Tuesday, October 16, 2007

تابع التامن

كنا وصلنا لحد فييين؟..آه
ماما جابتلي الطقم الجديد و الشنطة و الشوز وروحنا على البيت
بعد مارجعنا البيت بساعتين رن الجرس و كانت أم محروس بترقص من الفرح و بتتنطط زي الضفدعة اللي محطوطة في طاسة على النار-و الله الست دي بترقص كويس..فيها شبه من نادية الجندي في فيلم ..اضرب و اجري في تل أبيب -
كانت جاية تبلغ ماما بالأخبار الحلوةالعريس بيستأذن يجي يوم التلات الجاي يعني كمان أسبوع و بيقول انه جاهز لكل الطلبات و اننا عيله محترمة و عمره ماهيلاقي زينا

ابتدت ماما تمسك التليفون و تقوم بمهمتها المقدسة كأم العروسة المقبلة ..وتغيظ في كل ستات العيلة الكريمة اللي ماعرفوش حاجة عن الموضوع

ان شاء الله بكره تسمعوا أخبار كويسة...هنشوفكوا قريب ان شاء الله ..خير خير كتير ان شاء الله...و الله شكلي هاحتاجك قريب معايا في ايه ..بكره تعرفي ..لا لا مش هاقولك خليها مفاجئه


طب و اشمعنى انا بأه أنا عايزة اغيظ قصدي أفضفض لحد أنا كمان
اتغدينا و دخلت أنام شوية ..بس مش قادرة باتقلب على جمر النار على رأي فايزة أحمد ...والا كانت أسمهان..أديني باتقلب و خلاص الله طب و ايه فايدة الخطوبة اذا كان الواحدة مش قادرة تغيظ ..قصدي تفضفض لحد عليها ...لا لا لا دي حاجة لا تطاق نفسي أطلع في البلكونةو أصرخ في اللي رايح و اللي جاي
هاتجااااااووواااااااااز
بس بس بلاش مقاطعه بأه
مانا لازم أقول لحد مش قادرة أمسك لساني..هموت طب أروح أقول لأماني؟...لا لا دي عينها وحشة و هتقعد تقوللي و ده يطلع ايه في لولو أخو فوفو وساعتها ممكن أتهور و أقولها رأيي بصراحة في جوزها و اخوه و عيلتهم كلها و يمكن مشاعرها تتعور والا حاجة طب أنزل أقول لعبد ربه البواب و أكبسه زي مابيكبسني بأخبار مراته الليدي سها في الرايحة و الجايه..لا لا أنا مش أد سها لتطلع تباركلي و تاكل دراعي والا حاجة ..مرة كانت فرحانة لما محمود سلوع جارنا خد الثانوية العامة و دخل كلية الطب و شكلها جاعت شوية لأن كان فيه شجرة جوافة بتنام تحتها قطتين مالقناش ليهم هما التلاتة أي أثر تاني يوم

طب أقول للعيال في المستشفى؟..لأ لأ لحسن يقعدوا يشمشموا و يطقسوا و يعرفوا مكان العيادة و يمكن يروحوا و يحاولوا يخطفوه لا لا لا لازم أبقى أنصح من كده..طب أقول لمين لمين؟

قمت جري و لبست هدومي و صممت اني لازم أنزل لنهى ...مش هاينفع أأجل الغيظ ..قصدي الفضفضة ليوم تاني مش هاقدر

وانا راكبة في التاكس قلت أما أجرب الكلمة في بقي..

بسرعة يا أسطى لو سمحت عشان خطيبي مستنيني

حاضر يا عروسة

يا سلاااام حلوة قوي الكلمة دي ..مع اني في أي ظروف تانية كنت شخطت فيها و قلت له دكتورة لو سمحت ...لكن دلوقتي اللقب ده أجمل لقب في الدنيا..فليسقط مكتب التنسيق

وصلت للصيدلية اللي بتشتغل فيها نهى بعد الضهر .أول ماشافتني اتبرجلت و وشها اصفر باضرب بعيني كده لقيت الصيدلية بتبرق و كل الإزاز ممسوح ببص على لبسها ..قلبي وقع في رجليا

ايه الطقم ده ..الطقم ده انتي مابتلبسيهوش الا اذا..الا اذا ...انتي جايلك عريس

لا مش مظبوط

لا انتي لايمكن تضحكي عليا انا عارفة الطقم ده كويس

الطقم.. الطقم..يوووه ..كنت عارفه انك هتعرفيه..أيوه جايلي عريس دلوقت

اوعي يكون دكتور و عنده عيادة..احنا مش هنكرر موضوع أيمن تاني

لا لا لا ..ده طيار..هاييجي يشوفني النهارده ..و بعدين ايه حكاية أيمن هو عمل ايه؟

أيمن ..أأأأ..لا ..الله يمسيه بالخير و يسعده هناك في بني غازي..المهم عشان الطيار ده كنت بتوزعيني

مش مسألة توزيع يا برايد ..بس يعني لو جه و شافك هنا...إفرضي يعني انتي عجبتيه أكتر و الا حاجة..تقطعي على أختك حبيبتك


آآآه ..فكرة كويسة و الله ..هو يجي هنا و فجأه أطلعله و يقع فيا و يسيب البنت نهى الخبيثة دي اللي كانت عايزة تقرطسني..و طبعا معروف ان مافيش أي وجه للمقارنة بيني و بينها..أيمن ؟...أيمن ده كان عنده حالة استجماتيزم متقدم و بعد نظر متأصل ..يا سلام بأه على فرحة ماما و انا راجعالها بعريس كمان...يا سلام يا بت يا برايد الفقي لما يسعد ..دكتور و طيار و أسبوع واحد ..يا فرحتك يا ماما

..البنت نهى شكلها فهمت اللي بيدور في دماغي
برايد ..انا صاحبتك و حبيبتك مش معقول تعملي فيا كده ..انتي عارفة انا حظي كان عامل ازاي

وانا يعني اللي حظي كان عدل قوي

معلش يا برايد ..عشان خاطري ..انا عارفة انك مش هيجيلك قلب و تعملي فيا كده ..و انا أوعدك اني أبقى اخليه يشوفلك حد من أصحابه


بعد ماكنت خلاص هاتعاطف معاها الجملة الأخيرة جننتني...هيا حصلت ..أنا اللي كنت هاقولك البقين دول بعد مافحمك بخبر عريسي..بس لأ برضه انا ماعملش كده في صاحبتي أبدا ..احاول أخطف عريسها ...لا لآ لآ...و بعدين آخر مرة أيمن كان هيجيله انهيار عصبي و انا كنت غالبا هادخل سجن القناطر في قضية ضرب أفضى طفاية السجاير على دماغه...قدر و لطف...بعد ماتحايلت نهى شوية عليا قررت اني أدخل المعمل و أستنى جوه ..ياللا بأه صحبتي و ماتهونش عليا و بعدين انا عندي عريسي و عيادته ..هو أنا يعني ناقصة عرسان

بعد ماكنت ناوية أصدمها صدمة عمرها بالخبار اللي عندي..بعد ما أمهدلها طبعا نهى دي حبيبتشي و لايمكن أصدمها من غير تمهيد..أهي دلوقتي هي اللي صدمتني و خلتني واقفة و حاسة باحساس العربة المفخخة نفسي أنفجر فيها و في الصيدلية و في العريس لو شفته..آه و على رأي المثل..على الباغي تدور الدوائر..منك له يا نهى و كمان خلتيني أتكلم بالنحوي

بعد شوية واحدة اقتحمت الصيدلية وشها هيشقق من كتر الفرح..و أول ماشافتني قطمت الضحكة..انا فهمت على طول انها الواسطة..أنا عارفاهم بيبتدوا كده و أخرهم مقلب حرامية و يتدألجوا ع السلم
ماشي ماشي..ماتقلبوش وشكوا أوي كده..انا ماشية

مشيت في الشارع و الصدمة بادية الأثر على وجهى الذي كان بشوشا-يووه نحوي تاني-..يعني كمان مش هاعرف أتأنتك على حد بالعريس يعني لو كبرت في دماغي و رحت قولت للعيال في المستشفى و نهى كمان قالتلهم كفة مين اللي تطب..الطيار طبعا..و احنا في شهر أكتوبر و ده موسم..أول طلعة جوية الساعة اتنين الضهر و الحركات دي..دي ايه الخطوبة اللي باينة من أولها دي..ايه فايدة الخطوبة لو مافضلوش الناس يحسدوا و يقروا ع الواحدة و يرتفع ضغطهم كل أما تجيب سيرة خطيبها قدامهم..يارب هو انا دايما فرحتي ناقصة كده؟؟

الإسبوع عدى عادي ..طول الوقت في الشغل انا و نهى بنبص لبعض من تحت لتحت..مافيش واحدة عايزة تقول جرى ايه في موضوعها و كل واحدة خايفة تسأل التانية ايه الأخبار؟..الموضوع دلوقتي بأه مسابقة و هانشوف مين فينا اللي هيسبق

عدى الأسبوع على خير و جه اليوم الموعود

دخل العريس صالوننا المتواضع اللي ماما جددت كل حاجة فيه تقريبا في الأسبوع ده ستاير جديدة و فازة جديدة و كاسات جديدة كله جديد في جديد..الواد الدكتور ده أول مادخل الصالون تحس اننا بقينا الضهر..ايه ده ..أحب أنا جدا الناس اللي بتبان كأنها لسه مستحمية من تلات دقايق دي..قاعدنا قاعدة طويلة و اتكلمنا و ضحكنا و العريس قالنا انه مستعجل جدا على الخطوبة و مافيش داعي للتأخير كل شئ جاهز..و لما ماما و بابا سألوه على عيلته اللي كان جاي من غيرهم..قالهم انهم في الإمارات و ان شاء الله هيبقوا يجوا على وقت الخطوبة و لو ماعرفوش ينزلوا عادي يعني مش لازم نأخر المراكب السايرة عشان حاجة بسيطة زي دي..لا طبعا و نتأخر ليه..ده كده ممكن البت الخبيثة اللي اسمها نهى دي تخطب قبلي و تاكل الجو

