Wednesday, November 01, 2006

التــــــــــــالت

الله يرحمك يا أنور و الله ليك وحشة
المهم ..بتقولكوا ايه...هي مين؟..آه آه نسيت أقولكم ..صحبة ماما طنط "حشرية" ..(اسمها شكرية ..حشرية ده النيكنيم اللي صحابها الأنتيخ بينادوها بيه ) جابت لي عريس
عريس ايه يا برايد ...راااااجل
أيوة طبعا ماهو لازم يبقى راجل امال هتجوز ايه..موتوسيكل؟
لأ قصدي هيبة كده و مركز عاقل وراسي و بيفهم في كل حاجه
عريس و بيفهم ؟..أشك ..الصراحة لسه ماقابلتش النوعية دي قبل كده ..عموما جايز
ماشي يا طنط حشـ..قصدي شكرية شكرية ..و ده هييجي أمتى و مع ميين؟..هيجيب مامته معاه

مامته؟هي هي هي..يا حبيتشي بقولك راااجل
أيوة يعني أبوه تكاثر ذاتيا و جابه لوحده؟؟...ما هو لازم يبقى له ام
لا يا برايد لازم تفهمي ده "مستكل" جدا و رأيه من دماغه و مابيديش ودانه لحد و معتمد على نفسه اعتمادا تاما
الله.."مستكل" و رأيه من دماغه و مابيديش ودانه لحد ..انا باموت في النوع ده
أحمد عبد العزيز في المال و البنون ..شريف منير في ليالي الحلمية..محمد رياض في أي حاجه مثلها قبل مايتجوز(الوحش)

الصراحة جسمي قشعر ..باموووت في النوعية دي..يا سلام بأه لو سنانه مزاحمه بعضها زي نبيل الحلفاوي و الا ودانه واقفه زي حمدي قنديل و الا بلغد زي عمرو موسى
الرجالة اللي ليهم شخصية و هيبه لازم يبقى ليهم ديفوهات زي دي و هو ده اللي بيميزهم..و بعدين انا اتعقدت من الناس اللي شكلها حلو ..أنا عايزة واحد وحش مش عايزة بتوع لجنة السياسات خلاص


و جه اليوم الموعود..نضاااافنا الشقة و نفضنا السجاد و غسلنا الستاير اللي كانت لسه مغسوله من يومين و كويت الطقم و لبسته و حطيت مكياج نص نص ..مش في الكواليتي .لأ في الكوانتيتي ..لو طلع من اللي مابيحبوش الميكاب الكتير و قلب وشه و امتعض ..أخش أغسل وشي واطلعله زي ما ربنا خلقني(هو اللي جابه لنفسه) ..أما لو كان من اللي بيحبوا التكني كالر ..عندي صباع روج بطعم الفراولة هاخش أكله كله ..ما حدش يغلطني بأه ..عروسة فول أوبشن أهه
قاعدين مستنيين سمعنا صوت رجلين ع السلم وهوب رن الجرس رننننة رزييييينة قووووي..يا سلام الكبير كبير برضه

دخل م الباب ..يااااسلاااام حاجه كده بتاع مترين و نص طول بعرض و عارفين كل الديفوهات بتاع نبيل و حمدي و عمرو ...ياسلام زي ماتكون أبواب السما كانت مفتوحة ..سنان ايه وودان ايه و لغد عسسسل ماحصلش تحس انه شايل فيه الخزين
لابس بدلة مقلمة تقليمة خفيفة كده و كرافته شيك و نضارة طبية ..ايه ده وزير المواصلات يا خواتي

واحنا كلنا لسه واقفين ع الباب بنبص لبعض ..وانا فرحانه قوي .الراجل هيبه كده و يخض و يحسس الواحده انها جنبه ولا حاجه ..يمكن تلاقي بنات كتير تقوللك لازم احس بشخصيتي ..لكن خدوها مني حكمة ..كل اما تقلب البنت و تنفضلها كل اما تنفض جيوبك...لأ لأ مش دي الحكمة ..سوري ..قصدي كل اما تنفض للبنت كل اما تقع فيك اكتر..ايوة ايوة هي دي ..احنا لسه واقفين ع الباب و ده مد راسه من جوة وبصلنا ..اتفضلوا يا جماعه واقفين بره كده ليه..اتفضلوا

اتحركنا كاننا تحت التنويم المغناطيسي و بابا بيبصلي نظرة معناها..ايه اللي انتي جايباهولنا يتأنزح علينا ده ..وانا ابصله نظرة معناها ..بحبه يا بابا .عااااا
ا...

دخل و قعد و حط رجل على رجل و احنا واقفين
بصلنا و ابتسم ابتسامه انيقة و هزلنا راسه اقعدوا اقعدوا
قعدنا قداموا مبهورين بنبصلوا زي ما مرات عم محمد البواب بتبص لجوزين الغوايش بتوع مرات عم مصطفى المكوجي
قاعد هو ع اكرسي اللي في وش الكرسي اللي انا قاعده عليه..قعد يبصلي كده و يبص للفازة اللي ع الترابيزة اللي في وسط الصالون و فجأه بدون مقدمات راح قايم شايل الفازة بالورد اللي فيها و حاطتها ع البوفيه..وقاعد تاني
بابا بصله و ال1111 ظهرت على وشة واضحة جلية _ملحوظة بابا بيظهر على وشة 1111 مش 111 زي الناس العادية خصوصا لما بيبقى متغاظ-بص لبابا و ابتسم برضه الإبتسامه الأنيقة:أصلي مش عارف أشوفها كويس..


دي طبعا اللي تبقى أنا..ومش عايزة نباهة هو كان شايف وشي يبقى كان عايز يشوف....يا نهار اسود ...و واضح ان بابا كمان وصل للنقطة دي بتفكيرة لأن حواجبوا كانوا خلاص قربوا يندمجوا و يبقوا خط واحد طويل فوق مناخيره اللي احمرت و بقه اللي كان مكرمش لأنه واضح انه بيجز على سنانه
ماما مدت ايديها و طبطبت على ايده يعني استنى لما نشوف أخرتها ايه
بابا بصلها يعني ده واضح انه بجح و عينه يندب فيها رصاصة
رفعت حواجبها واتنهدت يعني الرجالة كلها بقت كده ..جيل الدش يا سيدي


كل ده و اختكوا قاعده غرقانة في عرقها و هو مركز قوي مش عارفه في ايه؟...ومش عايزة أعرف
وفجأة برضه و بدون مقدمات تاني اتفتح في الكلام ..
لو سمحتي ممكن أعلق على حاجه ..وبيشاور
بابا اتحرك بتحفز عشان يقوم بتصرف أبوي لطيف و ينط في كرشه و ماما شايفاها بدأت تطلع رجلها من الشوز تحسبا لإحتمال استخدامها كدعم معنوي بابا يحتاجه

تعلق على ايه
ضوافرك
هااه؟
ضوافرك
مالها
انتي ليه بتقصيها مدوره مش عارفه ان المربعه هي الموضه
هي الموضه في الدهب ايه دلوقتي الأصفر والا الأبيض؟
بس اللون الأبيض اللي انتوا داهنين بيه الأوضه ده هايل و اللون اللي انتوا داهنين بيه البيت كمان
هو البيت ده تمليك والا ايجار؟
ايجارات الشقق بقت غالية قوي على فكرة اليومين دول
اليومين دول ساقعه شوية باين الشتا داخل بدري السنة دي
انتوا عارفين ان السنة دي سنة خبيثة أصل انا مواليد تسعه و عشرين فبراير وباحتفل بعيد ميلادي كل أربع سنين مرةهاهاها
..مرة واحد جه يقعد على قهوة قعد على شاي هاهاهاها
الشاي بتاعي خفيف يا طنط على فكرة و بمعلقة سكر واحده

