لقد...نزل...علينا...الخبر....كالصااااااااااااعقة
البت السهنة ..ولا تقول و لاحسينا بيها..و لاسمعنالها لا حس و لاخبر..قال ايه نسيبها يوم نيجي التاني نلاقيها دخلالنا و واقفة في وسط الصيدلية و هووب رفعتلنا ايديها اليمين و الدبلة بتلمع فيها
مش تباركولي يا جماعة انا اتخطبت
الصيدلية اللي كانت في حالة حركة فجأة كل حاجة فيها وقفت في مكانها زي ماتكون بتتفرج على شريط فيديو و هنج فجاة عشان الهيد عايز يتمسح..كل حاجة وقفت حتى المرضى على الشباك وقفوا و بحلقوا و هما مش فاهمين" كأنهم بيقولوا"الجماعة دول ممكن حد فيهم يتخطب بجد"؟؟؟" شوية و الكل لفلها ببطء و عينيهم مبرقة و البت رجعت خطوتين لورا استعدادا للجري ..و فجأة انطلقت زغروتة مدوية كان مصدرها -طبعا- مدام سندس..ماهي مش خسرانة حاجة... و بعد ماانطلقت مدام سندس و خدت البت بالحضن و احنا بصينا لبعض على أساسا ان منظرنا هيبقى مش لطشيف لو مارحناش و هنيناها دلوقت..راحت كل واحدة فينا مطلعة من شنطتها الإبتسامة اللي شايلاها للمناسبات اللي زي دي-حلوة الحتة دي مش دي الإستعارة المكنية بتاعت النحو زمان؟-و الكل راح و هو عاصر على نفسه 12 كيلو لمون عشان نهني و نبارك بالمناسبة السعيدة..قال سعيدة قال
و البت عماله كل شوية ترفعلنا ايديها في وشنا كأنها نفسها تحط صابعها في عيننا..خلاص خلاص شفنا يا امي خلاص ..مش كده يعني مانتيش اول واحدة تتخطبي
طبعا بعد موجة التهاني اللي جاية من..القلب طبعا..عدى اليوم و كأننا في فيلم من أفلام الزميل الراحل شارلي شابلين..فيلم صاااامت مافيش غير نهى عماله توشوش مدام سندس و يضحكوا و يرجعوا يتوشوشوا و يضحكوا..آه ماهم خلاص هما الإتنين مرتبطشين زي بعض و كل واحدة ليها راجل
..بقية الصيدلية بأه..أجاركم الله..البت سماح كل شوية تقوم تقف في الشباك نقولها مالك ترد علينا
مخنوقة ..مخنوقة مش عارفة آخد نفسي
البت نيفين -ولأول مرة في تاريخ وزارة الصحة-تتعاطف مع المرضى و تكلهم بالراحة..تقريبا قالت يمكن دعاوي المرضى اللي بيدعوها عليها لما بترمي العلاج في وشهم تكون هي السبب في وقف حالها فقالت تغير الخطة و تخليها 4-2-4 يمكن ربنا يفك النحس
البت سمر بأه هي اللي قلقتنا قوي كل شوية تروح ناحية علبة سم الفران اللي في المخزن و تبصلها بصات غريبة كده و ده اللي خلانا طول اليوم مراقبينها و عمالين نبعدها عن أي كوباية شاي بتاعتها أو بتاعة نهى و ما ارتحناش غير لما بعدت عن السم و راحت تلعب بالمقص..المقص سهل ..هتعور حاجة هنقدر نلمها ..لكن سم الفران ده نعمل فيه ايه؟
أنا عن نفسي كنت فرحانة...آه فرحانة فيه حاجة؟؟...البت صحيح سهنة و غلاوية و سماوية و خبيثة ..بس زميلة كفاح يعني.
.و صحيح انا بقيت باعتبر أي حالة خطوبة او جواز على سطح كوكب الأرض إهانة شخصية في حقي..بس خلاص بأه يمكن تكون اول الطابور و الكل يكر وراها.
.وصحيح احنا قلنا كده لما مدام سندس اتجوزت من 4 سنين..لكن يمكن كل 4 سنين واحدة..بالمعدل ده هنحتاااااج
"4*13"
يعني.... 52 سنة على مانخلص لستة البنات اللي في الصيدلية ..لكن برضه أهو يبقى فيه أمل
عدى اليوم اللي كان اطول يوم في تاريخ البشرية و كل شوية ترميلنا فيه معلومة.
.أصل حسام..ده يبقى اسم المأسوف على شبابه
أصل في المستشفى بتاعته..يعني دكتور
أصل مامته الله يرحمها..و كمان مالكيش حماة ..يابنت المحظوظة
و فجاة في آخر اليوم تلتفتلنا بكل بجاحة قال و تقولنا
عن إذنكوا بأه يا جماعة أصل حسام هيجي يوصلني بالعربية بتاعته
...كام نظرة من تحت لتحت على 3-4 أصوات لمصمصة شفايف انطلقت من انحاء الصيدلية و راحت مكملة الجملة
ماتيجي يا مدام سندس نوصلك في سكتنا
طبعا ماهي دي المضمونة بقيتنا خطر على المحروس...الصراحة عندها حق أنا لو كنت أخدت خبر بالموضوع كنت بعته
بني غازي يروح يتجوز اخت مرات أيمن..الله يمسيك بالخير يا أيمن ويرجعك لأهلك بالسلامه
نزلت الهانم جري واحنا وراها بنتدألج ع لسلم و بنوقع كل حاجة في طريقنا المرضى و الموظفين حتى الشجر البلاستيك اللي قدام أوضة المدير ..عشان نلحق نتفرج ع المحروس و على عربيته
الواد مش وحش ..شغال يعني..هو صحيح رفع القلم الرصاص و كل شوية يلحق البنطلون قبل مايقع منه و ودانة واضح انهم واخدين موقف شخصي من بعض أو محترمين دماغه جدا لدرجة انهم واقفين الوقفة السودة دي..لكن خلقت ربنا يعني
صحيح لابس نضارة كعب شفشق مش كعب كوباية و كبيرة لدرجة انها مش بس بتعالج نظرة دي أكيد كمان بتعالج حواجبة و خدوده
لكن راجل ..هو حد لاقي رجالة محترمة اليومين دول
العربية صحيح مش عربية 16-اللي هي 4*4 بس انا باحب أختصر-لكن عربية فخمة برضه 128 حمرا موديل 79..و البنت قعدت جنبه في العربية ولا كإنها قاعدة جنب ابن رئيس مراجيح مولد النبي و بصتلنا بصه كلها غل و تشفي و مدام سندس ركبت وراها..الهي يشوفك الباشمهندس الشافعي و يطين عيشتك يا رب
أما روحت البيت و حكيت لماما بصت للتليفون و هي بتفكر و مدت إيديها و بدأت تطلب في رقم أنا حافظاه كويس قوي..رقم طنط حشرية
مديت ايدي و وقفتها قبل ماتكمل و بصينا في عينين بعض و انا باقولها بعمق و تأثر
لا يا ماما...لأ.. لسه ماوصلتش للدرجة دي
و بعدين مديت إيدي على نوتة التليفونات
هو.. أونكل ديسكو نمرته كام؟؟
______________________________________________________________
ملاحيظ ع الماشي
جبت جريدة الدستور الإسبوع اللي فات و ابتديت أقرا في صفحة المدونات.. ألاقيلكم خبر منشور عن فوز مدونة "الجزيرة توك" بجايزة البوبز لأفضل مدونة عربية في المسابقة السنوية اللي بتقيمها إذاعة "دويتش فيله" الألمانية..عادي يعني مافيهاش حاجة..بقية الخبر بأه بيقول و قد فازت المدونة دي بأكبر عدد من الأصوات من بين المدونات العشرة التي وصلت للمرحلة النهائية و هي كذا و كذا و كذا و عايزة اتجوز ..
