااااااارب بس تتصورى موضة موضوع العرسان المقلبظين دول ههههههههههههههه

سبهللة said...

بجدانتى دمك شربات مكرر
اسلوبك رائع
شديتينى اقرا البوست من اول حرف لاخر نقطة
بس انا سمعت انك اتخطبتى
بجد والله
هل الخبر دة صحيح؟؟
تقبلى مرورى

باب النجار said...

عندى مواضيع تهم كل واحد عايزة تتجوز ياريت تزورينى وتدينى رأيك

قلب بلا حب said...

where r u 3'ada .. b2alek moda twela gedan mktbtesh 7aga ya3ny .. 7wally sh-hr till now .. 2eh 2enta kwayesa wala 2eh ..

yala at7fena b2a 2orayeb ya ret ...

om ali said...

انتي رائعه انا حبيتك جدا اسلوبك يهلك من الضحك خليتيني اضحك بعد يوم من الشد والجذب مع علي وزوزو ولادي.وعدمني انا هدعيلك انا ساكنه ف المدينه المنوره هدعيلك ف الحرم بعريس بس يكون مقاسه medium

كوثر أبو هاني said...

مرحبا غادة

بتمنى دايما أقرأ ليكي

و جددي مدونتك يلا يا شقية

تحياتي

كيكى عوووووو said...

اذيك.....لسة مكتبتيش حاجة جديدة...تحياتى ليكى

عروسة ننوسة said...

حلوة اوى اوى يا برايد....تمتلكين خفة دم هايلة...تحياتى واتمنى زيارتك

v bnjvbbnfhnn said...

ههههههههههههههواللة بجد انتى اسلوبك جميل جدا وفعلا الحالات دى موجودة وبكثرة اوى شكرا عى الموضوع

v bnjvbbnfhnn said...

شكرا على الموضوع والاسلوب الرائع
شكرا

Unknown said...

Hello ya "bride" ...

I just wanted to let you know that I really enjoyed your book ... and I'm sorry that I am writing in english ... ma3lesh il keyboard hina kollo kida .. mafeesh 3raby ...

ana mish 7a3allak 3ala il mawkif .. li2inny 3arfa inno 3ala il raghm min inno mod7ik .. bas sad as well .. li2in lil 2asaf howwa dah ba2a 7al il banat il kiwayiseen fil 3alam kollo wana min dimnohom .. bas yalla what can I say ... sharr al baliyya ma yod7ik ...

dilwa2ty wil7amdulillah I am 31 years old ... with no hope to be a bride .. minha inn mafeesh wa7ed 3idil and minha 3o2ad min ahly ...

yalla 7an2ool eyh bas .. kisma wi naseeb .. willy katbo rabbina 7aykoon insha2Allah

Yalla Salam

Partner in misery

Anonymous said...

عزيزتي غاده لاول مره ادخل مدونتك والتي اجدها رائعة وتعبر عن واقع البنت المرير وان اختلفت الجنسية
دعواتي لك باني تجدي نصفك الاخر الذي يتناسب مع جمال عقلك
لك كل الحب

Anonymous said...

بعد موضوع الكتاب ده اكيد لميتى قرشين حلوين
ممكن اكلم طنط

وضحى البوسعيدي said...

انا هنا لاسجل اعجابي لاسلوبك الرائع ..
فما اروع من اظهار الواقع ولكن بأسلوب ساخر ، فهكذا يتقبل الجميع الامر ..

ولا تعيري اي اهتمام لمن لم يعجبهم .. فهذه فلسفتك فمن اعجبه كان بها ومن لم تعجبه فلينتقدها بإحترام

Anonymous said...

السلام عليكم ورحمه الله وبركاته

ازيك ياغادة تسمحى لى انضم لاصحابك فى المدونة

اسجل اعجابى بكتبتك واسلوبك اللى زى العسل بجد بجد يموت من الضحكمع الفكر طبعا

وعلى فكرة احنا بردوا زمايل انا دكتورة بشرى
سماح

ahmed_k said...

معلش يا برايد خيرها في غيرها محدش كان عارف لو اتجوزتيه كان حصلك ايه كان ممكن تكوني من اصحاب الملايييين آه طبعا مش لقيتي موميه وهي تمنها غالي اليومين دول هههههههههه وكان ممكن تتكبري علينا ومتكتبيلناش بوستات تاني بس الحمد لله حصل خير اديكي معانا لسه ومحصلش اختلاف ومتزعليش كلله خيييييير تحياتي لكي يا برايد وبوست جميل ودمه خفيف زي كل كتاباتك والسلام ختام

mora_227 said...

غااااااداااااااااةةةةةةةةةة
انتى فين من زمان
؟؟؟؟؟؟؟؟؟؟؟؟؟؟؟

المستنصر بالله said...