ماما بعد ماتاكدت انه أهبل صدرتله الوش الخشب..الشاي خلص من عندنا يا حبيبي

الشاي خلص ..طب خلاص نخليها قهوة
هي القهوة اللي تحت البيت دي مش عاملالكوا ازعاج
اصل ازعاج الناس ده اسوأ حاجه في الدنيا خصوصا الكلام الكتير
كتير قوي المكياج اللي انتي حطاه يا آنسة..
آنسه انتي برضه ماقولتليش اسمك ايه ..الإسم دايما مهم
القسم بقه اللي جنبكوا ده بيحميكوا كويس بيخوف الحرميه يجوا الناحية دي..أصل الناس خلاص هتاكل بعض
هو انتوا هتاكلوا ايه النهارده انا شامم ريحةملوخية بالأرانب
الأرانب بقت سهلة دلوقتي على فكرة الواحد يدخل بميت جنيه في البورصة يطلعلوا بأرنب.. مليون يعني
مليون مرة أقول لطنط شكرية عايز عروسة مش عارف اتأخرت ليه على ماجابتني هنا
بابا فرمله :

أنا عارف...بره


نعم يا عمي قصدك السفر بره لأ انا مش ناوي أصلي

بررره..أطلع بره ماعندناش بنات للجواز

هاهاها ..بتهزر يا عمي ..أمال دي ايه..يا جماعه حد
يقوللي اسمها ايه ..هاتجوز واحده ماعرفش اسمها

انا قلت بره ماعندناش بنات للجواز

مش فاهم حضرتك بتتكلم بجد.بتهزر أكيد مقلب..
آه شوفتوا برنامج مقلب دوت كوم


و هنا قرائي الأعزاء وصل ارتفاع الضغط ببابا حدا لم تشهده البلاد من قبل و قام و هو الذي يبلغ طوله 170 سنتي و عمره 62 سنة بحمل البيه العريس المترين و نص ده هيلا بيلا من الصالون لباب الشقة و زقله ع السلم و سمعناه
بيتدحررررج دحرررجه رزيييينة جددددا


و العاقبة عندكم في المسرات


تمت

104 comments:

Ahmed Shokeir said...

هاهاهاهاهههههههههه

حقيقي عريس يرفع الضغط فعلا من اصحاب الجلد السميك
ده كمان المفروض انه بيقدم احسن ماعنده
طنط شكرية بصراحة تستاهل الحرق

طب وبعدين ، يعني مافيش فايدة ؟

Anonymous said...

رائع كالعاده و ان كان اقل من الي قبل كده
واضح بقي ان دماغك مشغوله و مش عارفه تكتبي
:)))
ايه الي شغال دماغك بقي كده

تعليق صغير المقطع الاخير ده حصل بجد و لا المخرج عاوز كده
تسلمي يا سكره و مستنين الي بعده

Anonymous said...

اهو علشان اللى انتى بتقوليه ده مش ممكن اشوف عريس فى البيت و عشان اللى حصللى انا مش ممكن هاشوف عريس بره البيت ...و خلاص خلصت بقى و فضيناها سيره و قفلنا و رشينا قدام الدكان

Anonymous said...

بصراحة أنا مستنية البوست بقالى كتير ولكن طلع نأبى على فاشوش
يعنى بأه الراجل ده ربنا يسهله ويهديه عشان طريقتة الغريبة دى والحمد لله إنكم اديتوه جزاؤه.
اللى عاوزه أقولهولك هو إن تجاربك ليكى حق إنك تحكيها من كتر الغيظ ولكن يا برايد مفيش حاجة أبدا تستاهل إن الواحد يعيب فى شكل الناس لأنه خلق الله الخالق ويا رب تكونى فهمتينى من غير زعل
وإن شاء الله أتابع مدونتك وليتها تكون إلى الأفضل دائما.

اللهم إنى أستغفرك وأتوب إليك

Mongey said...

هاااها حلوة
نكتة القهوة و الشاي
احلي حاجة القسم الي جنبكم ده بيحميكوا و لا لا
حلو
ممكن القصص دي تتعمل مسلسل من 30 حلقة
يبقي فاضلك كدة 27
هااههها

lastknight said...

حرام عليكى أنتى و طنطك شوكيه ولا شكريه دى اللى بتعملوه فى أبوكى .. الراجل ضغطه هايعلى بسببك .. المهم .. العريس طبعا فاشل .. و غباؤه الأجتماعى لا يوصف .. و يستاهل اللى جراله .؟. لكن نصيحه بقى قبل ماتعرضى أبوكى لنوبة ضغط تانيه
و أنصح فعلا أنك تقابلى العريس اللى جاى فى مكان عام بره البيت الأول و لوحدك أو مع اصحابك .ز قبل ما تتسببى فى بلوه تانيه فى البيت
و الله يابنتى لو ابنى كان كبير شويه كنت جوزتهولك بدل الشحططه دى .. بس معلش

Anonymous said...

هههههههه
لا بجد جميل اوى اوى
وانا موت على نفسى من الضحك على العريس التالت ده.......والله يستاهل كل الى جراله.
بس تعرفى بعد ما فريت تجاربك دى انا
خلاااااااااااص اخدت قرار




انا ناويه اعنسسسسسسسسسسسسسس

rony said...

هاى يابرايد ايه كل ده بتحاولوا تعالجوا باباكى ولا ايه..ألف سلامه عليه امال احنا نعمل ايه بقى كبنات والعرسان دول بيتقدمولنا واحنا ياولداه مش قادرين نقول خلاص استكفينا من الاشكال الضاله دى ولعلمك هتلاقى ناس كتير بيقولولك بتتبطرى على النعمه مع اننا والله بنشوف العجب
عموما ربنا معاكى ويكرمك يارب بعريس يكون صالح للاستخدام الادمى ومش بيرفع الكوليتسرول

Anonymous said...

احسنتي

Anonymous said...

You know dear?
You need to write more from this type of stories and I doesn't have to happen to you, you ask your friends about what happened to them or imagine some others. Just write it with this very nice style, collect them in a book and publish it, I'm sure it's going to be a hit.

Anonymous said...

بصراحه انا بتابع كل اللي بتكتبيه.. انتي في منتهى خفة الدم ومش قادر اصدق انه وحده زيك متعلمه ومثقفه وروحها بالجمال ده انها مش قادره تحصل شريك لحياتها..هوه جرى ايه للرجاله في مصر

Anonymous said...

مساااااااااء الخير يا قمرررر

انتي عسل ودمك شرباااااات انا بموت في البلوق دا وبقراه كتيرررررر أوي وعملتك دعايه ما حصلتش في الرياض المملكة العربيه السعودية

وخاصة في جامعة الملك سعود

مواضيعك بتخلي الواحد يضحك وينسى كل حاجة تاااااااانيه

عروسة النيل said...

يووووه حتى ده؟
معلش يا بنوتة ، ان شاء الله الرابع تابت
هما الرجالة اتعموا ولا إيه؟

Anonymous said...

سكر ... ربنا ما يحرمنا من خفة دمك... تحياتي

Anonymous said...

حقيقى فعلا انتى انسانه دمك مثل العسل وفعلا نسيت همومى فى اللحظات اللى استغرقتها فى قراءه المدونه الخاصه بك واتمنى من قلبى ان يهبك الله كل ماتتمنيه كما اتمنى لمصر مستقبل رائع حتى لاتذهب تصحياتنا هباء فكفى حرماننا من العيش فيها بسبب الطاغيه المباركه من اعوان الشيطان وان شاء الله انا لها لعائدون
اخوكى لادينى

انحلت سيور العربه وسقط المهر من الاعياء said...

احنا قلنا خلاص ربنا حيسهلك وضل راجل ولا ضل حيطه بس اقولك ضل الحيطه فى الحا له دى احسن
تحيا تى

emz said...

هههههههههههه
بانتظار المزيد من قصص العرسان .. و لعل واحده تنتهى نهاية سعيدة

Anonymous said...

بصراحة أسلوبك لذيذ ليه ما فكرتيش تعمليها يوميات و تبعتيها لجريدة الدستور؟
أعتقد ان أسوب حضرتك ممكن ينجح معاهم جداَ

labido said...

بصراحة انا هاموت من الضحك
لذيذة ......
اذا فعلا لسه ابن الحلال ماوصلش يبقي الرجالة اتعمت فعلا
عموما ابني احمد عندة سبع سنوات يعني ...بقول لو الحال .. لاقدر الله .. بعيد الشر يعني .. فكري
ويارب يرزقك بابن حلال يستاهلك

^ H@fSS@^ said...

هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه
موتنيني من الضحك يا عايزة
مش عارفة اقلك ايه
بجد دمك شربات و عسل موت موت موت
بصي في واحد معلق هنا موش فاكرة اسمه ايه و بيقول هو مستغرب ازاي واحدة حلوة و جميلة و ذكية زيك و لسه متجوزتش؟ هو مافيش رجاله و لا ايه؟
و انا من منبري هذا اقله ايوة مافيش رجاله و لا يحزنون

و ليكي انتي حقلك تعالي اقعدي جنبي علي نفس الدكة
جتنا نيلة في حظنا الهباب

و لا يهمك يا حلوة انت بالف راجل

تحياتشي

Anonymous said...

بابا اتحرك بتحفز عشان يقوم بتصرف أبوي لطيف و ينط في كرشه و ماما شايفاها بدأت تطلع رجلها من الشوز تحسبا لإحتمال استخدامها كدعم معنوي بابا يحتاجه

هههههههههههههههههههههههههههه
هههههههههههههههههههههههههههههههههه
هههههههههههههههههههههههههههههههههههههههه

انتي مش ممكنــــــــــــــة
ربنا يسعدك يااااااااااااارب :D

احلام مصرى فى الغربه said...

معقول للدرجه دى فيه وجود عجز فى العرسان فى مصر اكيد انتى بتهزرى وبواسطه روحك المرحه اضفتى رونق لذيذ على قصصك وبالمناسبه من اسلوك كلامك انتى كاتيه ساخره رائعه جدا وان شاء الله هيكون لك مستقبل رائع فى مجال الادب الساخر

أُكتب بالرصاص said...

أسلوبك القصصي
ظيف جدا
انت ممكن تكتبي في جاحات تانية غير موضوع الزواج
وانا اضمن لك النجاح الباهر المبهر

إلا قولي لي...شقتكم إيجار قديم والا جديد والا تمليك؟!

Anonymous said...

مش عارف أيه رد فعل المناسب، حاسس أني عايز أضحك وفي نفس الوقت حاسس أن الموقف المفروض ميضحكش، ميضحكش عشان أكيد الشخص ده عنده مشكلة كبيرة عميقة ومحدش قادر يفهمها، ميضحكش عشان مش المفروض تكون دايماً البنت وأهلها عرضة لمواقف ذي ده، ميضحكش عشان ممكن الشخص آلي بيبان عبيط يكون أعقل من مية بيمسلوا العقل وهنا بتكون المصيبة...

Anonymous said...

مش عارف أيه رد فعل المناسب، حاسس أني عايز أضحك وفي نفس الوقت حاسس أن الموقف المفروض ميضحكش، ميضحكش عشان أكيد الشخص ده عنده مشكلة كبيرة عميقة ومحدش قادر يفهمها، ميضحكش عشان مش المفروض تكون دايماً البنت وأهلها عرضة لمواقف ذي ده، ميضحكش عشان ممكن الشخص آلي بيبان عبيط يكون أعقل من مية بيمسلوا العقل وهنا بتكون المصيبة...

wanna b a bride said...

ahmed shokeir

طنط شكرية دي احنا حدفناها مع العريس ع السلم و بقوا يتدألجوا سوا

بس الصراحة أهي الست بتحاول

كتر خيرها برضه

ان خلاص بلعب في آخر سنتين ..ادعيلي

-------------
حيران

يظهر اني حيرانه زيك

-------------
placebo

ايه الإسم الجبار ده ..هو انتي زميلة

ربنا يتوب علينا يا بنتي كلنا
بره و جوه؟
بره و جوه فرشتلك وانت مايل ايه يعدلك

على رأي طنط شكرية
---------------
anonymous

انا اتريقت؟
استغفر الله يا رب

دانا كنت معجبة بالديفوهات جدددا
--------------
epitaph

خلاص انا هاعمل كده

بس اوعي تطلعي زي طنط شكرية و توقعيني في شر أعمالي

-----------

mongey

هما هيبقوا أكتر من 30 حلقة
أصلي بيجيلي بمعدل 6 عرسان في السنة

لمدة 7 سنين

احسبها انت بأه
-------------

ceasar

دول صيني والا بلغاري

انا عايزة فنلندي لو سمحت
-------------
lastknight

والله انا كمان بابا صعب عليا جدا

بس صعبت عليا نفسي أكتر

ابنك صغير؟..طب شوفلي أخوك ..صاحبك ..ابن عمك .

الناس لبعضيها ..والا ايه؟
-----------
anonymous-2

والله نويتي أو مانويتيش

هي شكلها بقت ضلمة
-------------
rony

والله هو فاضل سنتين و هاقبل اي حاجه بأه

انشالله اكسبايرد

ربنا يستر
-----------
anonymous-3

شكرا
----------
anonymous-4

i'll try to write alot of stories as long as you keep reading

about publishing>>i don't know exactly how to do it
but i'll try
-------------
غريب الدار

الرجاله اللي في مصر باينهم كلهم هاجروا

ابعتلي حد من عندكم
------------

miss internet

مساااااء النور يا عسل

متشكرين قوي ع الدعاية ..و تنوروا البلوج في أي وقت

هتنوروه..و سلامي لكل اللي في جامعة الملك سعود

سلام امانة

wanna b a bride said...

عروسة النيل

لا انا باطمنك

هو مش الرابع و لا الخامس ولا الأربعين

لسه بااااادري

--------------
barracuda

شكرا يافندم..ذوق..ذوق..ذوق

--------------
anonymous-5

انا سعيده اني بانسيك همومك

ربنا يفرجها على الكل انشاء الله
---------------
الجحيم هو الحقيقة

ده حتى عقدني م الحيطان

ادعيلي ربنا يكرمك
----------
بنت عادية جدا

هو لحد دلوقتي مافيش حاجه انتهت نهاية سعيدة

لو حصل مش هاسكت دانا هافضح الدنيا
-----------
ahmad mahmoud

لو تعرف سكة مع الدستور لو سمحت تقوللي ايميلي في السايد بار

------------
labido

هم من ناحية اتعموا فالكويسين هم اللي اتعموا التانيين للأسف مفتحين

ابنك؟؟؟...7 سنين؟؟؟

لا لسه ماوصلتش للدرجه دي ..مايتهيأليش هاستنى كل ده

هاموت الأول
-------------

hafsa

قوليلي يا عروسة أو يا برايد اللي يعجبك

تعالي يا حبيتي ..دكة الإحتياطي ساعات اللي عليها بينزلوا الملعب يلعبوا برضه

جايز...يارب
-------------
سحابة

ياااااااارب

---------

أحلام مصري في الغربة

هو ده حال العرسان في مصر

ربنا يرفع الغمة عن بنات الأمة

----------
أكتب بالرصاص

اسلوبي على فكرة باستعمله في مواضيع تانية في مدونات تانية

شقتنا يا سيدي....ايه ده حتى انت؟
----------
the eyewitness

اضحك اضحك

ماحدش واخد منها حاجه

نضحك بدل مانولع في نفسنا

soosa el-mafroosa said...

ههههههههههه
ههههههههههههههههه
هههههههههههههههههههههه

ياااه يا برايد

انتي بتنقيهم يا بنتي والا عندك جاذبية للناس الغريبة دي؟

معلش ربنا يعوض عليكي انشاء الله قبل السنتين ماتعدي

ولو عدوا يعني ولايهمك أكيد في ناس بتفهم و هيجيلك اللي هيقدرك يا شربات

حقيقي انتي عسسسسسسل

ربنا يوفقك يا رب

قبلاتشي

أممممواه

admelmasry said...

يا بنتي قولت لك وفري علي نفسك واتجوزيني

Anonymous said...

ازيك برايد
برافو عليكى فعلا ,انتى اكيد درستى كتابة القصة او ماشابه لان البناء عندك سليم ميه فى الميه بتعجبنى تشبيهاتك لانها واقعية ,لكنى لاأعتقد ان ما تكتبينه حدث بالفعل او بالاحرى حدث بالضبط كما ابدعتى لكن انه العقد الغير مكتوب بين القارىء والكاتب بأن تكتبى وان نصدق لانه فى النهايه لو رشاقة وخفة دم ماكتبتيه ماكان التفت اليه احد
شىء اخر احييك عليه وهو كاريزمتك الطاغية بحيث تخيل كل منا بانه فى نفس الموقف او على الاق جزء منه
على فكرة مش عارف ليه انا متخيل والدك كأنه لطفى لبيب مش قادر اتخيله حد تانى
على فكرة انا اعتقد ان فيه شباب عندهم احساس العنوسه ايضا
منه لله اللى كان السبب

smraa alnil said...