وانا ولا اعرف أي حاجة عن الموضوع ده..دخلت على موقع المسابقة و لقيت فعلا المدونة من ضمن العشرة في المرحلة النهائية..طب حد يقوللي..يعبرني... ألم العيلة و نروح نصوتلنا صوتين في الموقع كده.مش عشاني..عشان مصر..ماعلينا خيرها في غيرها يمكن السنة الجاية حد يعبرني و يقوللي و مافضلش كده على طول..خيخة و آخر من تعلم
شكر خاص للزميلة شيماء الجيزي اللي كانت السبب الرئيسي في استضافتي في حلقة "صوت مدون" على إذاعة إسلام أون لاين" و شكر تاني للأستاذ باسل و الأستاذ أحمد..الحلقة هناك على الموقع للي عايز يسمعها.....اللي في الحلقة دي "غادة" مش برايد..حتى هتلاقوها عاقلة و هادية كده و خنيقة حبتين..اللي مالوش مزاج يسمع غادة و تبوظله صورة برايد اللي في خياله مايروحش...أنا قلت اهه و حذرت و قد أعذر من بنجر
باعتذر عن التاخير في الرد على تعليقات التدوينة الأخيرة و نشر التدوينة الجديدة..أنا أصلي مشغولة دلوقتي في كورس كده يمكن في يوم أبقى أحكيلكم عليه....باشغل وقتي حبه...فاضية بأه أعمل ايه؟
75 comments:
اولا انا مبسوووطة اني اول واحدة ترد عليكي و ز علانة موووووت عشان م بتدخليش عالميل و ما شفتكيش غير مرة واحدة و بخصوص البت نهى اللي اتخطبت فهيكون ايه غير راجل مش ملاك يعني
و الله بكرة تندم و مش بعيد تحسدك
ما تتخدعيش في المناظر
الا قوليلي صحيح كورس ايه ده اللي بتاخديه اصل انا صيدلانية بردو و فاضياا
عقبالك يابرايد وبجد برايد وغاده الاتنين احلى من بعض
ربنا يوفقك ومبروك على فوزك وكونك من اجمد عشر مدونات
وفى انتظار بوستاتك الجامد
تحياتى
طب وربنا صوتلك!
والله مصوتلك..بس نعمل ايه بقى..نصيب :D
الله يبارك للبت نهى رغم ان الحركة اللي عملتها بايخة جدا..
تنخطب وما تقولش غير اما الموضوع ينتهي.. بكره البنات اللي يعملوا كده اوووووووووي
يعني صديقتك وقت ما تكون متضايقة ومخنوقة وعاوزة تفضفض وتطلع اللي جواها بس اول ما ربنا يفرجها ما تعرفكيش..
الله يسامحها بقى..
وعقبالنا
3o2balek ya Ghada ... teb2y "Bride" :))
بالنسبه لنهي
معلش هما الوحشين كده
بيتاخدوا الاول
علشان يحلو بقه
نصيبك جاي وتلاقيه حدق بـحد وهايحلي بيكي
ان شاء الله
ربنا معاكي
بس سبحان الله
يعني انتي مستعجله الجواز وكده يعني
وانا مش عايز خاااااالص
بس عايز احب عادي
يعني من طرف واحد
تقولي ايه بقه
بحب العذاب
انتى غلطانة
ايوة طبعا غلطانة
والغلط راكبك من ساسك لراسك ومن فوقك لتحتك
شوفى شغلانة تانية تكونى فيها انتى اللى فى الصيدلية لوحدك
وبكدة تضمنى ان اقصى مدة هتقضيها فى العزوبية اربع سنين مع الشغل
ويمكن كمان تخرجى فى نص المدة
وفقكم الله
تحياتى
ابقى نورينا
ههههههههههه
سمعت الحلقة على فكرة وقلت مين البت العاقلة دى هههههههه
لا الحلقة جامدة الصراحة ما شاء الله عليكى .. اما نهى دى بقا فربنا يسااااااااامحها
ربنا يكرمك ويرزقك الخير يا برايد واجى البوست الجاي الاقيكى بتقولى انا اتخطبببببببببت وبقيت برايد ياجدعااااااان
واحنا نزززززززززززغرط وهييييييييه
ههههههههههههههههههه
تعالوا زرورنا .. باي باييي
:D
hello sweet lady, U deserve the better ...so Ur turn is coming with an exceptional man..as u r so talented and deserve what is better
.I have a suggestion
how about2nd Marriage will not that solve such Problem...I talk seriously...2 discuss it
best regardes
فقدت الانسانية و الجمال فتاتن
الله العالم بظروفها
و رجلا خطب ودها والله العالم بوده لها
و الله اعلم حياتهم هتكون اسعد ولا هيتمنوا يرجعوا كام خطوة ورا
عموما بالتوفيق لكل العرسان
الزواج افشل نظام اجتماعي في مصر و سبب كل البلايا الاجتماعية في البلد لانه بيتم قضا واجب موش
جواز
موش حياة جديدة
موش مشاركة
اللي جاهز يشيل
ولا حب و لا دياوله
ربنا لا ترزقنا الزواج الا بمن ارتضيت لنا راحة و سكينة و عونا على الحياة و على طاعتك
ههههههههههههههههههههه
معلش يا برايد هي الناس اللئيمه السهنه والسوسه دى هي اللي بتنفع اليومين دول وتلاقيها ماشيه على سيستم داري على شمعتك تئيد
ماهي عارفه القر بتاعكم وكانت بتقر معاكم قبل كده
واللي اتلسع من أيمن ينفخ في حسام
ههههههههههههههه
بس بجد بجد طلعت ناصحه
وبعدين انتي عارفه رأينا مسبقاً مش كعب الشفشق اللي هيمنع الجوازه ولا طبعاً البنطلون اللي بيقع
وماله يعني لقلم الرصاص ولا عود الكبريت حتى هو حد لاقيهم اليومين دول
ده حتى الصنف شاحح من السوق اليومين دول
الازواج في مصر...........قمة الرومانسية !!!!!
