كح كح كح كح كح كح كح كح كح كح كح كح
هذه كانت مقدمة واجبة و استهلال لابد منه
صحيح يا جماعة البني آدم ده لسان ..آه و النعمة
بعد النشر في الأهرام و من وراه الدستور و موضوع إخوان أون لاين و الشهرة اللي نزلت على أختكم من غير ميعاد ..مش الناس بأه تباركلي و تهنيني على الكلام ده؟
لأ ازاي؟
و مصداقا لقول الشاعر الجاهلي القديم
الكحكة في ايد اليتيم عجبة
النم و القر اشتغل ..و كانت النتيجة الحتمية هو رقودي في السرير خلال الإسبوعين اللي فاتوا بين الحيا و الموت
جسمي مولع من الحمى و امد ايدي و هيا بترتعش و أشاور ع الكمبيوتر
أوج..أوج..يعني البلوج
ماما تطبطب عليا و تقوللي ..سلامتك يا برايد ..بتخترف م الحمى يا عيني
ده الكومبيوتر يا حبيبتي مش الأورج..لا حول ولار قوة الا بالله
أمد ايدي و أشاور تاني
أنة..أنة...يعني المدونة
بابا يصرخ و هو ماسك دموعة بالعافية..يا جماعة شوفوا حل ..البنت هتضيع مننا
بابا يصرخ و هو ماسك دموعة بالعافية..يا جماعة شوفوا حل ..البنت هتضيع مننا
الواد محمود سلوع جارنا اللي في كلية الطب يعدل النضارة على أرنبة مناخيره زي اونكل فتحي سرور و يقول
أنا شاكك انها حالة انفلونزا طيور
البت هند اللي عندها 6 سنين بنت أماني جارتنا اللي هيا أصغر مني ب3 سنين ..تتنطط على السرير و تقول
هيييه هيييه طنط برايد هتبيييض
و انا أصرخ فيها
تي..ات..اسن..وم..سك..تي..مك
يعني اسكتي يا بت بدل ما أقوم أهرسك انتي و أمك
أماني تشد البنت من قدامي و تقول..جايز برضه يا عمو ..انتوا كلتوا فراخ قريب
يا بنتي من ساعة العيد و احنا بناكل في لحمة الخروف
الواد محمود سلوع يقرب من بابا و يحط ايده على كتفه
أنا عايزك تفكر كويس يا عمي قبل ماتجاوبني
الخروف اللي انتوا دبحتوه ده ..مش فاكر كده حضرتك اذا كان قبل ماتدبحوه...كان بيكاكي
بيكاكي؟...لا ..دانا كده اطمنت على مستقبل الطب في البلد..امشي ياله ..امشي روح العب بعيد ..امشي
الحق عليا يعني كنت عايز أوفرلكوا أجرة الدكتور
امشي يالة باقولك
المهم يا جماعة خلصت الموقعة دي على ان اختكوا-اللي هيا أنا - اتنقلت المستشفى
حصل ايه بعد كده باه مش فاكرة بالظبط
بس خير اللهم اجعله خير...يتهيألي كده ان طنط حشرية جت تزورني في المستشفى
او يمكن هي اللي كانت محجوزة في السرير اللي جنبي بعد مارجليها اتكسرت
بيقولوا فيه حد دألجها من ع السلم...ماتعرفوش مين
ياللا ..ولاد الحلال ماخلوش لولاد الحرام حاجة
انا برضه مش عايزة أظلم النشر في الهرام او في الدستور في اللي حصللي احتمال النشر في البلكونة هو السبب؟
جايز برضه
و ها أنا عدت اليكم ..سالمة غانمة و هنبتدي الشغل في البلوج الجديد
أه على فكرة
كل الكلام اللي انتوا قلتوهولي عشان أخللي البلوج عرايس و عرسان ..مالوش لازمة
كل الحكايات اللي جاتلي بناتي
يظهر الرجالة في البلد دي اتعودوا يسمعوا الستات و بس..و نسيوا ازاي يتكلموا
انتظروا قريبا جدا
حكايات البلوج الجديد
و انتظروا أيضا
و انتظروا أيضا
الخــــــــــــــــــامس
69 comments:
Enty 3asalllllllllllllll,
Alf 7amd ALLAh 3ala el salama ya Pride
Enty 3asalllllllllllllll,
Alf 7amd ALLAh 3ala el salama ya bride
ya nas ya shar , kefaya 2ar
7amdellah 3la elsalama ya gameel
enshallah 3adewenek
mestanyin elgedid hena we henak
الف حمدلله علي السلامه يا جميل
عودا احمدا :))
حتي في وصف المرض تحفه انتي
مشكلتك دايما بنسمع مئاسيكي بس ازاي نتفاعل معاكي انسانيا معرفش