ههههههههههههه
علي فكرة بقي انا متباعكي من زمان اوي مش اوي يعني بجاملك
بس قريت كل اللي عندك
وبجد يا بنتي تعالي انضميليا
اصل انا برضه منحوسة تفتكري العيب في مين
اكيد لا انا ولا انتي
هههههههههه بس بجد عرسانك كلهم مش ولابد
انتي صعبتي عليا اي عريس لما يبقي يجيلي دة لما يعني هشترط ان يكون ليه اخ يعني هيبة كدة
واحد ليكي ويبقي واحد ليا
ايه رايك
ولو مش عنده بقي معلش اكيد هاخده انا
انتي عارفة يا اختي العرسان شاحة اليومين دول
ربنا يرزقك يا قمر ويوفقك
سلاموف

Amr Ahmed said...

اقولك حاجة وماتزعليش انا هادعي انك ماتتجوزيش اصلك لو اتجوزتي هاتحرمينا من الروعة دي ,وبعدين بلا جواز بلازفت يعني هما اللي اتجوزوا عملوا ايه ولو مصممة استنيني اما اتخرج واشتغل واجيب شقة واجهز نفسي وانتي فاهمة بقي ,كلها حاجة بسيطة حسبة بتاع 10او 15 سنة بالقليل اوي يعني مقدار تلات اربع تدوينات
بس جد ربنا يسعدك وتلاقي ابن الحلال

بالعربي said...

modawana laziza gedan besara7a, i wish u get a good groom soon, ;) bye

Aladdin said...

(خارج السياق نوعا ما) ضحكت اوي بجد لما لقيت كلام من واحدة اسمها "عانس" في c-box اللي هوا المفروض تغيري اسم البلوج من "عايزة اتجوز" إلى "بيت العوانس" ويجعله عامر ههههههههههههههه

Anonymous said...

Very amusing. As always, I can't wait for your next post.

But -just for the sake of pointing it out- there are always other millions of stories about young men who sincerely want to get married, but can't due to the financial/economic crisis in the country, unemployment, and the tremendously unrealistic demands of the bride's family.

Worst case scenario for a girl: She waits and sees.

For a boy: He needs to find a job. A really good paying one. Keep it, work at his best. Make some money, (assuming he already has a great appartment) then propose hoping for the best (how old will he be by then?).

To accomplish half of that, the 'young' man is required to spend many years abroad. Maybe get a foreign degree in the process. Oh, and let's not forget the percentage of families who don't want to their daughters to live abroad.... ma3aleina :D

Your posts are the best... keep it up. You'll make a great wife for a lucky husband.

Take care, and maybe someday you'll step into my clinic and offer me an overpriced drug ;)

أميرة حسين said...

ازيك يا توتة :) :)
معلش يا بنتي ربنا يصبرك و يصبر ابوكي الغلبان ده
والله يا بنتي انت خسارة كتابتك دي تضيع في النت
بصي لو بتابعي الدستور هتلاقي الايميل بتاعهم في كل عدد
ابعتيلهم و هما على فكرة بيهتموا و بيردوا

ربنا يوفقك يا جميل

بلا جواز بلا وجع دماغ
:D

Anonymous said...

i have one word for you

entee 7'osara fel gawaz

get published get published get published


entee damik 3assal walahi

yalla 3ayzeen el rab3
laila

Anonymous said...

من أجمل البلوجات اللي قريتها.خفة دم و تلقائية محببة.

tota said...

الجميلة اللذيذة الباحثة عن المتاعب

ضحكت فعلا كما اضحك من اسلوبك الكوميدى الساخر

العريس الضال ده النموذج المتوفر اليومين دول اللى ملهوش غير الرد بتاع بابا واللى كان محتاج مساندة ماما بصراحة لان وضع الاستعداد اللى اخذته كان محتاج يكمل لاخر خطوة

يا بنتى صدقينى ضل الحيطة اظرف واحسن واأمن واريح وارخص واسهل وووووو من ظل الراجل اللى من النوعية دى

تحياتى يا جميلة

أم أحمد said...

كان ماله العريس ده رغاي شوية مافيهاش حاجة كله يهون وعريس في اليد خير من عشرة علي الشجرة ربنا معاكي بقي

Anonymous said...

Well ya Bride i have a friend who is looking for a bride: he is 46, lives in cairo, well educated,have a house in Agami (naughty weekends ?) and he is a good drinker...Let me know ya bride ya gameel.Sabah el fol

عمر said...

حلوة جدا

:)

شكرا علي البوست الجميل

بعدك على بالى said...

ههههههههههههه انتى مصيبة مش ممكن دمك شربات بجد ده انتى فعلا الواحد لازم يجيب لك عريس مش علشان تتجوزى لا علشان بس نقرا مغامراتك اللى لو اتعملت مسلسل يكسر الدنيا...
مافكرتيش تنزليها كتاب،، فكرى بجد وصدقينى حتنجح

meho said...

LOW KOL EL 3RSAN ELLY HATEGEE MEN 3AND TANT SHOKREHA KEDA YEB2A SAB7 EL FOL 3ALLAH EL WALED ,,, HOWAH EL 3AREES DAH MEN EL NAS BET3EET ...MAMAH ,,, TA3ALEE 5ODEENY YA MAMAH.......BA7EBOH YA BABAH.....
EL BLOG BETA3TEEK 7ELOWH AWEEE.TA7EYATEE

3rby said...

انتي يا اما نحس ياما خيالك واسع
بس دمك زي العسل...مش تقيل يعني...اصل الدينستي بتاعة العسل كبيرة...عكس الماية...بس العسل احلي من الماية...معادلة صعبة...يبقي لازم نجيب الافرج دينستي...يعني نقلب العسل في الماية..ههه

قلتلك يا بنتي منجي شاب مخلص..وشخصيته رزينة..بس شكله حلو
هههه..ههه..هه

bluestone said...

ههاهاهااا نياهاهاهانهيهيهيهي
ايه يا بنتي الابداع ده .. انا موت على روحي من الضحك
المدونة بتاعتك جميلة جدا وخفيفة وواضح ان صاحبتها دماغها عالي جدا
كنت لسه من كام يوم بتكلم مع صديق بعد خناقة مع الوالدة بسبب رفضي استقبال واحد من إياهم في البيت وبقوله انا المواقف اللي حصلتلي بسبب الحركات دي تتكتب في كتاب .. وتنفع مسلسل على حلقات مسخرة ..
مش لوحدك .. الواحد منا شاف حاجات .. مكنتش اتخيل ان فيه كائنات عايشة بالشكل ده ...

بس ولا يهمك اكتبي وضحكينا كمان .. ياما لسه ماهانشوف

Anonymous said...

السلام عليكم
بجد أنت مش ممكن أية اللي أنت بتكتبيه ده حرام عليكي الموهبة دي علشان معتقدش أن الموضوع ده حقيقي ياريت تكوني بتستغلي الموهبة دي بجد

كراكيب نـهـى مـحمود said...

طب ايه مشي على كده يعني
ولا مفهمش اوي اللي حصل ؟؟؟؟

ROMANTIC ROSE said...

مش ممكن .. و الله بجد مش ممكن .. اخويا دخل عليا الاوضه من كُتر الضحك .. انتي يا بنتي بتجيبي التحف دي منين ؟؟ ولا التحف دي بتتحدف عليكي منين ؟؟ ده انا لو منك مش أدون بس .. ده انا اكتب مذكراتي كدليل و شاهد علي العصر .. ربنا يكون ف عونك يا رب ..

:)

ody911 said...

بت إنتى حظك وحش
بس
خلاص

Anonymous said...

osloobik zareef giddan w dammik khafeef giddan giddan.. isma7ili ahanniki 3ala il blog dah

Adel said...

لالالالا بصراحة شكلك بتهرجي يا اما انت منحوسة هههههههههههههههه
يارب تتجوزي واحد يطلع ذنب الجديد والقديم على جتتك ههههههههههههههه

saso said...

يا خبر ده انتي مشكلة.. انا فضلت اقراة يمكن ربع ساعة باضحك بعد ماقفلت حتي
بجد ياريتة مانطق.. كنتي الحقية وهوا ساكت كان شكلة حلو

4thH said...

