Saturday, November 18, 2006

أسئلة مجنناني

بصوا باه انتوا صحابي
عشرة يعني يجي 3-4 شهور كده
جاوبوني لو سمحتم على شوية أسئلة بتزن في دماغي زي الناموسة اللي دخلت دماغ قارون و قعدوا يضربوه بالجزم على نافوخه عشان يموتوها و في الآخر موتوه هو
مش عارفين موضوع الناموسة ده ..هابقى أحكيهولكم بعدين
المهم أفهم باه
هو ليــــــــه لازم يبقة فيه فرق كبير في السن بين الست و الراجل المتجوزين؟
ايه الفكرة يعني؟...الراجل يعني بيبقى متحكم في الست عشان أكبر منها؟
طب هو مين في مصر بيمشي كلمه على مراته؟
طب لو أكبر منه....مستحيل
طب لو قده بالظبط...مش ممكن
طب لو هو أكبر منها بشهر أو اتنين أو حتى أربعه...لا برضه ولو.. ده حتى سنة بحالها مش كفاية
طب ليه؟؟
مش ساعات كتير تشوف شباب صغير في السن و شخصيته أحسن بكتير و أقوى من واحد عدى الأربعين
و ساعات واحده 55أصغر منك بعشر سنين و تمشيك ع العجين ماتلخبطوش؟
يعني مش مسألة سن
يبقى ايه الفكرة المتأصلة ..المتمكنة ..المستقرة ..المستمرة في دماغنا كلنا في الموضوع ده

طب حاجة تانية

ايه بعبع التلاتين ده؟؟
ليه اللي عندها 30 سنة تبقى عنست و اللي عندها 29 يبقى لسه؟
اشمعنى يعني الراجل لحد الأربعين يبقى صغنتوت و قمر و حبوب
و البنت تبقى قرشانة و عانس و فاتها القطر؟؟
قطر يبقى يشيل اللي يقول كده انشاء الله
طب سؤاااال كماااان
تقلت عليكم ..معلش
ليه بأه كل واحد حتى لو عنده 38-40-45 سنة عايز يتجوز واحده عندها 22؟
مالها اللي عندها 25 و الا 26 و الا حتى 30 ...كخة؟
عايزها صغيرة ليه يعني ...تبقى روشة ..مش ضروري ممكن تبقى قفل
تبقى خام و معرفتش حد قبل كده...ماتلاقيش يا فندم مش مضمونة حتى لو عندها 14 سنة.. ممكن لأ ..بس برضه ممكن آه
هتخلفلك عيال كتير...مش ضروري برضه ...يا أخي ده كله بأمر الله
أمال ايه؟
ايه الفكرة في الكلام ده كله؟
انا مش بس باعترض ..فهموني يمكن أفهم معاكوا
كان ممكن أعملها تاج و أكتب 5 أسامي يعملوه بعدي و ناس يعملوه مجاملة عشان مايحرجونيش
و ناس تحلف ماهي عاملاه و تقول ..هي فاكرة نفسها ايه يعني تقولي أعمل التاج أقوم عمله على طول؟...هزلت

فمن غير تاج و ماتاجشي لو سمحتوا جاوبوني و فهموني أسباب الكلام ده ايه
و الا هيبقى مصيري زي مصير قارون أو شجرة الدر

الإعدام ضربا بالقباقيب
---------------------------------------------------------------
تصحيح

اللي اضرب بالجزم على نافوخه هو النمرود مش قارون..الشكر لمصعب الخير و أكتب بالرصاص على التنبيه

86 comments:

ام العيال said...

ايه ال حيجننك؟؟؟
الشر بره و بعيد
خدي عندك
مفيش قاعده و الناس الي بتحط قواعد عالم معقده
انا بيني و بين جوزو 6 شهور بس و الحياه الحمد لله ماشيه بالتفاهم مفيش هو راجل و انا بسمع كلامه بالعقل طبعا مشاكل
الثلاثين ما احلى الثلاتين سن النصج و بعدين البنت بتكون عاقله و رزينه
يا محلاها بس مين يفهم؟؟؟؟

الراجل الي عنده 40 و عايز بنت ضغيره ده لانه هو خايف ياخد واحده عاقله تناقشه و تاخد و تدي معاه
عايز وحده ال ايه يربيها على ايديه و يدبحلها القطه شفتي النيله

يا بنتي العبره في النهايه
اخرها احلاها
عيشي حياتك و طنشي
عيشيها بطريقتك

Anonymous said...

اعتقد ان اكبر واعظم مثال لينا كلنا وهو النبى محمد عليه الصلاة والسلام حسم الموضوع ده لما تزوج السيدة خديجة وهو كان عنده خمسه وعشرين وهى فى الاربعينات,انا شايف المسألة مسألة نضج عقلى مش مسألة سن معين
ولكن لا اعرف لماذا يضع المجتمع هذه الافتراضات بأنه الزوج لازم يكون اكبر من الزوجة!!!!
شىء غريب فعلا

شيمـــــاء said...

انا اقولك يا ضنايا

حسب تفكير المجتمع المصرى

الفرق بين الراجل والست
لان الست يا حبيبتشى بيبقى عمرها العقلى اكبر من الراجل فى نفس المرحلة يعنى بتفكر ولامؤاخ>ة احسن من الراجل ..فطبيعنى لو خدت واحد قدها هيبقى طايش وابن حلال مصفى هيطلع روحها

لو اكبر منه .. هياخد واحدة اد امه و تتحكم فيه
لو قده .. شكلها كبير عليه
لو اصغر 3 او 4 شهور .. برضه سنها كبير
لو اصغر .. دى مورورة وحلوة و مش بايرة


السؤال التانى
علشان يا ابلتى الراجل بيبقى لغاية 60 سنة بيبقى حسب علم النفس فى مرحلة الرجولة
لكن الست ... هى المفروض حسب علم النفس برضه لغاية 60 مرحلة الرجولة و دى اسم المرحلة ... بس يا حبيبتشى فى مصر لا مفيش كده هى بعد 35 مش هتخلف و هتتغير فسيولوجيا هتضرب مش هتخلف و مش هتبقى كده حلوة و قطقوطة

السؤال التالت بقى
علشان فيه فرق 1 بحاله يا بنويتى
يعنى فى السنة دى ممكن تتخطب و تتجوز و تخلص الليلة فى شهرين .. وتبقى اسمها مدام قبل الثلاثين و لا تدخل فى العقد التالت من العمر

لكن الراجل فى الاربعين بيبقى فى عزه
يا حبيبتشى

رأيى انا بقى الشخصى
ده نصيب زى ما انت قلتى ساعات كتير بيبقى اصغر مننا و شخصيته مبهره او اكبر و شخصيته منيلة و هايفة
زى العريس الثالث اللى انت حكيتى عليه ده حسيت انه هايف فى الخمسين من عمره

انا شخصيا ليا 3 صاحبات
واحدة اكبر من جوزها سنة و عندهم ليلى دلوقتى
و الاتنين كانوا زمايلى
والاتنين التانيين اكبر من اجوازتهم بخمس شهور

فملهاش علاقة
المهم التفاهم و كسر حواجز كتير اوى
علشان نصل الى التفاهم


و معلش رغيت كتير
بس قلت اريحك و بعد الشر عنك من الجنان يا حبيبتشى

Anonymous said...

شوفى بقى يا ستى السؤال الاول والتالت اجابتهم من وجهة نظرى واحده وهى بعيده كل البعد عن رايى الشخصى:
فى مجتمعنا فى صوره حلوه مثاليه مترسخه فى اللا وعى و هى لرجل ذو هيبه و شنه و رنهو صولات و جولات و فتاه جميله رقيقه قليلة الخبره و الكلام كثيرة الاطراق و الكسوف.....و الصوره دى حقيقى هى الل\ى احنا بنقارن بيها كل الحالات ...فاذا بعدت احد عناصر الواقع عن هذه الصوره...مثلا فى السن كما قلتى او حتى فى البنيه الجسديه ...اصدرنا التعليق المشهور مش لايقين على بعض

اما عن رايى انا الشخصى ...فاعتقد انه لا توجد قاعده يجب العمل بها بل يجب
الحكم على كل حاله على حده

اما بالنسبه لموضوع التلاتين و التسعه و عشرين فهو مش حقيقى يعنى فئة الناس اللى بتحب تحط تيكيت عانس على البنت و تسرف فى الدعاء بل و حتى البكاء لها عندما تراها مثلا فى فرح من الافراح تبدا هذه المراسم منذ ان تقارب الفتاه على انهاء دراستها او ما شابه حتى لو كانت طالبه فى دبلوم تجاره ...لذا فلا فرق مع هؤلاء بين العشرينات و الثلاثينات كله عانس
و الشخص اللى هيفكر يعامل واحده عنده حاجه و تلاتين على انها لحاف نزل عليه تخفيض فى اول الشتاء هو نفسه اللى هيعامل واحده عندها حاجه و عشرين على انها جزمه اشتراها من المصنع و هيحط فيها قالب عشان يوسعها...يعنى فى كلا الحالتين هو تفكيره ملتوى و مش فاهم ابسط بديهيات كلمة ارتباط...لذا فهو لا يلزم اى واحده اكتمل نموها العقلى بعد سن السابعه

Anonymous said...

سلامو عليكو قبل أى حاجه
فى الاول احب اقول انى اول مره اكتب حاجة فى
blog
او أرد على اى topic
انا قريت كلام كتير فى مواقع كتير و لناس اكتر لحد لما بقيت حاسس انى هاتجنن لو ما كتبتش حاجة زى الناس دى
مش عارف ليه اخترت البوست ده عشان اكتب و ارد و اطلع شوية من اللى جوايا


جايز عشان اللى جوايا معدش قادر يستحمل ووصل لدرجة الانفجار


المهم


عجبتنى اوى فكرة البلوج ده
بجد انا ما ضحكتش من زمان من قلبى زى ما ضحكت هنا _ وخصوصا على الاول و التانى_
أيوه ضحكت... مش بيقولوا هم يضحك و هم يبكى
أما البوست الأخير هوه ده بقى اللى فى الجون بجد


مسألة السن دى حاجة خايبة أوى المجتمع بتاعنا مركز عليها أوى
كالعادة زى ما بنركز على كل حاجة تافهة
___الناس تقولك قال ايه لازم العروسة تكون اصغر من العريس كتير ... وقال ايه عشان ميبصش بره وعشان البنت بتكبر و تعجز قبل الولد و كلام كتير فارغ من ده ...... و البنت لازم تتجوز بدرى عشان ما تبورش ولو خلصت الجامعه يبدأالعداد يعد عليها زى ما بتقولى ___

وكلام كتييييير أنا شايف انو فارغ و مبنى على تراكمات وتقاليد غريبة
مجتمعنا واخدها مسلمات


أى ست _وخصوصا الست المصرية_تعرف كويس أوى متخليش جوزها يبص بره زى ما بيقولوا ومهما كان سنها
وأى ست برضوا تعرف ازاى تبقى صغيرة فى عين جوزها


بس الكسل بقى والكلام الفارغ زى اللى بنسمعه _ادبحيلوا القطة و يغلبك بالمال اغلبيه بالعيال والفلفل و الشطة واللى مدوباهم اثنين والكلام الغريب ده_
هوه ده اللى بيودى فى داهية
الافكار دى موجودة فى راس كل ست و أم مهما كان المستوى الاجتماعى
و أوتوماتيك بتتنقل للرجالة و الاباء


كل واحد أو واحدة مكتوبلها هتتجوز مبن و امتى و فين وازاى
ممكن فى العشرين أو التلاتين أو الاربعين أو حتى الخمسين أو قبل كده أو بعد كده

ولو مش مكتوبلوا يتجوز يبقى هوه ده نصيبه من الدنيا ولازم يرضى بيه ومش من حق أى حد يقول عليه عنس أو بار

مشكلة كبيرة من مشاكل مجتمعنا انه كل واحد بيبص للتانى :
لابس ايه و راكب ايه و معاه كام ومتجوزش ليه ولو اتجوز ليه ما خلفش ولو خلف ليه ما جبش الولد


كفاية كده عشان أنا طولت أوى

بس المهم انى شايف موضوع السن ده ولا
حاجة
أنا مثلا بحب بنت قدى معايا فى الكلية(هى صحيح مطلعة عينى و موريانى النجوم نهار و ليل .. صيف و شتا .. بس القلب بقى و ما يريد)
وعادى جدا


المهم سيبك انتى من أى حاجة و أى حد
مفيش حاجة في الدنيا دى تستاهل الجنان
:):):)


معلش أنا طولت شوية بس زى ما قلت في الاول أنا كتبت الرد ده عشانى أنا
عشان أنفس شوية عن اللى جوايا
ادعولى بس انى أعمل بلوج قبل ما أفرقع:)

bye bye

Anonymous said...

أولا اللي اتضرب بالشباشب لحد ما مات ده النمرود مش قارون، النمرود بتاع قصة أصحاب الأخدود

قارون اتخسف بيه الأرض

ثانيا: بالنسبة لأسئلتك فهي منظقية جدا، و الطبيعي إن إجابتهم كلهم (عند ناس بتفهم) إن الموضوع نسبي، وزي ما قال أحمد سمير فوق أعظم مثال لينا هو نبينا الكريم عليه الصلاة و السلام

أما في مجتمعنا العظيم العريق الـ.... (كلام ترفضه الرقابة) مش هتلاقي رد غير :( إنا وجدنا آبائنا كذلك يفعلون)

على رأي واحد صاحبي
"دول حافظين مش فاهمين
وياريتهم حافظين وبس، دول حافظين وحافظين غلط!"

