Saturday, August 19, 2006

إستفتاحة


هاي يا اللي بتقروا

شوفوا بقه ..البلوج ده أنا عاملاه عشان أفضفض فيه بدل ما أكلم نفسي ..لأني من ساعة ما اتخرجت و بدأ يجيلي عرسان ..و بما إني ماليش أصحاب كتير أتكلم معاهم ..لقيت نفسي ساعات كتيره باتكلم مع نفسي ..أتناااقش و أتخااانق في الأول جوه أودتي و بعدين لقيت العملية وسعت مني و بدأت أكلم نفسي في المواصلات كمان ..فقلت بدل ما العملية تستفحل معايا و يدخلوني السراية و يلبسوني القميص أعملي بلوج أتكلم فيه مع نفسي و معاكم ..على الأقل ما فيش حد هييجي يشحنني ع الخانكة

تمام؟..فهمتوا ..يعني أنا مش عاملاه عشان أشتكي لحد حالي ..لأن الشكوى لغير الله مذلة ..و مهما أشتكيت لطوب الأرض ..فالمستقبل بيد الله و اللي عايزة ربنا هايكون..و أنا ما أقدرش أشتكي لأن ده فيه شبهة إعتراض على إرادة الله ..ربنا يحفظنا

الموضوع ان انا ماليش حد أحكيله فهاحكيلكوا و اطلع الكلام اللي جوايا

100 comments:

أُكتب بالرصاص said...

والله بداية جيدة ،
واسلوب خفيف

استفاحة عسل

خلينا نشوف المادة الاول ، وبعدين نبقى ندهن الارضية

:)

الأميره أوسه said...

صباحك بتفور
مبروك
لو لقيتى عريس أعملى حسابى
بس يكون أشقر وعنيه زرقا شبه أسماعيل ياسين كده ولو مافيش هاتيلى سيجارتين فرت وتعالى شرفينى فى المدونه بتاعتى
هاتتبسطى منها للترعه على طول
ونرغى بقا
العواف

Dr. Tantawy said...

صعب اوي الواحد يقرأ اسم مدونتك من غير ما يدخل يشوف فيها ايه هههههه
بانتظار كتاباتك علشان نعلق عليها
بس بجد الصراحه فعلا راحه و مفيش حد بيحاول يكون صريح مع نفسه اوي .. و كله شايف الموضوع عيب و يكسف انما انتي بجد جايبه من الآخر و بتجبري الناس تحترم كلامك
بالتوفييييق

ممكن لو ملقتيش عريس .. تنضمي معانا لقافله ( بدون زواج ) الشبابيه

soosa el-mafroosa said...

حلوة الفكرة ..و بتيجي على وجع ناس كتير
البشاير حلوة ..في انتظار الباقي

Gid-Do - جدو said...

مش عارف اندهك باية ؟ اختارى اسم
وبعدين سيبك منهم دا مفيش غيرى
ايمة ومركز ووظيفة ميرى

مبروك البلوج

wanna b a bride said...

أكتب بالرصاص

أول واحد يخطي البلوج ..يا رب بس تكون دخلت باليمين و يكون قدم خير

الغريب

شكرا انك جيت ..بس ايه حكاية السقف بيبص عليك دي؟..انت هتخليني ماعرفش أنام و أفضل مبحلقة للسقف طول الليل..هو انا ناقصة ..دانا كده هالبس القميص بدري قوي

بس انت كلامك جميل قوي واضح انك حساس..ومش هندم لما أتجوز ..مش هافتح بقي بس انتوا شدوا حيلكم و شوفولي عريس

aoossaa

صباحك غريبة بالسمنة البلدي

والنبي ياختي فيه أزمة في السوق بس موديل اسماعيل ياسين ده انا سامعه ان الصين ضربته و هتنزله السوق قريب ..هابقى أخليهم يعملوا حسابك في واحد

zangoolaaa

الصراحة راحة صحيح ..على رأي مروة ..و بعدين هنتكسف من ايه ؟..ماهو الزمان ده خلاص الكسوف بقى غالي علينا من ساعة البنزين ما غلي ..و بعدين انا مكسوفه في الواقع خليني أفضفض ع النت

ما تفولش عليا الله يخليك ..هلاقي عريس انشاء الله ..هي البلد ماعدش فيها رجالة و الا ايه؟

soosa el-mafroosa

و الله دانا اللي مفروسة ع الآخر بس هنقول ايه بقه

الجديد جاي في السكة انشاء الله

gid-do-جدو

ناديني قوللي يا عروسة..ربنا يفتحها في وشك

بجد والله انت عندك وظيفة ميري..شكلك كده يا جدو كونت نفسك و عايز تستقر ..صح؟

الله يبارك فيك ..منور بيكوا يارب على طول

الأميره أوسه said...

عروسه
شكلك فقريه وحنبقا صحاب
متعرفيش طريقة عمل المكرونه البشمل
عندى ضيوف بكره
الظاهر هاتفرج عليا
بتقوللى للغريب أنه حساس وكلامه حلو
أمال لو شفتيه فى الحقيقه بقا
محنا جيران كل مايطلع البلكونه أنادى عليه لما زهقته وبطل يطلع البلكونه
مش عارفه أيه المشكله لما أنادى عليه
هو عيب
ولاحرام
فهمينى يأوختشى

Lasto-adri *Blue* said...

ياعينى يا بنتى
بس عايزة تتجوزى ليه اساسا

بصى.. ليكى عليا لو جالى عريس ابعتهولك

الشر برة وبعيد عليا.. مش عايزة حد منهم

ياحفيييييظ

Anonymous said...

لأ أحنا مش مع الشكوى من الزمن والكلام الفارغ بتاع الاغانى دى بس الفضفضه كويسه عشان أن ميحصلش حاله من الكبت فى العاطفه .
أحلى حاجه أقولهالك: أحكيلى وفضفضيلى مالك زعالانه ليه؟؟

farida said...

ايه الشربات ده
اسم المدونه وحده كفايه الواحد يشوف انتي عاوره تقولي ايه

في انتظارك يا جميل

كلبوزة لكن سمباتيك said...

عروسة
لولولولولولولوي
يجعلها عتبة السعد عليكي يا شابة
بس عايزة اقولك متحسبوش يا بنات ان الجواز راحة
انتي كده ملكة يا اختشي
بكرة الواد يقول وااااء و الراجل يقول ماااااء و انت تصوتي
و البلوجرية يتلموا
و ليه كل ده
فلتحيا العزوبية

في انتظار تفاصيل اول عريس

Gid-Do - جدو said...