هاهاهاها
..
مدونتك دمها خفيف جدا جدا .. مش بعرف امسك نفسي من الضحك و انا بقرا.. و بكمل دايما للآخر .. الحوار عندك رائع .. موهوبه حقيقي
..
شكرا على اسعادنا

Anonymous said...

طب أنتى زعلانة ليه, يعنى تبقى بتكتبى كلام حلو كده و مدونتك لها شعبية هايلة كده و مستنية عريس, لا لا لا لا هو المفروض اللى يجرى وراكى و يطلب الرضا و السماح يا قمر

ام العيال said...

اول مره اعدي عندك تضحت من قلبي انا عارفه كل الببلوجريه عندهم اكتيئاب
وبوستاتهم نكد اليومين دول بس انت
مستعجله على ايه عيشي حياتك شويه
لاحقه على الجواز
و لا تغيير يعني

daktara said...

نيهاهاهاها
الف مبروك
ابقي اعومينا علي الفرح

Anonymous said...

الواحد خايف يدعى ويقول يارب ماتتجوزى علشان نقرا حاجات من دى كتير

Anonymous said...

انا اول مرة اقرا اللى بتكتبيه ..جميل لانه طبيعى ..بس غريب لانه حقيقى ؟ يا جماعة ..الرجل الحقيقى مش كده ؟ و ان كان مفيش فى زمانكم راجل بجد يبقى المشكلة فى نظركم مش فى الرجل؟الملك و الملكة كلاهما صنع الاخر و رؤيته ؟القصص اليومية و الفضفضة و تصفيق المعجبين مش حايحل حاجة ..الحل فى تغيير نظرتك يا صديقتى..تحياتى

Anonymous said...

تحفففففففففففه

اسلوبك تحفه بجد

وقصه بجد تموت من الضحك

ربنا يرزقك بواحد عاقل يا رب

no one said...

والله انت زى السكر كل الصيادله كده دائما دمهم زى السكر
انا زمل برضه
كل كلامك مظبوط انا قريت البوستس بتاعتك كلها و ما فبش حاجه قلتيها ما حصلتش لكل بنت مهما كانت مواصفتها
بس الصراحه والجراه فى التعبير عن كل ده هى الميزه الكبيره جدا للبلوج بتاعك
انا بقى عشت الماساه دى بتفاصيلها سنتين بعد التخرج و قضيت مرحله "يا عينى "المشهوره الى مش بتسلم منها اى بنت
بس اتعترت فى عريس السنا الى فاتت عقبال الجميع بس مقضياها خناق بالعبيط على حكايه الاستقلاليه و تحقيق الذات والكلام ده
عموما محدش مرتاح بس اجمل حاجه مواجهه الذات و فهم كل الهبل الى بيحصل حوالينا و الاحتفاظ بعقولنا فى وسط تيار الجنون الى فى كل حاجه

هزورك تانى كتير اصل محسوبتك من هواة النم كل اتنيين نمايه عليهم نمايه بونص وكدهيعنى

Anonymous said...

bgad bgad mashallah 3aliky taree2t elsard bta3tk wahmya mashllah bgad u should condier writting short stories.ana asln a3da fatsana mn elde7k mn el3ahat ell goolk bgad ana mesh masada2a...fein regaltek ya masr w bgad bgad rabena y2aweeky w y2awwy ahlk kman

Anonymous said...

begad gamda ta7n ..& it's so true

3rby said...

لما متي في رمضان وماردتيش علي حد قلت اشطه يعني رمضان وبتاع
بس لو نفضتي المره ديه كمان مش هاعتبهالك

Anonymous said...

و الله انتى شربات و دمك خفيف ,,,,, بصى بقى انتى بدل مانتى هتموتى على الجواز كده اعملى الان فى الوسيط:,,,,,

Anonymous said...

انا موش عارفه انتى لما تتجوزى هنعمل ايه

wanna b a bride said...

سوسة المفروسة

أعمل ايه باه ...قسمتي

-------------

آدم المصري

ولو

-----------

دكتور احمد سمير

شكرا ع الكلام الحلو

ولدي مش زي لطفي لبيب قوي يعني...أطول شوية

---------------

smraa alnil

شكرا ليكي برضه العرايس لبعضيها

بصي تعالي اما نعمل جروب أو ابعتيلي حكاياتك وانا انشرها ..لازم نعمل ضجه لجد لما نلاقي حد يتجوزنا

---------------

miro

ليه بس كده

ادعيلي بس انني اتجوز و انا هاكتب كل اللي حصلي قبل الجواز

هو انا يعني هافقد الذاكرة

------------

nirfana

يااااااااارب

-------------
bel3araby

thnx
--------------

aladdin

متشكرين يا عم ع التريقة

ربنا يستر على ولايانا كلهم

بس على فكرة انا لسه ماعنستش لسالي بتاع اسبوع كده

-------------
tarek

عادي ياسيدي اللي عنده حكايات عن عرايس غلبوه

يعمل بلوج هو كمان

و الميدان بره واسع

و فارس لفارس

------------

أميرة حسن

شكرا ع النصيحة

هنفذها انشاء الله

wanna b a bride said...

anonymous(laila)

الحقيقة انا مش خسارة والا حاجه

ربنا يسهل بس عشان اعرف اجيب عيال

هو ده هدفي الوحيد

موضوع النشر والله هحاول و ربنا يوفق انشاء الله

--------------

pharaoh

شكرا

نورت

--------------

tota

تحياتي يا أحلى توتة

بس انا فضلت مع ضل الحيطة ده لحد ماالحيطة نفسها وقعت عليا

يالله انشاء الله هتفرج

-----------------

sahar

والله انا مالحقتش أقول رأي

بابا زقله ع السلم قوام قوام

وانا مانزلش كلمة بابا الأرض أببببدا
---------------

anonymous-2

خليهولك

هو انا ناقصة

صباح الإشطة

-------------

عمر

شكرا جدا

العفو
-------------

بعدك على بالي

ياللا هتيلي عريس وانا أحكيلكم على كللللل حاجه

دانا أحب النم في الحاجات دي جدا

تعرفي حد ينشرلي

شكلك واصلة و هتدليني

شكرا مقدما
-----------------

meho

هو صباح الفل بالقوي

هي دي النوعية اللي موجوده في السوق

ادعيلي

----------

3rby

أنا الإتنين

نحس و خيالي واسع

حلو قوي درس الفيزيا ده على فكره

---------------

bluestone

هي الكائنات دي واضح انها منتشرة في كل مكان

هاكتب وانشاء الله تضحكوا

هم يبكي و هم يضحك

هنعمل ايه؟

wanna b a bride said...

no fear

اللي بكتبه من غلبي

لو بعرف أستغل أي حاجه في أي حاجه

ماكانش ده بأه حالي

-----------
كراكيب

هو مافهمش غير لما كمل دألجه لغاية البلاعه اللي في وسط الشارع

---------------
romantic rose

ربنا يكون في عون الجميع

هي دي الموديلات الموجوده في السوق

انا يعني باجيب من بره

سلميلي على أخوكي قوي و قوليله يشوفلي حد من صحابه

-----------

ody911

جبت التايهة
-------------

anonymous-3

شكرا جدا ع الكلام الجميل

يااااا...هو انت اسمك ايه؟

-------------

المزاجانجي

منحوسة يا عم

ادعيلي ربنا يفك عقدتي

راضية ..بس ييجي

-------------

saso

شكله كان جميل

تصدقي كان ممكن أتجوزه و بعدين أقص لسانه

قضاءا و قدر
-----------------

haisam(jarelkamar)

أولا ألف مبروك

ثانيا شكرا جدا

----------------

safa

ماهو مابيجريش

طب أعمل ايه؟

ألطش منه المحفظة؟
--------------

أم العيال

يا رب ماتكون آخر مرة انشاء الله

الجواز قبل التلاتين

مافيش وقت

wanna b a bride said...

daktara

الله يبارك فيك يا عم الدكاترة

يوم الخميس 31 فبراير

ابقى تعالى
-------------

immature

ليه كده بس

هاكتب كتير والله حتى لما اتجوز انشاء الله

ادعيلي اتجوز بأه

-----------

الفيلسوف

تغير نظرتي أنا؟؟؟

حرام عليك و الله

انت شايف اللي انا حكيته ده يثبت ان العيب فيا انا؟
---------------

ta-man-ya-we

هاكتب هاكتب والله

بس ادعولي اتجوز بس و هتشوفوا

--------------

anonymous-4

شكرا

يااااارب

بس هما فين العاقلين دول؟
--------------

i'm just depressed

و ديبرسد ليه كفالله الشر

كل الصيادلة فعلا دمهم خفيف و عقلهم كمان..م اللي بيتعمل فيهم في الكلية

آآآآه مرحلة يا عيني دي نفسي ماحدش يعيشها

أقرف مرحلة في حياة أي واحده

تعالي ننم كتير

مافيش اكتر م النم عندنا

----------

anonymous-5

فين رجالة مصر؟

جالهم عقد عمل في السعودية

و سابولنا المضروبين هنا

--------------

anonymous-6

thank you

--------------

3rby

ايه يابني

هو انت حماتي؟

خف عليا يا عربي..مش هتبقى انت و الزمن
--------------

anonymous-7

اعلانات الوسيط بتنفع و الله؟؟

مش حد كان يقوللي

-------------

saso

لما اتجوز ..اعملوا جمعية و قبضوهالي الأول

أكيد هاحتاجها طبعا

3rby said...

