يوووه..مش بيتنا احنا ..ماتقاطعوش...دي رنت في بيت العرايس و العرسان...اللي هو طبعا بيتنا...
رغم اني لسه مصدومة من خبر جواز أحمد عز الدخيلة من غير ماحد يقوللي انه بيدور على عروسة ..طيب مش كان حد قاللي دانا كنت نغنغتكوا و اديت لكل واحد منكم 10 -15 ربع جنيه مخروم تتشبرقوا بيهم ..ياللا مالكوش في الطيب نصيب... لكني هاقولكم اخبار حلوة قوي عن أحد أهم أعمدة بيت العرايس و العرسان..طبعا عرفتوه..الأستاذ حمادة..و رغم اني كنت حالفة ان لو حد بعت قاللي اتخطبت والا خطبت والا اتجوزت هابهدله..لكن الا الأستاذ حماده ..ده معزة خاصة و رفيق كفاح..خصوصا و اني انا شخصيا و بصفتي مؤسسة بيت العرايس و العرسان.. كنت أحد أسباب هذا الخبر السعيد.. ألف مبروك يا أستاذ حمادة..من قلبي و الله ..
و عقبااااااااااااااااااااالي
ياللا إجروا بسرعة على بيت العرايس و العرسان و اقروا
66 comments:
انا اول تعليق يا سلام يا برايد
انا فرحانة لانك كنت احد الاسباب القوية لزواج استاذ حماده وانا لسه مهنياه دلوقتي
ده يدينا الامل ان لسه في حب قوي ومحبين شرفاء ويارب يكرمك ويكرمنا ونفرح كلنا ان شاء الله
لك ثواب كبير من ربنا لان الله في عون العبد ما دام العبد في عون اخيه فاستبشري خيرا يا صديقتي في الكفاح
ربنا يكرمك يا برايد يارب ماعنديش غير كدة اقولو
يلا يا برايد
عئبال ما نفرح فيكي يا رب , الله يبعتلك ابن حلال يسعدك و يهنيكي ك(
Next Time, It would be your turn.
Amen
الف مبروك
انا روحت المدونة التانية وقريت الموضوع كله
والحمد لله انهم اخدو بعض
ربنا يهنيهم
والله كويس ان لسه فيه حاجات لطيفة بتحصل فى الدنيا
يووووه .... خلاص من غير كآبة
عقبالك يا غادة و عقبالنا
حلوة مدونتك اوى
أول مرة أشوفها وعرفه إيه اللى خلانى أدخلها
كنت بتسكع فالمدونات كعادتى فى الصباح ومش عرفه ليه مفيش مدونة دخلتها إلا ولقيت لينك مدونتك مكتوب فيها
فقلت لازم اشوف مين العبقرى دا
دا غير ان بجد اسم المدونة جميل ويشد اوى
ولما دخلت مندمتش مدونتك فعلا جميلة اوى وكلامك حلو
وهتلاقينى دايما موجودة ومتابعه بس متزهقيش انتى منى
سمية
انا كمان هعمل زيهم وهحط لينك مدونتى عندى فالمدونة عشان تستاهل بجد
ياريت تشرفينى فى مدونتى كمان احب أسمع رأيك فيها
http:\\wiy5dna-el3sh2.blogspot.com
Dreams can still possible 2 B achieved..
thx and Gratulations.
Dreams can still possible 2 B achieved..
thx and Gratulations.