عروسة
انا كومت اقصد كونت نفسى من زمان وعاوز بنت الحلال اللى تاخد بلها من طقم سنانى وتزيت الكرسى ابو عجل قبل متنام واتفسح انا وهيا فى المستشفيات والعيادات المتخصصة واوعدك انك حتلبسى اجدع قميص قبل شهر العسل مايخلص ـ منتظر موافقتك على نار يارووووووووووحى هاتى بوسة ـ بصراحة عملتى جو من اول مدونة ولميتى احلى مجموعة من المدونين فى خبطة واحدة استمرى راح تسعدينا وارجو ان احنا نسعدك وربنا يقدم للجميع الخير ويتجوزوا كل البنات والولاد امين

أُكتب بالرصاص said...

كلبوووزة

طبعا انت جاية تهدي النفوس

انصحيها ياختي قبل الفاس ما تقع في راس ،
وساعتها ماينفعش يا ريت اللي جرى ما كان ولا حصل

اسليها هي ..مدوباهم اتنين


وبعدين يا عروسة
انا دخلت المدونة برجليا الاتنين في نفس الوقت ،
نط يعني


عايز اقول لك
المدونة دي هيبقى لها شأن ،

وشان كبير

..علشان الاسم فقط

وبكرة تقولي عمو رصاص قال لي



كلبوزة
يعني ياختى ضربت طناش على التلفزيون بعد ماتصلح
ماتخلنيش اسيح لك في بلوجات الاغراب

lastknight said...

مبروك المدونه .. و الله دمك شربات فعلا .. و أنشاء الله نفرح لك قريب .. و للأسف العريس اللى عندى صغير شويه .. عنده 12 سنه .. لو كان أكبر من كده كنت بعتهولك .. هو برضه دمه شربات و كنتوا هاتتفقوا مع بعض تماما

wanna b a bride said...

aoossa

و النبي ياختشي أنا قلبي حبك لله ف لله..و بتفاقل بيكي كده أما أشوفك ع الصبح

مكرونة بالبشامل ايه يا أوختشي ؟..إشتري دماغك..لو ماكلوش باشامل يعني هيموتوا؟ و بعدين ربنا يخلي سي فاين فودز و يعلى مراكبه عمل كل حاجه في اكياس ..ما فاضلش إلا المحشي

و النبي صحيح الغريب جارك ..بس ما قولتيليش هو مرتبط؟..شكله مرتبط مادام ما بيردش عليكي ..حد يشوفك بتنادي و مايردش؟ ..ياختي الرجاله جرالها ايه؟

lasto-adri *blue*

اتدلعي يا أختي اتدلعي ..انتي لسه صغنتوته ..لما تعدي كده ال 25 و ماتلاقيش حد تشيلي اسمه و يشيلك العيال ..هتقولي حقي برقابتي و تيجي تشتركي معايا في البلوج ده ..بس انا مش هارضى أصلي هابقى اتجوزت انشاء الله
وعموما اللي عايزة تبعتيه ابعتيه ..أنا ماعنديش مانع ..يعدلك في عينك و عافيتك يا حبيبتي

wa3d el 3oyoon

ماش يا عم الرايق..دانا هافضفضلك للصبح ..بس انت خليك معايا ع الخط

قعدت أدور على أغنية أرد عليك بيها مالقتش ..مشيها ..العنب العنب العنب

wanna b a bride said...

farida

الله يخليكي انتي اللي شكلك عسل ..جاية في السكة ماتقلقوش

كلبوزة لكن سمباتيك

والنبي يا ختي الراجل يقول ماء يقول هوهو مش مهم ..بس برستيجي يعني قدام الناس اني ورايا راجل ساحباه..قصدي يعني واقفة وراة يوة

آه ايه موضوع التلفزيون بتاع عمو رصاص ده ..إلحقي لحسن بيسيحلك

gid-do-جدو

انت بتخزي العين والا ايه يا جدو؟
دانتا باين عليك شباب اهه و ملو هدومك ...بس واضح كده ان تيتة أمريكانية ..خد بالك الأمريكان زعلهم وحش

wanna b a bride said...

أكتب بالرصاص

فاس تقع في الراس و الا شنيور حتى..ماليش دعوة أنا عايزة اتجوز

life

ماهو انا عايزة اتجوز كمان عشان أبقى أبعزق مرتبه ع الحاجات اللي انت بتقوليها دي ..و انا بادعي و الله على طول..ادعيلي انت كمان

lastknight

متأكد 12 سنه ..طب دعبس كده يمكن تلاقي واحد ناتي كده و الا كده ..و عموما لو في خلال 4 سنين ماتجوزتش هاعمل حساب الأخ اللي عندك ده و هو يكون كمل السن القانونية

إبراهيم

إشمعنى يعني في 3 أيام ..و بعدين انت جايب عريس لواحده محروقه و الا ايه؟

gwad said...

نورتى عالم الفضفضة

واتمنى ان تكسبى صداقة الاخرين

لان الصداقة حلوة

واتمنى لكى الاستمرار
جواد

هراءات منطقية said...

استفتاحك لبن بإذن الله

انا باصبح بس:)

wanna b a bride said...

epitaph

gwad

إياكش تولع

استفتاحكوا لبن حليب و انشاء الله نبقى أصحاب و نقعد نفضفض و نصوت سوا انشاء الله

Adel said...

انا ولا مسطول ولا بتطوح انا جاي ابارك ومروح تفتكري انت مين علق عندك هنا انت اللي عندك دول كريم شانتية وزبدة البلوجرية اللي في جمهورية مصر العالمية وبعدين ما تقومي تضربيلنا اي اتنين حاجة في الجو تعمل لنا جو ولو عاوزة عريس انا عامل كومينت عندي اختشي كلابيظو روحي شوفيه يمكن العريس اللي فيه يعجبك وبالصلاة ع النبي البلوج ده بقى تبعنا واللي يحبنا يسمعنا احلا عشر طلقات في دماغ العروسة وانا لا عارف اعلق ولا اتكلم بعد ما الساده اللي سبقوني وقدموا واجب العزاء اللازم في العزوبية باعتبار انك خلاص هاتتجوزي اقعدي بالعافية باغلي شاي بلبن تاخدي كوباية ؟؟؟؟

wanna b a bride said...

المزاجنجي

هات شفطة

epitaph

لأ لسه ماتأهلتش ..هاكلمك

ibn_abdel_aziz said...

عمال بقرأ :)
متابع يا فندم
اكرمكم الله

Unknown said...

Did you know that the photo of the bride on your site was taken (without permission) from my COPYRIGHTED Web Site, The Advice Sisters Great Relationships Web Site http://www.advicesisters.net

This is stealing, even if you can right click your mouse and "save as."