:))
خلاص اكتبي ايميلك و تعالي شات ماسنجر
:))))
ماشي يا عسل و في انتظارك دائما
ياستى اللهم لا حسد
و ربنا رجعك لينا أهوه بالسلامة و الصراحة انا ماعنديش قصص عن الجواز فى حياتى لسه علشان أضيفها لمدونة عرايس و عرسان
بس ممكن أدور فى الناس اللى حواليا لو ده مش ممنوع و أكتب تجربتهم
حمدالله على السلامة
حبيت أوى طريقتك فى وصف الموقف فى البيت
لسه بضحك لغاية دلوقتى
الحمد لله على سلامتك
لاء برضو الحسد وارد واحدة عادية كده لمت تنجح في أنها تتجوز مع أن القطط بتتجوز تعمل حاجة والناس تقول عليها حلوة ما يصحش
انت بريئة لو افتكرتي أن فيه جنس راجل يفتكر أو يدرك نفسه مرفوضا مامته تطبطب عليه وتقوله بعد انت ما ترديش تردي عليها حتى انا ما استريحتش للناس دي مش مستواك يا حبة عيني
ولهذا يحيا الرجال طووايس في المجتمع لكن البركة فيك وأنا كمان ناوية أشارك في عرض الصورة من الناحية الثانية أو الرأي الآخر
سخريتك راقية وأنت أمورة
الف الف حمد لله علي السلامة وعود احمد ومحمد وكل الناس دي وانتي اختاري منهم عريس بقي
وحشتنا موضوعاتك
عاوزين جديد بقي
بس خالي بالك من الحسد
علقي خرزة زرقاء علي البلوج وبخريه
وخلي ماما تبخرك
وانا حاسس ان ربنا هايسهل قريب
تعرفي انا لو كنت اكبر من كده ببتاع ست سبع تمن سنين كده
كنت اتجوزتك
بس مافيش نصيب
يللا بااااااااااي
الف سلامة عليكى
دمك خفيف حتى فى المرض بتاع الطيور
شدى حيلك بقى و هتلنا الخامس
وحشتينى أوى و الله ..ألف سلامة عليكى ..مبروك على البلوج الجديد كمان ..الى الامام يا رومل
البت هند اللي عندها 6 سنين بنت أماني جارتنا اللي هيا أصغر مني ب3 سنين
amany married at 18/9 ..
LEHHHHH
الاخت العزيزه \ برايد
شفاكى الله وعافاكى ادعو الله ان يكون مرضك فى ميزان حسناتك يوم العرض عليه وحمد لله على سلامه رجوعك الينا
من غير ما اغلس عليكي ومن غير ما تفتكريني بعاكس
بس بجد بجد لما قريت كلامك عن المرض اتمنيت يكون عندي زوجة واكون جنبها واعمل لها كمادات واسهر جنبها طول الليل
بجد الاحساس ده حلو اوى-مش احساس المرض اكيد-بس احساس الحنية وانك تكون جنب انسان محتاج لك وانت برضة اكيد هتحتاج له فى يوم من الايام
ربنا يوفقك يا برايد ويرزقك ويرزقنا اجمعين عشان الواحد خلاااااااااااص اتخنق من قعدة العزوبية دي
وبعدين مدونة عرايس وعرسان دي عايزينها تبقى موقع زواج مجاني مش زي مواقع اى زواج والكلام ده اللى كلها نصب واشتغالات
عايزينها تبقى حاجة بجد ويكون فيها حاجة من نوعية اعلان زواج:(أنا طبيب 22 سنة لسة مخلص الكلية ومعنديش شقة وعايز اتجوز انسانة تبدأ معايا الطريق ونبني حياتنا سوا ويكون مواصفاتها كذا وكذا)وكمان (أنا فتاة 20 سنة مؤهلاتي فى الحياة كذا وكذا
وكدة يعني
وربنا يجعله عامر يا برايد
سلامتك يا برايد
قدر الله وماشاء فعل
المهم انتى بخرى البلوج واقرأى المعوذتين قبل الكتابه وكل شئ هيبقى تمام
فى انتظار موضوعك الجديد
هههههههههههههههههههههههههه
يخرب عقلك يابت يا براااااااااااااااااااااااااايد
هههههههههههههههههههههههههههههههه
والله مش قدرة امسك نفسي مالضحك
دا ايه دا
انت مشكلة بجد
الف الف الفففففففف حمد الله عالسلامة يا جمييييييييييل
والله نورتي المدونة بجد
وحشتينا يا بت
يخرب عقلك
والنبي بسرعة مستنيين الخامس بسرعة
متتاخريش علينا
ربنا معاك ويحفضك يا بنتي
وحصوة فعين الي ميصلي عالنبي
سلاااااام يا قشطة
حمدلله ع السلامة يا برايد