Anonymous said...

i THINK THIS IS COMMON BECAUSE WOMEN AFTER THE MENOPAUSE CHANGE AND MAY BE THEIR PASSION IS LESS WHILE MEN KEEP THEIR LIBIDO UNTIL 55 OR 60MAY BE...
EL MASRY AFFENDI

Anonymous said...

انا مش من صحابك و اول مرة اعدى ينفع ارغى ؟

أنا متفقة فى اجابة السؤال الاول و الثانى مع شيماء
و متفقة كمان مع وجهة نظرplacepo
اهى دى فايدة ان الواحد ييجى متأخر مايكتبش كتير

نيجى بقى لأخطر سؤال الثالث بتاع العنوسة 29
الاجابة اللى عندى تنفع تحطيها فى اى سؤال يعجبك

والله يا بنتى هقولك
احنا مجتمع شرقى ذكورى شبه متعفن
يعيش على معتقدات و تقاليد بالية حتى الغراب مش راضى ياخدها و يطير

شايف ان البنت اللى توصل ل 29 من غير جواز يبقى معيوبة بقى و فيها حاجة
لكن الراجل اللى قاعد مش بس من غير جواز لا ده كمان داير على حل شعره
عادى
ده راجل ما يعيبوش غير جيبه و هو حر يا اختى انتى هتعملى راسه براسك
ده يودينا سكة ان شرف البنت زى عودالكبريت ما بيتولعش غير مرة واحدة لكن شرف الراجل بوتاجاز اشعال ذاتى

الراجل كل ما يكبر بيحلو و يزداد نضج " و دى حقيقة "

الست كل ما تكبر بتكبر
شوفى ازاى

علشان كده مهما الراجل كبر بتلاقيه عايزة واحدة فى العشرين علشان يستمتع معاها بشبابها
موضوع الخلفه ليه عامل كبير و سن اليأس اللى بييجى للمرأة بعلامات فسيولوجية واضحة برضه عامل مهم جدا

مع ان المرأة فى اوج عطائها و نضجها ووعيها بتكون و هى فى الثلاثين
بس السن بقى بيظهر بدرى ع المرأة
علشان كده نرجع للسؤال الاول ويقولوه خدها أصغر منك بالاضافة لان المرأة بتنضج أسرع

بس ان الله حق و الرجالة اللى من العينة دى ربنا قادر يطلع عينيها

عارفة حاسة انى دخلت كل الأسئلة فى بعض
بس انتى بقى و انتى بتصححيلى ورقتى خليكى رؤفة بحالى


اول مرة اعدى بس وعد مش الاخيرة ان شاء الله

Anonymous said...

رغم كل الرغى ده نسيت اهم حاجة
سيبك من كلام الناس

ur life , ur rules
بلاها وجع دماغ لان محدش بيعجبه حاجة و فى الاخر بتشيليها لوحدك

mariam said...

انا اظن ان دة عيب فى المجتمع. و بما انه مجتمع ذكورى فالرجل يتجوز فى اى سن و من حقة يشاور و يختار بكامل الحرية. و فى نفس الوقت لا يهتم ذلك المجتمع بالمرأة كانسانة يعنى مش مهم تحقق ذاتها مش مهم تنجح المهم انها تتجوز و خلاص

tota said...

الباحثة الجميلة عن المتاعب

واضح ان الاسئلة بقدر ما هى مهمة ومؤثرة
الا ان الاجابة سهلة جدا لكن المشكلة لا تكمن فى تحديد نوع السؤال او الاجابة عليه
فشيماء وبلاسيبو وغيرهم ردوا باجابات وافية جدا تفيد انها موروثات
السؤال هو كيفية الخروج عنها والاقتناع بعدم جدواها والتجارب التى تؤيد عكس هذه المروثات ناجحة
لكن الفكر الذكورى والانثوى العتيق ما زال هو المسيطر على المجتمع ومعتقداته والهيمنة الفكرية الواضحة لابد من التخلص منها قد يبدو صعبا لكنه قد يفلح تدريجيا مع توالد اجيال اكثر تعقلا واكثر تخلصا من المعتقدات القديمة التى كانت فى رأس تيته وجدو وورثها الوالد والوالدة وغرسوها فينا نحن الابناء
روح التمرد الجديدة على الواقع القديم سوف تحدث اثرها فى السنوات القادمة
هذا ما اتصوره
تحياتى

no one said...

انا مش هعمل نفسى خبيره ولا حاجه بس متهيالى انا عارفه اجابات شويه من الأسئله دى

السؤال الأول
انا قريت زمان ان الست بتنضج بيولوجيا وذهنيا وعاطفيا قبل الراجل عشان كده متهيالى الراجل لازم يكون اكبر من الست على الأقل بثلاث سنين
اصلوا لو كان قدها فى السن ممكن ما يبقاش على نفس مستوى النضج فتبقى مشكله بس هى مش قاعده لأن فيه شباب صغير ناضج وزى الفل
بس ما اعتقدش ان ليها علاقه بمين يمشى كلامه لأن الحقيقه هى ان الستات هى الى بتمشى كلامها و بيخلوا الرجاله يفتكروا انه كلامهم هما وكل الناس عارفه الحقيقه دى الا الرجاله نفسهم

السؤال الثانى

الدنيا اتغيرت بس لسه مش قوى فلسه فكره ان بنت عندها ثلاثين سنه ومش متجوزه تبقى عنست .بس لو بصينا لعشرين سنه فاتت كانت البنت الى عندها 18 سنه وما اتجوزتش عنست
يبقا اكيد هيجى يوم والناس تفهم ان الست الى ما اتجوزتش مهما كان عمرها هى ما عنستش انما ما لقتش الشاب المناسب الى بتحلم بيه
تفتكرى هيجى يوم والناس تعقل وتفكر كده
اما حكايه الراجل بتاع الأربيعين دى متهيالى سببها السينما ما حدش ينكر ان احلى رجاله السينما سواء العربيه او الأجنبيه فوق الثلاثين
ميل جيبسون كيفن كوستنر جورج كلونى جمال سليمان و غيرهم
والى تحت الثلاثين ياما بيبقوا مش وسام او بيبقوا هايفين


اما بقى عن الراجل مهما كان عمره و اصراره ان الى يتجوزها تكون فى العشرينات فانا اؤيد كل الى انتى قلتيه عشان تكون خام ويربيها على ايده وكده يعنى

انا رغايه قوى وطولت عليكى بس حبيت اقول رايي

Anonymous said...

يا برايد يا جميلة

الاجوبة على الاسئلة دي تختلف من انسان لانسان كل واحد ليه تفكير ولكن اعتقد ان في الحب والارتباط لا توجد قوانين ولا قواعد

الانسان المتعلم والمثقف لن تقف لديه الحكايه على انو عايز وحده اصغر او اكبر او حكاية السن دي

ان حدث توافق وانسجام بينهما فلما يضعو عوائق المشكلة مشكلة مجتمع بس دي مش حاجه ملزمة المجتمع الجاهل المريض هو الي شايف بنت العشرين تنفع وبنت التلاتين ما تنفعش

ولكن العقل والقلب هم اساس اي ارتباط وعلاقة

والموضوع كله اختيارات شخصية كل انسان يبحث عن جزء يكمله في شريكه

تحياتي يا برايد

minesweeper76 said...

أعتقد إن التعليقات اللي فاتت قتلت الموضوع بحثا و ووصلت لكل الإجابات النموذجية

لكن لتكتمل الصورة، المأسوف على شبابه العريس مطلوب منه شقة تسع أوض و أربع حمامات، ده غير السجاجيد و النجف و الكتشن ماشين و الدِش عشان المدام و العيال يبقوا يتفرجوا على ستار أكاديمي. لو افترضنا إن المذكور اشتغل مختلِس تحت التمرين أول ما اتخرج، يادوب محتاج عشرة خمستاشر سنة عشان يبقى مختلِس قد الدنيا و يقدر يشتري طلبات العروسة و أهلها.

مشكلة أخينا بقى إن صورة فتاة أحلامه ثبتت في نافوخه على واحدة عندها 22 سنة. و بما إن العرايس اللي عندهم 22 سنة في ازدياد مستمر - زيهم زي سكان مصر المحروسة بشكل عام - و بما إن العرسان اللي في نفس السن عادة ما بياخدوا استمارة ستة لعدم كفاية الفلوس، يبقى المسألة سهلة و كله عرض و طلب في زمن البورصة.

bintbeladi said...

إيه اللي هيجننك بس و هيدخل الناموسة في دماغك
بعد الشر بعد الشر يعني
أهنيك الأول على البلوج الجميل ده.. و على اسلوبك الخفيف الظل
شوفي يا ستي مفيش قاعدة زي ما أم العيال قالت
أنا أعرف ناس متجوزين بفرق سن كبير و فرق صغير و ساعات بتبقى الزوجة أكبر
يعني دي حالات.. و مفيش قاعدة ثابتة
لكن تعالي بقى أقولك كلمة في سرك الرجالة بيفكروا إزاي..!؟
عندي خال كان عايز يتجوز أصحابه قالوا له متخدش الكبيرة قال إيه هتبقى علطول عيانة و هتدوخ بيها عند الدكاترة!!! معقولة واحدة في الـ 30 أو أكبر من كدة قليلا هيدوخ بيها عند الدكاترة!!؟
و هو لو في الـ 30 بيبقى لسة طفل صغير .. و ماما بتعمل له الشاي الصبح و تحضر له السندويتشات!!؟

مـحـمـد مـفـيـد said...

كل شخص هيختلف عن التاني في الاجابه عن الاسئله دي لان كل واحد له توجهاته وميوله

Anonymous said...

السلام عليكم
أنا مش موافق علي كل اللي بيتقال ده
و طبعا متفق معاكي في كل اللي قلتيه
بس في حاجة عاوز أفكرك بيها
مش معني أن ده اللي بيحصل بنسبة أكبر أنه صح
لا لازم إحنا نحارب و نثبت أن الصح صح
مش عارف أنت فاهمة كلامي و لا لا

Anonymous said...

انتوا ظالمين الرجالة أوي كده ليه ؟
كل واحدة قاعدة تقول مجتمع ذكوري مجتمع ذكوري زي اللبانة بتباصوها لبعض
مين اللي قال ان الرجالة بس سبب المشكلة ؟
عايزين دليل ؟ بسيطة
شوفوا موقف كل ام من ابنها ايه و من جوز بنتها ايه ...
ابنها لازم تبقى مراته شايلاه شيل و هو لو اتعطف عليها و عبرها مرة يبقى كتر خيره ...
جوز بنتها لو بص لبنتها بصة ما عجبتهاش يبقى ندل ابن ...
المشكلة فينا احنا
مشكلة مجتمعنا هي الأنانية المفرطة

Anonymous said...

بُصّي يا مزمزين ........
هناك إعتقاد سائد في مجتمعنا , إن الراجل لما يتجوز لازم يخدلو واحدة وِرور كدة وصغّيرة , وده علشان الصغيرة المفروض يعني بتبقى أجمل وأصبى , ومن ناحية تانية حتفضل حلوة ومحافظة على رونقها فترة أطول ...طبعا الكلام ده لا يعبر بالضرورة عن وجهة نظري ( علشان محدش يتهمني بحاجة ) , لكن الكلام ده هو اللي بيتقال فعلاً , وده فِكر رجالة كتير وستات كتير برضو , وكتير سمعت من قريباتي ( لما تيجي سيرة الجواز والعرايس اللي بيرشحوهم ليا ) إن البنت زي الوردة كل ماتكبر تدبل , والشاطر اللي ينقّي , والحاجات بتاعيتهم اللي بيقولوها في المناسبات دي .
إنما أنا أعتقد إن أهم حاجة في الاختيار ( سواء للرجل أو المرأة ) ( بعد التدين طبعا ) هو القبول... واللي بيشمل طبعا القبول الفكري , والقبول التاني بقى اللي احنا عارفينو ( اللي بنقول عليه الكِميا اللي بتحصل ) , يعني سعتها تكون العروسة جميلة ... أو نص نص ... أوماتتشافش , مش مشكلة ,تكون صغيرة ... قدّو في السن ... قد الحاجّة والدته , المهم إنه في قبول وعاجبين بعض وخلاص , وإن كنت بأحبذ ( مجرد التحبيذ) إن السن يكون متقارب , وميزدش عن خمس سنين , علشان يقدرو يفهمو بعض , وأُفضّل ( مجرد التفضيل ) إن الراجل يبقى أكبر حاجة بسيطة علشان يبقى فيه هيبة شوية ( على حسب ما بسمع يعني إن الستات بيحبو كدا ) ......أنا حاسس إني بدّي محاضرة ومش حينفع أطوّل عليكم أكتر من كدا
ف..... SORRY يا جماعة على التطويل

على فكرة نسيت أقولك إن أسلوبك في الكتابة حِلْو , وأتمنالك مزيد من التميز ....

ROMANTIC ROSE said...

هجاوبك ف حدود قناعتي الشخصيه يا أجمل برايد ..