I don't mind your linking to my site, or reading my wedding Q&A, or recommending the advice I offer to your friends, but please...DON'T TAKE MY PHOTOS for your own use. That little "C" in a circle plus the copyright notice on the bottom of every page of the Adivce Sisters Web Site means the material on it belongs to me.

ASK if you want something...as I would, if I walked into YOUR HOME and wanted something....

Thank you for your consideration.

wanna b a bride said...

hello alison

welcome to my blog

first of all i,m so sorry for the misunderstanding...actually i didn,t visit your blog or the site..all i did is typing the words bride & angry on google searching for photos>>i found this one & i used it ...i didn,t know it belonged to anybody

sorry again & since it belongs to you, can i please continue to use it ???

this blog by the way is talking about me ...a single 27 years old egyptian girl who is not yet married ...& believe me its a big problem around here...i'm telling stories about men who proposed to me by the traditional way....do you have any advice to me??

sorry once again, i hope you are not angry ...thank you for visiting....hope you come again

ibndafallah said...

ماتحسبيش ان الجواز راحة على راى الاغنية

Anonymous said...

انا عندي ليكي اقتراح كويس
كلي فاكهة كتير واتكلمي في السياسة

wanna b a bride said...

ahmedsobhy

ولو

---------

someone

ده على أساس ان عندي إمساك و عايزة أتحبس؟؟؟؟

Anonymous said...

نايس إستفتاحة :-)

I respect your openness veryyyy much

You're my idol! loool

أنا فاهمة الوضع كويس، إن ده مش للشكوى وإنما لمجرد التنفيس عن مافي النفس من خواطر,,,حلوة تنفيس دي خخخخ

Anonymous said...

بجد انتي زي العسل وبجد ربنا يوفقك بابن الحلال اللي يستاهلك بس صدقيني مش انتو بس كبنات اللي عايزين تتجوزو ما الشباب برضه عايزه تتجوز ولا من حقكم انتو بس اللي تشتكو انتي عارفه المشكله معايا مش فلوس والله زي ما بقولك بس في اللي بقت البنات فيه مافيش واحده ممكن الواحد يثق فيها معاكي --واحد مجنون

Anonymous said...

صباح الجنان الجامد ----------انتي عايزه تتجوزي وانا عايز اتجوز ليه لا بس منين

magic said...

I like the idea and ur style..keep it going girl
and by the way u should enjoy any state u r in even ur lonliness, who know what marriage can bring,right?

Anonymous said...

السلام عليكم ورحمة الله وبركاتة
معاكى اخوكى من أسوان كلامك اغلبة صح ولكن كما توجد القاعدة لها شواذها
الموضوع او يمكن نقول الازمة دى مش هنا بس فى كل حتة حتى الغرب اللى فية انفتاح اكتر من كلمة فاتحة على البحرى
المشكلة هية مش عدد ونسب وبس هية مشكلة انعدام ثقة وتسلط من الجانبين مش بس الشباب همة اللى بيقولوا عييزين نلليى كريم ولا نانسي عجرم ما كلنا فاقسينهم شوية بلاستك ولية عمر افتراضى كمان انتوا عاوزين اللى تقول واد روش ولا غنى ولا طول بعرض ما فاهيم الله يخرب بيوتهم (التلفزيون المصرى والفضائيات والصحافة ) همة اللى فرضوا هذة القيم فى الاختيار انا من الصعيد ولكن مشكلتى انى مش لاقى عروسة اثق فى تفكيرها بعد مجموعة القيم اللى قلتلك عليها وعارفة كل البنات الكويسة ما بتلحقش تعدى الثانوية حتى بدون خطوبة يعنى مشكلتك بس بالعكس بالنسبة ليا وما تقدرش تتعرف على واحدة وتعرف تفكيرها او ميولها لانة ببساطة حتى لو اتيحت الفرصة اكيد هيكون هناك كدب وتغطية منها بالردوا لانفس الموضوع عاوزة تتجوزبس ازاى من غير بناء اسس امال لية اغلب الزبجات فى القاهرة والمدن بتفشل خلال 5 سنين حتى ولو على حب لعدم وجود اساس من الصحة او الصدق لهذا الحب

أخيرا لاتفقدى شئ واحد هو الاهم منكل شئ الثقة بالله هو الواحد اللى بأيدوا المشكلة والحل بس هل انت عندك الصبر
هو دا الاختبار
اخوكى لايحب اليأس

Anonymous said...

انتى اخف دم قابلتة لحد دلوقتى

Anonymous said...

انا محتاج لدفء انثوي شريطة ان يكون موازى لى فى السخونه والحراره علما بأننى متزوج وارسلك لمدونتى لمعرفة المزيد عنى فى حالة الرغبة انا جاهز للقدوم اليك ياحسناء
الانترنت
http://kuw2002.blogspot.com/
تلك المدونة مشوار وقصة عمرى ومعاناتى الج ن س ي ة بسبب طاقتى الهائلة الظاهر وراثة الوالد تزوج بعد وفاة زوجته وعمره 85 سنة

Anonymous said...

zawaj2@yahoo.com
كويتى طالب فى جامعة القاهرة سنة اولى مستجد يطلب التعارف مع بنت جامعية جميلة ويفضل ان تشاركنى السكن مع الاكل والشرب والنقل للجامعة والجميع مجانا وبدون اى مقابل . كله يهون من اجل الدراسة
للتواصل البريدي
lusts2002@hotmail.com
http://iloveyou2000.blogspot.com
zawaj2@yahoo.com
http://q8topic.blogspot.com

Anonymous said...

ارغب بالزواج من فتاة جميلة جدا وبكر وصغيرة بالسن
لشاب كويتى خريج جامعة الكويت
للعلم عمرى 32 سنة
sout_Q8@yahoo.com

Anonymous said...

السلام عليكم ورحمة الله وبركاته

أختي الحبيبة " عايزة أتجوز " ,,

معاكي نسمه ,,

قابلتني مدونك الجميلة وأنا بدور على موضوع .. وكنت ناوية آخد فكرة بس .. لكن بصراحه من جمال الفضفضات .. وخفة دمها الخارجي .. مقدرتش غير إني أكملها للآخر .
وأنا بقول خفة دمها الخارجي لإني حسيت بعمق الألم الي خلف الكلمات .
وبجد أنا حسيت بإحساسك في موقف الشاب الي سرقك ده (منه لله وربنا يعوضك بأكتر من الي خده ويعوضك بفرحة قلبك بزوج صالح ) . بس أنا لو كنت معاكي كنت حدفته بأي حاجه .. وإزاي بس تديلة الفلوس يعدها .. خلي بالك المرة الي جاية .. وحصل خير المهم إن كل موقف يعدي علينا نتعلم منه حاجه .. وإوعي تزعلي لو عملتِ حاجه غلط لإن من حقك إنك تغلطي .. عشان تتعلمي ومش تقعي في نفس الغلط تاني بإذن الله يا قمر .