شفتي مذاكر ازاي
كنت باقلد عريسك
وبعدين تعالي هنا
من اولها كده كارها حماتك
ههههه ههه هه ه

Anonymous said...

ههههههههههههههههه

ماما دخلت عليا من كتر الضحك فاكرانى اتجننت
بس بجد العريس ده كان لازم يتضرب بالشبشب على بقه
عمو بقى باباكى صعب عليا جدا ربنا يجعله فى ميزان حسناته
اه حاجه كمان يلغى عن طنطك شكرية و العري امن الدولة و لزقيلهم اى تهمة و اتفرجى عليهم

تحفة

Anonymous said...

You are halarious. Some one like you should have no difficulty in getting married.I do not believe all this is happening to you, however the best one was that of Al seyasat. I will be very sad if you get married as I will miss your funny tales.

Anonymous said...

دا انتي مسخرة، هو بجد فى حد بالعته المغولى
ده؟ دي حاجة عجيبة آوي، الله يكرمك انا كنت داخل بهيس كده لقيت حاجة تضحك...

Diyaa' said...

nfsy afhm hwa kan 3ayz eh belzb6 ?:D
t3rfy ana 7ases eno kan byhayes y3ny t3md eno yb2a ahbl kda
aw momkn ykon f3ln 3be6 awy kda
3moman gt slema :Dw rbna ysahel

Anonymous said...

خيرها فى غيرها ..يا ست الكل
ضحكتينى ..وانا ما كانتش ناوى
..
الشباب والبنات الكويسين ماليين البلد ..يا جماعة ..
المشكلة إنهم مش بيلاقوا بعض ..
.مش بيعاملوا بعض بصراحة عشان كده مش بيستلطفوا بعض ..
.ومن ناحية تاننية الناس الكويسة .مفلسة ..يعنى اللى بيتجوز الأيام دى الناس اللى معاها فلوس وعادة الناس دى بيكون دمها تقيل ..
والبنات تختار بقى ...

إيمــــان ســعد said...

ههههههههههه

الصيادلة اجدع ناس

بجد عريس تحفة اوي

ربنا يستر علينا

Unknown said...

رائعة :)

للحظات ظننت أني أعرف هذا الشخص

Anonymous said...

لو كنت اخو البنت دي كنت هعمل ما في وسعي اني اترك بصماتي واضحة وجلية علي وش العريس دا

Anonymous said...

i just want to tell something, is those stories based on true story or not? coz i really don't know what to say to u if those stories was true it's really amazing i know there's some guys is stupid or they act like he is the best one in the whole world ( he is the man ) - like they said, but be patient and u'll reach the best enshaALLAH

Anonymous said...

اختى الكريمه
لقد اخذت قصتك ونشرتها بمنتدى ونسبته لك ووضعت لينك البلوجر
هل تاذنى لما بالباقى؟
http://www.alltalaba.com/board/index.php?showtopic=43022&st=0&gopid=672726&#entry672726

shalaby said...

بصراحة دمك خفيف جدا يكمن اخف من البنزين اللي في مصر واسلوبك زي العسل بس خلي بالك علشان ما تلزقيش واهنئك علي المدونة وان كانت بعد فوت الاون

shalaby said...

http://alsaha.fares.net/sahat?14@173.w5tUbaegrDP.0@.3ba9702b/3

wael elgazawey said...

على فكرة انتى عقبال ما ربنا يعدلهالك وتلاقي ابن الحلال عن قريب هيكون عند ضغط وسكر واحتمال كبير زهايمر لو استمريتي تشوفي عرسان من النوعية الباردة دي

الله يكون في عون اهلك واهل امثالك من الناس الزبالة اللى بتلقح جتتها على الناس الكويسين

Anonymous said...

Ok, let me get direct into the topic, I have a very good plan for you to stop receiving all bad grooms, I am ready to get you out of state of ANES to a state of married, here is my plan,

I am Egyptian lives in America, I am working in the higher education here, I have my American and Egyptian citizenship, just divorced, and I would love to marry you, simply because you are BENT REWSHA GEDAN, and I love ELBANAT ELREWSHEEN, so if you agree we will have one less ANES in Egypt, so what do you think????


I might was wrong in my quick proposal, I think it is really too early to propose to you for marriage, I neither know you well, nor you, beside I am afraid that you will lose your motivation to write, I know from my experience, that marriage kills the inspiration for many people, and I don’t think you are an exception, so let us enjoy your great sense of humor and keep you in your state of ANES to make sure we have enough supply of great writing to make your blog’s visitors happy and come back again to visit your blog, in other word KHALEKY ZAY SHAMAA, TENAWER LILAKHAREEN خليك زي شمعة , so I will give you my opinion, by the way I am a mass communication professor here in America, and I am following the new trends of the bloggers in Egypt, and I am using your blog as an example in my classes with my American students to study the psychological and traditional complexity of the unmarried women in Egypt so keep up the good work, and communicate effectively with your visitors, good luck dear,

Dr. Mo

24/2/07 16:28

Rosa said...

حرام بجد بقى مش ممكنننننننن
دمك زي السكر ماشاء الله عليكي

Someone Else said...

To Dr. Mo
WHAT?
First, who told you any girl would ever accept someone offering her marriage just to save her from being an old maid? To marry someone with the mindset that makes him think he would be oh-so-munificent when he marries a girl is, in my opinion, worse than staying single for so long.

Second, if you are speeking to your students about spinsterhood in Egypt and its psychological effect, please do not forget to mention how successful in business and social life lots of these women are.

Third, it really strikes me how self-centered some people sound to be when they would even jokingly prefer that someone stays in a state she does not want to maintain just to intertain them, no matter whether this state is about marriage or work or whatever.

Sorry Bride if you would have rather replied to him on your own, but I really found it a bit too infuriating to let go.

Bye now, coz I have a job to attend to, and a really good job, thank God. I wish everybody would really have a job they love, enjoy, and excel in.

محمد جـلال said...

بت يابرايد
اموت واقابل ابوكى
ليه ؟
ايه السؤال البايخ ده
باقولك عندى 62 سنه ومتجوز وعندى 5 حتت تقفيل مصر يعنى قمة فى الغباء زى امهم كده
برضه راجعة تقولى عاوز تقابل بابا ليه
ح اريحك
شوفى يابرايد يابنتى
علشان نكون على مية بيضه ومفيش غش
انا عايز اقابل ابوكى
علشان اسالة سؤال واحد
هو الخلطة اللى كان بيستعملها ايه بالضبط علشان ينتج العسل والسكر والملح والفلفل اللىاسمه برايد دى ازاى
اصل البرنامج بتاع شريف بتاع اكله من كل بلد ماحطش الوصفة دى لسه
قلت اعمل ناصح واكلم ابوكى يمكن يرضى يقولى على السر

حبيت اهرج معاكى شوية يمكن تستانسينى ومتخافيش
بس بصراحة انا عاوز اقول كلمة
هو نجيب محفوظ اخد نوبل على ايه ؟؟
وربنا يابرايد يابنتى كلامك ده مش ياخد
نوبل وبس لا ده ممكن ياخد على قفاه كمان !!