3o2balek ya bride ....yalla 2olo ameeeeeeeeeeeeeeeeeeeeeeeeeeeeeeeeeeeeeeeen
sara
الف الف مبروووووووك
يا حماااااده
وحماده يلعب حماده ويكسب
حماده اهو من فقر الجواز هايطلع
انا سبت هناك كومنت
بس مكانش ينفع مرجعش واقولك الله عليكى
تفتكرى لو كتبت انا كمان
ممكن يقراها ويحس على دمه
ويرجع
تفتكرى؟
3o2bal keda lamma tegawezena kolena ya bride ya7'ty ya raaaaaaaaaaaaaaaaaaaaaaab
ألف مبروووووووك
وعقبال كل اللي يحبوا يتجوزوا يارب
أميــــــــــــــن
مبروووووووووووووك يا برايد
أول نجاح لكى فى انتشال حد من العزوبية
وعقبال بقيت الناس يارب وأولهم انتى
بخرة شير
قصدى بشرة خير
يا مهون
عزيزى الاستاذ حماده
بجد الف مبروك ياباشا ويارب ايامكم كلها تبثى عسل وعقبال برايد وان شاء الله الزغروته الجايه فى المودونه تطلع لها هى
تحياتى
حرام عليكي العنوان ده
انا كنت هطير من الفرحة
لحد ما قريت السطر الاولاني
مفيش زغاريد تاني غير ليكي
وبالنسبة لاستاذ حمادة
انا فرحتله من كل قلبي
وفرحت اكتر لانك كنت السبب في الجوازة ديه
عقبالك يا احلي برايد
عقبالك يا برايد. وربنا يكرمك أنك كونى السبب بعد ربنا طبعا فى أنهم يكونوا لبعض
مبروك الى الاستاذ حماده
و دقي يا مزيكا
عقبالك يا ختشي يا برابد و عقبالي انا كمااااان بس انت قولي يا رب
والله انا فرحت اوى اوى اوى للاستاذ حمادة وربنا يكرموا كمان وكمان عشان هو بجد انسان محترم ودمه زى العسل وربنا يفك النحس علينا يا برايد ياختشى والزغروطة الجاية تبقى فى بيتك
هاي يا جماعة
ممكن تشوفة البلوج ده وتعلقو علية من فضلكو محتاجة رأيكو
http://whatmenwant-hope.blogspot.com/
هاي
ممكن رأيكو في البلوج ده وتعليفاتكو
http://whatmenwant-hope.blogspot.com/
عزيزتي برايد...والله والله المدونة بتاعتك زي العسل وبدون مجاملة أحلى مدونة...وإنتي دمك شربات...وأنا كل ما خشها بموت من الضحك...وتصدقي إني دايما بزورها حتى شوف جديدك...بس لية رجاء عندك وهو إنك تكتبي أكتر فيها...بليز يعني...عشان أنا بحب الضحك موت...وتعرفي يا برايد إني أنا مستغربة قوي إنت ليه ما تجوزتيش لحد دلوقتي...مع إنك بتحاولي جامد يعني...وانا على فكرة بعمل زيك...قصدي كل المخططات بتاعتك أنا جربتها...بس كمان ماجابتش نتيجة كاملة...مش عارفة ليه...أقولك الحق بس بيني وبينك يعني...أنا حاطة عيني على واحدوبرسم عليه...بس هو لسه بيستهبل وعامل نفسو مش واخد بالو...تقدري تقولي أناهو زاي توم وجيري منلاعب بعض...بس حايروح مني فين...وراه وراه والزمن طويل...أنا فاتحته بموضوع جوازنالما لقيتو "قفل" ما بيتكلمش...يعني بصريح العبارة أنا طلبت إيدو...قولتلو "إنت شاب كويس وإبن حلال وأنا بقالي مدة براقبك وبطقس وراك وإنت عجبتني لأنك محافظ على نفسك وسمعتك كويسة وأنا بحبك جامدوبموت فيك لأنك الراجل الوحيد في الدنيا اللي خش دماغي وعجبني وعلشان كده قررت أتجوزك"...يا حبة عيني الراجل إتبلكم وإتكعبل وكان حيوقع من سكات "بعيد الشر"...تفتكري الصدمة غاتلو من الفرحة ولا لأني أنا طلبت إيدو بنفسي...ما عرفش...يمكن تسرعت وكان لازم أخش من الباب...يعني كان لازم أروح أنا وبابا وماما وأزورهم وآخد معاياشوية ورد وأطلب إيده من أهله رسمي...أهوه...هو ده اللي حصل حعمل إيه...معلش يا برايد أنا طولت عليكي الكلام أناآسفة بس لأني أنا نفسي أتكلم معاكي من زمان...أنا مستنية ردك ...باي باي دلوقت...