مش عايزة أطول عليكِ .. مع إني حاسة إني عايزة اكلمك كتير .. ممكن تعتبريني أختك في الله .. وأنا هحفظ عنوان مدونتك عندي عشان متروحش مني :)

.. وأوصيكي بالدعاء دائما وبقيام الليل ودعاء الله العلي العظيم أن يهبك الزوج الصالح الذي تقر به عينك ..

وأنا حابه أحط لكِ دعاء خاص بالزواج لو مكنش عندك مانع .

--------------------------------------------------------------------------------

اللهم يا مسخر القوي للضعيف ومسخر الشياطين والجن والريح لنبينا سليمان ومسخر الطير
والحديد لنبينا داود ومسخر النار لنبينا ابراهيم اللهم سخر لي زوجا يخافك يارب العالمين
بحولك وقوتك وعزتك وقدرتك انت القادرعلى ذلك وحدك لا شريك لك اللهم يا حنان يا منان
يا ذا الجلال والاكرام يا بديع السماوات والارض يا حي يا قيوم
اللهم انى اسألك بخوفى من ان اقع بالحرام وبحفظى لجوارحى واسألك يارب بصالح اعمالى
ان ترزقنى زوجا صالحا يعيننى فى امور دينى ودنياي فانك على كل شى قدير اللهم اغفر
ذنبى واحصن فرجى وطهر قلبى"


اللهم ارزقني بالزوج الذي هو خير لي وأنا خير له في ديننا ودنيانا ومعاشنا وعاقبة أمرنا عاجله وآجله


اللهم انى اعوذ بك من بوارى وتاخر زواجى وبطئه وقعودي واسالك ان ترزقنى خيراً
مما استحق من الزوج ومماآمل وان تقنعه وأهله بى وتقنعنى واهلى به"


اللهم زدني قرباً إليك..اللهم زدني قرباً إليك..اللهم زدني قرباً إليك..
اللهم اجعلني من الصابرين..اللهم اجعلني من الشاكرين..اللهم اجعلني في عيني صغيرا.. وفي أعين الناس كبيرا...


اللهم يادليل الحائرين ويارجاء القاصدين ياكاشف الهم ويافارج الغم اللهم زوجنا واغننا بحلالك عن حرامك
يالله ياكريم يارب العرش المجيد أرحمنا برحمتك ياأرحم الراحمين اللهم أني أسألك بأسمك العليم أنك عالم بحالي فبرحمتك يا رب يارب يارب زوجني برجل صالح يستر علي ويكون قرت عينن لي وأكون قرت عينن له

يا رب يا رب يا رب


ثم الدعاء بأسم الله الأعظم

((اللهم اني أسألك بأسمك الأعظم الذي إذا سالك به احد اجبتة واذا أستغاثك به احد اغثتة وأذا أستنصرك به احد أستنصرته ان زوجني يا رب يا رب يارب يا أرحم الراحمين يا أرحم الراحمين يا أرحم الراحمين يا ذا الجلال والإكرام يا ذا الجلال والإكرام يا ذا الجلال والإكرام اللهم اني اسالك بدعاء ذي النون يوم دعاك في ظلمات ثلاث ظلمة الليل وظلمة البحر وظلمة بطن الحوت فستجبت له وأنجيتة لا إله إلا أنت سبحانك أني كنت من الظالمين , لا إله إلا أنت سبحانك أني كنت من الظالمين , لا إله إلا أنت سبحانك أني كنت من الظالمين اللهم وارزقنا الزوج الذي يخافك ولا يعذبنا برحمتك ياارحم الراحمين))


"اللهم ارزقني بزوج صالح ..تقي ..هني ..عاشقا لله ورسوله .. ناجح في حياته .اكون
قرة عينه وقلبه ويكون قرة عيني وقلبي "



((( اللهم من قرات هذه الدعــاء بغرض الزواج فارزقها يارحمـــــــان يا رحيـــــــــــم )))



أيضا .. قولي : اللهم إني لما أنزلت إلي من خير فقير .


بس كده :)

وعلى فكره انا عندي 24 سنه ولسه مش مخطوبة .. إيه رأيك ندعي لبعض ؟؟ :)

Anonymous said...

انا اول مره ادخل هذه المدونة .
والصراحه اعحبنى موضوعها وفكرتها واسلوبها .

Anonymous said...

bgd ya bride anty 3sl we fe3lnn tr2tkk gmila gednn fel fdfda we el blogg 3gbany gedn we i sa 7atb3kk dymn we isa kman ttb3y el blogg bt3ty ely lsa b7dr fehaa we rbna m3akyy we lw l2etyy 3res mtb2esh t3mlyy 7sabyy :)

Anonymous said...

I loved you
said you loved me too
i said i would die without you
you said you would live with me even its the last day of my life
.....then you left me


all what remains is memories

now i am alone
all alone........

dont work
dont eat
just sit there..... looking at nothing
remember every word you said
i can never forget you
forgt your voice, your smile, your word or promises, nor your everything

i just wonder, do you remember
do i come up to your mind some times

are you some where feeling lonely
or there is some one loving you

all what left for me is ....hurt

i feel injured, i can never live or love again, no heart left for me, you had my heart with you .... and gone


i hope some day you would read and know this, Shrouk, then my message would be delivered to you and i would rest in peace at least, do i deserve this???

Anonymous said...

اية القرف دة

اخينا الكويتي اللي طالب بنت تعيش معاه والسكن والاكل والمصاريف والتوصيل علية

اية يا خويا انت فاكرها اية

فاكر نفسك داخل ماخور ولا عامل اعلان تطلب مومس

الكلام دة مش عندنا يا روح ماما

مانت لو الست والدتك كانت تعرف معني الشرف كانت علمتهولك



ياريت يا عروستنا الحلوة تحذبقى تعليقات العالم دي من هنا لو سمحتى

مدونتك لطيفة ودمها خفيف زيك ماتخليهاش مرتع للاشكال دي

تحياتي

Anonymous said...