بعد القاعدة دي حسيت في عينين ماما انها مارتاحتش و عبثا -و اكرر- عبثا حاولت أقنعها تشيل الوساوس دي من دماغها لكن ماما من طول خبرتها معايا كان عندها احساس غير مبرر ان انا لازم يطلعلي في كل خرابه عفريت

و تااااني مسكت ماما التليفون و قررت القيام بجولة من المحادثات مش عشان تغيظ المرة دي ..لكن عشان توصل لمصدر الخبر و تسكت النحل اللي بيزن في دماغها من ناحية العريس اللميع

تاني يوم رحت الشغل ..لسه نهى ماقالتش حاجة خير ..ربنا يستر بس على موضوعي و ماما ماتبوظهوش..الأمهات دول..لو مالقيوش مشكلة يعملوها هما

روحت البيت و باضرب بعيني في الصالة لقيت ماما ماسكة سماعة اتليفون زي ماسيبتها بالظبط من 14ساعة و نص بس فيه تعبير غريب كده باين على وشها

فيه ايه يا ماما خير؟

لا أبدا ..فيه حاجة كده طنط فتنة قالتلي عليهاوانا باغيظها..قصدي باكلمها على موضوع العريس ده

حاجة ايه يا ماما؟..انتي شاكلك كده اتعودتي على قعدتي جنبك و اللاوعي بتاعك عايز يبوظلي الموضوع و خلاص

انتي مش فاهمة ..طنط فتنة قالتلي انها عارفاه و انه متجوز و مخلف ... خشي البسي هنروحله العيادة

ايه؟..لا بأه حرام..هنعيد قصة عائلة الصندل البني تاني؟

عشان كده باقولك البسي بسرعة انا مش هاقدر استنى ثانية واحدة غير لما أتأكد

رجعنا تااااني للعيادة ..العربية اللانسر في مكانها..البواب نايم جنب الباب ..طلعنا العيادة..التمرجي..لا ده كان واحد تاني..عادي يعني دي كانت فترة مسائية و أكيد الطقم بيتغير..العيانين مارحبوش بينا زي المرة اللي فاتت..خلاص ضميري مش هيوجعني لما مادعيلهمش يخفوا..ازاي مايرحبوش بينا زي المرة اللي فاتت..قطعنا كشف و دخلنا للدكتور

وقعدنا نستناه..نستناه...نستناه..لحد ما الراجل الغريب اللي قاعد جوه أوضة الكشف شكله هو كمان زهق

هو مين فيكوا اللي مريضة

احنا مافيش حد منا مريض

أمال حضراتكم مشرفينا ليه

دي مسائل عائلية

ازاي يعني؟

حاجة بيننا و بين الدكتور

طب مانا الدكتور

ياسلام يا سلام ..سمعني بأه و اشجيني

لا حضرتك الدكتور(...) دي عيادته

مانا عارف ..ده أنا

إزاي ده الدكتور(..)صغير في السن و عينيه خضرا و عنده

غمازات..مش كده

أيوة مظبوط..ماتقوليش انه بيتدرب مع حضرتك و انه لسه تلميذ ولا انه

الراجل سابنا و خرج من الأوضة جري

ماما..فيه ايه هو هايجبلنا البوليس والا ايه

بوليس ايه؟..هو احنا سرقنا حاجة

رجع الراجل الكبارة و هو جارر في ايده الدكتور الصغنون من قفاه لابس تريننج سوت و شكله كده كان نايم

هو ده مش كده؟

أيوة ..أيوة هو ده الدكتور(..) انت خاطفه والا ايه؟

و فجأة الراجل الكبير نزل ضرب في الدكتور الصغنن

خاطفه دانا نفسي أحرقه..اقطعه..نفسي أرميه من فوق البرج و اخلص منه

واحنا من طيابة قلبنا و لأننا مش فاهمين قاعدنا نسلك ونصوت.نسلك و نصوت .وفي الآخر الدكتور الصغنن طلع يجري و الدكتور الكبير قعد قدامنا منهار...جبناله لمون و مشينا العيانين و روحنا التمرجي و قعد يشكيلنا همه

خدوا عندكوا..البيه أبو غمازات..ابنه...البيه ماجابش مجموع في الثانوية العامة خلاه يعيد برضه ماجابش دخله جامعة خاصة قعد فيها 6 سنين و ماعرفش يتخرج ..حول تجارة..و بقاله فيها 5 سنين ولسه في سنة تانية..و عشان هو ابن دكتور كبير و عشان حليوة و عنده فلوس ..خدها غية يتسلى بخلق الله..نفس المسلسل اللي عملوا علينا عملوا على كتير قبلنا ..دكاترة و صيادلة و أسنان..يدخل عليهم نفس الداخلة و العيادة اهه و العربية كمان و بابا و ماما في الإمارات بس هما مبسوطين قوي و آدي جواب منهم بيقولوا على بركة الله..و يخطب و يدخل و يخرج و يتفسح و يتعزم و بعدين ينكشف او يزهق و ياخدله علقة أو يجوا الناس يبهدلوا أبوه ..و يغطس شهرين و يعييد الكره

عشان كده الشهادات الكتير اللي كانت متعلقة اللي تاخد عشرين سنة على ماتتاخد...بتاعة باباه

عشان كده العيانين اللي عرفونا أول مادخلنا....كانوا صحابه

عشان كده لجأ لأم محروس..الكل كان عارف سمعته من قرايبة و معارفه و هي كانت لسه داخلة المنطقة جديد و مالحقتش تتعرف على كل مصايبه

عشان كده عنده علامه في قورته..حد متفاهم من اهل العرايس سابله تذكار يفكره ان بنات الناس مش بلاي ستيشان

هدينا الدكتور الكبير..عشرة برضه ولازم نقف جنبه..و نزلنا الشارع عادي..عاادي..باقولكم عااااادي..احنا اتعودنا على كده..ولا كنا ماسكين نفسنا من العياط ولا صعبت علينا نفسنا ولا كنا كارهين الدنيا ومافيها ولا انا كنت بافكر في نهى اللي زمانها دلوقتي بتلبس الدبل ولا حاجة...عااااادي

تاني يوم رحت الشغل و التعبير اياه مرسوم على وشي..تعبير واحدة واخدة مقلب سخن طالع من عينيها..على الأقل دلوقتي أقدر افضفض للبنات و واحدة تطبطب عليا و التانية تاخدني في حضنها و واحدة تدعي على اللي كان السبب و تقولي ضفرك برقبته و بكره يجيلك اللي يقدرك و يخلص و يشيل..أدخل الصيدلية ألاقي كل المشاهد اللي فاتت دي جاري تنفيذها على الهوا..و البطلة...نهى..الموضوع بتاعها طلع فشنك عشان العريس بتاعها اكتشف انها عندها 28 سنة و تلات أشهر و هو عايز واحدة عندها 28 سنة و شهرين..عنده حق..ايه 28 سنة وتلات أشهر دول..ده حتى سن مش عاطشفي خالص..الدم غلي في عروقي...لا بأه ..حتى في دي مش سايباني في حالي..حتى شوية الطبطبه واقفالي فيهم

مدام سندس واقفة جنبها و عماله تطبطب عليها

ولا تزعلي نفسك يا حبيبتشي بكره يجيلك اللي يعرف قيمتك

وطت صوتها شوية و هي مش عارفة اني واقفة وراها و سامعاها

أنا ماكنتش عايزة أقولك هنا قدام البنات ..بس انتي ليكي عندي عريس مايستاهلش غيرك

بجد يا مدام سندس

آه و الله أم هبه بتاعت الفراخ هي اللي قالتلي عليه..دكتور و عنده عيادة و عينه خضرا و بغمازات

و لأول مرة من ساعة ما موضوعي طلع فشينك رتسمت ابتسامة واسعة على وشي

طب أقولها بأه والا لأ؟..هاتقول كنت باتصنت..هاتقول أناغيرانه..هاتقول طول عمري حاطاها في دماغي و مش بعيد تقرر ام طارق بتاعة الكافتريا و تعرف حكاية أيمن

طب أسيبها ..لأ حرام..صاحبتشي برضه

لقيتها بتهمس لمدام سندس وانا لسه وراهم

طب اوعي تجيبي سيرة لبرايد.... لحسن عينها وحشة

كده ه ه ه ه ه ..طب إستلقي وعدك بأه

___________________________________________________

شكر خاص لأحمد خير الدين على حواره الصغير اللي في الوريد في مدونته ولاد النهارده...و شكر متأخر شوية...لأ هو كتير لشيماء الجيزي على حوارها الجميل في مدونتها صحفية مع إيقاف التنفيذ

117 comments:

mohamed hassan said...

تعيشي و تكتبي شكرا على الحكاوي

Unknown said...

بجد بقى
الله يكون ف عونك
بس خلاص

Anonymous said...

that is the life sweet nothing is perfect good luck next time by way did you ever think of marrying Arabic guy I mean not Egyptian

Anonymous said...

يا نهار زي بعضه!
عموما أهلا بيكي مجددا عالبلوج سفير..لكن دي بجد فظيعة!

Anonymous said...

يااااااااااااااااااااااااااه
ده احنا هنا اتصدمنا امال انتى ومامتك عملتوا ايه
برايد...يكونش حد عاملك عمل؟؟؟؟؟؟؟؟
بهزر والله من غلبى اصلى كان نفسنا والله فعلا فى أخبار حلوة
عموما
الاحلى جاى ان شاء الله
طحياتى

الحلم العربي said...