مش باكتب علشان حاجة
بس حسيت انك انسان دمه خفيف وانسان جميل وعايش صح وله مخ ؟؟
تصورى اصل انا تفاجئت فىالقرون الحالية ان الانسان يتم انتاجه ليس بالتوالد الذاتى - هذا شىء عفا عليه الدهر - لكن معلش عملية الانتاج دخلها الغش وبقى بيطلع من المصنع من غير المخ ( لوفتحتى الكاتالوج ح تلاقيهم بيقولو ان المخ ده اوبشن وله سعر مستقل )
تحياتى ليكى
ولابوكى ابو 1111 اصله من سنى
ولامك الغلبانه اللى اتهرت تنفيض ومسح
ولخالتك شكرية اللى نفسها تنتقم من الزمن اللى عمل فيها كده وبتخلصه م اللى زيك

على فكرة ينعل ابو اللى يقول كلمه عانس علشان عبيط
حد سمع عن التعتيق !!
وبعدين البنت مش شاسية بس
لا ممكن برضه نبص على الفرشة الداخليه مخها يعنى 00
ومش مهم لو راشة دواخل المهم الموتور يكون سليم !!

تحياتى وحبى واحترامى
لانسانه مصرية جميلة

محمد جلال galalgalal@yahoo.com

علىفكرة ده مش الكارت بتاعى
اوعى تفتكرى انى بارسم عليكى لاسمح الله
لا
انا بس حبيت امر للتحية وتقديم واجب الاحترام لابنه شابة جميلة للاسف ليها مخ
على فكرة ممكن تروحى الورشة تبدلى المخ بحاجة تانية وتدفعى فرق بسيط

يخرب بيت جمالك دا بالشكل ده ممكن اقعد للصبح ارغى معاكى 00 استاذن علشان عندى شوية كتب عاوز ارفعها علىالنت علشان الغلابة اللىزيك اللى لسه بيقروا
تصورى لسه فيه ناس بتقرا
ايه التخلف ده !!

Anonymous said...

السلام عليكم
كل سنة وانتم طيبيين
سؤال مهم عندي كل مرة بقرا فيها الكتابات بتاعتك انا عاجبني اسلوب الكتابة
لكن السؤال حضرتك عاوزة تتجوزي ليه؟يعني ايه فكرتك عن الجواز؟

Anonymous said...

والنبى يا بنتى انتى شكلك كدة منحوسة
ابقى شوفي الشيخ محمد في منشية البكري يمكن يفك لك العمل اللي معمول لك يا بت
والا اقولك يمكن تعميله لوحدة ابقي جيبي ديك ما لوش ودنين وميت من سبع سنين
بصلة حولة مفرومة من الاخر
مع شوية معكرونة بالباشميل ويم يم ورشيهم على باب بيتكم يتكعبل فيهم اول راجل يشوفك
http://malaysia-vu.blogspot.com/

مصري بالغربة said...

يا جماعة ارحمونا احنا الشباب المصريين

بدول الخليج

والله بنتعاير لما حد منهم يقرا لوحدة زي ديه

انا باشييد واوجه كلامي ده للمصريين الرجالة في مصر

تبرعوا لكرامة المصريين بالخارج

حد يتبرع ويتجوزها ويخلصنا يا جماعة الخير

ارجوكم

واحنا ممكن كمان نجمع من بعض ونجيب لكم الشقة والعفش وكل حاجة كمان

بس خلصونا وحد يلمها ويتجوزها

شوفي انا عارف انك بتحذفي راي ده

بس ميهمنيش انك مبتحبيش النقد

او الراي الاخر ومش بتحترمي ان حد يقول رايه فيكي

زي ما انت بتقولي على الرجالة اللي بيتقدمولك عاهات

ده انت واللي زيك اللي عاهات لينا

وهو ايه اللي جاب مصر ورى غير المراة وحقوق المراة

دلوقت كمان المراة بتطالب انها تتجوز وتطلب ايد الرجالة كمان

مصري بالغربة said...

يا جماعة ارحمونا احنا الشباب المصريين

بدول الخليج

والله بنتعاير لما حد منهم يقرا لوحدة زي ديه

انا باشييد واوجه كلامي ده للمصريين الرجالة في مصر

تبرعوا لكرامة المصريين بالخارج

حد يتبرع ويتجوزها ويخلصنا يا جماعة الخير

ارجوكم

واحنا ممكن كمان نجمع من بعض ونجيب لكم الشقة والعفش وكل حاجة كمان

بس خلصونا وحد يلمها ويتجوزها

شوفي انا عارف انك بتحذفي راي ده

بس ميهمنيش انك مبتحبيش النقد

او الراي الاخر ومش بتحترمي ان حد يقول رايه فيكي

زي ما انت بتقولي على الرجالة اللي بيتقدمولك عاهات

ده انت واللي زيك اللي عاهات لينا

وهو ايه اللي جاب مصر ورى غير المراة وحقوق المراة

دلوقت كمان المراة بتطالب انها تتجوز وتطلب ايد الرجالة كمان

مصري بالغربة said...

يا جماعة ارحمونا احنا الشباب المصريين

بدول الخليج

والله بنتعاير لما حد منهم يقرا لوحدة زي ديه

انا باشييد واوجه كلامي ده للمصريين الرجالة في مصر

تبرعوا لكرامة المصريين بالخارج

حد يتبرع ويتجوزها ويخلصنا يا جماعة الخير

ارجوكم

واحنا ممكن كمان نجمع من بعض ونجيب لكم الشقة والعفش وكل حاجة كمان

بس خلصونا وحد يلمها ويتجوزها

شوفي انا عارف انك بتحذفي راي ده

بس ميهمنيش انك مبتحبيش النقد

او الراي الاخر ومش بتحترمي ان حد يقول رايه فيكي

زي ما انت بتقولي على الرجالة اللي بيتقدمولك عاهات

ده انت واللي زيك اللي عاهات لينا

وهو ايه اللي جاب مصر ورى غير المراة وحقوق المراة

دلوقت كمان المراة بتطالب انها تتجوز وتطلب ايد الرجالة كمان

مصري بالغربة said...

يا جماعة ارحمونا احنا الشباب المصريين

بدول الخليج

والله بنتعاير لما حد منهم يقرا لوحدة زي ديه

انا باشييد واوجه كلامي ده للمصريين الرجالة في مصر

تبرعوا لكرامة المصريين بالخارج

حد يتبرع ويتجوزها ويخلصنا يا جماعة الخير

ارجوكم

واحنا ممكن كمان نجمع من بعض ونجيب لكم الشقة والعفش وكل حاجة كمان

بس خلصونا وحد يلمها ويتجوزها

شوفي انا عارف انك بتحذفي راي ده

بس ميهمنيش انك مبتحبيش النقد

او الراي الاخر ومش بتحترمي ان حد يقول رايه فيكي

زي ما انت بتقولي على الرجالة اللي بيتقدمولك عاهات

ده انت واللي زيك اللي عاهات لينا

وهو ايه اللي جاب مصر ورى غير المراة وحقوق المراة

دلوقت كمان المراة بتطالب انها تتجوز وتطلب ايد الرجالة كمان

مصري بالغربة said...

يا جماعة ارحمونا احنا الشباب المصريين

بدول الخليج

والله بنتعاير لما حد منهم يقرا لوحدة زي ديه

انا باشييد واوجه كلامي ده للمصريين الرجالة في مصر

تبرعوا لكرامة المصريين بالخارج

حد يتبرع ويتجوزها ويخلصنا يا جماعة الخير

ارجوكم

واحنا ممكن كمان نجمع من بعض ونجيب لكم الشقة والعفش وكل حاجة كمان

بس خلصونا وحد يلمها ويتجوزها

شوفي انا عارف انك بتحذفي راي ده

بس ميهمنيش انك مبتحبيش النقد

او الراي الاخر ومش بتحترمي ان حد يقول رايه فيكي

زي ما انت بتقولي على الرجالة اللي بيتقدمولك عاهات

ده انت واللي زيك اللي عاهات لينا

وهو ايه اللي جاب مصر ورى غير المراة وحقوق المراة

دلوقت كمان المراة بتطالب انها تتجوز وتطلب ايد الرجالة كمان

مصري بالغربة said...