اتأخرتي اوي.. دانا كت حتي بفكر اسيب الحزب واروح اتجوز..بس الحمد لله رجعتلنا سالمة غانمة عشان تنقذينا من العرسان (يا رب ياختي يا رب)
في انتظار الخامس (أوعي يكون الدكتور اللي كان بيعالجك في المستشفي)
خيبة الله عليكى إيه يا بنتى اللى انتى كاتباه ده ؟ آنه وأوج أوج وهيه هيه هاتبيض هاتبيض يا دى النايبه ويادى الكسوف ؟ يا شماتة طنط حشريه فيكي ؟
مدونتك تحفه يا آنسه وهاتابعها بانتظام فما تحرميناش من البسمة يا عسوله
يالله ناى بقى
مبروك يا حاجة الدستور والكلام ده كله
ومنورة المدونة
بس اياكى والغرور وربنا يكرمك فى شغلك
الف حمد الله على السلامه حسبى الله ونعم الوزكيل فى الى قر عاليكى هما الناس كده طول النهار نم وحسد يلا محدش واخد منها حاجه
المهم انك دلوقتى بخير ياجميل
وحسبى الله ونعم الوكيل هى طنط حشريه وراكى وراكى حتى فى المرض ابقى ادفى كويس وخدى بالك فى ناس هنا عايزاك
وحشتيييييييييييييييييينى موت بجد
ده مين ده اللي بيقر عليكي وبيحسدك وبيبص لك في اللي إتنشر في جرنال وإتنين وتلاتة وبيقول ياريتني مشهور زيها وبيقر عليكي من كتر العرسان وبيقر عليكي من كتر اللي إتقال عنك في برامج التليفزيون .. ده مين ده؟
باريد
الف سلامة عليكي
انا لازم اجيب المبخره واجيلك ابخرك وابخر البلوج اوست اوست يعنى بوست بوست
حمدلله على سلامتك يا برايد
واحشانا
اقطعي علاقتك بأماني عشان مش كويس عالسخنيه ده
و البلوج نور
عودا احمدومحمدومحمودوحميد
تحياتشي
حمد الله على سلامتك يا جميل
ألف حمد لله على السلامه
ياختى انشالله الوحشين الى قروا عليكى
أهم حاجة العين متجيش فى العرسان الى حيجولك يا برايد يا أختى
أبأى بخرى نفسك و بخرى البلوج
:)
فى انتظار الخامس و خمسة و خميسة و متنسيش أنك تنشرية يوم الخميس
:))
حمد لله عالسلامة يا برايد
صدقينى هيا العين
احنا لازم نبخرك منها
و مستنين الخامس
حمد لله على سلامتك
ان شاء الله كل الوحشين
المهم احنا مستنين الخامس و البلوج الجديد بفارغ الصبر
يالا شدى حيلك باه و اكتبى
الف سلامة عليكي يا جميل
والله انا مش عارف اقولك ايه هي الرجالة خلاص انطصت في نواضرها ومش شايفة احلي عرايس الكون بتقول فين العرسان ؟
مش بقولك انا موجود وشلك في الاخر هتفطري ع البصلة هههههههه
المهم انا حبيت اقولك الف سلامة وانشالله اللي يكرهوكي يا جميل
اما بالنسبة للبلوج الجديد بتاعك انا بصراحه مش عارف اقولك ايه لان الفكرة دي بمليون جنية
فكرة رائعة جدا جدا جدا وانتي تستاهلي عليها جايزة
يارب دايما بالتوفيق
الا بصحيح هل من الممكن ابقي احكي حكاية انا كمان في البلوج الجديد
هههههههههههه
تحياتي
الله حى و الخامس جاى
الله حى و الخامس جاى
الله حى و الخامس جاى
حمدًا لله على السلامة. يا رب تكوني فوقتي كدة وصحتك رضت على الآخر. الأنفلونزا اللي كانت عندك مدوخة الدنيا. مراتي جالها الدور ورقدت ثلاثة أيام. ثلاثة أيام بس علشان الدوا المعجزة إللي اسمه تامي فلو. معجزة من المعجزات الطبية بس غالي وحراق شوية. العلبة كورس خمسة أيام بحوالي 50 دولار يعني حاجة كدة زي مائتين وثمانين جنيه. مراتي لما عرفت تمنه لطمت وقالت كنت أستحمل أحسن واديني الفلوس علشان فيه جلوس جديد طالع عايزة اشتريه. أنا بقة اتجننت . يعني الستات دول حاجة غريبة، الست ماعندهاش مانع ترقد موجوعة في السرير بالأيام علشان صباع سمنة تدهن بيه شفايفها. ومفيش مشكلة تلبس جزمة أو بووت ضيق بيوجع علشان لزم الأناقة والسوفيستكيشن.
