مجتمعنا الحلو العسل ده بوشين ....قديمه يعني مش جديده..شفتوا أي تجمع عائلي موجود فيه ولد و بنت صغيرين؟؟ اول حاجه بيقولوها للولد ايه ..عايز تطلع ايه يا حبيبي لما تكبر..نص العيال المفترية بتقول ظابط و اللي عنده وعي شوية يمكن يقولك رئيس جمهورية ..جيل المستقبل بأه يا سيدي عنعمل ايه؟...كب و البنوته الصغيره بيقولولها ايه؟؟؟...نجوزك حماده يا سوسو لما تكبري ..والا تتجوزي ابيه خالد؟؟...تبص البت بغباء كده و تقولهم ..أناهاتجوز بابا ..و الكل يتفتح في الضحك و يخلص الموضوع على كده
و تطلع البت من صغرها يجيبولها عروسة ..تسرحها و تلبسها الفرحه و تزفها ...و اي بنت في اي مجتمع تلاقي اول لعبه نفسها تلعبها ...عروسة و عريس !!! بالمعنى الطفولي مش بتاع الجامعات الخاصة و الورق العرفي
و تمشي البنت في سلك التعليم و كل اما تنجح في مرحلة ما يقولولها ..مبروك عقبال مانشرب شرباتك...وعقبال عدلك يا حبيبتي ..و لما تيجي تستشير حد في الكليه اللي هتدخلها بيبقى الرد الموحد ...يا ستي ماتشغليش بالك ..هي البنت آخرتها ايه غير بيت جوزها
و تفضل البنت تتشحن تتشحن طول حياتها على ان الشئ الوحيد المتوقع منها في الحياة انها تتجوز و تجيب عيال.....طب و لو ماحصلش
شوفوا معايا التلت حوارات دي
م1:هو انت معاكي ايه دلوقت؟؟
م2: معايا جوزين غوايش و ماشاءالله
م1:لأ يعني معاكي عيال ايه
م2: ل انا لسه ماتجوزتش
م1: يا عييييييني
---------------
بيئة تانية و مستوى تاني
م1: وانت معاكي ايه دلوقتي
م2:معايا ماجستير و باحضر في الدكتوراه
م1:لأ قصدي معاكي عيال ايه؟
م2: لأ انا لسه ماتجوزتش
م1: يا عيييييييني
---------------
بيئة تالته و مستوى تالت
م1: وانت معاكي ايه دلوقت
م2: انا معايا شيروكي 4*4
م1: لأ قصدي معاكي تشيلدرين ايه؟
م2:نو ..أنا لسه ماتجوزتش
م3:أوه ماي جود ..هاااانييييي
هو هو الحوار في كل المستويات ..ولا يوجد اي نجاح في اي مجال يقدر يحل محل الزواج بالنسبة للبنت الشرقية...طب و اللي مش لاقيه و اللي فاتها القطر و اللي بارت على رأي الناس مابتقول ...يبقى مالهاش لازمة ..تروح تولع في نفسها يعني؟؟
هي غالبا ما بتبقاش مستعده لا نفسيا و لا علميا و لا اقتصاديا لللحظه دي ..كل الناس بيقولولها هتتجوزي يعني هتتجوزي ..و ساعة لما مايحصلش .مابتلاقيش حواليها غير نفسها و بس
بعد مالنسبة زادت و بقى عدد اللي لسه قاعدين بالملايين..لازم كل البنات يحبوا نفسهم و يدوروا ع النجاح في كل الأماكن و يعيشوا حياتهم على انها حياتهم مش على أساس انها تتر لمسلسل لسه مابتداش
ولازم المجتمع يبطل يحصر البنت في دور العروسة و بس ..لأنه وقت الجد مش هيقدر يعلها حاجه و هيبقى هو اللي جنا عليها لأنه فهمها ان ده الطريق الوحيد و مافيش غيره..و هتحس ساعتها ان مالهاش لازمه و انها صفر ع الشمال و هتيجي تعمل بلوج زيي كده و تقعد تشتكيلكم
وانا من هنا بقولها ..لو ماحصلش ..لو ماتجوزتش وما جبتش عيال و ماقدرتش اتبع خطة المجتمع ...أنا برضه ليه شخصيتي و حياتي و مش هابقى أبدا ......صفر ع الشمال
http://laila-eg.blogspot.com
69 comments:
كفاية اساسا ان اول لعبة بتلعب بيها البنت اسمها "عروسة
يعنى بيعقدوا البنت من الاول و يزرعوا فب نفسها ان هى كمان لازم تبقى عروسة
عندك حق و الله
اصلاً البنت لو ماتجوزتش مش بيسيبوها في حالها
و لو اتجوزت و مخلفتش مش بيسيبوها في حالها
لو خلفتها بنات مش بيسيبوها في حالها
لو اتطلقت مش بيسيبوها في حالها
لو اترملت مش بيسيبوها في حالها
حتى لوفضلت مع جوزها مش بيسيبوها في حالها
المرآة في مجتمعنا لها الله
بوست هايل
أهنئك عليه
حلو الموضوع والله اهم نقطه فيه فعلا من وجهة نظري هي نظرة المجتمع للبنت علي انها سلعة وللجواز
صح جداً جداً
الجواز مش أهم إنجاز البنت تعمله فى حياتها .. هيكون مهم من ضمن حاجات تانية، مع تعليمها مع شغلها مع نشاط لإجتماعى تنفع بيه نفسها والناس .. بس مين يفهم.. برافو عليكى
مين دى اللى صفر على الشمال
ده انتى عسل و دماغك جميله
وروحك حلوه
أأأأموه
ليلي كلاكت تالت مره في نفس اليوم