ما شاء الله مدونتك مميزه جدا وانتى كمان اسلوبك جميل وواضح خفة الدم الكبيرة بالتوفيق دايما يارب

Unknown said...

برايد
انا من الناس اللي مكنتش تعرف المدونه بتاعتك بس عرفتها من التليفزيون
و انك نزلتي كتاب
حقيقي انا في منتهى السعاده ان التدوين ناجح كده
و انا اول مرة ادخل على مدونتك الرائعه دي
اسلوب رائع و ادبي في نفس الوقت
لان الادب الساخر نوع رائع من الادب و موجود في كل العصور
انت من خلال سخريتك بتحاول توصلي رساله
و الرساله واصله جدا كمان
حقيقي مدونه رائعه
شكرااااااااااا

Anonymous said...

انتي فين يا برايد وحشتينا ليه مش بتكتبي حاجة جديدة كل ده يا ستي عشان بقيتي كاتبة مشهورة
اللي علي علي ;)
عموما اناا باهزر معاك بس وحشتييييييييييناااااااااااااا

Ahmed Mohi said...

ياترى فى كتاب جديد فى السكه ولا لسه شويه عايزين نستمتع بكتاب كمان قريب ان شاء الله
وياريت تشرفى البلوج المتواضع بتاعى بالزياره
http://ahmedmohi.blogspot.com/

Anonymous said...

مدونتك كله بيتكلم عليها انهامبقتش زى زمان ومعدتيش بتنزلى بوستات غير كل شهر
ماهى كدة طول الدنيا
لما خدتى شهرتك وخدت فلوس فى ايدك نسيتى الناس اللى حبوكى من الاول ورغم انى معنديش بلوج بس كنت متبعاكى على طول معدش حد بيزور المدونة غير من الشهر للشهر
مش عارفة مطنشة قرائك ولا اتجوزتى والمدونة مش بقى ليها لازمة
اسفة ان كان كلامى جامد بس هى دى الحقيقة

Anonymous said...

السلام عليكم و رحمه الله وبركاته
ازيك يا غاده عامله ايه ؟؟؟؟؟؟
فينك يا بنتي قلقتينا عليكي
مش لازم تكتبي حاجه جديده بس طمنينا عليكي

حلاوة روح said...

بجد مدونة رااااااااااائعة
انا اول مرة ادخلها
بس بجد تسلمى
استمرى

Anonymous said...

Bride hanem..

Ana metab3aky ba2ali modda walaw eno be shakl 3'er mostamer, laken ana men mo3gabeenek men awel marra 2areetlek feeha..

Ana 7abbiet bas a2olek en geh zekr esmek ennaharda fe mo2tamar Cammro lel e3lam fe King's College, London. El mawdoo3 kan 3an el new media w ta2seer el bloggers 3al mogtama3aat el 3arabeyya.. w wa7da men el speakers etkallemet 3an el blog beta3ek ka example..

Ana 7abbiet a2olek walawen akeed enty btesma3y akhbar zay de kol youm ta2reeban :)

3omoman atmanalek el naga7 aktar w aktar.. w matta3eena dayman be kheffet dammek w ebda3aatek :)

hanady said...

ايه الاخبار؟ طولتي علينا الغيبه يارب يكون اللي في بالي

Eman Henaish said...

LOL :D
2na 2wel mara 2kteb comment bas 2na mtab3a yor posts
bgd lazeza mooooooooooooot

sara said...

بجد تحفه.هههههههههههههههههه.موتينى من الضحك. وصفك هايل لعينيه اللي اكتشفتوا انها فتحة مناخيره.وجامده النصايح اللي حفظتيها لنفسك.ربنا يوفقك.

S H A H said...

هههههههههه
وصفك لعريس سوسن موتني بجد يا غادة

البوست ده تحفة بجد من اوله لاخر كلمة فيه

تحياتي لذات الرداء الازرق

خاطبة المدونات said...

نريد متطوعون لإنجاح فكرة المدونة
ومن يجد في نفسه حب الخير فليتفضل
elkhatbah60@yahoo.com

Anonymous said...

ايه يا برايد فينك ... وحشتينا أووووي

Anonymous said...

مصرى متغرب

مشاهدينا الكرام ما هو السر وراء اختفاء غاده المفاجىء من المدونه وعدم نزول بوستات جديده وحتى عدم ردودها على تعليقات القراء هل هو غرور مفاجىء او ان غادة قد تعرضت للخطف من قبل عريس محترم ام ان لهذا الموضوع علاقة بتنظيم القاعده والعلاقات الايرانيه السوريه

كل هذا فى البوست القادم ان شاء الله

محمد حلمي مخلوف said...