يارب تفوقي بقة يا برايد وتعرفي ان الصحة أهم بكتير من العريس. وان الجواز مش هوة منتهى الأمل.
اه مد امه
يعنى الف حمد الله على السلامة
وحشتينا والله
الف سلامة عليكى من الفيروس الى مطلع عين البشر كلهم انا هنا واخده بقالى اسبوعين ومش راضى يمشى واكلت فيهم وشربت برتقال وليمون وبصل قد الى اكلته فى حياتى كلها وبرده مافيش فايده
وسامحينى انا كنت ظالمك كنت باحسبك هربتى ومش عايزة تدفعى الفاتورة الى بعتها لك فى البوست الى قبل الى فات
بس شوفى ان بعض الظن اثم
الناس هنا اكلت وشى علشان فلوسها
عموما مستنيين الخامس على نار وكمان مستنيين شغل البلوج الجديد
يخرب بيتك المرض اللي يبعدك عنا يا برايد
والف سمدالله ع الحلامة - ع راي سمير غانم-
بس واضح ان الشهرة غيرتك معقولة مكنوتيشي قادرة تقعد 1/2 ساعة بس ترسمي ع البلوج بتاعك بسمات لينا
معقولة مكنوتيشي فاضية؟؟؟ يا حضرة الصحفية المعروفة ؟ لوكان المرض قاسي فانت قاسية اكتر منه عشان سبيتنا نستني كده
انا لا اقل من الام مرضك لكني كنت اطلب منك شوية سمو فوق مستوي الالام عشان تكوني زي كل الناس اللي وصلوا رغم الامهم جميلة بوحرايت وفاء ادريس ونسرين وغيرهن
بجد زعلانين عشان التاخير لكن يا ليت تعوضيننا بالخامس قريب
واتمني كل كل التقدم والازهادر والانتشار والشعبية ويارب تبقي اشهر من عبير بتاعة فنتازيا ونسرين الجبالي بتاعة السيد س
ف انتظار تدوينتك دائما
ألف ألف ألف سلامه يا برايد
ما نشوفش فيكى يوم وحش ابدا
بس بجد أيه العسل ده كله؟
هاهاهاهاهاهاهاهاها
ألف سلامه و منتظر بلوجك الجديد
و فعلاً انا عاجبنى فكره البلوج و كمان دمك الخفبف
تحياتى
واحد من الى بيسمعوا و بس
7amdellah 3a salama ya bride :)
I think u might be interested in checking this:
http://anythingblue.blogspot.com/2006/05/egyptian-marriages-biggest-of-all_04.html
3ashan te3rafi enek lamma tela2i el 3arees isA mesh dah nehayet el meshwar ;)
sorry, the URL is:
"http://anythingblue.blogspot.com/2006
/05/egyptian-marriages-biggest-of-all_
04.html"
الف سلامة عليكي بجد
بصراحة لقد تركت جريدة وشوشة لظروف خارجة عن ارادتي وأنا اعمل الآن بمجال مختلف بمجلة عالم الكمبيوتر
بالنسبة للعدد سأحاول البحث عنه وعمل صورة ضوئية من الموضوع ويارب الاقيه
أما عما كتبته فكان مقتطفات من مدونتك وقصة هذه المدونة المنشورة في أول بوست لك علي ما أذكر
عموما ألف سلامة
وحمد الله ع السلامة
برايد
لا الف سلامة عليكى
وحمد الله على سلامتك
هو ممكن انفلونزا الطيور لانك عصفورة جميلة بس الحمد لله ان مفيش حالات عصافير اصيبت يبقى سليمة الحمد لله
انشا الله طنط حشرية ولا حرام معلش
وحشتينا
تحياتى
حلوه قوى مواضيعك وانا معجبه بيها وبطريقتك لانها بسيطة وسهله
والف سلامة عليكى يا قمر ومنه لله المرض ايلى بيهد قوى كده بس هو كمان معاه حق يحبك عشان انتى سكر
يااااة دى برايد لسة عايشة
خسااارة
يالا أهى بردة تقولنا على الخامس وبعد كدة تتكل على الله وتستشهد
حمدالله على السلامة ياريتها كانت أبلتك حشرية
شوفي بقى
أنا اخترت مدونتك دونا عن باقي المدونات عشان أعلن فيها الخبر ده
انا حتجوز يا جدعان :)
انشاء الله كتب الكتاب والفرح يوم 1 مارس
حصريا علي مدونتك يا برايد