الاخت الجميلة برايد الف مبروك للاستاذ حماده ولو انى معرفوش المهم ان احنا نفرح بيكى انتى ويا رب البوست اللى جاى تبعت تقوليلنا
انا اتجــــــــــــــــــــــــوزت
بصراحة انا مش عارف ممكن اعمل ايه من الفرحة وعلى فكرة ده مش شعورى انا بس ده شعورنا كلنا لان انت خليتنا نعيش معاكى فى الحدوتة دى بطريقة متناهية ده شعورى حقيقى مش مجرد كلام بجد
انا خطبت يابرايد
من اسبوع بس انتى معزومه ليكى دعوه شخصيه لازم تحضرى هايحضر عدد كبير من المدونين اتمنى انك تحضرى عشان تكونى سبب كمان فى جوازنا
ومن ساعه ما سبت تعليق هنا مره قبل كده وقلت فيه عايز اتجوز ربنا رزقنى على طول ببنت الحلال ياسلام مدونتك مدونته كل مزنوق
اللى عايز يتجوز يقول ياجماعه مش يتكسف
والله يا برايد أول ما حكيت لماما قعدت تعيط
ربنا يجازيكي كل خير ويبارك لكم ياااااااااااااااااااااااارب
والف مبروك على البيبي
الف مبروك للاستاذ حمادة وربنا يتمم له على خير
وعقبال العايزيين يا رب
http://biotechnology-4u.blogspot.com/
اييييه الجرأة ده كلها يا ست لولو ؟؟ يا ريييت تكتبيلنا عن كل حاجة دي باينلها تفاصيل حلوة
مبروووووك عليك يا عمر يا شرقاوى و انت كمان يا أستاذ حمادة
الظاهر كده ان مدونة العزيزة برايد ربنا جعلها فاتحة خير لكل مزنوق
هجرب حظي انا كمان و اشوف بختي هيطلع ازاي
ياااااااا عاااااااالم ياااااا نااااااااااااس انا عايزة اتجوزززززز
الف مبروك يا جماعه لكل الناس ال اتجوزو وال خطبوا وعقبالك يا برايد
ياااااااااااااااارب وعقبال كل البنات
ومنهم انا طبعا :)
ممكن يا لولو تحكي قصتك علشان انا بردو في واحد بحبه وهوا بيحبني بس مش بينطق وعايزه اعرف يا جماعه رايكم في ان البنت تبتدي بالكلام ولا عيب
اصل المشكله كمان انينا بعاد عن بعض
ومش عرفه اعمل ايه
لقد اسمعت اذ ناديت حياُ... ولكن لا حياة لمن تنادى............. مرارتى اتفقعت و انا بقول للناس بخصوص المشروع الاجتماعى الفاشل اللى اسمه / الجواز / انه مثل المثل القائل / الجنازة حارة ... وللاسف الميت كلب .. لامؤخذة فى اللفظ يا قوم المدونيين والمدونات صبيان وبنات
تحياتى مؤقتا حتى اشعار اخر
... عمر ...
لو كانت الدنياتأتي في صندوق هدايالجئتك بألف دنياو ألف صندوق هدايالو كانت الشمستصنع أسورة من ذهبلجمعت لك ألف ألف شمسمن سمايالو كانت الكلماتتهدى في زجاجة عطرلأهديتك كلمات من رحيق دمايالو كنت ملكا يا عمريلأتيت لك بمن في الارض جميعاعبيدا و ضحايالزرعتك قمرا في ليليو وضعتك قلبا في الحنايالو كنت املك من الروح ألفالبعثرتهن لك في كل الزوايالرسمتهن لكفي كل المرايا
لو سمحتي يا برايد
انا عاوزة اعرف ازاي الناس بتعرف عن المدونة و بتروح لها ؟؟
لاني عاملة مدونة عن الهجرة و عاوزة الناس تعرف عنها
ازاي بقي اخلي الناس تعرف عني ؟؟؟
الرد ضروري لو سمحتي
و انا هاسيبلك ايميلي علي الياهو
pretty_mermaid_gog
http://3wzaaseebelbalad.blogspot.com/
هو ده عنوان البلوج بتاعي ..لو ممكن تعلني عنه عندك في البلوج بتاعب يبقي شكرا قوي ليكي لاني بجد خلصت الكلية و نفسي اهاجر برة البلد دي و مش عارفة لان نظرة الناس للبنت اللي عاوزة تسافر لوحدها وحشة قوي قوي
فانا كنت عاوزة اشارك همومي مع غيري و اللي زيي
و شكرا ليكي يا برايد و ربنا يرزقني و يرزقك يااااااااااااااااارب
ازيك يا برايد
مدونتك جميله فعلا
وكمان لونها الوردى روعه
والموضوع دمه خفيف زيك
ربنا يحفظك
أخوكِ نيجــر
الأنسه برايد ...تحياتي علي تنوع الأفكار وإختيارك المواضيع علي الرغم من أنها تدور في موضوع محدد .....تحياتي
استمعوا الآن لصوت برايد على اذاعة اسلام اون لاين فى برنامج صوت مدون
........................