يا جماعة ارحمونا احنا الشباب المصريين

بدول الخليج

والله بنتعاير لما حد منهم يقرا لوحدة زي ديه

انا باشييد واوجه كلامي ده للمصريين الرجالة في مصر

تبرعوا لكرامة المصريين بالخارج

حد يتبرع ويتجوزها ويخلصنا يا جماعة الخير

ارجوكم

واحنا ممكن كمان نجمع من بعض ونجيب لكم الشقة والعفش وكل حاجة كمان

بس خلصونا وحد يلمها ويتجوزها

شوفي انا عارف انك بتحذفي راي ده

بس ميهمنيش انك مبتحبيش النقد

او الراي الاخر ومش بتحترمي ان حد يقول رايه فيكي

زي ما انت بتقولي على الرجالة اللي بيتقدمولك عاهات

ده انت واللي زيك اللي عاهات لينا

وهو ايه اللي جاب مصر ورى غير المراة وحقوق المراة

دلوقت كمان المراة بتطالب انها تتجوز وتطلب ايد الرجالة كمان

مصري بالغربة said...

يا جماعة ارحمونا احنا الشباب المصريين

بدول الخليج

والله بنتعاير لما حد منهم يقرا لوحدة زي ديه

انا باشييد واوجه كلامي ده للمصريين الرجالة في مصر

تبرعوا لكرامة المصريين بالخارج

حد يتبرع ويتجوزها ويخلصنا يا جماعة الخير

ارجوكم

واحنا ممكن كمان نجمع من بعض ونجيب لكم الشقة والعفش وكل حاجة كمان

بس خلصونا وحد يلمها ويتجوزها

شوفي انا عارف انك بتحذفي راي ده

بس ميهمنيش انك مبتحبيش النقد

او الراي الاخر ومش بتحترمي ان حد يقول رايه فيكي

زي ما انت بتقولي على الرجالة اللي بيتقدمولك عاهات

ده انت واللي زيك اللي عاهات لينا

وهو ايه اللي جاب مصر ورى غير المراة وحقوق المراة

دلوقت كمان المراة بتطالب انها تتجوز وتطلب ايد الرجالة كمان

مصري بالغربة said...

يا جماعة ارحمونا احنا الشباب المصريين

بدول الخليج

والله بنتعاير لما حد منهم يقرا لوحدة زي ديه

انا باشييد واوجه كلامي ده للمصريين الرجالة في مصر

تبرعوا لكرامة المصريين بالخارج

حد يتبرع ويتجوزها ويخلصنا يا جماعة الخير

ارجوكم

واحنا ممكن كمان نجمع من بعض ونجيب لكم الشقة والعفش وكل حاجة كمان

بس خلصونا وحد يلمها ويتجوزها

شوفي انا عارف انك بتحذفي راي ده

بس ميهمنيش انك مبتحبيش النقد

او الراي الاخر ومش بتحترمي ان حد يقول رايه فيكي

زي ما انت بتقولي على الرجالة اللي بيتقدمولك عاهات

ده انت واللي زيك اللي عاهات لينا

وهو ايه اللي جاب مصر ورى غير المراة وحقوق المراة

دلوقت كمان المراة بتطالب انها تتجوز وتطلب ايد الرجالة كمان

مصري بالغربة said...

يا جماعة ارحمونا احنا الشباب المصريين

بدول الخليج

والله بنتعاير لما حد منهم يقرا لوحدة زي ديه

انا باشييد واوجه كلامي ده للمصريين الرجالة في مصر

تبرعوا لكرامة المصريين بالخارج

حد يتبرع ويتجوزها ويخلصنا يا جماعة الخير

ارجوكم

واحنا ممكن كمان نجمع من بعض ونجيب لكم الشقة والعفش وكل حاجة كمان

بس خلصونا وحد يلمها ويتجوزها

شوفي انا عارف انك بتحذفي راي ده

بس ميهمنيش انك مبتحبيش النقد

او الراي الاخر ومش بتحترمي ان حد يقول رايه فيكي

زي ما انت بتقولي على الرجالة اللي بيتقدمولك عاهات

ده انت واللي زيك اللي عاهات لينا

وهو ايه اللي جاب مصر ورى غير المراة وحقوق المراة

دلوقت كمان المراة بتطالب انها تتجوز وتطلب ايد الرجالة كمان

مصري بالغربة said...

يا جماعة ارحمونا احنا الشباب المصريين

بدول الخليج

والله بنتعاير لما حد منهم يقرا لوحدة زي ديه

انا باشييد واوجه كلامي ده للمصريين الرجالة في مصر

تبرعوا لكرامة المصريين بالخارج

حد يتبرع ويتجوزها ويخلصنا يا جماعة الخير

ارجوكم

واحنا ممكن كمان نجمع من بعض ونجيب لكم الشقة والعفش وكل حاجة كمان

بس خلصونا وحد يلمها ويتجوزها

شوفي انا عارف انك بتحذفي راي ده

بس ميهمنيش انك مبتحبيش النقد

او الراي الاخر ومش بتحترمي ان حد يقول رايه فيكي

زي ما انت بتقولي على الرجالة اللي بيتقدمولك عاهات

ده انت واللي زيك اللي عاهات لينا

وهو ايه اللي جاب مصر ورى غير المراة وحقوق المراة

دلوقت كمان المراة بتطالب انها تتجوز وتطلب ايد الرجالة كمان

مصري بالغربة said...

يا جماعة ارحمونا احنا الشباب المصريين

بدول الخليج

والله بنتعاير لما حد منهم يقرا لوحدة زي ديه

انا باشييد واوجه كلامي ده للمصريين الرجالة في مصر

تبرعوا لكرامة المصريين بالخارج

حد يتبرع ويتجوزها ويخلصنا يا جماعة الخير

ارجوكم

واحنا ممكن كمان نجمع من بعض ونجيب لكم الشقة والعفش وكل حاجة كمان

بس خلصونا وحد يلمها ويتجوزها

شوفي انا عارف انك بتحذفي راي ده

بس ميهمنيش انك مبتحبيش النقد

او الراي الاخر ومش بتحترمي ان حد يقول رايه فيكي

زي ما انت بتقولي على الرجالة اللي بيتقدمولك عاهات

ده انت واللي زيك اللي عاهات لينا

وهو ايه اللي جاب مصر ورى غير المراة وحقوق المراة

دلوقت كمان المراة بتطالب انها تتجوز وتطلب ايد الرجالة كمان

مصري بالغربة said...

يا جماعة ارحمونا احنا الشباب المصريين

بدول الخليج

والله بنتعاير لما حد منهم يقرا لوحدة زي ديه

انا باشييد واوجه كلامي ده للمصريين الرجالة في مصر

تبرعوا لكرامة المصريين بالخارج

حد يتبرع ويتجوزها ويخلصنا يا جماعة الخير

ارجوكم

واحنا ممكن كمان نجمع من بعض ونجيب لكم الشقة والعفش وكل حاجة كمان

بس خلصونا وحد يلمها ويتجوزها

شوفي انا عارف انك بتحذفي راي ده

بس ميهمنيش انك مبتحبيش النقد

او الراي الاخر ومش بتحترمي ان حد يقول رايه فيكي

زي ما انت بتقولي على الرجالة اللي بيتقدمولك عاهات

ده انت واللي زيك اللي عاهات لينا

وهو ايه اللي جاب مصر ورى غير المراة وحقوق المراة

دلوقت كمان المراة بتطالب انها تتجوز وتطلب ايد الرجالة كمان

Anonymous said...

دمك زي العسل
من الواضح إني قريت مواضيعك متأخر
لكن بجد تحفة
أنا كنت زهقانة قوي وقلت أدخل على النت أدور على أي حاجة و قرأت موضوعك بالصدفة
لكن تحفة هااااااااااا
خرجتيني من مود الكأبة إللي كنت فيه مرسيييييييييييييييي

مورة الأمورة said...

رااااااااااااااااااااااااائعه و انا اسفة لو الكمنت جه متأخر كااااااااااام سنة بس بجد حلوة جداااااااااا انت بجد بتحكى عن المواقف الغريبة اللى بنتحط فيها و بمنتهى خفة الدم اهنيكى على المدونة و على فكرة انا مستنية المسلسل فى رمضان و اسفة تانى ان الكمنت متأخر