لو قدرت اعمل فرح كبير يوميها حعزمك طبعا تيجي تنقى براحتك من صحابي الفنانين وبتوع طب الأسنان
لا ده كتير كتير كمان
بصي يا برايد احنا اسحتملناك ف تعبك وقولنا اول ما تخف هتعوض الفترة المنيلة اللي فاتت لكن كده العميلة طولت اوي
مصيبة لتكون الصنارة غمزت مع الخامس وانتي دوقتي قاعدة تنزل معها هو وامه كل يوم العصر عشان تشتروا العفش والشبكة والهريسة بتاعة الفرح
اوعي يا برايد احنا ننزعل اوي
لازم تكمليهم دستة قبل ما تتجوزي وبعدين تتجوزي العريس الثالث عشر عشان هو ده اللي هيفك النحس باذن الله
ويارب احنا كمان نحس ينفك وترجع تكتبي وتردي بسرعة بليز
سلام بقي دوقتي عشان انا رايح اركب الحنطور واحنتر يمكن الحنطور يجيب نتيجة
ساعد نسرين ع الظهور
الف سلامة عليكى
ان شاء الله العرسان الاربعه
حمدا لله على السلامة يا برودة بتشديد اللام (دلع برايد) حضرتك بتتريقى على الرجالة انهم نسيوا الكلام ومش عارفة اللى حاول يتكلم الحكومة بتعمل فيه زى عماد الكبير
سلامتك بجد
والحمدلله انها جت علي أد كده, أصل الأر والحسد زاد جدا الأيام دي, وممكن يكون بسبب حاجه تانيه غير النشر, العرسان, أكيد البنات الوحشين اللي مش بيجلها عرسان حلوين زي عرسانك أرو عليكي(:
عاجبني اوي اسلوب القصه اللي بتلف حاولين هدف اسلوب جميل لتوصيل المعلومه وبيراعي الفروق الفرديه للناس وكمان الناس بتفهمه بكل سهوله بس ياريت الحكايه بتاعتك لو كنتي اسهبتي فيها شويه كانت بجد هتبقي روعه وعن نفسي هقلدك لانه اسلوب يمكن يكون اسهل من الاسلوب المباشر لعرض الموضوعات
هدف الموضوع بتاعك اتعرض بسرعه اوي ياريت كنتي كملتي شويه حتي لو من خيالك وياريت تزوري المدونه بتاعتي الجديده وهتشرف اني اشوف تعليقك علي موضوعاتي
www.spoony31.blogspot.com
spoony
1000 salama 3aleke ya 2gmal bride
mestaneen el5ames befare3` elsabr
طلب ف بيت الطاعة/ انذار/ عودي يا هميس اقصد يا برايد
طيب صبر عليك وانتي عيانة وصبرنا دعاء دعينا كلنا ان ربنا يشفيك وينتقم من سارة واختها
دفع فلوس واشترينا الدستور عشانك
تنازل ع مبدأ واشترينا الاهرام من اجلك
وانتي بعد كل ده يا برايد هانم تسيبنا عشان مشغولة مع الخامس لا ده كتير
عشان كده بليز بليز بليز عودي يا برايد
الف سلامة عليكي يا سكرة
يارب طنط شكرية
مستنيين الخامس بقى
:D
hi
mohamed ahmed
و النبي انت اللي سكر
------------------
abo3azza
ماتبوصوليش بعين راضية بصوا للمصروف عليا
سلامي لعزة لو سمحت
----------------
حيران
الله يسلمك يا حيران
و حيران ليه مانا إيميلي ع الصفحة تحت الساعة ع اليمين
---------------
أحمد بلال
البلج الجديد بتاعكم حكاياتكم حكايات الجيران ..جواز ..حب..مقالب
منكم و إليكم
--------------
سكينة
كلام جميل كلام معقول ماقدرش أقول حاجة عنه
تحياتي يا عسل و سلامي للاخت رية
-------------
amr ahmed
ايه يا عمرو بس سبع تمن سنين دي؟
الحب مايعرفش الفوارق دي بس
دي أحاسيس راقية فوق كل العقبات
المهم بس عندك شقة؟؟؟؟؟
-------------
khaled
الله يسلمك
بس هاتلنا الخامس دي..حسستني اني خلفت أربع عيال و حامل في الخامس
-------------
reham
الله يسلمك يا عسل انتوا وحشتوني أكتر
--------------
mohammed
شوفت بأه ..مش ليا حق اهرسها هي و بنتها
حاجة تخنق
-------------