أول حاجة .. الراجل لازم يكون أكبر من الست علشان الست بتكبر ف السن أسرع بحكم انها بقت أنسة بدري "دي ناحية بيولوجية أكيد يا دكتوره انتي دارساها و عارفاها" .. فمثلا الست ف سن ال 50 بتكون خلاص بقي خلصت رسالتها و بيضه بيضه و فيها كتكوت و تقعد تعمل لاخرتها .. ف حين ان الراجل ف السن ده بيكون ف طور مراهقة متأخره و بيدور علي بنوته بنت 22 سنه برضه ترجعله شبابه .. و تلاقيه لو مهتم شوية بشبابه ما تديهوش ابدا سن ال 50 ف حين انا انا شخصيا عمري 26 سنه و أول تجعيدة ظهرت تحت عيني :( شفتي الخيبة اللي انا فيها ؟ فعلي هذا الراجل يفضل يكون اكبر من مراته ب بتاع 5-8 سنين كده .. و الست تهتم قوي بمظهرها و نضارتها علشان تملي عين الافندي .. ماشي كده .. دي اولا و ثانيا كمان ..

تالت حاجه بقي .. بتاع ال 29 و ال 30 .. ده كلام فارغ .. و لعلمك .. انا 6 من صحباتي كلهن مهندسات اتجوزوا ما بين 32-38 سنه .. هما مش صحباتي لزم .. بس هما صحبات اخت صحبتي الانتيم و انا عارفاهم و خرجت معاهم و شفت عرسانهم .. و لعلمك عرسانهم زي الفل و هما البنات نفسهم كانوا ف العمر ده و قمة ف الشياكة و النضاره و الاقبال علي الحياه و مفيش فيهم واحده اتنازلت عن شروطها ف فارس احلامها و الحمد لله ربنا وفقهن و كلهن دلوقتي متهنيين و معاهم عيال قمرات و منهم واحده معاها توأم .. بس يا ستي .. فكبري دماغك و فوكك من حوار ال 29 و 30 .. دي هبالة ..

اخر حاجه بقي .. بصي .. الراجل اللي من نصيبك هتلاقيكي انطسيتي فيه بدون مناسبة .. خليكي متأكده .. مفيش واحده بتتجوز جوز غيرها .. ربنا كاتبلك برايد بنت ام برايد ل عباس ابن فتكات .. فما تقلقيش .. اطمنــــــــــــــــــي ..

حاجتين انصحك بيهم .. اول حاجه فيهم انك توسعي دايرة علاقاتك الشخصيه و خاصة الشغل .. مش بغرض ان تلقطي عريس .. لا بغرض انك تملي فراغ حياتك لحد ما يجي جوزك المنتظر .. تاني حاجه .. فيه ايه ف سورة القصص عن لسان سيدنا موسي مُجربة جدا .. ربي اني لما انزلت الي من خير فقير .. و ادعي دايما باسم يا وهاب .. يا وهاب هب لي من لدنك زوجا صالحا .. و هكذا .. ان شاء الله فرجه قريب ..

علي فكره انا بحبك قوي و بحب البلوج بتاعك .. ربنا يوفقك :)

أُكتب بالرصاص said...

عايزة


هأرد عليك وعلى الاسئلة بس
الاول



قارون مات غرقا
مش ضربا بالبلغ

انت يمكن تقصدي النمرود

Ahmed Shokeir said...

مداخلة بسيطة
مش لازم ابو اربعين يكون عايز واحدة
عندها اتنين وعشرين
ممكن تلاتة وعشرين

Utopian said...

I really have a headache of this subject.....el gawaaaaaaaaaaz. our society really is full of very bad traditions and habits that's done without thinking. even those who want to change (not all of course), do not want to be the first to change...got my point?!
el 3arees yeb2a akbar mn el 3aroosa, el 3aroosa lazem teb2a 2ammoora, w el ragel may3eboosh 3'eir gebo, el sha2a lazem tkoon tamleek, el shabka, ta2m el sini, el neesh 3ashan yet7at feeh ta2m el sini, el nagaf, el fara7, fostan el fara7

bgadd ykarraho el wa7ed fi el gawaz.

Advice for any new couple....toz f ay 7ad. ma7adesh mn el nas hay3eesh m3ako el beet. f el a7'er ento elly hayet2efel 3aleiko bab wa7ed...live it ur own way

Anonymous said...

قال
يا مزمزين
قال
وبيقول على نفسه الجنتل
أشكرك يا جنتل فكلمتك ضحّكتنى أوىىىىى :)

أما بقى برايد
يا بنتى أحسن حاجة ماتفكريش وأعملى ولا كأنك واخدة بالك بس خليكى مقتنعة بكل أرائك وطريقة تفكيرك ومتخليهاش تتأثر بالآراء المتخلفة وماتتنازليش أبدا وأهم حاجة أدعى ربنا كتير وإن شاء الله ربنا هيفكها على خير

Anonymous said...

كل واحد حر فى نظرته واختياراته
بس الرجل فى مصر والشرق عموما اتربى ونشأ على استمبا واحدة
بنوتة صغنونة لم تتجاوز الخامسة والعشرين وكدة يبقا تمام
حتى لو هو عجوز ومخنشر
أنا أعرف والده صديقة ليا كان أهم شروطها لزوجة ابنها اللى كلفهم انهم يدورا له عليها انها لا تتجاوز التلاتة وعشرين
مع انه تمانية وتلاتين وداخل عالاربعين
وهو أعطاها تأشيرة موافقة وتأييد كلى وجزئى
يبقا دى ثقافة مترسخة الجذور فى عقول الشرقيين بوجة عام
اللى يشذ عن الثقافة دى يبقا الكل ياخده مثل واعجوبة
======
صديقتى بقا أخت العريس سالف الذكر دة تزوجت من شخص من نفس سنها
كل شوية تشتكى هى انها كانت تتمنى واحد أكبر منها فى السن علشان مأعرفش اية
مع انها ممشية اللى معها دة عالعجين تمام
يعنى زى الخاتم فى صوباعها زى ما بنقول

لكن محدش عاجبه حاله
ويمكن لأنها علشان مش ييجى عليها سن التلاتين وهى لسة مش متجوزة ولا معاها أطفال
فقدمت تنازلات كتير فى مواصفات زوجها

ودى كانت نقطة الخلاف بينى وبينها

زى ما العريس لا يقبل فينا بأى تنازلات
يبقا من حقى أنا كمان انى لا اتنازل عن أى طموح ليا أ, متطلب ليا فى عريس المستقبل
مش من باب العند ولا حقوق وكلام من دة
لكن من باب انى مخلوق مش ناقص ولا مرتجع ولا زى ما انتى قلتى مجرد لحاف نازل عليه التخفيض لانه معيوب
أأأأأأســــــــــــفه
أنا انسان كما خلقنى الله
وطموحى ومواصفاتى فى شريكى لن أتنازل عنها لمجرد انى بقا سنى تلاتين سنة

تحياتى يا جميلة

Anonymous said...

بصى هو بخصوص موضوع فرق السن، فيه أعتقاد شائع - معرفش اذا كان صح ولا غلط على فكره - ان بيحصل فرق يعنى فى السرعات بعد سن خمسه وأربعين وان الراجل بتفضل المسائل مهمه بالنسبالة لغاية سن أعلى من المرأه عشان كده فرق السن مهم للطرفين عشان يفضل فيه توافق فى الحياه الخاصة.

Anonymous said...

بما أن المدونه ديه غير ديمقراطية زى ماأولتى فى الأول، أسمحيلى أستخدم حقى الديمقراطى الغير مكفول فى السؤال أنا كمان.
ليه العريس مطلوب منه يدفع خمستاشر عشرين الف جنيه - وساعات أكتر - فى حاجة ملهاش اى لزمه بالنسبالوه أسمها تلات ساعات فرح؟
ليه دايماً الأبهات بيقولوا فى الأعدات الأولانية أن الشبكة ديه هدية من العريس وهو الى يخترها وبعد كده يعدوا يتشرطوا أن لازم سعرها ما يقلش عن كذا؟
أذا كان بتوع مجلس المرأه هرينا بموضوع المساواه ليه مايبقاش فية مساواه فى الحاجات الماديه كمان؟

Anonymous said...

أسمحيلى احاول اجاوب على أسئلتك على قد مبعرف
فرق السن بيكون فى الأصل عشان فتره العطاء القصيره للست اى ان كفائتها فى الحمل والولاده بتقل جداً لو تعدت الأربعين مثلاً وبتكون فى ازها عصورها دون الخامسة والثلاثين انماالرجل الأمر مختلف
وفى سبب تانى للموضوع بس مش هو اللى الناس بتعلنه ان فى الغالب ان لم يحدث طفرات عقليه للرجل بيكون عقله اقل من عقل الست اللى فى نفس سنه فلو اتجوز اده بقت مشكله ولو اكبر منه احنا بنتكلم فى مصيبه بقى
بعبع الثلاثين ننكن نرده لنفس السبب السابق لأن فرصتهافى الحمل والولاده عماله تقل وده السبب المعلن أنماالخفى فهو ذكورى بحت والمحرض عليه انثوى بحت ( امهات الرجاله ( ليه ياخد دى وميخدش الأصغر)ورغم صحه المعلومه إلا ان 30 دى فى القاهره سعدتك انما فى بورسيعد واسماعيليه وطنطا والمحله البعبع اسمه 25 وفى الأرياف والقرى اقل من كده بكتير
اما كايه ابو 40 الى عاوز فالواقع بيقول انها فراغه عين لا اكثر
وعشان نقول مسك الختام فان هدى الرسول صلى الله عليه وسلم خلاف ذلك كله ن فهو تزوج من تكبره بأكثر من 20 عاماً وتزوج الطفله عمر 9 سنوات وتزوج الثيب والأرمل والمطلقه ومن بلغت سن القواعد ومن لها ولد ومن ليس لها ، يعنى مكنش فى أى محاذير من اى نوع وكل زيجه حسب ظروفها
انما للأسف ااحنا بنعيش فى مجتمع متخلف بتحكمه افكار متخلفه منبعها تقاليد اكثر تخلف لا علاقه لها بصحيح الدين ، انما عاوز اقول ان اى مجتمع زكورى منشأة نساء ربت اولادها على معتقدات خاطئة

saso said...

ليه كده ده حتي الايام دي الموضوع شغال عكسي
تلاتة من اصل خمسة صحاب اتجوزوا اصغر منهم
طيب بلاش من اربعين سنة مامتي اتجوزت بابايا وهيا اكبر منه بشهر يعني مش معجزة..المهم ان الاسباب البيولوجية اللي بتتقال وامكانية الحمل والحاجات دي عليها عامل
والفكر الشرقي من الصورة المثالية للزوج اللي يعرف اكتر وخبراتة اكتر وكل الكلام ده عامل تاني..بس ارجع اقوللك مش قاعده او لو كانت قاعده يبقي منحناها في النازل

Anonymous said...

انا مش مقتنع ان سنين عطاء الست تخلص عند الاربعين. لان الحب و المودة اهم الف مرة من الخلفة. و بعدين هو الواحد نفسة فى كام عيل يعنى ثلاثة , يعنى لحد سن 35 مفيش اى مشاكل.

انا مشكلتى الكبيرة فى موضوع جواز الصالونات ان الموضوع بياخد شكل مناقصة. الراجل بيقدم كراسة الشروط و امه الخبيره المثمنة تحط بصمتها على المواصفات و تبدا رحلة البحث. و تنتقل لجنة البت من صالون الى صالون لمعاينة العروض. حاجة تفقع المرارة يا شيخة. و برغم كدة كل اصحابى متجوزين كدة ما عدا واحد صاحبى واطى شوية راح كلم واحدة قالتلو انها مرتبطة قالها طب عندك اخوات و اتجوز اختها . واطى مش كدة ؟

Xylo said...

سلامو عليكو يا أهل الدار. طبعاً فى خمسميت واحد يعتوا تعليقات و أكيد مش حقول حاجة جديدة لأن كله اتقال خلاص إنما اهو بردة الواحد يفك بكلمتين.
مش حرد على أسئلتك، بس ح أزيد عليها
ميين قال ا نده مجتمع ذكوري ؟ يعنى إيه ذكوري ؟ يعنى الراجل ديك البرابر يعمل الى عاوزه و بيتجوز الى عاوزها و بيلعب دور سي السيد فى البيت ؟؟؟ لو ده يحصل و دى القاعدة يبقى ده مجتمع ذكورى فعلا، بس لو مش ده الحال، يبقى يا ريت بلاش المصطلح ده
ميين قال الراجل ميعيبهوش غير جيبه ؟؟ يعنى لو واحد كويس بس فقير يبقى ابن ستين فى سبعين ؟؟
ميين الى قال ان فرحة الجواز فى انك تعملى فرح بقد كده و تجيبى فستان بقد كده و جوزك اعد يحوش فى ثمنهم سنة لمجرد ان دى عادة و لازم نظهر كويس ادام الناس
ميين قال ان العريس لازم يجيب شبكة غالية قوى و شقة ممتازة و كل الحجات دى على الرغم انه غالبا مش بيكون معاه تمنهم و بيحوش و بيطلع عينه علشان حجات المجتمع شايف انها هى الجواز اساساً و اللى مش معاه يبقى مجنون لو فكر يتجوز ؟؟
مييين اللى قال ان الراجل يفضل يحوش طول عمره علشان لما يلاقى نفسه خلاص، معاه قرشين يروح يتجوز واحده مايعرفهاش؟؟ كما لو كان بيشترى تلفزيون !! ده كلام ؟؟
لو لاقيتى رد على أسئلتي حتلاقى رد على أسئلتك و برده حاحاول أرد على شوية أسئلة من بتوع الناموسة 
لما بتلاقى 2 بيحبو بعض فى كلية و بيكون راجل مايعبهوش حاجة (معاه فلوس و مريش كدة و مية مية) مش بيكونوا فى نفس السن و بيتجوزا ؟؟؟ مش كدة و بس ، لأ، دى ممكن تكون اكبر منه بكام شهر بس على قلبه زى العسل. انما الأستاذ اللى رايح يشترى تلفزيون بفلوسه، ليه يشترى تلفزيون 2 نظام بدل ما يشترى تلفزيون 3 نظام ؟؟
ثم تلاقى بنات كتيييييير قوى تقول انا عاوزة واحد اكبر منى بعشر سنين علشان يبقى عاقل كدة و راسى (بس دى غالبا بتتجوز اول واحد معاه فلوس و بيعرف يعد من واحد ل تلاتشر)
و بعدين مسألة لا 29 وال 30، دى مسألة نسبية بحتة، عارفه، اى ممرضة كملت 20 سنة و مش مخطوبة، دى كده عانس خلاص، مسألة السن دى علشان ال بنت بتكون خلصت كليتها و اتخرجت من 4 – 5 سنين. بس اشمعنى 29-30 ؟ اشمعنى الرقم ده ؟؟ الله اعلم
حاجة اخيرة، مش الراجل بس فى مجتمعنا اللى عاوز يتجوز واحد اصغر منه، امه او اخته لما يقولهم انه حا يتجوز واحدة قده فى السن او اكبر، غالبا حيعلقوله المشنقة و ليه يا ضنايا الوقعة دى ليه يا حبة عين امك. أتمنى إنكم تكونوا فهمتم قصدي
أوحش حاجة إن الناس يكون أهم حاجة عندهم كلام الناس التانين، و ان ده يكون السبب الأساسي و المعيار الأول فى اتخاذ قراراتهم

Anonymous said...