انتي دمك خفيف قوي ربنا يكرمك بس اعتقد انها لو كانت فصحي تكون احسن
ادعوك لزيارة مدونتي
شكرا

وضحى البوسعيدي said...

مشاهدينا الكرام ما هو السر وراء اختفاء غاده المفاجىء من المدونه وعدم نزول بوستات جديده وحتى عدم ردودها على تعليقات القراء ؟؟


السر يا اخي .. انها الشهرة ومتاعبها ..

الغياب هذا ليس اراديا انه لا ارادي ..
فالشهرة تعني .. بلا ومصايب .. ماشي راحات ... يعني ماتلقى لها وقت

عاد وانتوا اقصد واني معكم ماقصرنا بالتعليقات هههههههه

متى تقرا التعليقات وترد؟؟ ومتى تنزل بوست جديد ؟؟
ومتى تفكر بقصة جديدة؟؟

مشكلة ..

الحينه وراها مقابلات ... وراها تفكر بالكتاب وراها تفكر بالقصة وراها اشيا واشيا ..

فالغايب معاه عذره

Anonymous said...

حبيبتي غادة
اسمحيلي اقولك كده لاني فعلا حسيت انك قريبة مني جدا كل اللي حاقدر اقوله ان سأدعو لك الله ان يرزقك ويرزقني بالزوج الصالح التقي ويدخل السرور على قلبك كما ادخلتيه على قلبي في هذه الليلة

Anonymous said...

انتي كام كيلو؟
اصلك تقيلة اوي في الكتابة

Anonymous said...

انا اول مرة ادخل مدونتك
بس بصراحه روعه
انت فنانه
بس وانا بقرا كلامك حسيت ان دنيتنا دي غريبه اوي
فيه بنات كتير نفسها تتجوز و ترتبط
وفي نفس الوقت فيه برضه شباب كتير نفسهم برضه يرتبطوا يتجوزوا
طب ليه احنا مش شايفين بعض
عارفه
انا كل احلامي اني الاقي واحده ...واحده بس
بس مش عارف ليه البنات بيعدوا عليه كِأني مش موجود
رغم اني والله شكلي معقول و صيدلي زيك و مش يضايق حد ابدا
مش عارف ايه اللي هيحصل
انا علي طول هفضل كدهِ؟
مش لازم تنشري تعليقي
بس ردي عليه
هو ليه فيه مشكله ؟؟
ليه؟ِ؟

Anonymous said...

السلام عليكم ورحمة الله
فى الحقيقة أنا من ساعة ما عرفت بالمدونة دى (ودا من فترة قصيرة جدا)وأنا بدأت أحاول أقرأ فيها وأتابع قصص برايد وقصص البنات اللى برايد بتنشر قصصهم وبصراحة فعلا متأثرة جدا باللى بيحصل فى بيوت بنات الناس (ربنا يرحمنا برحمته) اعذرونى لأن دمى مش خفيف زى برايد فى الكتابة ولا زى كتير من اللى بتنشر قصصهم لكن أنا هدفى أصلا من الكتابة هو بعض النصايح اللى لعلها يكون فيها نفع ليكم لأن فعلا نفسى ربنا يكرمكم وكل البنات بالزوج الصالح وأول اقتراح ومش عارفة اذا كنتم جربتوه ولا لآ أو برايد جربته ولا لأ أو أى حد منكم وهو : ليه مجربتوش اللجوء للإنترنت ؟!! قصدى يعنى مواقع الزواج على الإنترنت، أنا عندى سبعة وعشرين سنة ومتجوزة ولله الحمد من زوج بحبه وأحسبه صالح وعندى بنت عمرها سنة ولله الحمد وكنت فى يوم من الأيام زيكم بالضبط لحد ما فكرت أجرب مواقع الزواج على الإنترنت ومنها ربنا رزقنى بعد محاولات قليلة جدا ولله الحمد بالزوج الصالح المتدين الطيب اللى يناسبنى اجتماعيا وماديا وفى كل شىء تقريبا ومش بس كدا انما أختى بئه الكبيرة كانت عدت الثلاثين سنة فبعدها قالت تجرب هى كمان وفعلا بعد بردو محاولات مش كتيرة ربنا رزقها بالزوج اللى تتمناه ولسه ما شاء الله جايبه بنوته جميلة امبارح ، ومش بس كدا انما أخو جوزها كمان اتجوز عن طريق الإنترنت وكمان ابن عمة جوزى وعشان مطولش عليكم ناس كتير نعرفهم وأهم نصيحة هو انكم تعرفوا ان كل دى اسباب وان الأصل هو صدق اللجوء الى الله عز وجل وانكم تعرفوا كمان أن ما عند الله لا ينال الا بطاعته ومضطرة أنهى الكلام عشان البنت بتعيط وان شاء الله لى عودة