انا مش عارفة اصدق و لا ايه؟؟؟
لا يا بنتى مش ممكن ده نحس منحس و منحوس

على العموم ز لا يهمك احنا هنطبطب عليكي ... بكرة يجيلك سيد سيده و تغيظي كل البنات في الصيدلية و المستشفى و المنطقة كلها..
بس اقولك على حاجة ...قولى لنهى بردو ...احنا انقذناكي باعجوبة ...أحسن مامتها تتشل و لا حاجة يبقى ذنبها في رقبتك

سلام يا اجدع برايد

Love & Friendship,this is my life said...

اولا اهلا بيكى تانى وبكتاباتك الجامدة
ثانيا ربنا يكون فى عونك يا برايد
عارفة؟
المشكلة انك بتاخدى كل مقلب ومقلب
انما ايييييييه
على العموم ربنا يوفقك يا برايد وتبقى برايد :)

Rannon said...

أفهم بقى الحكاية دي حقيقية؟!! مستحيل تكون حقيقي يا برايد أنا بجد مش مصدقة ان في حاجة زي دي ممكن تحصل في الحقيقة مش في التليفزيون:S
كالعادة أسلوبك حلو وبيشدنا
بس متقوليش إنها حقيقية :(

Mohamed Kamal Hassan said...

أسلوبك حلو

وأهلاً برجوعك لينا

((:

Anonymous said...

لا حول ولا قوة الا بالله

طيب وآخر الموضوع ده؟

والله يا برايد لو أطول اتجوزك ولو كنت من مستواكي كنت اتجوزتك..........انا اتمنى واحدة زيك بس فين؟

مش عشان احل مشكلتك ولا عشان دور المساكين اللى انتي عاملاه ده...........بس عشان انتي تحفة أصلا وكتاباتك زي السكر........يعني هتجيبي عيال دمهم خفيف ويستاهلوا الواحد يضحي ويتجوز عشانهم......مش العيال الغلسة اللى بنشوفهم وكل حياتهم عياط وصريخ

سؤال يا برايد........انا كنت قرأت قبل كدة هنا ان بنت الثلاثين لا تقبل بموضوع البداية الصعبة وصعوبات البداية وكدة..........طيب -بشكل عام- لو جالها عريس في أواسط العشرينات يعني حوالي 23 سنة كدة..... رد فعلها يكون اية ؟ ولو ارتاحت له؟ وفرصة انها تحبه؟ عايز انطباعك العام عن الموضوع

وربنا يفرجها علينا جميعا وكل واحد يلاقي الشخصية المناسبة له ولأحلامه

ظل الشمس said...

مبروك عليكى الطقم والشوز والشطنة

Anonymous said...

عسولة يا برايد بجد
والله ما فيه احلى من راحة البال
خلينا كده
مالنا يعنى؟
:(

Anonymous said...

السلام عليكم
أول حاجه كل سنه وإنتي والكرام زوار المدونه جميعا طيبين
ربنا يتقبل منا ومنكم صيامنا وقيامنا
وإحنا عندنا بالكويت نقول
تقبل الله طاعتكم، عيدكم مبارك وعساكم من عواده
برايد يابرايد يابرايد ياااااه يااااابرااااايد
هههههههههههههههههههههههههههههههههه
إيه ده يابنتي
إنتي حتدخلي الجنة من أوسع أبوابها
عشان حاجتين
الأولى إنك بتتبهدلي بهدله وبتاكلي كل مقلب ومقلب
إحتسبي وعند الله الأجر والثواب
التانيه إنك بترسمي إبتسامه على وش كل زوار المدونه بإسلوبك الأكثر من رائع اللي ملوش وصف أبدا
ربنا ما يحرمنا منك يادكتوره ولا من كتاباتك الجميله
إيه ده
لووووووووووووووووووووووووووول
مش قادر ميت من الضحك
شر البلية ما يضحك
لا حول ولا قوة إلا بالله العلي العظيم
حسبي الله ونعم الوكيل
ربنا يرزقك بإبن الحلال من يخاف ربه اللي يستاهلك ويقدرك وتكون أمه بجد داعياله
والله تستاهلي كل خير
تحياتي
من الكويت
وليــــــد

Anonymous said...

الموضوع ده بيفكرني بحظي بس في البحث عن وظيفه نفس اللي بيجرالي كل مره لازم يحصل حاجه عجيبه لو اتقبلت في شغلانه عدله

Anonymous said...

عزيزتى برايد
وحشتينا جدا الفترة الى فاتت دى وكل سنه وانتى طيبة ويارب العيد الكبير ندبح الخروف والدكتور ابن الحلال ده

انا اول ما شوفت الامارات قولت بس هاخدم برايد بقى واتحرى عن أهله وكده بس طلعت اوت .
بقولك ايه ما تشوفى لو الواد ده وحيد يعنى ها يورث العياده والعربية يبقى خلاص نتكل على الله وثانويه عامه ثانوية عامه ايه المشكله دى حتى شهاده ياناس.
البت الدكتورة نهى دى سيبيها بقى تشرب من نفس الكاس وانتى ولا كأنك شايفه حاجه.
احنا عندنا فى اتجاه عام للزواج داخل السكن عندنا اتنين محاميين ومحاسب عايزين يتجوزو ايه رأيك تبعتى السى فى بتاعتك اعرضها عليهم وليا الحلاوة طبعا . واهو انا احسن من ام محروس وهاجيبلك حاجه وصاية يعنى وش القفص زى ما الناس بيقولو .
انا نازل خلال اسبوعين اجازة مش عايزة حاجه من هنا اى حاجه عريس او شكولاته او عطور انتى بس قشرى .

محمود على said...


برايد
-----

كل سنه اونتي طيبة وبخير

انا مش هقولك ربنا معاكي وربنا يصبرك ويكون في عونك

انتي اجمل من اني اقولك كده
لانك مش محتاجه اني اووسيكي

العيب مش فيكي يا برايد
انتي زي مقولتي دائما مشكلتك ان الناس مش عارفين هيناسبوا مين

انت ضحيه لمجتمع متخلف وغبي وفاسد
رفض انه يقاوم التخلف والغباء والرجعيه

بس انتي قاومتي
قاومتي بكلامك وقصصك
قاومتي بسخريتك
قاومتي بمدونتك الي اسمها متسجل في 80% من مدونات مصر

انا مش هقولك حاجه تاني
ربنا يكرمك بانسان
اليوم الي تعيشيه معاه
ينسيكي اي يوم زعلتي فيه

خمسة فضفضة said...

السلام عليكم ورحمة الله وبركاته


هههههههههههههههههه

قليل البخت يلاقي العظم في ......


تعيشي وتاخدي غيرها

وكل سنة وانت طيبه


سلام

Hopiz said...

و ماله يا برايد ثانوية عامة, و بيعمل مقالب فى بنات الناس
اهو دمه خفيف برضه, و كفايه انو لسه مستحمى من 3 دقايق
لو عايزة رأيى, فى انك تنتقمى من
كملى معا و طلعى عينه
يبقى هو ده الانتقام والا فلا
نياهاهاهاهاا

Unknown said...

ولا يهمك وانت اكبر واقوى من كده والحمد لله انك اكتشفت الحقيقة وما ضاقت الا ما فرجت بس لازم نصبر عشان ربنا يكرمنا
ربنا يتوب علينا من هذه الاشكال وييجي انسان يستحق بان يوصف بانه رجل حقيقي
ربنا كبير وكريم

Pink Unicorn said...

يادى النيييييييييييييييييلة
والله كان قلبى حاسس ان الموضوع ده مقلب
ماهو الحظ - ولله الحمد - معروف
عريس مافيهوش غلطة يبقى لازم يكون وهم
لازم تبوظ فى الأخر

بس عارفة الحمد لله ان الموضوع برضه اتكشف بدرى ... ما لبستيش دبلة وللا البيه فاضل داخل خارج من البيت ولا اتعلقتى بيه
يارب ربنا ينتقم منه ومن كل واحد يلعب بقلب بنت كل ذنبها انها بتحاول تفتح بيت

معلش .. ان الله مع الصابرين
ان شاءالله قريب جداً حيجيلك اللى يستاهلك و يتقى ربنا فيكى

emos said...

la2 ya bride 7aram 3aleky mate3melesh fe sa7betek keda begad

estanny bs 2esbo3een keda walla 7aga w 2olelha 3ashan tet2aked benafsaha la7san te2ool ennek 3;ayrana menha wala 7aga

w enty 2aktar wa7da te3rafy 2e7sasha hayeb2a eh lamma ta7'od el pompa deh

anyway sada2eny ya bride ma7laha 3esht el 7oreyya 2es2aly megarab ya7'ty
2eh2 2ehe2

Anonymous said...

i thought we will hear u are getting married after ramadan, kherha fe gherha

RealMan said...

زيااااااااااااااااااااااااااااده

كده ده انا قلت مسلسلات رمضان خلصت خلاص وربنا رحمنا. لمن ازاي نسيت ان لسا فيه مسلسل برايد والعرسان الميه بعد العشرتاشر الف لسا ما خلصش.

علي فكره انا بفكر اكتب في الوصيه بتاعتي تنبيه علي الورثه يكملوا المسلسل ده.

Anonymous said...

ولا يهمك يا بربر يا جميله والله عادى وبتحصل فى احين العائلات يوووه دا انا ياما اتخدت على قفايا كده وسكت مره واحد زميلى حبيته وبقى يكلمنى وايه حسسنى ان الدنيا جميله وبعدين لقيت امه مره بتتصل بى وبتقولى عايزه اجى اخطبك لاخوه الكبير يعنى مش هوه شفتى الحظ الاسود يعنى مش انتى بس يالالا كله على الله المهم ان انتى بخير ورجعتى لنا بالسلامه
كل سنه وانتى طيبه

Anonymous said...
This comment has been removed by a blog administrator.
Anonymous said...