يعني.. زي ما الأخ اللي علق قبلي قال : كل الكلام والإجابات قيلت وخلاص .. لكن مفيش مانع .. اننا نزود كلمتين
المفروض في موضوع شخصي جدا زي الجواز ما يكونش في حاجة اسمها قواعد للسن أو خلافه.. بس إن في اثنين شايفين إنهم عايزين يكملوا حياتهم مع بعض.. دة الطبيعي من وجهة نظري.. أما بقى لغة السو-ء- و موضوع العرض والطلب و الراجل اللي معاه فلوس ليه ياخد أم 30 إذا كان ممكن ياخد من أم 22
فهما أحرار..الراجل واللي توافق على شروطه..لأن الموضوع خرج من نطاق المشاعر ودخل فم منطقة الفلوس و الحسابات
أما موضوع 29 و 30
فأنا أعتقد أن الموضوع نفسي بالدرجة الأولى .. الانتقال من عقد إلى عقد
سواء عند الرجل أو عند المرأة
وسواء من 29 إلى 30 أو من 39 إلى 40
الإحساس بالإنتقال إلى خانة جديدة للعشرات

Anonymous said...

يا جماعة انا عايز اتجوز واحدة محترمة اخلاق وشكلها مبقول بالنسبة ليا
مش معايا اي حاجة
لا املك اي شي
شاب صغير لسه بيبتدي حياته عنده طموح وامل في الله
حد يرضي بانسان زي كده
لو البنات كلها رضيت المشكلة هتتحل
بكل بساطة ولا عمرنا هنسمع عن فرق السن ولا العنوسة ولا اي حاجة من ده
بالمناسبة انا عايز اتجوز فعلا

Anonymous said...

كلامك والله مضبوط ...المفروض أن ربنا بيقول فى القرآن ..ما معناه ...
" ولهن مثل الذى عليهن بالمعروف وللرجال عليهن درجة "
درجة رعاية ..لا درجة سيطرة وتمللك
الشئ اللى يجنن أننا أكثر شعوب الدنيا
كلاماً عن المساواة وتمكين المرأة ...
نفاق بعيد عنك

Anonymous said...

Sorry eni bakteb bel3angalizi bas ana fi 3.orba wel 3.orba sa3ba.

Enti mas7.ara. bas warra el kalam dah fi falsafa 3alia. Dema3. mesh ai kalam ia3ni

Ana mesh 7a2dar akteb ketir el naharda 3alashan waraia sho3.l bas wa3d 7akteblek email 2raieb

Keep it on

Anonymous said...

بصي
بغض النظر عن االكلام الكتير
اللي الناس قالوه فوق
متخديش في بالك
ساعة القدر يعمى البصر

Anonymous said...

و الله يا برايد كلها أقدار
أنا أعرف واحدة أكبر من جوزها ب 7 شهور
و واحدة تانية أكبر منه بسنتين بس هية دلوقت يقت جدة و عندها أحفاد

و واحدة تالتة اكبر من جوزها بسنتين و عندهم دلوقت بنوتة زي السكر لسة مولودة

و واحدة رابعة أكبر منه ب 5 سنين بحالهمو عندهم دلوقت أولاد ف جامعات

يعني هية ساعة القدر بيعمى البصر و معتقدش إن فيه جوازة بتقف عند السن(بغض النظر عن تفكير بعض الناس )

ibndafallah said...

انا مش هاجاوب على الاسئلة
قبل ماتسالى الاول الاباء عندما ياتى اليه شاب ذوخلق ودين يطلب منه ان ياتى بخمسة حجرات وشقة طبعا خمسة حجرات علشان العفش وبعد ذلك نسأل عن مشكلة العنوسة

أحمــــــــدبــــــــــلال said...

كنت هاصححلك نفس المعلومة
بس على العموم مفيش مانع الراجل يتجوز ست أكبر منه
الرسول عليه الصلاة و السلام أتجوز ستنا خديجة و هى أكبر منه بالعديد من السنوات
بس هو المجتمع بيبص للفكرة دى من أتجاه معين
أن الست أو الانثى معروف أنها بتنضج فكرياً قبل الرجل يعنى حتى فى البلوغ بتبلغ قبل منه لو فى نفس السن
فى الوقت اللى بيبقى هو لسه بيبصلها على أنها واحد صاحبه بتكون هى بتمر بأول دورة شهرية ليها
علشان كده لازم الراجل يكون أكبر علشان مستواه العقلى و الجسمانى متناسق مع الست اللى هايتجوزها
أما بالنسبة لشبح سن الثلاثين فبرضه يرجع لسبب أنها هايكون غالباً قدامها فرصة عشر سنين علشان تقدر تنجب لأنها بعد كده بيتوقف جسمها عن أنتاج بويضات جديدة للأنجاب
و حكاية الراجل اللى بيفكر فى سن العشرينات فى كل أعماره المختلفة
ده بقى لو هو فى سن العشرينات تبقى هى حلمه لأنها من فئته العمرية
و لو هو فى الثلاثينيات تبقى هى أنسب واحدة علشان يتجوزها فكرياً و جسدياً
أما لو كان فى الاربيعينيات يبقى عاوز يثبت أنه مازال قادراً على أعجاب فتاة فى هذا السن أمام الناس
و الخمسينيات حتى يثبت أنه مازال قادراً على أداء واجباته الزوجية
أما الستينيات فده بقى علشان تديله الدوا قبل ماينام

Anonymous said...

انا مش معاكي في بعض الأسئلة
انا أهوه واحد خاطب بنت أكبر مني بسنتين وعادي جدا مش حاسس بأي فرق
وسعيد جدا ومتمسك جدا جدا بالانسانة دي
اعتقد ان الموضوع اللي بتتكلمي عنه متعلق بالجنس
الراجل غالبا بيكون عاوز واحدة أصغر منه عشان تكون صالحة جنسيا لما يكبروا
يعني الراجل يبقى عنده خمسين سنة ولسة فيه الرمق انما الست اللي عندها خمسين سنة بتبقى خلاص
وده برضه مش صحيح في رأيي
دلوقتي الراجل بيعدي الخمسة وأربعين وبيكون زهق من الجنس أساسا
انا ضد وضع السن في الاعتبار
حتى لو كانت البنت أكبر مني بعشر سنين كمان

Nouran said...

اصل لو مكنش كده يبقى انت اكيد اكيد ف مصر طب اقولك ف فبلاد تانية لو اتجوزت بعد عشرين سنة يبقى عنست شوفتي احنا ف هنا ازاي ربنا يبعد عنك كل جنون ويرزقك الزوج الصالح وتقلبي اسم المدونة اتجوزت والحمدلله :)

wanna b a bride said...

أم العيال

ما أحلى التلاتين.بس مين اللي يفهم

المشكلة ان مافيش حد بيفهم..عايزين نستورد شوية فهم من الصين

----------------

دكتور أحمد سمير

المجتمع ده انا و انت و اللي زينا و للأسف الكل ماشي ورا بعضه زي القطيع

----------------

shaimaa

حبيبتشي انتي يا شيماء

بس مرحلة الرجولة اللي لغاية الستين دي يا حبيبتشي كلام

انا صيدلانية و عارفة حجم الفياجرا المتداولة في البلد

جاتهم خيبة و النبي رجاله لسه ماكملوش التلاتين و منتظمين عليها انتظام الساعة

سيبك اجواز صحباتك دول مالهومش واحد صاحبهم مستبيع كده و ابن حلال
--------------

placebo

أهي الصورة دي اللي بتضحكني خصوصا بعد البنت الرقيقة اللي قلب الدنيا عشان يلاقيها ضغيرة و حلوة و رفيعه و عيقدر يتحكم فيها

بتلاقيها بعدها بسنتين جراه وراها و مشيلاه عيل عمال يعيط و هي بقت عرض عرضين

و تلاقيه مش عارف يرفع عينه فيها و الكلمة الوحيده اللي على لسانه

انا اللي جبت ده كله لنفسي

من أعمالهم سلط عليهم

----------------

anonymous-1

يعني كتبت كللللل ده و ماكتبتش اسمك؟...يا راجل

عموما ربنا يهنيك يا عم بالجو..و ده اللي أنا بقوله

ليه ممكن واحد يحي زميلته في الجامعه اللي ممكن تبقى أكبر منه بشهر أو اتنين أو حتى سنة كاملة

لكن لو قال عايز عروسة و دوروله لازم العروسة تبقى اصغر ع الأقل ب5 سنين

المجتمع عنده فصام تقريبا

----------------

مصـ(الخير)ـعب

شكرا يافندم ع التصحيح أنا كنت عارفاها و الله بس زي ماتقول كده الجنان بدأ يتمكن من مخي شوية

صح و الله كله ماشي ورا بعضه و خلاص

ماحدش بيقف لحظة يفكر

و يتعب نفسه و يفكر ليه .ما هو زيه زي الناس و خلاص

و مش في الموضوع ده بس في كل حاجه

مجتمع ينقط و يعل

-----------------

anonymous-2

el masry affendi

أصلا نص الرجاله في مصر دلوقتي عمرهم الإفتراضي يا دوب 10 سنين

دي حقيقة علمية مؤكده
------------------

أنا حرة

ارغي يا جبيبتشي ارغي ولا يهمك

داحنا بنات و مالناش غير بعضشينا

نتيجة التصحيح هتطلغ بعد الرأفه من الكنترول

حلوة شرف الرجل اشعال ذاتي دي
ههههه
و الله ضحكتني
موضوع مايعيبوش الا جيبه دي بأه بقت فيشينك

دا حتى بيبقى مأشفر و ضاربه السلك و بضه يقعد يتأمر على خلق الله

حاجة تفقع

-------------
mano

مهما وصلت أي ست لأي منصب

و لو حتى وزيرة والا رئيسة جمهورية

لو اتأخرت في الجواز تبقى عانس و بايرة و معيوبة و فاشلة في حياتها

و مرات البواب تفضل تتأوز عليها في الرايحة و الجاية

---------------

tota

بس يا ريت و لنبي تشدي حيلك يا توتا يا حبيبتي في موضوع روح التمرد دي

يعني ماتتأخروش عليا لحسن انا خلاص في الوقت بدل الضايع اللي حددهولي المجتمع

---------------

i'm just depressed

أنا معجبة قوي باسمك على فكرة

ازاي انا مافكرتش فيه الأول

بس بذمتك بذمتك

الأشكال اللي بتجيلنا دي ليها علاقة بجورج جيبسون و الا ميل كلوني دول

طب قبل ماييجوا يتأمروا يبصوا لنفسهم في المراية الألأول

انا بس اللي بيبقى فارسني الثقة الفظيعة اللي بيتقدموا بيها و هما فيهم البدع

ربنا يصبرنا يا رب

----------------

rasha

رشا الرقيقة

موضوع التوافق و الإنسجام بينفع لو فيه تعارف الأول

لكن المشكلة انه كله دلوقتي جواز صالونات...أو على الأقل في بعض الحالات

و العريس بسلامته هو وأمه الله يكرمها يا رب

بيرفضوا أصلا يشوفوا الدبيحة..الا لما تكون مستوفية المواصفات

-----------------

mizo

صح و الله عندك حق

انا في شغلي حتى شايفة الموضوع ده

80%من اسباب التخلف بتاع المجتمع سببها الستات دول

هما الستات الجهلة و ساعات المتعلمين ..هما أصل كل البلاوي

wanna b a bride said...

minesweeper76

العريس المأسوف غلى شبابه ده يستاهل

بحسبة بسيطة من بتاعة البورصة دي هنلاقي ان أكيد طلبات أم 22 أكتر بكتير من طلبات أم 29

هو غلط ..بس هو ده اللي بيحصل

يبقى يستاهل بأه والا لأ؟

-----------------

bintbeladi

و الله و في الآخر ربنا بيخلف ظنهم

أنا أعرف واحد بيجي يصرف من المستشفى عندي فلاح قعد يدور على واحدة صغيرة يتجوزها

اتجوز واحده عندها 18 سنة لسه مخلصة الدبلوم

في خلال 3 سنين اكتشفت ان عندها السكر و الضغط و عملت عملية تغيير صمام

ربنا يشفيها ..بس هو دلوقتي اللي داير بيها على الدكاترة

------------

محمد مفيد

بالعكس يمكن الإجابات تختلف ..لكن التصرفات في الحقيقة بتتشابه
-------------
no fear