الي ليلي عايزه اتجوز
صح الجواز مش اهم انجاز البنت تعمله
بس في نفس الوقت عندما تكون زوجه و ام
اعتقد ان ده يعتبر انجاز
لان ببساطه ده دورها
معتقدش ان الولد اذا لعب بعروسه
و البنت لعبت بالعساكر و المسدسات هيكون شيء كويس
يعني بمعني اخر خلينا في الوسط بلاش نروح يمين خالص و لا شمال خالص
مش صفر علي الشمال ولا حاجه
هو العريس الي في الموضوع الي فات
هيخليكي تقلبي علي الكل ولا ايه
:)
بوست جميل يا عروستنا
معبر و صادق و رشيق
فعلا مشكلة انهم يخلوا البنت ام احمد من يومها
صحيح كلنا ليلي
الي الامام
وياه بقى على الكارثة لو كل بنات العيلة يا اتجوزوا يا اتخطبوا وانتي لسة (ده على اساس ان هو بمزاجك) اتفرجي بقى على الوالدة وهي بقتول والله بيجيلها قد كده بس هي اللي بتتقنعر .. حلفت كدب عشان تداري على بنتها وتداري عنها اية اصلا الله اعلم
يييييييييي فى كمان الكلمة البشعة المستفزة دى اللى بيقولوها.. عقبالك يا حبيبتى انتى كمان.. عااااااااا
بقيت بكره الكلمة دى.. بكرهها، قال عقبالك قال
الصفر مش بيقل
بالعكس بيكبر كل ما صوتنا بيعلا
زى ما يكونوا بيجاهدوا ضدنا احنا
حتى الواحد اللى يقرا لنا كلمة كويسة مستغرب ان بنت تكتب كدة ويفنجل عينه ان عقله موصلش لنفس الفكرة دى قبل نون النسوة ما توصل لها
اومال انا جمع مذكر ساااااالم لية؟؟
ساالم دى يعنى سليم ولا اية بالضبط؟؟
تحياتى
لازم كل البنات يحبوا نفسهم و يدوروا ع النجاح في كل الأماكن و يعيشوا حياتهم على انها حياتهم مش على أساس انها تتر لمسلسل لسه مابتداش
هيه دي
فعلا
البنات بتعيش حياتها دايما في مجتمعنا على انها تتر لمسلسل لسه ما ابتداش
و لما المسلسل بيبدأ حتى ما بتكونش هيه فيه و لا بتعيشه ، مش مسموحلها تكون جواه أكتر م الموسيقى التصويرية اللي" بتسند " المسلسل بس ، و كتير ما ينتبهوش لوجودها و لا لجمالها
كل ليلى لازم تراجع حياتها فعلا عشان ما تكونش تتر لمسلسل ياعالم ان كان هايبتدي أصلا و لا لأ
لازم هيه نفسها تكون بطلة في حياتها
هضيف حاجة بسيطة, آخر فرح حضرته كان من أسبوع و أنا بسلم على أحدى المدعوات مسكت أيدى و ضغطت عليها أوى و قلتلى أنشاء الله التجمع الجاى عندك طب دى أقول لها أه طب و افرض أنا ربنا لم يقدر لى أكون أنا عروسة التجمع الجاى و الله الواحد بيسمع كلام على كلام, ربنا يصبرنا على اللى احنا فيه
طبعا انت مش صفر على الشمال انت ميت صفرعلى اليمين لكن مين يفهم الحكاية مش كلام الحكاية نعمل ايه عشان تبقي فعلا ميت صفر على اليمين الشعب بتاعنا مش حتيغير لازم يبقى في صدمة عشان يفوووووووووووووووووووووووق
مش مهم تتجوزي ومش مهم متتجوزيش، مش مهم تحققي حلم ومش مهم متحققيش...المهم هو أنتِ...لأنك أنتِ الجميلة...أنتِ المهمة...طول عمر ما الجواز كان أهم من الأنسان...ولا الحلم أهم من الكيان...تذكري أنك أنتِ الجميلة.
يسلم بقك وايدكى ويحميكى يارب
عمر العقلية دى ماحتبقى صفر على الشمال..
القتاة فى بلادنا العربية لا تصلح الا كزوجة
موروث حافظنا عليه طوال قرون ماضية
الزواج يقدره المولى كما يشاء وكله بامره .. لكنهم لا يفقهون
لعبة العروسة والعريس دى فطرة خلقها ربنا فى البنت من اول يوم .. برغم ان مش كل البنات بتقدر توصل للمرحلة دى بسهولة
عرضتى الموضوع بدم خفيف كعادتك
لكن البوست ده بيعارض عنوان مدونتك يا بنت
ممتاز بجد ممتاز
اناماما قالتلى مش هتتخطبي الا بعد الكليه
وخالى قال لبنته كده بس هى حبت تتخطب فوافق
وناس كتير بجد عندهم عقل فى تربيه بناتهم
انا بصراحه مش بعانى من المشكله دى على الاقل دلوقتى ...
لما تتجوزى وتخلفى عاملى ولادك كده واى حد ومش هتبقى المشكله دى موجوده
اما عن الناس فيحطوا لسانهم فى بؤهم وما حدش ليه دعوة بحد انا مش عارفه ايه كتم الحريات ده
ايه ياكلبوزة هانخبط في الحلل ليه قولي ام علي مثلاً بلاش تزعليني علي حالي والنبي خليني ساكتة
عروسة انتي هايلة
Well ... I didn't expect that the women's thoughts would reach to that extent ... good job anyways, I really appreciate your point of view.