Salamo 3likom
-------------
7abebte bride wallahy s3bty 3lya , w mesh 3arfa leeh 7aseet bel-7ozn kda b3d makont far7ana enne ha2ra el a5er el a5bar 3an 3arees el 3'afla :) , bas han2ol eh rabna ysabrek w yrzo2k mn awsa3 el abwab.
w 7ata law marz2kesh fel donia faleke fel a5ra a7la 3arees isa dah 3'er en leke el ganna isa ...

wish u best of luck ya bride

sara

Michel Hanna said...

الحمد لله
أنا كنت افتكرتك هتتجوزي خلاص من البوست اللي فات!

Z_Diva said...

mesh oltelk ybnty
loooooooool
3atchy 3atchy,
et2lbna3atchy etda7k 3alena 3ady,
ma7na met3awedin 3la keda, rbna yhedohm ya5tchy :D
rabna m3ana kolna :D

Z_Diva said...
This comment has been removed by the author.
unknown said...

ما انتى كان لازم تفهمى
حلو وعنيه خضرا وعنده غمازتين ودكتور متنفعش
يا حلو يا دكتور

عموما يا برايد ان شاء الله نفرح بيكى قريب

على فكره انتى مقلتلناش ليه ايمن متجوزش نهى؟؟؟؟؟؟؟؟؟

Hamza matar said...

3areeees yabooy. 3areees yammaay, gally kalam tedawwa5 yabooy ana day5a yaboooy. 6o55o bs mat3awaroosh ya booy! ana 3awzah saleem yaboooooy! :P good luck next time with another faker! ykonshe 7ad 3amilik 3amal ya5tchi? aaaaah 3amal mrboo6 fe regl namla felmo7eet elhadi :D

أنسانة-شوية وشوية said...

ياه يا برايد
كان نفسي ازعرد بيق واعمل الحاجات اللي بتتعمل في الافراح
يالا خيرها في غيرها
المهم انك طلعت بشنطة وشوزة مبروك برده

a Dreamer with feet on the Floor said...

oh my Lord,
U R made of sugar and have a style in Ur Sarcism...
I really enjoy reading U ...
U R a treasure 4 any smart man..
I am a university Lecturer( true not like Ur Fals Doc.) and I wish 2 communicate with U ...
have lots of Luck..take care

Hoda said...

خيرها فى غيرها معلشى يا برايد يا اختى بكره ربنا يفرجها علينا جميعا المهم كل سنه وانتى بخير وصحه وسعاده

Mahmoud said...

يا سلام يا برايد
علشان بعد كده تبقى تقولى عينه خضرا وشعره مش عارف ايه
مالهم يعنى اللى عنيهم سمر وحشين ؟
عموما معلش هى الدنيا كده
يوم علينا ويوم علينا برده
بس يمكن الاسبوع الجاى تتغير ويبقى يوم لينا
ربنا يرزقك بعريس بجد مش بلاستيك من محل اللعب زى الأستاذ ابن باباه ده
وتكون عنيه سمرا :(

Anonymous said...

هههههههههههههههههههه
اهو كل يوم من ده
ما تكبري دماغك من موضوع الجواز ده وتترفعي عنه وتعيشي للعلم ولمصر

ftataljanna said...

معلش يا حبيبتى
معلش وعسى ان تكرهوا شيئا ويجعل الله فيه خيرا كثيرا

معلش ربنا يخلفك خيرا منه ان شاء الله

انا مش عارفه اقول لك ايه مش هاقول لك غريبة لان فى ناس زيك كتير بيطلع لهم فى كل خرابة عفريت

بس احمدى ربنا انك لقيتي الخرابة اللى بيطلع لك فيها العفريت يعني غيرك من غير خالص :)

احمدى ربنا وارضى بقضاؤه وصدقيني ان شاء الله ربنا هايفرحك ان شاء اللهم

ربنا يشرح لك صدرك ويفك لك كربك ويرزقك من حيث لا تحتسبي

ان شاء الله خير ويجي لك خير ان شاء الله

انا كان نفسي يبقى عندى حاجة اقولهالك تريحك كنت اتمنى بس مفيش غير ربنا معاكى
ربنا يرضى عليكي ويرضيكي يا غادة يا رب ويفرح قلبك يا رب اللهم امين

Anonymous said...

عايزة أتجوز: تابع التامن
السلام عليكم
ايه يا برايد يا بنتى هو كل اللى بيتقدمولك عاهات كده ايه خلاص الرجالة الكويسين خلصوا
ان شاء الله فى المرة الجاية العريس اللى هيجى ارفضيه من البداية ورايحى دمغاك
على فكرة انا كملت بيت الشعر اللى انت كاتبه فى اول المدونة يا رب يعجبك ويعجب كل القراء ويهون عليكى شوية

طلعت فوق السطوح هز الهوا كمى
كل البنات اتجوزت وانا قاعدة جنب امى
قالولى ايه اللى طلعك السطح السطح ده مهوى
قلتلهم نار الهوا ارحم من القعدة جنب امى
طب و الكم ايه ذنبه يأخد الهوا يا حبى كم ايه ؟جوزنى وانا اديكو من دمى
أمى زهقت منى وقالتلى اطلعى السطح وهوى
حتى امى يا اخوانا رميتنى ورميت طوبتى
وأبويا كل مايشوفنى يحسسنى بعظم خيبتى
ويفضل يجز على سنانه لحد ما إتكسروا يا عمرى
والله ما ذنبى يا إخوانا ....بس أعمل ايه انا فى بختى
قولولى أعمل ايه انا فى قضيتى وعمرى
كريم ربك يعدلها ده بيرزق النملة فوق الكوبرى
قادر يبعتلك عريس ان شالله يكون حتى شكرى
أو كريم عبد العزيز ده كله قسمه ونصيب يا أختى
على حب

Hany Rizk said...

يخرب عقلك يا برايد
دة انتى حظك دكر بصحيح ... معلش اصل الموضوع عامل زى الهموم الاربعة اللى هيا هم يضحك وهم يبكى وانتى عارفة بقى ... المهم صاحبتك نهى سيبيها تشرب المقلب تستاهل اللى يحصل فيها خالليها تدوق الغمازات .... بجد يا برايد الموضوع بقى فاساخونيا على الاخر بجد يا برايد لو ينفع كنت جيت اتجوزتك على طول بلا وجع دماغ اهم حاجة بس عاوز اعرفها الفرح ليه شكل معين وللا اى طرقعة فى الجون تبقى مية مية ...؟؟

Bride Zone said...

يا ساتر..
بقى دكتور فاشوش..!
مش حقولك تعيشي وتاكلي غيرها عشان المرة الجاية يارب تكون الأخيرة ويكون ابن حلال ويكون من نصيبك..
انا مش عارفة شبان اليومين دول بيقدروا يعملوا كده ازاي؟ يعني البني ادمة اللي قبلت فيك دي مش انسانة وليها مشاعر؟ طب يطاوعك قلبك تعمل فيها كدة ازاي..؟
والست نهى دي سيبك منها.. بكرة حتستلقى وعدها وربنا مش غافل..

ربنا يعوضك ويعوضنا خير..
انا كدة زيك نفسيتي اليومين دول بالماينس.. عدينا الزيرو ونزلنا تحتيه كمان.. ربنا كريم..

اللهم ارزق اختي الزوج الصالح والذرية الصالحة وجميع بنات المسلمين يارب العالمين..

Anonymous said...

واضح حاجة من اتنين .. اما انك د غادة القصة حصلت بالفعل و انتى قسمتيها ع نصين او انها تاليف و اخراج

الطائر الحزين said...

مش قلت لك ان العيانين دول هيكونوا اهلة او اصحابة

بارك الله فيك

رحــــيـل said...

هههههههههههههههههههه
بجد تحفه
شوفى انا قريت التامن من زمان وكل يوم ادخل اقول يارب الاقى جديد
صحيح كان نفسى الاقيكى اتخطبتى بس ولا يهمك
قطيعه محدش بيكولها بالساهل

Anonymous said...
This comment has been removed by a blog administrator.
Anonymous said...

رواية احد عشر دقيقة لباولوا كوييلو رواية فعلا فائقه الروعة
رؤية جديدة فعلا في الجنس بلا ابتزال
كنت بنصح المقبلين على الجواز فعلا انهم يقرؤوها رغم ان كاتبها مش مسلم و لكن اقروا مقاطع منها و النتم تعرفوا ما اعنيه بكلمة رؤية جديدة

http://ahmedelmasry.wordpress.com/

shahy said...

الاخت العزيزة برايد
على اد ماضحكت في اول البوست على اد ما حزنت في اخرة
وبقول حزنت بمعنى الكلمة
الله يكون في عونك وعون مامتك
ويارب يجعل اخر صبرك خير

تحياتي

Anonymous said...

اولا عيد سعيد واحييك علي اسلوبك اللي زي العسل وبالرغم اني متابعت المدونة من فترة لكن دي اول مرت اعلق 0000 فاعتبريني صديقة جديدة
ثانيا عايزة اقولك ان الجواز قسمة ونصيب وقسمتك هتخديها حتي لو كنت في بلاد الواق الواق ويمكن اللي انت فيه ده احسن من اللي اتجوزت وكرهت حياتها بعد الجواز وربنا يكرمك بالعريس اللي يقدر يسعدك يا رب 0000امين
ثالثا ادعوك انك تحاولي تستغلي وقتك دلوقت لانك فرصة فاضية في حاجة مفيدة مثل حفظ القران وتعلم معانيه 000 وتتعلمي هواية مفيدة كالخياطة مثلا 000 اوتحاولي تكملي دراسك ماجستير ودكتوراة كدة يعني 000 وربنا يوفك

كاميليا بهاء الدين said...