انا عن نفسي مستعدة أحارب و أثبت انه غلط

ما تعرفش حد يحارب معايا؟
---------
شاب بيحوش عشان يتجوز

ما هي أم العريس بتحامي للعريس و أم العروسة بتحامي للعروسة

يبقوا خالصين يا عم فيها ايه

بص انا عاملة جمعية عشر شهور ب 100 جنيه أحجزلك التاسع؟
--------------

الجنتل

بصيت يا شنتل

هو كله على فكرة من ستات العيلة دول

أمانة عليك يا شنتل ماتسمعش كلامهم

--------------

romantic rose

ربنا يكرمك يارب

رفعتي معنوياتشي

يعني لسه فيه أمل و النبي؟

جميلة جدا حكاية صحبات أخت صاحبتك دي

السلام أمانة وصليلهم سلامي الحار

ادعيلي أنطس بأه
-------------

أكتب بالرصاص

انت يا عم بتضحك عليا

طب النمرود و عرفناها ..فين بأه رد الأسئلة

---------------

ahmed shokeir

تمام يا ريس

عموما انت أدرى

المدام قاعده جنبك و انت بتكتب الكلام ده؟

--------------

utopian

كلامك كله مظبزط..خصوصا موضوع النيش ده

تصدق كل حاجه لازم أشتري منها اتنين

طقم كاسات للإستعمال و طقم للنيش
طقم شاي للإستعمال و طقم للنيش

زي مايكون النيش بتاع الملكة فريدة و هيتفرجوا عليه السياح

نصيحتك الخرانية دي تتطبق على اتنين متفاهمين و متفقين على الجواز

انما واحد موسط امه تشوفله عروسة

وواحده موسطة أمها برضه تقيملها العريس

يبقى مافيش حاجة هتتغير
----------------

anony

آه و الله انا كمان عجبتني قوي

يا رب يكملها على خير يا رب

Anonymous said...

عنوان المدونة والموضوع هو نفس عنوان مقال للكاتبة سلمى الامين بينزل فى ملحق اسبوعى مع اخبار اليوم كل يوم سبت هل دة مقصود ولا اية الموضوع ؟؟؟
قارىء

Anonymous said...

Hi there, whats the story, no more grooms or you guys still didn't fix the stairs?loll, thanks for sharing these lovely stories, reminded me of alot of stories (from my sister's diary, lol)well, waiting to hear the next stoy, and hopefully will be the perfect match, really great blog, thanks.
Gem . Newzealand

Anonymous said...

By the way, even the demands of (omm 44) is much less,
Gem. Nwzealand

Anonymous said...

برايد، انا أول مرة اكتبلك تعليق بس أنا من قراء مدونتك الدائمين، بصراحة انا معجبة بكتاباتك جداً، على الأقل بحس اني قريبة منك بشكل كبير وبتقولى بسلاسة اللى نفسي أقوله.
تعليقاً بس على اسئلتك في المدونة المشكلة مش في فرق السن، المشكلة في المجتمع ككل لانه عنده معتقدات مسميها تقاليد ومتزمت جدا تجاها إلى حد ممكن تعتبريه ديني... والحته دي صعب أوي تناقشي أي حد فيها....
العيب والغلط والحرام اللى اتربينا عليهم واكتشفنا بعد كده ان مش كل حاجة عيب وحرام هو الأساس في وزن العلاقة بين الزوج والزوجة.
على فكرة انا والدتى أكبر من والدي بأربع سنين... ورغم وجود خلافات مستمرة بينهم... بس مش بسبب السن خالص.
ومرة تانية ... تحياتي ليكي ولكتاباتك الجميلة

Anonymous said...

انا بصراحة لفت نظرى اسمك وانا بتابع مدونة سوسة ودخلت قريت كل البوستات بتاعتك تقريبا انا بس عايز اقولك حاجة انتى قاعدة تشرحى فى العرسان وتقولى اسنانة وعينة وسنة ولغاليغو ولبسة وبعدين هاتموتى وتتجوزى طيب اذا كانت البضاعة مش عجباك مابلاش البيعة دى واصرفى نظر وبعدين مش يمكن فى بضاعة تانية فى السوق وانتى مش معاكى تمنها يعنى مثلا البياع ما بيقولش عليها لكى علشان عارف انك ماتقدريش تشيلى لو سمحت ممكن بوست توصفى نفسك علشان الناس الى بيدورو على عروسة يقررو
وبعدين نصيحة ماتخليش الموضوع دة يأثر على نفسيتك لأن دة ممكن يبقى له اعراض جانبية ممكن تتخنى وتقلبظى ويطلع لك لغد وهكذا يعنى
خلاص بقى الهزار خلص نتكلم بجد
اسلوبك ظريف جدا ويدل على دمك الخفيف وربنا يوفقك وتلاقى فارس الاحلام ويكون عاقل انتى وكل البنات الحلوين والمؤدبين لو ان انا خايف تتجوزى انتى وسوسة وبعدين تنشغلوا عن البوستات الجامدة بتاعت سوسة والبوستات اللذيذة بتاعتك بس اية سنة الحياة ولازم المجانين يزيدو اتنين

Anonymous said...

السلام عليكم
اسئلتك كله منطقية يا اسمك ايه
والاجابة كالتالي
بعيدا عن سني الياس والدورة البيولوجية للمراة والرجل فالمعروف ان المراة بتعجز اسرع من الرجل صحيح الرجل دايما يموت قبلها ويسيبها تتهني بالشقة والمعاش واللذي منه لكن الرجل في سن الخمسن غير الست مثلا وهو ف السن ده بيقي عايز حد يعطيه دواء الضغط اللي هي جبته ليه ولو هي كمان ف نفس السن وطبقا لان الرجل يعتبر خدام عن مراته هيضطر يعطي الدواء لنفسه وليها ديه واحدة
التانية ياليت منناسش انه في نسبة كبيرة من الرجالة بتخاف من العلاقة الجنسية وديه حقيقة والله وبالنسبة ليه ياخد واحدة معندهشاش اي خبرة احسن ما ياخد واخدة عينها مفتوحة وتعيره
ده ممكن يكون رد المجتمع لكني شخصيا واقسم لك لما اتعلق نفسيا الا بمن هي اكبر مني - وذلك لقسوة امي عليا- وانا الان نادم لانني لم اتزوج نسرين وكانت اكبر مني بسنة ونصف ةالي الان لم اري اي بنت ف ذكائها او حنيتها
وانا الان لا اجد بنت اساسا لاني اعمل بالسعودية ومفيش اي خاجة مؤنثة هنا كلهم رجالة بس مقسمومين نصفين نص بيلبس جلابيات بيضاء وناس بيلبس جلابيات سوادة ويغطي وجهه
وعامة السن ليس بمشكلة ع الاطلاق فاقرب مثال لنا الرسول تزوجت بمن تكبره بفاق كبير وهي السيدة خديجة وتزوج بمن تصغره بفارق كبير وهي السيدة عائشة
واتمني للجميع خظا سعيدا وافطارا شهيا اقصد وزوجا طريا

wanna b a bride said...

شهروزة

شوفي يا شهروزة يا حبيبتشي

أنا دلوقتي بقيت مؤمنة انها مش مشكلة رجالة انما هي مشكلة ستات

كل ام بتقعد تتأمر على بنات الناس عشان خاطر المعدول ابنها

هنقول ايه ..ما هو القرد في عين مامته
------------------

ahmad

بص هو أصلا نص الرجالة دلوقتي ماشيين بالفياجرا

يعني لو المسائل حتى لسه بتفضل مهمة...ماتلاقيش
------------------

anonymous

ماحنا قلنا مافيش ديمقراطية هنا يا كابتشن

ده موقع ليا و لمشاكلي انا و البنات

ماليش دعوة بمشكلات الشباب

اللي عنده مشكلة ....يعملها بلوج
---------------

mohamed a.ghaffar

يعني فرصة اللي عندها 29 لسه موجوده و الي 30 خلاص؟

عموما آخر 3 سطور في تعليقك هما الخلاصة
---------------

saso

سلميلي على بابا و قولي له

انت رجل و الرجال قليل
-------------
شحات الغرام

انت راجل بتفهم على فكرة

كل اللي بيقولوا الحمل و الخلفة عايزين يجيبوا كام عيل يعني 2-3

طب ماهم عندهم من سن 30 الى 40 عشر سنين أهم مش كفاية؟

صاحبك ده عسل أوي و الأعسل بأه اللي قبلت تتجوزه بعد ماكان عايز اختها..

عيلة سكر
-----------------

xylo

أسئلتك الأولانية ..عايزة بلوج لوحدها

موضوع شرا التلفزيون ده و الله احنا مظلومين فيه

طب قوللي انا ذنبي ايه؟..الدنيا كلها حواليا ماشية كده

و كل صحباتي اتجوزوا كده

و مافيش طريقة تانية في ايدي غير كده
طب أعمل ايه؟

wanna b a bride said...

anonymous-4

هي خانة العشرات دي الي مديقاني

الراجل بيعديها زي مايكون بيعدي عتبة بيته

و الست بتعديها أكنها داخلة السجن

-----------------

anonymous-5

ماهو برده ربنا عرفوه بالعقل

طب تأكلها ايه و تعيشها منين

اقولك

اعمل جمعية

----------------

رجل من غمار الموالي

احنا كمان من أكتر الشعوب اللي بتشتم بالأم

رغم كل كلامنا عن احترامها و تعاليم ديننا اللي بتكرم المرأه
------------------

t

شكرا يا فندم ع التشجيع

من ناحية دماغ انا دماغ

و هو ده اللي جايبني ورا

-------------

yasser

صح و الله

هي المشكلة كلها في الستات..الحموات المستقبليات

و كمان أكتر حاجة بتفقعني اخوات العرسان

البت تبقى أصغر مني يجي ب 10 سنين و قاعده تجيبني من فوقي لتحتي ولا رئيسة مراجيح مولد النبي

-------------
محمد

بصيت

ادينا مستنيين القدر

بس عاى الله يبقى خير
-----------

عروسة النيل

شكرا على الكلام ده

و الله بيصبرني

ربنا يستر م اللي جاي
---------------

ahmedsobhy

تعال يا عم عندنا الشارع فيه 4 عرايس و كلهم بيطلبوا 3 أوض بس

انت اللي بتروح للناس الوحشين و سايبنا
---------------

أحمد بلال

و هي عشر سنين مش كفاية للخلفة

و بعدين الحاجات دي كلها بأمر الله

انا اعرف واحد ساب خطيبته لما عدت التلاتين عشان السبب ده

و اتجوز بعدها واحده صغيرة عشان تجيبله العيل و في الآخر طلع هو مابيخلفش

----------------

epitaph

و لما ترفضي يقولولك انت هتتبطري ليه حد لاقي

يا شيخه ربنا عليهم الظلمة المفتريين

لأ وواثقين من نفسهم أوي زي مايكون الواحد منهم هدية السماء الى نساء الأرض

بكره تفرج

wanna b a bride said...

أشرف حمدي

تحياتي على العقل و المنطق

بس للاسف مش كل الناس زيك

كل الشباب الأمامير بيعتمدوا على أمهاتهم تجيبلهم عروسة حلاوة يحطوها في الصالون

و طول ما الجواز معظمه بالطريقة دي

يبقى المجتمع هيتغير ازاي؟

---------------

nouran

على فكرة انتي عسل جدا

كفاية انك من القليلين اللي بيدعولي أتجوز

شكرا يا عسولة
------------------

anonymous-6

انا للاسف مش قارئة للأخبار

أنا باجيب الأهرام جمعة و سبت و ساعات الدستور الأربعاء

عموما ما فيش حاجه من دي مقصودة..الا اذا كانت التدوينات بتاعي بتتنشر من ورايا

دا يبقى موضوع تاني

-----------------

anonymous-7
(gem-newzeland)

العرسان جايين في السكة ..بس كانت معاهم واحده حامل جالها الطلق و راحوا يولدوها

و على رأي المثل
رب قوم ذهبوا الى قوم ..مالقوهومش..خادوا تاكس و رجعوا

على فكرة انا احتمال اعمل بلوج جديد و اجمع فيه قصص البنات اللي بيقروا عن العرسان اللي اتقدمولهم

ابقى ابعتلي مذكرات اختك على الإيميل و انا أنشرها

ام أربعة و اربعين بتخش تقرا على فكرة .ماتتريقش عليها لا تتعبك
-----------------
l'orientale

منورة المدونة و هتنور اكتر بتعليقاتك الجميلة على طول

تحياتي كمان لباباكي

معتقدات المجتمع دي عايزة صدمات مستمرة مننا لحد مايبقى الغير مألوف عادي

بس كل واحد بيكسل يبقى هو البادئ بالتغيير و بيقول اشمعنى انا يعني

هو انا اللي هاغير الكون..خليني زيي زيهم

---------------

مصري مغترب

أصحاب سوسة أصحابي و صحاب بيت كمان

موضوع البضاعة دي..اممممم..الحقيقة مش فاهماه قوي

بس انا عموما عدت عليا كل الأصناف و كل الأنواع

ماتخافش انا باديك كلمتي أهه و أقدر اوعدك بالنيابة عن سوسة

اننا مش هنبطل كتابة لو اتجوزنا

ادعيلنا باه
-------------

ساعد نسرين الأيمن

طب كان مالها نسرين
مش أحسن م الغربة و الشحططة؟

و بالنسبة للرسول عليه الصلاة و السلام

أهي دي بأه الحاجه الوحيده من سنته اللي ماحدش بيفتكرها في الأيام دي

تحياتي

أم أحمد said...