بصي يا بنوته
انتي عندك حق في ان الكلام دا بيتقال
وبيسبب احاسيس سخيفه
وبيخلي البنت اللي بتسمع الكلام دا تحس بالنقص لانها مش زي غيرها من البنات اللي اتجوزوا .. دا علي اساس ان المفروض انهم صح
الصح هو اللي انتي عيزاه
اتجوزي بس لما تكوني مقتعه انك محتاجه تتجوزي
واتجوزي لما تكوني مقتنعه تماما ان البني ادم دا مش هيتحول لحنفي علي راي اوسه
غير كده متسمعيش رغي حد
وخلي افكارك طالعه من دماغك ومن قناعاتك
بحييكوا كلكوا بجد
يعيشوا حياتهم على انها حياتهم مش على أساس انها تتر لمسلسل لسه مابتداش
الله
الجملة دي حلوة جدا و في الجون
تحيات كتير
لو مش عايزة تبقي صفر على الشمال مش هاتبقي صفر على الشمال المهم إرادتك والمهم انك تكون ثائرة على الوضع الحالي بدون تطرف بمعنى إنك ماتخديش آخر الشمال لأن المجتمع في آخر اليمين مثلاً. يعني البنات اللي اليومين دول لابسين المحزق والملذق وبيدخنوا سجاير وشيشة واللذي منه وعاملين انهم ثائرات على المجتمع الشرقي المتخلف متطرفين ومش باقول ان المجتمع صح في كل شئ لأ المجتمع في حاجات كتير غلط وعشان كدة لازم نصلح مش نثور من أجل الثورة وناخد الاتجاه المعاكس لمجرد إنه معاكس.
فشر عمر اي ليلى ما هتبقى صفر على الشمال
احنا عدد صحيح و كامل مش محتاجين اي حاجه تكملنا
لو الناس تبطل تكون حشرية و تسيب الواحد فى حالة مش دايما تقطيم علشان الواحد متجوزش و يفضلوا يسألوا ليه و لا حتى يقوموا بدورهم فى توفيق الروس فى الحلال كان الموضوع وقعه أهون...لكن ليه ...دايما يسألوا ليه...حاجة تحرق الدم...و لا حتى مساعدة ...لا و يحسسوكى انك هم على قلبهم عايزينه ينزاح بأنهم يطمنوا عليكى ، بالرغم من إنك مش محتاجة حدا بتاتا...حسبى الله و نعم الوكيل
يا خسارة
انتي عارفه فكرتيني بمامي بتقول لي دايماً انا واختي انا عارفه انكم قاعدين لي وعلى فكر ناو محدش بقى يشوف العنوسه زي زمان صدقيني وموضوع العنوسه دا بموت مره مدرس بيحكي لي ان كان معاهم مدرسه مش متجوزه اول مادخلت في التلاتين بدات في اكتئاب ولقوها ميته في سريرها بس اانا بالنسبه لي مش فارق بس بحس اني عايزه اتسند على حد
شردتوا للرجالة ربنا ينتقم منكم هو فيه ايه ؟ طيب واد ابن صرمة وشفتوه بالغلط يبقى كل الرجالة كده انبي دا احنا غلااابة ومالناش فالطيب واتحدى اللي تقولي ان الراجل اقوى من المرأة دا انتوا سوسه كلكم وتولعوا في اتخن شنب وسيبكم بقى من الحبتين بتوع زليخة دول وما تعملوش العملة وتجروا وتشتكوا وكمان تقترحوا العقاب اللي يقع علينا ومش هاقو لكم اكتر من اللي ربنا قاله انكم اشد من الشيطان نفسه وما قالهاش على الراجل فبلاش سهوكة بقى ربنا سبحانه وتعالى قال (إن كيد الشيطان ضعيف ) وقال (ان كيدهن عظيم ) هاتغالطوا في دول بردوا روحوا منكم لله يا كل ليلى .......
هي دي فعلا مشكلة مجتمعنا .. البنت ناقصة طالما لسة متجوزتش ..
المجتمع بيمارس ضغوط محمومة على البنت لحد ما تتجوز وبيأثروا على اختيارها ولما تتجوز يمارسوا عليها نفس الضغوط من اجل الانجاب ...
وفي النهاية ليلى متقدرش تعيش حياتها .. بتعيش حياة ناس تانية خالص ,,
لانها في نظر المجتمع كائن غير كامل .. الاهلية والعقل
انا مع كل ليلى و عارف انكم قصدكم على المجتمع عموما و مبتعيبوش فى الراجل مش معقولة كل الرجالة بقت كده
المجتمع اللى غلط ان لسه فى ناس بتفكر ان الجواز ليه سن وان البنت ملهاش غير الجواز
انتى طبعا ليكى حياتك ومستقبلك ونجاحك و جوازك الصالح هو اللى هيخلى نجاح حياتك اكبر وهى نصيب
تحياتى
قولتلك قبل كدا الولد ضحيه زى البنت لكن مشكلة البنت كلام الناس الجاهله..اللى تشكل نسبه كبيره من مجتمعنا...مهما كان لسه فيه ناس بتقدر البنت ومش بتبصلها على انها ماكينة تفريخ..لسه فيه ناس كتير اوى اوى بتبص للبنت على انها ملكه فى انتظار التتويج..بلاش كلام ست ابوها ده تانى
25eeran 7ad bytklm sa7 ...elmwdoo3 da 2aktar mwdoo3 3agabny fe 7warat layla
enty fe3lan 2olty 7aga m7desh ye2dar ye3`alatek feha 5ales ....
nice post ..wtygg
ياستي براحتك,,,و لو مش عايزه تتجوزي, محدش هيغصبك تتجوزي. الناس لما بتقوليك ياعيني مش بتقولها علشان انتي متجوزتيش و ده يعني انك لسه محققتيش نفسك, لاكن بتقولها تعاطف علشان انتي فايتك كتير قوي من الدنيا اللي لسه مدخلتيهاش. و صعبان عليهم انك لغاية دلؤتي مستمتعتيش بنعمة الجواز.
بس لو مش عايزه تتجوزي, ياستي انشالله متجوزتي, دي حريه شخصيه و كل بنت حره في نفسها. بس يبقي بجد اختيارك انك مش عايزه تتجوزي و مش مجرد انك لسه متقدملكيش عريس مناسب. و لما تلاقي راجل ابن حلال و تفكري في الارتباط ابقي بقه روحي اخطبيه من أمه.