لا يابرايد خليكى حلوة وطيبة
خدى نهى وقولى لها تعالى اوريكى خطيبى
وروحوا العيادة وقابلوا الدكتور الكبير
وخليه يحكى لها الحكاية بتاعت ابنه

حرام نهى تبنى آمل على سراب
علشان ربنا يحبك ويبعت لك عريس كويس

كاميليا

Anonymous said...

يا برايد يا حبيبة قلبى بجد والله انا حبيتك أوى، و حاسة انك فعلا اختى، بس صدقينى لعله خير، عارفة بنت عمى كانت معدية التلاتين و جالها واحد ما شاء الله أخلاق و تدين و ابن ناس، فمتقلقيش، أى حاجة خير..
و اللى بتستنى بجد بتلاقى فالآخر، لإن ربنا شايلك احسن واحد...

نيرمين

Anonymous said...

معلش يا أستاذتنا
خيرها فى غيرها
إنشاءالله التاسع حيكون فيه الشفا
هما مش برضه بيقولوا
التاسعة تابتة

حياة الأحلام said...

السلام عليكم

الله يكون فى عونك
معلش يا برايد يا أختى
قليل البخت بيلاقى فى كل حاجه حاجه
يلا الحمد لله أنها جت لحد كده وما خفى كان أعظم الرجاله أغلبهم فيهم العبر

يلا الحمد لله وربنا أن شاء الله دايما بيشيل الخير للأنسان اللى كله خير
وأنتى جواكى خير والطيبون للطيباب

ونورتى البلوج يا قمر تانى ومنك لله يا وااااااااائل

تحياتى يا اوحى

NilE_QueeN said...

اهو خد الشر وراح ياختي

الحمد لله انكوا اكتشفتوا الحقيقه بدري

هتعملى ايه بغمازاته وهو صايع

Amr said...

كنت حاسس ان الموضوع في حاجة مش مظبوطة, إن شاء الله التاسع هو الامل, وابقي انصحي صاحبتك, اهو اعملي الخير وارميه في البحر

son's egypt said...

السلام عليكم
الموضوع حلو اوي ومكتوب بطريقة كويسه وسهلة وسلسله
بص ابقي انصحي صحبتك علشان متخدش نفس المقلب

Wild at Heart said...

و أنا فى وسط الموضوع كنت حاقوللك بلاش طنط تقول للناس لحسن تتحسدى, لكن فى الآخر قلت كان المفروض تسألوه عليه بما انه دكتور مشهور
و الله يا برايد ربنا بيجازى الصابرين خير اصبرى و حاولى تركزى فى الشغل أو أى حاجة تانية
تحياتى

Anonymous said...

شوفي بقي يا شابةانتي تعبتيني معاكي. ماهو يا اما نص الحكايات دي افتكاسات يا اما انك يا اوختشي منحوسة نحس دكر ولا مؤاخذة يعني. ماهو مش معقول كده، عرسانك كلهم شرك والمصايب مش بتيجي غير فيكي. بس بصراحة العريس الاخراني ده كان لازم تعرفي من الاول انه مضروب. يعني بأمارة ايه دكتور وعنيه ملونة وشعره مش عارفة عامل ازاي. يابنتي بصي كويس في اي مستوصف ولا مستشفي هاتعرفي ان الدكاترة بعد 100 سنة دراسة في طب بيتخرجوا من غير شعر اساسا وغالبا بيحضروا الدكتوراه بطريقة برايل

همسة قلم said...

اهئ اهئ اهئ

يابنتي ده انتي لما اتأخرتي قلت خلاص كتبوا الكتاب وبرايد هاتيجي تبشرنا وتقول اتجووووووووووووووووووووووووووزت

ياستي بكرة يجي اللى احسن من منه بغمازات برضه وعنده مستشفى مش عيادة :)

كل سنة وانتي طيبة

Anonymous said...

:S YALAHWEE! NO COMMENT!

hamsawy said...

new desigen at hamsawy.blogspot

Anonymous said...
This comment has been removed by a blog administrator.
Anonymous said...

خيالك ملهوش حل
هوا من الواقع مخلوط بإللى موقعش
بس أسلوب ممتاز

Anonymous said...

انتي مالكيش حل
بجد يابخت اللى هتكوني من نصيبه

لما يبقى يجي :)

mona said...

يا ميت ندامة يابوي وكيف مازعلش!!!!

محمد العدوي said...

أسلوبك في القص خفيف وجميل .

الحكاية بالعامية أحيانا تخرج عن احكام كماتبها وتكون مملة أو مليانة تعابير غريبة لكن النص هنا تقريبا لم يقع في المطبين دول ..


عقبال اللي بعده ...

washwasha said...

الافضل انك تسلمي امرك لله و ترفضي جواز الصالونات ده اساسا

و محدش بياخد غير نصيبه
والي من نصيبك حيصيبك من غير واسطة باذن الله

كل سنة وانتي طيبة

كلاكيت تانى وتانى said...

ع العموم متزعليش لان اللى انتى فية افضل بكتير من انك تتجوزى وتفشلى فحياتك زى ناس يعنى اتجوزوا وهمة لسة 17 سنة وفشلوا بعد 15 سنة جواز الفشل صعب جدا وانشاء اللة ربنا يوعدك باللى يستاهلك انتى اتوكلى ع اللة بس واستغفرى طول الوقت لان الاستغفار هوة اللى بيعجل الزواج حديث عن رسول اللة صلوات اللة علية وسلامة المهم فالموضوع ان اسلوبك شيق جدا ويجنن ربنا يوعدك باللى يستاهلك

aboooood said...

والله أنا مستمتع بحكاوي العرسان دول .
والله الواحد بيتمنى ليكي الزواج .
بس أنا شايف إن الزواج سهل جدا بس الإستمرار فية هوة اللي صعب أووووووووووووي.هاهاهاهاهاها.
يربنا يكرمك يارب أميــــــــــــــن.

Unknown said...

سلام عليكم
بجد وحقيقي الكلام دة ولا اية
مش معقول
بقي
عايزين نفرح بيكي
وعلي العموم ان مع العسر يسرا
ربنا معاكي
بس بجد قولي بجد
حيقيقي ولا بحلم ولا فيلم
حاجة تلغبط
الواحد ماصدق انك هتتجوزي ومش اي جوازة
ولا تزعلي نفسك
اعتبرية مجاش
يلا سلام

totaa said...

بجد يابرايد ده حصل
مش مصدقه
ده ايه الواد الصايع ده
معلش
بس هاتسيى صاحبتك كده
انتى معاكى حق لا تقول انك بتبوظى حاجتها
بس لمحى حتى ونصيحه من اختك
سيبك من الجواز

Unknown said...

هههههههههههه

معلش يابنتى كل شئ بأوان والله وبعدين متزعليش على اى حاجة تحصلك كل دى خبرات وتجارب عشان لما تبقى تتجوزى وتخلفى وتيجى تجوزك بنتك يبقى عندك خبرة طبعا .. اه اومال ايه ولا عايزة بنت البت نهى صحبتك دى تتجوز قبل بنتك؟؟؟؟

:D

Desert cat said...

ولا يهمك يا باريد خد الشر وراح يا حبيبتشى ده انا حجيب لك سيد سيده ولا يكون عندك فكره

3ala asm masr said...

انا فعلا مش مصدقه
هو فى كده؟
عموما ربنا يرزقك بابن الحلال ان شاء الله

أجزاخانجيه said...

looooooooooooooooooooooooooooooool
هوا الكلام دا حقيقى؟؟
loooooooooooooooooool

ROMANTIC ROSE said...

انا تعبتلك بجد .. و خلاص مبقاش عندي كلام أواسيكي بيه .. سكت الكلام و الدمع اتكلم .. ربنا يكون ف عونك و يصبرك .. بس خديها كلمة حكمة يا برايد .. لو علمتم الغيب لاخترتم الواقع .. الله يسامحه اللي اتجوز قبلي و ما قاليش و الله يهده اللي هيتجوز بعدي و ما هيسألنيش .. بلا جواز بلا قلة عقل .. ارفعي رأسك و افخري بحريتك .. ولا عزاء للمتزوجات :(

wanna b a bride said...

mohamed h.