أنا مش مقتنعة بتفريق المجتمع للرجل عن المرأة من ناحية الزواج والسن المناسب للزواج لكلا الجنسين
بس ليا سؤال عشانك أنت ممكن تتجوزي واحد أصغر منك ؟ ماأعتقدش

Anonymous said...

إيه الدوشة دي ... انتي واجعة دماغنا ليه . انتي مش بتتعبي؟ عمومًا انا عندي عريس .. بس هو طالب مهر كبير وعاوز يعمل فرحه على الجولف كورس إللي في القطامية.

Anonymous said...

والله وفي شباب عايز يتجوز بنت اكبر منه باربع سنين ونص!! اسأليني انا..

تحياتي واحتراماتي..

Anonymous said...

The answer to the 3rd question could be due to the midlife crisis
which is an emotional state characterized by severe anxiety and difficulty to come to terms with the fact that peron's life is halfway over.
It laste 3-10 years in men.During this period man reflect on what he has done in his previous life and try to make it up in the coming half, so individual indulges in extramarital relations, buyig sports car,shopping sprees, etc
and one of the important characteristics of this stage is that guys start to fancy younger girls all over again not only on a physical level but also on an emotional level as well, as younger women (supposedly in their mind) have fresh hope-filled prespective on things and life in general.
I am not sure if this answers your question.
I could not read the comments so I might be repeating what is already been mentioned in one of them.
last, wish you luck with your quest for answers.

Anonymous said...

انتي فين مش باينة وحشتينا شكلك اتجوزتي ونسيتي اصدقائك
ياريت بلاش الاسئلة العجيبة ديه وشوفي مايكل دوجلاس متجوز كاترينا وهي اصغر منه بحوالي 15 سنة يعني مش عندنا بس وزي الاخوة ما قالوا السبب فسيولوجي بحت وبلاش فلسفة

Anonymous said...

أنا نفسي مش عارف

سألت كم واحد من أصحابي قالوا ممكن لي لأ

بس كلهم قالوا انهم يفضلوا وحدة أصغر منهم

أنا شخصياً أشوفها ممكن تكون صعبة لأنه عقلها يكون لسه أصغر

أظن نفس السن أحسن

wanna b a bride said...

sahar

و الله يا سحر ولا ليكي عليا حلفان
كان متقدملي واحد أصغر مني بسنة وانا كنت راضية و هو كمان

بس القدر كان أكبر مني ومنه(غشتها من فيلم عربي الحتة الخرانية دي)

---------------

autoscriptor

انا واجعه دماغكوا؟؟أنا؟؟

ربنا يسامحكوا

-----------------

محمد حبيب

طب يا أخي دانت محدد اهه

اتكل على الله بأه..بس ماتقوليش....هافرحلك بس هافتكر حالي
---------------

moe-new york

ياااه بأه ازمة منتصف العمر دي بتقعد 10 سنين بحالهم
الرجالة دول كلهم مشاكل

أزمة مبتدأ العمر و ازمة منتصف العمر..و الأزمة الأكبر ازمة انتهاء العمر و الجري ع المعاش و الحاجات دي

طب امال نتجوز ليه باه عشان نحل مشاكلهم

شكرا انك و ضحتلي الصورة ..دي حاجه غم..طب اخدها من قاصرها و أعنس أسهل
----------------

حاحا

انا لا اتجوزت ولا بتاع

و بعدين لما يبقى حد م اللي بقولك عليهم يبقوا شبه مايكل دوجلاس

يبقوا يروحوا يتجوزوا كاثرين زيتا جونز

وان اللي هاخطبهالهم بنفسي

----------------

yasser

بس صعب على فكرة تنشن على نفس السن دي

طب ما تسيب موضوع السن ده على جنب و حدد عن طريق العقل مش عن طريق السن

Anonymous said...

هاى يا برايد على فكره انتى بنت زى السكر وكلنا فى الشغل ملناش كلام غير عنك طب على الاقل يا بنتى انت فى حد بيجيلك الدور والباقى على اخواتك اللى اعدين زى خيبتها والرجاله عايزه الصغيرين يعنى ناقص اننا نظم المرور هههههه طب تصدقى انا عندى 27 وكل ما عينى تقع على زميل جديد فى الشغل واقول بس هو دا والاقيه بيبتسم برقه كدا ادوب انا ههه ويجى بقا يحاول يفتح كلام وطبعا اختك ايه ولا الهو وبعد فتره يقولى انا عايز اقولك على حاجه اقول بس اهو جه لقضاه الاقيه بسالنى عنى اى زميله تانيه
تقوليش ياختى فتحاه خطبه
والله يبنتى الكلام دا حصل مرتين
وفى التالته فلت للولد لو حد سالنى على اى بنت تانيه انا همسح بيه الارض ههههههههههههههههههههههههههه
بس الصراحه الولد طلع سؤاله مختلف بعد ما سالنى على البيت والعنوان وشغل بابا قالى كانو طلبين فى شغل باباكى مؤهلات معينه ممكن تساليلى على التقديم
ههههههههههههههههههههههههههههه

Anonymous said...

Correction !!!
Catherine Zeta-jones was born on 1969 and Michael Douglas was born on 1944, This makes the age gap 25 years not 15.

would you take the plunge with a guy who is 25 years older than you, even if he looks like Michael Douglas?

Anonymous said...

مساء الشقاوة والطعامة والله الرجالة بجد معندهمش نظر خالص.. اه لو كنت راجل والله مهسيبك تضيعي من ايدي خالص... رجالت اخر زمن.. حد يسيب الجمال والرقة دي ولا دمها الي زي العسل..دا حتبقى امه داعيالو الي من نصيبك ياحبيبت قلبي..دنا ست ومن ساعت مدخلت الموقع دا مبقى ليا لا شغل ولا مشغلة غير متبعتك وقرايت مواضيعك بس دي اول مرة اكتب تعليقي لحد ..بس والله العظيم انا بحبك اوي اوييي..وانت عسل والله وموضوعك دا جميل جدا وانت معودانا على المستويات الجامدة دايما ..يست سيبك مي التقليد والحاجات دي..متوجعيش دماغك بقه بحاجات بليدة حتى لو كانت تقليد علشان دي تقاليد نيلة واصحابها منيلين بستين نيلة..يا ست اشتري دماغك وكل واحد مكتبلو ربنا رزقو وحيخدو انشاء الله...وربنا يجوزك جوزة ملي بتحلمي بيها ويقرب البعيد يا رب وتعزميني عل الفرح قريب....يا رب...اخخخخخ لو كنت راجل بس...حد يسيبي الطعامة دي كلها يا ناس...انا رغيت كتير بس انا اسفة ...كلمتين وقفين في زوري وطلعتهم...وعلى فكرة لو تقدرو تقبلوني متطفلة عندكو اليومين دول..علشان انا صديقة لسة طازة كدة...

Anonymous said...

أيتها الباحثة عن عريس...
أنا لم أقصد اطلاقاً أن يفهم كلامي بشكل مباشر ... فأنا عندما قلت أنك واجعة دماغنا قصدت أنك مصرة على التعبير عن غضبك أو سخطك على المجتمع. وعندما عرضت عليك العريس التخيلي وأنه يطلب مهرًا قصدت أنك من الممكن أن تأتي بأفكار خلاقة للبحث عن عريس وأنه من الضروري أن تستعدي لبعض التضحيات. فأنا مثلاً لو رجع بي الزمن لم أكن لأتزوج مطلقًا. ولا أجمل جميلات الكون. الزواج -في رأيي- هو نمط اجتماعي يقتل الابداع ويصيب الانسان بالملل. يقتل فيكي احساسك بحرية الحركة والعفوية ويجعل الحياة عمومًا مليئة بالمحددات والمقيدات وجداول التحركات. نعم أفضل أن لا تتزوجي وتستمري في تزودينا بمقالاتك. ولكن إن كنتي كبقية الفتيات التقليديات -وأظنك كذلك- اللائي ما زلن يتحكم فيهن الأهل (الأب الأخ العم ...) فلك إذن دعواتي بأن تتزوجي وتخرجي من سجنك مع الأهل إلى سجن الزوج الذي أتمنى أن يكون أكثر رحابة من الأول. تحياتي

Anonymous said...

بصي يا ستي بعد الشر عليك الأول من الجنان والدود
أنا من رأيي ان العقل والشخصية هي اللي بتحكم فرق السن ده مش شرط يعني يبقى أكبر منها بـ 10 سنين ولا 13 سنة حتى المهم يبقى عاقل ومسئووووووووول غير كده مينفعش بس مش لدرجة انها تتجوز واحد اصغر منها ميصحش برده يبقى هو راجل البيت وهو الصغير ، تيجي ازاي يعني ؟؟؟؟

Anonymous said...

بصى بقى اجابه سؤال ليه الراجل لازم يمون اكبر من الست اقولك لان الست بتنضج قبل الراجل
مثال الراجل اللى عنده25 سنه بيكون فى نضج البنت اللى عندها20
وهكذا

fanty said...

Bride, ana makansh 3agebny ba3d el ta3leqat el sa7'efa mn ba3d el banat elly bey2olo en el bent btandog abl el walad wel bel taly el walad lazem yekoon akbar menha 3shan tkoon el 3amaleya balanced, besara7a egabat mostazefa, wana wallahy msh 3ashan walad bakoon mota7ayez lel welad, bas ana 3awez bas afham el banat elly byetkalimo dool fat7eib bo2ohom 3ala ai asas, ya3ny masalan law 7'adna masal bent wi walad 3andohom 22 sana wi yadoob met7'aragen mn el gam3a, khalina keda bas nbos 3ala el ehtmamat bta3ethom, el bent 2olely wenaby akherha eh? Akherha 7atshoflaha wazeefa kwayesa tnaseb magal el derasa bta3etha, 3awza coiffeur kwayes te3mel 3ando sha3raha wi law mo7agaba 7ayeb2a kol hamaha enaha tdawar 3ala ai hodom gdeeda fel soo2 wi 3al moda wi tnaseb el 7egab, ya3ny tafkerha msh 7ayetla3 bara el netaq dah ! ta3aly 3ala el walad, mn sa3et mayetkharag wi yemken mn ablaha kaman, shayel awel 7aga ham wazeefa kwayesa bi moratab kwayes 3shan ye3mel mosta2bal li nafso, wi shayel ham sha2a 7aygebha ezai, wi mahr wi shabka wi farsh wi masareef fara7 ela7' ela7' ela7' !!! bzemetek keda mein fehom elly shayel el ham wi tal3an 3ein elly gaboo, mein fehom elly byandog abl el tany, el bent elly kol hamaha enaha to3od tsef wi ter3'y fel telephonat walla el hodom elly 3ala moda walla fostan fara7 sa7betha kan 3amel ezai??? walla el walad elly byefdal shayel ham ezzai 7aye3raf yetgawez, ana mara galy email zareef gedan, bey2ol eh el far2 bein el ragel wel set mn 7ees el mwasafat, bey2olek en el set bteb2a 3awza fares a7lamha yekon waseem, aneeq, mo2adab, mo7taram, motadayen, mn 3ela kwayesa, motafahem, mota3awen, mothaqaf, zaki, deplomatic, naggar, sabak, 7adad, 6aba7', qawi, mota7amel lel mas2oleya, 3'ani, wazeefa kwayesa wi 7agat keter msh fakerha, laken ba2a lama tegy 3ala el ragel wi tes2aleeh 3ala muwasafat merato aw fatat a7lamo, 7ay2olek 3awez bas wa7da tsebny fi salam...

tab3an ana 3aref en momken yekoon fi rodod t2ol enny mota7ayez 3shan ragel bas 3awez abl ma ay wa7da trod, ya reet takhodlaha nafas 3ameeq keda ka2enaha nazla el ba7r fi gamasa wi tfakar fi kalamy eza kan sa7 wi bye7sal walla la2 !

wi ba3den leh el banat btesta3'rab en mafeesh 3ersan, maho el 7ala el eqtsadeya zai el zeft, wel nas msh la2ya takol wel shab mn dool yadoob ye3raf yezabat 7ayato wi yeroo7 yet2adem lwa7da, yela2y ahlaha byetlobo meno talabat maye3rafsh ye3mel ella rob3aha da law 7asal rob3aha asasan ! tab bterga3o tez3alo leh, wi zai mana katabt fi mawdoo3 3aroset 7amada, ana 3awez wa7da 3anada dameer wi zema t2oly eh elly 7at2ademo li 3ares-ha mokabel kol el talabt el keter gedan elly btetlobha meno heya wi ahlaha, ana 3an nafsy 3ada 3alaya mawqef msh 7ansah, ana sha3'al fi dawla 3arabeya, wel 7amdo lellah 3andy wazeefa bi rateb mo7taram wi banzel kaman masr talat shohor fel sana msh shahr wa7ed bas, wi mara wa7da bas fi 7ayaty 7awelt at2adem li wa7da kanet ma3aya fel koleya wi a3rafha mn saba7 seneen, lama fate7taha fel mawdoo3 enny 3awez at2adem, talabet meny fatra tawela gedan 3shan tefakar (3 months), lama 7aket el mawdoo3 li okhty elly akbar meny el metgaweza, 2aletly bkol basata yabny kabar dma3'ak, enta msh 3ayesh fel donya walla eh? yabny el banat betshamshem 3ala 3ersan wi el bent sa7betek di 3arfak mn zaman wi 3arfa en enta ebn nas wi 3arfa enak 3andak wazeefa mo7tarama wi kaman mestraya7 madeyan, heya 3awza eh aktar mn keda, kabbar dma3'ak wi roo7 shoflak wa7da tanya t2adarak wi tkoon sa3eeda enak bani2adam kwayes wi e7'tartaha mn wes6 banat keter..