غادة كنتى رائعه بجد
وبحييكى على اجابتك الجميلة
تحياتى يا صديقتى الجميلة
__________________________
http://www.islamonline.net/Arabic/Broadcast/Radio/index.shtml
اذاعة اسلام اون لاين
مرحبا
برايد قبل ما ابدا اقول اللي عندي عايزه اقولك اني مش بحسدك ، بس بقولك لو يوم امك ما كانت موجوده تضمك و تسمعلك و تاخدي رايها و ابوكي ملهي بالست بتاعته اللي هي رقم اتنين و انت لوحدك لاصقه قدام الجهاز حالك حال الكرسي اللي انت قاعده عليه تعملي ايه ؟ تخيلي انا ما عندي حد اكلمه لدرجه اني بكتب لوحده ما اعرفها و لا تعرفني و بفضح همي على الملاء تفتكري لا قدر الله لو انت مكاني تعملي ايه ؟
انا لوحدي قوي يا برايد و خايفه قوي من بكره و انا كثير خايفه اني اعنس و ابقى هنا مع الجهاز ده برضه الى ان يحين اجلي
انت تعرفي لو اجلي ده يجي يبقى احسن من انتظار شي ما تعرفي ايه هوه !
انا وحيده قوي و خايفه قوي
الى الاخت التى تعلونى بتعليقها الان فوق تعليقى هذا.
برايد وانتى وكل بنت جواها لسه ريحة الارض الطيبة، وريحة الانسان المتصالح مع نفسه، وريحة الصدق مع النفس قبل الصدق مع الاخرين، اليكم جميع ااقول لكم / صبح الصباح واللى جاى ........ احلى من اللى راح.
عمنا ابن عروس قال :
ولابد من يجى يوم ترتد فيه المظالم
ابيض على كل مظلوم واسود على كل ظالم
نهاركم ابيض من قلوبك جميعا
تحياتى مؤقتاً / عمر
مدونتك فكرتها جديده
وياستى يابخت سعيد بسعيده
وعقبالللك كدا
متنسيش تعزمينا
اتمنى انك تنورينى
تحياتى
عقبالك يا قمر
ونفرح بيكى ونرد على مدونات ولادك ان شاء الله
يابريد يالي وحشااااااااااني موت
ايه الاخبار الحلوه
انتي كده دايما مثال للاخبار الحلوه وخفه الدم والشقاوه الجميله
عقبالك ياقمر وعقبال
متعزميني في فرحك بدعوه خاصه ليا
واكون وصيفه من وصيفاتك
وارش الملح في عين الحسود
اصلك متعرفيش والله
انتي غاليه عندي قد ايه ياعسل
يلا بقي كفايه كده(بست وشز فور يو)0
والف الف مبرووك لحماده الجامد قوي
enti fin ba2a ya bride
elshahr 2arab y7'las w enti lessa mktbtish 7aga
yalla ba2a waiting uuuuuuuuuuuuuu
مش هتصدقينى طبعا لو قلتلك انى بحسدك
لانك مش متجوزة
بس صدقينى انا بحسدك
يا بختك
بعدين هتعرفى انا بحسدك ليه
اختك خيخة
احلى حاجة فى الموضوع هيا حمادة عز الدخيلة بس بتهيالى انتى برضه ماكنتيش هتوافقى عليه لو اتقدملك
ماهو مش معقول تصومى تصومى و بعدين تفطرى لا مؤاخذة يعنى على حديد عز
برايد؟ شكللك اتجوزتى و اختفيتى معقولة؟ تسيبى المدونة اللذيذة دى و الناس اللذيذة دى وتختفى اسبوعين؟
معقولة؟
يا خسارة فن التدوين و يا مكسب العريس
هنيئا لك يا عريس هذه العروسة التى تضرب بالدهشة فى عقولنا احيانا
ثم؟
تختفى
يالا......... كل شىء نصيب
تحياتى / عمر
اناعارف ان تعليقى جاى متاخر موت .. ف وسط العدد الكبير ده.....
انا لسه داخل عالم المدونات ده جديد
---------------------------------
بس بجد مدونتك ديه جميلة جدا
فكرتها حلوة كمان
بوت انا ف الافكار اللى تكون رومانسية بس بشقاوة
----------------------------------
انت ليه اصلا شايفة نفسك كبيره......