الله يخليك..ده واجب علينا
--------------------
stubborn

شكرا على التضامن المعنوي
-----------------------
lara

الحياة ع الحلوة و المرة ..بس الحلوة لسه ما جتش ناحيتي
-------------------------
إرحم دماغك

البلوج سفير...بيتي و مطرحي
---------------------------
anonymous

مش عارفة موضوع العمل ده ..جايز
بس أجيبه منين يعني والا أفكه ازاي؟
كله على الله
---------------------------
الحلم العربي

شكرا ليكوا جدا على الطبطبة
بجد كنت محتاجاها
نهى...لسه بافكر في الموضوع ده
---------------------------
love&friendship

أهلا بيكوا انتوا
و الضربة اللي ماتقتلنيش تقويني
---------------------------
rana

ليه مش مصدقة..انا إمتى كدبت عليكي؟؟
الحقيقة يا بنتي ساعات تبقى أغرب من الخيال
----------------------------
mohamed kamal hassan

شكرا
و اهلا بيك
--------------------------
shab masry

شكرا على التعاطف
بالنسبة لسؤالك عن بنت الثلاثين وابن ال23...أمه بأه واخواته و أبوه و خالاته و عماته هيوافقوا
هو ده السؤال

wanna b a bride said...

utopia

الله يبارك فيكم
اتفضلوا
------------------------
ظل الشمس

الله يخليكي
صحيح مالنا؟
داحنا ميت فل و حداشر
------------------------
anonymous

كل سنة و انت طيب يا كابتن
و عساكم من عواده
على رأيك الواحد يحتسب و بس
حسبي الله فيكي يا أم محروس و في العريس و في مدام سندس و في نهى و في كل اللي ظلمني
آاااااامين
منور المدونة على طول
و البلاوي دايما موجودة و بتقع من نصيبي
و شر البلية مايضحك
------------------------------
منحوس

أهلا بأخي في الكفاح
النحس ده مزاج على فكرة
ربنا يفك نحسنا جميعا ان شاء الله
-----------------------------
مصري مغترب

معلش كل مرة بضه أول دي حاجة من الإمارات هتخدمني فيها
يطلع الموضوع فشنك

معلش خيرها في غيرها و شايلينك لوقت عوزة
و عاجبني قوي الفكر المنطقي المحايد بتاعك
صح ما الواد ابن ناس و جايز برضه يورث
مش عارفة فقرية انا و دايما ماباحسبهاش صح
--------------------------------
محمود علي

شكرا ليك جدا على التعاطف و الدعم المعنوي
مش سهلة ان الكلام ده يطلع من حد من الجنس الآخر

و يارب يكرمنا في الآخر و مايبقاش الإنتظار والبهدلة على مافيش

ربنا كريم
-------------------------------
خمسة فضفضة

قليل البخت يلاقي العضم في الكرشة

تمااااام
-----------------------------
hopiz

لا لا لا
متهيألي أحسن عقاب
إني أسيبه يتدبس في نهى
-------------------------------
rania

فلما ضاقت و استحكمت حلقاتها
فرجت و كنت أظنها لا تفرج

ربنا كريم
----------------------------
pink unicorn

دي مش نيلة بس..دي نيلة سوده منقطة بكحلي

استغفر اللهالعظيم
نقول ايه بس؟
منك لله يا أم محروس

wanna b a bride said...

emos

يعني انتي صعبان عليكي نهى و أنا مش صعبانه عليكي و هي بتقول عني الكلام ده من ورا ضهري
مع ان ربنا عالم أنا باتمنالها كل خير

اسنى اسبوعين؟؟
فكرة برضه على الأقل تبقى تاخد صدمة ..هتنفعها
--------------------------------------
anonymous

ممكن بعد ذو القعدة والا حاجة
--------------------------------------
realman

لا تعال انت بس على طول و المسلسلات كتييييير
تحياتي للورثة
----------------------------------------
dado

تحياتي يا رفيقة الكفاح
فعلا ما يحسش بالوحدة غير زملاءها في الضرب على القفا
تحياتي
------------------------------------------
sara

مستنيه الفرج و على رأيك
لو مش في الدنيا يبقى أكيد في الاخرة ..ان شاء الله
--------------------------------------------
ميشيل حنا

تصدق و انا كمان
بس ايه الحمد لله دي؟؟؟
تقصد ايه؟
---------------------------------------------
z_diva

على رأيك يا حبيبتشي
ربنا يهد القوي
--------------------------------------------
unknown

صحيح الحلو مايكملش
و الدكتور مايكملش برضه

حكاية أيمن و نهى موجوده ..هي حكاية العريس الخامس
----------------------------------------------
still insane

مين اللي فتح القناة السابعة؟؟؟؟
------------------------------------------------
إنسانة

طب ماتسمعينا زغروطة للطقم الجديد

wanna b a bride said...

a dreamer with feet on the floor

شكرا على الكلام الجميل
للتواصل الميل في الصفحة الرئيسية فوق الساعة
-------------------------------------------
haneen

اللي يجي في الريش
بقشيش
-------------------------------------------
mahmoud

الي عينيهم سمرا دول هما الأساس
ماشفتنيش كنت جاية على نفسي ازاي وانا باقول عينيه خضرا
----------------------------------------
برعي الغلبان

أنا حياتي كلها لمصر
أمال ايه

قلتلي بيركبولها ايه مصر دي
-------------------------------------------
ftataljanna

و الله ان الواحد يبقى عنده خرابه مش أمله زي مانتي فاكرة

واللهاللي من غير احسن
والا برضه اللي ايده في الماية
مش عايزة أقاطع
أديني مستمتعه بالخرابة بتاعتي و على الأقل بيطلعلي منها حكايات احكيها
-------------------------------------------
anonymous

الرجالة الكويسين راحوا في 73
لنا الله
تفتكروا لو رفضت التاسع من البداية الموضوع يتغير
تصدق فكرة
هاجرب يمكن ينفع

شكرا على تكملة البيت الشعري ..هو مش من تأليفي الصراحة
ده مثل
-----------------------------------------------
brokenheart

أنا سعيدة اني آخيرا لقيت حد من رأيي
لازم أسيب البت نهى الخبيثة دي تشرب المقلب
علىالأقل عشان تتعلم كده و تبقى جامدة..مش نفسنة يعني ولا حاجة

فرح ايه اللي بتتكلم عليه
احنا خلاص عدينا المرحلة دي من زماااااااان
-------------------------------------------------
bride zone

شوفي يا حبيبتي ..وانتي عارفة انا احبك قوي..دانتي زميلة

الشباب اليومين دول و اليومين اللي قبلهم و دايما و الى الأبد
مابيهوبش على تفكيرهم البني آدمه اللي قدامهم خااااااالص

ربنا يهدي
----------------------------------------------------
anonymous

هو الصراحة
الإتنين
-------------------------------------------------
الطائر الحزين

الله يبارك فيك
كان نظرك في محله

wanna b a bride said...

ra7eel

على رأيك
قطيعة بصحيح
---------------------------------
أحمد المصري

عروستي
--------------------------------
shahy

شكرا على التعاطف و الطبطبه
و الله كنت محتاجاهم
--------------------------------
the phoenix

عيد سعيد عليكي و ع الكل
أحب اطمنك ان كل دقيقة في وقتي مستغلة والحمدلله و ماعنديش وقت فراغ خااااالص
ماتقلقيش من الموضوع ده
--------------------------------
كاميليا

و هي مش حرام عليها تتكلم عليا من ورا ضهري
وانا اللي بحبها و اتمنى لها كل خير
عموما هافكر...يمكن أعمل فيها خير و ارميه البحر
مع انها ماتستاهلش
-----------------------------------
نيرمين

فعلا؟
ربنا يطمنك
و يجعل الخاتمة خير
تحياتي
-----------------------------------
واحد مكسوف

التاسع..يا خوفي يا بدران
أنا بقيت بخاف مقدما

بس انت مكسوف من إيه؟
-------------------------------
حياة الأحلام

منك لله يا وائل
و منك لله يا أم محروس

ربنا يستر على اللي جاي
هو فعلا الطيبون للطيبات
طمنتيني
----------------------------
nile queen

انا عارفة؟
دانا كنت هاغمزه غمزه في قلبه أطلع روحه
بلا غمازات بلا كلام فارغ
------------------------------
amr

ممكن أفكر و اعمل فيها خير
مع انها ماتستاهلش

ادعولي التاسع يجي على خير

بحلم said...

مش ممكن بجد
دمك سكر وموتيني م الضحك
مش عارفة هي ممكن تكون قسوة اننا نضحك علي احزان ومشاكل ناس تانية، بس اللي مريح ضميري ان انتي اساسا بتضحكي
علي فكرة انا قربت علي 28 ومش مخطوبة ولا اتخطبت ابدا ومش شايفة مشاكل
بالعكس فرحانة ونفسي أفضل كدة من غير مسؤليات وتحكمات وقرف ، بس نفسي أتجوز برضه..حاجة غريبة الواحد مش عارف ايه أحسنله
يلا نسيبها علي ربنا بقي

لا انتمى لهذا العالم said...

السلام عليكم
انا بجد عايز اتعرف عليكى لانى يمكن فى حكاية الزواج زيك بالظبط كل ما افكر فى خطوبة اى واحدة تتجوز لذلك انا هنعم عليكى و هقولك انا بفكر بخطوبتك بجد موافقة

لا انتمى لهذا العالم said...

اه على فكرة نسبت اقولك انا دكتور كيميائى وعندى 28 سنة وشغال فى شركة ادوية كبرى

non said...

والله يا برايد مش عارفة اقولك ايه، بس انا بحب اقرأ قصص العرسان بتاعتك أوى، مع انى مش عارفة هى قصص حقيقية ولا لأ، بس انا بحب اشوف اخبارك لأنها عاملة زى الحكايات اللى بتحصل معايا بجد، وزى ما المثل بيقول "اللى يشوف بلاوى الناس تهون عليه بلوته".
مع ان الواحد مش عارف إذا كان الوضع يبقى احسن لو الواحده اتجوزت ولا خلينا كده لوحدنا اريح، بس الخوف من بعدين مش من دلوقتى، زى ما انتى عارفة طبعا العمر بيجرى يا واختشى "وضل الراجل..." بس انا بحاول اقنع نفسى انه الواحده لازم تبقى ليها حياتها و والله لو "عاريس الغفلة" جه يبقى خير و بركة ، لو لأ يبقى مش مشكلة، صدقينى انا بحاول اقنع اللى حوليا بالكلام ده مع انى انا كتير مش باعرف اقنع نفسى بيه لأنى باكره الوحده اللى عايشه فيها.

المهم علشان ماطولش، اتمنى لك و اتمنى لى حظ احسن المرة الجاية.

سهر الليالى said...

ربنا يكرمك يارب ويبعتلك اللى يستاهلك ويريح قلبك بس برضو تفضلى تمتعينا ومعرفش ازاى

بجد دمك زى العسل وفعلا أنتى بتتكلمى بلسان كتيييييييييييييير أوى وعن نفسى برضو ممكن ابعتلك قصص بالهبل يلا اهو اللى يعيش ياما يشوف

وعلى فكرة حوارك كان دمه زى العسل وكلامك حلو أوى

تحياتى

Anonymous said...