العشاء الرومانسي
في الأفلام العربي والأجنبي على السواء نجد جملة 'أنا عازمك النهاردة على العشا'
كما تكثر المشاهد التي نجد فيها الزوجين في حالة حب أو خناق في مطعم وهم يتناقشون،
ولكن في الزواج لن تأكل مطلقا مع شريكتك خارج المنزل إلا لسد الجوع بعد عدة مشاوير طويلة
أي أنك لن تخطط مطلقا لهذه الخروجة وهي لن تفكر في أن تقترحها عليك،
فستكون كل أكلاتكما في الخارج عبارة عن كشري أو كنتاكي
ولكن انسى المطاعم الفاخرة أو على الأقل المطاعم العادية والرومانسية التي تمتلئ بالمخطوبين والعشاق
وتخلو تماما من المتزوجين
المصايف
الرجل ينبهر بهذا الممثل الأجنبي الذي يحتضن زوجته على الشاطئ وهي ترتدي مايوه قطعتين
ثم يرتميا سويا على الرمال ويتدحرجا إلى أن يصلا إلى البحر
ثم يعودا ويتدحرجا بالعكس على الرمال على الشاطئ الهادئ الخالي من أي بني آدم،
ولذلك يحلم الرجل بأن يكون هو هذا الممثل صاحب العضلات والذي يرتدي البوكسر
وأن تكون معه هذه الفتاة الرشيقة الجميلة التي ترتدي هذا الكاش مايوه وتضع 'صن بلوك' على يديها،
ولكن في الزواج يا عزيزي انسى كل هذه الخيالات تماما،
فسوف تذهب إلى شاطئ يعج بآلاف المواطنين الذين يبحلقون لأي دراع معدي أمامهم،
كما أنك لن تأخذ راحتك معها لأنها مشغولة بإعداد الساندويتشات وكأنها في الجونينة يوم شم النسيم،
بالإضافة إلى أن الكرش الذي سيظهر لك بسبب أكلاتها سيمنعك من ارتداء البوكسر،
فضلا عن أنها سوف تتحول إلى كائن غير متناسق التضاريس
يجبرها على ألا ترتدي الاختراع الذي يسمى كاش مايوه
وستكتفي بجلابية مليئة بالتطريز إذا كانت حالتها مستعصية،
أو ترتدي بنطلون برمودا ضيق إذا كانت روشة طحن ومعه شبشب بلاستيك بصباع
وعادة ما يكون بمبي أو لبني وستجلس على كرسي صغير على الرمل أمام البحر مباشرة
وتدلدل رجليها وترفعهما مع كل موجة ببلاهة غريبة وستكون في قمة السعادة ثم تلف وتنظر لك وتقول
' المية حلوة قوي النهاردة .. تعالى خد شاندوشت بلوبيف'
كل هذا وأنت جالس خلفها على الكرسي الأخضر الكبير تحت الشمسية وتنظر لها من فوق الجورنال
وتتحسر على الكاش مايوه والكرة الشاطئية لأن الوضع أصبح حلل محشي وطاولة وجلابية.
زوجته في المطبخ
يستيقظ الرجل صباحا على السرير الأبيض النظيف وشعاع الشمس ضارب في عينيه،
ويمسح وجهه بيده استعدادا للفوقان ثم ينزل من على السرير وهو يرتدي التي شيرت البادي الأبيض
مع شورت كاروه قصير ويبحث عن زوجته ليجدها في المطبخ تجهز التوست والجبن المطبوخ
وترتدي فقط تيشيرت أبيض طويل يصل حتى فوق الركبة بعشرين سنتيميتر وترتدي فوقه
مريلة مطبخ ربما أطول من التيشيرت الأبيض من الأمام ثم يقف الرجل خلفها مباشرة ويقبلها
ويرمي نفسه على الكرسي المجاور لترابيزة المطبخ ليصنع الكابتشينو حتى يصحصح.
كل هذا بالطبع لا يحدث في الواقع، ولكن يحدث فقط في الأفلام والمسلسلات الأجنبية
التي يتربى عليها الرجل ويعتقد أنه فور زواجه سيفعل ذلك وستكون زوجته على هذه الشاكلة،
ولكن الصورة الواقعية ستختلف تماما عن الصورة السابقة،
فسوف يستيقظ الرجل من تحت اللحاف المشجر ويجد الحجرة ضلمة كحل لا داخلها شمس ولانور
لأن زوجته مقفلة الشبابيك عشان محدش يجيله نزلة برد رغم أن نزلة البرد مكمكمة في المنزل
ونفسها تلاقي باب شباك اتفتح عشان تخرج منه،
ثم يمسك الرجل أنفه بسبب ريحه البصل وغلي اللحمة وهبو المطبخ
ثم ينزل من على السرير وهو يرتدي ترينج التوحيد والنور ليذهب إلى زوجته في المطبخ
لتنظر له نظرة الضحية للذئب البشري وكأنه السبب في العيشة الضنك،
ثم تحدف له الفوطة المتسخة المصرية الشهيرة وتقول له ارفع اللحمة من ع النار
فهي تجهز طعام الغداء منذ الصباح،
وبالطبع كل ذلك وهي ترتدي جلابية وتحتها بنطلون وتيشيرت هاي كول صوف .
Valentin's' day
في عيد الحب نجد الفتاة في شاشات السينما والتليفزيون تقبل شريكها وتهمس له في أذنه كلام لا نسمعه
ولكننا نفهمه، ولذلك يتمنى كل رجل أن يحدث له مثلما حدث لهذا الرجل لأنه ليس أقل منه شأنا .
ولكن بصراحة كدة هل فيه واحدة ممكن تدلع على الرجل بهذا الشكل وتداعبه وتهمس في أذنه،
انسى طبعا، وتخيل بقى إن الراجل يبقى عارف كل الحاجات دي وكاتم في قلبه وبالتأكيد استحالة يقولها
فهي ساعتها ستنظر له نظرة احتقار أو استخفاف وتقول في سرها 'الراجل اتهبل ولا إيه'.