الباحث عن الحقيقة
جزاك الله خيرا
-------------
islamist bloke
يا رب يا سيدي تتجوز واحدة بنت حلال
بس على فكرة لو هي عيت مش هتستحمل تقعد جنبها
في جين ندالة كده في الرجالة بيظهر في الحالاات دي..كل اللي هتعمله انك هتروح تجيب مامتها تقعد معاها
و تبقى كده قدام نفسك عملت اللي عليك
مافيش بنت عندها 20 سنة مسموحلها تكتب عرض جواز في المدونة
بأه 20 سنة..يا عم دانا أقفلها و بلاش حرق دم
------------------
shiko
البلج من يوميها ببخره كل يوم
مش شامم ريحة البخور؟
انت عندك انفلونزا الطيور و الا ايه؟
--------------
السندريللا السعيدة
أهي يخرب عقلك يخرب عقلك دي هي اللي جابتني الأرض
يا جدعان هو أنا حلتي غيرة
استني الخامس جاي قريب في الطريق
تحياتشي
أمممواه
--------------
princess
كده كده كده؟
أتأخر شوية تقومي عايزة تتنصلي من مبادئك و تتجوزي
لأ يا برينسيس
يا نتجوز سوا يا نعنس مع بعض
----------------
مجهول
طبعا طبعا
انت لو فتحت قلبي هتلاقي أذين أيمن و أذين أيسر و في وسطهم البلوج
طنط حشرية ؟...و النبي صعبت عليا ..الست اتخرشمت خالص
ربنا يقومها بالسلامة و يبعدها عننا ياااا رب
-------------------
زغلول
سعيدة المدونة عجبتك و ربنا مايجيبش فضايح
ربنا يستر على ولايانا يا رب
----------------
shabfa2ri
ازيك يا فقري
الله يبارك فيك يا حاج و يباركلك
غرور ايه ..الشر بره و بعيد
طب مش لما اتجوز أبقى أتغر؟
---------------
anonymous
إزيك يا انونيموس
و اله واحشني جدا ماحدش بيشوفك ليه؟
ابقى تعالي انا بابقى هناك
طنط حشرية كمان نفسها تشوفك موووت
جايبالك عروسة انما ايه؟
زوزن
يا بختك يا عم
يا مراكبي
بيقولك كان عندنا وردة و فتحت
و جنبها كان فيه كتكوت و كبر
و الله أنا باتفاءل بقراية كلامك جدا
خصوصا ان النهاردة الخميس و الساعة 5 و 55 دقيقة
----------------
الناي الحزين
الله يسلمك
-----------
كرانيش
مستنياكي انتي و المبخرة
هتنوري الكلام أرف أرف
يعني حرف حرف
-------------
فلة
الله يسلمك
انتوا وحشتوني أكتر
----------------
memo
أماني إلا اماني دي
بس عموما هي كويسة للضغط
أصل ضغطي على طول بيوطى و لما باشوفها بتظبطه
--------------
vero
الله يسلمك يا عسل
-------------
hebaz
آه و الله أنا ماكنتش واخدة بالي ان العين ممكن تيجي كمان في العرسان
مش عشان الجواز و الله
بس يعني أبقى أكتب في البلوج ايه؟
-------------
carmen
الله يسلمك يا عسولة
ياللا نعمل مظاهرة بخور ووقفة ضد الحسد يوم الخميس قدام نقابة الصحفيين
-------------
ma-3alina
الله يسلمك
الشدة على الله
---------------
أدم المصري
و الله يا آدم البلوج ماهينور الا بحكاياتك
أنا مستنياها هي دي اللي هتوزن البلوج صحيح
يرضيك تبقى كلها كلام بنات في بنات فقط
انت خير ممثل لجنس الرجال في البلوجر..يالا ورينا الهمة
-----------------
khaled
جاي جاي ماتقلقوش
ألف حمدلله على سلامتك يا برايد
إنشلة العدووين
وبجد كل ما أدخل مش بعرف أبطل ضحك
إنتى مصيبة
يابخت إللى هيتجوزك
هههههههههههههه
دعاية أهيه ببلاش
وعادى بقة
أودى
حمدا لله على السلامة يا زميلة :)))
والله ما كنت باقر ولا باحسد، أنا طلعت معاكي على الدستور وعلى إخوان أون لاين :)))
الحقيقة اني رشحتك لصحفية إخوان أون لاين وحضرتك تستاهلي..