برايد .. انتي عسولة اوي اوي اوي و معلش ده موقف غبي لاقصى درجه

ربنا هيرزقك باللي احسن منه اللي يقدرك و يصونك

سوسو كعب الغزال

Unknown said...

التعليق هو موجهة الى قراء المدونه الالكترونيه الذين يقفون في المنافسة فريق واحد او يعتبرون انفسهم الى فريق الدعم. مسابقة المدونات التي هي فرصة فريدة لاختبار كيف ان الدائرة قامت مزايا كمنصه للمشاركة في الاصل مشاريع الشبكه. في الفترة من 23 تشرين الاول / اكتوبر الى 15 تشرين الثاني / نوفمبر وسيحاول لمعرفة المنهاج الذي هو اكثر ملاءمة للتصويت عبر الانترنت. بما في الاتصال في لغات مختلفة ، باستخدام الترجمة الاليه. بادئ ذي بدء ، اسمحوا دعمكم المجموعة الى التعبير عن نفسها محايدة تماما في هذا الموضوع
http://board.blogforum.ru/showthread.php?p=695#post695

آخر يقرروا بأنفسهم أين أنت بدوره مربحه في هذا الموضوع للحصول على مزيد من الاصوات الآن ، في السنة او ثلاث. اسمحوا كل لغة سوف يقول كلمتهم

Azhar_elsaghir said...

السلام عليكم
ازيك يا برايد عاملة ايه
انا باتابع المدونة بتاعتك من زمان بس أول مرة أشارك انتى عارفة اناعملت account مخصوص عشان ارد على مدونتك ولما لقيتك طولتى بحسبك اتجوزتى وقلت يا ربى هى برايد راحت فين اتجوزت خلاص وبطلت تكتب مدوناتها الجميلة بس الحمد لله انك لسة موجودة وربنا يعدلهالك ويعدلهالى انا كمان ونتجوز فى يوم واحد (:

Anonymous said...

كل شى نصيب والحمد لله انها جاءت على قد كده بس بجد واللهى اسلوبك رائع فى السرد

أُكتب بالرصاص said...

إزيك يا برايد..

معلهش ..خيرها في غيرها، لسه ما جاش النصيب...
دا ناصيب إيه دا يا خواتي



فاكرة مين أول واحد خطى البلوج ...؟
ومين تنبأ للمدونة بشأن عظيم..
يا سلام عليك يا اكتب بالرصاص..
مكتشف النجوم
:)
الواحد له نظرة برضه..مش اي كلام


تحياتي

الأســـد المصـــري said...

بصراحة نفسي الاقي كلام جديد مختلف عن
الناس ومش عارف
انا متابع البلوج يمكن من ساعة العريس التالت .. بس دي اول مرة أكتب تعليق
اسلوبك متميز جدا وانصحك تسجلي القصص دي في كتاب او حتى الشهر العقاري عشان محدش يسرق الفكرة , لانى اعتقد انها تنفع مسلسل كوميدي رهيب, خصوصا ان افكارك متنوعة وخصبة
اتمنى تزوري مدونتي " العب مع الأسد" وان كنت عارف طبعا ان بتجيلك دعوات كتير , بس ياريت فعلا تلقي نظرة
وفي انتظار البقية

شيماء الجيزى said...

يا سيدتى شكرا حتى انك ذكرتى
اينعم هو من زمان بس يلا

واكيد هنعوزك فى صوت مدون
علشان بقى الناس تسمع صوت برايد

استعدى يا فتاة

وايه عمليات النصب دى

كان الله فى عونك يا حبيبتشى

مووووووووووواة
بجد وحشانى موت

متشكرة على كلامك
سلامات

shabfa2re said...

هى أنتخت فين؟

Anonymous said...

انت لو بتكلمى بجد و ان الكلام ده حصل فده من أكثر الأخبار المحزنة المضحكة اللى قرتها. عامة go on عقبال التاسع هههههههه
برايد بجد انا صدقت اللي بيقولوا شر البلية ما يضحك نحوي معلش باه

Anonymous said...

sorry ya brid, rabena ma3kie fa3lan, bas ana besarha bakteblak, 3ashan enti 7'abra fel masael dii, i wanna ask question. i like a girl soo much(love her) bas 7'aef aklmha besarha 3ashan mostawaha el madi 3ali awie,ana 3andi flat,car, and i work in job with high salary range,bas my flat and car tab3an not like her stuff.mesh 3aref a3mel eah.ana bat3azeeeeb.

wanna b a bride said...

son's egypt

شكرا ليك
و هافكر جديا في موضوع نهى
---------------------------------------------
wild at heart

ربنا يعيننا على الصبر
-------------------------------------------
andalus

صح فاتتني ازاي دي

بس انا عندك أهه دكتورة و أمورة..آه أمورة ..يعني لكل قاعدة شواذ
-------------------------------------------
همسة قلم

و أنا أضم صوتي لصوتك

وانا في انتظار الغمازات القادمة
----------------------------------
epitaph

دمتم
---------------------------------
hamasawy

أوك
---------------------------
hshady

شكرررررا
---------------------------
anonymous

لما
---------------------------
mona

تحياتي للقناة السابعة
-----------------------------
محمد العدوي

شكرا ليك

و عقباااال اللي بعده

wanna b a bride said...

bestic

أنا كده كده مسلمة أمري لله

و المكتوب علىالجين
---------------------------
كلاكيت تاني و تاني

استغفر الله العظيم
استغفر الله العظيم
استغفر الله العظيم
----------------------------
aboooood

الجواز سهل؟؟؟

مين قال؟
----------------------------
my hope$

وانا كمان عايزة افرح

و اعتبرته مجاش
و قطعنا رجل ام محروس

م الحي
-------------------------------
totaa

أسيبني من الجواز

أمممممممم
أنا مش عشاني..انا عشان مصر
حاسة كده اني هاجيب عيال يرفعوا رأس الوطن
--------------------------------------
إنسانة

تصدقي ماعملتش حساب موضوع بنت نهى دي

انتي عندك حق
أنا لازم اظبط للبنت جوازه من دلوقت

مش هتخيب خيبة امها
-----------------------------------------
desert cat

طب هاتي
------------------------------------
3ala asm masr

ده فيه كده
و فيه كده
و أبو كده كمان
-------------------------------------
أجزخانجية

أهلا بالزمايل

هو فيه أجزخانجية زينا بتكذب
عيييييب
-------------------------------------
romantic rose

حاسة بتعاطفك معايا
أيوة كده احنا بنات زي بعضشينا و لازم نقف وقفة ست واحدة

أنا رأسي مرفوعة دائما
و ابدا ان شاء الله

wanna b a bride said...

بحلم

اضحكي اضحكي

ماحدش واخد منها حاجة

مادام وصلتي لل 28 الصدمة هتجيلك بين يوم و التاني

استني بس دقيقتين كده و الحقيقة المرة هتبان

--------------------------
لا أنتمي لهذا العالم

فكر

يمكن يكون وشك حلو

--------------------------------------
nemo

طب شفتي
مادام بتحصل معاكي زيها

مش مصدقاها لييييه

اذا كان على موضوع اللي يشوف بلاوي غيره

تعالي على طول
عندي بلاوي كتيييييييير
---------------------------------------------
سهر الليالي

ياااااااااااااااااااااااااارب

ابعتيلي الحكايات ياللا
لازم نستفيد من خبرات بعض

وسعيدة ان الحوار عجبك
------------------------------------
anonymous

شكررررررررا ليكي

يا سوسو
--------------------------------------
toe4

أوك
--------------------------------------
azhar_elsaghir

أنا هنا و سأظل هنا

ماتقلقوش

ربنا يرزقك و يرزقني

يااااااارب

wanna b a bride said...

رئيس جمهورية نفسي

كله على الله

سعيدة ان عجبك الأسلوب
----------------------------------------
أكتب بالرصاص

أستاذي و وش الخير
مش ناسية انك أول واحد تنبأ للمدونة بالإنتشار الواسع

الخير على قدوم الواردين
------------------------------------------
mohammed

اقتراح جميل

هافكر فيه ان شاء الله

مدونتك ان شاء الله هازورها
تشرفني دعوتك
----------------------------------------
شيماء الجيزي

حبيبتشي يا شيماء

و الله كان واجب عليا من زمان
بس تقولي ايه
الواحد مخه بأه ترالام لام

عنيه ليكي في صوت المدون و انا اطول

أممممممممممواه
-----------------------------------
shabfa2re

في بيتنا
----------------------------------
أدهم

نحوي برضه

معلش سماح المرة دي

التاسع هيجي هيجي

هيروح فين يعني؟
---------------------------------
anonymous

المواجهة أقصر طريق للراحة من العذاب

روح قوللها يابنت الحلال
انا ظروفي كذا و كذا و باحبك و ان شاء الله هاسعدك
ايه رأيك

آه
يبقى حصل خير
لأ
يبقى اديك رسيت على بر

بس خلاص

ody911 said...

مش عارف أقول إيه ؟

بس حقيقى مفتقد البلوج بتاعك

غادة إنتى بجد انسانة جميلة جدا

وتستاهلى كل خير

وربنا إن شاء الله هيجازيكى خير

وعادى بقة
أودى

aya said...

عزعتى انتى رائعة حقا فى اسلوبك وكلامك وثقافتك
ويا ستى يعننى هما اللى اتجوزوا اخدوا ايه

وعلى العموم يا برايد اعرفى ان صبرك ده والله فى الاخر بيتعوض خير جدا

انا حبيت بس اقولك انه انا معجبة اوى بجد بالبلوج وبكتباتك

ربنا يباركلك ويكرمك ويديكى الخير ويراضيكى بيه

Biotechnology @ Top said...