هههههههههههههههه


يافاشل ياكويتي يا واطي

انتم ولاد كلب طلع لكم فلوس من الهواء وفاكرين انكم تقدروا تشتروا بيها بنات ونسوان وشهادات وتبقوا حاجة

مافيش فايدة عرب جرب طلع لهم البترول وهما قاعدين على الرمل يلعبوا بصوابع رجليهم

مانتم لو تعبتوا في الفلوس كنتم تعرفوا او لا سمح الله تفهموا ان الفلوس الوسخه بتاعتكم لا تشتري علم ولو اشترت شهادة

ولا تشتري حب ولو اشترت مومس

ولا تشتري شبع ولو اشترت اكل

ولا تشتري ستر ولو اشترت هدوم

على فكرة نسوانكم الكوايتة بييجوا هنا كل صيف علشان ي..... من الشباب المصري برضة علشان انتم مش مكفيينهم يا شواذ

صحيح قدامكم 50 سنة لما تحصلوا تبقوا بهايم


هههههههههههههههه

طبعا مش بتعرف

Anonymous said...

زيارتى الأولى للمدونه بتاعتك
وشكلك زيي فى حاجات كتيره
انا كمان ابتديت أكلم نفسي عشان كده عملت البلوجاااات بتاعتى

Anonymous said...

اولا احب اهنيكى على مدونتك الظريفة جدا

وانا اسمى مؤمن

ومش عايز اتجوز والله

لانى خاطب صيدلانية زيك

وطبعا اعوذ بالله من بنات الطب والمحاليل والمعامل والصيادلة

حب ما شاء الله معبأ فى كبسولات عشرة ملجم

ما علينا انا وصلنى النهاردة رسالتك من صديقة الرسالة الى اتسرقتى فيها من العريس ابو بدله

هههههههههههههههههه

واحب اقولك انى عملت فضيحة عبر الجروب بتاعى بالرسالة دى

جروبى اسمه كريزى كريزى

ووصلت رسالتك لعشرين الف عضو واتنين مليون ونص زائر على مستوى العالم

وياريت ياريت تنسقى معانا علشان نقدر نقدم رسايلك بانتظام فى الجروب

ميل استعلامات الجروب

egycrazy@yahoo.com

فى انتظارك

Anonymous said...

أنا أول مرة أترك تعليق على مدونات ولكننى أعجبت كثيرا جدا بمدونتك لأنها جريئة وأتفق معك تماما على أن هذا المجتمع ظالم وبه الكثير من التمييز للرجل ومع أننى رجل فلا يعجبنى هذا التمييز والمجتمعات المتقدمة ليس بها هذا التمييز على الإطلاق لأنه بالطبع ليس له أى سبب منطقى لأن الله خلق الرجل والمرأة ولم يمييز أى منهما.
أسلوبك جميل جدا وشيق وأتمنى لك كل التوفيق والسعادة

Anonymous said...

بصراحة انتي زي العسل الابيض وعلي فكرة انا كمان عايزاتجوز ومشحضحك عليكي واقولك مالقتش بنت الحلال لابنات الحلال كتير المشكله البرادس الفلوس انا محامي ببنك وعمري 39 سنه ودخلي الفين جنيه وكسر في الشهر بس النهارده المبلغ ده يكفي بالعافية عيش حاف الا اذا كان هناك بنت حلال تعرف تقصور البيت بيهم بس المشكله ان كل واحدة عملالي نفسها بنت وزير وتقول ومناخيرها في السما اوووه معقولة حتعرف تفتح البيت بيهم ده بنت عم خالي جايبه وجايبه وبتصرف المبلغ ده مصروف ايدها ...........طب بالذمة انا اعمل ايه يا ست الكل كلنا مظاليم بنات وولاد والايام الجاية طين سلام
وارجو ان احنا نغير كلنا نظرتنا للحياة ولبعض ونلم شملنا
وربنا يوفقك ويرفقني والاقي بنت طيبه بنت حلال في سني اواقل حاجه بسيطة عشان يبقي فيه توافق
سلام

Anonymous said...

بصراحة انتي زي العسل الابيض وعلي فكرة انا كمان عايزاتجوز ومشحضحك عليكي واقولك مالقتش بنت الحلال لابنات الحلال كتير المشكله البرادس الفلوس انا محامي ببنك وعمري 39 سنه ودخلي الفين جنيه وكسر في الشهر بس النهارده المبلغ ده يكفي بالعافية عيش حاف الا اذا كان هناك بنت حلال تعرف تقصور البيت بيهم بس المشكله ان كل واحدة عملالي نفسها بنت وزير وتقول ومناخيرها في السما اوووه معقولة حتعرف تفتح البيت بيهم ده بنت عم خالي جايبه وجايبه وبتصرف المبلغ ده مصروف ايدها ...........طب بالذمة انا اعمل ايه يا ست الكل كلنا مظاليم بنات وولاد والايام الجاية طين سلام
وارجو ان احنا نغير كلنا نظرتنا للحياة ولبعض ونلم شملنا
وربنا يوفقك ويرفقني والاقي بنت طيبه بنت حلال في سني اواقل حاجه بسيطة عشان يبقي فيه توافق
سلام

Anonymous said...

برايد .. انا قريت كل كلمة في البلوج بتاعك كتبتيها على فكرة انتي شبهي اوي بس الفارق ان انا مهندسة و انتي صيدلانية لازم تعرفي اني مبسوطة اني عرفتك و هاتابعك .. و هافضل على طول الخط وراكي يابرايد .. و يارب ربنا يرزقك كل الخير اللي في العالم و ابقي اديني من الخير حتة بليز :)
الف سلامة يا برايد

bent said...

جتكم نيله متستعجلين على ايه

يعنى هما الرجاله قالو لا


مهم اعدين ومش لاقين ياكلو هيتنيلو منين

Anonymous said...

صباح الخير ياللي معانا

الدواء فيه سم قاااااااااتل

لا بجد خدوا بالكم يا شباب من الموضوع ده

محتاجين فعلاً نغير ثقافة الشعب في موضوع الجواز

يعني مش لازم العريس يمضي على قايمة بسبعين ألف جنية عشان العريس ينفع

وكإن الواحد بيلاقي الفلوس دي في الشارع

يعني بجد نظام سوق التلات ده إهانة للجميييييع وخصوصاً البنت

والمصيبة إن عائلة البنت بتعتبر ده شيء يفتخروا بيه وبيخلوا كل البنات تقتنع بكده

وإذا العريس إعترض يبقى بخيل وجلدة


وعلى فكرة جوازات كتير بتتم بالشكل ده وطبعاً العريس بيبقى مش عايز يشوف وش حد من أهل مراته عشان رايه فيهم إنهم مادييييييييييين وبسسسسسسسس

وده أخطر حاجة في الموضوع كله

fatoom_7 said...

هاااااااااااااااي غاده أنا بجد فرحانه أني شوفتك في العاشره مساءا وبجد كنتي رائعه في الرد وانا لسه مشتركه جديده لما شوفتك ف البرنامج بجد أنا فرحانه ان النت ممكن يوصل إلي الشهره

Anonymous said...