سؤالى عبيط صح؟
المهم انا سالته هكون سعيد لو نورتينى على مدونتى وانا هعملك لينك عندى
-----------------------------------
وياريت تضيفينى انت كمان لان اناعايز مدونتى تتعرف
ووالله والله الفجر بيادن دلوقتى وانا هدعيلك يارب يرزقك بابن الحلال او الحرام المهم ييجى
----------------------------------
هستناكى
من يوم 3-11-2007 لحد اليوم 25-11-2007 و برايد لم تظهر
بجد؟ اللهم اجعله خير
الفار بدا يلعب فى عببى
جزاك الله خيرا يا برايد ، و ألف مبروك للأستاذ حماده و عروسه، و عقبالك يا رب و كل اللي عايزين يتجوزوا :)
ايه المدونه العسل دى
هههههههههههههههه
عقبالك يابرايد ونيجى كلنا نهنيكى ونباركلك
هاي ...أنا جاية النهاردة أقولكم آخر أخباري مع العرسان...لو تعرفوا بس إيه إللي حصللي...العريس "فلسع"...آه والله زي ما بقولكم "فلسع"...ده طلع مقلب...وأنا إللي مستغربالو قوي إني عملت كل الحاجات إللي صحابي والجيران قالولي عليها...طب تصدقوا بالله إني أنا جالي شلل أطفال وسعال ديكي من الجزم إللي بلبسها...أيوه الجزم...قال إيه...أنا قلت لنفسي يا بنت يا لولو عشان توقعي الجدع لازم تكوني شيك قوي...قمت رحت السوق وجبت جزم بكل تحويشة العمر...وما تفتكروش إنها جزم أي كلام...لألألأ يا حبايبي...دي كل جزمة ليها كعب نص متر...أيوه والله زي ما بقولكم...دناببقا ماشية وشايفة كل الناس صغيرة قووووووي زي ما كون راكبة طيارة...ويا ريت جت على كده...أنا لما آجي أعدي الشارع المواصلات كلها بتوقف...أصلي أنابمشي بشويش عشان ماأقعش...ويا حبة عيني عسكري المرور بسيب كل حاجة وبيبقى عاوز يساعدني...يالله حأعمل إيه أهو كلو بثوابو...
بجد انتى تحفة يا برايد والف مبروك يا حماااااااااااااااااااااادة وعقبالى على فكرة انا اسمى الحقيقى حمادة طالب فى حقوق اسكندرية بجد يا برايد انتى سبب انى اكون فرحان
الحب دة اكبر وهم فى الدنيا
اللى عايز يتجوز دة مجنون
على فكره انا من اشد المعجبين بمدونتك ويارب نفرح فيك يا برايد واكيييد انت بنت حبوبه علشان كل الناس ديه بتحبك واحلى حاجه فيك انت دمك خفيف اتمنى ان تزورى مدونتىولاء
إزيك يا برايد
أنا عجبتني المدونة فعلا ودمك خفيف
بس أنا عايز منك خدمة
ياريت لو تكتبي عن موضوع الجواز الثاني للرجالة من وجهة نظر بنت عايزة تتجوز ، يعني مش لازم يكون عنك أنتي شخصيا بس تعبري عن وجهة نظر البنات اللي في حالتك
وأنا يهمني أعرف وجهة نظرك المغلفة بالضحك والتنكيت طبعا بس في الآخر يكون وجهة نظرك واضحة للكل وكمان وجهات نظر المعلقات ولكن بدون تعصب لكلام نظري أنا عايز الكلام الواقعي مش نظريات اللي إيده في الميه.
وياريت تراجعي المدونة دي لأنها اتكلمت عن الموضوع بهدوء وعقلانية وبحياد بقدر المستطاع
http://ctybrd.blogspot.com/2007/11/blog-post_12.html
وعلى فكرة أنا مش صاحب المدونة بس قرأتها وحبيت أشوف الموضوع ده عندك بعد ما تقرأيها.