وحشتيني جدا وانا حبيت غادة قبل ما اسمع صوتها ولما سمعته حبيتها اكتر
بالنسبة لموضوع نهى ربنا يهنيهم ببعض لو هو ده الخير ليهم
لو نهى بنت بالوصف اللي وصفتيه يبقى عريسها على نفس شاكلتها : الطيور على اشكالها تقع
بس بصراحة كل البنات بتداري دلوقتي يا غادة عشان ما توقفش المراكب السايرة ما نبقاش احنا اللي طيبين ونبعبر بكل حاجة
ربنا يعينك انت وصحابك في الصيدلية على عوجة البنت اللي اتخطبت وعايزة تغيظ اللي حواليها ربنا يشفي بجد كل البنات اللي زيها
السلام عليكم ورحمة الله وبركاته
ماحدش قالنا ليه واحنا كنا رحنا رقعنا لنا كام صوت كده علي الماشي
عموما مش مشكله النه الجايه ان شاء الله نروحي من بدري ونعد نصوت لحد ما صوتنا ينبح
:-D
مبروووووك
واحده هتجوز اهيا
عقبالكو كلكو كده وتلاقو عريس
واول الغيث قطرة
وسلاااااام
عقبالك يا غادة
وما تزعليش .. بنات كتير بتخبى لغاية أخر لحظة .. الموضوع ده بيحصل كتير جدااااا
المفروض احنا كمان نتعلم بقى :)
كل واحد بياخد نصيبه فى الوقت اللى كاتبه ربنا .. فمتقلقيش نصيبك جاى جاى وان شاء الله يكون الخير اللى بتتمنيه و يعوض صبرك
على فكرة انا سمعت البرمامج و أكد لى فكرتى عن غادة :) اللى هى مختلفة كتير جداً عن برايد و اسلوبها الساخر
اتمنى كل التوفيق لغادة و لبرايد
طيب سؤال ..
هل فعلا اليومين دول الشباب يدورون على الشكل .. وتقريب بس !
واشمعنى لما البس حلو وميك اب وبتاع .. الستات هما اللى يقولوا لى ايوااا .. انتى كده اكيد حتتجوزى قريب ان شاء الله
(صاحبتك اكبر منك بأربع سنين) الحمد لله انى مش مصرية ولا كنت على رأيك فى حكم المعدومين
:)
(just kidding)
ولو انى الصراحة حاسة انى ابتديت اتقبل فكرة انى ربما ربما يعنى .. راح اظل وحيدة
...
لا تنسى الله يخليكى .. قولى لنا عن اهمية الشكل والمنظر
اوه صح نسيت !
طبعا ما فيه داعى اقول انى اصلا زى القمر ومتعملة ومش عارف ايه
ولكن اقصد هل فعلا البنات بتوع الميك اب هما اللى يمشوا-يتأهلوا- اكثر ؟؟
هو دا شغل البنات
بقى تتخطب من غير ما تلمح قبل كدا
يلا دى بنت زينا ومسيرنا برده للدبله زيها
الف مبروك لنهى
و عقبالك يا برايد وتبقى تنزلى مغامرات خطيبك
ان شاء الله
يارب نشوف عروسه يا برايد والدبله منورة يداك ونزغرط للصبح
ومنتظرين البوست الجديدتكملى عاوزين نعرف حكايه التاسع
لا اله الا الله
محمد رسول الله
يا خبر
مش كنتى تقولى يا غادة انك من المحلة
دا احنا طلعنا جيران
كنت بعتلك مليون عريس
عموما ربنا يوفقك وتتجوزى زى نهى
برايد اصلاَ لا بتقرا التعليقات هنا ولا بترد على اى حد
شكلها نفسها كبرت شوية من اللى اتنشر فى الدستور ومن قائمة الودتشى فيله
ربنا يعلينا و يوطى نفوسنا
مدونتك حلوة جدا بس تجهالك لنبض الناس ، بيعطى مردود وحش زى الحقن الى بتدوها للناس فى الاجزاخانة بالظبط
تصحيح: تجاهللك*
بجد انا داخله اشكرك انك خلتينى اضحك وصوتى طلع وفى البيت افتكرونى اتجننت
بجد ماشء الله عليكى صورتى الحاله اللى بتحصلنا لما نسمع خبر خطوبه هنا ولا هنا
ربنا يصبرك كل يوم هاتشوفى نهى دى قدامك
بجد بجد بجد
انتي عسسسسسسسسسسسسسسل
انا بموت فيكي و في مدونتك الجميلة دي
و يارب يارب
يرزقني و يرزقك و يرزق بنات المسلمين بازواج صالحين
يكونوا
نعم العبد لله
و نعم الزوج لينا
يارب يا غادة
Mermaid
:)))))
معلش يا برايد
ان شاء الله نهى تتخطب وتجيب الخير وراها
وبعدين بينى وبينك ضل حيطة ولا ضل راجل
بوست جامد جدا جدا
فى انتظار الاخبار الاجمد والاجمد
اول تعليق ومش اول زيارة
بجد يا برايد انتى دماغك جامدة جدا
انا كل ما اقرا بوست ليكي مش بعرف امسك نفسي من الضحك
بس البوست ده كان نفسي انتى اللي تكونى مكان نهى بس اكيد ان شاء الله هى هتجركم وراها على طول
بس معقولة كده
هي الحتة اللي انتى ساكنه فيها مفيهاش حد بيفهم ولا ايه
انا مستعد اوردلهم نضارات نظر على حسابى
ومبروك على الانجازات الجامده دى يا غادة
تحياتى
شاب مصري مفروس
اعزب,طويل القامة,وسيم,يشارك في الاثاث ويقدس الحياة الزوجية
(:
bema eni 2a7ad el mafrousat men tafkir el mogtama3 3an el gawaz,, a7eb asharek be :
امسك عريس امسك عريس
حاجة تجنن، واقع يغيظ
أمى خلاص هتجيب البوليس
عايزانى أتجوز عايزة عريس
يا بنتى هتتمى سبعة و عشرين
ده وأنا فى عمرك كان أخوكى سنتين
سبنالك أهه مهلة يومين
وأنا معايا فى جيبى عريسين
و موضوع العرسان زيه زي زمان
نعدى ألفية أولى و تانية كمان