الرقيقة
بوست جميل وبالفعل ده اللى حاصل مع اغلبنا
الحياة لن تتوقف اذا ليلى لم تتزوج ولا اعتراض على قضاء الله
بنكمل دراستنا لدرجات اعلى وبنتحرك فى شغلنا درجة للامام
الحياة مش هتقف علشان ادم لم يطرق الباب
ولكن يجب ان يتوقف العقاب المستمر والتأنيب وكأن ليلى هى المسئولة عن هذا مللت كلمة عقبالك وكلمة هما عميو وكلمات كتيرة لا ارى لها اى معنى
المجتمع يحتاج الى اعادة نظر لان الظروف اصبحت مختلفة تماما
تغيير وجه نظر المجتمع سيتطلب وقت طويل و بالبطبع نتوقع ذلك لكن مبدئيا لنضع اقدامنا على طريق التغيير اولا
وهذا ما نحاوله الان
تحياتى يا جميلة
سلمت يداكي
حقا لن نصبح مجرد أخريات .. مستنسخات من رحم مجتمع يسير بتقاليد و مرجعيات ثقافية لا ترضي بشرا
تحياتي اليك
انا ماكنتش عاوز اعلق لانك مابترديش علي اللي علقوا
بس يا ريت تردي عليا...وبعدين مش علشان مونجي رفضك وقال انا عاوز واحدة اتجوزها مش العب معاها بلاي ستيشن...يبقي مانعرفش بعض...ابقي طلي يعني.
اللي عاوز اقوله عالموضوع انك متناقضة جدااااااااااااااا
البلوج اسمه عاوزة اتجوز...ومكاتبتيش فيه حاجة غير الجواز وسنينه.....وبعدين تقولي لازم البنت ماتبقاش كل اولوياتها الجواز...طب ازاي فهميني
معلش اصلي عايش في دور فرويدD:
batabeet
صح و الله نسيت الموضوع ده كمان
----------
taty
قولي كمان ..خليهم يعرفوا
--------
maksofa
شكرا يا جميل .زبس انت مكسوفه من ايه؟
--------
mongey
ايه الوعي ده ..هتخليني أغير رأي
---------
me
سكرا يا مي..منورة
----------
aoossa
يا حبيبتشي يا عسل..أممموة
----------
kazabaza
ايوه الجواز كويس ..بس لو محصلش الحياة المفروض ماتقفش
-----------
الغريب
يا سيدي ع الرومانسية
----------
كلبوزة
أم أحمد و قبلها حرم فلان الفلاني
-----------
lamia mahmoud
ربنا يغفر لكل الأمهات ..غلابة برضه
------------
bent masrya
تعالي يا حبيبتشي عيطي عندي كل أما يضايقوكي ..هو احنا لينا غير بعض؟
-------------
epitaph
يا ريت يا حبيبتي ..بس الناس مابترحمش
-----------
شهروزة
منهم لله ربنا يورينا يوم في الي يحط على جروحنا ملح
------------
sha3'af
صح حتى لما المسلسل يبتدي ..بتبقى كومبارس
------------
safa
أنا اللي بتقوللي كده بامسك فيها ..و ماباسيبهاش..يا أما تجيبلي عريس ..يا إما تسيبني في حالي
------------
أحمد المصري
الشعب عايز صدمه ...كهربائية
-----------
the eyewitness
بس مين يغرف و مين يفهم
-----------
بعدك على بالي
الله يخليكي ..وشي احمر
---------
violena
لحد المجتمع ما يتغير ..و عشان كلام الناس ووجع الدماغ ..و لأنها الوسيلة الوحيده اللي تديني فرصه أجيب عيال ...عايزة أتجوز
-----------
che husam
شكرا بجد شكرا
sara
شكلك لسه صغنتوته ..مش هتحسي بالموضوع ده غير بعد شوية
----------
yasser
يا دي النيلة ..يعني برضه مشكلتكوا احنا اللي هنحلها ..امال انتوا بتعملوا ايه
---------------
sahar
يا ستي ربنا يخليلك أحمد ..حد طايل؟
--------------
cvirus
عشان كده بنتكلم ..عشان تعرفوا في في دماغنا ايه
---------------
tona
ما هي أفكاري اللي طالعه من دماغي دي هي اللي جايباني ورا
-------------
arabesque
الله يخليكي ..طلعت من جوه و الله
-----------
ahmed
مش بادينا ..المجتمع هو اللي بيسمينا على كيفة..بايرة..عانس=صفر ع الشمال
-------------
bosbos
بس المجتمع يسيبنا في حالنا
--------------
egyptian translator
ما هو لو كل حد يخليه في حاله..ماكانش يبقى فيه مشكلة في الدنيا
----------------
admelmasry
طيب
--------------
batresya
طب و النبي يا حبيبتي ادعيلي انت و ماما ...مش عايزة دي تبقى نهايتي
-------------
المزاجنجي
مين عذبك ..بتخلصوا منييي
---------------
bluestone
و ما قدامناش للأسف غير الخضوع ..إلى أن يتغير المجتمع كله
--------------------
محمد ياسر
يا سلام ع العقل..ربنا يكملك بعقلك ..و عقبال الباقيين
--------------
مداح القمر
هو انا حصلت ست أبوها يا عم ..على الأقل هي مابيسبوهاش قاعده و بعدين يعقبوها على كده
-----------------
كلمه
شكرا يا باشا..أخجلتم تواضعنا
---------------
backbone