مستني الخامس..عايزك تشرّحي صنف الرجاله كله..بصي..عايز اصحى من النوم ألاقي نفسي طرنشات طرنشات..داكور؟؟..متقلقيش هنلملك عريس من طرنشات أي واحد متشرح..حتى لو ملقيناش حاجة عدلة كل واحد يتبرع بشريحة ونكمل لك عريس بمواصفات حسب الطلب..
الف الف مليون حمد الله عالسلامة يا برايد وان شاالله اللي يكرهوك ، انا مش عارفة يعني اللي قرارين دول ملقوش الا العسل اللي زيك ويقروا عليها بس بصراحة انا اتعرفت على مدونتك من جريدة الدستور قمت علطول كتبت العنوان بتاعك ولقيت أحلى مفاجأة ويارب يكرمك بابن الحلال اللي يحطك في عينيه ويحبك اوي ويارب يختي اشوفك برايد .. سلام
بعد الشر عليكى ان شاء الله اى حد يدايقك يا ماما احنا مش نستغنى يعنى
:-) Do u read all of these comments? Well, u r getting popular by the minute... hope u use it for something useful (u r now by pointing out a fact about marriage in Egypt)! But i mean other stuff too... With famous people comes gr8 responsibility! :-) u r now famous!
ألف سلامة عليكى ياقمر يارب اللى يقر عليكى وألف حمدلله بالسلامه
لازم تعرفى انك على قد مازعلتينى علشانك على قد ما خلتينى أضحك بشدة
شكرااااااااااا
سلام ياقمر
يا برايد انتى اثبتى انك بلوه مسيحه
حماكى
أنا كنت فاكر إن إنتى عندك 30أولى 35سنة بس النهاردة بس إتأكدت إنى كنت غلطان و طلع عندك يادوب 9 سنين
autoscriptor
سلامي الخاص للمدام
بس جلوس بمتين و تمانين جنيه؟
عموما ربنا يخليلك المدام و تخلص في فلوسك يا عم
----------------------
مصري مغترب
الله يسلمك
فاتورة ايه يا عم اللي هاهرب منها
جيب السبع مايخلاش
----------------------
ساعد نسرين الأيمن
اخص عليك ..انا تظن فيا الظن ده برضه؟
انا لو فيا نفس و الا أقدر أكتب حرف كنت اتأخرت؟
----------------------
alexandrian far away
الله يخليك يا برنس
ده كله من ذوقك
-----------------
whyme
وليه يا عم بتسمع بس
ده البلوج بتاعكم و بينور بيكم
--------------------
babyblue
بس انا ألاقي عريس بس و بعدين نبقى نشوف موضوع المشاوير دي بعدين
-------------------
أشرف حمدي
شكرا ليك يا أشرف
و ألف مبروك ياعم..و لو اني ماباحبش حد يفسر في وشي
صحابك بتوع الأسنان و الكاريكاتير دول حولهم ع البلوج ..يمكن فيه نصيب..أقصد زوزن بنت طنط حشرية طبعا
أصلها بتحب بتوع الأسنان قوي
-------------------
tota
و الله بتكسفيني دايما بكلامك الرقيق
الله يسلمك و يخليكي
صو صو صو
--------------------
lolo
الله يخليكي يا عسل
ده من ذوقك بس
--------------------
الأباصيري
أستشهد؟
أستشهد ازاي يعني؟
عموما أنا فدا الوطن و عرسان الوطن
anonymous
سلملي جدا جدا جدا
ع الحنطور
----------------
أنا حرة
آآآمين
----------------
anonymous
ما تقلقش اتكلم براحتك
احنا ما فيش عندنا مقشات خالص
احنا بنستعمل الشبشب أبو وردة بس
--------------------