يفضل الجواز خطة لبنت الانسان
من غيره تبقى غريبة و بتتحدى الأكوان
واللى يضحك اتفرج على الجوازات
أغلبها عك و كلها خناقات
و باضحك موووت من كلام الستات
توز فى الراجل ، الخلفة هى الانجازات
وللأسف دى ثقافة المجتمع
جوه عقل البنات ده شوك و اتزرع
ليه بدل ما نركز على النمو و العمل
حطينا الايد على الخد و استنينا العدل
باصدق أن الحب هيلقانى فى الطريق
وبدون تخطيط ، هأقابل أحلى رفيق
ودى نعمة ، من غيرها أنا برضة كاملة
الحب حولينا مش بس فى قصة واحدة
الف مبروك الاختيار
والحقيقة تستحقيها
عليكى خفة دم لاتوصف
تقبلى تحياتى
مبروك على الترشيح وفعلا مدونتك تستاهل
دمها خفيف وسهلة الهضم
ومتقلقيش كلنا هانجوز في يوم من الايام
laraبجدانت قولتي كل اللي كنت عايزاقوله عن الحاجات اللي نفسي اعملهامع الست اللي هتجوزها واللي مش هلاقيها طبعا مع زوجة المستقبل المصرية القادمة ياريت الستات تسمع منك وتحاول تكون زي البنت الأجنبية اللي بيحلم بيها اي شاب وبلاش بقي كلمة يعني هو انت زي الرجالة الاجانب
لآن بجد لو الراجل لآقي الست اللي معاه زي البنات اللي لارا بتحكي عنهم اكيد هو كمان هيموت نفسه علشان يكون زي الرجالة دول
amany
على رأيك..و على رأي المثل اللي خدته نهى تاخده برايد
بالنسبة للشات مش عارفة ليه ماباستظرفوش أنا باحب الميل أكتر
الكورسات كتير يابنتي و انا ولله الحمد عمري ما اخدت كورس له علاقة بالصيدلة
------------------
only spot
شكرا ليك ولو اني كنت على وشك اني ماعرفش خالص كوضوع احسن عشر مدونات دي
ربنا ستر
-----------------
إرحم دماغك
طب كنت قوللي أنا أساسا ماعرفش ان فيه تصويت و لا أي حاجة
كنت عملت بانر حلو كده في المدونة
صوتوا لبرايد من اجل مستقبل أفضل
صوتوا لبرايد من أجل التمثيل المشرف
صوتوا لبرايد من أجل مترو الأنفاق حتى
ياللا يمكن السنة القادمة بإذن الله
------------------
bride zone
بيقولوها هنا في مصر
في حزنكم مدعية و في فرحكم منسية
-----------------
epitaph
يااارب
-----------------
حواديت و حكاوي
معلش مانا مقدرة ان أبيه حسام ده نظره ضعيف
مانا شفت نضارته فعذرته
الله ينفع ماطلع أغنية
و في موضوعانك غاوي عذاب ده
ربنا يوفقك
--------------------
الطائر الحزين
و الله حاولت
فكركوا دي اول صيدليه أشتغل فيها
دانا لفيت مستشفيات الوزارة كلها
الوضع هو هو في كل مكان
بس بيقولوا السلوم فيها فرصة أكبر شوية
يمكن أبقى أروح أشوف
--------------------
إنسانة
آه شفتي العقل..مش عارفة ساعات تجيني حالات غريبة أبقى عاقلة كده
بس ماتقلقيش
بتعالج
--------------------
a dreamer with feet on the floor
لا يمكن أتخيل نفسي زوجة تانية
مع إحترامي للشرع و الدين
على رأي سامية جمال في الأبيض و الإسود
أنا زي الفريك ماحبش شريك
--------------------
ملك الكبده
يا سلااااام انا باحب جدا الناس بتوع نص الكوباية الفاضي دول
هي دي الحكمة بصحيح
جواز ايه و بتاع ايه واللي اتجوزوا كانوا خدوا ايه؟
على رأيك
ممكن لو سمحت سندوتش
cindrella
ده كده و هي لسه ماتعرفش حكاية ايمن
أمال لما تعرفها هتعمل ايه؟؟
بقوللك ايه مافيش كورسات الواحد يقدر ياخدها عشان يبقى سهن؟
هنفضل هبل كده على طول
-------------------
lara
يا عيني يل بنتي
ده انتي مفقوعة اكتر مني يا بنتي
بس نصيحة المقارنات دي مش هتفيد بشئ
دول حاجة ..واحنا..ولا حاجة
رومانسية ايه ي لارا انا نسيت الكلمة دي من زمان و بطلت أدور عليها
عايزين حد جدع كده مايبهدلناش و ايده في ايدينا في تربية العيال
و دمتم
--------------------
rania
و اله انتوا كلكم كمان بتوحشوني جدا..بس الظروف
أه و الأيام القادمة دي هي اللي انا شايلة همها
يا إما نهى تتعدل يا إما هسيب عليها سماح
--------------------
خمسة فضفضة
و الله ولا حد قاللي أنا شخصيا أساسا
بس هما يكرروها السنة الجاية و يؤشحوني و انا هاوريهم التصويت او الصويت
أيا كان
---------------------
fnan_geology
اول الغيث قطرة
قلناها أيام مدام سندس
تفتكر تصدق المرة دي؟؟
---------------------
pink unicorn
آه و الله ده الواحد طلع خيخة
اي خيال عريس و الواحد بيفضح الدنيا
موضوع غادة و برايد ده مبادئ فصام
شيزوفرينيا زي مابيسموها
---------------------
emanff
إجابة السؤال
طببببعا
انتي مش مصرية و عندك عادي و مافيش حكم إعدام بعد التلاتين
طب ماتشوفيلي عقد عندكم
---------------------
hamsa
مسيرنا برضه للدبله؟؟؟
تفتكري؟!