يا عم انا قلت مش عايزة أتجوز ....انت هتوقف سوقي ليه؟
--------------
tota
عقبالك و هم عميو ..و يا عيييني ..كلمات نفسي تختفي من القاموس
--------------
بنت سعد
بس لسه بدري أوي ..الحل الوحيد ان كلواحده تعلم ولادها
-------------
mizo
شكرا ..و شكر أكبر للرد على باكبون
-------------
3rby
طلع اشاعات بأه ..مونجي مين اللي رفضني يابني ؟
وبعدين أنا ماقلتش ان البنت تبقى أولوياتها الجواز ...لكن ده مش معناه اننا مانتجوزش..على الأقل عشان نعرف نجيب عيال ..بس لو فرضا ..بعد الشر يعني..ماحصلش..مش لازم الحياه تقف ..و لازم نعمل حساب اللحظة دي و نستعدلها ..مش نسيبها تصدمنا و نلاقي نفسنا لوحدنا
ماشي يا عم فرويد؟
مارضتيش يعني...حللتك وجرحتك........عيطي....لما تعيطي هاترتاحي:D
اوعي تكوني زعلانة بجد.....انا عاوز اعرف اسمك ايه...مش معقولة كل ماجي اكلمك اقولك ياللي عاوزة تتجوزي انتي
لو جالك من ترضين دينه ... فاتوكلي علي الله مش لازم يكون شبه حسين فهمي و لا عنده فلوس بيل جيتس
فالبلد الطيب يخرج نباته طيبا بإذن ربه ، والذي خبث لا يخرجُ إلا نكدا
و ربنا يوفق و ىوفقكم جميعا
لو جيتي زرتيني وقريت بوست مكسوفه ليه حا تعرفي الاجابه علي سؤالك ياعسوله انت
انا مش صفر على الشمال
انا الاصل وبيه تيجى العيال
انا سيت البيت
انا سوسن انا سحر انا منال
ومهما الراجل قال
كلمتى هى اللى بتمشى ف الحال
اى خدمه من راجل قلبه على ام العيال
سلام
هع هع
انا راضي ذمتك
منين عايزه تتجوزي و منين تنضمي لـكلنا ليلي
كده افقدي الامل تماما في الموضوع ههههه
ياعروسة
كل سنة وانت طيبة بمناسة رمضان وان شاء الله السنة دية تكونى فى بيت عدلك
3rby
فشر اللي يعيطني يابني..أنا خلاص نحست
لما تعوز يكلمني ..قوللي يا عروسة..يمكن يبقى وشك حلو
--------------
ahmed
شكرا يا فندم ع النصايح
----------
maksofa
و النبي انت اللي شربات..بس البوست الأخراني بتاعك ده ..بيفقدني الأمل ...هي بقت كده؟
-------------
مفلس أفندي الرايق
يا لذيذ يا رايق
-----------------
littlemo
طيب
--------------
tantawy
بشر بأه في وشي..منك لله يا بعيد
-------------
gid-doجدو
وانت طيب يا جدو يا عسل ..من بقك لباب السما
و النبي انت اللي فيهم
You're sooo right!
An unmarried girl is a GIRL after all!
After being invited to my fiend's SECOND wedding I got used to the idea of being fine by myself :-)
بعد مالنسبة زادت و بقى عدد اللي لسه قاعدين بالملايين..لازم كل البنات يحبوا نفسهم و يدوروا ع النجاح في كل الأماكن و يعيشوا حياتهم على انها حياتهم مش على أساس انها تتر لمسلسل لسه مابتداش
your blog is lvoely and hilarious. ur talented .. keep up
ألمصيبة الكبرى
============مصيبة المرأة الكبرى فى العالم العربى والاسلامى هى نظرة الدين الاسلامى للمرأة
ماجاء فى القرآن من ان المرأة نصف رجل فى الميراث وفى الشهادة وتحليل ضربها ازا شاء زوجها ذلك بالاضافة الى احاديث نبوية كثيرة تؤكد ان وقود جهنم غالبيته من النساء وان المرأة تنقض وضوء الرجل وان المرأة التى تمتنع عن مضاجعة زوجها لأى سبب تلعنها الملائكة
ارجو من يعترض على كلامى هذا ان يكون موضوعيا وان يقارع الحجة بالحجة بادلة من القرآن والسنة النبوية
اذا استطعنا تشخيص المرض فلاشك سنصل الى العلاج ولكن يصاب الناس بالرعب عندما نناقش دور الدين السلبى فى مصائبنا الاجتماعية
من يقول ان الاسلام نصف المرأة فليعطنى الدليل اولا
الدين الذى لا يصمد امام المناقشة والنقد لا يصح ان ندعوه دينا
بص يا جميل يا سيد الكل
كفاية طلعكم في المظاهرات
كفاية مقاومتكم السلطات
والله إحساسى إنكم اللى حتحررونا من ذل الإستعباد اللى أحنا فيه
مستنينكم يا نصنا الحلو
مستنينكم وغصبن عننا فأنتم الأم وأنتم الزوجة وأنتم الأخت
مستنينكم تحكوا لنا حواديت الشاطر حسن
اللى ماما ما كنش عندها وقت تحكيها لنا
عشان كده طلعنا رجاله خيبانين وخوافين
مستنيين عدلنا لما تجيوا تجوزونا وتخطبونا
مريتى قولى لى يا مريتى حبيبتى ما جكتشى لدلوقتى
هههه .. لا جامدة جدا .. :)
هتقوليلي .. والله واحده زميلتي مامتها مطلعه عينيها عاوزاها تتجوز
حطي ميك اب ..