الدرويش المرووش said...

بيقولك يا ستى إن الموضوع ده أصله خناقه كبيييره جدا بين الستات و الرجاله و ياما رقاب طارت و بيوت إتخربت بسبب الخناقه العالميه دى
المهم علشان ماطولش عليكى

الموضوع ده إنتهى بعد ما ضحضحوا بعض بإشاعه طلعها حزب الستات بتقول إن البنات بيعقلوا و يتوزنوا فى سن أصغر من الولاد
قوم الإشاعه ده تنتشر بشكل فظيع مريع و الناس بقت تتعامل معاها على إنها أمر واقع و حقيقه علميه

حزب الرجاله إتشال و إتحط و شكلهم بقى وحش قوى
المهم قعدوا يفكروا إزاى يردوا القلم ده
لحد ما واد صايع ماجبتوش ولاده منهم قال
إحنا مش هانقدر نكذب اللى قالوه الستات و نحارب العالم كله
قالوا
و الحل إيه
قال
نبنى عليه و نحط السم فى العسل
قالوا إزاى
قال
مش هما بيعقلوا قبلنا
يبقوا كمان بيعجزوا قبلنا

و مشيت الإشاعه دهين زى أختها الأولانيه

و الناس شربتها و بقوا يتعاملوا مع الإتنين كحقائق لا تقبل المناقشه

و من هنا بقى الستات و الرجاله مقتنعين إنه لازم يكون سن الراجل أكبر من سن الست

ه ط ث
لا داعى للتصفيق أو الهتاف

Anonymous said...

انا شايف ان الراجل بياخد واحده اصغر من ب5ولا6 سنين لسبب بسيط

لو اتنين عندهم25سنه اتجوزوا فسن ال50 هتكون الست وصلت لسن الياس والراجل لسه فيه النفس

فالافضل ان الراجل يكون اكبر بحيث الاتنين يسلموا نمر مع بعض فنفس السن تقريبا

بس كده

Anonymous said...

here is a peace of information from a medical point of view.... google this and you will see researches published in medical magazines, which confirm what i say...

58% of men over 40 years old have impotence!!! women at 40 on the other hand are at their peak, they are young and they are healthy, and their hormones (estrogen)are protecting them from getting heart disease, or atherosclerosis or memory loss!! men however are susceptible to all of these!!
this is why men die early and women die later... so it makes no sense that men look for younger women, because they will never be able to satisfy them, especialy as time goes by... ( of course now there is viagra for men, and hormone replacement therapy for women after they go through menopause in their 50's and not their 30's or 40's as most egyptian men like to claim!!)so if a fourty year old man marries a 25 year old woman, by the time he is 45, he will have health problems, high cholesterol, joint problems and arthritis, high blood pressure, and maybe even diabetes, and impotence... while his wife will be young and healthy, and unable to live her life like other people because she is caring for her old husband, who doesnt enjoy anything she enjoys!!! how sad and pathetic... but then again, the men only care about looking better in front of others, and making his wife happy is the last thing he will care about!! anything to look like a stud infront of other men... and women shouldnt have needs or desires... because they are inferior, and all they should do is please their husband or god and all of his angels will curse them night and day!!!

my dear you are asking why society thinks this way??? the answer is because it is a male dominated chuvanistic society, where women are brainwashed into believing they are inferior, and dont deserve anything better, simply because they lack a Pe**s ... it is double standard at its worst!!!


marriage needs to between 2 people who understand each other and love each other, who have a lot in common, and who want to spend the rest of ther lives together.... but to not have this and feel pressured to spend your life with some one you dont know because society doesnt like your age!!! this to me is unacceptible, and i am sorry you have to go through this... i know i went through this at one point of time, and i have seen my share of " 3ahat mostadeema " i know how hard it is, with all the pressure and the nagging, and annoying friends and neighbors and even family... the only thing i have done different than anyone i have ever known, was to resist all the pressure, which was not easy, i have fought back my parents, who are the closest people to me, and i insisted on having things my way.. up to the point where my mother began to worry that i had a relationship with someone, and so i couldnt get married!!! which was not true... i simply wanted to make my own decision, and marry someone i love and i just couldnt live the rest of my life based on other people's impression of whom i should marry... i am hapily married now, for close to 6 years, and i havent regreted it once since the day i defied my society, my family and my entire world, and stood up for myself and made my own decision...

so in the end here is my advice.... stand your ground, marry only when you feel comfortable with who you will spend the next 50 years with, and enjoy your carefree single days, they only last for a short while, and you will miss them when you have a job, a crying baby,laundry, dishes, a dirty house and a hungry husband, and yourself to take care of !! marriage is a lot of work, and the only way to survive it and be happy is if you care about your husband, and he cares about you... this is what gives meaning to your life and your future..

to make things short... i realy hope you find your ideal hubby, so good luck to you, life is a journey, so dont forget to enjoy the drive!!!

Anonymous said...

بصي بقي يا ست برايد
الست لازمتكون حاجةكدة كندوز لازم تكون صغيرة علشان تبقي بصحتها ونضارتها علشان اوردة تكون لسهة فسها ريحة وشكل حلو
طبعا انت بتشوفي الستات في الأريعين بيكون شكلهم عامل ازاي
علي عكس الراجل اللي بيكون في اوج صحته فلو هما الأتنين كانوا في سن واحد الست مش هتجيب نفسيا هتحس الست انها مش علي قد الراجل وهتفضل تعملوا مشاكل لأنها هتحي من جواها انها كبرت
فهمتي بقي مش موضوع نضوج عقلي للمرأة والكلام دة
وسلام

Anonymous said...

غاده بجد انا بحيكي علي الفكره المجنونة ديه وبجد التجديد ميجيش الا من الافكار المجنونه وبجد انا من اشد المعجبيين بيكي
انتي وصحابك بجد التاريخ مش حينساكوا لانكم بتمسلوا جيل التغير من الورق للديجيتال

مصري بالغربة said...

يا جماعة ارحمونا احنا الشباب المصريين

بدول الخليج

والله بنتعاير لما حد منهم يقرا لوحدة زي ديه

انا باشييد واوجه كلامي ده للمصريين الرجالة في مصر

تبرعوا لكرامة المصريين بالخارج

حد يتبرع ويتجوزها ويخلصنا يا جماعة الخير

ارجوكم

واحنا ممكن كمان نجمع من بعض ونجيب لكم الشقة والعفش وكل حاجة كمان

بس خلصونا وحد يلمها ويتجوزها

شوفي انا عارف انك بتحذفي راي ده

بس ميهمنيش انك مبتحبيش النقد

او الراي الاخر ومش بتحترمي ان حد يقول رايه فيكي

زي ما انت بتقولي على الرجالة اللي بيتقدمولك عاهات

ده انت واللي زيك اللي عاهات لينا

وهو ايه اللي جاب مصر ورى غير المراة وحقوق المراة

دلوقت كمان المراة بتطالب انها تتجوز وتطلب ايد الرجالة كمان

مصري بالغربة said...

انا احب ارد على اللي ردت عليا وبتقول مفيش داعي لتكرار

تعليقي

عاوز ارد عليها بان الاخت غادة صاحبة المدونة المحترمة

للاسف بتحذف جميع الردود اللي بتجلها وبيكون فيها نقد ليها حتى لو الاسلوب محترم

مش عايزة اي نقد

وانا براي ان ده غلط انها تحذف تعليق لاي شخص وده من احترام الشخص لنفسه اولا

ثانيا : ليه متقبلش النقد هي يعني مش زينا بشر ولا هي ملاك

ولما ارسلت لها للاسف حذفت تعليقي نهائيا وبدون اي كلمة عذر حتى

وعشان كده كررت كل تعليق لي

عشان حتى لما تحذفه تحس بالتعب شوية وتقدر ان اللي كتب الكلام ده

بني ادم زيها وله راي

يا ريت بس تفهم هي وغيرها الكلام ده

بدل ما بيعملوا كده حتى بالجروب اللي على الفاس بوك

اي راي معارض يتم وقف عضويته مباشرة
وانا متأكد هي عرفت دلوقت انا ابقى مين بالظبط
وبامثل مين من شباب مصر العاملين بدول الخليج

وبارسل دعوة لشباب مصر تبرع ولو بجوازة
حد يتجوزها ويخلصنا منها واحنا متبرعيين بجميع تكاليف الجواز يا جماعة

بس يا رب محدش يطلع لنا تاني في المقدر

مصري بالغربة said...

انا احب ارد على اللي ردت عليا وبتقول مفيش داعي لتكرار

تعليقي

عاوز ارد عليها بان الاخت غادة صاحبة المدونة المحترمة

للاسف بتحذف جميع الردود اللي بتجلها وبيكون فيها نقد ليها حتى لو الاسلوب محترم

مش عايزة اي نقد

وانا براي ان ده غلط انها تحذف تعليق لاي شخص وده من احترام الشخص لنفسه اولا

ثانيا : ليه متقبلش النقد هي يعني مش زينا بشر ولا هي ملاك

ولما ارسلت لها للاسف حذفت تعليقي نهائيا وبدون اي كلمة عذر حتى

وعشان كده كررت كل تعليق لي

عشان حتى لما تحذفه تحس بالتعب شوية وتقدر ان اللي كتب الكلام ده

بني ادم زيها وله راي

يا ريت بس تفهم هي وغيرها الكلام ده

بدل ما بيعملوا كده حتى بالجروب اللي على الفاس بوك

اي راي معارض يتم وقف عضويته مباشرة
وانا متأكد هي عرفت دلوقت انا ابقى مين بالظبط
وبامثل مين من شباب مصر العاملين بدول الخليج

وبارسل دعوة لشباب مصر تبرع ولو بجوازة
حد يتجوزها ويخلصنا منها واحنا متبرعيين بجميع تكاليف الجواز يا جماعة

بس يا رب محدش يطلع لنا تاني في المقدر

مصري بالغربة said...

انا احب ارد على اللي ردت عليا وبتقول مفيش داعي لتكرار

تعليقي

عاوز ارد عليها بان الاخت غادة صاحبة المدونة المحترمة

للاسف بتحذف جميع الردود اللي بتجلها وبيكون فيها نقد ليها حتى لو الاسلوب محترم

مش عايزة اي نقد

وانا براي ان ده غلط انها تحذف تعليق لاي شخص وده من احترام الشخص لنفسه اولا

ثانيا : ليه متقبلش النقد هي يعني مش زينا بشر ولا هي ملاك

ولما ارسلت لها للاسف حذفت تعليقي نهائيا وبدون اي كلمة عذر حتى

وعشان كده كررت كل تعليق لي

عشان حتى لما تحذفه تحس بالتعب شوية وتقدر ان اللي كتب الكلام ده

بني ادم زيها وله راي

يا ريت بس تفهم هي وغيرها الكلام ده

بدل ما بيعملوا كده حتى بالجروب اللي على الفاس بوك

اي راي معارض يتم وقف عضويته مباشرة
وانا متأكد هي عرفت دلوقت انا ابقى مين بالظبط
وبامثل مين من شباب مصر العاملين بدول الخليج

وبارسل دعوة لشباب مصر تبرع ولو بجوازة
حد يتجوزها ويخلصنا منها واحنا متبرعيين بجميع تكاليف الجواز يا جماعة

بس يا رب محدش يطلع لنا تاني في المقدر

مصري بالغربة said...

انا احب ارد على اللي ردت عليا وبتقول مفيش داعي لتكرار

تعليقي

عاوز ارد عليها بان الاخت غادة صاحبة المدونة المحترمة

للاسف بتحذف جميع الردود اللي بتجلها وبيكون فيها نقد ليها حتى لو الاسلوب محترم

مش عايزة اي نقد

وانا براي ان ده غلط انها تحذف تعليق لاي شخص وده من احترام الشخص لنفسه اولا

ثانيا : ليه متقبلش النقد هي يعني مش زينا بشر ولا هي ملاك

ولما ارسلت لها للاسف حذفت تعليقي نهائيا وبدون اي كلمة عذر حتى

وعشان كده كررت كل تعليق لي

عشان حتى لما تحذفه تحس بالتعب شوية وتقدر ان اللي كتب الكلام ده

بني ادم زيها وله راي

يا ريت بس تفهم هي وغيرها الكلام ده

بدل ما بيعملوا كده حتى بالجروب اللي على الفاس بوك

اي راي معارض يتم وقف عضويته مباشرة
وانا متأكد هي عرفت دلوقت انا ابقى مين بالظبط
وبامثل مين من شباب مصر العاملين بدول الخليج

وبارسل دعوة لشباب مصر تبرع ولو بجوازة
حد يتجوزها ويخلصنا منها واحنا متبرعيين بجميع تكاليف الجواز يا جماعة

بس يا رب محدش يطلع لنا تاني في المقدر

مصري بالغربة said...