السلام عليكم
ازيك يا غاده انا واحده من البنات اللي بتعاني زيك
انا من المنصوره وعايزه اشتري الكتاب اعمل ايه؟

Anonymous said...

هههههههههههههههههههه
على فكرة البوست وانت دمك خفيف
وانا شفتك مع منى الشاذلى وربنا يرزقك بابن الحلال

sinbad said...

مبروووك على الكتاب، وظهورك في برنامج العاشرة مساءاً
ممكن أطلب منك طلب؟
أكتبي عن انطبعاتك عن مقابلة الأعلامية منى الشاذلي

Anonymous said...

إنتى بجد زى العسل ومدونتك لذيذة مووووووووووووووت

أنا شوفتك فى برنامج العاشرة مساءآ وأعجبت بيكى أوييييييييييي فبحثت عن مدونتك عشان أعرفك عن قرب من خلال كتاباتك

ربنا يوفقك يا دودى ويرزقك بكل مافيه الخير لك دائمآ يا قمر

أختك دودو

نهال حسن said...

جميلة اوي مدونتك دي يا غادة وعلي فكرة انا كمان عندي 24 ومش مخطوبة و بصراحة مش مستعجلة مش هتجوز الا بواحد اكون مقتنعة به تماما حتي ولو وصلت لسن الخمسين لازم يكون واحد طيب وابن حلال يدي جوازة العمر يعني هي الواحدة هتتجوز كل يوم ومبروك عل يالمودونة الجميلة واتمني منك زيارة مدونتي " لغة حوار " وتقولي لي رأيك بصراحة اصل المقربربين مني يقولوا اني موهبة ادبيا ولكني اريد معرفة رايك في قصصي الموجودة علي المدونة وباي بقي

Anonymous said...

اريد زوجةثانية شابةلا تذبد عن 30 سنة جميلة مرحة تحب من تتزوجةلا ترغب فى الانجاب تحب ان تعيش فى حب وسعادةلرجل متزوج ويعيش فى نكدمع زوجتةاول حظة الاسودلانةيحب المرح ويحب النساء بشكل جنونى لانة محروم من حقوقة الشرعية مع زوجتة1 بسبب برودها الخرافى الذى انتابها بعدانجاب اطفالها الثلاثةمع ان هذا الرجل طبيب ويعمل بالسياحةو موفور الصحة و المال وعمرة50سنة فهل من مجيب ؟؟؟؟

shimaa said...

مش هاقدر اقولك غير انك بجد ما شاء الله قولتلي الي بجد كلنا بنقوله جميل جدا مشاعرك بجد انا سعيده بيكي

santiagoo said...

يسعدنى رأيك http://hossam-santiago.blogspot.com/

Anonymous said...

السلام عليكم

المدونة بتاعتك جميلة خالص و بقت مشهورة جدا ما شاء الله انا قريت عنها فى الاهرام و دخلت عملت بحث و لقيتها على طول ربنا يوفقك بعريس يكون جدع و يحبك
انتى عارفة انا حاسة ان صيدلة دى نحس انا فى كلية صيدلة و من ساعة ما دخلتها و الدنيا اسودت فى عينى و مش باينلها ابيض خالص و كمان مش عاوزة اتجوز الا لو حبيت اوى دا انا حتى بحس ان قرار الجواز دا اصعب قرار

يالا كله على ربنا و ادعى ربنا و ربنا يقدملك اللى فيه الخير

سلام يا جميلة

mody said...

صباح الخير
مش عارف اكتبلك ايه
المدونة جاموت موت أكيد صاحبتها دمها خفيف زي المدونة
بس بجد انا زعلان منك
طلبت منك استشارة وطنشتى ياترى ليه
مثلا جالك عريس واتلبختى ومش عارفة تتصرفى ازاى من المفجأة
ولا بعد الشر حد اتقدملك وانتى ماكنتسش عارفة
هاقولك على حاجة خلى ماما تعملك طاسة الخضة واشربى مشروب قوى جدا زى الشاى بالياسمين هاتبقى زى الفل
ياغادة من فضلك
قلتلك المرة اللى فاتت محتاج مشورتك ورأيك فى بعض الأمور الخاصة بمدونتى
ياريت تساعدينى
انا سميتها
خلاص مش هاتجوز
شوفيها وعايز منك تعليق
صدقينى محتاج افضض زيك وزى شباب كتير وبنات كتير مش عارفين يفضفضوا
مستى منك الرد
ياأحلى غادة

mody said...

مرحبا غادة
اولا انا جدا واخد على خاطرى
هو انا طلبتك للزواج مثلا ومطلعتش راجل ده انا طلبت مشورتك بس فى ازاى اكمل شغلى على المدونة بتاعتى
صدقينى انا مش عيان ولا حاجة ولا محتاج أدوية من الصيدلية ببلاش يعنى بس ردى علشان اعرف انك متواصلة مع الناس اللى بتكتبلك على المدونة الخاصة بيكى
على فكرة لازم بعد الفرقعة اللى حصلت ليكى فى معرض الكتاب تكونى على قدر المسئولية اللى عليكى وانا واثق انك هاتكونى بحجم تلك المسئولية
مدونى اسمها
مش هاتجوز خلاص
ماشى مستنى ردك من فضلك
مودى

asmaa said...

أنا صحفية وكنت عاوزة أعرف تليفونك علشان عاوزة أسألك فى حاجةمهمة

د. محمد داود said...

أولا أنا مجوز .. خدمة 27 سنة ... قولوا ماشاء الله ... ومبسوط ومش عايز أجوز تاني ... ومتابع اللي بيحصل ... وملاحظ ان الأزمة الاقتصادية التي تحققت على يد حزب - اللي بنتقدم بيهم - .. سببت عنوسة للشباب والشابات ... خلت الجواز من رابع المستحيلات ... ومابيجوزش النهاردة الا وارث أو عائد من الخارج بعد عمر طويل ... عايز عروسة صغيرة يخطفها ويطير أو يزين بيها بيته ويسيبها ويسافر ... ويبقى يطل عليها شهر في السنة ... جواز طياري .. المصيبة ان العيلة اللي مرعوبة من شبح العنوسة بتوافق على أي عريس .. المهم يكون معاه فلوس وعنده شقة ... طبعا دي الصورة الغالبة للجواز الأيام دي ... وفيه صور أخرى أكتر مأساوية ... المهم كان فيه فرصة كبيرة لحل مشكلة العنوسة كانت مشت فيها وزيرة القوى العاملة عائشة عبد الهادي .. لكن الكل هاجمها وأفسد مشروعها القومي ... الفكرة من اختراع لجنة ( مصر بتتقدم بيهم ) عشان يحققوا وعد مبارك في برنامجه الانتخابي ويوفروا ملايين فرص العمل ... الفكرة ببساطة أن يتم تأهيل البنات الجامعيات للعمل خادمات بدول الخليج ... والعبد لله اقترح عليها تأهيل الشباب للعمل بوابين بالخليج .. وبكرة يجوز البوابين بالشغالات .. ويخلفوا طباخين وسفرجية وسواقين وأهوجية ... ويبقى زيتنا في دقيقنا ... واتحلت مشاكل البطالة والعنوسة والاسكان والزحمة ... ويادار مادخلك شر ... وشر البلية مايضحك ... المهم المدونة دي عميقة ووراها دماغ كبير رغم مظهرها البسيط اللطيف .. ورغم عنوانها اللي ممكن يجيب لك مشاكل ... ويعرضك للغلاسة ... ولازم كلنا نفكر في حلول مبتكرة ومانكتفيش اننا نندب الحظ .. ان شاء الله افكر معاكي في حلول .