اعملي ابصر ايه
البسي بالشكل الفلاني
حاجة تفرس فعلا
الأراء المحملة بكم كبير من الأخطاء و المغالطات لا تشجع عادة على الرد .. على العموم سأحاول تفنيد بعض المغالطات
01 - لا يوجد مجتمع مثالى .. لا فى الشرق و لا فى الغرب .. المثالية غاية لن يصل اليها احد .. و تبقى غاية و حافز للتطوير
02 - المجتمع يهدى البنت عروسة .. بعدما لاحظ ان البنات دائما يخترن اللعب بالعروسة .. و ليس العكس
03 - المجتمع ينظر للبنت التى لم تتزوج بريبة - ربما - أو بتعاطف احيانا .. و لكنة ينظر للرجل الذى لم يتزوج بريبة اكثر
04 - الزواج ركن اساسى فى الحياهو الجتمع ينظر الى انه المآل النهائى للرجل و المرأة على حد سواء
05 - فى الأفراح عندما يقول الناس ( رجال و نساء ) عقبالك .. فهذا تعاطف و تمنيات طيبة و ليس احراج أو سخرية .. طيب ما هو المطلوب منهم ؟ شايفين عريس و عروسة اتزفوا لبعض .. يقوالوا ايه لمن لم يتزوجن سوى عقبالك .. و لو واحد اتوظف و جه واحد بدون وظيفة يهنيه حيقواه عقبالك .. و لو واحد اشترى سيارة و جه واحج يهنيه حيقولة عقبالك .. و حتى الرجل و المرأة الكبار عندما يهنئوا العريس أو العروسة يقولوهم عقبال أولادكم
يبقى نحاول ان ننظر للأمر بروح حيادية
06 - المرأة ليست صفر على الشمال .. لم يقل بهذا احد .. و لو رجعنا لأفلامنا التى مثلت من عشرين و ثلاثين و خمسين سنة كمان لم نجد المرأة ابدا تظهر كصفر على الشمال
تحياتى
البلوج بتاعك رائع يا برايد ومضحك جدا وربنا يوفئك ويرزقك بابن الحلال
ودلؤتى رد على الشخص الذى يهاجم الاسلام
هذا الرد عن الميراث فقط اما الباقية فاما ان تبحث عنها بنفسك-ان كنت حسن النيه وهذا لا يبدو من اسلوبك- او تنتظر انا اكتبها
الرد على الشبهة :
صحيح وحق أن آيات الميراث في القرآن الكريم قد جاء فيها قول الله سبحانه وتعالى :( للذكر مثل حظ الأنثيين ) (1)؛ لكن كثيرين من الذين يثيرون الشبهات حول أهـلية المرأة في الإسـلام ، متخـذين من التمايز في الميراث سبيلاً إلى ذلك لا يفقـهون أن توريث المـرأة على النصـف من الرجل ليس موقفًا عامًا ولا قاعدة مطّردة في توريث الإسلام لكل الذكور وكل الإناث. فالقرآن الكريم لم يقل : يوصيكم الله فى المواريث والوارثين للذكر مثل حظ الأنثيين . . إنما قال : ( يوصيكم الله في أولادكم للذكر مثل حظ الأنثيين ) . . أى أن هذا التمييز ليس قاعدة مطّردة فى كل حـالات الميراث ، وإنما هو فى حالات خاصة ، بل ومحدودة من بين حالات الميراث .
بل إن الفقه الحقيقى لفلسفة الإسلام فى الميراث تكشف عن أن التمايـز فى أنصبة الوارثين والوارثات لا يرجع إلى معيار الذكورة والأنوثة . . وإنما لهذه الفلسفة الإسلامية فى التوريث حِكَم إلهية ومقاصد ربانية قد خفيت عن الذين جعلوا التفاوت بين الذكور والإناث فى بعض مسائل الميراث وحالاته شبهة على كمال أهلية المرأة فى الإسلام . وذلك أن التفاوت بين أنصبة الوارثين والوارثات فى فلسـفة الميراث الإسلامى ـ إنما تحكمه ثلاثة معايير :-
أولها : درجة القرابة بين الوارث ذكرًا كان أو أنثى وبين المُوَرَّث المتوفَّى فكلما اقتربت الصلة . . زاد النصيب فى الميراث . . وكلما ابتعدت الصلة قل النصيب فى الميراث دونما اعتبار لجنس الوارثين . .
وثانيها : موقع الجيل الوارث من التتابع الزمنى للأجيال . . فالأجيال التى تستقبل الحياة ، وتستعد لتحمل أعبائها ، عادة يكون نصيبها فى الميراث أكبر من نصيب الأجيال التى تستدبر الحياة . وتتخفف من أعبائها ، بل وتصبح أعباؤها ـ عادة ـ مفروضة على غيرها ، وذلك بصرف النظر عن الذكورة والأنوثة للوارثين والوارثات . . فبنت المتوفى ترث أكثر من أمه ـ وكلتاهما أنثى ـ . . وترث البنت أكثر من الأب ! حتى لو كانت رضيعة لم تدرك شكل أبيها . . وحتى لو كان الأب هو مصدر الثروة التى للابن ، والتى تنفرد البنت بنصفها ! ـ . . وكذلك يرث الابن أكثر من الأب ـ وكلاهما من الذكور . .
وفى هذا المعيار من معايير فلسفة الميراث فى الإسلام حِكَم إلهية بالغة ومقاصد ربانية سامية تخفى على الكثيرين ! . .
وهى معايير لا علاقة لها بالذكورة والأنوثة على الإطلاق . .
وثالثها : العبء المالى الذى يوجب الشرع الإسلامى على الوارث تحمله والقيام به حيال الآخرين . . وهذا هو المعيار الوحيد الذى يثمر تفاوتاً بين الذكر والأنثى . . لكنه تفـاوت لا يفـضى إلى أى ظـلم للأنثى أو انتقاص من إنصافها . . بل ربما كان العكس هو الصحيح ! . .
ففى حالة ما إذا اتفق وتساوى الوارثون فى درجة القرابة . . واتفقوا وتساووا فى موقع الجيل الوارث من تتابع الأجيال - مثل أولاد المتوفَّى ، ذكوراً وإناثاً - يكون تفاوت العبء المالى هو السبب فى التفاوت فى أنصبة الميراث . . ولذلك ، لم يعمم القرآن الكريم هذا التفاوت بين الذكر والأنثى فى عموم الوارثين ، وإنما حصره فى هذه الحالة بالذات ، فقالت الآية القرآنية : ( يوصيكم الله فى أولادكم للذكر مثل حظ الأنثيين ) . . ولم تقل : يوصيكم الله فى عموم الوارثين . . والحكمة فى هذا التفاوت ، فى هذه الحالة بالذات ، هى أن الذكر هنا مكلف بإعالة أنثى ـ هى زوجه ـ مع أولادهما . . بينما الأنثـى الوارثة أخت الذكرـ إعالتها ، مع أولادها ، فريضة على الذكر المقترن بها . . فهى ـ مع هذا النقص فى ميراثها بالنسبة لأخيها ، الذى ورث ضعف ميراثها ، أكثر حظًّا وامتيازاً منه فى الميراث . . فميراثها ـ مع إعفائها من الإنفاق الواجب ـ هو ذمة مالية خالصة ومدخرة ، لجبر الاستضعاف الأنثوى ، ولتأمين حياتها ضد المخاطر والتقلبات . . وتلك حكمة إلهية قد تخفى على الكثيرين . .