انا احب ارد على اللي ردت عليا وبتقول مفيش داعي لتكرار

تعليقي

عاوز ارد عليها بان الاخت غادة صاحبة المدونة المحترمة

للاسف بتحذف جميع الردود اللي بتجلها وبيكون فيها نقد ليها حتى لو الاسلوب محترم

مش عايزة اي نقد

وانا براي ان ده غلط انها تحذف تعليق لاي شخص وده من احترام الشخص لنفسه اولا

ثانيا : ليه متقبلش النقد هي يعني مش زينا بشر ولا هي ملاك

ولما ارسلت لها للاسف حذفت تعليقي نهائيا وبدون اي كلمة عذر حتى

وعشان كده كررت كل تعليق لي

عشان حتى لما تحذفه تحس بالتعب شوية وتقدر ان اللي كتب الكلام ده

بني ادم زيها وله راي

يا ريت بس تفهم هي وغيرها الكلام ده

بدل ما بيعملوا كده حتى بالجروب اللي على الفاس بوك

اي راي معارض يتم وقف عضويته مباشرة
وانا متأكد هي عرفت دلوقت انا ابقى مين بالظبط
وبامثل مين من شباب مصر العاملين بدول الخليج

وبارسل دعوة لشباب مصر تبرع ولو بجوازة
حد يتجوزها ويخلصنا منها واحنا متبرعيين بجميع تكاليف الجواز يا جماعة

بس يا رب محدش يطلع لنا تاني في المقدر

مصري بالغربة said...

انا احب ارد على اللي ردت عليا وبتقول مفيش داعي لتكرار

تعليقي

عاوز ارد عليها بان الاخت غادة صاحبة المدونة المحترمة

للاسف بتحذف جميع الردود اللي بتجلها وبيكون فيها نقد ليها حتى لو الاسلوب محترم

مش عايزة اي نقد

وانا براي ان ده غلط انها تحذف تعليق لاي شخص وده من احترام الشخص لنفسه اولا

ثانيا : ليه متقبلش النقد هي يعني مش زينا بشر ولا هي ملاك

ولما ارسلت لها للاسف حذفت تعليقي نهائيا وبدون اي كلمة عذر حتى

وعشان كده كررت كل تعليق لي

عشان حتى لما تحذفه تحس بالتعب شوية وتقدر ان اللي كتب الكلام ده

بني ادم زيها وله راي

يا ريت بس تفهم هي وغيرها الكلام ده

بدل ما بيعملوا كده حتى بالجروب اللي على الفاس بوك

اي راي معارض يتم وقف عضويته مباشرة
وانا متأكد هي عرفت دلوقت انا ابقى مين بالظبط
وبامثل مين من شباب مصر العاملين بدول الخليج

وبارسل دعوة لشباب مصر تبرع ولو بجوازة
حد يتجوزها ويخلصنا منها واحنا متبرعيين بجميع تكاليف الجواز يا جماعة

بس يا رب محدش يطلع لنا تاني في المقدر

مصري بالغربة said...

انا احب ارد على اللي ردت عليا وبتقول مفيش داعي لتكرار

تعليقي

عاوز ارد عليها بان الاخت غادة صاحبة المدونة المحترمة

للاسف بتحذف جميع الردود اللي بتجلها وبيكون فيها نقد ليها حتى لو الاسلوب محترم

مش عايزة اي نقد

وانا براي ان ده غلط انها تحذف تعليق لاي شخص وده من احترام الشخص لنفسه اولا

ثانيا : ليه متقبلش النقد هي يعني مش زينا بشر ولا هي ملاك

ولما ارسلت لها للاسف حذفت تعليقي نهائيا وبدون اي كلمة عذر حتى

وعشان كده كررت كل تعليق لي

عشان حتى لما تحذفه تحس بالتعب شوية وتقدر ان اللي كتب الكلام ده

بني ادم زيها وله راي

يا ريت بس تفهم هي وغيرها الكلام ده

بدل ما بيعملوا كده حتى بالجروب اللي على الفاس بوك

اي راي معارض يتم وقف عضويته مباشرة
وانا متأكد هي عرفت دلوقت انا ابقى مين بالظبط
وبامثل مين من شباب مصر العاملين بدول الخليج

وبارسل دعوة لشباب مصر تبرع ولو بجوازة
حد يتجوزها ويخلصنا منها واحنا متبرعيين بجميع تكاليف الجواز يا جماعة

بس يا رب محدش يطلع لنا تاني في المقدر

مصري بالغربة said...

انا احب ارد على اللي ردت عليا وبتقول مفيش داعي لتكرار

تعليقي

عاوز ارد عليها بان الاخت غادة صاحبة المدونة المحترمة

للاسف بتحذف جميع الردود اللي بتجلها وبيكون فيها نقد ليها حتى لو الاسلوب محترم

مش عايزة اي نقد

وانا براي ان ده غلط انها تحذف تعليق لاي شخص وده من احترام الشخص لنفسه اولا

ثانيا : ليه متقبلش النقد هي يعني مش زينا بشر ولا هي ملاك

ولما ارسلت لها للاسف حذفت تعليقي نهائيا وبدون اي كلمة عذر حتى

وعشان كده كررت كل تعليق لي

عشان حتى لما تحذفه تحس بالتعب شوية وتقدر ان اللي كتب الكلام ده

بني ادم زيها وله راي

يا ريت بس تفهم هي وغيرها الكلام ده

بدل ما بيعملوا كده حتى بالجروب اللي على الفاس بوك

اي راي معارض يتم وقف عضويته مباشرة
وانا متأكد هي عرفت دلوقت انا ابقى مين بالظبط
وبامثل مين من شباب مصر العاملين بدول الخليج

وبارسل دعوة لشباب مصر تبرع ولو بجوازة
حد يتجوزها ويخلصنا منها واحنا متبرعيين بجميع تكاليف الجواز يا جماعة

بس يا رب محدش يطلع لنا تاني في المقدر

مصري بالغربة said...

انا احب ارد على اللي ردت عليا وبتقول مفيش داعي لتكرار

تعليقي

عاوز ارد عليها بان الاخت غادة صاحبة المدونة المحترمة

للاسف بتحذف جميع الردود اللي بتجلها وبيكون فيها نقد ليها حتى لو الاسلوب محترم

مش عايزة اي نقد

وانا براي ان ده غلط انها تحذف تعليق لاي شخص وده من احترام الشخص لنفسه اولا

ثانيا : ليه متقبلش النقد هي يعني مش زينا بشر ولا هي ملاك

ولما ارسلت لها للاسف حذفت تعليقي نهائيا وبدون اي كلمة عذر حتى

وعشان كده كررت كل تعليق لي

عشان حتى لما تحذفه تحس بالتعب شوية وتقدر ان اللي كتب الكلام ده

بني ادم زيها وله راي

يا ريت بس تفهم هي وغيرها الكلام ده

بدل ما بيعملوا كده حتى بالجروب اللي على الفاس بوك

اي راي معارض يتم وقف عضويته مباشرة
وانا متأكد هي عرفت دلوقت انا ابقى مين بالظبط
وبامثل مين من شباب مصر العاملين بدول الخليج

وبارسل دعوة لشباب مصر تبرع ولو بجوازة
حد يتجوزها ويخلصنا منها واحنا متبرعيين بجميع تكاليف الجواز يا جماعة

بس يا رب محدش يطلع لنا تاني في المقدر

مصري بالغربة said...

انا احب ارد على اللي ردت عليا وبتقول مفيش داعي لتكرار

تعليقي

عاوز ارد عليها بان الاخت غادة صاحبة المدونة المحترمة

للاسف بتحذف جميع الردود اللي بتجلها وبيكون فيها نقد ليها حتى لو الاسلوب محترم

مش عايزة اي نقد

وانا براي ان ده غلط انها تحذف تعليق لاي شخص وده من احترام الشخص لنفسه اولا

ثانيا : ليه متقبلش النقد هي يعني مش زينا بشر ولا هي ملاك

ولما ارسلت لها للاسف حذفت تعليقي نهائيا وبدون اي كلمة عذر حتى

وعشان كده كررت كل تعليق لي

عشان حتى لما تحذفه تحس بالتعب شوية وتقدر ان اللي كتب الكلام ده

بني ادم زيها وله راي

يا ريت بس تفهم هي وغيرها الكلام ده

بدل ما بيعملوا كده حتى بالجروب اللي على الفاس بوك

اي راي معارض يتم وقف عضويته مباشرة
وانا متأكد هي عرفت دلوقت انا ابقى مين بالظبط
وبامثل مين من شباب مصر العاملين بدول الخليج

وبارسل دعوة لشباب مصر تبرع ولو بجوازة
حد يتجوزها ويخلصنا منها واحنا متبرعيين بجميع تكاليف الجواز يا جماعة

بس يا رب محدش يطلع لنا تاني في المقدر

مصري بالغربة said...

انا احب ارد على اللي ردت عليا وبتقول مفيش داعي لتكرار

تعليقي

عاوز ارد عليها بان الاخت غادة صاحبة المدونة المحترمة

للاسف بتحذف جميع الردود اللي بتجلها وبيكون فيها نقد ليها حتى لو الاسلوب محترم

مش عايزة اي نقد

وانا براي ان ده غلط انها تحذف تعليق لاي شخص وده من احترام الشخص لنفسه اولا

ثانيا : ليه متقبلش النقد هي يعني مش زينا بشر ولا هي ملاك

ولما ارسلت لها للاسف حذفت تعليقي نهائيا وبدون اي كلمة عذر حتى

وعشان كده كررت كل تعليق لي

عشان حتى لما تحذفه تحس بالتعب شوية وتقدر ان اللي كتب الكلام ده

بني ادم زيها وله راي

يا ريت بس تفهم هي وغيرها الكلام ده

بدل ما بيعملوا كده حتى بالجروب اللي على الفاس بوك

اي راي معارض يتم وقف عضويته مباشرة
وانا متأكد هي عرفت دلوقت انا ابقى مين بالظبط
وبامثل مين من شباب مصر العاملين بدول الخليج

وبارسل دعوة لشباب مصر تبرع ولو بجوازة
حد يتجوزها ويخلصنا منها واحنا متبرعيين بجميع تكاليف الجواز يا جماعة

بس يا رب محدش يطلع لنا تاني في المقدر

مصري بالغربة said...

انا احب ارد على اللي ردت عليا وبتقول مفيش داعي لتكرار

تعليقي

عاوز ارد عليها بان الاخت غادة صاحبة المدونة المحترمة

للاسف بتحذف جميع الردود اللي بتجلها وبيكون فيها نقد ليها حتى لو الاسلوب محترم

مش عايزة اي نقد

وانا براي ان ده غلط انها تحذف تعليق لاي شخص وده من احترام الشخص لنفسه اولا

ثانيا : ليه متقبلش النقد هي يعني مش زينا بشر ولا هي ملاك

ولما ارسلت لها للاسف حذفت تعليقي نهائيا وبدون اي كلمة عذر حتى

وعشان كده كررت كل تعليق لي

عشان حتى لما تحذفه تحس بالتعب شوية وتقدر ان اللي كتب الكلام ده

بني ادم زيها وله راي

يا ريت بس تفهم هي وغيرها الكلام ده

بدل ما بيعملوا كده حتى بالجروب اللي على الفاس بوك

اي راي معارض يتم وقف عضويته مباشرة
وانا متأكد هي عرفت دلوقت انا ابقى مين بالظبط
وبامثل مين من شباب مصر العاملين بدول الخليج

وبارسل دعوة لشباب مصر تبرع ولو بجوازة
حد يتجوزها ويخلصنا منها واحنا متبرعيين بجميع تكاليف الجواز يا جماعة

بس يا رب محدش يطلع لنا تاني في المقدر

Anonymous said...

هاي برايد ازيك اتمنالك عريس لقطة ققريب غير الكا~نات الفضائية اللي بتجيلك دي
بصي بقى لازم يكون في فرق بين الراجل والست المتجوزين لان الست مخها انضج من مخ الراجل بست سنين وكمان الست شكلها بيظهر عليها علامات الكبر في السن اسرع من الرجل دي اول نقطة تاني نقطة البنت اللي بيجي عليها سن التلاتين مش كخة ولا حاجة ولا الراجل اللي بيجي علية سن الاربعين لسة حبوب برضوة الموضوع ان البنت نسبة الخصوبة العالية لحد سن 38 وبتقل لحد سن45 وبتتهي في 50
انم الراجل لو اتجوز وهو 80 سنة هايخلف
علشان كدا البنت لما بتوصل سن التلاتين بيبوصولها ان قطر الجواز قرب يفوتها
مش المقصود الجواز بالذات انما الحياة بما الاهل بيخافو انه تتجوز كبيرة ومتلحقش تخلف انما الرجالة دول عفاريت بيخلفوا في اي وقت
وهو دا الفرق

jungle girl said...

بالنسبة لموضوع السن ده فانا مش شايفة انه يجنن اوى
الحكاية وما فيها ان الست شكلها بيكبر اسرع من الراجل .. بمعنى ان الراجل فى سن الاربعين بتحسى انه لسه شباب ومش باين عليه انما الست فى سن الاربعين بيبان عليها
عشان كده يفضل ان الراجل يبقى اكبر من الست بكام سنة عشان لو هو وصل للأربعين مثلا ميشوفهاش واحدة كبيرة ويبص لبنت تانية شابة انما يلاقى مراته لسه صغيرة وشابة
هيه دى وجهة نظر الناس وانا شايفة انها معقولة
انما انا ضد ان الراجل يستخدم فارق السن ده عشان يتحكم فى مراته
كمان انا ضد ان الفارق يكون كبير ... يعنى اكتر حاجة 7 سنين
انما موضوع واحد عنده 40 سنة مثلا يتجوز واحدة عندها عشرين... ليه يعنى؟ هو كان مين يعنى عشان ده كله
ده رأيى