ياااااااه الف مبروك للستاذ حماده يارب يتمها عليه سعاده للابد ويرزقه بالبنين والبنانيت
وعؤبالك وعؤبالنا جميعا يارب
وياستى مبروك انك كنتى سبب ف ادخال راجل للقفص
يارب ع طول كده تدخليهم الاقفاص نفر نفر
تحياتى
السلام عليكم ورحمة الله وبركاته
انا قليل الكتابة على النت بس الحقيقة يااستاذه برايد انا لما قريت المدونة بتاعتك حسيت ان عايز اكلمك
ليه؟ مش عارف
يمكن طريقة عرضك لحياتك ومشاعرك ...بعيد عن التهريج والتريقه اللى بتحاولى تملى بيهم الدنيا لكن حاسس ان جواك انسان حزين
البوست بتاع الشب التانى تقريبا بتاع لجنة السياسات ايه...وانا بقراه انا تقريبا بكيت حسيت اوى بمالمعنى اللى بتقوليه قد ايه الانسان بيبقى ضعيف فى لحظة من اللحظات
ما علينا...انا كنت عايز اسئلك حبة اسئله وياريت تهتمى وكنت عايز كمان اطرح حبت افكار
اناخريج هندسة 2007
لسه ملقتش شغل بس بدور
اول سؤال عن صفات الزوج المنتظر
مش عاريف ليه اغلب وصفك واهتمامك عن المتقدمين لك كان وصف لمظهرهم ومنظرهم هل ده فعلا هو اهتمام البنت المنظر يعنى؟ اصل الحقيقة اخوكى من النوع الىمنبعج عند القطبين ومستوى عند خط الاستواء حاجه كده...استغفر الله العظيم اللهم لا اعتراض على خلقتك،حاجه كده ملهاش خالص فى مواضيع
لطول والوسامة والعضلات والحاجات دى
من النوعية اللى بدل ما مشى ممكن اتدحرج ،انا مش بالسوء ده لكن يوصللك المعنى انى طلعت اعفى غير لائق
مع انى يعنى ممكن تقولى من النوع الطيب ابن الحلال وبحاول اكون ملتزم -مش من نوعية الاخ ابو صندل- تفكيرى كويس وعاقل وراسى يعنى مش عارف انا الحقيقة خايف انى لما اروح اخطب واحده تاخدنى تريقة زى سعادتك مبتعملى فى العرسان اللى بيتقدمولك اصل انا الحقيقة مبستحملش حد يتريق عليا..انا اتريق على نفسى مفبش مشكلة بس حد يتريق عليا لا والاف لا
تانى سؤال اختى عن حكمك على الاستاذ فوفو..قصدى عبد الفتاح _ابو هند_رايك فيه انه زى البريزة الورق اللى ملهاش لازمة..الحقيقة راى قاسى اوى فى حق راجل يعنى عشان هوه شكله هادى ومبيزعقش لمراته على الملح الزياده ولا السشاى الخفيف يبقى بنى ادم ملهوش شخصية مش عارف يعنى ياستى القطط مبتحبش الا خناقها؟ يعنى مش ممكن يكون راجل هادى وحنين وبيعرف يحتوى مراته؟ وعشان بياخد رايها يبقى ضعيف الشخصية ؟
تات سؤال ايه راى البنات فى الجواز السهل؟قصدى يعنى هل ممكن البنات توافق تتجوز فى شقة ايجار جديد وبعفش كده وكده يعنى اوضة نوم واوضة معيشه وتلاجة وبوتجاز؟ هل ده ممكن؟
اخيرا اللى عايز اقولهلك ربنا يكرمك وييسر لك الحال ولكل بنات مصر والمسلمين
لذيذ اوي الحوار بتاعك
بس شكلك كنتي خايف شويه
انا سمعته مرتين
ويمكن اسمعه مره كمان
بارك الله فيكي
ربنا يهدي شباب و شابات المسلمين
مرحبا..
أنا بعد ما قريت كلامك قررت انى أطلبك للزواج..ممكن رقم الموبايل؟ موظف كحيان ما حلتوش غير مرتبه..و لانه المثل بيقول: الرجل الذي يحتاج إلى المال أفضل من المال الذي يحتاج إلى رجل..
مدونة أكثر من رائعة..
تحياتى
saadjalal.maktooblog.com
مبروك للاستاذ حماده .بس هوا مين الاستاذ حماده .مش مهم .المهم دلوتى قوليلى ازاى شوشو اتجوزت زيزو والدخيله على زمته .دى بردو كان معاها حصان سورى حصانه .على فكره زيزو شبكة كانت حديد مش دهب .وده شرط شوشو علشان الحديد بقى اغلى من الدهب
أول مرة أسمع عن المدونة العجيبة دي النهاردة في البيت بيتك
بس فعلا برافو عليك ربنا يوعدك بإبن الحلال اللي بتتمني مواصفاته وكل واحدة مش متزوجة
لكن ساعتها بقى حتقفلي المدونة ؟؟؟
الف مبروك للاستاذ حماده وانا متابع بس دي اول مره اعلق وعندي سؤال ليكي يا برايد
لو اتجوزتي هتعملي ايه في اللي هتتجوزيه
Post a Comment