التاسع أكيد جاي
وانا هاروح من قضايا فين يعني؟؟
--------------------
mahmoud
احنا فيها
إبعت
---------------------
omar
الله يسامحك
رفقة عمر
اضحكي اضحكي
ماحدش واخد منها حاجة
كويس انك حاسة بينا
ربنا يصبرنا أجمعين
-------------------
mermaid
بجد بجد بجد
شكرررررررا
و يااارب يرزقنا أجمعين
-------------------
aya
تفتكري نهى يجي من وراها خير؟؟
!جايز
--------------------
شاب مصري مفروس
أهلا بيك في كل الحالات
ماما بتقوللي انتي دماغ و طالعلها بنت و هو ده اللي هيجيبلك الكافية
النضارات موجودة و الي بيبصوا كتير
بس فين اللي بيفهموا؟
--------------------
mira
وعجبي
جبتي المفيد يابنتي
--------------------
doha
الله يخليكي
ده بس من ذوقك و ذوقهم
--------------------
mask
في يوم من الأياااااام
الله يرحمك ياحُلُم
--------------------
anonymous
تفتكري
ما اعتقدش
ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه
ع فكره احنا كمان عندنا ف الكليه البنات بقت مضطربه وحاسين انهم داخلين دايرة الخطر
اينعم قدامهم تلات سنين علبال منتخرج والكليه ستراهم
ورايحين فين رايحين الكليه جايين فين جايين م الكليه
بس برده اول مابنت بتتخطب اوعى بتتقلب ميتنم ياعينى
لدرجة ان البنات بقت بتتخطب ومتلبش دبل خوفا م العين وخوفا ع العريس ليتخطف منها قبل متدبسه هى
تحياتى وربنا يرزقنا واياكم بالرجاله المحترمين
قولى امين
بوست جميل
ودمة زي العسل
ربنا يسعدك وتكيدي الاعادي ياوختي
يلا
سلام
السلام عليكم
ما شاء الله عليكي دمك زي العسل
وانا أحبكِ في الله
وسمعت الحلقة وانتي عسل فيها
ربنا يكرمك يارب ويرزقك الزوج الصالح الذي يسعدك في الدنيا والآخرة، ويكون عوناً لك على الطاعة .. اللهم آمين
أرق تحياتي
اولا احب اقولك انى اول مرة ادخل البلوج ده وبصراحة هايلة واسمها كمان مباغت وصادم بس بينى وبينك صريح . اصل انا بتخنق من البنت اللى تقولك مش عايزة اتجوز وخصوصا من ساعة ما اختى اتخطبت وانا بقول لو شفت اى بنت بتقول مش عايزة عريس هاخرم عنيها. اما باه بخصوص السهنة نهى ( نهى مين مش عارف بصراحة) فالف مبروك وربنا يكون فى عونك حسام . وانتو باه بطلوا حسد البنت هيحصلها حاجة. طب انا هاقترح عليكو اقتراح انا فى طب الازهر ومعندناش بنات ايه رايكو لو الدفعة كلها تعمل زيارة للصيدلية بتاعتكو ( هى مكانها فين صحيح) يمكن ربنا يسهل ولو اننا صحيح اصغر منكو ولو اننا برضه مش لاقيين ناكل بس البركة فيكو ولا احنا هنتجوز ونصرف كمان يا طماعين . انا عارف انك بتقولى هو مين الرغاى ده ما تخافيش مش هطول عليكى بس عايز اعرف هو مين اونكل ديسكو ده
مبرووووك لصاحبتك نهى
وعقبالك يا برايد
مش عارفة اقول ايه
كل ما أجى المدونة بتاعتك واقرأ موضوع من موضوعات أموت على نفسى من الضحك
خايفة أفضل أمدحك كتير بدل ما تزهقى منى
بجد انتى عسولة اوى
اول مره ادخل مدونتك بجد كلام كبير وجميل
هههههههههههههههه
عجبني قوي تعليق لابس نظاره قعر شفشق
وبالنسبه للحديث الاذعي
احسن حته لما المذيع بيقولك بالنسبه المكان وان الواحده ممكن تسيب المحافظه او المنطقه علشان يتجوز فى حته تانيه انتى رديتي بسرعه ده ممكن يسيب البلد
اهم حاجه فيكي انك بتحافظي على مضمون الرساله بتاعتك
"عايزه اتجوز"
تحياتي
مبارك لنهى زميلتك
لعلها تكون بداية
ومبروك كونك أحد العشرة المختار منهم الفائز في المسابقة
عزيزتى برايد
اولا ده اول رد لى من مصر انا فى اجازة وكانت رجلى هاتيجى ولكن الحمد لله قدرت اقنع والدتى انى مش مستعد دلوقتى ونأجل الكلام ده للاجازة الى جاية ان شاء الله عموما نرجع لنها
مبروك لها وعقبالك وانتى وبقيت زمايلك وعايزكم تطمنو فى هوجة جواز ماشية فى البلد يعنى انا نازل اجازة شهر حضرت فيه لحد دلوقتى اربع خطوبات منهم خطوبة اختى
على فكرة عايزكم نصفو قلوبكم كده من جوة وبلاش نفسنه علشان ربنا يكرمكم
انا باهظر طبعا اتمنى لك التوفيق ويارب امشى فى فرحك ولو حتى اونلاين قبل الاجازة ما تخلص
تحياتى
هاي يا جماعة ممكن تدخلو على المدونة دي "الرجالة عايزة إية وتقولو رأيكو"
http://whatmenwant-hope.blogspot.com/
يعنى إللى أتجوزوا خدوا أية
مفيش أحلى من أيام السرمة والفضاوة دى
بجد مدونة هايلة
أتمنى تزورينى
أنا لسة جديدة فى عالم التدوين
أول مرة أشوف المدونة
أكيد العيب فى
بس فيها ايه يعنى تتجوز دكتور كلهم مش لاقيين يأكلوا دلوقتى ربنا يكرمك كده ب "سباك" ولا صاحب مصنع سراميك يعيشك عيشة البرينسيسات
أصل كلمة عادل امام بتعت البلد ده بتاعت شهادات كان ماضى وانتهى
ممكن تباركي لنهي بالنيابه عني ؟؟
وعقبالك يا ست البنات
ما تزعليش مافيش حد بياخد أكتر من نصيبه طبعآ
وبكره نصيبك يجيلك لغايه عندك
تحياتي
يا برايد إن شاء الله ربنا يرزقك بزوج صالح يسعدك و يهنيك.
و مبروك على ترشيح الدويتش فيله و إنك من العشرة الأوائل
أما صراحتك فى وصف المشاعر أحييك عليها لأن الواحد تعب من كتر التمثيل اللى بنشوفه من الناس فى البلد دى.
ازيك يابرايد على فكرة دي أول مرة أزور فيها مدونتك هي أسمها شدني ودخلت عليها وطلعت عند حسن ظني موضوعاتك جميلة وموضوعك ده لذيذ وانتي كمان سرداه بطريقة لذيذة وشيقة فعلا في بنات كتيييييير دلوقتي بتتخطب وما تقولش الا بعد ما الخطوبة تحصل اصلهم بيخافوا من الحسد انتي عارفة البنات اللي مش مخطوبة ما خلوش للبنات المخطوبة حاجة بس أرجع واقول إن الخطوبة والجواز قسمة ونصيب وأحب اقول لكل البنات ما تخفوش ربنا هيكرمكم ان شاء الله وتتجوزوا ودايما يبقى عندنا يقين بالله هو سبحانه قال في كتابه العزيز"وفي السماء رزقكم وما توعدون" ربنا يكرم جميع البنات ان شاء الله واتمنى اني ما كونش تقيلة عليكي وانا مبسوطة جدا بمدونتك
مع حبي وتحياتي
أيوتة
كل واحد بياخد نصيبه
لكن بجد
الله ينور على السرد الجميل والواقعية الشديدة
تستاهلي تاخدي مركز في المركز الاولى في المسابقة بجد
دمت مبدعة
والله ضحكتينى من طريقتك فى كتابة الموضوع
ومبروك لنهى
وكل واحدة وواحد جايلهم نصيبهم أكيد وأكيد اللى جاى أحلى إن شاء الله
على فكرة حلقة برنامج صوت مدون كانت جميلة جدا
تحياتى لكى
I liked the radio interview a lot...