ماما نونو said...

مدونة لطيفة مبروك مقدما
و بالمناسبة انا عندى خبرة متواضعة بالحياة
بنت زيك خسارة فى رجالة كثير قوى لان المراة الذكية نعمة لمن يفهم ذلك
ماما نونو
(الاديبة نهى حماد)

Anonymous said...

موضوع جميل جداااااااااا
وبصراحه اصبح الجواز والبنات الى عاوزه تجوز عددهم فى ازياد مستمر والشباب الى رفضين مبدأ ازواج بناء على ظروف الحيا اصبحو برده كتير موت
ربنا مع الاتنين

Anonymous said...

انا اول مره اقرا المدونه بس بجد ده حال معظم البنات الي اعرفهم بس في منهم كتير بيستسلموا مش فايتر زيك

Anonymous said...

اولا مبروك علي الكتاب
و ثانيا شفتك في برنامج كلام و السلام و عجبتيني اوى
و ثالثا انا بقي مش عايزة اتجوز الا من واحد يستاهلني طبعا (شوف الغرور)

و رابعا اهلا بيكي او اى حد عشان تبقوا صحابي
fairlady505@yahoo.com

Anonymous said...

اولا مبروك علي الكتاب
و ثانيا شفتك في برنامج كلام و السلام و عجبتيني اوى
و ثالثا انا بقي مش عايزة اتجوز الا من واحد يستاهلني طبعا (شوف الغرور)

و رابعا اهلا بيكي او اى حد عشان تبقوا صحابي
fairlady505@yahoo.com

Unknown said...

أنا فاهمة أنتى بتتكلمى عن أيه أنا عندى 28 سنه و 6 شهور و بصراحة عمر ما حد أتأدملى مع أنى أشكر ربنا شكلى مقبول .. ممكن أتجوز صالونات و يجبولى عريس كده أستيراد بس أنا بكره الحكاية دى جداً و مقتنعه أنا ربنا خلق لكل واحد نصه التانى اللى بيكمله و عندى أمل أنى فى يوم أابله و لو أنى بدأت أفقد الأمل .. صحيح أنا شخصية محبوبة جداً من اللى حواليا بس محدش بيحس ناحيتى بأكتر من الصداقة العادية و كل أصحابى اللى كانوا فى الجامعة أتجوزوا و كمان خلفوا و أنا أبتديت أحس بوحده فظيعه مع أن لى أخوات و أصحاب كمان
Flying Angel

Anonymous said...

ربنا يجوز بنات مصر كلهم ورحمه بالشباب اللى عايزة تتجوز

تهاني عمرو said...

والله العظيم برافو عليك انت كاتبة هايلة

تهاني عمرو said...

برافو عليك

Anonymous said...

بداية رائعة أرجو أن بقية المدونة تكن علي نفش النمط رغم أني سمعت عن المدونة من زمان لكن أول زيارة وأتمني أن تكون كما بدأتها اليوم رائعة

Anonymous said...

عجبنى اوى كتابك يا برايد
اناعرفته متاخر من معرض الكتاب لكن فعلا حبقى من متابعينك هنا فى المدونة الرائعة دى
على فكرة انا صيدلانية زيك وفى مستشفى برضه وده زود اعجابى بالكتاب لانه نقل للواقع باسلوب جميل وساخر جدا(هما الصيادلة دول يجننوا)
بالنسبة للاخت اللى كتبت دعاء الزواج حلو جدا وربنا يكرمها عليه ويجعله فى ميزان حسناتها

Anonymous said...

بجد حاجة حلوة اوى المدونة دى
وياريت تستمرى ايا كان الى الناس بيقلوه.بجد دمك زى الشربات ولو انتى فعلا عايزه تتجوزى
(يارب يرزقك بابن الحلال )
ومبروك على النجاح الهايل ده
على فكره انا مشتركة فى كل المدونات الخاصة بالكلام الكتير عشان كده اسم شهرتى غلباوية

Anonymous said...

بجد دمك زى العسل
وخفيف زى الشربات
مبررررررررررروك على النجاح الهايل ده

Anonymous said...

الله عليكى زى العسل
بجد المدونة بتاعتك جامدة اخر حاجه
وعلى فكره اناشوفتك فى10مساءا
وبجد انتى زى القمر وتستحقى واحد يليق بخفة دمك.بجد

مجنون وبس said...

وبعدين المشكلة اننا كده وهنفضل كده يعني كده او كده احنا كده ولا ايه مش برده كده؟....وحتي لو كده مش كده يبقي لازم نبقي كده عشان كده وكده وكده....علي فكرة انا مش كده بس حبيت اقول كده عشان اوضح حالتنا في مجتمعنا يعني وكده

انسانه عادية said...

نفسي افضفض معاكو بس ازاي اعرض الفضفضه دي ممكن حد يفيدني

wanna b a bride said...

إبعتي فضفضتك على الميل

wannababride@yahoo.com

في إنتظارك
:)

Anonymous said...

يا ستى وانا كمان كنت عاوز اتجوز بس خلاص مش عاوز مش لاقى عروسه تناسبنى معظم البنات تفكيرهم سطحى وعشان كده ما شفتش واحده شدتنى الى بيت اهلها لذلك هاقضيها شات وانسى كل البنات
egy_phantom2010@yahoo.com

Brunette said...

على فكرة بقة انتى زى العسل بجد و بتفهمى و قريبة منى جدا فى التفكير
انا عندى مجموعة نوتس عن نفس الموضوع اللى تقريبا عملنا كلنا عقد و كلاكيع و
هيأعدنا على انفاس اهالينا
نهارك زى الفل يا برنس :D:D:D:D

vogel said...

hi kol 3id we entom bkhir we salama .
enti 3amlti shi2 gamil gor2a we mwagha b2slob mobtker we btr2i kolha zo2 bt3bri 3an 7a2 most7aq lkol bnt

Unknown said...