ماشاء الله عليكي
يا بنتى ابقي طبطبي انتى عليها وسبيها تعيط على كتفك بدل ما انتى اللي تعيطي
وبعدين ايه يعنى عريس ؟؟ يااااما حاتشوفي عرسان اصناف والوان
وربنا يكتب لك الخير
يعنى كان كويس لو اتخبطي يعنى وبعد كدة اكتشفتى المصيبة السودة؟؟؟ يا ابنتى احمدي ربنا على النعمة
http://biotechnology-4u.blogspot.com/

وربنا يديم المعروف

الأســـد المصــري said...

في انتظار التاســـع

(وتشريفك لمدونتي المتواضعة)

كفايـة طيبـة said...

ياستى الحمد لله على كل حاجة ...

ربنا يكتبلك الخير يارب

بس الاسلوب تحفة ماشاء الله :)

صيدلي said...

ربنا يوفقك و يكرمك ؛أنا هقولك الحديث ده للتذكرة لأنك أكيد عرفاه

وقال الرسول صلى الله عليه وسلم :

"عجبا لأمر المؤمن إن أمره كله خير وليس ذلك لأحد إلا للمؤمن إن أصابته سراء شكر فكان خيرا له وإن أصابته ضراء صبر فكان خيرا له"

sonny said...

hi braid
i want to thank u for ur effort
u r realy great....however
nowdays financial r never secure
so my advice if u meet a man in good relationship with allah
dont hesitate a minete
he may be poor or comin from a small family

but he may give u hapiness
belive me i spent 20 years travelling the world the most closer people to god r the egyptions not cause i,m egyption guy cause its true
.............true............

good luck allah ysa3dna klna

sonny said...

hi braid
i want to thank u for ur effort
u r realy great....however
nowdays financial r never secure
so my advice if u meet a man in good relationship with allah
dont hesitate a minete
he may be poor or comin from a small family

but he may give u hapiness
belive me i spent 20 years travelling the world the most closer people to god r the egyptions not cause i,m egyption guy cause its true
.............true............

good luck allah ysa3dna klna

dr.a7med rabi3 said...

ايه الكلام ده يعنى الستاير والفازات والكلام ده كله على فشوش وانا اقول من الاول هو مجابش جاتوه ليه 0 بس انتى غلطانة عشان تصدقى ان فيه دكتور ممكن يسيب العيانين عشان يشوف عروية ولا بذمتك فيه دكتور بغمازة ده احنا كده مننفعش دكاترة خالص 0 بس انتى برضه استفدتى بطقم وشوز جداد عايزة ايه تانى كفاية افترا. وبعدين كفاية باه على ايمن سيبيه فى حاله وبالعند فيكى باه انا ناوى اتخصص رمد ان شاء الله وهابقى اصلحله الاستجمتيزم ولو انى بيتهيالى بعدها مش هيشوف خالص . وايه حكايتك مع نهى باه سيبيها فى حالها وبعدين يا ستى اعزمى مدام سندس مرة كده على اكلة رز بالخلطة بس من غير بودرة المرة دى يمكن يكون فى ايديها الشفا وبعدين هو ايه حكايتكو واحدة يجيلها عريس من ام محروس بتاعة اللبن والتانية من ام هبة بتاعة الفراخ (ولو ان بينى وبينك اللبن والفراخ بيكسبوا اكتر من الطب)عموما هتتعوض ما تقلقيش ممكن نكلملك ام عتريس الداية ولو انى اعتقد انها متعرفش غير رجالة متجوزة بس الموجود هنعمل ايه ولا هو تحكمات وخلاص . على فكرة الطيار كان معاه حق يسيب نهى اصل 28 سنة و3 شهور رقم مش عاطفى بالمرة وانا هاقولك نصيحة ليكى وليها بعد كده لما حد يقولك كم سنة قوليله ثمانية عشر عاما وبضعة اشهر (حلو النحو ده )ولما يصر كم شهر بالظبط ابقى قوليله 120 شهر . يالا سلام وابقى سلميلى على امانى وجوزها فوفو (هو فوفو ده جوزها ولا جوزتها)

Anonymous said...

انتي ليكي نفس تهزري
دي مأساه والله
بنات زي الورد
عايزين يحبوا و يتحبوا
ويبقى عندهم اولاد و اسره
يفضلوا قاعدين كده
مستنيين ابن الحلال
اللي هايحققلهم امنيتهم
في الانجاب والاسره و الاستقرار
ربنا ينتقم من اللي كان السبب
اللي عيش الناس في فقر
و يأسهم من المستقبل
واللي نشر الظلم في كل مكان

انا قلبي بيتقطع والله
حسبنا الله و نعم الوكيل

Anonymous said...

هههههههههههه تعيشى وتاخدى غيرها يا برايد

Anonymous said...

لم أقرأ المدونة الأ بعد لما شوفتك وع منى الشاذلى اصل بحب البرنامج بتاعها قوي ومتابعة اكتر من اي برنامج اصله بيعيشنا فى الأحداث وبيجيب كل البلاوي ال مصر وفين وفين لما يحنوا علينا ويجيبوا حاجة حلوة زيك كدة ماطولش عليكي احسان تقولي علية رغاي ولا حاجة المهم دخلت النت ووصلت لمدونك وقرأتها لقيت الموضوع كأني الضبط باتفرج على منى الشاذلى بس بصراحة صعبتي عليه وقطعتي قلبي ومن سعتها عمال اسأل نفسي اذا كان ده بيحصل مع الأطباء ال اهلهم دفعوا فيهم دم قلبهم وال دايما كانو بتخطبو وهما فى الجامعة امال ايه ال بيحصل مع الكليات التانية؟؟؟؟؟ يعني اهي اسمها كلية والسلام بس كلو إلا كلية الطب دي ياعيني من اول التنسيق والناس نازله عليهم قر اتابيهم غلابة ولا ياعيني بتوع دبلوم التجارة مش عارف هما كمان هايعملوا اية دول احسن حاجة مايفكروش فى الموضوع ده من اصله بس برضو عمال افكر في السبب لكل المشاكل دي ومش عارف الاقي حل حل ايه يعني هما بتوع الطبببببب الطب عرفوا يلاقوا اما انا هلاقي حل بس برضو ممكن ماسكتش روحت للشيخ وحكيتله على الموضوع قالي ان ربنا احل للراجل مثنى وثلاث ورباع قولتله يعني ايه فين الحل قالي هو ده الحل يابني قولت له هو فين انا مش شايفه قالي ماهي دي المشكلة ان الناس نسيت الدين وماعتدش عارف حاجة عنه يابني الدين فيه حلول لكل المشاكل قولت اكتبلك فى التعليق بتاعي بس برده لما فكرت شويه لقيت لسة فيه مشكلة كبيرة كبيرة قوىىىىىى رجعت تاني للشيخ قولت له يا شيخ هو الواحد قادر يتجوز واحدة لما هاتجوز اتنين قالى مش بقولك يابني انتوا مش عارفين حاجه فى دينكم قولت له يعني الموضوع ده له حل كمان فى الدين قولت الحقني بيه قالى قال رسول الله صلى الله عليه وسلم اقلهن مهرا اكثرهن بركة صدق رسول الله صلى الله عليه وسلم قولت اقولك يمكن انتي تقتعي زى مانه اقتنعت بس اقولك حاجة اخيرة انا عاجبني جداااا اسلوبك فى الكتاب

Anonymous said...

السلام عليكم ورحمة الله وبركاته
انا فرحانه بيكى ياغاده جدا رجعتينى سنين لورا كتير مش عايزه اقولك اد ايه ولما شفتك فى العاشره قلت مع نفسى البنت دى دمها زى الشربات ومش عارفه ليه التشبيهه ده بس انا كبرت لاقيت الناس بتقول كده واشتريت كتابك وادانى مشاعر كتيره جدا وكل مااقرا صفحه الولاد يسمعو ضحكتى مجلجله واكيد بيقولو ماما اتجننت لأنهم متعودين اكتر انى ازعق . اشكرك ياغاده دخلتى الفرحه فى قلبى وافتكرت معاكى تجارب العرسان ولاقيت معاكى ان التاريخ لسه واقف واننا لسه احنا احنا .ربنا يوفقك واحب اقابلك واشوفك علشان اديكى حضننننننننننننن كبيييييييييييييييير اوى. طنط نجوى

Anonymous said...

أجدد و أخر فيديواهت البلوج

Anonymous said...

موقع يقدم إختبارات شخصية متنوعة مثل إختبار الذكاء وإختبار النظر ويقدم العديد من الخدمات المفيدة مثل ترجمة المواقع وشاهد منزلك بالقمر الصناعي والعديد من الألعاب
http://sudokus.freetzi.com

Anonymous said...

يا غادة أنا أول مرة أقرالك من كام يوم,و اتأكدت بعدها من حاجة واحدة بس,الرجالة فى البلد دى إطسوا فى نواضرهم,ياللا بينا نكت زى الحضرى

Anonymous said...

الدليل الشامل للمدونات العربية

سياسة - اقتصاد - ثقافة - حوار - أدب وشعر - والمزيد

http://blogsguide2.blogspot.com/

Anonymous said...

!!!!!!!!!!!!!!!!

هرطقة said...

على فكرة بقى
انتى حظك حلو
عشان العريس اللى يبان مفيهوش غلطة ده بيبقى فى الغالب مصيبة
أعرف جوازتين كانوا كده
منهم واحدة أعرفها شخصيا
ودى اتطلقت بعد شهور وكانت لسه آنسة
والتانية اتطلقت بعد سنتين جواز لما قفشت جوزها بالصدفة مع واحد صاحبه
قولى الحمد لله