السلام عليكى أنا محمد ودى أول مرة أقرأ مدونتك وبصراحة انا لقيت خفة دم محصلتش بس برضة ان شاء اللة حتلاقى راجل تتجوزية وتنكدى علية عشتة,أصل رغم انى راجل الرجالة فى مصر عايزين أعادة تأهيل بقوا بريالة وعندهم أنفصام فى الشخصية وعايزين الى يضبطهم من تانى على فكرة انا مش مجوز ومش حجوز يلا باى .
انت تستهلى انك تكونى احسن عشر مدونات وربنا يوفقك فى حياتك بحب قوى روحك العاليه
تحياتى لك ولاء
كل سنة و حضرتك طيبة يا أستاذتنا
عندى سؤال عبيط شوية:
لو فيه شخص حضرتك مرتاحة له ليه ما تطلبيش منه إنك تتجوزيه؟ يعنى تتقدمى له بدل ما تستنى إنه يتقدم لك
جربى .. يمكن تنفع_ مراتى جربت الطريقة دى و نفعت- صحيح يمكن تكون هى ندمانة دلوقت بس أنا مبسوط
:)
واحد مكسوف
myselfعقباااااااااالك يا برايد
يااااارب
انا الصراحة عملت بلوج اسمه عاوز اتجوز
وبامانه هو مش تقليد انا اكتشفت مدونتك بعد ما عملته
http://3awez-2tgawez.blogspot.com/
و الله يا برايد انا فريت 3/4 المدونة و عجبني جدا بس عايزة اقولك حاجة مهمة اوي مش كل المتجوزين سعداء و حتي اللي سعداء فيه اللي بينكد عليهم حياتهم زي حماتها مثلا قولي بس الحمد لله و بربنا ان شاء الله حيكرمك بس المهم بكون راجل محترم و حطي تحتها الف خط و خط مش اي واحد و السلام و بعد كدة يطلع ظل الحيطة احسن ربنا يقدملك اللي فيه الخير
هههههههههههه
ياستى و اية المشكلة انها تتخطب او تتجوز
و اللة بكرة ربنا يرزقك باللى معاها 16
بس ساعتها متعمليش زيها مع اصحابك
وبلاش نظرات الحقد الطبقى دى
الهنا ما اعدلك
مليك كل من ملك
............
لبيك قد لبيت لك
لبيك ان الحمد لك
............
و الملك لا شريك لك
ما خاب عبد سالك
...................
انت له حيث سلك
لولاك يارب هلك
..................
لبيك ان الحمد لك
و الملك لا شريك لك
.....................
كل نبي و ملك
و كل من اهل لك
...................
و كل عبد سالك
سبح او لبي فلك
................
لبيك ان الحمد لك
و الملك لا شريك لك
...................
و الليل لما ان حلك
و السابحات في الفلك
.................
علي مجاري المنسلك
لبيك ان الحمد لك
.........................
و الملك لا شريك لك
يا خاطئا ما اغفلك
....................
اعمل و بادر اجلك
و اختم بخير عملك
...............
لبيك ان الحمد لك
و الملك لا شريك لك
....................
هذه القصيده لشاعر الخمريات الشهير ابو نواس، احببت ان اهديها لكم بمناسبة وقفة عرفات و عيد لاضحي المبارك، كل عام انتم بخير ،تقبل الله منا و منكم طيب القول و صالح العمل
.........................
كل سنة وانتم طيبين
كل عام وانتم بخير .. تقبل الله منا ومنكم. طهر الله قلبك وأزاح الله همك وغفر الله ذنبك وبارك الله عملك وفرج الله كربك وسدد الله رأيك .. عيد جميل
ألف مبروك
ولله فرحنا قوي
أنا رأى الله يسهلها وعموماً فى مثل يقول اللى خدته القرعه تاخدة أم الشعور و من غير اساءة وعلى دى أول مره أقرأ المدونه دى وأنا متكيف منها قوى
نسيت أقول انى مبسوط جداً من اللقاء فى الراديو بس مش مستريح للمزيع الروش شكله بينمر على حااااااااااجه
د/أجدع بنوته
آاااه فاكرة انا أيام الكلية دي
بس على ايامنا كانت كل واحدة بتجيب صورة المحروس و تقعد تذلنا بيها
شهرين قبل ماتتخطب و بعيدن لغاية آخر يوم في الدراسة
هيه
أياااام
----------------------------
my hope$
يا رب يا ختشي يا رب
---------------------------
قوت القلوب
الل يخليكي يا ذوق
وأنا كمان طبعا ياحبكم في الله
و شكرا على الدعوة الجميلة
و آاااامين
----------------------------
dr.a7med rabie3
أهلا بيك في مدونتي المتواضعة
و ان شاء الله تكون من الزبائن الدائمين للدكان
عايزة اتجوز دي بتقولها كل البنات يمكن من سن 12 سنة ..بس ماحدش بيقولها بصوت عالي
عشان تعرف مين نهى أنصحك بقراءة الخامس
و عشان تعرف مين أونكل ديسكو عليك بالسادس
كله في الأرشيف
-------------------------------
barbie girl
أنا لا يمممكن أزهق منك أبدا
حد يزهق لما يتمدح
الشيمة بس هي اللي تزهق
منوره البلوج و الله
--------------------------------
misrdream
و أنا أقول ايهالنور اللي في المدونة ده؟؟
مش فاهمه قوي موضوع مضمون الرسالة ده
بس عموما
شكرا
---------------------------------
وضاح
طب و ليه كده
و ايه اللي دخل مبارك في الموضوع
مش عايزين لبش في المدونة و حياتكم
و شكرا على التهنئة
مصري مغترب
مصر نورت بولادها الأوفياء
أنا لو منك ..لايمكن اعتبها..بس مابتهنش علينا برضه
و مش عايز رجلك تيجي ليه
يعني اللي مستنيه نصيبها معاك دي تفضل كده متعلقة
و بعدين فين هوجة الجواز دي؟؟؟
ماحدش بلغني يعني؟؟
----------------------------
anonymous
يا أهلا بالمعارك
----------------------------
مروة الزارع
على رأيك
مافيش أحلى من أيام السرمحة و الفضاوة
بس اللي هي ايه السرمحة دي حضرتك بالظبط؟؟
منورة البلوجسفير كله
---------------------------
funky doctor
منور المدونة و البلوجر كله
للأسف احنا من الفصيلة للي انقرضت بتاعت
ان فاتك الميري
اتمرغ في ترابه
--------------------------
ibfathy
الله يبارك فيك و فيها
أدينا مستنيين النصيب
يمكن يجي في القطر الجاي