انا عارف ان الكومنت ده جاي متأخر خمس سنين...بس انا حبيت ارجع لأول بوست للعبقرية برايد لأني للأسف مكتشفتش المدونة الا قريب و للأسف فاتني حاجات كتير و كتب طلعت و ناس ربنا وفقها...انا مش بنق انا بقول كده من اعجابي بالأسلوب الناجح في التدوين اللي بدأ ينتشر الأيام دي و اللي استخدمته الأنسة برايد بطريقة ملكت عقولنا و شدتنا ليها مش ف مصر بس...ربنا يوفقك دايما يا استاذتنا و نشوفلك روائع احسن من كده...وانا ربنا معايا عبال ماعرف الم كل اللي فاتني من ذكريات المدونة...بس معلش..ماهي النجوم صورتها بتوصلنا لامعة براقة في حين انها ممكن تكون اتطفت من الاف السنين...ربنا ينور نجمك دايما يارب...

sara said...

انتو بجد دمكو خفيف اوى

EL pRiNcEssA said...

http://yrbya2lbytmoot.blogspot.com/
اتشرف لو شاركتيني ف قراية اول مدونة ليا

dodda said...

أنا عاوزة اقول حاجه والنبى واقفة ف زورى مش مهم اننا عاوزين نتجوز ماده حال الكل المهم ان وربنا ما في رجاله عليها العين اللي تقول انا عاوزة اتجوز الراجل ده
وده يا حرام للاسف

engystory said...

انا تقريبا زي الاخ حسني... اللي وصلك متأخر اوي.. وانا وصلت متأخر اوي..اوي.. ومش العبره بالتأخير.. العبره بالتفاعل اللي جاي.. ربي يحفظك ويصونك بنجمك اللي لمع دلوقتي.. انا معرفتش البلوجر غير على ايدك وانا بدردش دلوقتي انا وصديقي على المسلسل التحفه وفهمني ايه البلوج ومين برايد ورساني عالليله كلها :) وانا كنت لازم آخدها من الاول عشان النق يبقى من اولو برضو (ما شاء الله عليكي) عموما انا احييكي وسعيده بيكي وكان لازم ابدأ من الاول لانك مالكيش آخر.. واولك مش آخر.. بالحق اللي فتح السيره بيني وبين صديقي اني بقى عندي 25 سنه وحبه ولسه مش مرشبطه.. معاكي انوج من اليكس

Anonymous said...

Dear Bride,
my name is nadia from morocco, 30years old. I got married to my brother's friend 4 years ago. one year after being married, I had a child and got divorced.he was an engeneer and 4 years older than me. first time he proposed, I hesitated, but people keep on telling you things like you 'll be fool to miss this "lo2ta" man. things had bever worked between the both of us. in brief, if any one of us is looking for marriage just for the title by marrying the wrong guy and get divorced, it is better not to get married at all!!!!
by the way YOU ROCK!!!
P.S :to menZ, we WOMEN are not for granted.

dodda said...

عارفه يا عايزة اتجوز ايه اللي عاجبنى بجد ف المسلسل
لنى بجد بيحصلى حاجات منه
يعنى يوم بتاع الاب يروح يجيب الجاتوه والام والعروسه ينظفوا الشقة ده وربنا حاصل
لا وفيه كمان اللي يحاور يسبل ولا يعمل حركة رخمة تضايق وفاكر انه كده يعنى بيجبر بخاطرك ماهو انتى مش لاقيه
ولا العرسان اللى امر بتخليهم يجر البيت وهما مش مناسبين ع الاطلاق ع اساس انهم يفتحوا الباب
ولا تقولى سنك وامك تبصلك اوووى كانك بتقولى كلمة تحذفها الرقابه مع ان 29 رقم كويس ومش عيب

Unknown said...

والله برافو عليكى
انتى عبرتى عن مشكلة ناس كتير بيخافوا يجيبوا لها سيرة بيمثلوا انها مش موجودة
يعنى بيقلدوا النعامة

لكن انتى مش نعامة

انتى كاتبة لذيذة جدا
وكمان كتاباتك بتقول انك إنسانة تستحق كل خير

Anonymous said...

الجواز ده قسمة ونصيب
ولكنه أصبح ضروري جدا في زمن الفتن اللي احنا عايشين فيه


http://www.arabicebook.com/publishers
/publisherbooks.aspx?pid=209

Anonymous said...

الجواز ده قسمة ونصيب
ولكنه أصبح ضروري جدا في زمن الفتن اللي احنا عايشين فيه


http://www.arabicebook.com/publishers
/publisherbooks.aspx?pid=209

وحيدة لأشعار آخر said...

كأنك تتكلمين بلساني,, والصدفة انا مثلك صيدلانية لكن مو مصرية, ولما شفت المسلسل كنت مثل اللي على راسه بطحة
الناس ينظرون الي بشفقة لاني ماتزوجت, وبعضهم يعتقد انّه بية شي غلط
غير ظلم الأهل والأخوة

وحيدة لأشعار آخر said...

كأنك تتكلمين عن حالي, والصدفة انا صيدلانية مثلك لكن مو مصرية,,
اشكر شجاعتك اللي عرّت مجتمعنا,,
الناس ينظرون الي بشفقة وبعضهم كانه بية شي غلط,, لو يتركونا بحالنا,, طبعاً هذا غير ظلم الأهل

Anonymous said...

بيقولوا الجواز نصف الدين...لكن بعد الجواز حيطير النص كمان ..ويبقى الواحد بلا دين هههههههههه

Unknown said...

قصة المسلسل ممتعة ممتعة ممتعة وظريفة وانت ايضا انسانة ذكية جدا جدا وفي الحقيقة انا كعازبة ترفض الارتباط لم تكن لدي رغبة في البدئ بمشاهدة المسلسل ولكن بدعوه من الاصحاب بقيت مدمنة واذا لم اراها على التلفاز رايتها على النت
ياريت تقبليني صديقة ولو اننا هنتخاصم كتير انك عاوزه تجوزي وانا مش عايزة
بس يا ترى انتي فعلا شبه هند صبري ؟ لان كده تبقه العرسان اتمعت فعلا واوو انتي حظك تعبان اوي
نور صاحبة مدونة مقهى عازبة
http://singlecofe.blogspot.com/

No Name said...

بداية موفقه تمنياتى لك بالسعادة
تحياتى لك خالد المصرى
www.goo7a.com