وإذا كانت هذه الفلسفة الإسلامية فى تفاوت أنصبة الوارثين والوارثات وهى التى يغفل عنها طرفا الغلو ، الدينى واللادينى ، الذين يحسبون هذا التفاوت الجزئى شبهة تلحق بأهلية المرأة فى الإسلام فإن استقراء حالات ومسائل الميراث ـ كما جاءت فى علم الفرائض ( المواريث ) ـ يكشف عن حقيقة قد تذهل الكثيرين عن أفكارهم المسبقة والمغلوطة فى هذا الموضوع . . فهذا الاستقراء لحالات ومسائل الميراث ، يقول لنا :
1 ـ إن هناك أربع حالات فقط ترث فيها المرأة نصف الرجل .
2 ـ وهناك حالات أضعاف هذه الحالات الأربع ترث فيها المرأة مثل الرجل تماماً .
3 ـ وهناك حالات عشر أو تزيد ترث فيها المرأة أكثر من الرجل .
4 ـ وهناك حالات ترث فيها المرأة ولا يرث نظيرها من الرجال .
أى أن هناك أكثر من ثلاثين حالة تأخذ فيها المرأة مثل الرجل ، أو أكثر منه ، أو ترث هى ولا يرث نظيرها من الرجال ، فى مقابلة أربع حالات محددة ترث فيها المرأة نصف الرجل . .(2) "!!.
تلك هى ثمرات استقراء حالات ومسـائل الميراث فى عـلم الفرائض ( المواريث) ، التى حكمتها المعايير الإسلامية التى حددتها فلسفة الإسلام فى التوريث . . والتى لم تقف عند معيار الذكورة والأنوثة ، كما يحسب الكثيرون من الذين لا يعلمون ! . .
وبذلك نرى سقوط الشبهة الأولى من الشبهات الخمس المثارة حول أهلية المرأة ، كما قررها الإسلام .
(1) النساء : 11
(2) د . صلاح الدين سلطان " ميراث المرأة وقضية المساواة : ص 10 ، 46 ، طبعة الأزهر ، دار نهضة مصر سنة 1999 م - " سلسلة فى التنوير الإسلامى " .
جميع الحقوق محفوظة لدار الإفتاء المصرية © 2006
يعنى اللى اتجوزو عملو ايه بالجواز لقب عانس احسن من لقب مطلقه
صباح العوانس
hi
we ll never be a zero coz we are all .............................................................................................................................................................................................................................
بالصدفة دخلت علي كلنا ليلي وقد اعجبني جدا الطرح الجميل ربما لانه بالصدفة ايضا كتب من يومين اني عايز اتجوز وطبعا بما اني شاب(ابن هارون الرشيد وسي السيد ) ارد ان اكتب مواصفاتي في العروسة اللي هتجوزها وانا بختصار عايز بنت جامد يعني عيون خضراء وشعر اصفر وحاجات كتيرة رد عليا وعي وقالي ..... التكملة علي البلوج بتاعي تحت عنوان موت الذاكرة ارجوا قرائتها---- http://aiaam.blogspot.com/2007/02/blog-post_7216.html ----
السلام عليكم
ازيك يا بريد ... انتي تجننني .... انت ذكية جدااا و دا اكتر حاجة تعجبني في اي شخص ... دماغة ... و انت دماغك عالية يا غالية... لدرجة انك كسرتي الحاجزالي عندي من مجرد المشاركة في اي بلوج او منتدي ...بصراحة مفيش حاجة حمستني ...لكن انتي بالذات ملكيييييييييييش حل ...ربنايرزقك الزوج الصالح و الذرية الصالحة
علي فكرة انا مقتنعة جدا بوجهة نظرك جدا و بحاووووول احققها ... فكرة ان الواحد يحب نفسواو كل بنت تعرف ازي تشتغل علي نفسها و يكون لها فكر و اسلوب حياة خاص بيها سواء اتجوزت او لا ...للأسف نحن لم نتربي علي تقديرالذات كل البنات تربت علي انوا لو لم تتزوج لا يكون لها دور في الحياة و تدفن احسن ...هو طبعا الجواز مهم ...علي الأقل زي ما بتقولي الطريقة الوحيدة علشان نجيب عيال ...بس لازم نفهم ان حتي لو اتجوزتي لازم تتعلمي كيف تعطي نفسك لكي تشحنيها بما يساعدك علي ان تعطي من حولك و تسعدي نفسك لكي تعرفي كيف تستطعي ان تسعدي من حولك ...لأن فاقد الشيء لا يعطية ...و للأسف معظم الفتيات لا يوجد لديها شيء لتعطية...لأن دائما تهمل نفسها و دائما تعامل نفسها كأنها مجرد وسيلة او اداة للوصل للي الهدف الوحيد او الدورالوحيد لها في الحياة الجواز ...و لكن للأسف يجب ان تتذكر ان الجواز خد و هات و لكي تعطي يجب ان تعرفي اولا كيف تعطي نفسك و تقدريها لكي ...تعطي الأخرين ...و يقدرك الأخرين
Post momtaaz momtaaz momtaaz. I feel you although I am a man. classic man, old fashion man but I feel you. because what you said is logic and fair
خطوة مهمة وأتمنى كل البنات يبقوا ليلى ويتحرروا من العقد النفسية اللي بتتزرع فيهم من قبل ما يتولدوا بخصوص ما يقال عن دونيتها كبنت .....وعادات المجتمع المتخلفة االمريضة اللي مفيش كتير بينجو منها بسلام .....Go On
انا تعليقي ده متاخر ويمكن ميتقراش لكن انا بحس في كلامك بصدق ,احب أهنيكي انك حققتي اللي كنت بتتمنيه في البوست ده وانك أثبتي لغيرك إنك مش صفر عالشمال لانك أكيد قبل كده مكنتيش صفر لان الروح الحلوة اللي مكتوب بيها الكلام ده أكيد مش صفر انا بصراحة عرفت البلوج ده بالصدفة وقريت التامن ولما خلصت جبت الارشيف وابتديت من الاول ,غن شاء الله أكيد هجيب الكتاب وللاسف شغلي مواعيده صعبة مكنت بروح معرض الكتاب متاخر ويادوب يطفوا الانوار وانا داخل يمكن عشان كده مسمعتش عن الكتاب.