---------------------------
dr.kafy
يااااااااارب
بتوع الدويتش فيله دول عملوا معايا واجب..بس لو كانوا كملوه و قالولي بس
المدونة دي "تمثيل فري" فاطمئن دايما هتلاقي الصراحة
-----------------------------
أيوتة
منورة المدونة
و الحدلله انها عند حسن ظنك
هي الصراحة ليها حق تخبي..بس احنا كمان لينا حق نتفرس
و دي بلد ديمقراطية و من حق كل انسان انه يطالب بحقه
تحياتي
صاحب المضيفة
الله يخليك
ده بس من ذوقك
تحياتي
--------------------------
bos bos
يا ستي ما فيش قدامنا غير الضحك
ماحدش واخد منها جاجة
بجد عجبتك الحلقة؟؟
كويس و الله ..كنت خايفة منها قوي
تحياتي
--------------------------
the eyewitness
thank you very much
---------------------------
الحشري
يا اهلا بالأصدقاء الجداد
النكد ده شئ حتمي و ضروري
فيه ناس مابتجيش غير بكده
و إطمئن..انا عندي خبرة كويسة في المجال ده
يعني ماتقلقش عليا
---------------------------
walaa
شكرا ليكي جدا يا ولاء
الكلام ده يسعدني أكتر من أي ترشيح
تحياتي
---------------------------
واحد مكسوف
حلوة قوي "حضرتك" دي
مانت عارف موقفي من الكلمة دي إيه
الشكلة ان مافيش حد انا مرتاحاله و لا عمري ارتحت لحد
يمكن أنا اللي براوية و الا حاجة؟؟...جايز
تحياتي للمدام
----------------------------
my self
ياااااااااااااااااااااااارب
ellithy
الميدان واسع
و فارس لفارس
هالم الشلة و نيجي نكسر..قصدي نبارك ع المدونة
:)
تحياتي
-----------------------------
hayati konbela zareya
عقبال ماتخلصي الربع الباقي
نقول ايه بأه ..ربنا خلق كل حاجة في الدنيا إلا الراحة
و الإنسان مايملاش عينه غير التراب
الرجالة المحترمة تقريبا راحوا في 73 ..ادعيلي ألاقي حد فاضل منه
-----------------------------
كفراوي
و الله أنا مش طمعانه في 16 ولا حاجة
كفاية
bmw
الفئة الخامسة أو حتى الرابعة و تلات تربع
انا متواضعة و هاجي على نفسي
---------------------------
ذو النون المصري
شكرا ع القصيدة
و
كل سنة و انت طيب
---------------------------
moodysalihamidzic
كل سنة و انت طيب
---------------------------
صريح أوي
و الله و احنا كمان فرحنا
بعيد الأضحى طبعا مش بحاجة تانية
----------------------------
groom
سعيدة أنا قوي بحكاية متكيف دي
ربنا يسهل لعبيده ..احنا برضه يهمنا عددنا ينقص واحدة
ع الأقل المنافسة تقل شوية
المذيع...أممممم
بس الغريبة ماكلمنيش في حاجة لغاية دلوقت
!!!!!!!!!
كل سنه وإنتي طيبه
ربنا يطول بعمرك يديمك ويديكي الصحه
والسنه الجايه يارب تكوني مع زوجك وكمان البيبي وتكون سنة خير وسعاده
كل عام وإنتي بخير
وعيدك مبارك
تحياتي
من الكويت
وليـــد
أنا من ساعة ما بفتح البلوجاية بتاعتك لحد ما بقفلها وانا بوقى مفتوح مش راضى يقفل
انا لو ولد كنت أتجوزتك عشان خفة دمك دى
وكنت أخليكى تفضلى تكتبيلى فى بوستات وانا أقرا..وبس.. مكنتش هبقى عايز منك أكتر من كدا
هههههههههههههه
يا عينى انتوا مغلولين منها اوى
على فكرة ده احساس طبيعي لكن بعد كده عادى ولا هيهمك يكش تولع
:D
واللــــه المدونة بتاعتك تحفـــــة ومغامراتـــك مسلية جدا زز ربنا يعدلهالك يا بنتى
يا برايدش يا اختشي اوعى حد يزعلك
بلا هم صحيح ... الجواز قسمة والشبراويشي .... قصدى قسمة ونصيب يعنى انتى حاتزعلى على ايه ... راجل راح رادل جه راجل عليه العوض... ما هو انا زيك برضه كدة ... كل اسبوع اشوف عروسة وكلهم باسم الله ماشاء الله عاجبيني بس تقولى ايه بقى مفيش نصيب دة انا حتى فى 3 شهور شفت بنات قد اللى اللى شوفتهم فى 3 سنين بس تقولى ايه بقى ... النصيب ولا راد لقضاءه سبحانه وتعالى ...انا بعد كل واحدة ما اروح اشوفها وبعد يومين تقول امى تقوللى مفيش نصيب اقولها احسن خالليها قاعدة جنب امها زى ما انا قاعد جنبك كدة ... بس كويس ان الواحد فينا بيشتغل والا كان زمانه مات من الكبت من زمان ... بالمناسبة انا مش متابع من زمان معاكوا بس عاوز اعرف الكتاب اسمه ايه وبيبتباع فين علشان اجيبه ... بقولك ايه .. بلا جواز بلا وجع دماغ اللى اتجوزا عملوا ايه يعنى ....
السلام عليكم
مبروك لنهي الخطوبة وعقبال الباقي
وتحياتي الطيبة
والله انا في حاجه بتغيظنى فعلا تلاقيها صحبتك ومواه ومواه وانتى حبيبتشي ياروحى ياحبيبة كبدى من جوه واول ماربنا ييسر تلاقيها اختفت وهوب ماتعرفكيش اي حاجه غير يوم ماتجيلك بالدبله بصراحه حركه اخر وحاشه وكل الصفات السيئه علي فكره بتحصل كتير وساعات من ناس انتى فكراهم قريبين منك قوى وناس عاديه وناس متدينه وناس مثقفه وناس متوسطه يعنى ثقافه نسويه عامه شئ مخجل بصراحه التفكير الرجاله يقولوا ايه ماصدقوا؟!!!!والله فعلا بتحصل كتير انا اخر مره حصلت معايا كانت انهارده ونبي لقيتهالك دخله علينا (وكان عندنا امتحان)وانا اتخطبت طبعا ماتساليش عملنا ايه ف الامتحان ولا ايه فيها بس بصراحه اي واحده بتعمل معايا الموقف ده وهي صحبتى الانتيخ او مقربه بنزلها طوالي لمرتبة الزماله او اقل كمان يلا خير وربنا يباركلهم يااختى (وش واحده هرياهم قر وحسد وكافة شئ)
قوه اشلونكم بس حاب اسئل اشوف المدونه تواريخها قديمه 2007 ليش ؟
ابي اعرف شنو صار معاج (-:
Post a Comment