esraa
صح و الله ..هما العرسان سبب الأر و الحسد
بيحسدوني على ايه؟
ع الأملة
بس برضه كان فيه كام واحد حلوين يستاهلوا الأر
خصوصا الواد بتاع السياسات
الهي اللي أر عليا يقابله في سكته
------------------
anonymous
و الله يا جماعة حيرتوني
ناس تقوللي طولي شوية
و ناس تبعتلي ع الميل تقوللي انتي رغاية
عموما القصة الجاية طويلة..استعد
-------------------
ساعة العصاري
الله يسلمك
جاي جاي ماتقلقوش
-------------------
ساعد نسرين
يا عم دول كانوا سالي و أختها مش سارة و اختها
يعني انتا من يوميها بتدعي غلط؟؟؟
أتاريهم بصحة و عافيه و كل يوم يفرسوا فيا أكتر
-------------------------
heba al_menshawy
الله يسلمك ياقمراية
الله حي الخامس جاي
---------------
ody911
يا بخته يا بخت
بس هو فين؟..ادعيلي أتكعبل فيه قريب بدل البلاوي اللي باتكعبل فيهم دول
إرحم دماغك
زميلي و أستاذي و سبب شهرتي
بأه انت ترشحني و ماتقوليش
ليه يا عم كده
عموما أنا متشكرة ليك
و بالنسبة لموضوع الطرنشات ماتقلقش خاااااالص
هطرنشلك كل اللي أعرفهم لغاية لما مايبقاش و لا واحد في البلد لسه ماطرناش
والا أقولك أكيد هيتبقى واحد بس..هو ده اللي أنا هاتجوزه
-------------------
darbet shams
و الله انا سعيدة جدا
و لو مافيش حسنات لموضوع النشر ده غير التعرف على مدونين و ناس جداد يبقى دي أحلى حاجة حصلت لي
-----------------------
أروى الطويل
هو ده العشم برضه
------------------
hany
طبعا لازم أقرا كل الردود أمال ايه؟
مش أصدقائي و بيهونوا عليا لغاية لما ادخل بيت العدل
بالنسبة لموضوع الشهرة ده
ربنا يا سيدي مايجعلنا جار و له عينين
بهزر ..شكرا ع المجاملة الرقيقة
-----------------------
عين ضيقة
آسفة اني زعلتك
و الحمدلله انك ضحكت معايا
----------------------
حمايا
من كندا صح؟
أنا بلوة أنا؟
عندك حق برضة أنا بلوة شوية
------------------
kaed
عندي 9 سنين
و زود عليهم19 سنة
الف مليون سلامه عليكي يا حبي .. انشالله عدوينك و طنط حشرية يا رب .. انا اتضايقت قوي اني عرفت متأخر كده بس معلش كنت مشغوله قوي الشهر اللي فات ده كله و مكنتش بدخل النت .. ربنا يديكي الصحه يا أُخشي و تتجوزي و تتهني يا رب :)
nice blog...very light """go on""
الف مليون سلامة يا حبيبت قلبى انا اختى الغالية حمادة طالب حقوق اسكندرية
ازيك يا برايد
هو انا ممكن اكون آخر واحد يقولك حمد الله ع السلامه بس من كل قلبى اتمنالك الخير دايماً وبجد بجد بجد انتى دمك خفيف جداً وللعلم نادراً لما تلاقى بنت دمها خفيف دايماً الولاد دمهم اخف من البنات بكتيير بس فى حالتك انتى انتى دمك خفيف عن ولاد كتير وروحك حلوه آه عندك غلطات املائيه كتير بس ولا يهمك ومتهيألى كده والله اعلم ان لو المدونه دى دخلها مليون واحد فـ اكيد المليون يتمنوا انهم يرتبطوا بيكى
بس انا كنت عايز اسألك سؤال وبصراحه هى الاحداث دى حقيقيه ؟
Post a Comment