انا اسمى محمد حامد حسن
فنى صيانة حاسبات
اعمل لدى شركة بالغربية
من مواليد الغربية
الحالة الاجتماعية أعزب
الموقف من التجنيد
لم تحدد بعد
السن 24 سنه
اريد زوجة صالحة لاكنى عندى مشكلة فى السكن فلا بد ان توافق معى بالعيش فى اى حال وان تكون قنوعة لا يهم السن
وعلى الاستعداد التام للسفر
وللجادين
tazd_2006@yahoo.com
tazd2006@hotmail.com
موبايل رقم
0105501465
انا احب ارد على اللي ردت عليا وبتقول مفيش داعي لتكرار
تعليقي
عاوز ارد عليها بان الاخت غادة صاحبة المدونة المحترمة
للاسف بتحذف جميع الردود اللي بتجلها وبيكون فيها نقد ليها حتى لو الاسلوب محترم
مش عايزة اي نقد
وانا براي ان ده غلط انها تحذف تعليق لاي شخص وده من احترام الشخص لنفسه اولا
ثانيا : ليه متقبلش النقد هي يعني مش زينا بشر ولا هي ملاك
ولما ارسلت لها للاسف حذفت تعليقي نهائيا وبدون اي كلمة عذر حتى
وعشان كده كررت كل تعليق لي
عشان حتى لما تحذفه تحس بالتعب شوية وتقدر ان اللي كتب الكلام ده
بني ادم زيها وله راي
يا ريت بس تفهم هي وغيرها الكلام ده
بدل ما بيعملوا كده حتى بالجروب اللي على الفاس بوك
اي راي معارض يتم وقف عضويته مباشرة
وانا متأكد هي عرفت دلوقت انا ابقى مين بالظبط
وبامثل مين من شباب مصر العاملين بدول الخليج
وبارسل دعوة لشباب مصر تبرع ولو بجوازة
حد يتجوزها ويخلصنا منها واحنا متبرعيين بجميع تكاليف الجواز يا جماعة
بس يا رب محدش يطلع لنا تاني في المقدر
انا احب ارد على اللي ردت عليا وبتقول مفيش داعي لتكرار
تعليقي
عاوز ارد عليها بان الاخت غادة صاحبة المدونة المحترمة
للاسف بتحذف جميع الردود اللي بتجلها وبيكون فيها نقد ليها حتى لو الاسلوب محترم
مش عايزة اي نقد
وانا براي ان ده غلط انها تحذف تعليق لاي شخص وده من احترام الشخص لنفسه اولا
ثانيا : ليه متقبلش النقد هي يعني مش زينا بشر ولا هي ملاك
ولما ارسلت لها للاسف حذفت تعليقي نهائيا وبدون اي كلمة عذر حتى
وعشان كده كررت كل تعليق لي
عشان حتى لما تحذفه تحس بالتعب شوية وتقدر ان اللي كتب الكلام ده
بني ادم زيها وله راي
يا ريت بس تفهم هي وغيرها الكلام ده
بدل ما بيعملوا كده حتى بالجروب اللي على الفاس بوك
اي راي معارض يتم وقف عضويته مباشرة
وانا متأكد هي عرفت دلوقت انا ابقى مين بالظبط
وبامثل مين من شباب مصر العاملين بدول الخليج
وبارسل دعوة لشباب مصر تبرع ولو بجوازة
حد يتجوزها ويخلصنا منها واحنا متبرعيين بجميع تكاليف الجواز يا جماعة
بس يا رب محدش يطلع لنا تاني في المقدر
انا حبه اسيب كل حاجه واعلق علي الاستاذ الي بقول ان الدين هو سبب السلبيات الي احنا فيها الحقيقه ان بعدنا عن الدين وتفكرنا بالطريقه ده هو الي عمل فينا كده اهو ان انت بتاخد من الدين الكلام الي بيايد وجهه نظرك وتسيب بقيه الشرح والاسباب الي نزل عشانها الكلام ده فده مشكلتك انت عملت زي الي وقف عند لا تقربوا الصلاه وتناسي يكمل الايه الكريمه لاغراض في نفسه الي بيفهم الدين غلط ده مشكلته اقروا الرسول كان بيعامل زوجاته ازاي وانت تعرفوا ان الدين ملوش دعوه بامراضنا النفسيه وان العيب فينا احنا ولو بجد رجعنا للدين مكنش ده حيبقي حالناواسفه يا برايد للاطاله بس كان لازم الرد
كله ولا الجمله بتاعت البنت اخرها لبيتها وجوزها ...
انا كنت بناقش دكتور بقله نيوتن غلط بنظريه .. لقيته بيقلي متدقيش اخرك لبيتك وجوزك!!!!
مترديش على حد لو اتجوزتي
يبقى خير وبركة متجوزتيش؟ مالها ماري كوري يعني هي احسن منك بحاجة؟
انتي تقدري تكوني كيان مستقل وناجح غصب عن الكل ...
ولو اتجوزتي حد مش كويس ونزل فيك ضرب هيقولولك اهو ضل راجل ولا ضل حيطة وادي دقني لو حد فادك ساعتها ..
مدونة رائعه استمري
ILOOVEIT!
Post a Comment